Ririni Khiangte Abbra

PHIRE ESHO (Full version) 10th Jan 2017 By Abbra Reo Ririni Khiangte "Duat.. Engtik ngei i hman dawn?" "Tunah hian ka haw thei chiah" ka ti let a, ka uniform chu kan hlip pah a . '' A nih chuan ka lo kal nghal ang" leh lama mi chuan phone chu a hmet tawp nghal zat, ka sam bawk tawm chu phelh in kekawr ka in thawlh a,Nurse Uniform pawl, khup chen vel chu hlim chho in ka kamisz țial chu ka ha leh nghal bawk. Ka puan pheikhawk var bun leh mawza var bun chu phelh in ka locker ah chuan ka thun lut a, ka pheikhawk ka bun a, ka bag chu la chhuak leh in ka inkalh tha nghal a. Dressing room ka chhuah san rual chuan ka phone chu a rawn ri leh a. Ka pick up rual chuan "Pawn ah ka awm tawh."Lehlama aw chuan a rawn ti lang lang a, nui sak in phone chu ka off a, pen hlawk hlawk in Hospital chu ka chhuahsan a, Hospital Gate ka pen chhuah rual chuan Car chhung a țanga ban vai a min lo au lau lauh tu lam ah chuan ka tlan nghal a