UTOPIA: 1996 S2 PAGE 15

October 13th, 2019, 11:55 pm
InShot_20190923_132843379.jpg (91.09 KiB) Viewed 15567 times


Engtin nge he chapter hi vuah tur pawh ka hre tawh lo. Last ni chiah lo.. last dawt ni mai rawh se.

[b]CHAPTER 75 (b) Te tivel mai ang.[/b]


Ka ngaihtuahna a thil rawn lut zut zut chuan ka thinphu a ti ran dawt dawt bak ah ka taksa pumpui hi a sa chhuak vek! Kan nupa inkara Suzi rawn inrawlh in min tihnat zia leh kan nupa inkar a chhiat hneh zia te chu ka ngaihtuahna ah a rawn inlar thar zut zut a!



Carlos-a'n kei aiin Suzi a thlang emaw tiin zan tam muhil thei lo leh rilru na reng reng in thla pum hlum chu ka tuar tlawk tlawk anih kha! Ka naupai rilru no lai leh nat hma lai ani bawk nen kei aia Carlos-a'n Suzi ngaihsak ta tlat leh kan nupa khum ah ngei kan mut dun lai pawh a Suzi min biak san chang a thinlung rum vawng vawng chung a Asir ah ka mut ngawih tlawk tlawk chhan phen ah khan Zualtei a lo biru reng anih chu!



Ka hma a hmeichhe ding chu ka en țhin a! A mit meng ah chuan a thil sual tih tawh te vang a inchhirna pakhatmah hmuh tur a awm lo! Rapawm zet a nui sak chungin 'i thu hriat zawng zawng hi au chhuah pui pawh nila tumah in an awi chuang lovang' ti ang hrim in diriamna nen min nuihsawh zet chuan a meng kual ralh ralh.

Kan nupa nun buai chhung zawng khan ka lam țang angin lem a chang kual a, ka hma ngai tak tak tu ang mai a ka thlavang hauh siin ka hnung lam ațang midawizep te mizia ang in min lo bei reng zawk anih chu! Khang hun laia a pawisawi loh hmel lutuk leh rilru țhat hmel tak a Emma kiang ah Suzi hauh mai a duh thu a sawi chhuak țum a ahmel landan zawng zawng kha ka ngaihtuah let a! Lemchang thiam, mihring fake lutuk anih zia chiang zet in ka hmu let kawk kawk ani ber!


Mi dawizep te hian an dawi em avang in an beih tur te hma lam ațang an bei ngam ngailo! An hnung lam ah, an inrinloh laiin an bei țhin! A chhan pawh mi dawizep an ni miau va!


"Oh, Thelma.. ngaihtuah kual nasa lutuk duh suh, tunah chuan heng thil zawng zawng hi sawi chhuak pawh nila tuman an ring tawh dawn lo che.. Ka pasal ni mai tur kiang ah engkim sawi chhuah a, kum4 liam ta a ka thil lo tih tawh te kha hriattir i chak ani tiraw? Mahse... eng nge i tih theih chuan.. ka pum chhung a a fa tihnat hrehlo tu thusawi chu a lo awi mai i ring em?" vavadak a nui chhuak hak pahin a sam chu chhip ah a hui chho puat! A sawi dik lutuk vang nge ka awm chhung chu a tawt mup mup hial in ka hria!


"Thudik engkim hriat vek a, tihtheih pakhatmah neih bawk siloh hreawm dan tur chu ka hria a lawm.. e, tihian ti ang, khang ka sawi tak kha chu theinghilh daih rawh.." min khawngaih hmel zet a men țîau pah chuan lu min thin khum nar nar bawk.


"Carlos-a pawn engkim theinghilh a nun bulțan thar a duh a, anin nun bul ațan thar laia kum4 liam ta a thil thleng i lo hriatreng bik chuan i hah thlawn mai mai... nangmah hmangaih țhin tu leh in nupa inkar tichhe tu hlim tak a an awm tur ang a i suangtuah rual ringawt pawn i na ani tiraw? I thil hriat zawng zawng sawi chhuah a, in inneihna humhim duhna rilru i pu bawk.. but guesst what Thelma Sweety, nang leh Carlos-a inzawmna chu kum 4 liam ta khan a tawp tawh! Chuthil chu hahdam tak a pawm thiam tum la, i tan pawn a thawven thlak zawk ang." Kut kuangkuah chungin chhuat lai a ka ding ngawi reng chu muangchang hian min kal hual a!


A chet dan a sawi tak zawng zawng kha mihring khawsak dan tur atan chuan rapthlak ka ti ngawih ngawih! Amah in min beih ngam loh vang a pawisawi miah lo Suzi hmanrua ah a hman dan te!


"Heti chinah hian duhtawk ta pawh niila i dam chhung a delh rit tur che in a tawk hle chuan ka hria! Mahse, a tawp thleng law law ila, Carlos-a nen inhlim lai ka hmuh apiang a tihtheih pakhat mah nei silova ka nat țhin zia i hriatthiam ve theih nan thawnthu tawpna ka hrilh leh ang che! Chuthu chuan a tina ber dawn che! I sawi chhuah hunah erawh khawvel a hmeichhe rilru chhe ber leh thikthu chhiat luat vang a dawt sawi ching ber ah i chhuak thung ang!" ka hnung lam ațang ka koki ah rawn dak chhuak in ka beng bul ah chuan rapawm zet in a rawn nui a!



"I naupai lai ti tla tur a doctor rawn tir tu kha tu dang nilo in keimah ka ni!" Ka beng bulah a rawn phun ser ser rual chuan thle dawrh in pawisak pakhatmah neilo tih hriat tak a min lo nuih sawng tu chu ka melh kawk! Zualtei chuan nuam a ti sauh tih hriat zet in a nui chhuak uar uar lehnghal!


"Oh, Thelma.. han țhawn kual vel che hi chu a nuam ngawt mai! Engtin nge anih theih tih i ngaihtuah ani tiraw? Suzi zawng tur a Carlos-a kal chhuak kha ka umzui a lawm, Suzi awmna a thlen rual in ka mi rawih pakhat in a hnung lam ațang dawmdawi in a chiu va, nikhaw hrelo va a awm chu remchang ah la in a kiang lawk a Suzi rui zawi vek tawh nen khan kan mut dun tir, an thla laksak in Suzi phone ațang ka rawn thawn che. Carlos-a phone ațang pawn 'Suzi a rai' tih vel ka rawn thawn tho che kha..." ka nun a chawhbuai vek dan chu timna pakhatmah tel hauh loin min sawi khum piap piap mai!


"A tukzing ah Carlos-a mitirh te angin mi Ka rawn tir leh a, clinic ațang i tlan chhuah țum khan in lam i pan ang tih hlau in ka talbuai hman a sin! Mahse, ka vanneihna rawn belhchhah turin a tuk lawk ah Dubai lam ah in chhuk thla nghal, khangte kha ka hriat loh i ring em ni? Chhungkua in an zawn luai luai lai che khan kei chuan i awmna chen ka hre vek! An mo nu duat em em zawng a i pasal leh a chhungte vir buai kha ralkhat ațang hmuhnawm ti zet in ka lo thlir țhin! Mahse, sulhnu hnawk zet hnutchhiah pakhat tal i neih loh chuan Carlos-a kha a beidawng ngai lovang tih ka hriatchian em avang in ka cousin puihna hmang in i ac ațang cheng nuai6 ka la chhuak! Cheng nuai thum Ngopa lam a i bialpa pe in Ngopa chhuah san a, India ram khawpui lian ah kalbo turin ka hrilh! Ani pawh sum a awm chuan thuawi thei tak a lo ni ve leh zel a.. ughh, i hriat ang khan a hmangaih miah loh nupui ah a lo nei bawk nen a thlawn a sum hmuh a, a hmeichhe hmangaih ngai loh tur kalsan chu a tan thil harsa a lo nilo lutuk!" Ka hma ah rawn ding in mit min siai sak pah chuan a ti a! Henu hi mihring anih pawh ka ring lo! A thil duh neih theih nan mihring nun engzat a tam nge a tih chhiat sak! Muansangi.. Muangsangi ngei pawh tuar tu zing ah a tel ve!



"Valpuia hming a ritel ve chu mak i ti viau em? Mak ti lutuk duh suh! Tupawn an beih tur te chu an zir chiang hmasa vek țhin a lawm, i nun hlui hai chhuak tur khan Mumbai ah kan awm lai ațang hma ka la daih tawh!"


"Mihring pawh i nilo." ka ti chhuak sep! A nui mai a! Khang a thusawi zozai khan min den dawt dawt bak ah Bawihpuia kha ka ngaihtuah tello thei lo! Ka thisen ah damdawi thuntir tu leh ka fapa nunna la tu.. ka fanu dam zawk pawh dam chhung a piangsual chhin chhiahna pu reng tawh tur a siam tu hmeichhia hi engtin nge ka tih dawn! Ka fapa min thah sak ang chiah a thah ve nghal mai chakna in ka khat!

"Kum a liam a Carlos-a'n a beidawn san thuai tur ah che ka ngaih laiin a zawng ngawrh sauh che a. Ka mipa duh em em in amah ah rinna nghat pumhlum ngam miah lo tu hmeichhia zawng a, a virbuai vel hmuh hreawm ka tih dan tur chu i ngaihtuah thiam lo zawk ang! A beidawn san ngai dawn lo che tih ka hriatchian em avang in clinic ah doctor lem in a sawngbawl lai che CCTV camera in a lak fuh ho kha chhungkaw hma ah ka phawrh tir a! Boom! Ka duhthusam ang ngeiin engkim a tawp ta vek! Carlos-a'n a haw ta em em che a! Mahse, a thinlung ațang dah chhuah dan che a thiam miah lo thung!" sehchilh ran a kha fak a rawn ti chhuak hraih in kei chu rum zet in min melh nghek bawk!


"Hmeichhe hran hran kawp kual in a nung mawl ta tawp! Chu erawh a hmeichhe kawp țhinte thik viau mahila zu leh hlimhlawm bawl a a kal kha ka vanneihna ani leh zel! Țum tum ngawt kan mut dun theih phah a!" na ngei se min ti tih hriat zet a ka mitah tak min en ngar chungin a dul a chul hauh hauh.

"I rawn inlan leh hma zawng khan Carlos-a hian a haw em em che! Mahse, a nu dik tak pawh nilo, saw inchhung a nu ber nihna chelh ve mai mai tu sawn a haw ve thei miah lo che!" ka nu chungchang a sawi duh dan chu mak ka ti tak zet!



"Ani pawh saw lo ngai reng rawh, ka kawng dal zawng a a awm lui reng anih chuan Suzi muhil a harhchhuak zo tawh lo ang chiah khan a zan muhil tho chhuak tur awm tawh miah lo turin ka siam vat ang!"



"Zualte!" ti tuar in a hmai ah ri chawrh khawp in ka beng chawrh. A rawn hawi chhuah leh rual chuan thip zet a min melhin min nuih hak hak a!



"Vawi khatpawh kut min thlak tawh suh Thelma!" ti tuar in vawileh khatah a rawn che chhuak thut. Min ben a tum ve rual chuan a ban rek ah lo man chawt in a kut chu ka phih dawrh a! A rawn țawng dan avang chuan ka beng leh chawrh tur chu ka tawp chawih!






"Ka tihhreh i ring anih chuan hun ka mamawh reiloh zia i hrethuai ang. Oh, Suzi chang nilo Doris-i phirpui pawh i thisen ah damdawi ka thun tir vang a thisa a hring i nih kha.. mihring nunna titawp tur hian maw damdawi ml 1 vel lek a tawk lutuk tih hrechiang ber tur leh ka dawhtheihna ti pan lo zawng a awm tur ber i ni a sin, Carlos-a nu tak pawh nilo.... a mo ang a min pawm duh miah lo tu thingpui in tur ah emaw tur tel sak ka harsat loh dan tur i hrethiam em? Ka naupan lai ațang a ka nghah fan fan tawh Carlos-a nupui ka nih theihna daltu apiang chuan Suzi leh i fapa chan ang kha an chang vel zel ang!" Ka hmai bul ah tak sehchilh zet a phun nawk nawk chungin min melh ngawt ngawt! A chet duh dan hi rapthlak ka ti tih bak sawi tur ka hrelo!







Chutia hnaih zet ah kan indin chilh reng lai chuan pindan kawngkhar chu a rawn ri rak a! Ka thawk huai laiin Zualtei erawh thlawk dawrh ang mai a vir kual nawk in pindan chhung ațang phone hum a Emma rawn kal chhuak chu melh in a tawlh hnung dawt dawt!







"Em, Emma.." tawlh hnung rawk rawk chungin Emma hming chu a lam bah nawk nawk!





"Thil pathum rei tak chhung thuhruk theih loh an tih te hi i hre ve tawh em?" A phone screen hmet zeuh in a smart pants ipte ah a thun lut a. Zualtei che buai nuaih mai chu nuih leh sak in a smart pants kekawr ipte ah kut pahnih zen lut pah chuan dar a ti kang ang bawk.






" 'Ni, thla leh thudik' te hi rei tak chhung a thuhruk theih lo! Chhum dum chhah zet in ni leh thla hi hliah bo țhin mahse reilote hnu ah chhum dum chhah zet kar ațang chuan an rawn lang leh mai țhin! Chutiang bawk in THUDIK PAWH!" zawi fiah raih a tiin Zualtei chu a mitah tak a en kal!







Zualtei erawh keimah chiah min hmachhawn emaw intia kum4 liam ta a a thil tih te sawi chhuak phiar phiar lai kha ani bawk a! Chutia beisei loh lutuk a Emma a hmu thut chu a chiai hnehsawh lutuk ani tawp!







"Ka hriat chhuah ngai loh turin i thup hlen thei anih loh chuan dawt min hrilh ngai suh ka țhin kha Zualte." Emma bawk chuan dam raih ang a lang! Mahse, fiak țhak si hian a ti leh a. Zualtei chu dangawk ang maiin kâ a ang zuau zuau hlin tur mumal erawh engmah a sawi lem lo!





"Ka nu hi hnawksak i lo ti viau bawk maw?"

"Emma.. ka.. ih.. ka, Thelma.." eng nge a sawi tum ber pawh hriat theih loh khawp a bah in a riak nawk nawk! Emma thung chu cool raih in a che a, a kut pahnih chu smart pants ipte ah la zen lut rengin hill bun mahse a dingdihlip ak ak a! Zualtei che phelh nawk nawk chu hawi sang vah chungin a en ngar bawk!








"Dawt sawi reng leh i dawt sawi thup nan dawt dang sawi belh zel in i nung reng thei ani mahna! Mahse, dawt hian lan chhuah hun a nei țhin.. nope, lan chhuah hun mai pawh nilo in thudik hian a man a min man chang a awm țhin. Kum 4 chhung a i dawt sawi zawng zawng leh i i thil sual lo tih tawh zawng zawng te khan a man in an man dawn ta zawk che anih hi."






"Emma.." thil dang sawi belh leh tum niawn takin ban a phar hliai a. 'Sawi ta che' tiawm ang hrim a Emma'n lu a tihchet khum bak rual erawh in sawi tur hlawl a hrelo tih hriat takin a thaw chhuak halh halh! Hnung lam ațang kei pawh mi bei ngam țawk khawp a mihring dawizep kha ani miau a! A țhiannu phei chu hmachhan ah a beingam dawn lo lutuk!






"Mihring fake lutuk i ni tih hi ka rinthiamna a rei tawh lutuk! Chu erawh pho chhuah sak tur che ka nilo, nangmah leh nangmah intalawkin i nihna diktak i pho lang thuai dawn tih ka chiang miau a." Emma chuan a ti dam leh raih, hmui tisawi zeuh pah in inchhung chu a thlek kual thuak bawk.







"I rawn luh tirh ațang i chet dan leh i thusawi zawng zawng kha ka record vek, kum 4 liam ta a ka țhian țha tak ang a lemchang a, ka u te nupa inkar i tihbuai dan vel kha chhal chhuah leh kher che ka tum lo! I video ngei en in nangmah leh nangmah court hma ah i inpuang nawn leh dawn nia." ti halh in a coat hak chu a siam țha a.







"Thelma, ka kal san ang che. Hna phurawm tak khawih tur ka nei ta thut sia." ti a min nuih sak pahin inchhung kilkhat a a țawng theih man tel a Zualtei ding dang sawp sawp chu a melh pah ralh bawk!






Ka bu nghat a! Zualtei thil sawi zawng zawng khan min țhawng lutuk a, țûm khat ah thu thințhawng lutuk hlir ka hre zut zut a! Ka ngaihtuahna ngei pawh a la fim hleithei lo!






"Emma, khawngaih in.." kawngkhar pan a Emma kal tur ban ah vawn beh chawt pah chuan Zualtei chuan khawngaih a dil ta ruai.





"Emma, thil eng emaw hriatsual palh a awm in ka hria.. ih, khawngaih in.. ka ngen che anih chu.. video i lo la anih pawn midang hmuh tir suh. Ka.. engkim ka siam țha ang, Thelma hnen ah ngaihdam dil tur a min duh anih pawn ka dil mai ang. Mahse, video... Emma.. Țhian kan nih kha, thil kan tihsual chang pawh a inngaidam tawn tur kan ni, ka thil tihsual te ka pawm! Khawngaih takin min ngaidam la, thil dang tih belh loh hram rawh." Chawlh hlek loin a țawng par par! Emma ban ah a chelh sak tlat a. Ţap mai tur hmel a pu bawk!







"Emma..?" Ngawi rengin Emma a din tlat avang chuan Emma kut thin sak nawk nawk pahin a khawngaih a ngen leh ngawng ngawng a. Emma erawh in hma lam a en ngar, a hmel ah chuan Zualtei huatna emaw alak a lungawi lohna emaw pakhatmah a lang chhuak lo!






"Emma, ka țhian i nih kha.. ka naupan tet ațang a ka lo atchilh em em i u ka duh luat vang a ka huntawn leh thil tih te kha min hriatthiampui ber tur i ni a sin."


"Țhian kan ni!" Emma chu a țawng chhuak ta hram. Tifuh intih hmel lutuk in Zualtei chuan lu a bu a. "Ka țhiannu i ni Zualte, ka hmangaih bawk che. Ka hmangaih che vang rengin keichuan zihhauna i chungah a thlen ka rem ti dawn. Court ah i insawifiah dawn nia. Ka hnen ah nilo." ti hmak in Zualtei'n a kut a vawn chu a thing thla nawk a.






"Lemchanna tlem te belh hlek hlek in kum 4 chhung ngawt thudik i ngawih bo pui tawh! Nangmah vangin pawisawi miah lo te'n tuar in nunna hial chan an awm bawk! Ka hmangaih che vang in i thil sual tih sim a, i insiam țhat theih nan hma ka la char char bawk ang." Zualtei a kal san hma chuan a ti leh sap.






Emma kal tur chu mi â ang mai a zuiin a ban ah chelh sak leh a tum a, mahse Emma'n a lo vai kiang nghal hmak zel.






"Emma ti suh." A ngaihdam dilna leh ngenna in ațhiannu rilru a hnehzo lo tih a hrechiang ta bawk a niang! A aw ri chu fiak țha kher mai!





"Ngaihdam ka dil che. Thelma hnen ah ngaihdam dil pawh ka inhuam.. chutichung a min ngaidam duh lo anih chuan...."






"Chhuan eng nge?" Emma chuan rawn inher in a rawn ti vin ve ta țhak! Zualtei erawh min hnungchhawn a ding anih vangin a hmel ka hmu thei lo!






"Zualte.. ngaihdam i dil vang ringawt in khang i thil lo tih tawh te vang a natna i pek te thinlung hi a dam ngai dawn lo! I ngaihdam dilna hian Suzi nunna kha a kaitho leh thei em? I thil sual tih midang in an hriatzau i hlauh mai vang a i ngaihdam dilna pawnlawi zet hian ka vahpa Dolores-a kha a hruai let leh thei em? A teuh lo! Mi dang nun hremhmun ah chantir a, pawisawi loh nunna hial i laksak thei anih chuan a vuak let chu engpawh nise tawrh inhuam ve rawh!" ti chang fak in Zualtei chu rum lutuk in a melh a.






"Midawizep! Inhmachhawn a tumah bei ngam silo! Midang hnung ah inphen chung a min nupa inkar chawh buai ngam chiah mihring maw i lo nih a? I tenawm lutuk Zualte.. i tenawm tak zet! Keichuan hnung lam ațang a inbeihna hi ka hua! Ka haw tak zet! Chuvang tak chuan i hma lam ațang ka bei ang che. I thil tih zawng zawng i mit hmuh ah ngei ka pho chhuak vek dawn bawk! Ka u te nupa inkar i chawh buai dan ang lo tak khan keichuan hun țha ka pe ang che! Ka vahpa thattu hringnun hi mei vap ah ka chantir vek hma in i lo inven theih nan notice ka pe lawk ang che.. i sahimna tur zawng rawh! A chhan chu reilote hnu ah eng dan mahin an humhim zo tawh dawn lo che!" ring hauh silo mahse fiah em em lawi sia thumal tin lam fak fak in a hma a Zualtei ding chu timna tel hauh lovin a melh ran!







"Theihtawp chhuah in i sahimna tur zawng rawh!" ti sehchilh ran chung chuan a inher leh hmak!





Kawngka-pui athlen hma chiah a Zualtei che thut chu ka beisei phak bak ani tawp!


"Nang hian engtin mah min ti thei ngai lovang!" tih leh marble vase chuh a rual a! Rang lutuk a ka che nghal phat chung pawn Zualtei chuan timna tel hauh lovin Vase rit leh chang zet chuan Emma tukhum ah a chhu chawrh anih chu! "Zualte!" ka au nge ka țe chhuak zawk pawh ka hrelo! Hmun leh hmun a Emma tlu hlawm tawp chhut chilh leh chawrh tum a Vase a lek kang chu hnung lam aţang pawh thlak sak bawrh in amah chu ka nam thlu rawk a! Emma tukhum ațang thisen rawn chhuak chu marble chhuat var ah chuan a rawn lung kual nghal nguai nguai bawk!






Thil thlen dan rang lutuk leh a ti ang tih pawh ka rin chhin ngam lo rawn thleng thut chuan min ti hamhaih vek!






"Haha.. Ti lui suh ka tih reng kha!!" Emma tlu hlawm reng rawn nuih khum vak vak pah chuan Zualtei chu a rawn ding chhuak leh a! A hmel lan dan ațang chuan tualthah hrehna a nei miah lo tih a chiang ngawih ngawih!




"Ngaihdam ka dil lawm lawm che." ti a nuih sak pah chuan Emma chu a rawn pan hnai a! Ka hamhaih lutuk pawh chu a rawn reh tial tial maiin ka hria!



"Nilo.. Emma.." Chhuat ah chuan țhu sawp rawk rawk in vase chu ka bulah ka hung a. Emma tukhum ațang thisen rawn chhuak tihtawp tum chuan ka kut pakhat chu a tukhum lam ah nawr lut in ka hawi kual thuak a! Zualtei chuan Emma chu ngaihsakna pakhatmah nei tawh lo in a kekawr ipte a rawn zen nghal hmak bawk!




"Ambulance call rawh." ka ti nghek! Kei erawh ka chesawn thei tawh lo! Emma tukhum ațang chuan thisen a chhuak nasa lutuk! Kan chhuat marble var ah chuan a luang kawi nguai nguai! Emma phone a lak chhuah rual chuan nui sak chungin a ding mar nghal a. Mahse, kawngkapui chu pawn lam ațang a rawn inpawt hawng bawrh a!




Kawngkhar a Ka pa.. Pa Hmingsanga rawn lang hlawl ka hmuh rual chuan ka thaw huai thei!



"Pa.. ih.. Thelma leh mipa pakhat an tawm dun lai Emma nen hian kan va phawk a! Mipa chu a tlan chhuak tawh! Ih.. Emma'n Doris-i kan kawl ang tih vel a sawi chhuah vangin Emma leh Thelma an inhnial a, Thlema thinrim insum thei lo in Emma hi Vase hian a vaw thlu ania.. keipawh.. keipawh min..." Zualtei chuan țap hlawp hlawp chung in chawp chilh lutuk hian dawt a sawi nghal par par thei anih chu!







Min hlauh hmel zet a min en pah chuan ka pa chu a pan rawk rawk a! "Carlos-a fa ka pai hi min tih nat sak a tum.." țap hlawp hlawp pah chuan a ti leh a. Emma a vuak thluk tawp vang a ka â chhuih bawk leh chutia chawp chilh lutuk a dawt a sawi nghal thei chu mak ka ti bawk si chu ka a ni muai thei!






Ka pa chuan chhuat lai a Emma let reng chu a rawn thlek vut a. Emma lu bul ah vase ka kiang ah inhung in kei ka țhu bawk! Emma thisen chhuak ka kut ah kai huh phung a! Ka pa chu ngawi reng in a rawn che chhuak nghal vut. Emma hrawk hrui zawn ah chuan dimte in a rawn tawk a!






"Pa.. ih.. Ambulance ka call ang aw.. nichin khan Call ka tum a Thelma hian min vau bet tlat a." min hlauh hmel zet a min en in Zualtei chuan a ti khur dar dar! Ka pa chuan a chhang lo hrim hrim. A mit chu Emma ațang a thisen chhuak zul zul ah chiah a fu.







"Bawihte.." zawi sup a tiin Emma biang ah chuan a chul thuak a. Emma'n mit a meng chhuak miah bawk si lo nen ka pa pawh chuan na zet in thawk a la hulh!







"Bawihte, hlau miah suh aw." Duat tih hriat zet a Emma biak leh pah chuan Emma nghawng ah chuan ban a rawlh lut a. Kei chu vawi khat pawh min en tawh lo! Zualtei thusawi kha ringin Emma hi keimah kuttuar angin a ngai a ngem tih tak ngial pawh ka hmel ațang chuan ka chhiar thiam lo.





Emma kaiza ah ban rawlh lut leh in dimdawi zet in a fanu chu a thawh pui a.






"Pa.. Ambulance a lo kal mek." Zualtei chuan a ti zung zung. Ngawi ngul in ka pa chuan Emma chu a pawm chhuak a, Emma thisen kai sen nuaih chung a ka ding chhuak ve riai riai chu Zualtei chuan vervek zet a min nuih sawng in mit min siai zauh va. Ka pa awm laia a hlauthawng hmel leh min hlauh ang mai a a thlabar hmel kha chu hmuh tur a awm tawh miah lo!








"A fanu neih chhun vuak hlum tum ah angai ngei ang che. Doctor ka ni a, Emma enkawl zui tu tur ka ni bawk. A thi zui anih phei chuan an chhungkaw tan chuan an fanu neih chhun that tu i ni kumkhua tawh ang!" ti a min nuih sak in inchhung ațang a tlan chhuah hma chuan a bag chu a ban rawk rawk a. "Oh.. in fiahna neih ve hi chu hmuh nawn leh inring tawh suh." ti a min nuih sawng pah chuan Emma phone pawh chu a bag ah a thun zui nghal hmak bawk!








Inchhung ațang Zualtei tlanchhuah hnu reilote ah kawmthlang ah chuan Ambulance a rawn ri ruai ruai a! Chhuat a Emma thisen luang kawi ngiai leh a lu nghahna zawn a thisen tling pam bawk si te. Ka kut thisen kai nuaih leh chhuat a marble vase let ngat te chu en kual ruai in tih hmasak ber tur pawh hrelo in ka din ngai a ding pah chuan Ambulance thawm reh tial tial chu ka ngaithla mawl tawp!







Pindan chhung a ka phone dah a rawn rik rual chuan phu deuh dawrh in thawk ka la vak a. Bang a DIY sanna chu en in ka harhchhuak nghal kawk. Bawihtei.. Bawihtei hruai ka ngai! Chhuat a Emma thisen luang kual nguai nguai mai hrufai hmasa lo chuan room ah ka tlan lut a. Bawihtei zirtirtu te call chu rang lutuk in ka chhang nghal thuai bawk.






"Pi Thelma, i fanu hruai tu tur tumah an la rawn kal lo a, class room chhung ah Doris-i chu kan lo awmpui rih mai dawn nia." tiin hriat nuam takin miss chuan a rawn ti a. Lawnthu hrilh mawlh mawlh in ka thlen harh loh tur thu chu bah deuh nuaih in ka sawi.






Ka phone ah te chuan thisen a kai nuaih. Chiai hman ka nilo. Ka fanu hruai a ngai bawk.. uggh, Zualtei'n Emma a enkawl zui anih chuan Emma rawn harhchhuah leh duh lo ber tu ani tih ka hriatchian tluk zet in operation room ah ka pa hriat loh a damdawi eng emaw hmang a jection mai ahreh dawn lo tih ka hrechiang lutuk!




Damdawiin ah tlan ve nghal ka mamawh! Bawihtei hruai pawh.


Rum chhuak hak pah chuan ka maimitchhing sawk a!

Hades!




Rang lutuk in Hades-a ka call a. A lo chhan rual chuan Bawihtei min lam sak tur a ngen in hotel ah hruai let mai tur leh ka hman hun ah ka lam tur thu hrilh sawk sawk in min chhan letna pawh ngaithla tawh lo chuan room ațang ka tlan chhuak a. Emma thisen chhuat lai a tling nguk chu chhuat nawhna in ka hrufai nghal zung zung!






Ka pian tirh te ațang khatiang khawp a hnai leh chiang a thisen inchhuahna ka vawi khat hmuhna ani bawk nen thisen sen nguk chuan engtin maw hian min țham deuh tlat!


Show post links
Top
Abbra Reo Ririni
Post October 13th, 2019, 11:55 pm

●●●●●




Ambulance hian emergency call tu te in ațang hospital hnai ber an pan țhin tih ka hriat ve tawh avang in Emma pawh LRM hospital ah an hruai ringin chulam chu taxi in ka pan a. Ka rilru buai mup reng chu tifim tur in ka thaw chhuak hawk hawk reng bawk!







Ka pa thil rawn hmuh dan leh thiam tak a Zualtei zualko dan ațang kha chuan Emma vaw thlutu kha keimah bak puh tur ka awm lo! Engtiang in nge hospital a ka lang ve hi min lo dawnsawn dawn tih pawh ka hrethiam chuang lo.






Damdawiin kawt ah Taxi a din rual chuan ka chuanman pe in ka tlan chhuak dawr dawr a. Hospital chhung ațang nurse rawn chhuak hnen ah chuan tun lawk khan Ambulance in hmeichhe hliam tur a rawn phur em tih ka zawt a.







Min chhanna vang chuan thaw huai in operation room lam ni a min kawhmuh chu ka pan ding mawp mawp!




Pa Zothana te chhungkua leh ka nu leh pa bak ah Zualtei te mangan hmel zet a lo ding khawm țai ka va hmuh rual chuan tim ru zet in ka va pawh a. Ka nu chu a lungngaih hmel in min hmuh rual chuan a țap tih hai rual loin a mit chu a sen ram mai!





"Thelma." a ti sap. Bang ngheng a ka pa ding ngawi run pawh ding mar vut in ka lam chu a rawn hawi a! Min lawm leh lawm loh lah a hmel ah ka chhiar thiam der lo!






"Hetah eng nge i la rawn tih ve a? Ka țhiannu i vuak thluk hi a thih leh thih loh rawn fiah i tum em ni," zualtei chuan vin zet in a rawn ti tuar. Ka pa tih loh midang ho chu an hawi dawrh vek!







"Zualte.. damdawi in a awm kan nih hi" Ka pa chuan a ti thum dup. Zualtei pawh a ngawi ta hmiah. Ka nu chuan a bul ah kal turin min hui thuai a. Pa Zothana leh Nu Puitei te erawh in Zualtei thusawi vang khan chik zet in min en zui reng a.



"Bawihtei school bang hruai i ngai lo em ni?" ka nu chuan a lo ti thuai.


"Had.. Hadesa'n a lam dawn a. Emma chu eng nge a an?"


"Operation an nei mek a. Thisen a hloh hnem bawk nen..." sawi zo thei lo in ka kut chu a hum ngawt ngawt!



"Carlos-a rawn let se a farnu neih chhun chung a i thil tih man hremna hi a pe chak khawp ang che." Zualtei bawk chuan a rawn ti hram.






"Zualte." Ka pa bawk in a ti bul vut. Rum zet a min melh rawm chung in Zualtei chuan thawk a la hak a! He hmeichhe rilru chhe lutuk leh lemchan thiam lutuk engtiang a hmachhawn tur nge tih ka thluakfinna hian a pha lo hial in ka hria.









Operation room ațang doctor rawn chhuah hma chu ngawi rengin kan lo nghak chawrh chawrh! Kan in ah Zualtei a rawn luh a țang a thil thleng zawng zawng chu ngaihtuah let in a khat tawkin ka hmulthi a ding sung sung a! A sawi ang tak tak khan khang a thil sawi ho kha sawi chhuak leh pawh niila fiahna tel lo chuan tumah in an awi ka ring lo. Lemchan a hnehsawh in dawt sawi a sam bawi si! Hetiang mihring hi ka vawi khat hmachhawnna ani bawk nen engtia hmalak zel tur nge tih lah ka hrethiam der lo! A fing phakar zia leh nidang nunna engatan mah a ngaih loh zia lah ka hmuchiang tawk viau! Emma hi a khawih zui loh nan Carlos-a rawn lan hma ka lo veng him thei anih chuan Carlos-a rawn thlen hun ah ka thusawi a awi emaw awi dawn lo emaw pawh nise engkim ka sawi chhuak ang. Anih loh zawng in tunah te hian sawi chhuak ila nalh tak a pha mar in Emma chung ah zawk a țuan duh hial mai ang!




●





Thil chu a tleng zut zut ani ber!

Operation tluang tak a neih ani tih doctor ten sawi mahse Emma chu darkar 12 liam hnu ah pawh a la harh chhuak thei lo a. Nizan ah ka mu tawh bawk silo. Bawihtei pawh Hades-an nizan khan a rawn kalpui zuai a. Anna bul ah nizan pawh a riak ta ngawt! ICU ah Emma chu a awm a. Zualtei'n enkawl zui tum viau mahse ka pa in a dang ta tlat a. A dang tila. "A țhawng ve tho che. Hahdam i mamawh." tiin doctor dangte kut ah dah vek tur in a hrilh a. Ka lo thaw ru huai thung. Ka hlauh ber chu ka pa te phalna thlap in ICU chhung ah lut in kan hmuh phak loh ah Emma a khawih mawlh ang tih ka vengthawng a. Chumi a thlen palh loh nan zan hial tlaivar ve ka ni bawk.





Tlai dar4 rik hma hret ah hospital chhung ah chuan Carlos-a chu a rawn lang hlawl a! A taksa lian leh thlamuanpui awm hluah hluah khawp a hrawl ka hmuh rual chuan ka lo hahdam ve huai ringawt! Ka pa rawn lan thut țum ang chiah khan Zualtei chuan pan thuai in 'a hlauh zia" thu hrilh in a lo țahkhum a. Ka hma ah ngei Zualtei'n a kuahna chu rei en duh lo in chhuat ka melh nghal talt!







"Matei chu eng nge an tawh?" a ti vut. A aw thum pa zet ah chuan Emma a ngaihtuah zia a langchiang viau bawk! Muangchang in ka hawi chhuak riai riai a. Jaydena leh Carlos-a indinchilh chu lu na deuh bur in ka melh ve ran.






"Beisei dan chuan zanin hian a harh chhuak tawh tur a ngaih ani." Jayden-a chuan a ti a. Emma zai a. Bawisawm char char tu ani bawk a. Ani pawh a tlaivar chiang hle!

Carlos-a chu a bu nghut a. Jayden-a chuan ka nu chu pan in ka nu bulah a țhu a. Kei erawh Carlos-a awm hlai hlup vei lam a Zualtei beichial leh insut hlap hlap te. A hlauthawng hnem tum niawm tak a Carlos-a'n Zualtei dar a ben sak thuk thukna te chu en in ka inhum ruh fan fan mai!


Zualtei sawi dik zia kha ka hrefiah zel dawn in ka hria. Kum 4 liam ta a a thil tih ho kha sawi chhuak engang mah ila tunna Carlos-a lan dan ațang hi chuan min ring tawh ngailo dawn lo.. nilo.. kum 4 liam ta a kan nupa inkar mai mai vang a buai duh hmel pawh a pu tawh lo!


Thaw chhuak halh in ka vanvadak a! Thudik engkim hrereng si a engmah tih theih nei bawk silo a awm chu a rit ngawih ngawih! Muangchang a ka meng chhuak chu Carlos-a nen kan in melh siah a! Ka awm chhung hi sa bulh! A mitmeng zuai deuh ruih mai ka hmuh chian rual a ka awm chhung rawn na nghal rawih rawih tur chu duh lo in chil lem khawlh pah in ka hawi sawn nghal daih. Zualtei nen an nun bul țan tharna tur buaipuia a buai em em lai a hetiang thu a hre thut rawn thlawk haw nghal bawk si nen a lan dan chu a chauh hmel hluah hlauh. Kum 4 liam ta a kan nupa inkar a Suzi rawn tlak zeh chhan te. Bank ațang pawisa la chhuak tu leh ka naupai lai ti tla tur a doctor rawn tirtu kha kei chuan hrevek tawh mahila Carlos-a lan dan ațang chuan khang boruak ah khan let leh a, tunge inhnamhnawih tih zawn chhuah leh ai chuan engkim kha liam tir tawp a! Thleng lo ang hmak a ngaih a nun bul țan țhat san duhna ka hmu in ka inhre hial tawh!




▪▪▪▪

"Aw, Bawihte Aunty thu kha lo awi la, naktuk zan ah chuan ani pawh a lo harh tawh a nga, Mamma leh Doris pawh an mu tlang thei tawh ang." ka ti a. Phone lehlam a ka fanu rawng țawng lang lang leh a sawi tur hrilh a Hades-a aw thum zawi ruih lo ri ve dut dut chu ngaithla in ka nui chhuak hak hak a.




"Mamma, small puppy apu in min lei a sin." Hlim tih hriat zet hian a rawn ri ve tung! Zualtei'n school naupang dangte hma ah a tih mualpho vak hnu a a awri zangkhai ve ber țum ani hial ang!



"Uite an lei che maw?" Phur leh mak tihna inpawlh hian ka ti deuh țhat. Hospital bathlar ah ka ding a. Zan dar 10 a pel tawh veng țhenkhat ah power cut a awm vang in khawpui chhung chu a thim deuh mup.





"Yes.. apu (Hades-a pa Lawmzuala) in Pluto a name a. Mahse, api'n Hero a tia. Doris khan Pluto ka choose a. Pluto ka name tawh." a rawn ti a. Uite te an lo lei sak a. Ka fanu hian a tibuai reuh ngawt ang.


"Bawihte, uite lei chu i ngen a mi?" ka ti a.

"Nooooo.." a rawn ti fan túng. A bul a Hades-a chu a lo nui chhuak huk bawk.

"Anih chuan patea phone khan a thlalak min lo thawn ru." ka ti a.

"Ok. Got it." a rawn ti fel at. Lu ka thing nak bawk.


Bawihtei'n ui note te zet buk em em bawk si a pawm lai thlalak a rawn thleng zui zat.

*A to awm sia. I pa chuan a lo leisak a. A lawmawm rual rual in a inthlahrun awm.*


*Doris tan a lawm a lei. Nge i lo inthlahrun ve ringawt* Hades-a rawn reply na vang chuan ka ner vak ringawt!





Hnung lam ațang mipa aw lian thum zet hnar tum dut ri ka hriat rual chuan ka vir deuh nawk a! Tshirt dum leh cotton kekawr dum inbel mawl tawp a Carlos-a lo ding khawng run nen kan inhmachhawn nghal siah bawk!
Phone ka humna ban chu dah thla riai riai in ka malpui zawn ah ka dah ngil zar. A dinna ngai ah ngawi ngul a ding in min chhuk en ngur bawk.






"Aa.. a lo harh tawh em?" ka ti sep. Min chhang lovin ka mitah tak min en ngur ngur a. A nupui hual awm reng lai a ka haw duh bik miah lo chu hnawksak min ti viau te pawh ani ang. Mahse, Emma harh chhuah hma chu ka haw dawn lo bur!


"Ka kal san ang che." ti sep in hnuai lam ka melh daih. A chhan pawh a mitmeng thuk ruih ka hmuh rual hian Zualtei a rawn biak țum a. 'Ka fa nen ka ngai tawh che u' a rawn tih zawih ruih ri kha ka beng ah hian a ri nawn zel! Kha țawngkam kha chu ka bulah chiah a sawi țhin special bik lutuk emaw ka ti țhin a! Nimin piah khan a nih loh zia ka hrechiang tawh!


"Tu mipa maw i lo tawm puia." Ka kal pel tur chu a aw zawi sup vang chuan ka ding chawt!



"Engmaw i sawi?" hrelo ka nilo! Mahse.. fihana pakhatmah neilo a Zualtei thusawi a awi nghal vek chu na ka ti ve thlawt! Na ang a lan erawh ka tum buai peih lo law law.




"I mipa tawmpui chu tunge?" a hma aia khauh leh zawi zawk a ti nghut in ka ban ah a rawn man hmiah. Min nam let dawrh in kan inhmachhawn leh siah bawk.



"Zualtei kha zawt la.. a chiang zawk ang." nui sak pah chuan ka ti a. Zohmingliana chu a rum chhuak nghal nghut!



"Min thlah thei tawh em?" Ka tih leh sep. A khi deuh suk a. A nuih ringawt chan hrethiam lo zet a ka en chho haw chu rum chhuak hrawih in ka kawngah rawn man hrawk in a rawn kun hniam a, ka kawng a man lohna kut pakhat in ka khabe ah rawn dawm in min fawp nghal bawrh bawrh anih chu! Ka tal chat chat nangin ka kawng a manna chu a nghet lutuk! A taksa hrawlpui ah chuan hnehsawh zet in ka tang ani ber! Ka khabe a vawnna ti nghet sauh a min fawp uar leh sauh in ka hmui peh mai duh tawk lovin a lei hrawl leh lum huam chuan ka hmui chu nawr kau a tum a. Ka tal chhuak thei lo ta sa sa.. ka hmui chu chip luih ka tum ngar ngar!


"Luhlul reuh lutuk!" ti chhuak sup in ka kawng a manna ti nghet hrawk in Ka hmui hnuai lam chu a rawh seh a. Ka thinhnûn a nat zawk vang a ka tîm chawi chu remchang ah la in ka kâ chhung ah a lei hrawl leh sa huam chu a rawn nawr lut nghal der! Ril leh ngenngawl lutuk a chet la zawm in min fawp ngawng ngawng a! A duhtawh lutuk bawk si chu ka thawk a chham zo dawn in ka hria! Thuk zet a lei chet kual ngawng ngawng chung in a taksa si chet in min man bet ngawr ngawr bawk!



Thaw chhuak ham ham chung chuan a inlahrang a, ka chal ah a chal rawn nawr in thawk a la ham ham. Kei erawh ka hmui hnuai a seh na thip hlar vang chuan ka ner nghal sawk!


" min lo zui rawh." a ti zawi sup. A chal leh ka chal la nawr si reng chung chuan thawk a la leh hawk a. "Matei pawh a harh tawh." a ti leh sup. Ka meng zau nghal kawk a! Kham loh hmel zet in a awm hrang ta hram bawk. Mahse, ka ban rek ah hum hmiah in min kai kal nghal dat dat.


Cabin kawngkhar a nam hawng a. Khum ah Emma chu lu tam bam in alo muhil sek sek. Ka nu leh pa, pa Zothana te chhung pawh an lo awm a. Zualtei hmel ka hmu lo thung.


"Lo awm rawh." ti sup in Carlos-a chuan min chhuah san leh nghal a. Ka nu te chuan min lo be sawk sawk in bawihtei chuan Lawmzuala te chhungkua chu a tibuai em tih te min zawt a. Uite thar an lei sak thu ka hrilh lai a kawngkhar rawn inhawng a Zualtei leh Carlosa rawn inzui lut ka hmuh rual chuan ka țang leh nghal țeuh tawh!


Zualtei'n min hmu leh chu min melh rum nghal em em ringawt a.



"Mate?" Carlos-a chuan a ti dam ruih. Chutah Emma chu a rawn mengchhuak riai riai a. Carlos-a leh ka pa leh Pa Zothana tih loh chu mak tih lutuk vang in kan meng kawk kawk in ka hria.




"Awi. Bawihte i lo harh tawh maw?" Tiin ka nu in Emma chu a ban thuai a. Kei ai a mak ti zawk Zualtei hmel chu a dang nghal vek ani ber!


Chutia ka nu leh Nu Puite an rik deuh lai laitak chuan pawn lam ațang cabin kawngkhar chu an rawn kik a. Carlos-a'n lut tur a a chhan hnu reilote ah Aryan leh .. ka meng zau nghal kawk mai! In ațang min hruai chhuak tu doctor leh Zualtei pasal hual ang a lemchang Aryan te khan rawn inzui lut in an hnung ah Police pahnih in an rawn veng anih chu!


Zualtei chu a kat deuh dawrh a!
"What are you doing here?" ti țhawt in Aryan chu a melh ngawt ngawt!

Carlos-a chu muang ruiah a che chhuak in cabin bang a tv lian over lo bet thlap lam chu pan in ngawi ngul in a kekawr ipte ațang thumpdrive a phawrh chhuak a. Tv pang sir ah chuan vuah in remote ah chuan enge maw hi a hmet mual mual a.


Reilote hnu ah screen ah chuan kawngkapui ka hawng lai lo langin Zualtei hmel chiang zet in a lang bawk! Mak ti lutuk a sceen ka en chian chuan room kawngkhar lam ațang a lak anilo.. ugghh, vase a ka pangpar khawi kar ah khan camera invuah ru in chumi ahmang a record chu ani!


Carlos-a chu inher ruai ruai in bangkil a Zualtei ding zum za chu a melh ngur a! Zualtei tan chuan sawi tur a vang ta viau ang!

"Video hi ka play zo dawn nge nangmah ngeiin engkim i sawi chhuak dawn?" kan ngawih țhup lai chuan hriam zet a ti chhuak hrawk in Zualtei melh ngur chung chuan kut a hum ruh nghal tlat!

Zualtei chu tlan chhuahna tur zawng ang hrim in a meng kual zak zak a!


"Laltlanzual" Fiak lutuk in Carlos-a chuan a ti leh țhawk! Zualtei chu Carlos-a a hlauh luat vang nge a lemchanna tih pawh hriattheih loh lek in a inhnitchhuak hlawp hlawp a. Thaw chhuak hrawk chungin Carlos-a chuan a pan bing hmiah hmiah. Ka nu chuan Carlos-a hmel rum ul ațang chuan Zualtei chu kut a thlak mai dawn in ahria te pawh ani mahna a țhutna ațang a kang deuh iai a. Mahse, Emma'n a kut ah a hum sak nghal hmiah!


"Tunah chuan kum 4 liam ta a i thil lo tih zawng zawng kha sawi chhuak tawh rawh." aw hniam chek chhawk leh thum bul a ti chang khawlh in Zualtei khabe ah a hmer nghal sawk! Amah en theih tur a kuai dak awrh in tur zet in Zualtei chu a melh khui a. Zualtei khabe a dawm lohna lam a kut chu nghet takin ahum ruh ngawt ngawt bawk!

"Carlos!" A ti țiau a.

"Ka hming i lam ri hriat ka mamawh hauh lo!" sehchilh run a tiin Zualtei khabe chu a kutphah hrawl tham zet chuan a hmer sawk!



Post October 16th, 2019, 3:31 am

Chapter 76 (a)

"I thil sawi hi engmah a awmzia ka hrelo!" Zualtei chuan insut hlawp hlawp chung chuan a la ti cheu! Carlos-a chu a mit bul a vun chuar lang ruih khawp in a khi suk a! Zualtei a melhna mitmeng dur khup pawh a tur ngen ngawn tawh viau! Midang chuan engmah tih emaw lo sawi emaw pawh kan tum lo! Mak ka tih ber erawh kan inchhung a camera inthukru awm ka hre miah lo kha ani!









"Lemchanna bawk maw i chhunzawm dawn a?" Carlos-a aw khur vawt ruih chuan pindan chhung boruak chu a hmet hîk sung sung! A kutphah hrawl zet a Zualtei khabe ruhkual hmer chawt chawt chung chuan Zualtei chu a mitah tak en thei turin a kuai dak ang sauh sauh va.









"Engmah a awmzia i hrelo anih chuan i nu leh pa ko in video hi kan zavaiin kan en ho mai aniang chu!" hniam vawt ruih a ti chhuak hrawk in Zualtei khabe a hmerna chu a thlah nawk!








Zualtei chuan a dinhmun chu a hrethiam tawh lutuk ani mahna, Carlos-a lak ațang tlan chhuah theih inring niawm tak chuan a tawlh hnung hret hret a! A taksa khur dawt dawt chuan a duh angin a chet tir thei lo zui! Carlos-a lah chuan cool ruih si, pawisak pakhat mah nei lo tih hriat hluah hluah bawk si hian muang chang in a din hnaih ve ruai ruai zel bawk si! Zualtei chiai mengphar kual leh a vun sen suah țhin dang var kawk kawk lai chu hmuh nuam tak ani ringawt! A rilru chhe lutuk lemchanna hmang a kum eng emaw zat chhung a lo hliahkhuh char char rawn lang chhuak zut zut chu ani ang mi dawizep tan chuan namen loh va chiai pui tham ani dawn chiang lutuk! A beisei loh dan lutuk in kei min diriam a tum luat ah a inpuangfai ta kel a! Kan in a rawn luh rual a a rilru put dan ah kha chuan 'thudik engkim ka hriat vek hnu ah tih theih neilova ka awm lai min hmuh chak vang leh ka thudik hriat ka au chhuahpui hunah tumah in ka thusawi an awi loh lai hmuh a, min diriam a chak et et vang a a chet dan nunrawng lutuk min sawi chhuah khum kha ani a!' Tun zah zet zawng! Khang min tihnat a tum ngar ngarna khan vaw let zawt zawt in a rilru chhiat man chu a rual in a seng ta țawk dawn anih ber hi!











Ka hmeichhiatpui ni mahse lainatna chhetmah ka nei lo! Chhantu mamawh hmel lutuk a a hawi kual ruai mai chu hmuhnawm ti tak in ka țhutna țang chuan ka thlir reng a! Ka fapa ka chan chhan.. naupang dang hma ah zak tak a ka fanu a awm chhan leh kum 4 liam ta a thinlung na ngawih ngawih leh kehsawm vek a ka awm chhan hmeichhia chhantu nei bawk silo chu mi nunrawng ber ang maiin hmuh nuam ka ti zek zek!









Carlos-a chuan kutthlak chak hmel zet a Zualtei melh ngur pah chuan a kekawr ipte chu zen in phone a phawrh chhuak a! Zualtei mit che kual zak zak leh put bona tur zawng kual ruai reng chu a khur nasa in a thaw kawk kawk reng.








"PaTlan LRM hospital ah rawn kal rawh u!" tih zawng Zualtei pa hnen ah chuan sawi in phone a ti tawp leh hmiah!









"Carlos.. hetiang.. Hetiang hian ti suh, i fa ka pai hi.. kan fa vang talin.." A pum chu a kut pakhat a hup in a ban pakhat chuan Carlos-a rilru hneh tum zet chuan a kawrawm ah a țham a, a mittui a luang zung zung bawk!







"Ka fa.. huh?"




"Aw, i fa, kan fa vang tal hian tihian awm suh. Engkim theihnghil in nunbul kan țan țha dawn i tih tawh kha.. Mumbai ah kan chhuk a nga, hengthil thleng zawng zawng hi theinghilh in nun bul kan țan țha...."





Zualtei țawng bah nawk nawk lai chuan Carlos-a chuan elsen zet a rawn nui chhuak in lu a thin khum nghut nghut!


"Carlos.."

"Khang ka thil sawi zo zai kha i lo awi a maw?" Ngeiawm lutuk a thlek buk pah chuan a nui leh hawk bawk." Cool, nang chiah hi lemchang thiam an awm lo tih tikhan i hrethiam tawh em?" sehchilh run a ti hrawih in a kawrawm a Zualtei țhamna kut chu a phih per sak nawlh! Kat dawrh in Zualtei chuan bangkil a chuh a! Carlos-a lah chuan sapui in a sa seh tur a veh thlem ang mai hian hmanhmawh hauh silovin Zualtei chu a hnaih hruau hruau zel!








"Ka fa i pai lo Laltlanzual!" ti chhuak hrawih pah chuan muangchang ruih in a ban dinglam lek kang ruai ruai in Zualtei lu bul chiah chu a nam run! Zualtei chu a meng phar kawk a! Kei pawh ka bang bik lo! Mak ti zet a ka meng kawk chu ka pa chuan lu min buk khum nghut in 'a dik ngei a lawm' ti ang hrim in muang ruih in mit a khap a. Ka nu leh nuPuitei pawh chuan mak an ti ngang bawk!










"Engtin nge chutiang chuan i sawi theih! Vawi thum lai kan mu dun!" Zualtei chuan a ti khek tuar! Carlos-a leh Emma chu a rual in an nui hak a! Zualtei chu an ngaihnep hmel hluah hluah ani tawp!








"I pum chhung a naute hi ka fa nilo in i thawhpui Dr Saitluanga fa zawk kha ani!"




"Dawt! I fa anih hi.. nangma fa ngei anih hi, i fa anih vang in inhualna zungbun min bum tir bawk, engang pawn sawi buai tum mahla i fa ngei anih hi!" aw rawl tawp in Zualtei chu a au tuar tuar tawh! Carlos-a lah chuan nep tih hmel zet in a nuih suk suk duk lek chauh!








" I fa paitu ka ni a, engkim theihnghilh a nun thar a nun bul țan țhat leh min tiam bawk..."


"Nun bul țan maw?"



"Carlos" Carlos-a khawsak phung ngeng ngul leh ngeiawm lutuk bawk si vang chuan a inthing nghek mai!







"Nang hi nun bul ka țan țhatpui ang che maw? I fing viau emaw ka ti a Zualte.. kum 4 chhung ngawt lem i chang kual ang chiah khan tun karkhat chhung kha lem ka chang ve zawk anih kha! Ka thiam ve tho em?" ti hluk in a tawp lamah chuan a ner nawk bawk!








"Aih.. lem ka chang ngailo.. nangpawn i chang lo.. ni.. nimin pawn..." Carlos-a chu a chet tlat tlat a! Zualtei lu bul a a kut nam run chu la let vutin a bek a hiat zauh. Zualtei lah vun dang var puap leh mittui nen a in chiahpiah pur in a insut hlawp hlawp bawk nen! Ka drama en tawh ah chuan a la hmuhnawm ber hial ang!







"Nimin kha chuan i pasal hual leh doctor lem i rawih te dawp hian Mumbai police station chair ah ka țhu hle hle!"







"Min bum a maw?" Zualtei zawk chuan victim role play in Carlos-a chu a en kawk mai! Emma chu a lo ner deuh sak a! Ani pawh hian Carlos-a'n Mumbai a pan chhan chu a hre vek tih ka hrethiam chiah!








"BUM! Huh? I kâ aţang bum tih thumal chhuak chu a inhmeh chiah loin i hreve em? KARMA.. that's right! Nang chuan KARMA tiin sawi la i inhmeh viau ang chu!" ti hluk pah chuan a ding mar vut! Emma chu thei leh thei lo hian a lo nui che dat a! Carlos-a sawi kha a dik chiah! Midang bum nan a kum 4 tal tap hmang ral thei tu hian BUM tih thumal hi hmang ve tlak ani pawh in ka hrelo! 'KARMA: Ka thil tih ang chiah ka chungah a thleng' tih hmang se a in hmeh tawk chiah!








" naute chungchang pawh kha!" ti leh vutin Zualtei chu tenhmel zet a en in a ner suk! "Kei nen min sawi zawm tawh suh! I fa paina pa hi nupui nei lai anih bak hospital hotu lam makpa anih vang in a fa ani tih hria an awm rual in a nupui nen an ințhen a hlauh va. I pum chhung a a fa ai chuan hming țhatna leh a nupui te ro sum a thlang zawk anih chu! Ti tla tur in a hrilh che! .ahse, nang chuan remruatna fing tak a hma ang bawk khan nei leh in nun beidawng a ka talbuai lai kha remchang ah i hmang leh ta chat! Nang nen hian vawi khat mah sex kan hmang lo mai pawh nilo in ka kut hmawr pawh in hmeichhia angin ka la khawih lo che! Oh! I hriat tel duh takin i naupai hi thlakhat a upa nilo in thlahnih a upa ani tawh!"





"Carlos!"





"C'mon Zualte... Carlos.. Carlos.. Carlos kha i kâ bawlhhlawh zet khan ka hming lam sek tawh suh! Ka nupui leh ka fa te chung a i thil tih vang teh hrep a thah nghal mai che ka duhna hi thunun thei lo lekin min siam hlau a nge!" ti khauh furin Zualtei lu zawn cement bang chu a hnek țawlh a! Zualtei chuan amah chu kut a thlak mai dawn emaw a lo inti hman a niang! Khek tuar pahin a kimki zui chawi chawi mai!









"He mihring teh hrep hi kan chhungkaw sum i lak chhuah hmang a ruaiin ka nupui taksa ah damdawi i thun luh tir ani tiraw?" Zualtei hmai bul chet a kun hniam khun pah chuan a ti chhuak hrawk! Zualtei chuan lu a thing nawk nawk a! Carlos-a erawh tha zat hmel zet in a thaw ri hrawk hrawk tawh!










"Ka fapa... nang teh hrep vang hian ka fapa ka chan a sin! Nangnu teh hrep vang hian a nu pum chhung ațang ka fapa kha thisa in a rawn piang a sin!" aw rawl lian lutuk leh thinrimna a khat a rum chhuak hrawih in a tirawl za chu a thunun theih tawh miah lo tih hriatfe chuan a ban ding lam chu a che thut a! Zualtei hrawk ah tak a hneh lutuk in a rek ta bawrh mai! Thaw ri hraih hraih chungin Zualtei chuan Carlos-a ban rek chu a ham chat chat a! Carlos-a thinrim lutuk leh Bawihpuia thihna a sawi chhuak thana bawk si chuan Zualtei chu thah mai a hreh der lo tih lah pawisak neih loh hmel zet a khi suk chung a Zualtei thaw thei lo che buai rawk rawk a en ngur dan ațang chuan ka hmu thiam vek!










"Hmingsang..."ka nu in mangan hmel taka ka pa a auh takah chuan Ka pa chuan Carlos-a leh Zualtei inchaih vel chu a pan phei a. Carlos-a dar ah kut nghat thuk in duhtawk turin a hrilh sup!






Zualtei khuh bawrh bawrh leh boruak kham lo hmai sen vek tawh chu Carlos-a chuan thlah tumna pakhatmah a nei miah lo! Ka pa chuan rum nghut in a ban rek ah a man chawt a!







"Carlos a tawk rih!" Ti nawn leh sup in Carlos-a ban rek thinrimna vang a tha khur dur dur chu a pawt phelh ta nawk! Zualtei chu khuh bawrh bawrh in a țhu thla hnawk a!







"A thawk i tihtawp sak ngawt anih chuan a nuamsa lutuk dawn sin!" Ka pa vek chuan ti nghut in Carlos-a chu a hnuk hnung deuh dawrh bawk! Hmai tuai puat chung a rum chhuak hrawih pah chuan Carlos-a chu a vanvadak vung vung a! A ban leh hrawk ah te chuan thisen zam a lang val kulh! Muang chang in min en tur chuan a rawn hawi ruai ruai a!









A mitmeng sen rum leh thisen chhuah chakna a tuihal ah chuan 'Ka fa te nen a hlauhlawp a siam tu che u hi that tur in min duh em?' tih zawhna ka hmu hial mai hian ka hria!








"That turin min duh em?" a rawn ti chhuak hrawk! Zualtei chuan hlauh hmel lutuk in chhuat a țhusawp hnawk chungin Carlos-a chu a chho en kawk!







"Mawh? Bawihi.. in chhung lum ațang hruai chhuah tir tu che u leh i thisen a damdawi thun luh tir tu.. mahni ram ah pawh fa hring ngam lo hial khawp a siam tu che hmeichhia hi tihlum nghal turin min duh em?" ti leh hrawk in kut a hum ruh ngut ngut! A mitmeng sen rum ah chuan 'aw' tih chhanna pe chiah ila chuan a fapa tihlum tu hmeichhia hi minute khat pawh tling lovah a pawt sawm vek hial duh ang!









Thinur inbeng daih tum a thaw chhuak hrawk hrawk chungin ka țhut na lam chu a rawn pan a! Bum kan ni tih kan hriatchhuak tuk khan thu min tiam tawh! A zawng chhuak a nga! A that lo vek anih pawn hremna na thei ang ber a tuar tir ang tih kha fapa chantu police officer khan tha na zet chungin min tiam tawh! Chu a thutiam chu 'aw' ti a chhanna ka pek rual in chawp chilh lutuk in tun mai ah hian a tihlawhtling nghal thei!









"A taksa saw pawtsawm vek turin min duh em?" Ka bul lawk a rawn ding run a min chhuk en ngur pah chuan a ti leh hrawk a! Zualtei hlauhthawn hmel lutuk chu a khawng awt hi ani ber!








"Thih a phu lo!" ka ti sep! Carlos-a erawh a rum hrawih!




"Tisawn... a thil tihsual tawh zawng zawng in a vuak letna nen nung reng rawh se!" ti a sehchilh ran a phun sep in kut ka hum ruh a! Ka inchhung ah khan țum hnih chiah kut ka thlak! Na lua awm lova kut thlak belh leh ka chak et et nangin ka kutthlak phu hmel pawh a pu tawh lo!








"Zualtei pa te pawh an rawn thleng dawn! Dr Saitluanga pawh rawn tel ve rawh se!" Pa Zothana chuan a ti a. Zualtei hawi kual zek zek leh Carlos-a rehna vang a thawk lak la mumallo thaw leh kawk kawk țhin chu kan en mawl tawp!









Zep thu awm lo! Tun dinhmun ah tak hi chuan cabin chhung a mihring awm ho hian Zualtei hi lainatna chhetemah kan nei miah lo! Kum 4 chhung teh meuh lainatna leh khawngaihna tel hauh loin kan nupa inkar a chhiat theih nan hnung lam ah chet a lo la ngar ngar a! Kan mihring puite chungah kan ti ang tih vawi khat pawh ka la ngaihtuah ngailo hmang in min sawisa a. Nau ti tla tur a midang a ruai ngawt te! Kan nupa inkar tihbuai a duh luat vang a Suzi thisen test result thlakthleng a, amah vau nan a hmang te, Suzi a mamawh tawh loh hnu ah a taksa mamawh tur ai tam damdawi pe a a tihhlum tak dan leh ka awm loh hnu ah chhungkua in a chhe thei ber a min rin loh a hlauh vang a chet a lo lak zui dan zawng zawng tuar tu nih ngat phei chuan tuna a thil tihsual rawn lang chhuak zut zut in thlabar tak a a siam let lai tluk a hmuhnawm hi a awm miah lovang!











-

_

Zualtei nu leh pa te rawn thleng in cabin chhung ah an makpa hual lo ni tawh leh police ho an hmu tel vek chu mak an rawn ti ngang mai! Pa Zothana'n engkim hmaih awm loin a lo sawifiah khel a! Chuan, pa Zothana țawngkâ aţang chuan Zualtei'n ICU a Vicky-a awm thah a tum zan khan Saitluanga leh Zualtei hi Carlos-a'n a lo ringhlel daih tawh! Kar lo ah a hre chhuak ta reng a! Vicky khawih tu pawh kha Zualtei tho a lo ni a! Mahse, chu chu ngawihbo pui rihin Mumbai ah Carlos-a a chhuk thla phawt a. Aryan leh Zualtei doctor lem rawih pa hi zuk rek chhuak in engkim a bul ațang Mumbai ah a zuk hre vek tawh!










Kan pangpar phen a camera pawh kha Carlos-a rawn kal hnuhnun ber țum khan a vuah ru tawh a! Zualtei nen a Mumbai lam ah inbengbel tur ang a a khawsak hnu khan Zualtei ngaițha in engtin maw tak kei kha min tih an lo rin lawk vang a camera vuah ru an ni tih te chen in a sawi dap dap!









Zualtei chuan a chan loh khan ah Carlos-a'n a tlan khalh char char tih a hriatthiam meuh chhuan a thil tih vang a inchhir aiin thinrim hmel lutuk in a meng tal kual tap tap reng a! Pa Zothana thusawi chhung zawng chuan kei chu min tihnat chak hmel zet in min melh ling hlar reng bawk!









"Laltlanzual! Ka fanu chu i nisi a maw?" Zualtei pa, PaTlana chu zak leh rilruna tih hriat zet hian a chet tlawk tlawk! A fanu dinna lam chu pan mawp mawp in zahna hrehauh lova Zualtei meng tal kual tap tap hmai ah chuan a beng chawrh a! Zualtei nu chuan khek chul in an pafa chu pawh țhen tum in an inkar ah a ding a! Zualtei pa chu a zah bak ah a fanu khawsak dan chuan a tina hle ani ngei ang! Sehchilh nawk chung a țawng khur dawt dawtin a fanu chu thi tla anih thu a sawi tawl mai ni!










"Min ngaidam hram rawh u! Min ngaidam hram rawh u!" Zualtei nu chuan țap titih in keini ho chu min enkual a. Fa te'n thil sual an tih in nu leh pa te an na ber țhin an tih fo hi a dik zia ka hre thar rawih rawih! Zualtei hmel ah inchhiarna leh inthiam lohna pakhatmah a lanchhuah miah loh laiin anu leh pa thung chu inthiam lohna nen, zak tak leh rilruna tih hriat takin an kun tlawk tlawk mai!










"Nau.. Lapa! Carlos-a fa ni lo mahse nau pai lai anihna vang tal hian a chungah zahngai hram rawh u aw. Carlos, Thelma in nupa chunga kan fanu chet dan zawng zawngte kha ngaihdam chu a harsa ang tih ka hria! Mahse, a pum chhung a naute vang tal hian zahnhaihna lantir mawlh teh u!" Zualtei nu chuan a ti a! Pa Tlana thung chuan 'thi tlak i ni' tih bak kha a sawi leh tawh lo! A kun tlawk tlawk ani ber!









"Nu, pa.. Zualtei hi inhmangaih ang tho in keini pawn kan hmangaih lutuk! Mahse, kan hmangaih ten thil an tisual anih chuan hmangaihtu chuan hremna kan pe tur ani! Hmangaih tu in hremna kan pe lo anih chuan tu in nge hremna rawn pe chuang ang.. Zualtei thil lo tih tawh te kha kan chhungkua nen ngawt a sawifel theih chi anilo bawk nen, Suzi chhungte lam pawh engkim kan hriattir an ngai a.. aaa, dan in a chung ah rorel rawh se! A naupai vang pawn dan in a chung a rorel dan chintawk a hretur ah ngai ang!" Emma chuan hriatnuam tak fiahfel fai zet in a ti dam raih!








Zualtei nu chuan Emma chu zahngaihna dang dil belh leh pawh a tum tawh chuang lo! A chhan pawh a fanu chet dan kha tu mihring tan mah awlsam tak a ngaihdam theih chi ani miau silo a!
Saitluangpui lah chuan Zualtei'n a fa apai tih chu a nupui hriat a hlau zek zuk lutuk a! Cabin ah reilote rawn lut ve zawk in 'titla rawh ka tih tawh kha! I paitlang lui a, apa ah min puh tum hlek suh! Kei chuan kut ka sil!" Ti hmuk hmuk in hospital hnathawk dang te'n an hmuh hman hlau zet in Cabin ațang a chhuak leh nal nal a! Zualtei nu leh pa chuan sawi tur pakhatmah an hrelo!








Carlos-a'n Police a call belh a. Zualtei chu thuzawhfiah tur a kawl rih turin station lam ah hruai a tum bur! Ka pa emaw ka nu emaw pawn dan an tum lo!







Police pahnih te chuan Aryn leh Zualtei doctor rawih pa kha an chhuah pui a! Cabin chhung chu a reh zui tlawk tlawk!




"Laltlanzual, khatiang a meng rang kual vel lo khan zahna chang hre rawh! Țhingțhi in Carlos-a te nupa hma ah hian ngaihdam dil rawh!" Pa Tlana chuan a ti ta khur khur! Zualtei chu a ner dawh nawk a! Apa erawh in kut thlak leh mai a chak hmel et et!



"Zahpuiawm lutuk! Mihrethiam teh u! Henu hi ka fanu ni tlak pawh anilo!" tih leh Zualtei chu pan leh a rual ta mai! Mahse, rang takin ka pa leh pa Zothana'n an dang thuai a! 'Ka rilarah ka fa nu ngeiin min chhungkua hetiang tak hian i chawk buai chu ani a! Ka fanu ti a chhal che hi ka zak ngawih ngawih!' a ti tlawk tlawk!








Police rawn thlen hnu chuan Zualtei pa chuan Zualtei chu an lak nal nal a lo rem ti hle a! Anu erawh hmeichhe rilru no anihna ang in a țap feih feih reng a.







"Kan dam lo hi nachhawkna a chiu a hun a, riahpui tur lo kha chu kan chhuak țhen tawh mai dawn em niang." kan boruak tawn hrethiam hauh lova nurse duty rawn lut in syringe a hum chu Zualtei chuan engtik lai in nge a thlen tih pawh hriat hman loh lek in a chuh thut a! Anu leh ka nu te chu an au deuh țhawt!










"Heng thil hi nangmah vang a ni tih i hria em?" ti tuar in syringe chuan min chhun sawk tum in a rawn vai fua a! Ri chawrh khawp in ka kut hum ruh tlat chuan a bek zawn ah tak ka lo vai ri nghal țawlh! Ka kut hum ruh tlat pawh a na ngut ngut! Ka ke bul ah syringe chu a tla ri rak a! Zualtei na tuar pawh a thaw ri hraih bawk!








"A tawk tawh viau e!" Carlos-a aw khauh fur rawn chhuak rual chuan ka nu zawk a rawn che thuai! Zualtei khawih chak reng reng a tha za tawh ani bawk nen Zualtei chu țhui thluk tawp mai a chak ut ut ang! Mahse,ka nu in dul ah kuah in a hma ah tak a ding a!







"Fiahna inneih phawt chuan min man ta che u!" A bek zawn dawm in a la rawn au tuar!






"Laltlanzual!" Carlos-a chuan a ti țhawt! Zualtei chu a nui sak a! A hmel landan hmuh nuamlo sa nen, rilru buai a ang hluah hluah!







"Heng buaina zawng zawng bul ințanna chu nang nu vang hi a ni!" Min kawk siah siah pah chuan min melh a! Carlos-a dang bet tu chu ka nu nilo se chuan chhuat char ah hian a let vir nawk ang!







"Nilo e Zualte, i ta ni lo awhna sual hmang a i awh tak tlat vang a heng buaina hi chhuak zawk ani!" Ka ti chang fak!






"Thingtlang nula vai ram a dawr nghak a inhlawh satliah in ka naupan lai ațang a ka mipa duh ngawih ngawih i bum thlu a! Carlos-a i phu hlawl lo! Nang ang mi dawr nghak a inhlawh satliah hi Carlos-a nupui tur a tan chu i hniam lutuk!..." thinrim hrawk phiar hmai sen vek in min au khum tawn tawn! Kei erawh ka nuih a za ngawih ngawih tawh!






Thingtlang nula ka nih vang leh Mumbai ah dawr nghak a inhlawh ka nih vang in Carlos-a hi ka phu lo ang ah a lo ngai anih chu!



"Kha i rilru vang chiah kha anih kha Carlos-a thinlung i hneh theih ngai miah loh!"





"Hmel-i" tih leh kut rawn thawh a tum a!

"I kut thawh tawh suh! A chan chu maw ka lamah kut i lek rual apiang in Carlos-a insum theihna a bo tual tual tih hria la, i naupai ka ngaihtuah tel vang a i chungah zahngaihna ka lan tir theihna a pan tak tak hma in i dinhmun hrechiang rawh! Anih loh zawng in ka fate pa thinurna hi bengdaih tir reng ka tum bik miah lo a nia."








"Hmeli.. ka that dawn che.. ka la that khawp ang che!" A rawn ti tuar tuar a! Mahse, a chetdan vang a apa zak lutuk leh midang hmai eng pawh hmuh hreawm ti ngawih ngawih tu chuan a fanu khawsa zia chu a tuar thei tawh hlawl lo ani mahna! Zualtei tukhum sam ah chuan rawn țham lawp in kawngka lam ah chuan a hnuk ta dawr dawr! Zualtei chu tal chhuah tum in a rak teng tung a!









"Zahpuiawm nu! Hetiang khawp a nungchang mawi hrelo hi maw i lo nih a! Mipawmlai fa pai chung in nau ang mai a enkawl seilian tu che fa ah i puh a! An nupa inkar i chawh buai na ah ngaihdam dil a hneh in a fa hial tih tlak sak i lo tum tawh hmeichhia chu i la diriam let ngam a maw? Keimah ngeiin nungchang mawi chu ka zirtir ang che!" ti khur nawk nawk in Zualtei chu a hnuk chhuak dawr dawr mai!










Police te pawn an zui chhuak a! Nimin a ta tawh thil mak sak pui pui a thleng zawt zawt a! Chutia Zualtei ber cabin ațang an chhuah pui hnu chuan ka thaw hawk hawk thei!






Pa fing leh țha tak a nei hlauh a! Chu nilo se Carlos-a kut zawk a tuar ang! Apa kha a fing in a rilru a tluangtlam em a! A fanu thil sual tihna hremna pek a hreh lohna zar liau liau ah Carlos-a thinthawk na zet kut a tuar loh phah dawn ta anih kha!






Ka taksa țang mar tlat ka thlah dul rual deuh thaw chuan ka hnung lam pangtilum ka hriat rual deuh thaw in nghet takin ka hma lam ah ban a rawn suih bet hmiah! Tal na hman pawh awm lovin ka darah kabe rawn nghat leh dawt in a kawchhung sa hal hut hut tih hreh tum ni awm tak chuan a thaw chhuak hawm hawm a! A tihrawl khawi lai pawh chu a la țangin a thazam kawi tin chu a phu zawih zawih bawk!








"Bawihi!" rawn ti chhuak supin a hma aia nghet a tha rawn pe in a taksa hma a bet thlawp tur chuan min hnuk hnai hrawk a! Sawi mai tur ka hrelo! Tikhan.. khanu kha! Ka pum chhungah an awm lai ațang a a nau chhan tina ve em em leh an rilțam chang apiang a inla pa tak ka dul rawn tlawh ve det det tu ka fapa taksa in a zawh loh khawp damdawi ka thisen a thun luh tir tu chu man chhuah ani tawh!









Carlos-a aw chu ka tukhum a tauh dat in ka maimitchhing vang vang a! Thisen ang mai a duk vek ka fapa, Bawihpuia hmel chu chiang zetin ka mitthla ah a rawn lang uai uai bawk! Man chhuah niin khawvel rorelna dan sang ber hmang a a chungthu relsak pawh nimahse ka fapa nunna erawh a rawn kir ve thei tawh lo! Kha hmeichhe thilsual tih kha pho lan niin dikna in a chung ah rorel mahse kan fapa erawh pek let kan ni tawh ngai dawn lo! Dolores... hmangaih phu ngawih ngawih nausen hmel kha hmuve nise chhete talin Zualtei hmel ah khan inthiam lohna hmuh tur a awm a ngem le?








Ka chhungril ațang ka taksa chu a rawn khur chhuak der der a! Nghet tak a Carlos-a'n min kuah behna ban chu ka hum ve ta ngawt ngawt bawk!







"Mamte... Dolores.. i hahdam tawh em? Bawihpui, i chunga khang thil zawng zawng thlen tir tu kha man chhuah ani tawh. Mahse, Bawihpui i nu hi ka la dam kim chuang lo! Ka pangtilum a ka kuahna chhe pawh hreve hman lova labo tu che kha ka la ngaidam ve thei chuang lo.." zawi lutuk a phun sep sep chungin ka insut chhuak hlawp hlawp a! Carlos-a pawn min kuahna chu ti nget zual sauh in ka nghawng ah a hmui lum in a rawn nawr ngawt ngawt bawk!








Zanrei pawh sawi loin Carlos-a chu station lam pan in a inkhalh chhuak a! Emma chu Jayden-a'n a riahpui dawn avang leh ka nu leh pa te chu chawl hahdam rih tur a kan duh tlan avang in driver in a rawn lam a. Keipawn Emma chu riahpui duh viau mahila mahni a awm a, rilru inbun thawl ka mamawh ve miau avang in ka nu leh pa te rual in ka haw a. Ka in luah lam kan pan hmasa a. Ka nu leh pa pawn Zualtei chung chang bik ah chuan 'a mak!' tih tlawk tlawk bak sawi tur an hrelo!








Ka pa chuan Carlos-a chet lak tum dan a lo hriat lawkpui tawh avang in kei ni aiin a lo hre hmasa vek a! Aaa, mipa lam leh Emma'n hria in hma lak dan tur an bawhzui a tih theih ang chu! India Embassy leh Police dept țangkawm in Bawihpui a ruang (ruhro) pawh Dubai ațang kan ram a lak let dan tur bawh zui a hmalak nghal rum rum an tum thu ka pa in a sawi lai chuan ka rilru no bawk chhuak in ka țap leh ringawt tawh!









Bawihpuia chan kha nâ ka tihpui em a tin ni! Amah te in khawhar lutuk in miram ah a zal ve reuh a! Thlan khur ah kan thlak thlak hma a ka awm ah kuah bet a ka fawh (p) vawng vawng lai te kha darkar reilote liam ta a thil thleng ang mai khan ka feel let thei a! Hmeichhe pakhat rilru chhiat lutuk vang leh a ta lo pui neih tum a fingvervek a chhuah vang a ka fapa nunna in a tuar chu pawmthiam harsa ka ti tulh tulh!







"Kan tupa tereuh chu aw!" ka nu chuan a ti vang vang!







Ka thin na ngut ngut zawn chu ka kut pahnih a țham bet in thawk ka la a! Duat hman lo! Duhtawk a chhawm chhaih hman loh leh a hming pawh a kan kauh hman loh a mahni rilarah ngei chan chu puitlin hnu a insun nen a nat dan a danglam bik miah chuang lo! Hmangaihna a dawn ve tur zozai a dawng ve hman lo te, duatna a dawn tur zozai a dawng ve miah lo te chu ngaihtuah chian phei chuan a tha nat thlak bik ngawih ngawih!










"Thelma, kan in lam ah rawn riak mai ta che." Ka nu chuan min khawngaih hmel zet hian a rawn ti a. Kan kawmthlang ah driver in motor a din tir ve chiah bawk.







"Ka ngaihtuah che e mai.." ti leh sap in ka kut chu a rawn hum vang vang bawk.

"Ka ngaihtuah awm lo, tui deuh in in mu dawn nia." nui var var pah chuan ka ti a. Ka pa pawn passenger seat ațang rawn hawi let meuh in min en vung vung mai!







Inchhung ka luh a, light ka hmeh en hnu ah chiah motor engine ri thawm ka hria a. Kawngkhar ka kalh a. Hades-a biak ka tum zet nangin a tlai tawh lulai lutuk a. Bawihtei khirh in a bul ah mut a ngen leh tlat phei chuan ka ti harh mai mai dawn in ka hria. Room ah lut in ka thuamhnaw hak thlak in ka inphihfai zung zung a. Bawihpuia album ka dahna chu pan in Bawihpuia album bik chu ka la chhuak a. Khum ah ka țhutpui hnu chuan album ngawt pawh chu bawihpuia ang mai ngaiin ka awm ah ka kuah bet ngawt ngawt! Vawi khat pawh 'Mamma' tiin min au ve lo mahse ka fapa khan min ngaive țhin tho ang! Ka pum chhung ah athawk lak a tawp dawn te khan chiai deuh in min au ve ruai a nga! God! Dolores... Bawihpui lo kir leh hram mai ta che!








*eng nge Emma chu a an?* tih Hades-a message a lo awm a.






*Bawihi, i țha em?* tih Carlos-a message a lo awm bawk.


Ka țah nasat em vang a mit bui lak chung chuan tissue in ka mittui ka hru mawlh mawlh a.


PicsArt_09-20-12.58.49(2).jpg
PicsArt_09-20-12.58.49(2).jpg (70.52 KiB) Viewed 16414 times
*ka hmu thei che em?* Carlos-a bawk.

*i mutthilh loh chuan pawn ah hian ka awm a.* tih a rawn thleng leh a! Tunah zing dar 3:30 a pel tawh a. Station ațang a let in in lam a pan leh ta lo ngawt tih ka ngaihtuah chhuah rual chuan ka ner ru nghal nawk!



*Ka țha, hmuh che ka duh rih lo.* tih zawng ka thawn let! Reilote hnu ah kawmchhak ah chuan mipa thaw chhuak hawk thawm ka hre zawm zat bawk! Ka rilru pakhat chuan rang lutuk a che chhuak a kawngka hawn sak nghal a duh tut tut laiin pakhat zawk chuan 'Doris-i nu chiah ka nih thu min hrilh nawn mawlh mawlh in Bawihtei te school kawt a thil thleng kha min chhui let tir zut zut bawk!'





*Emma chu a harh tawh a! Zualtei pawh police kut ah a awm tawh! Zanin chiah Bawihtei kha min enkawl sak leh hram mai rawh aw.* tih chu Hades-a ka thawn a.


*ka inthlahrung viau nangin ih.. tun a rawn hruai leh ting tang chu..* sawi zawm tur hrelo zet in ka thawn tel a.


*a pawi lo. Mutthilh tum la, zing ah kan rawn kal ang.* Hades-a message ka chhiar rual chuan thaw huaiin phone chu khum ah ka dah thla tap! Mahse, call a rawn lut ve leh chiah a. Carlos-a!




"Eng nge?" Ka ti hlar! Ka aw a hriat rual chuan a rum ri hawk a! Phone ațang leh kawnchhak ațang chu a rum ri chu ka hre kawp! Ka kawchhung hi a nghawr che dawt hial bawk!



"Rawn hawng rawh..."


"Ka hmu duh lo che ka...."






"Bawihi rawn hawng rawh, i țha ngei tih ka mit ngei a ka hmuh hma chu ka kalsawn dawn lo!" ti sup in ka chhan let hma in phone chu a ti tawp daih a! Rum fe in phone chu ka melh er ringawt!


Show post links
Top
Abbra Reo Ririni
Post October 16th, 2019, 3:32 am

Cardigan ha mawlh mawlh in room chu ka chhuah san leh ta nge nge!


Kawngkharpui lock ka hawn rual chuan ka țang nghal țeuh va! Kawngka ka nam hawn rual a chung lam ațang eng zung inkap chhuak in kawmchhak lungrem ngheng a Mipa lo ding ngawi run a chhun en rual chuan nghet deuh in door handel chu ka hum vak bawk!




Muang ruih in a ding mar ruai ruai a! Ka inven hman hma in a rawn che leh thut ang tih ka hlauh vangin a chet phung cool ruih in min zem â leh vek tur lak ațang chuan ka inthing harh nghal nawk! A chauh hmel in kei ang bawk in a thinlung ngui zet chuan a pawh zuai hmel ngawih ngawih!







"Tihian ka țha.. min hmu tawh.. in lam pan nachang i hre tawh ang chu tiraw?" ti zung zung in ka lam pan a a rawn pen hrut rual chuan kawngka chu ka khar phui nghal hmak bawk! A rum chhuak nghut thawm chu ka kawngkhar lock thawm in a zui nghal zat!




Ka hmangaih em avang leh a lak ah ka nem țhin em avang hian hmeichhe dang thinrim chen pawh ka thinrim ve thei ngailo!





Room ah bawk lut in khum ah ka bawk thlawp a. Kawmthlang ațang motor tlan chhuak thawm erawh hriat tur a awm hauh rih lo!






Rilru lam zirmi doctor thiam tak tak te sawi dan chuan 'I mihring hmangaihte hi ni3 aia rei i haw thei ngai lovang! Ni3 aia rei i huat theih te chu i hmangaih tak tak loh vang ani' tih thuziak vel ka chhiar fo țhin a. Kan mi hmangaihte hi tuman ni3 aia rei kan haw thei lo! Ni3 chhung in an laka kan thinrimna leh huatna te chu engmaw ti ti in a lo reh leh mai țhin! Kan hmangaih tak tak te chungchang anih chu ka sawi! Ka hmangaih kan tih satliah te chung chang nilo in!






IMG-20191015-WA0007.jpg
IMG-20191015-WA0007.jpg (75.31 KiB) Viewed 16415 times





"Mamma." Kawngkhar inbeng ri dat dat thawm karah Bawihtei aw ri chuan min ti harh a! Ka lu a na ngut ngut tih ka hre chawp chilh der bawk!







"Mamma wake up.. it's already 8:30 " a rawn ti leh lawng lawng. Zimar țalh țalh pah a ka hawi kual chuan parda chhan ah ni a sang hle tawh tih ka hmu zawm zat a! Bawihtei school kal ni emaw tiin rang lutuk in khum ațang ka tho chhuak zawk nangin Inrinni ani tih ka hre leh hnuhnawh!







"Good Morning Bawihte." Kawngka ka hawn rual chuan ka au țhawt lo chauh! Zohmingliana chu kawmchhak lungrem ngheng in a lo la ding reng anih chu! Bawihtei chu a ui note thar pawm in a rawn lut a; Hades-a pawh hmel hmuh hahdam zet in a rawn lut ve nulh! Bawihtei nen ui note ngawt an buaipui zawm a. Kawmchhak a mipa ding run nen chuan țawng chhuak miah lo in kan in melh reng ringawt!






Nizan..
Nilo, zing lam dar 4 tlang ah khan a haw miah lo tihna maw! Of Course ka nu leh pa hnen ah chanchin a sawi anih chuan ka hming hi Thelma Malsawmdawngzeli ațang Laltlanzuali ah ka thlak hial bawk ang!






"Hetah eng nge i tih a?" chal chuar nang in ka en rawm rawm! Dar ti kang uk a ban hrawl zet pahnih chu a phar hluai a! Ngeiawm zet a ner pah nawngin dar ka ti tawm ve ak bawk!







"I hmuh ang hian ka ding!" ti sup in a ban chu a dah thla leh ruai ruai!






"I ding tlaivar maw?"





"Anih mai loh chuan." Rum deuh a melh nghek in inchhung ah ka luh san daih a. Bawihtei khan a la ngaina miah lo tih chu kawngkhar ka hawn rual a apa ngaihsakna pakhatmah aneih loh dan aţang khan ka hmu thiam! Doris-i hi naupang dang ang a namnul a theih ve loh a. Thil engkim ah a dil chhut in a fing mah mah zel! Midang hma ah apa in Zualtei zawk a buaipui san kha a theinghilh duk mai bik ngil ngel lo tih chu Carlos-a ngei pawn a hrethiam tawh ang chu!









Hades-a chu coffee te ka siam a. Bawihtei lah chuan sawi tur a ngah in a uite thar Pluto nen chuan an inum kawi thet thet a. Bawihtei sofa chung ah a tlan lawn chang in Pluto, la te it et bawk si chu a lawn ve thei lo a. Mei vei/vai lauh lauh in Bawihtei intithei nui hek hek chu en dauh dauh zel.







"Mamma, pa in diapper hrentir chuan night time ah pawh on the bed ah a mut pui thei ati." Pluto chu pawm in sofa kil ah thatchhe zet in a țhu ve dar dar. Hades-a ka en rual chuan coffee dawt khawlh in a lo nui suk ringawt!






"Uite hi diapper kan hren tir a nga maw?" ka ti a.




"Pa in a ti lawm.. tiraw pa? Last night ah pawh api (Zonuni) a hren tir a, pa te nen kan sleep over." a uite hmul chul niap niap pah chuan a ti ve lawng lawng! Henu intinula chak reuh lutuk hi chu aw!





"Au lut ve ta che." zawi sup in Hades-a chuan a rawn ti a. Ka hawi deuh hu bawk!





"Doris-i pa khi mawle, zankhua in pawn ah a awm tih i hriat tho ka ring." ti nghut pah chuan sofa nghenchhan chu a ngheng dawt! A ban chu sofa nghenchhan ah chuan dah duai pahin a ke rek pakhat chu a khup chung ah a nghat a. Nike track suit a hak vang in sport man in fit deuh hi a ang tak zet.





"Zan khua in pawn ah awm rawh pawh ka ti lo a. A duh a, a awm nia.." min melh khui vang chuan ne ne kual in Bawihtei chu ka be daih a.





"Doris, pawn ah ipa a awm, va koh (au) rawh." Hades-a chuan a ti hlut. Bawihtei chuan Hades-a chu en deuh darh in a ngawi kar a.





"Daddy kha va au rawh." a ti nawn leh sup.

"A țul kher lo." Ka lo ti vat. Mahse, Hades chuan lu thing nghut in Bawihtei chu sofa ațang a hlang thla a.





"Be good girl. Go and get Daddy." bawihtei lu ah a tuai sak thuak bawk. Bawihtei pawn a uite pawm țai in kawngka lam chu a pan hnak hnak a. Kawngka ahawng tur erawh a uite nen an tal buai viau. A dingdihlip ve ak ak a. Uite a kuah ve țai reuh nen a sam sei hniang hmawr lam chu a che hnalh hnalh bawk!





"Chhang nei se a duat reuh zek ang mawle." Hades-a bawk chu ti nghut in coffee mug chu a ban a. Ner nawng in ka melh vak bawk.





"Daddy?" Bawihtei aw chu a tim dai mai!




"Inside ah i lo awm duh em?" ti leh in a uite tal aih aih chu pawm țha pah chuan a sep kang ve darh a, mizo țawng a hman hian a la hmang dik tawk thiam lo țhin. Carlos-a chuan engtin nge a chhan ka hrelo! Bawihtei thawm pawh a reh zui mai a. Mahse, reilote hnu ah infawp thawm ka hre zawm zat a. Apa in a chal ah a fawp anih ka ring.






"A name maw? Pluto anih hi. Apu leh api min lei." Bawihtei'n a ti lang lang. Hades chu a nui deuh suk a. Hepa hian eng thil chiah nge maw tih a tum le!







"I know.. long back kha chuan small puppy an nei lo zel a tiraw?" a ti mial mial a. Carlos-a aw thum dut dut chu hre mahila eng nge a sawi ka hre fak thei lo!







Reilote hnu ah an pafa chuan an rawn inpawm lut a! Bawihtei'n uite a pawm tel țai bawk si nen lehlam kawng tak chuan an hmuhnawm ru tak zet!








Carlos-a chu coffee ka siam sak a. Bawihtei lah chu Carlos-a țhutna sofa ah țhu in apa nak chho chu a ngheng ar ar a. Pluto a chhaih thung. Hades nen chuan tithi phung pangngai mai mai sawiin an țawng ta reng a. Room ah luh san in ka inbual san ta daih! Ka inbual zawh chuan Carlos-a alo awm tawh lo a. Hades-a pawn reilote hnu ah Dubai lam nen video call meeting neih a ngaih vang in min let san a. Bawihtei min lo enkawl sak char char avang in a nu leh pa te pawh Lawmthu hrilh mawlh mawlh ka ba viau bawk!










■

Thlakhat dawn hnu ah Zualtei chu court hma ah an ding a! Emma chuan finfiahna a neih zawng zawng hmang in a chungah rorelna diktak a thlen tir a! Dam chhung em tang dawn lo mahse a hun tam zawk chu tanin ah an hman a ngai tawh dawn! Raipuar mahse nise hrisel lohna em em aneih miau loh avang in nau neih dawn ah chhuah lailawk turin jail ah khung rih ani dawn a! Nau a neih hnu ah erawh court in a enthlak a, a nunchang a zir in chhuah lailawkna neiin nausen enkawl rih phal sakna te pawh thla eng emaw zat chhung chu hun pek ani dawn!




Suzi chhungte lam an khawngaih thlak in mizoram media lam in kan case chu an ngaihven em em a. Kum eng emaw zat liam hnu ah rampum deng chhuak hulh in Zualtei thil sual tih chu phawrh mualpho ani ta! Vicky kha amah khawih ngei a lo ni leh zel bawk! Carlos-a'n a hmuh zan khan pha mar nalh viau mahse lang lo tur a thuhruk engmah a awm miau silo a. Zualtei puitu doctor lemchangpa pawh nausen, nu rem tilo chung tih tlak sak tumna thubuai awrh tirin kum 6 zet zawt lungin a tan dawn bak ah cheng nuai1 an chawi tir bawk!




Case kal zel tur anih vang in court rorel thawh khahna chu ni thum hnu ah zawhfel ani ta a! Jail tang thuamhnaw inbel a thirkutkawl a hlin duah Zualtei hmel ah chuan inchhirna pakhat te mah hmuh tur a la awm loh cheu bak ah court ațang hruai hran anih dawn te chuan rum takin min la melh rawm rawm a! Thil tisual a, inchhiar a an sualna te pawm tu te hi tupawh in kan haw rei thei ngailo! Mihring thinlung lumna nei ah chuan lainatna a piang chhuak thuai a! Chhungkaw dang pawn an fa te hial lo vaw hlum tute pawh an ngaidam leh thei ani ngai a! Zualtei hmel ah erawh inthiam lohna emaw, inchhirna emaw hmuh tur a awm țhai loh avang in Suzi chhungte lam pawn ngaihdam tumna na nei miah lo!





Khawvel ah kan awm chhung hian thil sual kan ti emaw, thil țha kan ti emaw pawh nise lan chhuah hun a awm zel țhin!



Midang in an hrechhuak ngai dawn lo emaw tiin mite hnung lam ațang beiin finkherek lo chhuah țhin mahila, hun hi a kal a kal ang, chu ka thil tih chu hun bawk chuan rawn pho chhuak in thup tum in lemchanna te nen hliah khuh tum țhin mahila dawt leh thil diklo chu thup sen loh chin a lo awm thuai a! A tawp ah a mi vuak letna chuan mahni mai nilo chhungkua thleng in a an tuar tawh țhin!




Zualtei pawh khang kum4 chhung zawng khan a thil sual tih pakhat thup nan thil sual dang pakhat a tih belh zel a! A tir ah chuan lang chhuak mai loin 'rilru țha leh fel nia' a lemchan thiamna in hliah pui mahse, thil dik lo a tih miau avang in cover nan thil dik lo bawk a mamawh belh a! A tawp ah chuan a tir a ho tham te ațang bul ațan! Mahse, thil dik lo te tham te te hmang a a hliah khuh leh țhin kha Pathian in a tawk a tih chin thleng ta in amah mai nilo a chhungkua thleng in a vauk let an tuar a! Kum khua in a hming chhiatna hi areh mai mai tawh ngai lo bawk ang!


A ngaihdan ah chuan Thimgtlang nula ka nih vang leh khawvel ngaih a hna țha ka chelh ve loh vang in Carlos-a hi ka phu lo ang ah min ngai a. Mahse, hmangaihna hi hausakna ah a innghat lo tih te, rethei leh nihna dinhmun chelh ah leh hmelțhat leh pian nalh na ah te nilo in hmangaihna chu khawvel thil awm zawng zawng leh mihring piang chhuak tawh te hrut rual tu! Intluktlan tir tu ani zawk tih a hriat loh lutuk vang leh kei aia hnațha leh zahawm a thawh vang a min hmuhsit vang liau liau in hmangaihna in dinhmun a thlir loh zia a hmuh kan a! A tawp ah chuan a tawrh phah ta ah ka ngai!




Carlos-a leh Bawihtei pawh ahma ang bawk in an inpawh leh tawh a! Kei erawh a lak ațang ka inla hrang lui ngar ngar! Min hniah a tum chang apiang in chhuan lam siam in bawihtei nen ka inkawm tir a, room lam ah te ka inthiarfihlim daih zel!





INDIA EMBASSY kaltlang in Dubai Embassy nen indawr na an nei reng a. Ruang nilo Ruhro tawh leh nghal ram hran leh ram hram ațang a suan kual mai mai khawi ram sawrkar mah tan a awlsam loh zia chu Bawihpuia rohro kan ram a lak let tum a kan beihna ațang hian a chiang hle chuan ka hria! India police te nen kan țang kawp chung pawn neuh neuh a tam in kei phei chuan a ngaihna pawh ka hre thiam vak lo ani thaw thang mai!



CARLOS'S POV

Ka fanu muhil thaw ve siai siai mai chu ka darah kuah bet hlun in a ui note harhvang zet pawh ka kut lehlam in ka keng tel a. Motor kawngkhar ka nem phui rual in a uite inhlei zet chu a harh nghal hlal! Phun hluk in over coat ipte ah ka thun zui daih bawk!





Thlasik khaw vawt zet hnuai ah chuan step ah chho pawk pawk in ka fanu lungphu dat dat chu ka ngaithla a! Zirtawp zan ațang sunday zan dar9 bawr thleng kan in lamah ka hruai phei a. Sunday zan ah ka dah let leh mai țhin!







Engkim ka chinfel vek hnu ah pawh Bawihi thinlung erawh ka neih let sak thei tawh lo thung!



Min be mumal duh lo a! Kan inkar siam fel tum a chet ka lak dawn apiang in a inveng nghal thuai zel a! Ka fanu kêțang a kim lo tih ka hriat ni! Khami ni khan na tawp an nufa hi ka siam tih ka hria! Kha thil vang a la thinrim reng kha ani em tih erawh ka hre hauh lo thung. Min be duh lo tih tawl bak sawi ngaihna ka hrelo!



Ka fanu erawh in ahma ang chiah in min ngaina leh tawh a! Ka bulah riak in a nu tel lo pawn ni hnih tal tap kan inlam ah a cham ve thei tawh a. Kumin Christmas hi Ngopa lam ah hman chhoh an tum a! Bawihi awm dan leh mizi ka en hian ka hnen ah rawn let duhna a nei tawh lo niber in ka hria!






Hman ang te kha chu nise 'a nat phahna tur pawh nise ka hmangaih chhung chuan ka chelh lui tlat ang!' mahse, tun ah chuan khatiang a mahni hmasial tak kha ka ni tawh lo! A lakah thil sual ka ti hnem tawh em a! Keimah avang in natna a tuar hnem in vawi duai lo a ngaihdam ngai reng reng in ka khawsa a! Keimah ah rinna nghah leh harsa a ti tawh hle ah ka ngai! Chuvang tak chuan Zanin hian engkim sawifel pui a! KAL TIR HLEN KA REM TIH TAWH THU hrilh tum ka ni!





Kawngkhar chu na lo te in ka kik a! Bawihi chuan a rawn hawng thuai bawk. Mahse, a inleng pa ka hmuh rual chuan a rukin ka insehruh nghal țeuh! Ruatkima, Mumbai lam ah pawh Bawihi lo atchilh ve hrep tawh pa kha a la tlang val a, tunhnai lawk khan Bawihi nen inbe thar leh in an inzui ta chawt a! Thik viau țhin mahila ka sawi tawh ang khan hmangaih ngawih ngawih te nat phahna tur pawh nise chelh lui tlat duh khawp a hmasial nih kha ka tum tawh lo! Tunah chuan hmangaih chung si a thlah zalen a, ka mi hmangaih in a hlimna lam a um lai hahdam tak a thlir thiam tu nih ka duh tawh!





"A mut na a rei tawh em?" a ti thuai. Ka bu nghut a.


"Ih.. khum ah lo va mut nghal mai la." a ti leh a. A hmelțha lutuk leh zun ngah lutuk chu en deuh vung vung in lu ka bu ta nghut! Kawrlum lukhum nei lian zet sen duk lam a ha a, kawkawr lum a ha mawl tawp, mawza bun in chappal rawlh thawt a bun leh mai! Chuti chung pawn ka mit ah erawh sawiselna lai tur pakhatmah a awm lo.



An nufa khum ah chuan Bawihtei chu dimdawi zet in ka nghat a. Anu rawn lut chuan electric blanket chu rawn ti nung in kan fanu thuamhnaw chu a thlak sak zung zung. Khum bul a over coat ha hlun a ka ding chu awm lo ang hmak a min ngaiin a che mawlh mawlh a! Keichuan ka nunah a lo luh tirhte ațang a tellova nun hmang tur in suangtuahna din dan ka thiam ta hauh lo!





Mahse, kan suangtuahna zawng zawng hi a puitling vek thei lo tih pawh ka kum a upat belh ang zel in ka hre dawt chho zut!



"Inbiak kan ngai." ka ti nghut! Min chhoh en ha a. Țum dang ah chuan ka fanu ka dah rual in min mang țha a, keipawn nawrh luihna hmang a neih ka duh tawh biklo! Chutiang chu a phu bawk hek lo! Keimah vang in a tuar nasa tam tawk tawh a! Ka hmai zah tawh tak zet!



"Tunah maw?" a ti a. Bu nghut in coat ipte a pluto chu ka la chhuak a. Khum bul sofa ah dah vut in room ațang chuan ka kal chhuak nul nul. Ruatkima chuan min lo be sawk sawk a. Keipawn a mawi ah tak tak ka chhang let zauh zauh. Bawihi rawn chhuah hnu chuan haw mai lova ka țhut ve tak reng avang in Ruatkima chu a haw hmasa tah khiat a!





"Thingpui i in duh em?" lu ka thing nghut. Heater ah a kut hmawr chu a hem a. A kutphah tetamte zen sang bawk si chu hum lum sak ka chak viau bawk!



"Eng nge i sawi duh a?" tih pah chuan bang a DIY sanna chu a melh zeuh. Ka run ru hle bawk!


Post October 18th, 2019, 7:31 pm

☆UTOPIA: 1996☆ S2 👑
[b]Chapter 76 (b)[/b]
REAL LAST CHAPTER 🙄
Abbra Reo Ririni Khiangte(PitarteiSualfingi)



InShot_20190924_082913763.jpg (91.12 KiB) Viewed 19184 times

Ka ep chiah sofa a Carlos-a țhu run chu ka en ngar a! A hmel lan dan a mûk in a tak ngul! A mitmeng uk thim ruih pawh a thutakin khunkhan tak a sawi chhuah tur nei hmel a pu bawk!








Zanin pawh zan dang ang bawk in a lan dan a cool in november thla khawvawt nen a inrem thlup in cotton dum bodyfit chung ah over coat dum, a pian lian leh hrawl zet nen a inrem thlup a rawn inbel a. Cotton kekawr dum ha leh tawp in convers dum a bun bawk. Sofa ah chuan țhu chhuak deuh khún in a ban hrawl tham zet pahnih chu a khup ah nghat dunin hma lam ah a kutphah pahnih lum hmel zet chu a hum kawp a.









Zirtawp tlai ațang sunday zan thleng Bawihtei la phei in an in lamah an awmpui a, Bawihtei pawh ka tello in a awm ve thei tawh in a rem chang chang phone ațang min rawn be ve lang lang țhin. A hnenah let leh turin min duh! Nie, Carlos-a hian min neih leh a duh a, ka rilru neih let leh tumin theih tawp a chhuah a; min ngaihsak in min hmangaihna a thup chhin ngai miah lo bawk!





Mahse!




Sawifiah theih siloh hlauhthawnna in ka thinlung hi a zîm tlat a! Lo innei leh ta ila, kum 4 hma lam a thil thleng tawh ang bawk kha kan hmachhawn leh ang tih ka hlau! Inuire sanna.. Nau ka pai lai ka natna ka hmachhawn tak te kha ka ngaihtuah let chang apiang in ka hmachhawn nawn leh ka hlauh ngawih ngawih! Of course, Zualtei remruatna vang ani tih chu kan hre chhuak vek tawh! Mahse, khang hun laia ka natna tawrh te, ka thinlung na hit ngut ngut leh Carlos-a leh Suzi an inbe țan tih ka hriat rual a hlauhthawnna nasa lutuk leh thikna te vang a ka taksa khur dawt dawt țhin ang kha Zualteu remruatna vang nilo in ka hmachhawn leh a ngai ang tih ka hlau!









Min hmangaih tih hi phat ngaihna ka hre lo! Keipawn anilo hi hmangaih dang ka nei tawh kher lovang! Ka fanu.. chhungkua a awm khawm chak ve em em leh nu leh pa kara mut a, khum a leh tawn ve sek chak ve em em tu vang tal pawn a nupui ang a let leh mai te ka han duh rum rum țhin a! Marawh chu uiresan tuar tawh thinlung hian hlauh a lo ngah tawh em a? Khatiang natna kha tuar nawn leh a lo hlau tawh ngawih ngawih em a! Tihian a hmangaihna dawn thlahlel ngawih ngawih siin ka inla hrang lui a! A taksa lum ngheng a hahdam chak em em siin ka thinlung a hlauhthawnna awm hi ka tibo thei ngang silo!










"Ințhen ang!" Thum zawi lutuk hian a rawn ti chhuak sup! Thumal chu tlem viau mahse ka taksa peng a pawimawh ber ka thinlung erawh a deng nghing lawih!







A hriat hlau ru tak a thawk chelh nghal tlat pah chuan muangchang in a mitah en turin ka mitmu chu ka ti che a!







Kan mitah tak kan in en ve ve rual chuan ka thinglung chu eng emaw hian a țham na rawih rawih! A mitmeng chu a vawt ruih! Chu a mitmeng vawt ruih chhung ah chuan engkim tih tawp tur a a thuthlukna a siam nghet tak ka hmu thei bawk! Zawite a thaw chhuak riai riai in lu ka bu nghat ringawt!







Nie, a beidawng ve ta ani ang! A awm ka tihpui tawh viau e! A theihtawp chhuah in min ngaihsak a. Ka thinlung hlauhthawnna vang a thawk leh khat a rawn phu rang zawih zawih țhin leh phatsanna ka tawk leh mai ang tih ngaihtuah chhuah rual a rawn so phul bulh țhîn hi sawi chhuak a; inthiam lo tak a siam nawn leh kher ka duh loh vangin ngawi rengin a lak ațang ka inla hrang tawp a! Mipa hel tu nei ve reng tan chuan min beidawn san har ngawt zawk a lawm!








"Ințhen ang! I duh chuan i bungrua rawn la tawh rawh." a hma ang chiah a vawt ruih chuan a rawn ti nawn leh sup. 'I bungrua rawn la tawh rawh!' tih thu chuan engkim tawp a duh zia a nem nghet chiang ta viau! Zawite in lu ka bu leh nghat nghat a. Carlos-a pawh chu kawchhung rit hmel zet a rawn thaw chhuak hawk in a insehruh nghal țeuh!









"Kum4 liam ta khan in ațang chhuak tawh mahla in i chhuahsan chhan ka hriat ve miau loh avang in ka țhen ngai lo che! Ka nupui.. Khang kum chhung zawng leh zanin thleng pawh hian ka nupui angin ka la en che! Mahse, tunah chuan kum4 liam ta in ațang i chhuah chhan engkim ka hre tawh a! Kum 4 chhung a thil thleng țhenkhat ka chinfel hnu ah pawh hahdam tak a ka lakah i thinlung nen i rawn tluk luh ngam tawh loh chhan pawh... natna.. natna ka pek nasat tawh em che vang ani tih ka hria! Ka hma chiah sialin ka nawr lui tawh ngai lovang che. Zalen tawh rawh! Natna pe tu che nilo... i thinlung in a hahdam pui theih tur kawppui dang nei tawh rawh!" harsa tih hmel zet a ti chhuak hrawk in a ding mar nghal vut! A taksa lian leh hrawl zet a kan vut rual chuan ka taksa pum pui chu a țek chhuak zawk bawk!








Vanvadak a thaw chhuak hawk chungin ka hma ah chuan a ding ngawi vung vung a! Ka lungphu chu a rang in a sa bulh bulh a! Carlos-a chuan muangchang a min en leh ruai ruai in ka mitah tak chuan ngawi ngulin rei ngial min en vung vung a! Kan pahnih inkar chu a tawp tawh tak tak dawn tih a mitmeng vawt ruih ah chuan ka hmu zut zut bawk!











"Thelma." thum zawi ruih a a rawn tih leh rual chuan ka mittui a luang thla nghal pap! Hruk pawh hru buai duh loin ka insehruh ngar ngar. Bawihi tih ni tawh lovin Thelma... Carlos-a leh a bawihi thawnthu chu zanin hian a tawp hlen tak tak tawh dawn!








"Thlema, hlim reng ang che! Chuan, ka nun ah i rawn luh avang in ka lawm bawk! Natna tawrh dam harsa tak tak ka pek țhin che vang leh i thinlung min hlan nawn leh ngam tawh lo tur khawp a ka siam che vang te! Nuthlawi dinhmun a din tir tu che ka nih vang erawh in min ngaidam ang che.." ner deuh sawk a insehruh țeuh va hawi sawn vut pah chuan a thaw chhuak hrawih! A țawngkam mal tin chuan ka thinlung hi a deng dawt dawt a! Eng dang nge ka beisei chuan ka hrelo nangin hetiang teh tawl a tawpna thu kan sawi erawh a lak ațang ka inlak hran ber lai pawh khan ka lo beisei chhin ngai miah lo tih ka awm chhung so phul bulh bulh ațang chuan ka hrechiang hle!












"Kan inneih thutiam vawng him tur a ka puih theih tak loh che vang in min ngaidam dawn nia!" a kawchhung ațang ri chhuak țawk țawk hian a rawn ti leh sup! Nghet deuh in ka hâpui chu ka seh ngawt ngawt! Ka hrawk chhung rawn na ut ut chu a rawn puak darh ang tih ka hlau lutuk! Mittui vang a phe ruai in muangchang a inchhung ațang mipa kal chhuak hnung lam chu ka melh ngawt ngawt a! Kawngkharpui a thlen hma chuan a kut pahnih hum ruh ngawt ngawt chungin a ding chawl a!








Ka.. ka thinlung a khawi emaw lai ber chuan ka țhutna ațang ding chhuak a, va kuah bet chawt tur a min tur ngut ngut lai in pakhat zawk erawh in hlauhthawnna ka neih ruk te, natna ka tawrh zawng zawng te kha tuar nawn leh a hlauh em avang in a thuthlukna chu pawm pui tawp a! Engkim tih tawp ve vek a duh!









A taksa lian leh hrawl tham zet chu che ruai ruai in a tawp nan ti niawm takin inher let in sofa a ka țhu chawrh chawrh chu min rawn thlek vung vung a! Ințhen hrehna niawm tak a hmel ah chuan mittui kar ațang ka hmuh sak ve thei!






"Inenkawl țha ang che." ti leh sup in kawngkharpui ah chuan a pen chhuak nghal vut! Rang lutuk in ka awm zawn chu ka țham nghal tawk a! 'A pawi lo.. Thelma kal rawh se, a pawi lo, ţap suh.. a hnen ah i thinlung i hlan ațang reilote ah i tawrh zawh loh khawp natna i hmachhawn leh emaw ani a nga.. chuthil chu i thinglung hian a tuar chhuak thei tawh kher lo vang! Chuvang chuan kal tir rawh!' tih chu ka rilru hmang in ka inhrilh nawn mawlh mawlh a! Mahni leh mahni inhnem si e tilo chuan ka thawk a rangin ka thin chhung chu a na hit ngut ngut a! Ka thaw chhuak kawk kawk reng bawk!








"Daddy!" Bawihtei ţap tûng ri chuan min țham harh zawk ani ber! "Daddy" tia chhuak lutuk a a țah leh hlawp hlawp rual chuan ka che thut a! Ka ding chhuak tih zawng ka hria! Ka han hawi kual thuak a! Inchhung dung ruak huai ah chuan keimah chiah in ka lo awm a. Kawngkharpui inhawng huau ațang zan thlasik boruak vawt rawn lut chuan inchhung chu a ti vawt vur bawk!







"Daddy." Bawihtei bawk ani! Ka hmai huh hliam tuai put pah chuan kawngkapui lam ah chuan ka tlan rawk rawk a! Pawt khar burin ka kalh a, room chhung ka luh rual chuan khum ah ka tlan lawn nghal thuai bawk!







Bawihtei chuan a manglamah apa a hmu anih ka ring! Na deuh a mitchhing reng si chuan a lo ţap chhhuak hlawp hlawp a! A khat tawkin apa chu a au ruai reng bawk.







"Bawihte." dimte in a biang huh hliam chu ka tuai hul a, a insut hlap hlap na vangin a taksa chu a che ak ak reng a. A insut tawp thei mai silo a, ka sawi harh ta ringawt. A rawn harh rual chuan men țîau a min en chungin "khawi ah nge ka Daddy?" a rawn ti bai bai.







"Bawihte, Daddy home ațang Mamma home ah i lo let tawh a lawm. I hremiah lo a mi?" zangkhai zet ang a lang chuan ka ti nghal sawk sawk. Puan lum a inkhuh țha ve in a biang huh hliam chu ka tuai hul sak a. Pindan chhung enkual ralh ralh pah chuan a la insut hlawp hlawp reng bawk.




"Bad dream i nei em ni?"


"Ka daddy kha far away ah a lo kal dawn a." țah leh mai inpeih at chuan a ti țíau. Nui lui hak pah chuan ka awm ah ka kuah bet a. A taksa tereuhte lum ve veng veng chu a che dat dat reng a. "Khawiah mah a kal dawn hleinem"





"Mamma, khawi ah nge ka Daddy?" ka kuahna țang tal hrang pah chuan a ti leh tûng.



"A haw tawh a." ka ti a. A men leh nghal țîau avang chuan ka awm ah bawk ka kuah bet a, a hnung ah ka ben sak det det bawk.





"Doris hriat loh in tinge a haw daih a?" a ti nui nui.

"Daddy kha a busy a lawm." Lunghnur deuh in a nghik feih feih reng a. Apa nen an in hmachhawn hnu ațang hian a zuau thar reuh em em a, apa in a duat tawk tih a hriat tluk zet in api leh pu in an duat ve bawk nen ațahna te hi a ho in țah mai a sam em em tawh a. Ka haw phal miah lo thung! Kei leh Hades-a duatna chiah dawng țhin tu in pa hmangaihna, pi leh pu leh ni hmangaihna a dawng mawlh mawlh a, a tute mahin a nat an phal bawk silo, naupang tan na na na chuan hetiang baka lan chhuah tir ngaihna dang a awm miau silo a. A len deuh hnu ah erawh a tu te pawh amah enkawl kawng ah kan stric deuh hlek a ngai tlang chuan ka ring.







"Mamma tinge Daddy te nen kan stay together tawh lo a. 2 night Daddy home ah ka riak a. 5 nights Mamma home ah ka stay leh a. Tinge Everynight kha Daddy te nen one bed kan kan sleep theih lo?" zawite in a rawn ti sep sep. A hnung ka chulna chu chawl dat in ka insehruh a.





"Mawh? Mamma." ngenngawl zet a tiin ka kuahna țang chuan a tal hrang hlek bawk.





"Bawihte, a theih loh a lawm, i len deuh hun ah i la hrethiam ve mai ang."





"Daddy home ah i stay ve chuan api te'n an hauh che i hlau a mi?" a rawn ti reuh a. Ka nui chhuak hak hak mai!




"No, api leh apu chuan min hau dawn hleinem.."

"Anih chuan tinge?"

"I len phawt a ngai..''

"Anih chuan Daddy kha Doris leh Mamma home ah lo stay turin ka tell(hrilh) mai ang." ti a thaw hak pahin a mu zangthla ngat a! Kei erawh ka meng kawk mai!




"Doris, khatiang in I Daddy bulah engmah sawi suh ang che."

"Why Mamma?" a mitmeng fing fiah kiau chuan chiang zet in min melh kal a. Ka zam lek lek bawk.


"Uggh.."

"Daddy kha i pity (khawngaih) velo mi?" a rawn ti let a. Ka en deuh kawk bawk. "Ka Daddy chuan Doris leh Mamma a love a. Mahse, Mamma chuan Daddy kha i love you pawh i ti ve ngailo reng reng. Night time ah tight tawk a Daddy min hug chang pawn Mamma name a lo call out a! Sometime chuan Daddy body kha a lo





shivering (khur chhuak) a. Mamma name lo call out in middle of the night ah a lo talking țhin! Mahse, Mamma chuan i tive ngailo reng reng!" mitko ti hnim khai chung a min melh pah chuan apa țan tih hriat zet in min țawng khum pang pang a! A thusawi chu mak ka tih em avang in ka meng kawk kawk ringawt!







Zanlai ah Bawihtei hi nghet tak a kuah chungin ka hming a lam chhuak țhin a maw?







"Night time apiang in Daddy chuan Mamma old shirt a la chhuak a, ka sleep tight loh chang in a hug a, something kha Mamma shirt chu a hrilh țhin.. Mahse Mamma chuan Daddy old shirt pawh i nei ve miah lo! Night time ah pawh Daddy pawh i sawi ngailo." vui aw lutuk in a thusawi apiang mak tia ka ngawi reng chu min hau mial mial ka ti mai!







"Nangman i duh loh pawn Doris khan Daddy kha Mamma home ah lo stay turin ka hrilh mai ang, Night time ah a talking zel che a. One bed ah kan sleep together chuan real Mamma kha a talking thei che nga.. a hug tight thei che nga. I love you pawh a ti thei dawn.. Ka Daddy kha Mamma home ah lo stay turin ka hrilh tak tak ang!" inchung lam melh kar pah chuan a phun char char a.






Apa bulah a riah hran hmasak ber țum khan 'tinge Mamma Daddy house ah i riah ve loh?' tih min zawt tawh a. Chuan 'Mamma tinge Daddy khan Mamma leh Daddy wedding picture a en khan ka talking na a hriat ngai miah loh?' tih te. 'My love i love you a ti a. After that Mamma pawh ka hmangaih a ti leh a. Mamma chuan Daddy kha i love you i ti ve ngai miah lo a?' tih vel zawhna hi a rawn ngah haw lutuk a. Han chhan vak ngaihna ka hriat loh vangin thil dang in a rilru ka la peng a. Min zawt zui leh ta miah lo kha ania! Zanin erawh min phun khum ta ngat ngat reuh a. A thusawi apiang in min țhawn zia erawh a hre hauh lovang!








Bawihtei a muhil nghet tawh emaw tia tho chhuak a, ka thuamhnaw hlui la chhuak a, keimah ang mai a a be mawlh mawlh tur ka mitthla zawng chuan ka na ngawih ngawih thei!







"Muhil tawh rawh, naktuk ah school kal i ngai." ti sep in ka kuah țha a. Zangthal in a thaw ve siai siai reng a. Bawihtei'n pa leh chhungkua a mamawhna vang tal pawh hian Carlos-a hnen ah let leh tur ka nih vei nen! Mahse, kan inrem a nga, ka thinlung zawng zawng a ka tluk luh hnu reilote ah phatsan bawk ka hmachhawn leh ang tih ka hlauhna hian ka thinlung a ti dawizep em a! Bawihtei chhungkua pek duh ngawih ngawih nu thinlung khan nat nawn leh a hlauh luat ah a fanu duhthusam ang pawh ka thlen tir thei ta silova! Nakin ah.. hei aia a lo len deuh hun ah engkim a la rawn hrethiam ve mai tur ah ka ngai!





▪

Karkhat a liam hma in Bawihtei school kal hlan in bungrua kan va la a! Sawi tur ka hriat loh ang bawk in Carlos-a pawn sawi tur a hre bik chuang lo! Ka pi leh ka ni, Aizawl a kapu te chhungkua nen a kan va lan meuh erawh kha chuan a thawk a zin hmel in a lungphu pawh a phut ran hmel nangang bawk! Ka chhungte karah khan bang ngheng a ding ngul in min en vung vung reng a. Kan nupa mut pindan a kan nupa thlalak intar kulh mai ka en chang apiang in rilruih leh tawrhhleh awm khawp a thuk in min lo en ngur ngur zel!








Ka nu leh pa in min lo ui der ve em em a! Emma phei chuan 'la rih lo ang!' a lo ti bur nghe nghe! Mahse, ka nu leh pa te an rilru a puitling a. Carlos-a ka hmangaih tawh loh vang leh amah pawh in min hmangaih tawh loh vang anilo tih an hrethiam a. Ka nu leh pa ka fak ve na em em chu mo ang nilo, an fanu ang mai a min en tlat mai leh ka thuthlukna apiang min zah thiam sak em em zel hi ani!









'Nie, i thinlung a hlauhthawnna awm kha a nasa rih em a! A thleng leh palh mai ang tih ngaihtuahna kha i put tur reng ani! I thil hmachhawn kha a na mailo em bawk nen sum i chhuah tak avang hian kan fanu i nihna abo dawn lova; i thinlung dam hun ah rawn let leh hreh lovang che.' tiin ka pa in zaidam takin min hrilh bawk! Nupa dang ințhen ang a intihthiam lohna nei a, inhau buai kan nilo bawk a! Kan sum chhuah boruak pawh midang tan chuan boruak kha a muanawm in inhnial buaina pakhatmah a awm lova. Mahse, mi pahnih thinlung erawh pindan chhung a awm ve te hriat hauh siloh khan a phu rangin 'eng emaw' hian min țham tel tlat tih chu chiang takin kha thinlung neitupa nen khan kan hrechiang viau chuan ka hria!









Midang zawng pindan chhung ațang an chhuah zawh vek hnu ah kan inneihni a lunghlu zungbun min bun tir, in ațang ka chhuah hnu a ka țhin awrh a ka thil tel tak kha la chhuak turin muangchang in ka țhi awrh lai chu ka phelh a! Carlos-a mitmeng vawt ruih leh thuk em em si khan second khat lek pawh ka lak ațang mit a la sawn miah lo!








Zungbun chu kan inneih thlalak lianpui intar kulhna hnuai a pindan chhung cheina dawhsan chung ah ka dah hma in nghet takin ka hum a! A tawp nan bang ngheng a Carlos-a ding ngawi ngul chu en leh in mittui tlak hlau zet a nui hmel pu luiin lu ka buk khum nghat. A ban hrawl zet chu kuangkuah hlun mahse a insehruh țeuh rualin kut a hum ruh tih ka hmu thei! Mahse, muangchang in lu ati che a. A ta ka nih chhinchhiahna zungbun pawh chu kan nupa thlalak hnuai chiah dawhkan ah chuan dahin thawk ka la hak a!









'In enkawl țha ang che! Carlos.' ka ti sep. Țawngka a min chhang lovin lu a bu nghut a. Tunah chuan amah leh he inchhungte nen hian inzawmna kan nei ve tawh lo!






▪

Karhnih hnu ah.


A TAWP A KA NOTE ZIAH TEL CHHIAR LO LO CHU SETANA PAWL😈😈



December thla kan chungkai a, boruak chu a vawt tawh in Mizoram chhung khawi khua pawh chu Christmas leh a kaihnawih in min chiah hneh em em a! Kawn te pawh kum dang ang bawk in chei leh ani a. Bawihtei pawn zan ah kawn chei en a chhuah vel nuam a ti ngang bawk!









A hma ang bawkin Hades-a'n kan nufa chu min buaipui leh chawt tawh! Amah tihbuai duh lo viau țhin mahila kan nufa tan engtik lai pawh a awm reng țhin anihna ang in kan hlat ah a awm ngai hauh lo! Sum ka chhuah ta kha min hauh phah nghek a! Tumah in min hauh loh laia aman min hau ta chiam kha rum deuh in ka melh phah tak rawm rawm kha! Mahse, min hauh vak țum bak chu engmah a sawi chhuak leh tawh bik lova. Midang nun ah inrawlh țal duh ngailo mihring kha ani ve a!





Bawihtei te school chawlh vel ah Ngopa ah kan nufa in kan chho a nga. Ani erawh Dubai lam ah a kal leh dawn thung. Mizoram ah christmas a hmang thei a ngem tih tak ngial pawh a sawi lawk thei lo! Nu Zonuni erawh in helam ah Christmas hman tir a tum nghet bur thung.



"In bazar dawn maw?" Inchhung kan luh rual in Nu Zonuni chuan min lo chiau au thuai a. Bawihtei ui note pawm țai mai chu a lo pawm chhawk nghal thuai bawk.


"Umm, kan Hitlar-a hian bazar a rawt miau sia." ti sep in ka hnung a Hades-a rawn lut ve vut chu ka melh zeuh a. Nu Zonui erawh a nuih a za viau.


"Min lo rel leh pek em ni?" ti hluk in a coat dum dak zuih chu a hlip nghal hrawk! Turtle neck dum a hak hnan ban chu pawt tawm chho in coat chu sofa nghenchhan ah a theh kai nalh bawk.


"Doris-i hi ka lo awmpui a nga, in pahnih in chhuak zawk ta che u." nu Zonuni chuan a ti thuai a. Bazar a chep tawh si a. Nau hruai chung chuan kan in lei sawt loh a hlau te pawh a niang.


"A duh bik țí ței lovang." Nui suk chung in Hades-a chuan a ti hluk. Bawihtei erawh an sangha khawi en in sofa ah a lawn kai leh then tawh.





"Anih chuan va inbual la, kal chhuak vat ru, a tlai hi chuan khua avawt a. Doris-i a hritlan phah a. Awi, Pluto hi hmuh loh kar in arit deuh nulh mai." a tih zawm zat a.






"Api, food tam deuh ka pe țhin a." Bawihtei chuan inla fel fe hian a rawn ti lang lang. Ka lo nui hak hak a.





"Anih chiah hi, food tam deuh deuh a ei chuan a lian chak ngawt ang, Pluto len hunah apu kha puppy dang kan lei tir leh dawn nia aw." a ti a. Bawihtei bu lap lap chu room ațang Enzo rawn chhuak chuan pan ding in a pawm kang nghal nawlh a. Bawihtei khek rai ri chu puitling ho chuan kan nuih dar dara.







"Țhang lian thuai thuai rawh. I hmelțha reuh si, ka nghak lian dawn che." Enzo chuan kang deuh a Bawihtei chawi kang pah chuan a ti hluk. Ka lo ner nang a. Emma dam loh lai a an inah Bawihtei a riah țum khan Enzo pawh hian a thiam ang tawk in Bawihtei a lo duat ve a. An inum kawi dat dat fo Anna'n a ti zauh tawh.









Hades-a chu inbual turin a room lam ah a kal nul nul a. Enzo pawn Bawihtei leh Pluto chu hruai hrang in tual zawl ah an ri lang lang reng a. Ka pi leh ka ni kha bungraw la tur in Ngopa ațang an rawn chhuk zawk a. Bungrua kan lak fel hnu ni reilote ah ka pu ngaihtuah a nat deuh vang in an haw chho leh nghal a. Karhnih pawh tling lo ah keini pawh kan chhuak chho ve thuai dawn. Bawihte'n thingtlang nun a tem ve țan tur chu ka phur tluk zet in a phun nai nai reng ang tih ka hlau rilru nghal der!







Aizawl ah api leh pu te in a lian in tlak chham pakhatmah awm loin a tal kual a. Ngopa erawh tui te a harsa a, thlasik lai phei chuan kan in kawngkam ani bawk nen vut nawi a tam in boruak a ro em em țhin a. A damloh phah vak ang tih te thleng in ka ngaihtuah kual a. Amah tereuh lah chuan a khat tawkin luggage ah a inthun a 'Ngopa ah ka haw ţep tawh!' a ti ve hlil reuh țhin a. Eng nge maw kan an reuh dawn ni!







"In kal chhuah hma in coffee hian i kawchhung intilum rawh." Nuzonuni chuan coffee no min pek pah chuan a ti a. Țhutkhawmna area zim zawk ah țhut hmun kan rem bawk. Anna leh pa Lawmzuala chu Serchhip lam a an hotel thar tur sak mek lam enpui turin an zin chhuak thung.







"Kumin thlasik hi a na dawn reuh anih hi." ti sep pah chuan coffee chu ka dawt khalh a.




"January thla vel a huphurhawm leh dawn a sin."

"In inawmna lai hi a dam deuh hlek bawk sia. A vawt zual ngawt ang " ka ti a. Thingkung ding a tam sia. Thlasik lai hi chuan tlai dar3 vel ah ni a tla daih tawh zel.





"Chu chu nia. I Pa Rinzuala te pawn thlasik chhung chu inpui ah rawn haw daih rawh u, an rawn ti țhin a. Hades te naupan lai hi chuan dec-jan hi Zarkawt ah kan awm mai zel. An len hnu hian in chu in ani an lo tih ang deuh khan inpui lam a riah luh em chu an duh ta bik der lo a. Ni a tla hm duh țhin khawp mai." a tawp lam ah chuan za zet hian a nui hak hak a. Ngopa lam ah pawh veng țhenkhat chu thlasik lai chuan tlai dar 2:30 vel ațang a dam nghal duk zel.






"Chanchin kha ka lo hria a..." thutak deuh tak chuan a rawn ti a. Coffee tam deuh lem khalh pah chuan ka thaw chhuak ham ham mai!






"Nupa ințhen hlen hi a țha miah lo a nia. Doris hi a rawn lian tial tial a nga, nu leh pa kar lova awm chu hreawm a rawn ti nasa chho tial tial dawn. Mapuia (Hades-a a auh dan) khan lo sawipui la a ti bawk nen i țhianpa nu ka nihna angin kei chuan nupa ințhenhlen ka rem ti miah lo."






"Kan nupa inkar buai chhan kha hmeichhe pakhat, a ta lo pui neih tum a chet lakna fing kherek vang ani tih ka hre tho nangin.. aaaa, khang hun laia natna ka tawrh te kha hmachhawn nawn leh ka hlau em tawh atin ni." ka ti sep a. Nu Zonuni chu min hrethiam tih hriat zet in a lo bu nghat bawk.






"Ka fanu vang mai pawh nilo.. Carlos-a min hmangaihna vang leh ka hmangaihna vang pawh a kan inneihna kha zawm țha leh tur ka ni a. Mahse, ka chhungril a hlauhthawnna awm hi ka thunun zawh phak bak in a rawn lian leh thut țhin.. i hrethiam em? Carlos-a nen hma lam hun suangtuahna ka din rual chiah hian ' a lakah i tluk luh a, hlimna vawr tawp in thlen lai takin a hma ang chiah khan in nun ah hmeichhe dang rawn lut leh ta si se.. a țum hnihnan phatsan nih chu i tuar chhuak thei dawn em ni?' chutiang deuh chuan min hrilh tu hi a rawn awm țhin a. Nawrh reh a, Carlos-a nen kan inhmangaihna chiah dah chungnun ka duh fo țhin.. mahse, aaa, i.. phatsan na lo tuar tawh tu lo chuan hlauhthawnna sernung ka thinlung a awm.. rawn tho thar leh țhin hi min hriatthiampui ka ring lo.." ka rilru dik tak sawi chhuak in ka sawi zawh rual chuan am zet in boruak ka hip lut a.





NuZonuni chuan min hrethiam zet in hmel hmuh nuam tak a min en pah chuan lu a bu nghat ngat bawk.





"Carlos-a chu i la hmangaih a maw?" Ka zep buai peih lo.





"Umm.." a coffee no center table ah nghat dat in ka kut a rawn hum a. A hmel chu hmuh a hahdam in eng emaw feeling dam raih hi a keng tel tlat bawk.





"I hmangaih a.. mahse a lakah rinna nghah leh harsa i ti.. chu chu a dik em?"

"Aw, a hmangaihna dawn a, rinchhan leh theih ka duh.. chu chu ka mamawh tak zet bawk. Mahse."






"Rihhlehna hi chu a mak ve teh a nia! Kan hma ngai ang deuh a rawn inlarin kan hmangaihte lakah kan hmangaihna lan chhuah tir thei lo khawp a hla in min pawt hrang daih țhin a." tiin a nui ver ver a. A sawi awmzia chu ka hrethiam pha ruai ruai chiah.





"Rinhlelhna hi sual hnathawh anih i ring em?" a ti teh daih a. Ka chiang ngam chiah loh tih entir nan dar ka kan ak ringawt.






"Sual hnathawh, Sual hmanraw țangkai tak pakhat ani tih hmuthiam la chuan rinhlehna nazawng hi awiin i na duh hauh lovang." Zaidam tak chuan a rawn ti nem diai a.







"Hmeichhe țhenkhat te mit ah chuan mipa te hi kawppui an neih a, chhungkua an han din a, chhungkua ah rorel a, chhungkaw awp lum thei tu an nih chiah hian an lo attractive ta viau zel. An tlangval laia an mit la tu ni miah lo, nupui nei a, a nupui zara patling dinhmun a chelh rual chiah a hmu pa ta riau hmeichhia te hi an tam a. Heng ho rilru put hmang hi keipawn mak ka ti țhin. Tlangval țha lai nilo mi pawm lai kher hmu tlai tlat țhin ang ho hi chuan an hringnun zinkawng zawh tawp lam a tan lungngaihna an inchhek khawl lawk ani ber hian ka hre țhin." ti sep sep in ngaihtuahna kal thui hmel zet chuan chal a ti chuar tap bawk.









"Khawvel a ka mihring ngaihsan ber in min fuihnan a hman țhin ka theihnghilh theih tawh ngai loh chu maw 'Hlauhthawnna i neih tawh sa kha a lian tawk tawh tih hria la, a chhem alh belh thei thil dang chu ngaihtuah zawm duh tawh suh! Tun hnaia nupa ințhen tam tak an awm chhan te hi i hria em? A chhan chu tuna i awm ang chiaha an thinlung chhunga hlauhthawnna awm kha a tak ang a zeldin kual in hlauhthawnna an neih tawh sa-ah khan thingro dang an tuah belh leh țhin vang ani! An kawppuite rinhlehna an neih rual khan țha taka thil sawipui mai lo in an tihtauh kual khum a! An kawppui te lakah thinrimna tur an zawng a, kha kha an tihtur țha hriat chhunah an ngai tlat bawk. Mahse, a nilo! I kawppui khan a laka i lungawiloh chhan diktak a hriat loh phei chuan a rilru in a hlat tial tial che a nga, Kawppui thinrim leh an khum reng tu neih ai chuan mithar, inbun ruahna tur leh rilru paih thawlna tur a zawng zui lo thei lo.' a ti teh tlat a. Chuvang chuan i rilru put dan dik tak hi Carlos-a hnen ah sawi la, hman a thil thleng tawh vang a hlauhthawn rukna i neih tlat vang a, a tan a i thinlung la hawng thei rih loh i nih thu te hrilh la. Sawi tlang ula ka duh khawp mai." tiin ka rilru hriattum ni awm tak chuan ka mit ah tak min en ngar bawk.







"Ka.. ih.. hman a thil thleng tawh vang khan ka hlauthawng ani tih a hriat chuan.. aaa, nuam lo a tih ka hlau a!" ka tih sep lai chuan a ri a lo nui chhuak hakin lu min thin khum nghat nghat a.







"Thelma, ka rin ang chiah a hmangaihna ngah leh midangte rilru put hmang tur ngaihtuah luat vang a mahni intihreawm țhin ve tho maw i nih a." tia nui leh hak hak in ka kut chu a hum nghet sauh bawk.






"Umm, Carlos-a i hmangaih em avang in a rilru nawm loh i hlau a. A lo phatsan tawh che tih kha inhre nawn a, rilru hreawm a put i rem tilo.." na lo te in lu ka lo bu nghat a.







"Mahse, a rilru tih hreawm sak i hlauh vang ngawt a i rilru dik tak i hrilh lo anih chuan engtikah mah i hlat tlat chhan hi a hrethiam ngai dawn lo a! Ugg, i thinlung in thlan zawk dang i nei emaw tiin zalen tir che in amah pawn loh theih lohna vangin a nun ah midang a seng luh a țul palh ang tih ka hlauhpui khawp mai che." A tih rual a ka thazam țang nghal at chu rawn hrethiam thuai in ka kut chu a hum nghet nghal sauh.







"Inbe rawh u... in hmangaih ngawih ngawih si mahse inkawp rem thei miah lo te inkar hlat chhan ber chu maw.. intihnat tawn an hlauh luat vangin engkim an inhrilh tawn ngam lova, an feeling in tihnat sak tawn an hlauh luat ah an rilru a awm dik tak an inhrilh tawn ngam lova, chu chuan an inkar ah khi siam in inhmangaih leh inthlahlel ngawih ngawih chung siin an inkawp rem thei ngai miah lo! Chutiang chu i nupa chung ah a thlen rem ti suh! Thudik chuan min tina dawn mahse thudik anih miau avang in nghawng țha a nei zawk tih hria la, a rang thei ang ber in Doris-i pa nen chuan inbe ru aw."






▪

Mipui chep zet karah Hades chuan Bawihtei chu a koki chhuan a. Ka ban rek ah nghet takin a hum bawk! Ka pi leh pu te mamawh tur chu Dubai lam ațang ka lei khawl tawh a. Hetah an rawn kal țum in an hawn chho nual tawh! Eng vak lei ka mamawh der silo. Chhuah a rawt tlat a. Christmas bazar chep lai ani bawk nen mipui karah chuan kan innek nawk nawk hlawm mai!








"Doris are you enjoy?" ti hluai in a koki-a Bawihtei țhu chu a chho en a. Bawihtei chu rawn kun hniam thuai in Hadesa hmai zawn ah chuan ring tawk in nuam a tih thu in a rawn au ve tung bawk!






Hades-a chuan min rawn en leh vut a. Mipui min nek luai luai tu te nen thinrim ru deuh țun in ka lo melh ta rawm ringawt!






Bawihtei chuan mipui innek chepna lai chu nuam a ti sauh emaw tih tur hian ring tawk a au túngin 'pa, tah sawn kal ang.' a ti chul zel a. Hades-a lah chuan 'sure' a ti nghal hmiah zel. Kei chu mipui tawt zet kar ah chuan min kai kal ve dat dat reng a. Thil lei turin dawrah kan lut pawh anilo, mipui tamna kar ah kan vak kual ve vel mai mai ani ber!






"Sweer heart i rilțam tawh em?" tih leh zo zet in a koki a Bawihtei țhu chu a pawm thla nawlh a. Bawihtei lah chuan nui khek hak hak in Hades-a nghawngah a kuah nghal țai bawk.





"Hungry or not?"





"I'm little hungry." a tih rual chuan Hades-a chuan ka ban rekah bawk rawn hum hmiah in mipui veivak tam loh na lai deuh ah min kai sawn a. Chutah chuan ding a hawi kual vut in ei tur zawrhna lai a en kual pah thuak bawk. Amah a hleitling in a langsar vuk bawk si! Tleirawl leh nula veivak ho chuan an rawn en leh ha ha țhin a.






"Bazar vel a an eitur siam hi ka la ei chhin miah lo. Try ve reng reng ang." ti chhuak sup in Bawihtei bawk chu a koki-ah a hlang kang leh nawlh. Ka kut a rawn hum leh chawt rual chuan ka ke a kham tawh bawk si chu ka lo meng kual ralh a.






"I nu lian ve ropui sia. Mipui in an nek bo daih palh ang che." ti sup in mit min siai suk a. A duhna lam ah chuan min kai kal leh nghal dawr dawr a. Khum ka mut kai hunah meuh chuan ka kawng na lutuk hi ka muzangthla lawk ngam miah lovang.







"Daddy.." ring tawk in Bawihtei chu a au tûng a! Phu deuh dawrhin pawn lam chu en ve thuai bawk! Mahse, mipui zi hut hut bak ka hmu ve lo!Bawihtei bawk chu ka en a.






"Mamma, ka Daddy kha i hmu ve em?" tih leh ațhutna ațang țum thlak a rual nghal zat. Hades-a order siam counter a ding chuan Bawihtei dawr pawn lam pan a tlan chhuak terh terh chu a lo ngaihven thuai a. Keipawn an lam chu ka pan ve nghal vat bawk.

"Sweet heart?"





"Ka Daddy leh one aunty ka hmu a lawm." pawn a mipui insul pel nuai nuai en ve ha ha pah chuan Bawihtei chuan a rawn ti reuh a. One Aunty atih rual chuan Hades-a'n min en zawk tih pawh ka hria.






Kar hnih chhung khan a bul ah riak turin Bawihtei a rawn hruai tawh ngailo a. Emma emaw, ka nu leh pa emaw rawn kal in an rawn hruai mai țhin. Bungrua kan lak ni bak kha kei nen chuan kan inhmu leh miah tawh lo!


Show post links
Top
Abbra Reo Ririni
Post October 18th, 2019, 7:33 pm

"Daddy chu hna vang in a kal chhuak ve a niang." ti sup in Bawihtei chu a pawm kang nawlh a. Bawihtei chuan a hmu sual ti dawn ila apa chu a hai bik tawp lovang.





"He's not wearing police uniform." Bawihtei vek chuan a ti a. Tunge a hmeichhe kalpui chu hrelo mahila eng emaw hian min țham deuh ran tho.







Țha deuh in Bawihtei pawn eitur a ei zawm ve leh ta mai a. Nu Zonuni thil sawi kha ngaihtuah let rauh rauh in keipawn ei tur chu ka ei lui ve hram hram bawk!







'I kawppui khan a laka i lungawiloh chhan diktak a hriat loh phei chuan a rilru in a hlat tial tial che a nga, mithar, inbun ruahna tur leh rilru paih thawlna tur a zawng zui lo thei lo!' a ti anih kha!








"Eitur kha ei rawh." Hades-a aw thum zawi ruih ka hriat rual chuan phu deuh zawk in ka hawi chhuak a. "Eirawh, a dai hman ang." a ti nawn leh sup. Ka thleng chu ka en a. Chow chu ka lo hawlh kual vel mai mai. Hades-a chuan chiar ngheng run a min en ngur chung chuan ka ngaihtuahna chu hriat tum ni awm takin mit a tizim sún bawk.







"Ka la puar deuh in ka hria, in ei zawh tawh chuan haw tawh mai ang u." ka ti a. Bawihtei pawn chana a hawp a. Intiberh miah loin a lo hawp fai ve leng bawk.








Kê in hotel lam kan pan a, Bazarpui ațang hotel awmna hi a hla lo hrim hrim a. Motor nen a inkhalh chhuah kha chuan traffic ah kan buai ang Hades-a'n a tih miau a vang in Bawihtei chu a koki chhuan a. Bawihtei'n bolloon a ngen tlat a vang in a kutțang ah panga ngawt a suih bet far a. Kal pah chuan a au deuh lauh lauh reng bawk.








"Ka nu nen khan in inbia em?" Hades-a chuan a rawn ti sup a. Lu ka bu nghat a hmuh rual chuan a thaw huai mai!







"Ka nu chuan thurawn țha tak a pek che ka ring. Zawm tum la." ti a țhen suk in ka fanu a koki chhuan mek chu min biak san leh daih a. Amah ang a mihring rilru țha hi an vang tawh ngawt in ka ring! A sawi ang deuh khan Carlos-a nen kan intawn hma in amah nen hian lo intawng ta ila.. ugh a lakah feeling ka neih vang nilo in a mi ngaihsak zawngte tan a inpek zawh zia hmu tu ka ni a. A nun a mihring lut tawh chu engtiang dinhmun ah pawh dingse thlahthlam a tum ngai hauh lo bawk! Tunah ah te hian Carlos-a ka hmangaih tih a hriat ațang ka rilru nawm lohna turin ka laka a feeling neih kha țum khat pawh a lanchhuah tir tawh ngailo! Chuti chung chuan kan nufa min thlahthlam zui miah lo bawk! A nun a hmeichhe lut tur chu khawvel a hmeichhe vannei ber te zing ami anih ngei ka ring!








"Daddy!" Bawihtei bawkin apa a au ri chuan ka lungphu chu a ti che dawrh a! Ka thin chhung a sat so phulh rual deuh thaw in kan bul kawngpui ah chuan bolero dum a rawn ding thi dûk bawk!






Glass in down thawm ah chuan muangchang a hawi chhuak ve in Bawihtei thil hmuh dik zia kha ka hmu chawp chilh ve der a! Driver side a Carlos-a rawn dak chhuak chuan a shade dum vuah chu phelh vutin motor hma lam ah a theh kai a. Uniform a ha lo, velvet jacet uk khup a ha, passenger seat a hmeichhia ma la hmuh ve ngailoh țhu ve rawn thle deuh ha chu a rawn nui var var nangin nuih let harsa ka ti!







"My love.. i shoping em ni?" Steering hum rún pah chuan a rawn ti chhuak dut. Bawihtei chu a bu lap lap a. Carlos-a pawh a țhen suk bawk.






"Evening ah ka rawn hruai ang che aw." Carlos-a vek chuan ti sup in side glass ațang chuan hnung lam a car rawn tlan chu a thlek pah vut. Kei chu vawi khat pawh min en lo hrim hrim.






"Nichin khan ring tawk in ka lo au che a." Bawihtei chuan Hades-a koki ațang chuan a ti leh lang lang. Carlos-a chuan a chho en nghal vut bawk.





"Really?"

"Umm, ka hmu che lawm." Bawihtei chuan a tileh mai.







"My love, Daddy khan hna pawimawh thawh lawk a ngai a, tlai ah keiman ka rawn hruai ang che aw." a ti a. Hnung lam a car chuan horn a rawn pek avang in a ban lek chhuak vut in keimah chu min en ve ta hram. Sum chhuah tur a min hrilh zan ang chiah khan a mitmeng chu a vawt ruih! Nelawmna pakhatmah awm lova ka mit ah min en ngur pah chuan a hmui nem thep chu a ti sawi zauh a.







"Tlai ah keiman ka rawn hruai ang." a ti sup. Min melh chiang lutuk leh a mitmeng vawt ruih bawk si vang chuan ka tîm dai ringawt. Lu ka bu a. Bawihtei bawk en a nui leh suk pah chuan hnung lam ațang horn rawn ti ri tuar tuar reng te chu a phun khum hluk a!







An tla chhuah dawn chuan Bawihtei chuan apa chu kut a vai lap lap a. Passenger side a hmeichhe țhu pawh chuan nui var var in Bawihtei chu kut a rawn vai ve a. An tlan liam rual deuh thaw chuan na deuh va thaw chhuak hawk in ka lungphu zawn ah kut ka nghat a! A ri dawt dawt tih leh... ka..








"Nisa hnuai ah ding reng lo teh ang u." Hades chuan rawn ti nghut in ka awm a ka kut nghah chu a rawn hum nghal chawt bawk! Ngaihtuahna dang engmah ka put leh hma hauh in chak takin min kalpui nghal dawr dawr a! Carlos-a leh kha hmeichhia kha chu ngaihtuah zui pawh ka duh tawh lo! Mahse.. ngaihtuah zui duh lo eng ang mahila ka awm chhung hi engtin maw hian a na hit veng veng tho!







Hotel kan thlen hnu ah car in Hades-a te in lamah bawk kan let a. Bawihtei ui note te nen kan in ah kan let leh chiah. Hades-a chuan a khat tawk in min en leh run run țhin a. Carlos-a leh hmeichhe chungchang kha a sawi chhuah loh nan țawngțai ru mawlh mawlh in țang țeuh in ka țhu tluan ta parh. Inchhungah reilote a rawn lut a. Hna khawih tur a neih vangin rei pawh awm lovin min let san leh thuai bawk.







Bawihtei nen kan inbual a, apa in an in lamah riak tur in a rawn hruai dawn avang in a thuamhnaw hak thlak tur țhenkhat a bag pack cute zet ah ka thun sak thlap bawk.


IMG-20191015-WA0007.jpg
IMG-20191015-WA0007.jpg (75.31 KiB) Viewed 10175 times

"Ngopa a api leh pute bia ang aw." khum ah kan nufa in kan mu zal mai mai a, bawihtei chuan phur zet in min bawh ve chak chak reng a. Ka pi leh pu nen reingial kan inbiak hnu ah Bawihtei mut chhuak chu a ham tak bai bai avang in ka pu te chu zan lamah ka biak leh tur thu hrilh in phone chu ka ti tawp a.






"Mamma?"




"Umm, bawihte, i duh leh Daddy lo kal hma in muhil la." ka ti sep, ka kawr chhung chu a rawn dap rak rak a. Nui hak hak in ka bra chu ka phelh thawl sak a. Chhun a mut dawn hian hnute khawih hi a tum ve da da zel.






"Daddy home ah chuan i lo kal ve duh em?" a ti reuh a. Zangkhai tak a langin lu ka thing nghat bawk.



"A va pawi." ti halh in hmui a ti pawrh ve tar reuh.
"Fel deuh in va awm la, api leh apu thute awi tur aw. An duat che vang ngawt khan țahbelh lo la."



"Ka țah belh lo reng reng!" uar fe chuan a rawn ti ve țái. Tun hnai hian a țah belh reuh lutuk tih anu hian ka hriat loh a ring reng reng emmawni!


"Țah belh lo tak tak."
"Umm, step ah ka tluk pawn ka țap lo." inlahuai zet chuan a ti ve tûng a.
"Apu puak te kha ngen vak zel loh tur.."
"Apu in ka back ah lo lawn rawh a ti hmasa zel a lawm. E,Mamma today a one aunty Daddy bul ami kha maw last time ah pawh Daddy nen long time an lo talk together tawh a sin." vei hmel zet a tiin ka mit ah min en ta kiau bawk.

"Today a Daddy motor chhung ami kha maw?"

"Yes, night time ah Ani bulah ka mu a, A chhan chu one aunty leh Daddy kha mid night thleng Daddy room ah an talking a." ka pum chu a rawn sa nghal huam ringawt! Zanlai thleng kha nu nen khan room ah an awm amaw?

"Mid night thleng maw?" ka thinphu rang dawt dawt chu puitling ni ngatse a hrechiang viau ang.
"Umm, day time ah ka sleep a, night time ah ka mut chhuak kha a lo kal duh lo a. Ani room ah kan in make up- a. After make up ah pawh Daddy kha one Aunty nen one room ah an stay tlat avang in ani nen kan sleep a. Ani pawn 'it's already 12:30..' a ti lawm." Kha hmeichhia nen khan an riak dun tihna mi le?


Ngaihtuah zui ngam lo in Bawihtei chu nghet deuh in ka kuah a. Bawihtei hi a fing ka tih tawh kha! Dawt a sawi ngai lo bawk, thil a theinghilh ve mai mai ngailo a. Naupang dangin an en liam tawp hi chik tak te in a chik a. A hriatthiam ngang loh chu a hriat chhuah hma zawhna a siam ngar ngar peih. Apa leh kha nula kha zan ah chuan room ah an inkhung deuh reng ngei ang tih ka ring nghet hmak bawk.


"Mamma..?"

"Bawite muhil ang. Ka lu a na lutuk a." ka ti sep. A thaw chhuak ve hak a.
"Mamma tinge Daddy in one Aunty a hug ang khan a hug ve ngailoh che a?" zawite hian a rawn ti leh a! Ka lungphu chu ka awm chhung ațang a thlawk chhuak dawrh ni mai hian ka hria.

"Bawihte.."
"Daddy khan today a Aunty kha a hug a lawm. Mahse, Daddy leh Mamma chu an in hug ve ngai lo reng reng." ti vang vang in a ngawi ve ta kar a. Muangchang a meng chhuak leh in Bawihtei chu ka en zeuh a. Mutthilh tum in a lo maimitchhing ve tawh reuh a. A thusawi kha chu ngaihtuah zui pawh ka duh tawh lo. Ințhen a duh tak thut chhan leh bungrua la tur a min hrilh tak rum rum chhan chu a chiang viau tawh zawk in ka hria!





Phone ri nghawr chur chur chuan min ti harh a. A vawt deuh sur bawk nen puan lum in ka inkhuh țha leh nghal mai a. Mahse, phone bawk in lukham hnuai ațang min nghawr dur dur tak ah chuan meng hlawl in lukham hnuai chu ka dap thuai a.


Carlos-a!

Ka hawi kual thuak a; Khua a lo thim vek tawh!

"Hello." ka ti țîak. Bawihtei pawh a la mutui khawp mai.
"Kawngkhar hma ah hian ka ding a. In muhil anih ka ring, door bell ri in hre thei lo a." a rawn ti thum ruih. Pawn lam ah a aw thum zawi dut chu ka hre thei bawk.

"Kan lo muhil anih hi.. ka rawn hawng ang." ka ti a. Phone chu keimah zawk in titawp in ka kawr chhung a Bawihtei kut chu ka lak chhuah sak țhem țhem a. Cotton dum bantluan leh polar kekawr lum ha tawp chung chuan ka sam hnawk hui mam mawlh mawlh chung in kawngkapui chu ka nam hawng a. Kawngkhar pawn a mipa lo ding run ka hmuh rual chuan ka țang ru nghal țeuh bawk.


"Lo lut rawh.. bawihtei chu ka va kaitho ang." ka ti sep. Uluk zet a min en chhuah vek hnu ah rawn lut tur chuan a che hrut a! A inthuam dan simple zet chuan a ti lang tlangval vuah mai hian ka hria!


Min kal pel rual a rimtui hman rim chu hip lut in ka thaw chhuak hak a! A la ngai reng ka rilru in ka ti hram bawk.


Kawngkhar ka pawt phui a. Tun hi sum kan chhuah hnu ah kan vawi khat inhmuh lehna anih vang nge mawni sawi tur hlawl ka hrelo! Oh! Vawiin pawn kan inhmu zuai tawh. Ka let phei ve chuan sofa ah a lo țhu awn duai a. A kerek pakhat a khup chung ah nghat in sofa nghenchhan ah chuan ban a phar duai. Inchung lam ngawt a melh vung vung vang in thingpui a in duh em tih tak ngial pawh ka zawt lo! Chhun a kan inhmuh țum a a inthuamna kha a inthlak vek tawh a. Khawi ah emaw kal chhuak in chu mi hmun ațang chuan a rawn let anih ka ring ber!





A kal chhuahna ah chuan kha hmeichhia kha a tel ve a ngem tih ka ngaihtuahna ah a rawn luh rual chuan ner ru nak in sitting room light ka hmeh en belh a.

"Ruatkima te kha engtik nge an inneih dawn?" a rawn ti thut! Room a ka lut tawh tur chu ding dat in amah chu ka en a. Sofa nghenchhan ah tukhum nghat reng chung chuan ka lam hawi chuan a rawn thle buk.

"Kumthar ah a tia.. ani tak an la bituk lo." ka ti ve mai. A bu nghut a. Ruatkima teh daih a rawn sawi chhuak chu hrethiam lo viau mahila Bawihtei kaitho turin room ah ka lut ta tho. An khua Lunglei a mi nen kum thar hian an innei dawn. Zualtei man anih hnu reilote ah khan Bawihtei school kal ka hruai hi kan inhmu hlawl a. Khata țang khan inbe leh in atei pawh Lunglei ah a awm thu te ka hriat belh a. A bialnu nen kan in ah te rawn leng in tlai khat phei kha chu chaw an ei dun nghe nghe. In ațang ka chhuah a. Ka bo tak daih ațang kum khatna vel ah a bialnu nen hna lam ațang an intawn thu te min hrilh a. Ka chanchin ngaihven in a lo buai ve hle țhin tih leh a theih ang ang in Carlos-a hnen ah thuthar hriat tumin a lo zawt ve țhin tih te pawh a bialnu hnen ațang zawk ka hriat phah a. 'I chanchin a sawi nasa țhin lutuk a, kan la inhmu ve lo nangin i chanchin chu ka hre nual a nia.' tiin nui var var in min hrilh anih kha.



Carlos-a'n Bawihtei a rawn dah let dawn zan hian keimah a lo hmachhawn ka hreh țhin em avngin a bialnu hriatpuina nen thlap dar9 dawn ah a rawn kal țhin.
Sofa chung a pluto bawk muhil pawh lo harh tawh in mei alo vei lauh lauh a. Mahse, a mut a chhuak leh tho aniang a bawk leh nghal zal zal a.
"Bawihte, daddy alo thleng tawh a." tiin a muhil thaw sek sek chu ka sawi dat dat a. Thawh hi a hrelo ve țhin ngit nget reuh siah.

"Bawihte.."

"Mamma one more minute." zawite a rawn tiin a thaw nghal sek sek a. Ka nui ta hak hak ringawt!


Ka inphihfai leh te te a. Ka hmai huh hru mawlh mawlh in ka kut vawt chu a kawr chhung ah ka zen lut a. Meng kawk in a au ta tung bawk!

"I Daddy a lo thleng tawh, api te in ah mam mam ei mai rawh aw. Doris leh mamma kha kan lo sleep tight lutuk a, engmah ka siam hman lo." ka ti a. Khum ah chuan țhu chhuak ve hlal in a ham bai bai mai.

"I bag pack.." thle zeuh in mit ka tih san khum ak a.

"Daddy!" Ring tawk in a au nghal tûng.

"Yes, my love."

"Ka sleep lutuk a. Min lo carry rawh." a ti a. Pawn lam a apa chu a nui chhuak huk bawk, țullo ti lutuk in ka towel chuan ka tin zuau bawk.

"Ok.." Carlos-a aw ri hlut ka hriat rual chuan Bawihtei chu melh rawm in kawngkhar awm lohna lam ah ka kal sawk sawk a. Thuamhnaw bawm ka hai nghal daih bawk.

Apa rawn lut vut a hmuh rual chuan pangchang lutuk in khum ah a let leh tap a, Darthlalang ațang ka hmu thei vek sia. Apa chuan nui sukin a pan nghal vut bawk.

"Sleepy?"

"Umm." ti pah in apa chu a en kiau a. Pawm kang tur a apa kun hniam chu Bawihtei thusawi vangin a tawp chawt mai!

"Tonight chu Mamma leh Doris bed ah sleep over ang." Apa chu a ban ve tho nangin a thusawi vang chuan apa chu a ding mar deuh vut a. Bawihtei thusawi chu hrelo ang hmak in ka awm lui ta daih bawk.

"Next time ah kan ti zawk dawn nia." Carlos-a chuan a ti sup. Chutah afanu pawm kang nawlh pah chuan a rum nghut a.

"I rilțam em?" a ti sup.
"Ka hrelo."
"I rilțam leh țam loh pawh i hrelo maw?" nui huk pah chuan a fanu chal ah a fawp vang vang a.
"Ka lo weak up chiah sia. Ka la sleepy alawm."
"Ok, Daddy will carry you."
"Daddy home ah Mamma hi kan hruai ve thei em?" a ti leh a. Chu kher kher chu a tiawmang lo leh lutuk! Ka tih tir ah Zohmingliana pui sawn a ngaih vek phei chuan in aw!

Apa in a chhan let dan lehlek phei chuan ka awm chhung hi a ti tawt vek a!

" If she want she can come with us." Zohmingliana chu ti zawi ruih in keichu min rawn en kher bawk! Hawi let loin darthlalang ațang ka hmu thei vek!

"Mamma, Daddy home ah chuan i lo kal duh em?" Doris Mamma hi khuarkhurum ah min nam thlak i tum reuh a mawnle!

"A bag pack chu khum sir sofa ah khan a awm." an thusawi chu hrelo ang hmak in ka awm.
Bawihtei'n khum bul sofa a en vat laiin Zohmingliana chuan min en ngur thung.

"Emma te man inhlan zan ah khan a beisei tlat che tih i hriat kha." In ațang an chhuah hma chuan a ti zawi sup. Ni dawn tak e! Rawn sawi leh lo pheise chuan ka hre tawh tawp nang. Ni 2 chiah a lo la awk tawh leh nghal!



"Umm. Emma ka lo bia ang." ka ti a. Zo zet a Bawihtei pawm chung chuan lu a bu nghut. An pafa kal chhuah hnu chuan inchhung reh ruih ah chuan keimah chiah a awm in eirawngbawl mumal tawh lovin noodle ka chhum a.


Emma leh Jayden te inneih hun pawh a thleng teuh ta kher mai!

*tu emaw i thik vang ngawt khan chaw i ei lo vel ange?* Hades-a message chu chal chuar nangin ka chhiar a.

*Hitlar!*


*khum ah mu in i ţap hliam hliam em* hmela mai mai chu le!

*ka reply tawh awm lo che. Bleeh.*

Ka send rual chuan atawp a ka țawngkam hman chu țullo ti zet in ka nerpui nawng mai!

*a rawn hruai tawh em?* reply duh miah lovin noodle chu ka hawp tawn tawn a.

*doris-i pa chuan a rawn hruai tawh em?*


*hrep chuan., Thelma nutlingpui si i titau tih sawi tum miah suh.*

Ka chhan let loh avang in a rawn call a. Vawi khatna chu ka chhang lo lui a. Mahse, a thinthawk thut hna khawih tur kal san a a rawn kal duh mai ka hlauh vangin a vawi 2 na ah chuan ka chhang ta hram! A la rawn phun hluk zui!



"Apa damdawi in ah a awm ani awm e." kan inbiak laklawh lai chuan a rawn ti a. Hrethiam lo zet in ka kâ ho ringawt!


"Hrep chuan.. engthil atthlak nge ka sawi zawh chiah kha." a ti leh hluk.

"Lawk, Hades, tupa maw Dandawiin ah awm a?" ka ti leh a. Rawn thaw chhuak deuh hrawk in a ngawi deuh tlat a.

"Hades?"

"Chhechhezet țhin-i pa kha." a rawn ti hluk. A tu chungchang nge maw a sawi le?

" chu chu tunge?"

"I hrereng." hepa țhin hi chu aw. Vin let nghek ka tum lai chuan Cindy a sawina anih ring in ka nui chhuak ta hak a.

"Cindy pa maw?"

"Aw" a bul țha viau. Engtin nge a hriat daih theih tih chu thil hriat chakawm tak ani mai.

"A va zialo ve. Cindy'n a hrilh che mi?"

"Ka let kha a ze ngai bawk chhuah in hotel gate a ka tlan lut kha ka sut hlum turin tual a țang a rawn lang thut a!" a sawi dan teh tawp a vang chuan a rukin ka nui char char. Cindy hi a millo em em a. Mahse, a ruk chuan a buipui tho tih erawh a chiang tawk viau.

"I sut țep a vang chuan apa damloh thu a hrilh che maw?"

"Ka su țep lo. Ka su a lawm."

"What?" ka ti deuh tuar a. Hepa hi..!!

"A na em? A serious em?" Ka ti leh zung zung! Apa damdawiin ah awm bawk. Ani'n Cindy a lo sut hliam ve leh zel chuan...

"Ka su na lo.. damdawi in ah ka hruai a. Apa awmna ward lam pan in a tlan par par thei." a rawn tih rual chuan thaw huaiin ka noodle ei lai chu ka ei zawm a! Min va han tihlauthawng hman tak aw!



Emma te man inhlan ni a tel tur chuan ka nu leh pa te pawn min phut nasat em avang in inthlahrung ru zet chuan ka insiam mial mial a. Bawihtei lah an in lamah a awm daih bawk si. Ka nu in driver kan rawn tir ang. Emma tan chuan a laizawn nu ang i ni a, Carlos-a nen ininkar boruak chu engpawh nise i rawn lang ngei tur ani. A tih mauh avang in midang min sawizuina tur hmu tlang lawk vek in an car chu an inlam ka pan ve a.


Ka țang ru lutuk leh ka zak bawk si chu ka taksa pum hi a sa hut hut mai hian ka hria!


Tualzawl ah chuan lirthei dang a lo inhung nual tawh a. Ka nu in i rawn thlen rual in min lo call rawh a tih vang in ka call a. Inchhung ațang naupang an rawn tlan chhuak țak țak a. Ka nu pawh an hnung ah rawn lang ve hlawl in naupang ho chu tual zawl motor phen ah an inbiruksiak a. Chhungkaw ho an țhathnem hmel in keichu mak min lo ti ngawt ang!







"A vawt em? In rawn tlan thaw bawk sia." ti in car ațang ka chhuak chu ka kut ah alo hum thuai a.

"Vawt bak lo.. Bawihtei.."



"Awi! Ani te ho in an lawm lutuk a, an kai kual reng mai. Nuam ati lutuk." a ti zung zung a. Inchhung eng ut lam ka melh zeuh rual chuan ka ngaihtuahna hrethiam zet chuan "hahdam rawh. Chhungkua vek a lawm awm dawn. Tupawn kan fanu i tih an hria alawm." tiin min kai lut a. Țhenawm khawveng hnai zual te pawh lo țhu in ka nu in a sawi lawk tawh vang te pawh ani mahna tupawh chuan min lo be țha em em a. Ethan-a pawn kil khat ațang min lo nuih suk suk mai. Bawihtei leh Carlos-a ka zawng ru a. Mahse, ka hmuh mai loh avang in ka nu kiang ah chuan ka țhu a. Ka pa pawn khawlai dung a vawt em tih te min lo zawt ve thuai bawk!


Mopa te lam rawn thlen dawn hnaih ah Kailawn ah chuan Carlos-a leh Bawihtei chu an rawn inpawm thla a, Bawihtei'n min hmu ve thut chu khek raiin apa pawmna ațang chuan a tal thla a. A rawn tlan nghal that that bawk.

"Mamma."

"I lo good girl em?" rang zet in lu a bu a. Ka nu leh pa chuan a fel reuh zia leh a thuawi zia an lo sawi ve thuai a. Tunhnai bik hian a țahbelh ve reuh an tih ruk tho chu ka ring.


Tual zawl lam a Carlos-a kal chhuak rawn lut leh chuan hman ni a nula bawk kha a rawn luhpui a! Kawngkharpui an rawn luh tirh ațang inleng țhutna lam pan a an rawn inzui phei chu eng emaw sawi in an rawn nui dun a! Ka chhehvel boruak chu a reh zui dûk mai hian ka hria! Zanin hian ka awm ve lohna tur ah ka awm tih chiang takin ka hre thar awn awn a! Chutah inleng țhutna lam rawn pawh ta mai lo chuan choka ah an pahnih chuan an inzui lut ta daih a! Ka awm chhung na riai riai leh keimah a diklohna awm tlat chu midang in an hrethiam ang tih hlau in ka malchung a Bawihtei țhu ka be lui ngial țhin a. Mahse, keimah ngei zawk chuan ka fanu ka biakna chu ka hre mumal silo a. Bawihtei chuan min chhang let em tih tak ngial pawh ka hre der chuang lo!


Jayden-a te lam an rawn thleng a. Mopa țhian atan doctor ve tho a hman tur leh Emma leh a cousin hmeichhe pakhat te chu sofa ah an țhu țhap a. Thlangra ah Emma man tur chu inhlan in puitling ho in an chhiar a. Chutia man in hlan lai chuan Carlos-a leh kha nula pawh kha inhnaih tak a țhu dun in ken ep chiah sofa ah chuan insi chet in an țhu a! Ka nu leh pa, Emma te hmai zah vang a ka lo kal ve ngawt kha â ka inti! Â ka in ti ngawih ngawih tawh!


Kan nufa chu a khat tawk in Zohmingliana chuan min melh leh ngur țhin a. Chhungkaw hun pawimawh ah tlangval in a bialnu a hruai ve hi a ang ngawih ngawih! Hmeichhia chu a khat tawk in Carlos-a beng bulh ah phun sar sar in Carlos-a pawn chu nu beng bulah awm hnaiin eng emaw a hrilh leh sup țhin a. Ka awm dan ber chu ka hrethiam lo! Ka sa up up a. Ka tawt mup mup. A chang leh ka kețang thleng in țang ngawr ngawr in ka lo inhum ruh leh țhin! Man hlanna hun chu rei ka ti nangang mai!


Man inhlanna a zawh fel rual chuan țhenawm khawveng te an haw darh a. Zohmingliana leh a nula kha chu inchung lam ah an inzui chho tawh! Țhenawm khawveng an chetla lai hmute te khan engtiang in nge kei zawk kha min sawi zui ang tih phei chu ka ngaihtuah ngam lo!

"Nu, kan haw ve mai ang. " Ka ti a. Min chhan hma in Emma chu kan nufa lam panin a rawn kal ve leh chiah bawk.


"I lo kal thei a ka lawm lutuk aw." tih leh min kuah a rual a. "Ka lawm tak tak." ti leh sep in nghet deuh in min kuah renrawn phawt . Min thlah rual chuan phur hmel tak a langin inneih ni tak tak a phur awm tawh thu te ka sawipui luam a. Ani pawh lai zet in a nui hak hak reng a. Mahse, Carlos-a leh anula ka hmuh leh hma ngai khan he in ațang a chhuah hi ka mamawh!

"Kan kal tawh mai ang."

"Maw? A.. ih driver khan a thlah ang che u. Bawihtei hi tah hian riak leh se ka ti e." Emma chuan a ti chul.



"Thlah kher kan ngailom taxi kan la mai dawn lawm. " bawihtei chu kal mai ipeih in ka kai der tawh.
"A mak tut tut e."


"Ka Boss in hna min tuk hnem em a lawm, haw hnu ah khawih leh char char ka ngai." ka ti a. Dawt pawh ani chiah lo. Hotel chhung hi christmas leh new year them a chei țhat hna ka kut ah a awm a. Nov thla tir khan chei vek tawh mahila a khat tawk in tih dang lam ngai neuh neuh a awm ve reng a. Hades-a pawn meeting na lam ah christmass thlen tak tak hma re touch leh kha a duh thu a sawi tawh.


Tualzawl thleng ka nu leh pa in minzui chhuak a. Emma chu inleng țhenkhat in an be ve chak sia. Inchhung lamah a awm rih

"Bawihte, api leh apu te kha mangțha rawh le." ka ti a. Bawihtei chuan thuawi zet in a good night a.

"Aw, Carlos in chhuak dawn mi?" Ka nu ti hliai ri vang chuan ka țang țeuh. "Thelma." a la rawn ti leh ta deuh deuh. Bawihtei nen chuan ka ding leh rih a.



"In chhuah dawn chuan Bawihtei te nufa hi drop nghal rawh u." Ka nu'n a tih rual chuan țullo ka ti tak zet!

"Nu, taxi kan la mai ang ka tih tawh kha.. kan țha tak tak." Ti a hawi let in ka nui lui ngial a. Veranda ah chuan Zohmingliana leh nula kha insi deuh thaw in an ding dun. Hmeichhia zawk chuan ka nu leh pa te awm vang in a ban bulah a kuah lo mai mai chiah in ka hre bawk. Zohmingliana chuan engmah sawi loin min en ngur a.


Keipawn engmah sawi tawh biklo in ka inher san leh hmiah.


Taxi chu a full deuh zel a. Bawihtei pawn phar a phur in ban a vei ve lau lau a. Kei erawh zohmingliana leh nula te khan ka rilru an mawlh rûn. Awlsam tak a neih leh nghal mai ka hlauh tlat chhan kha hetiang thil thleng tur ka hriat lawk vang anih te ka ring rum rum


Lo innei leh ta pawh niila a lakah ka ngaihngam hnu reilote ah min tina tur zawng in hmeichhe dang nen hmehbel theih in an awm leh nghal tho ang! Tunah pawh sum chhuah tur a min hrilh tut tut in kar2 țha em pawh a ral hma in nula zui a nei nghal der ani a! Ka hlauthawng tlat khan chhan a nei țha hle tih a fiah chiang khawp in ka hria!


"Rawn lut ru." Motor chhung ațang mipa aw thum dut a rawn chhuah rual chuan Bawihtei ban rek chu nghet deuh in ka hum a. Muangchang a inher rem in bolero chhung a mipahnih țhu te chu ka țhenkhum sak bawk!

Bolero chhung light an tih en avang in an hmel chu pawn lam ațang pawh a hmuh chian theih viau. Nula zawk chu a sam a dum hlap, a hmai tlang a hlaiin mit meng please an tih ang chi khan a mitmeng a zim set a. Min nuih tak ang var var laiiin Zohmingliana thung chuan vawt ruih in min en ngur thung.


"Taxi kan la thei ka tih tawh kha." ka ti a. Bawihtei pawn pan a tum bik miah lo.


Carlos-a chuan hmeichhe bulah chuan eng emaw sawi sup in a seat belt a phelh rawk rawk a. A rawn chhuah vut rual chuan taxi a rawn tlan ve leh chiah a. Ka phar a.



"Rawn lut ru, pawn khawvawt ah taxi chang a din reng ngailo in ka drop ang che u." a rawn ti chhum vut. Thinrimna vang a ka thinchhung sa hut hut chu thup hram hram in amah en tur chuan ka inher let leh a.



"Min drop tluk in kan lawm e." Ka ti hlak! Taxi rawn tlan leh chiah chu ka phar a. A ding ta hlauh. Rang tak in Bawihtei chu ka kai a. Taxi chhung kan țhut luh hnu ah pawh Zohmingliana chu a dinna ngaiah a ding ngawi ngul a. Awm ve miah lo ang in min ngai leh hle hle se ka lawm zawk fe!


Post October 21st, 2019, 1:44 am

Chapter 76 (C)



Gate hma ațang taxi a tlan chhuah rual chuan Zohmingliana hmuh laia pangngai tak a ka lan tumna vang a zawite te a ka thawk lak chu thlak in duhthawh lutuk in ka thaw chhuak ta hawk! Bawihtei chuan fiah zet a min en nghal kiau avang in ka han nuih lui leh ngial a!








"Bawihte, vawt i ti em?" ka ti sawk sawk, a kutphah tetakte chu hum sak in zangkhai hmel zet chuan ka nuih lui var var bawk.





"Ka pi, khawi veng ah nge ka tlan dawn?" taxi driver chuan rawn thle ha pah chuan a ti a. Keia pawh chu!




Inthiam lo deuh in kan veng awmna ka hrilh a! Kawngdung ah chuan zan a kawn chei en a țhalai leng chhuak hmuh tur an tam in boruak chu a ni hut hut ani ber.






"I mut a chhuak tawh em?" bawihtei ngawi ve dak mai chu ka mal chungah pawm kai nalh in ka be leh ngial a. Min chhang țha duh der lo leh nghal.



"I duh chuan muhil la.."

"Mamma?" eng emaw ngaihtuah bing hmel zet in min en chho ha a. A sam chu hui kian sakin mit ko ka kan khum ak bawk.




"Daddy nen khan in fight a mi?"


"Nope.."




"But.." a ti hap a. Mahse, engmah sawi zawm lo in ka awm ah bei kak in thawk a la ve hak reuh. A mut chhuak deuh tawh mood chhia țawng chak lo ani ka rin tak deuh avangin keipawh chuan engmah ka zawt tawh chuang lo.







Dimte te in a bek ah chuan ka beng thek thek a. Inchhung a Carlos-a leh nula rawn inzui lut lai kha ka ngaihtuah let rual chuan chawp chilh lutuk in ka awm chhung chu a rawn tawt nghal up up a. Bawihtei veng thawng zet in thawk ka chelh zui nghal tlat bawk!







An lan dan zawng zawng kha ka mitthla let a, a nula rawn hruai lah kha a chhelo in mipa te'n sexy an tih zawng tak mai mitmeng a neih mai bak ah a la upa bik lutuk lo! Zohmingliana lah tlangval ang mai a inthuam zuah in chhungkaw thil tih pawimawh ah bialnu hruai ve ang maiin a khawsa a, nula nen an rawn luh rual a choka ah a luh hranpui hmak te! Kei leh ka fanu inpawm ep chiah ah țhu dun a, nula leh tlangval inngaizawng țan tir ang mai a an han inbe ru sar sar leh man inhlanna hun kulmuk deuh hlek a zawh rual a room ah an inzui chho daih mai te kha... ka ngaihtuah let zawngte chuan ka thin chhung hi na hit ngut ngut siin a so bulh bulh! Bawihtei nen kan inpawm a, nutling zet a ka awm laiin tlangval ang chiah a khawsa in ka mit hmuh ah ngei nula a kai kual vel a! Ugghhg
Tlangval in a roomah abialnu a hruai lut a, inchhung a fan kual pui hi ka chan ber!








Zanin te khan khawi ah nge an inphurh chhuah ang! Zanlai pelh rawk thleng a fanu a riah pui dawn zan pawn khanu nen khan room ah an inkhung hrang tawh a! Bawihtei pawh Emma bulah a riak tawp tawh! A fanu awm lai reng a fanu aia a ngaihsak zawk hmeichhia nen khan engtiang chiah a thuk inzawmna nge an neih tawh ang!







Maimitchhing sawk pah chuan thawk ka la hak a! Bawihtei chu ka lo kuah nghet mah mah deuh a niang, a nghik deuh faih bawk.! Meng chhuak in ka kuahna chu ka thlah thawl thuai a, tui zet in a lo muhil siai siai tawh tih ka hmuh rual chuan a hmel chu uluk zet a en in tawite hian ka nui lui seih mai!







Apa leh nula dang inngaizawng hlim ang mai a an inngaihsak kual ka hmuh rual khan langlo lam ațang a Mamma hi a thi riai riai a, natna rit luk leh sawifiah thiam theih loh in min delh rit tlat bawk tih a hrethiam ve reuh a ngem le!






Kan kawmthlang ah taxi a din rual chuan chuan-man ka pe a, Bawihtei chu a mutui reuh sia, ka ti harh duh ta lo law law! Ka darah bei tirin ka pawm țai a, a sang ve ziar tawh reuh sia. Step chho a pawm chhoh chu ka huphurh ru tak zet!






"Rit ve tawh nilh nelh nu." a mawng ah ka beng tawih a, taxi driver chuan puih kan ngai em tih min zawt a. Lawmthu hrilh in puih kan ngaih loh thu in ka chhang let thuai bawk. A tlan zui mai a. Ka ban vei lam zawi deuh thut țhin avang hian Bawihtei hi ka pawm lutuk ngailo. Zanin erawh loh theih lohna ani miau a.






Step chu thui pawh ka zawh hman lo tih ah thlang kawngpui ah chuan motor engine a rawn ding thi dûk anih! Ka duh loh dan berin ka lungphu chu a su nghal dulh dulh!






"Senpui, tikhan lo awm rawh." Zohmingliana aw zawi sup leh motor kawngkhar inkhar phui thawm ka hriat rual deuh thaw chuan țang țeuh in ka taksa chu a sa pup pup ani ber!







Step thuilote ka lo zawh tawh chu second kar lek in a rawn zawh chho der!


IMG-20190930-WA0054(1).jpg
IMG-20190930-WA0054(1).jpg (78.54 KiB) Viewed 21649 times

Ka hma ah rawn ding khup in ngawi ngul in Bawihtei chu a rawn ban hmiah! Tha kan inngahhleih bakah ka ban vei lem in ka pawm nghet thei lo hrim hrim, zo zet in a awm ah a kuah bet nghal hlu hlu a.





"Pawn chu a vawt, hmanhmawh deuh la." ti sup pah chuan kan in pan na step chho ah chuan a pen chho nghal pawk pawk!








Mipui tamna ah kan awm lai a a fanu ngaihsakna chhete pawh neilova nula min kaih kual khum reng hnu ah hmutu an awm loh vel a ngaihsak tak tak ang a rawn che a. Min umzui ang hrim a kan hnung lawk ah a rawn lang nghal hlawl chu ka hua a! Ka natpui ngut ngut bawk!








Motor inhung lam chu melh pawh ka zuk melh duh tawh lo! Nula leh tlangval zan leng chhuak an tam tluk zet in zanin pawn khawi ah emaw len chhuah an tum ve a niang! A nula thar mitmeng sexy zet in min lo nuih leh var var tur chu mitthla thei in ka ner ru nawng a. Kawngkhar hma ah Bawihtei kuah hlu hlu chung in a lo ding run tawh.







In ka chhuah san dawn khan khua a en ut avang in light on sa ka nei miah lo bawk nen pawn light pawh a lo la thim țhiap a. Kan building piah chiah building ațang eng tlem rawn chhuak lah Zohmingliana taksa lian leh hrawl zet in a hliah hlim duk avang in phone ka phawrh a. Flash light ka tih en rual chuan ding ngawi ngul chungin min en leh vung vung tawh tih ka hre chiah.







Kawngkhar lock na ka hawn lai te chuan a fanu nen a an thawk la ri chu ka hrechiang in Zohmingliana thawk lak dan a nat em em laiin Bawihtei erawh a thaw ve sek sek a. Zohmingliana leh keimah ațang ringawt pawh hian nupa ințhen hnu ah mipa leh hmeichhia te dinhmun inthlauh zia chu a lang chiang tawk chuan ka hria!






Ani chu tlangval ang chiah a khawsa in a inthuam dan te a thlak thar a. Nula zui nei nghal in a duhtawk in khawsa kual mahse tumah in sawisel en ah an en miah lovang! Hmeichhia erawh chu fa kan lo neih tawh phei chuan kan fate tel loin han kal chhuak ve chiah ila en hrek hrek hi kan hlawh titih nghal der a nia.






Inchhung tukverh inkhar phui vek na na na chu pawn boruak aiin a lum nuam a, room chhuang ah Bawihtei pawm chungin min zui lut a. Pluto pawn a te a te in mei vei lauh lauh in kan lut chu min lo vir ve that that a. Electric blancket chu ka fit sawk sawk a. A lumkim hun nghak ang hrim in Zohmingliana pawn Bawihtei chu mut mai lovin a kuah hlu hlu a.








A awm ve chu hrelo ang hmakin ka che lui ta zel bawk. Ka bag chu a dahna bik ah a hrui siam țha in ka dah lut a. Ka flat bun pawh phelh nghal in chappal rawlh-thawt ka inthawlh zui nghal zat. Ka puan bih leh coat hak erawh ka hlip lem lo. Bawihtei chu dimdawi takin khum ah a mut tir a. Kum lum nuam zet a deh rual chuan a tal ve țalh țalh a. Zohmingliana chuan rangfe in blanket in a khuh a. A chhuak leh mai dawn maw ka tih laiin khum tlang ah chuan țhu in a fanu chu uluk zet in a la thlir ang deuh deuh a.





"Khawlai chei vel fangin in kal chhuak tawh em?" ati sup. A kutphah hrawl leh lum hmel zet chuan Bawihtei sam a chul a.



"Umm."



"Nuam a ti em?" ti sup in ka dinna lam chu a rawn hawi a. "Dubai lam ah hetiang a street chei chu hmuh fo tawh mahse helam nen chuan a dang deuh in ka ring ngawt a." a aw a thum in a țawng ring hran lo.





"Danglam e.. Bawihtei pawn nuam ati lutuk." ka ti țha ve mai. A bu nghut a. Mahse, eng emaw hriat chhuah thut nei ang mai hian bawihtei sam a chul mekna ban reka sana lawk zet chu a bih vut a. A ban a sanna chu ka pek kha ani tawh lo tih ka hre rang kher mai!






"Mu ve tawh rawh, a tlai mai dawn." ti sup in a kun hniam a, kei erawh ka lo ner ru nawng! A motor chhung ah nula in a nghak reng tih sawi chhuah tawl chu a hreh ve deuh a niang, min ngaihtuah ang hrim in a țawng ve tak sup ni!





Bawihtei chal ah chuan a hmui a nawr vang vang a. Tho chhuak mai lo chuan thawk la zui suai suai bawk.






"Zan ah khawlai fang a kal chhuah a duh chuan min hrilh dawn nia." a ti nghut, over coat chiah nilo coat fual a dum țhui pa zet mai a ha a! Mahse, bawihtei'n kal chhuah duh pawh nise amah kher hi chu ka hrilh lo ang.





"Ka sawi chu i hria em?" kawngkharpui ah a chhuah hma chuan rawn inher let vutin a ti chhum vut.





"Kan tibuai mai mai palh ang che." ka ti hlak a. Mitko tihnim khûi in dur deuh khup in min en nghal ngur bawk.





"E, ka sawi hmaih! Bawihtei i riahpui țhin leh i la phei țhin hi sawisel ka tum lo. Apa i ni a, in pahnih a in inkar hi a chhiat lah ka duh chuang lo. Mahse, I fanu hi kum 5 pawh la tling lo ani, a hmuh a tan a thil mawi lo chu a awm laiin engmah thlen tir suh ang che." ka ti duah a. Ka sawi zawh rual chuan 'a mithmuh ah mawi lo tak a chetna ka neilo' tih vel a min hnial let a. Min vin khur khur ka rin tehreng nen mitmeng chimawm lutuk a min melh chung chuan a khi suk a nih chu!






"Ka sawi chu i hria em? Naupang hmuh leh hriat a mawilo in ka fanu mithmuh laiin engthil mah thlen tir suh ang che." Ka sat deuh phat avang chuan ka hmel landan pawh a uang lo hle ang! Chimawm zet a min chhuk en ngur tu hmel a nuihzatna rawn lang chhuak ka hmuh rual chuan rum theih tawp a melh let er in ka ner nawng a!







"Ka fanu hmuh lai a thil tih awm leh awm loh chu ka hrethiam ve in ka hria." zawi sup a tiin rum zet a ka chho melh er hmai bul chet ah chuan a rawn kun hniam nghal vut! "Tu nen emaw kan in kiss lai lo hmufuh palh ta se... chuthil chu a hmuh thiang loh tur list zing ah i tel em?" min din hnaih hrut pah chuan a ti zawi sup! Vavdak ar reng chuan ka tawlh hnung hrat a!



"I fanu hmuh a tan i duh leh duh loh ani mai! Apa i ni a..." ka sawi zawh hma a a lo rum nghut a vang chuan ip deuh chawi in ka eu deuh dat a! Kan hmai chu a insik lohna a tlem in a taksa alian in ahrawl bawk si! Chung lam ațang min chhuk en ngur chung a rawn kun hniam ani bawk nen a taksa chuan min hual phui mup ani ber! Țullo tawp in a pangtilum vung vung chu a awm zawn ațang ka feel thei bawk!




"Chhuak tawh rawh." ti a thaw chhuak hap in ka tawlh hnung leh a. A rawn pen hma tawh em lo nangin khi suk chungin a thle sawk buk a.


"Muttui le.." Ka mitah tak min en ngur chung chuan a rawn ti a. "Thelma." ti leh sup kher in a ding mar nghal vut. Inchhung ațang a pen chhuah hma chuan a jacket dum pa zet ipte ah kut a zen lut hlun a, kawngkapui ațang a chhuah hma chiah chu a faifuk chhuak kher a! Thinrim em em in kawngkharpui chu ka pawt khar nghal bur dawn nangin Bawihtei a mu tawh tih ka hriat chhuah nghal uar vang in na deuh siin ka pawt let nghek a, a phui dawn tak tak ah erawh dimte in ka pawt phui a. Ka lock rual chuan Zohmingliana khawsak dan chimawm ru lutuk vang khan ka lungdam zo hlawl lo! Pawn light ka off nghal hmiah! Kawmchhak lawk ah chuan za zet a a nui chhuak hawk thawm ka hre hram!








Veh vuh mai! Faifuk hung a achhuah kher aiah thim tham ah step pan ruk ruk rawh se!



Room ah lut in ka inthlak mial mial a. Kawmthlang ațang motor engine rik hun chu ka ngaichang ru kar a! Mahse, Zohmingliana thlenthlak hun awm ah pawb engine thawm a la awm eih lo!



Washroom ah ka lut a. Ventilation ațang chuan kawmthlang lam chu ka zuk bih dek dek a. Street light kawl eng deuh phut chuan step chhuah thlak hlawl zawn a bolero dum ding run chu a chhun eng sut. Glass a in up vek avang in a chhung amite chu ka zuk hmu thei lo!







Engvang a la tlan chhuak lo nge maw an nih leh ti riru rauh rauh pah chuan hmai phih tumin tap ka on a. Mahse, ka rilru a thil rawn lut fûa vang chuan ka thin hnun chu sa pup in a na mur chuah chuah! Tap chu nghet deuh a hum in thawk ka la ham ham a..







Bawihtei'n zanlai pelh ah pawh room ah an pahnih chiah in an awm tlat a tih zan daih tawh ah khan thil thleng a awm tawh ang! Bolero chhung thim vek, pawn lam ațang a chhung a mite thil tih hmuh theih loh nan a darthlalang ah pawh lang tlang thei lo a bel nawn tir vek na chhuang ah khuan eng nge an tih ang tih ka lo zeldin chiam a țul lo! Mahse, hman zan ah Bawihtei riak phei ngaihsak lo lek a nula room ah a awmpui tlat thei erawh mak ka ti! Nula room ah zan rei tak thleng a awmpui duh anih chuan Bawihtei hruai phei pawh a țul tawh kher in ka ring lo! Bawihtei lahin a ngai ve in a bul a mut a thlahlel em em a. Chutihlai kar a nula room ah a awmpui vang a ani bulah apa bul amut chak rilru zet a a mu ringawt tur te chu a lainatawm ka ti!







Hmai ka phih zo washroom ațang ka chhuah hnu chuan night cream inhnawih in dressing table hma ah ka țhu deuh vang vang a. Tihian Carlos-a nen kan inkar tawp ta chu rilru hahdam tak a pawm dan ka zir mai a țul tawh zawk in ka hria! Amah ah rinna pumhlum ka nghat ngam tawh rih lo ani tih chu hman zan a a thusawi dan ațang khan a hriat thuak theih! Chuti chung a alakah rinna ka nghah theihna tur a awm zui aia ințhen a rawt khan theih tawp chhuah a neih let leh tlak ah min hmu tawh lo niah ka ngai ber! Tihian engkim tawp vek se! Nupa dang ințhen angin kan chhungte ve ve an inhmuh sakhi phah lo a. Boruak a muanawm in inhau buan buan a kan inkar tawp a nilo bawk a... aaaaa, la hmangaih viau mahila ka thinlung ngaihțha a min siam tum lo tu nen hian kan hlim rei tak tak ngai dawn chuang lo! Chuvang chuan amah pawn engkim thleng lo ang ah ngai a hmalam a pan thei anih chuan ka pan ve thei em em ang!










Zingkar ah chuan ka khel leh ngum na deuh ngut ngut chuan min ti harh hlawl! Chiang tak a ka harh hnu chuan thlan in min lo bual huh tih ka hre chawp chilh nghal der. Bawihtei kuah a ka saisir chu mu zangthla in vuak hrep ang mai a ka taksa khawi lai pawh lo sil em em chu a chhan tur awm ngaihtuah in ka muzang thla a! Delh țhat ngam loh khawp in ka kawng pawh a lo na ngut ngut!



"A mak reuh mange! Bawihtei ka pawm vang tingawt dawn ila ka pawm rei der silo." ti rilru rauh rauh in ka dar tihrawl lo kham em em mai chu ka hmet nawk nawk a.



"Bawihte, school kal i ngai.. last date a nih țep tawh kha." Ka inphih fai hnuah pawh kan mut duh ngit nget nu chu a la harh ve der lo.


A puan sin ka hlih sak rual chuan meng hlei lovin a țap nghal ringawt a!

"Mamma chu.. a vawt si!" țap țîau chung in mit pawh la meng hlek lo chuan a rawn ti țúi bawk.


"Dar 7 a pel daih tawh, tho rawh, hotel ah ka kal tlai chuan patea'n min lo hau dawn sin.. nangpawh school i tlai dawn." Puan lum a pawh chhoh leh țai țai hlih sak leh pah chuan ka ti lang lang.


"Mamma... don't disturb me." ti țeu hlar in puan chuan a inkhuh nghal vek anih chu! Mak ka ti bawk si leh a vin ve lutuk ka hamhaih bawk si chu towel hum chung in khum bulah chuan ka ding kâ hau ringawt!



"Tunah khan Mamma min scold (vin) maw?"

"I said don't disturb me." Puan a inkhuh chungin a rawn ti nawn leh ngat anih chu!


"Doris leh! Mamma i vin ngam tawh a maw?" ka tih ngaihna hre bawk silo chu ka thaw chhuak vak a. Ani lah chu tui zet in a muhil leh der tawh bawk!


"Tunlai a mizia hi a mak riau. Doctor bul ah ka la hruai a nga ti nia. Țah belh si, thinchhe tel leh bawk si chu rapawm reuh lutuk." keimah in ka phun hlak hlak a. Coffee ka chhuan laiin kawngka an rawn kik dat dat a! Ka ding khawng nghal awt bawk!




Zohmingliana bawk ka ngaihtuahna ah a rawn lut hmasa ber chu țullo tiru zet in ka insehruh nghek a.


"Thelma, in tho tawh em?" Emma'n a rawn ti a. Ka thaw deuh huai nangin Zohmingliana nen an rawn kal ka hlau tak zet.






"Kan tho deuh chiah.." kawngkapui ka hawn rual chuan ka ti a. Jayden-a nen zing tlan zo hlim tih hriat zet a Emma lo ding dun ka hmuh rual chuan ka thaw huai bawk.






"Kan rawn kaitho tum deuh che u sin." Nui var var in Emma chuan a ti a. An rawn inzui luh hnu chuan Jaydena thlan nasa lutuk chuan tui a lam nghal nghut bawk.


"Lo țhu ru, coffee kan in dawn nia." ka ti a. Jaydena chuan ka glass pek chu ban in a tlak nghal pawp.
"I duh belh em?"
"Nope.. coffee chu ka nghak ang " a ti a. A nui pah hawk bawk.






"Ni mai zel e. Em nang tui i induh em?" Ka ti a. Dan khatna in nihnih hnu ah an innei dawn. Kum 4 hma lam daih tawh khan inneih an tum rilru tawh a. Jayden-a pawn Carlos-a bulah te hial a sawi lawk diam tawh. Mahse, khatiang boruak a thlen hnu khan Emma zawkin hnar ta rih in tun hun hi an thleng ani a. Jayden-a dawhtheih zia leh Emma a nghah rei zia ngaihtuah chuan an awhawm ka ti! Hetiang ang a rei hi tu mipa mahin hmeichhia an nghah theih ka ring lo! Mipa țhenkhat chuan inneih an sawi chhuah chang a hmeichhia zawkin a lo hnial hian a rukin veng dang a an bialnu thuhruk ruk hmiah an ching fo a! Jayden-a erawh chuan kum4 dang a nghak leh ngat a nia! An pahnih inkar ah hmangaihna a nasat tluk zet in dawhtheihna leh rilrufim tak a thil ngaihtuah a, ruahmanna in hmun a luah tam a. Nupa a an insiam hunah pawh nupa inkawp rem tak leh hlawhtling tak an nih ngei ka ring nghet tlat.


"Khawnge Bawihtei hi.." Emma chuan a ti lang lang a. Coffee no ah coffee thli lut pah chuan a vahnu in tukin chu min vin ve hlak tih ka hrilh a. A nui ta nghek bawk.


"Va kaitho rawh, tunlai te hi a khirh țîțêi lutuk a, thawh te hi a hrelo a nia." ka ti a. Nui hak hak pahin room lam chu a pan a.





"Rulhluthlo hi ei se a pawi i ring em?" Jaydena hma ah coffee no dah pah chuan ka ti a.





"Pawi teh nang, puitling te pawh hian a lo ber ah rulhluthlo hi thlathum dan ah ei ila kan hrisel phah sawt thei a sin."





"A chiauhiar reuh si. Min hauh ve pang pang te hi a ching thar a. Mut a duh ngit nget reuh bawk nen ei tir leh tawh ila a hathvang leh deuh ang te ka tia."







"Umm, pe rawh, naupang țhang lai tan pawn a khat tawk a ei hi a sual miah lo. Eng eng emaw hi an ei sia. Thum lam ațang al lam thleng in an ei a. Rulhluhlo pek nachang hriat leh siloh chuan an chaw ei te hi a tuilo thuai a nia." a ti ta duah. Emma pawn Bawihtei chu kaihthawh tum in a rik khum lang lang a. Reilote hnu ah Bawihtei tum puk chu a rawn pawm chhuak thei ta hram. Pakhat lah chuan a uite a pawm tel țai reuh bawk nen! Hmeichhe naupang duat sual tum bar bar hi a ang tak zet!








"School kal hun a zo țep tawh sia. Ngopa chho vat vat i duh lo mi?" Emma chuan țawng tir tum in a be kual ngial a. Bawihtei lah a ngawi ngal a. Hmui ti pawrh tar in a uite chu a chul a chul ringawt.






"Doris, afternoon ah uncle clinic ah hian i damdawi tur kan la dawn nia aw." ka ti a. Min en kiau chungin zawhna neih hmel zet in chal a ti chuar ve nang leh nghal.





"Damdawi ei la i țah belh tawh lo deuh ang."





"Ka țah belh lo!" ring tawk in a ti ve nghat. Emma leh Jayden-a te chuan an nuih hawk hawk a. "Ani, Mamma chuan maw i țah belh min ti zel a.. Mamma chu a bad girl e.." a ti ve nui nui reng a.






Ani te haw hnu ah chuan eitur ka siam sak a. A phun ve nai nai reng a. Mahse, ka siam sak zawng erawh ka ei zawh luih tir ta hram. School uniform ka hak tir laiin Hades-a a rawn thleng a. Hrilh nawn pawh ngai tawh lo in pluto chaw tur plate ah a bun chhuah sak a. Chhun kan awm loh hun a a lo ei tur pawh plate hran ah bun chhuah sak in tui a chhawp sak thlap.





"Doris.. Pluto kha lo va chul tawh suh. Hades hand sanitizer khan a kut kha lo sil sak leh teh aw." ka ti zung zung. Ka sam hmawr chu herh kawi nawk nawk in ka thlah hniang a. Kawrfual senduk ka kaihza thleng a fual ka inthawlh chu a chhung lam a lum thep vang in coat ka hak thuah tawh lem lo. Ka taksa thlawp thlap mar anih vang in chetpui pawh a nuam in a zangkhai a. Pheikhawk ke artui chhah nude rawng ka inthawlh leh a. Make up hi nasa tak in ka hmang ngailo. Hmel lang chul búi lo tur tawk lek in ka inhnawih thuak thuak a. Bawihtei te pawh kut an lo insil zawh sak tawh a niang. Hades-a nghawng ah kuah țai in room kawngka ah an ding leh run tawh.






"Zing ah a tho duh lo reuh lutuk a..." ti mawlh mawlh in step lam pan a Bawihtei pawm a Hades-a kal nul nul chu ka um dar dar a.
"Naupang mut duh hun lai anih dawn chu." Pakhat lah chuan a ti mai. Ka thaw hak a.

"Tukin pawn min vin."





"Doris Mamma i vin em?" ti sup in step a rah hma chuan ading dawt. Ka fanu mit ah tak chuan en ngur in thudik a duh tih hriat zet in nui hmel a pu hauh lo bawk.






"Ka weak up duh loh laiin min lo tibuai zel a lawm." a ti a. Hades-a chu a lakah a thinrim ang tih a hlauve ani mahna tlawn zet in a biang ah vawn sak in a chuk nghal zeuh a.





"Say sorry to mama." a ti zui nghut. Bawihtei pawh chuan min en pah in Mamma sorry a rawn ti thuai a. Nui var var a lu ka buk hnu chuan Hades-a pawn mood pangngai in a chhawm chhaih leh ta chiah.




"Pa.. ka good girl em?"

"Tunah hrih chuan i good girl. Mahse, Mamma hi vin loh tur. Hrethiam em?" a ti nghut.





"Ok." a ti a. Step ah kan inzui thla dat dat chu step tawp a bolero rawn ding dawt ka hmuh rual chuan ka tawp chawih a. Glass chu chhung lam ațang a in down nghal a.





"Daddy?" Bawihtei a au tûng rual in Zohmingliana chu a rawn nui nghal suk bawk. Hades-a chuan a pen thlak pui pawk pawk a. Kei pawn an hnung ah muangchang in ka zui thla bawk.






Police uniform inbel thlup a mipa rawn chhuak vut chu second thum pawh tling lo ka en zawk chhung in a lan dan zawng zawng ka hre bel nghal vek! A lukhum khum chu la thla in motor hma lam ah a dah lut vut a. Police uniform kawrlum a hak vang in a vun chu lang thim rûp in a tawhkhirh hmel hluah hluah.






Nidang ah a rawn lang ngai der silo. Tirilru in Hades-a hnung ah chuan ka ding a. Bawihtei lah chuan a ban nghal thuai reuh a.





"My love." a ti sup.
"Daddy, ka last day of school ani țep tawh."

"Really?"
"Umm.. Mamma, how many days is left for my holiday?"



"3 days." Ka ti sep. Bawihtei chuan apa hmai bul set ah en ha in nithum a la neih thu a sawi a. Zohminga lah chu bu nghut in holyday ah chuan eng nge a tih duh a zawt nghal zat. Eilo zet in ka lo meng kual ralh a.





"Ka kal a nge." Hades-a'n a tih sup rual chuan chho en kawk in "khawi ah?" ka ti deuh tuar. A nui suk a.





"Meeting ka nei a lawm. Hei, Doris-i pa in a thlah hman dawn tho che u sia." ti nghut in Zohminga leh Bawihtei inpawm te chu lu a buk khum nghut a. Kei erawh ka hawi buai tulh tulh. A rawn thlen tirh khan meeting a nei dawn tih pawh a sawi lo! Chuan! Zohmingliana rual a Bawihtei school a drop hi ka duh reng reng lo!






"Meeting i neih chuan hmanhmawh ila. Doris lo kal rawh." tih leh Bawihtei ban ka rual lai chuan Hades-a chuan lu thing nghut in min lo ti tawp a. Zohminglian a ngawi ngul chuan eng ngaihtuahna nge a put pawh ka hre nek lo.






"Ka kal san ang che u." tih leh Bawihtei lu ah a tuai sak zauh va. Biak leh na hman awm tawh lo in a car inhung lam pan chuan a kal nul nul a. Car chahbi a kekawripte ațang phawrh chhuak in lock a hawng zui zat.





"An țan ahun dawn.. lut rawh." Zohmingliana chuan a rawn ti sup. Rum deuh a melh nghek in Hades-a inkhalh chhuak chu ka en zui vang vang a.


"Mamma?" Bawihtei zawkin a rawn ti tûng.

"Aaa.. ok?.. taxi kan la mai dawn mi?"





Zohmingliana veh vuah chuan min rum khum nghut in Bawihtei chu a inherpui vut a. Bawihtei lah chuan apa chu 'amah in school ah a drop dawn mi?' tih a zawt a. Zohmingliana a drop dawn bakah a pickup leh tur thu a sawi rual chuan khek raiin kei chu motor ah lut turin min au nghal chul bawk! Hahthlak hian a!







Tlaiah pawh a sawi lawk ang tak tak in Bawihtei school bang lam turin hotel kawt ah min rawn nghak a! A motor khalh a ka chuang leh pawh chu duh loh takte hian ka duh lo! Ka zep peih lo, a uapna hnuai ah reilote chhung awm pawh hi hmeichhe chaklo zawk tan phei chuan a muanawm ruih mai bakah police thuam a inbel thlup bawk nen himbik ang a in ngaih hi a awlsam em em a. Hnehsawh zet a steering a control karlak a aw ki ring hauh silova min biak a. Ka chhan let ngaithla a a ngawih vung vung chang hian nun hlui bawk ngaihtuah in amah thlakhlehna zun zawkin min chim leh a! Ka duh lo tak zet!









Eirawngbawl hun awm Bawihtei leh pluto room a sofa chungah an infiam lai chuan washroom ah ka luh san a. Ka zung zo chu nizan lam ang bawk in ka khel leh ngum bawr hi a na chhah ngut ngut a. Ka che chhuak hleithei lawk lo.






"A mak e... taksa kham tur khawp in hna ka thawk der silo. " ti sap chung in washroom ațang chuan ka kal chhuak mai a. Mahse, keimah chu eng emaw hian min țham in ka chhung lam chu a dik hlei thei lova! Bawihtei leh pluto infiam au khek tung leh boh(bauh) țhat țhat ri te chuan ka thluak hi a ti zim mup mup ni ber in ka hria.





"Bawihte, bengchheng lo deuh ula." ka ti a. Sofa ațang pluto rawn țum thla tharh chu ka hmu phe deuh ruaih!





"Mamma.. i bleeding ani!" Bawihtei chuan hlauhhmel lutuk in a ti nghal tûng bawk! Ka ke chu pluto chuan a rawn vir that that a.




"Mamma.. i in cut a mi?" ka fanu thlaphang zet a sofa ațang rawn țum thla ve tharh pawh chu ka hmu phe ruaih mai.





"Mamma... i leg ah blood tam deuh a lo kal." tiin ka malpui ah chuan a rawn kuah a. Kei erawh in engmah ka feel hleithei lo! Ka khel leh ngum na lutuk chuan min ti ngawng chuah chuah ani ber!

"Mamma?"




"Ka bleeding maw?" ka nui lui a. Washroom kawngkhar biang vuan chung a chhuat ka bih rual chuan ka bing mup mup. Ka kê rek ațang a thisen luang thla chu ka kê bul marble chhuat var ah chuan a tling deuh pam tawh! Chu chu pluto chuan liak ngam chiah lo in a lo hnim that that reng a. Ka period ti dawn ila! Aw Lalpa! Kei hi!



Ka kut pahnih in kâ ka hup nghal chawt mai! Ka duh theilo..





"Daddy ka call ang aw.." bawihtei tlan sawn leh chevel pawh chu ka ngaihven thei tawh lo. Ka ngaihtuahna chu tihfim tum in maimitchhing pah chuan chil ka lem dawk a! Ka... thla hmasa kha ka period tawh reng reng lo!






Washroom ah bawk ka tlan lut leh rawk rawk a! Ka ngum leh khel na ut ut reng chuan ka thinhnun hi a vilh deuh tlat leh nghal!






"Hello Daddy." Bawihtei chuan a ti tham țïak reuh! Ka taksa a țang thisen chhuak chu inenkual in ka thaw vak vak ringawt.






"Where is My Daddy?" Bawihtei bawk chuan a ti a. A aw ri ațang chuan ka thisen chhuak khan a ti hlauthawng hle tak tak tih hriat zet in a khur ru ve hial mai.





"I daddy chu a busy a." Hmeichhe aw hian a rawn ti a. Bawihtei hian phone a hman apiang in a dah ring ziah.

"Au la."





Phone a hmeichhia chu a rawn nui ri hak a. Washroom ațang keimah pawh intifai chuang lo va chhuah hlawl in Dressing table bul a Bawihtei phone hmang lam chu ka pan a.
"I daddy chuan file pawimawh a khawih a.. a biak theih rih lo a."





"Doris is on the phone tila ka daddy chuan min lo taling ngei ngei ang." a ti ve țai reuh. Mahse, phone chu ka lak sak a. Kha nula bak kha phone lo chhangtu kha anih ka ring lo. Phone chu off hmak in min khawngaih hmel zet a mi en chho ha tu chu ka nuih lui a.





"Bawihte.. Mamma is fine. Ok, pluto nen lo infiam leh ru, Mamma kha washroom ah a intifai lawk a nga, kan pahnih in kan kal chhuak dawn nia aw." Ka ti a. Ka kê bawk chu melh in a hmel te chu a chiai ve vek reuh a.







"Pawn ah kal chhuak suh aw. Ka insil zo anga. Kan pahnih in kan chhuak dawn nia." Ka ti a. Phone pawh chu khum ah ka theh kai a. Wet tissue in chhuat a ka thisen kai chu ka hip nghal zung zung a. Pluto chuan a vir that that reng a. Spray ka spray hnu chuan Bawihtei chuan min zui kual dat dat reng a. Inthlakna tur ka lak chhuah lai te chuan 'blood kha tinge a lo chhuah a?' tiin min um kual dat dat reng a.





"Ka period aniang. I len hunah nangpawh i la period ve dawn a lawm." Nui lui chungin ka ti a. A hrethiam lo nasa mai bawk sia.





"Ok. Bawihte.. i good girl a ngai. Washroom ah five minute ka awm dawn a. Pawn ah kal chhuah loh tur.. a țha em?"





"Ka hello kitty bandaid khan a lo bleeding na lai kha i char duh em?" a ti a. Ka nui ta hak bawk.




"Mamma bleeding chang a hman tur bik bandaid ka nei a lawm. Le, khum ah sawn lawn la. Games lo va khel rawh aw." A chal ah ka fawp zeuh va. Ngaihngam zan lo hmel pu chung chuan min en zui dauh dauh tih pawh ka hria. Washroom chhung ka luh rual chuan kawngkhar khar dawp in ka kekawr chu ka hlip sawk sawk a! La hriat loh karin nau ka lo keng reng a nga. Ka chhiat ta em mawni dawn le! Hlauhthawnna namen loin min tuam ani ber! Ka taksa chu ka lungphu rang lutuk vangin a su dulh dulh! Ka hawina lam apiang mai chu a bing chuk chuk bawk!







"No.. ka chhiat lo ang.. ka chhiat lo ang " hmai tuai puat pah chuan thawk ka la hak hak a. "Ka chhiat lo ang." ti leh sep sep in ka sam chu ka țham tawk ringawt! "Bawihpuia.. Bawihpuia.. God! Thelma rilrufim pu hram teh." ka hmai ah ka inbeng thlawp! Ka mitthla ah Bawihpui hlir rawn lang nghal zut zut chuan ka chung a thil thleng mek chu min ti rap zual in.. Bawihpuia... Thelma! Hahdam rawh.. Bawihpuia chu a kal tawh, i suangtuahna kha i inthunun tir anih chuan i â thei mai ang!







Shower on a tuilum a ka inphuh tir lai chuan ka kap chhung ațang thil hlawm lum pup mai hi a rawn chhuak a! Washroom chuat ah a tlak thlak thlawrh rual chuan rang lutuk in chhuat chu ka bih a! Ka taksa hmun tin hi a țek chhawk chhawk! Thisen hlawm hi ka ke bulah chuan a lo awm reng anih chu!




Rang lutuk a shower chu titawp in ka ding khur zawih zawih a! Bawihpuia ang bawkin ka chan ringawt ang maw?





"Daddy.. Mamma kha a lo bleeding a.. blood pawh floor ah a lo stain țeuh tawh!" pawn lam a Bawihtei țawng chul ri pawh chu ka hre vuat vuat! Chhuat a thisen hlawm chu chechang hleithei lovin ka en tlawk tlawk ringawt!


Show post links
Top
CLICK KHA THEIHNGHILH LO ANG U AW!!
Abbra Reo Ririni
Post October 21st, 2019, 1:46 am

Eng emaw ri deuh țhuai thawm chuan min ti phu dawrh a! Ri khup khup in a zui a. Kei pawh chuan ka hmai chu tuai pawk in thawk ka la ri hraih a!



"My love. Khawnge Mamma chu?" Zohmingliana aw lian thum dut te chu ka hre tak ang ruai ruai a!





Second pawh a liam hma in kawngkhar chu a rawn innam hawng rawk a! Police uniform inbel a Zohmingliana rawn pen lut pawk pawk hmel dur khup chu a buai ru nuaih tih zawng ka hmu thiam! Rum chhuak nghut in bar a ka towel ban chu a ban vut a! Ka taksa a rawn khuh rual chuan saruak ngalngat in ka ding khawng reng tih ka hrethiam chiah!







"Awi.. ih.. englo.. nau.. nau a chhiat aniang." Washroom kawngkhar a hmeichhe rawn dak lut in a tih rual chuan ka hma a mipa ding run chu a rum ri nghut! Min chhuk en ngur ngur chung in ka dar tawn tawn ah a rawn vuan a.






"Damdawi in ah hruai nghal mai rawh." Chunu bawk in a rawn tih leh rual chuan thinur tak te in ka inthinur hlur tawh! Nui rum hak pahin thip zet chuan chu hmeichhia chu ka va melh a!








"Hetah eng nge i rawn tih ve a! Thlawk bo rawh!" ka ti nghal tuar! Rang lutuk a tawlh chhuak in a bula Bawihtei dingreng beng pahnih chu a hup sak a! Kei erawh ka sa zual sauh!






"Ka fanu kha i kut hmawr pawn khawih suh! Nang pawh hi thlawk bo rawh!" ti khek tuar in ka hma a Zohminglian a ding ngawi ngul chu a awm ah ka nam nghal chawrh! Zaklo dun lutuk!







"Ka thusawi chu i hria em? He in ah hian rawn tih tur pakhatmah in nei lo!" Ka theih ang a ring a au tawn tawn in Zohmingliana chu hmai zangthal haw in in chho en vah! A mitmeng thim khup ka hmuh rual te chuan ka kawchhung hi a so bulh bulh a! Hetah hian rawn tih tur engmah an neilo.







"Chhuak ru.. a neitu phalna lovin midang inchhung ah rawn lut ngawt tawh suh ang che u." ti vin leh tuar in ka dar a Zohmingliana hmerna chu ka phiah thla sawk a!







"Senpui, Bawihtei kha motor ah lo zuk awm pui rawh." Min chhuk en ngur chungin Zohmingliana chuan a ti chhuak sup a! Ka thazam hi a za țek chhawk thei! Ka fanu hi saw hmeichhia saw a hruai hran tir ang maw! Ha! Rapthlak leh lutuk!








"Ka fanu kha i kut hnawr pawn khawih tawh suh ka ti anilawm ni!" ti tuar in washroom chhung a țang chuan kal chhuah ka tum a, mahse Zohmingliana chuan ka ban rek ah rawn hmer chawt in min pawt let nghal hrawk bawk!







"Min thlah rawh!" tal nawk nawk pah chuan a taksa rem lai lai ah ka chum nghal zawt zawt! Lo indang pawh tum lovin ka ban rek pakhat chu a man tawp a. Senpui a tih nu in Bawihtei a kai hrang lai kawngkhar ațang ka va hmuh rual chuan thinrim lutuk vang in ka taksa chu a puak darh lo chauh tawh!




"Zohminglian.."

"Hahdam rawh.. i țha em?" a rawn ti a. Za lutuk in ka nui chhuak nghal hawk mai! Thinrim lutuk vang a nui hamsa ber ka ni teuh lo!


"I hmuh ang hian ka țha khawp mai!" dingdihlip meuh va hmai zangthalhaw a en chho pah chuan ka au khum leh tuar! A rum nghut te chu chhut thluk tawp a nia ka duh rum rum ni!



"Inha la, damdawiin ah kan kal dawn nia." Zawi sup a tiin towel pakhat chu ka ban rek hum run chung in a ban leh a. Tun a tak ah min rawn ngaihsak pawh ka ngai chhe te lo!


"Keimah in ka inenkawl thei. Chuan, ka in ah hian i duh hun hun a lut chhuak turin tumah i nilo." ti ram hmarh in ka kut chu ka phih dawrh a! A thlah duh bawk silo chu thinrim thawk zing lutuk vang in ka au khek khum ta chiam chiam a! A awm ah min kuah beh a tum lai leh lek phei chuan mumallo lo lutuk a au nghek nghek chungin ka sual let nawk nawk!



"Bawihi! Stop it! Ok.. just stop it!" ti chhuak hrawk in hneh lutuk in min kuah khawm nghal vek a! Amah ka haw lutuk bawk si chu ka sa hut hut!


"Damdawi in ah kan kal ang... duh lo pawh nila ka hruai lui dawn tho che." Ka tal nawk nawk reng a vang in a aw ri pawh a khur ru hluk! Ka tal chhuak zo bawk silo ka tih ngaihna hrelo chuan a awm chu a uniform chhan ah ka seh sak vak a! A thaw ri hrawk nangin min kuahna chu chhet pawh tha a thlah dul hlek lo!




"Inbeng dai hmasa rawh!"


"Ha... inbeng dai! Ka hmuh phak loh ah i awm hma chu engtin nge ka inbeng daih theih a nga!" Ka theih tawp a ring a au chhuak leh tuar in ka tal nghek a! Zohmingliana pawh chuan phun hluk chung in ka dar ah a man ta hrawk! Min nawr hlat deuh rual chuan rum eltiang in ka melh ngawt ngawt a. Ka chung a thuneih tu ang a rawn awm te. Ka tih leh tih loh tur min hrilh tur te hian ka tan tumah ani tawh lo!




"I buai lohna tur ah vawi khat pawh lo inrawlh ve tawh suh." kha zet a ti chhuak hrak in ngeiawm lutuk in ka nuih khum sak bawk!



"Nau i chhiat anih chuan..."


"Chuan eng nge... ka duh vang reng a ka chhiat ah ngai in hremna min pek i tum ang maw! God! Zohminglian zak deuh te! Nau hi ka lo chhiat palh anih pawn nang hian sawi theih pakhat mah i nei lo!" rum tak a melh chung chuan sehchilh ran in ka țawng khum tawn tawn. "Sawi theih pakhatmah i neilo.. ka fa ani tih te i tum ringawt em!"



Thaw chhuak hrawih in towel pakhat chu a ban vut a. Ka sam huh rawn hruk a tum rual chuawn na lutuk in a kut chu ka lo vai per nghal nawk nawk!


"Kal bo rawh!"


"A mak e aw Bawihi, i dam loh zual hma in intih hul i mammawh?"

"I bawihi pawh ka nilo!" Ka ti fiak țhak! Washroom chhung ah ka aw ri pawh chu a khawk fiak țhawt tho. "Ka sawi chu i hria em? I BAWIHI I KA NILO! NANG LEH KEI HIAN INZAWMNA PAKHAT MAH KAN NEI TAWH LO OFFICER CARLOS ZOHMINGLIAN!" sehchilh ngar a ti leh fak fak in a kut a towel chu ka phih thla sawk a.


"Ka dam leh dam pawh lo care ve tawh suh! Ka thinlung nat leh nat loh hmu thiam lo tu.. engtik lai pawh a min tina ngawih ngawih reng tu hian ka dam leh dam loh chu ngaihtuah ang in lem chang tawh suh! Chhuak rawh. Ka fanu kha in rawn dah let leh nghal lo anih chuan police ka call ang.. chhuak la ka fanu kha rawn dah let in ka mit hmuh ah vawi khat pawh rawn lang nawn leh tawh suh!" Sehchilh aw sai hlak hlak a țawng chhuak nawk nawk in keimah a huatna awm zawng zawng nen thip lutuk in ka melh ngawt ngawt a!





Ka thinlung in hlauh a neih te! Hmangaihna leh hlauhthawnna keimah ah an insual nasat lai ber pawh a min hmuh thiam sak a hneh a min kalsan duh tu hian ka dam leh damloh a lo ngaihtuah vena tur pakhatmah a awm lo!






"Ka sawi chu i hria em? Chhuak rawh!" Ngawi reng a min en ngawt ngawt tu chu vawi leh khat ah ka khek khum leh tuar a! Vanvadak a thaw chhuak hawk in kut a hum ruh nghal tlat bawk!



Washroom ațang chhuan chhuak hlawk hlawk in thinrimna nasa lutuk vang a ka taksa khur hlawk hlawk leh sa hut hut bawk si chu towel in ka hru nawk nawk a! Ka ngaihtuahna lah a fim mumal thei bawk silo! Chuta kar ah nula a hruai kual chhen nen kan inah rawn kal in ka fanu a la hruai chhuah tir daih zui!



"Ka fanu rawn dah let nan minute 10 chhung hun in nei." Room chhung ațang ka au leh tuar a! Washroom chhung a țang a rawn chhuak vut in tissue box a tissue chu țhahnem tawk tak a pawt chhuak hmawk hmawk a. Ka thusawi hrelo ang hmak a a tal kual vel chu power nei ngat ila chuan ut ruam khawp in ka melh kang alh hluah ang!




Ngawi ngul in washroom chhung ah bawk a lut a. A rawn chhuah leh chuan tissue in thil eng emaw a rawn hum a. Room ațang a kal chhuak chu thip zet a melh zui rawm rawm in vawi khat pawh ka hma a rawn inlan tawh lo tur in ka rilru chhuan ka vin char char!




Choka lam ah a ri ruk ruk a! A kal chhuak mai lo tih ka hriat rual chuan ka thinrim lutuk bawk si chu ka alh lo chauh tawh! Ka thuamhnaw hmuh renchan ang ang chu ka inbel sawk sawk. Room kawngkhar chu na zet a pawt hawng bawrh in kawngkharpui lo inhawnghuau lam chu ka pan nghal pawk pawk.




Kawmchar lei hnip na lai a Zohmingliana țhu ngawi ngul ka hmuh rual chuan ka chappal hnuai hian a hmai ah tak hlap chawrh mai chak ut ut khawp in ka sa hut hut!



"Ka in luah bul vel ah pawh hian rawn awm tawh suh." ka aw kha zet ri vang chuan a rawn hawi let ruai ruai a. Lei chu a lai/ hai tih hriat zet in a phut deuh dap! A ding mar vut chu kut thawh inpeih at a en chho vah in kawngkhar ah chuan ka ding ngal.



Muangchang in a rawn let phei a. Ka hma ah a rawn din vut rual chuan a kut a lei nawi kai chu a kekawr ah tat faiin ka hmai zawn ah a kutphah hrawl tham zet chu a rawn lek kang ruai ruai a! Ka chal rawn deh a tum tih ka hriat rual chuan ner sak in a kut chu ka lai nam per nghal lawp! Lian tham zet a rum chhuak hrawih in ka kawng ah a rawn man nghal hmiah anih chu!



"Zohmingliana.."

"Khawsik i nei em?" ka aw ki vin hlar ang lo tak a damruih a rawn ti sup in ka pang chu a rawn dek a. Ka lo tal ve chhen bawk nen a taksa ah min hnuk bet hrawk in ka pang chu dekin a ngaichang nghal vung vung!



"Khawsik chu i neilo! Damdawi in kal kher i duh loh chuan Jayden-a emaw kan call dawn nia." Hmela mai mai chu le!



"I inrawlh lohna tur a inrawlh tawh suh!" ti hmak in min kuahna ațang chuan ka tal hrang nawlh! "Ka fanu kha rawn dah let ang che.. Zanin hi i riahpui hun pawh anilo! I ngam chuan zanin hian ka lak ațang lakbo tum rawh, i dam chhung a i hmuh theih tawh loh nan hma ka la ang " ti leh hmawk hmawk pah chuan kawngkhar chu ka pawt phui nghal bur!



A rawn chum dawt a! Chhung lam ah lock hmak in thawk ka la hawk hawk a! Nizan leh nichin lawk a ka khel leh ngum na ngut ngut kha a reh ta daih a! A chhan erawh ka hrechiang viau! Nau ka chhiat! Engtin nge ka pum chhung a nau insiam țan tir pawh ka hriat miah loh theih le!




"Bawihi.. rawn hawng teh.."


"Thlawk bo rawh!"


"Hrep chuan.. kawngkhar hi ka rawn tichhe hreh hauh lova nia!"


Zaklo ti lutuk in kawngkhar chu ka melh ngawt ngawt a! Engang mihring ah nge maw a inngaih zawk ni!



Room ah lut in khum ah chuan ka bawk hnawk a! Ka rilru chawmawlh muih leh ngaihtuahna neih ve chhun Zohmingliana leh kha hmeichhe rawn chet dan avang a thinurna in a bawm zim tual tual bawk si te vang chuan ka tha chu a hahdam hlei thei lova. A khat tawk a thaw chhuak hawk hawk reng in ka hmai te chu ka han tuai leh puat a! Thlasik khawvawh vin tuk laiin thlan in min bual bawrh bawrh reng mai!






CARLOS ZOHMINGLIANA'S POINT OF VIEW


Luhlul chuah a chhung lam ah a inkhalhhnan tlat avang chuan kawng pakhat chiah zawh tur ka nei! Kawmthlang dawr ah chhuk thla in hmarua ka la khawm zung zung a! Senpui chuan Doris-i chu motor chhung ah lo țhutpui in mamawh la khawm a ka kal kual vut vut chu min lo en dun reng bawk.



Nau a chhiat tih chu Jayden-a'n a rawn sawi tawh! A awmzia chu kan pahnih fa a chhiat anih chu! Eng emaw hian min țham rawih rawih reng a! Kei mai nilo Bawihi zawk pawh min țham run tu hian a chenchilh ve tho ang tih ka hria!


"My love, Aunty nen khan lo awm ru aw." ti sup in tukverh a ka fanu rawn dak chhuak chal ah chuan ka fawp vang vang a. Ani tereuh hi a kum ngaihtuah chuan fing tak ani tawp! Anu awm dan hi min rawn hrilh lo nipheise chuan engtik ah mah ka hre chhuak ngailo ang tih Bawihi khawsak phung ațang khan ka hmu chiang viau.






"Senpui, a rilțam chuan eitur lo ngaihven sak mai rawh." ti leh sup in ka hmanraw lakkhawm te nen chuan step ah chuan ka chho nghal pawk pawk. Kawngkhat lock invuahna zawn chu verh tawp in lock chu chhung lam ah a tla ri bawl!



Inchhung chu a thim deuh map tawh a! Room chu pan ding in kawngkhar ka hawn rual chuan lukham a rawn thlawk nghal fur! Ka hmai ah tak ri dawp a min fuh in chhuat ah a hlawm nghal tawp! Chutah khum ah chuan Bawihi chu țhu in thawk a la khur dar dar a! Muangchang in lukham chu chhar in ka din mar pui ruai ruai bawk!



"Ka kawngkhar tichhia in i rawn lut ngam maw?" a ti bak hlar! A vun chu a dang bei a, a thinrim lutuk vang erawh in amitmeng leh mitko vel chu a sen ter thung.



"Kawng dang awm hek lo!" ti sup pah chuan lukham chu khum ah ka theh kai nawlh. Chuh leh tharh in min vawm a tum leh rual chuan che vut in a ban rek ah ka man fel der!


"Ramhuaipa!" Ka hmai bul chet ah a au nghek!

"Umm, Ramhuainu, mu rawh." ka ti hluk. Ka chhan letna chu a run ngang ani mahna tal tap a meng kual ralh in a thaw sak sak a!




* a thinlung nat leh nat loh hmu thiam lo tu.. engtik lai pawh a tina ngawih ngawih reng tu ka nih thu a sawi tawh! A thinlung nat leh nat loh hmu thiam lo ang ah min ngai erawh dawt muhlum ani! Natna ka pek hnem tawh em vang a min hnaih ngam lo anih tih ka hria! Kha zan pawh khan min hmangaih tih phat ngaihna awm loh khawp in a mitmeng thuk raih chhung ah khan min hmangaihna ka hmu chiang lutuk! Mahse, min ring ngam tawh lo! Chu chuan amah min lainat tir tluk zet in keimah hi ka inhuat phah ngawih ngawih bawk! Nat leh a hlau! Natna ka pek leh a hlauh tawh em a vang in ka nupui ang a ka hnen a rawn let leh a ngam tawh lo! Chung thil chu hriat sak lo leh hmuhthiam sak loh ka ni hauh lo!





Ka hmuh chian em avang a ka lak ata zalen tir ka ni! A rinngam tawh lo mihring hian ka vir buai reng anih chuan thawk ipikna chiah ka thlen dawn a ka hriat avang a zalen tir ka ni!





A duhthlanna zahsak a phu ka tih vang a zalentir ka ni bawk! Ka hnen ah a thinlung min pek ngam tawh siloh chuan a thinlungin hahdamna zawn a mamawh! Chu hahdamna a zawn theih na tur a tan a kawng țha ber ni a ka hriat chu a lak ațang a kal hran kha ni tawh mai






*A dam leh dam loh ngaihtuah ang in lem chang tawh lo tur a min hrilhna pawh ani lakah hian vawi khat te pawh lem ka chang chhin ngailo! A hma a ka lanchhuah dan engpawh hi ka thinlung chhung ril ber ațang a chhuak vek ani! A lakah ka thinrim anih pawn chu thinrimna chu ka thinlung ațang chhuak! Ka ngaihsak anih pawh ka chhungril ber midang ngaihsak theihna ka neih thuk ber hmang in ka ngaihsak țhin! A hma ah hian eng lemchanna mah ka lan chhuah tir ngailo! Keimah a tak ber hlir a hma ah hi chuan ka phawrh chhuak țhin!




"Mu leh rawh, Jayden-a pawh a rawn thleng har lovang." ti sup in a ban rek ka hum chu ka thlah a! Ani thinterek lah kawlphe ang a rang in a rawn ri nghal hraih! Ka hmai chu a chhuk zawng a ham thla hraih in na zet in ka awm ah a beng nghal thlawp!




Ka biang vun pilh thim nghal hlar chu ruai vut in ka țhen nghal suk bawk!


"Zawhte note kawlh zet hi a kuttin hleh sak a țul dawn anih hi." ka ti sup. Rum em em a min melh chung in chal a ti chuar ve khai a!

"Bawihi, thinrim tawh rih lo teh, i lan dan hi a țha miah lo a nia." ti nghut in adar ah ka man ta hmiah. Min sual let phat phat a, tha kan inneih tam turu hleih lutuk. Țang at at mahse lukham ah lu ka nghah tir ta tho!


"I tal leh anih chuan ka mutpui ang che." ka ti nghut! A inbengkan ak tawh chu a tawp nghal chawt!


"I bulah mut ka hreh lo viau a nia." Ti chhuak sup pah chuan khum tlang ah ka țhu thla dawt a!

"I zaklo e a!" ti hlar in a mu zangthlal ve ta mai bawk.

Reilote hnu ah Jayden-a leh Matei an rawn lang hlawl a. Thil thlen dan chu ka hrilh thuak tawh. Chuvang tak chuan Bawihi thinrim tipunlun zawng in țawng ri miah lo in an rawn che nghal zung zung. Matei erawh khum ah lawn in Bawihi lu ah a rawn chul thuai a. Emma a hmuh rual chuan țah chhuah hlauh hmel zet a insehruh fan fan chung in Emma kut chu a hum a.



"Nau ka chhiat a niang.. ih.. thisen hlawm a lo chhuak a.."


"Hahdam hmasa rawh le." Zaidam tak a tiin Bawihi kut chu a ben sak thek thek bawk. Jayden-a'n a bp leh khawisik vel en kual zawh hnu chuan khawsik sang lo te a neih thu leh a bp pawh a hniam viau thu a sawi. Bawihi chu zawhna te a zawt a. A taksa ațang thisen hlawm chhuak kha chu thlala in Jayden-a ka thawn tawh a. Nau a chhiat ngei tih a confirm tawh bawk!


"I rilru a na viau ang tih chu ka hria.... mahse, Thelma, kan chan loh tur a Pathian ruat ang in ngaihtuah la. Nakin lawk ah kan chan ngei tur a min ruat sak chu a pe leh mai dawn che lawm." Matei chuan a thiam ang tawk a hnem in Bawihi chu hmel hmuh nuam takin a en veng veng reng a. Bawihi erawh kei min hmachhawn lai a thinchhe terek em em si kha Emma kiang ah thung chuan naupang ang maiin a mittui a tla reng!





"Pawn lam ah inbe lawk ang." Jayden-a chuan a ti a. Ka zui chhuah hma chuan bawihi tawk tur a kut ka lek chhuak chu na fahran in a lo nam per nawlh! Matei lo inrawlh thuai in a mitmei in chhuak rih turin min hrilh nghal zat!



"A bp hi a hniam ang reng.. khawsik saw chu ka jection tawh a , a reh mai dawn a, a bp hniam tak saw normal leh tur chuan thil a ei țhat bakah mut tam a mamawh.. a rai tih i hre bik miah lo em ni?" tih zawm zat in min en vung vung.





Ka bu nghut a. Bawihi pawn a rai tih a inhriat bik ka ring der lo! Nau a pai hmasak ber țum a keimah ah danglam a awm ang khan danglamna engmah ka nei lo. Doris-i țap leh țhin leh titau ve bar bar țhin kha a nuhah vang a ni ve thei tho bawk.




"Zanin tlai pawh thil tlem tal ei thei se a țha ang." Jayden-a vek chuan ti sup in ka dar ah a hmer vang vang a.






"Engkim hrilh tawh la.. ru haw daih mai rawh." ti sup in zafahran lo chuan a nui ro hawk! Lu thing nghut in ka țhen ve suk bawk.

●




Amah a awm a duh thu a sawi miau a vang leh chuthil chu Jayden-a pawn a mamawh rih a tih vang chiah in kan chhuah san a. Kawngkhar lock na pawh thlak a siam țha leh vek in key thar chu keimah pawn ka kawl. Kan in ațang nakin deuh ah eitur ken sak mai tur in ka nu in min hrilh mawlh mawlh reng avang in Doris-i chu kan inlam ah ka let pui a. Anu taksa ațang thisen chhuak a khawngaih thu chu a khat tawkin a sawi leh țhin a. Kei ngei pawn ka taksa ah kuah beh tlat mai ka duh! A tuar hnem tawh lutuk a! Amah ka hmuh rual te hian a chak loh hmel in tihnat a awlsam hmel bik hluah hluah hian ka hre țhin.






Bawihtei leh ka pa chu hunter-a te nan an infiam a. Pluto tereuh kha Ka fanu in a kenkual ve țai reng a vang in Hunter-a te pawn an hre ve tawh khawp mai. A te bik lutuk erawh an infiampui rual ah an ngailo ni hmiang! An kal san zel a. Pluto lah chuan an kê bul ah um dat dat in a seh fiam ve fo a. Hunter-a hmui vawi khat nawr zauhna pawh a per pui leh dawr zel.







"Eitur keng a i let hun chuan keiman ka zui ang che." Ka nu chuan tiin Bawihi ei tur arsa buhchiar a chhuan chawp chuk chuk chu a chawk pah hliau hliau.



"Bawihpuia a chan tawh bawk, tunah nau a chhiat leh bawk, a nau pai kha la hram lo viau mahse nu tan chuan a na duh in tawrhthiam a har duh a.. Thelma chu ka lainat ngawt mai."




"Kan kal dun dawn nia." Ka ti sup. Room ah inthlak tur in ka chho a. Thuamhnaw ka inbel fel hman țawk tih ah call ka dawng a. Hades-a hming screen ah a lan va rual chuan rang takin ka chhang nghal thuai bawk.






"A chungah eng nge i tih?" a rawn ti chhum vut. Bawihi chungchang a rawn sawina a ni tih ka hriat rual chuan kut hum ruh in ka thaw chhuak ham ham.





"Hotel ah a rawn kal a. A taksa in a mamawh aia tam wine a in tawh!"





"What? Hotel a rawn thleng phei maw?" motor chahbi leh walte chu ka ban kawp nghal bawrh!





Phone pawh chu ti tawp in kailawn ah ka pen thla pawk pawk a.





"Nu, ka chhuak hmasa dawn." Ti vut in kawngkharpui lam ka pan nghal nul nul.

"Daddy.."

"My love, apu bulah lo awm la. Mamma ka rawn hruai ang." ka ti a. A meng phar ak chu pawm kang nawlh in a chal ah ka fawp vang vang a.

"Mamma pawh Daddy home ah a lo stay ve tawh dawn mi?"

"I duh em?"

"Lutuk!" tiin uar fahran in a lu a bu lap lap a. Ka pa pawn muangchang in min rawn pawh ve bawk.

"Khawi ah maw i kal dawn?"

"Bawihi ka rawn hruai haw ang." ti sup in ka țhen khum suk a. A meng sala nghal viau.



"Infiamna tualzawl a awm in nilo tih hria ang che." Ti khauh fur in ka fanu chu a rawn ban nghal vut.

"Sum a chhuah tawh a! Mahse, koh turin ka thawk chhuak dawn anih hi."

"Zohminglian."



"C'mon ka pa. Min ring rawh! I mo nu Thelma Malsawmdawngzeli nilo nupui a neih ka tum lo tih i hriatchian kha." ti a nui suk pahin ka fanu chu mit ka siai zauh. A phur in kut a beng terh terh a. Sum chhuah tawh mahse ka ru leh mai dawn lawm! Man kan inhlan țha leh anga! Mi tih loh dan pawh ani bik hleinem!


ZING DAR 4: 14 AM ka lo muthlu a!😆 Harh hlawl! Phone ka lo la hum țai bawk sia! Chak tawk in ka type leh nghal sawk sawk a!


Post November 15th, 2019, 6:51 am

☆UTOPIA: 1996☆ S2
EPILOGUE 1
Abbra Reo Ririni Khiangte(PitarteiSualfingi)😈



🍻DRUNK THELMA🍻









Nui suk chung in an putu chu ka hnungchhawn vut, Kawngkhar bul a ka pheikhawk lo awmsa chu ka in thlawh zui mawlh mawlh bawk. Ka fanu lah chu a phur reuhvin anu ka hruai haw dawn tih ngawt chu ka pa nghawng ah kuah țâi chungin a rik pui lang lang reng mai ni. Ka nu pawh kan thawm hria chuan choka aţang a rawn chhuak hlawl a, 'ka chet tak rum rum chhan' chu min zawt ngial nangin ka pa in lo hrilh tawh mai rawh se.







"Daddy fast tawk in Mamma nen lo awm rawh aw." Doris chuan ring leng lawngin a rawn ti léuh lêuh. Ka nu erawh a meng phawk nangiang thung!







Ka fanu chu ka thlek deuh vung vung phawt a; lo kal/ lo let tih aiah 'awm' hi a hmang ve hmiah zel.






A sam buang theng chu a inthlah tle hniang reuh va, thlasik boruak vawt in a biang chu hmet tai tek in anu ang mai a mitmeng fiah kiau chuan fim kak hian min en kiau reuh bawk, nu leh pa karah ngei tal a chak ve reuh zia lah sawi chhuak thiam ve lo mahse a mitmeng nung sar mai ah chuan ka hmu chiang tawk viau.






"Sure." ti chhuak sup in mit ka siai suk, chumi rual a Doris nui khek rai chuan min fan lum rawih rawih bawk. Kan fanu duhawn zet hi nu leh pa karah ngei a seilian ang.






"Carlos?" Ka nu chuan a rawn ti a, ka pa erawh a tunu neihchhun hneh tak a pawm hlun chungin a ding khawng luah.

"Nu, ka pa khan engkim a hrilhfiah thei ang che." ka ti a, ka pa chu muk zet a en in lu ka buk khum nghut, a thawk chhuah tak hawm hawm ah chuan hahdam huai chungin kawngka chu ka nam hawng a. Ka nu pawn ka pa thil awmzia zawtin a be rawn nghal sar sar.






Naktip mai hi Matei te inneih ni ani tawh a, kei Zohmingliana hian ka chhungkaw din ve huikhawm in ka pa, Hmingsangzuala thlahte hian chhungkaw kim țhapin ka naute Emma pawh kan thlahliam bawk ang.







Inchhung lum ațang pawn lam ka pen chhuak chiah chu thlasik zan boruak vawt in min lo hmet hit nghal vûr bawk. Tawi khawmuang hrut pah chuan khawpui eng pe tuar chu veranda aţang chuan ka thlir vung vung a. Thlasik zan thlifim thaw hit vuk vuk chu ka kawchhung khat hnawk a hip lut ham ham pah chuan ka maimitchhing a! Chumi rual deuh thaw chuan chiang lutukin Bawihi hmel zun ngah zet chu ka hmu zawm zat!






Maimitchhing reng chung chuan ka nui sûk a! Mit ka chhin leh a hlimthla in min chenchilh a; hnathawk a station chhung ah ka buai mawlh mawlh chang pawn min auhna ri hria in ka thil tih lai țhûl meuhin ka zawng kual nghal rûai țhîn.







Min hmangaih a, ka hmangaih bawk, amamawh ni a ka hriat vangin kar thum dawn chu ka zalen tir tawh! Mahse, a lan dan ah thawveng hmel emaw, hlim ta hâwk emaw hmuh tur a awm miau loh avang in ka ang chhung ah bawk ka hruai let leh ang. Ka thlazar hnuai ah awm leh phawt se, rinngam ka nih zia ka hmuh tir bawk ang.








Muangchang a meng chhuak rûai rûai pah chuan ka thaw chhuak leh ham ham phawt a! Ka nupui telloin zanin hian ka let dawn lo ani bur!







Garage pan a pen vut vut in chahbi chu ka veivir paha. Ruatkima nen khan 'an inzui em aw' ka tih theih turin Doris-i ka dah phei țum in an lo inlen chilh fo nangin Ruatkima kha nupui nei mai tawh tur ani tih ka hrechawp chilh leh zel a. Hmeichhe dang lakah rilru ka pek theih loh tluk zet in mipa dang lakah rilru a pek theih bik loh zia chu a inhrechiang ve hle ang.








Kum4 tal tap lo buaipui tawh tu Hades-a ngei pawn a huat loh zia leh ka fanu chena a hmangaih tel zia hmu tu ka ni! Mahse, Bawihi chuan ani pawh chu a hnar tho! Amah a hlauhthawnna awm tlat țhin tih reh a mamawh. Chumi a tan chuan a pasal chiah hi min mamawh bawk.








Inhnuai thim chin ah ka luh thlak rual chuan Bawihi nen kan inhmachhawn hun tur ka ngaihruat kual rauh rauh va! Ani wine rui tereuh hi a lo khirh zek ang tih erawh ka hlau ru viau! Mahse, kan awm hran pawh in ka hmangaihna a reh theih loh ang bawk in min hmangaihna a reh thei bik lo, kan inhmangaihna hi a lo thlawn a liam tir mai mai a; hun khawlh ral belh leh ka tum tawh bo lo! A lo țang ve țai anih reuh leh ka'n pu lawp a nga ni tawh mai!








Ka ngaihtuahna vang chuan khi suk in bolero kawngkhar chu ka pawt hawng hmiah; Ka nupui ruk tum dan zet chu midang reu reu in an hre ve ang tih a hlauhawm rum rum a lawm le!



InShot_20191109_133846601(4).jpg
InShot_20191109_133846601(4).jpg (68.64 KiB) Viewed 15892 times

Engine chu ka ti nung zui vung vung, gas lum rual hun nghak pah chuan maimitchhing in ka tukhum chuan seat nghenchhan hit thler chu ka nawr vung vung bawk. Ka lungphu phu riin amah chiah a lam țhin tih sawi pawh niila a ring kher lovang!







A tello a awm ka harsat zia lah țawngkâ a sawifiah dan ka thiam der lo! Karthum dawn hmachhawn lova ka awm chhung pawh khan zan ah tal an kawmthlangah dingin ka ngai ngut ngut reng tiziawm turin ka fanu nen an mutna pindan thim țhiap kha ka thlir fova! Ka suangtuahna vak vel chuan an nufa kiang ah mut hmun rem ve in ka kuah khawm hlu hlu țhîn.







Ka nupui ni chung a mipa dang um in min kalbo san emaw ka tih chhung zawng pawh khan ka ngaihna leh thlakhlehna chhete pawh in a kiam phah miah lo tih lah a hrechiang ber tu ka ni! A tello a ka nun ruak huai leh buai ru nghal nuaih țhin hrechiang ber tu ka nih laiin min rin leh harsa a tih tawh em vang a alak ațang inthiarfihlim ka mamawh ta khan engtiang chiah in nge min vûak nat a, mipa phanchang tawh hi rilru beidawng tak a ka rum tak kawk kawk lah ka THINGLUNG nen chiah kan hre bawk.





Rum chhuak hrawk pah chuan ka meng chhuak zui hlawl!


Steering chu hum nghal runin 'in hmangaih em em! Mahse, inhmangaih dan thiam miah thung silo thinlung pahnih zawm khawm leh hna thawk tur chuan ka infuih nghal' sup sup bawk.




"Darkar khat lek pawh ka khawhral tawh dawn lo." ka kawchhung ațang rum chhuak nghut chungin thawk ka la hawk a!

Kum 4 ngawt kan khawhral tawh pawh kha a uihawm turu lutuk! Inhmangaih reng chung a hun lo khawhral belh leh lek phei chu a atthlak tak zet zawk. Chuthil chu a hrethiam duh lova, min sual let ar ar anih leh ka hawn a nga, a hriatthiam hma chu pindan chhung ah kan inkhung bet tawh mai a niang chu!



Inhnuai garage ațang tual zawl ka tlan chhuah chhoh chuan ka chhungte chu veranda ah an lo ding chhuak tih ka hre chiah. Ka pa in Bawihtei a pawma, ka nu pawn ka pa dar ah vuan meuh in min melh veng veng a, an mahni be khawtlai tawh lem lovin gate inhawng huau chu ka pan ding tawp! Ka nu leh pa te ka rawn hmasa miah lo nangin Bawihi nen a kan ințhen hi rem an ti ngailo tih hrechiang ber tu ka ni. Ru haw tawp ila. An lawmlo teuh lo.



K. HMINGA hla Hmangaih hmasa ber play chung chuan Hotel panin ka tlan mawp mawp.



*Di tam neiin, Di tam țhen tawh mahla
I thinlung neitu i nghilh bik lo'nge e* faifuk in ka zawm zauh zauh va. Kan veng kawn ațang chuan kawngpui chu a chep țan viau.





Lirthei mai bakah mihring veivak an tam in kawn țhenkhat pawh coffee night hman nan a hmangin mipui an lo pungkhawm leh huang huang țhin, rilru hmanhmawh nen a inrem lo tak zet! Horn hmet tuar tuar chungin muangchang in mipui zi hut hut kar ah chuan ka inkhalh lut a. An music play ring zet chuan min nghawr dup dup thei bawk nen a thawk zin thlak kher mai.








Hades-a te hotel thlen dawn hnaih ațang lirthei a thawl ta deuh. Hotel hungna an chei-mawi erawh bawr tu an tam in thlala an tam em em a, gate inhawng huau ah ka tlan lut chu Security pakhat min pan a rawn tlan thuai in bolero ațang ka chhuah rual in chahbi ka pe a. Nui var var in an hotel a ka kal chu min lawm thu sawi luam, ngawi ngul in lu ka buk khum nghut.






Ka bolero chhung ah a țhut luh ve tak ah chuan ka jacket hak chu ka han pawt mar a! Thelma Malsawmdawngzeli chu i'n ru chhuak ang hmiang!






Hotel chhung pawh christmas hla play in a in chei pui ut ut viau. Hall pawh party nan hmang an awm avangin a lun hut hut khawp mai. Ka chhehvel a thawm ri hut hut chu bengkhawn buai map lo chuan lobby (lift) chu ka pan ding nghal vut.



"Sir?"


Lift chhung ah lut a ka inher let leh vut chu kawngkhar inkhar hman hlau zet a rawn tlan dawr dawr in 'heta thleng ka nih leh nih loh' hotel hnathawk hmeichhia chuan min zawt tung a.






"Hades-a room ah ka kal dawn." ka ti sup, kâ a ang ziau chu ka nuih lui suk a, lift pawh a inkhar fel der. Hades-a number ah chuan call let in rei a 'ring' hma chuan a rawn chhang thuai bawk.





"I room ah a ni em?"

"Roof ah."





"Ok." ti nghutin phone chu ka ti tawp a.
Hades-a room awmna chhawngah lift chu ding dawt mahse roof top thlen chhohna number chu hmet leh rih in ka khabe ruh tuai kual hauh hauh va hnuai lam bih ngur pah chuan Bawihi nen kan inhmachhawn hun a ka chet lak dan tur vel ka suangtuah kual ruah ruah a; Nau a chhiat leh kher hi kei min huat phah nan a hmang leh mai thei!







Tlai lama a chet dan leh mumal neilo zet a a khek chiam chiam dan te chu ngaihtuah let in kawchhung ipik mup chung chuan ka rum chhuak hrawk!






Washroom chhung ah thuamhnaw mumal inbel lovin hmeichhe naupang thinrim ang maiin a khek tuar tuar anih kha!






A mitmeng â riai mai kha nau a chhiat vang leh a hamhaih lutuk vang ani tih ka hria. Ka kuah duh hlek lova min sual let nawk nawk lai te khan hnem nan tal a kuah beh hlu hlu ka chak tih reng hrethiam pha lo lekin huatna nen min an khum tan tan a.






Aaa, kan pahnih inkar hi a tirte ațang siam thar a. Bul țan țhat leh kan mamawh tak zet! Chuthil chuan hun heh viau dawn mahse ka pawisa hauh thung lo. A chhan chu ani hi khawvel a ka hmeichhe hmangaih awm chhuan ani miau a. Ka thinlung in a thawi pawn hmeichhe dang a thlan chhin ngai miau loh a vangin ka thinlungin a thlan chhun hmeichhia neih let lehnan hian engpawh ka tih țul dawn mahse ka ti vek ang.





Roof-top ah lift chu a ding nghing dawt a.





Kawngka a inhawn rual chuan boruak pawh a dang nghal zar. Thlasik khawvawt vin tuk hun lai ani a, hotel chhawng sang zet, open air a nibawk avang chuan motor a tlan thawt aiin boruak chu a vawt in thli pawh a tam zawk daih!





Party tenau deuh buatsaih ho in an hmang ani mahna, țhalai rual an țhahnem in music a ring viau bawk. A țhen lamin țhenkhat erawh roof kawng chen a inhung phui khup chu bawh in khawpui lang pe un mai thlir chuan an ti ti barh barh hlawm a. Bawihi hmel ka zawng a. Chutiang țhalai rual zi hut hut karah chuan Bawihi hmel chu hmuh tur a awm ve hauh lo.






Țhalai rual zi nuai nuai karah chuan in zep lut ve hmiah. Thim chin a lo țhu khawm tel tel ho chu ka en kual pah dum dun a, party an neihna ațang hla ang reng tak a tanki ding luah phen ka kal hel rual a ka thil hmuh vang chuan ka thaw chhuak zui hawk!






Roof tlak dal atan a siam, cement kawng chen a inhung phei zui bawh ar ar chung a thatchhe zet a Bawihi ding chu tanki ngheng a ding meuh chuan ka thlir ta vung vung. Kawrfual senduk kekkawk ban-tluan, a taksa phuar thlap a hak chuan a malpui chanve thleng khuh phah țawk, boot dum maltê thleng a sei a bun leh tawp bawk!







A inthuam dan ka hmuh chiang chiah mai chu kawchhung so phul bulh chung hian ka rum chhuak hrawk thei!






An thil in vanga mipa thisen lum in hmu a, a taksa pian phung lang chiang em em mai thlir zui a an hisap zui tur ang a ka suangtuah tel chuan țhinur țeuh in kut ka hum-ruh nghal ngur, party nei a an rik hut hutna lam ah chuan ka thle buk a, helam ah mit rawn len an awm em tih hriat tum chuan ka melh kual khui khui hlawm bawk! An kut hmawr a tawh chu sawi loh it hmel tak a ka nupui hi an melh hlek pawh hmuh ka duh dawn hauh lo. Kuttum hum ruh ngur chung chuan Bawihi bawk chu ka en let a.







Hotel roof top ah chuan a khat tawk in light invuahna ban a ding khat phei thluah, light chuan a sam sei hniang uk buang theng chu chhun tle siau in thli thaw chuan a chhem leng dar dar reng bawk. Amah lah chuan khaw dang daih thlir in khawvawt hnuai ah a awm tih inhrelo ang mai chuan hmuhnawm tih hmel tak hian hma lam chu a en veng veng a. Kan intawn tirh khan zun a ngahin a hmelțha zet khan min hip bet tlat anih kha! Khatih hun lai ai daih khan tun hnu hian a hmelțhat dan a chiang in a chetzia engpawh mai chuan zun chak tak a keng tel emaw tih theih tur khawp in a vei awm zual zawk bawk!








Chutia a khawsak phung hmuhnawm ti zet a ka en vung vung lai reng chuan a dar phen chu ban zeuh in wine glass a lek kang fel der! Ka rum chhuak nghal nghut bawk. Bawihi lah chuan ka thawm chhuah chu hrelo ang hmak in glass a wine awm zawng chu a tlak nghal pap a, a hmui a wine thlum chambang chu kham lo hmel zet hian a liak leh zeuh a. Ka chhung lam chu a che dawt!







Ka kekawr ipte ah ka kut pakhat zen lut hlun chungin a dinna pan chuan muang ruih in ka pen phei, glass a thli khat leh lai chu ka ner khum nghal suk bawk.


A bul ka thlen fel chiah tihah a rim nu bik hluah hluah leh wine rim thlum chek chek inchawlh pawlh kual vel chu ka hre zawm zat a. Duhthawh fe in ka hip lut kawk bawk.

Aw ka thian khurh a. Ka thawm hrelo ang hmak chuan glass chu a hmui ah a chuktuah fel leh der. Wine glass chu la sawn in a hmui hnawm hlap liah huh belh pah chuan a thaw chhuak ham ham a. Min ngaihpawimawh loh hmel lutuk chu ka run tawk a tling viau!

"Bawihi?" Ka ti sup.

Min en hma chuan a nui che dat phawt a!
Hma lam en ngar chung hian glass chu a ti che kual ralh ralh, chutah rawn thle nghal chungin tilui tih hriat fe hian min nuih khum leh sak bawk!

A sam sei hniang mai che kual vel chuan mit a la peng viau. Chutiang bawk in a taksa mamawh aia tam a in tawh tih chu hrilh nawn leh ka ngai tawh hauh lo bawk. A hmai chu sen tek in a mitmeng pawh a si sap tawh. Engvang a wine in tur ngawt a in chhuah san nge anih tih hriat a chakawm tluk zet in mahni a awm a duh rih vang a kal san kan nih lai a helai party neihna hmun a lo va thleng phei daih pawh hi a sawifiah a țul viau bawk.

"Wow! Tunge rawn kal hi?" ngeiawm fe hian a au ring nghek a! Min hmu chiah ang mai chuan mak ti hmel zet in a meng zau ak bawk.



"I bialnu nen em ni in rawn kal a?" min nuih leh sak a, "officer Zohminglian." a ti leh kher bawk. Mitko ti hnim khûi in ka en ngur mai.


"Tlangval ang mai a nula kai kual nghal thei mihring hi chu nangmah chiah in i rawn kal dawn lo tih ka chiang sak." ka taksa melh kual dan dan pah chuan khâ zet in a ti chhuak leh fak!

A wine in na glass pawh chu cement inhung phei zui ah chuan a nghat ri bala. Ngawi ngulin ka melh chhuk ngur a, nin hmel zet a thawk la halh hian a kut pahnih chuan asam chu a tuai chho puat a. Balance hloh va a ding awn lak ka man bet tur ban lek chhuak vut chu a rawn nam per nghal nawlh! A engamah hma chuan rum fahran in min melh ta khâi a!


" Hetah eng nge i rawh tih?" a rawn ti nghal hlar.

"Ka hruai haw dawn che." Â min tih hmel fe hian min melh nek.
"I bialnu chiah kha ngaihsak la anih mai chu." ti hlar in wine bottle a ban nghal zat.

"Bialnu." ka ti ve sup. A wine thli chhuak tur chu a tawp dat a, thip ram a min melh leh in wine bottle chu a nghat ri deuh chawrh bawk.




"Aw! I bialnu! Ifanu i riahpui zan pawh a zan lai pelh rak thleng i tawmbo pui nu kha!" ring zet a rawn au tuar in min melh zui khai khai bawk!

"What?"

"What? Huh! Khatin hrelo ang mai in awm lui vel suh. I at hmel lutuk." min ti er. Ro zet hian ka nui chhuak hawk a! Wine chu glass ah liam zawih zawih khawp a thli chhuak in bottle chu na deuh takin a nghat leh deuh chawrh. Ka rum chhuak nghal nghut bawk. In belh a țul tawh hauh lo.




In leh tum a glass a lek kang ziau rual chuan a ban rek ah ka man nghal hmiah. Mitko ti hnim khai chungin min melh chho ram ram a!



"Kal sawn vat teh."



"In tawh suh, a tawk tawh."



"I thu lo ve mai." a aw chu a vin in a huatawm kher mai! Hmai zangthla haw a min choh en in rum lutuk hian min melh tak ang khai khai lehnghal.




A hmui chu asen hûh chek bawk nen; chhuk fawh ngawr ngawr a chakawm tek tawk hle bawk!






"I rui lai ka nu leh pa ten an hmuh che i duh ka ring lo." Ka ti sup, ka kut pakhat zawk chuan wine glass chu chhuh sak vutin ka thawk khat nghal pawp. Bawihi chu ngeiawm fe hian a rawn thaw hliai a. Min ham nek a chak hmel viau tawh lehnghal.






"Umm, a tuiloh lem loh hi. Mahse, i inhnem tawh. I mammawh tawh lo." rum hawk chung a ti chhuak hlukin glass chu cement bang ah chuan ka nghat dat a, ka hmui a wine thlum la chambang chu ka liak nghal thuak bawk.






"Zaklo lutuk." kha zet a tih leh a ban ka hum chu a pawg let ve hrak a. Ka thlah mai bawk silo chu rum eltiang in min melh rawm rawm mai!





"Party chhim tur a kal i nih ka ring chiah lo! Kan let thei tawh em?" ti chhuak supin a kut hit thler chu ka hum bo hmiah, bawihi chuan a kut ka hum bo vek chu a melh zeuh a, ka mit ah tak min en tur a a rawn hawi chhuah leh chuan inhnial hrep a cho hmel ta kher lehnghal!





"I rual a let ka mamawh bawk lo." a aw rawl ring khek țhat avang chuan ka ner zui suk.






"Kan hria ang chu." ka ti chhum hmuk, min cho tih hriat zet chuan min melh ram ram a, khi suk paha mit siai sukin min chhan let tum a a rawn ang ziau chu zo takin ka pawm nghal nawlh! A beisei loh dan lutuk a ka chet chhuah vang nge meng phawk kawk chung in min en chho hâu ri ngawt.








"Hmeichhe rui em em mai ka ru haw ang tih ka hre lawk hauh bik lo a nia." nuihza insum zet a ti zawi sup pah chuan ka kun hniam ruai ruai a; ka chet dan vang a hamhaih zet a Bawihi meng phar kawk chal ah chuan ka hmui chuan ka nawr nghal vang vang. KA NUPUI hi ka ngai tawh tak zet!






Bawihi chu ka thusawi hrethiam chiah ang mai hian a rawn tal ta nghek a!






"Min dah thlah nghal rawh! Nang, Zohminglian." ti tuar tuar in ka awm zawn a mo pawm ang a ka pawm beh hlu hlu na atá tal chhuah tumin kê a leng zui chiam a. A thinrim leh tal chhuak thei bawk silo chuan ka beng te nia a rawn pawh tak nghek ni.







"Ka thusawi chu i hrelo mi? Ler-a!" a rawn ti hlar, tûr khûi a chhuk melh ngur pah chuan ka dawm kang nawlh. Ani lah in ka mit ah tak min en khai in thinrim hmel tawk chuan thawk a la sak sak a.







"Eng nge? Ler-a! Ka mipa hriat tawh ah chuan i la ler ber! Hmeichhe tellova awm rei theilo ber leh nula lawm ber i nih hi." Ka hmai zawn ah rawn awm kang meuh in khek nghal tuar! A hmai chu sen zual sauh in a mitko te pawh a sen ter tawh! "Ler lutuk!" Duhthawh lutuk a min au khum leh vak hnu chuan a thaw chhuak hak hak a.

What the hell!





"Nula ka lawm maw?" ka ti rum nghut, ngeiawm lutuk a ner nak chungin a hawi sawn nghal hmak bawk si!






"C'mon, i thusawi kha sawifiah phawt rawh." ti leh hluk in ka dawm kang leh nawlh. Ani thinrim lutuk lah chuan mitmu ti che kual ralh chungin min ner khum tak ang nang nang reng a! Amah ah chiah hian rilru ka pek tlut vang a lawm a hma ah ka inlan leh țhin ni.

"Bawihi?"

"I Bawih pawh ka ni tawh bawk lo! I duh leh Emma man inhlan tlai a i lo hruai nu kha Bawihi ti dut dut la anih mai chu." thaw chhuak map lovin a rawn au tawn tawn! A thinrimin insual a cho hmel khêr leh nghal.







"tlangval ang mai a nau te man inhlan ni ah pawh nula kai kual a, buaipui char char thei i nih kha." hmeichhe naupang thinchhe zet ang mai a min au khum tan tan lai a ka lo khi suk a hmuh rual chuan ka awm ah a rawn chum ri nghal țawlh.






"Nuih pawh nui suh! Inchhung ah i tawmbô pui char char tih te kha ka hriat loh ring miah suh." meng tur khai chungin a tih zawm hlak hlak a.







A thinrim hmel in Doris-i chiau-hiar titau tum ve pak pak kha a ang reuh bawk nen vanvadak meuhin ka nui chhuak zui hûk.











"I nui maw? Nui rawh, nui vak vak rawh! I fanu awm lai reng a tlangval ang chiah a khawsa kual a, a mit hmuh lai reng a nula kai kual duan duan thei khawp a tlangval leh chak anih hi!" a thinrim ta lutuk chu a thawk lak dan te thleng in a rang zui nghal vek! A mit meng lian kel kawl chu a vam ham bawk!








"I lo thik ta em em a!" mit ti zim sun a chhaihkawlh zual pah a ti sup in ka chhuk en ngur bawk. A mitmeng chu a alh ani ber tawh!





"Ka thik lo ve chiang e!" a tih vin hlar rual chuan a huat tur tak maiin ka lo khi suk bawk nen!








" Nang ang mipa ler lutuk a kawp duh che kha ka lawmpui zawk che!" a aia uar mah hian a rawn ti khek leh tuar! Aw rawl thum lian lutukin ka nui chhuak hawk hawk bawk. Hmeichhe naupang huai bak nuar tur ang maiin a taksa nen lam țang kawp in a thik loh thu a au chhuah pui chiam nangin amitmeng ah erawh min thah mai a chak hle tih ka hmuh thiam lo khawp a mi â ka nilo!





A chetphung naupang chhia zet ka nuih suk zel chu run hmel fe hian min melh chho khai khai pahin a insehruh ve ngat ngat a! Ler min ti em em a. Ani te ngilngel lo hi duh ka neih loh zia lah a ring duh der bawk silo. Luhlul reuh lutuk!

"I hmelchhe lutuk, nuih pawh nui suh" ti vin hlar in a hawi sawn ta hmak.




A thil sawi chu atthlak ka tih rualin awm ang lo ka ti lutuk bawk nen sawi belh tur pawh hre tawh chung lovin ka nui leh suk țhin a. Chutia ka nuih zawng a ataksa a chet ve dawt țhin te chu a huat hmel tîk țek a sin!





Emma man inhlan tlai a Senpui rawn tel ve, a zah vang a ka buaipui kha thik em em siin thik lo ang a lan te chu a tum ve reuh a nia!





KA NUPUI hian nuZosangi fanu, ka half sister Senpui kha a lo thik em em reuh anih chu! Chu erawh hrilh mai ka tum hauh lo. A thikthu chhia meng rang kual khai khai hi a hmuhnawm rih tlat!







Uluk zet a chhuk en ngur pah chuan ka khi suk a! Ani erawh in luhlul ngal in hmalam a melh lui ngar. Chhaih thinrim belh chak viau mahila kan inti sukuk leh zual ang tih ka hlauh vang chuan fiam belh chu țul ti tawh lovin nui suk hian lu ka thing ta nghut.





Ka pen che chiah chu bawihi chu a rawn tal leh nghek a. Ngaipawimawh duh lovin in ka pen lui nghal pawk pawk. Party neihna kan va thlen chuan min lo en duh in an thil tih lai chawl meuh in keini pahnih chu kawng min lo kian sap sap a. Bawihi lah a tal nasa zual in midang hmuh lai chuan ka thlah mai a beisei ve reuh a niang chu! Thaw țalh țalh khawp a tal aih aih reng in ka awm zawn ațang chuan min melh tak zek bawk!





A mitmeng a alh phat țûm hian a la *HOT* hle tih pawh a hre miah nang!





"Sorry! Inthil tih lai țheuh kha tih zawm leh tawh ru! Ka nupui hian a in tam deuh a, kan țin san hmasa ang che u." ti hluai pah chuan kan nupa ngawt min thlir țhuptu te chu dar ka kan khum uk.






"Hmela! Ler-a, khatia sawi kher pawh kha a țullo." Ka awm zawn ațang sehchilh ran a rawn ti chhuak hrak in thinur vangin a thaw ham ham a, ka nui suk min rawn hmuh meuh chuan ka hmai ham chak hmel zet in a kutțang chu a ti tawm nghal țai! Ka zawhte note kawlh zet anih hi!







Lift kawngka lo inhawng ah chuan ka pen luh pui vut a. Number ka hmet tur ban pakhat tha thlah dul chu remchang ah la in bawihi pawh a lo tal leh vak, muangchang in chhuatah ka nghat ta hram. Ka lak ațang tlan meuhva inlakhran a tum rual chuan akawng ah man hmiah pahin ka taksa ah ka hnuk let nghal hrawk! A nilah pek chu keite nu muhil lai kaihthawh ang mai a bak leh hlar tawh!







"Zohminglian mihring lerpa." a ti tuar.
Lift kawngka a inkharphui fel rual deuh thaw chuan che nghal vutin hamhaih zet a min en chung a tlan chhiatna tur melh kual ruai tu chu lift bang ah ka nawr bet nghal hrawk bawk, ka din hnaih hrut a, kun hniam khûn in a lu bul chu ka nam nghal run, ka ban pakhat zawk erawh chuan a kawng fêk rat ah hnehsawh zet a man bet in ka taksa si chet ah ka hnuk hnai leh hrawk!






Ka jacket hmalam in hawng huau chuan a khûh deuh hlûn bawk nen a taksa chu ka khuap bo vek ani ber.





Hnaih zet ah dinchilh chung chuan ka chhuk en ngur a, Bawihi thung chuan luhlul tih hriat tak maiin ka awm zawn a melh lui ngal!


Ngit nget reuh țhian hian! Ka rilru chuan ka ti hluk bawk.




"Helai hmun i thlen phei duh vang hian maw nangmah a awm i duh thu kha chhuanlam ah i hman a?" ti nghutin a kawng ka manna chu ka sawn hniam thla hrut, a mawng bawr vawng lah chu ka kut phah hlaihlup chuan ka hrawm nghal tawk! Bawihi lo tal nghek mahse din hnaih ve leh sauh in ka awm chuan bang ah ka nawr bet nghal chawih bawk. Rum lutukin min chho melh khai khai a.


"Zohminglian"




"Ka zawhna che kha chhang rawh." dak vah a min chhoh en tu chu chhuk melh ngurin ka phun chhuak sup. A taksa lum ham ham leh a mitmeng meiling vam hiam ang mai chuan ka thisen nen lam a



fan lum phulh tawh!

Min nin (g) hmel fe hian a thaw hak a, a hmui sen no chek in keimah ah nghawng a neih nasat țhin zia ngaihtuah in rum hrawk pah chuan bang ah chuan ka nawr bet leh tâwk!






Bawihi thung chu hawi sawn hmak in ka zawhna pawh min chhang let lo chuan ngawi leh ngal tawh!






"Hetiang thawmhna themnem zet inbel chung a kal chuah hi ka rem ti hauh lo bawk." luhlul zet a ka dar zawn melh tlat tu bengbul ah chuan kunhniam in ka rum nghut bawk. Tuna a lan dan mai ațang hi chuan in la model satliah te ai pawh in a chhelo in mit a la zawk fe!






A ngawih tlat avang chuan a mal hnung lam chu chul kual dun dun in bangah chuan a aia chep zawkin ka nawr bet hrawk. A ni che thei tawh bawk silo huat zual sauh tur chuan hnuai lam ațang a kawrfual taksa phuar mar zet chhung ah zen lut in a mawng vawm țha zet chu a panty chhan ah ka hrawm sak tawk a!


"Hur-a" ka awm zawn ațang a rawn ti țeu hlar rual chuan ka nui chet hluk thung.




A ban thawh in a kawrfual chhung a ka kut chu pawh chhuah a rawn tum ve viau a. Ka kutphah hlai hlup chuan hrawm sak leh tawk in a tîm chawi rual chuan khi suk pah a hrawm leh nawn leh ngatin ka kut chu ka la chhuak ta vut.






Bawihi rawn ter nghal at chu a kahbe ah ka dawm hmiah, ka kuai dak salh a. Min an khum leh a chak hle tih hriatfe hian a mitmeng chu a hriam em em mai ni!
"Ka ru dawn che." ngeiawm lutukin meng rang nghal khai! Engahmah ngailo in ka nuih suk a. "Zanin ah"




"A teuh lo lutuk!" au tuar a meng ling phat hian a kahbe ka vawnna chu a rawn phih nghek!




Rum chhuak nghut chungin ka kun hniam vuta, ani lo tawm chawi chu bang ah nawr bet zual hrawkin a hmui sen hnawm chep melh ngur pah chuan mit ka ti zim sun bawk.




"I phalna lak ka tum lo! Ka ru dawn che, i phalna ka mamawh bawk lo" zawi thum dut a ti chhuak sup in a hnar hit thler chu ka fawh sak nghal thuak.







Insawn thla in a hmui fawh chakawm zet ah chuan ka fawp ta ngawr ngawr! Hmui chip tum leh tal chhuah tum chuan a țang ve hle reuh a, koham zet a fawp lui ngawr ngawr chung chuan akawngah man sak leh hmiah in ka taksa si thlawp chuan ka hnuk hma hrawk! Ka taksa ah a insawh dat rual chuan a thaw chhuak haka, chu chu remchang ka hmang hmiah, ka thlakhlelh em em a, a kâ chhung sa hiam leh wine vang a thlum dek dek ah chuan ka lei chu hawl lut nghal hmiah in thawk lakna hun pawh pe tawh lovin ka hawl kual ngawng ngawnga, a khat tawkin duhthawh fahran in a hmui chu ka pet pah ngawng ngawng reng bawk.


"Min chhang let rawh" Ka fawhna chu thlahin thaw ri hrawih pah chuan ka ti chhuak hrawk.


"Ka seh mai ang che" kan hmui a insi che che! Țal chuan aw!




Ka fawh zawh chiah a hmui huh hliam chu melh ngur rengin a khabe ka manna ka thlah a, a bek sam ah ka nawr lut tawk; a hma aia uar zawk chuan ka fawp leh ngawr ngawr, a kachhung sa hiam hian engtiang takin nge min sawi nghing țhin a hre ve hauh lovang! A kawng a chin hnuai lam chu ka taksa a nawr bet zual sauh in a kâ chhung sa ham ham mai, hun rei tak chhung ka luh tawh lohna ah chuan lei ka chet kual tir ngawng ngawng reng a! Ka lungphu chu rang satliah pawh niloin a sa so phul bulh bulh.






A lei sa hiam leh nem thep mai ka nawr chet sak theih tak ah chuan rum chhuak hrawk in ka taksa chuan ka nawr bet zual sauh. Muangchang a meng chhuak ruai ruai chungin a kâ chhung teste chu hriat kim loh hlau tak in lei chu ka chet kual zel a, a tui ani tawp! Rei fe hnua ahmui thlum tui zet hnuai lam pet chung a rum chhuak hrawkin ka tawp thei hram!





Ka thaw chhuak ham ham a! Thinglung, phu țhin neive ka ni tih ka inhriat theihna awmchhun chu Ka Bawihi chiah hi ani!






A biang sa hat hat leh tai sen tek chu ka chul sak a! Duhtawk a ka fawh zawh hrep, a hmui huh hliam mai chu uluk zet a en vung vung lai chuan Bawihi pawh a rawn meng chhuak riai riai! Ka mitah tak min rawn en rual chuan ka thlarau thlengin a thununna hnuai ah ka tlu lut ani ber e!






Ka taksa a lian in ka nawr chep hneh bawk nen ka lungphu su dup dup chuan a taksa pawh a tiche pha hial bawk.







Thawk lakna hun second khat lek pawh ka pek miau loh a vang in phi chiai min en pah chuan a thaw ham ham a.






'Ka lasi dik tak kha ani leh tawh!' Zun ngah em em, vei awm ngawih ngawih-i kha! Boruak kham lo zet a a thawk la halh halh lai chu hmuhnawm ti fahran a en chhuk ngur chungin kei zawk pawh ka thaw ve hawlh hawlh tho;





Muangchang in a bek ah kut ka nawr lut a, tihnat hlau zet in ka hmui la hnawm hliam chuan a chal ah ka nawr nghal vang vang bawk.



A kâ chhung a țang wine rim nam hiam a rawn thaw chhuak hakin a tîm leh chawi a. A chal leh ka chal nawr siin ka din hnaih sauh bawk.





"Ka ta i nih hi!" ka ti chhuak hrawih, ka hmui chet rual a ahmui nem thep leh la hnawm chep ka hrut tel rual chuan inthunun hman lo lekin ri chawk khawp in ka fawp nawn leh tâwk. Bawihi chu a rawn tal phat a. A kawng ka vawnna tha zawk chu chet lehin ka taksa ah ka hnuk bet zui hrawk bawk.




"Ka ta; ka nupui" a chal leh ka chal ka nawr sik miau avang in a hmui fawh nuam zet sen tek bak ka hmu thei lo.



"Ka ni bawk lo!" kan inawm hnaih em avangin a aw ri pawh a zawi ve le. Ka rum chhuak nghut bawk.




"I taksa pum leh i hma lam hun pawh ka ta vek!"



"A ni bawk love." ti leh ka awm ah nam a rawn rual a. Mahse, hnehsawh zetin ka awm a akut chu lo hum bo sak vek in a chal ah nawr ngur pah chuan ka la kang ruai ruai a, kan infawh chhung kha a rei bawk nen a thawk lak a buai in a taksa chu a che ak ak reng. Wine vang a amitmeng si sap tawh chuan min melh ve tlatin ka hmui a akut phah hnung lam ka nawr sak lai chuan a inseh ruh vak bawk.






"Rui viau rih mahla ruk che ka tum nghet bur." khi suk in a kut hum bet pah chuan lift kawngkhar rawn inhawng ruai ruai lamah chu ka thle nghal buk bawk. Nichin khan lift hian chhawng hnuai ber thleng tawh in kawngkhar pawh țum khat a inhawng leh hman tawh. Mahse, lift hmang tur an awm lo nge tuman min rawn tihbuai tak loh avang in amah bawk in a inkhar leh ruai ruai anih kha.







"Inruk ka duh ve bawk lo" bawihi chuan rawn ti hmakin a hawi sawn zui hmak. Luhlul tih hriat fahran hian lift kil lam chu a melh ngar bawk.






"I phalna lak ka tum lo" rum mang khen a min melh rawm pah chuan kâ a ang ziau va. "I phalna ka hmuh te'n inru ani thei tawh nang ." ti nghut in kaih chhuah mai ka tum a. Țang țai chungin lift chhuah ah chuan a țhu nghal tlat anih chu!


Show post links
Top
CLICK KHA THEIHNGHILH LO ANG U AW!!
Abbra Reo Ririni
Post November 15th, 2019, 6:55 am

"C'mon Bawihi." ka ti hluai ! Ka ban pakhat zawk chu ka lek kang vut bawk.

"Aih!"
Lift chhuat-a a țhu tawm kak chu ka melh chhuk ngur a. Naupang huai bak deuh, nuar tlat a ang lulai lutuk. Sawi chhuak ngat ila chuan min ter khum leh zek emaw ani ang!

"You want me to carry you?"
"A teuh lo." ti vak pahin min chho melh nghek.

"Bawihi!" rum chhuak hawk chungin chil ka lem khawlh.

"Kal ang le." zawi sup in ka ti leh a. Lu a thing vak thung.
Boruak tam tham zet ka thaw chhuak hawk a, muangchang hian a kut hum run chungin ka țhu hniam ruai ruai bawk.


"Kan fanu in a nghakhleh viau tawh bawk che." Ka ti leh sup, thlem ti tih hian ka kut lehlam chuan a sam ah ka chul sak thuak bawk. A sam ka chulna vek chuan a biang ah khuap in naupang thlem ang maiin ka kutzungpui chuan a biang chu ka chul hauh hauh a. Ka mit ah tak min en let ngar ngar a. A mitmeng chu harhfim rih lo viau mahse a harfim lai pawh a ka hmuh chian țhin em em 'hlauhna' kha ka hmu chiang viau lawi.



'Daddy ka Mamma nen fast tawk in lo let leh rawh' tiin phur zet in min chhah a, rei min ti tawh lutuk ang." a ti zawi ruih, Dorisi thusawi ka sawi zo chiah chu rum zet a min en ngawt ngawt lai reng chuan a mittui a rawn dir thla ta zawi (h) mai! Ka awm chhung chu thil rit tak a chhut chawrh ang maiin a che nghing lawih!



InShot_20191111_145103477(5).jpg
InShot_20191111_145103477(5).jpg (77.32 KiB) Viewed 15882 times
"Bawihte.. " ka ti hawlh, rang zet in a kut ka hum lai chu thlah in ka kut pahnih in a biang chu ka khuap nghal vut, a mittui chu a rawn sur zung zung a. Kawchhung tawt phui țûn chungin ka tuai hul sak zel bawk.



"Țap tawh suh le."



"Zohminglian, i sual lutuk." ring deuh a rawn au leh aw rawl chhuah meuh a țah a rual ta mai! Țap reng chung chuan a rawn țawng tel a. " Nangmah anih kha ințhen rawt hmasa tu." ti țîau in chhuak fe hian a insut zawm nghal hlawp hlawp!





A rilru chu a nat hmelin a ţap chu ban mai mai a tum lo tih hriat fe chuan Doris-i țap ang chiah in a men țîau! A rui sual; lungpuam anih ring tho mahila a rilru nat hmel chu hmuh nuam ka ti hauh lo. Ka awm chhung hi a na ve ngut ngut.




"I duh dan anih ka rin vang a lawm." Ka ti zawi ruih, a biang huh hliam chu ka tuai sak thuak a. Bawihi chu a zuau sauh a ni ber!

"Engmah pawh min zawt hmasa lo." a rilru a na ngang a nia nge, ka fanu vui nûi nûi âw rîk dân chiah in a aw ri pawh a ni 'tûng'; lu ka thing nghut a hmuh chuan hmeichhe naupan pangchang zet ang mai hian a rawn ţap uar leh sauh a!





"Sum rawn chhuah rawh, ințhen ang i ti a." uar tak leh rilrunat hmel zet a rawn tiin sawi zawm thei lovin a inhnit hlawp hlawp phawt a, a ruih vang a midang veng thawng lo lek a țap chhuak ngam chiah ani tih ka hria, a mit pawh mittui in a chim khat vek bawk.







"Zalen tawh rawh, min ti hmasa tu i nih kha, i duh hun hun ah min țhen a nga." insut hlawp hlawp pahin a kut pahnih a ka ban rek chu rawn vuanin a pawt zui nghek bawk. Thlah ka tum hauh lo. "Inneih leh i duh apiang in ka hma ah i lo lang leh a nga. Ka lo nei ringawt ang che maw? I sual lutuk" a sawi zawh rual chuan a aia aw rawl ring chuan a rawn țap leh mai anih kha!





Lift kawngkhar inhawng huau ațang thawm ka hriat rual chuan hawi chhuak vutin tim dai a lift chhung rawn bik dek dek tu hotel hnathawk hmeichhe pahnih chu tûr zet in ka lo melh nghal khûi bawk.






"Kal sawn vat ru." ti chhuah hrawk leh din mar ka rual nghal vut. Hotel hnathawk te chu an kat nawk a, rum zet a en dun ngur pah chuan lift button a number chu ka hmet zui hmiah. Lift kawngkhar a inkhar phui fel hma chuan hlauhthawn hmel zet in an la rawn bih hram! An lo buai ve ruai kha kan mamawh miah lo.





Kawngka-a inkharphui leh rual chuan thaw chhuak huaiin ka in her let a: Lift chhuat ah țhu tâwm kâk chung a chhuak êm êm a Bawihi lo la ţâp bâi bâi reng hma ah chuan țhu hniam leh vut in a kaiza ah ban ka rawlh lut a, Bawihi pawh a rui bawk nen, a țah ah chiah rilru a pe tawh te pawh ani mahna! Min dan pawh tum ta lo chuan Doris-i ka pawm chang a atih ang chiah a min ban in aban chuan ka nghawng ah a lo kuah thuai a, chutih lai reng pawh chuan a insut zawm hlap hlap tho. Melh zawk pah chuan ka țhen suk bawk! Nuih loh pawh tum ila a chet dan naupang țap ang mai hmuh reng bawk si chuan a nuih loh thei hlawl lo.


Ka din marpui a, ka awm ah bei nghal kak in 'ințhen rawt hmasa tu' ka nih thu chu rilru nat hmel tak chuan a phun pui nûi nûi a! Ka awm a ka pawm beh mek insut hlawp hlawp chunga ka thla hau ngat ngat tu chu en chhuk run chungin ka nui ve suk suk mai!



Hmeichhe naupang nu leh pa nawrh khum nget nget; Mahse, amah a engmah la ti hleithei bawk silo, a nawr chhan theih nghilh hlau zet a țap bai bai chung a an hla tur la vawng ve khiau hi a ang ber!



'... sual ropui si, ler bawk si, ințhen ang, bungrua rawn la rawh tiin min hrilh a. Bungrua kan lak hnu lawk ah nula nen bazar ah an chhuak dun vel a. A fanu.. aih, kan fanu pawn a au lawm lawm a, a hrelo der hmak. Bawihtei a riahpui zan pawn nula nen chuan room ah zanlai pelh rawk thleng an awm a. Bawihtei pawn 'daddy'n one Aunty a hug' a a ti a!' rilrunat hmel fê chuan a la ti pang pang!



Khamini khan keipawn ka hmu ngei a lawm! Ka fanuin min au zui tih erawh kan inhmuh leh khan ka hre chiah.




Lift kawngka inhawng ah chuan pen chhuah pui vutin Hades-a office lam pan chuan ka kal pui zui pawk pawk. Ani lah tawp duh bik țhai lo!





'Emma man inhlan zan ah pawh; kan ințhen tawh tih mi zawng zawngin an hriat vek hnu ah ka nu leh pa te vang liau liau in ka kal ve a. Zohmingliana ber bur chuan.' Ka hming a lam tel rual chuan thinrim tih hriat fe a inhum ruh chungin a țang ve țai țai viau bawk. Lu ka thing nghut ringawt.






'Zohmingliana ber bur chuan..'

"C'mon, 'ber bur' min ti kher suh." din pui meuh in ka tih hluk. Min ngaihsak tang'nge a ti mang bawk silo.





'Zohmingliana ber bur chuan nula a rawn luhpui a, tlangval in a bialnu an in ah a hruai ang mai hian buaipui huk chungin ka hmuh lai rengin choka ah a luh hranpui vel a.' thinrim thar leh tih hriat tak chuan a taksa pawh a țang at!





"Senpui kha a tui in a hal alawm." ka lo ti ve dût.

"Tui in hal pawh nise kê a nei a, amah in a kal thei reng.. Zohmingliana ber bur khan nula a kalpui tih ka hmuh loh a hlauh vang vek anih kha" a rawn ti nghal tuar.

"Mipui an tam a, a zak a lawm" A rui lungpuam țawng mai mai tih hre tho mahila a thil hmuh ang leh a rilruput hmang a fuh miau loh a vangin a hel phah tlat avang in ka hnial let lo thei lo.

"A zak anih chuan lo kal loh mai tur a lawm.. Zohmingliana nen khan an over ve hrim hrim.. Zohmingliana ber bur kan hma zawn ah tak a rawn țhutpui leh ta nghal a! A duh leh khanu kha nei rawh se. Keipawn pasal dang ka nei daih ang!" Ber bur min ti leh ta!

"Pasal dang i nei hauh dawn lo." ti chhum hmuk in ka dawm kang nawlh! Bawihi thung chu ka thusawi hrelo ang hmak chuan a thle zawi hniang mai.

"Man inhlanna a zawh vel ah room lam ah a chhoh pui lai te kha ka hmu vek! Oh.. kha nu zak vang a tui in ngamlo a care em em laiin zak chung chung a ka fanu nen kil khat a kan țhu reng chu chhete pawh a pawi tihna a neilo! A fanu ai pawn khanu kha a ngaipawimawh zawk! A ngaihpawimawh zawk leh a care zawk nu ngei kha nei rawh se!" Beidawng zet in ka en chhuk run; a au ring leh tawh in a khek tûng bawk nen a țap hliam hliam lai kha buaipui a nuam zawk fe.



"Ler-a anih hi! Ler-a. Carlos Zohmingliana pawh ani tawh lo. Ler-a, nula lawm-a, Tlangval chak-a... inneih leh maw? Ka nei tawh dawn lo lutuk.. hmeichhia alawm ropui si!" Meng phi chiai reng si chuan a ang zawm tan tan a! Tihvak ngaihna ka hre tawh miau lo.


Lu thing nghut a rum chhuak ham ham chungin Hades-a office bik chu ka pan pui ta zel. Ani pawh zawi sehchilh nak in a ang zawm char char; Man inhlan tlai khan Senpui a thik tih chu ka chhungte leh pa Zothana te lam pawn an hre vek. Kei thung chuan ka farnu anih thu hrilh ka tum viau nangin Jayden leh Emma te pahnih.. Ethan-a pawh a tel bawk tak e. An ni pathum chuan hrilh rih lo turin leh ka lak ah eng feeling chiah nge a la put tih fiah a, engmah hriattir rih loh tur a min hrilh vang chiah a Senpui nen kan inzawmna hi hrilh ve ta lo chiah ka ni!


Ka lakah thikthu a la pe chhe ngâi ngâi hle tih a lan chian viau laiin a 'hêl' phah zual sauh a. Helin khirh țî-țêi viau mahse zanin ngei hian ka chingfel dawn ani tawp.


Kawngkhar hnum tle hlurh chu ka ti ri a. Bawihi ang tan tan lai pawh a lo zawiawi ve ta viau. Reilote hnu ah Hades-a chuan chhung lam ațang kawngka chu a rawn hawng a. Țum dangang bawk in coat dum dak thlup nen a induang leh zuah tawh. A mit chuan ka pawm beh mek Bawihi chu ngaihtuah hmel takin a en hmasa ber. Min venthawn vang a chet rawn la nghal vut lo ani tih lah a hmel tak ngul ațang chuan ka hmu chiang viau.




Hrelo ang hmak in ka luhtlang pui hmiah bawk. Couch senduk inhung kual ruih chu pan ding in Bawihi pawh tal hran tir lovin couch ah ka țhut thlakpui ngai ang ang chuan ka pawm bet hlu hlu a.

Ka thla hau va a ang tan tan reng chu a chawl ve ta hram tih hria in thaw chhuak huai chungin couch nghenchhan ah chuan lu ka nghat nghal dawt!

Hming min phuh hnem hman lutuk erawh a zia viau lo.

'Lera'

'Nulalawm-a'

'Tlangvalchak-a'


Ner suk pah a lu chet vutin ka ban a lu nghat mek Bawihi thaw sek sek chu ka chhuk en ngur a. 'Khirh țî-ței-i i ni ve tho' ka ti chhuak hmuk bawk.


Muang ruih a Hades-a rawn let leh chu za vak lo tih hriat zet in a rawn țhen suk a.







"Room ah awm tir ka tum viau nangin ka dang thei ngang lo anih kha." a rawn ti sup. Bawihi chu uluk zet a en ngur rengin lu ka buk khum nghut a.

"I haw dawn em?"







"Meeting ka la nei." min chhan rual chuan a ban rek chu a bih vut, a hun hman dan tur ngaihtuah niawm tak chuan chal a ti chuar tup bawk. A rawn hawi chhuâk chuan Bawihi bawk a rawn en leh thuai bawk.








A lakah hian thikthu tihchhiat a, vaupung tih nat viau ka tum tawh hauh lo. Bawihi a en dan zawng zawng leh a lakah a rilruput dan engkim hi hrelo ka ni bawk lo. Mahse, mipa dangte ang a remchang zawng chi a nilo tih ka hriatthiam tawh tluk zet in Bawihi te nufa a lo chhawm dawl dan engkim ka hre tawh a. Bawihi lakah hian rilru chhia pu nise chuan vau betin a ta ah a siam daih tawh ang!









Mahse, kum hei leh chen chutiang a chet la lovin a hmeichhe duh leh hmangaih hlimna tur ang zel a ke pen char char duh mî ani a. Mipa dangin ka nupui a lo hmel duh ve hi mipa ka nihna ang chuan min ti sa ve na meuh mai. Marawh chu induhna leh hmangaihna te hi kan duhthu a pian tir a; ti tawp ngawt theih kan nih loh zia hrechiang ber tu ka nih a vang leh Bawihi ber in kei chiah min hmangaih tih ka hriat chian tawh em avang in Bawihi min hmangaihna ka ring ngam a. Hades-a pawn lo duh ve pawh nise Bawihi ber in a lakah rilru dang a put loh phawt chuan 'tawp tur a hrilh a, hleilen khum viau' kha ka tum ber tawh lo. Bawihi te nufa lo chhawmdawltu anihna avang tal pawn a lakah hian lawm let hle tur ka ni.








"Darkar chanve vel room hi kan lo hmang lawk ang." ka ti sup. Ka sawi zawh rual chuan min buk khum nghut a.







"Lime juice a awm, intir la, a harh deuh mai ang." reilote bawihi bawk chu rawn en leh in a dawhkan lamah chuan a kal thla ta nul nul. A rilru put hmang tur ka hriatchian em avangin keipawn tihbuai zui ka tum lem lo.








Bawihi chatthla lek lek chu thawhpui vutin couch ah chuan ka mut a, zawite te in 'Zohmingliana ber bur..' tih velin ala phun sep sep. Ka jacket hak chu hlip leh vut in Bawihi taksa chu ka khuh a, ui note ang maiin ka jacket chu a lo hai nghal sat sat reuh bawk.








Thaw chhuak huai huai chungin couch ah chuan ka țhu thla ve a. A chal ah hmui ka nghah zawng a athaw lum hiam in ka hrawk zawn a tih lumna te chu ka thlahlelin ka ngai ani tih a hre ve mang silo!









A hnar ngul tetakte leh invuah vuh zet hmawr hit thler chu ka hnar a nul sak thuak in a biang hit deuh var chu ka kut lum in ka khuap sak leh vung vung phawt a. Ka kutphah hlai hlup a ka khuap beh, a hmelțha zet leh nun hliah hliah chu uluk tak a ka en ngur lai chuan 'ka nak ruh bo.' tiin ka phun chhuak sup bawk.









Rin phak bakin a thikthu a chhe țî-țêi reuh va, ka thusawi ngaithla duh miah lovin a khek chhuak tuar tuar zel nangin KA HMEICHHIA anih chhung chuan ka enliam thei vek. Engtiang pawh in min an khum in min huatthu min sawi khum sateh mahse ka nupui, KA HMANGAIH anih miau vangin ka pawm thei vek!







Khawi hmunah nge kan awm a, kan kiang hnai ah tunge awm tih ngaihtuah hman map lo chuan ka kun hniam vut, a hmui ah chuan ka fawp leh vang vang a! He a hmui ka fawh lohna rei tawh zia leh min hel a, ka lak ațang inlakhran a tum tlat hun kha ngaihtuah let in a aia uar leh duhthawh zawkin a rui che thei tawh lo chu ka fawp zui ngawng ngawng! A hmui chu lo tiche in min chhang let miah lo mahse keimah ah chuan danglamna rawn insiam in ka thluak chu a kal bing chuah chuah a! Thlahlel ngawih ngawih sia amah ka venthawn vang a ka kut hmawr pawh a ka khawih ngam ngailoh lai khan hremhmun nun ka tem a ni hawt!



"Ka hloh tawh ngai dawn lo che! Luhlul chhuah in min hlat tum leh pawh nila ka nakruh bo i ni a, ka hloh nawn tawh ngai dawn lo che Ka Hmangaih em em nu'' ti sup in hnaih zet ațang ka en chhuk ngur.


Amah ngei hi ani ka nakruh hmang a Pathian in ka kawppui tur a siam a, nunna thaw a hnar ah a thawk luh hmeichhia chu! Kan hmalam hun ah pawh inrem loh na neiin inhnial buai chang nei țhin mahila ka nakruh ațang a lak chhuah, ka tan liau liau va Pathian in min din sak KA HMEICHHIA ani miau a, ka lak ațang a kal hrang tawh ngai lovang.

Kum 4 țha zet zawt hnu ah ka hmu kir leh a, khirh chhuah in min inlulin khum bar bar mahse ka hlat phah tawh hlek dawn lo. Natna ka tawrh tir tak te kha thawi dam sakin, kawng engkim ah zawldawh zawk leh dawhthei zawk ah țang turin rilru ka siam thar tawh bawk.

Hades-a pawn keini pahnih chu min rawn ngaihven tawh lem lovin a hma dawhkan chung a laptop eng phut chu a bih rûn a. Pindan chhung ah hian ka mikhual tawh lutuk lem lo. Khunkhan tak a kan in kawm fo tawh avang in pindan chhung a fridge inhung lam chu ka pan vut a, fridge chhungah chuan Hades-a sawi ang ngeiin lime juice fir zet a lo awm khiau, cubboard a whiskey glass inhung tlar dal pakhat chu ka ban tel vut a, Bawihi lam ah bawk chuan ka let phei leh nghal vut bawk.


"Tikhan lo awm ru, video call meeting a hun tawh tlat." Hades-a chuan a rawn ti thum dut, din chhuah hluai pah chuan chair hnung a over coat a ban chu a la tel vut a.


Ngawi rengin a inha țha mawlh mawlh a. Laptop pawh chu khup thukin bag ah a khung leh nghal zat.


"Ka lawm e." ka aw zawi sup leh fiamthu tel hauh bawk silo vang chuan a coat hma chu muangchang in pawtphui a, min en ruai ruai bawk.

"Engkim avang in ka lawm e." ti nawn leh supin muk zet hian ka melh ngur.

Dawhkan a laptop bag chu la nawlh in ka dinna lam pan chuan muangchang in a rawn pen chho chhat chhat a. Mipa mize diktak pu mi nilo se chuan ka nupui hi a lakah ka chan ngei ang tih phat tum mahila thudik ani!

"Natna engmah tawrh nawn tir tawh suh. A mit ațang mittui a tlak ka phal miah lo bawk, nangmah vang in a nâ a, a mittui a far leh ani tih ka hriat rual la la in theih tawp chhuah a nei turin ka bei ve tawh ang." a ti zawi sup. A thusawi tawp rual chuan ka hma ah rawn ding fel nghal run in ka mitah tak min en nghal ngur a.

Ka khi suk chu rawn hmuin ro zetin a nui ve suk bawk.


"A hlim ka duh, an nufa a an hlim hi ka duh ber! Hlim takin siam la, chhungkaw țha tak din ang che u. Chu chu kum 4 chung lo enkawl tawh tu ka nihna ang a chah che ka ni." Ka mit ah tak min en ngurin a ti leh sup. Ka bu nghut a.

Ka dar phen ațang couch a Bawihi mu tawm chial chu thlek in a ngawih leh vung vung a.

"Thlahna thu min lo sawi sak ang che." a hma aia zawi leh thutak zawk chuan a rawn ti. Bawihi lak ațang mit la sawnin ngenna te nen ka min en tawh thung.

"Doris-i kiang ah pawh thlahna thu min lo sawisak dawn nia."

"He lam ah i awm rih dawn lo em ni?" ka ti țha ve mai. Za lo tih hriat zet a țhen suk pah chuan lu a thing nghut a.

"Dam takin kan inhmu leh dawn nia Carlos. Inchanchin hlimawm lam hlir hriat ka inbeisei dawn nia." Ka darah nghet tak a rawn țham pah chuan a nui suk.

Keipawh chuan a ban rek ah nghet zetin ka hum a.

"Dam takin le." ka ti sup.





▪




"Ding teh, ding teh." a muhil reng emaw tih lai a Bawihi rawn au chuak chul chu ka en chho vut. A kut pahnih in kâ a lo hup bet țai a. Sawi nawn leh ngai tawh hauh lovin motor pawh chu ka ting nghal tuar.







Rang zetin kawngkhar a nam hawng nghal pawp. Keipawh chuan driver side kawngka chu nam hawng ve pawp in motor tlan hual a bawihi rawn tlan chawn chawn chu ka pan thuai a.

A uak țhat țhat hnu ah a wine in țhenkhat chu luak chhuak in mittui tla phung in uak zawm a.


A bul ah chuan ngawi reng a țhu ve run in a hnung zang ah ka chul sak a. A tawp a tawp ah thaw ham ham hian kawngsir kawngpui char ah chuan a țhu zawi ta hnak.






"Tui ka rawn lak ang che." tih leh thawh ka rual a. Driver side bawk chu pawt hawng nghal pawp in kawngkhar a tui bottle intung pakhat chu ka la nghal vut.


Bawihi thaw hle hle hmui leh tui bottle chu chuktuah sak thuai in a sam chu a bek ah ka zeh sak a. Chutia amah bawisawm a ka che kual vel chu motor head light eng ut mai rinchhan chuan min lo en veng veng ringawt.





"I kam țhuah rawh le." a mittui vang a a mit bul huh hliam chu ka tuai hul sak a, tui chu ka tulh a. Bawihi pawn thuawi zet in a kam chu țhuah in tui chu a lem nghal khawlh khawlh bawk. Wine bottle khat dawn amah in a in zo vek a nia.




Zanriah a ei miah bawk lo tih lah luak chhuah tur pakhatmah a neih loh dan ah khan a chiang reng. Tha neih loh hmel takin bottle chu lei ah a rawn nghat thla dat. Hah hmel fe a thawk la in a maimitchhing leh riai riai a. A țha dawn hauh lo.






Kawngpuia a țhu zawi hniang pawm thawh mai ka tum chu tal nghek in khirh a chhuah zui leh țai tawh.







"Min khawih ringawt zel suh." tih leh rum deuh a min melh a rual zui zat; a mit chu mittui in a lo chim leh pam tawh bawk.





"Motor chhung lum ah inbia ang."



"Ka duh bawk lo." min chhan let dan naupangchhia zet vang chuan ka nui suk. Mit sir a min melh râwm hnuah hma lam a hawi leh hmiah.





Hades-a hotel ațang ka pawm chhuah lai khan a chatthla fel der tawh. Zan rei lam a hnai tawh bawk nen kan veng pawh a rehin lirthei veivak a tlem pharh tawh a. Ka nu te pawn chanchin ngaichangin min rawn bia a, kan let mek thu ka hrilh tawh nangin ani tereuh hian khirh a chhuah leh dawn anih hmel viau.








"Khawlai chu a váwt, hritlang i kai palh mai ang." ka ti sup, ka jacket a hak chu pawh phui sakin a sam chu ka chul sak thuak a; a eng ber chuan nge a lung tichhe em em mai ni! A mittui bawk a luang thla leh zung zung tawh. Boruak a vawtin thawk a lak zawngin khu a chhuak ham ham zel a. Țah rin a hlauh vang a a insumna lam ah a hmai te chu rawn sen țan țan in a mitko thlengin a sen tai leh tek tawh.






"Motor chhung ah inbia ang, i harh tawh tho in ka hria." duat tak a kuah chak viau mahila min huat hmel ngawih ngawih lutuk a, a rilru tina tu hi an chhuahpui zo phiar se, Senpui nen kan inzawmna pawh ka hrilhfiah tawh ang. Tuna a lan dan ațang hi chuan țah mai a inpeih at reng a, a rilrunô a kal tluang rih ni ber ah ka ngai.


"A mak e mai, min khawih tawh suh." ti hlar in ka ban lek chhuah vut chu a rawn nam nawk.

"Bawihi?"

Rum deuh a ka mitah tak min melh ngar ngar chungin chhuak lutuk hian a rawn țap ta hlawp hlawp a.





"Tinge i duh dan ang ang a min pawh kual i tum zel a?" a ti țîau, a mittui chu a tuai hual nghal thuak bawk.





"I duh leh i bialnu kha nei rawh, engmah ka rawn sawisel lo ang. Mahse, ka hmuh theih ah vawi khat pawh rawn lang tawh suh. Tlai ah te khan kan inah te i la rawn hruai leh nghal a. I sual ka ti ngawi ngawih che."

"Nupui dang ka neih i rem ti tak zet a?" ti hluk in ka ner pah nawk.




"Aw!" uar fahran hian a rawn au tuar. Ka nui suk chu rum zet a min melh nghek in a biang a mittui luang thla zung zung reng chu a tuai hul leh thuak a. "Nei rawh.. i duh leh sawm chuang pawh nei rawh."







"Phal viau mahla, nei lo rih phawt mai ang." ka ti lo hluk chuan a thinter êk a cho chhuak zual emaw tih mai tur a rum mangkheng in min melh er.

"I duh dan dan in awm rawh." ti hlar in a insut hlawp hlawp chu tihtawp tum ve niawm tak chuan a awm insep dar dar chu a kutin a țham ve tawk tawk bawk.




"Ka duh dan dan a ka awm i rem ti maw?"
"Aw." a rawn ti pawr hlar. Khi suk chungin ka che nghal vut bawk.

"Hmela, min dah thla rawh. Zohminglian, i beng a ngawng a mi? Min khawih ringawt zel suh ka tih tawh kha." ka pawm kang nawlh chu khek tuar tuar pahin min chum nghal zawt zawt. A ni rui kutthlak mai mai! Min tina tham lo lutuk.






Driver side kawngkhar chu pawt hawng pawp in seat chu ka nawr hnung nghal hrawk, ka țhut luhpui dawn te chuan alo tal ve tak ang nawk nawk a; țhu lut a kawngkhar ka pawh phui dawt rual chuan tih theih a neilo tih inhria niawm takin naupangin a ngam lo a tawng ang mai hian a aw rawl ring tawkin a ţap leh rih a!


"Ka duh dan ang a awm turin min hrilh a, ka duh chu bulțan țhat leh anih miau avang in ka duh ang bak in chet ka la zawm dawn lo."




"Ka telve duh hleinem." Ka malpuiah min hmachhawn zawngin ka nghat. Huaibak zet a min chhan let leh pang pang lai chuan seat nghehchhan ngheng duaiin ka melh ngur bawk.

"Kan fanu in nuhrawn hrawn se i duh em?" ka ti sup.





Insut hliam hliam chungin reilote chu eng emaw ngaihtuah ni awm takin a ngawi ve dak a. A thinchhiat țéu hlar lai reng a hmeichhe naupang thusawi zet ang mai a a ngawi nghal dék erawh ka lawm viau!






"Duhlo.. i duh leh nupui dang nei la Bawihtei chu ka bulah..."


"Nupui dang ka nei duh bik hleinem." ka lo ti hluk. Rum deuh a min melh let er hma chuan thaw huai in a khawng ah ka kut pahnih in ka man zui hmiah bawk.








An: Euphoria! 🙊
He lai a an inbiakna hi a tak a thleng ngei rawn zep telin ka rawn pawt kual ang. 😂(A takah chuan hmeichhia zawk hian teenage a hmang țan ve chiah..lol, Nupa ințhen vang nilo in mipa khan 'ka nei dawn che!' a ti ve ziah a. Aneih ngei chhan tur a sawina vel..hehe..chuan, hmeichhia hi a rui ve lo bawk😂)






"Thelma Malsawmdawngzeli hi Pathian in ka nakruh pakhat hmang a a din a ni a, Malsawmdawngzeli taksa chhungah ka nakruh a inphum bo miau avangin Malsawmdawngzeli chiah nupui ah ka nei thei bawk." Ngaihna hriat loh hmel zet hian min melh let kiau tawh mai! A khattawk in a la inhnit che le ak țhin nen a lan dan chu naupang duhawm zet hi a ang ber.








"Ka nakruh bo i taksa chhung ah a inphum miau avangin nangpawn mipa dang i hnaih theih lo; a chhan chu nakruh neitu leh a nakruh kawlsak tu chiah nupa an ni thei." uluk zet a amah en ngur chung chuan ka ti chhuak leh sup. Muang changin a kun hniam dek dek a! A nak ruh zawn a melh zeuh takah chuan nuihza insum zet in ka hmui hnuai pet pah chuam ka hawi sawn nghal vut.


"I nakruh ka taksa chhungah hian a awm maw?" a rawn ti hâw, a hmai chu mittui vangin a tle ser ser a, mak a tih hmel in a nak zawn hup țai in min en hâu reng mai.





"Umm."

"Engtik laiin nge a lo awm theih a?" ti zawi sep in a nak ruh zawn bawk chu mak tih hmel takin a melh tlak tlak a, a indap kual that that reng bawk.





"Kum 8 min ka nih laiin zankhat chu Pathian in min rawn bia a!" zawi ruih a ka tih sup a ka tiri chu hriain mak tih hmel lutuk in min en nghal kawk anih chu!

Ka chhungril lam chu nui suk mahse thutak hmel zetin ka awm lui ngur.

"Eng nge thleng zel i hre duh em?"





"Pathian in a be tak tak che maw?" rang tawk in a rawn ti a! A harhfim lai nise a rin dawn loh vei nen! Fine! Thawnthu phuah ila, a lo awi viau tak leh țha te te in kan innei leh theih phah dawn a lawm. Chuan, dawt muhlum ani miah lo bawk. Hmeichhiate hi mipa nakruh pakhat lak chhuah hmang a din an ni! Ka nupui ani a, Pathian in ka nakruh hmang ngei a a din tihna a nih chu!

"Ka nakruh pakhat lak chhuah ah min rawn dil a lawm."


"Ngatan?"


"Ummm.." hmui pet sawi a sawi leh tur ngaihtuah a ka ngawih vung vung lai chuan ka sawi leh tur hriat chak hmelfe in bawihi chuan min lo en hâ hâ a.




"Ka puitlin hun a ka nupui tur hmeichhe hmelțha zet mai min siam sak tur thu a sawi a.. ka nakruh pakhat ka pek phal chuan Ngopa khua a nupa tuak khat, fa beisei a hun hmang mekte fa a tan nausen hmelțha deuh a siam sak theih thu a sawi.."

"Kan khua ah maw?"



"Yeap.."
"A va'n mak." a rawn ti a. Khunkhan zet in ka melh ngur bawk si! A awi tak tak reuh chuan ka hria.

"Ka nakruh pakhat a lak chhuah loh chuan chumite nupa chuan fa an nei thei dawn silo a."




"Chuan, i lo phal a mi?" Naupang thawnthu hrilh te pawh ka ang deuh tak tak a lawm le.


"Phal mai lo chuan khamite nupa kha fa nei thei lovin an awm reng dawn a ti a." ka ti thawp sup.



"I pe phal a, i van fel em em."

"Mahse, Pathian in thil pakhat min tiam vang chiah in a lawm ka nakruh chu lak chhuah ka rem tih ni."

"Thutiam maw?" hriat belh chak hmel fe chuan a lo ti nghal nalh!






' Aw' tih nan a lu buk khum nghutin khunkhan hmel fê chuan thawk ka han la hawk a. Bawihi lah chuan a hriat chak hmel in ka sawi leh tur nghakhlel tih hriat takin min lo en dauh dauh bawk.





"Pathian chuan ka nakruh a la chhuak a nga, chu ka nakruh pakhat hmang chuan nausen hmeichhia a siam a nga, chu nausen nakruh ah chuan vuah in nupa fa awt em em te inkar ah chuan a pian tir a nga! Tichuan, nausen chu a țhan len hun ah Carlos Zohmingliana nupui tur ani dawn bawk. A chhan chu Carlos Zohmingliana nakruh ațang a siam anih vang in hmeichhia pawh chuan Carlos Zohmingliana nilo pasal dang a nei thiang lo.. nang i nakruh lak chhuah a; midang pek i phal a ngem?" ti sup in uluk zet in ka en nghal ngur.




"Aih, a na awm e mai."




"Na tak ani ringawt." ti chhuak hluai pah chuan chutih hunlai a thil thleng ngaihtuah let niawm tak chuan ka inla thutak lui ngul bawk.



"I thisen a chhuak țeuh em?.. ih, Pathian chuan chem in i taksa a zai hawng a mi?"

"Chutiang deuh chu."




"Damdawi in ah i awm phah em? Thisen a chhuak hnem awm si." Nung chung a ka nakruh la chhuak tak tak tur ah a rin miau vangin a ner nasa nang nang hle bawk!






"Na viau mahse ka nupui tur siam nan Pathian in a hman dawn miau avangin ka lak chhuah tir ta anih kha." Huai min tih hmel bawk si, mahse; thil thleng chu rap hmel tak bawk si a nur nang chungin a rawn ang ziau a. Mahse, ban ka vai thuak a, Bawihi chuan rang lutukin hmui a chip nghal hmiah bawk.






"Nang nita la; i nakruh pakhat lak chhuah tir in i kawppui tur siam nan Pathian in hmang ta se, chu i nakruh hmang a Pathian in a din i kawppui tur nen chuan innei leh ta silo ula, fair i tih i ring em?"






"Aih." rang zet in a lo ti thuai a. Nui suk chung in a biang huh hliam tuai hul tur chuan kut ka lek chhuak nghal vut bawk. A țah chhuak insut hlawp hlawp pawh a lo reh fel der tawh.





"Aih i tih chhan chu sawifiah rawh." ti leh nghut in a kawng ah bawk chelh net in ka hnuk hnai deuh hrawk, ka awm chu a rawn bawh chet a. Mahse, a ban pahnih chu kan taksa i karah dahin a tawlh sawn hlek a. A nakruh zawn a bih leh zeuh takah chuan hawi sawn vutin ka nui suk suk mai.




"Ih maw.." a ti a. A thaw halh bawk.



"Sawi rawh"



"Ka nakruh la chhuak ve se chuan ih, ka nakruh Pathian in a vuah lehna chu ka nei lui tho ang. Anih loh chuan nakruh kimlo in ka awm reng dawn a. A ni em?" Lu ka bu nghut chu rawn hmuin thiam intih hmel fê in a nui ta sen sen a.





"Ka nakruh a vuahna kha ka nupui anih loh chuan nakruh kimlo in ka awm reng tawh dawn, chuvang chuan ka nakruh invuahna hmeichhia chu engvang pawh nise ka nei tur ani mai lawm ni?" ka ti let sup.




"Dik chiah! A lo hriat loh leh i nakruh hmang a siam anih thu hrilh la. Pathian in kum8 i nih lai a a lak chhuah sak dan che pawh hrilh la, nei lui ngei ngei rawh." a ti ve barh barh a.



"Pathian in ka nakruh a vuahna hmeichhia chu Thelma Malsawmdawngzeli ani ka tih tawh kha." ka ti zawi sup. Ka mit ah min en nghal kawk bawk. " ka nakruh bo i nih hi."




Ngawi reng in kan inen reng a. Bawihi hmel lan dan chu muangchang hian a danglam riai riai a. Țah leh mai chak hmel zetin a men leh țîau tawh.

"I bialnu Senpui chiah kha ngaihtuah la anih mai chu." ti hmak in nichin lawk a hmel a phur sarna rawn lang chhuak kha a bo nghal vek!

"Senpui chu ka farnu anihna angin ka ngaihtuah ang." ka ti nghut, a hma ai phawk leh mak tih hmel zet a min en háw in kâ a ang phiau a.

Bawihi mak ti hmel leh hamhaih lutuk vang a țawng nachang hrelo en let ngur pah chuan muang ruih in lu ka bu nghut bawk.






"Nu Zosangi fa tlum ber anih kha." ka ti sup. Bawihi chuan thawk hip let kawkin chil a lem ri khalh a. A mak tih hmel erawh a reh mai chuang lo. A kawng ka chelhna chu zawi muang a sawn chho in a dar hnung lam ah ka kut phah chu ka nghat vung vung.




Ka taksa ah kuah bet turin amah ngaichang reng pah chuan ka pawt hnai ruai ruai bawk.
Show post links
Top
Abbra Reo Ririni
Post November 15th, 2019, 6:56 am

"Senpui kha nu Zosangi fanu maw?" ka taksa ah a rawn tlu lut fel țep tawh; a ban pahnih chu kan pahnih inkar ah dah tawm in a țang leh ziau a.
"Umm, Emma leh nangmah aiin a nau deuh."
"Ih.. Mahse.. ka.. tinge engmah min hrilh lo a.. ih, ka thik tur in i ti a mi? Ka.." a ti bah nak nak, rum chhuak hrawk in a bekah dawm sak hmiah, a chal ah ka fawh rual chuan a țawng tawp nghal chawt bawk!


"i thik tur a hruai kual ka nilo."

"Mahse, ka thik tho a lawm; engahmah min ngaih loh hmel deuh in i awm kual a. Chuan, Senpui kha ka hmuh tur kherin i buaipui kual a. Emma man inhlan tlai ah pawh.." lungchhe lutuk a a ţap leh hliam hliam hma chuan rum chhuak nghut in ka che nghal bawrh, nghet zetin ka awm ah ka kuah bet hlu hlu a. A tal ve aih aih nangin a darah hmai nawr a ka kuah nghet zual sauh takah chuan a rui lungpuam bawk rawn chhuak leh in a țap leh rawi rawi tawh.


"I va sual ve. Midang awm ve ho pawn i bialnu ah an ngai vek a. Keimah min sawi zui dan te kha.."

"Sorry." ka ti sup.

"Sual ka ti tawh tho tho che."

"Ka farnu ani tih i hre tawh a lawm." ka ti zawi sup. Min chhang let tawh lovin a insut che ak ak reng a. Keipawh chu a nghawng ah hmai phum in hahdam huaiin ka thaw chhuak nghal suai suai bawk.

Hetiang a a taksa ah hmai phum a, thawk lak ka mamawh țhin zia lah keimah bawk ani a hrechiangtu chu!

"I nau ani tak tak em?" Bawihi chuan a rawn ti leh țîau a.

"Umm, Delhi ah an awm reng țhin a, tunhnai khan Senpui hi rawn chhuak chho in min rawn zawng chhuak anih hi." ka ti sup. A rilru a dam ve ta deuh pawh ani mahna, ngawi rengin ka awm ah chuan a tawm zui ta chial a.

"Senpui vang a i thinrimna chu a reh tawh, ani em?" ka ti sup. A sam ah ka chul sak pah a.

"Reh lo." vin deuh hian a rawn ti pang pang mai.

"Ka farnu ani ka tih tawh kha. Chuan, ka ru leh tawh bawk che a. Kan țha thei tawh em?"

"Bawihtei nen Ngopa ah christmas kan hmang dawn tho" a sawi zawh rual a ka lo nui che dawt chu run tih hriatfe in a tal leh nghek a. Kei erawh aw rawl chhuah meuh in ka nui chhuak hawk hawk.

"Ngopa ah Mas kan hmang dawn tho!" min sual let ngat ngat pahin a la rawn ti pang pang. Ka nui dir chur chur thung. Ngopa ah Mas hman a duh anih chuan kan hmang chho a ngai ni mai lawm.
"Ok, Ngopa ah Christmas kan hmang chho ang" ti hluk in ka kuah nghet zual sauh. A tal chu a tawp ve mai a. Ka khabe hnuai ațang tîm dakin min en chho kiau ta bawk.
"Kan innei leh a nga. Chuan, Ngopa ah Christmas kan hmang chho ang" a khabe ah dawm in a mitah tak ka en chhuk rûn.
A mitmeng chu a phi chiai a. Zanin kan inbiakna hi a theinghilh loh hram ka beisei bawk.
"Bawihi?"
"Emma te man inhlan ni a i chet dan vang khan ka ngei char char dawn che." thinrim thar thut tih hriat zetin rum tak maiin min melh ta zek a. A tukhum ah man hmiah in nghet takin ka awm ah ka kuah bet nghal hmiah!
"Muhil rawh." ka ti nghut. Kan inhnial buai leh anih chuan a hel leh tlat mai ang. Zawite a eng emaw sawi sep sep chungin a ang zui hlak hlak a. A phun zawih em vangin eng thil nge a sawi ka hre hauh lo thung.
Seat nghenchhan ngheng ur ur pah chuan a hnungzang ah chuan ka beng dat dat a. Zawite te a Bawihi phun pawn a tham ral tial tial.
Emma man inhlan tlai a thil thleng khan a lo tina ber anih dawn hi!
Keipawn khami tlai khan engkim hrilh vek ka tum; Senpui nen kan inzui luh rual chiah khan ka farnu ani tih hreve lo țhenawm khawveng rawn chuang lut ve ho khan Bawihi nen kan ințhen tawh tih hre ve vek in kei nilo Bawihi zawk kha an sawi zui ta sep sep a. An ngaihdan ah chuan nula dang ka kawp hnu ah pawh kan in a Bawihi rawn chuangkai ngam khan mak tih a hlawh in kei zawk nilo Bawihi zawk khan sawi zui a hlawh ta viau reng!
Senpui nen kan inzui lut thik hmel zet a min lo en dun reng kha hmu lo ka ni biklo. A rilru a na hle tih ka hriat vang a engkim hrilh tum ka ni bawk. Mahse, kei mai nilo Matei leh Ethan-a te pawn a chezia kha an lo hmu ve vek.
Senpui hi ka half sister anih thu hrilh a, a natpui tur anih loh zia hrilh duh viau mahila Matei te zawkin a thikthu chhiatna cho chhuak a, midang tan a min phal bik loh zia inhrechhuak se tih an duh vang a ngawi rih ka ni!
'Inla inhmangaih ve ve tih hi Thelma pawn sawi chhuak lo mahse ka hrethei a lawm. Mahse, nat nawn leh a hlau a, chu chuan dawizep in a siam a. A dawizepna chu thikthu chhiatna hmangin kan cho chhuak thei ngei ngei ang. Hmeichhe dang nen a hmu dun che u anih chuan midang ta nitur in a phal loh zia che hrethar in amah a hlauhthawnna awm pawh a bei let ngam mai thei a sin.' tiin Emma'n rem a ruat miau a.
Duhthlan tur dang ka neih tawh bik loh vangin ka nau thu ka zawm ta tawp anih kha! Ka theih tawp chhuah a neih let ka tumna te'n ngaihsak a hlawh loh a chin ah kha chuan ka beidawng pakhat ve tawh em ani!
'Chakai pawn a kaw tawp ah chuan țan a khawh ve țhin' tih ang deuhin amah nei let leh tur a ka beihna kawng ah khan a kaw tawp ah tak tak țan hmun ka rem tawh miau a!

▪
Kawtzawl-a ka motor engine thawm hria in ka chhungte chu an rawn chhuak thuai a. Zanlai a hnaih tawh tehlul nen ka pa in Doris-i a lo hmathlak reng tih ka hmuh rual chuan ka nui nghal suk a. Anu nen a kan let hun a lo nghak ve țang țang anih dawn reuh saw.

"Daddy." a lo ti lauh lauh. Driver side kawngkhar chu ka nam phui zui dawt bawk.

"My Love."
"Mamma a lo kal em?" ka pa darah kuah țai chungin a inbeng kang ve ak bawk. Ka pa pawh thuk ruih a atunu en vung vung chung chuan a nui chhuak hawk.
"Yeap. Inchhung ah lut ru le, Mamma ka lo hruai lut ang." ka ti sup.
Doris-i chu a au ta râih a.
"Inchhungah lo nghak ang aw." atunu a duat zia chu a aw ri dam thlup ah chuan a lang chhuak chiang viau bawk.

"Apu, Daddy khan Mamma a lo hruai haw tak tak tiraw?" a ti lang lang a, an putu a phur zet a ri hlutin inchhung ah an lut a, ka nu leh Matei te erawh motor lam pan chuan an rawn tlan thuai thung.

"Tinge Thelma chu?" Ka nu chuan ngaihtuah hmel zetin a ti thuai.

"Wine a in tam deuh a." ka ti sup. Seat a Bawihi țhu zawi ngiai biang ah chuan ka nu'n a chul sak zeuh a. Fanu ang chiah a a en anih vangin ka nu pawn Bawihi hi a ngaina in bungrua an rawn lak țum pawn Bawihite kal chhuah hnu ah Bawihi a ui em vangin a țap anih kha.
"Inchhung ah pawm lut thuai rawh. Vawiin a thil tawn te nen khawvawt ah a awm rei chuan a damlo palh hlauh ang." tawlh sawn pah chuan a ti thuai a.
Ka nupui hi ka thlan sual loh zia tichiang ber tu chu ka chhungte lamin an ngaina em em mai hi ani! Mo țhenkhat chu mipa chhungte lam nen a inngaina thei reng reng lo an tamin neuh neuh an ngah a. Ka nupui thung chu ka chhungte lam tupawn fanu ang chiah in an pawm nghal thlap.
"Ngopa lam hnen ah pawh 'kan inhruai leh' tih kan hrilh anih kha." Ka pa'n a lo ti ve khauh, Ka bu nghut a.
"Daddy'n ka Mamma a carry." ring tak mai a ka fanu au lauh lauh chuan min ti nui hawk bawk.
"Doris." ka ti chhuak ruih. Hlimna leh phurna vanga a hmel eng sar chu uluk zetin ka thlek vung vung a. Kan fanu hian amamawh tam zawk sawi chhuah dan la thiam lo mahse, zanin hian a mamawh ber thil pakhat erawh ka tihhlawhtlin sak ah ka inngai nghet hmak bawk.

"A phur tawh sia. In lo let thei bawk silo chiauhiar kual velin apu puak a lo ngen vel anih hi." Bawihtei biangah piai sak zeuh pahin Matei chuan a ti thuai a.
Ka fanu pawn ani chu a lo nuih hek hek a.

"Ani puak pawh duh lo." Matei bawk.

"Apu body kha a warm lutuk a lawm." apu nghawng ah ban pahnih suih bet țai chungin Bawihtei pawn a ti ve vat. Kei erawh a țawngkam vang chuan ka nui suk a. Ka pa pawh kei ang tho. A tunu mawngah dawm chung a chhuk en run in a khi ve suk suk bawk.


A muhil tur ka awih hmasak ber zan khan lumna ka ngah thu a sawi ve reuh bawk anih kha.
"I rit ve lit-lat tawh si, apu kawng a na mai ang. Chhuk la, room ah tlan chho rawh le." ka ti hlut. Tak takin a sang vei zar a, a taksa lah thau hauh silovin a khat ve at reuh bawk nen apu kawng a na thuai mai ang.
Ka fanu pawn ka thusawi chu hrethiam thuai reuhvin rang tak in apu hmathlakna ațang chuan a tal thla a. Ani chuan a mawngah a ben sak tawih bawk.

"Bawihte, fimkhur la." Kailawn pan a atunu tlan that that chu puakpuan bat țha pahin a au zui hram.
"Ok. I will be very careful."

"Lal Doris leh!" Nui hawk hawk pahin Matei'n a ti tûng. A țawngkam mal tin mai hi 'thuhrilh țha mi' ang mai ah ngaiin an lawm em em mai zel.

"One bed ah Daddy, Mamma leh Doris ka mu dawn." ti chungin kailawn ah chuan a khek chho rai rai, api leh pu te pawn an nuih pui hawk hawk bawk.






"Chuthu ringawt chu vawi 100 chuang a sawi hman tawh, han mu vat rawh u." ka pa chuan a tunu en zui vung vung chung chuan a ti hluk bawk.







"Ok, nu nangni pawh mu tawh rawh u; Bawihi chu ngaihtuah a ngai lo a nia." ka ti a. Kailawn ațang ka fanu min rawn auh lauh lauhna chu lu ka buk khum nghut bawk.







"Buaina.. a, Thelma'n taksa nuam lo vel a neih palh chuan min rawn kai tho rawh u aw. " ka nu chuan a ti a. Bawihi a biak theih miau lo. Nau chhiat chungchang vang khan ngaihtuah viau mahse rilruna deuh a tuar lova a chatthlak san hmak hi lehlam kawng tak chuan a țha phian ah ka ngai.









▪
"Daddy, i happy em?" anu muhil tih har hlau zet a ka fanu rawn phun sar sar chu thawk la suai suai chungin a chalah ka han fawp vang vang a. Chawh rual a nui reng ang ani!





"Doris-i a happy em?" ka ti let sup.






"Ummm.." uar tawk a tiin lu a bu lap lap bawk. "Doris, Mamma leh Daddy kha one bed ah kan sleep thei a. Daddy, all the time in one bed ah Mamma te nen kan sleep tawh dawn tiraw?"



hlauhthawn hmel tak si! Mahse, beiseina sang tak nei tel bawk si a min en kiauna chuan ka chhung lam a țham kual rawih rawih thei.




"Kumkhua in ." ka ti sup. A hrethiam lo tih hriat zet hian mitko a ti che ak ak a. A chet phung duhawm zet vang chuan ka nui chhuak hawk bawk. Ka taksa chungah ka pawt kai nawlh a. Pindan chhung chu a nuiri in a luah khat hneh ngang bawk.




"I nulat hma chu Mamma leh Daddy bulah i mu char char tawh ang" ka ti nghut, a hmai zartu sam chu a beng ah zeh sak in ka nui pah suk.



"Nula maw?"

"Yeap. Ani Emma ang hian i la grown-up ve dawn lawm."



"Really?" mak tih hmel zet a min en let kiau pah chuan a rawn ti hliai mai.




"Umm, tunah hian kum4 i ni tawh a, 18years old i nih thleng Mamma leh Daddy bulah i mu duh a ngem?" ka awm ah ban a nghat a, a ban chungah vek khabe nghat leh in an ngawi deuh veng veng a. Ka fanu nen hmalam hun sawi in kan ti ti ve ta mai chu a nia!






"5, 6, 7, 8, 9....." a kutțang thliak niap niap pah a number a chhiar sep sep tak ah chuan ka nui rum hawk mai! Lunghlu țhami ang mai a hlu ka fanu kutțang thliak niap niap lai chu uluk zet a en run in ka thaw chhuak ham ham a. 'Fanu te hi pa inchhuanna an ni' tih thu tawi tak hi ka hmuh chiang ve ta viau bawk.
'Pa in a fanu tan a tih theih hlu ber chu anu hmangaih ani.' tiin an sawi țhin a. Ka fanu tan a ka tih theih hlu ber chu anu, ka nupui ThelmaMalsawmdawngzeli hmangaih tlat ani bawk.





" another 14 years Daddy te nen ka mu thei dawn tihna maw?" a rawn ti sap. Nui suk pahin ka bu nghut a.




"Want or nah?"


"I want." rang tawkin a rawn ti let a. Kei erawh ka nui suk thung. Tleirawl nun a rawn hmang chho a nga, tunang reng hian nu leh pa min thlahlel tawh kher lovang! Chu chu 'sual' vang nilovin hringnun kalphung ani zawk! Nu leh pa lak ațang inlak hran duh tlat hun te a la rawn nei ve dawn a, kan thusawi apiang; a dik tih hre reng si a min hnial let chak tlat țum te a la rawn nei chho dawn.
Chutiang hun lo la thleng tur atan chuan tun hun ațang lo inpuahchah lawk ka mamawh hle bawk!







Tun ang reng a min nel a, ka lakah thuruk pakhatmah nei lo khawp a kan pafa hi kan inkawmngei a țûl dawn a. Pa leh fa inzawmna mai nilo, ÎNȚHIANȚHATNA nghet tak kan pafa inkarah hian ka siam ngei tur ani!







"Daddy, Mamma hi a sleep tight bik e tiraw?" anu sam a khal a, amah tereuh lah mut chhuak mai hmel a pu der lo.




"A chau anih kha. Mamma chal ah khan fawp la, ka awi muhil tawh ang che." ka ti dut. Nausen a nih laiin vawi khatmah ka pawm ve thei silova. Kum4 ni ve ak tawh mahse a muhil tur ka taksa ah kuah bet hlu hlu a. Sakeibaknei aw ri ang mai thum tiia a sawi ka aw hmang a mumang lam ah hruai luh hi apa hian ka kham thei ngai hauh lo bawk ang.


"Daddy."




"My love, mut a hun tawh." ka ti sup.
"Mahse ka mut chhuak a lo kal lo a lawm." mu zangthal ngat in a thaw chhuak hliai a. Ve reuh țhin hian.






"Naktuk hi i school kal tawp ni ber ani tawh...." ka sawi zo hman lo, eng emaw hre chhuak thut ang mai hian a țhu chhuak hlal! A bek sam chu a kut pahnih in a hui sawn ve thak bawk.



"Daddy?" ka ban bul a sawi che dat dat.

"Yes, My Love."



"Ka uniform Mamma leh Doris home ah a awm daih a lawm." pawitih hmel zet in a meng hnual raih bawk.





"Don't worry." ka ti nghut. Ka țhu chhuak ve hlawl a. Ka malchung ah hlang kaiin khum ațang chuan ka thawh pui nawlh bawk.





"Zing ah kan la dawn nia, mahse" ti supin ka darah a bei theih nan dimte in a tukhum ah ka man a. Ka nghawng ah a ban tetakte a suih beh țai takah chuan zanin Bawihi ţap hliam hliam mai ka pawm kan zawnga chhuak tak a țap si a min ban ve mai țûm kha ngaihtuah let in ka nui suk bawk.






"Muhil phawt rawh, zing thawh i hrelo ve reuh si."



"Hma deuh ah ka weak up țhin reng." uar deuhin a rawn ti țai. A bek ah ka hmui a nawrin ka nui nghing dawt. Mut a duhin thawh a hrelo em em tih apa hian ka hre hnehsawh lutuk.





Ka fanu chu ka awmah a tawm kak a, awi hlu hlu chung chuan pindan chhung ah ka kal kual pui a, a muhil dawn tawh emaw tih hnu ah a ngaite bawkin 'Daddy, Mamma te nen one bed ah kan sleep char char tawh dawn tiraw?' tiin a rawn hawi chhuak leh heuh țhin.





Zanin thil thleng zet chu kan pafa hian dawnsawn dan kan thiam lo tiila a sual lo viau ang.





Zing lam dar 2 rik dawn a ruai ah Doris chu a mu nghet ve ta a. A chal ah dimtak a ka fawh hnuah a nu kiang ah chuan ka mut a. An nufa hmaifang inang em em, tui zeta an muhil lai chu mit lak sawn nachang hrelo lek a ulukin ka thlir vung vung bawk.





Kum 4 hma lama ka lo suangtuah țhin chu zanin hian a tak ramah a rawn chang ta hram a! Tun hun nghak a zantin ka ngaihtuahna vak kual ruai țhin leh duhthusam ka lo din țhin te pawh khan min lawmpui ngei in ka ring.





"Welcome home; ka hmangaihnu." a chalh ah ka hmui lum a nawrin ka phun sup.






'Hades-a nu pawn Carlos-a nen inbia ula, engkim insawi dun dawn nia. A ti a, biak che ka tum vel ah hmeichhe dang nen ka hmu dun leh che u a... tinge ka rin dawn velah che hmeichhe dang i lo zui hman zel a?' tia țap țîau chung a thikthu zet a zawhna mit zawt pang pang lai chu ngaihtuah let in a biang mam hen chu ka kut hnung lam in ka nul kual dun dun.





Hades-a room ah lime juice a inzawh hnu ah min chhuah chhal nâi nâi reuh anih kha.






Reingial an nufa muhil ka thlir hnu chuan ka mit kham țûng vangin mitmen a hreawm ve ta deuh. Ka kutphah pahnih a hmai hup thawk pah chuan ka thaw chhuak hawk a.






Kum 4 tal tap ka suangtuahna ah chiah thleng țhin, ka nupui leh kan fa nen a khum khat a kan han mu tlang mai tur chu mumang a ang rum rum mai lawm.







"Zingah huaibak chhuah suh aw." ti sup in bawihi mu saisair ngat mai taksa thlawp thlap chuan ka mu saisir ve nghal zat.







Ka ban vei lam chu Bawihi nghawng ah ka nawr lut a, dimte in ka awm si chet thei turin ka hnuk hnai bawk, Bawihi ban chu siam rem sakin kan fanu chu ka kuah tir leh a. Nupa dangte hi engtiang in nge an mut ka hriatpui thlip thlep lo. Zan dang ah kan fanu fing ve em em-i hian a lai a mut a chuh char char dawn tih lah hrilh nawn ka ngai hauh lo. Zanin erawh Bawihi kuah chung a thawk lak a, hahdam ka mamawh tawh em vangin nu ber a lai ah a mut mai a ngai.









"Ka hmangaih che u." ka ti sup. Bawihi hnung ațang inbeng-kang in Doris-i biang ah chuan ka fawp leh zauh a. Hahdam zet a thaw chhuak suai suai pahin lukham ah lu ka nghat thla ve ta ruai ruai bawk. Ka lungphu dup dup zawn ah Bawihi lu chu a awm. A dulah kuah a, ka lam ah hnuh hnaih sauh pah chuan ka kherh bet a. Ka lungphu zawn ah a taksa in min sik hian engkim a dik thlup țhîn.








▪


▪


IMG-20190930-WA0054(4).jpg
IMG-20190930-WA0054(4).jpg (78.54 KiB) Viewed 15878 times


Khum nghing che dat vangin ka meng chhuak ruai ruai a.




"Daddy" ka fanu aw zawi sep ka hriat rual chuan ka nui suk bawk. Kaihthawh ngai lova a țum khat harh hmasakna ani hial ang chu mawle.








"My love" ka ti let ve sup. Inbengkang vut in anu awm zawn a bawihtei lo mu zangthla diai chalah chuan ka fawp zui vang vang a. Bawihi erawh a mutui viau thung.








"I harh hma reuh hle mai" ti leh supin bawihi bawh tih tih a ka awm chu ka in lahrang zui vut bawk. Lukham ah lu nghat thla dawt pah chuan ka rum chhuak nghut a. Ka ban vei lam lek chhuak in khum bul dawhkan chunga alarm clock chu ban vutin ka thaw chhuak zui huai bawk.






"My love, school kai i ngai"



"Ka uniform Mamma leh Doris home ami lak kan ngai bawk" rang tak hian a rawn ti let sap. Khi suk in alarm clock chu ka dah let a.



Zingkar boruak chu avawt in pindan chhung phui khup ah awm nimahila thlasik lai na na chuan a lum famkim thei tak tak hauh lo.





Khum aţang ka thawh chhuah hma chuan Bawihi chu ka han sawi deuh dat dat a, Doris lah pek chuan anu kawr chhung ah zen lutin hnute a lo hum țai reuh a. Chutia a hnute khawih lai ka hmu fuh chu zah hmel deuh in ip chei chei chung hian min lo nuih let seu bawk.




"Te te i la khawih maw?" ka ti hluk.
"Once in a while" lei chhuah zeuh pahin a ti nai nai. Ka nuih a za viau bawk.

"Ok, tho ang le." ka ti vut.



"Mamma hi kan wake up dawn lo mi?"
"No, let her sleep"
"Daddy, Mamma chu a funny tiraw, yeasterday morning ah Doris chu 'tho hma lo si' min ti zel a. Tunah chuan Mamma a tho hma lo si tiraw?" ka ban vut chu min lo ban let ve tharhin anu aia a tho hmasa chu a intihtheih pui ve em em reuh a.



"Mamma wake up hunah Doris a wake up first tih hrilh rawh aw" ka nghawng ah min kuah țai, hetiang tak hian zing thawh rualin ka hlim ang tih reng ka lo suangtuah ngai hauh lo.

"Ok, i will tell her" zawi sup a tiin a sam buang theng chu a beng ah ka zeh sak a.




"Ha kan nawt a nga, after that we go and pickup your school uniform"




"Ok" phur hmel zet a rawn tiin hnaih zet a min en chung chuan a nui sen sen a. Ka hmui ka ti chet rual chuan rang zet in min rawn chuk zeuh a.



"I love you Bambina"




"I love you Daddy" a rawn ti ve vat. Rang zetin anu nen kan inneih thlalak bang a intar kulh chu a thlek a. Mahse, eng emaw hrechhuak thut tih hriat takin khum lam a thlek leh thuai a. Kei zawk pawh hahdam huaiin ka thaw chhuak suai suai bawk. Anu chu a kawk zeuh a.



"Mamma pawh ka hmangaih" ka tih sup tak ah chuan hlim hmel takin a nui nghal ver ver.







Ka bulah a riah changin tuktin ka hmangaih thu ka hrilh ziah, chutiang bawk in kan nupa inneih thlalak en vung vung chungin Bawihi ka hmangaih thu ka sawi chhuak fo. Chuthil chu ka fanu fing zet hian a lo hriat hmaih hauh lo. Tukin pawh thlalak lam a hawi thuai reuh nangin anu hlimthla mai nilo, amah ngei khumah a mu tih hrechhuak thutin anu awmna min kawhhmuh thuai reuh anih kha!








Bawihi tih harh hlau takin kan pafa chuan morning routine kan ti dun mawlh mawlh. Ka fanu chuan mawza ngal chen a sei bunin chappal rawlhthawt var a bun ve thlap. Ha a nawh dawn chuan a sam buang theng mai chu nin hmel takin a hnung lam ah a theh ve hnalh a. Hmuh nawm ti fe hian a chezia chu ka thlir vung vung bawk.







"Daddy, ka hair hi lo tie rawh" toothbrush a hmuam ve tat, a kut pakhat in a sam chu a țham khawm ve țai a. Ka ha nawhna chu hmuam in washroom chhung a a sam țawnna chu ka zawng nghal dun dun bawk.






"Mamma tih harh rih loh tur aw" ti nghut pah chuan washroom chhuat a ka fanu ding teu chu zo zet in ka pawm kang nghal nawlh.






"Ok" a ti sap a. Ka dar a towel ka bah chuan a hmai huh ka hruk hul sak thuak bawk.




"Daddy, yeasterday khan ka Mamma bleeding kha i la remember em?"

"Umm"



"A bleeding kha a gone tawh ami?" a ti leh a, ka bu nghut thung. Anu chu a khawngaih tih hriat zetin a aw pawh a zawi dam raih.






Kan pafa a inhnuai kan inpawm thla chu ka pa'n Bawihite a lo au thuai a. Bawihtei pawh ka pawmna ațang tal thla tharh in chanchinbu chhiar a apu lo țhu run lam ah a tlan nghal zat bawk.





Ka sawi tawh tak em?





Ka pa hian a țhian hnaite hnen ah 'Doris-i pu' ti a au turin a hrilh kual dup pek a. A țhianpa ber pa Zothana pawn 'Doris-i pu' a ti dut dut tawh mai. A duh dan ani miau a. A țhian hnai zual mai nilo chhungkua a u deuh lam pawn 'Doris-i pu' an ti ta vek.




"Carlos, thingpui a awm aw" Choka ațang ka nu chu a rawn au. "Ok" ka ti let a.





Ka pa malchung a Bawihtei lawn kai that that chu nuih suk in choka lam pan chuan ka kal nghal vut. Ka nu pawn Bawihtei in tur bawnghnute no ah a lo thli fel leh diam tawh.




"Coffee pawh a awm"



"Ka in rih lo ang" ka ti a, mug ka ban nghal vut. Tui lum ka inthlit chhuah a, micronized bur chu ban leh vutin ka in tur ka siam zui mual mual.





"Kan pafa in Bawihtei uniform kan va la lawk ang, vawiin a school kal tawp ber ni te ani sia, țhulh ngawt zawng a dik lo deuh"





"Umm, i thil in lai kha inzo la, a tlai tak tak hma in va kal ru. I Pa Zothana te nupa pawh an rawn leng phei dawn"
"Inneih ni a a hak tur en in ka hruai chhuak mai thei a nia" ti nghut chuan no a supplement awm zawng chu ka tlak pawp. Ka nu chu a nui zui hak hak a. Ka no ruak min laksak pah chuan 'bawihi chu chhuah pui ngei ngei tur in min hrilh ve ta chiam bawk'






Chhungkaw bul zual țhenkhat an rawn lut ta țak țak. Keini pafa pawh a tlai tak tak hma in bawihtei uniform la tur chuan kan inkhalh chhuak a. Fa te vang a buai te, khawih khawi ah emaw inkhalh chhuah a ngai leh tut tut țhin te chu nuam ka ti viau lawi.







Ui note te em em mai a malchung ah pawm bet ve țai chung a ka fanu țawng niap niap ngaithla in a khat tawk in ka nui chhuak leh huk țhin a. English leh mizo țawng hman pawlh a duhtawk a an titi ve tak tak țhin hi chu tu mihring pawn cute an ti vek in ka ring.








A pian tirhte ațang hnam dang karah a tal țhang a, Mizo țawng thumal a hre tlem zawk. Mahse, a inzir chak hle tih erawh a hmu chiang ber tu ka ni.








▪
"Bawihi." a biang ah chulin a a taksa chu ka bawh ti tih. Bawihi thung chu a muttui in zing dar9 a pel vuk tawh tih hre hauh lovin a thaw sak sak mai a. A duh tawk a rei muttir ka duh viau nangin chhungkaw ho Matei te inneih naktuk mai anih tawh vangin kan in ah an rawn chuangkai reng a. Kan inhruai leh tih lah zep theih ni ta lo chu ka nu leh pa in an hrilh a. Bawihi tan ber thawh tlai a zahthlak viau dawn a ka hriat vang a kaihthawh tum ta chiah ka ni.







"Wifey." ka kutphah hnung lam chuan abiang ka nul kual dûn dûn, Bawihi pawh a rawn che ta ţalh țalh bawk. A nghawng ah puan lum pawt chho pah a, a mut zangthal rual chuan achung lam ah ka inbeng khalh run tawh. Mahse, kâ tep chiap chiap pahin a thaw siai siai a. Ka nui chet ta hluk!







"Ui note mut duh nu." ka ti chhuak sup. A hmui ah ka nawr a, nizan khan vawi khattê pawh ka chhing ve hauh lo. Chhungkua a kan nupa khum ni țhin a kan zalna hmasa ber zan a thil thleng engkim kha hmuh hmaih neih ka hlauh miau.








Ka awm dan siam remin Bawihi dar chung ve ve ah ka kiu hmangin ka in nam khalh run, a taksa chu ka khuap bo vek ti zawk ila a dik ang. Puan lum chhan ah a mal pakhat chu man in ka inkherh beh tir zui hmiah, a mal inkar ah chuan ka bawk hniam ruai ruai bawk. Bawihi chu Sexy lutuk hian a kâ hmangin a rawn thaw chhuak ham ham a. Muangchang in mit a rawn meng chhuak riai riai bawk.







Thaw chhuak huai pahin a hmai zartu sam ka hui sawn sak thuai, chiang-niallo zet hian a chhing leh riai riai a.
A tho thei lo lutuk chu ka nuih chhuahpui ta hawk bawk.







____________🌸A boral a, i ngaihthu te, i tan a mipawimawh a nih thute sawiin a ruang dai chungah amah fakna thu sawi chiam mahla, a thih hnuah chuan i thusawi kha engmah a hrethei tawh lo! Chuvang chuan a dam lai leh engkim a hmuh a, a hriat theih lai khan fak i duh anih pawn fak la; zilhna tur i nei anih pawn zilh țhîn ang che. Thih hnu a infak leh hnuhnawh hian awmzia a nei tam tawh lo teh mai sin!🌸___________



_____________🌸Euphoria🌸___________










Thelma Malsawmdawngzeli's Point Of View


Thum zawi rilruih a ka hming a min ko dut dut ri chuan ka hnuk a rawn ti ulh tlat a!






"Bawihi?" Chu aw thum ruih chuan min fan rawih rawih! Panchan ka chak zual a, țah mai ka chak phah ut ut leh nghal!







"God! Harh thei lo reuh lutuk" a ti hluk. Min bawh bet tu taksa chu a nghing che dawt bawk. Thatchhiat hmel zet a rum chhuak țûah țûah in ka biang a rawn ti za leh mer mer țhin a, Min delh tu taksa chu rit nulhin chung lam ațang min bawh run mahse thawk ka la thei tho bawk si!



"Fawh harh che ka chak viau a nia" thum zawi tak si a rawn tiin a taksa rit nulh chu a nghing dawt.







"Hethil ka tih vang hian keite no pai lai ang mai a kawlhin min ham hlek suh ang che" ti hrawihin reilote hnuah ka hmui chu ka hai theih loh lum thup leh nem thep siin a rawn bawh thuah nghal zat bawk.





"Ummmm" min bawhbettu chuan uar taka min fawp bawrh bawrh reng hian rawl thum zawi ruih in a rum chhuak dur dur! Kohham lutuk a min fawhna ri deuh chawk chawk chu ka hrefiah tulh tulh a.






"Kâ chhungtuinu" ti chhuak hrawk in a lei hrawl leh thap hrak chuan ka kâ chhung a hawl kual ngawng ngawng! Ka awm chhung lah min bawhbeh hneh em avangin a rum chhuah rual chuan ka che dur dur bawk nen.





"Ka ei zo vek dawn che" ka hmui nawr reng chung in nuihza insum aw zawi thum dut chuan a ti leh hrawk! Ka hmai zawnah thaw lum ham ham paha ka hmui a rawn nawr leh rual chuan ka meng chhuak kawk a!






Ka men chhuah rual a ka thil hmuh hmasak ber vang chuan ka phu nghek nge ka taksa pum chu a țek lum chhuak pup tih pawh ka hrethiam lo!







Zohmingliana chuan hneh lutukin min lo bawh bet rûn anih chu! A kut phah lum thup a ka biang ah lo dawm in rilnguih leh duhthawh lutukin maimitchhing tlat chung chuan min lo fawp ngawr ngawr a. Ka kâ chhung a a lei chet kual tir dan te lah chu!!!






A chet lak dan chu dam thlup siin a rilruih! A hmel lang muk ruih aţang chuan min fawhna ah chuan a cheng hle tih lah ka lungphu dawt dawt hian a hre nghal vek thei!







"Ka nupui" thum ruih hian a kawchhung ațang a rum chhuak hrawih, thaw chhuak ham ham chungin min fawhna chu a chawl a, maimitchhing reng si hian a hmui lum huam chuan ka khabe hnuai a rawn nul kual dûn dûn bawk. Lukham ka nawr let ngawt ngawt tih leh ka tha țang lutuk vangin ka che thei lo tih zawng ka hria.








Min fawhna kham loh hmel zet chuan Carlos-a chu muang ruihin a rawn meng chhuak ruai ruai a! A chal a thisen zam lang val kulh te, a hmai vun sen țawlh țawlh te chu mit pawh khap miah lo in ka lo en ngawt ngawt a! Ka harh tih a hmuh tak ah chuan min bawh bet zual sauhin a kutphah lum thup pahnih chuan ka biang a rawn khup hlun. A mitmeng melhna zet, mahse, min en chang a lang lum huam lawi si chuan hnaih chet chawt ah min melh siah in pa lutuk hian khi nghal suk a! A mit bulah vun chuar kal phei raih chuan ka ti a țham za chuai bawk!







"I mutui reuh lutuk a" a ti zawi sup.







"Bawihi, na i nei em?" a kutphah hlai hlup a ka sam rawn chul pah chuan a rawn ti dam ruih. A aw thum cool ruih ah chuan a lakah pangchang ngawih ngawih mahila pawi a tilo tih lah ka hrechiang kher mai!







"I taksa a nawm loh chuan sawi hreh lo la" ti leh supin min rawn bawh bet zual a, min ngaihtuahna a khat a awkâ dam ruih chuan nimin a thil thleng kha min hriat thar tirin ka rilru chu a no ka ti mai! Ka lung a che tlat a. Ka hrawk chhung hi a sa nghal huam huam bawk.








"Bawihi?" chhang let lova ka insehruh ngawt ngawt vang chuan ani ngei ang, ka hmai zawn ah inbeng kang vutin min ngaihtuah hmel zetin muk ruih hian min thlek vung vung a. Ka insum thei tawh thlawt lo, chhuak lutuk in min bawh bet run tupa chu ka țah khum chiam a!






Reilote chhung chu a hmelpa zet chu a buai hman mup!




"It's ok." a ti sup a.

A tho vut a. Chhuak fe a ka ţap chiam chu min pawm kang nawlh in khum tlangah chuan a țhu thla dawt, a malchungah amah hmachhawn a min nghat in a awm ah chuan min kuah bet hlu hlu a. Dimdawi tak maiin ka sam ah min chul heuh heuh bawk a. Ka țah ngawt chhan pawh ka hre lem lo. Mahse, ka lungchhe em em tawp mai ni!






"I mumang a țha lo em ni, Bawihi" tiin Carlos-a chuan min zawt a.






"Aih" ka ti țîau. Thaw chhuak huai pah chuan ka darah khabe a rawn nghat dawt. A khabe ruhkual chu a lian in a lum bik huam huam, a taksa nghet leh lum bik zet ah chuan min kuah nghet tulh tulh bawk.


"Nizan thil thleng kha i theinghilh lo tiraw? Ka ru che, pindan chhung ah i awm vang a țap i nih chuan" ka dar zawnah rawn thaw lum ham ham pah chuan a chawl dat a. A aw chu a thum zawi ruih a, min fan ngawih ngawih mai bakah ka rilru a ti no zual telh telh mai.




"Awm hrang tawh lo ang! Nau i pai tirh a kan suangtuahna kha kan ban phak lawkah a awm reng tawh a, chhungkaw din tum a suangtuahna kan neih te kha tipuitling ve tawh ang, um?" hniam ruih leh ngennawl zet a ti sup in a rum chhuak pah hrawk bawk.


Ka tal aih a. Carlos-a pawn min kuah hlu hluna chu a thlah thawl ruai ruai a.


A malchungah amah hmachhawn a țhu reng chung in kut ka lek chhuak da da a. Dimtein Carlos-a khabe ruhkual hrawlpui chu ka chul a, kan hmai insilo chauh va hnai ah min en nghal run. A lungphu ri dawt dawt pawh kan inawm hnaih em vangin ka hriat sak thei a. Thaw chhuak huai chungin a khabe ka tawhna kut chu a rawn hum bo nghal hmiah bawk.



"Kan awm hrang tawh ngai dawn lo ani tiraw, ka hmangaihnu?" ngennawl lutuk hian a rawn ti zawi ruih. Chu a aw cool zawi ruih chuan ka chhung lam hi a țham kual rawih rawih a, a mitmeng thim ruihah pawh ngennawnglna ka hmu tho.


"Kan fanu nen nun bul țan țhain khang kan hun țha hloh tak khum a chhungkaw hlim tak kei nen a din i duh ani tiraw?" ka kut hmer nghet salh pah chuan ka mitah tak ngenngawl lutuk a min en ngur chungin min ngen a.

"Aw." ka ti sep.


Khata a hlim hmel mawlh kha engtikah mah ka thei nghilh thei tawh lovang!
Carlos-a chuan rum chhuak hrawih chungin ka biang ah a kutphah hlaihlup pahnih chuan a rawn khuap hlun. Hnaih lutuk ah mitmeng thuk em em hian kan inmelh vawng vawng a.



"Ka nupui hi a pasal kiangah a dam chhungin a awm tawh dawn em?" a ti ril ruih. A aw thuk nguihah chuan thil tam tak a inphum ru!
"Aw." ka ti leh a.


Ka chal leh a chal nawr si a thaw chhuak ham ham pah chuan "ka lawm e, ka hmangaih che tih i hrereng dawn nia." zawi cool ruih hian a ti nghet churh!


 November 15th, 2019, 6:58 am
InShot_20191112_112248745.jpg (55.15 KiB) Viewed 15874 times

A insum zo ta ngang lo aniang. A kutphah hlai hlup a ka biang khuap chung chuan min fawp a, min fawhna ril ruih te chuan min hneh ngawih ngawih.


Nie, Carlos Zohmingliana chiah hi ka hmangaih miau si a! Inhmangaih reng chung a indai dan tlat ai chuan a ang chhung a tluk luh leh mai hi ka tih tur ani!



Dimtak leh muang ruih a min fawhna chu tawpin pa zet hian a nui suk a. Chu a nui hmel pa zet leh hlim tih hriat ngawih ngawih bawk si chuan ka thinlung a nghawng che dawt dawt.



A mitmeng uk thim ruih chhung ah chuan kan hmalam hun tur ka hmu a! Min hmangaih ngawih ngawih tih haider theih loh khawp a thuk leh rilh ruih a min thlek ngawih ngawih paha ka biang a nul kual dun duna te chuan ka thinglunga DAWIZEPNA in bû akhuar tlat kha hnawt bovin, ka pasal tan a nupui țha tak nih duhna in a rawn hnawh khat lum ruai ruai hian ka hre mai!


Zan engzat nge ţap chunga apangtilum ka zawn țhin, ka thinlung khawharna khan zantin khumlaizawlah min vel ţap a, a lungphu ri hriat ka chak țhin em avangin kan fanu taksa tereuhte chhung a lungphu ri dat dat kha ka ngaithla fo a! A chhan pawh Carlos-a thisen hmang a rawn piang chhuak anih vangin Bawihtei lungphu ri ka ngaihthlak chang khan apa lungphu ka feel tel thei ah ka in ngai miau zel!




"KA NUPUI, KA HMEICHHIA, KA TA I NIH HI!" thuk zet a min melh vung vung lai chuan rum chhuak hrawk pahin ka biang a rawn khuap chawt a! Kei erawh mittui nen ka lo nui chhuak hak thung.



"KA TA CHIAH I NIH HI." nghet chur a ti hrawih pah chuan pa zet hian a nui tel suk bawk, a khabe ruhkual hrawl tham zet in min hnaih ruai ruai takah chuan a mitmeng uk thim ruih a lumna rawn lang chhuak chu ka en let ngar a, a panglum bik huam in min hnaih ruai ruai a. A hmui nem thupin ka hmui ah rawn nul thuakin koham lutuk in min fawp leh ngawng ngawng a! Kei erawh ka nuilo thei lo!



Rum chhuak nghut pahin min thlah a, min nawr hla hlek bawk.


"What?" a ti sup, a hmelpa zet lang dam thlup chuan min ti hahdam tak zet!




"Ka hmui chu a rim dawn hle mai" ka ti a. Nui duh miah lovin amah chu ka melh lui tlat bawk.



Rilova suk suk pah a ka bek ah rawn dawm in min hnuk hnai nghal hrawk.




Chimawm ru lutukin a hmui hnuai a pet a.




"I hmui lo pawh a rim viau ang, ka nupui ruk thar nen hian midang hriat ve hauh lova thil lawm tur kan nei a nia" a ti zawi rûih, laitur ka ni tawh miah lo, mahse, ka sa chhuak pup pup a nih chu! Chutia ka lai lutuk chu chimawm zet a min en run chung hian pa zet hian a kiai suk bawk.

▪






"Kan mo thar chuan thingpui han lum sela" nu Puitei'n a tih rual chuan puitling ho chu an nui dar dar a. Ka zak lutuk leh lai lutuk bawk si chu ka alh pup pup thei in ka hria.






Tun a ka dinhmun laih thlak zet hrethiam tur chuan TAWNVE PHAWT A NGAI! 😝




Room ațang chhuah kha thih hreh tak meuhin ka hreh hlur a! Mahse, pindan chhung a tawm reng lah thil theih ani bawk silo.







Ka nu a rawn chho a, ka zak tih hrilh ngai miah lovin a rawn ri barh barh a, chhungkhat hnai lo awm zingah amah ngeiin min hruai thla in ka zak lutuk tur chu min veng tlat a. Nu Puitei leh pa Zothana rawn lut erawh tih ngaihna an awm thlawt lo!



Pa Zothana phei chuan 'tûk țhuan hmeh a tan chengkawl kan lo lei lo ani' ka pa lo nui dir chur chur kiang ah țhu ve thurh pahin a ti a. Ka nu'n a khap ngial pawhin an nupa chuan 'phawk' an chhuah tlat mai a!






An sawi dan chuan mothar leh tlan koh te hian chawhmeh ah chengkawl an hmeh a, an hip changa a rik deuh hruih hian an hip ri ring bik tlat ah in hria in 'a mak e' an ti an ti duh an ti a. Chumi hrerang chung a rawn sawi chhuak ani ber hian ka hria!







'Arinte, kawngkharpui bulah buhhum chip tur in lo chhawp lawk lo anih kha.' Nu Puitei'n a ti bawk a!






'Kan fapa lah chuan Palai tel hauh lovin a rawn ru haw hmiah bawk si! Farnu te inneih dawn a ruai ah lo pathlawi bik ruk ruk chu i lo hreh ngang dawn anih hi" tiin Pa Zothana chuan Carlos-a a melh run a, a nui duh miah bawk silo.







"Zanin hian i nupui man pawh kan zuk hlan leh mai a niang chu" a ti leh nghut a. Thlasik boruak vawh lai nimahse ka alh pawp pawp in ka hria.







Ka ep couch a Carlos-a țhurun lam ka ve melh chuan a mitmeng uk thim ruih chu a de sawr sawr, min lo thlek vung vung chungin a lo nui ruh ruh a. A lai ve tho in ka hria.







"E, ni tak, man kha kan inhlan leh vat loh chuan.." ka nu in a tia.






"zanin ah kan thawk chhuak leh poh a niang chu" pa Zothana chuan a ti nghut.
"Carlos-a hi chuan be chhe ngam tur che anilo mawle, i fapa nupui neih dawn a ruai ah a nupui tur zawk buaipui in zan khawvawt hnuai ah i kal chhuak dawn a nia..." Carlos-a'n a tan paZothana pawimawhzia a hriat nawn theih nan a sawi chhuak niber ah ka ngai!






"Vawiin ah kan kal chhuak dawn lawm, Jacket lum kan rawn lei sak ang che Pa Zo" Carlos-a chuan a ti dut. Kapa pawh a kiai suk a.





"Awi, Zohminglian tenawm lo teh aw.. phur ser sur lutuk mai" nu Puitei chuan nui hawk hawk pahin a rawn ti a.






"I pasal hi ka biak țhat viau loh chuan ka parawl leh ruk ruk dawn sin" tiin Carlos-a pek chuan a chhang let hmiah. Kan nui ho ta dar dar a.





"Nupa dangte ang a inhau thinrim a ințhen ni kher lo mahula, mizo dan angin sum chhuah hnuah inhruai leh kan ni a. In nupa ah hian beiseina sang tak kan nei dawn tih hria ula. Nakin zel ah pawh nupa ințhen tih vel buaina inneih ka duh tawh dawn miah lova a nia, Doris-i a awm tawh leh nghal, in fanu in hmangaih theihna sang ber chu in nupa in inhmangaih a, in pumkhatna nghet tak in neih hi ani tih hretlat ula. Pathian nen bulțan țha leh ang che u" tiin ka pa chuan kan nupa chu thuțha min hrilh dap dap a. Thisen hmang a ka pa diktak nilo mahse min zilhhauna țawngkam dam dap phen a hmangaihna ri tel ve chuan min hneh ngawih ngawih.








Chaw ei kham thingpui hang chu ka lum ngei an in ta a. Emma nen kan la inhmu ve miah lova, an inneihna tur ah a buai dawn teh lul nen puih ve hman ngei ka duh viau bawk.






"Doris-i pu, keini pawh kan va chhuak phei tawh dawn mi niang?" a ban a sana bih vung vung pahin paZothana chuan a ti a. Ka pa pawn no ruak chu dawhkan ah nghat in a țhu mar vut a.






"Nia, chhuah phei kha a pawi hauh tawh lo" a ti ve sup bawk.




Pa Zothana nen chuan țhian ai mahin unau an ang ka ti tak zet! Khawvawh vangin jacket man to tih hriat ngawih ngawih navy blue rawng an ha ve ve a. Sam pawh an zuah țûak ve ve. An palian dun in an inenkawl fai bawk si a. Sap putar palian deuh an ang dun tak zet. Ka nu erawh chuan sam țuak a ngah hran lova, a ti dum vek zel.






"Kryptionite" ka nu en pahin ka pa chuan a ti sup, ka nu chuan ka dar ah min beng thak a. "Ipa te ho hian kal chhuah kan ngai a, Carlos-a nen in kal chhuak ve dawn nia" a tia, tho chhuak nghal in an nupa mut pindan ah a lut a, reilote hnu ah ka pa pheikhawk leh mawza lum nen a rawn let leh thuai a.








"Mawza lum hi bun tel rawh, naktuk lawk i fanu duatte inneih hun ani tawh a, hritlang i lo kai reu reu palh ang" ti barh barh pahin ka nu chuan pheikhawk a rawn khai chhuah chu ka pa ke bulah a dah sak a. Ka pa pawh chuan rum țûah țûah pahin 'kumin thlasik chu a nat thu leh ruah tla tel leh sak țhin hian boruak a ti hnawm zual a, tlanghrileng a tam thu' a sawi ve dut dut a.


Ka nu leh pa te nun ațang kan nupa hian zir chhuah tur tam tak kan nei in ka hria. Hun țha hloh uihawm zia te, induat tawn hlut zia te. Hringnun an thlir dan hamdam thlak lutuk ațang pawn zir chhuah tur tam tak kan nei a!







An nun hi a hahdam em a sin! Țawngkam vin in an inbe phal bawk silo, an thlirna mit ațang chuan second tin leh an mi hmangaihte nen a an khawsak ho dan engkim hi a hlu em em vek a! Nitina an hun hman dan lah chu khawvel a an mi hmangaih ber te kiangah hun an hman tawpna ber tur ani emaw tih thei mai tur hian 'thil țha lo aiin thil țha lam hlir an kâ ațang a chhuak a, chhungkaw țhenkhat te'n inhauh phah nan a an hman tam zawk hi ka nu leh pa te chuan inhauh nan a hmang mai lovin KAWNG DIK inkawhhmuh nan zawk an hmang hleuh țhin.








Kei leh Carlos-a ngat phei chuan chhungkaw hming hliauna kan thlen ngunin an zahawmna tur ang zawngin kan inzawmna hi kan kalpui ngai miah lo! Puklawkin kan innei a, kan nupa nun dan kha a mumal lovin buaina kan ngah em em bawk. Hun eng emaw ti chen hnu ah tihian kan han inhruai leh ta chu ani a! Mahse, tun thleng hian kan nupa nun dan mumal lo zet vangin 'țawngkamna tak leh in vauna lam hawi zawngin thu kamkhat pawh ' an la chhak chhuak hauh lo!







An nupa nunah hian hmangaihna in bu a khuar nghet a, hringnun ah hian kan duhthusam diak diakin engthilmah a thleng ngailo tih an hrechiang tawk bawk!







Nu leh pa tam tak, puklawk a innei ve tho ten, puklawk a nupui pasal rawn nei: an fate thurum tak hmang in an vau khur khur țhin a, chu erawh ka nu leh pa te thung chuan an ti ve hauh lo. Fate chuan nungchang mawi ber neiin chhungkaw zahawmna thlen zawngin tupawn kawppui nei a, midang hmuh a zahawmna hlawh chhuak zawngin khawsa se tih hi tu nu leh pa te pawn an duhthusam chu ani țheuh vang! Chung zing ah chuan ka nu leh pa te ngei pawh hi an tel ve bawk ang!

Mahse,
'nu leh pa zawk pawn kan tisual thei anih chuan, fate tan phei chuan rawn dai sual palh a awlsam viau ang' tih hi an ngaih dan ani a.




An tlin lohna hmuh kan tlat a, fate tlin lohna hmu lian ngawih ngawih nu leh pa an ni miah lo te hi 'AN ZAHAWM ZUALNA' ka tilo thei lo.



'ka vanglai chuan rilru lian leh nghet tlut ka ni' tih rilru pu ran chung a chhungkua kaihhruai tum tlat; lalhrawt nu leh pa an tam em em laiin ka nu leh pa te hi chuan an kum a naupan laia an mizia ang kha an pu reng anih chuan chhungkua ah rah țha a thlen dawn lo tih hrethiam tlat in zahawmna hloh hauh silovin nem takin chhungkua an enkawl a.



Ka pa phei chu a vanglai pawh a police officer tawhkhirh leh rorum tak, eiru leh diklo tak a thil ti țhin te'n an hlauh rawn kha ani pha ve ngat a! Mahse, hringnun hlut zia a hrechiang em a, fate diklohna hmuh len sak a, vau khur khur ai chuan 'tupawn second chance kan phu, tihsual vang a inhrem nghal ngawt ai chuan ka dai sual tak ațang khan inzir a, inchher hriam zawk tur' tih ngaih dan nei tlat tu ani a. Mihring fel famkim kan awm loh zia a hmuh chian em avang hian midang thil sual tih a hmu lian ve run ngailo.


Kan nupa pawn hringnun a kan hunțha vawi hnihna chu zawh țan mekin bul kan țan țha leh dawn tiin min fuih a, tu thinlungin nge vauna thurum zet aia fuihna thuțha leh hmangaihna tel bawk si chu dawnsawn nuam tilo teh lul ang ni!


Ka nute nupa chu pa Zothana te nupa nen an inzui chhuak a.

Naktuk hi Jayden leh Emma te inneih ni a ni tawh a. An kum a naupan chhiat tawh loh bakah sum lamah harsatna pakhatmah an nei lo bawk nen ran lukim khawn thluk an tum riap mai a!



Mahse, hnuchham in ah ruai chu buatsaih ani dawn, an titi ațang ka hriat dan chuan naupang an nih laiin pa Zothana leh nuPuitei te hi chumi hnuchham in ah chuan an awm țhin, tun thleng hian inpui ber ah neiin ni bik pawh HOME a awm zawng zawngte nen an hmang ho vek țhin.


"Jayden-a pa te lam in senso țhenkhat rawn tum sak ve țal an tum a, Jayden-a lah chuan a lo remti mang bawk silo" ti nghut pah min kuah nghet zual sauh tu chu ka thlek let ha a.

Ka nu te kal chhuak kawt thleng kan thlah a, ka hnung ah dingin min kuah khawm hlu hlu bawk.


"Apa te lam a lo pawh lo viau elaw?"


"Umm, kum5 a nih lai vel in apa khan anu hi kut a thlak nasa țhin lutuk a, a mit ngeiin a hmu ve vek si a, huat takte in apa te lam chu a haw zui ta vek" ti sup in ka darah khabe a rawn nghat a. Ka nghawng lang lai chu a hmui lumin a rawn nawr zui tawk bawk.

"anu a hmangaih thiam ngawt mai" ka ti ve sep.


"Apa diktak Zico-a kha Jail chhungah a inawk hlum a, chumi țum pawh chuan Jayden-a hi ruang kil tur tak ngial pawn a kal duh hauh lo. Rawlthar chhuak hlim ani ve tawh a, pa Zothana'n a nawr ngial pawn 'Ka pa chu hrisel țha takin ka hma ah i țhut reng hi' tiin pa Zothana kha a chhang hmiah a. Tuman an nawr lui duh ta biklo"