Ririni Khiangte Abbra

Unread post November 26th, 2019, 8:37 pm EPILOGUE 5 *umm, fa neih ka duh tawh rih lo* ka rilru tur ngaihtuah hauh lova ka pasal thusawi ngei chuan min dengna tak zet! Ka khur zawih zawih a, ring deuh a au vak vak ka chak! Ka thinrimna leh thinlung natna chu a inzat thuak ngei ang! Ka lungphu chu a rawn chhuak mai dawn emaw tih tur khawp hian a ri dup dup bawk! Engtik laiin nge fa neih belh tawh loh tur a thuthlukna a lo siam bik le? Birth control pawh, chupawh ka pasal ngei leh nghal in! Min țhawn nat zia chu tehkhin tur pakhatmah a awm lo! Chuan, a nupui ka ni, vawi khat pawh min sawi pui lo in thuthlukna lian tham lutuk leh ka nupa nun thleng a nghawng che dawt tur thil chu a duh dan chiah in a kalpui thei anih chu! Ka thazam te chu a rawn țang vak vak a! Ka awm dan chu ka sawi thiam lo! Ka â dawn ni ber hian ka hria! Pindan tawp ah hnung chhawn a ka pasal ding ngawi ngul chu natna vang a thinlung keh sawm vek chungin ka melh ngawt ngawt, pind