THINLUNG KHAWNGAIHTHLAK-6

 

 THINLUNG KHAWNGAIHTHLAK

CHAPTER 6


Ririni Khiangte Abbra Pitartei



Ka bana Lucy-i'n min lo kuah takah chuan u Mapuia lak aţang mit la sawnin ka en thuai a.



"David-a te ho pawh an lo thleng ve tawh asin" a lo ti a, kan piah deuha kan department mipa te lo kal phei mek chu ka va hmu zui zat bawk.



Kan dinna an lo thleng phei chu a enga mah hmain an nui vur vur hlawm a, "eng nge inhriat a?" ka lo ti nghal hlak bawk. Mak deuh maiin ka dinhmun vanga mahni insit rukna ka neih te kha a bo duak tawh a. Ka lo ngaih angin min en hrang lo a, kum eng emaw zat chhung class khata kan awm ho tawh vang khan min lo ngaina ve em em zawk tih te pawh ka hmu thiam ve ta bawk.




"Pi Ahriati kha i ni tawh mai dawn sia, amak alawm," tiin an nui zui ham ham a.


"Biak in hming lam hunah pawh Nula nilo in Pi tih an hmang zel tawh dawn a, i hming an lam leh hun chu 'i awm' lai ve țut țut tawh dawn a nih hi" te an ti zui a.



"Nghal suh u aw. Nangni pawhin rin loh deuhin in ti khut lo ang tih a hriat miah loh," ka tih ve chuan an zing a nupui nei hmasa ber tur a an rin chu an sawi zui sap sap hlawm a. An zavai chuan kan SU Sangsanga chuan a neih hmasak ber an ring vek a. Ani lahin a lo duh lo nasa, pha nuah nuah pahin a nghawng hnung lam a tuai a tuai mai.



Chutia ka zirlaipui te nen kan lo phul hluai lai chuan ka hnung lam ațang taksa nghet țha zet hian min lo kuah hmiah a. Tu nge a nih hrilh nawn ka ngai miah lo bawk.



"in lo thleng thei maw?" tia ka țhiante be pahin a khabe chu ka darah a lo nghat zui zat bawk.


"Hei, a hmun hma hria in tiber pa hian peng lo awm hmasa zawk ah khan min pen pui daih a, kan va bo nek alawm," ka țhian te pawh chuan lo tiin an nui zui ham ham bawk.



"Awi, in bo vel amaw" Lucy-i chuan a ti a, a la nuihzat chhawng ve em em zui.



"Bo pek e, hepa hian, 'hetilai hi' tiin hma a hruai miau alawm," an ti a.



U Mapuia pawn, "kal khat chuan khi ti lai peng ah zawk khian pen mai a awl viau ania," a ti ve luam a.



"A hmun kan va thleng phei chu midang an lo awm ve nak nak tho sia, Bike pawh kan hung fel hman vek. Kan va lang hlawl kha spot hmang zo haw tawh tur a insiam mek tawh te'n min lo hmu thut chu an bangbo hlawm teh asin," tiin an nui leh hawk hawk a. An sawi hmang aţang chuan picnic spot pakhat hmang tu te haw tur a inbuatsaih mek te an va pawh hlawl a nih hmel a, U Mapuia pawh a nui ve huk huk mai.



Stage ang reng deuh ah chuan live perform tur te pawh an inremfel tawh a, keini ho pawh țhutna lam panin kan kal ta sap sap hlawm a. Thli lo thaw leh deuh vuk țhin karah chuan ka kut chu u Mapuia lahin chelh tlat a, a bul a kal paha ka melh chho ralh chu min lo nuih let ruh ruh zel a. A kamisz hma kilh kha a phelh țhen nual bawk nen amah a palian thelh thawlh bawk si a, a lang HOT asin aw.


An live band sawm te chuan hmangaihna hla lungrun tak tak hlir an lo sa chhuak a. U Mapuia chu chair ah a țhu awn duai a, a malchungah min pawt țhu tlat a, ka kawnga min kuah run chungin a khat tawkin ka darah khabe a lo nghat a.





Thawk a lak ruala ka beng hnuai lo za mam mam țhin vang chuan ka hahdam hlei thei meuh lo. Midang te lahin innei thar kan nih vangin U Mapuia chet phung engkim chu thil nih dan tur reng angin an ngai vek amaw tih theih turin min fiam lem hlei lo va.




Hla panga zet an sak zawh hnu chuan an zaithiam ber chu a chawl ta rih a. Musician lam erawhin rimawi chu an tum ri riai riai reng a. Boruak ti dai tur tingin a khat tawkin thli a lo thaw leh hak zel a. Ruah erawh a la sur mai bik lo. Kan hun hman zawh hun min nghak ve te pawh aniang.



An singer ber chuan tui in pahin u Mapuia nen a kan awmna lam chu zawhna nei hmel pu deuh chungin a lo hawi a. U Mapuia'n a chal zawnah a kut țang pahnih a tih chet zauh rualin zaithiam chu a nui ta suk a.


Eng emaw in signal hi an ang tlat a hriain u Mapuia chu ka thlek nghal ha bawk, "ngati nge a?" zawite a ka tih chuan, "hla ka thlang a nih kha," a lo ti ve mai a. Rang zetin ka hmui a lo fawp zui hmiah bawk.



Midangte hmuh lai a min fawp chu ti awm lo ti lutukin a awm chu ka chum sak țalh a. An mitmei veng zetin midangte chu ka melh kual nghal ruai bawk. U Mapuia chet dan kha an lo hmu a nih pawhin min chhaih duh tur hmel pu erawh an lo awm lo a. Ka thaw huai tak nangin ka zak chem chem tho.




U Mapuia ka en leh chuan ka lai lutuk chu a lo nuih puk suk suk a, a awm hrawl pui a ka kut nghah chu a la kang a. Tawrh harsa zeta min melh run chungin ka kutțanga kan inneih zungbun chu a fawp zauh bawk.



"Midang awm lai chuan ti tawh miah suh, a zahthlak," hau ti tih pahin ka ti zui hram a, a ni lah chuan, "hmeichhe dang nilo in ka nupui alawm ka fawh le," a lo ti hluk duh lek lehnghal. Rum deuh in ka melh deuh kha kha a, awmzia erawh a awm viau lo. A mitmeng thim ruih ah chuan cho-na bakah a nupui ka ni chu thup buai tumna a nei dawn hauh lo tih chu ka hmu thiam a. Min chona mitmeng chu rei en let ngam lovin rimawi a lo rik leh rualin ka hawi sawn nghal daih a.




U Mapuia chu a nghal tak tak asin aw. Chutia ka lai hawi sawn chu zawite a min nuih pahin a awm ngheng turin min pawm bet thut a, ka tal tur chu hrelawk ang hrimin, "che hlek suh, i chet chuan ka fawp leh dawn che a nia," tiin ka beng bul ah a lo rum zui hawk bawk.



Sual thiam ti deuh hian ka melh ram ram reng. Eng ah vak a ngai duh der bawk si lo. Lungawi hmel pu zet hian a țhu run a, a țhiante pawhin nupui a nei chu an lawmpui tak zet a. Amah lah nupui nei rual tawh tak a lo ni tawh bawk nen, hetia kan han innei ta hi a hmai a uang hle in ka hria.



Zaithiam in u Mapuia hla thlan a lo sak lai chuan a țhiante chu an ri hlut a. An fiam hluaina vanga u Mapuia kiai suk suk țhin chu ka melh ve ralh ralh a. Mahse, an fiamna țawngkam erawh ka man thiam mai lo. A țhian kawm ve ber u Allan-a meuh pawn fapa kum 5 rual vel tur a nei tawh a. Midangte pawh hi kawppui nei tawh deuh vek an ni hlawm a. Chung ho infiamna țawngkam chu tawn hriat la nei vak lo tan chuan man thiam zung zung a harsa lam deuh chu a ni.


I would never fall in love again until i found her
I said " i would never fall unless it's you I fall into"
I was lost within the darkness, but then I found her
I found you


tih lai Zaithiam in a lo sa thleng chu a awm ah nghet deuhin min kuah bet hlu hlu a. A khabe ruh kual hrawl zet hnuai ațang ka en chho chu muangchangin min lo en let ve in ka khabe a lo dawm a. A lungphu lo rang zui dawt dawt leh a mitmeng thutak lutuk vang chuan min fawp leh mai dawn amaw ka ti hman hial a.



Mahse, u Mapuia chuan thutak leh zawi tak mai hian" 'nang i nih loh chuan tu zunah mah ka uai ngai lo ang' tiin thu ka tiam a," a lo ti chhuak ruih a. Dimte in a kutzungpuiin ka hmui a lo tuai pah bawk.



Duat hmel zeta min melhna mitmeng chuan min aikaih zo niber in ka hria, ka melh let ve kal a, kan inkar boruak chu thu a sawifiah dan ka thiam lo.




"Chu thu ka intiam țum ațang chuan nangmah chiah hi ka thinlungah i riak ta bawk. Kan pahnih hmalam hun tur atan ka inzir a, nuamsa taka ka siam theih nan che rim takin hna ka thawk bawk a. Nang hi mipa dik tak ka nihna ka lan chhuah tir na tur; ka tan a siam bik, beiseina nen a ka nghah chhuah ka nupui i nih hi," a rawn ti leh a. A aw ril ruih chuan engthil nge ka tihtir inhre hman lekloin min siam a. Nghet deuhin ka ban chu a nghawng ah ka suih bet chawt a. Ka hnung lo chul paha U Mapuia thaw chhuak huai lai chu a beng hnuai ah ka fawp zui vang vang a.




Tun a ka chet dan hi eng thil vang ber nge a nih ka hrethiam mai lo. Mahse, beiseina reng reng nei miah lo a hringnun ka hman mawl tawp lai khan beiseina nena nghak tu ka lo nei reng zawk a. Chuthil chu ka hremiah lo chung pawhin ani beiseina te chuan min venghim a, tun hun thlengin ka nunna meuh pawh a hruai ni in ka hria. Chu ka ngaihdan, mi pakhatin beiseina te nen a min nghah vang ngawt a nung dama la awm ve a ka inngai chu a atthlak hle ang tih pawh ka ring. Mahse, dam chhan nei lo a inngai si, mahni nunna la tur a ka huaisen tawk ngai miah chung silo te kha beiseina nen a nghak reng tu ka neih vang bak a ni lo ang. A ni miah lo ang.




Rimawi a tawp ruala kut beng dar dar thawm a lo awm rualin kan awm dan chu ka hrechhuak thut a. U Mapuia lak ațang ka inlak hran ruala midangte lo nui tur hmel chu ngaihtuah zawng ringawt pawhin zah vangin ka sa pup pup a.



U Mapuia chuan ka awm dan chu a lo hrethiam aniang ka bengbul ah zawi sup hian "zak duh mah te che," a lo ti dut a. Zaithiam lah chu a zai zui tawh mang bawk si lo nen kan pahnih ah chuan awm ve te mit chu a fu țhup a hriain u Mapuia chu ka kuah nghet zual sauh a.



"Min en em?" ka tih chuan a nui chhuak huk tawh. Ngei zetin a dar ka seh sak vak a. A lo si hluk a, "midangte hian min en em?" ka ti leh hrak a. Nghet deuh a min kuah țha sauh sauh pahin ani thung chu a lo nui chur chur tawh a.



A tawpah chuan uang zet hian, "Le, a lo hawi chhuah lai hian min lo en miah suh u aw," a ti ta roh a. Midang te chu an nui zui ham ham bawk nen a dara seh sak leh hramin ka awm hrang ve ta a. Ka han hawi chhuak chu an zavai mai chuan kut an lo beng dur dur a. Ka lai lutukin u Mapuia zawk ka melh rum lahin ka hmai hliahtu sam chu a lo hui kiang sauh sauh mai si. Ka sen chhuak vekin ania ka rin.



"Zak duh suh, an tih hnu vek tho a nih hi," ti sup sup paha a coat ka hak lai a lo siam țhat chuan, "nangmah vang vek a nih hi," ka lo tih khum kha kha a. A zak ve duh mang bawk silo chu ka ngei phah lek lek zawk.



Zan dar 10 a rik dawn ah meuh chuan, 'ka nghak rei tawh bawk che u e' lo tive ni awm takin thli thaw ah chuan ruah rim a lo nam tel ta a. Khawi emaw laiah phei chuan a tla vak tawh hial mai thei a ni. Kan țhiante ho pawh țin turin an inbuatsaih sang sang hlawm a. Keini nupa leh midang tlemte te erawh hetah hian kan riak dawn thung a. Kan awmna hi nikum maia u Mapuia Putea te picnic spot din thar a ni a. Spot thar a nih bakah Spot awm tawh dang te aia thil engkim a changkan zawk avangin booking pawh thla hnih chhung tawp te a full zel a. Booking ti duh te tan pawn thla hnih hmalam a book fel zel a ngai.




Bike a haw tur an nih avangin David-a te chu an Bike hunna thleng Lucy-i nen kan zui ve a. Mipa lam chuan, "In pa tur chu a zahawm ngawt mai, a duat thiam dawn bawk si che a i vannei a nih hi," an ti ve luam hlawm a. Vid-a pawn, "A dik, Ahriat nangpawn nupui țha deuh nih tum la aw, u Mapuia ang hi an vang tawh dawn tih hriain duat let thiam ve bawk la," a ti ve duah a.



Midangte chuan an fiam nak nak hlawm a. Mahse, kei ang bawkin David-a rilru put hmang chu ropui an ti ve tho in ka ring a ni.



Collage kan rah tirh te ațangin min duh der ve a. Tun ang lai ah phei chuan mipa țhenkhat rilru put hmang hi a mak tawh em em a. An hmeichhe duh zawng te'n an duh let ve loh avanga ti mualpho zui hreh lo. Social media lama fake ac siam a troll hmingchhe hreh lo tu an kat nuk tawh a. A țhen phei chuan zirna chhunzawm hlei thei lo khawpin hmeichhia te dan chep an hreh tawh lo hial bawk. Chutiang chu an ni kum rual mipa țhenkhat te chet lak duh dan a ni chungin ani chuan min fuih sauh sauh zawk a. A kum a la naupan ve tehlul nen a rilru put hmang chu a puitlingin a ropui ka ti takzet.




Kan țhiante tlan chhuak chu midang te pawn an zui ve ta zel a. Lucy-i chuan, "tluang taka inneihna kan hmang zo thei hi alawm awm e," a ti vang vang a. Chutiang te chu ngaihtuah nachang ka lo hre ve leh pek lo.



"Tihi chuan nula i ni tawh lo tak tak ta mai a," a ti leh a, ka melh hrak ringawt. Gate lam aţang building lam panin kan inzui phei zel a. Car a lo tlan te chuan kut min lo vai lawp lawp hlawm a. U Mapuia țhiante chu mi puitling tak tak vek an ni hian ka hria.




"Mumang a ang ka ti e," ka țhian-i'n a tih leh vang vang takah chuan a thil sawi chu ţawmpui zetin, "ni ngawt mai. I neih hmasak ka ring țhin a. Keichu pasal neiloin ka leng tlang ang te kha ka ti ve țhin sia," ka ti let ve thuai a. Thli a tam bawk nen sam phe lawp lawp chungin kan han nui leh rih a.



"Enteh," ti sep pahin min din pui dat a. Kan chhehvel ah awm ve an awm leh awm loh chu a thlek kual leh phawt a. Kan hlat deuh takah chuan awm chu an la awm a. Ruah sur hma ngeia hmanrua te inkhungfel hman tumin Band te pawh an phu suau suau a.




"Kha, u Mapuia'n palai a lo kal tir dawn tih kan hriat zan a kan thil sawi te kha..." rilru hreawm hmel deuhin a lo ti ta hap a. A sawi tum chu ka man thiam nghal mai bawk.




"Enteh, khata kan thil sawi ho kha chu theihnghilh daih rawh. U Mapuia hi nei hlen ngei ngei rawh aw. Ka thil sawi ve te pawh kha u Mapuia mizia ka hriatchian hmaa ka sawi mai mai ah min ngaihsak la. Nangpawn i rilru hi thlak tum rawh," a lo ti ta chiah reng a. Chhang let lovin ka ngawi reng thung.




"U Mapuia bul ah hian i hlim ber dawn, chuvang chuan maw rilru dang pu reng reng suh aw. Vawiin te khan..." a tih lai chuan ka lo ip deuh chaih a.



"Inneih thutiam inchham laia i awm dan kha ka hrethiam vek alawm. Kei chauh niloin u Mapuia pawh khan a hrethiam ve tih pawh ka hria," a ti leh chu ka nghing dawt mai in ka hria.




Lucy-i bawk chuan, "Ka dem miah lo che.. Kei lahin thil ka hriatchian hmain thil nilo lo ka lo sawipui vak bawk si che a. Mahse maw Inneihna kha thleng lo se ti niawm taka i awm lai khan u Mapuia hmel ah khan natna ka hmu asin. A awmzia i hria em? Ka thil sawi țhin te kha an dik. U Mapuia hian a hmangaih tak zet che," a ti leh a. Ka chhang let miah lo nangin ka awm chhung chu a rit deuh luk a. Ka bing mup mup ni hian ka hria a. Ka rilru put hmang a lo hriat vek vang em ni, 'i rin aiin ka hrechiang ang che' a lo tih. Lo hre vek tur ang a ka hriatna chuan min ti țim chuaih chuaih thei mai.




"U Mapuia kan hriatchian hmaa kan ruahmanna kha chu theihnghilh daih ang. Tun ah chuan kan hrechiang ve ve tawh a. Ani hi i tan a țha ber tur chu a ni a. Ahriat, rilru dang pu miah suh aw.. i rilru i sawhsawn loh chuan thiamlohna nei ve ang ah ka inngai tlat dawn a nia," ngenngawl zet hian a ti leh mawlh mawlh a.




"Biak In chhunga ka awm dan kha i lo hria amaw?" zawite a ka tih chuan, "hria e. I dang var pap a, u Mapuia lah kha Biak in ațang i tlan chhuak duh mai dawn a hriain a hlauthawng em em bawk a. Ka khawngaih ve ve cheu sin," hawi sawn pahin thawk a la zui halh a.




"Hmeichhe tan chuan min hmangaihtu te tluk a hlu an awm lo," a lo ti leh deuh ringawt a.



Eng emaw lo sawi leh a tum lai takin u Mapuia țhiante haw tur chuan min lo tlan pelh a, Lucy chu a ngawi zui dat a. Mahse, engmah sawi belh lehna hun awm tawh lovin Band te kha an sound system zawn in an lo kal phei ta zel bawk nen, "kal phawt ang, nakin ah kan la sawi țha leh dawn ania," tiin ka ban a lo chelh a.




Kan riahna tur building kan thlen phei hma deuhin Lucy chu a ding leh dat a. "Uii. Kei hi ka hak thlak engkim u Allan-a car ah ka dah vek. A haw tawh ang em le?" mangan hmel deuhin a ti ta tung a. A hawi kual zui ruai bawk.



"A la haw lo ang, lo kal rawh va zawng ang," ka ti hman chauh a Pool sir lam ațang u Allan-a chu a lo chhuak ve hlawl a. Lucy-i chuan hmanhmawh deuh hian a pan zui zat a.




Thil awm dan a hrilh hnuin u Allan-a pawn a Car chahbi chu a lo pe ve mai a. Lucy-i lo tlan let leh chuan, "hei, ruah a lo phingphisiau tawh a nia. Lo va lut rawh keimahin ka tlan zuai mai ang," a lo ti nghal bawrh bawrh a.



Chak deuh a min lo tlan pelin Car inhunna lam chu a pan nghal a. Keipawh ruah a lo tlak phiau phiau tawh avangin midangte awmna lam ah chuan ka tlan phei thuai a.



Kawngkapui a ka va dak lut hlawl chu Meme-i'n min lo chiauau thuai a. U Chawiteii te chhungkua nen ani pawh hi hetah an riak ve dawn a, u Chawiteii pasal pawn min lo nuih leh var var tawh. English zel a inbiak a ngaih avangin ani hi chu ka la be tlem khawp mai.


"U Mapuia hi khawi ah nge a?" ka ti ringawt a. Mak deuh maiin an In a chaw ka ei hmasak ber țum kha ka hrechhuak zawk a. Khami țum pawh khan amah kha ngei viau siin a awm ve loh chuan a chhungte bul a awm kha ka la zak tlat a. Ngei viau siin a awmna ni a an sawi lam ka pan tho a nih kha...



"Awi, midangte inthlah amaw ka tia.." Meme-i chuan a lo ti hlut a. A u awmna chu a hre bik lo a nih hmel.


"Khawnge Lucy" a ti zui ve zat a. A kalna ka hrilh chuan, "ani te pawh hi a phi buai chi ve tho ani hian ka hria. Zanin chu kan riak dun dawn bawk a. I chanchin ka zawt nasa ngawt ang," naupangchhia deuh hian a ti lang lang a. Ka nui ringawt.



U Mapuia chu a lo lang mai si lo nen Meme-i lah u Chawiteii fapa video en tur zawn sakin laptop a khawih zui mial mial si a. Tumah hrilh tawh lem lovin ka kal chhuak leh a.



Piah deuh ațanga ruah hnuaia Lucy-i lo tlan phei chawn chawn chu ka lo nuih a. "Hei hi kan riahna tur ah ka dah phawt dawn" tih leh an riahna tur In te lam ah a tlan lut nghal a. Keipawh chu bathlar hul chin ah chuan ka tei kual mai mai a.





Lucy-i thil sawi avang khan ka awm a nuam chiah tawh lo. U Mapuia hi țhen leh tum sa chung a nei ni mah ila na tak a siam kher chu ka duh bik miah lo.




Thinlung rit zetin ka thaw chhuak hak a. Ngatinge a nat pawh chu ka hlauh tak em em mai le. Palai a lo tir dawn tih ka hriat țum a ka huat em em ang khan haw reng thei ila, tichuan thil engkim a awlsam vek tur.




Ka nu leh pa te nupa vanga inneihna chungchang ka ngaihdan lah chu a la ngai reng a. Pasal neih hi ka duh lo. Chhungkaw din pawh ka duh chuang lo. Fa neih leh lek phei chu khawvel a ka thil duh lo ber a ni.



Ka piah deuh ațanga thawm lo chhuak thut avang chuan ka ngaihtuahna vak kual vel nasa lutuk chu a tawp vek ni maiin ka hria. Ka dinna ngaiah chuan ka ding deuh ren rawn a. Mahse, U Mapuia te țhian dun an nih ringin thawm lo chhuahna lam chu ka pan ta zawk a.



Bathlar hrul zel ah chuan kal pheiin building sir lam chu ka zuk hawi thla a. Ka mi va hmuh dun te avang chuan ka ding zui chat bawk.



"Cecilia, mualpho theihna tur chuan awm țhin lo teh," u Mapuia chuan a ti nghut a.




A hnung lam ațangin Cecilia-i chuan a kuah bet tlat a, Cecilia-i kuah behna phelh sak tum paha u Mapuia lo hawi chhuak chuan min rawn hmu ve nghal a. Kan mit a han intawng chiah chu sawifiah thiam siloin ka thin chu a lo phu rang dawt dawt a.




Ka va hmu thut chu amah pawh chuan a lo beisei bik lo aniang a ding khawng zui ut a. Eng thil nge ka hriat tehreng ni u Mapuia chu tawite a nuih sakin rang zetin ka inher san a. Midangte awmna lam panin ka kal zui hlawk hlawk a.




Min lo um zui nghal tih pawh a thawm ațang ka hre thei a. Ka pen chak zual sauh a, "Ahriat" zawi ruiha a lo tih chuan a tlan in ka tlan tawh.



An riahna tur ațanga Lucy-i lo chhuak nen chuan kan intawk hlawl a, "Khawnge i lo kal hman a?" tia min zawh chuan u Mapuia pawn kan bul a rawn thleng chawp chilh nghal a.




"Eehh, in lo kal hrang leh hman a ni maw?" ti pahin Lucy chuan ka bul a mi nen chuan min melh dun ralh a. Kei erawh nichin lawka ka thinphu lo rang dawt dawt avang khan ka thawk lak a la pangngai thei lo.




"Lut ang u, ruah a sur nasa bawk si, midangte pawh hian mut an duh tawh mai thei a ni," Lucy bawkin a tih leh lai pawn u Mapuia chu ka melh duh miah lo a. Ka țhiani ban ah chuan chelhin Meme-i te awmna ah chuan ka luh pui a. U Mapuia pawn min lo zui lut ve zel a.



U Chawiteii chuan, "Mam, Band te kha an intifel hman meuh maw?" a lo ti a. Ngawi rengin Chair ah ka țhu a, u Mapuia chu ka melh ve ta nge nge a.




Kawngkapui bula dingin ngunthluk zet hian min lo melh run tawh a, "an in ti fel hman chuan ka hria" tia a nau zawhna a chhan lai pawn ka lak ațang chuan mit a la sawn miah lo a.



"A tihzia hlauh e. Keini pawh hi intifel tlang ila, mut na tur lam pan tawh ang u," u Chawiteii bawk chuan a ti leh sawk sawk a.


A pasal chu sap țawngin a be zui a. Anpa pawn an fapa chu zo tak hian a pawm nghal vut a.


A mitmu dumpawl tak zet chuan duat hmel fahranin a fapa chu a melh a, " Wish for them to have a pleasant night" a ti ta in ka hria.




Chutah an fapa kum 3 pawh la tling lo chuan awm ve te chu kut min lo vai kual lap lap hlawm a, "Nighty Night," cute zetin a ti ve ngei bawk. Noah chu kan nuihpui dar dar a. Apa nen chuan an inpawm chhuak ta a.



Cecilia-i leh a țhiannu Puii te an lo inzui lut ve hnuhnawh a. Nichin a ka va hmuh khan Cecilia-i hian min lo hmu ve em ka hre miah lo. An țhian dun chu an rawn ri lut barh barh a.



U Mapuia'n ngawi ngul chungin min melh run bawk a. Meme-i lahin Cecilia-i te lo lang chu min venthawn hmel deuhin min lo en ve chiah bawk nen kan riahna tur a kal daih mai chu ka duh tawh.




"Uii, in la haw ve nange?" U Chawiteii chuan a ti hlut a. "Nia, ruah hian min dang ta daih a nih hi, Car hunna lah va kal deuh fe a ngai sia," an ti a. An la awm khawmuan rei hmel khawp mai.



"Puii nang chu i fate an tlei tawh awm bik e," u Chawiteii bawk chuan a ti a, ani pawh chuan a fate chanchin a sawi zui luam a. Hmeichhe pakhat ve tak chu a nih ka lo ring ngawt a. Car a khalh thei tih lah Car chahbi a vai vir zauh zauh dan ah a lang reng a. Cecilia-i awm dan hi a thlawp zel nge a khap ve țhin tho ang tih vel te chu ka lo ngaihtuah kual mai mai a.



Zanin pawh hi an pasal te ve ve tello in an pahnih chiahin an lo lang ve a. An țhianpa te inneihna an lawmpui ve ang chuan a ngaih theih tho nangin ngaihtuahna an ti kal thui.....



"Honey," ti sup ri chu a ring hauh lo nangin ka lo hrechiang hle thung a. Puii ti ti siam siam pawh a ngawi dat mai.



U Mapuia bawk chuan, "Lo kal rawh, i chau tawh ang, midangte chu an lo inawm hlim thei alawm," a lo ti leh nghut nghut a. A aw chu a vin hauh lo nangin a mitmeng chuan amah chu hnial hauh lo turin min hrilh a ni ber mai.



"Nia, Hriatbawih va mu tawh rawh u, i chau ngawt tawh ang. Keini ho chu tihian kan lo inkawm thei reng ania," u Chawiteii chuan a lo ti ve vat a. Meme-i pawn engmah sawi lo mah se a u chu zui daih turin min lo mitmei ralh ralh a.



Hreh ru zet a thoin ka mangțha ta hlawm a. A lam ka pan chho lai chu chesawn miah loin min lo en run a. Ka han hnaih deuh rualin ka kut a lo chelh nghal a. Midangte chu tawi tak mai hian a mangțha zui a.




Ngawi rengin min kaihna lamah chuan ka zui dat dat a. Chahbi a lo la fel tawh aniang a kekawr ipte chu a dap ruk ruk a. Kawngka a hawn rualin a mit ah pawh melh duh lo a ka ding ngawi ngal chu, "lut rawh le," min lo ti dam tlup a.



A lut ve chuan kawngka chu chhunglamah a kalh zui hmiah a. Chahbi khaina ah Chahbi a khailai chuan kan hmabak thil te avangin ka zam chhe ti tih a. Mipa nen a khum khata mu dun tur angin ka la insuangtuah chhin ngailo.



A hun a lo thlen meuh chuan U Mapuia nen a khum kan han ințawm tur chu ka rap tlat a. Ka sawi thiam lo. A rapthlak ka ti...



"Kan intihfai hmaiin inbe hmasa lawk teh ang," tih nghut paha ka kut pahnih a lo mah kawp chuan rang zetin ka phih put nghal zat a.




"Nichin a thil thleng kha i sawifiah dawn a nih chuan ka ngaipawimawh lo. A hma pawhin ka hrilh tawh che kha, inchungchang ah ka buai lo," ka ti nghal mawlh mawlh a. Kan inhriat tirha ka mize kawlhsen zet kha lo chhuak leh tawhin pawisak neih loh hmel fein u Mapuia chu ka en chho vah bawk.



"Keiin sawi ngai ka ti si a nih hi," a lo ti let ve khauh a, ner nak pahin lu ka thing a. Insawifiah turin ka duh lo takzet. Ka thik bawk lo a, kan inkar hi hla reng zawk rawh se.




"Ka chau, ka intifai hmasa dawn ania," ka ti leh nghat a, Meme-i te'n kan thuamhnaw awmna bag an dahna lam pana ka kal tur chu min lo man bet leh a.




Ka tih ngaihna hre tawh silo chuan a kut chu ka la kang thut a, a ban puam ah ka seh sak tehreng mai a!!



Ka seh na bawk aniang u Mapuia chu a lo țhen sawk a, a kut lehlam a lo lek uaih chuan kut min thlak ve mai dawn amaw tiin ip chawih chungin ka sehna chu ka thlah ta a. Ani lah chuan ka chala lo nam a tum lek chu ni in..




A banpuam dawm vang vang chunga a rum deuh hawk chu tim dai hian ka en a, ka seh thi hialin ka hria. Min lo en ve pah chuan, "i va kawlh e aw," a ti hluk a. A nui tel bawk.




"Ka sawi vek tawh kha, min ti thinrim miah suh," tiin ka vau zui ve zat a. A hlauh loh hmel em em lehnghal a.



A banpuam chu ka seh thi sak tak tak a, bathroom ah chuan lut in tui a khawh tir a, hakthlak tur ka lak chhuah lai te chuan ka inthiamlo ve tak zet tho. A insawifiah chuan kan boruak a țha ang a, nupa dangte'n inneih zan an khar dan ang bawk a kan awm ve mai ka hlau si a. Khabak kha inven ngaihna dang ka hre bik thawt lo a ni..




Bathroom ațang a lo chhuak chuan min lo nuih ruh ruh a, rum deuh a melh chungin ka lut ve nghal a. Tui lum na On mai theiha a lo awm chu a tihzia phian mai.




Vawiin khan ni a sa lo nileng a, thlan rim awm tur inven nana intleuh thuak chiah ngai mah se bathroom ah chuan rei deuh ka awm lui tlat a. A tawpah phei chuan, "Note, tui kha i khawih rei tawh viau ania, lo chhuak teh" a lo ti dut dut a.



Ka chhuah chuan boxer nen chiah a lo awm tawh a. A thuamhnaw inbel aiin a saruak thawthang taksa lan dan chu a hrawl zawk a, rei pawh melh duh loin a awm lohna lam ațang khum chu ka hel a. Ani lah chu a lo nui suk suk reng bawk nen chum chawrh ka chak tak tak a ni.




Bathroom ah a awm laia lo mutthilh daih chu ka duh a. Khum dup leh zau nuam zet ah chuan mu in ka maimitchhing zui vang vang a.




Tukin ka thawh hlim kha ni leh daih thei se ka ti kher mai. Ka mi hriatchian pawh nilo nen a khum ințawm chu a tak a hmachhawn meuh chuan țah a chhuak ut ut a. Nupa kan ni tawh si a. Min khawih luih a tum a nih ngat chuan tih theih ka nei dawn der silo.



Tlanbo thei dinhmun a ka din hun lai ah khan let leh daih ka chak. Ka chak hluah hluah!!


Bathroom kalhna inhawng ri rak ah chuan ka phu zawk a. Meng chhuak lovin ka chhing nghet zual sauh zawk a. Khum lam pana a lo kal thawm chu ruahsur karah pawh ka tiril in a lo hre thei a.




Reilote hnuah khum a lo hniam zui sut a. A hnu leh a thil lo thleng tur chu ka hmachhawn ngam ta hlawl lo.



"Min khawih miah suh aw.. min khawih chuan ka au vak dawn ania," ka ti a. Min khawih ka hlau lutuk chu ka mittui a lo tla tawp thei.




U Mapuia chuan hamhaih hmel zet hian min en a, "neih che ka rem tih vang hian nupa dangte tih ang tihpui che ka rem ti tihna a ni miah lo ania. Min khawih miah lo ang che," ka ti leh mawlh mawlh a. Vin leh khawng taka hrilh ka tum tehlul nen ka hlauhthawn em avangin ka mittui a lo tla zel bawk si.




Ka awma puan sin var thianghlim zet ka pawm bet țang lai chu a lo melh a, chutah ka mitah tak min lo melh lehin thawk a la zui huai a.




Min khawngaih hmel zet hian min lo ban a, rang deuha ka lo indan rualin na tuar niawm takin u Mapuia chu a rum chhuak hrawih a.



"Min hlau suh," a ti nghut a, ka ban rek lo man paha a lama min hmuk hnai thut ka vin zui tuarh tur chu, "hahdam teh Note," a lo ti chhuak leh hulh a. Nghet zetin a awm ah min kuah bet a.



"Min khawih miah suh aw," zawite in ka ti leh hram a. Ka ngen a ni mah ang chu.




"I rem tih hun ah bak engthil mah ka tihpui lo ang che," nghet churha a tih chuan ka ip chawih a. "Tui deuhin muhil rawh," a ti hniam leh ruih a. Ka chal ah lo fawp tawkin a mut dan a siam rem sut sut a. A awm ah min kuah bet tlat chungin ka tukhum a lo chul hauh hauh a. Chutia min khawih dawn lo tih ka rin ngam takah chuan ka inthlah dul ve a. Ka tiril lo khur nasa lutuk chu ka hre ve chiah bawk.




Rei fe hnua "Note" u Mapuia'n a lo tih leh chu ka mang hriat ruai tawh a. A thaw huai a, min kuah nghet zual sauh a. Kan chal insik tir a eng thil emaw a lo sawi leh sup sup chu hriat a bar pawh ka nei tawh lo.




Zingkar ka harh ruala ka han zirmar vel chu ka sam a lo chul tu an lo awm a. Mit ka men rualin hnai zet a min lo thlir rengtu mitmeng chu ka melh zui vang vang a.




"Kaih thawh chawp i ngai dawn a nih hi ka lo ti tawh mai asin," a lo ti dut dut a. Harhfim riai riai chunga mit ka khap sak sak takah chuan u Mapuia chu a lo nui suk a.




"I la chau viau em ni?" a lo tih leh chuan, "dar engzat nge?" ka ti let thuai a. Dar zat a lo sawi chu ka țhu chhuak rang khawp mai.




"Ngatinge min kaihthawh vat lo a," ka ti tung a. Zinglam dar 9 a lo pel daih tawh. Min lo nuih hawk hawk pahin amah pawh chu a lo țhu chhuak a. A lo insiam peih vek tawh bik chu ka ngei tak tak a ni. Khua lah chu khawvar tir ang maiin a thim ruih a, ruah a tla cherh cherh bawk nen boruak chu a vawt deuh sung a.




Bathroom ah lut in ka inphih fai nghal zung zung a. Ka va chhuah leh chuan, "Lo inthlak la, theihnghilh an nei em ka lo va en fel ang," a lo tinghal a.




"An haw vek tawh ami?" mangang ru zet a ka tih chuan, "yeap.. i mu tui reuh lutuk a ka kaitho duh lo che a nih kha," a lo ti zang vuk a.



"A va zahthlak tak aw.. Min kaitho ve mai lo a ni," ti niah niah pahin ka hmai chu towel in ka dep hul a.



U Mapuia chuan min hnaih chilh zui ruak a, engmah sawi loin ka tukhum ah a lo dawm a. Ka chal ah lo fawpin thawk a la zui ham ham a, a inlak hran ruala ka en chho chu, "Innei thar kan nih hi, kan khawtlai bik deuh a nih pawhin min hrethiam em em ang," a lo ti zui sup bawk.



Mit zim sun hian min en kual dun dun a, a mitmeng chuan min rawn phelhruak a ni hrim hian ka hria a. Ka sa pap pap a. Nizan khan kan inkar ah engthil mah thleng lo mah se ka zak leh țut tawh.



"I ninawm kal vat teh," a awm a nam dat paha ka ti chiah chu a nui chhuak ta huk huk a. Țha te te chuan kawngkapui lam chu a pan a, a chhuah dawn ah tak tak chhuan, "In hrem rei awih loh ti ila," a lo ti leh roh a. Towel a vuak tum a ka tin zuau takah chuan lu thing nghutin a kal chhuak ta a. Ka thaw huai mai.






A lo let leh chuan ka lo inthlak fel vek tawh a, khawmuang tawh lovin kan thuamhnaw dahna bag chu a ban zui vut a. Mahse, gentleman zetin ka inpeih thlap hma chu ka bulah a lo ding ve run a.




Kawng lakah te chuan a motor khalh lai chu ka mit sir ru zauh zauh reng a. Nizan vang khan lungawi lo hmel a pu lo a. Ka tana ngaihbel theih a a awm zui miah lo chu ka lawm rual rualin zan lo thleng leh tur chu ka huphurh ru veng veng tho.





An in kan han thleng chu chaw ei turin min lo nghak reng tawh hi a lo ni a. A zahthlak tak tak a ni.


Ka pa leh u Maliani te pawh an lo awm ve a. U Maliani nen chuan inbe em em lovin kan innuih var var a. Ka pa erawh ka ei lo tak zet thung.




Inleng dangte zingah chuan a ti ti ve suam suam a. Ka huat zual em em chhan chu midang zingah chuan pa nelawm pui anga a awm theih laia inchhungkhur a a suaksual thiam lutuk țhin ber mai hi a ni. Tuna a ti ti pui mek te hian a nupui leh fa te kut a thlak țhin tih hi sawi mah ila an ring miah lo ang.



U Mapuia chuan patling pakhat lam hi min pan pui a, "Note, Ka pu hi chibai rawh le, i man tur min tum sak tu a nih hi," a tih chuan rang takin ka chibai thuai a.




Putar kum 90 bawr vel tur chuan, "i pasal hian e, nupui neih a ngaihsak lawk silo a. A fa te hmu hman loin ka kal tawh mai dawn a nih hi ka ti hial țhin a," ban cherh chawrh tak mai hian a ti a. A thil sawi vanga ka ip ru chawih chu u Mapuia chuan a lo hrethiam aniang,ka darah a lo kuah thuak a.




"Ka Pa pa te unau zinga an pang ber a nih hi, an unau zingah a ni chiah hi a dam tawh a. A beng lam a chian vak loh avangin tlem a biak rin deuh a ngai ang," a lo ti a.




Ka pu lah chuan, "Ka kal hma ngeiin fa nei hman rawh u aw," mizo pa dan tak mai hian a ti leh zui a. Chhan let ngaihna vak ka hre silo nen u Mapuia chu ka en chho ha a, min lo en let dan avang chuan rilru nuam lo deuhin ka pu bulah chuan, "han damtlang phawt ila tiraw.." tiin ka nui ta ringawt a.




Kan inneih ațangin Ni li lai a liam ve ta reng a. Chhungkaw thum lek a khawsa țhin kha u Mapuia unaute leh an fate nen a kan han khawsa tlang dual dual mai chu awm dan ka thiam lo lek lek țhin.



An zavai chuan min duat em em vek a. A chang phei chuan min naupangchhe chei lek lek țhin, U Mapuia lahin min ngaihsak em em a. Kan rual em avangin mamawh lei ngai a tam țhin si a. Bazar a tlan lawk a ngaih chang te hian min hruai ve mai a tum leh ngawt zel pek a. Inleng te kan la neih neuh neuh avangin an mitmei ka veng ve lo thei silo a. Min ngaihtuah hmel deuhin a kal chhuak hnu hnu zel.



U Zomuana te pawn fa pahnih an nei tawh a. An ni chu an kum a u deuh tawh a. Mahse, an la naupang â ve in Xenver-a te nen infiam in an ri teng tung zel a. U Chawiteii te pawh an la cham ve zel a. An ni tak phei chu Khawbung a kan chho tur ka Nu leh Meme-i te'n min zui chhoh ve dawn avangin in puiah ka pa an lo awm pui dawn a. U Zomuana te erawh Pastor a ni si a. A țhut hmun kal san reng a chi chiah loh avangin naktuk tuk leh lamah hian an haw thla tawh dawn thung.



U Zoa nupui chu a felin ti ti a thiam a, uang zet hian, "ka mo pui tê hi a la naupang reuh lutuk a, fa te biak in ka be lek lek zel," a ti țhin a, kan nui ho dar dar zel.





Eirawngbawl hma deuha u Mapuia kal chhuak chu Veranda ah ka lo nghak a, tual zawlah a lo tlan lut chiah chu Xenver-a te'n an lo hrerang khawp mai. A car lam panin an tlan zui thualh thualh a.




Chawhmeh tur khai bawr țeuhin u Mapuia chu a lo chhuak vut a. Pui tur a ka pan thuai chu, "Thil ka lo hawn che," a lo ti nghal zat a. Mamawh lamin a kal chhuak ngun ber si a. A kal chhuah hlek tawh chuan naupang te thil tur a lo hawn sak apiangin ka ta tur a lo hawn tel ve zel a. Meme-i a lo hawn kep ve leh ngai silo hi ani a vui der ta țhin a.




Ka thil tur a min lo hawn sak ho chu ka bih zui dak dak a. Nep nawi lam tho a ni nangin ka lungawi veng veng tho. A chawhmeh lo lei te chu han khaipui ka tum ngial pawn a phal der silo a. Sa a khai tel bawk nen Ui chuan a hnu an chhui zui char char a.




Choka lamah a indah fel hnu chuan, "Ka han intleuh lawk ang e," a ti sup a. Choka a midangte awmloh lai chu chuh ang hrimin ka biang ah a lo fawp zauh bawk.




Ka melh rum deuh vak chu min nuih ruh ruh a, awmpuitu nula an nei tho nangin eirawngbawl chu kan tihpui vek zel a. A chang phei chuan tunlai khua a cheng reng bawk nen keini lamin eirawng kan bawl a. A niin thuamhnaw huh a ur ro loh leh a nawh ro theih ang ang a lo nawt ro țhin a. An zinga awm chu a hahdam ru riau a. Chhungrual hle si hi an in vin ve tuarh tuarh ngailo a. Naupang nihlei te lah rawl vin a hau loin țha takin thil nih dan an hrilh a. An ni lah an enkawl țha bawk aniang, puitling lamin an khap tawh chuan engmah an ti lui ngai bik lo.



Kan rual tlan deuh avangin eirawngbawl kan țan hma thei hle a. U Dingpuii leh u Chawiteii te pawh choka lamah lo lut zuiin kan che zawm sawk sawk a.




Bai tur ka chan mawlh mawlh laiin u Dingpuii chuan, "Ahriati te pawn nau in pai vat ang chu tiraw? Mapuia lah a naupang lutuk tawh bik silo a. Fa inneih tlai zel phei chuan duh angin in fate a kai-hruai hman lo palh ang," a ti satliah a. Hmeichhe pasal nei tawh te kar a sawi tlan awm tak pawh a ni.



Ka pu pawh khan tu hmel hmuh inbeisei zetin a sawi chawt tawh bawk a. An mahni ka huat vang hrim hrim ai mah chuan u Mapuia nen a fa nei tur angin min beisei lo law law se tih chu ka duh dan a ni a. A nih loh chuan an awm kan ti nuam lo mai mai dawn.



"Keipawh hi kan Pa hian pakhat tal neih belh leh tur a ti a. Noah hian kum 4 te han tling fel se pai leh ka rilruk a," U Chawiteii chuan a lo ti ve siam siam a.



"Keichu fa neih pawh ka lo tum chiah hleinem," nui deuh chung hian ka ti ve a. An rilru ka hriatchian hmasak chak vang a ni pakhat bawk.




"Ehe, chu child-free in tum reng em ni?" U Chawitei chuan a lo ti thuai a. An hmel chu chik deuh tak hian ka en leh te te a. Mithiam leh hawi zau zawk te an ni bawk a, nupa ni si a chhan hrang hrang vanga fa nei duh miah silo te pawh an lo tawng ve nual tawh ang. Ka thil sawi pawh chu mak ti lutuk angin an lang miah lo.




"Fa nei ta ila ka enkawl thiam dawn lo lutuk a. Neih chakna ka nei ngailo," ka ti deuh puat a.



"Tumah thiam sa kan awm hleinem, a hun a lo thleng a Pathian zarah nu leh pa te chuan kan thiam chhawm ve zel a nia," u Dingpuii chuan a ti a. Thinrim a sawi a ni lem lo bawk.



"Keichu pian chhuah min dil miah lo tu te pian tir a, he khawvel chhe tawh lutuk a hringnun hman tir ve kha ka ngam lo.. An puitlin tak tak hmaiin nu leh pa te zawkin kan lo thihsan phei chuan an tan hringnun hmachhawn ngaihna a awm dawn lo, 'ngatinge ka lo pian ve le?' tih zawhna an inzawt tur ringawt te pawh a rapthlak ka tih pui," ka ti deuh duah a.



U Dingpuii'n eng emaw a lo sawi leh tur chu u Chawitei zawkin a mitmei ralh a.



Zaidam deuhin u Chawiteii chuan, " I thlir dan chu a dik reng. Nu leh pa tam zawk te hian an hmalam hun tur thlir pui hmasa loin fa kan nei leh tawp tawp zel a. Țhalai nun beidawng kan tam tak dan em em te hi ngaihtuah chian chuan a țhalai a te ai mah chuan nu leh pa te zawk hi kan dem awm zawk țhin. An naupanlai ațang duat inti viau siin an mamawh dan takin kan enkawl țhin silo a," a lo ti ve thuai a.




"A bikin keini Mizo te phei chuan rilru lam harsatna (mental health) hi ngaihpawimawh nachang kan hre der bawk silo. Hnam pui zawk te chu, 'inneih an awlsam si, an ințhen leh zung zung tho si a' te tiin hetilai ațang kan lo sel ve chiam chiam a. Mahse, an ni chuan an fate rilru hriselna an lo ngaipawimawh hlawm hle si a. Nu leh pa te an ințhen reng rengin an fa te kha rilru lam doctor hnen ah hruaiin therapy an lak pui thlap thlap zel. Keini Mizo te chu nu leh pa te kan ințhen tawp a. Kan ințhenna khan engtiangin nge kan fate ah nghawng a neih tih lam kan ngaihtuah thleng pha leh tawh ngai silo. Kan tunlai nun han en hi chuan fa neih te hi thil țullo tak angin a lang thei tawh tlat a ni," a lo ti zui melh melh a.




U Dingpuii pawn," a dik chiah, thlir dan dang ațang a thlir chuan nu leh pa te zawk pawn hringnun pal chhoh harsat zia kan hrechiang a. Chung kan tuar ang te lo tuar a lo pal tlang ve tur a fa han neih ngawt pawh chu thlir dan dang aţang chuan a dik lo viau thei tho," a lo ti ve a.



U Dingpuii bawk chuan, "Mahse ka ti țal teh ang, Bible pawhin mihringte chu chi inthlah a pung zel turin min duh si a. Fa neih loh ngawt chu a Pathian thu lo ve thei tlat," a ti leh a. Kei ai a rilru puitling daih tawh ve ve an ni a, thinrimin engmah an sawi lem lo tih chu ka hrethiam zel tho.



"Bible vek pawn 'Chuvângin, mi nung la damte aiin mitthi thi tawhte chu awhawm ka ti zâwk; tin, anmahni ve ve ai pawhin lo la piang lo, ni hnuaia thiltih ṭha lo la hmu lo nih chu a ṭha zâwk.' a tih ve tho kha. Bible ah meuh he thil hi a inziak lang si a nih chuan Pathian pawh hian fa nei duh lo te hi a dem bik in ka ring lo," ka ti ve zel a.




U Chawiteii chu a lo nui ta kar kar a, "Khai aw.. kan Ahriati chu i naupan ang a en chi i ni dawn miah lo mai. He i thuthlukna siam hi tun hnai mai a i siam chu a ni lo tawp ang. Bible te pawh i lo rawn fo a nih dawn hi," a lo ti ta a. Kan boruak țang chho zel tur chu a lo ti dai ta deuh a.



Rahno vel ka chan zo chu sil tur a ka han tho chhuak chu ka tawp zui chat a. Choka luhna bulah u Mapuia chu a lo ding ngawi run a. Chutia ka va hmu tih a inhriat chuan chiang takin ka mitah tak min lo melh zui chat a.



Kan thil sawi ho zawng zawng te kha a lo hre vek tih chu ka hrethiam nghal a, a kut hum ruh tlat mai ka melh rual chuan a inthlahdul ruai ruai a. A kalsawn utr chuan chiang tak bawkin ka mitah min lo en leh ngat a, ngawi rengin tualzawl lamah a chhuak ta daih a.

👿

🖋 Ka skin care hi mitah ka ti lut palh hlauh mai a. A rim nei silo hian ka mit a ur tlat a, mittui a tlak reng bakah ka hmu phe riai mai sia. Duh ang pawn a type theih loh. Zanin chu a tawi deuh a nih pawn min hrethiam hram mai rawh u aw. Mit ber a dik loh chuan a buaithlak em mai.





😓

U Mapuia chet dan chuan awm a ti nuam lo hle nangin ka um zui duh bik ta lo.




Ka che zawm mawlh mawlh a, u Chawiteii te chuan u Mapuia kha an lo hmu ve lo aniang an la ti ti tui em mai. U Mapuia kut tum humruh tlat leh a taksa insangmar nasa lutuk mai kha mitthla'n a lo lang nawn leh țhin a, rilru erawh a nuam thei bik miah lo.




Bai tui chhuang turin Gas thuk awmna lam ka pan thuai a, tukverh aţang chuan Tualzawl a lang thei a. U Mapuia leh u Zoa te lo ding dun chu ka va hmu zui mai bawk. Muk leh khunkhan hmel zetin thil an sawi dun a. Nichin a kan thil sawi te kha hrilhin thurawn a la a nih hial te chu ka ring rilru a. Chutianga a ti a nih ngat zawngin ka tan a nuam lo duh ngawt ang.





U Chawiteii chuan, "ka thil la hriatreng pakhat chu kan lawina kohhran ah țum khat chu Khawvel pum huap pawha rawngbawltu hriat hlawh tak pakhat hian thu sawina hun a rawn hmang ve alawm. Chutah chuan nu leh pa te kha, 'Nu leh pa, fa te'na inchhungkhur bungrua an tih chhiat palh changa hrawk zui hrep țhin. Mahse, inleng te'n a No leh Thleng an tih keh palh changa, 'a pawi lo, inthiam lo reng reng suh, a dang ka phawrh chhuak leh mai dawn alawm,' ti mai thei. Mahni fate rilru tur aia inlengte rilru nuam lo tur vengthawng zawk țhin te kha ban i phar ang u le,' a han ti zet mai kha chu nu leh pa te zinga mi tlemte te kha thil tam tak ngaihtuah letin tim daiin kut kan phar chhuak a. Keini Asia ram mai nilo 'hnampui' ti a kan sawi te zingah pawh fa enkawl thiam lo tak tak an lo la awm ve nual tho. Mahse, kum upa lam deuh an ni thung. Tunlai ah chuan nupui pasal innei tur te reng reng hian hmathlir thui tak an nei tawh a. 'Keini hi lo innei-in fa neih lo duh ta ila engtiangin nge kan enkawl ang,' tiin nupui pasala an insiam tak tak hmain fa neih an duh leh duh loh tur te, Fa lo nei ta pawh nise a enkawl dan tur; 'a tu zawk hian nge mahni hnathawh lai chawlhsan anga fa te lo enkawl ang' tih chenin an ruamhman lawk thlap thlap tawh a. Chuvang takin tunlai mi te chuan fa enkawl te pawh an thiam tawh zawk," a ti a. An thil sawi chuan ka beng a verh bawk nen ngawi rengin ka lo ngaithla ve a.




"Kan Pathian thu hrilhtu sawi zuina kha ka la hrereng, 'naupangin inchhung thil eng emaw a tihchhiat changa nu leh pa te'n kan hrawk zui hrep rual chiah khan naupang rilruah 'buaina a tawh leh hun pawha nu leh pa te'n an hre ve ang tih hlauhna' kan tuhsak nghal țhin a,' a ti a. A dik hmel khawp mai. Kan naupanlai pawn tum vang pawh nilo a thil kan tihchhiat ruala nu te'n min han hau zui chiam mai zel kha hreawm kan ti a. Kan rilru a na em em zel a nih kha. 'Anu leh apa te hian min hmangaih lo aniang a' tihna rilru te kha kan pu ve rum rum zel. Chutak chu mi tam tak chuan kan lo țhanlen pui a, fa te kan han nei ve ta a. kan tet laia kan chunga thil thleng, kan lo natpui em em tawh te kha kan fate chungah kan thlen nawn tir ve leh zel a. 'Keini hunlai pawn kan tuar chhuak thei alawm, tunlai naupang hi chu an tuar a zuau tawh lutuk a, hauh pawh an hauh theih tawh loh,' tiin kan insawi thiam chawp a. Chu mahni inthiamchhawpna avang chuan duh thlan tur pakhat zawk, hau mai lova,' i thil tihchhiat hi thil țhalai a ni si a, a lehpekah chuan fimkhur tawh rawh aw,' tia zaidam taka kan hrilh theihna kawng chu kan thlang duh lo a. Tichuan naupang rilru damlo kha a lo țhang lian a, fa te a rawn nei ve leh a, a nu leh pa te'n an enkawl dan bawkin a fate chu a enkawl chho ve leh a. Tichuan, rilru dam lo leh rilru damlo te hlir kan insul pel suau suau tawh mai a. Kan naupan ve lai pawha kan rilru natpui ngawih ngawih ang thil chu mahni fate chungah leh zel chuan thlen nawn tir ve lo turin nu leh pa tin te hian insiam thar kan mamawh viauin ka hria," a ti melh melh chu u Dingpuii pawn a lo tui hnih ve thuai a. An ti ti dunna chuan ka rilru a hruai thui vang vang khawp mai.




Ka nu leh pa te mai bakah nu leh pa tam zawk te ka lo hmuh țhin dan chiah a ni a. An nu leh pa te'n an enkawl chhoh dan a rilru damlohna nei lian te apiangin an fate an tirethei zual țhin niin ka hria. An rilru damlohna kha inpawm duh lovin an up bet a. Up bo zo leh siloin, 'kei pawh hetiang tho hian alawm ka nu leh pa te'n min enkawl' tiin mahni fate lakah kan inhrithla a.
Mahni nihna inpawm thiam a insiam țhat duhna rilru pu thei te erawh mi tlemte chiah an ni.



'Hah lai phei chuan thin a lo chhia a, a diklo tih hrereng chungin kan lo vin leh hrep mai zel. Fa enkawl chu a lo harsa a nih hi,' ti a nu leh pa insawithiam chawp țhin fa te hian lei Pathian kan nei vanduai hlawm ngawt mai. Ka hmuh phaka nu leh pa tam zawk te'n fa enkawl harsat zia an sawi ka hriat ațang te, ka nu leh pa te min enkawl chhoh dan kha rapthlak ka tih em avangin fa neilo tur a thuthlukna hi siam ta ka ni bawk.




Ti ti reng paha che kan ni bawk nen reilote ah kan inbawl peih ta thuai a. Puitling lam ei hmain naupang lam kan in pe fel țhin a. Meme-i pawh Noah pawm chungin Choka ah a lo lut a.


"Au Chawite, Bawihpuia hi a rilțam tawh aniang, kan hrai tawh mai dawn ami?" a lo tih chuan a nu pawhin a fapa eitur chu a buaipui zung zung a. Masangi te unau pawh u Dingpuii'n a zawng zui a. U Mapuia hmuh mai inring a kawtzawl lam ka han hawi chhuak leh chu hmuh tur a lo awm tawh mai lo a. Ani lungawi lo kha a lo inkhalh chhuak daih em ni dawn chu le..



Choka ațanga ka chhuak chu țhutkhawmna a u Zoa lo țhu chuan, "In pa chu inchunglam ah a chho a nih kha," a lo ti thuai a. U Chawitei pasal pawn dan ngaite in min lo nuih leh mai a. Ani pui pawh hi a fel ve roh ania, Mizo chaw kan siam ang ang hi phunnawi lovin a ei ve hmiah hmiah zel.




Inchung ka han thleng chho chu u Dingpuii te nufa lo chhuk tur nen kan intawk a, a fanu te chuan an rilțam loh thu an sawi ve nang nang reuh bawk.



Kan nupa pindan bik ka lut chu a lo reh huai a, bathroom pawh hmang tu awm lo tih hriat zetin a lo inhawng huai a. 'U Zoa khan a chho a ti bawk sia' tia rilru buai ru zet a ka inngaihtuah laiin hriatchhuah ka nei thut a. Rang takin inchung zawl lam ah ka chho leh nghal a. Kawngka chu thli thawin a vuak khar loh nan lung lian țha leng lawnga a lo in do avangin ka thaw ta huai mai.




Muangchangin kawngka ah chuan ka dak chhuak a. Chhum zing chuk kara meizial zu a u Mapuia ding ngawi reng ka va hmuh chuan pawh mai ngam lovin ka thlir ta reng ringawt.



A hawina lamah chuan hmuhnawm a awm amaw tih mai turin zial a hip luh kawk lai pawn bing takin hma lam a melh run a. A zial zu lai chu ka la hmu ngai bawk si lo nen ka awm chu a nuam lo tak zet tawh.




A lungawi lo viau tihna a mi? Amah sawipui hmasa miah lo a a unaute bul a khatiang thu ka lo sawi kha a tan tak pawh a hrilhhai thlak ngawt ang. Meme-i pawn naupang a ngainat zia a sawi tawh a, nupui a neih hunah chuan fa te nei zuiin ama chhungkaw bil din ve te a suangtuah fo awm si a. A suangtuahna te tihchhiat sak vek tu anga ka indah rual chuan ka ip chaih a.




Rilru tawt zetin thawk ka la zui halh bawk. U Mapuia rilru tur ka dawn thui pui țhin ta lutuk chu duh lo zetin lu ka thing zui nak bawk.




'Nupa dangte ang a induhna leh hmangaihna te vanga innei kan nilo a. Kei phei chuan sum siam nan chauh a nei ka ni bawk,' tia infuih ru sauh sauhin inchung zawl ah chuan ka pen chhuak ve ta a. Ka thawm hriaa u Mapuia lo hawi chhuak nen kan mit a han intawng chiah erawh mahni inthiam lohna te'n min rawn tuam leh hlup tho.



"Hetah i lo awm daih a, chaw ei kan peih dawn hnai asin," pangngai takin ka ti chhuak a. A lam ka pan phei chu ngunthluk zetin min lo melh vung vung a. Ka zam ru lutuk chu a hriat loh nan, "ruah lah chu a hmi seng seng reng sia, lo kal rawh lut ang," ka ti deuh lang lang a. A dinna bul ka thleng chiah chu nghet lutukin ka kawngah a lo man thut a.




A hmaah min hnuk phei zui hrawk bawk nen hlauthawng fe hian ka en chho thuai a. Ngawi ngulin bangah min nawr bet a, a kut lianzet chuan ka hmai chu a lo chul thuak a, a chet dan chuan min ti hamhaih lutuk a ngawi rengin ka lo indawh tawp, ka khabe lo dawm leh pahin min kuai dak deuh salh a, hnai setsawt ah kan in melh dun ta ran a.




Fiah zeta ka mit a min melh run chungin, "Tu nge ka nih," a lo ti thum chhak a, a aw chu a zawi hle a. Kan hmai a insilo chauh tawh bawk nen ka awm chu nuam lo tawh tak a ni.



"Khawi teh," zawitea ti pahin a ban reka ka vawn chuan, "I tan hian tu chiah nge ka nih," a lo ti nawn leh ngat a. Tun țum kher kher chu a lungawi lo em tih takngial pawh ka hrethiam tawh lo. A lo thinrim a nih vaih chuan a rawlthar sual kha a lo chhuak ang a, kut min thlak hrep duh mai ang tih chu ka hlau ta thut thut a.



"Ka pasal," tim ru deuhin ka ti a.


"I eng maw?" U Mapuia chuan luhlul hmel zetin a lo ti let ngul ngul bawk nen rang lutukin "Ka pasal," ka ti leh nghal a, engmah sawi tawh lovin ka hmui lo nawrkau in min rawn fawp buan buan a, chhan let ngaihna pawh ka hre lo. Ani lah chu a duhthawh tulh tulh a, cement bang a min nawr bet sauh sauh pahin min fawp uar zual sauh a, țum dang nise ualau lutuk a hetianga a che chu ka vin leh hrep dawn vei nen; tun țum erawh a tih ang angin ka awm tawp a, a lungawina khawp a hmuh meuh chuan amah zawk chu a rum hrawih a. Ka hmui huh hliam chu a thip sa hut hut bawk.



A taksa lian leh khauh zet chuan bangah min nawr bet zui tlat a, a zial ken lai chu na zet a hip lut kawkin a lo si chhuak leh ham ham a. Chutah dam thlup hian, "fa neih i duh lo a maw?" a lo ti chhuak ta a.



Ka thisen luanglai vawt nghal rawih rawih chu ka hre thei a.



Chhana pek mai dan tur hrethiam lo lutuk a ka inngaihtuah buai lai chu lo phun hlukin ka biang a lo khuap hmiah a. A kut lehlamin Zial chu a la chep khu vut vut bawk nen a chet vel dan chuan min ti ți tak zet tawh.



"U Mapui nakin ah țha deuhin sawi dun zawk ang," ka tih lai chuan hnuai lam bihin a kiai suk a.



"Țha taka thil sawi dun i duh lo țhin amaw tia" lo hawi chhuak leh pahin a ti fan deuh ruih a.



"Ngati nge fa neih chu i duh loh" pangngai tak hian a lo ti leh a.


"Ka duh lo ve tawp," ka ti lai chu mit zim sun hian min en run a, "Ka seilenna boruak kha a hrisel lo em em a, tun thleng hian ka ngaihtuahna leh rilru zawng zawng pawh a la tibuai a. Chuvangin fa neih ka duh lo. Ka enkawl thiam dawn lo chu thuhran nise ka hlau..." ka ti leh duah a.



"Eng maw i hlauh chu?" a lo ti leh zel a. "Nausen te hi aniang," tiin tawite in ka nui zui a. Elsen nan a sawi chhuak ka nih loh zia chu u Mapuia pawn a hria a, 'sawi zel rawh' ti ni awm takin ka khabe a lo dawmin min kuai dak leh salh a.




"Ka dinhmun hi maw nausen pianghlim ang reng a nih hi. Natna neih chang pawha sawi chhuak thei lo, duh dan leh ngaihdan te pawh sawi chhuak ve thei lo. Tun thleng hian nausen engmah la sawi thei lo ang mai ka ni hi. Chu vangin nausen te hi ka hlau. An lo pian chhuah ruala puitling hlir kara an khawsa nghal ngawt te hi an hlau thei ngawt ang. An awmna hmun a danglam thut vanga thlabar taka an țah lahin nau sual leh țahbelh tih an hlawh daih a. Tu te mahnin nausen te rilru tur an dawn pui ngai tak tak silo a, an dinhmun khawngaihthlak lutuk chu ka nihna mek a nih si avangin ka hlau.. an hlauhawm.." rilru na zet a ka sawi zo chu a awm ah min kuah bet ta hmiah a.



Duat taka ka sam a lo chul hliau hliau laiin kei erawh amah chu rin chhanin ka chau chhe der ringawt.



"Nausen ka hmuh apiang hian maw ka tuar ang kha an lo tuar ve palh mai ang tih ka hlau țhin, hreawm an ti dawn lutuk. Kei ang hian nausen dinhmun chu an țhan san theih loh ve tho phei chuan.." thawk la halh pahin ka ti leh a.




"Nausen ang rengin i inhria a maw?" ka hnung chul hauh hauh paha a lo tih chuan, "Ka inhria a.. nangni ho zawng zawng pawhin min hmuh dan alawm," thinur thar thut chungin ka ti leh phat a. A laka țang tal hran nghal ka han tum chu min lo kuah nghet zual sauh a.



"Ka nei duh lo che ka ti chung pawhin engmah la sawi thiam lo nausen aw rawl chhuah ang lekin min ngaithla duh lo a. Ka pa te.. nangte.. nangni ho hian duh dan leh ngaihdan pawh sawi thei lo nausen ang lekin min ti kual vel alawm," a kawr hnunga pawh sak vak paha ka ti chu min kuahna a lo ti ngheh sauh a, ka thawk a chham lek lek mai.



"A pawi ka ti khawp mai," u Mapuia chuan a lo ti ve a, "engah chuan maw?" vin deuhin ka ti let ve zat bawk.



Min kuahna chu a thlah thawl a a hnung tawlh zui hrut bawk, "ka nawr lui che hi ka ngaihpawimawh loh vanga che a i lo ngai a nih chhuan ka tihpalh tak zet a ni, ka tan chuan i pawimawh ber asin Ahriat" nghet churh hian a ti a, "aw.. ka pa aiin i fel daih zawk a nih chu, ani chuan vawi khatmah ngaihdam min la dil ve hleinem," ka ti let ve zel a. Thinrim a ka ling leh phat tawh chu a mitmeng thuk ruih chuan min melh vang vang a, "i rilru a damlo hle a ni maw?" a lo ti hniam ruih a. Ngeiawm fein ka nui chhuak zui hak bawk.



"Rilru dam ka ang em ni? Ka chan hi i chan ni ve se i rilru a dam bik ang em? Tu te pawh hian 'Mapuia hian a hmangaih lutuk che, ani hi i tan a țha ber tur a nih hi,' an ti zel a. Engtin nge ka rilru a awm ve tih min hriatthiampui tu erawh pakhatmah an awm lo. I lo lang a, ka lam țang reng țhin ka țhiannu leh zel pawn i lam a țang tawh a. Ka haw teh mai che a nia," thana fe a ka tih leh chuan a lo kiai suk a. Ka țawngkhumna te kha huat tak a ruangin, "an sawi dik a nih chu," a lo ti khauh a, ka sawi tur hre tawh silo hamhaih lutuk chu ka hawi vak vakin ania ka rin.



Min lo ban leh chuan ka lo indang ve tak nangin a ban chu ka taksa ah a rawn suih bet hmiah a. "Naktuk chu psychiatrist i va hmu ang aw," a ti a. Ka ter leh at tawh.



"A teuh lo lutuk," ka ti nghek a. Thaw chhuak huai chunga ka chhipa a lo fawh lai chuan, "ka rilru hreawm lutuk hian țanpuitu ka zawn loh i ring ami? Hetiang a awm reng hi ka duh dan a ni bik hleinem, ka phak ang tawkin min pui thei tur ka zawng ve a. Mahse, heng psychiatrist te min lo dawnsawn țhin dan i hria em. An pindan chhunga luh rual rualin hmanhmawh hmel zetin zawhna min zawt a, insawi thawla an thurawn mamawh em em tu kha, 'hmanhmawh rawh, i hnung ami te zawng zawng saw en zawh hman vek ka duh a nia,' tih melhin min melh zui a. An țanpuina ka mamawhna tak pawh sawi thlen hma hauhin damdawi min chawh ringawt a," tia ka sawi lai chuan ka lo pan ve tawh psychiatrist te ho chet dan avanga lungawi lo zetin ka nui chhuak hial a. An ni ho pawh hi milem mai an ni.




Ka thana lutuk leh thinrim nasa ta lutuk chu u Mapuia tak pawn tih ngaihna vak a hre tawh bik lo aniang, kan ngawi dun ta vang vang a.



Ka tleirawl chhuak khan zu zuar kan ni bik te. Ka nu leh pa te'n min ngaihsak ngai reng reng lo te kha zahthlak ka ti a, ka rilruna leh ipik lutuk khan phak ang tawkin damna ka zawng ve a, Psychiatrist pawh mi pahnih ka pan ve tawh. A pakhat zawk phei chu țum thum lai ka pan nawn hial a. Mahse, ka duh ang pawha ka insawi thawl hmain damdawi min chawh an tum nghal ringawt a. Damdawi nilo a rilru damna mamawhtu tan chuan bei a dawng zual țhin asin.



Reife mahni ngaihtuahna ve ve kawma kan ngawih dun hnuin u Mapuia chuan, "kha zan khan lo hruai haw daih che ila ni tur," a lo ti chhuak sup a.



A thil sawi awmzia chu ka hriatthiam loh em avangin a awm zawn ațang chuan ka en chho ha a, amah lah chu thil tam tak ngaihtuah let niawm takin hla tak lam chu a lo thlir vung vung a.




"Enge i sawi awmzia?" tia ka zawh chuan muang ruihin min lo en ve a. A hmel lang chang run avang chuan ka ip ru chaih a, a mitmeng thuk takah chuan mahni inthiam lohna ni awm tak hi ka hmu bawk a. Ka bangbo zual tulh tulh leh nghal.



"Note, kei hi min hre tawh lo tak zet em ni?" tia min zawh lehlek phei chuan ka thinphu a lo rang zaih zaih tawh. A aw kha zawi viau mah se ngaih a țha thei hlawl tawh lo.




"Ka hre ngailo che.. hman zana u Allan-a nen in lo len țum kha ka vawi khat hmuhna che," ka ti let a. A hmel chang rut leh ruh zet chuan ka ngaihțhat lohna a belhchhah a, "tunge i nih, enteh, a hma pawn 'ngaihtuah let la chu min hria ang' tih vel kha i sawi tawh a, kha thil kha enge a awmzia?" ka ti ta mawlh mawlh a. Ani lah chuan ngawi vung vungin min en let run ringawt si a.



"U Mapui..." hlauthawng ru deuhin ka ti leh a.



"I naupanlaia i chunga thil thleng rapthlak tak hriat i la nei em?" sawi chhuah harsa tih hmel zeta a lo tih hrawih chuan ka nghing dawt a ni ber.




Zanlaia mipa pakhatin min sual a tum lai te, a hnuah ka nu in keimah zawk kut min thlak zui chiam mai te kha ka ngaihtuahna ah a lo inlar thar zut zut a. Heng thil min zawhna phenah hian eng nge awm le. Ani kiangah hian ka tet laia pawngsual ka tawh țep țum te kha ka hrilh ve vek dawn tih em ni. Ni lul lo, ka nu pawn ka thiam loh ang ah min puh duh hial a. Amah pawh hian a hriat ve chuan naupangte si a mipa te mitmei hmuh hrat ah min ngai ve daih ang.



"Aih, engmah ka hre lo. Ka naupanlai chanchin sawi chhuah hi ka duh miah lo ania," ka ti bah niaih a, ka rilru rawn dawih nghal vek avang chuan a mit ah pawh en let ngam tawh lovin tal chhuah ka tum zui a. U Mapuia lah chuan min lo kuah nghet zual sauh a, ka tal laih laih chu a awm ah min kuah bet a. Lo kun hniamin a hmui chuan ka biang leh chal vel a lo nul thuak thuak a, a thaw lum ham ham bawk.


"A pawi lo" a lo ti dam ruih a, "engmah i hriat tawh loh pawn a pawilo. Keiin ka la hre vek alawm," a ti leh nghut nghut a. Ka ip chawih chawih chu ka hnung a lo chul zui hauh hauh a.


"Keichuan i naupanlai ațang daih tawh khan ka vei tawh che a. Nitin zan tin khan ngaihtuah loh lai che ka nei ngai lo. Veina kha duhna in a lo thlak thuai a. Mahni duhzawng nei lo nih chu ka thiam loh zawng tak a ni a. I lo puitlin hun ka lo nghah chhung khan hreawm ka lo ti hle țhin a. Mahse, tunah chuan i puitling tawh a, inhumhimna i mamawh zual sauh bawk, chu chu ka hmuh thiam vangin ka nawr lui ta che a nih kha... ka venghim tlat tawh ang che," a ti thum bul bul a.



Ka rilru ah chuan thil a lo lut zawk a! Kha zana min pawngsual tum tu kha nge a nih a min lo chhan tu zawk kha..



Rang zetin ka hawi chhuak leh a, u Mapuia hmel chu chik zet hian ka melh ngat ngat a.



Nichîna ka thil sawi kha min chhang let niawm tak hian, "nausen ang maiin ka bul ah chuan awm rawh, ka enkawl ang che, tuna i awm ang chiah hian ka angchhung ațangin țhang lian la, ka venghim tlat ang che," lo tiin a awm zawn ațanga ka en chho chu min lo melh chhuk ve run a. A tih tak zet zia ka hmuh chuan ka hlauthawng thut a, thaw haka a awm a ka nam chu nghet zetin ka kut a lo hum zui a. A hmui bulah la kangin a fawp zui vang vang bawk.



Ka neih hlen dawn leh dawn loh pawh ka la hre silo a. Ka rilru put hmang hrisel lo lutuk te pawh lan chhuah tira a kianga awm tlat turin min duh bawk si. Ka rilru a buai vek mai.




"Hetilai kawngkhar chu an lo khar theihnghilh a ni maw, thli a lo thaw lut nasa lutuk," ti chungin ka Pa chu inchung zawl ah a lo lang ve hlawl a.


Keini pahnih min rawn hmu thut chu a phu uk hialin ka hria. Lai lutuka ka tal chhuak tur chu u Mapuia chuan min lo kuah bet tlat a. Mahse, ani pui pawn a zial bung ken kha ka pa hmuh hlau takin a thukru zui zat tho a.




Ka pa chuan, "Nang ni a ni maw?" a ti ta ringawt a.



"Kan lo chhuk dawn, ka rawn kalh țha ang," u Mapuia pawn a ti thuai a. Ngawi rauh rauhin ka pa chu a lut leh mai a. Min rawn phawk chiang lutuk bawk si chu in enin u Mapuia nen chuan kan innuih ringawt a.



"Ka pa chu i va hlau ve," ka ti fiam a, a hnung lama a zial bung thuhruk kha la chhuakin a phun zui hluk a. A meizial chu a lo thi daih tawh nghe nghe.



Kawngkhar kalh țha tur a a do na lung rit zet a chawi sawn lai chu ka lo en reng a. Ka pa hmuh laia zial a keng lang duh miah lo kha fiam zui mah ila a mizia chu a ropui ru riau in ka hria. Chu mai niloin ani ang officer chin hi chuan sawrkar lirthei an kawl vek zel a. A tam zawk chuan driver chhawr lai an nei vek bawk.



U Mapuia pawh hian sawrkar motor kawl lai a nei ngei ngei dawn a. Mahse, a mimal thil vanga Aizawl a lo kal reng rengin a mimal lirthei ngat a hmang țhin. Chu chuan officer dangte laka a danglam bik zia a ti chiang viauin ka hria.



A tuk zan zanriah eikham rual chuan," Insiam rawh, in inah leng ang," a ti thut a. Midangte an awm ve reng bawk nen, 'ka duh lo' tih țung lah a chi siloh a. Insiam turin inchung lamah kan inzui chho ta a.



Diktak a sawi chuan kan in zuk tlawh chu ka chak hlawl lo a ni. U Maliani nen erawh message in kan inbe zui reng a. Kan inneih hma ang chiahin kan in ah chuan Card dengin an awm khawm leh tawh a. Chutiang thil chu ka pa nundan a ni tih chu a hre vek tawh a, mah se hmu nawn tawh lo mah se ka pawi tilo zawk.



Ka insiam zo chuan closet aţanga chhuak pahin khum tlanga a lo țhu chu ka melh ralh a. "Lucy te in ah leng kawi ang aw," ka ti a.


"Yeap.. i ngai tawh reuh ngawt lo maw?" a lo ti ve thuai a. Ding mar pahin a kekawr inthawlh lai chu a pawt chho a, a kekawr kawng kil paha min lo melh run chuan rang deuhin ka hawi sawn nghal a. U Mapuia chu a nui zui huk bawk.



"Ngai tawh rapthlak. Nu Zari'n 'an in ah awm ve an tam rih si a, i han lan sek chuan an lo ning palh ang che' tiin a lo len tum hi a lo khap țhin aniang," ka ti bai bai laiin u Mapuia chu a lo phun hluk a.



"Lo tir chho ziah zel se țha zawk tur," a ti zui sup a. Ka va en leh chuan sana a lo bun țha mual mual a. Khaw awmdan nen a inrem fe in thuamhnaw dum lam a inbel thlup a. A pa lianin a sar vuah si nen pa hi chu a pa ve thlawt alawm.



Chutia ka lo en reng lai chuan a lo hawi chhuak thut a, lai deuh a ka lo nui ta ringawt chu, "I ngaihtuah ka hria," min rawn ti zui a.



"Eng chu maw?"



"Min hisap," inringtawk fahran hian a lo ti roh a.


"I zak em?" ka ti let nghek mai.


U Mapuia lah chu a lo nui ruh ruh a. A car chahbi ban vut pahin, "min hisap ve țhin rawh, keipawn i muhil lai thlir chung che in ka hisap ziah tho che alawm" thukhuh țhen nei lo zetin a lo ti leh hmiah mai a. Ka sa ap ap a. U Mapuia chuan min fiamzui tawh lo se ka ti hle a. Mahse, "zan mut na ah chuan kawr hnuai ha tawh suh," thawp sup hian a rawn ti leh a. Mit zim sun hian min melh kual dun dun a.


"Ka vawm mai ang che aw," ka tihngaihna hrelo chuan ka bag chu lek kangin ka tin ta uaih a. A lo meng de zauh a, a nuihzat hmel ta hle bawk," tisa ti phur thei ti ti chu i vawrh tawh lo rih teh ang," a ti zawi ta sup a.



Inhnuai lama kan zuk inzui thla leh chu midangte chuan, "induh chen chen leng rawh u aw Ahriat, i lo inthlahrung ange" an lo ti liam liam a.




Kawng tluan chuan kan ti ti dun ve ngei a. Khami ni a kan thil sawi a lo hriat kha u Zoa a hrilh ve em tia ka zawh chuan a nuih a za ngang mai. "Hmeichhe ho tak hi chu aw.." a tih hluk takah chuan engmah a hrilh loh tih ka hrethiam ta a. Ka lawm kher mai.




Kan țhenawm te nen a kan in inkar ah car chu a ti ding a, a chhuak hmasa vut a, ka țhutna lam lo hawng tura motor a lo kal hual lai chu ka lo thlir uluk leh viau tawh. Kan chhungkaw dinhmun hrechiang em em si a min thlang tlat hi a mak tihnawn fo tham a ni.



Ka țhutna lam a lo pawh hawn rual chuan,"in lo len hmasak ber zan khan i perfume hman hi a rimtui kan ti asin aw.." ka lo ti a. A beisei loh tawp ka sawi chhuak tih hriat zetin a nui huk huk a. Țha te te chuan a perfume hman hming chu min hrilh zui ve zat bawk.




Kan kawngkapui lo inhawng huau ațang chuan inchhung a card deng mek te chu chiang takin an hmuh theih a. Nuam ka ti lo tak zet.



U Mapuia chu a lut hmasa a, "in lo dam amaw ka Pu," zangkhai zetin a ti lut a. Ka Pa card deng mek chuan a card ken lai chu a dah thla ve ngei a.



"E, in lo kal a ni maw? Lo țhu rawh u," a ti ve tak nangin țhutna tur hmun ruak pakhat mah a awm lo a. "Mate, i va ngaihawm ve," min lo en pahin a ti leh a. Tawite in ka nuih let ringawt a.



Kan thawm hriain pindan ațang u Maliani pawh a lo chhuak thuai a, a lo ri zui chul mai.



"khawi maw, stool te nen lam inchang vek a, Ahriati te nupa hi țhu hahdam rawh se," ti paha zu rui țhenkhat te țhutna chhuhsak a tum takah chuan ka lo hnial thuai a.



"A ngailo, kan chhuak leh nghal dawn," ka ti a. U Maliani chuan pawi tih hmel deuh hian min lo en a. U Mapuia chu melhin, "Lucy te in ah chuan kal ang," ka ti sap a. Ka pasal nen a kan in lama kan len ve vawi khatna ah pawh hetiang hi kan ni bik nuaih si a. A nawm loh dan chu pui tak a ni tawp mai.



U Mapuia pawh chuan ngawi rengin min zui chhuak leh mai a. A kekawr ipte ațang Car chahbi a lak chhuah dawn laiin, "Ke in kal ang," ka ti sep a, a jacket ban ah ka pawt zeuh bawk. A bu ve nghut a. Kut ka la sawn leh tur chu nghet deuhin a lo hum zui a.




Ngawi rengin Lucy-i te in lamah kan inzui chho a. Țawng zui ka chak lo tih a hrethiam nge ni min be tawh lem lo a. Mak deuh mai chu hetia inbe lem lo pawha kan ngawih dun rauh rauh pawn chhungril takin kan inhrethiam tawn ni te in ka ngai țhin.



Lucy te in a kan lut hlawl chu a lo ri teng tung a. Kan kal tur thu hi ka hrilh lawk duh lo miau tlat a. "Ui.. i va han sual thiam tak, in lo kal dawn tih te chu lo sawi lawk ve ta che," a ti a. Min kuah chuk chuk a. Midangte chuan kan țhian dun chu min nuih zui dar dar a.



Lucy-i lah chuan a bulah min pawt țhu chawt a, ka ban ah min kuah bet ran reuh bawk si, min lo ngai hman lutuk chu a khawngaihthlak letling zawk.




Nu Zari chuan, "Mapui engtik maw Khawbung a chhoh chu in tum a?" a ti a.



"Kar leh nilai thawhțan hi kan ti ta mai a nih kha, ka u te hi han haw thla fel se, an haw hnu lawka keini kan chhoh ve leh chuan In a reh teh thut dawn lutuk a, kan kalsan tur a te an ngaihtuah awm," u Mapuia chuan a ti ve duah a. Pa Hrila nen eng eng emaw an sawi dun leh a




Chutih laiin Lucy-i chuan, "Ka room ah kal ang," a ti sar sar a. Min zawh duh tam tak a nei dawn tih ka hria a, hnial duh bik loin ka zui ve mai a.


Nu Zari lah chuan, "Mamte, i țhiannu khan pasal a nei tawh tih hria la, naupangchhia deuh a awmpui huat huat te kha tum tawh lo la," a lo ti zui a. Lucy-i ngaihdan a ni lo ngang mai.



"Naupangchhia deuhin kan awm huat huat ngai eih lo aw," a ti deuh hlur a. A pindan ah min pawt lut in kawngka a khar phui nghal hmiah bawk.



A khum ah min nawr țhu rawk rawk a. "In ti tawh em?" a ti nghal thawr a. "Damdawi i ei miah lo tiraw?" hriatchian chak hmel deuhin a ti leh nghal a.



"Ei mai mai lo," ka ti thuai a. A thawk huai rual chuan, "Eng thil mah kan la ti lo," ka ti ve leh zat a.


"Eng nga? Ui... i hnial țung a mi? Keichu... rilru i ti hah thei e," beidawn hmel zeta a tih chuan tawite in ka nuih let ringawt a. Hriatchian hleih lo chu awlsam takin a mutpui ngam awm bik der silo.



"Nupa in nih tawh hi Ahriat," a ti deuh ringawt a. Thil hi a ngaiawlsam lutuk țhin niin ka hria.


"Ni tawh mah ila inhre..." ka ti hman chauh a min lo pawtchat nghal a, "tun ang lai ah te chuan hriatchian loh te pawh an mu dun zung zung tawh alawm," a ti a. A nui zui pat pat chu a bek ah ka nam lawp a.



"Tak takin, in innei tawh ber a, eng nge nghah leh tur chuang awm a. Nangmah hi inhawng țha la, inneih hnu ah in inngaizawng chho dawn a, a nuam zawk ngawt ang chu. Tunlai phei chu kum 5 kum 10 dawn inzui tawhin an innei a. An lo inzui rei tawh lutuk vang nge an han innei chiah hi an inhne nghal a. Nangni chu khatiang te kha in nei ve dawn miah hleinem," a ti vei ngial a.



"I sawi awlsam thei ang reng sia," ka ti hlak a.



"Hmeichhia zawk i inhawn loh reng chuan u Mapuia i ti hreawm mai mai dawn asin," a ti a. Chu leh bawk pawh chu rilruin ka ti let hlak a. Engmah erawh ka sawi chhuak lo.


"Anu in u Nancy-i a fuih țhin dan hi ka hre ve țhin alawm.. nupa nih tawh phei chuan hmeichhia zawk pawh zah duh miah loh tur, mipa phei chu khum ah tih lungawi thiam phei chuan nupui te an duat em em tawh zel," a ti leh mial mial a. Min duhsak vang tih hre kur tho mah ila chuti lam chu sawi phur pui vak ka duh lo.




"Ka lehkhabu hi hawn la, chhiar ang che," a ti leh zet chu ka nuih ta chiam a. Ani lah a lo thutak nasa mai si. Amazon ațanga a love story lehkhabu chah te chu a la khawm mawlh mawlh a.



"Heng te hi inzir nan hmang rawh. I pasal i tih lungawi thiam leh i vannei dawn tih kha hria la. Heng a an awm dan te hi entawn rawh, nupa kara duh ang inpek tawn loh ringawt chu mipa lam hian an tuar thei lo si, hmeichhe dang te hi an tel ve hlauh palh ang e," thutak lutuka tiin a lehkhabu țhahnem zet chu bag ah a khung nghal mawlh mawlh a.



Kan va chhuak leh chu ka inkhai chhuak ta deuh țeuh si nen an lo hawihai nasa mai a.

"Lucy, i țhiannu te kianga riah chhoh i tum ngawt em ni?" Nu Zari'n a lo tih chuan, "Naaa, deuh ngawt a che aw," a ti let a.



"A nih leh kha kha eng nge, i thuamhnaw a ni em?" A nu in a tih leh zel chuan, "Ni mai mai lo.. engthil mah a nilo," a ti ve tlat a. Lehkhabu min hawh tir tih chu a sawi duh bik maih reuh lo a.



Dar 10 a rik dawn chuan keini pawh haw turin kan intintuah ta a. 'A nu hriat lai ngeia leng a sawm turin u Mapuia chu min hrilh sak rawh' a ti deuh tlat a. U Mapuia ka han hrilh chuan kan țhian dun chu naupangchhia min tih hmel viau nangin a nu te hriat lai chuan a sawm ta tho a. Ka țhiani chu a phur teh asin.




Kan in ah chuan kan lut kawi leh tak nangin rei kan awm lo. Car chhungah chuan bag chu ka pawm deuh tlat si a. U Mapuia'n "a chhungah khan eng nge awm a?" a lo tih chuan pawm nghet sauh sauh pahin,"engthil mah a ni lo," ka ti deuh țang a. A nui ta suk suk a.



Ka chet dan chu atthlak ka ti leh hnuhnawh. In kan thlen hun ah a hmu vek dawn tho sia.



In kan han thleng chho chu ka nu leh Meme-i chiah an lo meng tawh a, kan haw hun min lo nghak a ni mah zawk ang. Rei țhu khawmuang lovin inchunglam ah kan inzui chho nghal a.



"Inthlak hmasa rawh," ka ti deuh tlat a, lehkhabu hi a hmuh loh laia phawrh chhuak ka duh si a, tirhbo dan ngawt ka zawng tak te chuan a chhung a awm chu a ti hre chak ve roh em maw ni, a thuamhnaw a hlih lai te chuan a lo bih leh duk duk zel a. Kei lahin ka Keipui sahauh deuh bur bawk sia. A tawpah phei chuan a nui chhuak ta hawk hawk a.



"Bathroom ka hman laiin lo phawrh chhuak fel hman la," a ti a.



"Lo chhuak thut lo ang che," ka han ti leh chu a tukhum a tuai thuak a, "hriat i tichak awm zual vek alawm," ti bul bul chungin bathroom ah a lut ta a. Rang deuhin lehkhabu chu ka phawrh chhuak sawk sawk a. A chhah hlawm ang reng si a, dah țhatna tur ka hre leh ta silo chu ka phi ruai tawh.



Ka lukham hnuai ah bu khat chu ka dah thei mai a. A bu dang te chu closet ah ka tlan luh pui a. Mahse, closet hi kan ințawm avangin a thil zawngin a hai chhuah mai ka hlau rilru bawk si. A tawp ah chuan bag ah bawk ka in khung leh sawk sawk a, ka mutna lam khum hnuai ah bag chawpin ka nawr lut a.



U Mapuia lo chhuak chu zawn nei ni awm tak hian a hawi kual thuak a, ka nuih erawh a za viau mai.



Ka inthlak ve tur chu, "kawr hnuai ha lo ang che," a lo ti nghut a. Rum zet a ka melh nghal hrak chuan, "ha mah la ka phelh sak leh nghal dawn tho che," a ti leh hmiah mai a.




Zanin tlai ata tawh he ti zawng hian min fiam zauh zauh ta mai a. A tih dan chuan ngaih a ti țha lo rum rum mai alawm.



Uluk taka hmai phihin night cream ka inhnawih leh te te a. Bathroom ațang ka chhuak chiah chu ani khum a lo lawn fel tawh chuan lukham a siam rem pahin ka lukham chu a la kang ve ta mai a!! A hnuai a ka thil dah a han hmu chiah chu a khawih fuh hma hauhin, "khawi miah suh aw," ka ti tuarh a.




Ani lah chuan nghal zetin lehkhabu chu a la ta mai a.



"Dah leh rawh," ti vak chungin a chhiar hman hlau lutukin khum lamah ka tlan phei a. Khum a ka lawn kai ve rualin a ban sei thlup chu a phar nghal vut a. Ding a ka han phih thlak sak mai tur chu a ding ve leh vut bawk nen, "Vanlalramdinthar, min pe vat rawh," ka ti hlur tawh.



"Hei hi maw ințhian dun thuruk chu," a ti nghut a. Lehkhabu kawm en tura a thlek dawn lai tak chuan a hmuh ka hlau lutuk si nen amah chu ka zuan thut mai a.



Ka va bawh rawk rawk chu ani, ka tlak sual hlau si chuan ka kawngah lo manin khum ah min bawh thlu dawt a. Khum chu a dup em vangin ka insawh na lo mai pawh a.

 

Ka chung a bawk run chungin min lo en chhuk nghal ngur a, a pa lian in a rit bawk si nen ka thaw țalh țalh mai, chutah hriatchhuah ka nei thut a. Amah pawn ka ngaihtuahna chu a lo hre ve nghal tih hriat zetin ka lu bula Lehkhabu chu min ban khalh nghal a.



Ngei lutuk a ka melh ngat ngat lai chu nghal ru zeta min en run chungin kan hmai inkar ah tak lehkhabu chu a dah a. A bu hming a chhiar rik lai chuan ka lo maimitchhing vak ringawt..



"Inzir nan a țhat dawn hi," a lo tih sup takah chuan ka meng chhuak riai riai a. Ka lu bul a lehkhabu lo theh thlak dawt pahin, "practical-in ka tih pui hmasa ang che," a lo ti hniam ta chhak a.



Ka thinphu a inthum rawn dup dup rualin ka hmui ah a lo fawp nghal ngawr ngawr a, a kut lum thup a ka malpui a lo chul tel rual chuan ka ip chawih chawih a, zei lutuk a ka mal zut chho zelin a lo nawr kau hmiah a, min fawhna thlah chuang miah lova ka mal inkar ah a lo tlak zeh chuan ka mut kawrfual kha a tawm chho vek tawh tih ka hre chawp chilh nghal a. A boxer chhana a kap bawr ruh leh lum zetin min lo nawr sik takah chuan a darah namin ka tal nghek a. Min fawhna chu a tawp a, boruak kham lo lutuk a thawk ka han la kawk chu ka mut kawr awm a lo pawt thla hrawk a, ka indang hman bik lo, a kut lawng chuan ka hnute a rawn hrawm zui hmiah a.



Ka tihngaihna hrelo mangain a ban bulah ka nam țawk țawk a, thim ruih a min melh run chungin a kut pahnih in ka hnute chu a hrawm kual nawk nawk a, a tawpah phei chuan koham hmel lutukin a rawn fawp ta mai a!



"U Mapui..." tal leh aih pahin hlauthawng zetin ka ti khur dat a. A chet dan chu tawp hauh siloin a kut lehlamin ka mit a rawn hup hmiah a. Duhthawh zeta ka hnute a lo sawngbawl zui leh zat chu ka taksa pumin ka lum chhuak nghal pup a. Ka taksa lo za țek chhawk chhawk chu dawnsawn ngaihna ka hre silo nen a ban rek chu nghet deuhin ka vuan a. Ka awm dan chu ka sawifiah thiam lo, ka hlauthawng a, ka zak ngawih ngawih bawk a, chutih laiin ka taksa khawi lai pawh chu a sa kual pup pup tho si a.



Rum nghut nghut chunga a hmaia a lo nawr nawk nawk chuan ka inthunun thei tawh thlawt lo, "a za.. ka duh lo," ka ti tawlh a. A lo nui che dawt a. Dimte a ka mit hupna a lak sawn rualin hnai setsawt a țang min lo en chhuk run a, "ka it lutuk che" a lo ti chhuak hlawl bawk.



Ka mit chu a vai riai a. Mahse, a ngaihtuahna te thup țhen hauh lova min lo melh tu mitmeng lang thim ruih chu ka hmufiah thuai a. Tih ngaihna hrelo zetin a hmai ah ka nam ta ringawt a. Zawite hian a lo nui huk a. Ka kut chu a fawp leh mawlh mawlh a, chutih lai tak chuan a phone a lo ri thut a.



Rang fe a, "chhang rawh," ka ti nghal chu a nuihzat hmel kher mai.


"Lo call hun a hrelo em mai, tisawn lo in ring vel mai mai teh se," ti nghut nghut paha a lo insiam rem leh chuan ka hmai ka hup ta ringawt a...


🖋Uii.. an in englo ang em?🙈 He story hi tlema 🌶 ve deuh nge in duh a 🌶 lo turin tih kha kan inzawt a ni e.