THINLUNG KHAWNGAIHTHLAK-9

 THINLUNG KHAWNGAIHTHLAK

CHAPTER 9 🌶

Ririni Khiangte Abbra Pitartei




U Mapuia mitmeng chu a thim zual sauh a, ka mitah tak min chhuk melh ngurin a rawn kun hniam vut a, a ban hrawl zet pakhat chuan ka nghen mek darthlalang chu a rawn nam ta run a, ka hmai bul chet a rawn nuih suk pahin a kutphah hrawl zet lehlam chuan ka khabe a rawn dawm nghal vut bawk, thuamhnaw a inbel bawk silo, ka tîm nasa lutuk chu hria niawm tak hian a kiai pah suk a, ka thisen lum pup pup leh thinphu dawt dawt vangin thawk lak pawh a harsa vek tawh.




"Nangpawh hian engmah inbel lo zawk la" a rawn ti hniam ta ruih a. Ka lungphu chu ka pumpuiah a tla thla dawt hialin ka hria.



Chiai ru deuh hian ka melh a, ka thawk chham lek lek chu a mi uap phui mupna vang tih ka chian em avangin darthlalang chu ka tukhumin ka nawr ta vak a.


"Ka duh lo.." ka tih halh chuan u Mapuia chu a lo nui rum hawk a, a darthlalang nam mekna kut zawk a parda chhah zet a pawh phui zui ruai ruai lai te chuan awm chhung sa hut hutin ka thawk lak chu a rawn rang zual a.


Ani chuan hun rei tak chhung min hriat tawh avangin min lo suangtuah fo vang tih ka hria. Ka tan erawh a suangtuahna te chet chhuah pui a, a thil min tihpui engkim hi ka tawn vawi khatna zel a ni a. Ka huaisenna zawng zawng sawm khawm hmasak zet a ngai tlat țhin.



Ka mit takah chiang zetin min lo melh leh siah kher bawk nen, hlauhthawnna leh phur rukna inchen thuak chungin ka thaw dep dep tawh.



"Khum lamah insawn zawk teh ang" hniam chhek chhawkin ka beng bulah a rawn ti leh nghut. Kawchhung lum pupa thawk ka hip let hraih laiin ka beng hnuai thla chu a hmui lumin a lo nul thuak a. Muang changa a nul chhoh leh lai te chuan kan pahnih inkar a boruak sosang lutuk avangin ani zawk pawh a thawk a sa vek tawh.



Ka ban reka a rawn hum lai chuan ka ngaihtuahna te chu a tawi tup a. Amah pawh a thawk lak a nain thim ruih a min en run chungin Khum lamah min kai phei a, ruahin inchung rangva chu rawn nan ri cherh cherh mah se ka thawk la ri chu a hliah bo zo chuang lo. 

Ka taksain khum a deh ruala thil thleng chu ka lo beisei lawk, mah se ka thisenin dawnsawh ngaihna a hriat hlawl si loh vanga ka zam phah em em na thil a ni.



Ka tshirt chu hnehsawh lutukin min hlih (p) sak a, ka bra kilhna lo phelh lehin khum sirah a vawm sawn nghal hmiah bawk. A towel ven lai chu timna pakhatmah tel lovin a pawt phelh a. Îp chawih chunga thawk ka hip let hraih lai chu hmuh nawm tih hmel zeta min thlek kual dun dun chungin towel pawh chu a paih sawn nghal a. A saruak taksa hrawl pui chuan chunglam aţangin min lo bawh khuap zui run a.


A zak hnuaiah kuah chawih pahin, "U Mapui.." ka ti a, a hming chu eng vanga lam chhuak nge ka nih pawh ka inhre lo. Ka awm bawr khuh tu awm lo leh a awm tihrawl khauh țha zet, thisen lum lutuk na avanga lo sa chhuak hut hut a insik chawih phei chuan ka khur ti tih tawh.



"Sawi rawh" a rawn tih chhuah hrawih chuan ka thisen zam a țek chhawk mai. Sawi tur ka hria pawh a nilo. Ka kuah ngheh chawih laiin ka hnung zang ruak kang chu a lo chul kual hauh hauh a, a tha khur ru dur dur te, a thinphu inthum rawn dup dup te chuan min tichawmawlh a, ka darah lo mana khum ah min nam zangthal leh dawp chuan chet sawn tumna ka nei tawh biklo.



Saruaka ka la awm ve lo chu tuar thei loh hmel zetin,"Naute, i kekawr pawh.." a rawn ti chhum leh vut a. Mit ka chhing chawih a. Ka hnial lo a, ka zam lutuk vang zawkin chet ka la ngam ve lo tih chu a hria aniang, U Mapuia chuan hnehsawh zetin ka kekawr pawh chu a pawt hlip thla tawk a, a taksa hrawl leh lum huamin min lo bawh beh leh rual chuan ka thaw ham ham mai.



A palianin a rit nulh a, ka meng chhuak leh riai riai chu hnai setsawt ah min lo melh chhuk ve run a. Kan mit a han intawn siah chuan boruak sa hlawm zetin min lo tuam hlup a ni ber. Ka awm dan chu hrethiam zetin u Mapuia lah chuan min bawh bet zual sauh a. A malpui hrawl tham zet, hmulin a bawh thap hruih leh ka taksa a han insi leh chiah phei chu ka pum chhung a zat phah uaih uaih mai.



Thawk lak tawi zet chunga kan taksa inkar ka zuk melh chuan a hma ai maha thisen lum zual sauhin ka thaw chhuak hak a.


"Hei hi nupa te awm dan tur chu a nih hi," rawn ti hrawih chungin a hmai sa huam chuan ka nghawng a rawn nawr zui tawk bawk.



Chung lam aţang min lo melh chhuk leh ngur pahin
ka dul a rawn chul kual hauh hauh a, a kutphah hrawl leh lum thur thurin a tawhna chin apiang chu a mur sa hut hut zel. Saruak veka a awm bik avangin ka malpui chu a mipat nain ngial ngan takin a si run bawk nen ka chhungril chu a lo khur nasa zual sauh a...



A kutphah lian zet sawn thlaa ka kap kar a lo khawih chiah chuan ka hîk chhuak pup a. Hetiang kher kher hi chuan min la khawih ngailo.



"Eng lo.." thil lo thleng tur chuan min tizam lutuk a, rang zeta bawp ka chip chawih lai chuan awmze nei lutukin a rawn nui rum hawk a. Mit zîm sun hian min en a, ka malpui chu chip tlat mah ila a kut chu a la sawn dun bawk si lo nen, "min ring ang em chu ka hre lo. Mahse, ka la thianghlim," biang sa hat hat chunga ka tih chuan u Mapuia chu a rawn rum hrawih a.



"Ka hria.." hneh zeta ka biang rawn khuapin a lo ti ril ruih a.


"I hria maw?" mak ti deuhin ka ti let a, ngengngawl lutuk hian min fawp nghal ngawr ngawr a. A malpui hrawl zet chuan zei lutukin ka mal chu a nawr kau pah bawk a, min rawn bawh bet leh chiah chu ka mal inkar lo za uaih avang chuan tih ngaihna hre lo zetin ka maimitchhing leh vak ta ngawt.




Ka awm chhungah chuan boruak hlawm sa lutuk a inhnawh kual nghal tup tup bawk.


"Ka hmuh leh hmasak ber țum che a he i mitmeng pawisawi lo zet a min melh rual khan pawi i sawi loh tluk zetin i thianghlim tih ka hria," thawk sa zet chungin a rawn ti nghut nghut a.



Ka meng chhuak ngam lo chu, "Naute, min han en teh," ngengngawl zetin a rawn ti zui tawk bawk.



"I thianghlim tih ka hriatchian vangin alawm i dawl chin tur bak a chet ka lak ngai loh," a lo tih leh hulh chuan ka meng chhuak riai riai a. A nui hmel pa zet chu ka hmu zui a.


A hnu leh a thil thleng chu ka lakah mipain an ti ang tih pawh ka rin ngailoh thil a ni. U Mapuia chuan ka pantie chu a hlip hmiah a. Khum zau puia saruak ngal ngat a ka mu tawm chaih chu a ngaihtuahna te thup ţhen hauh lova mi han melh kual dun dun zet mai chu!! Zahna avangin ka khur a, ka sa pup pup a, ka bawp nawr kau a mit la sawh hlek lova a lo melh nghal ngur chuan hmai ka hup leh ringawt tawh.




A nui rum hawk a. A nui ri thum leh zawi ruih chuan ka taksa pumpui a fan țek chhawk chhawk a, a taksa rit nulh chuan min rawn bawh bet leh runin ka bengbul ah zawi lutuk hian, "I mit meng pawisawi lo zetin phurna danglam tak min pek tluk zetin i zahzumna hian min ti zauthau zaul sauh a nia," a rawn ti ngul ngul a.



A che zui vut a, a awm hrang chiah chu boruak vawt hit zetin min lo hmet mur nghal sung sung mai. Mahse, atthlak tih hmel lutuk a u Mapuia nui thum hawk ka hriat leh rual chuan engkim chu a rawn thim mup a.



Mit ka men chhuah leh chuan kei pawh ka nui ve lo thei lo. Kan puan sin lai chu pawt pharhin ka taksa chu a lo kuh hlun a.



"Ti hi chuan i zak lutuk tawh lo tur ah ngai ang," kiai suk hian a ti zui hluk bawk.



Puan hnuaia duhtawk a zei lutuka chet a han la zet chu dawnsawn ngaihna ka hre lo!!



A tawlh hniam thla a, ka bawp chu a duhtawk a siam remin ka khup ațang ka malpui lamah a biang thap hraih leh lum huam chuan a lo nul chhungril zel a. "I nalh lutuk naute," rum hrawka a rawn tih te chuan a hmai awmna chu a chhungril tawh em avangin ka țim chuaih chuaih mai.



Koham lutuk hian a rawn fawp ta ngawr ngawr mai si. A lei sa zetin a rawn tawh rual chuan ka thisen chu a so bulh a, lungawi hmel zeta rum chunga a lo thawk chhuah hawk hawk chang phei chuan ka ã mai dawnin ka hria...



Ka awm chhungah chuan eng emaw hi a rawn inhnawh kual tup tup a, u Mapuia lah chuan a thil chu vuan runin a rawn nawr kual nawk nawk a, ka awm chhung sa bulh bulh leh mal inkar za uaih uaih vangin ka thawk a chham ti tih tawh. Inbeng kangin ka mal inkar chu ka zuk melh zawk a. Mahse, rang lutukin ka maimitchhing nghal chawih thung. U Mapuia chu a lo nui rum hawk a, a thilin a nawr kual na chin chu a hriat lutuk.


"I mit meng rawh Naute" min bawh run a ka bengbul ah a rawn phun sup rual chuan nghet deuhin ka inhum ruh nghek. A mipatna lian zet khan ka mal inkar chu a la nawr kual ruai tho.




"Ahriat.. khawngaihin" sehchilh deuh nawk hian a rawn ti leh tawk a. A aw ri ngenngawl zet avang chuan ka meng chhuak riai riai a. Ka mal inkar sa pup pup leh za uaih uaih vang erawhin ka inhum ruh nasa ngang mai.



Ka beksam ah lo țham deuh salhin ka hmui ah a rawn fawp a, ka thawk lak a mumal loh em avangin ka chhang let ve thei lo, "a tawp thlenpui tur chein min duh em?" khur ru hluk chungin a rawn ti chhuak hrawih.


A mitmeng thim khup chu min ei zawh vek a chak hmelin ramsa rilțam kohham zet hi a ang tak zet! Ka la tawn ngailoh sosangna mak danglam lutuk vanga ka thawk lak buai vek chu hmuhnawm tih hmel zet hian min lo en let ngur a, ka taksa inkar ka zuk en leh chuan a ri a ka sawi chhuah ka rin ngailoh chu ka sawi chhuak ta phawng!!



U Mapuia nui rum hawk avang chuan ka thaw halh a, a mitmeng thuk ruih avang chuan ka lai hlum lo chauh bawk, "sawi nawn leh teh," kiai suk pahin a lo ti let nghut. Ka thil sawi chhuah kha a beisei loh zia a hriat theih bawk.



"A lian em mai ka hlau..." nghal lutuka a lo nawr nat tawk avangin ka rum chhuak hak a, ka tukhumin lukham chu ka nawr ngat ngat bawk.
 

"I duhdan chu ka zah sak ang che. Mahse, i tla phawt tur a ni," thupe aw zetin a rawn ti nghut a, ka hmuiah a rawn fawp nghek a. A sawi dan tehtawlh chuan min țham lum pup a, ka mitah a rawn en leh rual chuan ka feel dan hre duh ang hrimin muangchangin chet a la zawm a.


A kâ ațang rawn thaw chhuak hawk hawk paha min en ngur chuan a sawi ang chu ka tawng rang kher mai, ka taksa pum pui chu ka la hriat ngai reng reng lo thil chuan a lo fan chhuak a, u Mapuia malpui chu ka țham ngawt ngawt a, a nawm dangdai em avang chuan dawnsawn ngaihna hreloin ka țap lek lek hial mai. Mumal lo zet a ka tal khur dat dat chu min lo bawh bet a, khur ru hluka ka hming a lam chhuah hrawih laiin ka dul chu a lo lum zui puat puat a.


Ka lungphu dawt dawt te, ka ngaihtuahna zang hui leh khaw hmuh thim sulh sulh te chu a rawn ziawm tial tial a. Min bawh bet tu taksa hrawl leh rit nulh chu nghet lutukin ka kuah bet nghal a.


Chutiang thil chu nupa dangte'n an inzawt ngai em pawh ka hre lo, "a nuam i ti em?" la khur ru hluk chung hian a rawn ti a nih chu..



A hnungzang ka ham sak vak lai chuan a lo nui lum hawk a, "min han hrilh teh," zawi lutuk bawka a lo tih leh chuan insehruh vak chungin "aw," ka ti let ve tawlh a.



U Mapuia chuan min nuih leh mai ka rin laiin thutak fahran hian, "lungawi taka siam che hi ka duh reng a ni," rawn ti hniam chhak a, a khutphah lian zet chuan ka thukhum lo dawmin ka nghawng chu a rawn fawp zui ngawr ngawr a.


Lungawi taka min siam a lo duh hle țhin a maw?



A taksa hrawl zet hnuai lam ațang chuan a zak hnuaiah ban rawlhlin ka kuah bet leh vak a, a taksa chu a sa huam huam a, puan a kan inkhuh tlat avangin a lo thlan huh dap bawk.



A lungphu dup dupin a min nghawrna ka feel thiam rualin ka chhungril ah chuan che kual rawih rawih a awm.. U Mapuia thawk la ri te, a lungphu dup dup ri te leh a mipa rim pa zet te chu ka thlahlel thar riau ni mai hian ka hria.


Chutiang thil ka ngaihtuah lai tak chuan u Mapuia chu a lo inbeng kang vut a, keimah vanga danglamna nasa lutuk a tawn ve tho avanga a hmai vun sen țeuh te, a hrawk hrui lo inphiar deuh țalh țalh te chuan min fan dan a danglam vek tawh.



A kut phah lian zetin ka biang a rawn khuap a, "I ngaihtuahna leh thinlung ah hian keimah chiah ka awm reng tur a ni" a rawn ti chhuak hlawl a. "I hria em? Naute, Keimah chiah," ti thum leh ruihin dam thlupin min fawp nghal mawlh mawlh a.


Chunglam ațang chuan lungawi hmel zetin min en vung vung a, ka lai viau nain kham loh hmel zeta ka awm bawr a lo nul kual leh thuak changte chuan a sam karah kut zen lutin ka lo dawngsawng ve zel a.



"ka chau tawp.. ka zawi ngawih ngawih ni berin ka hria," zawite a ka tih chuan u Mapuia chu a lo kiai suk a.


"A vawr tawp i thlen vang a nih kha," ka beng bulah a rawn ti thuk ruih. Ka ip chaih a, ka zak tak zet mah se, 'nupa kan ni tawh tho' tiin ka infuih ru a.



"Chutiang vang chuan a chauh theih ami?" ka ti let ve a, "Yeap... hlau lo phei la chu i tho chhuak peih kher lovang," ti supin a kiai suk, a sawi awmzia ka hriatthiam takah chuan lei ka chhuah zeuh a, kan puan inkhuhna chu a hlip zui ta hmiah mai a.


"Hey... Theh sawn suh," mangang lutukin ka ti tuarh a, rang lutuka ka taksa inhup a ka tawm zui chawih avangin u Mapuia chu a nui rum hawk a, lu a thing nghut nghut bawk.


"Lo ban hnai teh, inkhuh leh ang," ka ti chel chul a, ka thil sawi apiang chu min melh ngur chungin a nuihpui zel leh nghal. Saruak a kan awm chu a zak ve mang bawk silo, a lukham zawk ban meuh a inhliah nan ka han hmang tur chu nui ruh ruh chungin min lo chhuhsak hmiah a.


"Intleuh thuak phawt ila, i mut ka phal sak ang che," a ti ta nghut, saruak kan ni tih chu ngaipawimawh lo zetin min pawm tho nawlh a.



Ka khek raih chu hmuhnawm tih hmel lutuk a min en ngurin pa lutukin min nui suk suk reng a.


>>


Bathroom ațang chuan towel veng chungin ka chhuak a, khum bul chhuat a kan thuamhnaw lo let darh phung ka hmuh rual chuan ka sa nghal ap ap a.



Rang zetin ka chhar khawm sawk sawk a, khum tlangah dahin pantie ka la chhuak a, ka inthawlh lai a u Mapuia lo chhuak chuan awmze nei deuh hian min rawn nuih suk a.


Ka melh rum vak nangin ka nuih erawh a za ve viau tho.


"Naute..." tia a rum hawk chuan ka en thuai a. U Mapuia chu min melh ngur chungin a lo nui leh hawk tawh.


"Eng nge?" ka tih lah chuan ka kekawr inthawlh lai chu lo enin a nui ruh ruh a.


"Thuamhnaw dang i inbel duh zawk lo maw?" a lo tih tak ah chuan, "Duh lo. An kal chhuah hma lawkin hei ka inbel sia, an lo haw a thuamhnaw dang ka lo hak daih te chuan..." ka ti mawlh mawlh a, u Mapuia nuihza insum mitmeng lang lum ruih avang chuan sawi zo leh ngam lovin ka insehruh ta vak a.



Hahthlak min ti ru ve ngawt ang. Ngaihtuahna ka hman dan te chu a la naupangchhiain midang mitmei veng tawk lekin ka la nawi niah bawk si a.


Mahse, ka thuamhnaw hak ngai chu ka inbel lui tho a. An lo haw huna awmze nei deuh a Lucy-i'n min melh leh tur vel tuar ai chuan ka pawi tilo zawk daih.



Khum ah chuan inhmachhawn zawngin kan mu a, a ban min lukham tir a ka sam hnawk niai chu a khal rauh rauh a.


"Muhil tawh rawh. Mahse, mut rei awih loh," a tih nghut chuan, "naaa," ka ti hlak a, a hrawkbawk ka khawih sak niap niap bawk.



"I mut rei chuan zanah i mu thei lo dawn," ti nghutin a awm ah min kuah bet a, thawk a lak huai lai chuan, "u Mapui, naupangchhia min ti viau em?" ka ti phawng a.


Min nawr hlat hlau deuhin a taksa chu kuahin a awmah hmai ka phum nghal tlat bawk. Ka ngaihtuah let a, kan nupa leka kan awm chungin khum laizawl ah leh zel pawh ka zak em em zel a, puan a kan inkhuh a ngai hial te kha țullo a lo ti ngawt ang.



"I la naupang alawm," a rawn ti a, min fiam tih hre tho mah ila a hnung ah ka ham sak hrak a.



Chutah zawi leh thutak zet hian, "ka bulah chuan nausen ang maiin i awm thei ka tih tawh kha. Rinawm tawp rawh Naute.. a bak zawng chu ka kut ah nghat la," a ti nghet churh a. A aw chu zawi viau mah se ka kawchhung a che lawih tho.



"Eng nge i sawi awmzia?" ka ti leh țalh a, ka chhip ah a khabe lo nghat pahin u Mapuia chu a thaw chhuak ham ham mai.



"He i lu bur tereuh te chhunga i thluak ah te, i thinlung chhungril ber ah te khan sulhnu reh thei tawh lo tur ka siam dawn. Chu thil ka thlen tir theih nan chuan rinawm tawp rawh," muk ruihin a rawn ti a. Thawk ka chelh nghal tlat mai.

>

Ka muhil u Mapuia'n min kaihthawh hnu reilote ah nu Tlingi pawh eirawngbawl turin a lo kal leh a. Ruah a han tawh a, ka nu te kal chhuak ta kha an la reh vang vang a, ruah tlak loh lai chuhin khawi khawi emaw an tlawh kual dawn a nih ka ring.



Kan la innel vak lo nain nu Tlingi chuan min be siam siam reng a. Tlai lamah pawh hetah a ei ve leh dawn emaw ka tih chuan a nui kar kar a.



"Ei tawh bik love, tukin kha chu lo thleng hlim in ni bawk a, ka kil pui cheu a nih kha," a ti melh melh a, a sawi zel takah chuan a fapa high school zirlai nen mi inhnuai luahin an khawsa tih te ka hriat belh a. A pasal chungchang erawh a sawi miah lova, a boral tawh a nih chu ka ring deuh a. Rual pawl thiam ve deuh nih chu ka chak thar hle bawk.



Ka tun dinhmun ah rih hi chuan midang zawhna zawh a, ti ti bul țan tu zawk a țan te hi ka hreh tlat a. An duh loh zawng deuh ka zawt palh ang a an rilru ka ti na ang tih ka hlau pakhat bawk. Mahse, rual pawl thiam tak te erawh chuan kar lovah mi te natna pai ruk reng te thlengin an sawi chhuah tir thei mai zel thung a.



Eirawng kan inbawl fel hnu ah ka nu te pawh an lo haw ve ta a. Lucy-i te pahnih chuan sawi tur an rawn ngah haw ngang mai.


"Hei, quarter chhak lawk ah khian tlang nuam lutuk a awm asin," Lucy-i chuan a ti zui mawlh mawlh a. Inhnung lamah pawh hian huan nuam deuh chu a awm, ka la belchiang lo mai pawh a.


"La han kal ve tur a nih chu," ka ti ve mai a.


"Umm, vak chhuak harh ve rawh, a tlang lah a thengthaw nuam ropui sia. Chuan, a piah deuh ah lodge a awm a, chuta țang chuan hla kungpui mual pawh a hla vak tawh lo," a ti leh barh barh a, an thlalak te chu min en kual tir a.



Kan chhak lawka tlang awm ni a a sawi chu a sawi ang tak takin a nawm hmel hle a. Ka naupanlaia ka lemziak te kha min hriatchhuah tir rauh rauh a, ka la tlawh ve khawp ang. Ka suangtuahna a huan mawi deuh kha a ang em mai.



Zanriah ei hma deuhin ka pa te'n an rawn call a, u Chawiteii nen pawh kan inbe ve a, min han fiam hlut tak nain nau te zilh ang deuh hian țhu țha min hrilh ve melh melh a. Khawtual mi te'n a an pawh țhat ngam loh khawpa inlahrang tlat lo tur te in min chah uluk ve viau mai.




Zanriah ei-kham hnu reilote ah kawngkhar chu an lo kik dat dat a, Meme-i'n a va chhawn chuan a ngaihna a hriat loh hmel khawp a.


U Mapuia thung chuan hrethiam zet hian, " Saka, lo lut rawh u," a ti hlut a. Tukina an sawi tawh angin nula rim tur chuan an lo kal a nih ka ring a.



Mahse, Dana kha a lo tel ve ang tih hlauhna ka nei thut a.


Ka tui in na no chu sil sawk sawkin ka chhuak phei ve nghal a. Saka leh tlangval dang panga te chiah ka va hmuh chuan ka thaw ru huai mai.



Meme-i pawn an lo len chhan chu a hrethiam ve ta aniang, țha takin a be nghal seuh seuh a. Ani hi chuan inleng a nei țhin tawh miau a, a ngaihtuahawm lutukin ka ring lo.



Lucy-i bawk a ni ngaihtuahawm tur chu.


An mutna pindan kawngka ka kik dat chuan a lo hawng thuai a, "lo chhuak ve rawh, an lo rim dawn che u," ka tih chuan a meng phawk nasa ta mai a!




"Uiii, deuh ringawt a, ka zak e a," a ti ta chiah a. Nui pat patin a banah ka kuah a, țhutkhawmna lam thawm lah a țha nghal ham ham bawk si nen a țang deuh fuat fuat a.


"Hey.. tikhan awm țung suh, i awm tih an hre vek tawh a, i lo chhuah ve loh te chuan 'mikhual nula induh' an ti mai dawn che asin," ka tih ngial pawn, "Anu leh apa te'n inleng neih an la phal reng reng hleinem," tih țanin a țang țang kawh tlat a. Kan inpawt thawm chu an hriat ka hlau bawk nen a ban chu thlahin kan han indinchilh leh ren rawn phawt a, nuih erawh a za duh viau.



"Keiman nu Zari chu ka hrilh sak mai dawn che alawm," thlem pah ti tih hian ka nuih a, "ka duh teuh lo. A hriat phei chuan min chhaih leh vak dawn asin," a lo ti ve hmak. Ka nui hak chu min lo nuih ve pahin a awm dan chu a han siam țha leh rih a.



"An tam em?" a ti zui a. "Paruk chiah," ka chhan letna avang chuan a hreh zual hmel khawp leh nghal.


"Lo kal rawh, an fel hlawm lutuk. Meme-i pawh a awm alawm," ti pahin a banah bawk ka kuah leh a. A țang țung ta bik lo.


High school kan zawh hma aţangin ngaihzawng ang reng deuh a sawi theih chu a nei ve țhin. First year kan zir lai pawn keini ai u deuh, MZU zirlai pakhat nen an inzui ve reng a. Mahse, ani pui chuan a lo kawp khanglang a. Ka țhiani hian a hriat chhuah rual rualin a țhen hmak a, kan single dun ta reng kha a nia.



Țhutkhawmna lama lo awm te a han hmu ve chiah chu a ri ta hlat a, "Zoramsang," ring lenglawnga a tih chuan khawtual tlangval zinga pakhat chu a lo nui ruh ruh mai.



A țhian te'n "Ramsanga chu mikhual nula te nen in lo inhre bik reng elo?" an tih fiam laiin Lucy-i pawh chuan min hrilh ni awm tak hian, "I hrelo a mi? Kan collage a mi anih saw," ti pahin min rawn en a.



Zoramsanga a tih pa chu ka va en ve leh a, ani thung chuan u Mapuia nupui leh an mikhual nula te chu keimahni kan ni tih hresa vekin a lo leng tih hriat deuhin a lo nui ruh ruh reng mai.


An lo luh tir pawha ka hriat loh sa nen, chutia Lucy-i'n collage khat ah kan kal ho thu a sawi phei chuan ka bo zual tulh tulh a.



"Education departmet a mi a nih saw. Uiii, i hre ve lo aniang," min ti a, a hmelhriat an awm tel vangin a zam ta lutuk lo tih hriat zet hian common room lamah chuan a phei a. "Kan inhmu teh hlawl chu a va'n han mak tak, hei hi in khua a ni tak tiraw?" a ti ta mial mial a.



Ramsanga pawh chuan țha deuh hian a chhang let a, "kan lo lut kha Ahriati hian min hriat loh hmel ka ti tawh reng a," tiin min fiam zui a.



U Mapuia bula țhu ve pahin tawitein ka nuih let ringawt.

"Ani hi chu i hre mai lo a mi, a zak zum lutuk a, hmelhriat te hi a siam ve zung zung thiam lo, college kal chhung khan kan department ami te chiah hriat belh a nei hial ang," Lucy bawk chuan inla puitling deuhin a ti ngei a, "Miss PUC a nih loh chhan pawh contestants ah a tel ve loh vang mai mai chiah kha ania.." Ramsanga'n a lo tih chuan ka chek khum hlak a.



College Miss thlanna a tel tum te reng rengin min el anga lang em em silova ka tel ve an huphurh ruk țhin zia te chu an sawi chhuak a. U Mapuia lah chuan min chhuan hmel zet hian min en a, "an ti ve mai mai a nih hi," zawite in ka ti ta ringawt a, a kiai suk suk ringawt.



Insawi theihna vang ni lo se, hmelțha leh pian nalh ti a sawi hat ka ni țhin. College kan han lut chiah kha zirlai te kan inpawh tlan awlsam nan sports in a zui deuh mai a. College Miss an thlan țhin avangin group tin ațang a țha zualte an han inthlang chhuak a. Chung an thlah chhuah ho te hriatchak ber țhin chu, 'Ahriati kha a tel ve dawn em?' tih a ni țhin. Inhmelhriat țha kan nilo chung pawha hmaichhana min zawt hial te an awm țhin a, ka tel dawn loh thu a ka chhan ruala veng ta huai te pawh an awm. Kan group hruaitu te lam erawhin min ngei phah viau zel. Ka induh vanga min puh tawk te an awm phah a.



Mahse, Miss thlanna vela in vawrh chhuah tawh chuan kumtluanin zirlai dangte mit fukna kan ni zui tawh dawn a. Midangte thlir bik nihna chuan kar lovah incheina changkang leh danglam bik awhna a keng tel dawnin ka hria a. Kan chhungkaw dinhmun ka hriatchian em avangin kan phak tawk ai sang a inchei chakna, awh-na sual ah ka tluk phah na mai mai tur ni a ka hriat avangin eng thil ah mah ka inrawlh ve ngailo.



Saka ber chuan ti ti a thiam a, kan nui tlang leh ham ham zel mai. Ka nu pawh reilote a rawn țhu chhuak ve a, a kawng kham thu sawiin a lut bo leh thuai bawk.



Dar 8 rik hma deuhin, "Thingpui ka'n lum ang e, a eng nge in in duh?" Meme-i chuan a ti ta hliai a.



An inleng te pawh chuan a hang a lum turin an hrilh a, ruah a rawn tla zui chiar chiar a, uang fein, "chu, khua pawn kan haw a phal rih lo anih chu, ruahin min dan (g) tak leh kan leng reng anga a ni mai alawm," an ti a. An nui leh ham ham hlawm mai.


"Naktuk lam tih tur in nei em?" an ti a, Lucy-i'n inkhawm bak tih tur an neih loh thua a chhan chuan Sunday tlai len an rawt chawp a, Meme-i pawn phur zetin Choka lam aţang a lo sawipui ve a.


Chutih lai tak chuan veranda lamah thawm na deuh a lo awm a, kê per deuh tluk tluk ri chu, "mî nan hman chu le" chhum bul zet a ti thawmin a zui bawk. Chu aw ri avang chuan kawngkapui lam chu ka melh phawk nghal hra a.



"Dana a nih dawn chu.." Saka'n a ti chiah mai chu ka ding deuh phat a ni ber.


U Mapuia chu en pahin, "mu tawh ang," ka ti nghal ringawt a. Kawngka in khar phuilo deuh chu a rawn kik ve chiah bawk.



Meme-i thingpui lum mek chuan, "Lo lut rawh u," tiin a chhawn lang lang a. Lo lut tur pa chu ka hmuh hreh deuh tlat avangin kan nupa mut pindan lam panin ka kal nghal daih a.



Dana chu a lo lut zui mai aniang a țhiante chuan an lo fiam hlut a, kan nupa mut pindana ka lut fel chu thawk ka la vak ringawt.



'Ngatinge ka hmu hreh em em le,' tia ka ngaihtuah chuan chiang takin chawhnu a thil thleng kha ka hmu let nghal a. U Mapuia nen kan awm dun lai zak miah lova min lo thlir reng avang khan keimah zawk hi ka zak ni ber in ka hre tawh. 

>>

Sunday tuk chu kan phe suau suau a ni ber. Nu Tlingi a lo kal lova, inkhawm hman loh hlauin ka nu ho chuan eirawng kan bawl a.



Lucy-i phone khawih chu țum dang ang lo takin a nui deuh reng maiin ka hria, Zoramsanga nen khan an inbe zui a nih ka ring nghet hmak bawk. Nakin ah ka zawt chiang ang.



Ka nu'n chhung inkhawmna hun a hmang a, tukțhuan kan ei zui nghal mai a, zingkar dar 5 bawra ruah tla bak kha a lo tlak leh miah tawh loh avangin Meme-i te pahnih chuan kê a biak in pan an rawt tlat a.



U Mapuia'n "Quarter ațang Biak in awmna chu a hla lutuk, Pathian vengah daih a nia, motor a kal hle hle tur," a tih pawn an hnial deuh tlat a.



A tawp ah chuan, "inkhawm kal rual pui tur in nei țha deuh a ni maw?" a ti ta nghut a. An pha nasa viau nangin keipawn rin dan tawk chu ka nei. Nula an la ni a, mikhual an nihna hmuna khaw tual tlangval te nen a Biak in pan a inzui diah diah chu a nuam ru phian ang.



Kan nupa chu insiam turin kan inzui lut nghal a. Inpuia kan awm lai khan thil tam tak ka man thiam ve hman a. Ka inkhawm khat bakah ka inkhawm ve țum pawn ka inchei ho lam țhin viau zel. U Mapuia te chhungkua erawh chutiang chu an lo ni ve hauh lova. Biak in chhung a hak luh tur thuamhnaw chu an duh uluk ti ila ka sawifiah ber ang.



Puan bih mawlh mawlh pahin darthlalang hma ah chuan ka ding a, ka kawr pawt mar leh pahin u Mapuia lam chu ka va thlek a, a lo buai ve khawp mai.



"Puih i ngai em?" ka tih chuan ka dinna lam panin a rawn pen nghal khup khup a.



A pa lianin a coat hak tur chu a kut lehlamin a khai run a, ka hmaah tak a rawn ding khup a, " i nalh hle mai," a ti zui sup bawk.



Ka nuih let mai a, a kamis kilh chu ka kilh sak mial mial a, ani erawh chuan thuk ruih a min enin ka sam hmawr kawi chiat chu a lo khawih kual dun dun a, vest ka kilh sak leh chuan vest a hak tel hian a taksa chu a lang hrawl zual vekin ka hria a.


"I hrawl," ka tih hlak chuan a lo kiai suk a, "hrawl ngawt lo deuh pawh..." awmze nei zet hian a lo ti hniam chhak a, a mit a ka melh ralh chuan rang zetin ka hawi sawn leh nghal a, u Mapuia erawh cool ruihin a lo nui hawk thung.



"Naute, car chahbi kha.." a tih chuan rang deuhin motor chahbi awmna lam chu ka pan a, ka let phei leh chu a kamis ban kilh mual mual pahin min lo en run a, a kut phah hnunglamah chuan thisen zam a lang ruih a, a ban tha chak zia pawh a hrechiangtu ber ka ni.



Ka ngaihtuahna vang chuan lu ka thing ta nak a.


An duh ang ngeiin kan nula te pahnih chu motor in kan kalsan dawn a nih hmel a. Mahse, an ngaihtuah awm loh khawp mai. Quarter aţang kan tlan chhuak chiah chu Zoramsanga te nen kan intawk a, quarter gate a an lut lai chu motor darthlalang ațang thlekin u Mapuia chuan a nuih zui suk a.


Ka nu chuan, "Ahriat i hming ziah luh tir nghal ang u aw," a ti a, ka bo deuh nain ka hrechhuak ve leh mai bawk.



"Mapuia pawh Tlangval ni tawh lovin Pu tia thlak a ngai ve tawh bawk ang a," a tih lai chuan u Mapuia chu a kiai suk suk a.



BDO quarter awmna hi khawchhung aţang tlema a va fal deuh avangin in din tamna chin kan han thleng chu ka nu a ri zui barh barh a. Biak in pana naupang kal diah diah te chu hmuhnawm a ti ngang mai.



"Rin ai takin naupang an tam a nih hi.. an khua pawh a țhang chak dawn e, heng naupangte hi kar lovah an lo țhang lian ang a, Khawbung khua chuan țhalai an ngah dawn hle mai," a ti a, rual khat a naupang inzui diah diah te chu a thlir let vei thul.



"Nu, an țhalai lam te hian zirna te hi an ngaipawimawh hlawm asin, a tam zawk chu xii result a chhuah rual khan collage zir chhunzawm turin an kal chhuak ta hlawm a. Tun a la awm tam zawk te pawh hi collage result nghak mek paha khua a lo haw te an nih hi," u Mapuia pawh chuan a ti ve a. Keini aia awm hmasa zawk a nih vangin khaw tual chanchin pawh a hre hman viau ang.



Ka nu pawh kum 40 dawn zirtirtu hna lo chelh tawh tu ani a, a fapa in țhalai te nun leh zirna chungchang a han sawi kawp chuan sawi belh tur a lo ngah ve khawp mai.



"Țhalai lamin zirna an ngaihpawimawh phawt chuan thingtlang khua ni mah se khawpui zawk te pawn an hmusit ngam teuh lo. Thingtlang khua a țhalai cheng te'n zirna an thlahthlam chiah hian khaw pumin a tuar tawh țhin. Khawpui a school țhenkhat tlu chhia chu veng khat em pawn an tuar ngailo. Thingtlang lam erawh Khua ang a engkim a kal tawh țhin avangin khaw pumin a tuar tawh mai zel a, lehkha zir zawm zel tura țhalai lam an pawimawh tluk zetin nu leh pa te hi a laimu chu an ni leh țhin. Țhalai lehkha thiam tamna khua ah chuan nu leh pa fing an tam tihna a ni mai," ka nu chuan a ti a.



"Nu leh pa tam zawk chuan kan fa te hi an tet lai ațang kan chhaih mawl chho țan ni maiin ka hria," a tih chuan kan lo nui ve tak nain a dik viau lawi si.



"puitling fing zawk turin țawng fiah lo deuh a naupang țawng zir tir te kan be tlat zel te hi a atthlak asin," a ti a, ngaihtuahna a kal thui deuh chungin a sawi leh tur chu ka ngaichang ran a.



"Țawng fiah lo hlirin fate kan chhawnchhaih a, an lo lian deuh a, duat theih tawp a duatin an mahni in engmah kan hmachhawn tir phal leh lova. Kan thunun bet a, thu an han awih loh deuh lahin an thil duh zawng tak hmangin kan vau bet a. Fate inrintawkna neih ve te chu kan tihchhiat sak vek a. Naupang tam tak chu higher an rah tawh hnuah pawh mahni a admission form fill up thiam lo khawp a nu leh pa te zawkin engkim an tih sak ngai te an la awm asin," a tih lai chuan keipawn thil tam tak ka ngaihtuah let rauh rauh mai.



Kei kha chu nu leh pa te zawkin ka zirna chungchang lam reng reng min ngaihtuahpui ngailoh avangin ka thiam ang angin ka inhaikua a. Ka nu sawi ang deuhin collage kan rah ve hnu thleng pawn; mahni a fill up tur awm te fill up ta mai lova nu leh pa te fill up tur a hawn kher kha an la awm țhin.




Ka nu chuan a sawi leh zel a, "Chutah zirna insang zawk kai rual an lo ni a. Fa te țawng fiah lo a be ve ngailo, inhlei lo tur a fate vau bet ngailo te enkawl seilenna hnuai a naupang inrintawkna nei ngah tak te nen zirna hmun khatah an han zir ho ta chiah a. An danglamna a rawn lang chho țan a. Kan fate chuan mi fate chu an phak lo chho ta zel a. Chutah pawh nu leh pa tam zawk chuan, 'a tet lai ațanga kan enkawl dan a fuh lo a nih hi, kan fate enkawl kawngah hian insiam țhat kan ngai hle a ni' kan ti duh leh miah lova. Kan fate zawk kan mawhchhe chho țan a, 'țhiante pawh tluk thei reng reng lo mai,' tiin mahni indah țhain fate rilru kan tih hrehawm sak leh si a," a ti mial mial a. A țhat lai hun zawng zawng zirtirtu hna thawh nan a hmang zo a. Naupang sang tel teh meuh a lo enkawl chhuah tawh dawn avangin a zirlai naupangte nunzia ațangin thil tam tak hriat a nei ngei ang.



"Chutianga fate mawhchhiat ching nu leh pa te chu thingtlang lamah an tam phei chuan kar lovah zirna in a tuar mai tawh țhin. Hna ka zawm tirh chuan thingtlang lamah te pawh min sawn kual ve lawp lawp a. Chuta ka hmuhchian em em chu nu leh pa țhenkhat te hian an fate hmalam hun tur an tihchhiat sak nasa lutuk țhin hi. Anni chuan an tihchhiat sak tih pawh an inhre kher lovang, an fate'n zirna kawngah mi fate an phak loh chang te, fail palha beihnawn an ngaih chang te in nu leh pa țhenkhat chuan, 'i thiam ve thei tak tak chuang lo, bang daih la, inhlawhna awm apiang ah inhlawhin pawisa lo la lut ve la chhungkuain kan țangkaipui zawk ang' tiin an fate chu an hau țhin ta mai a. A pawi tak tak asin aw. Fa te rilru ah tum sang tak dah sak a, an hlawhchham changa fuih sauh sauh aiin fate hmathlir zawng zawng tihchhiat sak a dinhmun chhe taka awm kumkhua tawh tura hnuhhniam kan hreh miah lo..." a ti a. Chuthil chu nitin deuh thawa kan zoram chhung ngeia thil thleng mek a ni. Thil thlen dan chiang taka sawi chhuah a nih hma zawng kha chuan a mak ka lo ti ngai vak lo. Mahse, ka nu ang mi thil chik mi takin a point out fak fak takah chuan nu leh pa țhenkhat te'n mahni fate ngei ngei kan enkawl chhoh dan chu a lo makin a rapthlak tak zet.



"Chik chik mah rawh u, Mizo te'n a rawn tlak a kan ngaih, kan zah ruk em em te hi chhungkaw hausa sa ațanga lo seilian an ni bik miah lo ania. Kan IAS hmasa te, kan officer hmasa te leh ziak mi hmasa hnam pum anga kan ngaihsan te ho hi an chanchin chhui chian chuan thingtlang khaw te ve tak ațanga lo inzir chhuak an nih loh leh fahrah reithei tak a lo sei lian, zan a eng chhit tur mumal pawh nei ve lo te an ni deuh zel ang. Mahse, chung mi te'n a an hlawhtlin chhan nia an sawi tam ber chu, 'ka nu leh pa emaw ka pi leh pu te khan ka lehkhazir kha min men pui țang țang țhin' tih emaw, 'ka thiam thei lo lutuk beidawng țhin khan school ban te ka dil ut ut a. Mahse, ka nu leh pa te zawkin an phal lova, min fuih sauh sauh a, lehkha ka zir theihna tur a nih chuan ram hna thawh ve te kha an phal ngai lova' ti te a ni zel ang. Dinhmun țhaa an din theih tak nachhan chu fate chaklohna remchangah la a beih let nan a hmang ve ngailo fuihtu an neih vang a lo ni zel ang" a ti a.



U Mapuia pawh chuan, "a dik khawp mai. Ka thawhna hmasa ah pawh khan kum 18 em pawh la tling silo, zirna chawlh sana inhlawhna awm awm a inhlawh mai țhin kha an tam ang reng ania," a lo ti ve sup sup a.



"Chutak chu alawm pawi em em ni. Nu leh pa te zawkin zirna ah an hlawhchham palha fuih phur tak aruangin an inhlawhna ațanga an sum lakluh tlemte te kha an thlahlel tlat zel a. A tirah chuan kum naupang taka zirna chawlhsan a inhlawh te hi a pawina a awm pawhin a lang mai . Mahse, nupui pasal te neiin fate an han nei ve leh chiah a. Damlohna te vanga a lo inhlawh reng theih loh phei chuan chhuanchhamin an awm thuai a. A nu leh pa te'n an tih ang chiahin a fa te pawh lehkha zir san tir ai chuan school bang vat vat se, inhlawhna awm ang ang ah inhlawh a sum thawk chhuak ve turin a phut thuai tawh mai țhin. Retheihna kan chhuanlam a. Mahse, retheihna ațanga min khaichhuak turin fate lah kan țawiawm huam leh țhin silo lai tak te hi a pawi zual a nia.." a ti barh barh a.


"Tunlai Generation te tuarzuau thu leh hauh ngam an nih tawh loh thu te in mi tam zawk chuan an ril a rah te an bei țhin tlat nia. Mahse, chutiang sawi ching mi te chu han chhui chian chuan nu rawn/pa rawn an ni mawh viau zel. Keichuan, 'tunlai generation te hi an zuau lova, social media ațang te in khawvel lehlam a thil thleng te an lo hmu thei vek tawh si a, rual awtin an nu leh pa te chu an mahni țanpui turin an au chhuak ngam' ka ti ve tlat asin. Sawi tawh angin nu leh pa ni mek țhenkhat te hi an nu leh pa te enkawl danin a zir miau lova. An ngaihtuahna te a tawi zo va, an fa te pawh hmathlir thui tak an neih pui thiam tawh țhin lo. An fa te rual awtin an țanpuina an ngen rualin hmalakpui ngaihna an hre silova, an fate lakah engmah ti thei lo anga lan chhuah an hreh tho si avangin hmasawn chaka an fa te'n a nawr a an nawrna chu generation lawmna chang hrelo ti te in an puh chhe ta hleuh țhin a. Nu leh pa te mawh hi a sang em em a. Kan tihsual pakhat lek hian chhuan tam tak thlengin nghawng a nei zui thei tlat a. Chuvang tak chuan fa in lo la nei ve anih pawhin in fate tihnual zawngin khawsa ve hauh suh ang che u.." a tih a, a thil sawi tawp lam avang chuan ka țang ru leh țeuh tawh.




Kan nupa lak ațang hian tu hmel hmuh a inbeisei ngei tih lah a chiang bawk si.



Biak in pui kan va thleng chu ka thaw deuh hliai a. "Khaw luh țan tirhna kha a ni maw?" ka tih chuan u Mapuia chu a lo bu nghut a.




Kan tlan deuh vang vang khan ka hre reng a. Khaw luh țan tirh a Pathian veng an tih ah lawi siin keini in erawh khaw hmawr lam ah daih a awm thung a.




Chawhma inkhawm chu tluang takin kan zo fel a. Keipawn hming ka ziak lut ve tawh a. Inkhawm bang biak in tuala kan han chhuak khawm chu chibai tu neuh neuh ka nei ve reng a. Nutling lam chu an felin uang deuh tak hian, 'i group awmna tur pawh a chiang thuai ang' te an tifiam a.



Kan haw leh mai turah ka ngaih laiin thingpui in a sawm tu kan nei a. Ka nu chuan a hnial lem lo bawk nen keini pathum chu kan leng kawi dawn a nih hmel.



Meme-i te erawhin haw nghal an tum a, chahbi min lo dil lai chuan,"nangni pahnih hian nuam intivel e," ka lo ti fiam a. An nui pat pat ringawt.


"U, lo haw har su aw. Ruah a sur loh phei chuan len chhuah kan tum a. Chahbi hi kan len pui daih mai ang," Meme-i chuan a ti a. U Mapuia tihngaihna hrelo chu a phun hluk ringawt.



Ka nu zawkin, "kan lo haw hma chu lo kal chhuak rih lo ula a ni mai," a ti deuh hlak hlak a.


Kan lenna tur in neitu nu te nen chuan kan inzui thla zel a. Pheikhawk sang ka bun avangin u Mapuia ban ah ka chelh deuh tlat a, ka nu leh in neitu nu chu an ti ti barh barh a.



U Mapuia chuan, "a nuam dawn in i hria em?" a ti sup a.


"Umm, i hman hun ah khua hi min fan pui ve rawh aw, ka leng kual ve chak," ka ti a. Biak in mual ațanga han thlir vel ngawt pawh hian kal chakna deuh deuh ka hmu țeuh hman.


U Mapuia chu a ngawih deuh vung vung avangin ka melh ralh a, ngunthluk zetin min lo en run tawh a, "ngatinge?" ka ti deuh ha bawk.



"Hreawm i ti em?" thutak fe hian a rawn ti a. Ka chhan let hma chuan, "Lucy-i te rual a len chhuah te kha i chak em?" a lo ti leh tut tut a. Zep loh ah chuan ka chak ve reng. Mahse, an ni leh kei chu kan in ang ve tlat tawh silo a...


"Chak hran love, nakin ah nangmah nen kan la leng kual dawn tho alawm," nui var var paha ka tih chuan a lo thaw huai a.


Kawngpui kan zuk thleng thla chiah chu ka mi hmuh tum loh lutuk ka hmuh thut avangin ka ip zui chawih a.




Kha Dana bawk kha a ni. In pakhat veranda ah a lo ding run a. U Mapuia bana ka kuahna chu a rawn melh chiang mai bawk si nen rum fahranin ka melh ve ta hrak a. Ka melh rumna chu engah mah ngailo tih hriat zetin a lo kiai suk ringawt.



Ka nu te lah chu a lo dinna in ah chuan an la inzui lut zui a.


U Mapuia nen Veranda a kan chuangkai ve chu a dinna ngai a ding hmuk chungin min lo en run a, a bula lo ding pa chuan, "Lucy te kha an haw tlang a mi?" a lo ti thuai a. Nizan khan a lo leng ve tho a, a hming erawh ka la hre ve miah lo.



"Umm, an haw tlang a nih kha, va leng phei leh ula," nelawm thei tur berin ka ti ve ngial a. Dana ngel ngul chu ka thil sawi vang chu nge a lo kiai leh suk a. Chum deuh pawp mai chu ka chak et et.

Inkhawm bang ve tho an ni tih hriat zetin a inthuam dan chu a smart hle a. Nimina kan inhmachhawn dan khan a zir lo deuh bawk aniang, a nghawng hnung lama Tatto lang raih chu ka hmu ve chiah bawk.



A țhianpa chuan Saka inthlak an nghak tih a sawi leh a. Kan lenna tur chu Saka te in a lo ni reng tih pawh ka hre zawm ve mai a.


Dana te chu inchhungah kan luh san a. Ka mit sir chuan kan kal pel ruala a kekawr ipte ah kut pahnih zen lut chunga min lo thlek kher chu ka hmu hram bawk.




Saka pa chuan in a lo thleng hmasa tawh nge a inkhawm ve lo zawk ni, kan nupa inzui lut chu min lo be nghal bawrh bawrh a. U Mapuia nen tak pawh an inhriat țhat hmel fu a.



Ka pheikhawk bun chuan ka ke hnung lam a nawt pilh deuh a, țhutthlengseia țhu nghal pahin rang takin pheikhawk chu ka phelh a. Midangte mitmei pawh ka veng zo tawh lo, ner sak sak chungin ka kê chu ka thlek kual a. 'Flat te kha lo bun hle hle ila chu a pilh awm der silova' ka ti rilru rauh rauh mai.



U Mapuia chu ka bulah a lo țhu ve vut a, "A nawt pilh a nimaw," tih sup pahin ka ke rek chu a rawn vuan a, kun hniamin ka kê hnung pilh lai chu a rawn chhem nghal hauh hauh bawk. Ka nu a awm ve reng sia, chutia min buaipui lutuk chu a tan hmuh a lo kham awm viau thei.


Inthlahrung deuhin, "A tawk, a na vak lo," ka ti sar sar a, a darah ka nam zui dat bawk.



U Mapuia lah chuan midangte mitmei veng lo zet chuan min nuih suk ringawt a.



"A tawk tawh tak tak," zawite a ti leh pahin chhuat a nghah thlak tumin ka țang nghal țang a. "Motor ah khan bandaid chu a awm ang maw le," a ti thum sup a, amah chuan dimtein chhuatah min nghah thlak sak a, a melh zui vung vung bawk a.



"Hetiang pilh te chu a na rei hleinem, nakin ah bandaid chu ka bel dawn nia," ka ti ve thuai a. A ngawi vung vung nain ka kê pilh hmuamhma chu dimte hian a kutțang hmawrin a lo nul kual rauh rauh a.



"A na vak lo tak tak ania u Mapui," ka tih leh ngial pawn min buk khum nghut ringawt, a thil tih lai chu a țhulh chuang der lo leh nghal.



Kan lenna te a Nu ber chuan, "A thlumin ka lum ang aw," a rawn ti a, ka nu chuan a chhang let thuai a. U Mapuia chu khap paha a ban bulah ka chum taih lai chuan Saka pa ti ti zawm pui zauh zauh pahin a lo kiai suk suk ringawt a. Tih vak ngaihna hrelo zetin ka hawi sawn a, kawngkapui zawna kan țhut avangin ka hawi chhuak leh Dana lo ding run chu kan in melh chiang leh hle tawh.



Mit zim sun hian min lo melh let run a. Ka han melh fuh tawh chung pawhin nimin ang bawk khan mit a la sawn duh țhak lo. A kekawr ipte ah a kut pahnih chu zen lut chungin a ding kak deuh run a. U Mapuia'n min ngaihsak lutuk chu nuihzat ni awm takin a khi zui suk bawk.



Ka ngei em avangin han vin deuh hrep mai chu ka chak tet tet a. 'U Mapuia hi ka la hauh tir khawp ang,' ka ti ru mawlh mawlh bawk.



An mut pindan ațang Saka a rawn chhuah chuan ka hawi sawn ve ta chiah. Awm erawh a nuam duh lo tak zet. Khipa khian kan nupa a kan awm eng emaw lai tak hi a lo hmu fuh thei si. Amah lah chu a zak duh der bawk silo a. Chu chuan amah chu min ngei tir em em a, a hmel hmuh thlengin ka hreh phah zo vek a. Ka nun a tichep ni berin ka hre tawh.




"Mama i ţhiante kha au lut ta che, thingpui in ang u" Saka nu chuan a lo ti a. Ka lo huphurh ve leh ringawt tawh.



"Nula thingpui lum kan va in zawk ang e," Saka chuan a ti ta hlauh a. Nui vur vur chungin a kal chhuak nghal a. An țhian thum chuan an kal ta daih a. Ka lo hahdam huai mai.



Saka nu chu a felin lo inkawm reng tawh ang maiin ka nu chu a ti ti pui barh barh reng a. Puakzo a kang hluah a, thingpui paw thlum nen kan hmeh a. Ka rin ai takin ka ei tui phian zui. Ka ban deuh sek chu u Mapuia pawn min nuih suk suk reng mai.



In kan va thleng phei ve chu mikhual nula awmna in tih takah an lo țhahnem ang reng hle a. BDO quarter leh a bul vel hi Sunday chawhnu lama len khawthawn nan an hmang țhin hrim hrim a nih ka ring deuh bawk.



Ka inthlak laiin Lucy-i a rawn lut ve a. "Kan leng leh dawn asin," a lo ti nghal ringawt a. Khawbung kan thlen chhoh hnua hun kan hman dun tlem zia ka lo ngaihtuah tel daih a. Naktuk lawkah an haw tawh dawn a, ani lah chu ka tel lovin a tlei em em reuh bawk sia..


"I lo leng ve duh em? U Mapuia dil la vawiin chiah te chu a phal ve awm e," a tih leh lai chuan ka lo nui hak ringawt.




"Zoramsanga nen khan in inbe zui ami?" tia ka zawh chuan khum tlanga țhut pahin a nui deuh pat pat a. Sam bawk tawm mawlh mawlh chungin darthlalang ațang chuan ka melh ve ran bawk.



"Be zui tih ah.. umm, nizan an haw hnu khan kan inbia a,"


"tukin thleng pawn in inbia in ka hre sia," ka lo ti ve vat a, laih hmel zetin lei a lo chhuah vak zui.



"Tak tak a, engtia inbiak in nge in inbiak?"



"Uiii... ka hre bik rih lo," a ti deuh hlak a. "I Khawbung kal hian ngaihzawng i nei haw dawn chiang..," tia ka fiam chuan a ner vak nain a biang te chu a lo sen chhuak țan țan thung.



"Aizawl ah a lo chhuk ve vat loh phei chuan i lung te a leng chho țan vel ang a," ka nui zui hak hak a.


Lucy pawh chuan, "Enteh, a mak reuh tawp. A hmain hetiang lam hian ka en ngai miah silo a. Mahse, aaa.. ka sawi thiam lo, ka ngaizawng dawnin ka hria," a rawn ti ve ta a, a zak hmel chu a sen leh țan țan tawh.




"Khual khua ah in intawng deuh thut a, 'riau' a awm ve aniang," chhaih fiam zui tawh lovin pangngai deuh a sawipui ka duh tawh avangin ka thu tak tawh hle bawk.


"Chumi vang pawh chu a ni mai thei. Hmelhriat satliah angin campus ah khan kan in pel lawp lawp ringawt a. Ka lo bel chiang ngai vak lo hrim hrim. Mahse, a mizia hi a cool ka ti, a pa.." a ti leh mial mial lai chu uluk deuhin ka lo en reng a, a sawi zo chu a nui zui hak hak bawk.



"Nghak deuh rih la. Thla hnih khat tal inbe chho zel phawt ula," ka ti ve ngial a. Lucy pawh a lo bu ve nghat tho.



"Aizawl thleng thla phawt la. A tirah chuan i lung te pawh a leng ngawt ang. Mahse, lunglenna chu tuar ziaawm phawt la, rilru fim takin thu tlukna i siam chauh dawn ania," thupe aw deuh takin ka ti leh zel a. A hma ka ngaihpui lutuk vang tih pawh a hrethiam ve tho ang.



Ramsanga hi a lerh ang ka tihna a ni miah lo. Mahse, ka sawi tawh ang deuh khan khual khua a thil thleng a nih vangin heng thil te hian zun danglam bik zet a nei ve țhin si a. A bik takin Mikhual zun te phei chuan ngaihtuahna a ti tawi zual a. Intawng leh lawk tawh lo tura inhriatna zun chuan sihhnipna a keng tel zel tawh leh nghal. Hla ah te hial an lo phuah kur ngei nguai tawh hi. A beisei loh dan deuhin ka țhiani chungah hian thil a thlen ka hlau ve tlat.



Kan nupa mut pindan ațang chuan kan inzui chhuak a, an inleng te chu inchhungah awm lovin tual ah an lo ri ham ham hlawm a. Kan nula te pahnih hi ngaihzawng tur ang a an ngaih melh vang ngawr ngawr ni lovin, mikhual ta chu an khawhar te hlauin an rawn ngaihven zui zel ni ah ka ngai.


Lucy-i nen tual a kan inzui chhuak ve chiah chu Saka te ţhian thum kha thlang lam ațangin an rawn chhuak chho hlawl a.



Gate bula khawtual tlangval dang lo dingte chuan, "in lo kal ve dawn em?" an lo ti fiam nghal hlut bawk. Khawtual tlangval ho hi an inpawh tlan hmel hlawm hlein ka hria.



Dana chu a ngawi ngul a, Saka ber chuan, "kal ve rih lo mai ang. Hepa pui hi tu in emaw a hmu duh a, khaw țhenawm lamah kan phei pui lawk dawn," a ti a. Dana darah a beng zui thuk bawk. Midangte chuan an fiam zui bawrh bawrh a, an fiam pa ber lah chu a inla ngeng ngel ngul si, khaw țhenawm lamah ngaihzawng a nei a nih chu ka ring ve ringawt bawk.


An țhian thum kal liam hnu lawkah khua chuan turin Lucy-i te pawh an inzui chhuak ta hlawm a.


An kal ta diak chu a reh phah huai a. Gate ațang chuan ka thlir zui reng a. BDO office kawt zawl an chuan chhuah rualin Lucy-i leh Memei te chu an lo hawi let a, kut min lo vai zauh chu vai let vein ka nuih pah var var bawk.




An nui tlang ham ham ri te chu a hla tial tial a, mak lutukin ka chhungri lam aţang chuan, 'i vanglai hun chhuhsak i ni' tia min rawn hrilhtu aw zawite hi a lo awm thut a. Ka phu chhuak țhelh nghe nghe!



Thawk la deuh ham ham chungin ka awm zawn chu ka dawm a. Ka chhungril ațanga min lo be tu lah chuan, 'inneihna sal ah i tang tawh a, vanglai nun sawi tur pakhatmah i nei ve dawn lo,' a rawn ti zel a.



Mak ti zetin Lucy-i te liam takna lam chu ka han melh ta ngawt ngawt a. Chutiang zawng chuan vawi khatmah rilru ka la pu chhin ngai miah silova, tun a takah ka vanglai hun hlimawm ve tur zawng zawng chhuhsak vek anga inhriatna rilru ka pu ta mai chuan min ti hlauthawng ta hle bawk.


Nia.. Ka hlauthawng tak tak!



"Naute" rawn ti sup ri ah chuan aw lo chhuahna lam chu rang lutukin ka va hawi phei a.



U Mapuia chu Veranda hmawrah a lo ding run a, min lo en ulukin a hmel lan dan chu a muk ruih bawk. Rilru chiai ru zetin Lucy-i te liam takna lam chu ka han en leh hram a.



"I țha meuh maw? Insiam rawh, ka chhuah pui ve ang che," chu aw dam thlup vang chuan muangchangin a lam chu ka va hawi leh a. Veranda ațang chuan lo chhuk thla tawhin ka dinna lam pan chuan a lo pen phei khup khup a.



Ka rilru nilo, ka chhungril ațang bawkin, 'i vanglai nun chu ani hian a chhuhsak che a ni' a rawn ti leh mawlh mawlh tawh.




U Mapuia chu ka bul chet ah a rawn ding zui hmiah a. Ka ngaihtuahna in a lo zir lo kher bawk nen ka tawlh hnun san hrat a, "i chhuak harh ve chak a ni lawm ni, insiam rawh," ti nghut tu chu ngawi rengin ka melh chho ran a.


Vanglai nun sawi ve tur pakhatmah ka neilo tur chu ka pawm thiam ta der lo leh nghal.


Ngawi renga ka melh ngat ngat avang chuan mit a ti zim sun a, a kutphah hrawl zet chu rawn lek chhuak vutin ka biang lehlam a rawn khuap nghal run a, "I nuam sam lo reuh em ni?" a ti zui sup bawk.



Ka chhang let chuang lo. Ka ngaihtuah chiang a, ani hi chuan kum 40 a hlat tawh lo. Kei ve chu kum 23 em pawh ka la pum ve silo. Țhatlai hun chen tur tam tak ka la nei a. Mahse, duhtawka a vanglai nun chen zo tawh tu kiangah sal tang ang maiin ka tawp ta ringawt lawi si. Ngatinge chu thil chu a hma daih tawh khan ka lo ngaihtuah thlen loh le...



Ka ngaihtuahna avang chuan ka ipik deuh thut a, u Mapuia kut pawh chu thawk la hap chungin ka nam sawn zui hmak bawk.



Mahse, a mit menga min ngaihtuahna nasa lutuk lo lang chhuak avang chuan ka thinrim khum ngam chuang miah lo.



"Ka leng peih lo," ka ti zawi raih a, hawi chhuak tawh lo mah ila chik zetin min la en run tih erawh ka hre thei.



"Lut ang, ruah a lo tla leh dawn in ka hria," ti deuh puat a ka han kal pel mai tur chu ka dul zawn ah min lo man hmiah a. A dinna sawn hlek lovin awlsam fahranin ka dinna ngaiah min nawr let leh hmiah bawk.



"Ruah sur mah se motor-in alawm kan kal dawn," a ti dam ruih a. Ka hlimna tur a zawn vang bawk a ni.



"Ka duh lo, ka nu chiah in ah a lo awm dawn asin," ka ti halh a, u Mapuia chu a rawn rum chhuah nghut laiin ipik deuh chungin ka thaw ve ham ham tho.



"Tun ah chuan nangmah chiah inngaihtuah rih teh, insiam rawh, chhuah harh i mamawh," a ti a. A hma a ka ding chu ka taksa ah ban a rawn suih bet zui hmiah bawk.


Thaw chhuak ham ham chungin ka chhip ah khabe a rawn nghat leh a, "Min hnial lovin insiam rawh le," min thlem pah ti tih hian a ti thum bul bul a. Ka rilru chhungril ber hi rawn hmu thei se chu heti hian a awm miah lovang maw le.



"Ka leng chhuak peih lo," rum nghutin min kuahna chu a thlah thawl a, ka khabe a rawn dawm lai chuan ka țah a rawn chhuak ut ut tawh.



Lucy-i leh a nau te ang tho khan phuar tu nei lova la tal kual mai mai tur ka ni asin. Ka ngaihtuahna avang chuan ka țap chhuak tak ngial dawn a inhria in a kut phah lian zet chu ka vuan deuh chawt a.



"Ka leng peih lo, lut ang" zawi te bawka ka tih leh chuan min en deuh vung vung a. Ani chu he khua a thil ti thei ber ang mai a mi te chung en a ni a. Ka thlawp zawh loh phei chuan.. ngaihtuah thui ngam lovin thawk ka la leh halh a..



"Lut ang," ti leh pahin a kut chu ka pawt deuh salh a. U Mapuia pawn ngawi rengin min zui ve ta mai a. Ka nu chu choka lamah a lo awm a, thingpui a lo chhuang dawn mekin ka hria.




Chutiang thil ka va hmuh rual te chuan ka chhungril chu a lo so deuh phulh phulh a, inbengdaih tum tak chung hian, "Nu, thingpui i chhuang dawn ami?" ka ti a. Ka aw chu vin lo turin ka thunun nasa hle bawk.



"Aw, a hangin ka in chak deuh thut a, ka chhuang mai mai dawn a nih hi," a lo ti țha ve mai a.


"Khawi keiman ka lo ti ang," choka ah chuan ka lut phei ve a. U Mapuia chuan min thlir zui reng tih pawh ka hria. Ka nu pawh chuan, "keiman ka ti thei reng alawm," tiin min lo hnial tak nain nui lui hak hak chungin gas bulah chuan ka ding tlat a.



"Meme-i te țhian dun khan rin ai takin nuam an ti ta reuh a, naktuk maiah kan haw leh daih dawn sia, an lungleng ve reuh ngawt ang" Chaw ei dawhkan kil pahin ka nu chuan a ti barh barh a. Ka insehruh țeuh ringawt. Ka lungleng ve ang em ti a min ngaihtuahpui tu chu an awm ve leh miah lovang.



Ka nu chu thingpui hang kan inpui leh te te a. Ka chhungril a thil awm te chu thup hram hram chungin a ti ti chu ka zawm ve zel a. U Mapuia erawh a țawng ve mang lo. Min en chik lutuk chu ka hriat loh der sak tlat bawk.




Thingpui no te ka sil leh hnu a pindana ka lut chu min lo zui lut ve nghal a. Ka che vel chu ngawi run chungin min thlir reng a. Rilru buai leh tawt țun chungin khawih tur ka zawng kual sek a.




Ka ngaihtuah chian apiangin ka dinhmun chu a lungawi thlak loh ka ti tulh tulh a. Mahse, u Mapuia hi ka dem vek bik chuang lo. Dem tur chu keimah chiah hi ka ni.



A tir ațangin engmah ka ngaihtuah chiang hmasa lova. Aih, ka phak ang tawkin ruahmanna chu ka siam ve tho alawm. Mahse, ka beisei angin eng thil mah a thleng miah silo. Ka lo beisei dan chuan suah sual ka chhuah khum ang a, ni tin zan tin kan inhau ang a, pawisa ka inkhawl ngah hnu ah ka chhuah san nal nal ang tiin ka intiam ve tho kha..


Mahse, beisei miah lovin a lo țha em em a. Thinrimna tur nei miah lovin min siam a. A dawhtheiin min ngaihsak em em mai bawk si. Chu thil tak chuan ka ruahmanna neih ve te chu chet chhuah pui thei lo turin min siam a. Ka ruahmanna te aiin a rilru put hmang tur ka dah pawimawh chho ta zel a. Ka thutiam ve te aia amah ka dah pawimawh tak zel avang chiahin he inneihna tanin ah hian ka tang reng dawn. Vanglai nun sawi tur pakhatmah ka neih theih loh chhan tur pawh keimah aia ani ka dahpawimawh vang chiah hi a ni dawn. A ni dawn chiang lutuk.



Thil țul lo zet zet khawih a ka vei kual sek chu rum chhuak hawk chungin u Mapuia chuan min lo man bet chawt a. "Eng nge?" ka ti kawlh nghal hra chu khum lamah min kai phei a.


Dimtein khum tlangah min nam țhu a, ka hma ah tak a ding khawng nghal run bawk.



Min chhuk en run chung hian, "lungawi lohna i neih chuan sawi rawh," a rawn ti zui nghut a. En chho vah chungin ka nui lui hak a, inhauh ka chak tet tet niber in ka hria.


"I bula awm te chuan lungawi lohna tur a awm thei dawn em ni?" ngeiawm deuhin ka ti zui hlak bawk.


"A awm aniang lungawi lo hmel i pu tlat alawm," a rawn ti khauh a.


"I chhuak harh chak ve in ka hria a..." a rawn ti zawi leh ruih a, sawi zo lovin a ngawi zui hmiah bawk. Min kal chhuahpui a tumin ka hnial tlat bawk si nen a rilru chu a buai hle ang tih pawh ka hrethiam ve tho.


"Chak pawh ni ila thil țul ber a ni hleinem, pasal nei tawh leh nghal khawlai fan kual chak vang ngawt a kal chhuah te chu mi te pawn min nuihzat ang. Lucy-i leh Memei te ang ka nih ve tawh loh hi," ti nghat nghatin ipik deuhin thawk ka la zui hak a.



U Mapuia chu a lo rum chhuah hawk rualin hneh zetin ka biang a lo khuap a. Amah chu en turin min kuai dak vah bawk.



"Lalhriatkim.." a ti thum chhak a. "Engtin hian nge maw ka tih dawn reuh che le," thuk ruih a tih leh chuan rum lutukin ka melh vak a. Ani thung chuan ka chhungril chu rawn hmuh tlang vek tum ang hrimin ngun thluk lutuk hian min melh ngut ngut a.



"Engtia i tih mah ka ngai lo. Awm sawn teh," lungawi lo fe hian ka ti let a.


"Titau lovin insiam rawh," a lo ti ve hmiah.


"Ka titau âwkawng lo.." duhthawh zeta ka tih chuan, "i tau bar bar reuh alawm, ka thlem mek bawk che," a rawn ti nghet churh mai. Sawi mai tur ka hre leh tawh bawk si lo nen a banrek chu chelhin ka pawt deuh vak ringawt a.



Min lo thlah duh bik miah silova, inhnial zui pui chiam dawn lahin ka Nu a awm ve reng bawk si.



"I ninawm, khawnge i laptop kha movie ka en duh," ka ti ta ringawt chu chiang em em hian min melh ngur a. Ka rilru put hmang ve aiin a rilru tur ka dah pawimawh tawh zawk ka tih tawh kha. Tunah pawh ka hlim loh hlauin ka nuam tih zawng tur min ngaihtuah pui hram hram a. Mahse, ka chak zawng te chu ti ve mah ila amah hian min dip tlat tawh avangin ka zalen ve tawh lo. Chu ka rilru put hmang, a laka hel thar ngawih ngawih chu a hriat ve chuan a nat phah dawn tih ka hria. A nat phah dawn ai chuan keimahin ka pai bo leh tawp mai aniang chu.



U Mapuia laptop ah chuan movie ka en ta ngei a. Amah pawh chu ka bulah, khum lu nghengin a țhu awn duai a. Ka movie en lai chu rilru ah a lut tak tak thei chuang lo.



A tawpah phei chuan ka mut a rawn chhuak ta ngawih ngawih a, ka kut zawi hniang chu u Mapuia chuan a rawn hum a, a awm ngheng turin min kuah hnai a. A taksa nghet țha zetah ka tluk luh rual chuan ka țah a lo chhuak leh ut ut tawh.



Ngati nge a theihtawp chhuah a min duat a min ngaihsaktu kiangah hian rilru zawng zawngin ka tluk luh theih loh le. Ngati nge sehhelna tur chi hrang hrang ka ngaihtuah chhuah leh țhin. Ngati nge?



Ka hrawk chhung lo na ut ut avang chuan invenna hman awm miah lovin ka mittui a lo luang chhuak pap a. U Mapuia chuan a lo hrerang kher mai.



Ka khabe ah lo dawm paha, "naute" a rawn tih sup chuan thinlung ipik lutuk chungin ka che rawk rawk a.



A taksa ah lawn kaiin a nghawng ah nghet zetin ka kuah zui chawih a, "ka tihpalh u Mapui," ti țiau a a nghawngah hmai ka phum rual chuan a lo thaw chhuak hawk mai.



"Tihpalh.. eng vangin nge chu thu chu i sawi a?" a lo ti deuh hrawih a.


A zawhna min zawh chu chhang let lovin, "Nakin ah ih, i hman hun hun ah kan leng chhuak dawn nia, nichin kha chu ka tihpalh a nih kha," ka ti leh mawlh mawlh a.



"Ka thinrim a maw i ti em ni?" a lo ti dam ruih a. Lu ka thing nawk nawk ringawt. Thawk a la huai a, a thinrimna tur a ka ngaih ah pawh thinrim lovin țha takin min dawngsawng zel a. A rilru tluang purh tak te hian amah min lainat tir let zel ni berin ka hre tawh.


"Muhil phawt teh, i chau a nih hi, i chau deuh chuan i chiai tlat țhin ka tih tawh kha," a ti ta sup sup a. Ka hnung a chul zui hauh huah a. Ni e, muhil ila ngaihtuahna maksak pui pui te pawh hi an bo ve daih mahna..



Ka kawr chhungah lo zen lutin ngial ngan deuhin min chul kual hauh hauh a, thawk lehkhat a ka rilru inlumlet kual bulh bulh țhin chu kei tak pawn a awmzia ka hrethiam bik lo.


Nichin mai kha chuan ka vanglai nun min chhuhsak tu ang hial ah ngaiin ka haw hlur a. Tun ah erawh ka chet khum dan avang te khan ka inthiam lo a, a hrilhhai dan tur chen a ka ngaihtuah phei chuan ka lainat leh em em lawi si.




U Mapuia taksa lian zet ațang chuan tal hrang tawh lovin ka lo muhil tlang daih a. Zan lamah ka mut theih loh a hlauh avangin rei tak erawh ka mut a phal ngailo.



Min kaihthawh leh chuan a sawi ang deuh tak takin ka rilru put hmang maksak zet te khan min lo kian san tawh a.



Ka nu nen eirawng kan bawl a, Memei te lo haw hnu lawkah zanriah kan ei a. Ka nu in zan inkhawm leh tur a tih miau avangin kan insiam zui leh sang sang a.



Ruah a tlak chiar chiar avangin Lucy-i te pawh kal hrang tawh bik lovin motor in Biak in chu kan pan tlang a. Inkhawm hlanin ruah chu a lo han fel leh tawh bawk nen inkhawm bang; in kan thlen hnu reilote ah an inleng te pawh an lo chuangkai leh țan a.



Keini nupa erawh ka nu te mutna lamah ka nu ho in kan awm reng a, a haw tawh dawn a, a lo kal leh mai mai thei tawh dawn lo tih a hriatchian avangin kan nupa chu thu țha min hrilh mawlh mawlh reng a.


"Hmangaihna a tlem tak vang pawh ni lovin, inkawm ngeihna a awm loh vang zawkin nupa inkar a nuam lo fo țhin a. Chuvangin rilru a thil vei in neih reng rengin ngawih bo pui mai lovin sawi dun zel țhin ula. Tunah phei chuan in nupa rekin inkhawsa chho dawn a. Awm dun reng siin ngawi renga mahni phone ve ve inkhawih san mial mial te kha ching ve hauh suh ang che u." A ti mawlh mawlh reng a.


>


"Ahriat.." dam leh zawi raiha min au chungin min sawi pah dat dat a.



"Lalhriatkim," a ti tak nain a nui zui hak thung. Ka biang a rawn ben leh thek thek takah chuan chiang lo riaiin ka meng chhuak a.



Lucy-i chu min hmachhawn zawng a lo mu saisir vein a nui zui var var a. Ka harh hleithei lo lutuk chu min nuih leh rih pahin, "I harhvan (g) theih teh lul nen pasal i neih hnu hian thawh i hre ta miah lo mai a. In inah kha chuan kaihthawh chawp ngai miah lovin dar5 tlangah te i tho zat zat zel sia," a ti deuh niah niah a.


Tawite in ka nui tak naa, a thil sawi dik zia chu ka ngaihtuah zui rauh rauh mai.


'U Mapuia ka neih chuan ka hlim lo a nih pawhin ka him tal ang' ka tih rilruk țhin kha a thleng dik chho zel tih ka hre bawk.



Kan in a ka awm lai kha chuan thinthi lo reng rengin zan hun ka hmang ral a, darkar tin deuh thawin, 'pindan ah rawn lut a min khawih tum tu an awm ang em' tihna te nen boruak ngaichangin ka harh sek a. Khua a rawn var dek dek kha chuan khum a awm aiin thawh chhuah vat vat kha ka duh tlat zel.



U Mapuia nen kan innei ta chiah a. Mak deuh maiin a kiang ah chuan ka him tih ka inpawm thlap a. Ngaihngam zetin duh chen chen ka mu tawh mai țhin.



"Kan haw tawh dawn sia, min ngai dawn em?" a lo tifiam leh chiah chu a tak ramin min rawn luhchilh leh pup tawh.



"Ka haw san hunah che i lunglen lutuk loh nan tiin i bulah hun ka hmang tam duh lo lui a. Mahse, ka inchhir leh hnuhnawh, kan inhmu leh mai mai tawh awm silo a... len san lo che in in ah lo awm pui ve zel zawk che ila.." Lucy-i chuan a lo ti leh a. Uang deuh a sawi chu a tum viau nain a lungchhe aw ri chu ka hriat hmaih chuang lo.


"In haw tawh dawn.." ka ti chuak sap a. Ka hre lo pawh a nilo. Khawbung kan pan rual a, an let leh lama ka tel ve tawh lo tur chu ka ngaingam ngang lo a ni.



"Umm, dar 7 a pel daih tawh. Lo tho la, chaw ei fel ila keni pawh kan chhuak ang," a tih lai chuan ka țhu chhuak hlawl a. Muangchanga Lucy-i lo tho chhuak ve chu lungphu rang dawt dawt chung hian ka lo en ran a.



"In haw daih dawn," ka lo ti leh ringawt chu ka chiai zia a hrethiam aniang, "ka lo zin leh ziah dawn alawm," a lo ti ve vat a.



"Lucy," ka țap chhuak mai dawna inhria in ka țhiani chu ka kuah ta chawt a.



Amah pawh chuan, "Ka ngai dawn lutuk che Ahriat," a lo ti țuau a. Keipawh hian ka ngai dawn lutuk. Ka bulah a awm ve zel avangin chiai-in ka hlauthawng lo rih mai pawh a. Min haw san dawn meuh chuan hriat ngailoh kara hnutchhiah tur hi ka inchan tlat a. Ka hlauthawng thar leh ngawih ngawih tawh.



"Ka lo haw ve leh mai ang," kuah bet ngawt ngawt chunga ka tih chuan a phu nghek maiin ka hria.



"Ahriat?" A lo ti phawk nghal hra a. Ka kuahna chu min phelh sak a tum pawn ka kuah nghet lui tlat a, ka hlauthawng a, ka mangang tak zet a ni.



"Ka lo haw ve leh mai ang. Lucy, nang tal chuan min hrethiam hram teh. Ka pa chuan hetia u Mapuia nen chiah a inkhat a kan cheng dun tur hi a mak lutuk tih pawh min ngaihtuah thlen pui lo a ni thei a. Nang tal chuan ka rilru tur hi min hriatthiam pui rawh aw. A mak dawn lutuk, ka mi hriatchian loh nen hmelhriat loh hlir kara awm chu a mangan thlak dawn lutuk. Ka lo haw ve leh daih dawn," ka țah a chhuak tawh lo. A tak ram chu keimah chauh a hmachhawn ka hlauh em avangin min hrethiam turin a vauin ka vau a ni mah tawh zawk.


"Uii, ngati nge heti hian i awm deuh thut a," a tih ngaihna hre lo chuan a rawn ti chhuak hliai a. Ka kuahna chu pawh phelh a tum lahin hlauhthawnna te nen a kuah ka nih miau avangin a tal chhuak mai thei silo a.



"Ahriat, heti hian awm lo teh," beidawng zetin a lo ti leh hap a. Ka na zawk leh nghal.



"A țha alawm, nang tal chuan min hriatthiam ve ka ring a. Mahse, midangte ang bawkin min hriatthiamna i nei bik lo," ka kuahna ka phelh rualin rang lutukin khum chu ka thawh san zui a.


Lucy-i pawh a rawn che chhuak rang ve kher mai, bathroom kawngka ka thlen phei hmain min lo man hman a, a lam hawi tura min kawih her lai chuan mittui tling țheuhin a in pet ruh ngat ngat bawk.


"Lalhriatkim, thinrim chung chuan in kal san lo teh ang," ti vin țhak mah se a țap chhuak zui hawk tho.



"Ka lo haw ve duh alawm."


Beidawn hmel zetin Lucy-i chu a thaw hak a, "hruai haw thei tu che ka nih loh hi..." vin deuh hian a lo ti tawk a, tawite a ka lo nui hak chu amah zawkin min rawn kuah ta chawt a.



"Awww.. Ahriat.. rilru i va'n han tibuai tak," ti vawng vawng chungin a insut zui hlawp hlawp bawk.



"Ngaihțha deuhin min haw san thei dawn a mi?" ka tih leh lek phei chuan thawk harsa khawpin min kuah nghet vak a.



"Heti hian awm lo teh. Rilru hreawm deuh chunga kal san che ka duh lo ania," a ti hliam hliam a.



A tukkhum a chul sak hliau hliau pahin thawk ka la ta ham ham mai.



A țha e. A sawi ang khan 'min hruai haw thei tu a ni lo.' Ka hringnun chu keimahin ka hmachhawn tur a ni. Thil lo thlengte lo hmachhawn tura ka beih letna ah erawh tuman min dem thei bik lovang.


🌹

Lucy-i'n min chhuah san rualin inphih fai turin Bathroom ah ka lut zui nghal a.




Ka dinhmun khirh lutuk vangin ka rilru put hmang lah chu tu kiangah mah ka lan chhuah tir a thiang bawk silo. Ka dinhmunin a min tih manganna leh ka hlauhna zawng zawngte hi ka sawi chhuak a nih chuan nâ tur leh rilru nuam lo tur an lo awm nghal zel mai bawk si! Midangte keimah vanga an nat a rilru nuam lo reng reng a an awm dawn ai chuan; engmah sawi chhuak lovin he lemchanna tualzawl ah hian hnehsawh zetin hmeichhe hlim ber lem chu ka chang mai tur a ni dawn lawm ni.



Kam țhuah zo a ka hawi chhuak chu darthlalang ah chuan ka in thlir deuh veng veng a. Ka mit meng thuk lai berah chuan hmeichhe naupang khawhar hmel zet hi ka zuk hmu thei a. Ka en chik poh leh uluk zetin ani pawh chuan min lo en let ve kiau a, țhu tawm chaih chungin lainat hmel tak hian min lo nuih a. Tawite a ka nuih let ve lai chuan pawnlam ațangin Bathroom kawngkhar chu a rawn ri deuh dat a.





Phu chhuak zawk chungin kawngkhar lam chu ka thlek zui zat bawk, "Naute?" U Mapuia chuan a rawn ti dut a.



"Ka zo țep" ti let pahin thawk ka la zui ham ham bawk. Ni e, ani'n a nat phah dawn ai chuan natna tam tak lo tuar chhuak tawh tu thinlung zawk hian tuar leh rih mai rawh se. A tuar zo em em ang.




Bathroom ațanga ka chhuak chu chik zetin u Mapuia chuan min lo en run a. Tukverh bul ah dingin a ban hrawl zet chu a lo kuangkuah hlun bawk.


Khua chu a dul ruih bawk nen pindan chhung a eng lo lut tur chu a hliah hneh si a, boruak chu a zîng ipik churh maiin ka hria.



"I harh rualin min kaitho ve daih lo a," ti pahin ka nui lui var var a. U Mapuia thung chuan Dressing table hmaa ka țhu chu ngawi runin min melh ngut ngut ringawt.



A awm dan chuan ka awm a ti nuam lo ru hle a. Lucy-i chhuak ta khan 'zui haw ve leh mai ka duh' thu vel kha a lo hrilh ang a, a lungawiloh phah ta mai em maw ni chu aw tih zawng zawng ka ngaihtuah thleng hman vek. Mahse, be zui tawh lem lovin skin care chu ka ti nghal mawlh mawlh a. Keimah chuan a mit a fu reng tih ka hriatna erawhin min ti khawr hle a, sunscreen ka inhnawih zo chu a lam hawiin ka nui pah sak a, ka ding zui zat bawk.



"Chhuak ang, chaw ei hma a ngaih kha," thawven hmel deuha tiin kawngka lam ka pan san a. Mahse, u Mapuia thu rawn sawi avang chuan ding leh chawtin ka insangmar nghal țeuh mai.



"An rual hian i let leh duh em?" ti tu chu rilru buai nuaih chungin ka en leh riai riai bawk. A kut kuangkuah chu lo phelh vut pahin a ding khawng ul a. Kan mit a intawn rual chuan ngaihtuahna a hmang uluk hle tih hai theih miah lova muk runin min lo en let ve a.


Chu zawhna chu eng rilru pu a min zawt nge a nih ka hrethiam mai lo nain ka kawchhung chu a lo sa nghal hut hut a. "Haw leh turin min duh a maw?" Awlsam lutuk a hnawh kian tum ni a inhriatna chuan min tuam nghal hlup avangin ka aw chu a khur lek lek. Mahse, nghet fahrana inhumruh chungin ka nui lui ngat thung.



U Mapuia chuan lu a lo thing nghut ang lawi a.



"I khua a har viau dawnin ka hria a.. chu vang zawk chu," tih sup paha ngunthluk zeta min lo en chuan ngeiawm deuhin ka nui chhuak hak a. Ka tha erawh a na tet tet.


"Naupangchhia min tih leh vang bawk a mi?" ti fak paha ka nuih leh kher chu phun hlukin u Mapuia chu a rawn che chhuak vut a.



Ka rilru put hmang ber pawh chu ka inhrethiam bik lo. Lucy-i kha zui haw leh mai duhna in ka khat a. Mahse, chutiang thil ka ti a nih chuan ani hian a nat phah ka hlau thung a. Marawhchu, a nat palh mai ka hlauh a ngeiin zui haw tur a min hrilh leh lawi si chu a thanat thlak ka ti ni berin ka hria.



Ka hmaa a lo ding chu ka chhoh en vah a, "haw leh tur a min duh te chuan ka haw leh a nga a ni mai alawm," cho zetin ka ti zui hmak bawk. U Mapuia erawh a lo kiai suk a.



A kutphah lian pui a ka biang lo dawm pahin a rawn kun hniam a, kawlhsen zet a ka lo melh ram ram laiin, "i duhthusam tak ka sawi chhuak zawk a ni maw.." a ti hniam ruih a. A nui zui suk suk bawk.




"Khatin min mawhpuh reng reng suh. Min ning a nih chuan sawi țha rawh. Ka haw leh khawp ang," ka ti let kha kha a. Ka chhungril erawh a lo tawt tut tup lawi a. Keimah leh keima lakah chuan ka thinur hluah hluah, a nat palh hlauhna rilru ka lo pu ringawt te kha a atthlak ka ti tak zet bawk.


"Kal sawn rawh, ka insiam dawn," ti vin hlarin a kut chu ka nam sawn sawk a. Insiam tur a ka che zui tur chu min man bet rang khawp mai. Hnehsawh lutukin min pawm nawlh a.


"Min dah thla rang rawh.. min hnawh bo chak em em tu bulah hian ka awm peih bik lo," thana zet chunga ka ti hman awrh chu dimlo fe hian min rawn fawp nghal a. Kan nupa khum lam ah min pawm phei tih ka hriat phei chuan a darah ka chum zawt zawt tawh.



Dim lo lutukin khum ah chuan min bawh bet a, min fawhna chawl a chunglam ațang min lo en chiah chu a thaw chhuak zui hawk a.



Țul lo ti zetin ka mittui chu ka tuai tawk a, ka bek lehlam ka tuai leh tur chiah chu ka ban rek a lo man chawt a. Hnai zet ah kan in melh dun ta reng a.



Kan mitmeng erawh a inang lo viau ang. Thinrimna te nen a ka melh let laiin inthiam lohna phenna ngaihngamna lo lang chhuak chungin min en vung vung a.


"Khati vak khan min en suh," ti vin leh hlarin ka thlek sawn san hmak. Zawite hian a lo nui huk a.


"Duh ni la chu ka thil sawi kha i hrethiam ang maw le. Mahse, a pawi lo, tihian i rilru dik tak ka hriat theih phah zawk," a tih lai chuan a awm chhung ațangin min nghawr cher cher a.



Ka mittui luan thlakna a lo fawh rual chuan mit ka chhing chawih a, a hmui lumin ka mit a lo si leh chiah chu ka inthlahdul riai riai ni maiin ka hria. Ka mit lehlam a lo fawp leh a, mittui luanna a nul thlak leh thuak lai te chuan thinrimna avanga ka thazam țang tlat te chu a bo riai riai a.



"Khawhar leh mal inti deuh a i awm ka duh loh vang zawk a nih kha, zui let pawh nila rei tak chhung i awm hran ka phal dawn lo hrim hrim," ti chhuak hrawih chungin ka chalah a rawn fawp leh vang vang a.



"Zui haw leh ka duh reng a. Mahse, nangmah vang chiahin ka rilru pawh ka inthunun leh țang țang a. Chutah nang lahin.." thana zet a ka ti chiah chu a rum deuh hawk a.



Ka chung ațang chuan let thla dawtin a chungah min pawt kai nghal a, a awm lianpui ah chuan min kuah bet zui hlu hlu a.



"Ka thiam lo chhia va a nih chu, rilru hreawm a i awm ka hlau ber Naute," mahni inthiam lo tih hriat fe hian a lo ti a. Ka ringhlel miah lo.



"I phal tho chuan ka zui haw leh daih ang," ka ti lui ţalh a, u Mapuia chu a lo rum nghut a, "i duh loh kha," a ti zui hluk bawk. Min fiam tih ka hre tho nain ka tlawm la laklawh tlat tawh, "ka duh khawp mai, ka insiam ang a ka zui haw leh daih ang," ka ti leh ngal ngal a. Hnial let zel angin lang mah ila ka rilru put hmang dik tak a ni.



Ka chhungrila awm nawm lohna leh hlauthawnna ințham kual vel hi a tu a te mah hian min hriatthiampui lo ang.




"A changa i inlahrang tlat zel te, kan inneihna hi pawm thiam lo ni awm taka i vai leh riai zel te hi ka hrethiam lo a maw i ti ang e," thuk zeta a rawn ti chiah mai chu ka tawm nghal chawih ringawt.



U Mapuia erawh a nui nghing dawt a, a awm a ka tawm chawih lai chu thaw chhuak huai chungin ka chhip ah a rawn fawp leh a.



A taksa lianpui che kual vel chu ka thazam chuan a ngaichang tlat tawh a, khumah lu a nghah thlak leh rualin min rawn kuah nghet sauh a.




Thaw deuh dep dep chungin a lo sawi leh tur chu ka lo ngaichang a. Min hrethiam em em reng a. Tun hi chu 'a ni em em tawh lo' tia min zilh ta nek a nih pawhin sawi ve tur ka nei hauh lovang.



"Ka nupui i ni hi i pawm dam thei hlawl lo a ni tiraw?" dam ruihin a rawn ti leh ta a. Mahse, a aw lian leh thum zet kara natna inphum ru chu chiang takin ka hrethei a. Ka chhang let ngam miah lo bawk.



Ka ngawih rengna chuan 'engkim a tichiang' a ti te pawh aniang, ka chhip ah bawk rawn fawp leh tawkin a ngawi ta vung vung a. A taksa lianpui chhunga a lungphu rawn phu rang dawt dawt te chuan ka awm a ti nuam bik chuang lo. Mahse, dawt hmanga hnem lah chu ka duh hauh silo a.




Rei ngial chutia ngawi renga kan awm lai chuan rilru ah thil dang a lo lang zawk a. Ka nu te'n chaw ei ah min nghak reng tawh.



"U Mapui.." tim deuh daia ka tih chhuah takah chuan min kuahna chu a thlah thawl a.



A ban pakhat chu kham nghalin inthiamlo deuh chunga ka hawi chhuak chu mit zim sun hian min lo en a.



"Chhuak tawh ang. Ih, chaw ei an duh tawh kha.. an tlai phah vek mai ang," bah deuh niah a ka tilai chu ka khabe ah a rawn dawm thut a.


"I rinawm thei ang em?" thutak lutuka a rawn tih nghut mai chu ka hîk chhuak pup a ni ber. Nimin piah mai pawn 'rinawm tawp rawh' a ti tawh bawk.



"Naute, chu chiah chu min han chhang teh, i rinawm thei ang em?" fiah leh khauh zetin a rawn ti leh a. Ka thinphu chu nasa lutukin a inthum rawn nghal dup dup a. Chupawh keimah vang niloin amah vang bawk a ni leh tawh. A nupui hnenah 'a tan a rinawm thei ang em,' tia zawhna a zawh a ngai hial mai chu ka lainat tak zet a ni.



A mitmeng ngenngawl lutuk leh tawrh harsa zet ah chuan en letin ka bu ta nghat a. Mahse, duhkhawp lo tih hriat fahranin a insehruh țawlh țawlh a.



"Ka rinawm ang," zawite a ka ti chhuak chiah chu ka darah lo manin min hnuk chho dawrh a.



Ka hmai tlang chu uluk lutuk a melh kual dun dunin, ka mit ah fawpin ka biang te chu a rawn fawp thuak thuak a. A chet dan avang chuan ka na ru veng veng. A mitmenga min thlakhlelhna thûk tak te, a chet phung engkima ka inhawn hun a nghakhlel lutuk te chuan keimah leh keimah bawk min inhuat thar tir leh a, a kut lum vung vung chuan ka biang a lo khuap a, "Ka Nupui duh tak," ka mitah tak en chungin a ti chhuak sup bawk. Ngawl leh ril ruihin min fawp nghal ngawng ngawng a.



Ka rinawm tur a ni, ka duhin ka hmangaih nghal lo a nih pawhin ka rinawm tlat tur a ni. Min hruai thlenna apiang chu ka tan a țha ber tur zel a ni dawn tih lah ka chiang.

"Ka tan chiah rinawm tlat rawh, tichuan hmangaihna chu engtiang chiah a hlimawm nge a nih ka hmuh fiah tir ang che," ka hmui bulah thaw lum ham ham chungin a rawn ti zawi ruih a.


A thil sawi vang nge min fawhna ngenngawl lutukin ka thluak a fan chawmawlh zawh vang pawh ka hre thiam lo. Ni deuh chiah chiah chungin tih nat hlau zetin a biang chu ka tawk kual dan dan a.




"I pasal hian hmangaihna lipui ah a hruai lut dawn che," amah inring tawk lutukin a ti nghet leh churh a. A chhan ber pawh hre lovin ka nui chhuak hak a, u Mapuia pawh a lo kiai ve suk tho. A kiai suk ruala a hmui bula vun chuar kal phei raih chu ka tuai sak zeuh a. Insum theihna tlakchham hmel lutuk hian min rawn fawp leh ngawr ngawr a.



Kan nupa mut pindan ațanga kan inzui chhuah meuh chuan hun a lo kal duai tawh bawk nen, ka nu chu a lo ang hlak hlak a. Huat en ah pawh ka en chuang lo.



Tuk dang aiin nu Tlingi pawh a lo kal hma aniang, dar 8 rik hma deuhin chaw ei min siampui zung zung a. Chaw hmeh te chu suak vein a haw leh nghal a.



Khawbung kan thlen tuka chawpchilh deuh a u Mapuia hna khawih ho kha staff pahnih te'n Aizawl ah an kal pui dawn a. Anni rual chuan ka nu te pawh hi an let thla dawn a. Midang thurualpui tur an ni tawh bawk si a, ka nu lah a hun tam zawk zirtirtu hna chelha mahni lo in discipline ve tawh tak kha a ni si a. Midangte nghah ngaia awm chu a hlauin a phi deuh ruai mai a.


Thleng pawh sil hman lovin kan inzui chhuak ta nge nge a. Thuamhnaw an keng tam vak lo bawk a, bawr erawh an bawr hran lo.


Kan in ațang quarter kawt zawl kan pan chhoh chhung chu Lucy nen chuan kan inkai tlat a, engmah erawh kan sawi tawh lo.


Office hna pawimawh a zin chhuak tur an nih avangin office pawh an lo hawng tawh a, staff te chuan u Mapuia chu an lo ko hrang nghal a. Kal lama kan kal loh danin Champhai lam ațangin an kal dawn niin ka hria.



Quarter gate pui bulah Zoramsanga pawh a lo ding vang tawh a. Keini lah chhungkuain kan thawk chho mup si a, a lo lai ve deuh aniang, hnuai lam bih in a nui deuh ruh ruh a. Lucy-i zawk chuan, "hetah lo phei ve rawh," tiin a va au a. A awmna ațang a lo pen chhuah hma chuan a nghawng hnung lam tuai rauh rauh pahin a hawi kual deuh thuak a.


Meme-i lah chuan, "Tuman an rawn hmu teuh loh che," a va ti hlak a. Ramsanga pawh nui hawk chungin a rawn phei ve ta a.



A laih hmel hle a, Lucy-i ta turin thil eng emaw hi a lo ken sak ngei bawk a. Inngaizawng tak tak angin an la inbe chiah lo a. Mahse, an in vei zui ve ve dawn tih erawh an chetzia ah chuan a lang chiang hlein ka lo hria.



Ramsanga'n a thil lo ken sak a pek lai te chuan Lucy-i lai lutuk chu hawi pawh a hawi chhuak țha ngam tawh lo. Mipa zawk ta chuan, "Inthlen chinte min lo hrilh ve zel la," a ti a. Ka țhiani pawh a bu nghat nghat mai.



Thlah nana an inchibai leh te te hnuah Ramsanga bawk chuan," Tluang deuhin in kal dawn ania, chaw kan la ei ve bawk si lo, ka chhungte'n min lo zawng palh ang," fiamthu ti tak deuh hian a ti ta roh a. Kan lo nuihpui dar dar mai.



A let leh tur chu thui lo te Lucy-i pawn a zui ve a. Meme-i chuan, "ka ngai dawn lutuk che, video call-in inbe reng ang aw," ti pahin min hnaih sat sat a. Ka bu nghat chu ka darah a lo kuah ta vang vang bawk.



"Hrehawm i ti ang em?" a han ti leh a, "ka hre thiam rih lo. Ka in adjust thei mai ang," ka tih chuan, "i lunglen deuh chang chu u Mama bulah sawi hreh lo la, i thusawi phei chu a ngaipawimawh dawn chiang sa a, lo zin thla zeuh zeuh rawh u," a ti melh melh a. Kei aiin a u deuh tawh nain a ngaihtuahna hi a la naupangchhia ve tlat zel.



An driver tur chuan, "Chhuak tawh ang u le," a rawn ti lauh a.



A thleng dawn ta!


Sawifiah hlei theih lohin ka thin chu a lo phu rang leh dawt dawt tawh. Engine chu a ri hlut hlut a. Staff te leh ka nu te chu an lut zui sang sang a.



Lucy-i lut ve tur chu nghet deuhin a kut chu ka hum sak a, ka thawk a lo chham lek lek te in ka hria, "Hostel awm tur inthlah te pawh kan ang dawn dawn alawm, a lunglen thlak dawn e," a tih lai chuan a țah aw leh țuau tawh.


"Kan inhmu khat tawh dawn lutuk Lucy," ka ti deuh ringawt a, "lo zin leh vat ka tum tak tak ang," tumruh hmel zeta a lo tih lai chuan lu ka buk khum nghat tak nain, zirna a chhunzawm phei chuan a tum angin a awm thei dawn bik lo tih ka hria.



Motor engine ri hlut hlut ah chuan a lut ve ta a. Kawngkhar pawt khar datin tukverh ah Lucy chu a rawn dak chhuak leh nghal a. Tawite hian min lo nuih a. A mit ah chuan mittui a tling pam a, eng emaw hlek a sawi chuan a ţap dawn tih a inhre ve tho aniang, ka kut chu rawn banin nghet deuhin kan inhmer dun leh ngat ngat ringawt.


Ka nu leh pa te tel lova hringnun hmang chho zel tur ang a ka insuangtuah chang a awm fo a. Mahse, vawi khat te mah ka țhiani nen hian inhmu phak lova awm hrang tur angin rilru ka lo la pu chhin ngai reng reng lo tih chenin ka hrefiah thar a. Țhian dang min kawm san chhung lek pawha ka lo ngaih hman țhin tehlul nen, darkar hnih khat mai nilo, a thla a thla tel te meuh te kan inhmu thei tawh ngailo tur chu ka hringnun a ka thil paltlang tawh a paltlang harsa ber a ni ngei ang.




A sam ah ka chul sak zeuh lai chuan a thle sawn nghat a, "ka sawi kher ngailoin i hria tiraw?" zawite a ka tih chuan a lo bu deuh nawk nawk tawh.


Keipawh chu eng ka ang tawh bik lo, u Mapuia hnuai a thawk te an awm ve țhup si a, anni mitmei chu ka veng lo thei bawk si lo nen, "Ka ngai dawn lutuk che Lucy.. " hmui phunin ka ti leh sep a. Lucy erawh a rawn țap chhuak deuh hraih a. Mahse, rang lutuk a insehruh leh nghalin, "kal sawn tawh rawh, min lo thlir liam miah suh," a rawn ti hlur a.


Nui hak chungin a biang chu ka dawm sak a, chiang em em hian ka en leh ngawih ngawih a. Mitthla ah tak ngial pawh kan kal hrang tur lai hi ka la hmu ngai silo a. Chutia kan inhmu tawh lo vang vang tur mawlh mai chu ka tuar chhuak thei ang em tiin ka inzawt hial bawk.



BDO quarter tual zawl ațanga an tlan chhuak lai chu ka thlir veng veng a, u Mapuia pawn ka rilru tur hrethiam takin ka darah a rawn kuah a. Gate pui a an tlan chhuah mek laiin hnathawk tur a lo kal mek, Saka te țhian ho nen chuan an innangchin a. "lo zin leh vat rawh u aw Lucy, Meme.." tiin an ni pawh chuan ban an vai zui a.

An liam tur chu hawi let meuhin an thlir ve vung vung hlawm mai.



Gate-a an lo luh rualin Saka ber chuan, "Pu Mapui vawiin chu inrinni ai khan kan khawih tam deuh hman ang a. Khawi chin hi nge kan thlawn ang," a rawn ti nghal bawrh bawrh a. Vawkhniak zawn thla, ruah phingphi siau a tlak reng lai a nih avangin ruah lo tlak hma chuhin an hmanhmawh hmel hle a.



"Naute.." ti sup a u Mapuia'n ka dar a lo hmer salh chuan, "reilote..." ka ti sep ringawt. Amah pawh chuan ka rilru tur hrethiam takin min kuahna chu a phelh a.



Saka te țhian ho chu an khawih chin tur kawhhmuh turin office chhung ah a luhpui ta hlawm a.



Lucy te tlan liam takna kawng kawi chu chawmawlh zetin ka thlir veng veng a ni ber. Thil tam takin ka ngaihtuahna chu a rawn luhchilh zut zut a. Inthlah leh tawh miah lova kan inkawm țanna chu an in a thil ei tur a min lo sawm hmasak ber țum kha a ni. Ka mitthla ah chuan chiang zetin khami ni a an in lam pana ka um chho dar dar lai te kha a lo lang iarh iarh a.



Ka pa in kut min thlak changa min humhim thei tu ah ngaia ka kum rualpui ve tho, amah Lucy-i ka pan țawk țawk lai te chu ngaihtuah thlengin inthunun hman lekloin ka mittui a rawn luang thla pap a.


Vanvadak thuaiin rang lutukin ka mittui chu ka tuai hul zui mawlh mawlh a. Mahse, ka mitthla ah Lucy hmel a lo lan rual apiangin thin chhung na ngut ngut chungin a lo chhuah belh zel tho.



'Lunglenna nasa lutuk min hnutchhiah hi tun hmain ka la hmachhawn ngai silo a. Engtia tuar chhuah tur nge le, Lucy,' rilru a ti mawlh mawlh chungin ka thaw chhuak ham ham mai.



Chutih lai tak chuan Lucy-i te liamna ațang khan chak zetin Bike a rawn tlan phei a. Ka va hmu deuh chauh nain chu Bike chu Gate bulah tak chuan a rawn ding chawt a.




Lo insaseng felna hman a awm bik silo nen awmdan lai ru tak chungin Bike a țhuin Helmet a phelh lai chu ka lo thlir ve ta ngawt a. Bike hma ah helmet nghat deuh dat pahin Dana chu ka lamah a rawn thle deuh bak a. Ani ber kher.. lunglenna a rawn hnawt țiau rawih rawih mai alawm.




"Kan pi chu ngatinge mahni chauha i lo țah hliam hliam a," a la rawn ti zui.



Rum lutukin ka melh nghal nghek a. Chutia ka thinrimna chawh thawh chu a lo tum tak a ni zawk te pawh aniang, tifuh intih hmel lutuk hian a nui zui suk a.



In tha zo zetin Bike ațang chuan a chhuk a, ka dinna pana a lo pen phei lai chuan chiang zet hian min lo en kher bawk.


Min kal pel thuak tawh chu ding leh chut pahin a rawn tawlh hnung leh hrut a. Ka beng bul chetah, "Ka pi" a rawn ti leh ngat nia..



Rum theih tawpin ka melh ngar a, Dana chuan, "khatia rum deuh a i men khan i hmelțha daih zawk," a rawn ti leh nghut a.


A thil lo sawi chuan min țhawngin a zakthei lo ka ti lutuk bawk si chu ka kâ hau ni berin ka hria.



"I van han zakthei lo tak," ka țawng chhuah theih rual chuan ka ti chang fak a. Ani lah chu pawisak neih loh hmel zet hian a thle buk a, mit zim sun a min en chungin, "keipawh ka lawm e," a rawn ti bul hmuk a nih chu. A sawi awmzia ka hrethiam lo lutuk chu ka hawihai nasa khawp mai.



Chutah Dana chuan a kut chu a lo lek chhuak a, a kut phah intuam var lak ka hmuh takah chuan a sawi awmzia chu ka man ve ta chiah.



"Ih.. eng lo.." ka ti hman țawk, "Keipawh ka lawm e ka pi," tiin min lo pawt chat leh a. A nungchang chu nghal ti lutuk hian ka melh leh nghek na a, ka nuih a za deuh thut a. Nuihza insum deuh a ka hawi sawn chiah erawh a thil lo sawi leh avang chuan rang lutukin Dana chu ka melh leh nghal a.


💙A tawi ka ti lutuk a. Ka ziah belh leh ang ka ti a. Mahse, zan khua pawn para 4/5 vel bak ziak hlei thei lovin rilru a mang vek lawi si a. Ka lo dah lo leh ringawt emaw te kha a ni dawn sia. Min tur miah lo na a, rilru ah hian a tak nimiah lo thil mak pui pui hi amah in a lo insiam chawp ve zel bawk si. 😫 Tawi mah se min pawm sak mai ula.



Chuan, next ațang chuan a kal chak thei deuh tawh ang. Inhriat kha tirawh u, ka story ve hi chu time skip ang kha a awm ve vak ngailo tih hi. Thawnthu kal zel dan a pawimawh lo tur chinah chuan kan skip ve hlawk zel tho kha. 🤭



A tawi thei sia. A ngaihnawm hman loh te in ti em.. 😭


>^<

 

🧚‍♀️💙 Ka sawi chhuak lovang ka ti zet a. Mahse, ka hrilh loh che u chuan a chhan inhre dawn silo a.


A țhen chuan in lo hriatthiam ruk ka ring deuh tho a.


Tuanlai chu, 'Ka type thui thlei thlawt lo, min hrethiam rih hram hram rawh u' ka tih deuh fo hi.


Kar hmasa lam ațang khan ka depression hi a rawn let leh a. Mumang ang ruaiin ka awm a, nimin lama ka hun hman dan te kha ngaihtuah let dawn ila engmah ka hrechhuak zo tawh ngailo. Chutiang vel chuan ka chiang lo riai reng mai a.


Hetiang thil lo sawi hi ka duh vak țhin lo a. Tetaktei ka ziah laia story tawp note ah depression vanga ka chawlhsan rih thu ka sawi te pawh țhenkhat chuan min deusawh nana hmangin status lamah te min lo bei zui chiam a. Khatiang kha hmachhawn leh ka hlau a. Mahse, ka awm dan dik tak ka hrilh loh cheu chuan min hrethiam dawn bawk silo a.. A hma anga indiriam zui chiam ang kha chu thleng tawh lo se.


He thawnthu hi ka chawlhsan dawn lova. Mahse, ka type hleithei tlat rih silo a. Ka phak tawk zelin muangchangin min kal pui rih mai rawh u aw.


Zan ah te pawh lo chang lo ula. Ka lo dah theih hun hun ah ka rawn dah ang a. Men rei phah nan hmang lovin a awm hun a chhiar tur ah khan lo dah deuh tawp ula aw.


Ka sawi tawh kha.. 'Type thui leh theih hun a awm ang.' Beidawngin ka tawp san dawn lova. Mahse, dawhthei deuha ka rilru in a tlin tawk a ka chet a ngai rih thung a. Keimah inngaihtuah leklo a ka tih luih vak chuan a hma ang chiah khan keimah bawkin ka tuar leh dawn a. Hriatthiamna te nen ka dawl zawh tawkin min kalpui rih zel mai rawh u aw. 💙