TETAKTEI PAGE 4 🔥

TETAKTEI

CHAPTER 32

Abbra Reo Ririni Khiangte (PitarteiSualfingi) 😈

🕊LOVE ME WHO I AM

NOT WHO YOU WANT ME TO BE. 🕊

Hruai let ve nghal mai tur a min ngenna chu chiang takin ka hnial sak hmiah; a chhan chu zanin hian thil pawimawh tak tih ka tum miau.

Bawihi ngawi ran chuan min mawlh țún a; kan khawsak zawh chiah dan ngaihtuah phei chuan a bulah mu a, duat tak a kuah hlu hlu tur ka ni tih ka hria. Marawh chu lehlamah mangang thlabarin ka farnu in min rawn be ve bawk nen thlem khawmuang turin hun ka nei tam vaiu lo. Ka theih tawp a dam a Faith in min mamawhna ka hrilh ngial pawn a țawng chhuak duh reuh der lo! A mita thikna nasa zet lang chhuak erawh hmuh nuam ka ti riau, rilru min pe te tak zet tawh tih ka hriat phah a, Ka let hun ah engkim ka hrilhfiah bak ah nupui tur a ka sawmna zungbun ka bun tir ang.

Ngawi ngur a steering ka herkual mawp mawp chu rum chhuak nghutin ka kut lehlam chuan motor hma chu ka ban vut. Zungbun bawm sen duk raih chu ka la chhuak vut a, tuai kual thuak pah a melh run in ka țhen suk bawk.

Ka kutțangin a chhin chu ka nawr hawng hlek, a chhung a lunghlu zungbun mit fim-kak chu Bawihi ngei in a kutțang ah bun se, a lang nalh leh zual ang, nuih leh sukin thaw chhuak hawk pah hian motor hma ah chuan ka dah let leh a. He zungbun hi kar eng emaw zah ka kawl țha tawh, zanin hi ka nupui nitur a ka sawm tum zan ani a, plan engkim ka duan lawk sa erawh Faith buaina tawh vangin a flop ta vek rih. Simple zet a dawhkan sawngbawl chung a Candle in chhi eng teng teng hnuai ah țhutpui a, sawmna neih ka tum ve tak kha a nia.

Mipa romantic tak ka nilo; Bawihi tan erawh a țha ber a chet chhuah ka duh miau vangin hun kan hman dunna room piah lawk ah khan engkim ka buatsaihsa vek. Ka let hun ah chu pindan chhung ah chuan hruai lutin ka nupui nitur in ka sawm ang.

College a kal chhung chu he zungbun hi bun se, college a zawh vel ah ka nupui a ni bawk ang, ka nupui a nih hnu ah pawh zirna a chhun zawm ka rem ti dawn lutuk, tuktin kan pahnih in university kan pan dun a nga; ka nupui ngei mai zirtirna pek a, professor leh a zirlai naupang ang a kan khawsa tur vel mitthla ah hmu uar uar pah chuan ka kiai suk suk. Lola lak a ka rilru put hmang hi engtiang pawn thlak tumna ka neih loh ang chiah hian ka pa remtihna tello pawn ka nei lui tho ang tih hi ka thuthlukna nghet tak ani tawh.

A harh ve hma in a muhil lai duhtawk a thlir vung vung a; class țan dawn hnaih tawh tak ah han kaitho ila, ani Chhimthlipui ang mai a thinchhe kawlh ve hlik hlek lah khan ka kaithawh hma loh avang in min an khum ve ngial țhin bawk se, washroom chhung ah ha nawt a a che kual vel a hnung lam a țang kuah hlu hlu pah a a rim nu zet hip lut vang vang a tuktin hun hman hlimawm dan tur thleng in ka suangtuah kual rawih rawih.

He hmeichhia zet zawng; A mak a ni! Suangtuahna mak pui pui leh hlimawm zet min neih tirin engtik lai pawn ka rilru a luah ngut ngut zel mai a. Ka nupui a nih hlan mawlh a ni ka ngahhleh tawh chu...

"Dawhthei takin min lo nghak hram ang che" ti chhuak sup in speed ka san nghal sauh.

Kan kal chhuah hma in Hriatpuia bulah ka in report thlap tawh a, kan rei deuh tur thu ka hrilh lawk tawh vangin reilote Faith thlamuan tur in akiang ah ka awm khawmuang rih a nga, darkar khat pawh tling lo ah ka let san leh ang.

"Mess..." cabin chhung ka luh rual rual in Faith chuan min lo țah khum hlawp hlawp. A hliam tuar ka hmuh meuh chuan thinur țun in ka inhum ruh nghek bawk. A chal an lo tuam bur a, a kut vei lam pawh a awrh, a hmui bul khem nang mai leh benna tih hriat taka a hmai duk chur chu hmuh a hreawm kher mai!

"Hrep a" ka ti chhuak nghut, a ban dinglam in ka kawngah a kuah a, reife min țah khum hnu chuan lungchhe zet in a rawn hawi chhuak a!

Hrep chuan!

"Tu te nge?" ti chhuak nghut pah chuan a khabe ah ka dawm hmiah, ka kuai dak a; a hmai hliam duk leh pilh phang chu ka melh nghal ngur bawk.

"Paruk.. an vaiin paruk an nia... tinge tlai ah khan min kalpui mai lo, ka bulah awm la chuan khang mite khan kut min thlak miah lo ang" chhuak takin a țap leh nghal hlawp hlawp. Ka inseh ruh țeuh ringawt.

"Ka pa pawn nangman min buaipui thei ah a ngaih vangin Lunglei ațangin min zui duh lo a..." ţap țiau a a tih leh chuan a sawi dik em avangin sawi ve tur reng ka hrelo. A bulah awm niila chuan hetiang teh hrep hi a chungah a thleng hauh lovang.

"Mess.. kut min thlak a, inven nan keipawn ka sual let ve nasa lutuk.. an thisen ka chhuah ve tho.." insut hlawp hlawp chung hian a rawn ti leh a. A mittui hruk hul sak pah chuan ka bu nghut.

"Min beng tupa kha ka ham a, ka.. ka ham mai a nilo, ka seh a... mahse, paruk lai an nia, chuan..." insut hlawp hlawp in a ti a, sawi zawm thei loin lungchhe lutuk in a țap leh hawk hawk. A pa in ngaihngam takin ka kut ah a dah lai a ka venghim thei lo chuan ka tha a tina kher mai!

Faith mit ațang a mittui rawn lung thla zung zung chu tuai hul sak thuak in mahni inthiam lo fe chuan ka melh ngur ngur.

"A pawi ta ber chu..." rawn ti sap tu chu Faith khabe ah dawm run pah chuan ka en nghal vut. Doctor chuan hmel thim deuh máp hian min lo en ran a.

Faith melh leh zauh pah chuan "Sawisatu te zingah khan HIV+ a awm ve a, i farnu hian mahni inven nan kut a thlak let bak ah thisen an inchhuah ve ve a...." lehzel chuan!

"I chiang em?" ti chhuak hrawk in Faith chu ka melh chhuk run, a mitmeng thlabar zet ah chuan hlauthawnna nasa lutuk a rawn lang bawk.

"Mess, ka hlau lutuk, ka taksa pilh leh pem ah hian a thisen kha lo kai palh ta ila..."

"No" ti chhuak hulh in ka kuah bet tawk ringawt. Faith chu chhuak lutuk in a țap khur hlawk hlawk, ka ngaihtuahna chu a kal thui kher mai. HIV kai thisen chhuak kha kan bawisawm laia kan taksa ah pilh leh pem a lo awm palh anih chuan awlsam takin kan kai thei tih ka hre ve vek.

"Naktuk ah test te kan han nei a nga, zan thil a nih tawh vangin thil țhenkhat a kaltlangpui nghal zung zung thei siloh a, min hrethiam hram dawn nia" doctor vek chuan a ti sap. Țawngkâ a chhang lovin ka bu nghut nghut. Chutiah rual erawh chuan thlabar tak a min kuah chung a Faith țap hlawp hlawp ri chuan mahni inthiam lohna nasa tak min neih tir bawk.

"Tikhan, i farnu kiang ah kan lo awm rih phawt la, a thil tawnin a țhawn em avang in a hlauthawng tel bawk, awm hahdam pui phawt la, kan inbe dawn nia" tiin doctor chuan min chhuah san nghal a.

Faith erawh rilru ipik leh hlauthawng tih hriat takin a țap reng, a chung a thil thleng ah hian mawrhphur tu lian tak a inngaihna ka neih miau vangin hnemna thu sawi tur a lawi ka hre bik hauh lo.

Nizan ah a pa nen meuh min rawn biak avang in zingkar ah ka va hruai a, a pa pawh Faith zui a, Aizawl rawn phei tum a ni nghe nghe, marawh chu a khup ruhna in chet vel a ti harsa si a, kei lah nileng a chawl tur tho ka nih vangin in lam ah lo awm turin ka ti ta ngawt kha ani a, ka thu zawm in a fanu chu ngaihngam takin ka rualin a kal tir a. Keilah chu min mamawh hun lai berin a kiang ah ka awm hauh bawk silo.

Faith lungchhe lutuk leh rilru hluathawng bawk si chu a muhil mai thei lo a, a ţap a bang a, reilote hnu ah 'hiv kha lo kai ve ta ila..' tiin rilruna zet in rawn ţap chhuak leh hlawp hlawp zel!

A sawi dan chuan health department a dawr zawh rual in lehkha pawimawh a siam fel zung zung a, xerox copy te siam nghal in a thlenna hotel pan a a let tur chu bazar bul hmun reh lai ah lo tibuaitu te nen an innangchin a, pawisa laksak tumin ani hmeichhia ngawt chu an lo pawt buai nghal ani awm a. Faith lah hmeichhe pakhat tling ve tak a lo ni kher bawk nen, a lehkha pawimawh leh pawisa chu a theih tawp a hum tumin a lo sual let ve ani awm a! Mipa rual, damdawi chak tawh lutuk vang a phili ruai ho chuan dimna nei hauh lovin an sawisa zui ta nghek bawk. An thawm hria a veng chhung mi țhenkhat tlan chhuak te'n an nangchin hlauh a, tlem a tlem ah Faith nunna in a tuar lo chauh bawk.

Faith-i'n thisen a chhuah sak pa kha HIV+ a ni ngei tih lah Doctor khan a chian tawk hmel hle a, Faith taksa pilh leh khem ah hian kha mihring thisen kha a per lut palh hlek a nih chuan...

20200403_012802.jpg

20200403_012802.jpg (68.5 KiB) Viewed 22885 times

Rum chhuak nghut in chair nghenchhan ka ngheng dawt! Ngahnge tlai ah khan office thleng zui ve a; kan zawhfel hnu ah chiah ka kal san mai loh?

Chu ka ngaihtuahna awmzia pakhatmah awm tawh bawk silo chuan chhung lam ațangin min hnawh tup tup a! Ka tawt mup.

"Faith, mutthilh tum rawh" ti chhuak sup in a ban ruh tliak lo lam kut ah chuan ka hum sak hmiah. Nghet takin ka kut chu a lo hum let a.

"Ms, HIV lo kai palh ta ila, ka... ka future engkim a tawp vek dawn, miten doctor positive tiin min nuihzat a nga, kum tam tak chhung sum seng a ka zirna zawng zawng hian awmzia a nei dawn lo... hreawm ka ti e mai" Faith chuan țah insum zet in a ti țiau.

"Chutiangin thil ngaihtuah suh, i him em em ang" ti sup in a kut chu ka hum nghet sauh.

Ngawi rengin a khum bulah ka țhutpui a, a changin a chung a thil thleng vang a min demna a ti lang leh zeuh țhin pawh chu thinrimpui ngaihna ka hrelo! A pa in lo buaipui vek tur a min chah vek hnuah Bawihi kiang ah hun hman ka duh vangin amah a inbuaipui mai tur in ka chah a, hotel chhung ah ka let san leh ta ngawt kha a nia.

Bawihi!

Hrep chuan!

Min nghak reng tih ka hriatchhuah rual chuan rum hawk in ka kekawr ipte ka dap nghal thuak. Phone chu ka hmet eng a, dar 12 a lo ri der tawh. Damdawi in ka thlen tir a ka biak bak kha ka be leh tawh miah lo.

Zanin thil khal dan fuh lo lutuk chuan min ti ner sawk!

Faith chu ka melh vut a, inchung en in mit a lo khap fak fak, a hliam tawhte chu a nat hmel in ka lainat tak zet bawk. Mangang tak a a awm lai in a kiang ah ka awm loh vang pawh a pawh a ka inthiam loh tawh teh lul nen, a mutthilh hma a kal san ngawt chu a dik hauh bawk silo.

Engpawh nise, Bawihi ka zuk hruai leh phawt a nga, ka drop fel hnu ah damdawi in ah hian ka let leh mai ang.

"Mess" ti sep a min en chuan ka en ve nghal vut.

"I phone ka lo hmang" a ti a. Mit ka kan deuh uk chuan thaw hak in amah tibuaitu te nen an inchai velna lamah a phone a thlauh chhiat thu a sawi a. Min lo call na pawh a number a nilo tih ka hre zawm ve leh zat bawk.

"Ok" ti sup in phone chu ka pe vut, a biak duh han bia se, a rilru pawh a thawl deuh mahna, cover a hmuh chuan chimawm fahran a min melh in a nui hak a. Bawihi nen kan thlalak chu mit tizim sún a melh in ka nui che ve dawt tho.

Rawlthar ngaihzawng nei tihtur ah chiah ka dah țhin kha ka dawithiam tereuhte vangin ka ti va ta duk duk miau si a.

"Chanchin hi ka nu leh pa te pawh ka hrilh lo, an hriat chuan min ngaihtuah dawn lutuk a, ka chingfel lawk thei lo tiin ka hliam dam fel hma chu helam ah ka awm mai ang" a ti sep sep a. Ka pawmpui tih nan lu ka lo buk khum nghut nghut.

"Ban ruh tliak chung a hotel ah mahni ngawt a awm chu a hreawm dawn e.. Mess, karkhat chhung vel chu i in ah khan ka lo insuan lut mai ang chu.." ti sep a inthlahrun hmel deuh a min en chuan khawngaih tha a la kher mai.

"Min dil kher a ngai em ni? Damdawi in ațang i chhuah theih rual in i insuan lut dawn nia" ka ti sup, hahdam ta huai hmel pu chungin min en a.

He lam ah chhungkhat an nei vak lo. Ka nu dam lai kha chuan Lunglei aiin Aizawl ah Faith te unau pawh an tal tam zawk a. Hostel ațangin a lo chhuah reng rengin kan in ah vek an rawn khawsa țhin. Tunah chuan khatiang a kan in pui a rawn tlangnel kha an tan a nuam ber tawh lo. Ka pa'n nupui dang a neih tak hnu ah phei chuan Aizawl an lo kal chang pawn Hotel ah an khawsa mai zel.

Eng emaw ngaihtuah ni awm tak a Faith a ngawih ran lai chuan Bawihi biak thuai ka duhna chuan min kam țún; Phone chu a hman hma a hman hmasak ka tum deuh uk a. Mahse, doctor a rawn luh ve leh chiah vang chuan ka țhutna ațangin ka ding chhuak ta vut.

"Ehe, Prof Ms, nang maw lo ni a?" ti hluai in Doctor Jayden-a chu a rawn ri hluai.

"Teh hlawl chuan leh" ka ti ve hlut tho "ka nau a nia, hetah i țhu tih ka hre hauh hleinem" ka ti let luam, school kal chhung zawngin kan junior an ni țhin.

Faith chuan tu emaw ka phone ațangin a bia a. Jayden-a chuan nichin a doctor sawi ang bawk kha sawi ve leh in Faith tan Hiv kai palhna chance a san thu a sawi churh churh. Damdawi in hnathawktu lam a țha thei ang berin Faith hliam vel kha buaipui tawh mahse thil thlen chung minute 10 chhung lek pawh HIV hrik, taksa pem ah lut a, thisen lum ah dam zui theihna chance a san thu vel a sawi mawlh mawlh lai chuan kut ka lo hum ruh ngawt ngawt.

Naktuk ah a thisen an la a nga, damdawi in dang ah thawn phei in result pawh neih vat theih an inrin thu a sawi luam. Nakin ah a rawn round leh tur thu sawiin a chhuak a.

"Faith" ka ti sup. Bawihi biak ka mamawh tawh tak zet.

"I biak zawh tawh chuan mu hahdam la, doctor sawi dan chuan mut tam i mamawh" ti sup in a khum pan in ka pen let pawk pawk. Hmui phun in a țhiannu a biak thu a lo sawi sap, lu ka thing nghat a.

"Ka sawi tur ka sawi zo tawh, I be kher duh em?" Ti sap in min melh ralh ralh; ka melh dur nghal khûi. A țhiannu pakhat hian min beisei hiam hiam țhin a, mi chhaih nan tak a hmang ziah.

"Nope, be lo ang" ka ti bung nghut.

"Humm, be ve mai la" nui sawng chungin phone chu ka lam ah a rawn lek hnai deuh zuau a.

"A țul chuan nakin ah ka bia ang" ti bung nghut pah chuan chair ah ka țhu thla vut. A nui har har a, a țhiannu ber a biak tak ah chuan a rilru a zangkhai ve ta deuh ah ngaiin ka thaw ve huai tho.

"I biak duh loh chuan ka dah..." a ti a, nui hak hak a min en pah chuan "minute khat leh chiah aw..." insehruh țeuh in kâ ka chip hmuk.

"Lunglei a ka cousin tal ka hrilh loh chuan a diklo a lawm..." inthlahrun hmel deuh a a tih tak ah chuan ka bu ta nghut.

"Ka be rei miah lo ang" a tia. Phone chu a hmet leh nghal mual mual a. Cabin bang a sana intar chu ka melh ngur. Ka kal chhuah dawn khan hetiang teh hrep a serious ani dawn tih hre ngat ila chuan Bawihi kha ka hruai let nghal tur a nia. Tunah te hian a thluak tereuhte hmangin thil mak pui pui a lo ngaihtuah kual leh chiam chiam emaw te a nia nga. Ngaihtuahna atthlak zet neiin a lo tal buai leh chiam a nge'm... Hrep a!

"Give" ti sup a Faith phone hman mek hmai zawn ah ka kut phah lian tham zet ka va dawh vut chuan min en nghal dawrh.

"Faith, phone kha ka mamawh" ka ti leh nghut. Thikthu chhiat luat vangin ka hmangaih-i tereuh kha a lo talbuai chiam hlauhna chuan dawhtheihna min tlakchham tir ta kher bawk.

"Ugggg, nakin ah ka lo be leh ang che" tiin phone chu a ti tawp a. A kut ata phih thla vut a ka ding chhuak nghal hluai chu phawk fe in min en reng ringawt.

Rang fahran in Bawihi number ka hmet chhuak nghal a, min block ve ngar ngar nangin nichin khan a phone hack sakin ka in unblock tawh. Ka call a, rei ngial a *ring* hnu ah pawh a chhang ta hauh lo.

A chau deuh a nga, a muhil emaw reuh le? Ka ngaihtuahna vang chuan khi suk in tukverh lam ka pan nghal vut. Ka chet pui dan kha tu hmeichhe tan mah tawrh mai mai chi a ni hauh lo.

"Tunge i biak dawn?" Faith chuan a rawn ti deuh hliai.

"Bawihi" ti sup in ka en thuak, a ngawi nghal hmak. Tukverh darthlalang ațangin pawn lam chu melh ngur im phone ring chu ka ngaithla vung vung. Tun țum pawh a chhang chuang lo.

Khum zau zet ah khan chau zetin a muhil siai siai ang nge, ka let leh lawk siloh vangin ngaihtuahna mak pui pui neiin a lo thinrim leh hlur tawh ang... huh, a eng a ve ve pawh lo nise a chinchang hriat ka mamawh! Chu zawng chu.

"I țha tih tal hriat ka mamawh" ka ti chhuak sup. Caffe thlithlai tur a ka rawih lai, pu Reuben-a chu ka call a. Vanneih thlak lutuk in Bawihi chu building ațangin a chhuah loh thu a rawn sawi ta hlauh. Ka thaw huai a! A taksa chau rim tawng vangin a muhil ah ka ngai ta deuh.

"Ok, ka lo let leh hma chu lo thlithla tlat ang che... ka rawn let hman țep" ti sup in phone chu ka ti tawp hmuk.

Rang lutuk in Faith chuan "Min riahpui dawn em?" a lo ti nghal zat.

Muangchangin ka inher let ruai ruai a. Phone chu ka kekawr ipte ah thun lut in ka kekawr ipte chu ka zen nghal hlun.

"Riahpui thei lo ang che..." hlauhthawn hmel lutuk a min en in țah a tum nghal ringawt.

"C'mon, Faith, i cabin a riahpui tur che in nurse ka be dawn lawm" ti chhuak hluk pah chuan ka pan chho nghut. Rilru ipik lutuk a a awm laia kal san chu a dik ber lo tih ka hria. Mahse, Bawihi'n min nghak reng tawh.

"Faith, hriatthiam tum hram rawh, nurse in a vil ang che"

"Helam ah chhungte ka neilo tih i hre ve reng a.." ti țíau a hnuai lam a bih tlat tak ah chuan thaw chhuak huai in a khum tlangah ka țhu thla dawt.

"Ka hria a lawm, i chung a thil thleng pawh ka venhim țhat tawk loh vang che a ni tih ka pawm thlap. Mahse, tunah hian Bawihi'n min nghak mek, ka let vat lo anih chuan....."

"... mi â ang maiin amah leh amah a lo intihnat leh i hlau maw?" Faith chuan nui hul hakin a rawn ti halh. Chutiang zawng kher a Bawihi chungchang a sawi chuan min ti lawm lo ngang bawk.

Ka mitmeng dur nghal khûi chu pha deuh dui a min melh in a thaw halh a.

"Ngai kawilo la, a dinhmun chu ka hriat ve vek kha, zanin tlai pawn min lawm loh zia chu ka hmu thiam a lawm.." a ti a, a nui lui halh bawk. "A nghak che a ni lawm ni? Kal tawh rawh" ti leh nghat in puan chuan a in khuh nghal hmiah.

"Faith?" lungawi lo tak chuan ka ti bung nghut.

"I thisen zawmpui pawh ka ni ve tak tak hleinem, min rawn ngaihven ringawt pawh hi lawm hle tur ka ni, ka lo phut sang lutuk che a ka tihpalh"

Ka rum chhuak nghut. Thlem emaw, thupha chawi kual erawh ka tum lo. Hmeichhe lungawi lo ka thlem ngailo bawk. Bawihi tih chiah lo chu!

Khum ațangin ka ding chhuak vut a. Faith pawh luhlul chhuah in a inlukhun ngar. "Nurse a rawn duty dawn nia" melh chhuk run in ka ti sup.

Ka inher vut a, ka kal chhuah hma a min rawn au deuh tuar na chu ngaihven tawh lovin cabin kawngka chu ka pawt phui hmiah. Duty room ka pan ding mawp mawp, Doctor Jayden-a bulah chuan nurse room duty tur ka mamawh tur thu ka hrilh a, awlsam tak a min buaipui zung zung hnu chuan thaw khat veng huai chungin motor hunna ka pan nul nul.

Ka kekawr ipte a motor chahbi chu zuk zen in la chhuak lem lo chuan ka hmet khep, motor chu eng nghal pup pup in lock a in hawng ri khup a. Zan a rei tawh bawk nen khawpui chhung pawh a reh tlawk tlawk.

Engine ka start hman țawng tih ah ka mi rawih Rubena hnen ațangin call ka dawng nawlh. Bawihi chungchang a nih ringin ka chhang nghal thuai a.

"Sawi rawh" ti sup in steering ka her kual nghal pawp.

"Pu, i țhiannu kha amah in a kal chhuak a nia"

"A rei tawh em?" ka ti deuh țhawt! Lola leh! Zan rei tawh ah leh nghal eng vang teh hrep a mahni a kal chhuak nge i nih?

"Tun mai kha.. i lo let vat tur thu ka hrilh ngial pawn lungawi lohna nei ang maiin a kal chhuak lui tho a" a rawn tih leh zet chuan ka thinur vang nge Bawihi ka ngaihtuah luat vang ka thliar hrang thiam teh hrep lo! Ka sa hulh hulh a, ka awm chhung a tawt ipik mup.

Chak zet in motor huhnna ațangin ka tlan chhuak nghal puat. Bawihi number ah call pah mawlh mawlh in chak thei ang ber in ka tlan fua fua; phone a chhang duh hauh lo chuan min ti thinur hluah hluah tawh.

"Phiang sen chuan" ti chuak hrawk in steering ka chum bur.

Lalhlimpui, i thluak tereuhte khan eng thil hrep nge i lo ngaihtuah leh reuh tawh le?

Zanlai ah mahni chiah a kal chhuah him tawk loh zia hrethiam tur a ni a sin! Khawpui chhung hmun reh deuh lai tak ngial pawh a him tawh loh lai karin... caffe hmunhma reh leh fal nalh phei chu thil sual ti duh tu te tan hmun remchang lai ber a ni hial ang chu!

Motor ka tih din tuar rual chuan rang takin pa upa tawh lam chu motor pan in a rawn tlan dawr dawr a.

"Pu, kawngah i rawn tawk em?" a rawn tih tak ah chuan ka insangmar țeuh.

Lu thing nghutin ka rum hrawih a. Kawngtluang khan tawh palh mai inring rengin ka insehruh țung a nih kha.

"A.. khai aw, nichin khan bike leh car chu khawpui lam panin an tlan ngei a. Mahse, chung mite vek chu an rawn tlan leh let a sin" pu Reubena'n pawi tih hmel zet a a tih chuan steering ka hum nghet kher mai.

"Engtik khan nge?" ti chhum hmuk in engin ka ti nung vut vut.

Darkar chanve lo liam a la nilo ang a tih rual chuan motor chu turn pawp in kawngpui thim ruih ah chuan ka tlan chhuak nghal fua. Thui pawh ka tlan hma in farm hmun zau zet ka zuk pawh a. Ka speed san em vang chuan gate pui chu ka tlan pel fu. Marawh chu brake rap ri tuar in ka tawlh let leh a. Farm house eng kung leh a kawt a mipa rual nui thum ham ham te, car var pakhat leh bike pakhat tual a inhung ka hmuh rua chuan ka hlawhfa chhawrpa mi hmu te nge kha an ni tih ka hre zawm zat.

Motor ațang a chhuah vut pah chuan ka kâ hmangin ka thaw chhuak ham ham a. Mipa pakhat in gate a ka lut vut chu min rawn hmu in a țhiante a au deuh țhawt!

(Lai thleng vel hi ka type in ka hria, nizan khan..)🙍‍♀️

An ding nghal phuk phuk chu thim tham ah chuan ka pan phei mawp mawp, an harhfim lovin pawisak an neilo tih hriat fahran in pawn light eng pum hnuai aţang chuan min lo au el lung lung a.

"Hetah eng nge i rawn tih?" pakhat in rawn pen hnai chhur pah a a rawn tih chuan a kawrawm ah ka țham nghal hrawk!

"Tu phiangsen nge i nih a?" ti țhawt in mipa pahnih an rawn che chhuak thut a! Marawh chu ka mitmeng dur khui an hmuh rual chuan an ding ta chut.

"khawi ah nge hmeichhia kha" zawi chang zet a ti hrawih in a kawrawm ka țham sakpa hmai bul chet ah chuan ka bih ngur, a țhian dangte erawh an ťî dui. Mit meng hmang a vau zam theih lek te hian in la pa takin hmeichhe chaklo zawk te an pawt lui fo tih lah ka chiang ve hle bawk.

"I sawi dawn nge, ka rek hlum dawn che" ti sup in țhen suk pah chuan ka kutphah hrawl zetin a hrawk ka rek nghal hmiah.

"Ih.. Victora.. Victora'n huan mawng a thlam ah a hnuk thla..." inthunun hman lo lek in chupa bek ah chuan ka hnek bur! A thal nghal tawp bawk. A kut hnawr a Bawihi khawih ngam tu chan phei chu kha ai khan a rapthlak ang!

Mipa rual rui zawr zet ho chu kut ka thlak ve nih hlau in a tlan che pai khut khut a, huan mawng lam chu pakhat in min kawhhmuh pahin an țhianpa tlu hlawm reng chu a pawr nawk nawk.

Tual ka thah pawh ngai mahse ka pawisa map lo.

"Țang țang lo mai teh" mipa nui huah huah ri chuan ka kawchhung a hrawm so bulh bulh. In te fel ren rawn lo ding fal nalh kawngkhar chu ka phih pawp.

"Tunge, Bro, ka la zo lo deuh, ka zawh ah nangni chu?" a rawn tih lung lung chuan ka nui chhuak hawk. Ka nuih zat vang ai mah chuan ka thinur awm ngaihna hrelo nui chhuak ka ni ber.

Chhung lam a kawngkhar inkalh tlat chu a sir lam ve ve ah hum rem sauh sauh in ka phih thlawn hlawk.

"Ka la zo lo ka tih kha..." in la hruaitu fahran a rawn vin tuar in min rawn pan a.

"Tunge i nih?" min hmachhawn rua chuan a au deuh nghek. Thim khup a melh ngurin muang zetin ka pen hma chhut chhut.

"Muansang, Zokim, Telawm?" a țhiante au chiam chiam chungin a tawlh hnung hrut hrut.

Bang in pindanna ah a tawlh lut chu ka luhchilh nghal vut. Chhuat kil khat a Bawihi lo țhu tawm kak ka hmuh meuh chuan a lak a ka lungawi lohna leh thinurna vang chuan ka sa hal hulh hulh ani ber e. Min melh chho ngar a, min hmu thut chu lawm hmel pawh zu pu map lova.

"He lai hmun hi kan huan a nih hi.. let thuai rawh.." dawi aw dûi a lo țawng pa bek ah chuan ka kuttum hum ruh tlat a chu ri nghal chawrh. Thumal khat pawh sawi leh tawh lovin a zal nghal der.

Nep lutuk mai! Vawi khat khawih pawh diar zo hauh silo in hmeichhe tha neilo zawk lo khawih luih te a tum khanglan... a hnungzang ah chhir chawrh pah chuan engmah thleng lo ang mai a Lola țhu ngawi tlat chu ka melh ngur. Mipa chu rum hawk in a vial ngawl ngawl a. Lola erawh in chhet pawn mit a khap lo.

Caffe ah min nghak mai lova a lo kal chhuah daih vang a a lak a ka lungawi lohna thup țhen hram hram chungin ka pan phei pawk pawk. Zanin hian a chungah eng emaw thleng palh ta se dam chhungin ka inngaidam thei tawh ngailo vang.

"Bawihi, i țha em?" ti chhuak sup a a hma a ka țhu hniam vut chu min ner khum sawk a.

Thaw chhuak hulh in a biang ka khuap tur chu na fe in ka kut a lo nam per nawlh anih chu! Ka nui lui suk a. Chhimthlipui ang maiin a țeu leh hlar dawn a nih hmel.

"I țha em?" ti leh sup a a dar khawih ka tumna pawh a lo nam per leh nawlh tawh.

"Hrep a.. engthil nge i hriat a?" ti chhuak hrawk in ka ding mar nghal vut. Lungawi lo fahran chuan chhuat a Bawihi țhu tawm kak chu ka melh chhuk run bawk.

"Ding rawh" ti chhuak leh hrawih in ka rum zui hawk. Kha mipa zawr chhe zet khan a khawih lo tih ka chiang. Pawi a khawih hman lo kha nung dam a a awm theih phahna ani bawk.

"Lola?" Ka vin leh tak țhawk ah chuan ner sakin a rawn ding mar ve ta hram. Kut a tuar em tih ka ngaihtuah a! Insangmar țeuh in a biang ah ka khup nghal hmiah, a lo tal nghek chu a kawngah man bet hrawk in ka lam ah ka hnuk hnai hmiah.

"Lo che hlek suh" ka ti sup, rum em em a min melh chuan a insehruh ve fan fan. A hmai tlang chu ka melh kual dun dun a. "An khawih che em?" ti sup a a taksa ka thlek kual vut chu a aw kha zet vang chuan tawp hmuk in muangchangin a taksa chu zawh chhovin a mitah ka melh chhuk nghal run.

"Sawi nawn leh teh" ti chhuak hmuk in a kawng ka kuahna chu ka ti nghet hrawk bawk.

"Ha.. vel che chuan, min buaipui lo hian damdawi in ah let leh rawh ka ti che a nih chu" ti hlak in a hawi san hmak. Ka rum chhuak hawk a.

Eng tak chu hre reuh ni maw?

"He lai hmun ațang hian chhuak vat teh ang" ti hrawk in ka pawm kang nghal nawlh.

"Malsawmtluang, i â deuh em ni? Min dah thla rawh, khawih pawh min khawih tawh suh" ti chhuak nghek in a tal nawk nawk a, caffe ațangin a mah ngawt in a kal chhuak tih ka hriat tirh tê ațang a keimah a thinurna in mung khawm chu a puak darh ve ta hawk.

"Ngawi hmak rawh" thinrim rawl lian zet a ka au khum fiak fur chu min hlauh a hneh in min ngaihnep hmel lutuk in min nuih hak anih chu!

Tur zetin ka melh chhuk ngur a, Bawihi erawh za lutuk in a nui ta hak hak. Chutia a awm dan phung maksak zet ka en run run lai chuan tawp thut in a tal leh aih a.

"Insawifiahna tur i ngah khawp mai" ti chhum hmuk in ka pen nghal pawk pawk. A tal tawh lova, tal in awmzia a nei dawn chuang lo tih a hriatchian vang te pawh ani ang, inhum ruh ve țai in a ngawi ta rauh rauh.

Motor bul ka thlen pui rual erawh in nasa lut a tal nghek in ka pawmna ațang chuan a pit thla phut anih chu!

"I kut hmawr pawn min khawih tawh suh" ti vin hlar in a tawlh hnung zui dawrh bawk.

"C'mon, engthil teh hrep nge i hriat a? I khawsak dan hian min ti lungawi hauh bik hleinem Bawihi" ti hrawk a ka pan hnai vut chu a bag in min lo hlap zui pawp!

"Ka lak a lungawi lo ngam turin tu nge ni a i inhriat a?" ti vin hlar a min ngaihnep hmel zet a min melh chho ve khai chu a kawngah man lawk in ka taksa ah ka hnuk bet nghal hrawk.

"Tu nge ka nih maw... i bialpa... i mipa ka nih hi" ti hmuk in ka kun hniam vut, a lo thle sawn tur chu a khabe ah hmer salh in dimlobaksak in ka fawp ngawng ngawng a, hmui chip tum chuan a țang nasa ve hle nangin a kawng ka kuahna ti nghet hrawk hrawk pah a ka taksa ah na zet a kuah ngheh chiam chuan na tih vangin a thaw hak a, rang takin a kâ chhung ah lei ka chet kual tir nghal ngawng ngawng. A tan tunge ka nih tih min la zawt cheu a maw? A hre duh tak zet a nih chuan ka hmeichhia a ni tih ka hriat nawn tir fo hreh hauh lo.

"Kawlh reuh lutuk" ti hluk in ka rum hawk. Ka lei hmawr a sehna thip zak chu ka khik pui suk bawk.

"Vawi khatmah min fawp tawh suh. Nang neb hian inzawmna kan nei tawh lo" ti tuar a ka fawhna a nuai nawk nawk chuan min run kher mai.

"What? Ti te khan min melh reng reng suh

Malsawmtluang, i tenawmzia leh nang hian ka taksa bak i it lo tih chu zanin khan i fiah tawh..." ti nghek in rum zetin min melh ve hrak anih chu!

Show post links

Top

Abbra Reo Ririni

Post April 2nd, 2020, 11:03 pm

Lola's POV

Ka thusawi vang a Malsawmtluanga lungawi lo hmel dur thim khup chu rapthlak tak ani tawp!

Mahse, ka hlauhna chete mah ka neilo. Min pawhsawm vek chak hmel lutuk a min melh ngur tupa chu ngainep zet in ka nui leh sak a.

"Sawi dik loh ka nei em? I lemchanna kha duhtawk tawh rawh, ka taksa ah duhtawk in nuam i chen a, ks te mipa in hun an hmazawh pui hnu ah an tih ang chiah in min kal san nghal bawk.. chuta kar ah kha hmun ațang khan keimah a haw turin zan rei tawh hnu ah min hrilh leh bawk a.. haha, i ropui lutuk Malsawmtluang, i ropui tak zet" elsen zet a ti nghek in rum ul a min melh chhuk rum tupa chu ka melh chho hrep. Za lo tih hriat lutuk in a ťjen sawk a! A lan dan pawisak neih loh hmel zet chu rapawm tak ani tawp mai!

"I duh duh sawi ngawt lo te" ti chhum hmuk in hmai a tuai pawk.

"Lut rawh, ka hruai haw ang che" aw thunun tum zet chuan a ti leh hrawk, ka nui lui hak hak a.

"Nilo, I farnu thu i rawn chah ang ngei khan keimah in ka haw zawk ang" ngaihnep hmel lutuk chuan ka ti khum hlak. A hmel dur thim khup chu rei en duh loin ka pen nghal hmak a. Mahse, thui pawh ka pen hman lo, ka dul ah a ban hrawl zet rawn rawl lut thawih in min hnuk hnung dawrh a.

"Nangte reuh hian eng chungchang nge i sawi reuh a?" sehchilh zetin a rawn ti chhuak hrawih. Ka tal aih chu min thlah thawl deuh a ka hawi let rual chuan nep tih hmel fahran hian ka melh nghal nghek.

"Oh, kan professor ropui-a hian a farnu hnen a a thuchah ngei pawh a lo theinghilh hman a va ni awm ve?"

"Bawihi?" a ti deuh țhawt! A hmel lan dan chu a rapawm hluah hluah. Tham lo tak leh hmusit ru zet melh kual velna kha mipa tam tak ni ngatse ka nasa lo viau ang tih ka hria.

"Eng chuangchang nge i sawi ka hre nek lo.. khatiang in Faith chungchang sawi ngawt bawk suh" a tih chhum hmuk chuan thinrim lutuk vangin ka puak darh lo chauh.

Malsawmtluanga hmek hmuk chuan motor lam ah min hnuk phei dawr dawr a, kawngkhar pawt hawng pawp in min hlang lut nghal nawlh. Faith chhung chhang ka sawi theih loh laiin ani hi chuan thu a rawn chah thlap thei! Hah! Rapthlak hian a.

Motor chu ngawi ngul in a khalh mawp mawp, caffe kan tlan pelh rual te chuan ka na thar rawih rawih a, keimah a thinrimna nasa lutuk chuan ka tha thlengin a ti khur thei.

"Caffe ah khan min nghak tur in ka hrilh che" a tih chhum hmuk chuan zaktheilo tih zetin ka melh hrep.

"KS, i duh ang ang a i tihkual theih ka nilo"

Motor hma lam a chum ri bur. Ka phu nghek chu min rum khum nghut a.

"Ks i ni ka tih lai ka hre hauh lo... "

"Aw, i sawi chhuah kher ngailo in min khawsak khum dan khan a tichiang vek" ka ti let er.

"Bawihi" beidawn hmel fe a a tih chhuah hulh chuan ten zetin ka ner khum sak a.

"I lungawi lo ang tih chu ka hria a lawm. Mahse, Faith khan mi kut a tuar a, ka han buaipui zawk chhung a min lo nghak kha chu i tih ve tur ah ka ngai" ti chang bul in min melh thuak bawk.

"Ha... nghak... yeah.. nghak tur che a min tih vangin taxi awm lai pawn ka haw lo a. Zan rei thleng i hmei khawi lai ang mai a ka nghah tawh hnu ah che i farnu kha min rawn biak tir ani lawm ni?" Thinrim lutuk a au khum tawn tawn in ban ka phar nghek.

"What?"

"Hrelo der vel suh" ti khum tuar in thinrim thaw khur dar dar chungin hma lam ka melh ngar a.

"Sawi chiang rawh.. Faith chuan a rawn be lu lo ang che" ti hmuk a min rin loh hmel zet a ner nawk chu vuak thluk tawp ka chak ta ber. Au khum leh nghek ka tum tut tut nangin ka thusawi rinna chhete nei lova Faith a la țan hlur chuan min pawt chau ka ti dawn nge... ka dul zawn ah hian ka hik vek.

Khawpui chhhung kan tlan luh hnu thlengin kan inbe tawh lo. Kei phei chuan duhtawk a sex min hmanpuina pindan chhung ah ngei khan he mihring hi be tawh ngailo turin thutlukna ka siam vek tawh.

Ka u te gate bulah motor a ti thi duk a. Kawngkhar ka hawng ka chhuak tur chiah chu ka ban rekah a rawn man leh hmiah

"Bawihi?"

"Ka hmu duh tawh lo che.."

"Lalhlimpui" a ti tawk.

"I bulah ka hlim leh hlim loh kha min zawt tiraw?" a mitah tak en in Faith a țan hlur chu nep ti zet in ka nuih pah sak bawk. Motor chhung eng sen khui hnuai ah chuan a mitmeng danglam ruih chu ka melh lui tlat a.

"Thudik ka hrilh ang che.. I bulah hian ka hlim lo" ka ti chang fak.

Malsawmtluanga khi deuh suk chu thinrim insehruh țeuh in ka melh a.

"Dawt hmang a min tihnat chu tum duh suh, zanin han mu țha la, naktuk ah kan sawi țha dawn nia" a ti dam ta thlup.

"Aih, engmah sawi țhat leh kan mamawh tawh lo, zep loh chuan ka ning tawh che.... tunge mahni aia upa fe ngaizawng reng duh ang...." na ngei se ti zet in a mit ah ka melh ran a, a mitmeng uk thim khup a ka thil hmuh erawh chu ka hlimpui lo. Ka awm chhung a hmet hit rawih rawih daih. Mahse, ka ti tawh ta sa sa...

"Ka kum rualpui mipa in min hip ve țan tawh ah ngai mai rawh, ka sawi awmzia hi i hriatthiam ka ring" ti hmak in ka kut a hum chu ka thing sawk. A thlah lo.

Nghet zetin hum ngut ngut a, a hmer nat em vangin ka kut chu a mur chum chum. Ka țawng chhung zawng khan khap pawh a khap lo.

"Min thlah vat teh Malsawmtluang" ti hlar a ka phih leh nghek chu a aw rit luk leh natna thuk zet lang chhuak tel vang chuan ka tawp chawt.

"I thusawi kha sawi nawn leh teh"

"Kei aia upa fe hi ka zui peih tawh lo che, i bulah hian ka hlim tak tak lo! Ka kum rualpui te nen a tlai tak tak hma a nun bul țan a, rawlthar ngei ngaizawn ka duh ve tawh ka ti a nih chu!" Ka tih chang fak chuan ka kut a hum beh run chu a thlah ruai ruai a.

Keipawh chu rang zet in ka chhuak a.

"I thuthlukna ah khan inchhiar ngai hauh lovang che" kawngkhar ka nam phui hma a a aw zawi sup vang chuan ka tim deuh zuau a. 

Mahse, ngeiawm zet a nuih sak in mit ka siai zeuh. A hmel cool ruih lang thim khup a natna leh a mitmeng zuai ruih chuan min vîlh na ve ngut ngut tho.

"Min thlah a vangin ka lawm e.. Damdawi in lam ah tlan let leh tawh rawh, i farnu duat lai khan i riahpui dawn tih a sawi a, helai ah lo chelh khawmuan reng che hi a dik ber lo" ti ram hmak in kawngka chu ka nam phui dawt!

Gate ka luh fel hma hauh in chak lutuk in adawk chhuak zawk a. Keimah a pawimawh lai ber lak bo ang maiin ka ruak nghal huai! Ka khur ti tih a. Mahse, nghet lutuk a kut hum in thawk ka la hawk hawk!

Kan tawp!! (?) Malsawmtluanga leh Lola inkar chu a tawp tawh tak tak!

Zankhua in ka mu lo. A kum upat tawh vang leh a kiang ah ka hlim loh thu ka sawi khum lai a prof Msa hmel ah natna te leh eng emaw... eng emaw tak ka hriatthiampui phak loh lo lang chhuak zut zut te kha ka mitthla ah an cham reng a, hah hluah hluah chungin ka țhu chhuak leh nge nge zel.

Mahse, min rinna a neilo lutuk te. Ka thusawi awi hauh lova a engamah hma a Faith a țan rum rut khan min tin na ve em a! Na tak ka ni mai! Kha hmeichhia khan prof Msa chah ang a rawn sawiin zanlai tawh ah leh nghal amah nghak lo tur leh let san mai tur a min rawn hrilh vang nilose: caffe ațang khan chhuah ngawt nachhan tur ka neilo tih tal pawh a ngaihtuah thleng duh țhak lova. Kei lah hmeichhe inthunun thei tak ka lo nilo kher bawk nen... min rinna chhet mah neilo, chuta karah pawngsual ka tawh phah țep nachhan hmeichhia chhan túk tu kiangah kha aia țawngkam thlum leh nem chhak chhuah tur ka hre hauh lo bawk.

A tuk ah chuan ka u in nizam ka kalna min zawt miah lo chu mak ka ti ru hle a. Class kal ka tum lo thu ka hrilh chuan min en nghal vut bawk

"Msa farnu chu ngaihtuahawm ani em?" a ti sup. Ka meng phawk deuh kawk a. Mahse, Malsawmtluanga khan kan kal chhuah hma pawn a be tawh a. Aaa, Faith chungchang pawh a lo hrilh ve a ni mai thei

"Ngaihtuahawm vak lo ang" ka ti ringawt. Bu nghut nghut in chaw a bar zawm mawlh mawlh a.

Ka u hna kal rualin Bawihpuia leh u Mimi an chhuak ve nghal a, daycare ah Matt a kal ve tawh vangin U Mimi'n a hruai a, a lo haw lam hi mamawh vel leiin a rawn bazar haw țhin.

Ka țhian te'n class ka kal lo ngawt chu min hau nak nak reng a, a khat tawkin Prof Msa last seen leh status uplod hmuh inbeisei chuan whatsapp ka lut sek a. Ani erawh a reh vung vung.

nileng in Malsawmtluanga'n nen kan inbe lo nghal pang. Faith-i a zawt chhuak a nga emaw, a call log tal check in Faith-i'n min lo call ngei a ni tih a hmu chhuak a nga! Eng vang a thinrim nge ka nih tih a ngaihruat thiam nghal mai tur ah ngai rilru in inbiak a duhthu a lo sawi hun ka nghak ani ber ang chu!

Mahse, ni a liam a.. zan, ni thar bawk kan chuangkai leh a, Malsawmtluanga chu tehhmeh ang hmiah in a reh ta tlawk tlawk.

Thudik a zawng chhuak duh lo anih te chuan a farnu chhan hlum loh chauh, a hnung lam a thil tih ruk thiam bawk si kha ngaihsak em em rawh se.

"Lola, i cher sawt e.." Nuni chuan min ngaihtuah hmel zet hian a rawn ti a.

"Humm, ka thau ngai reng reng a mi?" ka ti hlak. Zalo zetin an nui a.

"Tah hian thil ei ila, Lalmatei pawh a khal leh tal mai ang" ti lawng lawng in Hotel chhung ah chuan Kimkima'n min kuah lut a. Class ban vel a in lam haw hi chu kan hnaih lo tlang hlawm a nia.

Jordan kan video call a, kan ri teng tung, chutia kan țhiam ho hlim zet a kan lo riklelu lai chuan hmeichhe pahnih min rawn kal pel tu te chuan ka mit an la nghal zak. Kan hlat ang reng tak, marawh chu kan table ațang a lang thei si ah țhutna an rem fel rual chuam Faith leh a țhiannu an ni tih ka hre zawk zat. Ka tawt ru nghal țun a, Faith bam vei lam chu a intuam chhah deuh luk nangin chetpui harsa a tih vak tawh hmel loh.

Engtik khan nge Damdawi in ațangin a chhuah? tih leh Prof Msa vek in em niang buaipui tih vel chu ka ngaihtuah ngut ngut a. Chutia Malsawmtluanga ngaihsakna a dawng vek tur ang a ka suangtuah rual ringawt te chuan ka hah nghal hluah hluah.

'"Order lo thlen hma in washroom ka hmang lawk dawn" ka ti a. Midang chu washroom kal mamawh hmel an put loh vangin washroom pan chuan ka pen nghal hlak hlak. Hetah Faith te an rawn chawl ve sia. Malsawmtluanga hmuh tel thut inring run ran in ka tha te chu a țang hah nghal vek a. Hotel tam tak karah he lai hotel ah kher kan inhmufuh thei lutuk pawh hi tih tawp dan ngaihtuah vat a ngai dawn a nih hi.

Toilet ațang in ka chhuak chiah. Ka piah chiah toilet kawngkhar inhawng ațangin ka hmeichhe hmachhawn chak loh ber mai a rawn chhuak ve hlawl.

"Hey .. Lola?" Nui sangin a ti zang vak. Tawite in ka nuih let sawng ringawt.

"Msa in ah ka insuan lut a sin" midang hriat tham loh tur a Faith thusawi vang chuan ka kut sil lai chu ka tawp ziau.

"A hrilh lo che mi? Tunlai i chanchin a ngaihven lo ka ti deuh reng a, nimin khan damdawi in a țangin ka chhuak a" a țawng chhung zawng chuan darthlalang a a hlimthla chu ka melh ngawt ngawt.

"Ka damloh chhung chu a in ah khan ka cheng ve rih ang, kei lah hotel-ah mahni ngawt a khawsa thei ka ni silo a" kan hma darthlalang ațang a min melh ralh pah chuan a ti leh sap. Ka lo na ngut ngut thung. Kha zan aţang khan ninga a liam tawh! Malsawmtluanga nen vawi khat mah kan inhmu leh tawh lo! Khatiang tak a ka thinrim chhan kha zawn chhuah tumin Faith a zawt chian ka ring rilru kha ani a! Mahse, ka thusawi kha chhe te mah in a ringlo tih nem nghehna chiah ka hmu ta thung!

"A țhat hlauh chu" ka ti sap, sawi belh chiam tur ka hrelo! Ka lo rin ang in Malsawmtluanga'n thudik zawn chhuah a tum lo lutuk erawh in min la tina pha tho.

"Nia, amah lo ngaihsaktu dang ka nei chuang lo a, ka fin lut ve hi pawi i tilo ang tiraw?" Min tih elna rawngkai zet a nuih pahin min melh leh kher a nih chu! Ka thinrimna so bulh bulh chu natna tam takin a rawn pawlh tel ve a. Malsawmtluanga nen an chen dun thu sawiin ka chanchin a ngaihven loh tak zia min sawi khum hnu lawk ah ka nat zual phahna tur a zawhna min han zawt vel kher chuan keh hrep min ti chak ut ut.

"Pawi hleinem" ka rilru so bulh bulh nen a inremlo zetin ka ti dam thlap. Ka nui tel sak bawk.

"Nia, pawi lo ti pawh nila Mess-a berin a in ah min hruai luh miau chuan tih theih i nei dawn chuang lo" Faith chuan a rawn ti leh salh! Ka inhum ruh nasa! Hetiang mize phakar lutuk hi Malsawmtluanga lah khan keimah aiin a la ring zawk zui.

Ngawi rengin ka inher a, kawngkhar pan in ka kal hlawk hlawk. Mahse, washroom kawngkhar ka thlen hma a Faith thu rawn sawi vang chuan ka nghing che lawih! Ka ding khawng nghal lah bawk.

"Msa nen hian cousin dik tak kan ni ve lo tih i hria em?" Inher leh in Faith chu maktizetin ka melh deuh kawk a! Tui inherh haw sur sur titawp pah chuan nuam tihna a khat in min melh ta siah bawk.

"A hrilh che ka ring lo reng a! Msa nutei pasal hi ka pa a nia. Msa nutei hi ka nuhrawn tihna a nih chu... cousin dangte ang a thisen ah inzawmna nei kan nilo" nuihsawh tih hriat zet a min nuih in a thle nghal!

Kei erawh ka thu hriatin min țhawn lutuk vang chuan ka khur thei hial! Hill sang zet bun chung a Faith rawn pen phei chu kut hum ruh tlat in ka lo melh ngawt ngawt bawk. Khang hun chhung zawng khan Malsawmtluanga'n min lo bum char char tih ka hriatchhuahna chuan min tina thar ngawih ngawih. Cousin ang a lemchang in an lo inngaihsak kual tawn vel țhin a! Engkim kha lemchanna vek a lo nih chu!

"Chuan, hman zan ațang khan Msa hian a ngaihven tawh lem lo che tih chu i hriatthiam ka ring, a inah cheng tur a min hruai luh rum rum te hian chhan țha tak a neih i ring ve em?" khi sak chungin hnaih zet ah min rawn din chilh a, ka lungphu ri dup dup chuan ka thawk lak a ti rang zawih zawih!

"E, tak a, Amah pawh a lo kal dawn a sin, min rawn ngaihven tur in" Faith chuan min nuihsawh tih hriat fahran a khi sak chungin min melh chhuk ran bawk. Ka mitthla ah Malsawmtluanga hmel cool ruih a rawn lang uar uar a. Țap chhuak lo turin ka insehruh fan fan. He mihring hian ka hnung lam ah min tina thei thil a lo va ti nasa em em ve mawle!

"Ka kal hmasa mai a nge" Faith chuan a ti leh a, chetsawn nachang hre hlek lova ka ding khawng reng chu min kal pel pahin min nuih tel halh bawk!

"Hman zan a phone ațang min lo call khan dawt i rawn sawi... a dik em?" ka ti a, marble chhuat a hill pen thawm a reh dat dan ah a ding tih hria in chapo hmel zstin ka inher let nghal zat bawk.

"Khami zan khan Prof Msa'n nanghi min be turin a hrilh hauh lo che..." ti chang fak in a mitah tak ka melh chho ran. Faith chu mak tih hmel zetin a rawn meng phar kual vel a.

"Chutiang te'n thil a lo thleng a ni maw? Ka va hreve silo ve. Msa lahin engmah a sawi bawk silo a.. ughg, a phone ațangin ka bia che angin a bulah i sawi .. chuan, i thusawi chu Mess-a'n a ring lo che a ni em?" rawn ti sak in chiang lutuk a min melh let chuan ka tlawm thar leh rawih rawih. A sawi dik. Khami zan khan Malsawmtluanga ka thusawi ring lovin Faith chung chhang sawi ngawt lo turin min vin let hluk zawk.

"Lola, hriatthiam tum ta che, engkim kha Msa min hriatpui vek, nangpawn a aw ri te kha i hria a ni lawm ni? Ihmaw, diktak chuan nangang rilru buai țhin hi tu mipa mahin an duh tak tak lo ang che tih hrethiam rawh... chung mipa zingah chuan Msa ngei pawh a tel" a rawn ti a. A thusawi maltin chu ka nihna vek ni mahse na ka ti tak zet! Chuan, Malsawmtluanga ka huatna a zual tulh tulh bawk. Ka awm dan phung engkim Faith hnen ah a hrilh vangin tun hunah hian henu hnuaichhiahna leh hmuhsitna hi tawng ka ni!

Lu thing nar nar in Faith chuan min en a.

"Khawngaihthlak reuh lutuk, Mess-a berin a ngaihsak tawh bawk silo che, i bulah hian hun khawhral ka mamawh lo ve" mit min siai zeuh pah chuan a kut tuam chhah luk lo lam in kawngkhar chu a pawt hawng pawp a. A kal chhuak chu inhum ruh ngawt ngawt chung in ka melh reng ringawt.

Washroom kawngkhar inkhar ri dawt chuan ka thazam a hmet phu nghek! Tunah chuan engkim a lang fiah ta kuar mai a lawm! An ni pahnih hian thisen ah inzawmna an neilo! Malsawmtluanga khan a cousin tiin thup mawi a tum viau nangin tun ah chuan an inzawmna dik tak ka hmu thiam vek tawh! Faith-i min biak dan ka sawi chhuah a ring duh miah lo te kha Faith a chhan vang mai mai emaw ka lo ti a... Mahse; tha na zetin ka inhum ruh ngawt ngawt. Ka hmai ah thlan a rawn bawl chhuak țîam țîam a. Thaw chhuak hak pah chuan ka kutphah hnunglam in ka hru tawk.

Washroom ațang ka chhuah rual a ka mihring va hmuh vang chuan pawh din chawt ang maiin ka ding deuh chawt. Hall zau zet ah chuan hawi sang vuh hian a rawn pen lut pawk pawk a. A taksa lianpui, pian nalh zet leh a mitmeng thim khup te chuan a hma ang bawk in ka lungphu a la ti rang dawt dawt tho.

Faith leh a țhiante table lam pan in prof Msa chu a pen pawk pawk. Dawhkan kil a nula nalh zet pahnih țhu te chuan an lo au chul bawk. Faith en chung a ngaihsak hmel tak a Prof Msa nui deuh suk chuan min vilh ngut ngut.

Ka awm chhung tawt up up chu tireh turin ka dawm a, ka kâ ațang a thaw chhuak ham ham pah chuan pen sawn ka tum a, ka thei lo. Tlawm tak a min siamtu te pahnih khawsak dan engkim chuan min tina ngawih ngawih, mahse, an lak ațangin mit ka la sawn thei lo.

"Ka buai i ti hmasa vel a.." nel tih hriat lutuk in Faith chuan a lo ti hlak.

"Hummm, i Boss hi damlo ngaihthah duh khawp a mihring nunrawng a ni bik lo a ni aw" a țhiannu zawk in a lo chhang a. An nui har har bul ah chuan Malsawmtluanga chu a va ding khup. Faith-i bul a chair pawh chhuah pah chuan a hawi kual deuh thuak a. A mitmeng melhna zet leh uk thim khup chuan min rawn melh nghal siah bawk. Mahse, Malsawmtluanga chuan min hre ngailo angin mit min laksawn san vut! Tawrh harsa ka va ti tak em!

Faith bul ah țhut rem hmuk pah a a thil tih leh lek phei chu min tihnat a tum lutuk vang ani tih ka hria! A hlawhtling chiang hle bawk.

Dawhkan chung a Faith-i kut na lo lam chu hum sakin a beng bul ah Prof Msa chu a phun sup. A kiai deuh suk rual a Faith nui chhuak hak hak te chuan min hnawh tawt tup tup a! Fiamthu thawh nan min hmangin min nuihsawh a ni ngei ang!

Prof Msa bawk chu Faith bengbul ah a phun leh sup a, dawhkan melh ngar pah a Faith nui sei mai chu en duh tawh lovin ka hawi sawh rang kher mai.

Inhum ruh țeuh chungin kan table pan chuan ka pen nghal hlawk hlawk.

Ka țhiante hmel ka hmuh chuan tlem hian ka hahdam deuh a. Min ngaihtuah hmel lutukin Kimkima chuan a bul ah min pawt țhu nghal sawk sawk.

"Lalmate, nangni pahnih hi in tawp tak tak em ni?" a ti sur sur. An zavai hmel ah chuan min ngaihtuahna leh Prof Msa nen kan inkar a thil thleng dik tak hriatchian chakna a lang chhuak vek hlawm a, engmah ka sawi ngai miau lo. Min hmu tur leh kal chhuahpui tur a Malsawmtluanga a rawn lang ta miah loh kha mak an ti ngang mai. Min zawt țhin a, kei lahin sawi mai dan tur ka thim der bawk silo. Ninga ngawt min ngaihven miah lova Malsawmtluanga a reh tak vung vung ah chuan zawhna min zawt tawh ngailo.

"Mawh? Lalmate, Prof Msa nen hian in ințhen a mi?"

"Umm"

"Maw?" Kimkima chuan a ti deuh tuar a.

"In ințhen tak tak maw? Engvangin.. sawnu vang saw a ni em?" ti deuh nghek pah chuan Faith-i te table lam chu a va kawk ta chiam mai.

"Hey, inbeng dai hmasa rawh" ti pah chuan Nuni'n Kimkima kut chu a vai sawn sak lawp bawk.

"Lalmate, sawi chiang rawh..."

"Sawi vak tur a awm lo, kan tawp tawh"

"Aih, a chhan a awm ngei tur a ni ringawt, saw a cousin intinu vang saw a nih vaih chuan ka kek hrep ang" ti chhuak chiam pah chuan prof Msa te table lam bawk chu a va melh a. Malsawmtluanga țhu ngawi ngul pawn kan table chu a rawn melh run.

Nuni leh Remremi pawn kan tawp chhan chu min zawh tak sek sek ah chuan hman zan a thil thleng vel chu kut hum ruh țeuh chungin ka hrilh a. Prof Msa nen sex kan hmang tawh tih an hriat vek a vangin thil thleng chu hmaih awm lovin ka hrilh fai ta vek! Kan inhnial chho dan te leh Malsawmtluanga ka țawmgkhum dan zawng zawng pawh ka hrilh fai khelh! Inhum ruh țeuh a ka sawi zawh meuh chuan ka țhiante hmel chu a inthlak hlawk a! Kimkima thinur mitmeng chu a thip hlur mai.

"Sawnu sawn Prof Msa a ngaizawng chiang lutuk" tilpawraw thum pherh duai a tiin Faith te țhutna table lam chu a va melh nghek a.

"Ih.... i thinrim chhan, ka tihawmzia chu sex in hman zawh hnu lawk ah a kal chhuah san che a.. zan rei thleng khawpui dai ah i lo nghak char char bawk. Zan lai pelh tawh hnu ah haw san tur mai tur a a tih thu che Faith-i lo sawi vel kha Prof Msa hnen ah i sawi lo em ni?" Nuni chuan a rawn ti a.

"Sawi a lawm... Mahse, chutiang in Faith'n a tilo ang min tih khum hmiah..." ka tih sep chuan min thinrimpui tih hriat lutuk in Nuni chu a chet tlat tlat a.

"Prof Msa reng reng pawh a tiawmang lo a nih chu, zan rei tawh ah leh nghal nangmah a i kal chhuak ngawt khan chhan țha tak anei ang tih rin thiam a, i thusawi te ngaihthlak ve tal tur a lawm... an pahnih a an awm lai ngei sawn va bia ang u" thinrim tak a Nuni meuh in a tih chuan Remremi leh Kimkima chu an im ready nghal at a. Mahse, rang lutuk in ka dang nghal rawk rawk thung.

"Engtinmah tih a ngailo..."

"Mahse, saw nu dawt sawi kual vang a ințhen in ni tih tal prof Msa sawn hre ve rawh se"

"Uhhh.. A, a hre vek a lawm" ti sap in dawhkan chu ka melh nghal ngar a.

"Maw?"

"Faith'n min lo biak lai pawn a bul lawk ah a awm ve a lawm... chulo ah, ugg, cousin tak tak pawh an nilo... chuan, tunah hian Prof Msa in ah Faith a insuan lut ve bawk"

"Eng nga?"

"Prof Msa Nutei Fahrawn a nih saw" ka tih sep chuan ka țhiante chu a thinrim belh sauh mai hian ka hria. Malsawmtluanga te table lam chu an va melh ngawt ngawt a. An ni pathum pawh chu chhuah tum in an lo che vel mek a.

Faith-i chu mak ti zetin ka melh reng ringawt. Washroom chhung ah kha chuan na nei hmel a pu hauh silo. Ka nat loh hlau lutuk in min țawngkhum sak sak a, nuam ti zetin min nuihsawh bawk! Mahse, tunah saw chuan a ban tuam luk te saw na tih hmel zetin amah in a ding thei lo vel a. Malsawmtluanga'n rang zet a Faith kawngah a kuah vut chuan ka lo na zawk tho.

An țhiannu chu a rawn kal hmasa a. Faith kawng ah kuah run in Malsawmtluanga te pawh a hnung ah an rawn kal ve a, kan dawhkan hi rawn kal pelh ngei ngei an ngaih avang chuan ka lo insangmar țeuh ringawt.

Kan țhian ho chu Malsawmtluanga vet vut chuan min hmu lo der hmiah. Kei erawh in ka mitsir in ka melh reng thung.

"Professor, i dam maw?" Nuni chuan kan dawhkan bul an lo thlen rual in a lo ti a. A nui tel hak bawk.

Prof Msa chuan thim khup a min rawn melh vutin lu a bu nghut a. Keini ho chu min biak a chak lo tih hriat lutuk in hmui a chip hmuk.

"I cousin chu a intipalh ani maw?" Nuni vek. Faith ban intuam chhak luk chu melh ralh ralh in a nui tel kher bawk

"A nih hi" bung nghutin Malsawmtluanga chuan a rawn ti hmuk.

"Oh, a va pawi, lo dam vat vat rawh se" Nuni vek chuan a ti leh kher a. Malsawmtluanga chuan rum ul in min melh chhuk ngur. Rapthlak zawk hian a! Faith-i min țawngkhum dan ka sawi lah min ring duh hauh silovin tun ah lem, ka țhiante hi keimah tih tir ang hrim ah ngaiin min melh tur khui ringawt a.

"Ms, kal vat teh ang u, ka damdawi ei a hun dawn. In ah ka dah daih bawk sia" na nei ang hrim a zuai raih a Faith'n a tih tak ah chuan Malsawmtluanga hmel rum ul chu a inthlak thut a.

"Sorry.. kal ang u" ti chhuak sup in Faith chu duat hmel zet hian a nuih suk.

Hotel ațang a an chhuah fel rual chuan ka thaw chhuak ham ham a. Ka lo insangmar nasat lutuk a lam ah ka hah vek!

"Zawngchhebani chu leh! Lemchan a va thiam em em ve mawle..." ring lutuk hian Lalkimkima chuan a ti lawng lawng. Dawhkan kil a midang țhu ho pawn kan lam an rawn hawi nghal țhup.

"Ramhuai ai pawn a rapthlak zawk. Lemchan a thiam hlerh hlawrh si, washroom chhung a a khawsak khum dan che leh prof Msa bul hnai a a khawsak dan inanglo lutuk te kha a va han tenawm zikzek tak" a ti leh hlawih hlawih a. Midang chuan mak tiin kan table chu rawn en hu hu mahse kei erawh ka nui thung. Țhian satliah nilo, țhian țha tak ka nei miau a.

An sawi fo țhin. Fake friend leh real friend i hriat hran duh chuan an bulah i problem țhenkhat sawi chhuak chhin rawh. Entirnan; i bialpa nen in inhauh buaina chungchang han hrilh la. I țhian satliah chuan 'in inhau reng mai, keini chu kan inhau khat a sin...' tiin i harsatna neih te inbun thawl tur a hrilh ai che chuan a kawppui nen an inkar a țhat reng țhin thu sawiin an mahni ang a awm ve turin a hrilh nghek ang che.

I țhian țha erawh chuan harsatna i sawi rual rual in a thinrimpui che a nga, i dikna ani emaw, nilo pawh nise i kawppui kha i tan a hau hrep mai ang. I rilru a thawl a, i inbun ruah țhenhnu ah erawh i thiam lohna lai point out sak che in an zilh thung ang che.

■

Harhfim lo zet in ka inkhalh haw a. Scooty ka hun țhat hnu ah kawngkhar lo inkharphui țhiap pawt hawng a, inchhung ka pen lut chiah chu mak tih lutuk in ka meng phawk kawk kawk ringawt.

Țhutkhawmna a single sofa ah Prof Msa chu a lo țhu ngawi ngul a, phawk zet a ka en reng lai chuan muangchang a ka lam rawn hawi ruai ruai in a mit thim khup chu keimah ah a vu nghal ngur.

Ka lungphu zawn chu ka dawm deuh vang vang a, ka rui lutuk hian thil ka hmu sual te anih ka ring rum rum.

"Mate, tunlai chu i rawn haw tlai țhin khawp mai" bung deuh nghut a ka u'n a tih sup tak ah chuan thaw chhuak hak in lu ka thing nak mai.

Ka pen lut a, Malsawmtluanga hmekhmuk chu ka rui hmuh sual nilo in a tak ngei a ni tih ka chiang tawh bawk. Ka hrahfim lo tih a hriatthiam rual a a mitmeng rum zual sauh pawh chu ngatanmah tilo in kawngkhar chu ka pawt phui a. Biak pawh be lovin room ka pan nghal daih.

"Zahna tlachham leh lutuk" ti chhuak hlak in ka bag chu khum ah ka theh thla dawt. "Kan in ah te a la rawn kal ngam a nia" bang lam melh hrep pah chuan ka ti leh sap a. Malsawmtluanga hmu thei kher lo mahila a țhutna zawn bang erawh ka melh rum ngang mai.

Inthlak tur pawn ka che kual vel peih lo. Khum ah chuan ka bawk thlawp a. Malsawmtluanga leh ka u phun thum bul bul chuan eng nge an sawi hrechak viau mahila ka lu hai muai muai leh mitmeng phi chiai chu kar lovah ka thunun zo lova.. lukham ah hmai phum in ka thaw ta siai siai a.

PROF MALSAWMTLUANG'S POV

Flash back

Bolero chu tual zawl ah chuan ri tuar khawp in ka ti ding dawt! Garage ah pawh hung lut lovin kawngkhar chu ka nam hawng pawp a. Na lua awm lovin ka nam phui leh dawt bawk.

Ka sahal a, ka thinchhung chu a so in a so bulh bulh.

*Kei aia upa fe hi ka zui peih tawh lo che, i bulah hian ka hlim tak tak lo! Ka kum rualpui te nen a tlai tak tak hma a nun bul țan a, rawlthar ngei ngaizawn ka duh ve tawh ka ti a nih chu!" Min elsen lutuk a Bawihi min țawngkhumna aw ri chu ka lu chhung ah hian a ri nawn tluk tluk bawk nen thawk zing lutuk vangin bolero bang chu ka hnek țawlh.

A ke chhir leh pawp in ka rum chhuak hrawk hrawk bawk. *Kei aia upa fe hi ka zui peih tawh lo che* kha thumalh kha a tan chuan sawi chhuah a awlsam viau ngei ang! Ka tan erawh tlawm rawih rawihna tham khawp a ni thung.

"Khathil kha i sawi tak zet ngei a maw?" ti chhuak hrawk in ro zetin ka nui hawk. Bawihi țawngkam maltin vang a mahni insitna leh thinurna te chu ka taksa chhungah ngei hian an insual kual bulh bulh a! Thawk zing lutuk a ka thawk chhuah leh hawk rual chuan ka kawchhung lam chu a ipik tulh tulh! Rum chhuak hrawk in motor hmalam thir khauh zet chu ka hnek ri bur! *Kei aia upa fe hi ka zui peih tawh lo che* Bawihi aw ri kha zet lah chu ka bul vel ah khawk rum rum khawp in a ri chuah chuah a! *rawlthar ngei ngaizawn ka duh ve tawh ka ti a nih chu!*

"Bawihi" ti chhuak tawk in motor hma chu ka kutphah pahnih a nam ngur in ka kun chhul. A sawi chhuak hauh lo chung pawn amah aia ka upa lutuk hi a rukin ka insit ve a sin! A sawi chhuah teh hrep loh pawn ka kum upat vang in min zahpui ang tih ka hlau ru ngawih ngawih zel. Mahse. f**k IT! Amah aia ka upat fê vangin min zui peih tawh lo.. Ka duhthlanna pawh nilo; ka hmeichhe hmangaih aia ka kum a upat zawk fe a vangin mipa dawizep tak ang maiin țawngkam khat te mah sawi tur hrelo leh min kalsan lo tur a ngen ngam lovin a rualpui te nen a nun bul țan țhat duh hmeichhia.. ka hmangaih kha ka kal tir tawp! Ka thinlung chu tawrhhlehawm takin a țawngkam maltin khan a kher ngut ngut a ni ber!

Thana zet a inhumruh ngut ngut chungin ka ding ta hlawl, ka thinlung chu a rum kuk kuk ani ber!

Ka inding thim ruih chu pan pawk pawk. Kawngkharpui chu a chhiat pawh pawisa lek lovin ka phih hawng bur. Sofa ah ka țhu thla hnawk a, ka hah hluah hluahin ka hria! Motor chhung eng thim raih hnuai a Bawihi hmel lan dan leh a thu sawi maltin kha ka thluak ațangin a reh tawh mai mai lo bawk ang.

Ka ngaihtuahna kil khat chuan ka pa min zilhna a chhui thleng rawih rawih a. Â â suh, inkum a inthlau lutuk.. ti meuh in Lola thlah turin min hrilh fo. Mahse, khawvel ka awm chhung a ka hmangaih hmasa ber hmeichhia khan kan kum inthlauhna kha a pawisa lo emaw ka ti țhin a.. huh... Ngaihtuah zawm duh tawh lovin sofa ațang in ka tho chhuak vut. Whiskey dahna lam ka pan a. A bur chuan ka khiat nghal pawp pawp. Ka hrawk chu a sa thla ham hma a. Ner sawk in lu ka thing nghut.

Ka phone rawn ri chuan ka thil tih mek chu min tawp tir in thaw chhuak ham ham hian ka kekawr ipte chu ka dap thuak. Nichin a Faith min rawn call na number kha. Chhan loh ka tum zet nangin thil serious tak pawh a thleng palh thei.

Ka pickup rual in Faith chuan amah riahpui turin min rawn ngen nghal a. Mahni lomah a thawk zin nen "Faith" ka ti chhuak rum hawk.

"Naktuk ah ka rawn hmu ang che" ti hmuk in phone chu ka off hmiah.

End of flash back

Ka chapo na leh inrintawkna rawn fuan khawm tup tup vang chuan Bawihi biak pawh emaw tumna ka nei tawh biklo. Khatiang teh chai a min kalsan duh a, min hmusit tu kha ka chelhzui hram bikna tur ka hrelo. Ka bialnu zawkin min hmuh a duh tawh lohna chu ka tihhlawhtlin sak ngei tur a ni!

Damdawi in ațangin Faith a chhuah thei tawh a, ka in lam ah ka hruai lut a, chet a harsat chhung chu keipawh ka riak ve ang. In chhung enkawl faitu pawh nitin a lo kal ta a. Bawihi nen kan inkar engmah ka hrilh lem lo nangin Faith chuan ka chetzia ațangin a hrethiam ani mahna, theihtawp in min tihhlim a tum ve țhin. University lam ah pawh buai ngaiin kan buai mawp mawp. Paper check tur a tam chang hian ka lawm ru hle țhin. Bawihi ngaihtuah zui miah lova hun ka khawh ral ve theihna ani miau a.

"In ințhen tak tak maw?"

"Faith, engmah sawi lo teh" ka ti nghut.

"Hei vang hi lawm.. han en ve mahte, Lola kha ani em?" a ti a, a kut dinglam a phone chu ka lam ah a rawn lek hnai zauh. Screen a ka thil hmuh vang chuan ka inhum ruh kher mai.

TETAKTEI

CHAPTER 32

🐾Abbra Reo Ririni Khiangte(PitarteiSualfingi) 😈

 TUNAH PAWH ZING DAR 3: 30 ani vu tawh. 🙍‍♀️

Faith-i phone chu tha khur ngawt ngawt khawp a hum nghetin ka insehruh țawlh țawlh!

"In inkarah engmah a awm tawh lo em ni?" Faith bawk.

"Ngawi rawh" phone screen chu bih ngurin ka ti chhuak hrawk!

"Ka.. ka sawi ve mai mai a lawm, khatiang khan mipa dang nen an awm dun bawk sia..."

"Faith, Shut the f**k up!" rum hawk a ti chhuak hrawkin sofa ațangin ka ding chhuak vut! Ka thinrim rawl lian lutuk leh che chhuak phut vang chuan Faith chu min hlau lutukin a khek chiam bawk.

Insehruh tlat hian ka chhuk melh ngur a, thlabar hmel zet a min melh phawk kawk na te chuan ka thinurna a belh chhah tulh tulh bawk.

"Vawi khat mah Lola chanchin emaw; a hming pawh lam ri tawh suh ang che" bung nghut a ti chhum vutin tha khur dur dur khawp a a phone ka hum lai chu a țhutna couch ah ka theh thla ting awlh.

Chak zet in ka kal sawn nghal fua; ka kawchhung sahal hulh hluh leh tha khur ru dur dur chuan inhrikthlakna tur a mamawh tak zet bawk! Bolcony chhuahna darthlalang hlaipui chu nawr hawng hrawkin ka pen chhuak nghal vut! Ri bur khawpin darthlalang kawngkhar chu ka nawr khar leh dawp bawk; thli thaw a thaw vuk vuk a, railing hum ngawt ngawt chung chuan ka insehruh țeuh bawk.

Thinurna, thikna te leh natna te chu ka taksa chhhungah ngei an in do kual mup mup, thawk zing ipik lutuak a ka thawk chhuah leh kuk kuk tak ah chuan chiang fahran in phone screen a mipahnih te kha ka mitthla ah an rawn lang zui zat bawk!

"Phiangsen chuan!" railing thir chu hnek ri bur in ka kâ hmang chuan ka thaw chhuak leh hulh.

Lalhlimpuii teh hrep khan pawnfen chhing zet a feng, make up nasa fahran in a hmang chu thuhran, ruih a nei tih hai theih hauh lovin a mitmeng a vam ham a. Chuta karah kha mipa malchungah khan a țhu bawk! A kumrualpui tur mipa lah chuan inti neitu fahran in Lola kawngah a kuah mai bakah Lalhlimpuii mal mum nalh zet pakhat a chelh tel ran bawk! Khapa phiangsen kha maw.. min hnawl a, a pan tak mipa chu!

f**k!

Kha mihring teh hrep bulah khan a hlim zawk ang maw? Mai mai chuan!

*Kei aia upa fe hi ka zui peih tawh lo che* min hnarna aw ri fiah zet chu ka beng ah bawk a rawn ri nawn tluk tluk, chiang lutuk a min hnar a, mahni insit rawih rawih a min siamtu hmeichhia teh hrep khan ka thikthu hi a phu lul lo!

Ka kut pahnih chuan nghet zetin railing ka hum fûn fûn a, khatiang khawp a min hnarfithlațhak tu kha ka ngaihven zui tawh tur a nilo! Rum chhuak hrawih in ka vanvadak vuh! Ka hmangaihna te pawh chu huatna ah changin ka chhunglam chu khatna in a khat ani ber! Keimah aiin a nun hlui a thlang a nih chuan a thu a lawm! Kal rawh se; duhtawkin a kum rualpui mipa te nen chuan nuam chenin hlim rawh se!

Ka thluak chimlim bulh bulh karah chuan zawite a min rawn be tu a awm a! Chu erawh ngaihthlak ka mamawh lo!

'Ka ngaihven zui tawh tur a nilo' tih chu thli thaw vuk vuk karah chuan keimah leh keimah ka inhrilh nawn mawlh mawlh. Ka chhip sam buk lai thliin a rawn chhem chet hlap hlap chu nul cho hrawk in ka taksa hrawlpui che awk khawp chuan ka han thaw chhuak leh hawk a!

'Mipa dangin i hmangaih taksa kha an khalh chúl mai mai i rem ti ang maw?'

Phiangsen chu!

Chhunglam ațang a min rawn be tu thawm zawi zet chu ngaipawimawh duh lovin ka inher let leh vut. Bolcony chhuahna darthlalang kawngkhar nawr hawng a ka pen luh vut chuan ka phun nghal hluk bawk.

Faith chu tawite a lo nui halh in a lo ner deuh nang bawk.

"Ngahnge nangmah ngawt a i lo phelh a" ka aw chu a la chhum bung viau. Faith hmel tîm deuh dai chu țhen khum suk in a bulah chuan ka zuk țhu thla hmuk.

"Come here" ti sup a kut ka lek chhuah vut chuan thuawi zetin a ban cherkhawngna chu min pe a, hmui chip hmuk in a ban cher khawngna hman lai mek chu ka phelh mawp mawp, Faith chuan ka chetphung dawhtheihna tlachham zet chu min en reng tih pawh ka hria, zan dang ang a han biak luam a, țawng chiam ka chak miau lo. A ban tuamna ka phelh fel hnu chuan a tharin ka tuam sak leh mawp mawp a.

"Keichuan i țhen theih chuan țhen daih mahla pawi ka tilo zawk daih" ti sep tu chu nelawm loh tâwpin ka melh nghal khúi. A ban ka tuam zawh fel chiah chu thlek in tawite hian a rawn nui halh a.

"I dinhmun chelh leh khatiang tleirawl awm țha duh lo kawp kha a inhmeh reng reng hleinem, chhungkaw zahawm tak ațangin i seilian a, rui ve thei reng leh zan a khawlai a tam em em hmeichhia nen in inkawp chhung chuan mite'n inchhungkua an hmu khawlo zo vek dawn che lawm" rum ul a ka melh khûina vang in a aw ri chu a khur lek lek.

"Sawi nawn tawh suh ang che" ti sup in ka țhutna ațang in ka tho chhuak vut.

"Mess.."

"Mu hma ang che, keipawn hna khawih tur ka nei" amah pawh en tawh chuang lo chuan ka ti nghut. A thaw chhuak halh chu kal sawn vutin choka ka pan nghal nul nul. Fridge a tui bottle chu la chhuak vutin ngawi ngul in kailawn ka pan ding nghal run bawk.

"Naktuk zan kha aw..." kawilawn chanve ka thleng chho tawh. "Ka birthday a nih kha, min treat thei" hmui chip hmuk a ka hawi let vut chu min lo nuih var var a. "A hma pawn i sawi vek tawh kha, kei leh Vl-i bak kan ni dawn lo, kan pathum in aw.. please..." hmeichhe naupang thil ngen ang maia ké a per deuh tlat tlat chuan Bawihi bawk min hriat chhuah tir zawk!

"Ok"

"Yess.. i van fel tak, Vli ka hrilh nghal dawn" phur zetin phone a ban zui zat, lu thing nghutin kailawn ah chuan ka chhoh san a. Study room ka pan lai chuan Faith phone hmang au lang lang chu ka khik pui suk bawk. A upat ve tawh teh lul nen, Bawihi'n ka rem tilo chung thil min dil lui ve ngar ngar țhin ang maiin a khawsa reuh a.. ka ngaihtuahna teh nek chu duh lovin lu ka thing nghut.

Lekha chhiar a rilru kal bing tir ka tum ngial pawn atthlak zetin mipa malchung a Lola țhu leh intitatu tak a mipa in a malpui a hmer sak lai bawk chu ka hmu thut thut țhin a, a tawp ah phei chuan beidawng ru zetin chair nghenchhanah tukhum ka nghat dawt! Mit ka chhing zui vung vung a! Zanin te hian engtin nge hun a hman ang! Khapa nen teh hrep khan sex an hmang tawh a ngem?

Kha rawlthar ruihhlo duh hmel zetpa in duhtawk a Lola taksa a chul kual a, a khawihna nuam ti a Lola'n a lo dawngsawng vel tur ang a ka suangtuah leh lek phei chuan thawk ipik lutuk vangin ka rum chhuak hawk.

Mit chu chhing chawt chawt in chair ban chu ka hum ngur! Thlalak ațang ngawt pawn a harhfim loh zia a lang chiang em em! Chutakarah mipa malchungah a țhu leh nghal! An khawsak zui dan tur a chian lutuk vang nge kawchhung so bulh bulh chung hian ka ding chhuak vut!

Chair pawh a tawlh hnung dawrh bawk. Dawn awm lovin dawhkan chung a ka walet leh motor chahbi chu ka ban kawp nghal bawrh, kekawr ipte ah thun lut hmuk in phone ka dap a. Ka ak tih ka chian hnu chuan study room ațang ka pen chhuak nghal thuak bawk.

"Mess, khawi ah nge i kal dawn?" Chak zet a kailawn a ka pen thla pawk pawk chu Faith'n min lo au tung.

"In ah hian lo awm rawh" ti sup in ka melh thuak, mak tih hmel zetin min en kawk bawk.

"Khawi ah nge i kal dawn a.. ka, keimah pawn ka chet hleihtheih loh hi..." kawngkharpui ah ka pen chhuak vut tho, nam phui dawtin motor hunna lam ah pen pawk pawk pah chuan key in lock ka hawng ri khup a! Kei ang kum upa kiang ah hlimna hmuzo lo nia insawi hmeichhia vang teh hrep a ka che chhuak rum rum chu tlawm thlak ti hle mahila ka tawp san thei hauh bawk silo.

Chak zetin ka tlan chhuak a, Lola awmna ka hria pawh a nilo! Ka chhung lam hian a nawr in min nawr tut tut, kal tum bikna pawh nei lovin khawpui chhung reh ruih tawh ah chuan ka inkhalh kual mawp mawp! Hotel leh karoke neihna hmun țhenkhat ka luh chhuah thuak thuak bawk. A chang leh nep intizet in ka ner sawk a! Steering chum nghek nghek in ka rum chhuak leh hrawih țhin! Ngaihtuahna kal bing tup tup chungin ka zawng zui lo thei silo! A duh ang ngei a nuam chen a, a tal kual lai a mi â tak ang mai a ka lo zawng kual chiam chiam hi hria ni ngatse zawng! Min va hmusit dawn turu em!

Ka phone rawn ri chur chur chuan ka ngaihtuahna thawven thlak loh zet ațangin min pawt harh ta zawk.

Screen ah chuan Hriatpuia hming a lo lang pap pap a.

"Hello" ti chhuak sup in ka kâ hmangin ka thaw huai. Motor chu lamlian sir ah din tirin pawn lam ka thlir vung vung bawk.

"Ms, kan inbe lawk thei a nge'm?" Beidawn hmel zet a a rawn tih chuan muangchangin mit ka chhing ruai ruai! Ka lungphu su dup dup chuan Lola chanchin tuitang lo zet ka dawng dawn a hriatna a nei tlat bawk.

Matt-a a mut tawh vang leh Lola kal chhuak a la let loh vangin Hriatpuia chu ka pan chilh ta zawk a. Min hmuh rual chuan mawlhtu lian tak a nei tih hriat fe in a hmel chu a dur mup, kei pawh eng ka ang bik hauh lovang!

"Ka nau nen hian in tawp tawh em ni?" ti sup a min en ngur chuan single sofa ah țhut rem pahin lu ka bu nghut.

"Ka rin ang chiah..." Hriatpuia chuan a ti zawi sup. Beidawnna a ri tel chiang viau bawk.

"Aaa, ka nau nun phung chu i hriat hnu vek tho a nia, tunkar chho ațang khan zan chhuah a, rawn ruih haw a ching leh tlat a, vin a, tharum hmang a khung beh chi a nilo tih chu i hriat ve tho kha... nang khan engtin nge i thunun bik ka hre hauh lo, ka sawi duh chu tun ang reng a ka farnu hian nun a hmang chho a nih chuan..." sawi zo thei lovin a thaw chhuak hawk a, a kut pahnih pawh nghet zetin a chelh kawp run bawk.

20200403_012802.jpg

Keipawn thil hlui tam tak ka ngaihtuah let ve rauh rauh tho; a tir kha chuan a zan chhuak te, ruihhlo nen a nun inchawhpawlh tlat mai kha engtin nge ka enkawl chhoh zel ang tiin rilru ka seng nasa viau zel! Marawh chu mak tak maiin a nun ah ka luh rem ti a, a inkharkhipna a hawn zau tak ațang khan a nungchang a danglam tial tial a. Țum khat phei chu ka zahna a thlen ngailo ang ti a sawi chhuak hial reuh anih kha! Mahse....

Kei nen a nunphung pangngai tak zawh dun kha a hlimpui emaw ka tih laiin min lo ning em em tawh zawk a! Min hnarna țawngkam zawng zawng te vang phei kha chuan ngaihven zui tawh lo tur ka ni!

Kawngkhar rawn inpawt hawng riai riai a hmeichhe rawn pen lut ka hmuh rual chuan ka lo insangmar nghal țeuh!

Thlalak a a thuamhnaw inbel chiah a inbel tih ka hmuh thiam rual leh lek phei chuan tho chhuak vut a, keimah a thikna awm thunun hman lo lek a 'tu mipa nen teh hrep nge hun an hman?' tia au khum nghek lo turin ka insehruh țawlh țawlh.

Harhfim lo tih hriat lutuk a min rawn melh na te chuan ka thin chhung a vilh na ngut ngut! Hmelhriat satliah ang ngawt a min nelh a, room min pan san nghal nal nal chu thana fe in ka melh zui ngut ngut.

"Mutna damdawi a ei hi a sang bawk si a, tunah damdawi a khawih tel leh zel bawk nen.. aaaaa, a lung lam in a zawh loh ka hlau em a tin ni! A pawn chhuak tur khap bet a, room ah kalh hnan tawp lah ka ngam ngang bawk silo! A rilru ka tih chiai sak a nga, mutna damdawi a ei tam phah tulh tulh bawk ang.. Engtia engkawl tur nge ka hrethiam tawh lo tak zet!" Hriatpuia'n beidawng zet a a tih chuan ngawi ngulin chhuat ka melh run ringawt!

🐾

Faith birthday dinner chu Regency ah kan ei chhuak a, a țhiannu Vli nen an titi karah chuan vei nei run chungin ka lo țhu ngawi run, a tawp ah phei chuan an mahni pawh ngaihchang lem lovin kal ka rawt vut a. Mak tih hmel zet a min en dun ha na pawh ngaipawimawh lovin ka ding nghal vut bawk.

"Bill ka lo va pe ang, washroom in hman duh chuan kal lawk ula" ti sup in counter panin ka kal nghal vut.

Bill ka pek zawh fel rualin Faith te țhian dun pawh an rawn inzui phei a, chhung lam ah hian eng emaw min mawlh tut tut tu a awm reng, he hmun ațang a chhuah thuai a, Faith te țhian dun drop a, Lola chanchin ngaihven tur tal a kal chhuah leh ka mamawh

"I puar em?" Faith chuan a ti a. Bu nghutin ka nui lui suk.

"Humm, engmah pawh i ei ve mang lo, diklo a awm em?"

"Nope, ka hruai haw ang che u.." ti sup in pawn lamah ban ka phar nghal vut, an țhian dun chuan an in melh ralh nangin ka care tawh lem lo. Ka pen chhuak vut a. Mahse, hotel tual ka thil hmuh vang chuan pawh din chawt ang maiin ka ding chawt.

Mipa rual khat zingah Lalhlimpui teh hrep chu ka va hmu anih chu! An kai hmel char char khawp bawk! A thuamhnaw inbel tawngchham zet vang chuan kum hum tawm nghal țawlh țawlh in ka che vut a. Mahse, ka ban bulah rawn kuah chawt tu vang leh a rak deuh țhat vang chuan ka tawp leh chawt!

"Faith?" ti sup in na tih hmel zet a a ban dawm a kun nghal tlat chu ka melh chhuk vut bawk.

"A na lutuk" ti țiau in a rawn hawi chhuak a, a mittui a hnam sak bawk.

"I țha em?"

"Umm.. mahse, a ruh hi a na lutuk" a ti a, thaw chhuak hawk in a dar ah ka vuan a, din marpui a ka hawi chhuak leh Lola mit chu kam intawng nghal siah bawk! Khi sak in min hmuhsit hmel fahran in min rawn melh a nih chu!

"Ms..." Faith min auhna pawh chu ka ngaihven thei tawh lo, a dar a ka vawnna chu thlah vutin hotel tualzawl kial lam pan chuan ka pen phei bawk bawk a. Thlalak a ka hmuh dunpa ngei mai kha Lalhlimpui chuan a lo ngheng ar ar, chupa lah chuan Lalhlimpui taksa ah ban suih bet in a darah khabe a nghat hrep bawk. Chutia an mahni ka pan ding ngur chu min ngaihnep hmel lutuk min lo melh ralh ralh bawk.

"Ka be duh che" chhum hmuk a tiin mipa rual khat zingah chuan ka va ding khup.

"Tu chu maw?" ti ham ham in hnung lam ațang a amah kuah mek tu chu a ngheng ar ar.

"Nangmah kha"

"Keihi.. ha, ka be peih lo che, Kevin kal tawh ang u, helai chu a boring țan tlat" awm lo ang hmak a min ngaiin amah kuahtupa chu a nghawk zeuh a.

"Khawih a kal nge i duh leh tawh a?"

"Ka hrelo.. he lai nilo, hmun dang tawh phawt ah ani mai" ti pah a min melh tel kher chuan ka insum theihna zawng zawng a ti bo vek.

"Ka be duh che tih ka sawi em?" ti hrawk pah chuan a ban rekah ka man chawt, amah kuah tupa lak ațang chuan pawt hrang dawrh in ka taksa ah ka hnuk bet hrawk a.

"Ka bialnu kha thlah nghal rawh" Kevin a tih pa in a rawn tih vin tuar lai chuan Lola erawh a nui hak! Kei erawh ka insehruh viau.

"I kâ ațang kha thu kha han sawi leh teh, i lei bawlhhlawh zet kha ka pawh dawh sak ang che" ti hrawk in Lola taksa zawi zet chu a kawngah ka kuah bet zual sauh. An țhian ho chu an in melh kual ram ram hlawm a. An ni ang rual a huho a che chhuak țhin ho hian chemte leh hmanraw pai ruk an ching hrep bawk.

A kawngah kuah chung a ka pen sawn pui tur chu a lo țang ve țai vang chuan rum chhuak hawk in ka chhuk melh khui a. A rawn dak ang hehaw a, chutah kan piah a Faith te țhian dun ding chu va melh zeuh in a ner ta sak.

"I sawi duh chu hetah hian sawi rawh" Faith te bawk va melh leh pah chuan a ner sak bawk.

"Lalhlimpui" ti chang hrawk a ka kuahna ka tih ngheh salh chuan a nui hak a.

"Ngawi rengin min zui ang che" ti leh sup in ka pen pui nghal pawk pawk. A țang buai hlek lo chu mak tiru viau mahila țang buai pawh nise ka pu nawlh tho ang. Faith te lo dinna kan thlen rual chuan "min lo zui ru" ka ti bung nghut. Lola erawh ka zak hnuai ațangin za lo zet hian a lo nui halh a.

"Malsawmtluang, i farnu... oh, heti hian min hruai ve ringawt a, i nutei fahrawn saw buaipui ngaiin a awm leh si a nge?" A nui hak nangin a aw tham sep ah erawh ka chhunglam fan kual rawih rawih phak ri ve dang a awm! Khawi a țangin nge Faith hi ka nutei fahrawn ani tih a hriat tih chu nakin ah ka la zawt chhuak ang!

"Ka sawi chu i hria em... i nutei fahrawn sawn a ko peng leh nghal tho ang che, chuvang chuan hetah hian i sawi duh chu sawi rawh"

"Ngawi hmak rawh" ka tih bung nghut chuan a nui hak hak a.

Motor hunna ah ka chhuk thlak pui dawn chiah tih ah eng emaw ri thlawp leh hmeichhe na tuar in ka hming a lam ri ka hre zawm nghal zat. Ka ding chawt a!

"Ms?" Faith aw ani? Ka hawi let vut a, Hrep a!

Lola chu thlah hlawk in Hotel tual char a Faith tlu chu pan in ka pen let pawk pawk, min nuihsawh hmel zet a Lola nui ri hak vang chuan ka ding leh chawt!

"Ka rin ang chiah" tih chu a hriattham lek in a sawi sep.

"Tinge in rawn nam thluk luih kher a, in rui anih pawn kal țha hle hle ta che u" Vli chuan an bula dingte chu a au khum tawn tawn a. Faith erawh a kut na lam a bawh beh miau vangin a che hlei theilo.

"I țha em?" ti sup in Faith bulah chuan ka thu hniam nghal vut. Vli'n a lo vin nghek te ka hmuh rual erawh in ka ner sawk mai.

"Kan nam thluk ani bawk love" Kimkima'n a ti bak hlur.

"In rawn nam thlu chiang lutuk, ka hmu reng che u, min kal pel a, ka hma a Faith kal hi in nam thlu nghal ringawt anih kha.. in rui ang chhar leh nghal, zahpuiawm lutuk" Vli chuan a hau duhthawh kher mai. Na tih luat vang a thawk chelh tlat a Faith bawk zawi reng chu dimte in a dar ah ka man a

"A na lutuk, ka bawh khawlo leh vek a niang,.. ka hnung lam ațangin min rawn nam thut a" a ti khur hlak hlak.

"In dawhheh dun e mai, engvang in nge kan nam thluk ngawt ang"

"Chu tak chu ka zawt duh che u, Faith hian inpawi sawi a nei em ni? Mi kal țha lai hle hle khatia rawn nam thluk ngawt kha a sual thlak lutuk"

Faith chu ka din chhuahpui a, thil thleng teh hrep chu a hun lo tak zet!

"Faith, i țha em? Ms, heng ho hian in hnung a Faith lo kal kha an rawn nam thlu ringawt a... 'Lola'n Faith zawk a hi a ti a lawm' ti pahin he lai tuai hian ka hmuh lai ngeiin a nam thlua" Vli'n Faith-i rawn kuah ding ve pah a a tih hlak hlak chuan ka hma a Lola țhian te chu ka melh chhuk ngur.

"Dawhehnu... he i țhiannu dawhheh zet hi ka kut hmawr pawh in ka khawih lo ve, Lola hming te chu i la lam leh nghal a, amah a tlu der anih kha professor, an bul kan thlen phei hma a tlu der anih tawh zawk " Kimkima chuan a rawn ti nghal bawrh bawrh. Hotel chawl dangte pawh an rawn chhuak phak phak a. Faith na tuar bawk si nen hetiang boruak teh hrep chu!

"Engvangin nge ani ban na intuam chah luk chu a tluk der ngawt ang, in nam thlu lai chiang lutuk in ka hmu, ngaihdam dil ula, a fel ani mai.."

"Hmeli leh, ngaihdam dil ai chuan in sam țil vek khawp a hnuh kual che u ka thlang zawk fe" Kimkima'n a tih chuan Vli chuan thinrim zetin phone a phawrh chhuak a.

"Police ka call dawn, rui leh nghal zahnachang hrelo lutuk, ka țhiannu hi doctor anih hi, in case a kal thui viau ang" a ti let piap piap a.

"Duhtawk teh.." ti hluk in Vli chu ka melh hrawk ringawt.

"Lalmate, eng nge thleng a?" ti sep a min rawn kal pel tu chu rang zetin Kimkima chuan a lo ban a, an țhian ho leh keini pathum chu kan inhmachhawn ta siah mai.

"Henu hi a tlu der a, a țhiannu hian kan nam thluk ah min puh tlat anih hi" Kimkima'n a tih hlak hlak lai chuan Lola mit erawh Faith dar a ka kuahna ah a fu ran a. Tawite a nui halh in Kimkima chu a thlek zeuh bawk.

"I nam thlu em?"

"A teuh lo, hetiang hmeichhia hi ka kut hmawr pawn ka khawih duh teuh lo"

"A nih chuan, in hriat sual anih dawn chu.." ti sap in keini pathum chu min melh ta ran bawk. "I tlu sual palh pawh a ni thei a. Ka țhiante lah in an nam thlu lo che an ti ve tlat sia..."

"Nangmah hi maw Lola chu?" Vli bawk

"Umm.. "

"I thu pek ang a ka țhiannu hliam tuar tawh sa hi rawn nam thlu an ni a. Ngaihdam dil rawh! Anih loh chuan police ka call ang" ti siah in Vli leh lola chu an in melh ta ran mai.

"Teh ngawt a che..."

"Rui chungin khawlai ah zalen takin in leng chhuak a, awm dan chin tawk inhre tawh lo anih hi.. Police kut ah awm ula a fuh ber.." ti pah a phone a lek kang nghal zat chu ka phih thlak sak nghal hmiah.

"Ms, an nam thlu lai leh Lola'n Faith zawk an tih ri pawh ka hre vek a lawm" ti pah in Vli chuan min en chho dawrh. Lola chu a lo nui a, hman zan a motor chhung ang bawk khan nep min tihna leh hmuhsitna a hmel ah chuan ka hmu tlat bawk! Chutak chuan ka thinurna rawn chawk chhuak in an țhian ho chu ka melh rum nghal ûl.

"Faith hi ngaihdam in dil dawn nge, lock up ah kan dah dawn che u" ka tih chang bûl chuan Lola tiam lohin a țhian hmel ah chuan mak tihna leh thinurna a lang chhuak a. Lola erawh in ka mitah tak min melh let siah in hman zan ang chiah khan hmuhsitna te nen min nuih sak sak! Chu chuan ka pawi a sawi zia a hre hauh lovang.

"In duh thlang rawh u, i tirh vang a i țhiante hian hliam tur nam thlu an nih hmel a. Faith hi ngaihdam dil rawh" ti chang bul in min hmusit hmel tak a min melh ran tu chu ka melh let ngur.

"Ka thil sual tih ah lo ngaihdam ka dil ngailo" a ti hmak. Lalhlimpui leh! Min nawr lui anih chuan ka thinrimna hian ka tan tunge a lo nih tawh tih lam a care dawn hauh lo.

"I dil lo ang maw?"

"Aw.." hawi sang vah chuang a kei leh Faith min melh tawn pah chuan min hmuhsit hmel zetin a nui a. Ka thinlung so bulh bulh chuan eng nge ka tih tih a ngaihtuah thleng pha tawh lo.

Khakna te nen a min melh ngawt ngawt tu chu melh chhuk run chungin phone ring ri chu ka ngaithla run

"Hello"

"Police station ani em?" ka tih sup chuan Lola hnung a a țhiante chu an meng phawk kawk kawk a. Lola erawh insehruh tlat chungin anui sak.

".... rui chung a buaina siam an awm a. Ka farnu kut an thlak bawk.. in rawn kal theih chuan a lawmawm khawp ang" ti sup in phone chu ka lek thla vut.

"Tikhan cho emaw, nawr luih chi ka nilo tih i hrechiang tawh em? Ka nun ațang a kal chhuak tawh ten ka kiang hnai a mi te an tihnat ka rem ti ngai hauh lo tih hria ang che" ti chhum vut in chapo ar a min melh ngar chu chu min nawr luih vang a thinurna te nen ka melh chhuk ngur. A khap lova, chetsawn tumna pawh a neilo. A hmel ah erawh thanatna leh huatna chiang zetin a lang thung.

Lola's POV

"Tikhan cho emaw, nawr luih chi ka nilo tih i hrechiang tawh em? Ka nun ațang a kal chhuak tawh ten ka kiang hnai a mi te an tihnat ka rem ti ngai hauh lo tih hria ang che" Prof Msa'n a tih chhum hmuk lai te chuan a awm ngheng a Faith ding chuan min lo nuih tak ang sawng a! Chuthil hriatpui hauh lova Malsawmtluanga mitmeng rum ul te chuan ka tha a tinat luat vang ni ber in ka hria. Ka taksa khawi lai pawh chu a țang khawng vek.

"Faith, tah hian țhu rawh, an ni ho hi chu Police in rawn chingfel rawh se" Malsawmtluanga'n a tih sup chuan na miah lo ang a lan tumin ka ner sak a. Kun vut a Faith a thlek hma a nuam tih zet a Faith min nuihsawhna chu zuan thut a, hotel tual charah a tukhum sawh tir nghek mai ka chak lutuk! Mahse, Malsawmtluanga bet bur khawsak dan in min tihnat lutukna vang in ka che sawn thei țhak lo thung.

Dimdawi zetin an inkuah sawn a. Faithi țhiannu in kan țhian ho mit min siai sak a, min inher khumna chu Kimkima lungawi lo pek chuan a pheikhawk in a va vawm zui hram kha!

"A na... khanglang cheu chuan" a rawn ti a. Faith țhut fel tir a Prof Msa rawn hawi chhuak vut chuan keini chu min thah mai chak tih hriat fahran hian min rawn melh hrawk.

"Heng mi pahnih dawt sawi hi i awi dawn a maw Professor?" Nuni'n chuan min rawn kuah pah hian a ti a.

"Țawng tam lo ula, in case a rit lo ani mai" chhum bung zet hian Malsawmtluanga chuan a rawn ti rum ul mai.

"Huh! Dawt a puh case in kan tang dawn anih chu.. chuan, khalai doctor dawheh zet kha, engtin nge khatiang rilru hrisel lo pu chung khan Doctor i zir chhuah theih reng reng" ti pah a a nuih hak hak chuan Faith chu arawn meng rum țha kher mai.

Police motor rawn ri ruai ruai ah chuan Malsawmtluanga mitmeng rum ul chu a danglam zawk tih ka hmu a!

"An dawt sawi leh Lola an tal awh tir duh vang a an lemchanna vangin Police hial i koh a nia, inchhiar miah lo ang che" hotel tual zawl a Police gypsy lo tlan lut mek melh ralh pahin nuni bawk chuan a ti leh a. Malsawmtluanga chu a kut pahnih kekawr ipte ah zeh in a ding khawng luah. A mit thim khup chu keimah ah a fu ngur a! Nuni zawhna vang niber in ka hria. Min ngaihtuahna a mitah chuan ka hmu zawk a. Mahse, a reilo..

Police chu Vli'n thil thleng dan a hrilh zawt zawt a. Ka țhian te pawn dawt a sawi chian em vang a niang an nuih tawp tawh. Ka nam thluk tir ah a sawi thiam hlawrh hlawrh em vang leh police koh tu hi Malsawmtluanga anih hrim hrim vangin police ten zawhna min zawh pawn insawithiam ka tum lo. A duh ang ngei chuan ka tang ang. Ka tan hun chhung a zawh hun ah erawh a inchhir ngawih ngawih theih nan he hotel CCTV record nen hian ka la nuihsawh ang!

"Aaaa.. in mak, an ni kha an tello, khing pathum khian an puh ber chu keimah a lawm, ka țhiante kha lak tel an țullo" ka tih chuan police pakhat chuan Prof Msa a han en thuai a.

Hawi sang vah chungin Prof Msa chu ka han thlek ve vah bawk. A hmel lan dan chu ka sawifiah thiam lo. Thinrimna leh min tihnat chakna kha a pu tawh lova! Pawi tihna ni awm tak ka hmu lian tawh zawk.

"Ka pu?" Police chuan a han ti leh kher. Engtin nge Malsawmtluanga chuan a chhan dawn tih nghak in ka lungphu chu a phu ve dawt dawt tho. Chiang lutuk a min rawn melh in a kekawr ipte chhung a a kut chu a hum ruh țawlh țawlh a.

"Nula, an duh ang a ngaihdam i dil chuan lock up ah riah kher i mamawh lo a nia'" police.

Huh! Ka tihsual pawh nilo ah ngaihdam ka dil ngai lo ang!

Ka ngawih ngal vang chuan Prof Msa te lam bawk a han en leh a. Malsawmtluanga chuan ka mitah thim khup in chiang lutuk a min melh ngut ngut hnu ah a bu ta nghut a. Kei erawh ka nui tawi halh. Police te chuan an motor ah min nam lut a.

 Hmun dang en vut a Malsawmtluanga ding khawng luah chu chawh ti zetin ka melh hrep ringawt! A țan hlum loh chauh te khian an bum mai mai tih fiah tur a kir leh thuai thuai ka chak zek zek bawk

Police te chuan bail in ka chhuak thei tih an sawi a. Ka u biak ka duh loh vangin ka u number pawh ka pe lo, tunge ka nih tih lah min zawt chhuak zo lo. Lock up ah zan ka riak a. Ka u chuan ka țhiante in ah ka riak kual mai mai ah a ngaih dawn avangin ka tang tih hrilh kher tumna ka neilo.

Cell chhung a nizung rawn zam lut ruih chu melh in ka khap fak fak a. Prof Msa taksa ngheng chung a Faith nui hmel te, na a nei tak tak lo tih hriat tak a prof Msa hmuh loh kar nuam tihna nen min en lai vel chu ka mitthla ah hmu reng chungin a khat tawkin ka nui leh sak zel. Henu teh hrep hian ka lak ațangin eng nge a duh ka hre hauh lo. Mahse, a hriat loh chu.. min tina tu te reng reng rulh let loh in ka en liam ngailo.. lem changin prof Msa khawngaihna a chang rih a. Min tina thei ah a inngaih phah bawk. Hengthil hi en liam mai mai ka tum hlek lo. Ka nuhrawn kut min thlakna pawh thlak let ve bawrh duh khawp a min tina tu te ngaihdamna tlachham hmeichhia hian engtiang chiah in nge ka rulh let dawn tih lo nghak tawp mai rawh se!

Corridoor a ke rawn pen ri khup khup leh mipa aw thum zet rawn inbe phei sup sup thawm vang chuan mitchhingin cell bang hit thler chu ka tukhum in ka nawr a.

Ka cell kawngkhar a rawn tih rik rak chuan ning zetin ka meng chhuak a. Cell pawn ah Prof Msa leh Officer Carlos-a ka hmuh thut rual chuan ka meng phawk deuh kawk! Prof Msa chuan ka lan dan chu uluk zet a min melh in a mitmeng thim khup, nelawmna pakhatmah lang chhuak bawk siloh chu keimah ah a fu nghal ngur. A hmel dur khup leh tak run bawk si ah chuan thinrimna hlawm pai run hi a ang tak zet.

"I chhuak thei.." Officer Zohmingliana chuan a rawn ti nghut.

"Tunge min bail a?" ti pah chuan Malsawmtluanga lak ațangin mit ka la sawn a. Malsawmtluanga lam ah Officer Carlos athlek buk chuan ner sakin ka hawi sawn nghal daih.

"A ni bail kha ka ngai lo ve" ka ti hmak.

Tu zawk nge rum hawk ka hrelo! An hrawl dun in an hmel a dur dun khep khup si.

"Bail i ni tawh, lo chhuak rawh" a rawn tih leh hmuk chuan ngeiawm zetin ka melh chho haw a. Malsawmtluanga hmel rum ul mitmeng dur khup ah tak melh siah pah chuan "Jail a min khungtu ngei in a bail leh vel nih kha ka duh chhe te lo, A farnu a hlauh hlauh nen, haw leh vat zawk rawh se"

"Lalhlimpui" a tih hrawk chuan nui che datin dar ka tawm ak a.

"Ka sawi diklo em ni? Chhuak pawh niila, i bul ah a țap leh feih feih a nga, a rang a rangin min khung leh nghal tho ang" ka tih chuan rum zet a min melh hrawk in a vanvadak vut a. A hrawkbawk langsar zet che khawlh khawp in chil alem khawlh bawk.

Min bail tu anih vang hrim hrim hial jail chaw ring a la tan rih ka duh fe zawk. A duh ang ang a a tihkual tur ka nilo tak zet .

Ka chhuak duh dawn chuang lo tih a hriatchian lutuk vang ani mahna prof Msa chuan a țhianpa hnen ah chuan eng emaw a sawi sup a. A țhianpa pawn tihmawh min tih hmel zet a min melh khuiin min kal san ta vut. Malsawmtluanga hmek hmuk erawh cell pawn ah a ding kawng luah a, min melh ngur tih chu amah en tawh kher lo pawn ka hre thei. Chutiang chuan rei ngial a ding vung vung a. Min biak emaw, ngaihdam min dil tum pawh nise tun ah tak hi chuan keimah ah awmzia a neilo ang!

A kâ ațangin a thaw ham ham reng a, kei cell chhung kil ah țhu nimahila a huhang țang ut leh uapna na zet chuan min tuam mup a, ka hahdam thei bik chuang lo!

" Bail i ni tawh, i duh hun hun ah i rawn chhuak dawn nia" ti chhum vutin a che ta hrut, ka mit sit chuan ka hmu reng a, kal sawn mai lovin amah pawh chuan min en leh vung vung phawt a. Na zet a a thawk chhuak hawk hnu chuan hreh hmel zetin a kal sawn ta hram.

A mi uapna boruak țang ut leh sa hut hut chu a reh tulh tulh a, ka chhung lam ruak riai riai chu ka pawm emaw; pawm lo emaw... a ruak tak zet!

Malsawmtluanga chu a haw ta ani mahna, nileng in ka hmu leh tawh lo! A khat tawkin police officer Zohmingliana kha a rawn lang leh nawlh țhin.

"I haw thei tawh" a lo tih chang apiang in rum em em hian ka lo melh ta țhin a, phun hluk in min kal san ve leh mai zel.

"pumpkin head" tih ri chu ka mang hriat ruai ruai. He hming hi chuan Jordan chiah in min au țhin.

Reilote hnu ah nui chet hluk ri ka hre leh a, ke pen thawm nen...

"Lock up chhung ah hmeichhe muhilh hnar bawrh bawrh thei an awm anih chuan nang tereuh chiah hi i ni ngei ang" nuihza insum zet a ka aw ri hriat țhan zet in a rawn ti chhuah hak chuan thawh phan awm lo lekin ka meng chhuak phawng! Ka khup ah chal nghat a mutthlu ka ni bawk nen ka hma a pumraw inkhaithli sang thlup chu ka hmu phe ruai a.

InShot_20200407_031226303.jpg

InShot_20200407_031226303.jpg (47.17 KiB) Viewed 22821 times

" pumpkin head " ti sup a ka hmai zawn ah a rawn nuih suk rual chuan ka khek nghal tuar mai!

"Jordan?" Ka ti nghek a.

"Yeap.. Lola Jordan" ti sup a mit min siai suk chuan nui chhuak hawk in ka hmai bul a a lo kun hniam khun nghawng ah chuan ka kuah bet nghal chawt!

Ka hamhaih lutuk a reh tak ah chuan nui chungin a bek chu ka melh zeuh a, tunah hian Jordan nen kan inkuah mek a nih chu!

"Zohmangaih, nangmah i ni tak tak em?" ka ti chúl! A rimtui hman rim ka hriat țhan zet chu hip lut in ka thaw hak a. Jordan ngei a ni! Zawite in ka chhunglam ațang chuan 'ani hi chuan engtik lai pawn i lam a țang tlat țhin' tih min rawn hrilh a.

"Keimah ngei ka ni e, pumpkin head" ti chhuak sup in nghet zetin min kuah bet hlu hlu, chutia ka beisei loh lutuk a Jordan ka han hmu thut leh min kuah hlu hluna vang chuan ka nui hmel a chuai riai riai a, he hmun a ka awm chhan ka hriat chhuah takah chuan ka mittui a hnai nghal kuar ringawt.

"Jail tang mut duhnu" a rawn ti chhuak hluk, ka nui che dat nangin ka țah chhuak lutuk chu ka buak chhuah hawk ka hlau. "I lo la hnar barh barh zui a" ti leh hluk chuan ka darah khabe nghat in a rawn thaw chhuak ham ham. Sawi leh mai tur pawh ka hrelo! Ka hriat zawng erawh ka bulah awm tur a ka mamawh ngawih ngawih laiin Ka țhianpa hi a rawn lang hlawl a! Nizan a ta tawh thinrimna leh tha natna in a hmeh hik vek ka taksa hian hahdamna a hmu leh chiah tih zawng ka hria.

"Lola, min lo ngai em?" thutak zawk leh hniam ruih a a lo tih leh chuan ka kuahna ti nghet sauhin ka inpet ruh fan fan.

"Min han hrilh teh" ti leh supin ka hnung a chul hauh hauh a.

"Ummm" tih bak in ka chhang let thei lo, ka țah rawn chhuak ut ut chu a hriat hlau zetin a nghawngah ka kut pahnih ka suih zawm tlat; Jordan chu a nui nghing dawt bawk.

"Min ngai hle a ni maw?" Min fiam tih hriat zet hian a rawn ti fan ruih, tunah kher hi chuan ka ngai mai pawh niloin ka mamawh hun lai takin a lo kir a, ka bul a ding tur ka nei ve tawh! Min rinna nei miah lo tih hrat fahran a Malsawmtluanga min melhna dur khui kha ka mitthla let a! Ka lung zawn a na nghal ngut ngut! Ani kha chuan keimah aiin a farnu dawheh zet kha a ring zawk! Jordan hi chuan ka chan chhiat lai ber pawn min rinhleh chu sawi loh, ka hma ah a ding tlat țhin.

Chung ka ngaihtuahna teh hrep te vang chuan ka hrawk chhung chu a na zual ngut ngut mai! Ka pum chhung ațangin eng emaw hian min rawn hnawh up up in ka awm chhung chu a phui chuk chuk, chu ka awm chhung a thil hlawm tup tup chuan Malsawmtluanga hming an lam tho! Ka hrethiam lo, Jail chhung a min dah lut tupa kha ka chhung ril a natnat chuan eng vang a a hming la lam mawlh mawlh nge an nih tih chu ka hrethiam lo tak zet! Ka huat luat vang leh ka ngei lutuk vang anih ka ring ta ber!

Ka taksa chhung rawn khur chu Jordan-a hriat hlau lutuk in tih tawp ka tum a! Tu emaw chet dan vang a nat lutuk a, țah chhuah pui theih bawk silo in taksa a sawisak theih dan hi a va lo nasa em em ve mawle! Hmui pet fan fan chungin Jordan jacket tlang chu ka hum chawt chawt. Hetiang hian.. Jordan-a min kuah ang hian Malsawmtluanga kha chuan ka mamawh lai ber pawn min kuah a tum ve ngailo! Police in amah rawn pah a a han en lai a, min hruai tur a thu pe a, lu a buk khum nghut lai leh a sir lawk ațang in nuam ti zet a Faith lo nui sawng te kha rinchhan tur ka neih tak ah chuan mitthla a hmuh let ringawt pawn a rapthlak tak zet!

Nizan kha chuan min ring tur a ka duh berin min rin loh em avangin ka chawmawlh a, tha natna leh thinrimna in ka khat a! Ka chung a thil thleng kha ngaihtuah thiam pha lo lekin thinrimna te nen zan ka hmang ral vel mai mai a... marawh chu, rinchhan tur ka hmuh tak chiah ah chuan Malsawmtluanga'n min la bo tur a police lu a buk khum ngut thei khan ka thinlung hi a tina thar ngawih ngawih.

Inthiam lohna pakhat te mah neilo in a farnu te dawt sawi vangin jail ah min dah lut thei tih chu khawvel a thil awiawm loh tawp ang a ngaih ka duh laiin a thlen tir miau bawk si!

"He.. Jordan, heta ka awm chhan hi i hria em?" Mahni inthunun zet chuan ka ti chhuak halh. Ka țah chhuak lutuk leh hrawk chhungna ngut ngut vang erawh in thawk pawh ka thaw chhuak ngam lo! Jordan chu rum chhuak nghutin min kuahna phelh a tum nghal vut. Mahse, keimah zawk chuan nghet zet a kuah in 'aih, ka la kuah duh che' ka ti tûng a, thaw huai hian min kuah leh nghal hlun. Men țîau chungin Jordan nghawng ah chuan hmai ka thukru tlat a! Malsawmtluanga khan inthiam lohna chhete tal a nei a ngem le?

"Mawh? Ka tan chhan i hria em?" ti leh hak in thawk ka chelh leh nghal tlat. Jordan taksa chu a țang nghal țawlh țawlh tih ka hre thei.

"Nizan ah Kimkima'n chanchin min rawn hrilh a... " ti sup in a ngawi ta hmuk. Ani pawh hian a u ang thovin Faith-i a ring zawk mai angem tih ka ngaihtuah a! Ka ipik zual sauh mai.

"Kimkima thusawi chu i ring em?" tim deuh dai in ka ti sep, Ka mitthla ah erawh Faith-i nghaihdam dil tur a prof Msa'n min hrilh lai kha a lo lang uai uai a! Faith nuam ti hmel te nen!! Tha na zet a ka maimitchhin sawk rual chuan ka mittui a tla tih ka hria. Hru tur pawn Jordan ka kuahna ban hi ka phelh thawl ngam tawh lo.

"Ring e, *Ka tih a nilo* i tih tawh chuan i tih a nilo a ni mai" ti nghut a ka tukhum sam a lo chul chuan ka nui halh a. Ka thinlung erawh a nâ hit zawk! Chu erawh Jordan vang niloin min rinna chhete mah neilo tu Malsawmtluanga vang zawk ani. Jordan-a'n min rin ang hian tlem te tal pawn min ring ve nise chuan... !

A thlen ngai dawn loh lutuk vang erawh in ka na zual tîng!

"Hrep a! Lola, i țap maw?" chhum hmuk a ti pah in Jordan chuan a nghawng a ka ban suih beh tlat chu a pawt phelh hlawk . Ka inhmachhawn siah rual chuan at hmel zetin mittui nen ka nui chhuak halh a. Jordan thung chuan mit ko ti hnim khuiin chiang lutuk hian min melh nghal run.

"Ka ngaih tawh lutuk vang che niang" ka nui lui hak a, rang zetin ka mittui chu ka tuai hul nghal thuak bawk. Ka hma cement chhuat ah chuan a țhu run, a inbual zawhna a la reilo tih hriat fe in a sam buk lai chu a la hnawm chhap! Of Course, amah ti Jordan zual turin black and white tawp thuamhnaw a inbel thlup, tshit var chung ah leather Jacket dum a ha a, mit khap miah lo hian ka che vel chu min melh ngur bawk.

"I lo haw dawn tih ka hre ve miah lo" Ka tisep a, chil lem khalh in ka nui leh rih a.

Jordan chuan lu min thin khum nghut.

"Kimbawihi a lo haw ve em?" ka tih leh pawh chuan ngawi ngul hian min en ngur ngur. He hmun a min dah lut tu hi a au ani tih a hreve vek dawn sia. Malsawmtluanga nen kan inkar engkim a hriat ve vek vangin tunah chuan Jordan hmai eng hi ka zah ta ngawih ngawih. Ka tlawm a, bialpa hlui in jail chhung ah a khung han nih tawp chu a zahthlak tlawk tlawk ani tawp mai.

" Ka jail tang lai te min rawn hmu a... a nuam zawk zawk mia...... " ka sawi zo hman lo. Țawngkam chhe zet phuh chhuak hluk hian a ding mar nghal vut! Ka khek nghal chul bawk.

"Min ti hlau a lawm" ti chiam in a darah ka beng țawlh, a thawh chhuah vut pah khan min pawm tho nghal lawp anih chu! Nui suk pah chuan akawngah min kherh beh tir a.

"Haw ang" a ti vut. Thil hriat chhuah ka nei nghal zawk bawk.

"Jordan, pawisa i nei em?" Ka ti a. Mitko min tih kan khum uk hian min melh nghal run. Malsawmtluanga khan min rawn bail leh vel tih ka hria. Ani sum hmang a chhuah kha ka tum chhe te lo.

"Ughg, ka chhuah theih nan pek a ngai a..."

"Lungngai suh" ti sup in lock up chhung chep zet ațang in min pawm chung chuan a chhuak vut a. Cell pawn ah Police pakhat a lo ding reng tih ka hre ve chiah bawk.

Corridoor ah min pen pui nawlh nawlh lai chuan 'ka chhuk duh' a hriat tham lek chuan ka ti sa sa. Nui suk chungin lu min thin khum nghut ringawt.

Duty room ah kan luhphei rual chuan police leh FIR theh lut a lo phu sup sup ho chuan min en țhup ni mai hian ka hria. Jordan lah chuan care hmel pawh a pu lo. Dawhkan pakhat min pan ding pui ngur a. Chupa dawhkan tlang ah chuan min nghat thla dat in police chu a be nghal sup.

"Prof Malsawmtluanga'n a bail daih tawh a lawm, engkim a fel tawh"

"Hriatsual palh anih dawn chu, keiman ka bail dawn. Chuan, a pawisa kha in pe let leh pek let loh ah ka buai lo. He sum hmang zawk hian Lola hi chhuah zalen ru" ti nghut in a walet ațangin cheng sangthum bawr tur hi a phawrh chhuak a. Police pa meng dur deuh ram mitah tak chuan a melh ngur bawk.

"A va buaithla e aw, kha.. tah hian sign rawh" lawmloh hmel tak a tiin lehkha phek pakhat a keimah bail chhuah ka ni tih chuanna tawp lam ah bail tu hming sign na tur chu a kawk fuk fuk a. Jordan chuan sign nghal thuai in a sign zawh rual chuan ka hmai bul hnaih zet ah a rawn kun hniam a.

"Tunah chuan ka mi tang i ni tawh" ti sup in a chal in ka chal a rawn tauh dat. A kiai deuh suk tih ka hmuh rual chuan ngei lutukin ka ner nghal nang bawk.

"Sual lo mai teh" a awm ah ka chum țawlh, nui hawk in police dawhkan ațang vek chuan min pawm kang leh nawlh a. Hnial buai pawh ka tum tawh lo! Hman ațang a kan tihfo dan ani miau a. Station lun zet ațang chuan min chhuahpuiin nghal lutukin a saltang ka nih tawh thu a sawi a. Kei lah in ka lo haw ve tum hrang bawk nen a dar ah ka chum țawlh țawlh reng mai.

"In kan thlen rual in ka rul leh nghal dawn che.."

"Humm, a chhiat lem loh chu.. darkar chanve chhung pawh nise ka saltlang i nihna a bo phah lo"

"Chimawm lo mai teh aw, Kimbawihi a lo haw ve em?" Ti pah a a nghawng ah ka in uai tan rem sauh chuan Jordan mitmeng chu ka hriatthiam phak lohin a danglam hlawk niber in ka hria.

"Haw ve rih lo"

"Maw? Ngatinge.. i chhuk leh nghal dawn em?" Ka ti ha a. Zalo zet a țhen suk in step ah min pen tlak pui thauh thauh.

"Chhuk leh vat a ngai ang" a tih sup chuan ka meng deuh kawk a.

"Nang hi.. Kimkima'n ka chanchin a lo hrilh vang che in i rawn thlawk haw rum rum tih sawi miah suh" ka ti chiam a. Jordan erawh keimah nen a eye contact nei duh lovin nui suk chung hian a hawi sawn nghal vut.

"Jordan..."

"Umm, Lola..''

"I mak, ka zawhna che kha chhang rawh" ti vak in kê ka then nghek.

"I tla dawn nia" a ti a, a nui hawk bawk.

"Ka zawhna che kha min la chhang lo" ka tum nghal hmak. Kimkima'n chanchin a hrilh rual in a rawn thlawk haw rum rum tih chu ka ring thiam mai a! Mahse, a chhungte'n engtiangin nge an ngaih ang, a training a laklawh in a zo chhuak țep tawh sia.

"Thla eng emaw zah chhung kan inhmu tawh lova, ka lan dan a danglam tawh em?" ka zawhna min chhang let lo a thil dang a sawi daih vang chuan ka melh rum nanging mai. Jordan erawh a lo nui tak ang suk suk a.

"Danglam tawh ber bur lutuk" ka tih hlak chuan na zetin min pawm bet vak a.

"Chiang deuhin min en rawh" ti sup in a hmai zawn ah ka awm theih nan min pawm hniam hlek pah chuan "tihian, ka danglam tawh em tih chu sawi rawh" ka mitah chiang fe a min melh nghal run in a ti chhuak leh sup.

Kan hmai chu a insilo chauh a, chuta karah Jordan mitmeng danglam ruih mai nen a in melh tak reng chuan ka thawk lak a tisak vek. A hma aiin a lang upa tawh a, rilru sengin a inzir nasa tih hai theih miah lovin a vun erawn a hma angin a nung sar lo!

"Ummm.. i danglam tawh, i hmel pawh a hma aiin a puitling tawh a, chuan... ugg, i mitmeng erawh a la thip reng" ka tih tak ah chuan Jordan chu a nui ta hawk hawk.

"Ka mitmeng a thip maw?" atthlak tih hmel lutuk in lu a thing nghat bawk.

"Yeaahh, a thip a, a rum bawk" ka tih leh chuan kiai suk chungin min awm hnaih thut a, a mitmeng chimawm ru zet a min melh run pah chuan "nang chu hmeichhe puitling dik tak i ang ve tawh" a sup, hrethiam lo zetin ka melh let hu ringawt.

"Nupui tlak, fa enkawl thei tawh" a khi suk a. Nupui tlak a! Suala chu le!

"Pasal nei rual i ve tawh ka tihna anih chu" ti sup pah chuan chimawm lutuk hian a khi tel suk.

"Suala, i va in la upa bik ve" ka ti nui nui, ka ter nghal at tur chu hrelawk ang hrim in a awn hnung deuh dawrh a, melh rawm rawm chung a ka hawi tauh hmak chuan min lo nuih ruh ruh tupa chu darah chuan ka chum țawlh tho.

"What, i lawm lo em ni?" ti hlukin station sir a motor hunna lamah chuan min pawm phei zel a.

"Keimah aiin i upa tam lo e mai aw" ka tih chuan a nuihzat hmel kher mai. Nghal zet a min fiam apiang in duhlo lutuk in ke ka then vak bawk nen Jail ațang a chhuak tih pawh hriat loh khawp in kan nui dun hawk hawk reng a.

Motor hunna kan thlen phei rual a motor hunna pan a bolero rawn tlan mek ka hmu chiah chu thinrimna leh natna in ka khat nghal vek.

Bolero chu kan bulah tak a rawn ti ding nghing dawt. Motor darthlalang thim deuh ruih chhung a Malsawmtluanga țhu run chu insehruh țeuh chung hian ka melh ngawt ngawt! Ani pawh chuan rawn chhuk mai lovin kei leh Jordan chu rum tak mai hian min rawn melh tur nghal khui ringawt. A mitmeng thip khui leh thim khup chuan ka ban chu a chhui zui ngur ngur, Jordan nghawng ah ka kuah beh mai bakah Jordan lah chuan amah hmachhawn zawngin min pawm hlun a, chuthil a rawn hmuh chian hnu ah phei chuan a hmel lan dan chu a hlauhawmin rum zual sauh. Zaklo ti fe hian ka ner khum ta nang a.

"Kal vat teh ang, hotel ah tih tur pawimawh ka nei" tihnat let ve chakna a khat a Malsawmtluanga melh tlat chuan ka ti chang fak.

"Hotel" Jordan chuan a ti sup.

"Umm, ka dik tih fiahna tur va hai chhuah ka duh" ka tih sap chuan Malsawmtluanga chu a che ta hrut.

Bolero kawngkhar chu a rawn nam hawng pawp a, smar thlup a induang zui a a rawn pen chhuak vut chu eng khaw sawi set set lova lo vuak thluk tawp ka chak ber.

"rawn lut ru" a la rawn ti ngam a nih chu mawle! Zahna tlachham ka ti lutuk bawk si chu insum hman lo lekin ka lo nui hak a.

"Bike ka keng a lawm" Jordan'n a ti let nghut chuan ka lawm ru kher mai.

Malsawmtluanga chuan hmui a chip ta hmuk. A kut lehlam a smart pants kekawr ipte ah zen lut thun chung in kei leh Jordan chu min melh rum ul bawk. Jordan chuan muangchang in lei ah min nghat thla a, a hmel ka hmuh rual khan thinrimna in min rawn luh chilh tup tup miau vangin ka taksa chu a țang mar leh vek tawh. Bike ah Jordan a lawn vut lai pawn Malsawmtluanga mit chu keimah ah a fu ngur, huatna te nen a ka melh let ram ram chu inthiam lohna chhemah nei hauh lovin min melh chhuk vuah ka tilo theilo. He a chapona hi reilote chhungin ka tihchhiat sak vek a. Dawt țan tu zawk ani tih ka fiah hun ah chuan a hmel chopa zet hi a uang lo teh ang chu!

Jordan Bike ti nung hlut hlut ri vang chuan Malsawmtluanga ka melh rumna ațang chuan min ka la sawn ta hram.

"Lola, hotel ah kal kawi ka duh i ti nilawm ni? Lo chuang rawh" ti sup in helmet a khum a, Hotel tih Jordan'n a sawi rual a Malsawmtluanga mitmeng danglam zawk chu nuih sakin Jordan-a hnung ah chuan ka lawn ve nghal zat.

A farnu dawheh zet, a țan țuinu thusawi kha dawt vek ani tih a hma ah ngei ka lan tir hun a a hmel awm dan tur ka hmu chak tak zet.

Malsawmtluanga ding khawng luah chu kan tlan pel thuak a, min thlir zui reng tih side glass ațang ka hmuh theih avang chuan insum hman lo lekin ka kutzunglai van lam ah tih pir khum in ka va hawi let kher! Jordan a nuih nghing dawt laiin Malsawmtluanga erawh chuan chal a ti chuar tup.

"I va nghal e aw..." Jordan chuan a rawn ti a, a kawngah ban suih betin ka nui ve hak tho. Kha mihring tihnat let ve chakna khan ka khat tih hria se chuan kha aia nghal a chet dan min zirtir duh hial zawk ang.

Police man tir ka nihna hmun ah ka din leh tak ran ah chuan nizan a thil thleng te kha ka ngaihtuah let zut zut a. Faith khan engtin emaw tak ka lak ațangin Prof Msa kha lak hran a tum leh dawn tih ka chian lutuk vang khan prof Msa pawh ka țawng khum hlak kha. Mahse, amah zui lo thei lovin min pawt lui a, ka rin lawk ang chiah in Faith pawn a lemchanna a kalpui nghal zat reng a nih kha! Malsawmtluanga'n Faith buaipui tur a min kuahna a thlah hlawk rual khan amah ah awmzia ka nei tawh lo lutuk tih chu pawm duh lo engang mahila thudik ani tih ka hrechiang tawh bawk.

Jordan-a bike hung țha fel rawn chhuak chho hlawl chuan ka ban rek ah a rawn hum a.

"Lut ang le" ti sup in hotel chhungah chuan min kai lut dat dat, foot court lam ațang a eitur rim rawn chuak ram ram chuan ka ril a tițam kher bawk. Ka ngaihtuahna chu hrethei niawm tak hian Jordan chu a rawn kun hniam vut a.

"Thil i ei hmasa duh em?"

"Aih, hnathawkte be hmasa phawt ang" ti sep a ka melh chhoh zeuh chu min buk khum nghut.

"Hey, Jordan" keimahni tawk zawng a hmeichhe pahnih lo phei mek te chu hmuin Jordan chuan min dinpui dat a, Faith leh a țhiannu pawh chuan kan bul an rawn thleng chawp chilh nghal der bawk.

Faith nui sawng ka hmuh chuan thinrim zetin ka inhum ruh nghek a, Jordan chuan ka kut a rawn hum hnan thuai mai.

"I lo haw ani maw?" Faith chuan ti dam thliak in Jordan chu a rawn nuih var var.

''A nih hi" bung ngutin Jordan chuan a chhang.

"Khawnge in kal dawn a.. oh, Lola Jail ațangin i chhuak tawh maw?" ti kher pah chuan min thlek ha in a nui tel sak bawk.

Chhan tum a ka ang ziau hman a. Mahse, Jordan țawng ri bung nghut vang in ka tawp leh rih a. "Chhuak lo se helai ah i hmu dawn mi?" ti hmuk in Faith chu a melh nghal khûi. Ka lo lawm ve em em ringawt.

"Aa, ok.. ka zawt mai mai a nih kha" tipah chuan min melh zeuh a. "Kan kal tawh a nge, kan inhmu leh thuai dawn nia" Jordan melh ralh pah chuan nui halhin a țhinnu chu a mitmei a. Min kal pel paha kei leh Jordan min melh leh zeuh chuan a mitmeng ah chuan eng emaw tak hi ka hmu a. Mahse, chutiang engmah ngaihtuah zui hman lovin Jordan chuan hotel counter lam ah min kai phei nghal dawr dawr a. Reception a lo duty hnen ah chuan manager hmuh kan duh thu a hrilh nghal sup bawk.

Duty nula pakhat chuan telecom chu ban in tu emaw a be nghal thuai a. Ka bula mipa ding ngawi ng chu ka melh chho leh zeuh țhin a, prof Msa leh Faith an inpawh ang bawk in Jordan leh Faih kha an inpawh ve a ngem? tih ngaihtuah neuh neuh a ka en chho leh zeuh zel chu min rawn melh thutin a nui suk a. Tawite hian ka lo nui ve ta ringawt.

Reilote hnu ah Hotel manager pa lian thelh thawlh, fin hmel zet chu kan lam panin a rawn kal a. Jordan chuan tunge anih tih leh kan thil duh chu a lo hrilh nghal sup, thla reilote chhung a Jordan mize lo puitling hman bik lutuk te, midang biang biak kawngah hma a lo sawn tawh bik lutuk chu mak ti deuh hian ka en ran a.

Manager chu bu nghutin amah zui tur chuan keini chu min hrilh nghal sup. Jordan'n mit min siai suk a Manager zui tur a min lo mit mei zeuh chuan ka nui ta hak.

"What?" ti hluk in ka kut a hum lai chu a hmer salh.

"I va puitling tawh bik tak" ka tih chuan ner sawkin a hawi sawn vut a. Mahse, a puitling ka ti tawh tak tak. A hma te kha chu nise chuan manager kha chhum bung zet in a be hmuk a nga, an indawrna a kal fuh loh rual in a pa nihna changchawi deuh hlek in amah aia hotu zawk a call khum hmiah bawk ang..

Operator room ah kan luh rual chuan hnathawk pathum ngawt an lo duty a. Manager chuan kan thil duh chu hrilh in hnathawk te chu a melh kual nghal thuak bawk.

"Nizan thil thlen lai video kha mipathum ngawtin en nawn min rawn dil tawh" hnathawk pakhat thu sawi chuan ka beng a ver zar mai.

"Keini lo midangin en nawn an rawn tum tawh maw?" ka ti lo ti hu a.

"Umm, tunlawk pawn nula pahnih an lo kal, en min rawn dil a, an sawi dan chuan nizan a kut tur ani awm e" ti pah in computer chu a hmet mual mual a. Kei erawh ka țang nghal vek. Faith leh a țhiannu chuan engvang ngawtin nge CCTV footage chu en ve kher an duh ang le.

"Hei, an ni pawh khan tih vak ngaihna an hrelo, thil thlen chhung kha darkar chanve pawh a tling lo. Mahse, vanduai thlak takin khatih hun lai khan camera lam a chiang lo ani mai thei, a thim vek a" a rawn ti a. Bang a competer screen awm thluah zing a pakhat chu a kawk kauh kauh a. Mak ti zetin computer chu ka pan hnai rawk rawk a.

"Faith-i tluk lai vel kha a in record lo maw?"

"Umm, camera chian loh vang a niang..." ti pah chuan eng emaw hi a hmet kauh a. "Hotel kawt zawl ațang a police motor tlan chhuah lai ațang in a in record leh chiah" a sawi ang chiah in Malsawmtluanga'n Kelvin-a te țhian ho kiang ațang a min hruai hran hnu reilote ah screen chu a thim tlat a. Hnathawk in forward-na chu a hmet zauh zauh a. A kar lak ah pawh engmah kan che tla lai vel a lang lo. Screen chu a rawn che zuk zuk a, video a in record leh chin ah erawh hotel kawt ațang police motor tlan chhuak lai kha a lo lang leh daih tawh.

Ka thinrim lutuk nge pawi ka ti lutuk pawh ka thliar hrang thiam tawh lo. Inseh ruh țeuh in screen chu ka melh tlawk tlawk a. Dawt a puh leh rukru a puh chu ka tuar hnem tawh lutuk! Mahse, thukdik lo ani tih ka fiah theih zel vangin ngatan mah ka ngailo țhin. Muaneki te nufa in rukru a min puh țhinna pawh ka duh phawt chuan ka hai lang nghal zel thei. Mahse, ka pa runluih ka chak vang hrim hrim in ka rukru awm vel mai mai țhin! Tun a thil thleng chu a dan a dang! Ka dikna fiah a, Malsawmtluanga hma ah thudik pho chhuah ka mamawh tak zet!

Faith leh a țhiannu khan video ti danglam turin hnathawk te hi an tham a ni thei mai a nge'm tih thleng in ka ngaihtuah kual hman vek a. Mahse, lu ka thing ta nak. Faith leh a țhiannu nilo mi pakhat in video ennawn a dil tawh an tih tak kha mawle.

"Tunge video en nawn rawn dil ve pakhat dang chu?" ti sap in head operator ber chu ka melh ran a. Ngaihtuah let niawm tak a a ngawih deuh vung vung lai chuan ka thinlung chuan Malsawmtluanga tih min rawn hrilh a. Mahse, Malsawmtluanga lo nitase engvang ngawtin nge video hi a tih danglam tir ang!

"Hotel neitupa țhianpa hi.. aaa, Prof Msa kha ni ta in ka hria" a tih sap chuan ka lo rin lawk sa a ni nangin min deng dawt tho!

"Prof Malsawmtluanga maw?" ka ti chang fak.

"Umm, nizan duty kan inthlak hma khan a rawn lut a, duty hmasa nen an indawr anih kha" a ti leh a. Thinrim lutuk vangin ka puak darh lo chauh. Thil thleng dan dik tak a hmuh hnu ah pawh a nutei fahrawn thiam lohna hmuh sak ai chuan video tih chhiat tir a thlang zawk anih chu! Tenawm hian a!

"Kan lawm lutuk e" Jordan chuan ti sup in room chhung ațang chuan min kai chhuak a. Kei erawh ka inhum ruh ngawt ngawt. Malsawmtluanga'n min lo chet khalh mai bak ah ka dikna fiah theihna video thleng a a lo tih chhiat tir duh chuan amah min huat zual tir ngawih ngawih a. Ka țah a chhuak țún bawk.

"Lola" ti sup in ngawi ngur a ka pen mawp mawp chu min pawt ding chawt.

"Thil ei rawh, station ah khan engmah i eilo tih min hrilh. Hei, tunah tlai lam dar nga a ri tawh, eng emaw tal ei phawt rawh" min ngaihtuah hmel zetin Jordan chuan a rawn ti sup.

"Kha video ah khan kei leh ka țhian te'n tih sual kan nei loh zia a lang dawn a sin.. kan finfiahna neih chhun chu a chhe vek tawh" nui lui hak in Jordan hrawk bawk chu ka melh ngar ringawt.

"Engmah fiah kher i mamawh hleinem, i chhuak tawh a, engkim kha thei ngilh vek rawh" a tih sup chuan nui lui halh in lu ka thing nak.

"Lola..." ti chuai ruih in beidawn hmel fe hian a thaw hawk a.

"I dikna chu tu lakah nge fiah țal i la duh a?" ka dar ah vuan in amah en turin min nawr hnung hlek bawk.

"Mawh? I țhiante chuan kan ring vek che... tu lakah nge i dikna chu fiah i la mamawh?" chang ang reng tak hian a rawn ti hrawih. Chhete mah a min rinna neilo tu i u lakah khan tih khum nghek mai ka duh a! Mahse, Jordan sawi hi a dik chiah bawk. Ka dikna hretu leh min ring tlat tu te'n fiahna an mamawh lo lai in ngatinge Malsawmtluanga hma ah khan ka dikna hailan ka duh tlat mai le!

Ka thil ei chakna zawng zawng a bo vek! Mahse, min ngaihsak em em a, ka hlim loh hlau a min thlithlai rengtu Jordan vang chiah in ka ei lui a, keimah chu ka chau in ka luak a chhuak nghul tiila ka awm dan a fiah ber ang.

zan thilh thuah leh nghal engthil vangin nge Prof Msa khan Video en a duh rum rum ang tih vel chu ka ngaihtuah ngut ngut reng a. Thudik a hriat hnu ah pawh Faith a hau zui miah lo tih chu tun lawk a Faith hmel a min nuihsawhna la lang chhuak cheu ah khan a chiang hle bawk. Ngeni a, cctv record ka en let dawn tih ring thiam in Faith ka tih mualpho theihna tur ang ang chu thup bo sak a duh vang zawk!

Thaw chhuak hak a ka fork hum lai ka dah thlak rak chuan Jordan ka chet phung engkim chu uluk zetin min lo melh run tih ka hre chiah.

"Ugg, ka puar tawh lutuk" ti hlak in ka nui lui a. Uluk fahran in Jordan chuan min melh run in a ngawi ngul. Mahse, ka beisei loh zetin a rawn vei nuih ta suk a.

"I puar tawh chuan ka thlah haw ang che" a ti sup, hnialna nei miah lovin ka bu nghat nghat a. Inbual harh a, khum a mut ka chak hluah hluah.

"Keimah vangin i lo let ngawt sia, i chhungte'n an hau che ngem" parking lot ah kan inzui thla dat dat.

"Engvang ngawt chuan nge min hauh ang" ti hluk in ka darah a rawn kuah vut. Rang fe in a kawngah ka kuah let a.

"Humm, i pa in a hauh hun ah che i ngawi duk dawn tih ka hrechiang e" ka ti vak a, Jordan chu a nui che dawt. Kei erawh pa Saia hmel ka mitthla ah ka hmuh rual in ka țim zui sawk. Prof Msa nen kan inkawp a duh lo zia ka hre tawh! Jordan nen a țhian ang a kan inkawm zui zel pawh hi a lo lawmlo viau mai thei.

"Zanah kan leng chhuak dawn em?" Ka ti a. Jordan chuan min melh chhuk nghal vut.

"Uggg, party lam te" ti leh in ka hawi sawn nghal daih. Mahse, Jordan-a bike hunna bul a bolero dum lo ding thim run bang ngheng a prof Msa lo ding khup ka hmuh rual chuan ka ding chawt a! Jordan chuan a u chu hmu lo ang hmakin min kuah kal leh dawt dawt a.

"Inbe lawk teh ang" bike bul kan thlen rual in a lo ti nghal sup, a kut kuangkuah hlun chu phelh thawl vutin Jordan a min kuahna chu a melh nghal ngur bawk.

"Kei maw? Nge Jordan zawk hi" ngeiawm lutuk in ka ti hmak. Prof Msa chu a rum nghut a. Ka dar a Jordan ban awm a melh ngurna țang in a mit chu la sawn in min melh chhuk nghal run bawk.

"Nangmah"

"Sawi dun tur kan neilo" ka ti leh hmak. Parking chhung thim deuh mup vang nge a lan dan chu a nguaiin a ni ruih a, sawi duh tam tak nei hmel pu chungin a lang zuai ruih.

Jordan chu ngawi rengin bike ah a lawn a, a hnung a ka lawn ve tur chiah erawh ka ban bul ah rawn man hmiah a, min hnuk hnung nghal dawrh tupa vang chuan amah ka huatna zawng zawng chu a rawn puak darh ta vek!

"Tenawmpa" ti tuar in ka inher nawk, ka sam sei zet chu ka chhip ah hui chho tawkin "bawihi, biak che ka duh,a reilo ang" rawn ti thuk ruih tu chu rum zetin ka melh chho erh a.

"Min biak i duh maw? Ha, Malsawmtluanga hian min biak a duh anih chu.. mahse, min biak i duh thu i sawi chang reng rengin hrilh hai tak a min siam in min kal san leh ziah. Chuti chung chuan nangnen a inbiakna neih hi ka duh ila ring cheu a maw!??" ka thinrim bawk a, a au in ka au khum tawn tawn. "I ã tak zet! Biak che ka duh tawh ngailo ang" ti leh kher in ka ban bul a vawnna chu ka pawt nghek. Of course, a thlah leh duh tawp nang!

"A reilo ang" ti sup in a mitmeng thuk ruih chuan ngenngawl zetin min melh ngur. Ka engahmah a thawk pha tawh lo!

"A rei emaw, reilo emaw ka be peih lo che" khi sak chungin ka melh kher. A hmel thim khup a natna leh pawi tihna rawn lang chhuak te chuan ka rilru a ti nem pha tawh lo. Min ching phar ngun tawh lutuk!

Ka ban bul a hum ngut ngut na chu pawh phelh tumin ka pawt chat chat a. Min din hnaih hrut pah chuan ngenngawl zetin a rawn phun leh sup a. "Khawngaiin, a reilo ang" a aw thuk zet a tlawmna lang chhuak ve vang chuan ka tawp deuh chawt. Ka melh chho dawrh chu beisei nei zet hian thuk ruih in min lo en a.

"A reilo ang" a ti nawn leh sup bawk.

"Kan inbe dawn anih chuan hei min chhang phawt rawh... CCTV footage kha i tih chhiat tir a ni em?" A mitah tak en in ka ti chang fak. A ngawi deuh ngul chu insehruh țeuh hian ka en a.

"Min chhang rawh.. i tih chhiat tir a ni em?"

"Aw..." a ti sup. Ka kawchhung na kual tup tup chu ka thunun theih loh hlau zetin ka nui lui hak a.

"Engvangin? Mawh? Engvangin nge ka dikna ka hai lan theihna awm chhun video kha lo tih chhiat tir nge i nih? Jail ah min khung vang a ka thinrim in i unaunu ka tih mualpho i hlauh vang bawk ani em?" ka tih chhuak leh tawn tawn a. Ka na lutuk chu lan chhuah tir a, a hma ah hian ka țah chhuah mai ka hlau tawh tak zet! Ka dikna aiin Faith mualpho theihna tur a la thup bo pui țang ţang na hian min tina tlawk tlawk!

"Sawi tur i neilo tiraw? Ka dikna aia dawt a min puhtu a mualpho loh nan a fiahna thaibo sak duhtu mihring nen hian engthil mah sawi dun tur kan nei tawh lo!" ti sep in a kut chu ka phih leh nghek, rum chhuak hawk a min man beh chawt chuan hawi chhuak vah in huatna te nen ka melh chho ngawt ngawt a. Ka mitmeng ah chuan amah huatna bak a hmu lo te pawh ani mahna, min man behna chu a thlah thawl ruai ruai a.

"Muani te nufa ka hmuh dan leh nang ka hmuh dan che hi a inang reng tawh" ti hram in Jordan-a bike pan in ka kal nghal hlawk hlawk. Jordan chuan a helmet mit zawn chiah kua ațangin a u chu a melh ve ngur a. A hnung ah ka lawn kai a, a kawngah ka kuh nghal thak chuan prof Msa chuan kut a hum tawm țawlh țawlh. Chu chu Jordan chuan a nuih suk tih hriat zetin a taksa chu a che dawt a. Pawi tihna pakhatmah ka neilo. Dawt a min puh tu a la hum țang țang duh a nia!

🐾

In ka thlen chuan ka u hna kal a lo la haw lo va, Bawihpuia'n min lo lawm tûng thung.

U Mimi'n ka chanchin min zawt sawk sawk a. Ka țhian te in ah ka riah thu ka sawi chuan "i u tal rawn call tur che a lawm, mut pawh a mu thei hleinem, vawiin ah project lian tham lutuk khawih tur a nei bawk nen.. zan khua in a tlaivar țhak a sin" tiin min zilh mawlh mawlh.

Ka khum ah Bawihpuia nen kan mu dun a, ka kham ar ar a, ka phone ah games a khel pah bawk. A sam nem thep chu khawih sakin a ri ve leh hlut țhin chu ka nuih ka nuih a.

"Anite.." min ti chamchi reng reuh a. Ngainat loh pawh a theih hlawl țhin loh.

Ka hringnun chu ka chhui let rauh rauh a. Pathian pawh hian thlei bik a nei ni ten ka ngai rum rum tawh. Ka chungah thil țha a thlen tir anih pawn rei a daih ngai lova, hetiang teh hrep a min en hrang tur bik si chuan ngahnge min pian chhuah tir ve reng reng le?

"Anite, tample run hi a tang tlat a nia" Bawihpuia'n ti nui nui a min bawh that that chuan meng chhuak in ka nui lui a. Tap a open țeuh chu closed sakin ka pe leh a.

"A țha tawh maw?"

"Yeap, khel leh rawh le" ka ti a. Hlim zetin min kham leh thek a, ka rilru chu ano kual vel vek hian ka hre ta ber.

Bawihpuia games khel chu ka melh veng veng a. A nui leh hak hak țhinte ah chuan keimah ka inhmu nimai hian ka hria.

"Bawihpui, nanghi chu anitei ang hian rawn vanduai ve miah suh aw. Pathian in a thlei bik zing ah i tel ve loh hram ka beisei, thlei bik a țan chu maw.... hlim chhungte hi an rei lo țhin a nia.." ka rilru chuan ka vahpa chu ka be mial mial a.

"Anite.."

"Umm" rang lutuk in ka biang chu ka tuai nghal thuak mai.

"I ţap a mi?" ti leh in min melh kiau a.

"No.." lu ka thing a, ka nui lui hak bawk.

"Aih, i țap a lawm. Mahse, Anite ţap duh tawh miah suh, zan ah pawh Apa nen kan țawngțai sak țhin che a lawm" a rawn tih zet chuan inthunun hman lo lekin ka ţap chhuak hawk. Mahse, rang lutuk a inseh ruhin Bawihpuia chu ka awm ah ka kuah bet a. Țah chhuak in min rawn hnawh up up mai.

"Min țawngțai sak țhin maw?" ti țiau in a chhip chu ka hmui in ka nawr ngawt ngawt.

"Aw, apa pawn anitei tan kan ţawngțai zel chuan anitei kha zan ah a kal chhuak tawh lo a nga te a tia.. anite, apa nen zan ah i chhuah tawh loh nan kan țawngțai ziah zel a, i chhuak tawh lo ang tiraw?" Bawihpuia thil sawi mal tin chuan min deng dawt dawt!

"Bawihpui" mahni inthunun lutuk chuan ka ti chuak hraih. Ka taksa chu a khur dawt dawt bawk.

"Keichu zan ah chhuak tawh lo la ka ti e.. ka play pui duh che pawn min len san zel a..." a tih zuai raih chuan ka țah nuih hak. Engmah sawi thei lovin ka kuah bet ngawt ngawt bawk.

🐾_____🐾______🐾_____🐾_____🐾

"Keichu Lalmate, Prof Msa hi ka khawngaih deuh tlat tawh" Kimkima chuan a rawn ti phawng. Midang ho chu kan ngawi ta țhap a.

"Ngaihtuah la, karkhat dawn chu i pehhel chung pawn a um kual ngat ngat che a. Nizan pawn zing dar 3 pelh ah ka han en khan gate pawn ah a motor a lo la inhung reng... ih, ngaidam nghal rawh ka ti miah lo. Mahse, a sawi duh te ngaihthlak sak ve la"

"Sawi tawh lo ang, ninawm" ka ti hmak.

A ngawi ve ta mai a. Assignment ka tih lai ah chiah chuan rilru pe lui in note book ah chuan ka ziak mawlh mawlh.

Men chhung chu kan inah a rawn leng țhin a, room ah ka tawm tlat zel, ka u nen an inkawm a, dar9 bawr vel ah a chhuak a. Pawn ah motor hungin zing dar3 thleng țhak țhak a ding țhin. College gate pawn ah min lo nghah reng pawn hmu lo der hmak in Jordan zawk ka zui lui zel a. A beidawng a nga, a tawp san ve mai ka rin teh lul nen, a luhlul tulh tulh zawk in ka hria.

"Keipawn a tir kha chuan ka ka ngei si... college bang gate ah a lo chang che pawn ka țawnkhum deuh nghek kha! Khami ni pawh khan pawitihna leh inchhirna a hmel ah ka hmu chiang viau. Ngaidam kher lo pawh nila, biak tal chu be ve rawh" Nuni meuh in a rawn tih leh chuan Lalkimkima'n a lo pawmpui nangang mai.

Amah nen a inbiakna neih chu ka duh em tih pawh ka la hre chuang lo.

Dar9 pelh ah ka țhiante chu an haw a. Gate pawn ah bolero dum in hung chu hmu reng mahila biak tumna ka nei lo. Ka chheh vel ah a awm tih ka hriatna erawh chuan lungphu a ti rang dup dup thung.

*La lut lo teh* kawngkharpui ah ka pen lut tawh, Jordan msg vang chuan ka ding leh dat a.

*khaw nge i awm?* tih ka thawn let a, tual lam en chuan ka hawi kual nghal ruai bawk.

* khatin hawi vual vual suh*

*i awmna sawi ve mai la🙄*

Call a rawn lut nghal zat a. Ka pick up rual chuan "gate ah lo chhuak rawh" ti sup in a dah leh nghal daih.

Rum zetin phone chu ka melh vak a. Kan inbul lawk a a u motor hi a hmu ve awm reng sia, chutia chhuak tur a min hrilh chu ngei ru zetin ka kal chhuak ta tho.

Ka che vel chu min thlir rengtu an awm tih hriat lutuk in ka lungphu a rang leh dawt dawt tawh. Gate ka hnaih tulh tulh a. Prof Msa zawkin amah hmu tur a chhuak emaw min lo tih ka hlau tak zet bawk.

A motor dinna lam melh duh miah lovin *khawnge i awm?* tih Jordan ka thawn nghal zat.

*ka u dinna piah a* hmela mai mai chu le!

Hreh deuh in Prof Msa motor chu ka kal pel a. Side glass ațang chuan motor chhung a țhu run pa chuan min melh vung vung tih ka hmu a, a motor hnung lawk ah bike ngheng a Jordan lo ding chu rum zetin ka melh nghal nghek.

"Khawnge i kal a?"

"Nula ka rim" ti sup in a nui suk.

"Lutuk a che, Kimbawihi ka hrilh mai nge aw" ka tih chiam chuan a kut chu lek chhuak vutin "i lo hrilh hlek a nge, a thikthu a chhe teh mai nia" a ti a. A nui tel leh hawk bawk.

Prof Msa motor chu melh zeuh in Jordan chu ka en leh a. " tinge hetah kher"

"Aw, i hmuh chak tawh ka ring mawle" nghal zet a lo tih chuan rum theihtawp in ka melh er ringawt.

"Lut leh tawh rawh"

"I va han over tak awww, zan dang ah chuan inchhung ah i lo lut anih loh chuan ka lo chhuak tawh miah lo ang" ti hlak a ka kal sawn tur chu ka ban rekah rawn man thut in min pawt let leh dawrh a nih chu!

"Jordan" ka ti țhat, a hmai silo chauh a min hnuh hnai hrawk pah chuan mitmeng hriatthiam har lutuk a min en in a hmui hnai ah min pawt leh hrawk.

Ka kawngah a man bet tel leh a. A chalin ka chal a rawn nawr leh chiah tih ah chuan kan bul lawk a bolero ding kawngkhar chu chhung lam ațang a rawn in nam hawng pawp in mipa rum nghut ri ka hre zawm zat.

Rang lutukin Jordan lak ațang chuan ka tal hrang nghal hlawk, ka hawi chhuah chuan prof Msa hmel rum ul ka hmachhawn nghal a.

"Lut tawh rawh le" Jordan chuan a rawn ti sup, ka lungphu dup dup chu Jordan nen kan infawh teuh lutuk vang nge Prof Msa hmuh laia khatiang a awm ka hlauh luat vang ka thliar hrang thiam lo.

"Lola, lut rawh, ka rawn be leh ang che" Jordan vekin a tih leh chuan ka bu nghat.

Nui suk chung hian prof Msa hmel dur thim khup chu a melh kher bawk.

JORDAN POV

Gate chhung ah Lola a lut fel chiah tihah ka u chuan min thah mai chak zet a rum in min melh nghal khui a.

"Zohmangaih, i khawsak phung tenawm zet hi i tawp san rang rawh"

"Chuan?" lo ti sap in amah chu nuihzat hmel pu chungin ka melh let ran. Tunah chuan Lola berin huat tak te in a haw miau tawh, Lola hi ka hrechiang, midang a haw mai mai ngailo! A huat tawhte erawh chhete mahin a ngaihven zui tawh ngailo! Thil chhia a țha an chung ah thleng mahse kan Lola ngil ngel thengthaw ah a thawk pha tawh ngailo.

"Tunah chuan thurawn ka pek hun che a nih ve tawh hmel.. Lola hi zar buai sek mahla, a thinlung i hneh mai mai tawh lovang, chuvang chuan inthiarfihlim tawh zawk rawh" ti sup in helmet ka khum țha vut.

Chak zetin ka tlan chhuak nghal fu a! Dawhthei tak a ka nghah fan fan na rah chu ka seng thei țep tawh! Lola'n ka u a huat hneh poh leh ka tan kawng a awlsam tîng.

🐾________🐾_______🐾_______🐾

Zing thawh chhuah rualin Kimbawihi ka be nghal, ka nun ațangin theh chhuah duh viau mahila hman țangkaina tur a la awm miau.

Kan inbiak zawh chuan inbual turin washroom chhung ah ka lut nghal zat, Lola jail ah a tan thu kha Kimkima'n min rawn hrilh hma in ka hre daih tawh! Khi suk in towel var lian zet chu ka veng a.

Washroom ațang kal chhuak in thuamhnaw ka inbel nghal mawlh mawlh.

Khum a ka phone chu a rawn eng pap pap a. Lola min wish back na chu chhiarin ka kiai leh suk.

Vawiin ah keimah a class kal ka hruai tur thu ka hrilh a. A dp chu ka click a, phone screen ah chiang zawk a Lola hmel lo lang chu ka thlir ta vung vung.

"Kan awm dun theihna tur a ka chet lak dan hi min dem hauh suh ang che... " ti sup in ka zoom a. Hun rei tak hnu ah ka kuah leh thei kha ka hlim a sin.

"Ka u in natna a pek ang che hi keichuan ka pe ve hauh lovang che" ti sup in phone chu ka hmet thim hmu. Helmet ka ban a, side table a walet chu kekawr ipte ah thun in room ațangin ka chhuak vut.

"Bawiha, i kal chhuak dawn mi?"

"Yeap..Mom, Lola class kal tur ka drop dawn" ka tih chuan Lola in kan in a tlawh khat zia sawiin hruai haw turin min chah mawlh mawlh bawk.

"Khawnge ka pa?"

"I u Rinchhani te nen an inbia anih kha"

Nui suk in ka pa study room pan chuan ka kal nghal zat. Room chu kal hel in ka nu leh pa mut pindan ah ka lut tlang a. Bolcony ah ka chhuak nghal vut, bolcony aţang chuan study room a thawm chu a hriat theih...

"Zarkawt lun lai tak a building ding lai nei tur khawp chuan i la thawk țha lo" ka pa in a ti nghut.

"Papui, theih tawp ka chhuah a lawm, theih tawp ka chhuah vang liau liau in Lola pawn huat tak te in Msa a haw tawh bawk.." Rinchhani aw ani hauh lo.

"Huat ringawt kha a la tawk lo! Malsawma'n a thlah vang vang theihna tur khawp thil dang thlen tir leh rawh... chutih hunah chuan zarkawt a building ding lai saw clinic turin ka pe tawh ang che" ka pa vek chuan a ti chang bul.

"Ka hrethiam e" a ti sep a.

"Kal tawh rawh, Malsawma'n engmah a hrechhuak tur a nilo! A hria anih vaih chuan engkim chan ah inngai ang che"

Study room aţang kal chhuak thawm ka hriat rual chuan ka nu leh pa te mut pindan ațang chuan rang takin ka kal chhuak ve nghal a. Study room leh common room inkar a hmeichhe kal phei mek chu nuih suk in ka helmet chu ka lek kang vut.

Faith teh hrep kha ka pa hmanrua bak anih ka ringlo sa reng ani! Ka u erawh in rin ngaihna a hre hauh lovang. A nu boral tawh nen inzawmna an la neih miau vangin farnu ang chiah in a enkawl dawn tih lah ka chiang!

index.jpg

index.jpg (49.25 KiB) Viewed 20386 times

TETAKTEI

CHAPTER 33

BY

Abbra Reo Ririni Khiangte (PitarteiSualfini) 😈

 

"Jordan" common room ah chuan ka ka ding dat, muang zet a in her letin study room ațang a ka pa leh Rinchhani lo inzui chhuak chu ka nuih nghal suk.

"Khawnge i kal chhuah dawn a?" Ka pa chuan ti nghut pahin ka helmet kuah lai chu a melh run.

"Ka kal chhuak lawk mai mai dawn"

"Naktuk hian Delhi ah chhuk thla leh ang che" a ti nghut. Ka ner sawk a. Mahse, ka chhang let lem lo.

Rinchhani chuan min mit mei zeuh a, inchhungah tawi khawmuang tawh lovin a kal chhuak nghal a.

"I nu te khan chaw ei an peih tawh em?" Ka pa bawk.

"Peih tawh ang, min ei san ru, tihtur pawimawh ka nei" ti sup a ka pen sawn tur chu a thusawi vangin ka tawp leh hrut.

"Nang pawh hian kha Lola kha ngainat dan chintawk thiam ang che"

Muangchang in ka inher let leh a, ka pa hmel rum lam mah nen chuan kan inmelh ta run.

"I rawn haw ngawt chhan pawh amah vang ani tih ka hria, he hmeichhia nen hian țhian aia thui kal tum hlek suh, țha takin Kimbawihi nen inkawp ula, inneihna tur lam kan buaipui nghal ang..." kut hum ruh țeuh in ka pa chu ka melh let run. Muangchang a lo kal phei in ka bul ah chuan a rawn ding leh dat a.

"Kimbawihi nen in innei ang, i u ang a luhlul hian awm ve hauh suh ang che, in kawppui tur a ka duhpui bak che u ka inchhungah hian mo angin an rawn lut dawn lo" a tih leh sup chuan ka insehruh țawlh țawlh a.

"Delhi i chhukna tur vawiin lam ah buaipui fel a ni ang"

Ka pa kal sawn hnu pawh chuan ka dinna ngai ah ngawi ngul in ka ding run! Naktuk a Delhi chhuk leh nghal maw? Ka chhuk nge chhuk lo chu kan en chhin ang chu!

Kimbawihi nen min inneihtir a tum ngawt chu ner pui sawk in ro fahran hian ka nu lui hawk!

Huh! A duhthusam hmeichhia chu ka u tan neih sak rawh se. Kei leh zel chuan a duhthusam ka tihpuitlin sak teuh lo!

Bike hunna bul ah chuan kut kuangkuah hlan in Rinchhani a lo ding ran tawh a, min hmuh rual chuan a lo nui sak bawk.

"Kan nghah rei a ngai tawh lo ang! I pa remruatna hi a kal fuh cho riau"

"Ka pa bulah engtin teh hrep nge Lola chanchin i sawi țhin a" ti hrawk in ka dinchilh nghal hmiah. Chiai hmel deuh hian min melh chho a. Ka u leh Lola te hi pawh țhen kan duh ve ve tih chu ka pha hauh lo! Mahse, ka u chanloh a hlauh luat vangin nilo lo in Lola chanchin chhe lam a phuah kual țeuh anih chuan a nuamsa rei teuh lo.

"I sawi awmzia ka hrelo" ka lo nui lui suk chu thawk min lak khum hap in a tawlh hnung nghal hrat.

"Țang rual kan nih kha, khatiang in plan tibuai thei zawng in rilru no zet pu hlek suh. Msa nen an inkar a hran theihna tur a nih phawt chuan engtiang pawn chet lo la mahila sawi theih i neilo. Tun ang tak hian i pa hian Lola hi a mo a tan iai lo nise i hmeichhe duh em em hi i u nen an hlim dun lai a sin i hmuh dawn... Msa nen an inkar hi tawp fel vek phawt se, i tan i pa rilru hneh leh a harsa dawn lo" ka mitah chiang zet a min en lai chuan ten lutuk in ka ner khum sawk.

"Msa nen an tawp fel a nih chuan kei nen kan innei a nga, i pa rilru zatve pawh a dam huai ang! Rilru hmin lo leh sehhel țun ai chuan kei leh i u inneihna avang a i pa rilru hahdam ta chu hneh a awlsam zawk daih ang" a ti leh hmarh hmarh.

"Ka pa hian engvang teh chai a mo a tan duh bur che nge anih ka hrethiam nek lo ve" melh nek pah chuan ka ti hluk. Ka țawng kam vang a zahna chhete pawh neilo in Rinchhani chuan min nuih let sak....

Lola aia hetiang hmeichhe fing verther lutuk a ngaina tlat pawh hi thil mak tak chu a ni!

"He lam ah i awm chhung reilote chu a țangkai zawngin hun hmang ang che, hun kan khawhral hnem tawk tawh, a tam thei ang berin Lola bulah hun hmang la, chuan... a na lai hmel hmuh hreawm i tih dawn loh chuan Msa nen kan inzui leh tawh tih nangmah ngei in hrilh bawk la ka duh... kar leh lam ah palai tirh tum ang te pawn i sawi thei ang..."

"Tih tur min hrilh ka mamawh lo ve" ner sawk in helmet ka khum vut.

"I muang sual ka hlau mawle" mit min siai sak chungin a car inhung lam min pan san a.

"Ka thusawi chu zawm mai rawh Jordan, Lola hian a țhian țha tak angin a ngai che, chu chu hman țangkai tum rawh, a hma ngai tak angin Msa hi a tan beisei awm a nih tawh loh thu hrilh uar la, a na tuar lai chu hnem in inrinchhan tir rawh, e, chuan, naktuk hian chhuanlam eng emaw siam in Mess-a nen chaw chhun kan ei chhuak thei dawn. A hmun tur ka lo hrilh ang che, Lola i lo hruai theih phei chuan a țha hlei hlei" a ti a, a car ah lut nghal zat in a tlan chhuak nghal.

Pawi tawp hleinem!

Ka u nupui tur a a duh ber hi ka u tan neihsak se la. A sawi ang deuh khan a rilru hminna zan ka u in nupui ah a neih hnu ah chuan ka pa rilru pawh a sak run tawh lovang. Sak deuh pawh nise nawr luih a harsa tawh dawn lo.

🐾__🐾__🐾____🐾

Bike chung ah chuan țhu run in u Hriatpuia te in kawngkhar rawn in nam hawng mek lam chu ka en nghal vut.

Inchhung a țang a Lola a rawn pen chhuak a, a hmelțha zet leh min dawi â vek thei khawp a zun ngah chu mit la sawn hlek lovin ka thlir nghal vung vung.

Min hmuh rual chuan a rawn nui seih a. Ani ang em em a hmeichhe duhawm leh mi hipan ngah hi ka la hmu ngailo. Kum 2 chhung zet hmeichhe dang lakah rilru pe thei map lova ka atchilh bur pawh kha a phu tak zet.

A sam sei zet, uk buang hnap mai chu hraw pui pui in a ti kawi a, a hmui phir nalh zet pawh fawh cho hmel zetin a hnawih sen tera A mitmu lian leh nalh zet a min melh kiau pah chuan a hmui fawh chakawm zet hnuai lam chu a seh sak a. Kei erawh ka ngaihtuahna ang a che chhuak lo turin ka inthunun țang țang. Kuah bet a, duhthawh tak a fawh bawrh bawrh chakawm khawp a mi hipna nghah leh zun nei a ni miau. Saw a hmui nalh zet, chhah tap si hnuai zawk lai taka zia inrin thla raih saw duh tawkin ka u in a fawh sak fo awm sia tih ka ngaihtuah rual chuan ka u huatna leh thikna in ka khat nghal vek! A kawng fek nalh zet leh mawngbawr chhing vawng lah te saw duh tawk a nawm chennan a hmang bik tur ang a ka mitthla zawng ringawt pawn ka u chu Lola taksa nalh lutuk hmu ve thei tawh hauh lova siam chakna in min luh ngut ngut bawk.

Ka awm loh hlan khan duhtawk in Lola taksa hi a lo chen a nge'm? Hrep a! Lola taksa a tawhna lai tawh phawt chu a taksa peng ațang tan chhum a, hal ral sak vek a nia ka duhni! He hmeichhe nalh lutuk hi ka chanpual chiah tur a nih hi! Lo it ve emaw, min țawmpui tum an lo awm anih chuan chumi chuan ka thikthu chhia a tawng baw har tawp lo ang!

"Ka hmai ah hian thil a kai em ni?"

Ka ngaihtuahna ațang chuan inthing harhin ka thaw chhuak hrawih.. Tun ah rih chuan a țhian țha tak ang a awm rih ka mamawh.

"Chuang rawh" ti nghut in bike chu ka stand țha vut. Lu thing mat mat chungin min rawn pan a. He hmeichhia hi ka ta anih loh chuan tumah in a pumbilh dawn hauh lo.

Ka hnung ah chuan a rawn țhu kai ve mai a, ka kawngah a ban pahnih chu rawn suih in ka darah khabe a lo nghat dat.

"Chawhnu ah class ka nei dawn lo a sin" a ti a. Glass ațang in ka en dawn tih hria ang hrim chuan mit ko a ti kang ak ak bawk.

"Chuan?" Ka ti nghut. Ner nang chung a a meng dûr ve khai chu glass ațang vek melh ngurin ka khi suk.

"I sual e mai a, duh leh Kimkima ka sawm a nga, folkland lam ah kan leng daih ang" a ti deuh hmak.

"I free hun sawi la, ka rawn hruai ang che"

"Ngai bawk lo.." a ti hlak, nui chet hluk in bike chu ka ti nung a. Ka tlan chhuak chiah tih ah ka'n ti ding leh thut mai chu ka hnungah rawn bei thlawp pahin "Zohmangaih" a ti vin nghal hlar. Kei erawh ka nui hawk hawk thung.

A chhip ah a sam chu hui chho ve pak in min melh rum ve khai khai a, thinrim a, a meng rum ve khai khai hian a lang sexy ka ti viau zel.

LOLA's POV

Traffic ah kan tan avang chuan ning zetin ka phun nui nui reng a. Jordan erawh a nuihzat hmel viau zel.

"Ka u nen in inhmu thiam lo hle ani tiraw?" Jordan chuan side glass aţang a min en pah hian a rawn ti a. Chhang lo in a kawr tlang chu ka hum nghet vak.

"Ani tiraw?"

"Jordan sawi tawh lovang" ka ti sap, a awm loh chhung in a u nen kan inkar ah thil tam tak a thleng a, ka thianghlimna ka hloh tawh bawk! A u nen kan inkawp ngheh hma khan nasa takin tawp san turin min hrilh a, a thusawk awi duh lova ka thinlung duh dan ka zawm hnu ah ngaipawimawh ka hlawh zui leh tawh silo.. engmah sawi chhuah ka chak lo tak zet!

"I theih chuan thlah hmak rawh" ti sup in a kawng ka kuahna kut chu a rawn hum hmiah. Meng kawk chungin side glass ațang in ka melh a.

Jordan chu a insehruh țeuh tih pawh ka hria.

"Lola, thlah la i tan a țha zawk.. a chhan chu ka pa hian u Rinchhani lo chu ka u nupui a tan a pawm ngai dawn lo, tukin pawn palai kal tur a ko khawm leh a, ka pa hian hman ațang tawh mo a tan hauh lawk a nei tawh a...engtin pawn ka u in dodal mahse chu a mi duh ngeilo chu kan inchhungah ka u nupui angin an luh a remti ngai dawn lo"

Na tawh miah lo tur ka ni! Mahse, ka awm chhung chu a na rawih rawih tho.

"I nat tak tak hma in engkim kha theinghilh vek rawh... ka pa in a nawrna a nasat em avang in ka u pawn ka pa thu hnial a tum tawh bik lo a nih kha" a tih leh chuan 'a lo thleng ta!' tih ka chhungril chuan min rawn hrilh a, ka mit sulh sulh!!!

Thinlung na ngut ngut chungin Jordan chu ka melh tlawk tlawk; Min lainat hmel zet a min en in ka kut chu a hum nghet nghal sauh bawk.

Prof Msa'n Rinchhani hnen a palai tirh a pawmpui tawh maw?

Ka thinphu chu a rang dawt dawt a! Tun ah hetiang boruak kan nei teh nuaih chung paw'n ka thinlungin a lo la thlah fel loh zia chu palai tirh a pawmpui tih thu ka hriat rual khan ka hrethiam chiah.

Khawvel a ka mipa duh hmasak ber leh engkim ka hlan-a chu ka ta a ni thei tawh ngai dawn lo!

Glass a Jordan mitmeng thutak zet chu kawchhung tawt up up chung hian ka melh reng ringawt! Ka best friend hian dawt min hrilh dawn lo tih ka chiang hle bawk. Pa Saia thu sawi kha ka beng ah a rawn ri nawn tluk tluk a... a hringtu pa zawk nge nge chuan a tawpah hnehna a chang ta e!

College gate bulah bike chu a ti ding a, ka chhung lam ni nghul chuan ka pum a tina ut ut hial in ka hre mai! Ka chhuk thla a, gate chhung ah luh nghal mai ka tum chu rang takin Jordan chuan ka ban rekah a rawn man leh thut!

"Lola.."

"Ka țha.. chawhnu ah chuan min len chhuahpui duh a nge'm?" Ka ti a. Ka nui lui bawk. Jordan chuan a helmet chu phelh in bike hma ah a dah a. Min ngaihtuah hmel tak chuan min han en vang vang phawt a.

"Lola, i nat ka duh vang a sawi ka nilo a nia, ka u tan pawn ka pa; kum upa tawh tak duhthusam tihpuitlin sak theih loh chu a hreawm hle dawn tih hriatthiampui bawk la" a ti sup, nui lui chungin lu ka bu nghat nghat.

Chutia Jordan nen kan lo indinchilhna bul ah chuan prof Msa motor a rawn ding thi nghal duk, darthlalang chhan ațang a hmel thim khup chu ka hmu hman thuak, ka taksa chu hnehsawh zet a che dawrh in Jordan chuan ka chal ah a rawn fawp thut a! Ka meng phawk deuh kawk bawk.

"Ka ţanpui che a nih hi... Ka u hian rawn hmuh che a tum lui anih pawn pehhel zel ang che, anih loh chuan Rinchhani nen inneihna tur kalpui reng chungin inzawmna a neipui tho ang che" zawi lutuk hian a ti sup. Ka tal aih chu min man nghet leh hrawkin "Lola, i tan vek anih hi" a ti leh hrawih!

Motor kawngkhar in nam khar bur ri vang chuan phu nghek in ka ding sawn dawrh a!

Kan lam pan a prof Msa rawn pen pawk pawk chu rapthlak ti lutuk a melh in ka tawlh hnung nghal dat dat! A hmel rum ul ah chuan thisen chhuah chakna nasa lutuk ka hmu thei! A mitmeng chu thisen ang maiin a sen khúi a. Na zet a min melh hrawk in a kut chu nghet takin a hum khur dawt dawt! Chutah, Jordan zawk chu melh vutin a pan ta hmiah mai!

"Zohmangaih, tawp san turin ka hrilh tawh che ani lawm ni" ti hrawk pah chuan Jordan shirt awm ah a țham nghal bawrh! Hnuk kang hrawkin a hmai silo chauh chuan a melh ta ngur a!

Jordan lah chuan hlaulo tih hriat lutuk in a u chu a melh let ve ran bawka. College bul a vei vak ho pawh an ding țhup.

"Ka mit tikham zawng a i awm leh anih chuan ka dahbo hreh hauh lo che tih hre rawh" ti hrawk pah chuan Jordan kawr a țhamna chu a thla vut. A mitmeng sen rûm a min melh nghal khui chungin min pan leh pawk pawk a. Ka dinna ngaiah ka lo tawm chawi chawi mai! Min thah mai hreh lo hmel pu miau hek î !!! A khabe ruh chu a insehruhna vangin a che țawlh țawlh.

"Min zui rawh" chhum hmuk a ti pah chuan ka ban rek ah a rawn hum nghal chawt!

"Thlah nghal rawh" ka kut a hum rual rual chuan Jordan'n a rawn ti vin nghal țhak bawk. Malsawmtluanga chuan a nau chu khi suk chungin a melh nghal khui a. BIKE ațang in Jordan lah a rawn chhuk ve phat bawk nen mipui chuan min rawn hnaih tuau tuau a, motor a tlan nek te pawh a ding țhup! Boruak chu a țang ta kher mai!

"Mihring vervekpa, lo inrawlh hlek suh" ti hniam ruih in hmusit hmel fe chuan Jordan chu a ner khum sawk.

"Min zui rawh" ti bung leh nghut in min phih nghal dawrh a, mai mai chuan! Ka zui dawn lo hi a ni tawp mai!

"Min thlah rawh" ka ti tuar! Min kaihsawn tum a Malsawmtluanga che hrut tawh chu a rawn inher let vut, ka bulah Jordan pawh a rawn ding chawp chilh nghal hmiah bawk.

"Malsawmtluang min thlah vat rawh" ti leh tuarin ka kut chu ka thing nghek, mi dang awm leh awm loh ka care buai peih tawh lo. Chuan, Jordan sawi kha a dik.. he mihring hi ka pehhel hram hram loh chuan nupui tur a biak lai nei reng chungin kei hi min chingphar a tawp san miah lovang.

"Min thlah rawh ka tih chu" beidawng lutuk hian ka ti a, min chuk melh run in ka kut chu a hum ngut ngut.

"Hetia min rawn tihbuai hian midang tan hmuhnawm ah min chhuah tih i hria em?... oh, chulam chu min care pui leh tawp nang tiraw?" ngeiawm lutuk in ka nuih tel hak bawk.

"Min thlah thuai rawh! Mi pasal ni mai tawh tur mipa vang hian mite ti ti a țan leh ka duh tawh miah lo a nia " kan pathum hriat tham lek chuan ka phun sap. Ka chhunglam erawh a na ngawih ngawih. A hma pawn amah vang hian mi pasal hual chhuh sak tu angin ka lar chiam tawh a! Mi te titi ber ah țangin kawh rawn ka hlawh phah tawh! Ka tuar chhan ber lah chuan a tan a ka tawrhna zozai kha ngatanmah min ngaihsak lovin nupui neiturin thutlukna a siam hmak a.

A tan ka lo tawrh ve tawhna te'n awmzia pakhatmah an nei lo lutuk khan min tina zual ngawih ngawih!

"Mi pasal" ti ve sup a hriatthiam loh hmel zet a min melh run tupa chu ka chan tlawm thlak zia haider luiin chapo hmel zet hian ka melh chho a.

"Aw.. chuan, ka lawmpui bawk a che.." ka ti a. "Nupui i nei dawn tawh ah pawh ka taksa bawk nawm chen nan hman tum a, min la vir buai sek erawh ka ten phah hle che" ka tih leh sak chuan prof Msa hmel chu a thim nghal mup.

Rang zetin Jordan a rawn che a, a u in ka kut a chelh chu a rawn phih bawrh. Malsawmtluanga hmel a hrilhaina rawn lang chuak leh 'ka ten hle che' tih thumal vang a mak min ti hmel chu ka hmu lo der hmak.

"Ka țhiannu hi rawn ti buai tawh suh. Nangmah vang in mi zawng zawng in a hnunglam ah an kawh rawn tawh a, chungthil reh fel dawn lek lek hnu ah mite kawhrawn ah bawk i țan nawn tir leh hi ka rem ti tawh ngai lovang" chang fakin min chhan zet hian Jordan chuan a ti sup. College gate ah chuan min kai lut dawr dawr a. Midang min en țhup tu te chu Kal darh vek ru a ti khum tuar bawk.

Class ah pawh chuan rilru ka pe hleithei lo, Prof Msa leh Rinchhani te chu engtikah nge an inneih ang tih ngawt ka ngaihtuah ngut ngut a, prof Msa ka tawn hma leh tawn hnu a ka nun dan te chu khaikhin in a changin tawite in ka nui leh ringawt zel. Prof Msa ka tawn hma kha chuan sualin ka nun kha tladah viau mahila; hmeichhe hlutna nei ka la ni ve! Mahse, ka nun ah a rawn lut a, ka rilru leh ngaihtuahna zawng zawng min neih sak vekin ka ta ni reng tur ah ka ngaih theih kawp in min sawngbawl a, ka engkim ka hlan ta vek bawk. Mahse, a tan a engkim ka hlan hnu ațang chiah khan keimah ai a ngaipawimawh a nei chho tial tial a. A tan a enhkim ka hlanna khan kan inkar a lo ti zau zawk daih tih chu tun hnu hian ka hrethiam ta chiah bawk!

Nileng chuan ka awm a nuam thei lova, prof Msa hian nupui nei tak tak se engtin nge ka awm ang? tih te chu ka ngaihtuah chiam chiam a; chawhnu ah Jordan nen kan chhuah dun pawn rilru mumal ka pu thei lo, theih tawp in Jordan chuan min tih hlim a tum a, a u lak ațang inthiarfihlim chu ka tan a țha ber a nih thu te, ka duh phawt chuan a hlimchhawn chhung chu Kimbawihi nen an kiang ah cheng ve tur te'n min sawm a! Eng thutlukna mah ka siam mai thei rih lo! Ka thinlung; Malsawmtluanga thlah fel harsa ti lutuk chu hua in keimah leh keimah chu ka inhaw thar ngawih ngawih.

Ka lakah a nunrawn zia te, duhtawk a hun min hmanpui hnuah min hnutchhiah țum te leh a farnu dawheh zet vang a jail-ah hian min khung thei khawp a ka lakah zahngaihna lan tir duh lo tu anihna te chu huat phahna chhan țha tak ani nameuh mai! Mahse, ka thinlung zawk hian haw em em siin a thlah fel thei mawlh silo!

"Matt hi a pang a sa that that reng a...." u Mimi țawng ri chuan ka ngaihtuahna ațangin min kai harh zawk a. Ka en nghal dawrh bawk.

"U Hriatpuia bul ah sawi tur ani em pawh ka hrelo" ti leh sep in bawnghnute in mek Bawihpuia chu a melh zeuh. Hna vangin tukțhuan ei kham khan ka u a zin daih a, zanin a cham a țul bawk. An project ah hian chief engineer anih vangin a a pawimawh em em bawk si.

"Zan tir hi han ngaichang chhin ila, a zia theih loh chuan ka u hrilh kher lo pawn hospital pan dan kan ngaihtuah dawn nia" ka ti a.

"Anite, ka in zo tawh" ti pah chuan a hmui bul a bawnghnute kai var lak chung hian min rawn pan a. Lo nuih hak hak in a no chu ka lo lak sang nghal thuai.

"I puar em?"

"Umm, Anite i bulah ka riakkhawm ang aw"

"Lutuk, i mut chhuah hunah sawi la, kan mu lut dawn nia" ka tih chuan phur zetin lu a bu a, ka țhutna sofa ah chuan a rawn lawn kai nghal thak bawk.

Lalmate, Prof Msa'n Jordan kut a thlak tih i hria em? Kimkima msg chu phawk zetin ka melh tlawk tlawk. Engvang ngawt in nge a nau chu kut a thlak a?

Ka mit tikham zawng a i awm leh anih chuan ka dahbo hreh hauh lo che tih hre rawh" ti hrawk a Jordan kawrawm a țham sak lai kha mitthla let in ka țîm sawk.

engtik khan nge?

tlai ah khan.. ughg, i haw hnu khan.. a tih chuan ka chet tlat tlat a. Prof Msa meuh in kut a thawh anih chuan a thinrim tawp khawk ah ka ngai! Mahse..

eng vang nge tih i hria em?

Aih... keichu Prof Msa hi nangmah vangin a â tawh tak tak in ka hria ka chhiar lai reng chuan typing tih a lang zat zat a....

țha deuh a biak tum rawh, a ipik hmel in i biak duh ring a a chan tlat țhin che vangin mut a kham loh hmel thei si, tlaia a thinrim hmel kha hmu ve mahla i hlau ve tho a, a mit kha a sen rum a, Sammy leh Madina khan țhelh lo hlauh pheise chuan Jordan kha a na ngawt ang...

Ka rilru chu a buai leh nuaih tawh!

Mipa puitling tawh leh nghal in an chhungkaw mualpho theihna tur pawh inveng zo lova a unaupa ngei mai a țhiante zing ah kut a thlak ngawf anih chuan chhan țha tak a awm ngei ka ring a! Mahse, eng nge a chhan tur lah chu ka ngaihtuah thiam der mai silo!

Jordan chu zawh ka tum deuh thut thut nangin nuam lo a tih ka hlau ve tho bawk si! Rilru buai zet chuan phone ka hmet eng sek ringawt!

__keichu Prof Msa hi nangmah vangin a â tawh tak tak in ka hria_ Kimkima msg chu ka chhiar nawn sek a, engtin nge keimah vang chuan a at ngawt ang! Ka chak lohna lai hre em em tu, rilru chiai leh tal buai zeuh pawh nei lo khawp a mahni hmasial thiam mipa puitling thlup kha meimah vang chuan a â lullo ang!

Zan dar 11 vel ah Bawihpui pang chu a rawn sa zual a, a damlo khat in damdawi ei hi hlauh takte a a hlauh tlat avang in damdawi ei tir lah a harsa ropui si! Whatsapp ah ka luh chuan Malsawmtluanga hmek hmuk chuan ka phone hack in ka block na a lo unblock leh tawh tih ka hmu zui zat! A msg chu chhiar pawh chhiar duh lovin ka u number ah ka lut a, tihbuai hreh viau mahila ka text ta tho.

Mam, i buai em?

Hei, paper kan khawih fel chiah, Bawihpuia mu tawh em?

ih.. a pang hi a sa deuh a, amah chu a muhi tho nangin zantir ai khan a rawn sa riau a...

Call a rawn lut nghal zat! A fapa a ngaihtuah zia ka hriatchian em vangin ka u chu ka khawngaih kher mai.

"Hello.."

" a temperature i check em?" a rawn ti nghal thawr.

38° anih thu ka hrilh chuan a rum deuh hrawih.

"U, chutiangin a ngaihtuah awm miah lo, tunah tak phei chuan amah hi a mu hil a.." ka ti zung zung a. Damdawi in ah ka hruai mai dawn mi? tih ka zawh chuan lo nghak lawk turin leh kawngkhar thawm lo ngaithla tur a min hrilh sup in phone chu a ti tawp nghal daih.

Reilote hnu ah kawngkharpui rawn inkik ri deuh dat chu ka hria a. Thawm dimte in Bawihpuia chu ka thawh san țhem țhem a. Ka room kawngkhar ka pawt hawng chiah; ka chhuah hma a ka room kawngkhar rawn nam hawn tum a ban lo lek chhuak vut tupa ka hmuh rual chuan tawlh hnung dawrh hian pawk zetin ka melh a!

"Ka lo lut ang chu..." ti thum sup in hriatthiam harzetin min melh ngur.

"Ughh, aw" ti bah nak a ka tawlh sawn chuan kiai deuh suk pah hian a rawn pen lut vut, khum a Bawihpuia muhil lam chu a pan vut a. Tshirt dum mawlmang zet leh jeans kekawr a ha tawp, Mahse, a lan dan sar vuah chuan min dîp nghal run tho! U Mimi chu mitmeng rang tawk hian ka melh a.

"Aaa.. kawngkhar a lo kik a, ka hawn sak khan damdawi khai chungin a rawn lut tawp a lawm. I u in a call thu a sawi a" ka u mai mai pawh chu!

Khum chung a ka phone chu a eng nghal pap pap. Hepa lo hi hmelhriat țha dang a nei miah lo mawnle ti rilru nauh nauh in ka let phei ve a. Prof Msa erawh chuan dimtakin Bawihpuia muhil lai chu a lo khawih kual a. A pang chu dek in Bawihpuia chu a melh vung vung bawk.

"Msa kha a lo thleng tawh em?" Ka u chuan a rawn ti thawr.

Hmelchhepa tinge hepa kher hi zanlai ah leh nghal i rawn tirh a tih khum nghek ka chak dan lah chu! Bawihpuia lak ațang mit la sawn vutin Malsawmtluanga chuan khum bul a ka ding chu min melh vut a.

"Aw" ka ti bul hmak. Ka u thaw huai chu ka haw ru kher bawk.

"Tikhan a inhuam bawk a, zanin chu a riahpui ang che u" a rawn ti ta deuh deuh. Ka mitmeng buai nghal vek chu pakhat lah chuan mit ko min ti kan khum uk a. Rum fahran a melh chungin tukverh lam ka pan san daih. Cool ruih a a nui ri suk chu a aia rum a melh țhat leh te hial a nia ka duh ni!

"Tinge a mah kher?" chang zawi zet in ka u chu ka zawt a.

"Biak mai tur ka hre silo a. Ani kha gate pawn ah a ding leh reng ang tih ka ngaihtuah chhuah rual in ka be nghal a, a lo awm lawk hlauh a, khatia puitlingin a awmpui che u kha chuan ngaih a ngam deuh a lawm..." thinrim ru țun in Prof Msa vang a ka u hahdam ru huai thusawi chu ka ngaithla ta vel mai mai.

Ka inbiak zawh chu Prof Msa zawk a rawn be leh a, dam dup leh hriat nuam tak a ka u a biak lai te chuan Bawihpuia bulah țhu kak in ka lo inhum ruh chiam chiam a, ka room chhung boruak chu uap mup in a țang leh ut tawh!

"A rawn harh hun ah damdawi kha ei leh se, a zia vat mai ang" ti sup in min melh ngur pah hian a phone chu khum bul dawhkan ah adah a, a phone cover chu rei en duh lovin ka hawi sawn nghal daih.

Room chhung a sofa inhung chu thawm nei hlek lovin khum bul ah a rawn hnuk hnai a, a palian in a awm ve hian min dip run, chutih rual chuan a chiai ve ngailo tih ka hriatna erawh in min hahdam tir a, Bawihpuia pangsa deuh vang a ka hlauthawng pawh kha engtik lai khan nge a lo reh hman ka hre miah lo..

"I duh chuan muhil la, Matt pawh ngaihtuahawm anih loh hi" ti sup in mitmeng tizîm sût chuan min melh ngur a. I thupek kha ka ngailo ve chiang e tih let er chak zek zek chung siin Bawihpuia ka venthawn vang liau liau chuan ka bu ta nghat ringawt.

Dim light chiah kan chhi a, u Mimi pawh Prof Msa lo lut khan mu daih turin a hrilh tawh a, ka u ang thovin u Mimi pawn he palian-a hi a thlamuanpui ve tho tih ka hria, ngawi reng in ka mu a, ka lungphu erawh a rang dawt dawt! Nupui nei mai tawh tur siin ngatinge kan pahnih lanna phone cover kha a la hman reng le? tih te chu ka ngaihtuah rauh ruah a, Malsawmtluanga țhu ngawi run lam ka han melh chang apiang in tawm chawi in ka hawi sawh leh nghal thuai zel.

Pindan chhung chu a thim sen ruih a. Mahse, a mit erawh keimah ah a fu ngur tih hai theih loh khawp in a mitkhur thuk deuh duk chhung a mitmeng thim ruih chu ka feel thei tlat a, a tawp ah phei chuan ka maimitchhing ta daih. Zawi lutuk a anui ri suk chu ka hre hram bawk!

Chianglo zet in ka harh a.

"Uncle, a kha ka ti miah lo.." Bawihpuia ani.

"I big boy tawh anih kha, tikhan mutthih tum leh rawh aw" ti thum dut ri ka hre leh a, thawh chhuah tum a meng mang lova ka inbeng kang chu kutphah lum thup in ka darah a rawn man hmiah. Min nawr mu leh in ka hmai bul chet ah a rawn thaw lum ham ham mai.

"Mu leh rawh, Matt pawn damdawi a ei a, a pangsa pawh a zia tawh" ti zawi sup in puan lum in min kuah țha a, ka meng thei miau lo, ka chalah hmui lum in a rawn nawr lai chu ka mang hriat ruai ruai!

__WARNING😝🔥___

(In mak! Phur huk kher su! 😆Tin, tlem a sexy telna lai chhiar ve duk duk duh reng si! Ziaktu dang post comment a mei nei deuh deuh a tlem a ziak sexy deuh te kap leh zut zut ching ang kha chuan scroll pawp ula, rilru ngilna damdawi mum uk ei bawk ang che u! 😝😝)

Show post links

Top

Ngaia

Site Admin

Post April 10th, 2020, 7:42 pm

Pindan chhung zau zet chu a eng sen dul ruih! A lum nuam in mut kawr bah pan te chiah inbel in chiar lianpui ah ka țhu tawm kak bawk, dawhkan hrawl leh hnum tle hlurh chung a glass inhung ah chuan whiskey a chanve in a awm ran bawk. Chu pindan chhung boruak ni ruih leh eng sen dul ruih chuan eng emaw ti tak hian keimah ah hnathawh a nei tel tlat; ka ngaihtuahna chu dava ruai siin ka thisen erawh a lum pap pap reng a. Chhan ka hriat siloh vangin keimah chu ka zauthau in ka sosang a ni ber! (?)

Ka thil in chuan hna thawk ţanin ka lu chu a hai riai riai bawk, pindan chhung a thil awm chu ka melh kual a, a chhung ah chuan lehkhbu chhuar hrawl zet zet ding dul in lehkhabu a inrem khat țhup! Chhuat chu carpet dup sen a inphah chhuak dap a, bang kial ah chuan leather couch dum lian pui a inhung run bawk. Tukverh a inkhar phui loh vangin thli chuan parda inzar chu inchhung ah a rawn chhem lut hlawp hlawp reng a, chu chuan chhungril khawharna nasa tak min rawn pe in mal intihna hian min rawn luh tup tup. Thaw chhuak hak in whiskey chu ka ban a, ka tlak nghal vek. Whisky chu thli chhuak leh in tu emaw chu ka suangtuah a!

Ka chhungril khawharna hnawh khat thei tu chu kha mipa hrawl leh hmel rum zet, mitmeng thip khui leh ka chhungril zawng zawng hmu tlang vek thei khawp a melhna zetpa kha a ni tih ka hriat chian tluk zetin a taksa lian leh nalh zet ka suangtuah rual deuh thaw chuan ka thisen a lum sauh ! Ka thawk a'n ran hlawp hlawp rual chuan ka awm chhunghi a sa hat hat bawk.

Lu thing nak hian chair nghenchhan chu ka tukhum in ka nawr a, celling pawh chu ligh eng sen ruih chuan a chhun sen khui a, a chhung a furniture hrawl tak tak leh hnum dum hlup te chuan ngaihtuahna tui hnai lo zet min put tir nghal zat bawk!

Ka ner sak a. ' Se* room' ti chhuak sep in dawhkan chung a whiskey no chu ka ban leh nghal zat! Ka ngaihtuahna zauthau ruai chu mak ka ti tak zet! Ka hmuiah whiskey no ka chuktuah rual chiah in eng emaw hi a rawn ri rak, chu lam chu ka melh nghal thuai a.... Prof Msa chu jeans kekawr chiah inbel in kawngkhar lianpui ah chuan a lo ding khup. Pindan chhung eng sen dul ruih vang chuan a vun chu a lang thim zual bawk.

Muangchang in pindan chhung ah chuan a rawn pen lut khup khup a, kêlawnga carpet dup a rawn rahna hnu chu a khuar duk duk a, a awm sek phiar fat leh a dul a six pack lang thla ruih te, jean kekawr ful hnelh hnawlh a a hak vanga a V shape lang deuh ruih mai te chu ka lo melh kual dan dan a. A hrawkbawk langsar zet ațang melh chho lehin hmul in a bawh deuh luk kar a a hmui hman thiam em em ah chuan ka mit chu tawp in muangchangin whisky no chu dawhkan ah ka nghat riai riai.

A rawn hnai zel a, lungphu rang dawt dawt chungin ka mit chu ka sawn chho a, kan mit a intawng siah rual chuan ka chhungril ngaihtuahna zawng zawng hmu tlang vek thei ang mai a thuk leh muk in min melh nghal run.

Dawhkan bul a lo thlen rual chuan hmahmawh lo zetin dawhkan chu a rawn kal hual a, kei erawh a taksa nalh lutuk leh mitmeng cool ruih te vang chuan aikaih ang maiin chet nachang pawh ka hre tawh lo.

A kutțang in dawhkan tlang chu a tuk ri kauh kauh a, ka thinphu rang zual sauh chu hrethei ang hrim hian pa zetin a nui nghal suk. Chair ban a ka bân nghah chu a kutphah lum thup sir

a nul chho dun dun pah chuan ka hnung ah a ding rem a.

A ban vei lam chuan dawhkan a whisky no chu rawn ban in a thawk khat nghal pawp. Dawhkan chung ah vek chuan a rawn nghat leh a.

"Sexy" ti sup in a kutphah lian zet chuan ka dar a hmer salh! Ka lo mur uai uai thung. Ka kawrbah hrui sin te mai ka darah a hui liam lai te chuan thaw dep dep chungin a kut lum thup chu ka lo nul let chei chei a. Cool ruih in prof Msa chu a nui suk, rawn kun hniam a ka nghawng leh beng hnuai rawn fawh dun dun pah chuan "ka duatte, eng nge i duh?" a rawn ti thum sup bawk.

"Ka hrelo" ka ti chhuak sep. Nui nghawr dawtin hnunglam ațang in muang ruih hian ka hnute chu a rawn zen a, a kutphah lian zet pahnih chuan a rawn țham nghal bawrh bawrh. Ka beng hnuai fawp kual ruai pah a a biang hmul a ka nghawng a nawr zat na te nen chuan thaw hakin a hming ka phun chhuah pui sep.

index.jpg

index.jpg (17.37 KiB) Viewed 20384 times

Min khawih dan ang ang chu nuam ti zetin ka lo dawh tawp a, hetiang hi a thleng dawn tlat a hriatna ka neih lawk vang ani lawm ni nichin lawk pawn ka zauthau em em!

Ka hnute duhtawk a a țham kual hnu chuan ka dul a rawn dap thla dun dun a, ka mal pahnih chu nawr kau nghal hrawkin ka kap chu a rawn hup nghal hmiah! Ka thawk chhuah kawk laiin prof Msa erawh a nui thum ruih.

"Ka rawn luh hma khan min lo ngaihtuah maw?" Ka beng bulah lo tih sup pah in ka pantie chhan ah chuan a nuai nghal nawk nawk a, ka tai bawr za nghal chuai chuai chuan ka awm chhung a ti sa nghal pup pup.

Chak deuh a nuai nawk nawk pah chuan ka beng chu a hmu in a rawn nawr leh tawk. A rum chhuak dur dur bawk. "Min suangtuah vang ringawt in i c*** hi a lo hnawm dap anih hi" a ti rum hawk. Amah vek chu lungawi hmel zet a nui leh suk in ka pantie chhungah chuan a zen lut a, duhtawk a a nuai nal tawh a kutlum thuap a a rawn khawih leh meuh chuan chak hmel lutuk in a rum chhuak hrawih! A rawn khawih kual a, kei erawh ka tawm leh chawi țhin, vawi leh khatah a kutțang hrawl zet pahnih chu a rawn kawm lut nghal pawk! Eu dawrhin ka rum chhuak hak!!

Duhtawk a a kutțang hmang a min khawih kual hnu chuan rum chhuak nghut in min pawt tho lawp! Dawhkan tlang ah chuan min nghat dawt in ka pantie chu a hlip thla nghal hrawk a.

"I suangtuahna kha a tak ram ah chan tir ang le ka Duatte" ti chhuk sup in ka pantie chu ka ke rek ațang a la chhuak in chair ah chuan a țhu hmuk, dawhkan tlang a ka țhu chu ka kap chu nawr kau leh hrawk in dawhkan tlang ve ve chu min rah tir a!

f**k!

A hma ah chuan ka engkim a lang vek! Mit tizim sun a ka kap kar huh hlap tawh a melh ngur ngur lai te chuan ka hmeichhiatna chu a za chuai chuai a, a taksa hrawl puiin ka kap kar a hnaih hrut chuan zauthau lutuk in ka lo thaw halh halh.

"Ka ta! I taksa pumpui hi ka tan an nih hi... he i ** sencor nuam zet pawh hi ka ** chiah in a l* tur anih hi" ti rum nghut in a hmai tlang hrawl zet chuan ka malinkar chu a rawn nawr tawk!

"Professor" a hming au chhuah pui țhatin a sam ah ka țham a, ka kawngah rawn chelh bet tlat in ka hmeichhiatna chu a rawn hap nghal buan buan a nih chu!

Ka thaw kawk kawk a, nawmna nasa lutuk vangin ka taksa khawi lai pawh chu a za țek chhawk chhawk! A lei thap leh khawng țhat zet a rawn hman leh lek phei chuan ka taksa chuan a dawlzo dawn lo emaw tih tur hial khawp in nawmna chuan min hnawh tup tup ...

Vanvadak a thaw chhuak kawk kawk chung chuan a lu chu ka lamah ka man bet hnai țawk țawk! Dimlo lutuk a a lo nawr kual leh nawk nawk in ka taksa danglamna a nasat lai tak chuanin vawi lehkhat ah a tawp thut a nih chu!

"No.... khawngaih takin tawp suh" ti ruai chungin a kutphah rit nulh chu ka man bet chawt!

"Bawihi?"

"Khawngih in..." zah ah pawh ka la thei tawh lo, ka la khamlo lutuk chuan min ti thinrim lek lek bawk.

"Professor khawngih in" ti pah chuan a kutphah hrawl tham zet chu ka mal inkar ah ka dah thlak sak a, a taksa lumna in min deh rual ringawt pawh chuan ka za kual uai uai.

"Bawihi, harh rawh" ka beng bulah aw thum ruih rawn phun ri te chuan ka kawchhung hmet za uai uai in ka khur dar dar mai.

"Lola, harh rawh... i inchhiarna tur thil pawi a thlen i duh loh chuan harh chhuak rawh" ti hrawih ri ka hriat rual deuh thaw chuan ka taksa chu a che dawrh a, phu chhuak nghek in ka meng nghal phawng bawk!

Lungphu ri dawt dawt chung leh rilru la mumal lo lutuk chuan min lo bawhbet run tupa chu ka melh a, a mitmeng thim khup ah chuan maktihna ka hmu chiang lutuk!

"I țha em," ka biang a rawn khuap rual chuan a nghawng ah kuah bet in ka han fawp nghal tawn tawn a. Keimah chu ka la dik lo, chuan, ka harh chhuah hma a thil thleng kha tih zawm chakna in ka taksa danglam nasa zet chuan min nawr ut ut bawk.

"Ka... ka mamawh che" ti khur dar dar a ka fawh uar sauh chuan insum tih hriat fe in Prof Msa chu a rum chhuak nghal hrawih

A nghawng a ka ban suih beh pawh phelh hrawk pah chhuan khum ah min nawr bet hrawk a, thip zet a min melh khui chuan keimah zawkin a tshirt kau ah zen lut in a dul a tihrawl inphiar sek țalh chu ka zut kual nghal ruai ringawt.

"Hrep a.. Lalhlimpui, i mumang a nih tawh lo hi" ti bung nghut in ka kut chu a phih chhuak nghal dawrh, ka nui hak a, amah mamawh hmel deuh a ka melh kual velna chuan a rilru a tibuai tih ka hria. Thawk la hulh hulh chung hian a ngawi rih vung vung a.

"Mangpui i mang a ni maw?" khi deuh suk a ti sup in hriatthiam har zetin min melh chhuk run. A hmelpa hrak leh ka melhna h** hmel zet vang a a mitmeng thim khup a chakna rawn lang chhuak chu ka hmuh ve vek a vangin a nghawngah bawk ban suih bet leh a.

Ka rilru țhenkhat chu a harhfim deuh tawh, mahse, a zat ve erawh in ka mumang a mi bak kha tih zel a la chak miau. Prof Msa chu han fawp leh ngawng ngawng in ka bawp pahnih chuan a kawngah ka kherh bet nghal hmiah. Min lo bawhbet tawh sa anih vang chuan a kekawr kap puar luah tawh chuan min do nghal run a.

A kâ chhung ah thiam ang tawk a lei ka chet kual tir chuan rum hawk hian amah pawh chuan min chhang let nghal zat. Kan duhthawh dun in kan che reng reng chu ani buan buan vek.

"Hrep a.. he khum ah chuan ni lul lo.. Matt kan ti harh mai ang" ti nghut in min pawm tho lawp.

Matt?

Ka harh deuh kawk a! Mahse, zei lutuk a min fawp ngawng ngawng a khum bul carpet dup chung ah min bawh beh leh chuan engmah ka ngaihtuah zui thei lo. A taksa lum vung vung leh rit nulh chu ka lo kherh bet chial a, a mipatna in ka kap kar a nawr salh salh lai te chuan a tan ka lo ipeih tawk tak zet! Ka kap kau tawh sa chu a rawn khawih nghal chat! Thaw hak a min fawhna ațang ka inlak hran laiin Prof Msa erawh chak hmel lutuk in a rum dur dur.

"Inchhir hlek suh ang che" ti nghutin ka pantie chu a pawt thla hrawk a, dimlo lutukin ka mutkawr pawh a hlip tel a.

"I mumang ah khan i * hi ka siam nuam a ni tiraw?" ka mal nawr kau in chung lam ah a rawn nawr tawm nghal tawk, chhan ket ngaihna pawh kha hrelo! Chuan... khatiang mumang maksak lutuk ang kha vawi khatmah ka la mang ngailo!

"Tunah hian i duh ang tawk a nuam chuan ka siam ang che" a ti leh hrawih, hmanhmawh lutuk in a kekawr zipper chu a nawr thla hrawk, a z*** lian zet chu a kekawr kawng phelh miah lovin zipper ațang chuan a phawrh chhuak hlawl bawk.

A rawn insiam rem nghal zat a, a z** khawng vek tawh a ka *** bul vel rawn nawr kual nawk nawk pah chuan ka beksam ah a rawn zen lut a. Na deuh tak a ka sam țham pah chuan min fawp teuh deuh in ka hmui bul ah a rawn thaw ham ham! Ka sam a țhamna dim lo zet chuan min chawk phur zual sauh bawk!

"I ** chhung sa nuam zet **k chak hian zan tam ka mu thei lo tih i hria em! Nang lah chuan min run luih nan mipa dang i zui kual vel a tiraw?" ti chhuak hrawk in a nui rum hawk bawk.

"Ka dim dawn hauh lo che nia bawihi, i ** hian ka ** chiah a mamawh tih ka hmuh tir ang che" ti leh sup in a z** lian zet chu dimna tel hauh lovin a rawn thun lut nghal vek! Ka țe chhuak țhawt, thuk lutuk in a taksa rihna te nen rawn nawr luh vek pah chuan ka kâ a rawn hup nghal hmiah! A luh thuk em vang chuan ip chawi chawi in carpet dup chu ka țham nghek a!

"Yeah.. khatia i tawm chawi chawi chang khan i kawchhung a sa zual sauh a! Ka z** pawh i che nuam lutuk" ka beng bualh rawn rum chhuah hrawih hrawih pah chuan min d** nghal zawt zawt......

Ka lubul ah rawn inbeng khalh in hneh lutuk hian a taksa hrawlpui chuan min khuap hlun a! Ka u pindan pakhat chhuat laiah sex kan hmang mek tih chu ka u pawn rin ngaihna a hre bik hauh lovang!

Ka ban ah phih dawrh a, min pawm kan leh lawp chuan ka rak țhat a, bang ah min nawr bet hrawk a min * leh zawt zawt pah chuan ka hnute a a fawp ngawr ngawr! A duhthawh in sakeibaknei sa seh lai ang mai hian a rum dur dur a! A tlak ve meuh chuan a nghawng ah ka bei thlawp!

Ka taksa chhung ah chuan a b** tam lutuk a rawn lut puat puat a, lungawi tih hriat lutuk a rum hulh hulh in ka dar leh a rem lai lai chu a fawp kual dun dun a, a pet a, a seh bawk! Che leh tur ka awm tawh lo!

"Bawihi, intiharh rawh, a bul kan țan chauh a lawm" ti sup in ka beng a rawn fawp thawi thuak, zo lutuk a min chet sawn pui vutin sofa chu khum ațang hla thei ang ber ah a hnuk tawlh hrawk a. Rum chhuak nghut nghut in sofa ah chuan min nghat thla dawt! Ka taksa zawi zet mai chu a duh ang tawk l** rem tur chu a siam rem sauh sauh a. Sofa ah chuan ka lu nam betin ka dulah a ban hrawl zet lo rawlh lutin ka mawng chu a chawi kang dawrh.

"f**k!" a ti chhuak hluk! A kut lum thup chuan ka malkar chu a rawn nuai leh nawk nawk a. Sofa ban chu chelh in ka hmai chuan sofa chu ka nawr ngawt ngawt!

"I ** l** nuam zet leh i taksa pumpui hi ka ta ani tih i hria em? I ch** sa hiam chhung ah hian ka **g chiah a lut thei" țawngkam bawlhhlawh leh phawkphawhraw zet zet a min ţawngkhum pah chuan ka hnute rawn hrawm tel nawk nawk a, ka mal chu pawt zau hrawkin dimlo lutuk hian a mipatna lian leh hrawl zet chu a rawn thun nghal pawp! Ka kawchhung za tlang uai vang chuan ka er nghal zawk! Na zet zet hian min rawn d* chun zawm nghal zawt zawt a! Ka hnute fawn hlawp hlawp chu rawn hrawm telh bawrh bawrhin a awm bawrh tihrawl sek phiar fat chuan ka hnung a rawn si chet!

A duhtawk meuh chuan ka taksa chu a khur zawih zawih a, zawi lutuk a ka bawk phek chu min rawn bawh bet in ka beng bulah a rawn phun sup sup a. Ka lungphu ri dawt dawt vangin a sawi zawng zawng hrevek thei lo mahila, min hmangaihthu leh a thisen sosang lutuk, țawngkam phawkphawhraw zetin ka ** in a siam nawm thu a sawi chu ka hre vuat vuat!

Ka taksa chu na lo lai reng a awm lo! Kan inlen hleih in min dimlo bawk a, ka kap kar chu a thip hlur a, a sa hut hut bawk!

"I duhkhawp i hmu em?" Ka hmai bul chet ah lo awm in mit ti zim sun in min melh ngur. Chil ka lem dawk a! Chimawm lutuk hian Malsawmtluanga chuan a thil lian zet chu a rawn nawr lut leh vek anih chu!

Ka khek țhat chu rum hawk a min nuih a phawi chhuak a! Ka thaw nghal hawk! Zo lutuk a min pawt lawp in a taksa ah min kuah bet hlu hlu a, A tshirt hak lai chu a huh dup. A lungphu dup dup chuan min nghawr che dut dut a, a kâ a thaw chhuak hulh hulh pah chuan khum lam ah min let phei pui a.

Ka mumang mak lutuk vang a ka ngaihtuahna kal sual lutuk kha a reh riai riai a, zahna in min tuam hlup hlup bawk.

"Good" a ti sup. Ka che hlek chu min kuahna a thlah thawl vut a, ka taksa ruak ngal ngat ka hup bet nghal chawi chu lungawi loh hmel zetin min melh nghal khui bawk.

"Ka... min kal san rawh"

"Lalhlimpui, kha thu kha min sawi khum tawh suh" a ti chang bul. Ner nak a ka melh nghal hrep chuan ka hnung chu a melh nghal thuak. Keipawn Matt a muhil tih hrechhuak thuai in ka thaw ta hak.

Bawihpuia silo thei ber in khum sir ah chuan ka mu khawng reng, saruak ngal ngat a ka mu chu Malsawmtluang ren run chuan min pan vut a. Ka mal a rawn nawr kau leh chuan lo chip tlat in rum deuh hian ka melh hrep a. Ani erawh a khi suk.

"Huaibak a hun lo. Ka ti fai ang che" ti sup in wet wipes chu alek kang nghal vut.

"Keiman ka ti ve thei reng"

"A mak e aw.. Bawihi, min hnial reng suh, Mimi emaw, Matt emaw hi harse i duh em?" bung nghut a tiin min melh khui a, ka ngei lutuk leh keimah ka inhaw lutuk bawk si nen inhum ruh țeuh in ka melh rawm rawm.

Dimdawi zetin ka mal a nawr kau a, min hrufai vek! A thil hman hnu paih tur a akalsawn hma chuan puan lum in ka taksa chu a rawn khuh a, dimte in ka chal ah a fawp tel bawk.

Hetia Prof Msa lakah ka tlawm mai avang hian ka thinrim tak zet! Kha ka mumang maksak zet vang khan ka inthunzo lova, tihian, ka mipa huat em em lakah ka tlawm phah bawk.

"Lola, hmeichhe buan chak lo tak i ni tawh! Nangmah tina a, rinna nei miah lo tu che lakah i tlawm leh tawh" ti sap in puan chu ka hum ngawt ngawt. Awlsam tak a Prof Msa hnen ah ka thinghlimna ka hlan chhan kha chu ka ta chiah anih tur thu a sawi vang leh ka dam chhung a ka bulah awm reng tur a ka ngaih vang ani a! Mahse, kha ka ngaihtuahna kha a lo atthlak tak zet!

Hmanrua a paih zo lo let leh chuan min pan ding nghal vut. Tunah chuan min hmusit ngawih ngawih mahse sawi theih ka nei tawh lo! Jordan'n Rinchhani nen an inzui leh tawh tih min hrilh hnu lawk ah min mutpui leh thei a... chu pawh ka u inchhung ah leh nghal.

👇🔥👇👇👇👇🔥🔥🔥🍒🍒🍒👇👇

Khum bul a rawn thlen rual chuan eng emaw ri nghawr dur dur vangin a ding chut. Chutah che vutin Matt lu bul a ka phone eng pap pap chu a la kang ta vut mai le!

Phone engin a hmel a chhun eng ruih vangin prof Msa hmel rum nghal sauh leh mitmeng thim nghal khup chu ka hmu zawm zat bawk! A hmai bul chet ah phone dah ngur si chuan țihbaiawm zet a min rawn melh ngurin a khi suk anih chu!

Tu lo call nge ka hre hauh lo! Mahse, thinurna vanga Malsawmtluang a hmel dur kual tup tup vang chuan thawk ka lo ip ngar ngar!

Kelvin a ni thei mai ngem?

Aw Lalpa...

Engti kawng mahin thil țha a thleng dawn lo! Tun ah.. Tun lawk khan ani nen s** kan hman zawh chiah hnu ah Kelvin call hi a chhang anih chuan Malsawmtluanga hi a sual thiam dawn turu lutuk! Kha mihring nen khan kan inzui ngei tih ka pha lo! Ka taksa a it hle bawk! Mahse, vawi khatmah ka taksa a khawih thei ngailo! Tun ang hun ah hian a lo call anih chuan a rui tihna! Țawngkam tuitang lo zet zet a min biak a hrat bawk! Chung țawngkam hu*herh zet chu Malsawmtluanga hian a hre ve leh lek a nih phei chuan!! (?)

Prof Msa chuan ka ngaihtuahna leh ka hlauthawng lutuk chu hrethei ang hrim hian thip rum a min melh ngur chung hian ka phone chu a chhang ta sak bawk!

Ka thawk chu a tawp chawt maiin ka hria!

"Ka hmeichhia hi rawn be tawh suh" a ti nghal hrawk. Thawk ip ngar ngar hian ka lo tawm chawi a!!! Reilote chhung phone ngaithla a a ngawih ngul lai te chuan Kelvin chuan eng nge a rawn sawi ang tih ngaihtuahin ka rilru chu a nuai nuaih!

Prof Msa'n ner sawk a min melh leh hrawk chuan puan chu ka hum nghet vak.

"Tunge ka nih maw?" a ti sup, a hmelah chapona leh theih intihna ka hmu chiah chu ka khawng mai dawn in ka hria! Ka... kan khawsak zawh chiah dan kha sawi chhuah chak hmel a pu tlat hian ka hmu a! Chuthil chu a hmel pawisak neilohna a khat lan dan ațang chuan a ti hreh hauh lovang tih ka chiang tak zet bawk!

Chapo zet a hawi sang vuh a min chhuk melh ngur chung chuan "I rawn biak tum hmeichhe chhung a thunei tu ber hi ka ni e!" a ti ta siah reng! Rapthlak ti zet hian ka melh kawk a! Ramhuaipa chuan min khik khum suk duh lek leh nghal!

Phone ami hnen ah chu rum ul in kei chu vawi khatmah min be tawh lo turin a ti leh hrawk.

A mitmeng sen rum a min melh ngur ngur chungin ka phone chu a ngaiah bawk a dah thla leh a! A mitmeng rapawm zet vang chuan ka lungphu hi hlauthawnna vangin a phu dup dup! A taksa hrawl zet che vut ka hmuh rual deuh thaw chuan ka taksa chu a sa pup pup, khum ațang thawh chhuah a, tlan chhiat daih mai tum in ka che nghal phat!

Malsawmtluanga hmel chu thinrim ațangin chopo zet a nui hmel in a thlak ani ber! Min hnaihchilh buan buan in ka dar tawn tawn ah a rawn man hrawk anih chu! Min phih kang dawrh bawk!

"Lalhlimpui, ani teh hrep khan a ** tawh che em?" ti chhuak hrawk in ka hmai bul chet ah min melh ngur! A thusawi vang chuan rapthlak ti zet hian ka melh kawk a! Chu chuan a tih thinrim zual hmel kher mai!

"Min han hrilh teh, rui chung a i zui kual pa teh hrep khan i taksa hi a khawih ve tawh em?" ti leh hrawkin pawisak pakhat mah neilo tih hriat zet hian ka puan sin chu a pawt hlip nghal hrawk! A nghawng leh chal ah thisen zam a pawng chhuak ţawlh ţawlh a, dimlo zet a ka hnute a rawn țham chuan na ka ti lutuk chu ka maimitchhing sawk!

"Sawi rawh, eng vang teh chaiin nge zanlai tawh ah a rawn biak che.. tun ang ah a lo biak che khan kal chhuak in i in *** tir țhin em ni?" thinrim lutuk a min rum khum dur dur chungin ka hnute chu a theih patawpa na hian a rawn hrawm nawk nawk! Rapawm ti zet a ka melhna chu min khik khum suk in ka malpui ah a rawn man lawp a, kuai kau leh hrawkin a karah chuan a rawn insiam rem nghal zat!!

"Tenawmpa, kal bo rawh" ka hnute na lutuk chuan ka aw a ti tham vek.

"Huh? Ka kal bo ang maw? He taksa hi tu nen mah a ințawm ka tum hauh lo tih hrerawh! Min lo țawm tum ve an awm anih chuan..."

"Aw! Nang nen hian eng inzawmna mah kan nei tawh lo" vawi leh khatah ka malh pahnih chu ka awm ah a rawn nawr tawm hrawk vangin ka thawk a tawp chawt! Ka thusawi vang chuan a thinur zual tih hriat lutuk in ka malh chu a rawn bawh tel run a, ka hmai bul chet ah rapawm lutuk hian a rawn khi suk.

"Sawi nawn leh teh" a ti khur dur dur.

"Nang nen hian inzawmna kan nei tawh lo! Tunge ka mupui a, tu nge ka kawp tih ah chuan lo buai ve tawh lo mai teh" saruak ngal ngat a ka awm: ka bawp pahnih ka awm lamah nawr tawm a, min bawk beh run vang a thawk pawh thaw hlei thei lo chung a ka au khum țalh ţalh chu min ben chawrh tum in a kut phah hrawl zet chu min lek khum vut a nih chu!

Ka hlau lutuk chu ka kut pahnih in hmai ka hup a, ka tawm chawi bawk! Min ben loh reng ka ring tawh lo! A hmel dur thim khup ah khan a thinrim turu zia ka hmu chiang bawk em a tin ni!

Mahse, engmah a thlenglo! Lungphu ri dawt dawt a, ka hmai hupna kut pahnih kau va ka hawi chhuak dek dek chu ka țîm sawk! Ka hmai silo chauh in Malsawmtluanga chuan min lo bih ngur! Ka thusawi vanga a thaza lutuk leh kut min thlak mailo tur a a insum hmel chu a rapawm tak ani ringawt!

Engmah a sawi zawm thei biklo! Mahse, a mitmeng dur khup leh thisen ang mai a sen rûm ah chuan a sawi chhuah ngai hauh lovin min khawsak khum a chak dan zawng zawng chu ka hmu vek! Keipawh a hmel țíhbaiawm zet vang chuan ka kâ a chíh ve tlat tho! A bek zawn a pawng ţawlh țawlh a, a thaw ri hrawih hrawih chu sakeibaknei hliampui tuar inhrosa nen danglamna pakhatmah a awm in ka ring lo!

"I taksa hi lo khawih ve tu dang an awm anih chuan ka that ang! Hrerawh! Nang teh hrep pawh hian kei lo mipa dang khawsakpui tum hauh suh, ka hmangaih taksa ah hian mipa dang sulhnu a awm ve tih hriat a: tha na zet a dam reng ai chuan ka phum bo daih hreh lo che!" a hmel thinrimna a khat leh a aw khâ zet, khur ru dur dur bawk si vang chuan ka khawng vek!

Khum ațang chuan min phih tho lawp a, dimlo zetin sofa ah min paih kai nawlh! A duhtawk a rem in ka bawp a nawr zau leh hrawk bawk! A kekawr kawng a nawr tawm thlak lai a ka lo insaseng tur chu thinrimpui zual sauh in dimlo baksak in ka nghawng hnung lamah a rawn hmer nghek!

Rapthlak ti zet ka en chuan khi suk in khum sir lam chu thlek buk a! Thaw dep dep a ka en phei ve chuan tui lutuk a Bawihpuia muhil chu thawm siam thei lo tur a min vau beh nan hman a tum tih ka hre zawm zat! Zanin a chet duh dan zet chu mihring ani pawh in ka hrelo; Ramhuai palian pui ai pawhin a rapthlak ka ti zawk!

Ka khabe ah rawn dawm in na zet in min fawp nghal bawrh bawrh, ka tal aih aih nangin a palian lutuk, ka tal nasat leh ka thaw thei lo ani mai. Ka hmui nawr kau in a lei chuan duhtawk in ka kâ chhung chu a rawn hawl kual ngawng ngawng a! Ka u in a rin em vangin zanin hian min thlamuan turin a koh a, mahse, ani thung chuan min sual luihna hun remchang ah a hmang thung!

Nghet zet a ka ke pahnih man kawp in ka awm ah a rawn nawr tawm a, sofa ah chuan bawk nghal rawp in ka mal inkar chu a hmui leh a lei hrawl leh khawng zet chuan a rawn nawr nghal nawk nawk, kut hum ruh chung a ka tal apiang in Malsawmtluanga chuan min dimlo zual sauh!

"Khapa teh hrep khan hetiang hian a sawngbawl ve țhin che em?" ti hrawk in a kutţang hrawl zet pahnih a rawn thun nghal pawk! Tawm chawi a kê ka leng chuan rapthlak lutukin min nuih rum hawk!

"Warning ka pe tawh che, i taksa hi mipa dangin an khawih ve tih ka hriatchhuah ni la la chu nang leh i tlangval ni hnuhnung ber a ni ang" ti thum dur dur chungin a thil lian zet chu a rawn thun vek! Eu awrh a kut ka hum tawm chawt chawt chu min hrem nan ti niawm tak hian a rawn nawr thuk zual suah nia mawle!

Ka kawchhung ah chuan a khat vek a! Thawk pawh ka thaw chhuak hlei thei lo! Ka nghawng hnung ah lo vuan telin dimlo lutuk in min d** zawt zawt a, rap zet a ka melh ngawt ngawtna te chuan nuam a tih zual tir sauh ni ber hian ka hria! Duhtawk a ngah leh meuh chuan ka zawi vek! Ka thi dang lo chu mak ka ti zawk hial! Mahse, ka mittui a tla zung zung tih erawh ka hria. Ka kê a man khawm tlat chu thlah in rum hawk hawk hian min rawn bawh bet run a, mitthi nen kan danglamna pawh ka taksa kham leh na ut ut ka feel theihna chu ani mai!

Thawk la hulh hulh in a inbengkang a, ka mittui tla leh rilruna zet a ka melhna a rawn hmuh rual chuan min ner khum nghal sawk.

"Ţap hlek suh" thum zawi leh rum zet hian a ti hrawih.

Ka insut leh faih a, a thinur zual sauh nge pawh ka hre hrep lo. A z*** chu phawi chhuak in a rum hawk. Kei erawh a ri a țah chhuah hlau zetin ka kâ ka hup bet a, ka kawchhung ațang in ka ţap khur dar dar.

"Hrep a! Eng vang teh hrep a țap nge i nih" ka tukhum sam ah rawn țhamin min kuai dak awrh anih chu! Na tih vang a ka țhen sak chu min la nuih thei nia mawle!! (?)

"Ţap hlek suh Bawihi" ti sup a min fawh a tum chuan ka lo thle sawk a, prof Msa erawh a rum hawk.

"Min pawngsual!"

"No... tilo thei lovin min nawr lui zawk anih kha" chhum hmuk a tih leh ka tukhum sam a manna chu a thlah hlawk! Rang zetin ka kut pahnih in ka hmai ka hup a! Malsawmtluanga hi pawngsual ching anih hi! Mihring rapthlak leh sual tawp-khawk chu a lo nih chiah hi!

Ka hmai hupna kut rawn laksawn a tum chuan ka lo țang ve tlat a! Misual tawpkhawk-a thin in a lo tuar leh tawh bawk silo, ka ban rek ah dimlo zet a lo man pah chuan min han phiah dawrh mai a! Ka hmai bul chet ah rawn awm hnai vut in a thaw chhuak hawk.

"Ţap tawh teh suh" engmah thleng lo ang mai chuan a rawn ti dam ruih. Rapthlak ti lutuk hian ka melh a. Thinrimna leh thisen a tuihal ang hrim a a mitmeng sen dûr khûi ngei mai khan dam zetin min lo melh leh tawh anih chu!

"Min ti na thei leh insit tak a min siam thei țawngkam min hmankhum tawh suh, chuan, ka ta, ka ta liau liau chiah i ni tih hrereng bawk la, min tih thinur nan emaw, runluih nan pawn mipa dang hnaih tawh suh. Ka thil neih leh ngaihhlut reng reng humhim tur in theihtawp ka chhuah țhin tluk zetin ka duh leh awh ngawih ngawih, ka neih theih ngailoh tur lakah chuan ka nunrawng țhin viau a nia" hniam ruih a ti thum sup in a nui tel suk.

A thusawi zawng zawng kha eng a sawi tumna nge tih ngaihtuah tur pawn rilru ka seng thei tawh lo! Ka chau a! Ka taksa mai nilo rilru thlengin ka chau hluah hluah!

A kut phah lum thup a ka biang huh a rawn tuai hul lai te chuan meng pawh ka meng hlei thei tawh lo! Yeaaahh! A hma lawk ah ka... ka duhthlanna ngeiin chintawk hrelo khawp in kan khawsa tawh a! Khami vang a ka lungphu pawh a pangngai hma hauh vin dimna neilo lekin min pawngsual leh a! Ani mipa ah pawh vantlang chunglam daih a pa lian in thinrim chung a min khawihna kha nu te ve tak tan hian dawl zawh chi pawh a nilo.

Zo zet a ka taksa kang nawlh vang chuan ka phu deuh dawrh, phun chhuak hluk in a awm ah min kuah bet hlun a... engkim chu a tawp leh nghal vek!

Ka taksa kham leh na ut ut vangin ka harh hlawl. Mit ka meng rual chuan ka taksa khawi lai pawh chu na lo lai a awm lo tih hre zawm zatin dimte te hian thawk ka la a! Pindan chhung lo thim ruih chuan zawi zawi in ka chung a thil thlengte min hriat nawn tir uai uai bawk. Malsawmtluanga hmel hlauhawm zet ka mitthla ah a lo lan chuan ka țim nghal sawk! Chuta kar ah hnung lam aţang ban rit nulh in min lo man betin ka hnute chu a lo hum run anih chu mawle!

Ka lungphu a rang nghal dawt dawt a! Thaw hlawp hlawp a ka hawi kual in ka bul lawkah tui zet a Bawihpuia lo muhil ka hmuh chuan chil lem dak in ka thaw hak, min kuah hlun tu chu Malsawmtluanga anih loh reng ka ring lo!

Ka taksa chu ka dap a, thuamhnaw ka lo inbel tawh! Malsawmtluanga chu tih harh ka hlau bawk si, ka kawr chhung a a kut lah chuan min ti ţim sung sung, lak chhuah sak tum a a ban rekah ka chelh de de chuan thaw chhuak huai pah hian a rawn hup bet zual sauh. Beidawng zetin lukham chu ka nawr nghek.

"Bawihi, i harh em?" hnung lam aţang thum zet a a rawn tih sup chuan tawm chawi in mit ka chhing nghal chawt chawt.

Malsawmtluanga chu a inbengkang deuh vut tih pawh ka hria. Thawk ka ip ngar ngar a, ka harh tih a hriat rual chuan damdawi hnathawh vang a Matt-a mu nghet lutuk hi remchang ah la in min sual luih leh ka hlau tak zet.

Ka beng hnuai ah a hmui lum thupin a rawn nul a, ka lungphu chu a rik hian a ri dawt dawt, ka nghawng ah nul thla dun dun in ka nghawngah hmai phum chuan a thaw lum hawk.

"I u lo haw hunah palai ka rawn tir dawn" ka nghawng ah hmai phum reng chung chuan a rawn ti thum sup. Ka tha zam chu a phu nghek a.

"Tihluihna pawh hman ngai dawn mahse kan innei tho ang!" ti chhuak leh sup in ka hnung ah chuan a let thla leh dawt, a lamah min hnuk hnai hrawk a, ka harh tih a hria em pawh ka hrelo! Ka che ngam lova, thawm phei chu ka siam ngam lo hrim hrim, ka hnute chu țham salh in a bawp hrawl zet chuan min kherh bet zui hmiah.

"Hmangaihna hian min nunrawng ber thinlung a inlamlet tir theih laiin, tu emaw thinlungah chuan nunrawnna a pian chhuah phah thei tih i hria em?" zawi thum zet hian a ti thuk ruih. Ka tukhum chu a hmuiin a rawn nawr tawk bawk.

Reife hnuah pawh țawng lova, a thawk la ri bak hriat tur a awm tak siloh ah chuan ka tha țang țung chu ka thlah dul riai riai a. A lungphu dup dup chuan hnunglam ațangin min nghawr che in a taksa lian leh nghet țha zet chuan duhlo teh mahila ka taksa na leh kham ut ut te kha a la kiang hawk hawk thung si!

Engmah thui ngaihtuah turin rilru ka seng thei chuang lo! Puan sin chu ka nawr tawm a, tshirt min lo hak tir tih ka hre chiah! Ka tshirt chhung a a kut lian leh hrawl zet awm run lang thei turin ka tshirt chu ka pawt tawm chhova.

Malsawmtluanga kutchang hnung pilh phung leh sen chur ka hmuh rual chuan rang lutuk in ka khuh leh a, he ramhuaipa hian Jordan kha a sawisa tak zet anih ngei dawn hi!

Mahni nau te pawh kut thlak duh khawp a mihring nunrawng leh nupui tur a biak dang nei tawh tu hian palai rawn tirh te chu a sawi ngam a nia! Rapthlak zawk hian a!

Che hlek lo chuan mit ka khap fak fak a. Ka duh lo chung sual luih ka ni! Thil thlen lai bak a ka țap miah lo kha mak ka inti let ling zawk! He ramsa kawlh leh lianpui lak ațang hian eng tiang in nge ka inthiarfihlim tak ang, tih vel chu ka ngaihtuah chiam chiam a. Mahse, a chet dun dan, mipa min rawn be tu lakah țawngkam a hman duh dan zawng zawng ngaihtuah let chuan he misuaksual lutuk mai hian min tih mualpho a hreh miah in ka ring lo!

A ta chiah ka nih theih dawn phawt chuan kan lo khawsak tawh dan te kha ka mipa hnaih apiang te kiang ah insawi theih nan a hmang hmak hmak duh dawn tih lah ka chiang! Thawk ipik zet in ka thaw hak a!

*ka neih theih ngailoh tur lakah chuan ka nunrawng țhin viau a nia* a țawngkam chhuak rapawm zet kha ka beng ah hian a la cham reng! Midang ta ka nih ai chuan min thah mai pawh a hreh loh thu a sawi bawk tak kha mawle!!!

Dang ro zet in ka muhil chu ka harh hlawl! Pindan chhung a nizung lo zam lut țang ut chuan ka thinphu a ti rang dawt dawt bawk. Mahse, ka room ani tih ka hriat rual chuan thaw huai in khum bul a tui bottle chu ka ban a, ka lem nghal khawl khawlh, khum bul alarm clock ah chuan zing dar 8 a lo ri va tawh leh nghal!

Tui bottle ka dah let rual chuan ka ngaihtuahna ah Matt a rawn lang zawk a, puan sin ka theh hlih rual chuan ka taksa na lutuk vangin thawk ka ip nghal zawk. Zawi zetin khum ah chuan ka țhu let leh a. Ka taksa chu nalo lai reng a awmlo. A kham țhem țhum a, ka kap bawr chu a na zual hle bawk.

"Anite.." kawngkhar chu lo innam hawngin Matt a lo tlan lut a, ka thaw huai mai! "Bawihpui, i pang a la sa em?" ka ti a, khum ah a lo tlan lawn chu a pang ka lo dek a, a la lum thar thar.

"Uncle khan clinic ah min hruai a" phur zet a a tih laia ka room kawngkhar biang ngheng a mipa ding ngawi ngul ka hmuh rual chuan ka chhung lam hi a chau nghul.

"Clinic ah in kal maw?" nui lui chungin Bawihpuia chu ka en a. A bu lap lap mai.

"Ok, thawh ka hai sia, class pawh ka kal thei dawn lo a nih hi, vawin chu ka awm ang che aw" ka tih chuan phur fahran hian a kek rai a. A der ni miah lovin ka nui ve hak hak bawk.

"Anite i phone a ri" Bawihpuia chuan tiin ka phone chu a ban that that a, ka taksa na kual țhum vang chuan chet pawh ka che hleithei lo. Bawihpuia phone min pek chu lo lak sak a.

"Good Morning Jordan" ka tih sep chuan rum lutuk in kawngkhar a ding ngawi ngulpa chuan min melh hrawk! A ban lian zet a thisen zam lo pawng chhuak țawlh țawlh ka hmuh chuan nizan kha ka ngaihtuah let a! Rapthlak ti zet in ka melh let ve ta nghek bawk.

"Thawh i hai em ni?" a rawn ti a.

"Umm, vawin chu class ka kal dawn lo" Malsawmtluanga hmel rum ul leh pindan chhung a a lo pen lut khup khup chu ka hmu lo der hmiah.

"I damlo em ni? Zingkar a ka msg pawh min chhang miah lova" min ngaihtuah hmel zet a Jordan'n a lo tih chuan amah hmuh ka chak ngawih ngawih. Ramsa pawisak nei lo zet ang mai a min sual lui tupa lah chu khum tlangah zahna nei hauh lovin a rawn țhu ve nghal hmiah bawk si.

"Ka țha, Bawihpuia zawk hi a khua a sik a" ka ti a. Bawihpuia lah chuan Prof Msa chu nel zetin a lo bawh a.

"Matt a nuamlo maw, lo kal turin min duh em?" Nilo... a u hlat a awm tur in min duh laiin nizan pawn min riahpui tih a hrechhuak a nih chuan..

"Jordan..."

"A damdawi ei a hun tawh" Prof Msa chuan a rawn ti hmuk. Ka melh dawrh a, muk zetin min lo en let ve ngur bawk. A mitmeng thim khup ah chuan Jordan nen kan inbia chu a lawm loh zia a thup miah lo bawk.

"Jordan, Bawihpuia hi damdawi pek ka ngai a.."

"Ka lo kal ang" a tih chuan chhan tumin ka ang ziau hman! Malsawmtluanga kut hrawl zet rawn phe vut chuan phone chu min phih thlak sak nawk anih chu!

Engmah ka sawi leh hma chuan a beng bulah phone chu a lek kang vut a.

"Helam chu i rawn ngaihtuah a ngai hauh lo" bung nghut a ti chhum hmuk in phone chu a ti tawp hmuk.

Zaklo ti lutuk hian ka melh a, khi suk chungin phone chu khumah a theh thla dawp! Bawihpuia lah chuan Malsawmtluanga rilru bawlhhlawh zia hrelo lek in a malchungah a bawh that that a. Ramsa kawlh zet pa lah chuan min melh ngur in Bawihpuia hnungzang ah a ben sak dup dup.

"Nizan a ka thusawi kha i hrechiang tawk viau chuan ka hria" vin hauh silo hian a ti bung leh nghut bawk.

"Tlangval, damdawi kha au Mimi bulah a awm a, va la rawh le" ti leh sup in zo zet hian Bawihpuia chu lei ah a nghat thla a, a thusawi awi lutuk a Bawhpuia chappal bun țha sat sat mawngah chuan a ben sak leh thlup bawk.

"Uncle; nangman min ei tir leh rawh"

"Sure.."

"Au Mimi, ka damdawi kha ka lo la dawn.." ti lang lang chungin Bawihpuia chu a tlan chhuak a, pindan chhung boruak chu a țang nghal ut ani ber.

"Thlawk bo rawh" min melh vut rual chuan ka lo ti hlur. Malsawmtluanga nui suk chu a hmai ah tak ben chawrh ka chak ut ut.

"Zakthei lo lutuk.." ti leh ngat in puan chu ka phih tau sawk, lu thing nghut in a kutphah hrawl zet pahnih chu a chelh kawp thuk a.

"Mu leh rawh" ti sup in min melh ngur.

"Zahna hi i panpui ve miah lo em ni Malsawmtluang" ka ti ta thlawt! Zaklo ka ti hluah hluah ani tawp mai! Ngei zet a ka melh tlawk tlawkna chu khi suk suk in min en ngur a. Mihring nunzia hrethiam lo lek a ramhnuai a khawsa, ramsa lianpui, tla kual vel hi ka tehkhin ber tawh tak tak!

"Uncle, anitei tui kha ka in tel thei tiraw?" lo ti lang lang in Bawihpuia bawk a lo tlan lut leh a. Plastic bag var a lo khai ve ran bawk.

"Yeap, lo kal rawh le" a ban lek vutin a malpui hrawl zet pahnih inkarah Bawihpuia chu a hnuk lut a. Damdawi an inpe lai vel chu ngaihtuahna mumal pawh pu hleithei silo hian ka lo en mawl tawp.

Damdawi tui pakhat a ei rual chuan a kha deuh nge Bawihpuia chu a țap deuh par a. Malsawmtluanga hmek hmuk in "Tlangval i nih tawh kha, mipa takin le" ti sup a a en run chuan Bawihpuia pawn lem pawp in ţah a tum zui tawh biklo.

Ka harh ve hma khan ka u nen engtiangin nge an lo inbiak pawh ka hre hrep lo! Malsawmtluanga chuan kan inah chaw a ei ve a, Bawihpuia phei chuan a ngai lutuk a, uncle ti rengin a bawh that that zel a. Pakhat lah chu ka lakah a nunrawn teh lul nen Bawihpuia thung erawh zei lo deuh siin a duat ve em em roh a. Apa nen a inngheng deuh chawt anih vangin Bawihpuia pawn ka panglum aiin apa ang bawk a palian leh tha ngahzawng panglum chu a thlamuanpui tih lah phat ngaihna a awm lo.

"Karhma chhung zawng khan ka nau te țhian ho in prof Msa thinchhiat zia an sawi chamchi reng a..." u Mimi thil sawi vang chuan ka ner sawk.

"A hma zawngin hrawn a hreawm ngai der silo. Tunlai chu a hlauhawm thei tawp a.. a rawn ti reng a. Naktuk ațang chuan a mood te pawh a dang deuh tawh ang chu" a ti leh a.

"U Mim" ti hlur in dawhkan hrukna puan chuan ka tin uaih bawk. Za zetin a nui hawk hawk a.

"A diklo em ni? Zankhua in kawt ah motor a hung ruau reng a, mood țhat ngaihna awm hek lo î"

"I ninawm, sawi tawh lo teh" ti hmak in fridge ka pan san a. Ka taksa na lut erawh chetpui a harsa ngawih ngawih.

"Lawm hle zawk ta che, hetiang khawp a atchilhtu che leh i chhungkaw tan a inpumpek mipa i nei a, a la puitling em em leh nghal" Malsawmtluanga mize dik tak a hriat chian loh vang ah ngai in ka chhang let duh ta em lo.

Kei nen chuan kan inbe mumal lo. Mahse, misuaksuala chuan ka phone ah Bawihpuia games a khelh tir hmak a. Ka khum ah kan pathum chuan kan nileng a ni ringawt. Kei erawh ka taksa chau rimtawng vangin ka lo muhil leh sek țhin. Ka harh chhuah rual a Malsawmtluanga'n a malpui ah ka lu lo nghat a, min thlamuan nan ang hrim a ka dar a lo hum lum vung vungna chuan min ti thinur hlur zel!

Eirawngbawl hun hma deuh in ka u te an rawn thleng a, office ah tlang tawh lovin in a rawn pan ding a. Malsawmtluanga lo awm run a hahdampui lutuk chuan ka țah a ti chhuak tak zet! Bawihpuia'n ngai zetin a bawh chak chak a. Veranda a Malsawmtluanga ding run chuan an pafa in lawm kual vel chu hmuhnawm tih hmel zetin a a thlir vung vung bawk. Ka ngaihtuahna a thil rawn lut zawk avang chuan ka thawk chu a chham mai dawn in ka hria!

Nizan khan eng damdawi mah ka eilo! Ka lungphu rawn rang dawt dawt vang chuan ka awm dawm meuh in ka thaw hawk a, Prof Msa rawn hawi let vut chu en pawh en duh lovin inchhung ah ka tlan lut a. Damdawi ka la kawl than in ka hria!

Hmanhmawh zetin bag ka hai a, a awm lo! Nilo! Kha mihring fa kha ka pai duh reng reng lo! Ka thuamhnaw bawm chu ka hai leh sawk sawk a, ka thawk lak a rangin damdawi ka lo kawl tawh der bawk silo.

Rilru hah zet a ding in ka sam chu ka țham vang vang a! Eng tin emaw tak damdawi lei tur a kal chhuah dan dap ka mamawh!

Washroom ah tlan lut in ka thuamhnaw chu ka hlip bawrh bawrh, ka taksa duk thluah leh Malsawmtluanga sulhnu chu tih reh tum hian nawhfe phuan chuan ka innawt vak vak a! Mahse, ka taksa a fawh dukna te, ka hnute a țhamna duk awm thleh thluah te chu an reh thei chuang lo!

*lalmate, kan dineout dawn sin* Kimkima msg ka hmuh rual chuan ka ngaihtuahna a vir ta zawk.

"U, i lo thleng tawh tho si, ka țhiante hmu turin ka kal chhuak dawn nia" ka ti a. Single sofa a Malsawmtluanga țhu ngul in min melh ngurna chu ka hmu lo der hmak.

"Ummm, i rei dawn em?" ti sup in ka u chuan min melh ve run

"Zanriah ei chhuah an rawt a, ka insiam dawn nia" tih leh room pan ka rual a, a lo haw hnu lawk a kal chhuah nghal kha thil mawi anilo tih chu ka hria. Mahse, kha ramhuaipa bul hnai a awm kha ka chak hlawl lo. Ka che reng reng min thunun tum ang hrim in min melh ngur ngur a. Ka awm a ti nuam thei lo.

Ka lan dan chauh hmel lutuk hliah nan make up ka hmang uar hle! Kimkima bulah chuan damdawi min lo lei sak turin ka hrilh lawk a. Darkar 24 a la ralh loh vangin ei ila, awmzia a neih ka la ring tlat bawk!

Pindan a țang ka chhuah lai chuan Bawihpuia chanchin an lo sawi a. Ka u in thim hma in haw tur a min hrilh chuan ka bu nghat a. Inngaihtuah muk hmel zetin Malsawmtluanga thung chuan min melh ngur.

🐾

"Ei nghal rawh, tinge damdawi i tih leh tawh a...?" Hotel kawt ah Kimkima'n min lo nghak a. Damdawi chu rang zet a la in ka hmawm a, tui min pek nen chuan ka lem nghal pawp.

"Tinge aaa??"

"Lalmate, ka sawi peih rih lo, midang te hi.."

"A chhungah an awm" a ti a. "Prof Msa nen in..."

"Sawi rih lo teh" ti hlar in ka melh rum hrep. Kimkima chu a hawi tau hmawn hmawn a. Inthiamlo zetin a ban ah ka kuah a.

"Lut ang, ka rilțam tawh lutuk.."

"Lola, damdawi i ei zel tih prof Msa'n a hriatchhuah chuan a lungawilo ngawt ang" zawi deuh tak hian a ti a. Ka en chuan a lo thutak hmel ta kher mai.

"Neih a huam em em che a, keichu damdawi hi ei tawh lo la ka ti.. ih, nakinah i tan naupai leh a harsat phah vek dawn a..." a ti a. Chhang tawh lem lovin hotel chhung ah ka kai lut a. Ka rilru erawh a nuam bik lo tak zet!

Malsawmtluanga'n fa a awh zia leh nau tih tlak kawngah a ngaihdan khauh zia chu ka hrechiang tawh! Vawi khatte mah mipa dangin an bialnu te an mutpui zawh a, damdawi an hmawm tir nghal angin damdawi min pe ve ngailo a... chuan, Kimkima sawi ang khan hetia rai hlauh vang a damdawi ei nasat luat hian ka chhul lam a khawih pawi thei viau. Vanduai phei chuan nau ka pai thei tawh lo hial ang!

Mahse....

A chet dan nunrawng zet kha ngaihtuah letin khatiang mihring fa kha pai thei ka nilo tiin ka inhnem chawp mawlh mawlh a. Mahse, eng emaw... eng emaw hian min kâm run a! Zanin tlai la la hian nau pai lo tur a ka damdawi ei țhin hi mi zawng zawng te'n an hre pung dawn a hriatna hian min mawlh ta tlat!!

"Huh? I lo kal maw?" Min hmuh rualin Jordan chuan a lo ti thuai a. Nui lui var var in Kimkima nen chuan ka țhu ve a.

"Ka u a lo haw tawh a" Jordan hmel chu a chang nghal hrawk in ka hria.

"Drinks chah ve ru, eitur chah nan chuan a la hma" Sammy chuan ti lung lungin menu chu kan lam ah a lo nawr hnai a. Kimkima'n a thlang nghal zat a. Jordana kamsir leh mit ko chu a duk deuh chur a, a taksa dang ah hliam dang a nei em tih erawh ka hriatpuilo.

Eng eng emaw sawiin kan ri ta chul a. Kimkima a awm ve tawh chuan nuihna tur a tam in kan thawm a ring em em zel.

"Ka u chu i hnar thei thlawt lo a ni maw?" Jordan-a aw ri chu a kha kher mai! Ka bulah a rawn insawn a, ka en chuan ner lui sak in nep tih hmel zet hian min lo melh.

"Bawihpuia damloh vangin ka u in a ko a lawm"

Tlem chuan a hmel chu hmuh a hahdam thlak ta deuh.

"Nupui nei reng chung a, a kawp kual vel mai mai thei che ka hlauhpui che mawle" ka inhum ruh nghek ringawt!

"Naktuk zan hian palai thawh khanna pawh an kal dawn a" a ti a. Kan țhian dangte nui thler duar duar kar ah chuan Jordan chu ka melh ngawt ngawt ringawt!

"A tlangval tawpna vuiliam nan hman che a rawn tum mai mai tih hria la, lo inphal dan chintawk hria ang che" a tih leh zet chuan ka awm chhung hi silai mu a kah nghawr dawt ang chiah in a nghing dawt!

"Lola, ka thusawi kha ngaikawi suh.. U Rinchhani zawk in nizan ah ka u a riakbo tih a hria a... in inbak a rawn thlen a ring lo hrim hrim... rawn kal chilh che a tum laiin theih tawp chhuah in ka dang thei hram a sin. Mahse, a hnu leh a awm anih chuan palai meuh a tirhna hmeichhia, thikna vang a thinrim kha ka bengdai thei tawh biklo ang" a ti leh a. Sawi ve tur reng ka hrelo! Ka bing mup a, ka țhiante nui ri leh inchhaih thawm nen... a u nen kan inkarah thil thleng a awm tih hrevek tu Jordan-a mitmeng thim ruih mai chuan min ti zak thar hluah hluah ani ber!

Ka țhiante hlima, nuiri karah chuan rilru mumal pawh pu hlei thei lovin ka țhu mawl ve tawp! Eitur lo thlen hnu ah pawh ka ei hleithei lo! An zavai chuan an ri bawrh bawrh a, ka nun uluk lo luat vang a ka hreawm tihna chu tumah rengin min rawn hriatthiampui phak der silo!

"Lalmate, a tlai tawh si, i scooty hi ka lo khalh haw mai ang chu" Kimkima'n a tih chuan ngaihtuah nawn tawh lovin ka scooty chahbi chu ka pe tawp.

Dinner kan ei zo fel a, a țhen an kal chhuak hmasa a, Jordan'n min drop dawn vang in ngaihtuahna kal bing mup mup chungin ka țhu ngawi reng.

"Oopss, phone ka theinghilh" Jordan chuan ati a.

"Tah hian min lo nghak la, ka lo let leh vat ang"

"Ni mai zel e" ti hlak in ka nui lui halh, food court lam ah chuan a kal phei leh pawk pawk a.

"Eng nge min hmuh duh chhan chu ni a?" receptionis ep chiah a a sofa inhungah ka țhu fel chiah tih ah Faith-i a rawn lang hlawl.

"Maw?" ti hu hian ka melh chho dawrh, ner nakin kut a kuangkuah a.

"Min hmu duh ani lawm ni? Eng nge i sawi duh a?" Teh ngawt a! A thusawi awmzia hrethiam lo zet a ka en reng chu min nuih leh sak a. A ban tuamna chhah zet kha a lo inphelh thawl țhen tawh a! Chuan! Henu hi min hmu turin ka ko hauh lo!

"Sawi duh i neih chuan sawi vat rawh, ka hmahnawh a nia" ti leh puat in a sam chu a hui chho a!

"Ka ko lo che"

"Nichin lawk khan msg min lo thawn reng kha.." a ti a, rawn kun hniam thut in ka ban ah a rawn man chawt, min pawt deuh lawp a.

"Min lo zui rawh" a tih rual chuan min pawt tho ve nghal zat. Ngaihna hrelo zet hian hotel chung sang lam a min kai chho dawr dawrtu chu ka zui mawl ve tawp.

Hotel chungsang ber kawngkhar chu a nam hawng a, pawn ah min kaih chhuah hnu chuan ka ban a vawn chu a thlah ta chiah.

"Eng nge i sawi duh chu ni a? Msg min lo thawn vangin buai chung chungin ka rawn kal a nih hi"

"I thusawi awmzia hi ka hrelo tak zet" ti sap in amah chu chiang zet hian ka en a. A number pawh ka nei reng reng lo.

"Ok, anih chuan..." a ti a. Mahse, a phone ri vangin a tawp leh chawt, nui sakin bag a zen a. Phone phawrh chhuak in kei chu na ngei se min ti tih hriat zetin a chhang nghal zat.

"Aw, Boss.."

"I lo kal maw? ugg, Lola'n min hmuh duh tih a sawi a, hetah Hotel chungsang ah kan awm mek" ti zat zat in a hawi kual vel a. Tinge hmuh duhna ka nei ang a a insawi tlat mai le?

"I duh chuan lo chho tlang ve la.. "

Phone a dah rual chuan huatawm zet a min melh in a khi tel sak. Heta Prof Msa a ko tel ve dan ah he hmeichhia hian eng thil emaw tak ah min tal awh tir a tum tih ka ring thiam nghal mai!

"Msa pawh a lo kal mek.."

"Nih chu, biakna chhan tur ka nei silo a, ka lo zuk chhuk a nge" ti hmak a ka inher tur chiah chu Faith bawk chuan ka ban ah min pawt leh lawp anih chu!

"Kal rih suh" a ti a. A nui var var bawk. Kei erawh nizan ațang tawh mood chhe lutuk leh ipik hluah hluah reng ka nih vang chuan ka thinrim hlur tawh.

"Eng nge i hriat a?" ti hlar in ka kut chu ka phih dawrh.

"Msa hi kal san rawh" a ti a. A nui bawk.

"Kal san suh pawh tila; ani kha ngatan mah ka tilo" ti ve hmak in ka nui hak bawk.

Inher a, kawngkhar lam ka pan leh tur chu min kuai her leh lawp a. Ka dawhtheihna in a lo tlin leh tawh bawk silo!

"Faith" ti tuar in ban ka vai nghek.

"Kut min thlak ngam maw?" a rawn ti a, ka hmai ah tak a rawn beng chawrh anih chu! Reilote chhung chu ka ngaihtuahna a tawp duk a. Min benna hnu ka kutphah hnung lam a ka han tawh chuan thisen a lo chhuak a! Hrepa! He nu phiangsen hian ka thisen a chhuah anih chu!

"Ka that khawp ang che" zawi seh chilh zet a ti pah chuan pheikhawk sang nen a inkamsang ur nu sam ah chuan ka han ban a, rak tuar chungin a pai nawk, kei a lungdam zo bawk silo chuan nghet zet in a sam ah chuan ka țham a, uai kun in ka pawt ta nghek! Faith chu a keh tuar tuar, thisen min chhuah hmasa vei anih kha!

"I la duh belh em?" tih leh phar uan uan a ka kek kun chu a chhip ah ka nam nghek, hotel chung charah a thal tawp rual deuh thaw chuan tu emaw hian min kuai her lawp a! Ka hmai a ri nghal chawrh!

Chhuatah ka sawp thla hnawk a! Ka lu hai chhawlh leh tiril thleng a na ut ut vang chuan ka mittui a hnam sawk bawk! Min bengtu Kutthlak na zet leh kutphah lian lutuk ah khan hmeichhia anilo tih chu chiang tak in ka hria! Ka biang na ut ut dawm a ka hawi chhuak chiah chu ka hma ah tak thinrim tih hriat zetin Malsawmtluanga a lo ding ngur!

Ka meng deuh kawk a! Tun lawk a kut min thlak tu kha Malsawmtluanga hi maw?

"Ms" țap tiau in Faith chuan a ti a. Mak ka tih em vangin ka biang na ut ut pawh chu ka ngaihven thei tawh lo. Malsawmtluanga hian kut min thlak anih chu!

"Ms.." Faith bawk ani! Che sawn hlek lovin Malsawmtluanga chuan min chuk melh ngur!

"Lola hian msg min lo thawn a, hmu tur a ka kal kha... uggg, in inkar pawt țhentu ka nih thu min sawi khum chiam in khatianh khan a che nghal ringawt anih kha" Faith chuan a ti a. Muangchangin ka tluk sawpna aţang chuan ka ding chhuak riai riai a.

Khua a thim țan tawh vangin a hmel rum leh hlauhawm zet chu ka hmu chiang thei lo. Mahse, kut a hum khur dur dur tih erawh chiang takin ka hmu.

Prof Msa phenah ding in Faith chuan min nuih sak.

"Khanu kha beng ve rawh" a hnung a Faith ding chu kawk vah in Malsawmtluanga chu ka melh ran a. Kan thu leh hla rawn hrechiang hauh lova keimah chiah kut min thlak hi ka pawm dam bik dawn lo reng reng!

"Beng ve rawh ka tih chu" ti leh tuar pah chuan Malsawmtluanga awm ah chuan ka nam chawrh. 

Ngawi ngul a lu min thin khum nghutna chuan ka hmai ah a ben chawrh ai khan min tina zawk daih! 

Faith lo nui deuh var var ka hmuh tel leh lek phei chuan thinrim lutuk in ka sahal vek. Ka awm chhung chu tawt mup mup in ka bing chuk chuk! Hetiang a thana tawp khawk a awm hi ka duh lo! Ka birtday ni ah ka pa in kan bul lawk ah a hmei fanu pass a lawm sak lai ka thlir tlawk tlawk țum ang chiah khan thanatna in min tuam chhuak vek! Malsawmtluanga hian kut thlak ve turin ka duh tak zet!

"I beng lo ang maw... kut min thlak hmasa tu  a nih kha.. beng ve rawh Malsawmtluang" a hnung a Faith nui hmel chu en pawh en lovin lu min thin khum leh nghut a, ka puak darh vek hi ani ber!

"I beng ve dawn lo anih chuan keimah ngei hian ka that khawp ang" ti tuar a ban ka phar chhuak chu Malsawmtluanga'n min lo dang in ka ban rek ah a rawn hum hmiah. Awm hnaih rawk in a awm zawn ațang chuan ngenngawl lutuk in ka melh chho a.

"Kut thlak ve rawh... min beng hmasa tu anih hi.. kutthlak ve rawh! I thlak duh lo anih pawn keimah tal in ka thlak theih nan min man bet suh" min man bet tlatna vang a tih theih nei bawk silo. Faith min nuihsawh hmel in min tina lutuk bawk si chu ka tai chhung a na ngut ngut hial thei.

"A rilru a buai tawh tak tak a nih hi. Msg in min hmuh duh thu a lo sawi vangin ka pan a. Tihian kei a kutna che theilo kut min lo thlak chiam ringawt!"

"Dawhhehnu! Thih i duh loh chuan ngawi rawh" au tuar chungin ka tal nghek.

"Lalhlimpui duhtawk rawh" Malsawmtluanga aw thum fiak fur vang chuan ka maimitchhing sawk! Kei kut min thlak theih laiin ani chu kutthlak tumna chhet pawh a neilo. Chu thil chuan engtiang takin nge min tihnat pawh a hrethiam tawp nang!

"Hei.. a msg min lo thawn pawh" thinrim hmel takin Faith chuan a ti a. Mit ka meng tawh lo hrim hrim. Malsawmtluanga hmel ka hmuh leh chuan ka pa in kan nufa min hliamchhiah lai kha hmu zel in thanat lutuk vangin keimah leh keimah ka intina duh mai ang!

Malsawmtluanga chu a rum hrawih a! A farnu chuan engthil nge a hmuh tir tih lam ka care siselo.

"Tikhan i hrethiam tawh em? Min ko a, min biak a duh emaw tiin ka pan a.."

"A tawk Faith" Malsawmtluanga chuan a ti sup.

"A rilru kha a buai zual tawh tak zet anih kha. Rilru buai te pan țhin doctor panpui rawh"

"A tawk ka tih chu Faith" Malsawmtluanga bawk in a tih hrawk chuan ka meng phawng! Hlau zet a Faith kat hnung dawrh chu a meng phawk hra bawk!

"Mahse, Msa.."

"A tawk, i kal thei" a ti chhum leh hmuk.

"Aaa.. eerrr, hall ah ka lo zuk nghak ang che" a ti a. Prof Msa thinrim aw vin hlau viau si e tilo chuan kei chu chawh min tih hmel zet a min nuih kher in a kal sawn a.

"Ka la that khawp ang.. ka la that dawn khawp che" Prof Msa manna ațang ka tal chhuak tum chu Malsawmtluanga chuan ka darah man hrawk in min thing nawk nawk a!

"Thah ngai an awm anih chuan nang hi ka that hmasa ber ang che" thinrim tih hriat zet a rawn ti hrawih hian ka hmai bul chet  ah rum zet in min melh nghal ngur.

"Faith khan a sawi dik chiah! Nang hi rilru buai chu i lo ni tak zet anih dawn hi" ti nek a a ner sawk chuan khap pawh khap lovin ka melh ngawt ngawt.

"Engtin nge i tih theih zawk? Mawh?" a ti vin leh țhawt!

"I sawi awmzia ka hrelo" ka tih sep chuan a thinrim a belhchhah sauh ani mai!

"I hrelo maw? I hrelo tak zet maw? Sex kan hman zawh apiang a i damdawi ei chungchang kha ka sawi anih chu!" rawl thum lian lutuk a min rum khum hum hum ri a reh fel meuh chuan ka thisen zam kawi tin chu țek chhawk chhawk in ka lungphu a sa pup a!

A hre chhuak ta!

34 🍒🍁

Lu-hai tlu hlawm tawp tur ang mai hian ka khawhmuh a thim sulh sulh! Malsawmtluanga thawk la ri hrawk hrawk chuan ka lungphu sa pup pup chu nawr che dawt dawt in ka chakna engkim chu a hip kang duak nimai hian ka hria.

"Engtin nge i tih theih zawk?" mitmeng thip sen rum hian prof Msa chuan min melh chhuk rún a. Natna thuk zet vang a a hmel lang thim mup chu ka hmu thim sulh sulh. Ka sawi thiam dan ber chuan thim ipik zet in min hual phui vek ni mai hian ka hria.

"Ka nula i nih hi, nghange mihur te'n duhtawk a nuam an chen zawh hnu a an tih țhin ang a dawmdawi i lo ei ve reng reng! Hrep a! Kan hun hman dun te kha nawmchenna ang lek in i ngai zawk em ni? Sawi rawh?" a rawn tih vin tuar chuan ka hlau lutuk chu țah chiam mai ka duh tawh!

Min sawi leh nawk nawk pah chuan rilru nat hmel zet in min melh tûr khûi a. "Mawhphurna la ngam lo hmeichhia ka lo khawsak pui țhin hrep a nih chu!" ti hrawk in ka dar a vawnna chu min thlah lawp, tha reng ka nei tawh lovangin chhuat ah chuan ka tlu sawp leh hnawk a, ka hlau lutuk leh hetiang teh thut a man chhuah ka nih hian min țhawn luat avang in țawng pawh ka țawng chhuak thei tawh lo! A kut pahnih hrawl zet a a kawng dawm run in Malsawmtluanga chuan min chhuk melh tlawk tlawk a! Nasa zet zet a a insehruh țawlh țawlh hmel ah chuan thinurna, mak tihna leh natna a inlar chhawk tup tup bawk! A hriat loh a damdawi ka lo ei țhin in a tih nat zia chu sawi chhuak kher lo mahse a hmel ngui ruih si ah chuan ka hrechiang tak zet!

"Ka fa lakah mawhphurna la ngam lo tur ah min ngai em ni?" thuk zet a ti chhuak tawk in ner sawk hian a hawi sawn vut.

"Lola... nawmchhenna ang lek ah min lo hman vang a ni em?" natna a khat aw ri thuk ruih a rawn ti leh tawk tu chu melh pawh ka melh ngamlo...

Beidawng thawk ipik hmel zet hian a thaw chhuak hulh hulh a. Vanvadak in reilote chhung chu a ngawi vung vung bawk.

Thil thlen zawt zawt dan hi mak ka ti! Ka.. Kimkima damdawi min pek ka ei hnu lawk khan rai lo nan damdawi ka ei țhin tih hi phawrh chhuah ani rinna in ka khat a! Chumi hnu lawk ah ka hriat miah lovin ka phone ațang Faith-i'n ka ko na message a dawng bawk. Chuan.. ti hian... khawi ațang a ahriat nge tih pawh hriat ngaihna awm lo khawp in prof Msa'n kan inkawp chhung zawng khan pills ka ei tih a hre chhuak leh a! Thil thleng engkim hi ka tan chuan a mak tawp khawk vek! Chutih rual erawh chuan engkim hi ruahman fel sa ang vekin a thleng indawt zut tho si!!!

Rilru kalbing hmel zet a Prof Msa ding ngur chu ka han melh zauh a, pills ka ei tih a sawi chhuah rual a ka chakna in hip kang duak khan ka tha a lo ti khur nasa lutuk tih ka hre chiah bawk, ka awm che dawt dawt zawn ah chuan kut nghat in dimte in boruak ka hip lut a... ka ngaihtuahna chu a buai nuaih! Ka tha țang ulh lutuk vang chuan ka tluk sawp dan ngai ngai bak chuan ka awm dan pawh ka siam rem thei lo.

20200403_012802.jpg

20200403_012802.jpg (68.5 KiB) Viewed 23343 times

Rum chhuak hawk in prof Msa chu chhuat ah chuan a rawn țhu hniam ruai ruai a, a kutphah hrawl zet a lek chhuak ka hmuh leh phei chuan kut min thlak leh hlau lutuk in ka lo țhu tawm chawi!

Rum leh nghut in ka khabe ah a rawn dawm a, amah e thei turin min kuai dak salh bawk!

He thil ah kher chuan dik ka in ti bik hlawl lo! Damdawi ka hmawm rual apiang in ka chhungril lam hian a diklo tih min hrilh țhin a! Mahse... ka hrethiam tawh biklo! Eng thil in nge min mawlh a, min aikaih tlat a, damdawi kha ka ei tak zel chhan ka hrethiam biklo tak zet! Prof Msa'n fa a awh zia leh nau tih tlak a duh loh zia engkim hrevek si khan ka ei zel tho a! Hetiang hun lo thleng tur ka aî hrim hrim vang te pawh a ni hial zawk mahna!

" I tan hian eng nge ka nih?" ka hmai bul chet ah chuan a rawn ti sup. Ro zetin a nui lui suk bawk.

"Min han hrilh teh Lola, i tan hian tu chiah nge ka nih? Sex hmang a inzawmna i neihpui ang lek ah min lo ngai țhin em ni? Nge..." ti hluai chuan thanat hmel zet a min en in a ner sawk sawk a. " mahni thil tih ah pawh mawhphurna la ngam loh ah min lo ngai zawk?"

A aw vawt ruih vang chuan ka țah a chhuak ut ut, ka mittui rawn tla tur chu dang kir in heh ka pet fan fan a. Prof Msa pawh a kâ ațangin a rawn thaw chhuak ve ham ham tho.

"Ka fa i pai anih chuan ti tla tur a ka hrilh che i hlauh vang ani em?" ti supin ama thil sawi ngei chu atthlat tih hmel zetin a nui pui hawk "mahni fa ngei mai dahbo duh tur khawp a nunrawng ka ni biklo a sin... "

"Ka tihpalh"

Rum lutuk in min melh ngur, a bek ruh pawng țawlh țawlh leh a hrawk a thisen zam lo pawng chhuak țawlh țawlh ka hmuh chuan ka tha a khur leh ringawt tawh.

"Lola?" hnung lam ațang Jordan aw ri a lo chhuah rual deuh thaw chuan prof Msa hmel chu a rum zual sauh a. Kei erawh ka lawm ani tawp mai!

Jordan ke pen chu a rawn hnai tulh tulh a, prof Msa lah chu lullul hmel zetin ka hma ah chuan a țhu ngawi ngul a.

"Engthil nge a chungah hian i tih a?" ti vin tuarin Jordan chuan ka darah a rawn man chawt.

"Zohmangaih! Lo inrawlh ve hlek suh" a aw thum lutuk chu a ri dur dur.

"Lola chungah hian engthil phiangsen nge i tih a?" Jordan chu a thinrim hmel ve tak zet. Prof Msa chu a țhutna țang rang zet a tho chhuak vutin ka hnung a ding Jordan kawrawm ah chuan a ţham nghal bawrh anih chu.

"He thil ah hian inrawlhna i nei leh pek em?" A hmai bul chet ah Jordan chu a rum ţhaih chhur chhur, ka țhutsawp niai na ţang tho chhuak in boruak ka hip lut kawk kawk a. Nui suk a Jordan'n a u a en lai chuan awm ngaihna ka hrelo! Ka thawk an ti zim mup mup.

"Jordan.. kal ang" ka ti tham țîak a. A u nen kan buaina fak hre hauh silo a min chhan nan Malsawmtluanga zawhna kha *aw* tia a chhan vaih zawngin keini pahnih hian nasa zet a prof Msa thinurna puak darh tur kan dawlzo in ka ring lo.

Tha nei lo zetin inpawhsawm vek tum ang hrim a indinchilh te chu ka hnaih chhat a! Mahse!! Jordan thu rawn sawi vang chuan Jordan chu ka en nghal kawk!

"Lola chungchang anih tawh phawt chuan engkim ka hriatpui vek" a u melh ngur in a khik tel suk chuan ka lo ip chawi a! Ka rin ang ngei in Malsawmtluanga kuttum lian țha zet chu a thlawk phe nghal fua bawk! Lei ah chuan țhu tawm chawi in beng ka hup bet a! Ka taksa mai nilo, thisen zam thlengin a sa chhuak zawr zawr! Thlabar zetin mitui kar aţang chuan Prof Msa'n Jordan a hnek leh chawrh lai chu ka hmu phe ruai! Ka chawmawlh vek ani ber! Nizan a ta tawh rilru chiai leh thisen tlanchhia a awm tawh ka nih vang nge ka tha a rawn khur dawt dawt a! Thisen per sawk sawk ang ten ka khawhmuh chu a sen puat puat!

"Duhtawk ru" ka kut pahnih a beng hup bet chung in ka au tuar! "Duhtawk ru ka tih chu!" ti leh tuarin ka ţap chhuak hlawp hlawp! Hetiang thil thleng mak pui pui hian min ti â thei mai dawn! Malsawmtluanga chhuan Jordan a hnek leh tur chu a tawp chawt a! Min rawn en vut chu remchangah laiin Jordan chuan a au chu a hnek ve nghal chawrh anih chu! Ka ké leng nghek in ka khek tuar a! Rum hawk a Prof Msa pai nawk chu chak zet hian pan leh a tum a, engtik laiin nge ka chet chhuah hman pawh ka hrelo.

"Khawngaih takin duhtawk rawh u" țap tûng in Jordan kê ah chuan ka kuah bet rawk rawk. A tawp chut chuan thisen zam sa zawr zawr vang a thawk buai vek hian ka han en chho a.

"A tawk tawh.. a tawk tawh!" tih chu zawite te in ka sawi mawlh mawlh! A rawn țhu hniam vut a. Thil thleng engpawh hian ka thawk an ti buai a, ka awm chhung chu a tawt up up.

"Jordan..."

"Sorry" ti sup in ka biang a rawn khuap nghal hmiah. "Sorry, Lola țap tawh suh" ti sup in min pawt tho a, keimah a che sawn turin tha pawh ka nei tawh lo! Ka darah min kuah in Jordan chuan thawk a la hawk! Prof Msa thung chuan Jordan hnekna vang a a kam sir pilh sek chu a kut phah hnung a hru thuak in min melh ngur.

"Ka sawi kha hre reng rawh, Lola chungchang anih tawh phawt chuan ka inrawlh vek.. ka inrawlh zel bawk ang" Jordan chuan ti chhuam hrawkin min inher pui a. Prof Msa thinrim hmel țihbaiawm zet chu rawn che leh phutin kei leh Jordan chu min rawn thah mai ka hau tak zet!

Sai hlak hlak in ka pen a, ka tukhum chu a za mur mur, mahse, kawngkhar ah kan luh hnu thleng pawh a prof Msa chesawh thawm ka hriat tak siloh ah chuan kut tha khur dar dar in hmai ka hup a. Ka thaw chhuak hawk hawk.

"Lola..."

"Khatiang thu kha sawi kher i mamawh lo a sin" ka ti tham chhal a! Jordan chu luhlul tih hriat lutukin a ngawi ngul!

Hotel chung sang ațang step chhuk thla ah min kuah thlak lai te chuan chhuak lutuk in ka la insut hlawp hlawp! Thil thleng buaichuar lutuk leh prof Msa min inhrosak khumna te khan ka tiril thlengin a țham khur a, vuak hrep ang mai a nâ ţhumin ka chau hluah hluah.

Receptionist duty ten mak ti zet a min lo en na pawh chu ka pawisa zo tawh lo. Counter ep sofa chung ah chuan ka bag a lo awm a. A lo inhawng huau tih ka hmuh chuan chau zetin mit ka chhing sawk.

Ka bag hi Malsawmtluanga khan rawn hmu in a hai a nga, Kimkima damdawi lei ka ei bang kha hmu chhuak in khatiang khan a rawn che nghal buan buan tih a chiang ta uar bawk.

"I biang thi hi ka u kutthlakna che ani em?" Hotel kawt ah min dinpui in chik zet hian min en ngur. Lu ka thing a. Awi loh hmel zetin Jordan chu a ner sawk.

"Phone la tur a i let hlan khan Faith a lo kal a, ka ko angin a insawi a, ka number ațang msg a dawng! Mahse, chu chu ka hrie miah lo, hotel chung sang ah khan min chhoh pui a... chuan.."

"Kut a thlak che maw?" a ti a. Harsa ti zet a chil lem pah chuan ka bu nghat. Thinrimna vang a Jordan hmel dur nghal vek chu nuih lui hakin ka biang huh ka tuai hul pah thuak bawk.

"Keipawn ka kek ve tho a lawm.. min beng hmasa a"

"Hmeli chu" ti hrawk in ka ban rekah a kai a, hotel hnuai parking panin min kai thla dat dat a. Parking eng thim deuh ruih chhung a ka hmeichhe hmuh vang chuan ka alh leh phat tawh a ni ber.

Prof Msa bolero bang ngheng a dingin min nuihsawh zet hian Faith chuan keini chu min lo khik khum sak sak a. Jordan'n ka kut a hum a thlah rual chuan dan hman loh khawp a chakin Faith dinna chu a pah phei nghal buan buan mai.

"Unaupa, sawtiang rilru buai țhian a tan neih chu a hreawm viau lo maw?" a lo ti ham ham lai chu Jordan chuan din chilh hmiah in a hrawk ah a rek bawrh anih chu!

Tal awr in Faith chuan Jordan kut chu a beng nawk nawk a; Jordan hmel erawh ka hmu thei lo, thaw chham a Faith tal buai hmel erawh khawngaihna pakhat te mah ka neilo! Malsawmtluanga kutthlak ve duh loh kut a thlak vangin ka chhungril chu a lawm hial zawk!

"I kut hmawr pawn Lola hi lo khawih tawh suh ang che" ti hrawk in Faith chu a nam leng lawp! Khuh bawrh bawrh a Faith lo hawi chhuak chu ka lo nuih sak a! Rum fahran a min melh in ka hriat tham loin Jordan melh pah chuan a phun sep.

Jordan chu thazat hmel zet a lo let phei in a bike inhuna lam ah min kai nghal dat dat a. Jordan rehna a hrawk dawm chungin Faith pawn min lo la melh ve khai khai bawk.

"Ka nu thlan ah kal ang"

"Umm, lawn rawh le" hriat nuam zet a ti sup in a nui lui suk. Parking ațang chuan tlan chhuak in chak zetin thlanmual lam panin a khalh nghal a. Ka nun buai chuar ta lutuk te, ka chungah thil țha pakhatte mah a thlen ve ngailoh avang te in ka hringnun hman lai chu a fair lo ka ti a! Ka nu kiang ah kal in a bul ah min hruai ve tawh mai tur a ngen ka duh! Ka nun dan hi hremhmun a hun hman nen danglamna a awm in ka ring lo!

Thla eng kûng mai rinchhan chuan thlan lung tam tak chu kan kal pel zel a. Ka mitthla ah chuan ka nu ruang thlak ni leh rilru na zet, ţap chhuak thei bawk silo a kuang zawntu te ka zui zel lai kha a lo lang uai uai bawk!

Ka nu thlan lung ka hmuh rual chuan ka thinlung na leh ipik zet chu a rawn puak darh a! Rawl chhuah meuh a țap chhuak in Jordan pawh zah zo lo hian thlan lung hma ah chuan ka țhingțhi hnawk a!

"Nu, he hmun ah hian ka awm duh tawh lo, min lo hruai tawh mai rawh" thlan lung ka chal a nawrin ka țap hlawp hlawp!

"ka nun a thil thleng tam tak te hi engtiang a chinfel tur nge pawh ka hrelo! Nu, tinge hetiang teh thlawt a nun buai chuar hi ka neih bik... Nikhat lek tal ka bulah awm in ka harsatna te hi min ngaihthlak sak thei lo mi? i bulah engkim sawi thawl a, chinfel dan tur min hrilh turin ka duh che... chumi chu i ti thei lo anih chuan i bul ah min hruai tawh mai rawh, i fanu hian a mamawh tak zet che sin.."

"Lola" tisup a Jordan'n ka darah ah a lo kuah chuan hrawk chhung na ngut ngut chungin mittui kar ațangin ka en a.

"Jordan.. zanin chauh tal chu ka nu hi ka kiang ah awm turin min ngen pui rawh... chu chu a ti theilo anih chuan a bulah min hruai ve tawh mai rawh se..." thinlung ipik zet chungin ka țah khum a, ka thawl thei bawk silo, a kawrawm ah pawt in ka nu thlan chungah chuan thaw ipik lutuk hian ké ka leng nghek nghek!

Vawi khat lek tal 'Mambawih' a ti ri kha hriat leh ka chak a, khawi lai ațang khan nge ka nun kawng zawh mek hi a dik loh țan tih min hrilh a! Mi nu te'n an fate nun dan mawi an zirtir ang a min zirtir ve tur in ka mamawh! Ka mamawh ngawih ngawih!

🐾

Jordan hnung ah chuan ka bei a, ral lehlam a tlang ding hlim duk chu en in ka thaw hle hle a. Ka rilru ah chuan thil tam tak a lo lut zut zut a.

Engtin nge ka thawn ni miah silo in Faith khan ka number ațangin message a dawn theih le? Chuan, Malsawmtluanga khan engti tih a sofa chung a ka bag kal san kha hai ngawt nge a nih?

Ka rilru ipik lutuk chu duhthawh zetin ka han thaw chhuak hawk a! Thil thleng engkim kha plan lawk fel thlap a ang ka tih rualin prof Msa'n ka biang ah min benna kha.... tawm chawi in ka țang leh nghal vek! Nie, Malsawmtluanga khan kut min thlak, khathil kha plan lawksa ani ve tho a ngem?

"Lola" ti sup ri ah chuan ka phu dawrh! Jordan phun hluk ka hriat leh chuan rang lutuk in ka hawi kual thuak a, ka u in kawmchhak ah kan lo ding reng tawh.

"Ka lawm lutuk aw" ti sep in bike ațang chuan ka chhuk a. A helmet la thla in Jordan pawh chuan min ngaihtuah hmel zetin min melh a.

"I țha tawh tak zet em?" a ti sup. Ka bu nghat a. Khatiang khan ngatinge prof Msa kha a chhan let kher tih zawh ka duh a; Mahse, ka best friend ani a, chhan ngai țula min hmuh vang a insum hnan lek lova a u kha chhang let sak ani ang tiin ka inhrilh chawp a.

"Luhpui i ngai em?"

"Aih.." ka nui lui halh bawk.

"Ok, lut tawh rawh le, min mamawhna i neih chuan min call hreh lo la" ti sup in duat zet hian ka sam a rawn chul a. Ngawi rengin gate chhung ah chuan ka lut a, kawngkharpui hma ah ka din hnu ah chiah Jordan chuan bike a ti nung a. Min ngaihtuah tih hriat tak a min melh vung vung tupa chu ban ka han vai leh zauh.

Vei nuih suk in amah pawh chuan a kutțang pahnih a chal zawn ah a vai thuak.

Inchhung ka luh chiah a ka mi hmuh te vang chuan ka meng phawk deuh kawk a! Mahse, insiam țha thuai in u Biakpui leh a cousin KŢP leader min lo nuih tu te chu ka nuih let ve a.

"Anite, i lo haw tawh maw, au Biakpui leh apa Zomuana'n ka damlo min lo kan a" intifel zet in Bawihpuia chuan a lo ti tûng.

Ka țap nasa in Malsawmtluanga min benna ka biang ding lam la na ut ut vang chuan ka hmel chu hmuh a nuam lo hle ang tih ka hria.

"In va fel ve, thingpui in in tawh em?" Ka tia. U Zomuana zawk chuan an in tawh thu leh haw an lo tum vel mek tih min hrilh a.

"Lo awm ru, ka va inthlak lawk a nge" ka ti ve luam. Room ah ka luh rual chuan kawngkhar ngheng in ka thaw ham ham a. Awmhmun thuamhnaw ka inbel a; kan in a ka room angin bathroom attatch anih silo a, towel nen kal chhuak in washroom ka pan leh a, Bawihpuia chuan u Biakpuite unau lo leng chu nuam a ti ngang mai.

Ka hmai huh hliam hru pah chuan darthlalang ah ka biang chu ka en a. Faith khan kuttin vuah chawp a hman vang anih ka ring, ka biang vei lam chu tawite in a inrin raih a, thisen erawh a chhuak tawh lo. Malsawmtluanga min ben na erawh a na chhah mup mup. Kut min thlak chawrh zawh rual a hmel rapawm zet ka hmuh let uai chuan ka ip chawi a!

Ka dinna ngaiah chuan rilru tawt zetin ka ding reng a; thil chi hrang hrang ka ngaihtuah bawk, ka biang ah chuan hriat loh karin mittui a rawn luang thla ngiai ngiai a. Thinlungin duh leh thlakhleh a neih hi a hreawm tak zet! Tunah chuan Prof Msa hi ka buaipui lo a nga, ka theinghilh hmak tawh tur a ni. Ka mittui chu hru hul sawk sawk in darthlalang ah chuan ka innuih lui sak a.

JORDAN's Pov

Couch lian zet ah chuan țhu in hotel tukverh ațangin pawn lam chu ka thlir vung vung a. Rinchhani'n beer min rawn pek chu la in ka kheuh hawng nghal zat. Beer vawt raih chu ka lem khawlh khawlh a. Ka kawchhung a thlen thlak chuan ka taksa chu hahdam tir tum chuan ka maimitchhing nghal hmuk bawk.

Chutia mit ka chhin lai chuan kawngkhar a lo ri rak a! Rinchhani kalsan thawm chu hre tho mahila ka awm dan ngai chuan ka awm zawm zel tho.

"A lo thleng tawh em?"

"Aw, saw, a start der tawh" nui halh in Rinchhani chuan a chhang a.

"Ka sawisa hrep dawn, nichin khan min that teuh lutuk" Faith chuan ti hlak hlak chung in ka țhutna lam chu a rawn pan a.

"Nau-a, khati vak a min reh kha a țul em?" tih leh ka dar ah rawn ben a rual nghal zat. Meng hlei lo chuan ka ner sawk.

"A â tak tak a sin, plan ah khan mih reh (k) chiam a tel hauh silo, hotel parking chhung ah min rawn rek nghek anih chu!" a tih zawm bawrh bawrh a. Rinchhani chuan fiamthu ah lo lakpuiin vawiin a thil thleng te chu couch ah țhu in an sawi dun a.

Ka u leh Rinchhani an innei țep tawh tih ka sawi vang a Lola rilru tawt khan a phone ka khawih sak tih a hre hauh lo ang! Faith number ah message thawn in a ko angin engkim lan tir tu kha keimah ka ni!

Phone pawh kha Food court ah ka theinghilh tak tak lo! Ka u in Lola chanchin ngaihven in kha hotel kha a lo pan dawn tih ka chian tluk zetin ka pa remruatna ka pui mai chauh.. ka u in Lola hua se, a duhthlanna ngei in kalsan se a duh miau a. Vanneih thlak zetin Lola damdawi tur Kimkima'n a lei sak lai kha ka hmu a, Kimkima chuan engkim min hrilh ta vek! Lola in a ei țhin thu te, hetiang hi a ei fo anih chuan a chhul a pan anga, nakin zel ah nau pai a harsat phah a hlauh thu te min hrilh a. Ka u in engmah a hriatpui loh thu a sawi tel chiah khan kan tan chet lak a ti awlsam ta vek.

"Mawh?" ti hlak a ka darah an lo ben leh chuan peih lo zetin ka meng chhuak ruai ruai.

"Delhi ah chhuk thla vat rawh, anih loh chuan i u in emaw, Lola emaw zawk zawk in an ringhlel ang che.. Lola i duh luat ah i inthunzo lo teuh thei si" Faith chuan a ti hlak hlak a. Beer tlang leh khawlh pahin ka țhu rem ta vut.

"Lola kha kut i thlak dawn tih in sawi lawk hauh lo" ti hmuk in an pahnih chuan ka melh ngur.

"A mak, theinghilh tum teh, khatiang bak khan chet lak ngaihna a awm lo a lawm. Khatiang khan tilo ila chuan i kiang ah a awm tawp nang"

"Kha kha a tawpna ni rawh se" ka ti nghut. Lola biang a inrin raih awm khan min tithirim hluah hluah. Yes.. nakin ah ka ta anih theih nan tun ah hian ka tina mek tih chu ka pha hauh lo! Mahse, he hmeichhia hi tu mahin kut an thlak tur anilo. Tumahin tham lo takin an be tur ani bawk lo.

Rinchhani leh Faith te chuan ka thutak hle tih an hria te pawh ani ang, an ngawi ta ran a. An kut hi Lola'n a tuar leh tih ka hre vaih anih chuan țang ho kan nihna hian ka insum theihna a thunun zo map lovang.

"Keipawh Msa in ațang insawn chhuah ka duh... ka sawi thiam lo, hriat ruk a nei hian ka hre deuh tlat a, ka hahdam thei lo"

"Eng nge? I va fimkhur awm lo ve?" Rinchhani chuan hlauthawng zetin a ti nghal tuar.

"Relex.... kan chet dan hi a hria ka tilo... A hma angin ka hahdam thei tawh lo, kan thil tih vang a a nun nguai ta lutuk te hi hmuh nuam ka tilo.."

"Oh... clinic tur i duh ani lawm ni? Msa'n a duhthlanna hmang ngei a Lola a hlat hma chuan Pa Puia'n eng chanpual mah a pe dawn lo che" Rinchhani chuan a ti ram hmarh hmarh.

Tunang hian ka u leh ka hmeichhe hmangaihte hi phiar ru in an chungchang kan rel ho ang tih reng ka ngaihtuah chhin ngai hauh lo!

Mahse, hmangaihna ah chuan thianglo a awm lo ani lawm ni?

🐾

LOLA'S pov

Naktuk ah Delhi ah ka chhuk leh tawh dawn" Bike ațang ka chhuk rual chuan a ti a. Phawk deuh in Jordan chu ka melh nghal kawk bawk.

"Ka chawl rei tawh lutuk a" ti sup chuan helmet a phelh a. Nie, a zirlai a chawlhsan rei tawh lutuk! Mahse, ani ber a awm loh leh zel chuan ka khawhar zual leh ngawt ang.

"Zanin ah party a awm dawn kha.."

"Ok.." ti halh in ka nui lui a. Ka mimal harsatna ah min buaipui tur a ka duh vang ngawt in ka chelh reng thei lo. Thil thlen tlai ațang in ni 3 a liam tawh a. Vawi khatmah malsawmtluanga ka hmu leh tawh lo

Class ah ka nileng a, zanriah ei lai chuan ka u hnen ah Jordan thlahna party kan neih tur thu ka hrilh a. Zan chu ka țhiante in ah ka riah tur thu ka hrilh bawk. A rem tih hmel chiah loh nangin Jordan nen kan in kawm ngeih zia a hria a. Hreh deuh chuan lu a bu ve ta nghut.

Ka insiam a, closet chu ka hai mawlh mawlh a, khawi hmun ah nge party chu a buatsaih tih min hrilh lawk miah lo!

Kawrfual dum khup khuh lo chiah chiah chu ka inthawlh a, ka mawngbawr chhing lah chu a langchiang nang mai. Pheikhawk sang dum bawk ka inthawlh a, darthlalang hma ah rei ngial ka țhu leh a, make up chu uchuak lam hret in ka inhnawih bawk. Ka hmui chu hnawih sen leh hlar in bag ah mamawh ka khung khawm sawk sawk a.

*pawn ah ka awm tawh* Jordan msg chu nui sak in ka chhiar a. Pindan chhung ațang ka chhuah hma in darthlalang ah chuan ka han inthlek leh hram a. Ka hmui hnawih chuan ka hmui phir a ti lang sar in ka lan dan ah chuan ka lungawi tawk hle.

Ka pindan ațang a ka chhuak chiah erawh nam let dawrh ang maiin pindan chhung ah chuan ka tawlh lut leh rawk rawk a. Ka lungphu a su nghal dawt dawt bawk. Malsawmtluanga kan in ah a lo kal maw??

Ka u nen an țawng thawm chu ka ngaithla renrawn a, University thil vangin Mumbai ah a zin thu a sawi sup chuan thawk la hak in ka inhum ruh a.

Ka pindan leh țhutkhawmna inkar ah ka kal phei lai chuan Prof Msa mit chu keimah ah a fu leh ngur tawh tih hai theih loh khawp in ka awm chhung chu a sa pup pup.

"mam, ka kal dawn nia" ka ti a. Single sofa a Prof Msa țhu ngul chuan ngun zet in min rawn melh run bawk.

"Umm, fimkhur la"

Engmah sawi tawh lovin ka kal chhuak nal nal.

Show post links

Top

Abbra Reo Ririni

Post April 15th, 2020, 11:57 pm

IMG-20191229-WA0010(4).jpg

IMG-20191229-WA0010(4).jpg (8.32 KiB) Viewed 23334 times

Gate pawn thim chinah Car ngheng a duhdah zet a Jordan lo dingin min lo hmuh chuan a ding mar thuai a.

"Ven țhat i ngai dawn hle mai'' ti sup in a kut a hmui hliah hian a khuh lui kharh kharh a. Ner nang nang in ka bag chuan a dar ah ka vaw țawlh.

Party-na hnun kan thlen chuan a ngaite bawkin boruak a lo ni leh hulh hulh tawh! Chuta kar ah Folkland a Prof Msa caffe run na bul lawk ah a la ni zui. Jordan ban ah kuah in a chhung ah chuan kan inzui lut a. Min hmuh rual in Kimkima chuan khek tuar chungin min pan nghal chuk chuk bawk.

"Lalmate; i va han chhelo em em ve mawle" kutțang ti er tarh in ka sam chu a rawn siam țha vel a. Ka lo nui hak hak mai.

"I ţhiannu hi lo veng țha hle ang che.." Jordan chuan kimkima melh pah hian a ti a. "Kimbawihi kan be lawk a nge" a tih chuan mit ka lo siai zeuh. Pawn lam ah a chhuak leh a, Remremi te lo lamna lam ah Kimkima chuan min pawt phei a, kal pah in beer can a ban thuak a. Min pek chuan rang zet a lo lak sakin ka in nghal khawlh khawlh.

Zanin na nâ nâ chu engkim theinghilh țhak a hun hman ve ka duh.

Darkar khat zet ka lam tawh in ka hria. Ka kê kham ut ut vang chuan couch inhunna lam ah ka phei a. Jordan hian mi hausa fa hmelhriat a ngah em vangin zanin pawn kan țhahnem hle, meng si sap tawh a, tenawm zet zet a min lo melh tawk lah bang lo. Couch tuma țhut lohna ah chuan țhu thla hnawk in ka pheikhawk sang zet chu ka phelh a. Ka kê țang chu chhung lam ațangin a rawn tur ut ut.

"I chau der em ni?"

"I va be rei em em?" ka lo ti vak. Nui suk in ka bulah a lo țhu a, music a ring in pindan chhung chu a thim deuh mup bawk si, in tur an lo chawi chu rang deuh hian ka lo ban a. Soda mai ni mahse a hit țhat em vang chuan ka hahdam sawng sawng.

"A lo phur tawh awm?"

"Humm.. nghal lo mai teh" ti hluk in lo lut thar mek te lo lawm nan ban a phar vut a.

"In inbul vel ah khan ka u bolero ka hmu leh in ka hria.."

"Sawi lo teh" ti hmak in pheikhawk chu ka inthawlh mawlh mawlh.

"Reilote pawn ah hian ka chuak lawk dawn nia" ka ti a. Ka tho ngha zat bawk. Jordan chuan min umzui bik em lo. Pindan chhung thim leh uap deuh chur ațang in ka chhuak chiah chu thli thaw vuk vuk in min lo chhem harh sawng sawng a.

Hla lo te a Prof Msa caffe hawn thar chu en veng veng in ka thaw ham ham a.

*OMELAS* tih intar kulh chu a eng kung a. A lun hmel in an ni thawm lam pawh a țha thawkhat hle.

Ngaihtuah ber tur pawh hre silo chuan ka ding deuh ren rawn a. Building kil thim lam ațang mipa nui huk huk thawm a lo chhuah vangin rang zetin party neihna ah chuan ka lut leh a. Hmeichhe pakhat intur chawi a lo phei mek chuan min nuih sang chungin min pan a.

"I duh ve em?"

"Uggg.."

"Pineapple hi saw lai mi sawn min chah a, guava hi hi in mai rawh aw" tih leh nui sang chungin guava mojito glass vawt raih chu min pe a.

"Ka lawm e" ti sep in ka in nghal khalh. Ka țhutna ngai ah bawk ka va țhu leh a, Jordan chu khawiah nge a kal tih pawh hriat loh in hmuh tur a awm der lo. Kimbawihi bawk a bia a niang ti rilru in phone ka phawrh a, an intur siam chu a tui reuh phian bawk nen ka inzo rang kher mai.

Thim chin a hmeichhe rual khat leh Kimkima su lawp lawp chu tifuh inti zet in ka phone chuan video in ka la a. A uar uchuak țhin bik sia. Naktuk zing ah kan țhian ho group ah ka dah a nga, a duhlo leh teh ang chu aw..

Minute 10 vel a liam leh meuh chuan ka taksa chu tiril ațangin a rawn za chuai chuai a! Ka thlan deuh dap bawk. Ka kut in ka nghawng a thlan lo luang ka hruk zawng ringawt te chuan ka za uai uai a, ka rilru chu a fim vek in ka hria! Marawh chu ka taksa chu a danglam nasa lutuk!

"I va kal hrang rei ve" ti sup a ka bul ah Jordan a lo țhut dawt chuan ka lo nuih halh ringawt.

"I țha em Lola" ka beng bul deuh ah a rawn au deuh lawng lawng a, a kutphah sir lam a ka biang a lo nul tel zeuh chuan ka lo danglam nghal vek anih chu!

"Ka țha..."

"I thlan nasa lutuk, i va inhnem awm ve" ka nghawng a thlan chu lo nul thuak in ka hmai bul chet ah a rawn vei nuih suk, a kut lum a min tawhna vang leh ka hmui bul chet ah a lo thawk lum ham ham na chuan ka thawk thleng in a tibuai a, hmui a liah hnawm zauh te chu en dauh dauh in chil ka lem khalh khalh a.

"Lola, i țha tak zet em?"

"Ka.. ka hrelo.. ka awm dan hi a mak lutuk" inthing harh nawk pah chuan ka tia.

"Ri hulh hulh hi i zolo ani mai thei, duh leh car chhung ah awm hahdam rih la" hnial nachang pawh ka hrelo; min pawt tho a, ké ka pen chiah tih ah chuan rapthlak inti lutuk in thawk ka ip chawi! Ké pen a, ka malpui a inawk velna ringawt te chuan min ti zauthau anih chu mawle!

Jordan lah chuan engmah hre hauh lovin pindan chhung thim mup ațang chuan min kai chhuak dat dat a. Thli thaw in ka taksa a chhem te chuan mur uai uai in ka za chhuak vek a, car bul ah chuan min din pui dat in car hnung kawngkhar a pawt hawng a."lut rawh, ac ka lo on ang" ti sup in ka kawngah a rawn man a. Churingawt pawh chuan ka tiril a ti khur dar dar!

Driver side a hawng chiah tih ah thil thaw fua ang mai a chak leh rang hian tuemaw hian ka ban rek ah a rawn hmer chawt! Ka khek țhat a. Ka ban rawn man tupa taksa hrawlpui mai car kawngkhar ah a rawn kun luh khun chuan mak ti zet in ka lo melh reng ringawt.

"Lo chhuak rawh" ti hmuk in prof Msa chuan dimlo baksak in min phih lawp a.

"Thlah nghal rawh" Jordan chuan a lo ti tuar.

"Oh, ka thlah emaw, ka inthiarfihlim emaw anih chuan ka hmeichhia hi mupui i lo tum leh  a nga tiraw?" ngeiawm zet hian a nui tel hawk. Car chhung ațang min pawh chhuah rual chuan zo zetin mih pawm leh lawp a. A awm tihrawl nghet țha zet leh lum thur thur ah ka beh thlawp lai te chuan danglam in ka za leh mem mem tawh.

"Ka dam chhung chuan i thil tum tenawm zet kha a hlawhtling ngailo ang" Jordan melh ngur in a ti leh sup. Min pen sawn pui pawk pawk a.

 Țan nachang pawh ka hrelo! 

Bolero chhung ah min nghat lut dawt a, belt min hren sak pah a kan taksa a inhnaih lai te chuan mipa mamawh ngawih ngawihna nen ka lo thaw ham ham.

"Mahni tan a hlauhawm pawh thliarhrang thiam lo" ti sup in kawngkhar chu a lo nam khar dawp. 

Ka taksa danglam chak lutuk chu tih reh tum in ka inbeng deuh nawk nawk a. Prof Msa chu rawn țhu lut ve vut in chak zet hian a khalh chhuak nghal a.

"Hetiang thawmhnaw tawngchham inbel chung hian kal chhuak tawh suh ka ti vawi tam" vawi leh khat ah prof Msa chu a rawn vin țhawt anih chu! Thle nghal a ka han en chuan ner sawk in ka malpui lang lai chu a lo melh run a.

"Thuawi nachang pawh hrelo" a ti leh nek, hma lam en nghal ngurin speed chu a ti sang sauh. Kei erawh a huhang upa na lutuk leh țang ut te chuan min ti zauthau a. A khat tawk a Prof Msa rum chhuak nghut aw thum hniam chhak te chuan ka tiril nghawr za in min awm hle hle tir thei thlawt lo. 

Steering a hum ngurna kut pakhat chu ka han ban da da a. Rang fe hian min en nghal vut bawk.

"I thinrim a mi?" melh sawr sawr pah hian ka han ti ham ham.

"Ngawi chip cham rawh" ti chhuak hrawkin ka kut chu a lo vai per lawp. 

Kei lah zah hre tawh bawk silo chuan nui hak chungin akut bawk chu ka han ban leh ngat.

Steering chu a hum ngut ngut a. Ka pawt deuh chat chat chu bung zet hian "stop it" a rawn ti bul nghut.

"Min khawih duh lo tak tak maw?" ka ti chiah chu rum em em hian chal chuar tup in min melh khui a, seat nghenchhan ngheng hian si sap in ka melh let sawr sawr bawk nen ka kut bawk chu lo vai kiang vut in a hawi sawn hmak.

Za zet in ka nui hak hak a, mipa naupang tum bur a titau hi a ang hmek hmuk lutuk, bing zet a hmalam a melh ngur lai chuan seat belt ka hmet phelh a.

"Lola; che lo in awm hle hle rawh" a aw ri chu a rum kher mai, pawisak a hneh in a thusawi nawk luih chakna in ka khat tawh miau, a malpui hrawl zet ah chuan kut ka vah kual tir a, rum hrawih in ka kut chu a lo man chawt. Nghet zet a hum in min ngaihsak lo ang mai chuan hmalam a melh lui ngur a. Nui rah rah in ka kut lehlam chuan a jeans kekawr chhan ah a kap zawn chu ka han țham leh salh.

"Lola" ti chhum bung nghut in brake a rap hrawk! Ka bu lawp chu ka dar ah man hman in seat nghenchhan ah mih nawr bet hrawk a! Ka lo nui hak hak chu min melh tur țha kher mai.

" kap na vek a nileng a hun hman i duh leh ngawt te anih loh chuan he i kut tereuhte hi thunun hneh hle rawh" ti hrawk pah chuan seat belt in min phuar țha mawlh mawlh a, a nghawng vun lang uk sen khur te chu lo thawk khum ham ham in a taksa lian zet leh lum thur thur chu ka lo chul kual ruai a. Ani pawh inthup tum hle mahse a danglam tih chiang takin a thawk lak dan a țang ka hre thei!

"Ka insum theihna hi fiah hlek suh, anih loh zawngin hraih ruih i ni tih theinghilh țhak khawp in helai ah hmun ah ngei hian ka fu** rak hrep mai ang che" ka khabe ah rawn dawm a ti chhuak sup in dimlo lutuk hian min fawp bawrh bawrh a, phur fahran hian a nghawng ah kuah bet in ka lo fawp let ve nghal tawn tawn.

 Ka hmui hnuai chu pet dawk dawk in a lei hrawl leh thap hrak chu a rawn nawr lut a, ka țhiam ang tawk a uar hian a lei chu ka lo hawl kual ve ngawng ngawng, ka kap kar za uai uai te, zei zet a a lei che kual vang a ka awm chhung țek chhawk chhawk te chuan min siam nuam tak zet!

Ka dar ah hneh zet a man in rum hrawih hian a inla hrang a.

"Professor" ka ti tung.

"No" chhum hmuk a tiin a thaw chhuak hawk, hmai a tuai pawk a, a țhu țha vut nghal daih bawk.

"Malsawmtluang..." 

Thaw chhuak hawk in a kutphah lian leh hrawl zet chuan hmai a tuai leh puat a. Ka mamawhna chu hrelo ang hmak in Engine chu ti nung leh in chak lutuk hian a tlan chhuak leh nghal...

_^_^____^&^^_____^^^____

A inkawt zawl ah motor chu a ding dawt a. A chhuk vut chu ka hmu thawi fua, pawn light engin bolero a lo kal hual pawk pawk lai a chhun thim ruih a. A lang pa in a insum hmel lan dan chang hrawk te chuan a ti lang sexy zual tak zet!

"Rawn chhuak rawh" khauh zet hian a rawn ti fur. Kawngkhar chu a rawn pawt hawng pawp bawk.

"Aih.. min pawm rawh"

"Lola.." a ti hulh mai.

"Min pawm loh chuan hetah hian ka țhu tlat ang" kut kuangkuah nghal at in hmalam ka melh ngar. Reilote chhung chu inngaihtuah muk tih hriat zetin a ding ngawi ngul a. Kei lah in chet sawn ka tum bik der silo. A tawp a tawp ah chuan nui deuh suk in ka seat belt a rawn phelh ta vut.

"Ms?" Mak tih hmel zetin kawngkhar hma ah Faith chu a lo ding a. Ka ta anih hi ti ang hrim in Faith ka hmuh rual chuan Prof Msa nghawng ah ban ka suih bet hmiah.

"Eng... eng nge a awmzia?" ti bah bawk nawk in a tawlh sawn a.

"I mu nghal thei ang..." ti hmuk in prof Msa chuan kailawn min pan pui nghal vut.

'" mahse... "

"Faith, keini chu kan țha. Ngaihtuah kan ngailo" a hawi let tawh lo hrim hrim. Faith hmel a thinrim lo lang chhuak chu ka nuih kher anih chu!

Khum dup nuam tak leh zau zet ah min nghah rual chuan nghet deuh in a nghawng ah ban ka suih bet tlat a.

"Muhil rawh, study room ah ka awm dawn. Mamawh i neih chuan min hrilh dawn nia"

"Aih, ka bulah mu rawh" ti sep in a hmui fawh nuam zet ah chuan ka fawp nghal ngawng nghawng a, a tir ah chuan min chhang let lo. Ka taksa a hnathawk tu awm vang chuan kei lahin zah reng ka hre tawh bawk silo, nghet zet a a nghawng ah uai in khum ah chuan ka inbawh beh tir a, a kawngah kherh bet a hnuai lam ațang uar zet a ka fawh tawn tawn meuh chuan min chhang let țha ta kher mai.

Chutia kan infawh ngawng ngawng lai chuan ka kut chet in a savun kawnghren chu ka man chat a.

"f**k..." ti hrawih in ka kut a rawn vawn hnan leh hmiah.

"Naaa... nang chu..." uar zet a ka tih chuan nuihza insum hmel sexy zet a min melh chhuk ngur in lu a thing nghut.

"Mu tawh zawk rawh duatte" a ti sup, dimte in ka sam chu ka beng ah a rawn zep a, kut ka chet leh ngat.

"No.." ti sup in min melh chhuk ngur.

"I sual e mai aw" ka ti nghek, nui thum huk in ka lu bul ah a kiu in a lo inbengkhalh nghal ngur, hnaih zet ah chuan min en in a kiai suk suk reng a. A pa lian in a hrawl ropui si, min bawh bet run a, kut ka chet theih loh nan a taksa hnuai lam chuan min nawr bet tlat bawk.

"I tan mutthilh a țha zawk, anih loh zawngin naktuk zing ah i k** bawr a na leh vek mai ang" ti sup in a nui nghawr dawt, rum zet in ka melh rawm rawm a. Prof Msa thung chuan mit tizim sun in ka muk zetin min melh vung vung.

Ka han fawp leh thut a, rum nghut in khum ah min nawr bet nghal hrawk.

"Malsawmtluang, i sual lutuk" ka ter at tawh a ni ber, thawk rang vek chungin hnuai lam ațang chuan ka melh ling hlar bawk.

"Damdawi vang a i taksa danglam nawm ka chen tir loh vang che a ka sual anih chuan pawi ka ti hauh hleinem" a lo ti ve fur. 

Ka ngei bawk si, ka chhungril in a mamawh tho bawk si nen rum tak hian ka melh hrep hrep a. Nui huk huk in ka chung ațang chuan a let thla dawt. Rang zetin a chung ah ka lawn kai nghal tho! 

"Lola" ti hrawk a min hlan thlak a tum leh chuan amah ai ai a rangin a tshirt hak lai ka nawr tawm a, kun hniam in a six pack sek phiar țalh lai chu ka fawp nghal dan dan. Chutia hmeichhia zawk in chet ka lak tak zel ah chuan ani mipa thisen lum awlsam lutuk chu a inthunun thei reng ta bik lo!

"Ka z*** kha la chhuak la, hmuam rawh" ti sup in ka sam ah a rawn țham a, chak hmel zet a min melh run chungin min nawr hniam a, rapthlak leh zual chu hnial tumna pakhat te mah ka neilo chu ani!

A kawnghren ka phelh sak lai te chuan a taksa hrawl zet che hrawk hrawk a thawk la in a lo inbeng kang a.............

"f**k" ti chhuak hrawih pah chuan ka tukhum ah a rawn dawm hmiah; a z*** lian leh khawng vek tawh chu dimlo lutuk in ka kâ chhung ah chuan a rawn d** lut zawt zawt a. A nuam ti inthunun thei lo ani bawk nen ka dang thleng rawk in a rawn nawr lut zawt zawt!

Ka kut a h**** tel sak a ka theih ang a zei a chet ka lak meuh chuan sakeibaknei ang mai hian a rum thawm chu a pa tak zet!

"Duhtawk rawh.." rum hawk in a phawi chhuak a, ka thaw nghal kawk kawk chu dimlo lutuk a min pawt kang in min fawp leh ngawr ngawr. Kan chet dan chu a hma zawng aiin a rapthlak in kan duhthawh ani tawp mai! Rum nghut nghut in dog** position in min siam rem leh a, ka mal chu kuai kau hrawk in hnung lam ațang a kutphah lian zet in ka c** rawn hup in a nuai nghal nawk nawk! Tawm chawi in bawp ka chip chawi chawi! A rawn dimlo sauh vang chuan engthawm mah ka kâ ațang a chhuak thei tawh lo!

A kut chu la chhuak in ka mal chu a ti chip vak a, hnung lam ațang a z*** lian zet chu a rawn nawr lut nghal vek! Ka kawchhung za tlang chuai chuai vang chuan khur dawt dawt in lukham ka țham a. Min dimloh zawh pauh leh keimah a hnathawh awm ve chuan nuam min tih zual tir sauh ani ber!

....

.....

.....

Ka harh chuan keimah chiah in khum zau zet ah chuan ka lo mu a, pindan chhung chu enkual in ka rilru a fim rual chuan ka thaw ta halh! Malsawmtluanga kiang ah bawk zan ka hmang leh ta!

Khum puan phah var hlai zet chu kan chetna hnu tih hriat lutuk in a lo tawm ten tun a, ka țhu chhuak a, ka lu na ut ut vang chuan ka ner sak sak bawk.

Chhuat a ka pheikhawk leh pantie vel let darh rum chu en in ka tîm deuh chawi a. Mahse, intihuaisen chawp in thil tisual ang ah leh inthiam lo ang a lan chu ka tum hauh lo.

Khum ka thawh san chuan Prof Msa kamisz var thianghlim zet ka lo inbel reng a; chhuat a ka pantie chu chhar in ka ha leh tawp a. Ka thuamhnaw hak pawh thlak hmasa lovin kawngkhar lam ka pan a. Ka hrah ve hma khan ka hmui ah rawn fawp in tihtur pawimawh a neih thu min hrilh sup lai kha ka hre let thei reiruai.

Kawngkhar chu ka hawng a, chhuak in kailawn ah ka chhuk thla nghal thawr! Ka tui in a hal tawh tak zet! Room chhung ah khan tui chhawp sa a ruk vek miau sia. Choka ah lut tlang in tui chu ka thli chhuak a. No khat mai nilo in no hnih ka in fai țhak.

"Mi hur, mipa in duh hun hun a a riahbo pui theih" hnung lam ațang rawn ti sap tu vang chuan no chu ka hum nghet ang ren rawn a.

"Nizan ah duh tawk in a sawp kual che a.. mahse, zingkar a lo nih chuan a palai tirh te chanchin ngaichang turin a kal chhuah san daih che..." ti leh kher in a rawn pen lut a. Muangchang a inher in Faith mitmeng thip ram nen chuan kan inmelh ta siah.

"Thil sawi i nei em?" Ka tih chuan awi loh hmel zet hian a nui hak a.

"Mipa in zan ah an riahpui hnu ah che hmeichhe dang nen an inkar a thil thleng buaipui tur a a kal san nih hi i zak miah lo em ni?"

"Hummmm... Ka zak lem lo a niang" ka ti a, țhensawng chung a kal chhuak tur chu na zet in min pawt her leh lawp.

"Msa lo haw hma in chhuak rawh. A chhan chu maw, a lo let rual in amah ngeiin a theh chhuak dawn tho tho che" min tih khum sak sak in ka ban a vawn chu a theh per lawp a.

"Chu lam chu ka duhthlanna ni teh se" ka ti hmak.

"Chhuak rawh ka tih chu... mihur nu" ti nghek in ka awm ah a rawn nam chawrh, kei aia nu sang uau anih vang leh ka lo inrin lawk bawk siloh vang chuan ka kat hnung deuh dawrh a.

"A lo let hun ah chuan maw.. Rinchhani hnen ah a palai tirh te chanchin lawmawm lo hawn hre chhungin a lo let dawn, chutiah hun ah chuan bawhhlawh ang maiin a paih chhuak nal nal ang che"

"Kan hria ang chu" ka ti a, thinrim zet a min nam leh chawrh a tum chu keimah zawk in na lua awm lovin ri awk khawp in a awm ah ka lo nam chawrh. Kitchen island ah a intauh chawrh a.

"E e e e, hmeli" tih leh a rawn che nghal phut, a kut thlawn tawrh ka tum tawh reng reng lo. Ka tui bottle ken lai chu a hma zawn ah tak ka lo hmet chik puat a! Thaw kawk chungin hmai a tuai nghal puat!

"I inbual khat hmel ropui sia, ka bual lawk che nih kha" ti pah chuan tui bottle a la bang zawng chu a lam ah vai țhawt in ka theh huh leh țhawt! Mitmeng thip zet hian min melh a.

"I duh leh em?" Ka lo ti hmak.

"Lola, duhtawk rawh, Msa in lo hi khawsakna tur hmun dang ka nei rih lo ka tih tawh kha, ka u naupa kiang ah ka lo cheng ve hi tinge i ngaihmawh viau a..." vawi leh khatah a hmel rapawm zet kha men ţîau in a inhnit nghal hlawp hlawp a.

"Eng thil nge maw i hriat le?"

"A țha e, heta ka awm ve in a tilawmlo viau che anih chuan Msa kal chhuak lo let phawt se, a bul ah i duh ang ngei chuan ka chhuah tur thu ka hrilh dawn nia" a ti leh a. Hrethiam lo zet a ka melh chiam chiam lai chuan ka hnung lam ah kê pen thawm a lo chhuak a! Rang lutuk a ka hawi let chuan Prof Msa hmel hriatthiam harsa zet nen kan inhmachhawn ta siah mai!

"Ih... ka... henu hi ka hau lo" ngawi ngul a choka ah a lo pen lut chu Faith lam chu kawk in ka lo ti phawng a.

"Eng nge thil awmzia?" Faith nen kan inkar ah ding khawng luah in min melh dun khui khui a.

"Engmah a nilo, i bialnu hian heta ka cheng ve hi hnawk min ti deuh a niang, inthiar chhuak turin min lo hrilh a" a mittui hru mawlh mawlh pah a Faith'n a tih zet chuan awi lo lutuk in ka thaw hak hak ringawt!

Pathian leh! Chawp chilh zet a a hmel danglam chhan te leh a ţap țiau te khan chhan a lo nei vek anih dawn hi! A thusawi te lah kha... ngaihtuah pawh ka lo ngaihtuah chhin ngai hauh lo te kha ka sawi ang in min puh vek anih chu mawle!

Malsawmtluanga chal chuar deuh tup a min melh chhuk ngur chuan a hma ang bawk in a rinna ka hlawh chhuak zo ve leh dawn lo ah ngaiin thinrim zet hian tui bottle ruak chuan amah chu ka vawm pawp!

Ban a phar hluai a, mit ko a ti kang uk bawk.

"Ka insawifiah ve dawn lo... min ring ve leh dawn chuang lo" ti nghek in rum zet hian ka melh hrak a, Malsawmtluanga chuan min nuih suk nia mawle!

.ka ti tak tak! Faith in thiam tak a lem a chhan tawh chuan a unaupa hian a ring nghal vek! Insawifiah tumna chhete mah ka neilo.

"Faith, i thuamhnaw huh kha han inthlak la, hetah lo let leh ang che" a tih sup chuan inlakhawngaihthlak zet in Faith chuan lu a bu a, kun ngal in kitchen ațang chuan a kal chhuak a.

"So...'" ti sup in a kê bul a ka vawmna bottle let ngat chu a kê chuan a chhir zauh.

"Tui bottle khat hian theh huh vek siin engmah tilo awm in i awm ang maw?" a ti chhuak sup a, a hmai tlang hrawl tham zet ah erawh nuihzatna a lang chhuak ruih thung.

"Ka theh ngei a lawm.. Mahse, a țahna tur khawp in ka hau lo. Amah pawn min nam ve reng, kut min thlak hmasa a, ka thlak let ve ani mai, kei pawh ka țah bik der lo hi.. ţah belh hlirh hlerh lutuk" ti hlak hlak in choka ațang chuan chhuah daih ka tum a.

"Dingrawh" ka tawp chawt!

"I kal thei tih ka sawi lai ka hre hauh lo'"

"Khai leh... Malsawmtluang.." ngei zet hian ka ti nghek. 

Mahse, choka ah Faith bawk a lo luh leh vang chuan inhumruh chiam in an pahnih chu huatna te nen ka melh tawn hrak hrak a.

"Min zui rawh u" ti sup in Malsawmtluanga chuan ka ban rek ah a rawn man nghut anih chu!

"Khawiahmah ka zui dawn lo che" uar lutuk in ka ti a.

"Faith, nang pawh khan min zui rawh" ti hmuk in zo zetin min pawm kang lawp anih chu!

"Malsawmtluang"

"Ngawi rih teh" zawi sup a a rawn tih hluk chuan ka ngei em a vangin a dar ah ka beng hram. A kamisz ka hak chu a tawm chho deuh vek a. Pawn min chhuahpui rual in intifaitu kha a lo thleng ve chiah a. Motor inhunna min pan pui pawk pawk in hnathawk tu hnen ah chuan kan let leh vat tur thu a hrilh sup. 

Khawnge kan pathuam hian kan kal dawn pawh ka hrelo. Motor ah min nghat lut a, Faith pawh rang zet in seat hnung ah a lut a. Kan tlan chhuah chuan a tuamah kan inbe lo. Faith erawh hlauh neih hmel zet in a hawi zak zak reng a. An inpui kan pan tih ka hriat rual chuan ka rilru chu a buai nghal nuaih a.

Gate ah kan tlan lut a, hrilh hai zet a Prof Msa ka en lai chuan Faith erawh a meng phar awn awn.

"Chhuk rawh. Atthlak zet a kal sawn tum suh ang che, tihtur kan nei" ti sup in engine a ti thi duk.

A hmel tak ngul vang chuan ngawi rengin ka chhuk a. Faith lo chhuak mek ban rek ah a hum nghal chawt anih chu.

"Ms?" A ti phawk hra a. Ngawi ngul in in lian zet pan chuan Faith chu a kai ta dawr dawr a, an hnung ah chuan zui ve zel in nu Hmingi mak tia lo ri tung pawh chu prof Msa chuan a kal pel thuak. Pa Saia te nen kan inbiakna room a pan ding ngur tih ka hriat chuan nu hmingi mak ti hmel bul ah chuan ka ding dat a. Sawi pindan chhung ah sawn luh nawn leh ka duh tawh lo.

"Lola; khatah ding reng lo khan rawn kal rawh" a rawn ti tuar.

"Mapui.." nu Hmingi'n a tih chuai raih na chu hrelo der hmak in kei chu min melh bing ngur a. Muangchang in ka pen phei chet chet a. An bul ka thlen rual in kawngkhar chu dimlo baksak in a nam hawng bur, a chhung a Pa Saia leh Rinchhani lo awm te chu an lo hawi phawk kawk a.

Chu aia thin țhawng leh zual tur in prof Msa chuan chiar a lo țhu te pahnih hma ah tak tlu nawk tur in Faith chu pindan chhung ah a nam kat lut nawk a. Kei chu min kai lut ve nghal in chiaia zet a Nu Hmingi lo awm chu a thlek buk.

"Nu, nakin ah ka hrilhfiah ang che" ti sup in kawngkhar chu a nam phu dawt a . Ka bul ah lo ding a, ka kut a rawn hum nghal hmiah chuan ngaihna hrelo zet in ka en chho dawrh. Hahdam rawh min tih nan ang hrim hian lu a bu nghut a. Muangchang in chhuat a tlu sawp niai Faith chu a melh a, Faith chuan a hlauh hmel tak zet! Engmah ka hrethiam ve der silo. Faith lak ațangin mit la sawn in a pa leh Rinchhani te chu rum lutuk hian a melh ta ngur a.

KHA KHA NI MAI! ☺

A ZAWMNA ⬇️⬇️

Show post links

Top

Abbra Reo Ririni

Post April 17th, 2020, 11:02 pm

Thinrim zet a ka kê bul chiah ah thingpui no a rawn in vawm keh darh chuai chuan tha chak lutuk in min pawt lawp a, hneh zet hian prof Msa taksa ah ka bet thlawp! Ka lungphu chu a rik hian a ri nghal dawt dawt! Marble chhuat a no keh them tleng darh ri bak chu pindan chhung lan dan țihbaiawm zet ah chuan thawm dang hriat tur a awm lo!

Thil thlengin min țhawn em vang chuan hamhaih zetin engthil nge thleng tih hriat tumin ka hawi chhuak a! Ka țîm sawk thei!

Prof Msa kawrawm ah ka țham vak a, a ban thachak zet chuan prof Msa pawn nghet zetin ka kawngah a kuah hrawk.

Chhuat a Faith tlu sawp niai chu nep tih hmel tak leh huat hmel zetin Pa Saia chuan a lo melh tûr khui khui a; hlauh luat avang in Faith chu hawi pawh a hawi chhuak ngam tawh lo!

Pa Saia thinrim hmel țihbaiawm lutuk chuan ka tiril ah țham in ka khur dar dar a. Thingpui no rawn vawm keh darh chuai tu pawh kha amah ngei ani tih ka hre zawm zat a! Heng ho inkarah hian engthil chiah nge thleng tih chu ngaihtuah ngaihna pawh ka hrelo! Prof Msa khan Faith hi engvang a a pa hma ah theh tlu tawp nge a nih a.. Pa Saia pawn Faith chu engthil vang a haw em em nge a nih tak ang! Thaw hlawp hlawp a ka ding tawm chawi chawi chu Pa Saia chuan thinrim lutuk in min rawn melh ve leh a, tawm chawi hian Prof Msa awm ah hmai ka phum a. Ka ngaihtuahna hi a chawmawlh vek!!

"Malsawm, ka inchhung ah hian kha hmeichhia kha eng vang a lo hruai lut nge nih? Chhuah bo pui rang rawh" lawmlo zet in pa Saia chuan a ti ta tun tun a, thawk pawh thaw țha ngam lovin thawk ka ip char char.

"Nangnu pawh..." a tih leh chuan Faith chu a inhnit faih a, pa saia vek chuan vin zet hian "Chhuak nghal rawh" a ti tuar.

"Pa Pui..." țah chhuak hmel zet in Faith chuan a ti a. Pa Saia a hlauh em avang chuan a hmel chu a var vek theiin ka hria.

"I hnen ațang hian eng thu mah ka ngaithla peih lo" ti vin leh tuar in a ding chhuak a, chhuat laia Faith let hlawm reng sam ah chuan țham hrep hreh lo hmel a pu bawk! Chhuat lai ah chuan vei tawn vut vutin huatna a khat rum zet hian kei leh Faith chu min melh khui khui reng a! Hetiang khawp a patling thinrim engphiara inhrosa lai ka la hmachhawn ngailo! Pindan chhung boruak chu a ipik mup mup a, Prof Msa hian engthil tih tumin nge hetiang a chet a lak tih takngial pawh ka hriatthiam ve bawk siloh avangin ngaihtuahna buai nuaih chungin mit ka chhing ta tawp.

"Ka thusawi chu i hrelo em ni? Chhuak rawh, Malsawm, nangni pawn min chhuah san rang teh u" a tih leh khur khur. Chutah zet chuan keipawn he hmunah hian tih ve tur ka nei lo tih inhria in ka che hrat a. Mahse, nghet zetin Prof Msa chuan a taksa ah min kuah bet leh nghal hrawk!

Phawk zet a ka en chhoh hawh chuan hriatthiam harsa zetin min lo melh chhuk ve ngur a.

"Thudik i hre duh lo em ni?" a ti sup, a mitmeng thutak zet ah chuan ka melh chho kar a, nuam lo tihna niawm tak ka hmu tel bawk.

Ka chhan let hma chuan ka kawng chu a rawn hmer nghet zual salh a. Ka lak ațang mit la sawn in chhuat laia a pa vei tawn sek chu a melh leh run bawk.

A thil sawi awmzia kha pakhat te mah ka hrethiam lo! A pa leh heng hmeichhe pahnihte te nen a inzawmna nei, thudik eng chu nge ka hriat ve ngai ta chu!! (?)

"Faith, ding chhuak rawh" thupe aw zet hian prof Msa chuan a ti nghut. Kun ngal a Faith insut hlawp hlawp lo chawi chhuak hmel chu a lainatawm reuh kher mai.

"Tho rawh" Prof Msa vek chuan a ti chhum hmuk. PaSaia vei vut vut tawp ta chut Faith chuan a en zak zak a.

Tûr khui a Pa Saia'n a rawn melh na chu pawisa lo zet hian Prof Msa chuan țhutna lam min pan pui a, Rinchhani ka en chuan Faith chu puih tum hmel pawh a pu lo, a hmel phakar zetah chuan prof Msa lak aţang a sahimna tur chiah ngaituah hmel a pu.

Chair lian zet ah prof Msa chu a țhu thla a, a pa hmel a min huatna leh min thah mai chakna lo lang chhuak tup tup chuan a tibuai pha hauh lo tih hriat lutuk in a malchung ah min pawt țhu hmiah.

"Malsawmtluang" kut hum ruh țûng in Pa Saia chuan a ti thawt. Mit chhing sawk in ka ip chawi mai!

"I pa hi min va han zahlo ve mawle, kha hmeichhia kha ka inchhung ațang kal chhuahpui nghal rawh"

"Inbeng dai phawt teh ka pa, i hma a mi hi *hmeichhe satliah* niloin i fapa hmeichhe hmangaih leh a nupui tur anih hi" thum sup a Prof Msa'n a tih zawih ruih chuan ka meng chhuak phawng a! PaSaia hmel dur thim khup chu a alh lo chauh! Mahse, chutiang lam chu ka care buai sise tawh lo, prof Msa chu rang zetin ka en a, mit tizim sun a min lo melh ve run in lu min lo buk khum nghut.

"Msa...." Rinchhani chu ka en thuai a, Prof Msa chu rilru nat hmel zet hian a lo melh tlawk tlawk, pa Saia chu rum nghut in a țhutna ah chuan a țhu thla dawt a!

Kei leh prof Msa laka a thinurna chu Faith lakah chuan a hrithla tih hriat fe hian Faith chu a vin leh tuar.

"Nangnu khan hetah eng nge i la tih reng, hman tlak lo leh mahni hna pawh țha tak a thawk thei bawk silo! Chhuak rang rawh"

"Chhuak mai bik lo e, in pathum thusawi ngei ka ngaithla ang chu" vin hauh silo hian Prof Msa chuan a ti bung nghut.

Putar ah pawh pa lian leh hmel tur khui mai lungawilo zet a rum chhur chhur ri in a zawm a. Ka darah prof Ms chuan lo kuah in a awm lian leh lum vung vung ah min kuah bet hlu hlu a. At thlak lutuk in ka hahdam nghal huai huai nia mawle!

"Rinchhani ka neih loh i hlauh luat ah țang tlang a, inthil tih kha ka hriatchhuah loh in ring reng reng em ni?" Prof Msa chu a ti nghut.

"Engthil teh chai nge i sawi ka hre lo ve.."

"Pa, duhtawk em em tawh teh, inruahmanna engkim kha ka hrechhuak vek tawh, hmanruaah Faith hi hmang a, kei leh Bawihi inkar ah khi a awm theih nan chet in lak dan zawng zawng te, a thil tih engkim in hnen ah Faith'n report a rawn pe leh vek ţhin tih te hi hrelo ka nilo! In duh angin engthil mah ka thlen tir ngai dawn lo tih leh atthlak tak a che chhuak tawh lo tur a hrilh tur che u in ka rawn kal a nih hi"

"Khatiang hmeichhe drug addict leh rukrûk ching vang khan i pa hi min chhal ngam a maw?" lawmlo zet a Pa Saia'n a tih nek chuan ka lo ip chawi mai! Prof Msa pawh chu a insangmar țeuh a.

"I tan leh kan chhungkaw tan a țha tur ang zel in thutlukna ka siam ang! Nang hian chu ka thutlukna chu i hnialkalh tur anilo bawk. I pa ka ni! I tan a hmeichhe țha leh țha lo chu ka hrethiam khawp bawk! Kha hmeichhia khan han en teh...." ti a tén hmel zet a min rawn melh hrep chuan ka tê rawih rawih mai hian ka hria!

Keilah chu Prof Msa khum ka thawh san dan ngai ngai in prof Msa kamisz var lian zet chiah ka inbel a, min huatna lo nei tawhsa tan chuan min deuhsawh zualna tur chhan țha tak a tling ang!

"Hmeichhe satliah nilo in ka hmeichhe hmangaih ka tih tawh kha! Khatiang khan a chungchang sawi tawh suh.. drug addict a nilo a, i ngaih ang a rukruk ching a nilo bawk, Bawihi lo chu nupui a tan neih ka tum lo! Ka tan a duhthu i lo sam țhin hmeichhia chu i thlak mai a ngaih hmel! " prof Msa aw rum ul chu pa Saia chuan nuihsawh zet hian a nuih khum hawk hawk a. Ka thisen a lo lum zawr zawr! Ka chungchang vang a pafa an han in vin khur khur te, hmuhsitna rawngkai zet zet a an han inchhal piap piap mai chu hriat nuam ka tilo tak zet!

"Engtikawng mahin kha hmeichhia kha i neih ka remti ngailo ang... kan thlah lo kal leh zel tur hring tur a tan ka duh nek love" Pa Saia'n a tih zet chuan ka thinlung a vit na sawk sawk!

"A tawk!" thinrim tih hriat lutuk in prof Msa chuan a ti tuar! A rawl lian leh fiak fur chu a awm a bei reng ka ni bawk nen ka phut phah nasa kher mai!

Thinrim thaw khur dur dur a min pawm ngheh sauh pah chuan apa chu rum lutuk hian a melh ngur a. Thil țha lo leh rapthlak zawk a thlen mai hlauhna in ka khat vek!

"Mo a tan ka duh lo! Chu chu ka thu tawp nirawh se" pa Saia pawn a ti bung nghut. Hetiang teh chai a min duh lo a, min hmusittu mo nih hi ka chak chhete bik reng reng lo! An pa fa chu duhtawk tur a hrilh a, chapo zet a keipawn 'hetiang putar rapthlak tawpkhawk mo nih ka chak bik loh zia' thu a au khum phiar phiar mai chu ka chak ut ut.

Chu keimah a chapona rawn inhnawt tup tup chu prof Msa chuan hrethiam ang hrim ka bekah a rawn fawp a!

"Khawngaih in Bawihi..." a tih sup chuan ka inhum ruh ta ngawt ngawt.

Diktak chuan ka chan hi a tlawm thlak ve a sin! Pa Saia ngeiin ka hmaichhan ah keimah ațang a thlah te lo pian chhuah a duh loh thu min sawi khum phiar phiar mai a nia!

Hmeichhe rilru țha tawpkhawk leh fel lutuk ka lo nibik bawk silo nen, duhtawk a chhan let ve ka chak lutuk chu ka thawk lak a sak vek! Prof Msa min ngenna ngenngawl zet pawh chu ka haw hlur tawh.

"Hlimpui, Malsawma pa ka nihna ang a ka thutlukna engkim chu i hre vek tawh! Chuvang chuan ka inchhung hi chhuah san la, ka fapa hi lo hnaih tawh suh ang che" aw kâ vin ni hauh lo. Mahse, min tham loh zia langchiang em em bawk si a pa Saia'n a lo tih leh chuan rum lutuk in ka melh ta ngawt ngawt!

"Khanglang che chuan... i aia upa fê hi khatiang mitmeng khan min melh ngam a maw?" a ti leh a.

"A tawk ta viau e" thutawp sawi tih hriat zet a Prof Msa aw ri chhuak hrawih ka hriat rual chuan min din chhuah pui nawlh.

Rihna neilo ang mai a min pawm reng pah chuan a pa mitah tak ching lutuk in a melh chhuk run a.

"Ka hnen ațang tu hmel hmuh i duh a nih chuan ka fa te nu tur chu Bawihi chiah hi a ni, chuthil chu min pawmpui thei lo anih chuan keimah ațang thlah kal zel ka nei hrang tawh mai aniang chu!" awilo zetin prof Msa chu ka melh chho kawk a!

Luhlul tih hriat lutuk a a pa chu melh ngur in a insehruh țawlh țawlh.

"Ka fate, tû ang a i pawm thei dawn anih chuan karleh hi ka nu thihcham ani, chhungkua leh țhianțha te tan chawhlui ka buatsaih dawn a, Lola hi ka nu hnen ah ka nupui hual ang a hmelhrit tir ka tum bawk! I fapa in hmangaih a nei ve ta hi min lawmpuina thinlung i pu thei dawn anih chuan min rawn telpui ve ang che! I rawn tel thei lo anih chuan i thutlukna kha i kaltlang pui ah ngaiin, i thutlukna engpawh ka zah sak ang che" nawk luih ngam loh khawp a nghet leh fiah a a tih leh chuan pa Saia hmel chu a dur khup khup a. Prof Msa lakah a thinrimna aia nasa daih chuan min dahbo chakna a pu nasa zawk tih hriat zetin min melh khûi khúi! Min thah daih chu pawi a tih loh hmel lutuk a ni tawp mai!

"Ka nu thihcham chu i hriat kha!" ti chhum hmuk in zo zet in min pen sawn pui a. Ka lungphu ri dawt dawt leh ka ngaihtuahna la buai nuaih chu tih reh tumin thawk ka la hak a!

A pa hnen a prof Msa thusawi mal tin khan min țhawng dawt dawt ani tawp mai! Min hmangaih vangin a chhungkua nen an inzawmna tih chah hial a hreh lo tih ka hriatna chuan min hahdam tir pawn ka hrelo!

Apa in sual rawng a bawlna pindan chhung ațang chuan min pen chhuah pui pawk pawk a.

"Malsawmtluang, khatiang hmeichhia vang khan i pa hi min hnial ang maw?" Pa Saia thinrim engphiar hian a rawn ti tun tun. Prof Msa erawh a ngawi ngur.

"Kha hmeichhia kha engtik ah mah ka mo angin ka pawm ngailo ang! I pa thu i hnial phah a tiraw? I malsawm hauh lovang...." patling aw rawl lian leh thinrim tih hriat zet chu corridoor bul vel ah chuan a ri hum hum.

Sawi tur pawh ka hrelo. A khabe hnuai ațang ka en chho kiau reng a, a thutlukna siam kha a hraw tham in pafa inhnial thinrim tawpkhawk an ni bawk a! Prof Msa hmel pawh chu biak ngam loh khawp in a rum ul.

Corridoor ațang kan chhuah hlawl chuan nu Hmingi chu rilru chiai hmel zetin țhutkhawmna ah a lo țhu a. Kan thawm vang chuan lo hawi chhuak in a ding nghal vat bawk.

"Mapui..." a rawn ti a, a rilru nawm loh hmel lutuk chu a lainawtawm kher mai. Nu rilru țha leh tluangtlam zet mai ani a, prof Msa chet rum rum dan khan tichiai hle pawh nise a awm ka tihpui tak zet.

"Nu, tlailam ah ka rawn hmu ang che" ti sup in anu chu a kal pel thuak a.

Chumi rual deuh thaw chuan kan chhuah san tak pindan chhung ațang thawm ring zet a rawn chhuak a! Chhuat a glass in vawm keh darh chuai a ang ber! Mahse, chhung lam thawm chhuak chuan prof Msa mit khap lai pawh a tibuai chhin eih lo!

Kawngkharpui lian zet lo inhawng huau lam ah chuan a pen nghal pawk pawk a. Nu Hmingi chuan min lo zui ve zel a. Malsawmtluanga hmek hmuk pawh hian a rilru nawmna tur tawk tal a han biak khawmuan ve mai tur a nia!

Bolero chhung ah min nghat lut dawt a, seat belt min hren tir laiin nu Hmingi pawh a lo chhuak ve a. Inchhung ah a pasal inhrosa thawm a hre bawk nen prof Msa chu hlauthawng zet hian a rawn pan rawk rawk

"Mapui, eng nge ni thil awmzia"

"Ka pa nen kan thu a inhmu lo deuh a nih kha, ngaihțhat lohna tur a awm lo"

"Mahse...."

"Nu" ti sup in a ding mar vut, a hma a nu nunnem zet dar tawn tawn ah chuan chelh thuk in a nui lui suk a..

"Engkim a țha, ka pa nen kan thu a inhmulo satliah a nih kha, hahdam deuh in awm rawh" a ti sup.

Nu Hmingi chuan ring ngam chiah lo hian a melh chho ha a, nu sual anih loh zia chu prof Msa'n theihtawp a áwkâ dam a a biak dan hian a hrilhfiah zo ber in ka ring.

"Ms..." ţap hrep tih hriat zet a Faith lo chhuak chu thlek vutin prof Msa chu a rum nghut. Saw nu telve chhan saw ka la hrethiam lo reng reng!

Faith chu hmel pha daih hian a rawn kal hnai a.

"Lut rawh" prof Msa chuan a lo ti hmuk, nu Hmingi a awm ve vang a vin phar hrep lo ani tih lah a aw chhum hmuk ațang chuan a chiang reng!

Faith motor a lo țhu lut chu en in prof Msa hmel rum ul mai chu nu Hmingi chuan a han thlek leh țhin a, hetiang tak a an pafa inkar boruak țhalo hi a hmachhawn ngailo tih haitheih loh khawp in a hmel ah chuan hlauhthawnna nasa lutuk a inlar zut zut.

"Nu, inchhung ah lut la, hahdam deuh in va awm rawh, ka pa thinrim kha chu engmahmah ngailo in i en liam tawp dawn nia" dam thlup a tiin a nu darah chuan a hmer deuh salh.

🐾

⬇️

Motor chhung boruak chu a ipik kher mai! Chak zetin prof Msa chuan a khalh mawp mawp a, Faith insut hrai ri te chuan a thinurna a belhchhah zual suah emaw tih mai turin prof Msa ban ah chuan thisen zam a val chhuak kul.

Ngawi rengin seat nghenchhan ngheng chuan thawk ka la hle hle a! Pa Saia study room chhung a thil thleng zet kha chu ni bul țannan chuan a rapthlak lam hret ani!

*kan thlah lo kal leh zel tur hring tur a tan ka duh nek lo ve* pa Saia thusawi chu ka bengah a ri nawn tluk tluk a, khatiang leh lutuk a inhmuhsitna tawpkhawk kha ka tawng ngai miau lo! Ka thisen a lum pup pup a! Pa Saia huatna in ka khat bawk!

Ka rilru te te chuan 'nang leh i thlah te nen a inzawmna neih hi ka chak bik chhe te lo' ka ti a, ka chhungril lam ah chuan ka inhrosa ve tan tan a.

Mahse.....

Rit zet a prof Msa thaw hawk chu muangchang a en chho in kut ka hum ruh nghal ngawt ngawt! He pa hian min hmangaih vangin a pa nen an inzawmna neih zawng zawng tih chah vek a pawi tilo!! (?)

A pa țawngkam kha zet te khan ka thinlung hi nasa tak in a hliam a, hmeichhe nasa zet leh pawisak neilo Lola chhungril chu pa Saia huatna vangin sa zawk zawk a. Chu huatna chiah chu dah lian in keimah vang a engkim chan huam mipa hi ka kalsan tho dawn em?

.

.

A inkawt ah motor a tih din rual chuan ka rilru insual kual tup tup ațang chuan ka inthing harh a! PaSaia mitmeng thuk zet a min huatna nasa lutuk lang chhuak te! A chhungkua aia prof Msa kei min thlan zawk vang a min dahbo mai pawi ti miah lo hmel pu chung a min melh khui khui lai te chu ka mitthla ațangin nawreh tum engmah ila ka theih ka ring lo!!!

Rum nghut in prof Msa seat belt a phelh a.

"Ka in ațang in chhuak nghal ang che" prof Msa aw hriam hrawk avang chuan ka lo tawm chawi mai!

"Msa.. ka.. ka tihpalh tak zet!"

"Farnu ang a ka en theih che ka ring tawh lo!" bung lutuk hian a ti bâwng a! Mak ti zet a ka en chhoh dawrh chuan hmalam melh ngur hian steering chu nghet takin a lo hum ngawt ngawt!

"Ms, khawngaih takin ka insawifiahna min ngaithlak sak rawh..."

"Eng insawifiahna nge i neih ang?" thinrim zet hian a ti tuar! A aw a thum in a lian bawk si, hmel dur khui chungin motor hnunglam chu a melh chho ngur a!

"I nuța hi sum vang in min phiar ru! Faith, chuthil chu engtin teh hrep nge sawifiah i la duh cheu a? Ka pianpui farnu te nen danglamna awm lo khawp in ka hmangaih che a sin. Mahse, nang chuan inhmun zim te vang lek in min phatsan thei! Huh.. Chuthil chu i sawifiah ang maw?" ti nek in a ner sawk a! Mahse, Farnu ang chiah a a lo hmangaih leh enkawl in a phatsan na chuan a tihnat ve zia erawh a thinrim rum ri dur dur phen ah chuan a inphum rit luk!

Sum leh pai duh lutukna hian mihringte mit a ti del fo țhin a, Faith pawh hian theihtawp chhuah a hmangaihtu in a chung ah țhat a chhuanna chu remchang ah la in sum siam nan a hmang a, a tawp ah chuan nuța, harsatna a tawh lai pawh a thlahtlam ngailo tu a chan phah ta thung!

Faith mittui tla zung zung chu rei a en anih chuan a rilru a nem leh mai te pawh a hlau ani mahna! Hma lam en leh ngur in a thaw chhuak hawk.

"Inhmun lo ram i duh anih chuan ngahnge țha takin min dil mai loh! Ka hnen ah duh zawng i sawi tih hlawhtlin sak loh che ka nei tawh em?" a ti hmuk a. Mahse, a sawi tam chuan a thinur zual tulh tulh dawn a a inhriat vang a ni ngei ang, insehruh nghek in kawngkhar a nam hawng nghal pawp.

"I thuamhnaw khung khawm la, i chhuak nghal dawn nia... sum hmang a zahawmna hralh thei hi ka laina hnai i ni tawh hrep lo ve"

Motor ațang a chhuak chiah chu a thinrim thawm a na bawk a, motor body chu a che nghing lawih! Na zet a kawngkhar chu nam phui leh bur in motor chu a rawn kal hual a.

A pa inchhung ata thinur tawh ani bawk nen ka țhutna lam chu a rawn thleng rang kher mai! Dimlo baksak a kawngkhar a lo pawh hawn chuan ka lo phu nghek a, a ban hrawl zet chu lek chhuak vutin ka belt hrenlai chu a rawn hmet phelh a, a engamah hma a min pawm leh ngawt a lo tum chuan rang zetin ka lo inveng a.

Hriatthiam harsa zet a min melh chhuk ngur chungin chal a ti chuar tup.

"Keimah in ka chhuk ve thei reng"

Thaw hawk in engmah sawi lo chuan a tawlh sawn ta hrut. Lei ka rah rual rual in ka ban rekah a rawn man hmiah! Kawngkhar chu nam phui leh burin inchhung panin min kai nghal dawr dawr.

Faith kha chu ngaihsak tumna chhete mah a nei tawh lo tih hriat zetin melh pawh a melh tawh lo hrim hrim.

Hnathawktu in tukțhuan a siam peih thu a lo sawina pawh chhang let lovin kailawn ah chuan min kaichho dawr dawr a! A pa te lakah a lungawi lohna kha ka lak ah hrithla in ka chung ah a țuan dawn niang tih ngaihtuahna ka neih rual chuan chiai zet in ka țang ta nghek, rum nghut a a lo inher vut chuan ka tawlh hnung hrat a, a hmel dur thim khup chu min ben chawrh țum nen khan a danglam chhet miah lo bawk!

"Bawihi?" a rawn tih nghut chuan ka insangmar țeuh a.

A pindan chhung ah chuan min kai lut a, Faith chu buaipui zui a tum tawh hauh lo tih a chet zia ah chuan a tilang chiang hle bawk.

Nizan a kan sulhnu vang a khum lian zet khuhna chuar tun tlang ah chuan min nawr țhu a.

"Engtin nge Faith kha..." tim dai a ka ti sep chuan min nuih suk a.

"Ka pa Bâk anih kha!" a tih sup chuan hriatthiam loh hmel zet hian ka en a.

Thil awm dan chu min hrilh a! "ka pa thusawi dawnsawn nuam lo tak tak hriat i ngai kha pawi ka ti tak zet! Ka pa nen kan chet dan mawilo zet i hmuh kha a tir chuan ka duh bik hauh lo! Kan chhungkua i hmuh zahawm loh phah vek dawn a..." a ti sup a. A thusawi chuan dikna chin tam tak a nei ka tihpui bawk.

Thil engkim chu ka hriat sa vek tawh kha a lo nia! Prof Msa nupui turin a pa hian Rinchhani bak duh a neilo! Hmaichhan ah min hrilh tawh! Mahse, midang hmanrua ah hmang a, chet a lak erawh ka lo ringchhin ngailo!

Faith kha a tir chuan Prof Msa pawn a pa hmanrua ani tih rin ngaihna a hre biklo! A chhan pawh a nu boral hnu ah an intlawhpawh tawh ngailo vang in, Mahse, Faith khan Aizawl ah clinic hawn a lo chak em em a, eng tin tin emaw pa Saia nen inbe pawp țha leh in kei leh Prof Msa nen kan inkar ah khi a awm theih nan theih tawp a lo chhuah țhin a ni a, tichuan, Prof Msa nen min pawh țhen theih phawt chuan Zarkawt veng lunlai tak a pa Saia inding zing a pakhat saw a hming in a awm dawn.

In hmun a duhluat vangin chet a lak theih dan chikim in kei leh Prof Msa inkar ah a rawn inrawlh chho țan ta a! A tum ruh bawk a, a hlawh tur lah sum a chantir dawn chuan cheng nuai 10 dawn a tling hial ang!

".... hetiang thil hi an ti ang tih ka ring phak biklo! Ka hriatchhuah țum chuan dawt nise ka ti a sin" khawngaih zetin ka melh a, amah hringtupa leh farnu ang a a en te'n a hnung lam ah an lo phiar ru nasa lutuk chu a thinrim pui tluk zet in na a ti hmel tak zet!

"I pa leh Faith an inthurual tih chu engtik khan nge i hriatchhuah?" ka ti sep. Ro zet a nui lui suk hian min melh vung vung a.

"Jail ah ka dah luh zan che kha" ka lo ip chawi mai! A tukzing ah a rawn lang hlawl a, hriatthiam harsa zet a min en ngut ngut in ka chhuah theih thu a lo sawi a. Kei a thinur tawh lak lawh chuan ka lo deusawh kual vel a! Khami ni ațang khan min biak tum in min um kual ngat ngat a! Ka huat luat avang in melh tak ngial pawh ka melh peih lo țhin anih kha! Ka țhiante zawng zawng pawn *inthiam lo hmel a pu a, biak tal chu be rawh* an ti lawm lawm chung pawn ka ngaihthah lui zel anih kha!

Eng emaw sawi tur a ka a ang zuau chu tawp leh hmuk in closet pan in a kal vut.

Kei erawh bet lo zet in khum tlang ah chuan ka țhu ngawi kar a, prof Msa chu reilote hnu ah thil eng emaw keng hian a lo let leh a.

A mitmeng uk khup leh thim ruih chuan hriatthiam harsa zet hian min melh a. A kut a a thil ken ka hmuh chuan nasa lutuk in ka thinphu chu a rang nghal dawt dawt! Thawk pawh thaw chhuak tawh lo hian ka lo en kar a!

Hetiang thil hi a thleng tur a ni lullo! A thleng thei lo tak zet!

Pa Saia min țawng khumna te zawng zawng vang khan kei hian an ni chhungkua hi hlat vang vang tur ka ni!

Ka hma ah tak Prof Msa a rawn din khup chuan ka thawk ipik lutuk chu ka awm chhung a tawt mup mup!

Mit tizîm deuh sún a min melh chung chuan a taksa hrawlpui chu a rawn awm hniam ruai ruai a!

"Min nei duh a ngem?" rawn ti sup in ka hma chhuat ah chuan a khup pakhat nghat in a rawn țhingțhi nghal rûn anih chu!

Phawk zet a ka melh kawk chu min nuih suk a. Ka malchung a ka kut hum tawm țai mai chu rawn hum in a ngawi deuh vung vung a! Kei erawh chechang lovin ka awm ngai chuan ka awm reng!

Thaw chhuak deuh hawk hian ka kut chu a lo hmer salh a.

"Bawihi?"

"Ka... ka thei lo ang" ka ti phawng! Na zet a ka kut a lo hmer vak chuan a mitah pawh en ngam lovin hnuai lam ka bih nghal tlat a!

Ngawi ngul in ka kut chu a hmer ngut ngut tawh mai si! A hmerna a nat em vang chuan ka kut chu a mur chum chum a.

"Ka haw tawh a țha ber.." ti sep a ka ding chhuak chiah chu na lutuk hian min pawt let lawp a! "Engvang in nge?" a ti vawt ruih.

"i pa vang te leh thil tam tak vang te in..."

"Thil tam tak chu engmaw?" Rum tak hian a rawn ti nghek, chutia min vin hmasa tu zawk ah a țang chuan min tisa phat a.

"Nang hian min rinna i nei ngailo! Chuan, kha i unaunu teh hrep vang a Jail ah min khungna te kha ka theinghilh thei reng reng lo... kut min thlak te pawh kha!" ti tuar in khi suk a min lo melh run tupa chu ka au khum nghek.

"Faith vang in Jail ah ka khung lo che" a tih hmuk chuan rapthlak ti lutuk hian ka melh a! Min nuih leh suk nia mawle!

"Dawhehpa, i farnu dawhheh lutuk kha ngaihdam dil tur a min tih hnu ah ka dil duh loh vangin Police i call...."

"No.... ka kum upat vang a ka bul ah i awm peih tawh loh thu i sawi țum ang chiah a hmusitna te nen min en vang teh hrep zawk a sin" kei aia vin chuan a rawn ti ve ta nghek!

What?

"Oh.. C'mon, khatiang țawngkam kha engvang a chhak chhuak nge ka nih tih lam i ngaihtuah thleng pha tawp nang.. min ring lo hmasa.. a țha em? Faith'n min lo call a, zan lai ah falkland ațang keimah a haw turin min rawn hrilh! Chu chu awi duh lovin keimah zawk diklo ah min ngai anih kha..." ka sawi tam bawk a, ka thaw zui hawk.

"Hman zan lawk ah pawh thuchiang hre hmasa lovin i farnu chan nan kut min thlak tawh bawk..."

"Kut ka thlak chhan che kha Faith vang ani hauh lo!" ti hrawk a rum lutuk a min melh rual chuan ka chhungril hi a țim sawk! A sawi dik! Kut min thlak chhan kha chu pills ka ei țhin vang.

Ka kut a hum chu thlah hmuk in a ding mar vut a, chumi rual a a thil sawi vang chuan ka melh chho nghal kawk bawk!

"Jordan pawh hlat ang che.. i tan a mi țha a nilo"

"Hello... " ngeiawm lutuk a ti pah in ka ding va phat. "Khatiang in Jordan chungchang sawi hlek suh aw... nang hian khawvel a awm chak lo khawp a min siam lai pawn ani chuan min hnem țhin a sin" ka ti a. Huatthlala zet a malsawmtluanga khi suk chu vuak thluk tawp ka chak kher mai!

"A hnem thiam mah mah che anih dawn chu, i intur ah pawh damdawi a lo pawlh" a ti nek.

"Eng nge i sawi awmzia?" ka ti hu ringawt.

"Min zawt zawk a maw? Nizan i intur ah khan damdawi a tel tih i hre miah na nge?"

Ughh.. nizan ka awm dan kha a dik lo tih chu ka hria. Mahse, Jordan'n inrawlhna a nei loh zia erawh ka chiang.

"Intur kha Jordan-a min pek a nilo... Chuan, ka in laiin ka kiang ah a awm lo bawk" ka ti a. Nui hul hak in Malsawmtluanga chu ka lam panin a rawn phei buan buan a.

"Hnaih tawh suh ka tih chuan ka thu zawm mai rawh" ti hrawk in ka kawngah nghet zet hian a rawn man hmiah. "I tan a țha leh țha lo chu ka hria" ti leh nghut in dimlo baksak hian min kuai dak a, ka hmui ah a rawn fawp nghal bawrh bawrh. Ka ngei lutuk bawk si nen ka lo tal nawk nawk a, chutia ka tal hrep chu chak zet a a kut che nghal buan buan vang chuan ka khawng awt!

A kamisz ka haklai hma chu a rawn pawt țhawt ţhawt a, chhuat ah kawrkilh a tlak ţîl chum chum pawh chuan min fawhna chu a tawp map lo.

Dimlo lutuk a kamisz a hlih hrawk chuan harh chhuak kawk in ka tal a. Mahse, ka kang nghal lawp!

"Malsawmtluang ka that dawn che" ka ti tuar, a nui thum huk huk chu a hnung ah leh taksa remchang lai lai ah ka chum pawp pawp a. A darah min pu nawlh in zo zet a min pen sawnpui lai te chuan min sual luih leh hlauhna te nen theih patawp in ka tal a!

Chhuat ah min nghat fel chiah tih ah tui vawt zet in ka taksa chu a rawn phuh sur sur! Hamhaih zet a ka meng phawk kawk chu washroom bang ah min nawr ber in uar lutuk hian min fawp nghal tawn tawn a. Chung lam ațangin shower tui vawt zet chuan min phuh sung sung bawk! Thawk leh khatah min fawh dan chu thlak in dam lutuk hian a rawn che a, ka kâ chhung ah chhan let phut zet a lei a tih chet kualna chuan ka chhungril thlengin a fan kual rawih rawih!

Mahse, ka chhang let dawn lo ani tawp mai!

"Luhlul nu" ti sup in min pawm kang nawlh, run zet a ka vin nghek chu a hma aia duhthawh leh ngenngawl zawk in min fawp leh nghek a. A lei lum țha zet zei lutuk a che kual vel chu chhan let loh harsat tak ani mai! Mahse, rilru tifim lui tlatin ka inhum ruh vak vak a.

Rum nghut a inla hrangin bang ah chuan min nawr bet run.

"Thinrim lai chuan tui vawt in inbual ila a țha ber" a ti sup, ka lu bul bang chu a ban hrawl zet pahnih chuan a lo nam nghal run a. Pantie chiah ka inbel tih hrechhuak thut a ka inhup chawi chawi chu hmuhnawm tih hmel lutuk hian min melh chhuk run a!

"Hu*a khatipawh khan min en suh" ka tih leh nghek chuan nuihza insum hmel sexy zet hian min melh chhuk ngur. A tukhum ah tui chhuan a khawh sung sung a, chu chu a nghawng leh dar pharh hlai țha zet ah lo luang thla in a sam huh hlap ațang tui lo far chuan min far fap fap a.

"Inbual zo ila, kan inhnawh puar dawn nia" ti sup in a kutphah hrawl zet chuan hmai a tuai pawk! Sexy hi chu a sexy thlawt mawle!

🐾

⬇️

Vawiin hi Prof Msa nu thihcham ani a. A lakah ka hel miau vang in nizan a min lo biak bak kha min lo be tawh biklo.

A message min hnutchhiah erawh kan pahnih inkar tawp hlenna tur chu ka kut ah a awm tih chiang takin a rawn ziak tel.

Zanin tlai hian min nghak dawn tih a sawi a, ka kal lo anih erawh chuan amah kalsan turin ka duhtak zet tih ka nem nghehna ah ngaiin ka duhthlanna min zah sak tur a sawi!

Zungbun kha ka bun sak duh lo a! Chutichung pawn ka lakah beidawng duh lovin min dawh țang țang a, pa Saia țawngkam vangte, jail ah min dah luh vang te leh kut min thlak avang te khan keichuan awlsam tak a engkim theinghilh harsa ka ti ve tak zet!

Mahse... hetiang teh nuaih kan pahnih inkarah thil a thleng chung pawn kumkhua a inzawmna nei tawh lo tur ang a ka ngaihtuah ringawt pawh ka thinglung hi a che dawt dawt a! Ka rilru zatve chuan min hmangaih vang a a chhungte lak ațang talhran pawh hreh lo mipa, a thiam ang tawk a ngaihdam min dil a, min um kual ngat ngat țhintu hi ngaihdam duhna a nei a!

Ka rilru zatve erawh chuan apa in khatiang khawp khan min hmusit ani a! Tunah hian lo inkawp rem leh pawh nita ang ila, apa bawk hian harsatna min siam sak leh tho ang tih vel a ngaihtuah tel zel vang in thutlukna siam harsa ka ti.

Ka phone ri in ka ngaihtuahna a ta chu min ti harh zawk. Rang zetin khum chung a mi chu ka ban a.

"U.." phur zetin ka ti nghal chul. A hna vangin Shillong ah kal a țulla, a thangbo hlan in Bawihpuia a damloh leh a hlauh tawh em vangin u Mimi nen a hruai ve ta daih. Kei erawh kan in lamah ka awm phei tawh thung.

"Vawiin lam te.. i buai em?"

"Aih, Bawihpuia a fel em?" ka ti vat a. Meeting neihna ațang hotel panin a let mek thu a lo sawi chuan a hna chungchang ka zawt luam a. Reife kan inbiak hnu chuan ka room kawngkhar lo inkik ri deuh dawt dawt vang chuan phone ka dah a.

Kawngkhar lam ka pan nghal zat bawk.

Kawngkhar ka hawn chuan ka pa nen kan inhmachhawn nghal ran mai.

"I pu (Muani pa) a țha vak loa, Lunglei ah kan phei nghal a ngai, i lo kal ve dawn..."

"Dawn lo" rang zet in ka ti hmak. Uluk zetin min melh run a. Mahse, chiai tih hriat zet a an mut pindan chhung ațang Muani'n a lo auh chuan thaw hawkin lu a bu ta nghut.

An pathum chuan an insiam mawp mawp a.

"Hlimi, i nuThiangtei a lo kal lo tih chu i hria tiraw, soup ka siam tawp a, dawhkan ah ka khuh țha aw" Muani'n a lo tih chuan ka bu nghat ringawt. An chhuak tur chu ka room kawngkhar ațang ka thlir liam tawp.

An tlan chhuah hnu fe ah inhnuai lam ah ka chhukthla a, tlai lam dar6 a ri țep tawh!

Ka lungphu ri deuh dawt dawt chu tihziawm tum in ka thaw halh a.

*dar 7 ah.. Bawihi, min ngaidam thei anih chuan dar7 ah ka lo beisei ang che* prof Msa message chu ka mitthla ah a lo lang uai uai.

Muani soup siam chu muangchang in ka hawp a, Prof Msa in ah chuan ka kal ve ang nge kal ve lo ang!

Ka nu khan min hrilh țhin a *tupawh in a thil tihsual ang ngaihdam a dil che a, hunțha vawi khat lek a dil che anih chuan hun țha chu pe leh rawh* a ti țhin a. Chung thil vel chu ngaihtuah in awm dan tur ber hrelo zet in ka thaw leh halh țhin.

Lola, i thinlung duh dan chu zawm tawp mai rawh!

Chhunglam ațang min rawn hrilh tu a awm rual chuan ka rilru pakhat zawk a rawn ter nghal at hma in chak zet in kailawn ah ka tlan chho rawk rawk a!

Prof Msa hi chance vawi khat tal ka pe leh tur ani! Min hmangaih vang a ka tan engkim tawrh huam mipa hian chance vawi khat lek chiah pe leh turin min dil a! Zanin tlai hian luhlul chhuah in inlan ta lo ila, ka lakah beidawng in min tawp san tawh ang! Chuthil chu thleng turin ka duh lo a! Ka ngam lo bawk.

Ka thuamhnaw bawm ațang thuamhnaw la chhuak pahin sanna ka melh a. Dar6:30 a ri va tawh. Ka che reng reng chu a phelh phung a. Make up pawh ka duh ang tawk in ka hmang hman lo!

Kan in chhung zau zet ațang chuan kal chhuak hlawk hlawk in kawngkhar chu tala lianpui in ka kalh a, motor hunna pan a ka tlan dawr dawr chu vawi leh khat ah ka bîng mup!

Ding chawt in ka awm chhung tawt up up ka hrawk a rawn inhnawh chho tup tup chu hrethiam lo lutuk in ka awm chu ka chum nghal dawt dawt!

Ka awm dan chu a mak lutuk! Thaw cham tur ang mai hian boruak ka kham khawp ka hip lut thei lo der! Tal buai nan rei ka mamawh miah lo!

Reilote hnu ah ka hrawk inhawh phui tlat vang chuan boruak ka tlachham a! Thawk la kawk kawk a, ka hrawk chhung a eng emaw tang tlat ang mai a inhnawh tlat luak chhuah tum a ka uak nghek nghek chuan ka chil rawn rial in ka khawhmuh chu a thim tual tual a! Thawk chhuah ka tum a! Ka thei tawh lo!

Ka chungah hian engthil nge thleng ta hi!

.

Prof Msa's Pov

Ka farnu te'n kan chhungkaw țhian țha lo kal thar apiang chu an lo dawng sawng a! Kei erawh engthil dangmah ka ngaihtuah thei tawh lo. Tual zawl ah vei kual sek in ka ban a sanna chu ka bih chhen a. Dar7 rik nan minute 10 chiah a awm tawh! Bawihi hmel reng reng a rawn lang thei bawk silo.

Call hmasak chu duh viau mahila a duh thlanna ngeiin he hmun hi rawn pan se ka duh! Ka nawr luihna tello in min ngaidam thei anih chuan rawn inlan se... ka thil tih leh chet dan engkim kha min ngaidam thei ta lo anih leh min duh ang ngeiin ka tawp san tawh ang!

Tawp san!

Hrep a! Rum nghut in ka ban a sana chu ka bih leh thuak a! Minute nga a liam leh tawh! Chak zetin gate pawn ah ka chhuak vut a. Motor kawngpui chu Bawihi a lo lan mai beisei zetin ka thlek vung vung bawk.

Car pakhar ka in pan a rawn tlan a awm rual chuan hahdam huai in ka nui suk mai!

Mahse, car chu a lo hnai tulh tulh a! Ka pa car tih ka hriat rual chuan nghet zetin kut ka hum tawm nghal țawlh țawlh!

"I rawn inlan lo ang maw?" ti chhuak sup in muangchang hian gate ah chuan ka lut leh a. Min ngaidam thei ta ngang lo anih dawn hi!

Kawt zawl a ka pa rawn kal phei chu veranda țhutthleng ah țhu chungin ka lo melh ngur. Ka farnu te'n an rawn zui diah diah a. Ka bul an rawn thlen rual chuan lungawi loh hmel zet a min rum khum nghut in inchhung ah chuan a lut a!

Kawchhung tawt zet in ka rum nghal hrawih! Ka sawi tawh ang ngeiin ka pa pawh tlai khawhnu ah a rawn inlan ve a! A awmzia chu Bawihi nen kan inzawmna min pawmpui tawh! Mahse..

Bawihi ber lah rawn inlan tih reng a awm thei hauh silo.

Ka nawr lui hauh lovang ka ti nangin a number ka hmet chhuak der tawh! Ka call a. Switch off a in ti hmak. Ka lungphu chu a che ve ta dawt dawt! Thawk sa phalh phalh chung a ka call nawn leh pawn switch off a in ti hmiah a!

Nimin ațang inngaihtuahna hun ka pe tawh a! Rawn in lan loh a thlang ta zawk anih dawn hi!

"I ngaihdamna ka hlawh chhuak zo ta ngang lo a ni maw?" ti sup in phone chu ka melh ngut ngut! Ka lungphu che dup dup chuan *I kal hlen tir a ngai tawh anih hi* a rawn ti a. Ro zet a nui suk in ka rum chhuak hrawih.

Post April 19th, 2020, 7:45 pm

Chapter 35

"I rawn in lan lo chuan beidawng duh lovin ka lo call dawn che tih i hre lawk ani tiraw?" ti thuk ruih in ka nui lui suk. Phone min switch off khum hmak erawh ka insehruh pui ngawt ngawt. 

Ani khan ka mizia a hrechiang lutuk! Min be lo a rei tak a awm theih laiin a tello leh rei belo in ka awm thei lo tih a hrechiang tawh lutuk tlat! Engtik lai pawn be hmasatu ah ka țang ziah tih zawng zawng nen hre vek in min chet khalh ta hmiah! Thinrim a min block hmak pawn mi â ang maiin chet ka la a, a phone hack sakin ka be leh nge nge țhin.

Zanin tlai hian a lo inlan lo anih pawn lungdam takin ka pawm tawp dawn lo tih a hrechiang lutuk! Chuvang tak chuan ka chhui zui theih loh nan phone a switch off tel hmiah.

Muangchang in ka țhutna ațang chuan ka tho chhuak ruai ruai a. Inchhung a ka chhungte leh țhenrual ţha te thawm awm nak nak pawh chuan ngaihtuahna mumal min put tir thei chuang lo; ka smart pants kekawr ipte ah kut pakhat thun lut hlun in ka ding ngawi ngul a, ka kekawr ipte chhung a zungbun ka tawh fuh takah chuan nghet zetin ka hum nghal hmiah. A țum hnihnan he zungbun leh kei hi hnawl kan ni leh dawn tih na em ni?

Rit zetin ka thaw chhuak hulh a!

Ka hmeichhe hmangaih awm chhun nen kan inkar chu a tawp hlen tak tak tawh dawn nia ka hriatna chuan min delh rit chur! Eng nawrluihna mah hmang lova ka a hnen rawn pan turin ka duh miau! Thinlung tak a min ngaihdamna nen min rawn pan a nih ngai chuan vawi khatte mah a rinna ka tihchhiat sak tawh ngailo ang... huh.. chu erawh chu a thleng dawn ta lo anih hmel! (?)

Beidawnna a khat ka thinlung ipik lutuk chuan a tawp nan tal ti niawm tak hian ka kê pen chu Gate lam ah a hruai leh tho!

Beidawng ngawih ngawih. Mahse, beisei lo phal bawk silo, beisei dawn a beisei chhuah tur awm a hre hlawl bawk silo boruak ipik lutuk in ka chheh vel chu a rawn zîm tup tup a.

Gate ka hnaih tulh tulh a. 'rawn kal ta lo cheu se..' tih chuan chhung lam ațangin min rawn nghawr a, ka chhungril che dawt dawt chuan tawrhhlehawm fahranin min vîlh ngut ngut bawk! Ka damchhung a a vawi khatna a tan ka thinlungin a tuar chhuah zawh loh natna tawpkhawk ka hmachhawn dawn nia inhriatna ka nei ta thlawt bawk! Ding chawl dat in ka han thaw chhuak hawlh hawlh a! Hmangaihte chan mai hlauhthawnna nasa zet in thinlung a nghaisak dan ah hian mipa leh hmeichhia a lo thliar hrang hauh lo tih ka hriat thar phah rawih rawih!

Ngaihțhatpui ngaihna awm lo khawp a nasa hian Bawihi rawn in lan loh hlauhna chuan ka lungphu a pump rang zawih zawih a, chumai pawh nilo in ka chhung rilah hian na a inlum let kual but but bawk. Ka lungphu dup dup zawnah chuan ka kutphah hlaihlup chu nghatin mit ka chhing vung vung a. Chiang lutuk in Bawihi hmelțha zet mai ka hmu zawm zat! A țawng zawng a a hmui phir nalh zet che kual vel te, a lungawi loh chang a a mitmeng lian leh nalh lutuk tal kual ve tap tap țhinte kha keichuan damchhung a ka tan ni turin ka duh... Mahse, a rawn inlan lo a nih chuan chatuan pawh in ka ta ani tawh ngailo ang! Nawrluihna te nen nasa taka ka hliam sak hmeichhe thinlung kha neih sak tum turin dikna chanvo ka nei ve tawh miau lo!

"Mipa tak in le!" ti chhuak sup in ka meng chhuak ruai ruai a! Ka hma zawn a kawngpui reh tlawk tlawk chuan engkim a nem nghet chiang ta viau! Chu erawh ka lungphu dup dup chuan dawnsawn harsa a ti viau bawk.

'Hei hi i thutlukna ani tak zet maw?' tih chu beidawng lutuk hian ka thinlung chuan a rum chhuah pui hrawih!

Ka kut a lunghlu zungbun chu melh ngur ngur in a khat tawkin Bawihi rawn zawh tur kawngpui lam bawk chu ka melh leh țhin a! Eng chen nge rilru mumal pu hlek lovin gate bulah chuan ka din tawh tih lam ka ngaihtuah lo!

Hei erawh a chiang ta! Min nei tur a ka sawm țum ang chiah khan kei hi hnawl ka ni!

"Dude" hnung lam ațang Rsa chuan a ka darah kut a rawn nghat dawt. Ka insehruh țeuh a. A thuthlukna engkim zahsak turin ka intiam tawh! Harsa mahse mipa ka ni a lawm, ka thutiam ah nghet tak a dingin a nun ah ka inrawlh tawh tur a nilo.

"Khawnge Lola pawh chu..." ti sup a ka bulah a lo din chuan zungbun chu ka hum bo a. Muangchang in ka kekawr ipte ah ka kut chu ka zen lut leh ruai ruai.

"I hmu lo ang" ti chhuak sup in ka inher nghal vut.

"Eng nga?" ti hluk in Rsa chuan min rawn zui a. Chak zet in tualzawl ah chuan ka pen pawk pawk.

"Ka va hrethiam lo ve..."

"Hriatthiam loh tur vak a awm em ni? I hmuh ang hian a rawn kal dawn lo.." chang zet a ti chhuak nghut in ka kekawr ipte a zungbun chu ka hum ngut ngut.

"Huh... I țhian țha leh chhungkaw hma ah i pho chhuak tawh ang chu tih lai a..." nui deuh hawk hian a ti a, ka thinlung ipik zet chu min rawn hriatthiampui nise a nui hauh lovang.

Kan ţhian dun inzui lut chu midang hmuh telve inbeisei tih hriat zetin an țhut hnun ațang in ka farnu te chuan min lo thlek ha ha reng a.

Kan rual in tu hmeichhia mah an hmu ta silo hrilhhai hmel zet chu! Zawhna a khat mitmeng a min enna chu hmu lo der hmiah in țhutna lam ka pan vut. Min chhangtu chiah chuan rang fahran hian min pan a. Ka pa ep chiah couch ah chuan țhu nghut in ka ngawi zui ngul.

"Mama, khawnge i țhiannu pawh chu...?" zawi sap in ka bul ah lo țhut ve pah chuan a ti a. Thaw hawk in ka nau chu ka en ngur.

"A lo kal thei dawn lo em ni?" a ti leh a, a mitmeng fing zet chuan ka hmel hnim ruih chu min zirchiang uluk hle bawk.

"Kal dawn lo"

"Oh.."

"Theinghilh rawh, engkim hi i kaihhrui vek tur a nih kha" ti sup in ka țhenlui suk. Inngaihtuah muk hmel zet a rei ngial min thlek vang vang hnu chuan ka ban bulah a rawn chelh a.

"Buaina in nei em ni?"

"Nope..." ti sup in hmui ka pet sawi zauh. Mami chu a ner deuh nang a, Mami chhang chiah Tetei pawh kan bulah chuan rawn insawn pheiin chanchin min zawt a. Mahse, a u in ka mood ipik zet vang chuan engmah min zawt tawh rih lo turin a lo khap thuai a.

Kohhran upa in hunseh a hman zawh hnu ah zanriah kan kil ho a, ka țhian te pawn Lola chu an beisei vek tih hriat zetin min melh leh țhin a. Kei lah zawhna zawh chakawm loh khawp in ka ngawi ngul bawk nen min zawt dawt an hreh vang chuan Rsa an bekbawr leh tawp zel.

Midang lak ațang chuan inthiarfihlim in ka nu thlalak intar khah vekna pindan chhuang ah ka lut bo a. Ka nu thlalak lian pui intar chu ka din chilh run.

"Vawiin hian ka hmeichhe hmangaih hmasak ber nen inhmelhriattir che u ka tum a sin" ti chhuak sup in frame tlang chu ka chelh run.

"Mahse, vawi khatte pawh hmangaih la nei ngailo i fapa hian hmangaih dan ka thiam miau lo, na tawpkhawk in ka siam a, a thinlung ka hliam sak bawk! Ka natna pek te vang chuan min ngaidam thei ta lo pawh ani mahna.... i hma ah ka rawn hruai theih loh avang in ka tihpalh" thlalak a hmeichhe hmelțha zet en ngur chung chuan ka phun chhuak leh sup.

Engtikahmah a fapa hian hmeichhia a hmelhriat tir ngai dawn lo anih hi!

Rei fe ka inkhung hran hnu chuan lunghlu zungbun chu ka nu thlalak inhunna dawhkan sang chuang ah chuan ka dah a, bun tur a ka duh ber kutțangah engtikahmah a awm ngai dawn lo! Amah nen hmalam hun sungtuah chung a ka chher chawp tir a ni a, chu ka suangtuahna leh hmathlir lo neih lawk tak zawng zawng te kha hetah hian tawp ve bawk rawh se!

Thinlung ipik zetin pindan chhung ațang chuan ka kal chhuak a, kawngkhar ka pawh phui laia min rawn pan tu ka hmuh rual chuan insangmar nghal țeuh.

"A tir ațang khan ka thu zawm mai la țha tur" ti nghut in ka pa chuan min din chilh run.

"Min hnial mualpho hrep in a mit hmuh lai ngeiin kan pafa inzawmna tih chah hreh miah lo te'n in țawng chhuak a, khatiang hmeichhe heheu țhang lutuk chuan rei thununna hnuai ah khawsak an peih lo! Chung thil ka hmuh lawk vek vang chuan tawp san turin ka hrilh che a! Ka thu zawm a hneh in kan chhungkaw mualphona thlen zawngin i khawsa a, tihian tu nge dik zawk chu i hrethiam tawh em?" hnehtu inti zetin min melh ngur. Nghet lutuk in kut ka hum tawm a, ka pa chuan a la duh tawk lo nasa.

"Tleirawl nun thlahdah laklawh chuan an bansan mai mai thei tawh lo, han in en ta che, ka hma ah thih ngam a a thlavang in hauh sak hmeichhia khan inzawmna nghet leh pangngai tak i siampui dawn meuh chuan a phatsan ta si che a nih hi, nu leh pa te hian fate tan a țha tur kan hrechiang ber tih hria la, i thutlukna angin i kal tawh, chu i thuthlukna chuan khawi hmun nge a hruai thlen che tih i hrechiang tawh hle bawk. Tun ațang chuan ka thu chiah zawm tawh ang che, i naupantet ațang enkawl seiliantu che hian i tan a țha lo ka duhpui ngailo ang che tih ring thiam rawh ka fapa" ti sup in ka darah a rawn hmer vang vang a.

Min an dang țin darh vek tawh a. Zan boruak inpik zet chuan ka huntawn min țawmpui ve ang hrim hian van chu a rawn rum dur dur! Thli na zet tleh vuk vuk kar ah chuan kawl a rawn pe eng zawr zawr a! Țek tla ri țhuai țhuai in zui leh in ruah chu a rawn baw hawk hawk.

20200321_045137(7).jpg

20200321_045137(7).jpg (25.83 KiB) Viewed 21061 times

Curent a rawn thim hmuk a! Kei erawh chechang hauh lovin couch nghenchhan ah ka lu nghat chuan ka maimitchhing vung vung!

Tunah te hian engthil nge a tih ve ang? Min ngaihtuahna chhete tal a nei ve a ngem? tih vel in ka thluak a rawn luh chilh tup tup chuan thaw ipik zet in ka rum chhuak hulh! Dawhkan a whiskey chu no ah thlit belh in ka tlak nghal vek. Ka kawchhung sa thla hut hut chuan ka awm a rawn ti nuam deuh a. Hmangaih ber hnen ațang a hnawl nih hreawm zia leh tlawmthlak zia chu a tawng ve tawh tu thinlung chiah in a hrethiam ang!

Ruah sur ri bur bur hnuai ah ka in pawn lam ah chuan car horn a rawn ri țhat! Atthlak lutuk in ka lungphu chu a che nghing dawt!

"Bawihi?" ti chhuak sup in ka dinna aţang chuan ka tho chhuak vut a, chak lutuk in inchhung thim mup hnuai ah chuan kawngkharpui pan in ka pen pawk pawk. Kawngkhar ka nam hawn rual in mit tizím sun chungin ka kutphah chuan hmai ka hliah vut. Motor front light eng ţha zet in min chhun khalh rum vangin motor chhung a chuangte chu tu te nge an nih ka hre thei lo.

Chhung lam ațang kawngkhar rawn innawm hawng aţang a hmeichhe bawp sei zet rawn in hlang thla chu ka lo melh ngur a, car ațang nihliap kapparh hmeichhe rawn chhuak ka hmu chiah chu ka mi beisei a nih loh lutuk vang chuan ka insehruh nghek ringawt! Pheikawk sang zet bunin Rinchhani a rawn pen chhuak hlawl! A kawrfual hak chuan a ngal rek thleng a khuh a, a mal te thleng a kak bawk tih zei fahran a ka lam pan a a rawn pen chuan ka hmu bawk.

"I mi beisei loh zawk min hmu si a ni maw?" veranda a rawn rah rual in nihliap chu a pawt zip a. Ka lungawi lo hmel chu haider in a nui var var.

"Tetei'n min rawn bia a, kawmhlim tu tur i mamawh a tih vangin hospital dinner neihna ațang ka rawn tlang nghal anih hi" zamna nei map lova ka hma ah a rawn din chuan țullo tih lutuk in ka ner nghal sawk.

Ka farnu mai mai pawh chu!

"Mahnia awm ka duh zawk" ti hmuk.

"Oh, titeh, țek leh ruah sur pawh pawisa lova nangmah hnem tur a rawn pan vang vangtu che i lo dawnsawn dan chu leh" a ti a, thinrim duh hauh lovin a nui hak hak a.

"I let leh thei ang" bung nghut a tiin ka inher vut. Rinchhani lo nui ri hak pawh chu ngaihven tawh lem lo chuan țhutkhawmna lam ah ka let phei a.

Ka thinlung chuan engvang teh hrep in nge ani zawk kha a la beisei cheu ni? A reh hmak dan ațang hian engkim hrethiam a, beiseina atthlak zet insiam tawh lo tur ka ni! Couch ah chuan ka țhu thla dawt a, kawlphe zawr zawr chuan ka inchhung thim zet chu rawn chhung eng puat puat in ruah pawn tukverh a rawb theh țhawt țhawt. Whiskey bawk ka thli chhuak leh a, thimzing a ka lam pan a zei zet a hmeichhe rawn pen zan zan chu lo melh run in whiskey chu ka thawk khat leh pap.

"Tetei chuan a rawn inlan lo a ti a.... i țhiante leh chungkaw ho hma ah hrilhhai takin a siam che a ti a sin.." rawn pen hma zel in ka țhutna leh dawhkan inkar ah a rawn ding hmiah.

"Babe, ka hnen a lo let nan a la tlailo a nia, a tir ah pawh khatiang hmeichhia kha chuan inzawmna nghet a neipui duh lo ang che ka tih tawh kha.... in phen nan leh a khat tawk a nawmchenpui a tan bak a duh lo che... engtik ah emaw chuan a kum rualpui zawk thlangin a kalsan tho ang che ka tih lai khan min ngaithla la ni tur!" zawi zet a tiin muangchang hian a kawr bah pakhat chu a dar ah a hui liam a, kawl rawn pe zawr zawr in a taksa lan dan chiang tak a a rawn pho lan pawh pawisa hauh lovin a dar lehlam pawh a hui liam hmak.

"Hnem tur che in engtik lai pawn ka awm reng tih i hriar kha... zanin hi kan inzawmna nem ngheh thar leh nan hmang ang aw..." ti tham chhel in eng zet a kawl a rawn phet rual chuan a kawrfual chu a kê lam ah tla thla vek in lace thong nen chiah ka hma ah chuan a ding ta ran a!

________________________

Lola's pov

Hlauthawnna leh tawr harsa khawp a natna nasa zetin ka chhungril a rawn luh ngut ngut chu ka thil hriat hmasak leh ber ani!

Ka taksa chhung natna in a rawn fan kual rawih rawih chuan ka lungphu a ti rang dawt dawt! Ka chhungril na vilh ngut ngut chu tawrh hreawm ti zetin ka thaw khur hlawk hlawk!

A chhan ka hriat siloh hian nasa lutuk in ka khur a, hlauhthawnna nasa tawpkhawk in min chim mup mup vang chuan awm ngaihna hlawl ka hrelo! Chung natna te leh hlauhthawnna te chu khawi a țang a lo kal nge a nih lah ka hre bawk silo! Ka na em em ringawt! Ka thlarau thlengin!!

"Professor" a ri meuh in ka ţap chhuak ta hawk! Chu hming ngei chu a ni ka chhungril thleng a natna rawn thlen a, ring tak a au chhuahpui ka mamawh chu!

Mahse, a hming ka lam chhuah rual chuan ka chhungril na lutuk chuan min hnawh tawt tup tup a! Chuti chung chung pawh chuan na ngut ngut siin prof Msa hming chu ka lam mawlh mawlh tih ka hria

"Doctor va ko rawh.." tih ri ka hriat rual chuan nasa zetin ka thazam a phu nghek.

"A rawn harh chhuak tawh dawn niang.."

"Umm, a harh tawh dawn a nih hi, oxygen kha check teh.."

"Engkim a țha.. hei, a mittui a rawn luang chhuak nasa lutuk" tih ri te chu ka hre reiruai a, ka chhungril rum tlawk tlawk mai chu tawrh a va harsa tak em! Muangchang in mit ka meng chhuak riai riai a, ka hmai bul chet ah hlimthla lo lang chu chiang lo zet in ka hmu thei a.

"Nula, i harh em? Ka țawng ri hi i hrethei em?" Hmeichhe aw hriat nuam zet hian a rawn ti mawlh mawlh.

"A la țawng peih lo a niang" ti sep in ka ban a rawn khawih a, ka mit te chu rawn keu in light eng zet hian a rawn chhun a, an chetphung engkim chu ka hmu thei vek! Mahse.. Aw Lalpa, ka chungah hian engthil nge thleng ta hi!

Kut tih chet ka tum a! Ka theilo! Ka kutțang chiah tih chet ka han tum leh a, chupawh chu ka thei chuang lo anih chu mawle! Thlaphang zet a ka awm dan sawi chhuak tur a ka ţawng tur chu reh beh tlat ang mai hian ka thawk a chham a! Ka hrawk chhung chu phui tlat in eng emaw hian min hnawh bet tlat!Eng thawm mah ka siam thei lo anih chu! Ka chungah hian engthil nge thleng a?????

"Tihian muhil leh se, a zia chho mai ang" ti sup a ka ban ah hriau an rawn vih luh lai te chuan hmu thei vek siin engmah ka sawi chhuak theilo! Rilru fim vek chungin ka taksa chu zeng ang mai hian a ni chuah chuah a! Maimizial in a zial beh tlat ang mai hian ka thazam te chu che zawr zawr in ka lum pup pup a! Ka chung a thil thleng chu ka hrethiam lo tak zet!

Ka thisen ah damdawi an lo thun chuan kar lovah min rawn fan a, mutthilh chhuak in nasa zet a min rawn zêm lai te chuan ka harh daih tawh tih hriattir ka tum a! Ka thei lo...

"Professor.... Professor" tih chu ka lam sep sep. Ka ngaidam vek tawh tih leh a hnen pan tumin ka thawk chhuak tih hre miah lovin mangang zet in a lo awm ngei ngei ang! Ka ngaidam tawh tih leh min hmangaih ang tho in ka hmangaih ve tih hrilh ka duh a sin! Ngatinge chung ka thil duh pawh ti thei miah lova helai hmun ah hian laktlak loh zet a ka awm tlat mai le!

Eng emaw kiu țat țat leh ri ham ham reng vang chuan ka harhchhuak leh a. Mit ka men rual chuan khawi hmun ah chiah nge ka awm tih hriat hmasak ber tum chuan ka mutna bul vel chu ka melh kual nghal ruai a.

Damdawi in khum ah ka lo mu reng a nih chu! Ka bul ah chuan khawl masak pui pui a inhung a, inchung a light eng kung chu melh in ka han khap fak fak a. Ka taksa chu ka han ti che dawn a! Ka thei ve ta! Hahdam hawk hian ka thaw huai huai a!

Helai hmun ah hian engtiang a awm ngawt nge ka nih tih chu ka ngaihtuah let a, Prof Msa min lo nghahna hmun pan tur a ka kal chhuak tur kha vawi leh khat ah ka thawk rawn buai vek in ka chil a rial a! Kar lovah ka thawk a chham nghal ringawt a nih kha! Thlapang zet in min țanpui tu tur ka melh kual ruai a, a tawp ah phei chuan ka taksa chau lutuk kha tuar zo lovin ka dinna hmun ah ka tlu hlawm tawp! Mahse, ka rilru tifim lui țang țang in kan tual zawl ațang khan ka bawk vak a, chupawh chu tha ka neih loh em avang in ka ti hleithei lo! Ka rilru tifim lui zel in helai hmun ah ka leh hlawm tawp ringawt chuan tumah in min rawn hmu dawn lo ti in gate pawn ah tal vah chhuah ka tum a, ka chil rial bawrh bawrh te, hrawk phui mup vang a thaw hleithei bawk silo chung khan gate chu ka vak chhuak ngei a! Mahse, kan in awmna fal zet vang chuan min pui thei tur hmel reng hmu lovin beidawng zetin ka tha neih chhun khan ban ka vai a, ka au bawk! A hnu ah chuan engkim a thim mup a! A tawp vek anih kha!

Mitchhing sawk a thawk ka lak vang vang chuan rang zetin thil ka hrechhuak nghal zawk!

Prof Msa!

Aw Lalpa! Ka meng chhuak leh phawng a! Min nghak! Ani khan min nghak, ka in lan lo anih chuan ka hnawl a ni tih pawm tawh in ka nun ah a inrawl tawh lovang tih a sawi! Kan inkar pawh a tawp hlen tawh ang a ti anih kha!

Ka mutna khum ațang ka tho chhuak tur chu nasa zet in khawl mak sak zet chu a ri chiam a! Ka phu chiam nangin harh chhuak thut hian ka hmai ka khawih a! Oxygen pek ngai khawp in ka awm maw?

Pindan kawngkhar rawn inhawng pawp ah chuan hlauthawn hmel zetin nurse pahnih an rawn tlan lut a! Ka harh tih an rawn hmuh chuan an meng phawk kher mai!

"Ugg, i lo harh tawh ani maw? Mu leh rawh, oxygen hmang a thawk lak i la mamawh em tih kan rawn endik ang" ti in an rawn che nghal sawk sawk. Chutiang a khawmuang hman ka nih loh vang chuan ka hnar leh kâ hup a thil in vuah chu ka pawt vak a; ka hrawk lam ah hnawl thal in mak tih hmel zet a nurse min lo en tu chu ka melh a.

"Dar engzat nge?" ka ti thawr. A ban a sana a bih chhungte chuan ka rilru hmanhmawh lutuk leh prof Msa'n ka ngaidam thei lo emaw intia hreawm a lo ti rei lutuk tur te chu ngaihtuah in ka lungphu a li rang dawt dawt.

"Zinglam dar thum!"

"Maw?" ka ti tuar mai! Min lo khuhna puan chu ka thehsawn dawrh a. Khum ațang ka chhuk thla tur erawh ka tha zawng zawng a bo nghal vek! Khek deuh tuar in nurse chuan min rawn pui a.

"Ka kal a ngai..."

"Nilo, khawi mah kalsawn thei i nilo, i taksa mai nilo i thisen ah hian damdawi hnathawh kha a la chambang nasa lutuk" ti tûng in nurse pakhat nen chuan min mut țhat tir a.

"Dar 7:30 bawr vel khan he hmun ah hian taxi driver in a rawn hruai che a, i la hre thei em?"

"Aih" ka ti bul hmak. "Khawi ah nge ka phone?'' Ka tih chuan phone emaw purse emaw pawh damdawi in a min dahtu khan ka ta tiin engmah a hnutchhiah loh thu an sawi a.

"Khawngaih in i phone min lo hman tir mai ta che" ka awm dan phung chu mak ti zetin min melh dun reng a, kei lah ka rilru a hmanhmawh in ka chiai em em tawh bawk si.

"Khawngaih takin tu emaw biak ngei ngei ka mamawh" ka tih tâwk chuan pakhat zawk chu harhchhuak zawk in a phone chu min pe a, lock a hawn lai te chuan la lungphu hi a chet in a che dawt dawt, kut tha khur dar dar chung hian prof Msa number ka type a. Nurse pahnih te chuan oxygen bur an vel te chu lo siam țha in ka chet thut vang a khawl ka tih buai te chu an adjust zung zung.

Phone in 'ring' chhung ringawt pawh chu rei ka ti hman kher mai!

Chhangtu awm lova a *ring* zawh țhak chuan ka tawt up up tawh!

'Lola, hahdam rawh le; a mutthilh vang a niang, call nawn leh la, i call tih a hriat chuan a hlim ngawt ang' tih chu ka inhrilh nghal mawlh mawlh. Chutah prof Msa bawk chu ka call nawn leh a. Rei ngial a ring hnu ah a rawn chhan meuh chuan hlim luat vangin ka țap lo chauh!

"Professor, keimah Lola.. Ih.. min nghahna hmun ah khan lo kal ka tum a sin..." a lo țawng hun pawh nghak lova thaw hlawp hlawp chung a ka țawng lai chu ka tawp chiang kher mai!

"Lola, keimah Rinchhani" nutthilh la chhuak hmel zetin hmeichhe aw hian a rawn ti a nih chu! Ka thisen chu a rawn lum pup pup a! Ka taksa pumpui chu a sa chhuak pup!

"Ti.. tinge prof Msa phone i lo chhan a?" ka ti bah nawk nawk, zing dar 3 ani tawh, ngatinge henu hian prof Msa phone a lo chhan sak ve rikngawt le?

"Oh, Lola tun ang hun ah Msa phone ka lo chhang anih chuan kan awm dun ani mai lawm, a nghah lai che in i rawn inlan thei silo a... " nui hak a Rinchhani thu rawn sawi chu a hla vuat vuat a. Ka khawhmuh rawn thim sulh sulh in ka chhungril ațang hian min pawt chau nghal vek.

"Ka riak dun tih chiang tak a hrilh kher i ngai em? I biak duh țal chuan ka kaitho thei reng a nia. Mahse, kan chau khawp a, a harh hleithei lo mai thei!" Ka na lutuk leh ka beisei ang ni miah lova thuthințhawng lutuk ka dawn chuan min ti chawmawlh vek! Zankhat lek tal pawh min nghak thei lo tihna maw? A hnen kha theih tawp chhuah in pan ka tum ve a sin! Mahse, zan khat lek pawh min nghak zo lovin hmeichhe dang a lo khawsakpui hman maw?

"Ka hlauh ang ngei ngei in maw!! Doctor kha va ko leh nghal rawh" ti tuar ri chu engkim tawp vek hma a ka hriat hnuhnun ber! Harh chhuah leh ka duh tawh lo!

'Chhuak la, rawn let leh tawh suh ang che'

'Nang hi chu tumah in an hmangaih thei ngai lo ang che! Han enteh, i pa pawn a hmangaih theih miah loh che hi, he inchhung ah hian hmangaihtu leh ngainatu che an awm lo tih hria la, chhuak bo rawh' Becki nen kan insual a, min hneh loh zawk vang in a hnar ka chum thi sak, chumi țum chuan Muani thirin in nasa lutuk in țawngkamchhe tinreng in min an khum a! Tumah in min hmangaih theih ngailoh tur thu leh ka pa ngei pawn min hmangaih loh thu min au chhuah khum phiar phiar a! Muani huatna in ka thinlung hi khat mahse kha ramhuainu khan sawi dik loh a neilo! A hringtu pa ngei pawn a hmangaih theih loh kei hi tumah in min hmangaih ve thei ngailo ang.....

"Nizan ruah sur zet kha chu a rapawm tak zet! Durtlang lam ah phei chuan rial hial a tla nia mawle"

"Tlan thei loin motor țhenkhat pawh thli in a nawr tawlh chiam ani awm e"

Chau zetin ka meng chhuak riai riai a! Ka lungphu dawt dawt thawm ka hrethei chu țul ka tilo tak zet! Harh chhuah leh ka duh tawh lo a sin!

"Eee, i lo harh ta maw?" ka hmai bul ah chuan ngainatawm zet in nurse a rawn nui a, nizan a ka harh chhuah ai daih khan ka chau!

Meng peih lovin mit ka chhing leh riai riai a "hahdam deuh in awm rawh, i țha leh vat dawn a lawm, i thisen a damdawi kha a chak em a, nihnih hnu ah chuan pangngai takin harna awm miah lovin i chhuak thei tawh ang" a lo ti leh siam siam a. A sawi ang ka thisen a damdawi hnathawh vang nge, ka thinlung kehsawm vek in ka taksa a hmeh nat luat vang zawk pawh ka hrelo! Ka chau a ni! Ka chau thlawt!

Nurse te'n min chhuah san hnu chuan țah insum zetin ka taksa chu a rawn khur chawr chawr a! Ka thinlung na ngut ngut chu tawrh a hreawm tak zet! Na tawpkhawk in min siam lai pawh a ka thinlungin a thlah fel thei siloh, hmangaih reng chung sia ka hmangaih ani tih ka hriatthiam ngailo pa kha... a hnen pan a ka kal tur harsatna ka thawh vangin ka chan hlen dawn ta anih chu! Tun ah te hian Rinchhani nen khum khat inkuah chial in an la mu awm bik si a! Thaw chhuak kawk in rang zet hian puan sin lai chuan ka kâ ka hup bet a! Ka țap chhuak ta hawm hawm!

Ninzan khan a hnen pan tum lo niila chuan hetiang tak hian ka na lovang! Mahse.... a hneh thlen tum khan ka chakna thahrui zawng zawng te nen ka bei ve a sin! Lalpa.. Ngahnge tun ah chiah ani ka hmangaihna kha min hriatthiam tir a? Mawh? Ka hmangaih a ni tih ka hriatthiam rual a hetiang tawng leh tur si chuan ngatinge hmangaihna hrethiam miah lo tur a min siam leh mai loh? Ngatinge... Ngatinge ka tih chu?? Hmangaih ka nei ve tih ka inhriat rual a min lakbo sak leh hian i hlim em ni?

Engkim chu mumang ang ruai in ka hria a, ward pangngai ah min sawn lai te, tute nge ka chhungte ti a min zawh mawlh mawlh pawn mi â ang maiin ka ngawi tlat a, ka khawvel tawp vek chu mahni chiah a vuiliam ka duh! Damlo dangte an chhungte'n chaw pe a an ei mawlh mawlh lai te chuan melh ngai melh in ka ka thaw hle hle!

Prof Msa leh Rinchhani te pawh an pahnih tukțhuan tur siam pahin hlim zetin an in chhaih vel ngei ang! Beidawng tak in ka siam ngun tawh lutuk a, tun țum chu a beidawng ve tak tak tawh anih ka ring!

Doctor rawn round in damlo dangte a biak vel thawm chu ka hre rai ruai a, ka chauh lutuk chu thuhran, keimah leh keimah chu harhchhuah leh duh tawh lova intiharhvang duh lo lui ka ni miau a! Maimizial ang mai a awm in ka mu zawi reng ringawt.

"Ehe, Lola" ka khum bul ah doctor ward fang an rawn thlen chuan Faith aw ka hre rei ruai.

"I hmelhriat em ni? Nizan ah thichhawng in taxi driver in a rawn dah tawp a! A chhungte chanchin kan zawh lah chuan min chhang miah bawk silo" doctor in a ti sup.

"Ka.. ka.. ka hmelhriat a nih hi"

"A tihzia hlauh anih chu!"

"I duh chuan midang saw lo va buaipui la, Lola hi ka lo awmpui ang" a ti a. Chau zet a meng in ka khum bul a Faith lo ding chu ka hmu phe riai.

"I țha em?" ka chhang lo! "Lola, ka țawng hi i hrethei em?" a rawn ti dam thlap a. Mak zet in min khawngaihna aw ri ka hre tel ve tlat bawk!

"Mess-a'n i chanchin a hre tawh em?" ti sep in ka chhal a rawn khawih! Insum thei lo lek in prof Msa hming ngawt chuan ka mittui a ko chhuak zung zung! Ka ngai lutuk hi ka â thei mai dawn in ka hria!

"Lola" ti chuai raih chung hian ka mittui chu a rawn tuai hul a, Rinchhani hnen ah min let san tawh tih hrereng chung pawn ka chhungril hian a ngaiin a la mamawh ngawih ngawih tho.

"I chung ah hian eng thil nge maw thleng le.." thaw ham ham in ka țahna vang a taksa khur ngawt ngawt kutah chuan a rawn hum a, thawk ip ngar ngar chung in ka khur dawt dawt!

"Ms-a ka call sak ang che aw..." a tih leh meuh chuan ka puak darh vek! Ţap chhuak hawk a tho chhuak in Faith chu ka kuah ta vak ringawt! Ward a damlo awm ve dangte mak ti a thum hak pawh chu ka zahzo tawh lo. Ka hmelma ni țhin chu țah khum hlawp hlawp in ka thinglung chuan Prof Msa a au lawm lawm a. Ka huat rei theih miah loh chhan te kha ka hmangaih lutuk vang tih lo hrethiam hma ila chuan ka ta ala ni reng mai tur!!

Ka taksa chau lutuk leh țah nasat lutuk vang chuan doctor te mangang in mutthilhna in min jaction leh ta tawp! Ka thinlung hi na tawpkhawk chung in a mangang em a sin!

"... engkim vang khan ka tihpalh Lola, Msa nen in inkar a ka thil tihsual vang khan hremna ka dawng ve mek a sin! Inchhirna in ka khat a, rilru nuam leh hahdam in ka awm thei tawh lo! Msa bulah khan ngaihdam min lo dil sak mawlh mawlh rawh aw... Ka hma chiah ka sial vang leh doctor lar zawk nih ka duh luat vang in ka mit a del zo a. Khawvel a nuța țha ber leh ka tan a awm reng țhin ka chan phah ta bawk, a lo thlen hun ah ngaihdam min lo dil sak mawlh mawlh dawn nia" ka sam ah chul hliau hliau a Faith thu sawi chu a reh tial tial a!

/

Ka hriatțhan zet kutphah lian leh lum thur thur in ka biang a rawn khuap chuan ka chhungril na lutuk leh rum tlawk tlawk chu a reh nghal sawng sawng!

"Ka duatte, harh rawh le" ti thum sup in ka hmui ah a rawn fawp vang vang! Ka mumang a nih chuan țhan harh san ka phal tawh lo!

Ka hmai bul chet a a thaw lum ham ham reng leh a hnar a ka biang vel a nul kual dun dun na te chu a tak ram ah thleng ngai tawh lo tur ani tih ka hria.

"Bawihi, harh rawh, ka lo thleng tawh a sin" beidawn hmel zet a prof Msa'n a lo tih thuk ruih chuan ka awm chhung a che nghal rawih rawih!

"harh hram teh" ti leh sup in ka kut chu a hum a, a hmui lumin a nawr nghal tawk bawk! Lungphu ri dawt dawt chung in ka meng chhuak riai riai a. Ka mutna khum sir a chiar a mipa lo țhu khun nguih chu ringhlehna a khat hian ka melh ta tlawk tlawk! Ani erawh ka kut hum ngut ngut chungin a kun chhul a. Ka en reng tih hrethei ang hrim chuan muang ruih in a rawn hawi chhuak ruai ruai a. A mitmeng pa zet nen kan in melh siah chuan ka hneh hnuai pet fan fan mahila ka mittui a lung nghal zung zung mai!

"Lord" ti chhuak hulh in a țhutna chair ațang chuan a rawn tho chhuak vut! Rum hawk in ka biang a rawn kuap a. A hmai bul hnaih set sawt ațang ka țhat leh țhat loh min zawt in a phun sup sup.

"Bawihte, min hrethei ani tih han lan tir hram teh" ti sup in ka hmui ah a rawn fawp chawt a! Inlahrang a ka chung ațang min melh chhuk run chuan mittui kar ațang melh in "nizan khan lo kal ka tum a sin" ka ti chhuak țiau! Prof Msa chu a rum ri hrawih a!

"Lo kal ka tum a.. ka ngaidam tawh che, chuan.. ka.. Mahse.." țap țiau chuang a ka ti bah nawk nawk chu lu thing nghut in ka chal ah a rawn nawr tawk!

"Ka hria, sawi tawh suh"

"Mahse, min nghak thei lo..."

"Ni lullo, ruah sur hnuai ah zankhua in ka zawng che a sin" ti sup a min melh vung vung chuan hrethiam lo zet in ka melh kawk a.

"Zan khua in ka zawng che a lawm.. natna tuar in helai hmun ah hian i awm reng tih ka hrehar lutuk erawh pawi ka ti tak zet" ti hrawih a a kutphah lian țha zet a hmai a tuai puat chuan awlsam lutuk in ka ring nghal der a nih chu!

"Ngaithla rawh, ka hnen ațang hian i awm hrang tawh ngai dawn lo! Min hmuh duh lovin min haw ngawih ngawih pawh nila hun thawl ka pe tawh ngai dawn lo che!" ti hrawk a kw biang a rawn khuap leh chuan ka lo nui chhuak hak a, Prof Msa hmel erawh a thutak viau.

Post April 21st, 2020, 11:20 pm

Ch36

Mætur3 cont3nt🚫🔞

If you want to be ORIGINAL,

be ready to be COPIED😝

"A dik em?" Beidawngna a khat aw rawl lian leh mangan thlak lutuk a thinrim zet a min au khum tuar tu chu engmah hrethiam lovin ka en a. Prof Msa chu thinrim tih hriat lutuk hian a hmai a sen vek, nghet lutuk in a kutphah hrawl zet chu a hum ruh ngawt ngawt bawk.

'Lalhlimpui ani thusawi kha a dik em ka ti anih chu!' a hma aia vin leh khauh zawk chuan a rawn ti leh tuar, a mitmeng thim khup ah chuan na tawrhna thuk zet leh thinlung kehsawm vek ka hmu bawk! Chu natna chuan keimah ngei pawh min tina nghal ngawih ngawih.

"Eng.. eng chungchang maw?" Engmah hrethiam bawk silo hian thinlung kehsawm vek tih hriat zet a Prof Msa ding ngawi ngul chu ka hnaih a, min ten hmel zet hian min melh chhuk ngur, a ban ka vawn tumna pawh a lo theh sawn lawp anih chu!

'Professor' a awm dan vang chuan ka chi ai bawk si, hlauthawnna a khat a ka en kawk chuan rum lutuk a min melh run in lu min thin khum nghut.

''Ka hmuh theih ah rawn inlan tawh suh" ti bung nghutin țenghneng ang mai in min ner khum sawk, a thusawi leh chet dan vang chuan ka taksa chu a sa chhuak vek! "Hmeichhe tenawm tak i ni! Engtin nge ka lo hmangaih theih zawk che" kha zet a ti chhuak leh hrawk in ka kê bulah chil a chhak țhawt! "Tenawm lutuk" inher vut in min hnungchhawn a, sawifiah zawh loh khawp a thuk natna nasa zet hian ka chhungril chu a rawn fan ngur ngur a, tingawt khan min kal san ang maw?

Min kalsan a prof Msa pen nghal pawk pawk um tum a ka che chhuak chiah chu tu emaw hian ka banah lo man in min pawt her nghal lawp....

Ruangam fiah lo zet min man bet tlattu chu hmuh chian tum a ka en rual deuh thaw chuan eng emaw hi a ri țhuai a! Phu dawrh a ka men chhuah hlawl chuan ka lungphu chu nasa mangkhen in a lo inthum rawn dawt dawt! Thaw kawk kawk a ka țhut chhuah hlawl chuan pawn lamah chuan nasa zetin ruah a lo sur bur bur tih ka hre zawm zat! Kawl phe chu ka awmna pindan chhungah rawn inchhun eng zawr zawr in ring zet a țek tla ri ţhuai in a zawm leh a! Mitchhing vak in ka kut pahnih chuan beng ka hup chawi chawi!

Ka mumang thawk ipik thlak lutuk vang a ka manganna belhchhan zual turin ring zet zet hian țek chu a tla zawm țhuai țhuai a, "Hmeichhe tenawm tak i ni! Engtin nge ka lo hmangaih theih zawk che" ti a Prof Msa min țawngkhumna aw lian leh rum ul te chu ka ngaihtuahna ah rawn let thar zut zut in ka taksa chu a khur dawt dawt.

Ring zet a țek tla ri leh țhuai vang chuan khek tuar in khup ka tawm nghal chawi!

Ka harh hlawl rual a thil thleng ngaihnobei lo lutuk chuan ka tiril a țham a, ka beng hupna chu tha khur dar dar a la sawn in pindan chhung chu ka melh kual nghal ruai bawk!

Pindan chhung te chhe lutuk lo a khum pakhat inhung ah chuan keimah chiah in ka lo mu a, ruah sur bur bur kara thli thaw vuk vukin tukverh ah ruah a rawn theh țhawt țhawt thawm te nen chuan engkim mai chu a rapthlak ka ti tak zet!

Ka thil hriat hnuhnun ber ah kha chuan ka bulah prof Msa a awm a, chu mai pawh niloin ward pangngai ah damlo dangte kiangah min sawn chhuak daih tawh! Mahse, tunah hi chhuan ka khum bul a damlo zawng zawng te kha an bo vek a! Keimah chiah in pindan chhung pakhat ah ka lo awm leh daih tawh a nih chu! Ka lungphu rang zawih zawih chu rilru chiai zet in a rawn thlak zut zut a.

Khawnge Prof Msa? Chuan.. khawnge damlo dang ka khum kiang a awm ho zawng zawng te kha an awm zawh vek! (?)

Pindan chhung ah chuan prof Msa hmuh mai inringin kil tin chu ka melh kual nghal ruai a, min duat hmel zet a min lo en run in pa zet a min lo nuih suk lai hmuh inbeisei lutuk a ka hawi kual ruai ruai lai chu min hmutu awm ngatse mi á emaw min ti hial ang! Mahse, pindan chhung ah chuan keimah chiah in ka awm tih leh Prof Msa sulhnu engmah hmuh tur a awm lo tih ka hriat rual chuan ka chhungril chu a na nghal rawih rawih!

Ka țah rawn chhuak nghal up up vang chuan ka inseh ruh nghal ngawt ngawt mai! Prof Msa'n zankhua a min zawn thu a sawi te, a lak ațang engtíkahmah ka awm hran tawh ngailoh tur thu a sawi zawng zawng te kha a tak nilo in ka mumang a thil thleng vek tih na maw lo ni a! Amah chan ka hlauh luat vang a ka thinlung chiai zet in a suangtuah kual mai mai a lo nireng tihna maw?

Ka mumang mai ni a ka hriat rual chuan lungchhe lutuk in ka hrawk chhung a rawn na nghal ut ut mai! Duat zet a ka hmui ah fawp a, harh chhuak hram tur a thuk ruih a min ngenna te kha a tak a nilo maw?

"Ngatinge a tak a nih loh" rilru na zet a ti chhuak hawk in ka țap chhuak hlawp hlawp! Ka mitthla ah prof Msa hmel pa zet a rawn lang a, min hmangaih hluah hluah tih hai theih loh khawp a thuk leh muk a min en vung vungna te kha ka mumang vek maw a lo nih! Khatiang a min en lai hmuh kha ka la kham lo a sin!

"Ka ngai che a sin" mittui tla zung zung in ka awm na ngut ngut zawn chu ka țham tawk tawk! "Professor, ka ngai tak zet che" kun tlawk tlawk a ka chhungrilna lutuk in ka dul zawn ațang min vilh ngut ngut lai chuan vawi leh khat ah pindan kawngkhar chu a rawn in nam hawng thut a! Rang lutuk a ka hawi chhuak in a ka mihring va hmuh vang chuan ka khawng vek lo chauh!

Pindan chhung ah prof Msa ngei mai chu a rawn pen lut mek anih chu! Ka rilru buai nuaih chu insum hman lo in vin zet hian "Malsawmtluang" ka ti nghal tuar! Ka mittui erawh a luang zung zung tho.

"Bawihi, i lo harh hman maw?" ti sup a kawngkhar a nam phui lai chuan hlim bawk si, mahse, a tak a nih ring ngam bawk silo rilru buai nuaih hian ka lo melh tlawk tlawk.

"Doctor nen kan inbe lawk a" ti thum sup in mitko ti hnim ruih in min en a, ka mittui tla a hmu rual chuan rang zetin kawngkhar herhawnna chu a thlah hmak! Chak zetin ka khum lam pan chuan a rawn pen nghal pawk pawk bawk.

"Aih, tah khan ding rawh" ka ti leh tuar, rum ri hrawih a Prof Msa ding chawt chu ka țahna vang a taksa khur che dar dar chuan ka melh tlawk tlawk, amah pawn a mitmeng thim khup chuan ka awm dan phung maksak zet chu min melh vung vung! Hriatthiam harsa zet a min melh run tupa chu en leh țhin in chhuak lutuk hian ka insut hlawp hlawp reng a, a chhan pawh....Ka mumang mai a lo nih leh si chuan ka hrah chhuah leh hun ah tawrhlehawm khawp a natna thuk zetin min luhchilh leh a nga.... ka â vek tawh mai ang!

"Bawihi?" a ti sup, a aw ril ruih thleng chuan ka ngai ngawih ngawih.

Ka mittui hru tawk tawk a ka kâ hmang a ka thaw chhuak hak hak chu min ngaihtuah hmel zet in min melh ngur a, kei lah heh pet fan fan a, inthunun ka tum ngial pawn eng ka ang thei der bawk silo.

"Țap tawh lo teh, Bawihi" ti sup min melh ngur chuan ka puan sin lai ka theh sawn a. Ka mipa hmangaih ngei a ni tih ka rilru chuan ka inhrilh nghal mawlh mawlh, rawn chet chhuah tum a a kê chheh a lo tih hma hrut chuan rang zetin lu ka thin khum nak!

"For God's sake, i chungah eng thil teh hrep nge thleng a? I mittui kha ka hrukhul sak che min phal sak rawh" dawhtheih lo zet a ti chhum hrawk in tawrhhlehawm zet hian min melh ngur, kei erawh ka țah nuih hak thung! A chhan chu Malsawmtluanga dik tak țawngkam nelawm loh zet chhak chhuak a, min thunun bet tlat thei tho tu kha ani tih ka chiang tawh lutuk!

"Ka mumang a ni em?" ka ti a. Atthlak tih hmel lutuk a nui suk in lu a thing nghut. Hahdam huai in a landan pa lutuk leh thlamuanpui awm hluh hluah chu ka lo en tlawk tlawk thung.

"Nihleh... Ka.. ngatinge hetah hian ka lo awm daih a. Chuan, ka harh chhuah lai khan ka bul ah hmuh tur i awm lo..." ward ațang khan engtin nge helai hmun ah hian ka awm theih tih ka hrethiam lo tak zet!

"Cabin ah awm tur in ka duh che. A țha em?" ti sup a a khik deuh suk chuan ka lo nui che dat a, min pan a tum leh chuan lu ka lo thing leh vak.

"God! Engthil teh hrep nge i duh a? Bawihi" beidawn hmel zet a vanvadak in a rum hrawih.

"Ka mutthilh hlan in min kalbo san leh dawn em?" ka ti a, vanvadak vuh a a thaw hawlh hawlh chu min en turin muangchang in a rawn hawi hniam ruai ruai a. A mitmeng tawrharsa zet chuan ka chhungril a fan rawih rawih.

Min hmangaihna nasa lutuk leh min duat chak hluah hluah ani tih hai theih loh khawp a thuk a min melh run tu pa mit ah chuan melh letin ka thaw hak a.

"Mawh? Ka mutthilh hlanin min kalbo san leh dawn em?"

"No" ti fan ruih a a pa zet a a nuih suk tak ah chuan khum ațang tho chhuak in chak zet hian a lam ah ka tlan phei a, zo lutuk a min pawm kang lawp in a awm hlai leh lum thupah chuan nghet zetin min kuah bet nghal hlu hlu. Ka taksa chau zawng zawng chu bo nghal duak in hahdam zetin a nghawng ah hmai ka phum a, ka țap hlawp hlawp tih pawh ka hria. Pawi pawh ka tilo, ka ta ni tawh ngailo tur a ka ngaih hial tawh, thinlung nat phah ngawih ngawih a ka awm chhan mipa khan nghet zetin a taksa ah min kuah bet leh miau a. Beidawng tawpkhawk a awm tawh hnuah hlimna nei ve leh chiah ang mai ka ni in ka hria.

"Ka ngai lutuk che" ka ti țîau, rum nghut in prof Msa chuan ka khabe ah a rawn dawm a. Mit meng si sup a min melh chhuk ngur in amah en turin min kuai dak vah bawk.

"Sawi leh rawh" a ti sup. A mitmeng zet chu! A lungrun ngawih ngawih ani tawp mai.

Ka lungchhe lutuk a la reh bawk silo nen hmui khur dar dar chuan ka insut hriah a.

"Bawihi, i sawi zawh chiah kha sawi leh tawh" ngenngawl lutuk a rawn ti thuk ruih in thuk ruih hian min melh ngawih ngawih.

"Ka ngai che.... Professor ka ngai lutuk che a ka â vek dawn in ka hria.. ka.. ih.. hetia min kuah bet reng chung pawh hian ka ngai che" țap țíau a ka ti bah nawk nawk lai chu min melh ngur ngur in duhthawh lutuk in ka hmui ah a rawn fawp nghal ngawr ngawr. A khabe ruhkual lian leh invuah nghet zet che kual hrawih hrawih khawp a min fawp uar in na zet hian ka hmui hnuai a pet a, min fawhna ril ruih chuan min fan lum vek, ka hmui hnuai chu a fawp leh ngawng ngawng a, rei zet hnu ah muang ruih a inla hrangin min fawhna kham loh hmel zet chuan mit a chhing vung vung.

"Țawngkâ ngei a min ngaihthu i sawi vawi khatna ani tih i hria em?" ti zawi ruih a mit a rawn meng ruai ruai chuan ka kawchhung zawng zawng hi a țek lum pup! A mitmeng pa lutuk a hlimna nasa zet rawn lang chhuak chuan min ti khur hial thei anih chu mawle!

Lungawina a khat tih hriat lutuk a thuk a min melh vung vungna chuan ka biang a ti sa hat hat a, ka thin chhung nen lam a lum pup pup avang chuan rang zet in a nghawng ah ban ka suih bet chawt a, hmai ka thukru nghal daih bawk.

Pa lutuk a prof Msa nui thum huk huk aw rawl cool ruih chuan min fan rawih rawih! He mipa nui ri thum leh cool ruih te, a taksa lianpui leh lum vung vung te, a rim pa danglam bik lutuk leh chetphung engkim hi atpui hlauhawm khawp a thuk in ka hmangaih hluah hluah tawh.

"Min ngai... humm.. Ka dawithiam tereuhte in a ri meuh in min ngaihthu a sawi chhuak reuh anih chu" ti chhuak sup sup in min kuah bet hlu hlu a. A aw dam ruih leh ka thusawi mal khat lek vang a a lungawi hluah hluah lutuk mai chuan ka țah a ti chhuak leh ringawt tawh bawk si!!

"Ka muhil ka hrah rual apiang in ka bulah lo awm tlat tawh ang che" pangchang zet a ka tih țíau chuan rum nghut in min kuah nghet zual sauh a. A rum nghut rual a a awm chhung che dur dur in min nghawrna te chuan amah ah min hip bet nghet tulh tulh.

"Ka sawi chu i hria em? Ka harh rual khan i lo awm lo a, ka mumang emaw ka tih phah a..."

"Ka nupui i nih vat a ngai anih chu" ti sup in a nui che dawt. Lai zet a ka țang vak chu hrethiam ang hrim in a thaw huai a.

A kutphah lianpui chuan ka hnung ah chul hauh hauh in ka bek ah a rawn fawp a. "Ka duat te" ka bengbul ah a lo ti sup, a nui lum tel hawk bawk.

"I sual" ka ti hlak, mahse ka nui ve tho.

"Ka duat em em te hi" a ti leh nghut. A lungphu dup dup in min nghawr chetna te chu hriatkim loh hlau zetin a nghawng ah chuan ka ban pahnih ka suih nghet vak a.

Ka thinlung tak in tuemaw hmangaih ngawih ngawih chung a ka kuah vawi khatna a ni a! Ka thinlung chhungril ber in prof Msa a thlakhlehna nasat tur zia chu tumah in min hriatthiampui phak ka ring lo.

A pen na vang a a taksa lian leh nghet țha zet che kual vel te thleng chuan kei hian rapthlak khawp in ka thlahlel nia mawle! Ka nghawng zawn thawk lum khum ham ham chungin khum ah chuan a vang zawng in min bawh bet a. A inbeng kang tur chu phal lovin a taksa rit nulh chu ka kuah nghet vak.

"Bawihi" ti chhuak sup in a nui nghawr dawt.

"Reilote"

"I țha meuh em?" a ti sup.

"Ka bulah awm tlat la.. ka țha ani mai" ka tih sep chuan ka thlakhleh zia a hrethiam ni hmiang, thaw huai in min bawh bet hlu hlu a, kan ngaihtuahna chu chutiang zawng in a danglam lo! Ka duh zawng chu a taksa pum pui nen a insi thei ang ber a awm a, nghet tak a kuah bet tlat ani tawp mai.

Kawl phe leh țek tla țhuai țhuai ri te, ring zet a khawpui rum ri dur dur te chuan Prof Msa taksa hrawl zet chhung a a lungphu dup dup ri chu an hliahbo zo lo. Uluk zet a ngaithla in a hrawk bawk zawnah ka thaw hle hle a. Amah pawh chuan chutiang khawp a thlahleltu na na nâ chu min delh nat hlau zet hian a khup a inbengkang deuh hlek in min khuap bo vek a, ka chal leh mit bul vel a fawp kual dun dun a.

"Hmeichhe naupang ang mai a i lo țah hliam hliam chhan kha engvang maw?" ti sup in ka lu bulah a kiu in a lo in nam khalh run, ka hmai chung hnaih sawtsawt aţang chuan prof Msa chuan mitmeng si sup in min melh nghal run bawk.

"Mumang țha lo deuh ka nei a, chuan.. ka harh a, i lo awm silo a... ka.. ih, Rinchhani sawi ang khan a bulah zawk i awm tak tak ah ka ngai a?"

"Rinchhani?" ti sup a mitko a tih hnim khúi chuan hlauthawnna nasa zet vang in ka hah leh vek tawh. Zing dar 3 vel ah prof Msa phone a lo chhang anih kha...

"Ih... zing dar 3 vel ah ka harh chhuak a. Chuan, lo biak che ka tum nghal a. Mahse, Rinchhani'n i phone a lo chhang a.." ka sawi lai reng chuan ka bek ah ka mittui a luang thla pap a. Ngawi ngul a Prof Msa'n min melh ngur ringawt bawk nen ka awm chhung chu a rawn tawt nghal up up.

"Chuan?" a aw thum sup vang chuan ka tawm deuh chawi a.

"Ih, Ka lo kal loh vang khan.. ih.. ka.. in mu dun a tia, chuan, inchet nasat vangin i mu nghet lutuk tih a sawi a.." khur dar dar a thawk la in a tawp ah phei chuan thawk ip ta ngar ngar. Rinchhani nen khan lo mu dun tehreng pawh nise... ka... he mipa hi ka hlat thei dawn chuang silo a... ka hrethiam lo!! Nizan khan an pahnih inkar ah thil thleng lo awm pawh nise hriat loh der sak mai ka duh hial bawk!

Ka khabe ah prof Msa'n a lo dawm chuan hreh zetin a mit ah ka en a, ka mittui tliang pam vang erawh in a hmel ka hmu phe vek.

"A thusawi chu i ring a?"

"Ka.. ka hrethiam lo. Engtin nge zing dar3 ah i phone a lo chhan theih, chuan, ka lakah i beidawng tak tak tawh ah ka ngai aaa..."

"Chutiang tur chuan min duh em?" tak ruih a ti nghut in hriatthiam harsa lutuk hian min melh ta run a. Chhan let ngaihna hrelo lutuk a ang ziau a kâ ka chip leh țhin chu min rum khum nghut.

"I lakah hian beidawng tur in min duh em?"

"Aih.." ti nghek a ka thawk hawk chuan ka hmui hnuai a lo tuai thuak a, a hmui in rawn zui zat in min bawh bet chung chuan min fawp leh ngawng ngawng phawt a. Chhan let nachang pawh ka hrelo.

"I duh loh zawng chu ka ti ngailo ang" ti sup in a nui suk.

"Mahse, engtin nge i phone kha a lo chhan theih?" hlauthawng ru zet hian ka ti sep.

"A lo kal a lawm" thil rit tak a chhut chawr ang mai hian ka nghing lawih.

"Ka nghak che a. Khatiang reng a beidawng leh hrilhhai khan ka la awm ngailo" insehruh țeuh hian a ti hrawih. Ka lo ip chawi bawk.

"I rawn lang miah lo chung pawn hei zawk hi" ti sup in a kutphah lian zet chu a lungphu zawn ah a nghat thuk.

"Hei hian a beisei tlat che a. Mahse, i rawn kalna tur kawngpui reh tlawk tlawk bak kha hmuh tur a awm silo a" țhen lui suk a ka chung ațang a leh thlak chuan ka vawt nghal rawih rawih! Ka lakah a beidawng lutuk in inhnem nan a lo awmpui tak tak tihna maw?

Rum chhuak nghut in a țhu chhuak vut a, khum tlang ah chuan țhu ngawi run in a kutphah lian zet chuan hmai a tuai thuak bawk.

Kei erawh min thawh san dan ngai ngai chuan ka mu khawng reng! Ka chesawn ngam tawh lo! Ka lungphu ri dawt dawt nen chuan thawk ka la ngam țawk ringawt!

"Chuan....."

"Ka chhuah tir" ti sup a min thlek vut chuan phawk zet hian ka lo melh kawk. Mahse, zing dar 3 thleng eng nge an tih dun ang.

"Bawihi, hahdam rawh, hmeichhe pakhat ah lungawi tawk viau ka tih tawh kha.. i rawn in lan miah lo khan min tibeidawng ngei a lawm! I lam hnaih a kê vawi khat mah pen tawh lo turin thutlukna ka siam hial bawk. Mahse, ka hmeichhe hmangaih vang a ka beidawn lai a hmeichhe dang lo awmpui tur khawp chuan ka tenawm loh a nia" ka thaw huai! Chuan, chhete mahin ka ringhlel miah lo.

Min pawm tho a, amal chungah amah hmachhawn a min nghat in rei ngial min kuah hlu hlu a.

Nizan dar 11 bawr vel ah Rinchhani chuan a pan ngei tih leh in ațang a nawr chhuak tih te, ka inlan tak loh vang a tlawm intihle chung siin min zawng tur a a kal chhuah leh tho dan te chu min hrilh a. Kan in ah a va kal a, gate lo inhawng huau in a ngaih a tih țhat loh vangin tualzawl ah a tlan lut a, motor hunna zawl laiah in chabi leh ka scooty chahbi a va hmu leh zel nen, ngaițha lo zetin ka țhiante in ah a tlan kual nghal a, ka țhiante in ah ka awm lo tih a hriat hnu phei chuan ka chung ah thil țha lo tak a thleng ah ngaiin kawvar rual a police pun mai a tum thu te nen lam zaidam deuh in min hrilh a..

Faith'n a call khan FIR buaipui tur police station ah a awm tih thleng a ka hriat chuan keimah vang a a talbuai lutuk chu ka khawngaih tak zet!

"Ziang dar 7 vel ah ka inkhalh let a, in ka thlen chuan nizan ka chhuah dawn in kawngkhar ka kalh lo tih ka hre chiah. Ka rui deuh bawk a" ti sup a zalo zet a a nuih chet dawt chuan a khabe hmul khawih niap niap in ka nui ve halh tho.

"Rinchhani beidawng duh lo kha a lo han let leh a niang, ka phone pawh sitting room dawhkan chungah ka hmu bawk"

"Cabin ah min sawn lai hi ka hre miah lo"

"Umm, ka lo thlen hma khan mutthilhna damdawi in an jaction che a lawm. Ka rawn thlen lai pawn i mitmeng kha a dik zan lo a, i muhil leh mai a" ti sup in ka bek ah a rawn fawp a. Chung vel vang a lo nih chiah chu ka harh rual khan bo zet a ka awm ni!

Tukțhuan ei lai vel a muhil kha ka ni a, ka mu rei bawk nen tlai lam dar4 a lo ri vu tawh a. Ruah sur buan buan vang chuan khua chu a hnim ruih a, boruak lah a vawt in prof Msa awm lum nuam zet a ka bawk kai a

Ani erawh chuan hospital khum chu kan tih chim a hlauh vangin a bawp lian zet pakhat chu khum bul a chair ah a kham ruah a.

Ka nuih chang apiang in patliang zet a rum nghut hian ka biang ah a lo piai zeuh zel a.

"Naktuk ah i chhuak ang" ti nghut in a ban lian zet lehlam chu a lukham run.

"Naaa.. nurse te'n nihnih hnu ah i chhuak thei ang min ti a lawm"

"Nope, naktuk ah ka hruai chhuak dawn che" ti sup in ka khabe ah a rawn dawm a, a mitmeng chimawm lutuk leh awmze nei zet ka hmuh rual chuan a hmai ah ka nam ta vak ringawt!

Rawl lian zet a nui thum huk huk in ka ban rek ah a lo man a. "Keimah ka enkawl dawn che a lawm"

"Malsawmtluang i h.." sawi zo lovin ka ngawi a. A nui chhuak leh huk.

"Sawi zo rawh"

"Aih, ka sawi tum i hre reng" ti nghek a ka țhu chhuak tur chu a ban tha chak zet a ka dul ah lo man in min kuai mu leh lawp a. Che vut a ka chung lam ah a insiam rem chuan khum che nasa lutuk vang in ka lo hau vak vak bawk.

"Ka .... eng maw?" ti sup in nui ruh ruh hian min melh chhuk ngur anih chu!

"Khum hi a chim chuan doctor te'n an hau dawn che"

"Ka hlau love" ti hluk in ka mal pakhat chuan a kawngah min kherh beh tir a.

"Ka ... eng maw?"

"I va han sual tak, chhuk rawh"

"Nope, sawi zo phawt rawh" ti sup a ka malinkar ah a rawn nawr luih nghek chuan tal awrh in "hura" ka ti nghek!

Prof Msa chu a phun hluk a. "Ka dam loh chhung chuan i bul ah ka awm duh lo, i hlauhawm ropui si" ka tih leh chiam chuan kiai suk suk in ka chal ah a chal a rawn nghat a. Mit a chhing ruai ruai bawk.

"Hu* thei lo se min duh em?" ti sup a mitchhing reng sia a kiai suk chuan ka kawchhung a lum țek chuai! Ka tawp chawi bawk!

Ka kap zawnah chuan min do nghal run a.

"Naktuk ațang ka enkawl che chu i duh em?" ti thum leh sup in awmze nei fe chuan a rawn nawr a. Mitchhing reng chung a a hmui bul vun chuar lang a kiai suk hmel chu sexy tak ani ringawt!

"Kan pahnih chiah in... tibuai tu nei lo a awm i chak ve lo maw?" Ka mal lehlam pawh nawr kau in a rawn d**leh a.

Ka lo thaw ri halh chu hre thei in a nui che leh dawt bawk! A hnar chuan ka hmai tlang vel chu a nul thuak thuak a. Hepa zei lutuk hi chu engtia tih tur nge pawh ka hre lo!

Pawnlam ațang kawngkhar rawn inkik ri dat vang chuan rang zetin prof Msa chu ka nam vak. A chimawm thiam dan chu a thawh hma in ka malinkar chu a rawn hup tawk a, mal chip chawi a rum zet a ka melh chuan a rawn nuai vak anih chu!

"Lo lut rawh" ti sup in a kutphah hrawl zet ka malinkar a mi chu a la chhuak a, thaw halh halh a ka mu țha chu min la nuih suk leh nghal.

Nurse leh mipakhat an rawn inzui lut a, hrethiam lo zet a ka lo en chu prof Msa chuan țhutna tur kawhhmuh in *damdawi in a min hruai tu, taxi driver* a nih thu a sawi sup bawk.

Chupa chu chiar ah a țhu a, prof Msa erawh thaw chhuak hrawih in tukverh lam a pan a. Nurse chhuah fel rual in chupa chuan ka țha em tih min zawt a. Nui chungin ka țhat tawh thu in ka chhang let thuai bawk.

".... a tir chuan hmeichhe rui chatthla satliah emaw ka tia, ka tlan pel zet tawh. Mahse, țanpuitu mamawh hmel zet a a ban zawi lutuk a lo phar chhuak kha darthlalang a țang ka hmu a, ka tlan let leh a.. Professor tih niawm tak hi hriatchian hleitheih lovin a lam reng a..." a ti a. Hreawm tih hmel zet a Prof Msa rum ri nghut chu ka en phei a. Thi chhawng a ka awm chung pawn a hming ka lam chhuah țawk țawk tih a hriatna chuan a den nat hmel kher mai.

"A thil sawi ka hrechiang theilo chu thuhran, a awm dan en khan damdawi in panpui thuai a mamawh in ka hria a. Taxi ah pawm lut in damdawi in ka pan pui ta tawp mai ni"

"Lo awm hlauh lo la chuan ka hmeichhe hmangaih hi ka chan ngei ang!!! Inchhir reng reng in ka awm kumkhua tawh bawk ang" ti chhuak hrawih tupa chu ka va en a. Nghet lutukin a kutphah hrawl zet chu a lo hum ruh ngawt ngawt.

🐾

Jordan's pov

Ka malchung a Kimbawihi țhu chuan thawk ham ham pahin a awm bawr lum thar thar chuan min nek uar zual sauh! Ka malpui pakhat chu kap karin a kap bawr in a rawn hrut ngang ngang bawk.

"Eng nge i duh?" nui suk in a khabe ah ka dawm a.

Min mamawhna thup țhen hauh lova hur hmel zet a min melh sawr sawrtu chu melh ngurin a hnute lian țha zet chu ka țham nghal tawk.

"Babe, ka mamawh che"

"Tak zet" ti sup in a hnute ațang a dul ka zut thla a, ka khawihna nuam ti zet a a lo dawngsawng hmel chu hmuh hreawm tak ani hauh lo!

A mukawr pan zet chu hlim chho hrawk in a malinkar chu ka hup a, pantie chhan ah chuan ka nuai sak nawk nawk; nuam ti zet a țe țhat țhat in mal a lo kar zau ve sauh, khi suk in a ma** zawn chu na leh zual in ka nawr bet a, theih patawp a rang a kut ka chet nawk nawk meuh chuan dak awr awr in ka kut chu a rawn nawr let nawk nawk!

Ka tawp thut a, hrilh hai zet a min en kawk tu chu țhen khum suk in ka pawt tho lawp. Kimbawihi chu a nui chhuak hak a, ka hma ah chuan kak zet in a ding rem nghal zat!

A pantie chu ka pawt thla hrawk a, a kawng ah nghet zet a kuah in ka kutțang pahnih chu a c** ah chuan ka nawr tlum nghal pawk. Ip chawi a a dah awrh rual chuan dimlo zetin a a c** chu ka hrawt sat nghal zawt zawt. Thawm dim hranpa kan ngailo bawk nen a nuam ti rak ri chu a ring țha kher mai!

"Babe, i ch** hu* zet hian ka kutțang chiah hi em ni a mamawh" a beng bulh ah ka rum hrawih! Ka ka** ri chawk chawk bawk, nuam ti zet in ka ban a rawn ham tan tan a, a taksa mar nalh zet chu rawn sen țawlh țawlh in a c** chhung pawh a sa zual sauh, amah ațang tui hnang a rawn chhuak țha tawh bawk a, ka kutțang chu lut țha duh tak ani mai. Thuk takah k*** lut pawk in phawi chhuak tawh lo chuan ka sawi che dawt dawt a! Ri chhawk chhawk thawm insiam chuan ka z*** a ti khawng tual tual bawk.

"Min la chhang lo" ti hrawk a ka kutțang ka phawi thut chuan thaw kawk kawk in khamlo hmel zet hian min en a. Kei erawh ka lo nui suk!

"Babe.. khawngaih in" a țap lek lek.

"I thil duh i hmuh theih dan kawng chu i hria lawm" ka ti nghut. Ka kê bul ah chuan ka nam țhîngţhi hnawk a, a tihtur chu a hailo kher mai. Ka boxer chu pawt thla in ka z**** chu zei zet hian a fawp kual a.

A hmuam meuh chuan ka rum hrawk thei! A chhip sam ah țham in a aia thuk in ka mipatna chu a kâ chhungah ka d** lut zawt zawt! A uak țhawt nangin zei lutuk in a rawn che zawm leh zat tho, ka vanvadak a! Mit ka chhing a, ka mitthla ah Lola hmelțha zet mai rawn lang chuan min tisosang zual in Kimbawihi chu ka pawt tho lawp!

Khum ah chuan ka theh kai nawlh a, thinrim a hneh in l** rem thei tur ang ber in a lo insiam rem nghal zat. Khum bul a condom packet chu ka pawt tler hmawrh, ka vuah lai te chuan Kimbawihi chuan rum ham ham hian min lo en a, a mawng vum țha zet ah chuan ben sak thlawp thlawp pah chuan dimlo zetin hnunglam ațang chuan ka thun nghal thawih!

ka hming lam in a rak țhat țhat a, a vawrtawp a thlen dawn chuan a taksa a rawn khur chawr chawr, ahma aia uar in dimlo lutuk hian hnung lam ațang chuan ka d** leh zawt zawt! Khum khuhna țham a, rak chiam chiam pah chuan a zawi ta hnawk!

Kei a la zo ve silo ka thil chu phawi chhuak in ka kuai zangthla dawp, a bawp pakhat chu ka darah ka man bet nawk, a taksa nalh zet chu hmaih awm lovin ka hmu fai vek! A hmeichhiatna hnawm hliam ah chuan dimlo zetin ka thun lut leh pul* a, chet ka lak rual chuan maimitchhing chungin kimbawihi pawh a lo thaw hak hak reng a. Condom tello chuan sex ka hmanpui tawh ngailo! He hmeichhia hi ka fa pai tu tur a ni miau lo.

Ac vang a pindan chhung vawt raih hnuai ah chuan ka awm chung a a rawn bei kak a, a sam ah ka chul hauh hauh lai pawn ka ngaihtuahna ah chuan Lola bak a awm lo.

"Pa Puia'n kan pahnih a Mizoram kan chhuah chhoh rual in innei turin min duh a sin"

"Nang in?" ti sup in a dar ah ka chul hauh hauh.

"Humm, sual lo mai teh, nang lo chu ka nei dawn lo ka tih tawh kha, Mizoram kan let hunah chuan hna kan nei ve ve tawh a nga, innei vat ang" ti sep in fawh cho zet hian min en ha bawk.

"Nangber in i tih te chuan.." hlim zetin a khek rai a, kun hniam in a hmui ah ka fawp nghal tawn tawn.

Intifaia Kimbawih washroom ah a awm lai chuan ka thuamhnaw bawm chhung a zungbun bawm chu ka la chhuak a, Rinchhani'n a chet tluan loh zia a rawn sawi miau a vang in heilo chu duhthlan tur ka neilo. Ka u in nasa takin ka lak ațang lola venhim a tum tlat tawh dawn.

Hman zan khan khawi ațang teh hrep nge a rawn lan hlawl ka hre hauh lo! Engkim a rawn tihbuai vek bak ah Delhi ah ka thlawh let hma khan nasa zetin ka pa nen an inhau a. Ka pa thil tih engkim a hriatchhuah vek tawh vangin kawng pakhat chiah zawh tur ka nei tawh.

Tihtak zetin Kimbawihi hi ka hmangaih tih an hmuh a ngai! Kimbawihi lakah ka rilru a nghet tawk tih ka u in a pawm ngam pawt chuan ka lak ațang Lola a veng reng tawh lo a nga! Awlsam takin ka ta ah Lola ka siam thei tawh bawk ang!

Bathrobe chiah inbel a Kimbawihi rawn chhuak chu a meng phawk kher mai. Pindan chhung ah chuan candle pali chiah ka chhi eng. Khum bul ațang washroom kawngkhar thleng chhuat ah chuan rose par mal thlak ka chhap kual ram bawk.

"Jordan" a kut pahnih a hmui hup in min melh tlawk tlawk! Candel eng chhan a'n a mittui tling khat vek chu ka hmuh hmaih lo bawk.

"Babe, he zungbun hi kan inneih hma chu ka nupui tur i ni tih chhinchhiah nan i bun duh a ngem" ti sup in muangchang in ka pan phei a. Hlimna vang a țap lek lek a min melh tlawk tlawk tu chu ka nuih lui suk bawk.

"Mizoram ah let a, pangngai tak a kan inneih theih hma chu he zungbun hi bun turin ka duh che.. ka hmeichhia i ni tih mi zawng zawngin an hriat theih nan... aaa, i bun duh a ngem?" ti sup in a hma ah tak ka ding nghal run

"Jordan, ka awi theilo..." min kuah thlawp a, a bek ah lo fawh sak zeuh in ka kuah let ve a.

"Ka va lawm tak em... engtikah emaw chuan ka hmangaihna che hi i la hrethiam ang tiin ka inhrilh țhin reng a sin" a ti sep sep, chutiang love story chu ka tuipui lem loh vang in ka ngawi reng tawp.

A inla hrang a; hlim hmel zet a min en in a nui sei a. Thil dang sawi belh tawh lovin zungbun chu a kutțang ka bun tir a.

"Ka hmangaih che" ti sap in a kut a zungbun chu hlim zetin a thlek a. "I kutțang a awm tur dik tak a ni" ka ti ve sup.

Mut tawh hnu ah pawh a kutțang chu thlek in a nui leh hak zel. Ig lam ah a post darh chuai chuai bawk.

"Nupui țha tak nih ka tum ang, Jordan" ka awm ah lu nghat in a phun sep sep a.

"Ka ring"

"Nangmah chhun fai vek tur fapa ka hrin sak ang che" uar zet a a tih chuan ka nui hawk! A thleng ngai dawn lo lutuk tih erawh a hriatve a țul ber lo.

Zinglam hnaih ah a muhil ta chiah, ka awm ah bei in zungbun a bunna lam chuan min kuah tel chial a.

"Lola ka neih theihna tur a mi țangkai ber i ni tawh, hun ka tih hma chuan ka tan a nupui țha nitur chuan theih tawp han chhuah ta che" ti sup in mit ka chhing ruai ruai a.

Lola's pov

Tukverh lian zet ațang chuan pawn lam ka thlir a, damdawi in ațang in ka chhuak tawh a, prof Msa in lamah ka khawsa ve tawp! Kan pahnih inkar boruak nuam lutuk vang chuan hlimna in ka khat a ni ber! Țawngkam thlum tak hmang a, mi be chiam chi a nilo chung in a chet phungin min duatna leh ngaihsakna a ti lang chhuak a. A țawngkam chu bul deuh hmuk țhin mahse a kutin min tawhna erawh a dam ruih zel.

20200321_044844(7).jpg

20200321_044844(7).jpg (21.49 KiB) Viewed 22640 times

Nui sei in khum a tui zet prof Msa muhil lai chu ka va thlek a, a pa lian in tui zet a a muhil lai mai mai pawh chu a hmuhnawm tham hluah hluah.

Ka hmangaih thu ka la hrilh ve lo!

Ka hria.

Ka hmangih tih chu chiang takin ka inhria. Mahse, ka sawi chhuah dawn apiang in ka zam a. Ka zam lutuk vang in sawi ngam lo bawk in ka awm leh țhin.

Thaw chhuak hak in tukverh ațang pawn lam chu ka thlir leh a! A inbul ah hian thing lian pui pui a ding khup a, thingzar buk zet bel a sava thlawk kual sap sap leh a khat tawk a thing zar ler ah fú a, eng emaw an chuk zauh zauh lai chu hmuhnawm ti zet in ka thlir reng a.

Doctor khan ka kawchhung ațang ah tur chak zet an siak chhuah țeuh thu a sawi a. Eng tur mah ka ei in ka in der silo. Khami tlai a ka chung a thil thleng kha ka hrethiam lo tak zet!

Chutia rilru kawm a ka ding reng chu taksa nghet țha zet leh lum nuam zet chuan ka hnung ah min rawn din chilh a. Ka kawngah a ban tha ngah zet a rawn kuah hlun in a biang hmul in ka nghawng a rawn nul nghal thuak bawk.

Za ti lutuk a tawm chawi in ka hawi let ha a, prof Msa tho phang hmel sexy lutuk leh sam thur siang ka hmuh rual chuan tih ngaihna hrelo zet in ka nui ringawt.

"Min thawh khalh a" nuihzat hmel zet hian a rawn ti țuak.

"Ka ti harh che mi?" ka ti sep. A sam hnim lai chu ka han tuai thuak a. Peih loh hmel zet a a nui suk chu a lang cool hluah hluah tho.

"Thawm nei miah lova min thawh san chung khan min ti harh ang maw?" khi suk in chimawm ru lutuk hian min melh ngur. Ka ner nang a.

"Ka thawh lai kha i hria maw?" Mit ti zim sun a ka hmui a melh ngur vang chuan ka thawk lak a buai leh vek tawh.

"Zawhte note thawm dim thiam lo zet in khum a thawh san țhem țhem lai kha a hmuhnawm viau a nia" si sup a min melh chhuk ngur in a khi suk.

"Sual lo mai teh" ti hlak in a ban chu pawh phelh ka tum a, mitko ti kang uk in min kuah nghet sauh.

"Ka rilțam a nia" ti chiam in ka tal a.

"Keipawh a țam khawp mai" rawn ti sup in ka hmui ah a rawn fawp nghal buan buan.

"Ugh, Malsawmtluang"

"Eng nge ka duatte" ti nghut pah chuan tuverh darthlalang hlai zet ah chuan min nawr bet hrawk, meng kual ralh in ka thaw hak a, a rawn kun hniam leh ruai ruai a. A mitmeng pa zet de sawr sawr chu rei eng ngam loin ka maimitchhing ta ringawt!

A phone rawn ri thut vang chuan ka hmui bul chet ah prof Msa chu nui rum hawk a, keipawh ka nui ve tho.

"Hun lo lutuk" ti hluk in a ding mar a.

"Va chhang vat mai teh"

Nui suk suk in a phone awmna lam ah chuan a let phei ta vut.

Khum lam ah ka let phei a, puan sin chu sir khat ah dah țha in khum khuhna chuar chu ka pawt mar a,

"Yeap, tlai ah ka rawn tlawh dawn nia" a aw pa zet leh zawi ruih mai ka hriat rual deuh thaw in ka hnung lam ațang ka kawngah nghet takin min rawn kuah leh hmiah anih chu. Ka lo ip deuh chawi bawk.

A rilo nui suk pah hian a biang hmul chuan ka nghawng a rawn nul dun dun a.

"Umm, ka hria e, nakin ah security lam pawh ka lo bia ang" ti sup in ka darah khabe rawn nghat leh in a taksa lianpui rihna te nen chuan min rawn rinchhan ti tih a. Ka beng bul a thawk khum lum ham hamna chuan ka taksa chu a țham mur uaih uaih bawk.

Rum nghut in khum ah chuan phone a theh thal a.

"Tinge a?"

"Tlai ah Caffee ah zuk kal ang hmiang, enpui an ngai deuh ani awm em?" a tih sup chuan phur zetin lu ka bu a.

Inhnuai lam ah eitur siam turin kan chhuk thla a. Amah ngeiin ka damlo kha min enkawl a duh miau vang in chawlh a la a, ni 2 zet chu hnathawktu pawh lo kal lovin kan pahnih lek in kan khawsa tawh. Sex min hmanpui a tum lo va, a kut erawh a hlei viau zel. Hnute a lawm ropui bawk si! Ka hnute bul vel hi duk lo lai pawh a awm mang lo. Love bite a siam reng zel a. Ka ngaihtuahna vang a ka ner nak chu min thlek vutin mit a kang uk.

"Engmah" ka ti hlak.

Kitchen island ah min hlang kang vut a. Hmanrua vel la chhuak zung zung in bawngsa ti țha zet lian lerhlawrh chu bawlhhlo te nen a sawngbawl a.

"Ka lo pui ve ang che" nui suk a min en in mit a kan uk.

"Ugg, beans leh mushroom kha ka lo siam ve dawn mi?" ti pah in ka țum thla tharh a. Prof Msa nuihza hmel insum chu ka hrelo der hmak.

Amah hlir in eitur a siam a, kei lah damkawr eitur chak reng ka ni bawk nen choka ah hian eitur siam in a lut ngun thei rapthlak.

Prof Msa'n bawngsa a siam mawlh mawlh a. Sweet corn pawh oven ah ti hmin in salad a siam tel a.

Youtube video en meuh in Beans leh mushroom chu ka kang ve ngei a. Min rawn enpui zauh zauh tih loh chu engmah a sawi lo.

Dawhkan lian zet ah chuan bawngsa kan tui hmel zet a khu vat vat a. Salad bowl lianpui a beef salad pawh chu a tui hmel kher mai. Plate te a ka bean kan chu prof Msa chuan fork in a thur zauh a. A ei lai chu uluk lutuk hian ka lo en ngar ngar a.

"Ughg, eng nge a an?" tim deuh dai a ka zawh chuan nui suk in "a tui lutuk" a ti sup.

Hlim zet hian ka thleng a bawngsa tui hmel zet chu ka chan sawm a. Ei pawng pawng chung a fork a ka bean kan ka thur lai chu uluk zet in prof Msa chuan min lo melh run. Eitur vawi khatmah ka la siam ngailo a. Mi bai chhuan lo vil sak chu ka thiam ve lutuk.

Bawngsa lem a ka bean kan ka ei chiah chu na zet a dawhkan ah fork dah thla chawrh in tissue ka ban a. A tui lo fahran lutuk!

Chhak chhuak vek in tui ka in nghal khawlh khawlh.

"A tui i ti ve bawk a" thimrim zetin prof Msa chu ka melh hlar.

"I vawi khat siamna a nia, theih tawp i chhuah bawk. A tui lohna a awm lo" ti sup in bean kan bawk chu a ei zawm leh mawp mawp.

Kei chuan melh pawh ka melh peih tawh lo! Chutiang leh lutuk a tuilo a ka kang thiam chu rapthlak ka ti hial bawk. Kum eng emaw tichen chu bean kan ka ei duh loh phah dawn tih lah ka chiang reng!

Pawn lam ah ruah a sur bur bur a, couch lianpui ah prof Msa chu a țhuawn duai a, puan lum nen inpawm hnawk nuaih in a kapkar ah țhu in amah chu ka ngheng ar ar a. Kan tv en ah pawh rilru ka pe hlei thei lo. Ka mut chhuak zet vang chuan ka lo chhing leh sek țhin.

"Sawi rawh, Carlos" ti sup ri chu ka hre vuat vuat. Dimdawi zet hian in a awm lum thur thurah min kuah bet pah hlu hlu bawk.

"Ka hrethiam e.. i nau te khan bank ac chhui zui tur a ka tih kha an chhui zui tawh bawk ang chu tiraw?" a ti leh nghut.

An inbiak zawh rual chuan a taksa chu a țang mar tlat a. Tu emaw a call leh nghal zat tih hriat zet in a ban a che leh vut bawk.

"Rinchhan, naktuk ah ka hmu duh che" a tih sup chuan ka thawk a tawp chawt maiin ka hria.

"A hmun tur chu ka rawn hrilh leh ang che" a ti a. Phone chu ti tawp hmuk in ka harh leh harh loh min lo thlek lai te chuan thawk ka lo ip ngar ngar.

Malsawmtluanga's POV

Lunglei ațang Bawihi pa te an lo let tawh a, Bawihi pawh an in ah ka dah let tawh. Chak zet in Rinchhani min lo nghahna lam pan chuan ka inkhalh chhuak nghal a.

Bawihi sawi dan chuan in a chhuah san hma in soup a hawp tih a sawi a. Chutah chuan tur chak zet a tel tih rin ngaihna erawh a hrelo! Doctor in kha damdawi kha doctor licence tello chuan khawi damdawi dawr ațang mah hralh chhuah theih a nilo tih a sawi bawk..

Thil thlen dan kha ka chhut let ngat ngat a. Khami tlai ber kher a tur a Bawihi hrai anih te, Bawihi nen kan inzawmna min pawmpui ngailotu ka pa rawn lang ve hlawl te leh zanlai a Rinchhani rawn lang hlawl te. Ka pa nen an țawngkam chhak chhuah duh dan zawng zawng ka chhut let khan ka pa emaw, Rinchhani emaw zawk zawk in inrawlhna an nei ah ka ngai nghet ta hmak.

Bawihi damdawi in ah a awm lai khan ka pa chu ka hmu tawh. Thinrim zetin kan inhnial leh chiam bawk. Mahse, ka mitah tak min en chung a "Lalhlimpui hi ka mo a tan ka duh lo. Ka duh ngai dawn lo bawk! Mahse, tur hmang a chet la duh khawp a mi dawizep chu i pa hi ka nilo" a tih a. Dawt sawi hmel ka hmu lo bawk.

Police officer Carlos-a puihna hmang in a Rinchhani ka chhui zui ta a. Bawihi taksa a damdawi chak zet an hmuh ang chiah kha a hma niin hospital canteen ah a lo lei tih kan chhui chhuak ta bawk.

A awmzia chu Bawihi thil ei tur ah khan a nuhrawn puihna hmang in kha damdawi kha an tel ani mai.

A hun tak ah Bawihi kha damdawi in ah hruai lo nilo ta se... a thih phah loh vek pawn hun rei tak chhung nikhaw hrelo lek in a awm reng ang tiin doctor khan a sawi hial a.

Ka hmeichhe hmangaih chung a nunrawng tak a chet la tu lakah ka insum zo ta lo anih pawn inchhirna ka nei map lovang.

Bolero ka ti ding dawt a. A car ngheng a Rinchhani lo ding chuan pawisawi loh hmel zetin min lo nuih var var..

Damdawi a leina recip chu keng chhuak in ka pan vut a.

"Nang meuh in min hmuh te i duh tak a... englam nge?" a ban rek ah ka man thut chuan a țawng lai chu a tawp chawt!

"Mess..." na ti zet in a khek zui tuar.

"Engvang nge?" ti hrawk in dim map lovin a ban chu a hnung lam ah ka herh sak nghek! "Sawi rawh"

"Eng chungchang maw.. min thlah rawh" ti țúau in kê a leng awt awt. Khi suk in a aia na zawk in a ban ruh chu ka herh nghek!

"He i ban ruh herh tliah nan hian second khat lek ka mamawh tih i hria em?" ti hrawk in ka khi suk! Rinchhani erawh riltla tur ang maiin a țe nghal rawng rawng! Ka thlah thut a, a ban zawi nghal nguai chu lei ah țhingțhit thlakpui hnawk in a țap hlawp hlawp! Ka rek hlum daih lo kha a vannei tak zet!

Ka hmeichhe hmangaih lakah kut thawh an awm anih chuan an ruh pakhat te te in an tliak zel tawh ang!

"I ban lehlam kha herh tliak leh kher turin min duh em?" ti sup in a bulah chuan ka țhu hniam ruai ruai a. A thaw khur hlawk hlawk, a mit a sen rum a, a hmai pawh a dang var nghal vek bawk.

"Min hrechiang ani lawm ni? Ka mi hmangaih te tina zawng a midangin chet an lo lak ve ka remti hauh lo! Ka hmangaihte chu keimah chiah in ka tina thei.. a chhan chu hmangaihtu ka ni miau a..." ti sup in ka melh ngur.

"I nunrawng lutuk, i nunrawng tak zet" a ti khur hlawk hlawk. Thle buk in a ban tliak lo lam chu ka melh ngur a. Hnung lam ah thukru nghal zat in a ban chu na ti lutuk in a țhen zui chawt chawt bawk. A taksa rawn khur chhuak hlawk hlawk chu ka en mawl tawp! Bawihi chung a a thil tih ngaihtuah chuan ban ruh herh tliah sak mai mai te chu a la nep lutuk.

"Hun ka ngah lo a nia! Second khat chhung lek a chinfel dan ka thiam bawk"

"Ramhuaipa, hremhmun ah kha mi hurnu nen khan kal rawh u" a rawn tih tuar chuan insumhman lo lek in a chhip sam ah ka țham dak awrh!

"Sawi leh teh" ti tuar a a hmai bul chet ah ka melh ngur chuan a khur hlawk hlawk. "Ka... damdawi kha ka lei a, nu Muani ka pe, a ni khan eitur ah a pawlh"

"Good" ti sup in a chhip sam ka țham chu ka thlah nawk.

"Inpahnih a inhlim hi ka phal ngai lo ang... hrerawh.. kha mi hurnu nen khan inhlim rei dawn chuang lo" ti tuar tuar tu chu ka kalsan nul nul.

"Malsawmtluang...." motor ah ka luh san hmuk. Chak zet in ka tlan chhuak nghal a. Motor hma lam a Bank ac sum che vel awmna lehkha ip chu la chhuak in ka rum nghut.

Bawihi chung ah diklo tak a thil ti țhintu te kha enliam tawp ka tum tawh lo!

___________________________

Thinrim lutuk in kut ka hum khur dawt dawt! Ka hma a patliang țhu chu thah mai chak zet in ka melh ngur a. He mihring hi Bawihi hringtupa chu ani sia maw?

"I fanu chungchang a nih hi" ka ti hrawih! Thinrimna vangin ka aw chu a khur dur dur.

"I hriat sual ani ang, engpawh nise, hei chu kan chhungkaw inkar ani a, lo inrawlh suh" nep ti zet in ka melh ta tlawk tlawk ringawt! Rinchhani damdawi pek, a nupui in a fanu ei tur ah a tel a. Chu thil vang chuan a fanu a thi lo chauh tih thu a hriat hnu ah pawh a hmelah a fanu a lainat chhe te mah ka hmu lo! Chu mai nilo in a thlavang hauhsak a hneh in *hriat sual ani ang* a la ti thei cheu anih chu mawle!

Ka ngaihtuahna ah Bawihi a lo luh rual chuan thana zet in dawhkan ka chum bur! Hetiang tehthlawt a a thlavang hauh sak ngamlo, patling thlazar hnuai ah hian a nimaw a lo khawsak ve nawk nawk ni?

Ka țhutna bul a lehkha ip chu thinrim zet in Bawihi pa hma ah chuan ka theh thla a.

"I nupui leh i fahrawn in, i rilarah i fanu ngei mai rukru ah an puh a; in chhungkaw sum cheng sing hnih thum bo ziah ni a an sawi kha khang ac pahnih ah khan a lut ziah.. hma i lak ka rin vang a pe che ka nilo. Bawihi dikna fiah na tur a tan zawk a pe che ka ni" ti sup in ka ding vut.

A hringtupa lakah Bawihi'n awmzia a neilo lutuk mai te; an inchhung khurah pawh apa intive hian Bawihi humhim zawngin vawi khattê mah thu a chhakchhuak ngai dawn lo tih ka hriatchian tak em vang chuan Bawihi ka lainat luat vang in ka puak darh lo chauh!

Bank ac chet vel dan kha a hmu anih pawn a nupui leh a fahrawn te a zilh miah lo ang tih ka chiang! Mahse, rukru ang a a ngaih a fanu hian a cheng khat mah a ru chhuak ngailo tih kha hmu ve reng reng rawh se! Nui hawk in bolero chu ka ngheng dawt! Ka kekawr ipte chu rum nghut a zen in ka phone ri dur dur chu ka la chhuak a. Screen ah chuan Bawihi hming a lo lang kalh bawk.

"Hmeichhe khawngaihthlak" ti chhuak sup in ka thaw ham ham!

A țha e!

A hringtupa khan a thlavang hauh ngam lo mahse kei hi a hma ah ka ding zel ang! A pa lak ațang in hmangaihna dawng miah lo mahse keimah a hmangaihna awm zawng zawng in ka tuamhlawm zel ang! Ka Tetaktei hi tumahin an tina leh tawh tur a nilo!

Post April 23rd, 2020

Chapter 37

Lola's pov

"E, saw, an lo thleng ta a lawm" ti hliai in nu Thiangtei chuan kawngkapui inhawng huau lam chu a pan a. Keipawh chuan muangchang in ka țhutna ațang tho chhuak in kawngkhar lam chu ka pan a.

"In rawn tlan tluang maw?" ti lang langin nu Thiangtei chuan Driver in chawhmeh a khai thlak chu a laksak thuai a.

Motor chhung ațang Muani te nufa lo chhuak in kawngkhar bul a ka lo ding reng min rawn hmu chiah mai chu an hmel lan a ți dai mai hian ka hria.

Becki nen chuan in melh zak zak pahin inchhung lam an rawn pan a, an hnung ah ka pa lo lut thawm an hriat phei chuan an nufa chu an hlauthawn hmel in an che phelh nawk nawk ani ber.

"In i lo nghak țha maw?" ka pa'n a rawn ti nghut, ka lak a lungawi lohna nasa tak nei hmel a pu bawk. Chhang tur a ka ang hman ziau chu ka pa ban bulah rang zet a chelh pahin Muani chuan rang zetin min țawng khalh a.

"Nghak țha awm e, kan fanu hi a rilru a puitling ve tawh lutuk tih i hmu thiam lo em ni?" ti lui tih hriat zet a min nuih laia a mitmeng a thlaphanna lo lang chhuak chu ka hrethiam lo tak zet!

"Ni lawm ni? Hlimi, i lo dam țha em? I nu Thiangtei lah chu an chhungkaw buaina vangin a lo chawl ve zel bawk nen eirawngbawl ah ber khan ka ngaihtuah deuh che a" a ti duah a, ka pa awm lai chuan min hi a be țha thei huam huam a nia, eilo zetin mit ka chet kual khum ralh ringawt!

"Thiangi, thingpui a awm em?" ka pa chuan ti nghut in țhutkhawmna lam a pan vut, chutih laia Muani te nufa awm dan phei chu an mak ching cheng ani tawp.

Ka pa bul ah kal phei duh ve hmel zet. Mahse, eng emaw min sawipui tur nei ang hrim a lang in kan inhmachhawnna hmun ațang chuan kal hran an hreh hmel hluah hluah.

"Pi, Thingpui in duh ve em? I pa chu a zia deuh tawh em ni?" Nu Thiangtei'n chanchin a zawhna pawh mumal lo zet hian a chhang a, Driver in motor chabi a lo dah luh chu lo lak sak in enghelh lian tak nei hmel pui chungin an nu fa chuan min melh chhen ringawt.

"Eng nge?" ka ti hmak a.

"Eng nilo e, i u te chanchin i hria em?" Muani chuan a ti a, a nui lui hram hram bawk.

"Umm, an rawn haw thei țep" ka ti țha ve mai, ka pa bawkin nu Thiangtei chu au lung lungin thingpui chu a sen hang a lum turin a hrilh a.

"Hlimi, i theihai bawl hi rawn en zo vat rawh, tho in an bawm a nge" choka chhung ațang in nu Thiangtei'n min lo auh lai te chuan rilru buai hmel zetin Muani te nufa chuan min en zak zak. Becki chu rang zetin ka pa bul ah a kal phei a.

Choka a ka lut chu Muani'n min rawn zui lut ve nghal zat bawk.

Dawhkan chung a ka theihai bawl thak zet chu ka ei zawm mial mial a, Muani chuan thil țullo pui pui ti a chekual in choka chhungah ka awm chhung chu choka ah a awm ve tlat. Nu Thiangtei'n 'in zin hah bawk sia, lo va țhu hahdam rawh' a tih pawn țum dangah a tih dan țhin ni miah lovin nu Thiangtei te chhungkaw chanchin te a zawt a, nu Thiangtei pasal hian TB natna a nei a, Lunglei ah ka pa te zin chhung zawng khan chawlh a la ve bawk. Muani chuan harsatna an neih phawt chuan ka pa nen an hnen ah sawi hreh lo tur te, inenkawlna tur sum te pawh keini lam aţang ngaihtuah dan a awm zel tur thu te sawiin nu Thiangtei chu a hrilh siam siam a. Thiangtei'n pawn a khawsak vel dan chu mak a tih hmel kher mai! A chhan chu ka pa leh kohhran nu ho awm lai chiah in nu Thiangtei hi a be ţha hliak a, mitmei ven tur awm loh chin ah erawh khak fek fek te a ching miau zel a.

"Lalnu Thiangte, ka va kham lo tak" Theihai bawl thak țha zet ka ei ruahna plate a a tui cham-bang chu ka kâ ah ka far zawh tir vek. Ka kham lo zet in ka ka tep chep chep a.

"Awi, em em che chuan aw.." nui hawk hawk in plate ruak chu a rawn ban a

"Hetiang in thei i ei duh tih hre ngat ila chuan ka rawn keng țeuh ang mawle, naktuk ah tam deuh ka rawn ken tawh ang che, kan kawmthlanga mi hi an rah lian tawh lutuk a lawm" a ti zung zung a.

"Tinge biak tlang theih miah lova i khawsak a, i pu vang a rilru hah em em chungin i nu in a ngaihtuah che a lawm" room a ka chho tur țhuatkhawmna ka kal pel chiah a kapa thu lo sawi vang chuan ka ding dat. Muangchang in ka en phei a. Keihi Muani'n min ngaihtuah tih vel kha a sawi em?

Becki chu phone khawih in a țhu ngawi ran, mahse, ka pa thusawi chu a ngaithla ru kar tih hriat zetin a meng ker thung.

"Min ngaihtuah maw?" ti hliai in awiloh hmel zetin ka nui hak a. Tinge maw tun țum an zin chhuak lo let leh hi mak pui pui a an khawsak vek mai le?

Ka lakah a lungawi lo tih hriat lutuk hian ka pa chuan min lo melh run "Ching tawh suh ang che, i pu damlo vang a rilru hah bawk, nang lah biak tlang theih miah loin i lo awm ve tum hrang a, a ngaihtuah luat vang che in nitin zantin i nu in i chanchin rawn ngaihven a, phone i off daih vangin i biak tlang theih bawk silo. Rilru nuam lo reng reng in i nu i siam a lawm" a ti leh nghut nghut.

"Pa a, a mak țhin, phone a tibo te pawh a ni thei ka tih tawh kha, hei, in kan thleng a, damtlang takin kan inhmu khawm leh tawh bawk a, in hauh nghal ngawt zawng a țha ngailo" Muani vek chuan nem hlihlei hian a rawn ti hlei hlei, ka lakah lungawi loh hmel zet a ka pa meng rum ul kiang ah chuan a țhu thla a.

"I sawi dik, ka phone a bo lawm" nui halh in ka ti tawi tak.

"I va khawsa ho awm ve, engtin nge phone tibo khawp in i khawsak a" ka pa bawk chuan a rawn ti leh tun tun a nih chu!

Ka chungah eng nge thleng tih lam ngaihtuah chiang hmasa hauh lova min rinchhe nghal lutuk chuan țawng pawh min ti chak nek lo e a.

Mahse, Muani chuan engthil nge a hriat tehreng ni, ka pa lak ațang chuan min lo chhan leh tho. Ka pa chuan an awm loh hlan a ka nun hoh dan tur vel chu a sawi hmuk hmuk reng a.

Kailawn ah ka tlan chho nal nal, Muani chet vel dan hi ka hrethiam lo tak zet! Ka pa awm lai chuan ka chungah a țha em em reng tih ka hria! Mahse, tun țum zet hi chu ka chungah a țha satliah pawh a nilo, ka thlavang a hauh zung zung a, a hma chuan ka pa in min hauh belhchhah theih nan ka thlavang hauh ang a lang siin thu a chhak chhuak ziah zel.

'Engtiang fakau in nge kan Muani chuan min lo ngaihtuah der kual vel ang le?' ti sap in ka room ah chuan ka lut a.

Zanriah kil lai a ka pa bawk in min ngaihtuah luat vang a Muani mut theih loh thu te, phone ka tibo a nih pawn ka țhiante phone ațang tal chanchin ka hrilh theih thu vel a min vin khur khur chuan ka thinrim ve tawh tak zet! Na zet in fian chu dawhkan ah ka dah thla chawrh a.

"Lunglei pan a inchhuah tlai la la khan thichhawng in dawmdawi in ah ka awm tih i hria em?" ka pa chu rum zet a melh in ka inhum ruh ngat ngat.

"Od vangin maw?" Becklubuki chuan a lo ti nghal zat anih chu.

"Nangkha lo ngawi rawh" ti tuar in ka fian chuan ka ep a Becki țhu chu na zet hian ka vawm țawlh!

"Lalhlimpui" thinrim zet a ka pa in a rawn tih vin tuar chuan amah chu ka thleng hian vawm chawrh ka chat lutuk chu nghet zetin thleng tlang ka hum ta chawt ringawt.

"I u khan thudik lo sawi a nei em ni?" thinrim tih hriat zet a a rawn tih leh tuar chuan chemte zum zet a vih sawk ang mai hian ka thip zawk! Nui deuh sak chungin Becki chuan ka fian vawmna chu a chhar a, a thleng nawr sawn nghut a min melh tur khui tupa chu rum zetin ka melh ngawt ngawt! Thichhawng a ka awm thu a hriat hnu ah pawh tlemte tala min ngaihtuahna nen eng nge ka nat chhan tih mi zawh ai chuan Becki thu sawi mal khat lek ring pumhlum nghal țhak in min la vin zawk anih chu!

"Damdawi leh ruihhlo chi hran hran i khawih kual a, i sim thuai lo anih chuan tun chiah lo pawh i la Od fo ang" min tih khum nghut in chaw ei dawhkan chu a thawh san vut.

Ka rilru leh ngaihtuahna chu ka thinrim lutuk vang in a chawmawlh vek a, kut sil a, choka a chhuah san thleng pawh chuan khap nachang pawh hrelo in thleng chu ka melh ngawt ngawt! Ka damdawi in awm chhan kha ka od vang a nilo lutuk!

"Od tur khawp in damdawi khawih tawh suh aw" min nuihsawh zet a Becki rawn țawng chhuak chu insum hman lo lek in ka thleng bul a bowl a soup awm chuan ka theh țhawt! Ring zet a rak tuar in ka pa a au nghal nghek bawk.

"Pa" ti tuar chungin rum zet hian min melh a, Muani pawh rang lutuk in a fanu bulah a tlan phei a, keipawh thinrim tha khur dar dar chungin ka ding chhuak ve a.

"Lalhlimpui, i u kha engtin nge i tih?" Ka pa chuan a rawn ti vin nghal țhawt! Choka ah rawn lut leh vut in ka ep chiah a Becki țhu chu a pan ding a!

"A sa lutuk, ka awm hi a kang in ka hria..." Becki chuan țap par hian a lo ti zuah zuah. Ka pa in Becki darah kut nghat chung a rum zet a min rawn melh chuan eng nge ka tih chak in hre duh em? Thichhawng in ka awm tih a hriat rual a danglamna nei miah lo mihring, a fahrawn soup sa in a kan vang a thinrim mit sen vek a min melh tupa hi thah daih ka chak! Ka chak tak zet!

"I va han nasa em em ve mawle, chawmhlawm, ruihhlo khawih lo a awm thei lo leh nghal hian ei turin i u i theh ngam a maw?" ti khur khur in ka pa chu a rawn ding mar ruai ruai. Muani te nufa hmel a nuam tihna lo lang chhuak hmu ve lo lek in hnemhne ang mai in min melh rum ul bawk.

Ka inring hman lo! Na zet a ka bek ah ri chawrh khawp min ben na vang chuan ka pai nawk! Ka tlu tur in nam khalhna lamah dawhkan a thleng vel chu ka hnawl thla keh darh chuai a!

"Pa a, duhtawk rawh, khatiang a kut thawh ngawt kha a țha ngailo"

"Lo inrawlh suh, i chhan a, a thlavang in lo hauh sak a, min zuam tulh tulh a nih hi" ka pa chuan ti tun tun in a rum nghut. Insehruh țeuh a ka hawi chhuak chu thawk lak pui harsa khawp in ka bek zawn a na ut ut a, a hmuh laia na tuar ang a lan chhuah ka duh bawk si lo nen dawhkan tlang chu nghet lutuk hian ka hum a, ka thinrim tawpkhawk rilru so bulh bulh chuan chemte chuh a, hepa hi vit nghek tur in min rawn tur ngut ngut bawk.

"Lalhlimpui, i u hi ngaihdam dil rawh, Lunglei ah a pu damloh na vang a rilru chiai zet a an awm lai pawn nang a rui heheu kual mai mai an biak tlang theih loh che vangin an manganna a belhchhah em em a! Tunah te hian a pu damlo in i u te nufa hi a thlahlel ngawih ngawih a sin. Mahse, i nu te nufa hian an ngaihtuah em che vangin i chanchin ngaihven hmasa phawt ang u tiin haw an rawt chuk chuk a! Nang lah chuan lo lawm a hneh in huaikawm bawl zawng in i lo khawsa nghal zat! Tunah te khan ruih i la nei em?" ti tun tun in Backi bul vel ah chuan a vei tawn nghut nghut a. Lunglei ațang an rawn thlen tirh a Muani te nufa hmel a hlauthawn rukna awm te kha chu a thlawk bo vek tawh! Ka pa chet phung a țang hian an hlauthawn em em chhan kha engvang pawh lo nise an nufa chu a him dawn tih a nem ngheh chian lutuk vang te pawh ani hial ang!

"I u hi ngaihdam dil rawh" ti leh tuar in ka pa chuan thinrim zetin min vin leh nghek! Ka mit sir chuan gas thuk bul a chemte inthiat bur fur chu ka melh reng tawh! Ka tha za zek zek chu thunun tum in kut ka hum ruh a! Ka inthunun lo anih chuan hepa hi ka vit hlum duh tak tak mai ang.

Tha khur hlawk hlawk chungin ngawi reng hian ka inher a, choka chhuah san a ka pen tur chiah chu Becki thlavang hauh a ka pa thinrim lutuk insumzo lo chuan min rawn phih her leh lawp anih chu mawle!

Ka tuar thei tawh bik thlawt lo!

"That kher tur che in min duh em?" ti tuar chung thinrim zet a ka chhoh en dawrh chuan ka țawngkam rapthlak zet in a ţhawn lutuk vang nge a tawlh hnung hrut mai! Kei erawh rapthlak lutuk in pawisak neih loh hmel zetin ka nui sak thung.

"Dawt a min puh tu soup sa in ka leih a, nang in dawt sawi tu chung a ka thil tih vang in dawt sawi chingte hma ah kut min thlak bawk! Kan inrul tawk chiah! A dik em?" thinrimna vang a aw sai hlak hlak hian ka au khum tuar tuar a!

Nasa min tih hmel zetin ka pa chuan min melh tlawk tlawk! Pawi tihna chhete mah ka neilo! He inchhung ah hian tumah ka thlavang hauh tu ka neilo! Keimah leh keimah ka inhumhim a, ka sual let anih ngawt loh chuan ka chan a chau dawn lutuk! Hepa lah hi!

Nep ti zet a ner khum sak in ka inher san hmiah! Min rawn pawt let leh anih chuan ka chhunhril a khakna inlumlet mup mup hi thunun zo lovin kut ka thlak ve ngei ngei ang!

Thinrim sosang lutuk a chhungril khur dawt dawt chung leh thanat luat vang a tawt up up chungin choka aţang chuan ngawi reng in ka chhuak a, țhutkhawmna ka thlen rual chuan ka thaw kawk kawk, keimah a thinrimna nasa zet in lumlet kual tup tup reng chuan ka kawchhung aţang hian min hnawh tup tup in ka țang hah vek!

Khum ah ngawi rengin ka mu zawi reng a, khap nachang pawh ka hrelo! Zanriah kil lai a kan boruak kha ka ngaihtuah let apiang in ka pa huatna leh a laka thinrimna nasa zetin min rawn luh a, ka taksa pumpui chu a sa in a za kual vel vek.

Thi chhawng in damdawi in ah ka awm thu ka sawi khan vawi khat te mah mit a khap chhin lo! A fanu chuam soup sa a ka theh veng erawh in dimna tel hlek lo a kut min thlak chawrh a hreh lo thung! Kha mihring kha ka pa dik tak anih ka ring ta lo rum rum bawk! Engtin nge.... tha na zet a kut hum ruh ngawt ngawt in ka maimitchhing a! Becki te nufa nuam ti hmel leh ka pa thinrim mit sen rum te chu nasa zet a mit ka chhing chawt chawt chung pawn fiah lutuk in ka hmu thei a. A tawp ah phei chuan rum chhuak kawk in kê ka leng ta nghek!

"Min hringtu pa a ni thei lo ang" ti sap in ka thaw hawk hawk!

Rilru hahdam tum a mit ka chhin vang vang chuan prof Msa hmel chiang zetin ka hmu a. Atthlak zet in ka mittui a hnam nghal sawk!

Phone ka ban a. Mahse, muangchang in ka dah thla leh riai riai a, ka call ngawt thei lo! Keimah vang in a buai tam tawk tawh, mimal hna khawih tur a ngah ve lutuk!

Khum bul dawhkan chung a ka nu nen kan thlalak inhung chu ka ban a, ngilneih hmel zet a ka nu nui lai hmai tlang ah chuan dimte a chul in ka han nui lui ngial a!

"Nu, he mi tenawm pa thisen kai hi ka ni ve ngei sia mi? Tinge hepa hi ka chungah a nunrawn bik em em a? Ka lakah a kut a ram si, ka dinhmun hi maw... nuhrawn leh pahrawn hrawn kawp ang vel a rapthlak ani tih i lo hmu ve țhin tiraw?" nui lui in ka nu hmelțha zet chu ka thlek ngawih ngawih.

.

"Lawma, Zote a ka order siam kha va lam rawh, hei, kohhran nu ho an rawn kal țep tawh" pindan pawn a Muaneki'n driver a au thawm chu ner pui sak in ka thaw chhuak hawk. Amah ang chiah a chhungril chhe dum nguk, pawn lam a mihlim intirual an rawn fuan khawm leh dawn tih hria in in ațang kal chhuah daih tum chuan khum ah ka țhu chhuak ta hlawl.

Washroom chhung ah ka lut a, tui vawt zet in ka taksa a rawn phuh sar sar chuan ka thinrimna vang a ka chhungril sahal hut hut chu a zia deuh sawng sawng a, ka pa min benna in ka chhungril a tur na ut ut erawh tawrh a harsa lam hret! Rei ngial uluk fe a gel nen kan in nuai phawn hnu chuan ka intleuh fai leh a, bathrobe chiah ha a washroom ațang ka kal chhuah chuan khum chung a ka phone screen eng tawp chiah ka va hmu hman hram.

Rang zet in ka pan a, prof Msa phone min lei sak chu la kangin ka hmet eng a. Prof Msa missed call tam tham zet lo awm ka hmuh rual chuan ka ţap chhuak hawk teuh kher mai!

Ka call back hma in a call vek a rawn lut a.

"Ummm"

"I va chhang thei lo ve" a rawn ti sup. A thaw huai ri ka hriat vang ngawt chuan ka lo hahdam ve huai ringawt.

"Ka inbual daih a" ka ti sep.

"Tun ah maw?" a rawn ti sup, atthlak tih hmel zet a a ban a sana lawk zet a bih vut tur lai mitthla in ka nui chhuak hak a.

"Umm"

"Ok, rawn rim che ka tum a" a nui suk tih hriat zetin a aw cool ruih chu a ni deuh hawk. "Mahse, in leng in nghah hmel khawp sia" amah vek chuan a rawn ti leh nghut.

"Ka lo chhuak ang" rang zet hian ka ti a. A nui suk ri chuan atthlak zetin ka thisen a ti lum pap pap.

Ka thuamhnaw bawm awmna lam ah ka lut phei a, tshirt dum ka taksa phuar lam hret ka inthawlh a, pajama ka inthawlh leh tawp, ka sam tuamna huh chu zarpharh in ka sam chu ka chhem ro sawk sawk a, țawn ka tum zet nangin ka pa in ka bek a ben na khan min tur ut ut avang in ka thlah mawl ta tawp. Make up pawh hmang chuang lo chuan phone nen room ațang ka kal chhuak tawp.

"Khawi ah chhuah nge i tum a? I pu chanchin hria in kohhran nu ho an rawn leng dawn, thingpui lumin i u Becktei i chetpui ve a țul dawn a nia'' an nupa mut pindan ațang a ka pa lo chhuak chuan a rawn ti khur khur

A thusawi chu hrelo ang hmak in kailawn ka pan ding a.

"Lalhlimpui" a rawn ti deuh hrawk, bengngawng ang maiin kailawn ah ka chhuk thla hmiah. Țhutkhawmna a nutling țawngkam nem deiduai lo țhu khawm ho chuan min lo be luam nangin ka chhang let peih lo.

"Hlimi, i kal chhuak dawn em ni?" nu țha ber ang maiin Muani'n min rawn au zui lang lang.

"A nih hi" nui sawng chungin ka en a. Nu țhenkhat lo ner nak te chu en kual pah a nuih tel sak in kawngkharpui ah chuan ka kal chhuak a.

"..... a la pharvar reng a ni maw? A zah loj hmel ropui che sia, nang lah hian i duat em em thei reng zel a. I riru hi chu a tluangtlam bik ngawt mai, Pathian ah piantharna țha tak changlo tan chuan i nun ang hian a nun ve theih miah lo ang...." nu pakhat in a tih tlawrh hluah chuan ka luak a lo chhuak hlui a nih chu! Engkim ah Pathian hming an lam vek a, an pasal te pawisa eiruk lah Pathian Malsawmna kan dawn tiin an paipawn țûn țûn a, an mahni aia nu hausa leh rangkachak man to inbel tam thei deuh te an hmuh lah in 'a pasal eiruk sum a alei a nia, hetiang te han inbel lan ngam, Pathian pawh a zah miah lo em ni le?' an han ti zui hrep zel a. Heng mihlim in ti, zanlam ah mi in a inhmu khawm dul dul țhin ho Pathian thusawi hi kei ka rin zawng pawh a ni nek love.

Show post links

Top

Abbra Reo Ririni

Post April 23rd, 2020, 10:45 pm

Gate lam panin tualzawl ah chuan ka pen hlak hlak a, ruah a sur dawn tih hriat zetin thli a thaw vuk vuk a, van a chhum dum kal kual tup tup chuan thla eng zet chu a hliah thim zauh zauh bawk.

Gate ațang in ka chhuak a, ka piah deuh thim chin a ka mihring va hmuh vang chuan ka chhungril chu thlamuang nghal suai suai siin ka thinphu a rang nghal dawt dawt. Jacket dum chhing lam mah a hak chuan a ti lang lian zual, Bolero ngheng in a lo ding kun ngul a, a kut lehlam kekawr ipte ah a thun lut hlun bawk, thla eng hnuai ah chuan a sam thur deuh siang leh hmai tlang thim ruih te nen chuan a lang cool hluah hluah.

A rawn hawi kual thuak a, a hawi sawn leh zet tawh, thaw chhuak huai chung in ka mit ah tak a rawn melh nghal run a. Kut ka vai zauh a, pa zet hian nui nghal suk bawk.

A kut chu a kekawr ipte ațang la chhuak in a bul ka thlen hun nghahhlelh hmel zet hian min en ta vung vung.

"Ka nghak rei khawp mai che, Duatte" ti sup in mit zîm sûn in min melh nghal ngur. Ka nui hak a. A aw thuk ruih vang erawh in ka taksa a lum chhuak pup!

Prof Msa chu rum nghut in bolero bul ah chuan a ding kak run a. Dawhtheihna a tlakchham em avang hian nghaktu a țan hi a thei țhak țhin lo!

"Khatah khan i ding reng dawn nge, min ti lungawi turin min rawn pan dawn" ti nghutin hnuai lam bih chung deuh hian a mitmeng thuk ruih chuan min rawn melh a. A lang pa tak zet!

Lai zet a ka sam hui sawn in thawk a la hak a, a huhang țang ut leh uapna zet vang chuan ka thawk thlengin a sa leh hap tawh.

"Bawihi?" a rawn ti leh nghut.

Min thlakhleh hmel zet a min en run tu lam pan chuan ka pen zel a. *Tumah in an hmangaih thei ngai lo ang che* ti a min an khum țhinna zawng zawng kha Malsawmtluanga mitmeng thuk ruih ka hmuh tawh hi chuan a diklo lutuk tih ka hriat phah țhin! Min hmangaih hluah hluah tih thup țhen hauh lo a thuk leh chhungril fan rawih rawih khawp a ril a min en runna chuan ka rilru a ti no thar a. Engamah hma a a nupui te nufa thusawi ring vek a, kut min thlak nghal ringawt țhin mihring thlazar hnuai ah ai fe chuan prof Msa thlazar hnuai ah hian ka him in, ka thla a muang zawk daih. Chuan... tunah tak hian chintawkawm loh khawp a nasa in ka thlahlel bawk! Ka pa in min tih dan zawng zawng kha a bulah hian sawi vek a, duat deuh a min kuah bet tlat turin ka duh tak zet! Ka hrawk chhung rawn na ut ut vang chuan a bul ka thlen hma a țah chhuah hlau zetin ka tlan phei a.

"Ka nula" lo ti thawp sup tupa awm hlai hlup ah chuan ka tawm khawm nghal chawi; nui nghawr dawt in a ban lian zet pahnih in min lo kuah nghal hlu hlu bawk. Keipawh chuan a zak hnuai ah zen lut in a dar hnung lam ah ka zen chho a, jacket hma a zip phui loh vangin a jacket chuan min khuap tel hlun. a awm lum nuam zet ah hmai phum a, thawk ka lak rual chuan ka famkim hluah hluah hian ka inhria.

"Ka Dawithiam tereuhte" thum ruih a ti sup in ka bek ah a rawn fawp a, ka pa min ben na lai a nih vang chuan ka lo tim chawi nangin a hmui lum thur thurin a lo nawr rual chuan ka zang hawk. Mit chhing in a hmui lum chu ka lo feel veng veng a. A kiang ah hian thlamuang takin damchhung a tluk luh tawh ka chak tak zet!

Becki te nufa dawtsawi vang a ka pa thinrim in kut min thlak pha tawh lo a nga! A thu ka zawm phawt chuan he mipa ngengngul leh tawhkhirh zet hian min tihnat a hneh in min duat hluah hluah dawn tih ka chiang bawk! Min la hmangaih tel cheu bawk.

*Hmangaih* nie! Prof Msa hian min hmangaih, a lak ațang hmangaihna ka dawn zatve pawh hi ka pa lak ațang khan ka dawng ngai lo.

"Malsawmtluang" ka ti a, Prof Msa chu a rum chhuak nghut.

"Malsawmtluang" ka ti leh vak a. Rum nghut hian "sawi rawh" a rawn ti thum dut.

"Ka ngai che" ti sep in ka hmai chuan a awm ka nawr a. A rim mipa zet chu hip lut in ka nui lui hak a. "Ka ngai che"

A awm lum nuam zet chhung aţang min nghawr dur dur khawp in a rum a, a kutphah lian zet in ka khabe ah lo dawm in min kuai dak nghal vut bawk. Mit tizim sun hian uluk zetin min melh chhuk ngur a. A mitmeng thlamuanpui awm ruih mai chu en nin har ka ti.

"Engtik nge min hmangaih thu i sawi ve dawn?" ka awm nghawr nghing dawt vang a ka meng phawk kawk chu min nuih zui suk in a hawi kual thuak a, ka thinphu chu a rik hian a ri dawt dawt! Ka hmangaih tih chu ka inhria. Mahse, ka.. ka sawi chhuak ngam ve teuh lo mai! Hmui pet sawi zau a ka mit ah tak a rawn en leh vut rual chuan a kiai leh suk. A hma ai a phawk zawkin ka meng leh kawk a.

"Tuna i landan duhawm zet vang hian ka fawp lo che anih chuan ka â thei mai ang" a hmui ka ka hmui lo tawk che che in a phun sup. A kawr tlang chu ka țham tawk a, prof Msa chu a nui suk, a chet dan engkim ah chuan ka luangliam ani tawp mai! Ka hmui ah a rawn nawr in chimawm deuh te hian a hmui a ti che a, ka awm chhung a sa pap pap, ka hmui hnuai chu duhthawh zet a pet in ril ruih hian min fawp zui ngawng ngawng a.

"Ka putar hma in min hmangaih thu i sawi ri ka hre hman hram ang chu maw?" kan hmui insik tir reng chungin a phun leh sup, a aw thum ruih in ka chhungril a fan kual rawih rawih hnehsawh zia hrelo lek in ka hmui hnuai a pet leh a, ka hriat tak zawng chu zanina a chet dan vang hian Malsawmtluanga hi ka vei leh bur dawn!

Muang ruih in min fawhna chu a tawp a, a kham loh hmel in min thlakhleh zia thup țhen miah hian ka hmai bul hnaih set sawt ah chuan min en run, Amah a palian bawk si, zunngah zet a min melh run in a lo awm hniam lui tlat a.

"Min an lo kal ang" a dar ah ka nam ve țang țang.

"Pawi hlei nem" ti sup in mitmeng zîm sun in a nui suk suk.

"A mak, Malsawmtluang" Bolero bang ah min nawr bet run tawh.

"Awm sawn vat teh"

"Min ngaih thu sawi leh phawt la" ti sup in a nui suk. Ka ner ta nang a.

"Ka ngai tawh miah lo ang che" ti hmuk a ka hawi sawn hmak chu a rawl lian zetin min nuih hawk!

"Zawhte note chuan neitu an neilo an ti țhin a sin" ti chhuak hluai in bolero bang chu a ban hrawl zet pahnih in a rawn nam nghal ngur. Lo kun hniam khun a a mitmeng chimawm zet ka hmuh rual chuan rum em em hian ka melh a.

"Ruk daih pawh a thiang" ti sup in mit min siai suk.

"Misualpa, zawhte note tih te khan min au ziah suh, ka nihna nilo pui pui a min puh leh chuan Lion ka ti ve char char tawh ang che" ka ti chiam ringawt.

"Duhloh i pe na ve țhin ngang ngang sia" ti hluk in ka biang a rawn khuap a. Thaw ham ham a ka chal ah a lo fawh leh chuan ka thinrimna te kha a bo leh vek tawh.

"Haw ngawt ka tum hleklo a nia" ti sup in țhen lui suk.

Keipawn a haw ka la phal teuh lo mai.

"Hei hi i inhmeh ka ti.." ka kutțang a mit bul vun chuar lai chu ka tawk zeuh a. Prof Msa chu a lo nui suk.

A hrawk bawk ah ka melh thla a, chiang zet hian min en ve run bawk.

"Chuan hei pawh.."A hrawk bawk langsar zet ka tawh leh zeuh chuan nui chhuak hawk in a ding mar ta vut.

"Leng ila?" ka ti a, A jacket siam țha vut pah chuan min en leh run.

"Khawi ah"

"Ka hrelo..." ka ti sep a. Mahse, amah nen chiah a len kual vel chu a chak hian ka chak et et.

"Ok, lut la" ti sup in a thle buk.

"Aih, motor nilo.. ke in.." min melh run vang chuan lai zet in ka hawi sawn daih a. A nui ri hawk ka hriat rual deuh thaw chuan a kutphah lian zet chuan ka kut a rawn hum hmiah a. Mak ti zet a ka en chhoh dawrh chuan ka kut chu la kangin a hmui lumin a nawr nghal zat. Hlim zetin ka nuih ta var var a.

"Khawi a kal nge i duh?"

"Ka hre chuang lo, leng tawp ang"

Nuihza insum tih hriat zet hian a kiai suk a.

"Ok, kan leng tawp ang" a ti ve nghut.

Ka kut nghet tak a chelhtu chu ka melh chho leh zeuh țhin a, kan rilru a awm a inang a nih ka ring, ka en chang apiang chuan min lo en ve thuai in pa lutuk hian a lo nui suk zel. Hma lam en in a ban bulah kuah vak chuan ka nui leh hak țhin a, tun ang a nasa hian hlimna in min la tuam chhuak ngailo.

I mi hmangaih hluah hluah nen zan thla eng ruih hnuai ah nghet tak a kut in chelh sakin kawngpui dung reh ruih zawh dun ta ula, engkim mai chu i hmu mawi hluah hluah mai ang!

Khum a ka mut tawh hnu ah pawh ka lungphu rang zawih zawih vang chuan ka tha a la khur dar dar! Inchhung ka luh hma a min fawhna rilruih khan min la ti danglam hui a. In fawp ngailo pawh kan nilo. A hnuhnung apiang mai hian min fan na a, a zun ah nghet tak a uai lo thei lovin a chet phung hnuhnung apiang hian ka thisen a ti lum pup pup ziah.

Khum bul dawhkan chung a ka phone raw ri chu rang zet in ka ban a, sreen ah prof Msa hming ka hmuh chuan atthlak lutuk in ka hmai a sa hat hat.

"Tu emaw nen hun chinchhiah tlak zet hman zawh hnu lawk a mahni chiah a inkhalh let chu a va khawhar thlak ve" ril ruih hian a rawn ti thawp sup.

ka lo nui hak a, Chumi pah a a thaw huai huai ri chuan amah ka lo thlakhleh țhin zia min ti hrechuak thar zel bawk. Engtin nge tiang khawp hian ka lo hmangaih hman le?

🐾

Bag pack nen ka pindan ațang ka chhuah chiah chuan kailawn a mihring chhuk thla pakhat zawk chu phawk zet hian ka melh a. A ban intuam chhah luk in Rinchhani chu dimte in Becki'n kan kailawn ah a kuah thla.

"Hlimi, room ah rawn lut teh" țeng zetin ka pa in a rawn ti chhur chhur. Ka hawi let dawrh chu ka pa hmel a thinrimna nasa zet lo lang chhuak vang chuan ka tîm deuh chawi a. An mut pindan kawngkhar biang nghengin a lo ding a. Room chhung ah chuan lut nghut in "rawn lut rang rawh" a ti leh fur bawk.

Muani nen sex an lo hmang dun lai ka hmuh țum kha he pindan chhung a ka pen luh leh na hmasa ber a ni! Masterbed room zau zet, bungraw man to pui pui a cheibawl chhung a ka lut chiah chu keimah hian nâ a rawn insiam tlat a.

Pindan tawp a tukverh bul ah ka pa chu lo ding run in nelawmna tel miah loin min lo melh run bawk.

"Lunglei ah ni reilote chhung kan va thangbo lai khan pawi i lova khawih nasa hman em em ve?"

"I sawi awmzia ka hrelo" ka tih chuan a ner nawk.

"Nangmah vang a mi chhungkua an kehdarh laiin engmah hrelo awm in i awm ang maw?" a ti a. Hrethiam lo zet a ka en chuan ka ngaihtuahna ah thil pakhat a rawn lang zawk! Rinchhani!!

"Rinchhani bialpa kumhlun i luahlan khan ngawi rengin ka en liam tawh che! Mahse, a chhungte lam in an duh loh em che vangin Malsawma pa meuh pawn a fapa lak ațang inthiarfihlim turin a hrilh tawh chung che pawn zahna neilo lek in an inchhung ah te i lova tal kual vel ani maw? Min va ti zak em em ve mawle"

Nghet zet a kut hum ruh in ka melh reng tawp!

"Mi chhungkaw tidarh zawng leh kan chhungkaw zahna thlen zawngin khawsa tawh suh! Engtikahmah Malsawma chhungte'n an pawm ngai dawn lo che tih hria la, hmu tawh suh ang che'' a ti khur khur.

Ka nui ro halh a. Min melh nghal run bawk.

"Thu țha mal khat lek pawh i hnen ațang dawng miah lovin ka țhang lian chho a, ka damloh thu i hriat in vawi khat pawh i chiai chhin ngailo! I nun ah a hnuhnung ber pawh ni phalo hial khawp in awm ve lo ang maiin min khawsak khum a... chutichung chuan kei hian zahna ka thlen ang che chuan sawi lul suh" ka ti a, ka thinrim lutuk vang nge ka awm chhung a tawt vek.

"Lalhlimpui"

Ding leh dat in muangchang in ka hawi let a. A zaklo ka ti! Ka ti tak zet!

"Ka nun ah hian lo inrawlh ve tawh suh, ka thil tih engmah hi sawisel tur in dikna i neilo! I hria em? Dikna pakhatmah i nei ve lo! Ka mamawh lai che in nang chuan hmeichhe dang tihlawm hna i thawk țhin. Pa mamawh ngawih ngawih a ka awm lai khan nang chuan hmeichhe dangfa pass lawm sak in ka mamawhna che kha i ngaihthah țhin. Ka neih chhun ka nu min laksak tawh, duhtawk chin nei rawh! " ka ti tawk! Ka mittui rawn tla ringawt chu eng vang nge ka hrelo! Min ngaihsakna chhete mah nei ngailo tu in zahna ka thlen thu a sawi chhuak, ka thinrim luat vang nimawlh teh se!

Jordan'n Kimbawihi inhualna zungbun a bun tir tih ka hriat chuan phur zet in ka țhiante lo țhut khawmna lam ah chuan ka tlan phei ve a.

"Ani tak tak!" Ka ti chul bawk. Remreni tablet ațang an lo video call a. Kimbawihi chuan Jordan-a zungbun bun tir chu a rawn ti lang va va reng a. Kimbawihi bul a Jordan lo nui suk suk zel chu hlim zet hian ka au ta chul.

"Engtik khan nge a? I va inthup thei em em ve?" Ka ti a, Jordan chu a lo nui hawk.

A malchung ah Kimbawihi chu pawt țhu in a kuah hlu hlu a, kan țhian ho lo ê duai vang chuan Kimbawihi chu lai tih hriat zet in hmai a hup chai chai a.

"Naktuk hi kan last date ani tawh a, result chu Mizoram ah kan rawn nghak ang"

"Yes, he lam ah party i buatsaih ngei a ngai dawn nia" Kimkima'n a ti nghal chul. Jordan chuan nui hawk hawk in lu a bu a.

Rei ngial kan inbia a, Kimbawihi'n Jordan a melh țhin dan chu hmuhnawm ka'n lo ti mai mai khawp a. A hmangaih zia thup țhen lo lek in Jordan țawng lai chu a en leh ngawih ngawih zel!

Lunch hun lai chuan Prof Msa nen kan inhmu thei lova, tu emaw hmuh tur a neih vang in ka class bang min hruai zawk tur thu a lo sawi a.

"I pa te chu an lo haw tawh maw?"

"Umm" tih bak in ka chhang lo.

"I u te zin lo haw se, an in lamah awm phei leh daih rawh" uar zetin Kimkima'n a lo tih chuan midangte pawn pawmpui zetin lu an lo bu nghat nghat a. Kan inchhungkhur boruak hi sawi chiam ngailo mahila Muani te nufa mize hrechiang pha chin chuan ka awm reng na atan min duhpui ngailo.

Keipawn awm reng nachi a nih loh zia ka hrechiang tawh! Ka pa thluak an su hnehsawh tawh ropui si! Marawh chu ka nu in a hun hnuhnung a hmanna, ka pindan chhung kha rei tak awmbo san ka thei lo țhin a. Ka pindan chhung leh ka nu khan inzawmna thuk tak an neih miau vangin keipawn ka pindan chhung kha ka ngaina em em a. Kan inchhungkhur hreawm ti em em chungin kan in ah bawk ka let leh nge nge zel.

🐾

Ka lu huh hraw mawlh mawlh in dawhkan chung a lehkha lo awm chu ka ban a, meng zau kawk in lehkha chu ka hum ta ngawt ngawt!

An mut pindan kawngkhar lo inhawng ațang ka pa lo chhuak chu lehkha hum chung chuan ka lo melh ngawt ngawt! Ka kut a ka thil ken lai a rawn hmuh chuan thinrim hmel zetin min rawn en a.

Thinrim insum zo lo tih hriat lutuk hian ka lam pan chuan a rawn phei a, ka kut a lehkha chu rawn phih thla in na zet in dawhkan chungah chuan a vawm ri thlawp!

"Engkim i hre vek tawh!" Ka ti khur dar dar.

"I room ah lut rawh" ti nghut in sofa ah a țhu thla dawt! Rapthlak ti lutuk hian ka melh a.

"Engkim i hriatchhuah vek hnuah pawh ngaihdam min dil lo ang maw?" ka ti tuar!

"I room ah lut bo vat mai teh"

"Aih, ngaihdam min dil rawh! I nupui leh a fanu in rukru ah min puh chang apiang in kut min thlak ziah. Mahse, khang sum zawng zawng kha ka ruk nilo in an nufa ac hran ah an chhep rel țhin tih i hre chhuak vek tawh! Ngaidam min dil rawh!"

"Lalhlimpui" ti nghek in a rawn ding chhuak vut a. Kei erawh tun ah chuan ka tha a na ve tak zet tawh! Thinrim ngaihna ka hrelo a! Ka tha erawh a na ngawih ngawih.

"A nih chuan kut thlak ve rawh" ka tih chuan chal chuar tup in min melh khui. Nui lui hak in ban ka phar a.

"An thusawi mal khat lek vangin dimlo zet in kut min thlak țhin ani lawmni? Tinge? He inchhung khur a sum ru chhuak tu te hi kut i thlak ve ngam siloh? Kha i kut phah lian zet khan ka hmai leh taksa chiah i beng ngam tihna maw?" ka tha nat em vang in ka aw chhuak chu a riak nawk nawk! Ngawi ngur a ka pa ding chu ka melh tlawk tlawk a!

Lehkha ah khan Muani leh Becki te nufa ac a sum chevel a lang chiang lutuk! Khang thil zawng zawng a hmuh vek hnu ah pawh an nufa chungah engmah tih a tum chuang lo anih chu!

Ka tuar thei tawh thlawt lo!

Thaw khur hlawk hlawk in ka room ah ka tlan lut a, ka bathrobe ka hlih lai te chuan ka khur dawt dawt! He mihring bulah hian ka cheng thei tawh lo!

Inchung țhutkhawmna a patling țhu ngawi ngul chu melh pawh melh tawh lovin chak zetin in ka chhuah san a. Let leh tumna ka nei tawh lo!

20200424_011021.jpg

20200424_011021.jpg (65.97 KiB) Viewed 29287 times

Ka hma a kawngkhar lian zet chu ka chum dawt dawt! Chhunglam ațang kawngkhar chu a rawn innam hawng a; Kekawr bul chiah inbel a Prof Msa lo lang hlawl ka hmuh rual chuan eng emaw sawi tum in ka ang ziau a! Mahse, ka hrawk chhung na ut ut vang chuan engmah a ri chhuak zo lo!

"Bawihi?" ti sup in ka ban ah a rawn vuan nghal chawt!

"Ka... ka tuar thei tawh thlawt lo! A fanu ka nilo a niang... " harsa ti zet a ka țawng chhuak nawk nawk chu engmah sawi lo hian hnehsawh zet in a awm ah min kuah bet nghal hlu hlu.

"Ka pa a nilo a niang.. i hria em? Muani te nufa in rukru ah min puh tawh chuan finfiahna awm lo mahse kut min thlak a, țawngkam chhe pui pui in min an khum a.. ih, khang sum ka ruk ang a an sawi ho kha an nufa ac hran ah an dah vek zel tih a hrechhuak tawh! Chuti chung chuan an nufa chu țawngkam khat pawn a hau lo... tinge finfiahna tello pawh a kut min thlak theih laiin an nufa chungah khan engmah a tih ve loh... ngatinge?" Ka sawi tum ber pawh hrelo lek in ka pawngtawng au chhuah nawk nawk a. Thinrim rilruna leh thana hi a lo in ang reng reng lo tih zanin hian ka hriat thiam phah a!

Thinrimna chu a reh leh mai țhin! Mihring thana tawpkhawk erawh a reh mai mai thei tawh lo!

"Rs" ti sup in puan lum in min khuh a, a khum ah chuan mu tawm kak in melh ngai ka melh tlawk tlawk.

"Hriatpuia number ka lo thawn che. Bawihi nen kan inruk thu lo hrilh mai ta che" prof Msa chuan a ti sup ....

Post April 30th, 2020, 12:47 pm

Chapter 38

Mætur3 cont3nt (a awm ngun he chapter bik ah hian🤫)

⛔Darkar 24 chhung in Ads țum khat click a, 10s tal nghah tur. 💦⛔

"Hriatpuia number ka lo thawn che. Bawihi nen kan inruk thu lo hrilh mai ta che" prof Msa chuan a ti sup a....

MALSAWMTLUANGA pov

Chechang hlek lova khum zau zet a Bawihi mu chu ka melh ngur, a lan dan khawngaih-tha la zet chuan hahdam in min siam bik lo, eng thil emaw sawi tum a a riak nak nak te. Mahse, eng thil mah sawi hlei thei silova mitmeng a vek a kâ a hup bet leh chawi ringawt țhin te khan ka chhung lam ațang min vilh in min kam run a. A pa laktlak loh zet in a dikna chanvo rah beh sak a a awm, pawi tihna a nei miah lo tih a hrechhuak ve ta chu pawi ti lutuk in ka rum ru ve hrawih tho.

*Ka... ka tuar thei tawh thlawt lo! A fanu ka nilo a niang... * natna a khat aw rawl chau zet in a ti thlawt bawk a nih kha! Khatih lai khan thinlung kehsawm vek hmel a pu a, a mitmeng thlengin a â riai a! Mahni fanu thlavang hauh ngam lo khawp a mihring nep zet vanga a na tuar hmel hmuh hreawm ka tih tluk zetin na tawpkhawk a siamtu mihring kha a inhmuhchhuah kuar hma sawisak hrep ka chak tak zet! Chu erawh thil thiang a ni hauh silo! Bawihi pa a ni a, Bawihi tan pa dinhmun hlen chhuak zo lo viau mahse a chungah kut ka lek ngawt thiang lo!

A inhum ruhna vang a Bawihi taksa khur che dat dat chu melh run in ka chuap khat hnawk in boruak ka hip lut kawk; Ka kâ ațang muang zet a chhuah tir ham ham chungin phone ka ban a. Bawihi hi saw in ah sawn a ka dah let dawn lo tiin thuthlukna ka siam ta bawk! Beidawnna nasa zet vangin a rawn tlan chhuak a, chu a thinlung beidawng leh chiai zet chuan pan tur a neih chhun ah min ngaiin min rawn bel rawih bawk; Chutichung chuan amah hmangaihna leh lainatna nei miah lo chenkhawmna in ah sawn let leh tur in ka lo hrilh ang maw? Hnai lo lutuk!

Hetah!

ka hnenah a cheng kumkhua tawh ang! Saw in a cheng te'n hnawksak an tih; achung a thil thleng eng pawhin an thinlung a tawh chet sak zawhlo laiin he hmeichhe chung a thil thleng eng pawn kei a chhungril a thleng pha vek a lawm! Ngaihthah leh hmangaih anih lohna hmun ah ka hmeichhia hi a awm chatuan tawh lovang!

Khum mawng a puan lum chu la chho in Bawihi taksa khur che dat dat khuh nan ka hmang a, phone *ring* thawm chu ka ngaithla pah vung vung bawk.

Chutih lai reng pawh chuan kawngkhar ka hawn rual a baihvai hmel zet a Bawihi lo ding khur dat dat lai lan dan khawngaihtha la lutuk kha ka hmu let kuar kuar. Min rawn bel a, a thinlung mangan lai ber pawn ka hnen ah tlu lut turin min rawn pan tawp tawh! Chu a beiseina chu engtikah mah ka tih hlawhchham sak ngailo ang.

"Teh hlawl chuan, chaw i ei tawh em?" Rsa chuan thawven hmel zet in a rawn ti nghal thawr. Thaw chhuak ham ham in melh ngai melh tlawk tlawk a Bawihi mu tawm kak chu ka melh run.

"Hriatpuia number ka lo thawn che. Bawihi nen kan inruk thu lo hrilh mai ta che" ka ti sup. Bawihi mutna bul ah chuan ka țhu thla a, a darah kutphah ka nghat nghal vut, zanin ațang kan inkawl nghal ang!

"Eng a?" Rsa chuan mak tih hmel zet hian a rawn ti țhawt, ka lo rum nghut. "Val senior leh, kan dawithiam tereuhte chu i ru ta nge nge maw?" ti zawm leh sup in a nui ta hawk hawk a. Ner ru sawk in phone chu ka melh khui.

"Fiamthu lo teh, ka sawi chu i hriachiang em?" ka ti nghut.

"Dude, i ti tak zet em? Khua a thim țan dek dek a, i nupui ruk thu in min deng zui dawt chu a nia..."

"Fiamthu ka lawm teh chiam lo tih i hriat kha" ka ti bung nghut

"Huh, a țha lawm, val-senior, chupawh professor leh nghal in thimhlim ah nupui a ru hmiah tih chuan khawpui a deng chhuak hneh khawp ang le..." ti duah in a nui chur chur, hepa țawng duh dan run thlak țhin lutuk hi chu aww!!

A țawng lung lung thawm hria in a nupui lah chu a lo ri nghal chul a, Rsa pui lah chuan 'a senior tawh bawk a, țhiante puihna pawh a mamawh tawh lo' a ti kher pek a.

"Hriatpuia hrilh chu i kut ah ka dah a nia"

"Tehreng e, khawnge in awm? Jacob leh David-a te nen kan rawn kal nghal ang, țhiante pun miah lo a nupui ru ngam ngat khawp a senior tawh nupui ru tir hmel chu hmuh ve kan chak a lawm" mai mai chuan!

"Thil țullo tak a nih chu" ka ti hluk, hetiang dinhmun ah Bawihi a din laia chimbuaitu neih chu thil țullo tawp a ni. "naktuk ah kan inhmu dawn nia" ti sup in phone chu ka ti tawp hmuk. Ka nupui ruk thu țhian dangte a hrilh rual a an hmel awm dan tur mitthla ah hmu chung chuan lu ka thing nghut bawk.

Phone chu khum bul dawhkan chung ah dahin khap hlek lova en ngai en ngawt ngawt tu chu ka țhut hnaih sauh a.

"Bawihi" ka ti sup, chumi rual deuh thaw chuan nasa zetin a phu dawrh.

"Hrep chuan!" ti chhuak hluk in ka kun hniam vut, mit meng â riai a min rawn en in a nui a, a rilru kal ding lutuk leh lan dan țha lo zet vang chuan thil țha lo zawk a chungah a thleng mai ang tih a hlauhawm zawk hial!

"Professor" ti țîau in ka kut a rawn chelh a, a kut hmawr chu a hit nguk, rang zetin a kut pahnih chu ka hum bo sak nghal hmiah.

"Sawi rawh" ti sup in duat zetin a sam ah ka chul thuak. Mittui tling khat vek in heh a pet nghal fan fan.

"Duatte, insawi thawl rawh, nangmah in engmah i tuar ka phal lo, i țap duh a nih pawn ka kuah bet che nga, i țap mai tur a ni" ti supin a chal ah ka fawp a, khur dar dar hian a rawn thaw chhuak ve ham ham bawk.

" A.. chang chuan ka chung a thil thleng mak pui pui te vang hian nun ka thlahlel hlawl thin lo!" a ti țîau a, thaw chhuak hawk in a lu bul ah ka in nam khalh nghal run. Bawihi chu a lo nui lui hak a, a mittui a rawn luang chhuak leh tho!

"Mangchhe ber ah pawh hetiang leh lutuk hi ka mang chhin ngailo a sin, tinge ka dikna a hmuh rual khan amah ah danglamna hmuh tur a awm miah loh le? I hria em? Ransa chan pawh a lakah khan ka chang pha pawn ka hrelo! Hetiang leh lutuk a min ngaihthah tur hian eng nge tih sual ka neih ang le? Kan inkar a țha ngailo tih chu ka hria, ka chanah hian indah ve chhin se, ka thil hmuh te kha a hmuh zawk nise kei ang bawk hian a rilru a hel ve tho ang tiraw? Tinge ka rilru tur a hriatthiam duh miah loh, tinge ka dikna hre vek sia thil diklo titu te lam a la țan cheu lee.. hetiang thil tuar reng hi ka duh tawh lo... a fair lo" hmui khur che hlak hlak chung hian a ti nawk nawk, thaw chhuak hawk hian khum ah chuan ka let thla dawt, Bawihi chu ka taksa chung ah ka pawt kai nawlh a.

Nghet zet a ka kuah beh takah chuan a thawk a rawn rang hlawp hlawp a, a hmaiin ka awmah a rawn nawr rual chuan chhuak zetin a in hnit chhuak ta hlawp hlawp! Tihnat belh hlau tak chuan a chhip chu ka hmuiin ka nawr tawk, ka chet dan avang in bawihi chu a lungchhe zual sauh a, ka ban bul ah rawn țham tawk in rawl chhuah meuh in a țap ta hawm hawm.

A hnung ah ka chul hauh hauh a, pangchang zet leh duattu mamawh lutuk a a țap ri chuan min fan rawih rawih, hmangaih tak a enkawl chakna in ka khat a, hmangaihna leh duatna, ngaihsakna leh dimdawina te nen ani hi ka enkawl chho zel ang.

"Bawihi, hringnun ah chuan buaina leh manganna tawk nasa apiang in hringnun hlut zia an hrefiah țhin; a tawp ah hlimna tawpkhawk in a lo hmuak țhin bawk, heng i tawrhna te hi a tawp țep tawh! He khawvel a hlimna zawng zawng hi i ta an ni thuai dawn, ka tiam a che, heng buaina zawng zawng hian an kian san che nga, khawvel a hmeichhe hlim ber niin hmangaihna chiah i dawng kumkhua tawh ang"

" professor, nang chuan min thlauhthla ve suh aw" pangchang zet in a rawn ti țîau a. Chu thumal chuan min nghawr che dawt! Rum chhuak hrawih in Bawihi chu ka nawr hla a, a țahna vang a hmai huh vek chu ka khuap a, ka lakah pangchang em em leh ngenngawl zet a min melhna chuan min fan rawih rawih!

"Min kal san suh aw" ti sep in heh a pet fan fan.

"Kal san tur che in min hrilh mahla, ka kal san ngailo ang che; I tello in ka awm theilo!" Ka thusawi tawp lam chu a ri hrawk thei. Bawihi chu a nui sei a. Ka awm ah a rawn bei leh chuan nghet zet a lo kuah in ka thaw chhuak suai suai.

Mipa ka ni a, hmeichhe pakhat bulah a tello a ka awm theih loh thu sawi chhuah tawp chu ka chapona a pawt hniam ve dawr. Mahse, thudik a ni miau! He hmeichhe tello hian ka awm thei lo! Tlawm zawk a țan duh ngailo thinlung chapo ve tak țhin kha a lakah ka tlawm fo a; engkim ruahmanna fel tak nen a ti țhin mipa invawngfel lutuk khan mi â ang maiin he hmeichhe um kual hna ka thawk tawh zawk!

"Ka pa chuan ka chanchin a ngaihven zui leh miah lo ang" ti sep in ka nghawng ah a rawn tawm chawi.

Uirena sual vangin ani hian nasa zetin a pa a haw ngei e! Marawh chu fanu a nihna angin a mihring huat em em lakah phut chhetê erawh a la nei ve! Chu a thil phu tê tham zet chu fanu a nihna vang tal pawn a dawng leh silo a! Huatna chiah a pai emaw a intih chhung zawng khan Bawihi tereuh hian apa a huatna aiin apa lak ațang a ngaihsakna dawn chakna a nei lian zawk. Chu a thil duh chu amah ngei pawn a hrethiam rih lo.

Khawpui a ri dur dur a, tam zet a ruah sur bur bur in a khat tawkin țek a tla ri țhuai țhuai a. Ka awm chung ah bawk kak a, thlamuan hmel zet a Bawihi thawk la ri sek sek chu ka taksa peng tin in a hre kim vek.

"Ka nun tifamkimtu i nih hi" ti chhuak sup in a chal ah ka fawp a. Tupawn min haw viau tute aiin min thlahlel ngawih ngawih tu te duat nuam ka ti țheuh in ka ring, Bawihi tereuh pawh pawn lam ah chuan luhlul leh ngaihsakna mamawh miah lo angin awm țhin mahse a bualah chuan naute ang mai hian a pangchang ve tlat țhin. Dimzet in a sam ah chuan ka chul a, keimah a duatna leh midang ngaihsakna awm zawng zawng hi a chan vek tur ani.

Zirlai tam tak min zir chhuah tir a, keimah a hmangaihna awm phawkchhuak thei khawp in danglamna a nei bawk. Chu keimah a hmangaihna awm phawkchhuak thei tu chuan hmangaihna dawn a lo mamawh ve leh cheu bawk nen, eng vang mahin ka hnen ațang hian a awm hrang tawh ngai lovang!

Zanlai ah khum chu ka thawh san a, khum zau zet a Bawihi muhilh lai hmelțha zet leh duhawm lutuk chu khum bul a ding chungin ka thlir vung vung.

Tun ațang chuan a dikna tuman an rahbeh sak tawh lo a nga, tu mihring vang mahin tha na leh tlawm ngawih ngawih in a awm tawh ngai lovang!

"I bulah Malsawmtluanga hi ka ding tlat tawh ang" ti sup in a biang ah ka fawp a.

'Ka pa chuan ka chanchin a ngaihven zui leh miah lo ang' a ti a nih kha! A sawi ang chiah in zanlai tawh ah pawh a pa in a rawn call chhin miah lo!

Rsa message chu chhiar in ka thaw chhuak ham ham a. Ngaihsaktu awm chhun a u Hriatpuia ber in kan inru tih a hriat tawh a hnu! A pa te lam chu hrilh hriat țul ka ti rih lo.

Lola's pov

Ka mumang ah thinur zet a Prof Msa'n min kal san lai ka hmu a... hlauthawnna a khat hian lungphu rang dawt dawt chungin ka harh hlawl! *hmeichhe tenawm tak i ni* prof Msa thinrim aw khur dur dur kha ka beng ah a cham tlat a, ka lungphu chu a rang zawih zawih, rilru nuam lo zetin khum zau zet ah chuan ka țhu chhuak hlawl a, ka hawi kual thuaka.

Tukverh bul ah min hnungchhawn a Prof Msa lo ding ka hmuh chuan thaw huaiin ka awm ka dawm a. Khatiang mumang nuam lo zet leh mangan thlak lutuk kha ngatinge maw ka nan nawn fo le! Prof Msa min lo kal san ziah a... kha ruangam hmuh fiah theih loh lah kha....!

Thawk ka lak ham ham hnu chuan ka lungphu pawh a pangngai ta deuh, pindan chhung zau zet leh thim deuh ruih hnuai ah chuan prof Msa lam chu ka va en leh a.

Inngaihtuah muk hmel zet in pawn lam a en run a, kawr ha lo in mut kekawr thawl hnekhnawk chiah inbel in a ding ngawi ngul. Ruah sur zawhna a la reilo tih hriat zetin tukverh ațang thli lo thaw lut chuan parda chu a chhem phe dawr dawr a, pindan chhung pawh a vawt vur. Zan tir a ka chung a thil thleng te ka ngaihtuahna ah an lo luh tak ah chuan na zawk in mit ka chhing sawk! Ka pa hmel ka hmuh rual chuan ka awm chhung a inhnawh tawt nghal vek a, duhlo zetin ka inhum ruh nghal tlat.

"Bawihi?" ti sup ri vang chuan ka hawi chhuak leh dawrh. Prof Msa chuan a dinna ngai ațangin uluk zet hian min lo melh run a.

"I mu nghet thei lo em ni?" rawn ti sup in a nui suk.

Ngawi rengin ka lam pan a mipa lian zet lo phei chu ka en chho ha a, a ngaihtuahna hriat theih miah lo in a mitmeng thim khup chuan min melh ve run, khum ah chuan a rawn țhu tla dawt a, khum pawh a hniam nghal suih.

"I țha em?" rawn ti sup in a kutphah lian zet chuan ka biang a rawn khuap nghal hlun. Rang zetin a kut chu ka vawn hnan a, a pangtilum vung vung ka feel rual chuan ka hahdam huai a.

"ka mumang ah ka hmu che a" ka ti sep a, prof Msa hmel lan dan chu a inthlak nghal hlawk, pa zet min nuih suk in mit ko a ti kang uk a. Mipa phur thei zet hi a mitmeng thuk ruih ah chuan ka hmu bawk.

"Ugh... thinrim zet in min lo kal san a" ka tih sep chuan atthlak tih hmel zet a lo nui chhuak hawk in ka chal ah a rawn fawp a.

"Mangchhia mai mai a nih chu, i rilțam em?" a ti nghal sup in hnaih zet ah min melh nghal run.

"Aih, țam lo, i mu thei lo mi?" ka ti sep a. Chutah ngun zet a min melh vung vung hnu chuan lu thing nghut in ka hmui ah a rawn fawp a.

"Tui zet a i muhil lai thlir ka chak miau a" kiai suk in min en a. Ner ru nangin ka nui ve tho. Mahse, ka mumang a huatna te nen min melh tlawk tlawk lai khan ka ngaihtuahna a luah leh ngut ngut tawh. Khatiang hun kha lo thleng palh ta se... nilo.. chutiang zawng chuan engmah ka ngaihtuah tur a nilo! Ani leh zel in min kal san a nih chuan ka mal dawn lutuk!

"Bawihi, i țha deuh tawh tiraw?" ti sup ri chuan ka ngaihtuahna ațangin ka harh chhuak thut a, hnaih zet ah Prof Msa chuan min lo melh run

Chhan mai ngaihna ka hriat loh vang chuan ka bu ta nghat ringawt.

Prof Msa chu thaw huai hian a inla hrang a.

"Paper check tur ka ngah ang reng sia, i mut leh mai hmel bawk siloh, khum ah hian hna ka khawih ang aw" min ngaichang leh min rawnna aw dam thlup chuan ka mittui a ti hnam sak. Ka pa nen min ngaihpawimawh dan a inthlau lutuk! Ka mittui rawn tla chu rang zet in ka tuai a.

Prof Msa chuan dimte in a lamah min pawt hnai a, a awm lian leh lum nuam zet ah chuan min kuah khawm nghal hlun.

"Zanin ațang hian ka nupui i ni tawh, kumkhua in ka hnenah i cheng ve tawh ang tiraw" ka beng bulah a rawn tih sup chuan ka chhung ril a che rawih rawih. Kan inchhungkhur a ka dinhmun chhiat zia a hriat vek hnu ah pawh min diriam a hneh in kum khua a a bulah cheng ve turin min sawm hial zawk a! Ka tan chuan a special tak zet! Ka thlavang min hauh sak ngailo tu ka pa hnen a chen ai chuan min hmangaih tu kiang a chen hi ka duh fe tawh zawk.

Ka kut pahnih chu khuhtu awm lo a taksa lum thur thur kawngah chuan rawlh lut in nghet lutuk hian ka kuah let a.

"Min hnialna tur i neiloh ah ka ngai thei em? Ka nupui" ka beng bul ah sexy zet a lo ti sup in prof Msa chu nghawr dawt. Ka kuahna chu ka ti nghet leh chiam a, thaw huai hian ka bek ah a rawn fawp a.

"Ka nupui, ka dam chhung kawppui tur" nui suk in a rawn ti sup. Chu thumal tlem zet chu ka dam chhung nun a hnen a tlukluh nan a tawk em em!

Dam chhung a Malsawmtluanga kawppui tur ka ni tawh! Chhungkua ka din ve tawh dawn, kan pahnih chhungkua chu ka chhungkaw seilenna aia țha zawk a nih theih nan theihtawp ka chhuah ang! Engtikahmah Malsawmtluanga nen kan chhungkaw din tur hi a kehchhiat ka phal ngai lovang! Nu leh pa inhmangaih tak karah kan fate ka seilen tir a nga! Keimah ang a fahrah nun an paltlang ve loh nan Prof Msa hian chhungkua a uap lum hneh dawn tih ka chiang bawk.

"God, Bawihi i țap em ni?" ti sup in min kuahna thlah thawl a tum a.

"Min kuah leh rawh" ka ti țîal ran, "ka.. ka hlim lutuk vang a lawm, dam chhung in ka bulah awm tlat rawh aw, chuan, kan fate pawh kan pahnih ngeiin kan enkawl seilian a nga... ka.. ințhen ka duh dawn lo... " ka sawi zawh hma in a kutphah lian zet chuan ka kâ a rawn hup hmiah.

"Țhen leh mai mai turin a tirte ațang khan ka nun ah ka senglut lo che" ti sup in a kut chu a la sawn vut a, ka biang a mittui chu rawn fawp dun dun a tawp ah ril ruih hian ka hmui ah a rawn fawp a. A thusawi chu ka ringhlel miah lo bawk.

Ka hringnun ah ka hlim hun lai ber ani hial ang!

*Țhen leh mai mai turin a tirte ațang khan ka nun ah ka senglut lo che*

🐾

Pawn lam ah chuan ruah a sur leh bur bur tawh a, thli a thawk tel a, leilung nghawr nghing dur dur khawp in khawpui rum hum hum mahse thlamuanna in ka khat thung!

Khum dup leh zau zet ah lukham dah thuah in Prof Msa chuan hna a khawih a. Laptop leh lehkha phek a inchhawp hnawk rum a, a tablet in movie min en tir a, season kim a criminal minds awm chu ka en mai mai a. A khat tawkin ka series en lai chu a rawn bih ve thuak a, ka hriatthiam loh lai te chu a video min pause sak meuh in min han hrilhfiah leh rih țhin a.

Ka hriatthiam lai reng pawh a aw cool ruih a min hrilhfiahna ka ngaihthlak chak vangin ka hrethiam lo lui ngat zel!

Ning hauh lova a sawifiah lai chu hmuhnawm ti zet in ka lo en leh dauh dauh țhin, a thluak a țha in a fing em em a, chuta karah ka pasal a ni tawh leh nghal.

Ka ngaihtuahna vang chuan ka nui hak a. Rum nghut in prof Msa chuan ka biang a rawn piai ta zauh.

"Ka thusawi i ngaihven hauh lo" ti nghut in a laptop chu a bih vut.

"Naaaa, ka ngaithla reng aw, helai hi min lo hrilhfiah leh teh.."

"No" ti sup in laptop bih ngur chuan a nui suk. Ka ner nang nang a, volume chu *up* vakin a rilru lakpen tum chuan tualthahna scene ah te chuan ka au lui vak vak a! Malsawmtluanga han sual thiam hmek hmuk zia chu melh pawh min melh duh tawh lovin thil a type mawlh mawlh a, a chang in a laptop kaltlang a a phone charged chu a bih leh zauh țhin a, lehkha phek chu uluk zet a bih ngur in pen in a thai bial thuak thuak a.

"Professor..."

A nui suk a. Min chhang chuang lo! Khum ah chuan thatchhe zet a mu in ka kê in a khabe ruh kual ah te ka han tlawh a, kiai suk suk in hna ah chiah insawr bing ang mai in laptop a bih ngur a.

"Ngatinge JJ hian shooter hi a lo kah hlum a" ka kê in a beng tihzat sak pah chuan ka tia

"Pasal te hnathawh lai a tihbuai ching zet nupui chuan hremna a hmu dawn a nia" laptop bih ngur a lo ti sup in a khi suk anih chu!

"Malsawmtluang, misualpa" ka ti vak a, tablet chu a bulah dah tau thlawp in khum ah chuan ka mu tau nghal hmak, prof Msa nui ri hawk chu ka hre reng, puan a inkhuh tau sawk sawk in a awm lohna lam ka hawi nghal ngar a.

"Ka nupui chu a tau nget nget em ni?" ti sup in ka darah kut a rawn nghat thuk.

"Min khawih bawk suh"

"Ka khawih zo țep, chintawk awm lo khawp in ka duat vat ang che" nuihza insum zet hian a rawn ti nghut, mit mu ti che kual ralh in hmui ka ti sawi nawng.

Ka bula țhu chung chuan laptop chu a khawih zawm zel tho, a khat tawkin phun hluk chungin lehkha phek ho chu a keu kual leh thuak thuak țhin a. Ruah a la tlak reng a vang in boruak lah chu a vawt sung a, tlaia ka in chhuah san kha ka let tak miah loh avang hian tlem te talin ka pa in min ngaihtuahna a nei ve ngem le?

Thaw chhuak hak in lu ka thing nghal nawk nawk! Kan inzawmna leh a chungchang engmah ngaihtuah zawm ka duh tawh lo!

Khum che dawt ah chuan ka ngaihtuahna ațangin ka harh chhuak hlawl, ka hnunglam ațanga prof Msa taksa nghet leh lum nuam zet chhuan min rawn kuah a. A z*** lian zet chuan ka mawng zawnah min do nghal run.

"Ka duat tawh ang che" ti sup in a nui nghawr dawt.

Prof Msa chuan min kuai her lawp a, min pawm kang nawlh in khum lu lam ah chuan min țhuttirin a nui suk. A mitmeng thim khup a min en run in ka bawp chu a pawt kau nghal hrawk!

Amah chu ka malinkar ah chuan bawk hniam nghal ina rawn thaw lum hawk a, khum lu dup zet chu ka tukhum in ka nawr nghal tawk,

Ka pantie pan zet chu a rawn keuva, duhthawh zet hian a rawn fawp nghal ngawr ngawr, a ka chhung lum zetin a rawn tawh rual chuan ka kap kar chu a za uai uai a, ka thaw chhuak kawk kawk! Rum nghut in ka pantie chu a pawt hlip hrawk a, ka kap chu nawr kau leh in a kutțang pahnih chu duhtawk a a fawh hrep tawhna chuan a rawn kaw* lut nghal zawt zawt a.

Rawn inbeng kangin dimlo zet in ka hmui ah a rawn fawp pah a, ka taksa chu nawmna in a zawh thlen loh lai reng a awm lo! Thaw chhuak hawk hawk in ka chal ah a rawn nawr a, amah pawh chu a thazam leh tihrawl a che țawlh țawlh! Chak hmel zet a rum dur dur in ka c** chu duhtawk a *** a chak tawh thu a rawn sawi chhuak nawk nawk, chungte chuan min ti zauthau zual sauh anih chu!

Muangchangin a kut chu a phawi chhuak a, ka taksa za kual chuai chuai vang a ka tawm chawi chawi chu min nuih sukin a rawn insiam rem a, a kekawr kap puar luah chu ka hmuh hmaih lo.

A mipatna lian zet a phawrh chhuak lai chuan ka kap kar chu a sa zual sauh.

"Bawihte, khum lu lam kha hawi rawh le" thupe aw zet hian a rawn ti bung nghut, ka insiam rem lai chuan duhtawk in a mipatna chu a lo hraw* mawlh mawlh

Ka dulah rawn dawm in a taksa lam ah min hnuk hnai dawrh, a z*** hrawl zet chuan ka malinkar a rawn nawr nawk nawk a, khek țhat a mal ka chip chawi chawi chu min nuih hawk, a mipatna sa hut hut chu min chip hnan tirin rawn lut chiah silo hian a raw* dep salh salh a, ka malinkar za lutuk in ka thawk a tihsat em vang chuan ka thlan vek tawh.

A kut lianzet chuan ka hnute a rawn ţham pah nawk nawk.

"Bawk hniam deuh rawh le" a sawi ang a ka tih rual chuan ka hnungzang ah rawn fawp dun dun in dimlo zet hian a thil kawng ruh țul chu hnung lam ațang chuan a rawn thun nghal vek! Ka ip chawi a! Prof Msa erawh a rum hrawih thung.

"Engtik lai pawn a tig** em em reng mai anih hi" ti hrawih in a rawn d** nghal zawt zawt a.

🐾

Ka muhil siar siar tawh chu chhan eng emaw vang hian ka harh zawk a! Ka thazam țek kual chuai chuan ka taksa pumpui a ti sa chhuak pup! Thaw chham tur ang mai a ka chuap lo phui mup vang chuan nasa lutuk in ka thaw hawk hawk a! Ka thawk lak a pangngai țan chiah tih ah chuan țîm sawk in ka tawm nghal chawi!

Ka bulah chuan taksa lianpui leh lum thur thur hian nghet zet in min lo kuah bet in a bawp rit lutuk chuan min lo kher ber run anih chu! Ka awmna hmun chu a thim khup a! Ka hnute chu kutphah lianpui in a hum run bawk tih ka hriat leh lek phei chuan hlauhthawnna nasa lutuk in min tuam nghal hlup hlup!

Thlipui tleh vuk vuk thawm leh nasa lutuk a ruah sur hum hum thawm te nen chuan ka chiai ti tih der!

Ka nghawn rawn thawk khum lum ham ham reng tu chu ngam leh ngam lovin tîm dai hian ka melh a! Kawl rawn phe lut zawr in ka bula mipa mu hmel a rawn chhun en zawr chuan ka awm dan chu atthlak ti lutuk in ka thaw ta hak! Hahdam huai chungin tui zet a prof Msa muhil chu ka hnaih nghal sauh.

A harh ve lo nangin ka chevel chu a hrethei ni hmiang, a ban chu ti thawl deuh in amah hmachhawn a a awm a ka bei chu nghet zet in min kuah leh a. Saruak ngal ngatin kan awm dun bawk nen prof Msa pangtilum thur thur chuan min ur lum rang kher mai!

A taksa lianpui ah chuan tawm kak in ka thaw ham ham a, Damdawi in ah ka awm ațang khan ka taksa hi a dik hleithei lova! Maimizial ang reng deuh a awm in ka mutthilh hma chiah hian nasa lutuk a phu dawrh in ka harh leh hlawl zel.

Prof Msa thawk lak dan na bik zet leh taksa hrawlpui che kual vel chu ka ngai thla a, a ban tha chak zet ang chhung ah zan hun hman hi a hahdam thlak ang tih ka ngaihtuah țhin reng a ni! Tunah ka duh ang takin ka awm thei ta chu a nia, ka thlamuang hliah hliah, nuam ka tiin ka hahdam tak zet bawk.

Hetiang reng a thlamuang leh hahdam hian ka awm lohna a rei tawh lutuk tih ka ngaihtuah chuan mahni inkhawngaihna vangin ka mittui a rawn luang thla zawih a!

Prof Msa zak hnuai ah chuan ban rawlh lut in a awm lum thur thur ah chuan ka tawm im ta tlat,

Ka nu boral hnu ațang khan thlamuang takin zan hun ka hmang ngai lo va, hahdam chu sawi loh! Damdawi nen emaw ruihhlo nen emaw lo chuan ka muhil nghet thei ngailo! Mangchhia rapthlak pui pui mangin ka nu lo thi khawng vek tawh in a ban khawng vek a ka kawng ah a lo la kuah lai te, a thlarau in zankhua in a taksa a chhuah san tawh tih hriat zet a hmel dang bei leh taksa vawt hit lutuk te khan mang lam thlengin min um zui a! Chutah chuan tawp mai lovin zantin deuh thaw in an mut pindan chhung a Muani leh ka pa saruak ngal ngat a an lo awm dun ka phawk lai te, rilru na zet a ka nu țap khur chawr chawr lai te leh khang hunchhung a kan chhungkaw nun ipik rapthlak lutuk te khan rawn chhun zawm in zan hun hi ka tan chuan anchhia ani țhin!

Ka lung rawn chhe thar lutuk vang chuan ka hrawk chhung a na ut ut! Insut chhuah hlau zet in ka hmai chuan prof Msa awm chu ka nawr ngawt ngawt! Thaw chhuak suai suai chung hian a kutphah hlai zet chuan ka hnungzang ah a rawn chul a! Ka tawm nasa zual sauh.

"Duatte, ngatinge?" a rawn ti thum dup.

Thawk ip ngar ngar chung hian ka kuahna chu ka ti nghet a,

"Ka... ka harh mai mai, muhil leh ang" rang lutuk a tiin ka kâ ațang in ka thaw hak a. Ka țap tih a hriat hlau zetin thawk ka chelh leh nghal tlat bawk.

"I taksa a nawm loh chuan sawi hreh lo la" a ti sup, ka țah nuih hak a, Prof Msa pawh a nui nghawr ve dawt tho.

"Chutiang a awm lo, muhil leh tawh ang" ti sep in a pangtilum nuam zet thlahle lutuk chuan ka hnaih sat sat, A taksa ah chuan min pawmbet nghet zual sauh in ka chal ah a rawn fawp a.

"Muhil leh rawh le.." dam thlup a rawn ti sup in min kherh bet zual sauh. Duat zet in ka sam ah a chul hliau hliau bawk. A kut tawhna dam thlup leh thlamuanpui awm khawp a a taksa lum nuam ah min kuah beh tak reng ah chuan ngaihngam fê in mit ka chhing leh a.

Prof Msa thung chuan ka sam a chul hliau hliau; amah leh a huhang muk ruihin min thlamuan hneh bik lutuk hi a mak dangdai thlawt! Tu lak ațang mah ka la dawn ngailoh thinlung thlamuanna min pe awlsam bik țhin lutuk pawh hian a tello a nun hman min ti ngamloh zual phah vek.

"Ka duhthusam puitling mek zel in hlimna min pek nasat zia i hria em?" zawi hniam ruih a rawn ti sup in a kutphah lum thup chuan a chhuk leh chho zawng in ka hnung a chul hauh hauh a.

A thusawi chu ka ngaithla tih entir nan a awm ah ka hmui in ka nawr a.

"Ka inchhung ah ngei ka nupui hmelțha leh duhawm zet nen diptu nei miah lovin kan cheng dun a nga... i harh ve hma in duhtawk in i muhil lai ka lo thlir țhin ang, ka duhtawk a ka thlir hnuah che ka kai tho che nga.. nang a class tlai hlau lah harh hlim ațang a te a te in i ang nghal hlak hlak ang..." thum cool ruih a a lo tih muang ruih chuan ka lo ner nang! Prof Msa erawh a suangtuahna hlimawm zet ah chuan a cheng tak zet tih hriat fe hian pa lutuk in a nui suk.

"I sual e mai aw, ka thawh khalh char char ang"

Nui nghawr dawt in ka beng bulah a rawn thaw lum ham ham.

"University i rawn zawm ve hun ah phei chuan ka office dawhkan a rim viau ang" nuihza insum tih hriat zet in ka beng bulah chuan a rawn phun hluk! Ka kawchhung a za uaih a! Ka sa hut hut

"Nupa a ka hnathawhna dawhkan chungah ngei hmangaihna chen chuan min ti phur viau ang, ka thlen tir ngei dawn tih chiang bawk la" ti leh sup in a kutphah hrawl zet chu a sawn hniam ruai ruai a, dimlo zetin ka mawng a rawn țham tawk!

Ip chawi in ka rum chhuak hak a,

chumi rual deuh thaw chuan a z*** lian zet chu a rawn khawng nghal țûal țûal a! Awi lo bawk si hian ka nui tawp! Prof Msa pawh chuan rum chhuak hawk chungin a bawp hrawl zet chuan min kherh bet a.

"Kan ti leh mai dawn mi?" Ka beng bulah zawi lutuk hian a rawn rum.

"I rapthlak mah mah" ka ti hlak, a mipatna khawng țûl chuan ka dul ah min nawr si run, haider harsa ka ti, nasa zet in ka lungphu a rang zui dawt dawt a! Ka thinsen lum phat chuan ka thawk a tisa vek bawk.

20200331_012835.jpg

20200331_012835.jpg (14.39 KiB) Viewed 18444 times

"f**k! Fa siam chiah hmabak kan nei tho, insum a țulna ka hre love" rum hrawk in khum ah chuan min nam bet hrawk! Ka taksa vawt nghal uaih vang chuan ka țe țhat a!

Prof Msa erawh chuan dimlo zetin ka malpui pahnih chu zau zet hian a pawt kau lawp a, rum nghut in puan sin chu a theh hlip buan buan a, boruak vawt zet chuan ka taksa ruak vek chu a hmet mur nghal sung sung bawk nen ka tiril a za chuai chuai mai!

Zau tak a ka mal nawr kau chung chuan min ei zawh vek a tum ta mai emaw tur khawp a duhthawh in a rawn ei nghal buan buan a, ka eu ngawng ngawng, a lei hrawl leh sa huam chuan a rawn nawr kual ngawng ngawng, Prof Msa sam ah chuan zuk țham in nuam tih luat vangin ka taksa chuan ka nawr let a, ka rak țhat țhat bawk!

Nuam tih luah vangin ka taksa khawi lai pawh chu a za chhuak vek! A lei chu thuk zet a rawn nawr lut nawk nawk a! Ka khur ngawt ngawt, ka taksa pum pui chu curent man ang maiin a țek chhawk chhawk!!

Ka kap kar ațang muangchang a a rawn hawi chhuak chu kawlphe zawr in a hmel a chhun eng ruih, hmui bul huh hluam chung a pa zet a min nuih suk chu ka hmu thim sulh sulh...

Rang zet a insiam rem in a z*** kawng vek tawh leh sa hut hut chuan ka kap chu a rawn nawr leh nawk nawk a. Ka ip nghal chawi! Ka **** a fawh huh vek tawh leh a mipatna khauh țung an han insi chiah chu ka tiril a khur dar dar a, a chhuk leh chho zawng a nawr kual zawt zawt chu ka zuk en țawk țawk a! Ka â thei mai dawn in ka hria!

"Fuc* leh hrep tur che in min duh em?" ti hrawk in a nui nghawr dawt.

"Professor...''

"Ummm... nangmah mamawhna vang a ka z**** khawngna vek tawh hian duhtawk a nawm chen tir tur che in min duh tih ka hria" ti hrawk in a kut pakhat chuan ka khabe a rawn dawm a. Duhthawh zetin ka hmui ah a rawn fawp buan buan a, chutia duhthawh zet a min fawh lai reng chuan dimlo lutukin a rawn thun lut nghal vek!

"Malsawmtluang!" Ka ti țhat! Pindan chhung ah chuan kawl a rawn phe lut zawr a! Prof Msa nui suk hmel chu rum khum hak in awm ka kang awk! Ka khel ah nghet zet a rawn dawm in min d** nghal zawt zawt a! A thil chu a rawn lut thuk in a z*** chu a khawng țha bawk a, ka malinkar leh kawchhung za chuai chuai chu a rawn nasa tulh tulh.... ka hnute fawn che hlawp hlawp rawn țham nawk nawk pah chuan rawn dimlo zual sauh in rang lutuk mai hian a rawn th**n zawt zawt a.

Ka taksa chu hik chhuak pup in ka khek țhat a! Prof Msa rum khur dur dur ri chuan ka chhungril a nghawr dur dur, ka kawchhung ah thil lum zet a rawn in khawh luh puat puat chuan nawmna vawr tawp vang chuan ka khur nghal dawt dawt....

"Ka kham thei ngai lo ang che... " rum hrawih in ka chalah a rawn nawr tawk, chumi rual a kawl rawn phe zawr chuan a hmelpa zet thlan vang a huh dup leh vun sen țawlh țawlh chu a rawn chhung eng zuai zuai a. "Kan pumraw inthlau tak chungsi a țha tak a min lo dawngsawng țhin hian min ti phur țhin tih i hria em?" ti chhuk nghut in khum nghing dawt khawp chuan a rawn nawr lut salh a! Khek chhuak rai in a biang ah ka dawm nghal chawt!

Thaw lum ham ham hian thuk zet ah a rawn nawr nghek nghek a, ka ip chawi chawi! Chutia ka lo ip tawm chang chuan nuam ti zet in a rum chhuak hawk zel a. Lungawi hluah hluah tih hriat lutuk a min melh ngur chungin a phawi chhuak a, ka kawchhung thawl hawk vang a ka thaw chhuak ham ham chu nui sukin ka hmui ah bawk a rawn fawp nawk nawk!

"Rai vat ang che... i rai hma chu inthlah dul hlek lovin fa siam hna ka thawk ziah ang"

Ka nui chhuak hak a, a hmai sa hum hum leh thlan huh dup chu a chhuk zawng a zut thlak sak thuak in keimah zawk in a hmui ah ka han fawp zeuh a.

"Kan chhang a zing mah mah ang tih a hlauhawm zawk in ka hria" ka fiam a, a nui rum hawk. Ka ti tak tak, hetiang reng a chet a lak ziah chuan chhang zing deuh in fa kan nei țeuh hial ang!

A taksa thlan vang a huh hluam chungin ka bul ah a rawn let thla dawt!

"Tun țum chu intifai tawh lo mai ang, i dam lo palh ang" thaw hlu hlu pah chuan a awm ah min kuah bet a. A lungphu dup dup leh thawk la ri ngaithla chuan awlsam zet in ka muhil ta siai siai a.

Ka hnute hmur țang țalh țalh leh a bul vel thai kual riak riakna vang a ka kawchhung za uai uai chuan min ti harh hlawl! Mahse, ka taksa chauh em vang chuan ka meng thei lo.

Ka hnute chu kâ chhung sa huam in rawn hmuam a, a fawh tak dawk dawk ah chuan ka meng chhuak hlawl!

"Good moring, mutduhnu" nui suk in ka hnute bul ațang chuan lungawi hmel zetin min lo melh run. Inbualzo hlim tih hriat zetin a sam chu a hnawm chap bawk. Ka thaw chhuak hak a! A sam ah chuan zuk țham in ka hnute pet leh ngawng ngawng tu chu thaw ham ham hian ka zuk melh a! Malsawmtluanga hian duhtawk chin a nei ngai dawn lo a nih hi!

"Dar eng zah nge?'

Ka chung lam ațang min bawh bet run in ka hmai bulah a rawn nui suk a. "Chawhnu dar 2" a ti sup.

"Eng a?" Phawk zet hian ka meng kawk a!

"Hahdam rawh, i chau deuh a, ka kaitho duh lo che anih kha"

Ka hawi kual thuak a, nizan a ruah sur kha a bang miah lo nge chhun ah a lo sur leh tawh zawk! Pawn ah chuan ţîau chhum a zing phui chuk a, ruah chu mut ti tui tawk vel in a sur chur chur bawk. Mahse, chawhnu dar 2 thleng em em han mut chu!

"I tho peih em?" ti sup tupa chu ner nangin ka en a, pa lutuk hian a lo kiai suk.

"Awm sawn teh, i rit, ka taksa hi na lo lai pawh a awm lo" ti hlak in puan sin chuan ka inkhuh țha sat sat, nizan khan vawi eng zat nge min *** tih pawh ka hre seng lo! Ka chet zawng chuan ka taksa a kham deuh țhum a, nui suk suk in prof Msa pawh let thla ta hram.

Ka thuamhnaw engmah ka ken miau loh avang in prof Msa hoodie ka hak sak a, kekawr hak hranpa pawh a ngai tawh lo. Eitur siam turin inhnuai ah kan chhuk thla a.

"Ka rilțam tawh lutuk" ka ti nang nang. Ka darah min rawn kuah in choka lam kan pan dun.

"Tui in hmasa phawt ang che"

"In la strick " ner nang in ka en a.

Choka kan luh rual in glass no ah tui lum min thlit chhuah sak nghal a, zingkar ah tui ka in ngai der silo! Malsawmtluanga ren run lah chuan min din chilh ngur bawk si. Hreh zet chuan tui lum chu ka in khalh khalh a.

"Good girl, tun ațang chuan i hriselna hi number 1 tawh tur" ti sup in ka bek ah a fawp a. Min kal pel nghal thuak.

Bawngsa leh arsa a lo dah chhuah tawh chu ka melh zeuh a, fridge lian zet ațang thlai hring rawn la chhuak in dawhkan chungah chuan a dah a.

"A hmin hun i nghak thei a ngem?" min ngaihtuah hmel zet hian a rawn ti sup, dar ka kan ak ringawt. A rum nghut a.

"Ok, i pumpui tereuhte hnawhpuarna tur chu ka peih thuai ang" ti sup in dawhkan chungah min hlan chhoh a rual a, ka chalah rawn fawp in dawhkan chu a ban lian zet pahnih in a rawn nam nghal run bawk.

"Ka țhiante an rawn kal dawn .."

"Maw?" ti hu in ka en a. Prof Msa chu a kiai suk.

"Mo thar an rawn lawm dawn" ti sup in a ding mar vut a, lai zet a ka meng ralh chu min nuih suk suk.

Bawngsa ti chu steak turin a siam zung zung a, arsa erawh thlaihring te nen a kang dawn thung. Eitur ka siam ve ngai miau lo, hnehsawh leh zei thlup a a che kual vel chu ke then lauh lauh chungin ka lo thlir a.

Tun hi a eisiam ka vawi khat hmuhna a nilo, hman ni lawk pawn aman a siam vek tawh,

Ka lo ngaih țhin dan ah kha chuan amah hi mipa a zawnga nelawm loh leh mahni thu chiah a kal țhin ang ah ka ngai a nih kha. Mahse, kan in hrawn tam telh telh a, midang a ngaihtuah theih zia leh a bula awm hahdam thlak zia ka hre chiang zel, a che vel chu ka thlir reng a, ka pasal a ni tawh tih leh he in ah hian kan cheng dun tawh dawn tih ngaihtuah telin hlim zet hian ka nui leh sei zel a.

Eitur kan ei zawh fel hnu reilote ah pawn lamah chuan bullet bike thawm a rawn awm dut dut a. Kei erawh ka lungphu a phu dep dep! Keimah aia kum eng emaw zah a upa tawh zawk mipa palian leh ro rum hmel zet zet te nen inhmachhawn chu ka hreh ru tak zet!

Prof Msa chuan ka dar ah min kuah hlun a, kawngkharpui lian zet a nam hawn lai a ka thil hmuh hmasak ber vang chuan mak ti zet hian ka meng bial nghal kawk a! Ka kut pahnih a ka kâ hup bet chungin Prof Msa chu ka melh kawk!

Min duatna a khat mitmeng thim ruih a min lo melh in pa lutuk hian a nui suk a.

"Kan fapa tur" a ti sup.

Nui chhuak hak in ui pa buang lian zet rawn tlan nghal thauh thauh chu ka pan nghal ruak a, chu golden retriever lian zet lah chu a zaidam hmel in ka bul a lo thlen chuan a taksa thau nulh chuan min nawk nghal sat sat anih chu!

"I va han duhawm em em ve, tunge i hming?" ka ti chul a, kawt a Bullet bike ding khup ațang mipa lianpui pui rawn chhuk thla mek te pawh chu ka ngaihven thei lo.

A hmul chu chul sak nawk nawk in veranda chhuat ah chuan ka țhu hniam a. Ani lah chuan zaidam zetin min en vung vung a, ka duh lutuk ani tawp mai.

"My Boy" ti sup a Prof Msa lo țhu hniam ve vut chu inla hre zet hian a lu in a nawr a. Prof Msa pawh a nui chhuak ve hawk.

"I ngainat ka ring hauh lova"

"Aih, ka ngaina lutuk..." uar zet hian ka lo ti nghal chul. Chutah nui suk in ka sam ah a rawn chul thuak a. "Bruno anih hi" a tih sup chuan rang zetin ui chu en chuan a hming in ka au chul a. Nui hawk hawk in prof Msa chu a ding mar ta vut.

"Khaw maw, țhiante pun buai miah lova nupui ru ngam ngat chu nizan a che nasa em fiah ila?" Ring zet a Rsa thu rawn sawi vang chuan ka hmai a sa hat hat a. Prof Msa erawh a phun hluk.

Muangchang in ka hawi chhuak a, Rsa leh Jacob chu ka hmu ve fo tawh, an zing a pa phanchang ber chu David ani tih ka hria, hmaichhan erawh kan la inhmachhawn ve lo.

"Hepa nupui nei hian chin tawk a hre dawn lo riau, kum hnih chung ka lo kawl tawh a uipa pawh min chhuh let rum rum mai a .." Jacob chuan nui ruh ruh chungin a rawn ti nghut.

"Mai mai che u chuan" ti chhuak nghut in prof Msa chu a rum nghut. Ka ding chhuak a, ka kawngah nghet zet a min kuah nghal in a taksa nghet chur ah chuan min hnuk hnai dawrh a.

"Ila nupui nei lutuk a! Keini pawn kan nei ve, țhiante kiang ah kan hauh țûng ngailo" nui duh hlek lova Rsa'n a rawn ti hluk chuan prof Msa hmel chu a dur țha ngang mai.

"Rosang, ngawi mai mai teh" ti hmuk in "rawn lut ru" a tih zawm leh hluk. Rsa mizia leh țawng duh dan ka hriatchian ve tawh em vang in huat en ah pawh ka en lo.

Prof Msa hi a len rei tawh vangin țawngkam hnehsawh zet, huat theih miah silova fiam nghek a ching a, pakhat lah hian a melh tûr nghal khui zel bawk nen an mahni hrechiang lo tu tan phei chuan hmelma an ni emaw a tih theih rum rum ang.

Thingpui ka lum ve ngei a, mipa lianpui pui pali te erawh țhukhawmna ah awm hovin prof Msa a chu fiam tak ah an nei a. A chhan let hlek lahin "nupui-nei -bera" an ti nghut a, chhang lova a rum nghut lah in "nupui neih thar vang a țhiante mamawh loh" an ti leh tlat a. Prof Msa chuan "ngawi mai mai teh u" a ti nghut nghut reng ringawt.

Tray chawi chungin choka ațang chuan ka chhuak a, țhutkhawmna ah chuan Rsa leh Jacob chiah an lo țhu a, Jacob lah chuan min lo nuih ruh ruh bawk nen lai fe hian thingpui chu ka va pe a.

"Inpa te chu pawn lam ah David nen an chhuak lawk anih kha" Rs-a'n a lo ti kher.

Ka melh deuh hrak a. Khi suk in "khawnge a nulat lai pawh a thingpui lum thiam ka tih, kan mo thar thingpui lum chu in in ang hmiang" ka melhna ngaipawimawh lo zet in no chu a ban nghut.

"A nulat lai a a thingpui lum ka in tam ve hman lo erawh a pawi, inruk an hmanhmawh tih lo hria ila, zantin khan ka zui ve ang che u mawle" Jacob lah chuan lo ti ve nghutin no chu a ban nghal vut. Kan inah an lo len ve rikngawt țum te chu nise ka hau leh chiam a nga, tunah erawh hauh vak na chi ani tawh bawk silo nen tawite in ka nui ve hak hak ringawt.

"Kan țhianpa mah nise Msa i nei hi i tisual hauh lovang" Rsa chu en dawrh a, thutak hmel zet a min lo en in a nui suk.

"Upat tawh hnu a hmangaih tawng ve chiah a nia, a duat khawp ang che.." a tih leh nghut chuan lai ru zetin ka nui a. Jacob pawh a thutak ve tawh viau.

"I pian ve hma ațang tawh Msa nen hian kan lo inkawm tawh a, a duh che tih a sawi chhuah ni khan mipa phur thei tak leh harhvang zet ani tih ka hrethiam chiah! I chanchin a sawi laia a hlim hmel kha vawi khat te mah ka la hmu ngailo" ti sup in thingpui chu a lem khulh.

"Inzawmna nghet a neihpui hma hauh che in Rinchhani a kal san a, a tir chuan a lakah kan zavai hian ka lungawi lo vek. Mahse, tunah chuan a tisual lo tih a chiang ta khawp mai! Rinchhani nen khan lo innei ta tehreng pawh nise tukin a kan țhianpa mit a hlimna lang chhuak hi vawi khatmah kan hmu ngai hauh lovang! Hlimna leh thil danglam bik tawng miah lovin Rinchhani nen nupa an ni tawp a nga, tun a kan țhianpa mize phur thei zet ang hi kan hmelhriat ngai hauh lovang..." a ti leh duah a.

"Nie, Lola Mess-a tan hian i danglam bik tih inhria la, a chhungril a mipa phur thei tak chawk chhuak zo khawp in amah ah awmzia i nei bawk, puitling takin nangpawh awm la, kan țhianpa nupui ni reng ang che" thutak zet in Jacob'n a lo tih ve churh chuan chhan mai dan tur hrelo zetin lu ka bu nghat a.

"Inpa te chu an va rei em em ve mawle, va ko rawh, thingpui a dai hman tak ngial dawn" Rsa'n a lo tih tak ah chuan harh chhuak zawk in ka ding a...

"Veranda ah zial an zu in ka hria" Jacob chu buk khum ngat in kawngkharpui lam pan chuan ka pen dat dat a. Prof Msa ațhian te meuh in keimah vang a Prof Msa mize danglam tak zia leh mipa phur thei zet ang a an sawi chu nuam ka ti ru veng veng.

".......... I thuthluna ah hian i chiang maw? I tisual ve lovang tih i chiang ngam em?...."

".... ka hria a lawm, a tlin lohna zawng zawng ka hriat hnu ah pawh ka hmangaihna hi a tawp ngawt thei lo..." prof Msa aw thum sup ri vang chuan kut ka la let ziau a. Ka lungphu a rang nghal dawt dawt, kawngkhar zim te a in kau chu melh in ka thawk a rang nghal vek bawk. Mi inbiak na lo ngaihthlak ruk chu a mawi lo tih ka hre tho nangin ka chungchang an sawi in ka hria...

"Tleirawl chhuak hlim hlawl a ni tih te, ruihhlo engpawh a khawih thei tih te, zan chhuah a hrat in inchhunglum ah a tawm hman meuh ngailo tih pawh ka hre vek, a tir a min tihnual tu pawh ani reng..." ka lungphu chu a nghing lawih mai! Thaw dep dep hian ka kâ ka hup bet a.

" chung a mize chhe lai ber te chu thur chhuak in hnaih loh ka tum a, he hmeichhia nen inzawmna kan nei anih chuan mi tupawh in min hmu hniam nghal vek ang tih te khan ka inhrilh nawn fo! Mahse, țhianpa, Bawihi hi a danglam lutuk a sin! Hlat ka tum zawh pauh leh ka hma ah rawn inlan hlek lo mahse ka vei zual tulh tulh a! He hmeichhia hmangaihna nen a enkawl ka chak ang hian tu hmeichhe dang lakah mah hmangaihna lan chhuah tir ka chak hrep lo! A tlin lohna zawng zawng nen ka hmangaih vek tawh tih ka inhriatchhuah rual khan a nun khalh ngil tu ah ka țang thei tih ka inhrilh bawk! Keipawn tlin tawk lohna tam tak ka nei a, kan pahnih a kut inchelh dun in kan indawm tawn thei tih ka chiang tawh...." a ti leh sup.

Prof Msa thusawi chuan min hneh mai nilo in ka laka a beiseina neih ang chu tihhlawhtlin sak chakna in ka khat a! Vawi khatmah ruihhlo ka khawih tawh ngailo ang tiin ka intiam ru ta hial bawk

An thawm chu reh deuh vang vang a...

"Ka hrethiam e, nie, ka thusawi te kha huat ah ilak loh hram ka beisei, nupa hlim tak ni mawlh ang che u Țhianpa" David chuan a ti a. David hi a nupui in a uire san tawh tih leh a nupui nen chuan an kum a inthlau in ka rualpui ve tho ani tih chu hman deuh khan prof Msa'n min hrilh tawh.

Thil dang an sawi tak ah chuan insiam țha thuai inkawngkhar chu ka nam hawng a, bathlar hmawr lam ah an lo ding dun a. David-a chu mizo pa ah chuan palian pawl tak ani, prof Msa erawh a la tiat lo viau.

"Professor..." ka tih sep rual chuan za zetin Rsa leh Jacob chu an lo nui huk, prof Msa erawh rawn inher vut in min hmuh rual chuan pa zet hian a nui suk a.

"Thingpui i lum zo tawh em ni?" a ti sup, David pawn a zial zuk lai chu paih vut in a thawk a la ham ham a.

"Ummm, ka lo au dawn che u a" ka ti a, bu nghut in David darah chuan kut a nghat thuk a. Chutah min rawn pan in ka bul a lo thlen chuan ka chhip ah lo fawp in "ka hmangaih che" a rawn ti thum sup. Dak chho hâ in ka nui sen sen a.

"Kan mi nghal pahnih chuan ka awm loh hlan in an lo chhaih chiam che em?" ti sup hian ka kawngah a rawn kuah nghal run. Ner nangin lu ka thing nar nar a. Inchhung ah kan inzui luh chuan Jacob bawk a lo chimawm leh ngang mai!

"Mahni pasal te professor i tih tlat in" a lo ti zuk zuk a. Ngei zetin ka melh ta hrak ringawt! Ko dan tur dang ka hre miau lo.

_____________________________

"Hmelchhe nu, in inru tih engvangin nge min hrilh ve loh?" inchhung an rawn luh rual in ka țhiante chu ring zet in an rawn țéu nghal hlur!

Chhan vak ngaihna ka hriat loh vang chuan ka lo nui sawng ringawt!

"I va han zaklo tak, nge pasal i neih ve rikngawt a, college i zawm tho dawn em?" Min beng dawt dawt pahin an ti chiam, couch a prof Msa țhu ngawi run chuan keini ho chu min en chuang miah lovin a lo nui suk suk a.

"Zawm dawn chiang lutuk"

"Huh, prof Msa'n a phal ngawt a mi? A reng rengah ngahnge engmah min hrilh lo .. awi, Lalhlimpui han mak zia hi" kan inru in a țhawng bawk si nen an mak ti lutuk chuan min sawp nawk nawk ani ber. Ka fiam chak tlat a.

"Pa a, college ka zawm i phal tiraw?" ti pah a Prof Msa ka va melh chuan hnuai lam bih ngur in nui hmasa suk, muangchang in min rawn en a, ka țhiante fiam nan a au mah niila ka auh dan vang a a hlim hmel de sawr sawr chuan ka biang a ti sa hat hat.

"I tih duh apiang i tih zawm ka phal vek" ti sup a min a rawn siai suk chuan ka țhiante chu an țe ring ngang mai!

"In tenawm!" An han ti leh ngawt thul; Mahse, a tawp ah erawh an thinlung tak a min lawmpui thu țha deuh a sawiin zanriah an ei ve nghal a. An lo kal dawn tih prof Msa'n a hriat rual in hotel ah chaw a order a, ka țhiante pawh chuan nuam an ti ngang mai! Hna vang a prof Msa phone hmang a a kal sawn chhung hlek lahin "a zei em?" an ti thla zen a. Ka chhanna apiang lah Lalkimkima hovin an rik pui duar reng bawk nen kan ri lelu ani ber.

🐾

Mit ka meng siar siar a, khum zau zet ah chuan saruak ngal ngat hian keimah chiah in ka lo mu a, zi mar țalh ţalh in ka ham hak a.

"Khawnge mawnle?" ka ti nghal sep. Tukverh ațang nizung lo zam lut ruih mai chu saisir ngat in ka melh a. A hma tawh lo tawp ang.

Washroom kawngkhar ri rak vang chuan rang zetin ka in let thak, washroom chhung ațang duhdah zet a bathrob ha a prof Msa rawn chhuak ka hmuh chuan ka thaw chhuak hak a, a chhip sam sei lai bik chu a chal lam ah a rawn uai thla a, a awm vun uk kharh a tui bawl țîam țîam leh chawn lang lai a hmul in a bawh dap mai te chuan zing kar ațangin ka thisen a ti lum nghal vek thei anih chu!

A sam huh hru thuak thuak pah a a lo hawi chhuah chuan ka lo harh tawh tih hriain pa zet hian a rawn nui nghal suk.

"Good morning" ti sup in a lu hrukna towel chu suktur bawm ah a vawm lut nghal vut. Khum pan chuan kê lawngin a rawn pen phei a, bathrobe suih phui loh ațang a awm bawr sek phiar țalh lang ruak mai leh a bawp hrawl zet te chuan ka lungphu a ti rang dat dat a.

"I mutui reuh lutuk a" ti sup in ka ke rek ah a rawn man hmiah, dimlo baksak hian khum ah a vang zawng chuan min pawt nghal dawrh.

"Malsawmtluang" ka ti tuar

"Sawi rawh ka nupui" nui hawk a tih leh ka kê chu lei ah dah thla in ka mal a nawr zau hrawk a, ka kap kar za nghal uai vang chuan ka tawm chawi! Hepa pianphung nalh leh sexy lutuk vang a ka danglam nghal ngawt țhin hi tih vak ngaihna pawh ka hre tawh lo! Ka malpui chu a kut pahhih chuan a lo zut chho dun dun a, ka ip chai chai chu sexy zetin min melh ngur bawk. Ka mal tawp a thlen hma chiah chuan a kut chu a tawp a!

Khi suk hian ka malinkar ah chuan min rawn bawh bet nghal run bawk. Ka puan sin a tawm nuaih vangin min bawhbeh rual chuan a taksa hnuai lam in min do nghal run bawk.

"Nimin bak kha thawhpui te'n min awl thei silo a, university ah ka zuk kal phawt a nga, i u te hmuak turin ka rawn let leh ang" a ti sup, a kutphah lian zet in ka hnute a rawn hum hmiah bawk, ka thaw ta hak.

"Awm.. awm sawn rawh"

"No" ka taksa la khuh tu awm chhun puan chu a pawt hlip nghal tawk! Ka hnute țang kawh lah vang chuan a rum chhuak nghal hrawih.

"Ka ta anih hi" prof Msa chuan a ti chhuak nghut! A mitmeng thim khup chu ka hnute ah a fu nghal ngur bawk, ka thawk rang nghal vek vang a ka awm insep dar dar chu hmuhnawm tih hmel zet in a kiai suk leh nghal.

"Hna kal i ngai ani lawm ni..."

"Minute 5 chhung in a vawrtawp ka thlen tir hman ang che" a aw thawp sup vang chuan ka tai bawr a za uaih! Hnehsawh zetin ka mal a pawt kau nghal hrawk a nih chu! A bathrobe hak chu hlip nghal lawp in a z**** khawng leh sa țha zet chuan ka kap bawr chu a rawn nawr nghal zat! Rapthlak zetin a tan ka lo inpeih nghal der!

"Nizan lam ang em em khan ka chet nat pui lovang che" ka beng bul ah a rawn ti sup, ka awm chhung a za uaih a, rum chhuak nghut hian chhuat ah a țhu hniam vut a, a thil tih tur ka chian em vang chuan thaw chhuak ham ham in khum khuhna ka țham nghal tawk! Ka malpui tawp ah a kutphah lian zet chuan rawb man in khum tlang ah ka kê a rawn nawr tawm nghal hrawk!

f**k!

A hma ah chuan ka engkim a lang vek!

"Helai thil duhawm zet hian nawmna vawr tawp thlen a duh em?" Ka malinkar ațang chuan a rawn ti hniam chhak, ka ip chawi a! Na zetin ka malpui tawp lai chu a rawn fawp tawk! Run zet a ka rum hak chuan a nui ri suk a. Ka mal tawp ațang a hmui chu sawn in a tak lai tak chu a hmui lum thur thur chuan a rawn nawr nghal tawk tawk! Ka taksa in a lo dawnsawn țhat zia chu rapthlak ka ti letling tak zet!

"Professor, ka... a ai na in.." ka ti khur dar dar a, lungawi tih hriat zet a ri chawk khawp a a rawn fawh hip chawk chawk chuan ka taksa za țek chhawk chhawk chu ka dawlzo dawn lovin ka hre hial!

A lei hrawl leh thap hrak chuan a rawn liak kual nawk nawk a, a hmui hmul thap hrup in ka m**** a hrut nawk nawk te chuan chu ai bak duh belh in a sam ah zuk țham in ka kap karah chuan ka kuai hnai țawk țawk!

Rum chhuk nghut in a pet leh ngawr ngawr țhin a, nawmna nasa lutuk vangin ka thawk a buai vek, chutiang a rei fe min sawngbawl hnu chuan dimlo zet in a rawn thun lut vek a! Kut hum ruh ngawt ngawt in ka khur nghal dawt dawt!

"Hrep a! Ka sawngbawl rei deuh che ani maw?" a ti nghut a, a rawn luh rual a ka tla nghal ringawt chu ka zak ve reng... Mahse, min mamawhna ang pek let ve loh chu ka duh teuh lo....

"Nileng a khum ah talpui che ka chak viau ania" ti sup in ka mawngah a rawn hrawm a, kei erawh ka nui hak! A kamisz matte blue hak hma kil chu a la inphelh vek, a six pack lang ruih chu zut kual sak dan dan in smart pants kekawr kap hma a lo ruh țul chu ka țham salh a.

"f**k" a ti hluk.

Za zet a nuiin a kamisz chu ka khil sak a, a hrawk bawk langsar zet che khalh khalh khawp in chil a lem khawlh zel.

"Bruno, in lo nghak țha ru aw" room ațang kan chhuah rual chuan Bruno chu a lo vei kual thuak thuak a. Kailawn ah min zui thla ve a.

Kawngkharpui ațang a chhuak tur chu min kalsan a hreh hmel ve tak zet! "Ka lo let leh vat ang" ti sup in uluk zet in min fawp a, min fawh dan ril nguk leh lungrun lutuk chu darkar 4 zet kan inhmu lo tur chu min huphur tir zo vek.

"Pawn a huh, rawn chhuak duh su" a awm ah min kuah bei in ka chhip ah a fawp a "ka hmangaih che" ti leh sup in ka hnar ngul ah a lo fawp thuak.

Tualzawl a bolero dum inhung ruau pan a prof Msa pen pawk pawk chu kawngkhar biang ngheng in ka thlir reng a, kan inhriat tirh lai a a sawi kha ka la hre reng.

"Nang leh kei hian in hip tawnna mak danglam tak kan nei, chu thil chu kan duhthu a tihtawp theih a nilo" ti sup in thuk ruih in ka mitah tak min melh run anih kha!

Tunhnu hian chu a thusawi dik zia chu ka hrefiah tulh tulh! Kan inhiptawnna chak zet kha tisa thil aia thuk thleng tawh in kan inhmangaih tawh bawk!

Driver side chu pawt hawngin laptop bag chu a dah lut a, chutah in lam chu rawn hawi leh vut in min thlakhlelh hmel zetin min rawn en vung vung.

A tlan liam rual chuan ka ruak nghal vek!

"Bruno, prof Msa kha ka hmangaih lutuk a maw.. mahse, engtin nge ka hmangaih thu ka hrilh ang tih pawh ka hrelo" ti sep in Bruno hawi dauh dauh lu ah chuan ka chul a.

"Minute hnih pawh la ral lo mahse ka ngai nghal ringawt... zun a ngah lutuk hi a chang chuan ka huat phah lek lek țhin" ti sep in ka kut rawn liak hlup tu lu ah chuan ka chul leh a.

Inchhung zau leh reh duk ah kan luh leh meuh chuan prof Msa ka ngaih luat vang in ka mittui a hnam sak nia mawle...

Inchhung a a rim la chambang chu am zet a hip lut in mit ka chhing vang vang a! A hmel pa leh cool ruih ka hmu nghal zat.

Show post links

Top

Abbra Reo Ririni

Post April 30th, 2020, 12:49 pm

Tihtur ka hriat loh em vangin lehkhabu chhiarna room ah ka lut a, chu pindan chhung chu a neitu pa ang chiah a hrawl leh ngheh țhat hmel tak tak bungrua in a lo khat vek.

Lehkhabu inrem khat țhut zing ah chuan ka chhiar duh tur ka zawng kual dan dan a, ka duh ber chu la chhuak tharh in chair lianpui ah chuan ka țhu nghal kak.

Lehkhabu chu rei pawh ka la chhiar hman lo! Door bell ri vangin ka hawi nghal dawrh a!

Prof Msa khan hnathawk tu pawh a lo kal dawn loh thu min hrilh vek tawh! Door bell chu a ri nawn ruai ruai a, a tawp ah phei chuan Bruno chu a bauh ta țhawt țhawt.

"Tunge mawnle? Dawhtheihna tlachham lutuk" ti sap in kailawn ah chuan ka tlan thla dar dar, kawngkharpui lock chu ka herh hawng rak a. Kawngkhar ka hawng chiah chu ka tawlh hnung nghal dawrh!

Min huatna a khat mitmeng sen rum a min melh khui khui chungin pa Saia chu a rawn pen lut a! Kan inhmachhawn hnuhnun ber țum khan min thah daih hrehna pakhatmah neilo in țawngkam chhe tinreng in min au khum anih kha!

Prof Msa a awm bawk silo! Keimah a lo hmachhawn chu a hlauh hian ka hlau hluah hluah, ka chhungril chu nasa zetin a khur nghal dar dar.

Kawngkhar lianpui chu a nam khar dawp a. Ka lungphu thlengin a chawl duk! Ka lakah thinrim tih hriat zet a min melh chung chuan a thaw nghal sawk sawk bawk!

"Mi hur nghal lo!" ner sawk in ka taksa hnuai lam a melh a! Rang zetin prof Msa tshirt ka hak sak chu ka pawt mar thla a.

Hlauhthawnna nasa lutuk in min rawn luh chilh tup tup, ka hmul thi a ding sung sung a! Ka chungah thil țha lo tawpkhawk tih hreh loh hmel zet in pa Saia chuan min melh chhuk ngur ngur, Rum chhur chhur a Bruno lai vei tawn sek te nen chuan engkim chu a țîhbaiawm tak zet!

"He inchhung ațang hian chhuak bo rang rawh"

Ka taksa a rawn sa pup pup a. Pa Saia hmel rum ul chu melh duh tawh lovin chhuat ka bih nghal daih bawk!

"Ka thusawi chu i hria em? Chhuak rawh" thinrim zet hian a rawn ti tuar, ring zetin Bruno chu a bauh tuar a! PaSaia chu a inhrosa nasa zual sauh. Ka rilru thlabar zet chuan prof Msa a au mawlh mawlh.

"Hetiang a mipa riahchilh a i taksa hmang a lem kual vel hi zak pawh i zak lovem ni? Eng nge i la nghah, chhuak bo rang rawh" ti leh tuar a min hnaih hrut chuan rang zetin bang lam ah ka tawlh chho dawrh, ka thisen tlan chhe nasa lutuk leh taksa sa chhuk pup pup chuan min ti chawmawlh nghal vek.

"He in ațang hian ka chhuak dawn lo, prof Msa nupui ka ni tawh"

Ka huaisenna zawng zawng sawm khawm a ka hawi chhuak chu pa Saia hmel rum zet nen kan in hmachhawn nghal siah!

"Eng thulawilo maw i sawi a?" ti khur dur dur in a kutphah chum chhah tup chu a hum tawm a! Kut min thlak a hreh dawn hauh lo tih ka hriat leh lek phei chuan prof Msa ka mamawh zual tak zet!

"Kan... kan inru tawh, chuan... ka.. prof Msa thu lo chuan he in ațang hian ka chhuak dawn lo" ka ti khur dawt dawt!

Ka thusawi vang a pa Saia hmel dur kual tup tup chu mangchhe țîhbaiawm ber ah pawh hmuh nawn ka duh lo tak zet!

"I chhuak lo ang maw?" Min elsen zetin a nui a. Thawk ip ngar ngarin lu ka bu nghat.

"A țha e, ka fapa hian a duhthu ngeiin a la theh chhuak thuai ang che... Lo ngai reng rawh! Bawlhhlawh tenawm zet ang maiin Malsawma ngei hian he inchhung ațang hian a la theh chhuak ang che"

Ka kut pahnih chuan ka kâ ka hup bet a! Ka mittui rawn luang thla pap chu rang zet a tuai hul in ka thisen zam țek kual zawr zawr leh kawchhung so bulh bulh awmngaihna min ti hrelo khawp a min hnawh tu te chu tih tawp tum in ka thaw hawk hawk a!

"Rei i nghah a ngai hauh lovang" kawngkhar lianpui chu pawt hawng bawrh in dimlo baksak hian a pawt khar bur! Kei erawh ka zawi hnawk! Chhuat ah ka thlu sawp hnawk chu țah chhuah hlau zetin ka kâ ka hup bet a!

Ka thlarau in zawi zawi in ka taksa chu a chhuah san riai riai mai hian ka hria!

*ka fapa hian a duhthu ngeiin a la theh chhuak thuai ang che* beng hup chawi in chhuat kil ah chuan ka țhu kun tlawk tlawk! Prof Msa min huat theih nan kha putar tawhkhirh zet khan engthil mah tih hreh a nei dawn lo tih lah a mitmeng rapthlak zet ah khan ka hmu chiang ropui bawk si!

"Aih.. Lola; i hlau lo.. i hlau lo, a țha em? I taksa chaktawk loh vang mai mai anih hi! Prof Msa pawn engtikah min kalsan dawn lo, i taksa chaklohna hi inhneh tirin dawizep tak in awm suh" tih chuan ka inhnem mawlh mawlh a.

Shower hnuai ah chuan ding in prof Msa hmangaihna ah chiah in nghat turin ka infuih mawlh mawlh a; ka tlin lohna engkim hre vek chung a min hmangaihtu hian engvang mahin min thlauhthla dawn lo! Ka nun hmalam ah nun ka lo uluk tawk loh vangin pa Saia hian min haw rih viau pawh ani ang! Mahse, a fapa nupui nitur hian ka tlin tawk zia leh ka nun hmalam khan min tihbuai tawh loh zia huaisen takin ka hmuh tir zel ang!

Bathrobe lian zet lo inkhai chu ha in nghet zet in ka taksa ah chuan ka suih bet a, chau zetin ka kal chhuak a, khum ah chuan țhu in khum lu dup nuam zet chu ka ngheng a...

Chhungkaw tam tak pawh an mo te chungah rapthlak lutuk in an che ve fo a lawm! An pasal te awm loh laiin an mo nu lo hnawtchhuak daih ta lah sawi tur an tam! Ka hun kal tawh chhuanawm loh zet vang khan tu chhungkua mahin an fapa nupui a tan awlsam tak chuan min pawm ngawt dawn lo tih chu a hman ațang ka hriat tawh kha... chuvang chuan tunah tak chak loh nan ka hmang tur a nilo!

Mutchhuak in min rawn zem chial chial a, pawn lam pawh zingkar a ni țang ut kha chhum a lo zing phui leh chuk tawh a! Ka muhil țan diar diar tihah maimizial nei in ka phu chhuak leh ngheng țhin a vang chuan rang zetin khum chu ka thawh san a, prof Msa khan a sawi dik chiah! Ka taksa hi ka enkawl uluk hmasak a ngai! Ka hrisel țhat loh chuan engkim hian awlsam takin min ti hlauthawng zung zung dawn!

🐾

"Uire nu a nih kha!" ring zet a ti tuar ri vang chuan nasa zetin ka phu chhuak dawrh a!

Thum dut a phun hluk ri ka hre zawm nghal zat bawk nen ban ka vai nghal nghek!

"Bawihi, keimah" ti sup a a kut lian zet pahnih a ka biang a rawn khup hlun tak ah chuan thaw hlawp hlawp in ka meng a! Prof Msa hmel ka hmu chiah mai chu ka taksa a sa nghal pup pup.

"C'mon, Bawihi, i harh em?" ti deuh tuar in ka darah a rawn sawi nawk nawk!

Ka mumang ah "Uire nu a nih kha!" tia ring zet a au tu kha amah ngei hi ani tih ka chiang lutuk!

"Duatte" ti sup a hnehzet a ka biang a lo khuap leh chuan chil lem dawk in ka thaw hawk hawk a.

"Ka... khawng nge kan awm?"

"Airport kan thleng chiah, i muhil a, mang țha lo i nei anih ka ring" ti sup in ka chalah a rawn fawp vang vang, a inlahrang tur chu rang zetin a kut phah hrawl hrup chu ka chelh a. Ka hnui in ka nawr nghal tawk!

"I țha em?" Min ngaihtuah hmel zet in ka sam ah a rawn chul a.

"Ka țha mai ang" a kutphah hlaipui chu ka fawp leh vang vang, a rim mipa zet chu hip lut in thawk ka chelh deuh vang vang a ka ziaawm ta deuh.

"Naktuk ah doctor kan hmu dawn nia" ka nui ringawt nangin ka hnial chuang lo. Ka taksa chaklo lutuk leh eng emaw tlakchham ka neih vang hian ka dik hleithei lo. Ka thisen a tlanchhe awlsam si! Mainizial ka nei reng a, hetiang a awm reng chu a thawk ipik thlak lutuk.

Terminal a mihring zi nuaih nuaih chu ka melh reng a, ka hnunglam ațangin prof Msa'n min kuah hlu hlu. Dar 12 vel ah in a rawn thleng a, ka u te zin haw hmuak turin kan chhuak leh nghal a! Apa lo kal thu kha chu hrilh tur ani em pawh ka hrelo! An pafa inkar a chhe tawh sa ropui si! A chhiat belhchhah zel chuan nakin ah buaina a tam mai mai te ka hlau ve tho bawk si.

"Anite....." Matt lo tlan chhuak tarh tarh aw ri vang chuan nui suk in ka beng hnuai ah a fawp a, min kuahna a thlah ta chiah bawk.

"Bawihpui"

"Anite.." ka kun hniam chu min kuah nghal that that. Karkhat zet zawt kan inhmu lo a, naupang țhanglai ani bawk nen tlem in a hmel chu ka hmu dang deuh bawk.

"Ka lo ngai lutuk che a, i zin leh hunah chuan min hruai ve tawh rawh aw" ka ti a. Bawihpuia chuan phur zetin lu a bu lap lap a.

"Uncle" tih leh a ban pahnih chu a phar nghal darh.

Nui chhuak hawk in "tlangval" a ti hluai a; Bawihpuia chu a pawm kang nghal nawlh.

Ka u leh U Mimi pawh bungrua nawr in an lo inzui chhuak ve a. Ka u hmel ka hmuh tak ah chuan zah vangin ka biang a sa nghal hat hat a.

Prof Msa nen chuan an ri hluai a, kawngtluan in Bawihpuia'n shillong a an park kal vel na nuam a tih zia thu a sawi lang lang a, chutia phur zet a Bawihpuia țawng chu hmuhnawm ti zetin Prof Msa chuan a thlek leh vut țhin chu ka lo hmu ru kar a! A tan a fa pai sak thuai thuai chakna in ka khat bawk.

"U.." sawi mai tur ka hrelo! A room chhung zau zet ah chuan kan pahnih in kan awm ran. Prof Msa erawh hna a neih vangin a chhuak a, tlai ah min rawn hruai leh dawn.

"Pasal neih te i ngam ve tawh a" a tih nghut chuan sawi tur ka van kher mai! Kut a kuangkuah run a, ka lakah lungawi lohna a nei em tih hriatthiam theih miah lovin min melh run bawk

"Ka... ih, englo..."

"Ka makpa a la ni dawn ka tih țum khan i duh lo viau emaw tia" ti nghut in a nui ta suk.

"I thinrim lo maw?" Phawk zet hian ka ti a.

Meng dur țha leh nghal in a inseh ruh a "rim khawp mai!" A tih bung nghut chuan ner nang nangin ka kuah ta thlawp. Amah pawn nghet zetin min lo kuah let a.

"Malsawma... ummm, a thlamuan thlak a lawm. Mipa țha tak ani a, a dawl-thiam hle ang che tih ka hre bawk. Nangpawn zahthiam la, a hmangaih tak zet tih ka hriatpui vangin hahdam takin a kut ah ka hlan ngam che" ti sup in ka dar ah a beng thuk thuk.

"Ka lo upa ve tawh hle mai! Ka farnu, hmeichhe naupangte emaw ka la tih pawh pasal nei rual a lo nive ta reng mai" a tih sup chuan laih lutuk vangin a hnung ah ka țham vak a! A nui ta hawk hawk.

Kan nun chu a hahdam thlak ani tawp mai! Prof Msa nen pawh ni4 kan inkawl ve tawh a, ka u nen lah an inkawm ngeih em em a. Ka chungchang thu ah an inbe ngun bawk. Kar leh ațang keichu college zawm turin min ti a. Palai tirh a, ti bung bung lo zawng a inneih kan duh dan anih ve ve vangin kan inneih dan tur vel kan sawi chang pawn kan rilru a inmil phian zel.

Ka pa erawh a reh hmiah a! Prof Msa lakah ka inthlahrun zual phah vek! Min hmuhsit phah dawn lo tih chiang takin ka hre nangin hetiang tehthlawt a ka pa'n min ngaihven zuilo hi mak tiin a ngaihtuah ve fo in ka ring.

"Nu Thiangte, Nuni te an lo kal dawn a, ka thuamhnaw kha lo pack pui ta che" phone ah chuan ka ti lang lang a. Prof Msa hna ah a kal leh daih tawh vangin Bruno nen chiah kan awm a. A chang chuan ka ning țep zel.

"I thuanhnaw maw? Msa a lo kal tho sia, amah hi ka rawn ken tir mai dawn mi?" a tih chuan ka meng phawk nasa kher mai!

"Prof Msa a lo kal maw?" Ka ti deuh nghek! Kan in ah a kal dawn tih a sawi hauh lo.

"Aw, i pasal a lo kal" nui hak hak in a rawn ti let a. Nui tawi tak in chanchin ka hrilh leh tur thu sawiin phone chu ka off a.

Rang zetin prof Msa chu ka call nghal zat. Rei a ring hma in min rawn chhang a.

"Bawihi..."

"Khawnge i awm?" Ka ti thawr.

"I lungleng tawh em ni? Hna ka khawih laklawh a, ka lo let thei lo deuh" a rawn ti sup. Hna a? Tinge dawt min hrilh le?

"I la buai viau em ni?" Ka ti a, dawt min hrilh ringawt chuan min țhawng hle bawk.

"Umm, kan laklawh deuh hlek a, nakin ah ka rawn bia ang che"

"Ummm"

"Ka hmangaih che" ti sup in phone chu a ti tawp a.

Kan inah chuan eng nge a tih ang? Engvangin nge kan inah a kal thu chu min hrilh mai lova dawt min hrilh kher tih chu ka ngaihtuah ngut ngut a.

Zan lamah a tuk a a tihtur engkim min hrilh lawk țhin. Nizan khan kan inah a kal dawn tih a sawi tel awm ka hrelo reng reng.

Room ah tlan lut in ka u in ațang ka thuamhnaw lak phei chu ka inbel sawk sawk a. Keipawn thuamhnaw lak ka ngai ve tho ti rilru in kan in ah chuan kal ve ngei ka tum nghet hmak.

Mahse, ka nuih erawh a za viau. Inruk vang a ka awm bo lai lai a thuamhnaw lak tum a va kal ngawt chu a mizo dan lo lutuk a! Mahse, prof Msa pawh a kal tho a lawm ti chuan ka inhnem ta ngawt.

"Bruno, in hi țha deuh in lo nghak rawh aw" a lu ah ka chul thuak a, chak zetin in ațang chuan ka chhuak a, chabi chu ka bag ah thun in gate lam ka pan nghal hlak hlak

Prof Msa in hmunhma hi a fal deuh nalh avangin taxi la tur chuan kê in thufe kal a ngai.

^

Kan in gate bulah taxi chu a ding dawt a. Gate ka luh hma hauh in ka pa motor hunna ah chuan ka u car leh prof Msa bolero ka hmu nghal zat a. Chuan man pe in ka chhuak sawk sawk a.

"Ehe, i lo kal maw?" Pawn a nu Thiangtei pangpar khawi sawn chuan a lo ti chul.

"Umm, tu tu nge awm?" Ka ti vat a.

"I pa te pafa leh i pasal" a la nui țhaw zui.

"Ka... ih, Becki te nufa an awm lo maw?"

"Aw, Pi kha a leng chhuak a, Becki chuan class a kal"

"Ka lut ve lawk ang aw" ka ti a.

"Lo chhuak leh thuai ang che, zawh tur che ka ngah lutuk" tiin a la nui var var zui. Lei chhuah vak in inchhung ah chuan ka luh san a.

Inchhung zau zet chu dan ngaite in a fai hun a, a reh duk bawk. Țhutkhawmna lo ruak huai chu kal pel in kailawn ah chuan thawm dimte in ka kal chho a. Kailawn chanve ka thleng chho tawh, inchhung a țhutkhawmna ațang chuan kapa aw ri ngei a lo chhuak a!

A thil sawi vang chuan ka taksa pumpui chu a hîk chhuak vek! Ka awm chhung chu so bulh bulh in a ri dawt dawt!

"Thudik a ni thei lo..." ka u chuan a ti tawk!

"I fiah thei ang! Lalhlimpuii hi kan thisen zawmpui a nilo" ka pa vek chuan nghet churh hian a ti sup.

Ka thinchhung chu na zet a chhut chawrh ang mai hian a na nghawr dawt a! Ka... ka pa fa ka nive lo maw? Ka u nen hian thisen ah inzawmna kan nei lo maw??? Zawhna hlir! Zawhna hlir in min rawn zim tup tup.

"In hriat a hun tawh, Lalhlimpui hi....." ka beng kiau chuah chuah vang chuan ka lu a hai muai muai! Ka mittui ka biang a rawn luang thla pap te chu a sat hian a sa pup pup, ka kawchhung so bulh bulh leh lungphu ri dawt dawt te chuan awmngaihna min ti hrelo!

Ka buai nuaih a, ka khawhmuh lo thim sulh vang chuan ka pai nawk a! Chumi rual chuan vase lum ri dawt dawt leh marble chhuat a insawh keh chuai in a zawm a!

Nghet zet a kailawn vawn chhan vuan chung a ka hawi chhuah (k) leh chuan ka u leh prof Msa te chu kailawn tawntirh ah an lo ding reng tawh! 

An hmel a min lainatna thuk zet leh he ta ka lo awm ve pawi tihna lang chhuat zut zut ka hmuh rual chuan rum hak in ka dul zawn na ngut ngut chu ka dawm ngawih ngawih!

Ka thu hriat zawng zawng kha mumang mai nilo in a tak ngei a nih chu!!!

"Bawihi?" ti chhuak hulh in prof Msa chu a rawn pen thla nghal pawk pawk! Ka u erawh in chet lak ngaihna a hrelo! Chechang lo lek hian min melh tlawk tlawk, a mitmeng a min lainatna lo lang chhuak chuan ka chhungril a vilh ngut ngut bawk.

"Min zui rawh" ti sup in prof Msa chuan ka kawngah a rawn man hmaih. "Bawihi min zui mai rawh" ti chhuak hrawk in khawng lo chauh a kailawn vawn chhan ka vawnna chu a rawn phih thla lawp a; zo zet a min pawn lawp ib na zet in ka chhip ah a rawn fawp a.

" engkim kha ka hre hman vek..." ka ti țíau! Pawi tihna vang a Prof Msa rum chhuak hrawih awm ah chuan ka bei a.

"Ka... keimah ngei in engkim zawh nawn ka duh"

"Bawihi..."

"Hmaichhan ah ngei a fanu ia nih loh thu a sawi hma chu ka awi dawn lo" ti tuar in ka insut nghal hlawp hlawp!

"Ka pa hi ka hua! Ka haw tak zet! Ka nu a uire san a vang khan ka haw ngawih ngawih! Mahse, a fa nihve loh ka duh lo! Ka... ka u farnu nih reng ka duh.. ka nu fanu, ka nu fanu duat lai nih pawh kha ka duh.. ka huat em em pa hi haw viau mahila a fanu niloh ka duh lo! Ka duh lo tak zet!" Mangang zet a au tuar tuar in ké ka leng vak a!

Ka ngaihtuahna ang hi a nih loh hram ka duh! Kei hi chhungte tih a sawi tur neilo fahran an enkawl seilen mai mai nih ka duh lo! Nu leh pa neilo nih ka duh lo .....

"Engkim.. engkim ka hre vek duh" ti khur dat dat in ka pa chu ka melh a, ka kuttha khur dawt dawt leh vawt hit vek chu prof Msa nghet zet a min hum sak in ka rinchhan turin ka kiang ah a lo țhu ve bawk.

Unread post May 1st, 2020, 11:09 pm

chapter 39

NIKHAT AH ADS VAWI 2 CLICK TUR, 10s tal nghah bawk tur

"Mate, engmah hriat i mamawh lo" thawk zin hmel lutuk a rawn ti hulh in center table leh sofa inkar ah chuan a rawn pen phei buan buan, nghet zetin ka u chuan ka kut a rawn hum a.

"Engmah hriat i mamawh lo, chutiang bawk in i chungchang thu hi miten engtin pawn sawi mahse ka farnu neih chhun chu nang chiah hi i ni reng ang" a rawn ti sup sup, mittui tla zung zung in ka lo melh a. Ka beng ah erawh *Lalhlimpuii hi kan thisen zawmpui ani lo* ka pa'n a tih kha chiang zetin a ri nawn tluk tluk a! Ka thinlung chu a mal ngawih ngawih!

"Mate..." ti tawk in ka mittui chu a rawn tuai hul thuak. Ka khur ngawt ngawt tih a hriat rual chuan thinrim zet in ka pa chu a melh hrawk bawk. Chutah kei chu min rawn en lehin zaidam zet hian min nuih lui a! A mitmeng a min lainatna thuk zet lo lang chhuak te chuan ka mal zia min hriat thar tir zut zut thung!

"Kal ang le..." ngenngawl zet hian ka u chuan a rawn ti leh sup.

Ka rilru chu a mangang tak zet tawh! Thudik hre pumhlum vek a natna tuar nge țha ang; tun a ka hriatchin zawng ah hian duhtawk a! Rilru khingbai zet a nat tlawk tlawk!!

"Mate, engmah hriat belh i mamawh lo! I nuța hian ka farnu i ni ka tih chuan ka farnu i ni mai" sehchilh zetin a rawn ti hrawih. Mahse, chu chuan ka chhung ril a pawnlang ta riau va inngaihna chu a hnawt bo zo tawh lo.

"U..." ka ti khur dar dar. Engkim a țha vek ti ang hrim chuan ka mittui a rawn tuai hul a! A hmel thim mup leh buai nuaih chu en ngawih ngawih in kan naupan lai hun kha ka mitthla let a, Ka nuța neih chhun, ka naupan lai a ka toys te min khung țhat sak a, min paw kual par par țhintu farnu diktak ka ni lo hi a mangang thlak ka ti tak zet! In la pa ve tak chung khan min duat em em a, mam lo zet a ka sam min țawn kak sak te kha a duh tlat zel a...

"He hmun ațang hian chhuak vat teh ang" ti sup in sofa ațang chuan min pawh thawh tum a rual nghal zat; mittui tla zung zung a lu ka lo thing a rawn hmuh chiah chuan a kawchhung ațangin ring lutuk hian ka u chu a rum chhuak hrawk!

Ka kut a vawnna chu ka mitah tak min en chungin a thla ruai ruai a, chutah ka pa chu rum lutuk a va melh leh in a kut pahnih chuan sam a tuai chho tawk! A kâ ațang na zet zet a thaw chhuak hawk hawk pah chuan a insehruh vak bawk.

"I lawm tawh em?" thinrim tih hriat zetin ka pa chu a au khum tuar! Ka țah chhuah hawk laiin ka u erawh a hmai leh hrawk chu thinrimna vangin sen vek!

"Kum hei leh chen hnu ah i thu rawn phawrh chhuah thar in a tihnat zia hi i hmu thiam lo em ni?" ti vin tuar chungin kut a hum khur dawt dawt!

Hetiang tak hian ka u a talbuai in a mangang anih chuan ka pa thusawi engkim kha a dik vek tihna! Hlauhthawn rukna ka lo neih tawh ang ngei in kei hi an thisen zawmpui ka ni ve lo! Chu ka hlauhthawnna neih ruk a tak ah a chan meuh chuan dawnsawn ngaihna reng ka hrelo! Engtin nge an thisen zawmpui ka nih loh theih? Engtin nge chu thil chu tunah chiah hian a rawn irh chhuah! Tinge ka naupan deuh lai in min hriattir mai loh? Ka naupan deuh laiin lo hria ni ta ila chuan tun ang teh thlawt hian ka na in ka hlauthawng lo mai tur.. Kum 20 chhung chhungkua ang a ka lo neih ve te thisen ka kai ve miah lo tih chuan min tina a ni mai lo a hlauhawm! A hlawhawm tak zet!

Ka nun chu thlaler ram zau zet a mal tak a thingkung pakhat lek ding ang mai ni hian ka hria!

Thim chhah puiin a zim kual tup tup ang mai hian kan awmna hmun chu chhun pachang lai ni mahse ka hmu thim vek! Ipikna rapthlak zetin thla a zar hnan ang mai hian a thim mup! Kailawn tawn tirh bul a ka u thinlung ipik mangang inhrosa rum kuk kuk te.....

Ka mal zia bawk hriat belh a lainatna te nen a min melh vung vung tu prof Msa mitmeng thuk ruih te chu thlaphang zet hian ka melh kual a!

Ka nun chhungril chu a chau hluah hluah!

Tufa nge ka nih? Tu te nge ka thisen zawmpui te chu ni ang? An la dam a ngem?

Ka huaisenna zawng zawng sawm khawm in ka pa chu ka en a! Ka lakah pa dinhmun hlen zo lo viau mahse a thisen zawmpui nih loh tawl mai chu ka thlan theih ni ngatse ka thlang lo chiang ngawt ang!

"Pa, i... i fanu chu ka nilo tak zet maw? Min... min huat lutuk vang a sawi chhuak mai mai i ni tiraw? A chhan chu ka pian hlim a min pawmna thlalak te pawh kan kawl kha.. damdawi in ah ka nu khum ah a țhu a, nangman min pawm bawk.. pa, i huat zawng a ka awm vang mai mai a ni tiraw?" insutna vang a thaw rang hlawp hlawp chungin ka ti a! Ka thinlung ipik mup erawh in min hnawh hlum thei mai dawn a ka hriat vangin kê ka per chiam bawk!!

" Kum 20 chhung ka chhungkua ang a ka lo en țhin! Ka chenpui te nen hian thisen inzawmna kan neilo tak zet mawwww? Pa.." Hlauthawnna leh thalphanna te nen ka pa chu ka en tlawk tlawk, ka pa mitmeng vawt zet ka hmuh rual chuan ka thlarau in ka taksa a chhuah san riai riai ni mai hian ka hria! Ka hîk chhuak vek!

"I u hi chu kum 12 a upa a ni tawh..." muang zet a a lo tih churh chuan nasa mangkhen in ka thawk a rawn rang a! Prof Msa'n nghet zet a ka kut a humna chiah chu ka taksa hian hriat theih a nei!

"i u chhang tu chiah Lalruatpuii kha a naupan laiin a boral tih chu i hriat kha, nau pai lovin i nu kha a awm vang vang a, i u Hriatpuia kum 11 champha ațang a thla reilote ah nau a keng leh a, kan hlim hle bawk. Mahse, khatih hunlai khan damdawi in khawl te a la țha tawk lova, vanduai thlak takin thisa in i nu in kan fanu chu a hring!"

Nilo....

Ka taksa chu a rawn sa kual pup pup! Ka kawchhung a hlauthawnna nasa lutuk chuan ka awm rawn hnawh chho tup tup in ka hrawk chu a tawt phui nghal vek! He chhungkaw fanu chu thisa in an hring! Chuan kei ve hi? Engtin nge... engtin nge ka pian hlim thlalak engkim an kawl vek theih.

"Kan fanu kha zan a piang anih vangin i u pawn engmah a hrelo! Chutia thisa a kan fanu a lo pian takah chuan rilru na zet in cabin ah kan insawn lut a, i nu phei chu nikhawhrelo in a awm zui a! Kan fanu thihchhan kha amah vang ah ngaiin amah leh amah a indem hle bawk. Chumi zan vek chuan tu tih hriat loh hmeichhe pakhat nau hrin hun tawh zet hi damdawi in ah chuan a rawn lum lut ve hlawl a, kar lovah fanu a hring a, mahse, nau a hrin hnu reilote ah a boral nghal!"

Chem zum zet a vih tlang zawt ang maiin ka thin zawn chu a na thip hlur!

" Lehzel chuan maww!" Ka u rum ri chuan min nghawr nghing dur dur!

Min hringtu ka nu pawh a boral tawh a nih chu!

Hringnun hian ka lak ațang hian engthil zo zai nge duh a neih? Min lakbo sak chin ah hian a la lungawi zo lovem ni? Nu ang a ka lo en țhin min lak bo sak ni ațang khan ka nun chu hremhmun ah a chang zo a! Chu hremhmun nun ațang min hmangaihtu in min chhan chhuah rual chiah in ka chhungte ang a ka lo en țhinte nen thisen inzawmna kan neilo tih min hriattir leh a! Chutah pawh chuan duhtawk mai lovin min hringtu ka nu... ani pawh ka hmuh ve hma hauh in min lakbo sak!!! Hethil zawng zawng thlen hnu ah hian engtiang a damkhawchhuak turin nge min duh ang le?? Tu mah rengin hengthil thleng zawng zawng hi an tuar zo bik tawp lovang!

"I nu chu raichehin a boral anih chu..." ka pa vek ani!

Ka mittui chu a sur zung zung a, thawm erawh ka chhuah thei lo, thinlung na lutuk leh mangang lutuk chu ka thawk chhuahpui hlei thei tawh loh vang in ka lu a hai mup tawh!

"..... Damdawi in a rawn luh tir khan chhungte a neih loh tih doctor te a hrilh tawh vangin a fa hrin chu nau pianghlim dahna ah an dah tawp a! A ruang pawh damdawi in hnathawk te leh veng chhung YMA ten an hlawm. Keini lah fanu chan hlim hlawl kan lo ni a, doctor te min rawn na angin ngaihsaktu neilo nausen chu kan fa angin kan la ta ani.. chu chu kan chhungkua nen inzawmna i lo neih dan chu a ni..." Dimlo baksak a tuipui chhung a paih luh vawng vawng ang maiin ka zo riai riai!

*chu chu kan chhungkua nen inzawmna i lo neih dan chu a ni*

"Min hringtu pawh a boral tawh maw?" Ka hringnun zet chu!

"Aw.."

Ka thawk te chu a tawp vek! Thlan sa in min rawn bual huh dup a, ka lungphu chu mulehmal awm lo lek in a phu dawt dawt, ka taksa sa pup pup leh thawk zim phui tlat vang chuan ka kâ ang hlawi hlawi a...

"Duhtawk rawh! A tawk tawh!" Thinrim zet a au tuar tuar chung a ka lam pan a ka u rawn phei buan buan te chu ka hmu thim mup.

"Bawihi.. Hrep a! Duatte" ka taksa chu hnehsawh zetin a kang lawp, phe ruai in ka u in thinrim engphiar a ka pa kawr awm a țham hrawk lai chu ka hmu a!

Kei erawh nghet zet a pawm niin pen sawn pui pawk pawk ka ni!

"He thil hi Muani te nufa in an hria em?" Ka u aw chu a khur dur dur.

"An hre ve tur a nilo! Matei hi i fanu a nilo tih an hriatve ni la la chu i tan a mitthi ka nih hun ani ang! Lalhriatpuia hian farnu Lalhlimpuii a nei! Chu a farnu chu i fa a nih loh chuan Lalhriatpuia hi i fapa a ni thei biklo... "

Ka bek a mittui rawn lungchhuak te chu tui so ang maiin a sa hian a sa pup pup. Ka pa fanu dinhmun ka chan lai pawh a min diriam em em țhintu te'n ka pa fanu ka ni lo tih an hriat rual a min hnuaichhiah zual dan tur ngaihtuah thleng pha vek ka nuța in ka pa kawrawm a thlah vut lai chu ka thil hmuh tawp ber a ni!

🐾

Ram hmun zau zet mitin a hmuh tlin tawk chu phul ro vek tawh in a bawh khah vek na ah mal leh khawhar takin ka vak ka vak a! Thingkung tak ngial pawh hmuh tur a awm lo! Chu phul rei zau lutuk; ro em em bawk si leh ka hringnun chau retheih zet mai chuan inzawmna thuk tak an nei ni mai te hian ka hria!

Chu hmun khawhar leh reh tlawk tlawk ațang chuan chhuah duh in ka hma zawn ah chuan ka kal zel a! A mamawh ang tui hmuzawh loh vang a phul khawro tawh te chu ka rah apiang in a ri insiam te chuan hmangaihtu tawng lo mi khawhar mai ka nih thu min rawn hril ang te'n ka hre hial bawk!

Chawl lovin ka kal zel a... khawi hmun nge ka pan dawn tih pawh ka hre chuang lo! Ka duh zawng erawh he hmun khawhar leh reh tlawk tlawk ațang chhuah a, ka nun khawhar leh mal lutuk reh theihna tur khawi hmun pawh thlen hlan ka nghakhlel tak zet!

Ka hma lawk phul ro thi vek tawh zing ah chuan pangpar nalh dangdai zet kung khat hi a lo awm va va a! Chu pangpar kung kat lek ka hmuh rual chuan ka thinlung hi lawmna mak tak, sawifiah zawh rual lo in a rawn khat a!

"Hei chu prof Msa..." ti sap in phul ro thi tlu phung ah chuan ka țhu hniam a. "Prof Msa.." ti chhuak leh sap in ka nui nghal sen sen, Mak tak maiin chu pangpar kung piah lawkah chuan pangpar kung dang pawh a lo awm phei zel a nih chu...

Phur lutuk in ka tlan phei a

"Hei chu ka U Hriatpuia, Matt, Jordan, Remremi..." tiin hlim zet chuan an hming ka phuah phei zel a, "hei chu Lalkimkima ani ngei ngei ang" ti pah in pangpar kung maksak bik zet chu ka nuih a "pangpar dang zawng zawng te ai hian danglam bik mahla min tihlim em em tho aw" ti sep sep in pangpar kung dang hmuh belh inbeisei zet in phul zau zet ah chuan ka kal kual chiam chiam a... Mahse, ka pa pangpar ve tur ka hmu ve tawh miah lo! Beiseina sang tak nen ka awmna bul vel chu ka zawn kual ngial pawn kung khat lek tak ngial pawh hmuh tur a awm tawh lo a nih chu!

"Heng pangpar kung te hi ka nun ruak leh khawhar luah khat tu te an ni sia... chung zing ah chuan ka pa a tel ve lo maw?"

"Bawihi?" Mipa aw thuk leh ril ruih rawn rik chhuak chuan min ti phu dawrh a! Ka hawi kual nghal ruai bawk.

"Bawihi... Duatte, harh tawh teh, a rei tawh..." zawi ruih hian aw ngai vek chuan a rawn ti leh sup sup; chutia hrilh hai zet a ka ding chu amah in ka kut chu a kang riai riai a! Eng emaw lum thup in ka kutphah hnung lam a rawn nawr rual chuan zawi zawi in ka awmna hmun chu a danglam tial tial a! Ka meng chhuak nghal hlawl bawk!

Ka awmna hmun chu hrethiam lo zet in ka melh kual a, ka mut mekna khum zau zet chu prof Msa khum ani tih ka hriat rual chuan ka thaw huai!

"Mate" Khum chu a che nghal dawt! Hlauthawn hmel zet a ka u'n ka biang a rawn khuap chuan chawp leh chilh in thil engkim ka hrechhuak nghal vek!

"U" ti chhuak țîau in a kut phah chu ka vawn hnan chawt! Pindan chhung zau zet a prof Msa vei kual vut vut pawh chu tawp chutin khum lam pan chuan a rawn kal nghal vut.

Inngaihtuah muk tih hriat zet a min melh ngurna te leh ka u sawi mai tur hre lo hmel te chuan ka țah a ti chhuak leh ut ut tawh.

"U, nangmah nen hian unau kan lo nilo a nih chu... Ka pa fanu ka nive lo.. Mahse, i unaunu nih ka chak a sin, ka nu fanu pawh... Mahse, ka lo ni ve miah silo" insum hman lo lek in ka țap chhuak nghal hlawp hlawp, rum chhuak hawk in ka u chuan min ban a, ka ban rawk rawk ani ber.

"Ka pa thusawi engkim kha theinghilh vek rawh! Ka farnu neih chhun, ka hmangaih leh ka duat em em i nih hi" ti nghut in a awm ah min kuah bet chawt a. Thinlung tawt zet in ka ţap hlawp hlawp!

Keipawn a farnu nih loh ka duh lo!

Mahse!

Ka pa khan tun ah tak engthil vang a khang thu kha sawi chhuak ta mai nge a nih ang? Kum kha leh chen a lo zep tawh! Kei ngei pawn inrinhleh ngaihna ka hriat loh khawp a a lo up beh tawh kha engthil vang a sawi chhuak ta mai nge maw ani ang le?

_/

"Kal ang le" ti sup in ka bek ah a rawn fawp a, ka kawngah a ban tha ngah zet chuan min kuah in a kut lehlam in pangpar bawr nalh zet a hum bawk. Kei erawh ka ruak vek! Ka kimlo va, mal intihna leh khawharna te'n min luhchilh a, min hmangaih ngawih ngawih tu prof Msa ka kiangah a awm reng chung pawn ka thinlung chuan eng emaw mamawh ngawih ngawih a nei! Ka nun chu a tuihal a! Chu ka nun tuihal lutuk leh rethei zet chuan eng ber nge a mamawh ka hre chhuak zo bawk silo!

Ni hnih a liam tawh a! Ka pianna damdawi in a record hlui prof Msa leh ka u in an hai leh vek hnu ah min hringtu ka nu hming ka hre ve ta bawk!

A hming chu a mawi lutuk, Zosangzeli. An phumna thlanmual leh veng te an zawng chhuak zung zung a, vawiin hian tlawh tur in kei leh prof Msa kan kal dawn.

"Hei hi anih hi" prof Msa chuan a ti sup. Thlan pakhat hma ah chuan min dinpui a, mi â ang mai a ka meng vai riai chu amah hmachhawn in min kuai her a.

"Bawihi, he thil hi kan fight chhuak ang ka tih tawh kha, min rinchhan loh chuan i chau telh telh mai ang" ti sup in a hmui lum in ka chal ah a rawn nawr tawk.

"I pangpar ken sak hi i nu pe rawh le" ti leh sup in ka kut ah pangpar bawr chu min hum tir a, thlan lung ziak fiah tawh lo zet hma ah chuan kun riai riai in pangpar bawr chu ka dah a!

"Nu... ka lo kal, kum 20 hnu ah chiah ka rawn tlawh che avang in ka tihpalh aw... " ti chhuak sep in ka nui lui a, ka biang a mittui lo luang thla pawh chu hruk buai ka tum peih lo. Ka nu nen kan inhmachhawn hmasak ber dan hi a lungchhiat thlak bawk em a tin ni!

"Lalhlimpuii.. chu chu ka hming anih chu aw, a nal i ti em? Vawiin khan keipawn i hming hi ka hreve chiah a sin! Nufa kan ni tih kan inhriatchhuah dan hian a ti lungawi lo ve tho che em?" ti chhuak halh in ka țap chhuak mai tur chu hmui ka pet nghal fan fan! Ka malna tizual tur a tan min lo boral san tawh leh zel mai hian min ti lungawi thei thlawt lo!

"Khawvel nunrawng zetin kan nufa chung ah ro a rel dan hi a fair lo tak zet! Nang lah chhungkaw sawi tur nei lovin vui liam i ni a, kei.. i fanu neih chhun lah in kum 20 hnu ah i thlan lung hlui tawh zet chiah i sual hnu rawn hmuh tur ka nei bawk.. a fair lo, a fair thlawt lo!" Ka insum theihna zawng zawng a puah darh meuh chuan ka nu thlanlung hma ah țhingțhi in ka tap chhuak ta hlawp hlawp!

Thaw chhuak ham ham chung a ka darah min rawn man tu awm ah chuan lo bei thlawp in ka țah khum a. Duat zet a ka dar a chul hauh hauhna te chuan ka lungchhiat a belhchhah zual sauh! "A thlan lung ah hian a hming chiah a chuang a sin.." ti țíau in prof Msa kawr awm chu ka țham ngawt ngawt!

"Thlan lung hi kan phun țha ang.."

"Aw, ka duh, ka.. miten fanu a nei tih hre ve rawh se"

"Chiang takin i hming a chuang ve tawh ang" ti sup in ka chal ah a rawn fawp vang vang a. Ka thinlung ipik mup chu eng emaw ti hian a veng deuh hawk bawk.

"Ka pi, i fanu hi nupui ah ka nei dawn a, țha takin ka lo enkawl ang tih ka tiam a che.. a pasal ka ni a nga, chutiang bawk in a nu leh pa ka ni bawk ang! I fanu neih chhun hi hmangaih takin ka lo enkawl sak ang che.. ka kut ah hlan i rem ti ang tiraw?" Nghet chur a prof Msa'n a tih chuan thaw ham ham in a awm ka ngheng a. Ka nu thlan lung chu melh ngurin thutiam namai lo tak tiam hmel pu chungin min kuahna a ti nghet zual sauh bawk!

JORDAN'S Pov

"Babe" pangchang zet a ti pah in Kimbawihi chuan ka ban ah a pawt a, lu ka thin khum nghut.

"I fair lo thei" tum bar in ka bul couch ah chuan a rawn țhu tau nghat, pub chhung ah chuan thluak nghawr dawt dawt khawp in DJ in music a play a. Țhalai rual tam zet an lam bu suau suau bawk. Naktuk hian Mizoram ah kan let tawh dawn vangin helam a kan țhiante nen inthlahna hun kan siam a. Kan training pui țha hnem tak pawh an rawn tel ve bawk.

"I duh chuan va lam ve rawh" ti nghut in dawhkan a whiskey no chu ka ban vut, Kimbawihi hmui ti sawi nang chu nuih suk in whiskey chu ka tlak pawp a, a tukhum ah man sak in ka pawt lawp, dimlo zet in ka fawp ngawr ngawr a, min chhang țha hle bawk

"Va lam rawh le, i țhian te pawn an nghak reng che" a hmui bul chet ah chuan ka phun sup.

"Lo lam ve mai tur che nia"

"Ka tupui ve lo tih i hriat kha" ti sup in a hmui ah ka liak zauh, a nui hak a, rei ngial min fawh leh hnu chuan amah lo hui sek tu te lam pan chuan a kal a. Ka thawveng huai! Lemchanna chu a zo e!

Lamtual thim mup leh smoke zam chuk chuk kar ațang chuan a khat tawkin kut min rawn vai a, atthlak ti zet a ka ner suk chang apiang in za zetin a nui hak hak zel.

Whiskey bur a mi chu glass ah inthlit belh in ice ka dah belh tur chiah chu kutțang ria sei sangin ice pickup na chu min rawn chelh khalh a, muang ruih a ka hawi chhuah chuan American nula chhelo zet Laura chuan mitmeng hur zetin min lo melh vam ham.

Khi suk in ice chu ka no ah dah tur in ka mit mei a, zam hauh lo a ka mitah tak min melh tlat in ice chu ka glass ah a rawn dah lut a. Thawk khat pap in glass chu dawhkan chung ah ka dah thla ruai ruai.

"Naktuk ah maw?"

"Yeap..."

"I ngaihawm dawn hle mai, kan inhmu leh tawh awm silo a" mitmeng awmze nei zet a min melh ralh in ka piah deuh ah chuan a rawn țhu a, kan training na ah hian khawthlang lam an tel ve nual, Laura pawh chung zing a pakhat chu ani! Țum eng emaw zah sex kan hmang dun tawh bawk!

Mawng khuh pha țawk a fual a kawr hak chuan a mal sei zet khawkher ah a țhut meuh chuan a pawimawh lai pawh a khuh phah hauh lo!

"Zan hnuhnung ber leh chhinchhiah tlak kan hmang dun thei reng a nia" mitmeng hur zet a min melh pah chuan a rawn ti sap.

Lam luih luih kar a Kimbawihi nui hawk hawk chu melh ngur in ka khi suk a. Vawi tam Kimbawihi hriat hauh lovin Laura nen hian kan inhmu fo, training kan zawm tirh ațang mitmei min hmuh tawh , an hnam tan phei chuan sex hi kuhva ințheh ang lek ah an ngaih ve miau avang in ka insum buai kual vel lo.

Sex a duh a, kei pawn a duh ang tho ka duh ve bawk, in khat ah ka hmeichhe duh miah loh nen a chen dun reng lah a ninawm thuai a! Ka tan a mi inphal tak an lo awm a, ka enjoy kha a sualna ka hre map lo bawk.

"Minute khat hnu ah min rawn zui ang che" ti sup in ka tho vut, a nui ri hak chu ngaihven zui tawh lovin mipui zi hut hut karah chuan ka inhnawh lut a, Kimbawihi aia in a zei daih a, nawmna vawr tawp lah min thlen nasa zawk! Zanin bak duhtawk in ka chet pui thei tawh dawn lo tih hre kur a, hun țha bawlh pelh chu ka tum hauh lo.

Kimbawihi'n a hriat ve kher erawh thil țul a nilo.

Light eng sen khui hnuai ah chuan zei zet in Laura chu a rawn pen phei a, thim chin ah bang ngheng in ka ding run, a bawp sei nalh zet leh var paw vau mai ringawt pawn chakna a ti chhuak hial a lawm!

Ka zawn a lo thlen chuan a kawngah lo man hrawk in pindan pakhat ah chuan ka nam lut nghal zat! Kawngkhar ah chuan nawr bet in a tukhum sam ah ka țham a, fawp teuh deuh a a hmui bul vel ka thawk khum ham ham rual chuan min mamawh zet in ka kekawr kawng a dap thleng der!

"I sawi ang a zan chhinchhiah tlak chu min siamsak han tum chhin ta che" ti sup in kawngkhar ah nawr bet chungin ka fawp ngawr ngawr, uar fahran a min chhang let chungin a kutțang sei sal chu ka kekawr chhung ah a zen lut der! Rum nghut in a lu chu hnuai lam ah ka nawr thla a!

A tihtur hai lo zet chuan ka jeans kekawr kawng chu a pawt kau nghal pawp! Boxer ațang a phawrh chhuak nghal a! "Zanin hi i theinghilh tawh hauh lo vang" hur hmel zet a min rawn melh chho pah chuan a hmawr chu a liak kual a! A tukhum sam ah țham in ka lamah ka hnuk hnai sauh.

Nui hak in a kâ chhung sa ham ham a a rawn hmum meuh chuan nuam ti zet in ka rum chhuak nghal hrawih!

Ka maimitchhing a, a fawp chak telh telh a, a ká chhung lum țha zet chuan min siam nuam tak zet!Ka maimitchhing a, Laura chuan duhtawh zual sauh in ka rum chhuak ta hawk hawk!

A sam ah chuan țham in ka phawi chhuak a, rum ham ham chungin a kam sir a b** luang ngiai ngiai chu a kutțang a nawr in cho zet a min melh chungin a fawp fai vek!

"Han bung bu teh le" ka ti sup, phur zet in a insiam rem a, a kawrfual chhing zet chu hlip chho hrawk in a thong lace dum chu sir lam ah ka pawt kau a, dimlo zet in ka nawr lut nghal vek!

Laura țe chhuak țhawt sam ah chuan țham in ka kuai dak awrh"kha kha nilawm ni i duh"

"Aw... Khawngaih in " a rak tung tawh. Nui suk in a sam sei zet chu ka kut ah ka vial a, Lola suangtuah chungin dimlo zet in ka d** nghal zawt zawt! Ka u nen an inru tih ka hriat țum khan ka â lo chauh! Thinrimna vangin ka sahlal a, rilrufim pu thei lo lek in chatthla hmak khawp in zu ka in bawk a nih kha!

Ka tum ang a hma a an inru thawm in min den tak a vang in ka plan engkim thlauhthla a chet rum rum duhna in ka khat a! An insawi țha hma ngeiin ka duh ang thal in ka che hman ngei tur a ni!

Laura taksa khur dawt dawt kawchhuang ah chuan a hma aia uar leh na zawk in ka z*** chu ka dep lut zawt zawt! Țe țhawt țhawt a a zawi hnawp rual chuan ka phawi chhuak a, a khurh nasa em vangin bang rinchhan in a tlu nghal hnawp.

"Mangțha leh Jordan'" khur dat dat in a rawn ti a, a vawr tawp thleng zo hlim hmel sen tek chu ka theinghilh mai mai tawh lo ang.

Ka kerkawr ka siam țhat hnu chuan kun hniam in a bek ah ka zen lut a; a beng ah fawp zauh in "ka hmeichhe f*** tawh chuan fu** i la nuam ber" ka ti nghut. A nui che dat a. Nui ve suk in a hmai bul chet ah ka melh nghal ngur

"In enkawl țha ang che Laura" ti sup in ka ding mar a, chu pindan chhung ațang chuan ka chhuak nghal vut bawk.

^

Kimkima message ka chhiar zawh rual chuan nghet zet in phone chu ka hum ngawt ngawt!

"I chiang em?" phone a chhan rual chuan ka ti thawr!

"Aw, Ka khawngaih e, Lalmatei chu ni 2 ngawt tuman kan be țawng zo tawh lo... a pa reng reng pawh ka haw lutuk, engtin nge kum hei leh chen hnu ah a fa anilo tih a hrilh leh hnuhnawh theih zawk le..." Lola khawngaih tih hriat zet chuan a rawn țap ti tih der! Kei ngei pawh ka thu hriat chuan min țhawng tak zet! Sawi mai tur hrelo in ka ngawi vung vung a! A pa thusawi in Lola a țhawn nat dan tur leh a thinlung kehsawm hmel tur ka mitthla ah a rawn lan rual chuan insehruh țeuh in cement bang chu ka hnek nghal chawrh.

Hman ațang tawh Lola a ngaihsak ngailo tih chu ka hria! Lola a dahpawnlawi zia leh a thlahthlam zia hmu ve vek tu ka ni bawk. A ngaihsak duh lo anih pawn ngawi rengin ngaihsak lo mai se... A fa a nih loh thu hrilh kher lovin...

Hrep a! An inchhung a Lola dinhmun kha tumah in an luahlan ka rem ti dawn hlek lo!

Lola hnen ah a fanu a nih loh thu a hrilh laiin, a thisen tel miah lohna hmeichhe dang fa a ngaihsak thei tho a nih chuan kei mah ngei in Lola aia a ngaihsak zawk hmeichhia chu ka dahbo sak ang! Lola seilenna inchhung ah fanu dinhmun chelh tur an awm a nih chuan chu dinhmun chu Lola chiah in a chelh thei! A aiawh tum tu apiang leh a dinhmun luahlan tu apiang chu thenfai hna ka thawk zel ang! Lalhlimpui hian a tuar tam tawk tawh! Fanu ang a a lo awm tawhna inchhung pa ber in a fanu a nilo tih a hrilh theih lai a, hmeichhe dang fa tho hmangaih a nih lai a hmuh chhung chuan Lola thinlung na a reh thei ngai dawn lo!

Mizoram kan thlen ni chuan Lola hmuh chakna in ka khat a! Mahse, inthup ka ngaih miau vang in Kimbawihi a putea te in ah ka drop hnu ah in lam ah ka let a, ka nu in min lo ngaih ve tawh bawk avang in a bul ah ka tal vel ta mai mai.

Ka u leh Lola an inruk chungchang te, Lola a mo nu a ni tur in a tih hlim zia thu te a sawi lai chuan thik zet in ka ngaithla a, ka pa leh ka u inkar țhat loh vangin inpui ah rawn inhruai haw lovin ka u nen in dang ah an khawsa tih te a sawi siam siam a. Kimbawihi nen kan inhualna a sawi kai leh zel chuan ka nin tawh em vang in chhuan lam siam in room ah ka luh san ta daih.

Ka pa leh Kimbawihi chhungte lam pawn innei tur ah min ngai nghet hmak tawh, pawi ka ti rih lem lo.

A tuk ah chuan Kimbawihi nen ka u in lam ah kal turin kan chhuak dun a, ka hmeichhe hmangaih ber leh ka u nupa ang a an cheng dun lai hmuh chu ka tan engtiang tak a harsa nge tih tuman min hriatthiampui hlek lo vang!

Ka u in ka hmel a hmuh rual chuan lungawi loh hmel zet in min melh nghal run, pawisa duh lovin a inchhung zau zet ah chuan ka pen lut a.

"U Ms i dam maw? Mo thar kan rawn lawm dawn a nih hi" phur zetin kimbawihi zawkin a ti lang lang. Ka u pawh mi â nileng ani bik lo, Kimbawihi chu nelawm zet in a bia a.

"Room ah Bawihi chu a awm, lo chho ula" kut ka hum ruh nghek. Kailawn ah ka u a chho a, ka ban bulah Kimbawihi chuah min rawn kuah in a nui sen sen reng a.

"I u te nen hian innei rual ila, țhian hran hman ngailo in kan inhmang tawn thei vek a nga" thinrim hlur in ka melh khui a. Kimbawihi lah chuan hrethiam hlek lovin a sawi zawm mial mial a!

Chatuan pawh in ka nupui i ni ngai dawn lo tih khum tawl ka chak kher mai!

Pindan kawngka lo inhawngsa ah kan inzui luh rual chuan ka insum theihna zawng zawng a bo duak! Khum chung ah taksa cher leh zawi zet a Lola mu ka hmuh rual chuan Kimbawihi min kuahna chu phelh nawk in ka pan phei buan buan a.

"pumpkin head" ti sup in a biang ah ka khuap hmiah, ka u leh Kimbawihi mitmei chu ka zahbuai peih tawh lo! A pa lawi lo zet thil tih vang a ka Lola na tuar hmel chu melh ngur ngur in ka thaw chhuak hawk!

"pumpkin head" ka tih leh sup chuan muangchang in a rawn meng chhuak a, ka hmel a hmuh thiam tak ah chuan a rawn nui nghal seih..

"In lo thleng tawh maw, ka lo muhilh sek a" a ti a, inbengkan a tum chuan rum nghut in ka nawr mu leh hmiah.

"Khawnge in nu pawh chu..." ti in a hawi kual thuak a, kei erawhin a lak ațang mit ka la sawn thei bau lo! Hetiang khawp a taksa chau a siamtu hi ka rul let lo anih chuan Zohmangaiha ka ni lo ang!

"Khatah khan ding reng mah ta che" ti țîal ran in kawngkhar lam chu a melh a. A nui bawk.

Muangchang a ka va hawi phei ve chuan chetsawn nachang hrelo lek in Kimbawihi chu kawngkhar bulah a ding khawng reng! Hrep a! Lola biang ka khuap na chu thlah thuai in khum ațang chuan ka tho a. Rilru nat hmel zet a min lo melh ngar tu chu mamawhna neilo niila chuan ka buaipui zui teuh lo.

"Lo lut ta che, Lola damlo sawn i zungbun te kha a hmu chak a lawm" ti sup in a ban rek ah ka kai a, kan let leh chuan Lola kiang ah ka u chu lo țhu tawh in Lola pawh khum lu ngheng a ka u țhu awm ngheng chuan a lo țhu chhuak ve tawh!

Kimbawihi zungbun chu phur zet in a enkual sak a; engtik nge kan insawi țhat dawn tih min zawh chuan "a hma lam ah" ka ti nghut. Ka u ngawi ngul rilru chu a hmin zo a ngem ka hre hauh lo.

Kan haw tur chu kawt thleng min thlah a.

"Inenkawl țha ang che" ti sup in a sam ah ka chul thuak; ka u nen chiah a he in ah cheng dun tur a ka hmeichhe hmangaih ber kal san erawh hremhmun kawng zawh ai daih pawn ka huphurh.

"Dawn chiang" a nui a, a ţap tam tawk tih hriat zet a a mit bui lak te leh taksa cher dak te chu en kual dun dun in a sam ah bawk ka chul leh a! Ka thinlung chuan kuah a, duat tak a a sam ah chul sak a chak a sin!

"Tuman i dinhmun an luahlan ka rem ti hauh lovang" ti sup in a dar ah ka hmer salh. Hrethiam lo zet a min en chho ha chu ka u leh Kimbawihi mitmei ven ngailo nise a chal ah tal ka fawp ang!

"Tuman an luah lan hauh lo ang che" kan pahnih hriat tham lek in ka ti leh sup, mit meng buai nak a min en chuan nui lui suk in ka tawlh hnung a.

"Jordan, naktuk ah min rawn hmu leh ang che" veranda ațang ka u rawn chhuk thla chuan Lola kawngah intineitu zet a kuah in a rawn ti nghut

Buk khum khut in car bul a Kimbawihi lo ding reng tawh sa chu ka pan a, Delhi ah kan awm chhung zawng khan ngaihțhat lohna a nei tawh lo! Tun ah erawh a mitmeng a buai ta nak a, min en chik ta hle bawk!

Lola's pov

Door bell ri vang in kawngkhar a pawn lam enna ațang chuan pawn lam ka bih dak dak a. Kawngkhar pawn ah Jordan-a lo ding reng ka hmuh chuan mak ka ti kher mai!

"Hetah i lo kal maw? Prof Msa khan caffee ah zawk in inhmu dawn a ti sia" kawngkhar ka hawn rual chuan ka ti nghal thawr. A lo nui suk chu hrethiam lo zet in ka en a. Hna chungchang sawi dun an ngaih vangin caffee lam ah Prof Msa pawh a kal daih tawh.

"Tinge a?" ka ti leh hu.

"Ka hmu chak che a" a ti a, a vei nuih suk bawk.

"Hummm, min ngai a ni maw?" Atthlak tih hmel zet a hawi sawn in a ner suk.

"Min ngai viau mahla i u in caffee ah a nghak tawh che! Dawhtheihna a tlakchham zia chu i hriat kha... kal vat rawh" nui hak hak in ka ti a, ka kekawr a ka phone ah chu a rawn ri ve chiah bawk.

"Lalnuthiangtei anih hi.." ti nai nai in ka pick up nghal a, Jordan erawh Bruno pawn chhuak ve chu țhut chilh in a lu ah a tuai sak thuak thuak a

"Nu Thiangte, engkim a țha maw?"

"Lola, Becki a accident a, tunah hian a thi nge a dam tih pawh a hriat loh, Tanhrilh dai ah car in a tlan liam ani awm e!"

"Maw?" ka ti deuh tuar

"Kham sang lai takah a ni bawk si! A lum na lam ah a car pawh a chhe sawp hneh viau an rawb tia... i pa te pawh an chiai khawp mai.." a rawn tih chuan nimin a Jordan thusawi kha ka hrechhuak zawk!

Ringngam chiah lovin chhuat a Bruno chhaih a Jordan țhu run chu ka zuk melh a! Muang zet a min rawn en in a khi suk anih chu!

"Lola.. i la awm em? "

"Ka.. nu Thiangte nakin ah ka rawn be leh ang che" ti bah nawk nawk in phone chu ka ti tawp a muangchang a Jordan lo ding mar ruai ruai chu tha khur dat dat chungin ka tawlh hnun san rawk rawk.

"I tih.. ani em?"

"Tuman i dinhmun an luahlan lo vang ka tih tawh kha" ti sup a ka hma ah tak a rawn din nghal run chuan rapthlak ti zet hian ka melh chho kawk!

"I ring dik, a car brake ka tih chhiat sak, i pa in a fanu dik tak i nilo tih i hnen ah sawi in a thisen kai miah lohna hmeichhe dang fa ang maiin a enkawl ang maw... Chuthil chu thleng turin i duh lo.. nilawm ni?"

"Jordan"

"Lola, khanu khan i ai a awh ka rem ti hlek lo! Ngaihthah i nih laiin i chan ai ngaihsakna a dawng bik ang maw? Nilo e! Chuthil chuan a tihna tak zet zel che tih ka hria alawm! I pa lak ațang ngaihsakna leh hmangaihna i dawng lo a nih chuan ani khan a dawng bik miah lo ang!" Ti sup in ka dar ah a rawn hmer a. A chet dan chu rapthlak ka ti bawk si! Min țhawng lutuk bawk si nen ka chawmawlh vek!

"Hahdam deuh in awm rawh, ka kal dawn nia" min nuih suk in a inher vut a, a car hunna lam pan chuan a kal nghal nal nal.

TETAKTEI Ch 40 By Abbra Reo Ririni Khiangte(PitarteiSualfingi)

Post May 6th, 2020, 8:51 pm

NC11K kha a bu a tih chhuah ani dawn a. 😘 Ka chhiar tawh hnu mah nise a bu a kawl ve hrim hrim ka duh e ti kha chu ka hnen ah a in report zel thei e.

Storyfb comment ah leh ka fb mimal group ah i in report tawh chuan ngaihțha deuh in awm la, kan chhinchiah tawh che aw. Whatsapp leh IG lam pawh ngaițha deuh in awm ula. Hmun khat ah chian in report tur a nia. ❤❤

Tam tak chhut tir kan tum lova, special edition kan tih kher chhan pawh inchhiar tawh hnu a ni a, lei duh inawm mang pawh kan beisei ngam lo. Mitlem te tan chuangliam awm lovin tihchhuah ani dawn a.

Website ațangin Nc11k story kha lakthlak ani dawn bawk. Hei hrethiam lo tam tak kan awm a. Mahse, a bu in hlut a hlawh nan ziaktu dang (mizo/hnam dang) pawn internet lam a an dah hi an la thla țhin a. Chhiartu lamin min hrethiam rih hram hram dawn nia u aw. ❤❤❤

TETAKTEI

CH 40

Jordan thil sawi awmzia chu ka ngaihtuah zawm nghal zut zut a, ka thin a rawn phu dawt dawt a, chetsawn nachang pawh ka hrelo!

Pawi tihna leh inthiam lohna nei miah lovin Beck-i car brake a tih chhiat sak thu a sawi! Nu Thiangteii'n Becki accident thu leh a dam chhuah pawh a beisei awm loh thu a sawi bawk!

Chu pawh Beck-i'n ka ai a awh a rem tih loh vang mai leh nghal in!! Ka taksa chu a mur chuai a, ip chawi chawi in ka inthing harh nghal nawk!

"A ti tak tak lo ang" ka ti chhuak sep a, phili leh mangang zet in ka thaw chhuak hawk bawk! Mahse, Jordan hmel ah khan fiamthu thawh hmel ka hmu lo! A awmzia chu keimah vangin Beck-i thah mai pawh a pawi tilo tihna!

Ka taksa rawn lum pup pup leh khawchhung khur ru vang chuan ka thawk a rang vek a.

Ka sam chu chhip lam ah tuai chho puat in car kawngkhar pawt hawng a Jordan táwi khawmuang hrut chu hlauthawng zet hian ka va melh a. Amah pawh chuan hawi let a min rawn en ve chiah avang in ka kimki deuh chawi mai! Chechang lovin car kawngkhar chelh run chuan min melh ngur a, a chet dan in min shock zia chu a hria anih pawn pawi ti hmel a pu țháilo!

"Bruno kha luh pui rawh" a rawn tih sup chuan thaw hawk in ka tawlhhnung deuh dawrh a, ngeiawm zet a vei nuih suk in car ah chuan a țhu lut nghal vut. Kei erawh hlauthawnna nasa zet in min zim mup mup thung.

Kawtzawl ațangin a tlan chhuak chiah tih ah rang lutuk hian Bruno chu inchhung ah ka nawr lut nawk nawk a, kawngkhar chu nam phui leh chawrh in kawnghar ngheng chuan ka thaw chhuak kawk kawk a. Becki accident chhan hi Jordan ruahmanna vek ani tih hi puan chhuah tur nge zep pui tur pawh ka hrethiam lo!!

Min chhan vangin Becki kut a thlak tawh tih chu ka hria! Mahse... tun a thil thleng mek hi kutthlak satliah nilo in thih theih phah na a ni! Ngaihtuah thui ngam lo in ka ip chawi a! Thawk chelh ngar ngar chung chuan nu Thiangteii thusawi kha ka ngaihtuah let a, kham sang ah a lum thlakna vangin car pawh a chhe sawp hle a ti anih kha! Chutiang thil rapthlak lutuk chu Jordan'n a mihringpui chung ah a ti duh ang tih hi rin ngaihna ka hrelo!

"... Becki a accident a, tunah hian a thi nge a dam tih pawh a hriat loh, Tanhrilh dai ah car in a tlan liam ani awm e!" Nu Thiangtei thusawi hlauthawng leh thinphu dup dup a ka ngaihthlak lai khan inthiam lohna nei miah lovin min en cheu bawk!

Rilru buai zet in kawngkharpui bul vel ah chuan ka vei tawn sek a, thil thleng teh nuaih hi ka hrethiam rih lo! Becki chu a thi a ngem? An nufa hian min lawm ngailo tih leh ka țhatna tur an duh ngailo tih chu ka hre hnehsawh lutuk! Mahse, keimah vang a nunna chan tur in ka dah chhin ngailo.. ka dah chhin ngailo tak zet! Police te'n a accident chhan chiang zawk in chhui ta se, Jordan-a an man chhuak a nga... aw Lalpa! Rum chhuak hak in ka chhip sam chu ka țham tlawk tlawk, Jordan an man anih chuan awlsam takin keimah vang a ni tih tupawn an ring thiam nghal vek ang! Hetiang thil rapthlak lutuk hi keimah vang in ngatinge a tih leh! Mi nunrawng tawpkhawk te chet dan tur a ka lo ngaih țhin kha ka best friend ngeiin keimah vangin a ti ta mai chu a nia!

Thawk ipik zet in ka thaw chhuak vak a, ka ven phah der lo!

Prof Msa hnenah engkim ka hrilh vek ang nge.... lu thing nawk nawk in chhuat ah ka țhu thla hnawk a, prof Msa'n a hria anih chuan Jordan chan tur a rapthlak dawn lutuk! Mahse, ka hrilh lo a, amah in a hrechhuak anih chuan kei leh Jordan hi min ngaidam thei tawh ngailo ang! Rang zet in ka phone hum lai chu ka hmet eng pap a, prof Msa number chu hmet chhuak in call ka tum a. Mahse, beidawng lutuk hian phone chu ka malpui ah ka hmet bet leh thlawt! Jail ah Jordan a luh phah dawn! Chutiang thil chu ka țhianpa chung ah ka ti thei lo!

Rilru siamfel dan tur ka hrelo lutuk chu ka ţap deuh thaw tawh! Ka mitthla ah Jordan a lo lang a, Becki car brake a tih chhiat sak thu a sawi lai hmel leh ka hriat țhian Jordan hmel kha thuhmun ani pawh in ka hre tawh lo!

Chutia ngaihtuahna buai nuaih leh rilru mumal lo zet a melh ngai melh a ka țhut tlawk tlawk lai chuan ka phone a rawn ri thut a, ka hum lai reng pawh nise nasa zetin ka phu dawrh tho!

Ka awm ah kut nghat a, thawk ka lak ham ham hnu chuan phone chu ka la kang riai riai a, screen ah prof Msa hming a lo lan rual leh lek phei chuan mangan thlak khawp in ka lungphu a su nghal dawt dawt!

Engkim a hrechhuak tihna em ni? Lu ka thing nawk nawk, aw thian kharh kharh in ka thaw vak phawt a. Jordan ka biak leh hma chu engmah ka sawi chhuak tur a nilo.

"Hello" ka ti sep, ka aw khur erawh ka thunun zo lo.

"Bawihi" prof Msa aw pa leh thum dup chuan a rawn ti sup, kei erawh thawk pawh ka thaw țha ngam lo.

"Becki chungchang kha i hria tiraw?" a rawn ti hniam ruih, chawplehchilh in ka kawchhung a so phul bulh bulh a, a thi tih na em ni? Chiang zetin Jordan-a hmel ka hmu nghal zawk bawk nen ka țhu tawm nghal chawi ringawt!

"Bawihi?" Prof Msa vek chuan a rawn ti sup, min man chhuah ka hlau bawk si nen nghet zetin kut ka hum ruh nghek a.

"Ka.. ih, nu Thiangteii'n min lo hrilh a.." bah zet hian ka ti a, ka rilru erawh chuan "a thi em ni?" tih ka sawi nawn tluk tluk, prof Msa chu a thaw deuh huai a.

"Kham ațang a la chhuak tawh a, a ngaihtuah awm viau ani awm e, damdawi in ah an tlan luhpui nghal. Chuan.." a ti sup, chutih lai tak chuan door bell a rawn ri thut a, ka zuang dawrh teuh kher mai.

"Bawihi, Jordan anih ka ring, a rawn hruai dawn che a nih kha" prof Msa a rawn tih sup chuan hlauthawng zet in ka nghen mek kawngkharpui chu ka melh phawk nghal dawrh.

"Chanchin ka hria a, Jordan kha min hmutur a lo tlan mek ni mahse ka rawn tir let leh anih kha"

"Aw.. aw le.."

"Damdawi in ah kan inhmu dawn nia" hriat nuam zet a rawn ti sup in phone chu a ti tawp a. Kei erawh ka tha khur nasa lutuk tih reh nan mitchhing in ka thaw chhuak ham ham. Hengthil zawng zawng thlen chhan hi Jordan vang ani tih hriase a rawn tir let hauh lo ang.

Chhuat ațang chuan muangchang a ding chhuak in kut tha khur dar dar in kawngkhar herhhawnna chu ka hum a, Jordan chu engtiang a lo hmachhawn tur nge ka hrethiam tawh lo! Ka hriatpuina tel miah lovin keimah vangin hmeichhe pakhat nunna a tan a pawi lian tham lutuk a khawih a, chu a thil tih zawng zawng chu engkim a thlen fel tir vek hnu ah min hrilh ve chiah! A thil tih engkim hriatpui tu ka ni tawh tihna anih chu! Hrechhuak tu an awm anih ngat chuan....

Ngaihtuah zawm duh lovin kawngkhar chu ka pawt hawng pawp a. Inkuangkuah run a Jordan'n lo ding chuan uluk zet hian min lo en nghal run bawk. Chuan, tun a Jordan hi ka ngaina tawh lo! Ka țîh deuh tlat tawh!

Ngawi rengin inchung ah ka tawlh lut a, chik zet a min melh ngur chungin Jordan pawh a rawn lut vut.

"Kawngah ka tlan laklawh laiin ka u in min rawn bia a" a ti sup, tha khur dar dar a kawngkhar ka nam phui inher let chiah chu ka hma ah tak a rawn ding nghal run bawk.

"Becki kha..."

"Vaduaithlak takin a thi lo.." ti sup in a ner sawk a nih chu! Rapthlak ti fê hian ka melh tlawk tlawk, inthiam lohna pakhatmah a hmel ah hmuh tur a awm chuang lo! A mize danglam ta lutuk chu mak ka ti lutuk!

"Damdawi in ah an beisei ve dawn che nia"

"Ka.. hria, ka han inthlak ang, lo awm rawh" ka ti a, a mitah pawh en țha ngam lovin ka kal pel tur chiah chu ka ban rek ah a rawn man chawt! Na zetin min pawt let lawp a.

"Jordan" ka ti nghal tuar. A taksa si duh lovin ka tawlh hnung nghal dawrh bawk. Ka chet dan vang chuan natna ni awm tak a mitah a lo lang chhuak zawk a. Min din hnaih nghal hrut in ka hmai bul chet ah a rawn kun hniam nghal khun bawk.

20200204_023022.jpg

20200204_023022.jpg (27.53 KiB) Viewed 15184 times

"Lola, min hlau maw?" ti sup in ngeiawm zet hian a nui suk a, a nghawng a thisen zam lo pawng chhuak țawlh țawlh ka hmuh phei chuan mihring hran daih ka hmachhawn ni mai hian ka hre tawh.

"Min thlah rawh Jordan" inchhung ah hian cctv a awm vek, hetia kan inchaibuai lai hi prof Msa'n cctv a check let hun ah a hmu a nih chuan zawhna a ngah dawn lutuk, "min thlah rawh ka tih chu" ti tuar in ka hnung tawlh dawrh. Ngeiawm zet a min nuih suk pah a ka kut thlah vut tu chu rilru buai zet hian ka en a. He Jordan hi nakin zel ah pawh ka tan a hlauhawm thei dawn in ka hretahial mai!

"Jordan, i thil tih... eng nge i hriat a? Mawh? ngatinge.. car brake.. Aw Lalpa, Jordan police in an man che i hlau lo em ni? I thil tih engkim chhui chhuah a nih rual in ka pa pawn ka inrawlh ve ah a ngai vek dawn, chu thil chu i hrethiam lo em ni?" rilru ipik zet in țawng rin hlau bawk si hian ka ti chhuak nawk nawk.

"I inrawlh ve lo tih kan hre ve ve" a ti sup. Awi lo lutuk leh beidawng zet hian ka melh chho dawrh a.

"I â tawh! I â tawh tak zet! Ka inrawlh ve lo! Mahse maw he thil thleng hi i tih ani tih an chhui chhuah rual in i thuralpui ah min ngai nghal vek ang" thawk ipik zet hian ka ti tuar. Ka chhungten min ngaih dan chhe țhin lutuk hrechiang ber tu a ni a sin!

"Hahdam rawh ka tih kha" a ti hmuk, min kal pel thuak in țhutkhawmna lam a pan vut a nih chu! Kei erawh ka țah a chhuak ut ut tawh! Chetsawn nachang pawh ka hre lo! A thil tih ani tiin ka țhianpa hi police kut ah ka hlan ngawt thei lo! Mahse, engkim ka thup pui hnu ah thudik lo lang chhuak leh ta si se... huat rawn ka ni leh a nga, an thisen zawmpui ka ni lo tih ka pa in a puang chhuak vek tawh bawk nen ka chan tur chu a rapthlak dawn lutuk! Engkim thlen tirtu Jordana aiin ka chuang a an thinurna a nasa zawk daih dawn! Chung zawng zawng ka ngaihtuah thlen rual chuan ipik țún chungin ka mittui a rawn tla ringawt a!

"Tuinnge hetiang thil ti tur hian hrilh che?" Couch a Jordan țhurun chu țah insum zetin ka melh tlawk tlawk. A ngawi ngul a.

"Maw? Hetiang thil rapthlak lutuk hi ka tan a titur in ka hrilh che em? Hetiang thil i tilo chung pawh hian ka nun hi a buaichuar tawk tawh a sin Jordan.. engvang a tinge i nih?" țah chhuak țun chung a ti tawn tawn in ka pan phei a.

"Beck-i hi engvang a thah tum nge i nih?" Ka ti leh tuar!

"Engvang a tinge ka nih i hrelo maw?" ti vin tuar in a rawn ding ve ta vut, "i tan, i tan a ti ka nih hi.." bung nghut a tiin a thaw chhuak hrawk. Ngeiawm zet a nui chung hian ka melh chho a.

"Becki hi dah bo turin ka ngen che em? Ngatinge i inrawlh lohna tur ah i lo inrawlh ve a?" thinrim lutuk a ka tih leh tuar chuan Jordan hmel chu a thim mup ni ber hian ka hria. Thinrim tih hriat zetin kut a hum ruh a! Mahse, ka hlau duh biklo, hetiang thil rapthlak lutuk ti a, buaina ah min hnuk lut lo chung pawh hian rum pui tlawk tlawk khawp buaina leh harsatna ka nei tam tawk tawh!

"I tan a hnawksak apiang chu keiman ka chingfel zel ang" ti chhum hmuk in couch ah chuan a țhu tla dawt, rum lutuk hian ka melh ngawt ngawt a.

"I duhphawt chuan police kut ah min hlan rawh" couch nghenchhan ah a ban pahnih khamphei duai chungin min melh ngur a nih chu!

"Ka thil tih engkim hretu i ni, i duh chuan police kut ah min hlan thei ang" ka rilru zawng zawng hretlang vek thei ang hrim in a kiai tel suk bawk.

"Good, Police kut a min hlan chu i duh lo.. a chhan chu maw, nang hian Jail chhung ah hun hmang turin min duh lo! Ka hreawm i duh lo Lola, keipawn chutiang chiah chuan hreawm i tawrh ka duh lo! Ka phallo bawk, i tan a mi hnawksak leh i dinhmun luah tum tu apiang chu ka thian fai zel ang!" ti bung nghut in a țhutna a țang chuan a rawn ding chhuak leh vut.

"Jordan..." ka tawlh hnung dawrh chu lu min thin khum nghut in min pan hnai zel tho.

"Jordan" ti ve sup in a nui suk a.

"Jordan, nangmah chiah hi tunah chuan ka nei tawh che ti a i sawi kha i la hria em?" sehchilh zet hian a ti hrawk. Thaw chhuak hak in hmui ka pet a! Ka la hria, ka la hrechiang lutuk, ka u pawisa a bo vangin ka u te nupa in min ringhlel a, khami țum khan Kimkima hrai ruih a, kham sang tak hmun ah inhruai tir a, intihhlum daih duhna rilru ka pu hial a, a tuk ah nilengin ka nu thlan min cheipuiin Jordan leh Kimkima ka kiang ah an awm a, car chhung ah fiahna a nei anih loh chuan min ringhlel ve ngailo tur a hrilh in ka țah khum bawk..

Heh pet fan fan a ka bu nghat chu a ban rawn lek chhuak vutin a thaw chuak huai mai, a kutphah lum thup pahnih chuan ka biang a rawn khuap a.

"Kha thu i sawi țum khan keimah leh keimah thu ka intiam tawh, keimah chiah lamțang nei hmeichhia hi ka venghim ang, a ber ka nih tir zel ang tiin thu ka tiam tawh" a ti thuk ruih, beidawng zet a ka en chuan hman a min venhim tum tlat tu Jordan kha ka hmu thei a, min nuih lui suk in 'hahdam rawh' ti ang hrim hian mit a khap muang raih bawk.

Ka tan engkim a huam tih chu ka hria, ka mangan lai ber pawn ka kiangah a awm țhin a, min zawng zawngin rinhlelhna te nen min thlir țhin lai pawn ani chuan min ring pumhlum țhak țhin anih kha.. mahse.. a kut vawn hnan a ka pawh thlak sak dawn chuan rum hrawih in amah en turin min kuai dak zual sauh

"Lola.. khatiang khan min en hlek suh, engkim hi i tan vek a ti ka nih hi" sehchilh nawk a ti a ka chal rawn nawrsik a tum rual chuan ka kut pahnih in a awm ah ka lo nam dawt.

"Lalhlimpui.."

"I u inchhung a nih hi" ka tih sep a, Jordan chu ro zet hian a țhen suk.

"Khawngaih in Jordan.." ti halh a ka en chuan insehruh țeuh in ka biang a khuapna chu a la thla vut. He inchhung zau zet ah hian CCTv a awm vek a, ka pasal awm loh laiin a u naupa nen inhnaih tak a kan ding dun lai hi video en let leh tu an awm a nih chuan ka chhiat phah vek theihna tur a ni tlat.

"Insiam rawh, kan thlen har lutuk chuan ka u ngaih a lo țha lo ang" a ti nek, inher vutin couch lam ah bawk a let phei vut.

Ka tha khur dar dar mai tihreh nan chuan ka kut ka hum ruh a, chunglam melh chho ralh pah chuan ka han thaw chhuak ham ham a, hethil hi a thleng lo angin ka ngai tur ani! Ka țhianpa hian a theih tawp chhuahin min venhim a tum a, ka hreawm tuar lai hmuh a duh lo bawk, a thiam ang tawk in min ti hreawmtu chu min lakkian sak a tum ve na ah ngaiin thil thleng engkim hi hrelo angin ka awm tur a ni.

Engkim prof Msa'n hrechhuak vek ta se!

Ka kawchhung rawn ipik nghal chur chu duh lovin ka thaw chhuak hawk a, duhdah zet a couch a țhu a min lo melh run tupa chu chiang zet in ka zuk melh a.

"Jordan, hethil thleng hi a tawpna nirawh se aw" ka ti hap, mitmeng hriatthiam harsa zet a min rawn melh in a bu nghut a. Ka thaw huai!

"Kan pahnih thuruk ni rawh se" ti vawt ruih in couch nghenchhan ngheng chung min melh rún a. *thuruk* tih thumal chuan engtin maw hian min fan.

"A tawpna.. a tawpna anih dawn phawt chuan... ka zeppui ang che.. mahse, i u in engmah a hrechhuak tur a nilo" bah niai a ka tih chuan nui suk in lu a lo bu nghut a.

Kut tha khur ru der der in kawrfual ka la chhuak a, a chung a ka hak tur cardigan la chhuak tel in khum ah ka dah pharh a.

Becki chung a thil thleng chu ngaihtuah loh lui hram hram ka tum ngial pawn kham sang zet ațangin car a a lum thlak laia a thlabar dan tur leh thisen chhuah nasat dan tur ka mitthla ringawt pawn ka ţîm uai uai a. Mahse, a thi em hleinem tiin ka inhnem a, kei chuan an nufa vangin nu ang a la lo en, min hmangaih em em tu ka chan phah a! Kum eng emaw zah an nufa hmuhsitna leh diriamna ka tuar tawh bawk! An nufa dawt phuahchawp vangin vawi tam ka pa kut ka tuar phah fo! Mi zawng zawng in min hmuh nikua loh phah a, nawmsak an duh luat vangin kan chhungkaw nun hremhmun ah an rawn chantir a, kan chhungkua kan kehchhiat phah vek bawk! Tuna a chung a thil thleng nen hian a inrul tawk ni mai rawh se!

Ka ngaihtuahna chu rapthlak ti zetin ka kawchhung a mur chuai! Mahse, lu thing nawk in wahsroom ah ka tlan lut a, hmai ka phih sawk sawk a, towel a hmai huh ka hruk mawlh mawlh lai chuan ka chhungril a țang 'prof Msa lakah i thuphlen thei ang maw?' tih hi chiang zet in a rawn ri chhuak a! Nasa mangkhen in ka lungphu a ri nghal dawt dawt.

Towel chu nghet zet a hum nghek in ka rum chhuak hak!

"Lola, i â tawh, i â tawh tak zet!" darthlalang a keimah chu in melh in ka phun mawlh mawlh.

Prof Msa', a hrechhuak anih chuan hmeichhe rapthlak tak leh keimah vang a nunna chan lo awm pawh nise pawi tihna neilo ang ah min ngai ngei ang, min kalsan phah hial mai thei! Thaw hak in towel chu suk tur bawm ah ka vawm lut a! A hreve tur a nilo! He thil hi chu kei leh Jordan thuruk a ni kumkhua tur a ni! Ka nun a thuthlukna ka siam tawh a pawi ber a ni hial mai thei! Mahse, Prof Msa emaw.. midang tupawh in Becki lakah hetiang thil thlen tir tu dik dak hi an hre tur a nilo!

Damdawi in kan pan a, kawng tluan chuan biak pawh kan inbe numal lo, a changin thawk ka lo ip leh ngar ngar țhin a. Damdawi in kawr ah car a tih din dawt rual chuan car kawngkhar hawnna ka vuan a.

Rang zet hian Jordan chuan ka ban rek ah a rawn hmer chawt. Phawk zet a ka en chuan phun hluk in min hnaih nghal hrut.

"Hahdam deuh in awm tum teh Lola, khatiang hmel i pu anih chuan nangmah leh nangmah i in talawk mai dawn sin" zawi sup hian a rawn ti nghut. Thaw chhuak ham ham in lu ka bu nghat a.

"Hahdam rawh, police in chhui hrep pawh nise min chhui chhuak ngai dawn lo" ti sup in ka kut chu a thlah a.

Damdawi in kawt ah chuan mihring an lo zi nuaih nuaih a, kan veng YMA hruaitu te leh kan veng chhung mi tam tak ka hmu bawk. An sawi dan ațang chuan Becki chu a dam chhuah ring an awm mang lo! An phun ri mur mur te chuan ka tiril a fan a. Mahse, engmah thleng lo ang mai a hmel lan dan pangngai zet a Jordan ber a lan miau vang chuan intihahdam lui in kan veng YMA hruaitu pakhat in vengva zet a ka chhungte awmna min kawhhmuhna lam pan chuan ka kal ve zel a.

Thisen a hloh nasat vangin thisen pe tur tam tak an lo kal khawm bawk.

ICU pawn ah ka chhungte chu an lo awm țhap a, Muani chu lungchhe zetin a țap hlawp hlawp reng a, ka pa in a kuah bawk, an chhung hnai țha hnem tak lo awm țhap te chuan kei leh Jordan inzui phei chu tawite in min lo nuih sak hlawm a.

"Eng nge chanchin?" Jordan chuan a ti sup. A inthunun thei bik lutuk chu awt ru zet in a bulah ka ding ngawi ran mai.

"A sawi mai theih rih lo... aaa, Pathian leh doctor te kut ah kan innghat tawp a nih hi" Becki putea chuan a ti ban churh, Jordan chu a bu nghut a. Eng eng emaw Becki putea nen chuan an sawi dun a, an bulah ding ve reng mahila an thusawi chu ka hre mumal lo.

Lungchhe zet a Muani țap hlawp hlawp ka hmuh chuan ka chhungril hi thinrimna leh natna in a rawn hnawh tup tup a! A mittui tla te chuan ka chhungril sa hal hut hut chu a ti hahdam tlat nia mawle!

"Beckte, ka fanu duat, ka lainat che e mai..." tiin a rum tlawk tlawk a, ka mitthla ah ka nu ruang kil a thinlung kehsawm vek a ka țhu ngawi tlawk tlawk lai kha a rawn lang daih!

Keipawh khan rilru nat luat vang a ka nu boral kha ka lainat ve a sin!

"Khatiang chiah khan nangmahni vangin ka lo țap ve tawh! In hur sual vangin ka nu ka chan tawh, nangte chu i la vannei a lawm, i fanu hi a la thi ve em hleinem?" ka rilru chuan ka ti mawlh mawlh.

Mihring rilru lo chhiat theih zia chu keimah ah hian a langchiang ber hial ang!

"Thisen chu kan mamawh ang kan nei thei tawh e" ti sup ri vang chuan thaw hak in Muani lak ațangin mit ka la sawn a, ka u leh YMA hruaitu pakhat chu kan bul ah a rawn ding chawpchilh ve der.

Ka u chuan min rawn hmu a. A hmel thim mup ah chuan thil thlengin a țhawng ve tak zet tih a hriat theih.

"Mate, i lo thleng tawh maw? Msa pawh thisen pe tu tur ngaihven in a vir buai rih a nih kha" a ti sup, ka lo bu mawl tawp ringawt.

Muani te nufa thil sawi kual peih lutuk vangin ka u nen kan inkar pawh a hla hman viau a nih kha, Becki lah mite fel tih zawng a awm a thiam in ka u nen pawn kei ai daih in an in hnaih hman a, tun a Becki chung a thil thleng pawh hian a țhawng hle ang tih ka hria. Kei ai pawh a lo ngaihsak leh a lo duat hman tawh kha ani tlat a!

Ka ngaihtuahna vang chuan ka insehruh țeuh. Hetiang thil Becki chung ah a thleng hi pawi tihna ka neilo telh telh bawk! Ka rilru chu a chhia tiin rapthlak min titawk an awm mai thei! Mahse, kan chhungkaw nun ah an nufa an lo lan ațang khan ka nu in a pasal a chhan a, keiin pa... ka nu ka chan leh a, ka u leh zel pawh ka lak ațang la hrangin kan unau inkar ah hem an thlak a, ka tuar tawhna zawng zawng ka ngaihtuah let chuan nuna em chan lova hetia hliampui a tuar hi a chan ve tur reng ah ka ngai ta tawp!

Ka chhungril a rilru chhe zet zet rawn in lar tup tup chu ka lan chhuah tir mai ang tih hlau in eng emaw chhuan lam siam in ICU bul vel ațang chuan ka kal hrang ta daih a.

Show post links

Top

Abbra Reo Ririni

Post May 6th, 2020, 8:53 pm

Dawmdawi in tula a mihring zi nuai nuai kar ah chuan ngawi rengin țhuna ruak ah ka va țhu a, Becki chu tupawh in an ngaihven ni mai hian ka hria. A țhenin an lainat thu te sawiin kham sang lutuk ah khatiang khawp a thui a lum chung pawn a dam chhuak thei cheu chu mak an tih thu te an sawi mawlh mawlh hlawm a, Muani lam hnai lah hmuh tur an awm zut, keimah leh keimah inkhawngaihna in min rawn fan, mite chu nu leh pa an neih tawh loh pawh in chhungkhat laina hnai belh tur dang an la nei tal a, harsatna an tawh chang pawn ințanpui tawnin an inthlamuan tlang a!

Keive chu keimah tawp ka ni tlawng! Min hringtu ka nu diktak leh nu ang a ka lo en țhin te an boral ve ve tawh, a thisen zawmpui ka nih loh thu ka pa meuh in min sawi khum a, a awmzia chu ka lakah mawhphurna lak țul a ti tawh lo! Chhiat tawk ve ta chiah ila, keimah vang a lo kal khawm tur chhungkua sawi tur ka nei ve lo!

20200506_231624.jpg

20200506_231624.jpg (60.84 KiB) Viewed 25172 times

Pic hi Group 1 lam tan aw.😝

"Bawihi?" Prof Msa aw thum sup ri ka hriat rual chuan ka phu dawrh! Ka hawi chhuak dawrh a, bullet bike pa zet ațang hnehsawh zet a lo chhuk thla vut in min pan nghal zat.

A kamiz var kilhna kawr hmalam chu pathum vel lai a in hawng huai, a kawr ban pawh duhdah zetin a thlep tawm bawk, mitmeng hriatthiam harsazet a min melh chhuk run in ka hma ah chuan a rawn ding nghal khup.

At hmel zet a nui in ka ding chhuak a.

"I lo thlenna a rei tawh em?" a ti sup.

"Aih..." ka ti a, "a chhungah Jordan pawh a awm" ka ti leh sep bawk. Bu nghut in ka biang a rawn khuap a, a mitmeng uk thim khup chuan ka mitah tak min melh ngur avang chuan hriat eng emaw tak a nei a nih ringin ka tiril a khur ru der der.

"A țhawng viau ang che" a tih sup chuan chiang zet in ka melh a. A ngaihtuahna awm a mitmeng ațangin ka hrethiam lo.

"Nie.. a mak teh thut lutuk a" ka ti a, thaw chhuak huai in min din hnaih leh hrut, a hmui lum thur thurin ka chal a rawn nawr rual chuan a taksa lianpui ah tluk luh a, hahdam ka chak tak zet.

"A țha leh thuai mai ang, a chhung ah kan lut ve leh dawn mi niang" ti sup in duat hmel zetin min en a, a biang leh khabe hmul ţo chhap te chuan a ti lang pa ngawih ngawih. Ngawi rengin lu ka bu nghat a.

Prof Msa chuan ka biang khuap run chungin min thlek vung vung, a mitmeng pa zet a min duatna lo lang chhuak vang chhuan 'harsatna ka tawk anih pawn ani hian min thlahthlam ngai lo ang' tiin ka inhrilh ru nghal mawlh mawlh bawk.

Damdawi in chhung ah kan inzui lut a, a kutphah lian zet chuan ka kut a hum bo vek, hmeichhe doctor țhenkhat leh nurse țhenkhat in chhelo tih hmel zet a an en zui leh dauh dauh țhin vang chuan intineitu zetin a banbul lian țha zet ah ka kuah nghal țai a.

Ka ngaihtuahna hrethei ang hrim in Malsawmtluanga chu a nui nghawr dawt. Engmah erawh kan sawi chuang lo.

ICU kan thlen chuan Rinchhani te chhungkua pawh an lo awm ve tawh a, min rawn hmuh rual chuan huatna a khat mitmeng thip zetin min melh nghal ngawt ngawt.

Prof Msa chuan a awm ve tih chhetmah a ngaihsak lovin ka kawng ah a kuah run a, thisen mamawh buaipui in damdawi in dang ah a tlan kual tih ka hre chiah, a kalna chanchin vel chu ka u leh Doctor pakhat kiang ah a hrilh sup sup a.

Buai zualpui a reh hnu chuan mi tam zawk pawh an haw tawh a, Muani erawh a ţap reng, kum upa zawk te țhutthleng ah a țhuț thap a vang chuan bang nghengin prof Msa chu a ding run, a taksa ngheng in kei chu a awm ah min kuah bet hlu hlu a, ka chhip ah khabe a nghat a, a awm lum vung vung chhung a a lungphu dup dup in min nghawr chet na vang chuan ka hahdam sawng sawng.

"I rilțam em?" ka bengbul ah a rawn ti zawi sup.

"Aih, nang"

"Ka zawt hmasa che" ti sup in a nui nghawr dawt, tawite a lei chhuah zeuh in ka thlek let ha a, a biang leh ka biang a sin nghal chet bawk.

"Aih, nang a țam em?" ka tih chuan mit ti zim sun a min en in lu a thing nghut a.

"Nakin deuh ah midang eitur hi kan ngaihtuah sak dawn mi niang" ti leh sup in a biang hmul chuan ka biang a nul thuak a, bu zeuh a a awm ka ngheng țha leh sat sat hawi chhuak chiah chu Jordan nen kan inmelh nghal siah.

Ka hmuh sul nge ka hrelo, ner sawk in a hawi sawn vut a, kei erawh ka ngaihtuahna ah thil dang a rawn lut leh nghal zat tawh.

Jordan nen thuruk lian tham lutuk kan neih hi prof Msa hian a hrechhuak a nih ngai chuan min ngaihdan a dang dawrh tawh dawn! Engkim ka hrilh vek zawk mai dawn mawnle... ka rilru chu a buai leh nuaih tawh

Chutia kan lo ngawih țhap lai chuan police uniform ha pali zet a an rawn lang ta hlawl mai!

Ka taksa chu a khawng nghal at a, hlauhthawnna a khat in kan ep a Jordan ding chu ka melh nghal ruai bawk. Jordan chuan reilote min melh zawk in police lam chu a en leh daih a. Ka thin chu a phu nghal dawt dawt mai.

"In fanu car khalh lai kha hnuhchhuah ani tawh a, kan enkualna lam a kan hmuhchhuah te hi hriat ve in duh kan ring a" police pakhat in a tih chuan chil lem dawk in ka dul a prof Msa ban suih beh run chu ka zuk hmer nghek.

Ka u chuan kan hriatve țul nia an hriat ho chu sawi turin a hrilh sup a. Ka lungphu inthumrawn dup dup chu tih reh tum in thawk ka ip ngar ngar a. Police pa chuan kan chhungkual ho chu chik zetin min rawn mawlh kual hmasa phawt a! Kei erawh ka lo hlauthawng zual sauh.

Car brake kha tih chhiat chawp ani tih an hrechhuak tihna em ni dawn?

"Car cupboard ah weed pack leh whiskey bottle insawhkeh hmuh a ni a, a lan dan chuan in fanu khan rui chungin lirthei a khalh anih hmel" a tih chuan chhungkawho chu phawk zetin an hawi dawrh a. Kei erawh ka thaw huai!

Jordan chu ka va melh a! Mahse, min en ve loin police chu a melh run.

"Dawt... dawt a nih chu, kan fanu in ruihhlo a khawih lo hrim hrim" Muani chuan Becki thlavang hauh zetin a ti tuar tuar. Ka pa chuan Muani chu kuah bet in inbengdai turin a hrilh a.

A fanu nungchang engkim a hriatchian ve teh lul nen! Chhungkaw dang hma ah chuan dawt hmang pawn țan a la tina hle mai.

"Chu lam chu doctor te'n an hrilh theih che u ka ring. A thisen test result ațangin chetsual lai khan ruih a nei em tih chu a langchiang ber ang" police vek chuan a ti a. Midang ho mak ti lutuk chu an khawngaihthlakawm letling zawk.

Vengchhung leh kohhran ah an nau hi a inhmang ve nasa in mi hmuh ah chuan nula fel zet mai a ni a, a pindan chhung ril ah erawh ruihhlo kawl ruk a nei nual.

/

"I dah chawp ani em?" corridoor reh lai ah kan ding dun a, ka zawhna chu atthlak tih hmel zetin Jordan chu a ner sawk.

"Jordan.." țawng rin hlau zet chuan ka ti hap.

"Nope, a fihlim lo tih i hriat ve tho kha" a ti a, luhlul tih hriat zet in hma lam a melh run bawk.

"I dah chawp a nilo tak zet maw? Mahse, an chhui zui zel a nih chuan car brake kha tih chhiat chawp ani tih an hrechhuak thuai ang"

"Hahdam rawh Lola, car brake chhiat vang a accident ani tih chhui chhuak pawh nise Becki khan rui chungin motor a khalh miau a, speed chak laklawh lutuk tih din tum a brake a rah na vang a chhia ah an ngai vek ang" ti sup in min melh nghal ngur.

"Ka ring thei che ngem?" ka ti a. Mit ti zim sun hian a rawn pen hnai hrut a.

Mahse, Jordan țawng hma chiah a ka hnung lam ațang prof Msa min auh supna vang chuan ka taksa chu a sa chhuak pup!

Hlauthawng lutuk in Jordan chu ka melh phawk kawk a! Ani pawh a mitmeng chu a buai nak.

Ka duh theilo!

Kan thusawi zawng zawng kha a lo hrevek tihna em ni?

Chapter 41

Ka ziak s3xy hman thlawt lo. 😂

Zing dar 6.. darkar khat tal mut hman ka duh sia. [/b]

Second reilo te chhung mah nise nasa lutuk a ka lungphu phu nghal dawt dawt vang chuan ka khawhmuh a thim sulh!

Ka taksa chu hlauthawnna nasa lutuk vang a lum chhuk pup siin ka kawchhung erawh a hît vek a!

Mahni leh mahni inringtawk zawh lohna Jordan mitmeng ah ka hmuh leh lek phei chuan ka thlarau in ka taksa a thlawhbo san ta mai emaw tih tur khawp in ka khur chhe nghal der a nih chu!

Thawk pawh thaw chhuak ngam tawh lovin ka inhum ruh a, Jordan pawn ka hnung a au ding chu a melh mawlh tawp.

Prof Msa thinrim hmel rum ul leh min huatna mitmeng dur khup hmachhawn siah inringin ka kut a bang nam pah chuan ka inher riai riai a! Prof Msa hmachhawn ka hreh em avang chuan hmun leh hmun a thih hlawm tawp ka chak ut ut.

Hritthiam harsa zet a min lo melh run tu mitmeng thim khup ka hmuh rual chuan ka pumpui a rawn ni nghul a, ka dang a ro nghal hulh bawk.

"In laklawh em?" a rawn ti sup, ka taksa lum pup pup chu a nasa zual sauh.

"Aaaa, englo.." boruak ah ka aw zawi zet chu a tham ral nghal vek. Min chhuk melh ngur chung a prof Msa rawn pen hma hrut chu hlauthawnna a khat hian ka lo melh let a.

"Midang ho hi an rilțam tawh ka ring, kan buaipui loh chuan" ti sup in ka hma ah tak min melh ngur in a rawn ding nghal ngur.

"Aw, ka.. ka hrethiam e" ti sep in ka nui lui a, ka thisen tlanchhe zawr zawr vang chuan ka lu a hai hial anih chu.

"Jordan" ti sup a min en kan vut chuan ka thisen a lum leh pup tawh, rang zetin Jordan lam chu ka hawi dawrh a, chutah prof Msa hmel tak ngul chu en leh in ka thaw dep dep.

"I let thei tawh ang, biak duhna che ka neih chuan ka rawn be leh mai ang che" ti sup in ka darah a kutphah lian țha zet chuan a rawn hmer salh. Phu dawrh in ka en chho nghal haw a. A mitmeng thim ruih chuan muk zet a min lo melh run in a rawn kun hniam a, a chet phung pangngai thlup si leh a lan dan buai ru ve chhin ngailo ka thlaphan pui ber țum ani hial ang.

"I chhungte eitur ngaihtuah in kal chhuak lawk ang le" a hmai ațang lumna rawn chhuak chuan ka hmai hík vek chu a ur lum hat hat. Ding mar leh vutin ka dar chu a tuai thuak a, Jordan a kiang ah chuan vawiin a file a hlanchhawn tum kha driver in in ah a dah tawh thu leh uluk zet a zir chiang turin a hrilh sup a.

"Kan hmanhnawh loh chuan.." min melh chhuk leh vutin a ban tha ngah zet chu hmalam ah a lek vut.

Ka bu nghat a, kan kal pel dawn a Jordan hmel buai ru nuaih mai khan man chhuah kan nih teuh zia chu a pholang chiang hle chuan ka hria.

Damdawi in chhung dam deuh ruih ațang kan chhuah rual chuan ni tla turin damdawi in tual zawl a lo chhun țang ut tawh. Ka bula mipa pianphung lian leh hrawl zet kal nghut nghut chu mit sir bakin ka melh țha ngam lo.

"Jordan nen khan engthil nge in sawi?" Zawi sup a prof Msa zawhna min zawh vang chuan ka lungphu a rang leh dawt dawt tawh, ka melh zeuh a, min en ve haulo chuan kawng chiah a lo melh ngur a.

"Ugh, eng vak mah.." ka ti a, prof Msa pen nghut nghut chu a ding vut. Rilru nuam lo leh hlauthawng lutuk a awm ka lo ni bawk nen ka kat nawk teuh kher mai, muang ruih a min chhuk melh ruai ruai in a ngawi deuh vung vung a. Kei erawh ka rilru a buai leh nuaih tawh.

'Hriat ruk a lo nei a nga, min zawh ngailova hrilh nghal tur in min duh nghal tihna a ni a ngem?' tih zawng zawng second tlem te chhung chuan ka lo ngaihtuah kual ruai a! Ka awm dan chu a hahdam lo hlawm tawp ani ber!

Min rinhlehna a nei em tih hriattheih loh khawp a a inthunun thei chuan ka țah a tichhuak hluah hluah tawh. Ngawi ngul a bu nghut in hma lam a en leh vut a. Ka rilru phili zet chu ka rum chhuah pui teuh kher mai.

"Professor.."

"Kê in kal mai ang aw? Lirthei nen kan nih chuan traffic ah kan tang reng palh ang" ti sup in min man chhuah hlau reng reng na vang a ka kut hík nguk chu a rawn hum hmiah, damdawi in tual ațang chuan min kalpui zel in kawng chhuk lai ah chuan kan inzui thla dat dat a.

Khawi hmun a mi nge eitur kan lei dawn tih tak ngial pawh ka zawt ngam tawh lo, ka ngawi reng a nih chuan min ringhlel a ngem tih te, zawhna ka zawt sek a nih chuan a thinrim insum zo lovin Jordan nen kan inbiakna a hriat vek thu a sawi chhuah mai hlauhna te nen rilru thlaphang zet hian ka awm a. Amah lah chu a thinrim nge ka lakah lungawi lohna a nei zawk tih thliar hrang theih loh khawp in a muk ngul bawk si.

Hotel lar zet pakhat ah min kai lut a, receptionist chu zawi sup a bia in thil eng emaw a sawi hmuk. Duty nu chu a nui sang a, a hma a phone chu ban in a ngaithla nghal a.

"Bawihi, helam ah sawn lo nghak ila" ti sup a a mithmul buk chhap a kan uk na lam chu ka thlek ha a, ka bu ta nghat bawk.

Sofa sei ah chuan a țhu thla vut a, zawhte ngam thei lo ang maiin a bul ah chuan ka țhu thla ve a, ka tîm deuh dai chu a hria anih pawn a chhan hriattum awm angin a awm duh hauh silo! Chu chuan ka hlauthawnna a ti pung tawlh tawlh bawk si!

"Ka order sa a, reilote kan nghak a nga, an peih thuai mai ang" ti sup in hahdam hmel zet hian sofa nghenchhan chu a ngheng ur ur, a ké rek lehlam chu a khup ah khang chho in a țhu awn duai a. At hmel zetin ka bu leh nghat ringawt.

"sh*t" a tih deuh hluk ri vang chuan ka en dawrh, pa zet hian min lo nuih suk a.

"Dinner turin ka la chhuahpui hauh lo che" ti sup a a nuih suk chuan ka beisei loh lam a lo sawi daih bawk nen ka nui ve ta halh.

Ka malchung a ka kut hum beh tlat chu a rawn ban vut a. A kutphah lianpui chuan hum bo nghal vek in min awm hnaih a, a hmel pa zet a phurna lo lang chhuak leh a mitmeng uk khup de sawr sawr mai chuan ka biang a tisa hat hat mai.

"Mipa romantic tak ka nilo tih i hriat kha. Mahse, zanriah ei chhuak tur ka nupui hruai chhuah nachang hrelo khawp a ka awm erawh min thinrim khum thei ang" zawi sup a ti thum dut in a nui suk.

"Naaa.. a ho e mai a" ka ti hlak a, a mit hmul a tih kan uk chuan inthlahdul ve tawh in ka thaw ham ham a.

"Zanriah ei chhuah kher ka phut hleinem" ka ti a, muk zet a min melh run vangin ka lai hle bawk.

"No, kan la ei chhuak ang" a ti sup, a mitmeng pa zet ah chuan chiang fe hian ka melh a, muang ruih a mit lo khap in a nui leh suk bawk.

Hotel hnathawk te chuan eitur pack fel sa thlap an rawn khai chhuak a, prof Msa ding vut chu a pa lian leh hle tawh, pawisa an inpek fel hnu chuan khaipui ve ka tum a, a phal țhak lo.

Kal lam boruak țang leh hlauthawnawm zet ang lo takin kan let lehlam a kan inkar chu a zang ta phian. Khawlai ah kê a kalin kan inzui chhuak khat bawk a, chimawm ru zet a min melh run pah a fiamthu a thawh ve sup phei chuan a ban bulah kuah țai chungin ka nuih pui hawk hawk.

Hmeichhia tupawh mai chuan an en duh si, prof Msa erawh in keimah ah chiah mit a fuk tir thung, a langsar vuah a, a pa tel cheu bawk, min ngaihsak tih hriat zet a ka beng bul ah lo kun hniam a min biak kherna chuan hmeichhe dangte mit ah min awhna a chawk tho hial bawk, kan kum a in upat hleih tih chu kan lan dan ațang ngawt pawn tupawh in an hmu thiam ang. Kei erawh chuan a romantic ka ti. Keimah aia upa fe, tlangval senior zun ah ka uai tlat hi a lo sual loh zia ka hrechiang tulh tulh bawk. Min duat thiam in amah ah ka innghat pumhlum țhak a, a kum upat tawhna hian hneh zetin min uap tel cheu bawk nen amah chiah hi nei mahila chhungkaw tam tak cheng ho te ang maiin ka kim hluah hluah ve tho.

Damdawi in kan han thlen leh chuan haw an lo awm nual tawh a, lo awm ho chuan kan eitur lei chu an ei tak nangin an rilru a nawm loh tlan em vangin boruak chu a reh hle.

*ka u khan hriat a nei em?* Jordan message lo awm va chu hlauthawng zet in ka en a, ka bul a ka u leh Prof Msa zawi sup a thil sawi dun te chu melh tawn zeuh in ka tho chhuak daih a. Ka tukhum erawh a lum pup pup. Prof Msa'n min zui ve ka hlauh luat vangin ka ding leh dat a.

"Toilet ah ka kal lawk dawn" ka ti sap. Prof Msa chuan inngaihtuah muk hmel zet a min melh ngurin lu a bu nghut a. Tawite a nui luiin rang zet in toilet panin ka kal nghal dawr dawr

Toilet chhung ah chuan lut in kawngkhar ka nam phui dawp a. Thaw chhuak hawk hawk in mit ka chhing a! Hetiang reng reng a hlauthawng leh thinthi miah lo a awm chu a rapthlak tak zet!

*Jordan* tih ka thawn a. A seen rang ngang mai.

*ka u in a hria em?*

*ka hrelo, ih.. ka hrethiam lo*

*i hrelo maw? In awm dun a nilawm ni? Rinhleh theih in a awm lo em ni?* a u inthunun theih zia a hreve reng si.

*rinhleh theih in a awm lo.. keichu ka rilru a nuam thei lo, prof Msa tal hi hrilh ka duh* tih ka thawn a, hetiang reng reng a hun hman chu hreawm ka ti tak zet! Prof Msa man chhuah hlau reng reng a awm ai chuan hrilh tawp mai ka duh ut ut tawh! Kan pahnih inkar a chhiat phah vek ka hlau tel cheu bawk nen ka chhungril chu awm ngaihna hrelo in a sahal ani ber tawh!

Ka message a seen rual chuan Jordan call a rawn lut nghal zat.

Ka kut tha te chu a lo khur leh nasa tawh lutuk tih phone ka pick up dawn chuan ka hrefiah chiah.

"Hel..." ka sawi zo hman lo.

"Hrilh hlek suh .. i hrethiam em?" Jordan chuan a rawn ti nghal thawr. Ipik zet hian ka thaw vak a.

"Lola, nichin khan engmah a hrelo a nih chuan tikhan hahdam deuh in awm tawp rawh, zan ah ka rawn bia ang che" ti sup in phone chu a ti tawp leh hmak a.

Kei erawh ka meng phawk kawk thung. Zan ah.. zanah min lo bia ang maw?

A chiloh hulhual! Min rawn bia anih chuan prof Msa nen kan awm dun dawn sia, ka tal buai leh vek mai ang.

Jordan chu ka call let leh nghal a! A tlang thei tawh miah lo a nih chu!

Nghet zet a ka phone hum ruh in ka thaw ham ham a. Keimah leh keimah chu rilru hahdam deuh a awm tur in ka han inhrilh leh ringawt țhin a! Eng erawh ka ang thei der lo.

Thim dawn ah prof Msa nen chuan in lam panin kan haw a, damdawi in ah kan awm chhung khan ka pa leh Muani nen kan inbe lo hrim hrim bawk.

Thichhawng Becki a awm meuh chuan ka pa pawh a tal buaiin hmuh theih khawp in hlauthawnna a hmel ah a lang chhuak hial a. Thi chhawng in damdawi in ah ka awm tih ka hrilh țum a min dawnsawn dan leh tun a thil thleng a dawnsawn dan inthlau lutuk hian ka chhungril chu a hmet na pha tho.

"Bawihi" ti sup ri vang chuan ka phu zawk. Ka hawi kual ruai a, motor hunna ah kan lo awm tawh. Bike side glass aţang chuan hriatthiam harsa zet in prof Msa'n min lo melh ngur bawk.

"Ugg, kan thleng tawh maw?" ka ti bah nak a, ka chhuk rual chuan rawn chhuk thla ve vutin a kekawr ipte a dap nghal thuak.

"I ngawi veng veng reng a, sawi duh i nei em?" ti satliah in a pen nghal vut.

"Aih.. ih, zan ah kan kal leh dawn em"

"I duh em?" a ti a, ding deuh dat a min thlek vut vang chuan hawi sawn vatin lu ka thing nghat.

"Umm, aputea fate ho in zanin chu an menpui thei dawn a, kal kher i duh loh chuan hna khawih tur ka nei nual tho sia"

"In ah awm zawk ang" ka tih chuan bu nghut in kawngkharpui chu a hawng a.

'In lo haw tawh maw?' ti ang hrimin Bruno chuan min lo zuan nghal uan uan mai.

Prof Msa chuan nui hawk in a lu ah a tuai sak thuak a.

"My boy, in i lo nghak țha maw?" a ti sup, bike chahbi chu motor chahbi a dahna ah dah leh vut in a phekkhawk dum tle hlup chu a tlawh phelh a.

"Bawihi, thingpui hang i lum peih em?" Ner nang a ka han en chhuan pa zet in min lo nui suk.

"Ka lo lum ang, lo han inthlak la"

"Yeap.. study room ah min rawn pe dawn nia" ti sup in ka chal ah a fawp a, Bruno lu ah tuai sak leh thuak in kailawn pan in a kal nghal nul nul.

Hnunglam aţang chuan a pian nalh zet leh sar vuah bawk si chu ka thlir zui reng a, Becki chungchang hi hrilh ta pawh niila min hrethiam kher a ngem? Ka lakah lungawi loh phah in a inlak hran phah mai a ngem? Thaw hak in lu ka thing nawk a.

"Bruno, kan professor-a thingpui hang tur lum sak ang aw" melh ngai melh a dar tawm ak pah chuan ka ti halh, keimah leh keimah chu intiphur lui in choka ah ka lut a, zanriah ei kham hian thingpui hang a lam ve ziah a.

*I inla patling* ka tih khum hlak țhin. Nui suk suk hian *patling ka ni ve tawh lawm* a ti dut zel a.

Nupui neih a, chhungkaw din a, fa te nen a chenho a lo awh ruk ve țhin zia chu hetia kan inkawl hnu hian ka hrechiang tulh tulh.

Library kawngkhar chu ka nam hawng a, kawr ha lova chair lian pui a Prof Msa lo țhu run chu lo hawi chhuak in a nui nghal suk. Dawhkan lian zet ah chuan lehkhaphek a lo inchhawp hnawk rum a, laptop a on eng pap bawk a.

Thingpui hang no chawi chung a ka pen lut chu a thil tih lai chawl meuh in min lo melh vung vung a, eng nge a ngaihtuah tih a hriat sak mai țhin lo hian min ti buai țhin

"Hei lo inla, ka va inthlak ve lawk ang"

Dawhkan awl lai ah thingpui no chu ka dah a, let leh tum a ka inher chiah chu ka ban ah lo man in min pawt dawrh, ka meng phawk kawk chu a mal chungah min pawt țhu hnawk a, a nui zui dawt bawk.

"Khawi teh, damdawi in a ka chet tlatna thuamhnaw inbel reng hi ka duh lo a nia" ti hlak in a ban bulah ka beng thlawp.

"Min kiss phawt la" a tih hluk chuan ner nangin ka en chho haw a, hmui chip hmuk in min melh chhuk nghal run.

"Thingpui hi in phawt rawh"

"Nope" ti sup in ka khabe ruhkual a rawn dawm nghal zat. A hmelpa zet ah chuan rei en ngam lovin a hmui ah ka fawp zeuh a. Rang zet a ka tal thla tur chu chimawm zetin min pawt țhu leh dawt a nih chu!

"Professor.."

"Khatiang kha kiss a nilo e" tih sup in amah chuan dimlo baksak hian min fawp ta ngawng ngawng a, in kiss chu a zeiin a duhthawh țhin em vang hian ka danglam mup zel. Rei ngial ril ruih a min fawh hnu chuan ka hnar ah nul thuak in ka mitah tak min melh nghal ngur mai.

"Sawi duh i nei em?" A ti sup

"Maw?"

"Ka bulah sawi duh i nei em?" ti leh sup in mit ti zim sun in ka bek sam chu ka beng ah a zep lut a. A hmel chu cool ruih siin a tak ngul.

"Englam maw?" ka ti a, ka nui lui ringawt bawk.

"Engpawh" ti sup a ka mitah chiang zet a min en chuan ka kawchhung a vawt uaih thei.

"Nei lo a niang, ka.. ka inthlak duh tawh" ka ti a, ngawi hmuk in min kuah behna a thlah ta vut. Kei erawh ka rilru a hlauthawng leh der tawh. Mahse, engmah sawi lovin ka inla hrang ta tho.

Becki chanchin chu prof Msa a zawt a, kan haw san lai ang tho kha a dinhmun tih min hrilh chuan ka bu liam vel mai mai.

Zanlai pelh hnu ah Jordan call a rawn lut chiah chu ka lungphu a rang nghal dawt dawt. Ka bul a Prof Msa tui zet a muhil chu ka melh zeuh a.

*Jordan, ka lo chhuak lo mai ang* tih ka thawn tawp.

*inbiak kan ngai.. a rei dawn lo* a rawn ti țal bawk si! Ka rilru chu a ipik kher mai! Thuruk lian tham lutuk kan neih miau vangin midang lak a sahimna tur kan ngaihtuah dun a ngai ve tho tih ka hria.

Prof Msa tihharh hlau zet in ka tho țhem țhem a, thawk pawh ka thaw țha ngam lo, kawngkharpui ațang ka chhuah chiah chuan gate pawn a car lo inhung chuan headlight a rawn ti eng zauh a.

Rang zet a kawngkhar nam phuiin in lam hawi let zak zak chung chuan ka tlan chho dat dat. Prof Msa'n zanlai ah ka awm lo tih a hriat vaih chuan min zawng turin a rawn chhuak ve khawp ang! Chuta kar ah Jordan nen min rawn hmu dun a nih vaih chuan... ngaihtuah zui ngam lovin ka insehruh nghek a. Hethil hi chinfel vat ka mamawh! Ka mamawh tak zet!

"I sawi duh chu sawi vat rawh" zawi zet a ti sap in Jordan chu ka melh nghal kar a. Car chhung ațang chuan muangchang a lo kal chhuak in gate bul a ka ding chu min pan a. Kei erawh che sek hian in lam ka melh chhen.

"Zanin bak chu accident chungchang kha kan sawi dun tawh tur a nilo, hrelo ang hmak in awm la, police an lo lang anih pawn chiai hauh suh ang che! An chhui zui dawn lo tih ka hrechiang tawh, Ka u ber in a hriat loh chuan tuman an hrechhuak dawn lo.." a tih chuan ka hahdam deuh huai mai.

Jordan chu ka melh kar a, zan thim chhah zet vangin chiang pawn ka hmu thei lo.

"An chhui zui dawn lo tih i chiang a maw?"

"Police zing a pakhat kha ka bia a lawm" a ti a. A nui deuh suk bawk

"Kan sawi dun leh a nih chuan lo hre palh an awm in a buaithlak vek dawn, hahdam deuh in awm tawh rawh" a ti leh sup a. Ka darah lo khawih a tum chuan rang zetin ka tawlh hnung nghal dawrh

"Let tawh rawh.. ih, prof Msa a lo harh hman ang" ka ti a, a thaw hawk chu inher san in rang lutuk in gate chhung ah ka tawlh lut a, dimte in gate pawh ka kharphui leh thlap.

"Lola..." pen nga vel ka pen tawh. Jordan aw hniam ruih vang chuan ka ding leh chawt a.

"I hlim em?" A rawn ti sup, a aw zawi ruih chuan engtin maw hian min țham tlat bawk, muangchangin ka inher a.

"Umm, ka hlim lutuk"

Zalo tih hriat zet hian Jordan chu a nui deuh suk.

"A țha, i hlim.. va lut tawh rawh" ti hrawih in car pan in a inher nghal vut.

"Jordan.." ka au na vang chuan a ding chawt mai. Mahse, a rawn in her let tawh lo.

"Ka lawm e aw Jordan, ka tan a i thil tih te... aaa..." thil țha a nilo tih ka hre vek nangin min ngaihtuah luat vang a thil țha leh țha lo thliar hrang thiam lo kha ani miau sia.

"Engkim vangin ka lawm e aw" ka ti sap a. Ngawi ngul in a bu nghut.

Pindan chhung ka luh leh chuan tui zet in prof Msa chu a lo la muhil a, ka thaw huai mai.

"ka tihpalh aw, tun bak chung engmah ka zep tawh miah lo ang" ti sep in a awm lum vung vung a tawm khawm thei tur chuan ka hnaih sat sat a, amah pawn nghet zet in min lo kuah bet nghal hlun.

A khabe leh biang a hmul țo chu en veng veng in ka nui lui a. Tunah chuan hahdam deuh in a bulah ka awm thei tawh! Amah nen kan inkar a chhiat phah kha ka hlau ber a. Mahse, jordan khan police lam in an chhui zui dawn loh thu a sawi tawh a. Ka hahdam ta huai mai.

Nithum ngawt Becki a harh chhuak tawh lo! Kei ni pawh prof Msa nen kan la inkawl zel rih a, palai tir a, insawi țhat boruak lo sawi lan chhen hun a nilo bawk nen țha te te in kan inkawl rih ta zel.

Prof Msa hnen ah sawi chhuah ngam miah loh thil lian tham zet in min ti buai leh tawh a! Ka rilru chu a mangang tak zet tawh.

"Duatte" ti sup a washroom kawngkhar a lo kik rik kauh chuan rang lutuk in test kit chu toilet paper in ka tuam nawk nawk, ka rai thei lo! Nilo.. ka hrethiam lo... pills ka ei țhin vang kha ani mai thei! Tun thleng in ka la rai lo!

"Inbual rual ang ka tih kha" a ti leh nghut, a aw pa zet a tihtauhna ri tel ve hmuk vang chuan ka nui hak bawk. Toilet paper a tuam test kit chu bawhhlawhbawm ah ka vawm lut a. Darthlalang lian zet ah chuan in en in ka nui lui sak bawk. Vawi tam ka test tawh a, ka rai thei chuang lo. Prof Msa ka hrilh a nih chuan ka damdawi ei țhin vang ah khan a ngai ngei dawn tih ka chian em vangin keimah in ka tuar chawrh chawrh mai ni!

"C'mon' dawhtheina tla chham zet a mipa aw thum zet rum nghut vang chuan kawngkhar pan in ka tlan sawk sawk.

"I va mak sek sek ve" ka ti a, kawngkhar ka hawng chiah chu a kutphah lian zet a ka kawngah rawn man hrawk in washroom chhung ah chuan min nawr lut hmiah.

"Malsawmtluang" ka ti țhat, pa zet in a nui rum hawk, a mitmeng sexy zet a min mamawhna lo lang chhuak vang chuan ka tiril a za nghal uaih, washroom kawngkhar pawh kharphui tawh lovin a rawn kun hniam a, uar zet a ka hmui ah a rawn fawh tak buan buan ah chuan a nghawng ah ban suih bet in ka fawp let nghal tawn tawn.

Chak hmel zet a rum nghut in ka mut kawrfual pante chu a hlim cho nghal nawk nawk, ka mawng bawr leh malpui vel chu a țham nghal tawn tawn a.

"Lut rual ang ka tih kha" ti sup in nazet in ka mawng a hrawm tawk, ip chawi in a khabe hnuai ah ka thaw chhuak hak a.

"Vawi khatmah inkalh hnan tawh suh" a ti chhum leh hmuk, ka pantie chhung ah a zen lut a. Ka kap kar chu hnehzet hian a rawn hup nghal hmiah, kê ka lo kar zau ve sauh, khi suk a ka chal ah lo nawr pah chuan a kutțang pakhat chu a thun lut nghal zat a.

"Dawhtheihna tla chhampa" thaw hak in a ban bul ah ka țham chawi, chimawm lutuk a min melh run chungin a kut țang chu a chet nghal zat, ka mal kar za uai uai vang a ka tawm leh chawi chawi țhin chu ka kawngah nghet zet a rawn man in ka hmui ah bawk a rawn fawp thuak a

"Zingkar a ka dawn tur dawng hman lova hna kal ka duh hlek hleinem" ti sup in nazet in ka hmui hnuai a pet ngawng ngawng. Hepa zei lutuk leh duhthawh țhin lutuk hi chu!!!

/

College ka zawm ve leh tawh a, Prof Msa nen kan inru tih hria lah an awm nual leh nghal, Mahse, ka țhiante ka kiangah an awm reng a, min sawi sep sep tawk lo awm mahse ka care hran lem lo.

Lunch dawn ah prof Msa chu ka text a. Mahse, ka message chu a seen hnu ah pawh a rawn reply miah lo a. A buai anih ring in *ka țhiante nen kan ei chhuak dawn* tih ka hnutchhiah a. Chupawh chu a hmu a, min reply chuang lo.

Rilru nuam zan lovin ka țhiante kiang ah chuan ka awm ve reng a. Ka message a chhang lo ngai silo. Phone chu ka hmet eng sek a. Mahse, a buai viau a nga, min reply hman lo a niang tiin ka inhnem ta tawp.

Calss ka ban hnu thleng pawn prof Msa chu a reh vung vung. Tun ah chuan ka ngaih a țha lo tak zet tawh. Hetia engmah sawi lo a a reh hmuk hi chuan ka rilru a nuam thei thlawt țhin lo.

Min lo hruai an rin vek vangin ka țhiante pawn min haw san a, ka text engmah a reply duh bawk si lo nen ka call ta tawp.

Rei ngial a ring a, a chhang tawh dawn lo emaw ka tih hnu ah a rawn chhang ta hram

"Professor, min lo hruai dawn lo mi?" ka ti nghal thawr.

"In ah ka let tawh" a rawn ti hmuk a nih chu! Mak ti zet in ka kâ hau ringawt.

"Ih.. Mahse..." ka ti bah niai a.

"Rawn hruai tur che in min phut em ni?" nelawmna tel hauh lova a rawn tih leh hmuk chuan chhan let mai ngaihna ka hre miah lo. Phone chu ka hmai bul ah la thla in ka melh ngawt ngawt a. Hetiang teh tawl hian min be ngailo bawk nen a țawngkam hman in in țhawnnat em vang chuan ka dang a awk vek ni ber hian ka hria.

"Ih... min lo hruai ka rin vang a nia... in ah i haw tlang tih ka hrelo a"

"Taxi a la tlan ang, rawn inbuaipui mai rawh, ka buai rih a.."

"Umm" ka mittui rawn luang thla pap chu rang zet in ka tuai hul a. Phone chu titawp in ka nui lui hak bawk.

"A buai rih a tih mawlh mawlh kha, a buai loh chuan min hruai ziah. Hriatthiam tumve ta che" ka kut a ka mittui tle ralh chu melh in ka hau ringawt.

Taxi ka la a, ka rilru erawh a buai nuaih. Chhun ațangin min be duh tawh lo! Tun ah min haw san daih bawk. Ka lak ah lungawi lohna lian tak a nei a nih ngawt loh chuan a buai tawpkhawk lai ber pawn message tal in a buai thu min hrilh țhin

Tukin khan bawlhhlawhbawm a kit ka paih kha a hmu a nga, ka rai thei lo tih hria in ka lak ațangin inlakhran a tum tihna a ni thei mai a ngem?

Ka ngaihtuahna vang chuan hlauthawnna leh mangangna in min zim nghal tup tup. Gate bul ah taxi chu a ding a, ka chuan man pe in ka kal chhuak a, prof Msa in zahawm khup a ding chu melh veng veng in thawk ka la. Ka lakah lungawi lohna a neih chuan engkim ka sawi fel pui vek tur ani tia inhum ruh chungin in pan chuan ka kal zel a.

Mahse, in ka hnaih tulh tulh a, nasa zet in ka lungphu chu a ri dawt dawt! A chhan ka hrethiam lo! Sa bulh bulh chungin a in thumrawn dawt dawt mai.

Kut tha khur dar dar in kawngkharpui herhhawnna chu ka chelh a, thawk ip ngar ngar chungin ka pawt hawng a, inchhung chu a lo reh huai.

Mak ti ru zet a ka pen lut chiah erawh ka thil hmuh vang chuan ka tawp chiang kher mai!

Ka thin hnun chu a na hit zawk a! Mak ti lutuk hian chumi te pahnih chu ka melh ta tlawk tlawk!

TETAKTEI Ch 42

Abbra Reo Ririni Khiangte(PitarteiSualfingi)

Moderator: writers

Tetaktei

Chapter 42 🙋‍♀️

#Ads click/Darkar 24 chhungin vawi 1 click tur aw.

#share with link 😍 #Comment bawk aw 🙊😍

Inchung ațang a mi pahnih lo chhuk thla mek te chu lungphu rang dawt dawt hian ka han melh tlawk tlawk! Ka hmu sual emaw ti a thawk ka lak hawk hnu ah ka han en nawn leh ngat pawn chiang zet in ka hmu thei tho!

*Eng thil nge an tih ang? * tih ka ngaihtuahna ah a rawn luh rual deuh thaw chuan mangan thlak khawp in ka lungphu a su dawt dawg a! A sa pup pup bawk nen ka awm chhung chu a nâ vek!

Chhun chawlh hun lai aţang a min biak tumna nei miah lo ka pasal ngei mai chu ka la hmuh ve ngai loh hmeichhe nalh lutuk nen inchhung panna kailawn ah an rawn inzui thla a nih chu!

Chu hmeichhe chhelo lutuk en chuan mipa phur thei zet ang mai hian Prof Msa chu a nui suk suk a; ka lungphu inthum rawn dawt dawt chu a na nghal ngut ngut!

*tinge he hmeichhia hi in ah a hruai haw a?*

*chhun ah pawh khan in ah hian an awm dun char char em ni?*

Zawhna maksak pui pui leh ka lungphu ti rang belhchhah thei hlir chu ka rilru ah a rawn lut nghal zut zut a, ka awm chhung chu ipik mup in a rawn tawt zual sauh.

Ka bulah chuan buai viau ang leh hun thawl neilo ang mai a insawi in chhun aţangin min ngaithah hmak tawh! Mahse, ka awm loh hlan a hmeichhe dang inchhung a hruai lut tur chuan hun thawl a lo ngah mah mah a nih dawn hi!

* Ka awm loh hlan a inchung ah hruai chhoh tur khawp in an inkar ah chuan engthil nge thleng ang* tih thlengin ka ngaihtuah kual hman vek! Ka taksa chu a lum pup pup a, thikna nasa lutuk leh natna te'n ka thinlung chu a hmet sa pup pup bawk!

Inpawh hmel zetin thil an sawi dun a, nichin lawk a bul hmuk a min be tu kha ani tih reng a hriat lo! He hmeichhia nen an awm dun lai a ka rilru tur leh hrilhhai dan tur veng thawng miah lova bul zet a min biakna aw bung vut mai ka ngaihtuah let rual chuan tlawm intih lutuk in ka tawm chawi!

Min rawn hmuh ve hma a inthiar-fihlim daih chu a fin thlak ber ka ring ta bawk, ka sawifiah thiam loh khawp a keimah a natna inhnawh kual up up chu an pahnih hma ah a puah darh ka hlau ber.

Ka chhungril chu khawsik ang mai hian a hit er er a, muangchang in ka inher a; kawngkharpui aţang ka chhuah hma a ka va melh leh hram chuan professor Msa nen kan mit chu intawng nghal siah! A mitmeng rum ul leh thim ruih bawk si vang chuan ka kawchhung a hîk pup a! Chetsawn nachang pawh ka hre tawh lo! Ka awm loh hlan a inchung ah a hruai chhoh hmeichhia chhelo zet pawh chuan min rawn hmu ve chiah a, kei nilo in Prof Msa a melh chho ralh chuan ka kawchhung a hrawm tawk.

Kailawn chhuah thlakna zawl lai ah an ding dun a, chetsawn ngaihna hrelo a ka ding khawng reng chu prof Msa chuan vawt ruih a min melh ngur chungin a kutphah lian zet chu a smart pants kekawr ipte ah a zen lut ruai ruai. Kei erawh rahpuah bomb rap mek ang maiin chhet pawhin ka chesawn ngam tawh lo. Ka lungphu erawh mangan thlak khawp in a rang dawt dawt lawi!

"I lo thlenna a rei tawh em?" Prof Msa chuan a rawn ti thum sup. Ka thinlung erawh a na zual ngut ngut. *Haw* tih țawngkam ka hlawh chhuak zo tawh lo ni ber in ka ngai bawk.

"Ka rawn thleng deuh chiah" harsa ti zet hian ka ti tham sep, ka aw khur chu thup ka tum a, a bulah hmeichhe nalh zet ding ve chuan harhchhuak thut ang maiin min rawn nuih sak mai.

"Hey, Malsawma thawhpui hi ka nia, ka hmu che chu ka lawm hle mai, hotupa hian a thukru rei bawk che a, hmuh i har hle mai" zangkhai vak a tiin nui rah rah hian Prof Msa chu a han melh leh cheu. Prof Msa lo kiai suk ka hmuh chuan ka chhung lam ațang ka rum hak a, chu hmeichhia in min chibai tur a min pan hnaih lai chuan thawk pawh thaw chhuak lo hian ka lo insangmar ngar ngar.

A thawhpui ti mahse ka rilru buai nuaih leh lungphu inthum- rawn dawt dawt chu a ziaawm thei tawh lo!

Prof Msa pawn a mitmeng muk ruih chuan khaw dang hawi hlek lova min en run chungin a rawn zui phei a, ka rilru chu a bing mum mum. In ah a thawhpui a hruai haw tih tal min hrilh lawk nise chuan ka chhungril a sawifiah hleitheih siloh rinhlehna awm hi ka neih ka ring lo! Marawh chu engmah min hrilh lova, kei lahin ka hmachhawn thut bawk nen rilru siam fel mai chu thil harsa tak a ni ringawt.

"Lucy ka nia" nui sangin ka hma ah a rawn ding a, a sam nung zet a dar chen a rual ngil sang chu a chhip ah hui chhovin a kut zen sei thlarh chu a rawn phar chhuak nghal zat.

An pahnih hriat hlau zet chuan na vek khawp a ka insangmarna chu ka inthlah dul tial tial a, kut tha khur ru deuh dar dar a chibai tur a ka che chhuak ve lai chu hriatthiam harsa zet in prof Msa chuan min lo melh ngur.

"Hlimpuii.. ughh, Lola" ka ti a, a kut chu ka hum a, rang fe in ka thlah leh nghal zat.

"Lola... office ah chuan i hming kan lam ri ngun teh a nia" a ti a, nui chungin a bul a prof Msa hmel tak ngul a ding chu a melh leh kher bawk nen rilru damlo zetin ka nuih let ve sak.

"Kan inhmu chiah nangin ka kal tawh a nge. Ms, kan khawih fel zo thawkhat tho tiraw? " min en in a nui a, chutah a kiang a prof Msa ding ngur chu a han melh leh zeuh a.

"Umm, a bak kha chu ka kut ah dah rawh" min melh chhuk run pahin Prof Msa'n a ti nghut.

Hna kal dawn a a kamisz hak ngai tho bodyfit dum a ha a, a kawrhma kilh erawh pathum thleng a inphelh huai, a kawr-ban pawh duhdah zet hian a thlep tawm a, ka hun tawnin a zir loh luat vangin a nupui dinhmun chelh a tlangnel tak a ka lo awm tawhna inchhung ah chuan pen luh ka tîm tak zet tawh.

Lucy chuan min rawn en leh a, kum 30 a chuan ve tawh ka ring, hmeichhe invawng uluk tak leh che class thawkhat ve tak ani tih erawh a hawiher sang lah ațang chuan ka man thiam mai bawk.

"Lola, Zanin kha i rawn tel ve thei ang tiraw?" a ti a.

"Khawi ah maw?" ka lo ti hú, zawhna a khat mitmeng a prof Msa ding ngawi ngul ka han en chuan mitko a lo ti hnim khûi a.

Ka bulah engthil mah a sawi silo a!

"Khai aw! I nupui hnenah engmah i sawi nange, Ruatsaka'n a hriat zawngin a lawm lo viau ang, i nupui nen kan beisei vek che u a sin" nel hmel zet in Lucy'n prof Msa a melh khai khai lai chuan rilru buai zetin ka lo en tawn chhen ringawt! Tukin ah emaw nimin lamah emaw pawh kal chhuah kan ngaihthu min hrilh lo hrim hrim. Ka ngaihtuahna a thil rawn lut chu duh lo zetin ka insehruh a.

A thawhpui te leh an kawppui mi zahawm tak tak te nen min khaikhin a nga, min zahpui em avangin min hruai lo a amah a kal turin thuthluakna a siam diam tawh ang te hial in ka ngai zo vek tawh.

"Lola, zanin hi kan thawhpui pakhat Ruatsaka te inneih champha vawi 8 na a nia, ti bung bung lovin keini a thawh pui ho te nen zanin hian lawm ang u a ti deuh a, kan kawppui te țheuh kalpui tur in min chah uluk tehlul nen, inpa hian a phur luat ah a lo mangnghilh anih dawn hi, kan zavaiin kan beisei che a nia" zangkhai zet a Lucy'n a lo tih leh chuan tlawm ka inti ngawih ngawih. Ka chhungril ah chuan mamawh ve lo leh zahpui nia inngaihna lian tak hian min vilh ngut ngut. Chu erawh lan chhuah tir ka tum lo.

"Umm, kei tehlul min beisei chuan lo tel ve ngei ka tum dawn nia" zangkhai zet hian ka ti a; hriatthiam harsa zet a min melh ngur tupa chu ka nuih lui sak bawk.

"Mi dang pawn an hmuchak lutuk che a nia.." a ti leh a, a nui var var. Ka nuih let ve tak nangin prof Msa ngawi hmuk chuan țawngkamna tak a min țawng khum aiin min tina zawk daih. Lucy hian sawi ta lose zanin hian a thawhpui te leh an kawppui te bulah min hruai ve a tum tho a ngem?

Lucy haw tur chu kawtzawl thleng kan zui chhuak a, hna chungchang vang a kan in ah inhmu ta mai an ni tih a sawi pawh chuan ka hmin kim thei chuang lo, tu nupui teh lul in nge nileng deuh thaw a a pasal lak aţang in ngaihsakna a dawn loh hnu ah inchhung a luh rual a a pasal leh hmeichhe dang hmu dun a, rilru nuam tak a awm thei bik ang!

Gate pawn ah car a rawn ding a, ka rin lawk ang chiah in hmeichhe khawsak hniam zawk zawk a nilo, a driver chu rawn chhuak in a țhutna lam tur a hawn sak thlap, nui sang a kut min vaiin Lucy chu a chuang lut a, an tlan liam hnu ah erawh prof Msa nen kan inkar boruak chu hla duai siin a țang ut a ni ber.

Ngawi ngul in kawtzawl ah chuan in lam panin a pen pawk pawk, khua a rawn dur deuh khúi a, zingkar a kan pahnih inkar boruak nuam zet ațang thinlung inhlat dawrh a kan awm chhan hi zawn chhuah ka mamawh.

A hnung ah chuan tîm ru zet hian ka zui a, tunah kher hi chuan hmelhriat ngailoh ang maiin kan inkar chu a hla a, kan inpawh lo tak zet.

"I haw hmasak dawn chuan min hrilh ve ka ring a" a hriat hlau zet a insangmar țeuh in ka ti chhuak sep.

"Țum dangah chuan ka hrilh tawh dawn che nia" ti nghut a pawitihna tak tak nei lo hmel zet a a kiai deuh suk chu tha nâ ru fê hian ka melh chho a. Hma lam en ngurin in lam pan chuan a kal nghut nghut.

"Professor, Ka lakah lungawi lohna i nei em?" hlauthawng chung chungin ka zawt ta thlawt!

Ka lakah a lungawi lohna chu engthil pawh nise hriat ka duh! Ka nun ruak zet ațang a ni leh zel a inla hrang tlat a nih chuan ka â thei mai ang!

Ka zawhna vang chuan prof Msa taksa lian leh hrawlpui chu a ding chawt. Ka thisen a lum leh pup tawh.

A thinur hmel hlauhawm lutuk hmachhawn inring ran hian ka lo inhum ruh ngar ngar a, 'Becki accident chungchang emaw test kit a negative zel tih emaw pawh sawi chhuak se huaisen takin ka hmachhawn tur a ni' ti a infuih ru mawlh mawlh chung hian a taksa hrawlpui rawn inher let ruai ruai chu engkim tawrh huam chungin ka lo melh ngar ngar.

A hmel pa zet lang thim khup vang chuan thawk ka chelh nghal tlat a.

Muk ruih a min chhuk melh ngur pah hian " ka lung tiawi lo zawngin i khawsa em ni?" nelawmna tel hauh lo in a ti bung nghut a nih chu!

Ka thin zawn na kual rawih rawih vang chuan ka mittui a rawn hnai nghal kuar, tinge hetiang hian a awm tlat le?

"Ka.. ih, ka zawt che a lawm, chhun a țang tawh in min be duh tawh lo a... " ka ti a, ka sawi lai ngei pawh chuan ka țah a rawn chhuak ut ut.

Țah chhuak insum zet a pangchanna nen a mitah ka en lai chuan vawt ruih hian min lo melh chhuk ngur.

"Ih, ka lakah lungawi lohna emaw.. aa, i thin tihrimna ka neih chuan min hrilh la.. hetia i inlak hran tlat hian awm dan tur ka hrelo!" ka ti dek dek a, rum chhuak nghut in a ban lian zet chu a vai vut. A pa lian bawk si, ka phu zawk.

"Professor...."

"Kal chhuak turin insiam rawh, zanriah chu hotel ah kan ei ang" a ti bul hmuk.

"Mahse, professor..." ka thusawi ngaipawimawh lo zet chuan inher vut in min kal san nghal nul nul a nih chu! Insum hman lo lek in ka mittui a rawn luang tha zawih a, rang zet in ka tuai hul nghal zat nangin ka hrawk chhung rawn sa up up leh na ngut ngut vang chuan ka mittui bawk a rawn tla leh zung zung.

Mittui kar aţang chuan thawk leh khat a min hlat dawrh tu inchhung a lut bo hmiah chu ka melh tlawk tlawk. Ka ruak a, ka kim lova! Engmah ka siam țha thei bawk silo....

Inchhung reh ruih ah chuan tîm ru dai hian ka pen lut ve leh a, inhnuai lamah a sulhnu hmuh tur pakhatmah a awm lo. Couch hnung a Bruno lo bawk reng chu muangchang in ka pan a, a bulah chuan țhu thla in a lu ah ka tuai thuak thuak a. Vawiin ka boruak tawn teh nuaih avang hian ât mai ka duh rum rum bawk!

Rilru thlamuang lo zet in kailawn chu ka zawh chho chhat chhat, min biak dan teh tawlh vang khan hmachhawn leh chu thih hreh hian ka hreh a. Marawh chu inhnuai lamah awm reng khan kan buaina min chinfel sak dawn miah lo.

Pindan kawngkhar herhawnna chu thaw dep dep in ka herh hawng a. Ka beisei loh zet in pindan chhung chu a lo reh ruih, ka lut a, bag chu khum ah kal san tawp in ka chhuak leh nghal a, a thawhpuite nen an thil lawmna tur ah pawh hian zui ve chakna ka nei lo.

Lucy'n a sawi chhuak kha Prof Msa pawn pawi a ti ngawt ang! Min hruai ve duhna rilru nei tak tak nise chuan a hma lamin min hrilh tawh ka ring. Hetiang teh hrep a kan pahnin inkar a hlat duai laia ka hmelhriat ngailoh hlir te kiang ah chetla vel tur a ka zui a nih phei chuan ka chuang bik ngawt ang!

Lehkha chhiarna pindan kawngkhar chu ka kik karh a, a reh tlawk tlawk vangin ka nam hawng a, mut pindan ang tho in a chhung pawh a lo reh ruih. Mak ti fe hian ka hawi kual a.

"Professor..." min chhangtu an awm lo. Inher a kal sawn leh mai ka tum zet nangin ka rilru a thil pakhat rawn lut zawk vang chuan study room chhung chu melh leh kawk in ka lungphu a rang nghal dawt dawt!

Ka chhungril aţang chuan *TI HLEK SUH!* tih min rawn hrilh ni ber hian ka hria. Mahse, in ka thlen tirh aţang a hlauthawnna leh ngaihțhat lohna min luh ngut ngut tu hi fiah ka duh! Ka nat phah ngawih ngawihna tur pawh nise ka fiah ngei tur a ni.

Study room pui khup ah chuan ka pen lut leha, kawngkhar chu nam phuiin thawk chelh meuh in ka han inhum ruh leh rih a.

"Ka ti ngei tur a nia" ti sap in rilru dang ka put leh hma in chak zet in dawhkan lianpui lam chu ka pan rawk rawk, leather couch te, chair te leh chhuat te chu hnuchhui tu in tualthattu sulhnu uluk zet a bih chiang ang mai hian ka melh kual dan dan a. Mahse, sex hmanna hnuhma tur awm ang ka hmuh tak loh ah chuan dawhkan ah in nam khalh pah in ka thaw hle hle mai!

"Lola, hahdam rawh, i lakah lungawi lohna lian tak a nei pawh a ni thei, marawh chu hmeichhe dang lak ah kher chuan a phatsan lo ang che" ti sep sep in ka ding mar a, kawngkhar pan tur a ka inher chiah chu dimlo zet a kawngkhar rawn in nam hawng pawp vang in ka tawlh hnung leh dawrh!

Kawngkhar ah chuan prof Msa chu a ding khawng nghal luah a, mitmeng nelawm loh zet hian min melh nghal ngur bawk.

"Hetah eng nge i tih?" a ti hmuk. Mak ti deuh hian ka en a,

"Ka zawng che a.."

"Min hmu ta a lawm, eng nge i duh?" a ti bul leh nghut. Ka kâ ațangin ka thaw chhuak ham ham mai!

"Zanin kha.. ugg, ka lo kal ve loh pawn a theih tho tiraw? Ka tih awmzia chu i thawhpuite tumah ka hreve bawk silo a, chu lo ah a chawpchilh sia..."

"Kal tum ang tak khan țawng loh mai tur che a nia" ti hmuk in min nin hmel zet hian a ner sawk. A țawngkam a nel awm lohin min ngaihtheih loh hmel hluah hluah ani tawp mai.

"Professor..."

"Kan kal ang, ka chhuak lawk dawn, ka rawn let leh hunah chuan lo insiam peih sa ang che" a ti bung nghut; en pawh min en tawh lovin a inher vut, ka beidawng bawk si nen zawizet in ka dinna ngai ah chuan ka ding mawl tawp.

Kailawn ah a pen thla khup khup a, ka mitthla ah min nin hmel zet a ner suk lai a rawn lan chuan nghet zetin dawhkan tlang ka hum nghek. Thinrim tur nge țah tur pawh ka hrelo.

Kan nupa mut pindan zau zet ah chuan rilru tawt țun in ka lut a, nupa inkar hi hriat a lawi ka neilo. 'Pasal i neih hun ah chuan chutiang.. khatiang chuan awm la, i pasalin lungawi lohna a nei a nih pawn he ti zawng zawk hian i awm hram hram țhin dawn nia' tia thu țha mal khat lek pawh tu hnen ațang mahin ka dawn ngai miau loh vangin ka bo ve tak zet.

Khum tlang ah chuan rilru kal bing ngut ngut in ka țhu a, ka rilru chu kal bing viau e tilo chuan engmah ka ngaihtuah hleithei chuang lo.

Thaw hak in ka bag ka hai a, ka u tal biak ka duh, hetia ka inngaihtuah ngut ngut a nih chuan ka rilru a kal diklo leh chiam mai ang.

Tukverh lianpui ațangin pawn lam ka thlir a, phone in *ring* ri chu ka ngaithla veng veng bawk.

"Mate, tehhlawl chuan, i țha maw?" zaidamna a khat ka u aw dam dup ka hriat rual chuan ka mittui a hnai kuar a, prof Msa nen kan inruk hnu ațangin a vawi khat nan tak tak an in ah haw phei ka chak ta kher bawk.

"Ka țha... kan inbe khat em a" ka ti sep a.

"Inpa nen kan inbe ngun thung a lawm" ti sup a a nuih tel huk chuan lei ka chhuah vak ringawt.

"Tak tak a, Msa'n a hrilh zel tho che tiraw?" a rawn ti leh sup. Becki chungchang a sawi tih hria in ka thaw halh a.

"Umm.."

"Eng a ang thei rih silo a, a buaithlak a nih hi" ka u vek chuan a rawn ti nghut. Prof Msa mize inthlak danglam thut hi hrilh tur a ni em pawh ka hrethiam lo.

"U, Matt ațha em? Ka ngai tawh reuh e" ka ti a.

"Țha a ni mai, a inti-tlangval tawh lutuk a..."

"Ka hman chuan naktuk ah ka lo phei dawn" ka ti a, ka u chu za zet hian a rawn nui huk huk a.

"A chi ngawt nang! Inru in la nih kha, i rawn thlen phei chuan i pasal in lamah i let phei ka lo phal tawh miah lo mai tur a sin"

"I va han nghal tak" ka ti ta chiam ringawt.

"Ka sawi diklo em ni? I pasal thilruk lai i la ni rih miau a" a ti leh a....

U Biakpui nen an inkar pawh a serious chho hle a, ka u pawn a duh ve tak zet tawh tih ka hria, u Biakpui lah inlafel chawp satliah a nih loh zia chu naupang rilru thianghlim in an ngainat dan aţang hian a hriat theih hle chuan ka hria. Matt mai nilo, biakin a naupang dang tam takin an ngaina em em a, ka u nen an innei ngat a nih chuan ka rilru a hahdam viau ang.

Ka u nen kan inbiak zawh hnu chuan thaw hak in khum lam ah ka let phei a, zingkar ațang in hna kal dawn thleng a kan inbiakna te ka ngaihtuah let neuh neuh a, diklo lai leh thinrimna tur ang ka hriatchhuah theih hlawl loh a vang chuan thaw ipik zetin ka rum hak a.

*Lalmate, prof Msa khan a rawn hruai che em?* Kimkima message chu ka chhiar a, ka rilru rawn nuam lo nghal ringawt vang chuan ka thinphu a rang nghal zaih zaih.

*vawiin chu taxi in ka haw, in i thleng tawh em?* ka tia, khum ah chuan ka mu zangthal nghal hnak.

*ka la haw re2 lo.* a rawn ti a, a messeage type dan hi ka ngei tlat zel.

*ih, ka lo zawh chhan che chu prof Msa leh MZU studen hmeichhe chhelo zet rawn inphur lai ka hmu* ka awm chhung chu a nghing lawih, ka awm a phone tla chawrh pawh chu laksawn mai nachang hrelo in thawk ka ip nghal tlat. Ka thinlung a rinhlehna meipui rawn inchhep alh hluah hluah chu feel loh hram ka duh.

Min nin hmel zet a min chhuah san hnu lawk ah hmeichhe dang a phur chhuak maw?

Ka phone chu a rawn ri a, kei erawh ka rum chhuak nghal hawk.

Kut tha khur dar dar in phone chu ka la kang a, screen ah Kimkima hming lo lang ka hmuh chuan ka chakna zawng zawng in min thlawhbo san duak maiin ka hria.

"Hello..." ka theih ang a aw zangkhai chuan ka ti lui a. Ka kawchhung erawh khawsik tur ang maiin a hit leh er er tawh.

"Thlalak ka lo thawn che kha en ta cheee" Kimkima'n a rawn ti nghal duai.

Thlalak!

"Kimkim.."

"MZU a thawkve tho assistan professor nau lar ve deuh nen khan tun lawk khan an rawn inphur" hrechiang intih hmel zet a a rawn tih leh meuh chuan ka inhumruh tlat a, ka awm nuam lo lutuk vang chuan ka khua a sik thei mai dawn in ka hre bawk.

"Ka lo en ang.."

"In inkar a țha hrim hrim em?" a rawn ti leh a, a aw ri pawh a hniam ta deuh.

"Țha tehreng e, zanin pawn a thawhpui te nen zanriah kan ei ho dawn" ka ti a, Lucy sawi chhuah vang liau liau a telve tur chiah ka nih zia erawh ka hre thar nawn awn awn

"A țha hlauh a nih chu.. thlalak pawh kha en kher duh suh, zep loh chuan nangmah chhan che hi ka tina ve țhin a, nangmah nilo hmeichhe dang nen a hmuh dun zeuh pawh ka duh lo.." a rawn ti a, a nui ta uar uar bawk. Keipawh tawite in ka nui ve hak, rilru chhia pu a thil ti anih loh zia ka hria!

Kimkima thlalak lo thawn chu vawi eng emaw zah ka en nawn tawh. A sawi ang tak tak in prof Msa chuan hmeichhe dang a chhuah pui! Ka awm chhung a mi chu a che dup dup a, ka rilru leh ngaihtuahna te erawh a mâng dûk.

Jordan-a rualpui tur nula nalh zet, sam sei buang hnap mai hi passenger seat ah a țhu a, a hleitlin hmel in a chhelo tak zet. Prof Msa pawn in a chhuah san laia a inbel ngai chiah thuamhnaw a inbel, driver seat ah țhu in steering a hum ngur thung. Lungawi lo zet a min chhuah san hnu ah nula la upa lo tak leh chhelo em em a phur kual nghal zat hi engtia ngaih tur nge ka hrethiam tawh lo.

Thlalak chu ka zoom a, thawk ka la a; hmet thim in ka han hmet eng leh ringawt țhin a, chu hmeichhe chhelo lutuk nen chuan eng inzawmna nge an neih ang? Henu a hmuh duh vang hian em ni min chhuah san?

Kei hi min hnen in min ning tawh tak zet a ni thei mai a nge'm? Thaw chhuak hak in phone chu ka hmet thim hmak, khum ah ka theh thlak rual deuh thaw in ka bek ah mittui a rawn luang lum pap a. Hruk hul pawh ka tum lo....

Amah lah chu kan inhriatve hma daih ațang tawh hmeichhe lakah a tla na em em a, high school zirlai naupang ațang a kum rualpui nula senior leh nuthlawi lam thleng a an star rawn ve hat kha a nia! Kan inru tih lah kan college studen tlem a zawng leh a thawhpui te deuh chiah in an hre bawk. Amah hnar thei lo fe fe an tam dan tur ka ngaihtuah hian nula tituai nalh zet zet te chu a duh duh a thlang thei reng ang tih lah ka chiang.

Engtik nge a lo haw dawn a, dar engzat ah nge hotel kan pan dawn tih takngial pawh ka hriat ve loh vang chuan inthing harh luiin ka tho chhuak ta hram a. Khum chung a phone let ngat chu melh zeuh in rilru na zet hian ka thawh san daih.

Thuamhnaw bawm lam ka pan a, a lo haw hun ah kha hmeichhe chungchang kha ka lo sawipui duh a nge'm? tih te ka ngaihtuah chiam nangin engmah ka rilru buai nuaih chuan a ngaihtuah fel fai thei chuang lo.

A thawhpuite leh an kawppuite kum zat tur awm ang ka riruat kual a, inchhei dan tur ah ka buai nghal pang.

"Sual leh lutuk.. a hma ațangin min hrilh lawk ve mai tur a lawm" thinrimna te nen țah chhuak țeuh in ka thuamhnaw bawm ka khar tau sawk.

Khum chung a ka phone chu la in IG ah ka lut a, MZU a professor an hming ka hriat țhenkhat te chu ka search chawp a; thlalak an upload a an thuamhnaw inbel dan ațang in ka thuamhnaw inbel tur ka thlan ve mai loh chuan an zing a kan awm hun ah prof Msa tizak tu ah țan ka hlau ve tho bawk nen an nupui te inchheina chu ka en kual thuak thuak a. Malsawmtluanga ber bur chu rawn tumna pawh ka nei tawh lo.

A hming ka ngaihtuah chhuah rual ringawt te chuan ka țah a chhuak țún ringawt. Tunah te hian kha nula nen khan an awm dun vel a nga, min nih hmel zet a min biak hmuk hmuk laiin kha hmeichhe kiang ah erawh chuan pa zetin a nui ngei ang!

Tlai dar 5 ah pawh a la rawn haw lo, inhnuai ah ka chhuk thla a, rilțam tih hriat zetin Bruno-a'n min lo vir thut thut chuan ka inthiamlo kher mai.

"Bruno, ka tihpalh lutuk, lo kal rawh chaw ka pe ang che" ka ti a, a pa lian in a hmul hi rangkachak ang maiin a kawl-eng tle siau a, ka hnungah thuawi zet a min zui ve nghut nghut chuan ka nuih a za ru tak zet.

A thleng ah a chaw tur ka bun chhuah sak a, keipawh ka pum a rik deuh rak rak vangin thingpui tak țha zet in ka inchhuan ve tawp. Mug ah thingpui ka inthlit chhuah mek laiin pawn ah chuan prof Msa bolero thawm ka hre nghal zat a. Ka lungphu a rang leh dawt dawt tawh, a chhuahpui nu chhelo zet kha min tina turin a rawn hruai haw leh kher a ngem? tih ka ngaihtuah a! Nghet lutuk in mug chu ka hum ngawt ngawt.

Motor kawngkhar inkhar ri dawp thawm vang chuan thazam țek chhawk in ka thaw kawk a. Hmeichhe chaklo tak ang maiin ka awm ngut ngut tur a nilo.

Mug chu kitchen island ah ka nghat a, rang zetin fridge lianpui a cake box ka la chhuak a, thingpui ah chuan chiah zawp in ka lo ei hawng hawng, kawngkharpui inhawng thawm erawh rilru hahdam lo zetin ka ngaithla ru kar.

Malsawmtluanga chu a rawn lut tih hriat zet in inchhung zau pui boruak chu a uap nghal khup.

"My Boy, ei țeuh rawh aw" a ti nghut a, choka kawngkhar ațang lang thei dinning table lian zet ah bawm tuam mawi a dah nghal nghut bawk.

Lo biak hmasak ka chak miau lo, a kamisz kawrhma kilh phelh thla hmawk hmawk chungin choka chhung ah chuan a rawn dak lut vut a, kitchen island bawh ah thingpui no dawm a ka lo ding kawisawi chu uluk zetin min melh nghal ngur; a hmeichhe phurh nu hmel ka mitthla ah a lo lang nghal zawk thung.

"I insiam peih tawh maw?" a rawn ti sup. A khabe ruhkual hrawl zet chu a tuai thuak bawk.

"Ummm"

"Ok, ka han insiam ve lawk a nge, thingpui min lo lum ve la'' ti leh sup in savun kawnghren chu a phelh leh mual mual a. Chhang tawh lem lovin gas thuk awmna lam ka pan nghal daih.

Ngawi ngurin motor a khalh a, kan boruak nuam lo zet vang chuan biak ka tum biklo, phone ka khawih a, Jordan ka text chuan Lunglei ah Kimbawihi nen an phei thu a rawn sawi a. Kan țhian ho group ah ka lut a, prof Msa phurh chhuahnu chanchin an lo sawi chiam a, MZU ah a lut mek a, car model ah te pawh a lo țang ve hial tawh tih te, zah hrevak lo, sum ngah deuh chuan an kawp thei mai zel tih thlengin ka țhiante chuan an lo hre vek.

*engtin nge in hriat a?* tih ka send a.

*Matreee, ka pa țhianpa, an dawr lian zet vang a pa lar ve tak nen hian ka hmu dun țhin a lawm* Nuni'n a rawn ti hmak. A sawi dik ngei ka ring nghal hmak bawk.

"Kan țhahnem lutuk lo ang, dinner party satliah tur a nia" ti sup tupa vang chuan phone chu rang zetin bag ah ka thun a.

"Umm.." ka ti mawl tawp, a chip leh hmuk vang chuan ngawih hlen ka tum zet nangin kan kalna tur tal tun thleng a ka la hre miah lo hi ka ngaihdan ani tawh biklo.

"khawi hotel ah nge ni reng reng a" ka ti leh hram.

"Hotel platinun-ah" a ti nghut. Engtin mah ka țawng zui tawh biklo.

Khua a thim țan tawh a, tukverh darthlalang chhan ațang in pawn lam chu ka thlir dauh dauh, an hmeichhe sawi nen khan inzawmna lo neive tak tak tase engtin nge ka awm zui zel ang? Man kan la inhlan miau lo! A duh phawt chuan min dah let tawp in min ngaihsak zui lo thei reng tih ka hriatve na chuan min tihreawm thar hluah hluah.

Patling, fa pawh tlangval țhuau nei tawh khawp hreh lo hmeichhia khan ani professor chhelo leh sum a buaina nei miah lo hi kawp a hreh dawn hauh silo a...

Thaw ham ham in driver seat a prof Msa țhu ngawi ngul leh bing zet a hma lam melh ngur chu ka han thlek a, tshirt dum leh cotton kekawr dum hlap a ha mawl tawp, a pa lian in a hmel lan dan pa zet vang chuan simple zet a a inthuamna chuan a lan dan a tichangkang vuah tho. A mitmeng thip lam hrat bul lawk a vun chuar kal phei ruih chu en leh in thaw chhuak hakin hmalam ka melh daih a. Tlangval senior, in fit leh sex ah pawh duhthawh lutuk țhin a ni a, kei lah chuan min khawihna lo dawnsawn bak chet lak vak ngaihna ka hre ve ngai hauh silo.

Sex ah a duhthawh țhin zia ka hria! A sang bawk! A hrohram a na in dangdai zet a chet lak a duh fo! A duhthusam ang a zei leh a phak ang tawk a nawmna ka pek zawh ve loh vangin hmeichhe zei zet leh amah tilawm thiam tur nia a rin nen a inkawp a duh ta zawk tihna ani thei mai a ngem?

Kan thlen chuan motor chu hotel kawtzawl ațangin midangin an rawn khalh sawn nghal a, a kal chhuak a rawn let khan thil pek tur a rawn lei haw a, bawm te chhelo tak chu hnehzet hian a zakzeh hlun a. Lift ah kan lut a, kan pahnih inkar boruak chhiat lai ber kher a a hmelhriat te nen kan inhmachhawn a țul chu ka huphurh tulh tulh.

"I kal duh ka ring lo a" a tih sup chuan rang zetin ka en chho ha mai, a mitmeng thim khup chuan min lo melh chhuk run a.

"Ka hrilh loh chhan che chu i kal duh ka ring lo a..." a ti leh sup. Tunah hian insawifiah a tum ve deuh tihna ani mai em.

"Oh" ka ti halh ringawt, lift kawngkhar a inhawn ve chiah vang in thaw chhuak hawk in a ban lian zet chuan ka kawngah a rawn man hmiah a, hamhaih fe a ka han en chhoh dawrh chuan hma lam melh ngurin min pen chhuah pui hmuk.

Pindan pawn ah nupa ni ngei tur lo dingte chuan kei leh prof Msa min lo hmuh chuan an ri dun chul a. Nui suk in a bawm ken chu a pe a, lawmpuina keipawn ka hlan ve sep a.

"Lola chu maw? A tawp a tawpah chuan kan hmu ve ta hram che a lawm, kum tam tak lo senior tawh in a thlan nalh i ni bawk a, thlalak ai daih in a tak ah i țha leh nghal" patling zawk chuan a rawn ti a, a nui zui huk huk a.

Lai zet a ka nui tawi tak chu min duat hmel zetin Malsawmtluanga'n min lo nuih suk a. Hepa mizia hi ka hrethiam hlawl lo.

"Aww, kum 40 chuang tlangval tawh in 'hei ngei hi ani e' tia a thur chhuah nalh hi a duai dawn lo tih ringthiam ve mai ta che" a nupui zawk chuan a ti a, ka dar ah rawn chelh in nelawm zet hian a nui a. Kan bul lawk a mipa dingin lungawi hmel zet a min lo melh vung vungna te nen chuan ka hmai a sa hat hat a.

"Lola, a chhung ah sawn lo va lut rawh ru, kan țhian dangte pawn an hmu chak tak zet che a nia" phur hmel fe hian in a nupui chuan a rawn ti leh a. A bulah awm chu a nawm hmel tak zet.

Prof Msa chuan ka kawngah a rawn kuah a, a taksa lian zet ah chuan min hnuk bet salh in a țhianpa te chu lu a buk khum nghut a, kan luh chuan a chhung a lo awm ho chu an ri nghal le lu mai! A țhenin min chibai a, Prof Msa fiam hlut tawk lah bang lo, kan kum a inthlauh zia an hreve vek a, a takah min han hmuh meuh chuan kan pumrua ringawt pawh a inhrawlh hleih tham si nen țhenkhat mit a mak tihna lo lang chhuak pawh chu an demawm em em loh.

"Lola, kan valsenior-a hian a duat che em?"

"Ngahnge chutiang te i zawh, kum hei leh chen hnu ah a nupui nitur a a thlan chat hmeichhia hi tenawm khawp in a duat ang chu leee" an nui hawk hawk hlawm a, Prof Msa phun hluk chu fiam nuam an ti zual sauh bawk nen "titi dang vawrh te u" ti hluk in chair min pawh chhuah sak. A nuih erawh a za ve viau.

"Khai a! Malsawm fa neih vat in ngai a nih hi, anih loh zawngin in fa te'n i nupui an 'nu' laiin an 'pu' nulh mai ang che" patling phawk hmel zetin a tih lung lung chuan prof Msa chu a nui huk huk a. Kei erawh ka insangmar nghal țeuh ringawt.

Inhmelhriattirna te kan nei sap sap a, nutling leh patling vek tawh an ni a, sawi ser ser ka hlawh lo ringawt pawh chuan ka awm a ti nuam huai. Hunserh tawite kan hmang a, cake cut-in a zawm a, fanu duhawm zet leh fapa cute tawk samkir chiat an nei tawh a, cake cut-na a zawh meuh chuan hotel hnathawk ten zanriah an rawn buaitsaih țan nghal mai a. An zavai chuan keiaia kum 20-30 a upa rual țhah vek an ni bawk a, hreawm ka tih hlauin min ngaihsak em em vek. Lucy pawh a pasal ni ngei tur nen hlim zetin wine an dawm dun a.

Zanriah boruak pawh nuam ka ti ve tak zet! Kan pahnih a kan awm dun laia a mizia ang lo takin prof Msa pawn min ngaihsak em em a, wine pawh ka glass ah min thlit sak ve thlap.

"Ka in i phal maw?" midang hriat ve loh tur chuan ka ti sap a. Khi suk a wine glass dawhkan ah nghah pah chuan min melh a.

"Zanin chu ka phal sak mai ang che" a mitmeng thim ruih ah chuan tihelna tello nuihzatna ka hmu thei.

"I inve dawn em?" ka ti leh ngat. Hmui a ti sawi zauh a.

"Whiskey ka in ve ang.." ti sup in mit min siai suk. Ka bu ve nghat nghat a. Kan kal dawn a ka rilru nawm loh rukna leh huphurhna zawng zawng te kha a bo duak tawh a, nu ho chuan an zing ah ka tel ve vawik khatna a ni tih hria in min ngaihsak zual hle bawk. Chuan, Lucy kha nula senior a lo la nia,

Show post links

Top

Abbra Reo Ririni

Post May 12th, 2020, 7:42 pm

a pasal emaw ka tih kha a bialpa, khawi khua emaw a BDO hna chelh lai a lo ni bawk.

"Lola, inpa in a chhai țan dan che hriat a va chakawm ve?" Pa phawk zet pa bawk khan a rawn ti ta mai!

Ka wine in lai chu ka phuh țhawt lo chauh! Phawk fe hian prof Msa chu ka melh a, whiskey no a lo dawm run a, nuihza insum mitmeng sexy zet hian min lo melh ve chiah bawk.

"Ka hrechak zual sauh mai" ka meng phawk lutuk an hmuh rual chuan a țhenin an lo ti ve leh bawk nen ka thisen a lum nghal pup pup.

Inngaizawng dangte ang 'ka duh che a, ka vei lutuk che..' ti a, țawngkam thlum a inbiakna nei chhin miah lovin mak pui pui in kan awm dun a... chutiang thil te chu sawi chhuah chi pawh a nilo!

"Msa hi a zei ru fu lo maw?" Lucy'n a rawn ti a. Amah chu en dawrh in rang zet hian "min chhailo" ka ti chiam ringawt.

An zavai chuan za zetin an nui tlawr tlawr a, min chhai miau silo a lawm, Prof Msa ka en leh chuan tukin pawh a a mitmeng a ka hmuh 'min hmangaih hmel zet' hian thuk ruih a min en in a lo kiai suk suk.

Mipa ho chu hotel room bathlar ah te chhuak in an titi a, prof Msa pawh a glass ah whiskey an thlit belh a, bathlar lamah an chhuahpui ve daih a. Lucy leh a bialpa erawh inthlakhleh hmel zet in a țhu fal deuh.

"Lola, i u chu eng nge a an zel a?" nutling pakhat in a rawn tih chuan ka insangnar nghal țeuh.

"Ih, hmasawnna a la awm vak lo, comma in ICU ah a la awm reng a.."

"A zialo ngawt mai.." tiin Becki chanchin chu an sawi zui barh barh a, ka pa hi sawrkar dept pakhat hnuai a director ve meuh anih vangin Becki accident hlimchhawn pawh khan sawrkar mipawimawh tak tak an rawn lang nawl nawlh a, an ni pawn an ngaihven hi thil mak ani hran lo.

"I ning tawh em?" ti sup a lo kunhniam vut in ka biang ah a rawn fawp a. Min ngaihsak thar thut hi a chhan hrethiam lo viau mahila inpawh lo zet a awm ai khan a hahdam thlak zawk fe.

"Aih, ka rin aiin a nuam ka ti daih.." a nui suk a, a biang lum vung vung chuan ka hnung lam ațangin ka biang a rawn nawr si chet, ka kokiah khabe a rawn nghat bawk.

"A hriat theih a lawm" a ti sup, whiskey rim rawn nam chhuak cham cham chuan a ti lang cool ruih daih a.

"Eng chu maw?"

"I nuam tih zia"

"Humm.." ka ti nghat.

"Washroom ah ka va kal lawk a nge" ti sup in ka biang ah bawk a rawn fawp a, a biang hmul in ka nghawng nul tel thuak in a whiskey glass chu ka hma glass table tê ah a rawn dah a.

Patliang zet a rum chhuak nghutin a ding mar vut. Ka han thlek chho ha a, a thil in vang a a mitmeng si sup hian min lo melh chhuk ve vut bawk.

"I va ruih hmel tak"

"Nope.. " lu a thing nghut, ka nui hak a. "Ka reilo ang" ti sup in mit min siai suk. Kawngkhar pan a a kal nul nul chu ka en zui reng a, rui intilo viau mahse ințhang a mi miau lo, a kai ve tawh tak zet tih ka hrethiam mai.

"Aw, Mate, i lo thleng maw? Hnathawk te kha zawt la, lo lut ve tawp rawh" Lucy phone hmang ri chuan ka beng a verh zar.

Phone a hman ațang a reilote hnu ah hotel kawngkhar chu a rawn inpawt hawng a, hmeichhe chhelo zet leh sam buang sei hnap rawn pen lut ka hmuh rual chuan ka nghing nghal lawih!

Amah ngei kha ani! Tlai a prof Msa hmeichhe phurh chhuah nu kha!

Zanin a kan kal khawm chhan nupui chu hlim zet a tho chhuak in chu hmeichhe chhelo lutuk nui sang lam chu a pan a.

"Happy anniversary Nu Zawr" a aw chu a no nalh kher mai. Nu Zawri nen chuan an inkuah a, eng emaw sawi a an nuih dun hawk hawk hnu chuan kan țhutna lam ah a rawn kai phei a.

"Khawnge Sir pawh chu, ka wish zuai a nga, kal chhuah leh nghal ka ngai sia" a ti a.

"Awi, chutin hmanhmawh ruai suh, in sir chu batthlar lamah sawn a awm, va wish la, țhu ve rih rawh" nu Zawri'n a tih lai chuan single couch a ka lo țhu chu chiang fahran hian min rawn melh a. Ka lungphu rang zawih zawih siin thawk ka lo ip ngar ngar mai.

"Hei tunge a?" ti pah in au thawhpui te ho chu a melh kual a. Kei tih chauh lo chuan henu hi an hriat țhat hmel tak zet.

"Oh, i lo la hre nange, in Sir Msa nupui a nih hi, Lola, ani kha Msa studen May-i a nih kha, lehkha thiam thei leh mi talented tak mai a nih hi" an lo ti zung zung a.

'In sir Msa nupui' an tih laia May-i mitmeng de ralh chu reilo viau mahse ka hmu chiang viau.

Kan inchibai ve ngial a, ka rilru a tihnawm loh zia thup in ka nuih lui bawk. Nu Zawri chuan a pasal te awmna lam ah a hruai chhuak a, kei erawh ka ngaih a țha thei tawh hlawl lo! Prof Msa lo lut se, haw lo rawt daih mai te ka duh ut ut tawh. Malsawmtluanga pawh chu a va rei tawh tak!

Kawngkhar lam chu ka melh sek a, zeploh chuan he hmeichhe chhelo lutuk nen ka inkhaikhin chhin ringawt pawn ka buk a rit lo zawk lutuk! Tlai ah an inphur chhuak tih ka hre ru leh zel nen zanin hian an intawng a, reilote pawh an inhmu a nih chuan ka rilru a nuam lo tulh tulh dawn tlat.

Kawngkhar inhawng ah prof Msa rawn lut hlawl ka hmuh rual chuan ka thaw huai a, ka țhutna ațangin ka lo kang zuau tih chu 'engkim a țha em?' ti ang hrim a mitko min kan khum uk chuan ka hre ve chiah. Ka lo nui lui a. Min pan ding tih ka hriat chuan tlem te tak tak in ka hahdam deuh.

"I va rei" ka lo ti nghal thawr ringawt.

Nui sukin couch ban ah chuan a rawn țhu a, awm nuam lo zetin ka che sek.

"I haw duh tawh deuh em ni?" a tih sup chuan ka hnial lo chiang kher mai.

"Ummm, pawi i tih loh chuan"

"Ok, kan let dawn nia" ka bek ah a rawn fawp a, bathlar lam ah chuan chhuak phei lo se tiin ka rilru chuan ka sawi nawn mawlh mawlh.

"Ms helam ah lo kal lawk teh" tih ri vang chuan inveng hman lo lekin ka rum chhuak hak.

Bathlar ațangin sir pakhat hi a rawn dak lut a, ka duh loh dan ber in thil a thleng dawn a ang

"Ok, kan haw tawh mai dawn maw kan lo ti tawh a" prof Msa'n a tih sup chuan an zavaiin an rem tilo vek. Ka lo hah ru țun tawh.

"Hei kan thil sawi hi rawn chingfel phawt teh nang thluak fing, Commerce lam thluak kan mamawh tlat" a la rawn ti cheu. Prof Msa chuan nui suk in lu a buk khum a. Rilru nuam lo zet a ka che sek chu a mitmeng si sup chuan min melh nghal thuak bawk.

"Ka va chhuak leh lawk ang aw, chuan, kan haw tawh dawn nia" a ti a, 'kal lo mai rawh' lo tih țung chi a ni der bawk silo. Ding mar vut in whiskey chu a inthlit chhuah a, ka rilru nawm lohna chu hmu thiam se ti zet in a che vel chu ka en ngawih ngawih. Mahse, patling ngai bawk in a rawn auh nawn lehna vang chuan bathlar pan chuan a kal ta vut.

Rilru bet lo zetin hmeichhe ho titi chu ka ngaithla mawl tawp. Prof Msa te bulah chuan va chhuah ve thawr mai tur emaw te ka ti tut tut a, midang chu whiskey inthlit belh tur ten an rawn lut phauh phauh a, a țhen couch ah rawn țhu lut in an titi bawrh bawrh a. May-i a rawn lut leh tawh lo a, chutiang bawk in prof Msa pawh.

Ka thinlung a hlauhthawnna rawn in mung kual tup tup chu ka thunun seng tawh ngang lo! Ka țhutna ațang in ka ding hlawl a, mak tih hmel zet a min en chuan nui chungin 'intithawveng turin bathlar lam ah ka chhuak ve dawn tih ka sawi thawr'

An in deuh vek vangin an ngaih a sam tawh bawk ang an țawng pawh a ring țan tawh hle, bathlar kawngkhar inhawng huau chu ka hnaih tulh tulh a, zamna nasa lutuk hian min rawn luhchilh a, ka thlan deuh phat phat nia mawle!

Ka huaisenna zawng zawng sawm khawm in bathlar ah chuan ka pen chhuak hlawl! Mahse, ka thil va hmuh vang chuan ka țek chhawk chhawk!

20200512_220911.jpg

20200512_220911.jpg (24.81 KiB) Viewed 22556 times

Prof Msa chuan whiskey no hum run in bathlar a railing bawh chuan a kun hniam khun a, a darah May chuan kiu nghat in prof Msa chu sir lam aţangin a bawh titih bawk!

Prof Msa chuan zawi sup in eng emaw a sawi hluk a, nui ar ar in May chu a ding mar leh a, an awmna chu kil thim chin a nih vang leh May-i chu kawngkhar hnaih lam ah ding anih vang chuan prof Msa chuan min rawn hmu thei kher lo.

Hnung lam ațang in ka darah rawn khawihtu an awm vang chuan nasa lutuk in ka phu dawrh a. Rang zet in hotel pindan chhung ah chuan ka kat lut a; ka hma a mipa lo ding chuan mak tih hmel zetin min lo melh chhuk ngur.

"I phone ani em? A ri reng a" ti sup a ka bag kalsan awmna lamah a thlek buk chuan thaw chhuak hak in mit ka chhing a. Ka awm dan chu mak a ti anih pawn ka inthunun seng tawh biklo.

"Ih.. ka haw duh a, min thlah thei a ngem?" mit ka men rual chuan thawk sak ţalh chungin ka ti a. Ka hmachhawn mek pa mi melh chu a na kher mai!

"A nih loh pawn.."

"I mamawh la khawm la, i lo chhuak dawn nia" ti sup in a inher nghal daih. Kawngkhar pan in a kal nul nul a. Nichin khan an sir zing a tu emaw ber hian a u naupa fapa, United Theological college, Benglore a ațang a inzir chhuak hlim hlawl a lo hruai ve tih a sawi pa ngei kha ani tih ka hre leh chiah bawk.

Ka kalsan dawn chuan bathlar lam chu ka en leh ka tum zet a! Mahse, ka awm chhung na ngut ngut chu natna dangin a belhchhah leh anih chuan ka mualpho thei mai ang

Ngawi rengin bag ka la a, ka chet dan hi a dik ber em tih pawh ka ngaihtuah fim hman tawh lo. Hotel pindan chhung aţang ka chhuak chiah chu ka tím deuh chawi!

Hotel kawngkhar ep chiah bang ngheng a tlangval sang țha zet lo ding reng chuan chiang fahran hian min lo melh run a....

Ka hun tawn in a zir loh lutuk vang nge a mitmeng dum fiah zet melh chu a nat lutuk vang zawk hriattheih loh khawp in ka lungphu a sa pup pup leh nghal.

"I hman a mi?" a ti sup a, a aw pawh a thum deuh dut.

Chhang lo a lu ka buk nghat chuan chiang zetin ka mitah min melh leh run phawt a. A vun chu a hang lam hret. A mitmeng dum fiah kak leh a hmel rum lam mah chu a langpa pui phian bawk. A beksam a nawr kawlh a, a chhip erawh a sei, a chalah a uai thla chhap a, nula ho lakah a tlak nat phian ka ring

"Kal ang" uluk zet a min en chhuah vek hnu chuan a ti sup a, ka chhan hman hma bawkin a kal leh nghal daih.

Hotel corridoor reh ruih a ka hmelhriat ngailoh mipa kal nghal nul nul chu en in hotel kawngkhar chu ka melh leh zeuh a. Mahse, chiang lutuk in prof Msa leh May te hlim dun lai kha ka mitthla ah a rawn lang uar. Lu thing nakin chupa hnung ah chuan hmanhmawh zet in ka kal ta dawr dawr a.

Ka pasal leh nula dang awm dun vang a ka hmelhriat pawh ni hauh lo pur buai hi thil țullo tak ani tih hre mahila kawng dang ka nei thlawt silo.

A reiloh tur thu min hrilh in a țhiante kiangah min hnutchhiah a, mi dang zawng zawng in an rawn luhsan vek hnu ah pawh kha nula chhelo zet nen khan a fal in an awm hrang reng thei a! Nula dang nen an awm fal lai a lo nghak tlawk tlawk tu a ţan kha a tlawmthlak ngawih ngawih.

"Ka awm loh tih a hriat hunah engtin nge a awm ang le?"

"I awm ve tih pawh a hriat tawh tawp loh kha" ka rilru pakhatin a rawn tih chuan ka thinlung a na zawk!

A dik ngei bawk si!

Ka awm ve tih hria nise chuan May nen khan darkar chanve dawn bathlarah an awm fal tawp lovang!

Lift bulah kekawr ipte zen hian a lo ding ngawi run a, Jordan aiin kum 3, kum 4 velin a upat zawk ka ring.

A bulah ka va din ve chuan lift kawngkhar a lo inhawng chiah a, ka lungphu ri dawt dawt chuan Prof Msa'n ka awm lo tih hria in min rawn ngaihven zui ka la beisei cheu nge pawh ka hrethiamlo, kan kalsan tak hotel kawngkhar inkharphui țhiap lam chu ka va en leh hram a.

Kan kalsan tak ang khan a lo la inkhar țhiap!

Tawite in ka nui ta hak ringawt.

Tun ah pawh bathlarah May nen an la awm dun tihna! Ka awm ve tih hrelo lekin vawiin a a phurh chhuahnu a awm fal pui thei chu a nia...

"Lut la" ti sup ri vang chuan ka phu zawk, rang zetin hotel kawngkhar ațang chuan mit la sawn in ka han en chho a.

Chupa chuan mit tizim deuh sun a min lo melh runin lift kawngkhar inhawng ah chuan a thle nghat.

"Oh.." ka ti sep a, rang zet in lift chhuang chuan ka lut tharh a, ka thinlung na rawih rawih vang chuan ka zawi hnawk mai hian ka hria.

A rawn lut ve a, number chu hmet in hma lam a melh nghal run. Lift bang hit thler chu ka ngheng a, mit ka chhin rual lahin an pahnih hlim zet a awm dun lai kha ka hmu zel! Ka lungphu rang zawih zawih siin zawhna chi hrang hrang a rawn lang tup tup a.

"Hotel pindan chhungah i awm ve kha chuan an hmaizah hrim hrim che vangin thui an kal dawn lo.. Mahse, i kal chhuak daih a, chuthil chu an duhthusam tak lo niin an pahnih awm dun theihna remchang i siam sak zawk tih i inhria em?" Ka chhungril ațang a min rawn be tu thawm fiah zet vang chuan nghet zet a kut hum in ka tawm chawi!

' mi â nu, Prof Msa khan a rawn ngaihven zui teuh lo che, i inthiarfihlim theih nan a lawm bathlar ah a awm bo san char char che.. i inthiarfihlim a.. Boom.. May nen an awm dun ta a nih pawn a dem let theihna tur che in thil i thlen tir vek tawh.. Malsawmtluanga leh May duhthusam i thlen dik tir chiah e!" Prof Msa nupui ka ni tih an sawi rual a May mitmeng de ralh te, whiskey no dawm a ka pasal kun hniam lai ngampa zet a a bawh hiam hiam lai te, Prof Msa thil sawi vang a za zet a a nui ar ar lai te chu ka mitthla ah a rawn lang tel zut zut a! Tunah te hian keimah leh keimah ka inthiarfihlim vangin remchang ti zetin hotel pindan pakhatah an in kai lut tawh hial mai thei!

Ka ngaihtuahna vang tehhrep chuan ka thisen a lum pup pup a, hneh zet a rehbeh chawt ang mai hian ka thawk a sak nghal vek bawk.

"Lo chhuak la" ti sup ri vang chuan ka phu chiam a, rilru buai nuaih a ka hawi chhuah chuan ka zui ve ringawt pa khan hriatthiam harsa zetin min lo en leh run tawh.

"Ughh.." thaw hawk in bag chu ka hum nghet a, lift kawngkhar lo inhawng huau tawh ah chuan ka pen chhuak a, hotel changkang zet ațang kan chhuah chuan a tawp nan tiin hotel lam chu ka han thlek leh ngat.

Beidawnna tur bak ka hmu chuang lo.

Tun thlengin ka awm loh tih pawh a la hrelo!

Aih, a hretawh ang! An plant a kal tluan purh vangin May nen khan an hlim dun ngawt ang.

Car ah ka țhut luh fel meuh chuan ka zawi hnawk thei, ka tiril a khur ru dar dar reng a, ka awm chhung pawh a na ngut ngut. Ka awm dan chu tunge a nih tih ka hriat loh pa in a hriatthiam ka hlau bawk si... Awm ngaihna hlawl ka hrelo, engkim hi a tawp duk ni mai hianin ka hria!

Hlauthawnna vang a ka lungphu rang zawih zawih chuan thil chi hrang hrang a chhui kual a. Prof Msa washroom hmang tur a a chhuah khan an inhmu daih tawh hial ang!

Hotel ah a lo luh leh hnu pawh khan May-i a awm ve tih a hriat lawk vangin bathlar a chhuah pawh rem ti leh hnuhnawh ang te'n ka ngai rum rum tawh!

Tlai ah min chhuah san hnu lawkah an inphur a, zanin ah hetah inhmuh turin engkim ruahmanna an siam lawk vek tawh ang! A der a min ngaihsakna te kha chu LEMCHANNA pakhat ve lek!

Rilru na zet a ka insehruh țeuh lai chuan driver side a rawn inpawt hawng thut a, thawk ka ip nghal char char bawk.

Chupa chu a rawn țhu lut a, Prof msa nupui ka ni tih a hriat ve ngei ka ring bawk! Ka pasal awm lai reng a a thlah ka ngen tak ngawt vang khan thil awmzia a hrethiam in min khawngaih vang a min thlah rem ti ve chiah ah ka ngai bawk.

"In veng sawi la" ti sup in engine a ti nung a! Mangan thlak khawp in ka lungphu chu a rang dawt dawt! A hit na ngut ngut bawk, Mahse, ka ti ngei tur a ni.

Ka u te veng ka hrilh a, prof Msa in ah haw tumna ka nei tawh lo! Amah pawh in ka haw a beisei tawh lo hrim hrim ang.

Zawhna engmah min zawt lovin hotel kawt ațang in a tlan chhuak nghal a, hotel kawt ațang thui pawh kan tlan hma in a phone a rawn ri ta dur dur mai!

Atthlak lutuk in prof Msa'n ka chanchin a rawn ngaihven emaw ka lo ti hmanhmawh a nih chu...

A kekawr ipte ațangin phone chu a la chhuak a, screen ah *Pa Puia* tih lang eng pup chu ka hmu phe vuat.

"Hello" a ti sup, a che zia leh țawng ri reng reng chu a cool ruih, mipa zaidam tak ani tih a hai theih loh.

"Ka in khalh chhuak lawk a" ti sup a min lo en chuan ka lo meng phawk nghal kawk ringawt. A kiai suk a. Hma lam en in a hmui a liak hnawm zauh bawk.

"Pa Pui, ka rawn let har lo ang.. umm, min ngaihtuah suh.. ok.. " ti sup sup in phone chu a ti tawp a. Kei erawh ka lo thaw huai tak nangin ka thinlung erawh a na veng veng.

"Mizoram ah ka awm khat lutuk a, motor khalh tur chuan min ngaihtuah deuh a" a ti sap a. Bible lam zir mi ani a, mi sual zawk zawk anih ka ring lo ve tawp.

"Engtin nge ka ko dawn che" car hma ah phone dah pah chuan a ti leh sup.

" Zodika ka nia, i duh dan dan in min au thei ang" amah vek chuan a ti leh a, a ha var rual nalh zet langin a nui sak bawk.

"Lola"

"Ok, Lola.. hotel chhungah khan i pasal a awm ve reng sia" ti sup a min en thuak chuan nghet zetin kut ka hum ruh nghal nghek ringawt.

A sawi loh tur a sawi tih inhria in hrawk a thian khurh a.

"Tleirawl te i ang reuh sia, pasal i nei tawh bawk sia..." a ti deuh nuah nuah a.

"Chu chu i tan țangkaina a awm em?" ka ti nghat. A lo nui hak a.

"Ngai kawi lo la, i la naupang tih i hmel ah khan a hriat vek, kum 20, 21 bak i nih ka la ring lo. I hriat angin in rawn thlen lai khan ka awm ve, pasal nei tur a tan chuan i la nau deuh ka ti mai mai a nia" a ti a.

Ka ngaihtuahna ah thil dang a lo lut leh daih tawh!

Ka pa nen kan inkar a chhiat em vangin pan tur dang hreloin Prof Msa ka pan tawp a. Tihian kan inkawlhlen phah ta bawk! A awmzia chu prof Msa duhthlanna vang reng a inru kan nilo! Ka dimhmun in a zirloh luat vang chiah a inru ang a kal ta kha kan ni! Min hne tawh pawh nise a tan chuan chhuan lam țha tak min dah let theihna remchang a awm reng!

"Zanin a ka hruai haw vang che hian i pasal nen in inkar a buai zual phah loh beisei bawk ila" ti sup in car hma lam chu a ban thuak. A buai dawn lo lutuk, tunah phei chuan nuam chen in hotel pindan ah an awm daih tawh ang ka rilru chuan ka ti tuar.

Faifuk rut rut hian Vanlalsailova zai a play zui zat a. Pathian hla lam ka ngaihthlak tam loh zia ka hrethar uai uai mai.

"Ka hruaina tur che hi in in a ni tak zet em?" seat nghenchhan ngheng ran hian ka va melh phei a. Hma lam a lo en run.

"Aw"

"Ok.." a ti leh mai a, thawven hmel zetin Sailova zai chu a sak zawmpui a, kei pawh chuan ka tha țang țung chu thlah dul tial tial in seat nghenchhan chu ka ngheng a, maimitchhing a thawk ka kal hak rual chuan chiang zet in prof Msa hmel a rawn lang a! Mahse, natna in a rawn zui a, min hne tawh... thil danglam zawk tih a, hmeichhe dang nen hlimna chen a duh tawh zawk! A duh ang ngei chuan zanin hian ka chhuah san ang!

Thaw halh in nghet zet hian mit ka chhing nghal chawt chawt! Ka nun chu a ruak leh ngawih ngawih tawh! Eng emaw mamawh lutuk ka nei! Chu ka nun ruak leh tuihal zet chuan eng nge a mamawh tih ka hre thei chuang lawi lo! Mahse, mamawh ka nei tih erawh ka chiang.. eng emaw... ka nun a la thleng ngai reng reng lo, ka chhungril hian mamawh ngawih ngawih chu a nei! Chu ka thil hriat ngailoh, ka mamawh tak zet thung si chu keimah a zawn chhuah dan ka hriat lohna tak chuan ani ka nun hi ti tuihal zual a! Ti ruak ngawih ngawih chu ni!

Zodika chuan Sailova zai chu a rawn sak pui leh a, a hla thu chuan engtin emaw tak hian ka tiril a țham a! Ka thawk a rang zawih zawih bawk.

I hringnun thawnthu a zawhna

Hriatthiamloh mittui ko chhuak tu kha

A chhan i zawng a vanruai in

Thim in lo nang vel che mahse

Lengnghaten lui luang zawh lova suar an pal ang hian

Kal zel rawh aw

I Lamah ațang Lalpa

*I lamah ațang Lalpa* tih lai chuan min deng dawt ni ber hian ka hria!

Ka thawk a rawn sak a! Ka thinphu chu a ri dawt dawt!

"Music hi i ning em?" ti sup ri vang chuan ka meng kawk a.

"Sorry, ka ti țhang lutuk a, kan off daih a nge" ti sup in a hla play chu a ti tawp a. Ngaithlak zawm zel chak viau mahila ngawi rengin ka inthlah dul ta riai riai zawk a.

ka hringnun chu ka chhui let rauh rauh a. Nie, hringnun hian ka lakah duhtawk chin a nei ve ngai dawn lo a nih hi!

'Ngatinge hetiang thil hi ka chungah a thlen bik?' tia thinlung rum tlawk tlawk chung a ka paltlang tur min chhawp fo a.

Hetiang teh thlawt a hringnun hreawm zawh bik tur hian tih sual ka nei em? tiin ka rum ngawih ngawih țhin. Mahse, he hla thu ang lo tak hian ka lam ah Pathian a țang ve ngailo! A duhtawk in ka nun hi a chawk let kual a, van chung ah roreltu anih vang maiin ka tan a na lutuk ang tih min ngaihtuahpui lo lekin mihringin a tuar a tan a na tawpkhawk min tuar tir bik ziah zel!

Hlimna ka hmachhawn ve tawh dawn emaw ka tih lai pawn natpui ngawih ngawih tur zawk min pe leh zel a. Ka lamah Pathian hi țang ve nise chuan hetiang teh thlawt a nungkawng rapthlak hi ka zawh miah lo ang.

"Sawta peng ah sawn tlan lut la, in pathumna kawt ah khan..." ti sap in ka u te in peng chu ka kawh hmuh a.

Zodika chuan a car ațang ngawi reng a ka chhuak chu min en zui run tih pawh ka hria. Car kawngkhar ka nam phui a. Gate ka vuan zet tawh car kawngkhar inhawng ri ka hriat rual chuan rang zet hian ka inher let leh a.

"I pasal nen khan in intithiam lo em ni?" Ner nak a chhan tum a ka ang ziau chu lu min lo thin khum nghut in a nui sak a.

"Ka lo inrawlhna tur anilo tih chu ka hria.. Mahse, hei, nangmah vang tereuh in ka inrawlh der tawh chu a nih hi" ti sup in a kut pahnih a kekawr ipte ah zen lut chuan a thaw chhuak hawk.

"Hetia buaina tlanchhiat san ngawt lo hian sawifel tum țhin ru..." mitmeng rang zet a ka melhna chu hrethei niawm takin a nui leh mai.

"Ka sawi diklo em ni? Tunah pawh i pasal leh kha hmeichhe lo kal thar nu awm dun lai i hmu a, i thik vangin ngawi rengin i haw san a... " a thle nghat a, kawngtluan a zawhna min zawh loh vang a ka hahdam hman tawh teh lul nen!

"I pasal lo let hunah engkim lo sawipui ang che, kha hmeichhia kha i thik anih pawn țha takin sawi la, nupa inkar ah zep leh ngawihbo pui a tam lutuk hian nupa kar a hla duai țhin a nia" za lo zet hian ka nui ta hak ringawt.

"Nupui i nei tawh a mi?" ka ti a, a hmui pet in lu a thing nghat.

"Nei rih lo. Mahse, ka neih ve hun chuan ka nupui in ka lakah zep ruk a neih ka remti hauh lovang" ngainatawm zet in a nui tel a.

"Lut tawh rawh, kan la inhmu leh țhin dawn nia Lola" ti sup in ka u te in eng ut lam ah chuan ban a lek chhuak thuak a.

Gate ah ka luh hma chuan ka en nawn leh ngat a, a lan dan chu ka sawifiah thiam lo! Tlangval hausa leh chhelo zet ang a lang siin tlawmna, ngainatawmna te leh zawldawhan te amah ah chuan ka hmu thei ni mai hian ka hria.

"Min thlah avangin ka lawm e aw" ka ti sep a. Ngainatawm fe hian a nui a, lu a bu nghat bawk.

Veranda ah chuan rilru ipik țun hian ka ding a.

Zan a la reilo! A lo ber ah zan dar 9-10 inkar bak a la nilo. Mahse, tun ang zan tawh ah keimah chiah a ka u in min hmu a nih chuan nasa takin a rilru a nuam lo ngei ang!

Marawh chu prof Msa in ah haw chakna ka nei tawh der silo! Ka pa in lamah phei chuan ka haw chaklo leh zual.

Kawngkharpui chu ka pawt chhin a, chhunglam ah a lo inkalh lo hlauh.

Thaw chhuak hakin ka pawt zauh a, ka u in inkhel a en tih hriat zetin thawm a la țha hle, muangchangin ka pen lut riai riai a. Kawngkhar ka pawt phui tur thawm vang chuan ka u chu a rawn hawi chhuak vut.

"Mate?" min hmu thut chu mak a tih hmel kher mai! Ka u hmel ka hmuh rual chuan ka țah a chhuak nghal țun ringawt.

"Hetah eng nge i lo tih?" Tv chu off hmak in a rawn ding chhuak vut. A hrilhhai lutuk hmel chuan ka țah a ti chhuak zual tulh tulh a.

"Ih... " dar kan ak in ka nui ringawt, mitko ti hnim khûiin ka u chuan min en deuh vung vung a, keilah țah chhuak insum zetin ka nui lui ngial bawk nen kan boruak chu a ipik ani tawp mai.

"I țha em?" Ti sup a ka dinna lam a lo pan chuan pawn lam ațangin kawngkharpui chu a rawn inpawthawng ruai ruai a.

Ka u chu a ding chut, chawp chilh zet in a hmel buai nak chu a veng hawk a.

"Ms.." ti sup a hahdam huai tih hriat zet a min en chuan rang lutuk in ka inher a, ka mihring hmachhawn nghal siah vang chuan mak ti lutuk in ka meng phawk nghal kawk kawk mai!

"Kan rawn ti harh cheu mi?" engmah thleng lo ang maiin a rawn lut a, kawngka pawh a pawt khar nghal hmiah.

"Ti harh lo e, inkhel ka lo en a" ka u pawn a lo ti thuai a. Kei erawh prof Msa melh phawk hra chung chuan ka insehruh leh țeuh tawh.

"Kan țhiante party ah kan kal a, a la hma tho sia, Bawihi hian rawn tlawh kual che u a chak bawk nen kan rawn kawi lawk a nih hi" ti sup a nui suk chung a min melh chhuk run chuan rapthlak ti fe hian ka lo melh reng mai!

"A nih chu, lo țhu ru.." ka u chuan a ti a, rilru nuam chiah lo tih hriat zet a min en chuan ka lo nuih lui ta ringawt.

"Motor ka hun fel chhungin min luh san ngawt a, i thingpui lum kan in ngei a ngai ang" nui hawk a min melh ngur tupa chu dawtsawi thiam ti zet in ka en reng ringawt.

Ka u nen chuan inkhel an en leh a, an titi tuin kan pahnih inkar ah engmah thleng lo ang mai hian zu han in control thei a mawle.

Hotel ațang a ka chhuah khan min zui lo tih chiang lutuk in ka hria. May nen an awm dun tih ka u kiangah ka sawi a, mualpho a hlauh vangin min rawn umzui leh hnuhnawh ah ka ngai nghet hmak tawh.

Ka thingpui lum an inzawh hnu chuan Malsawmtluanga hmek hmuk chuan haw a rawt nghal thurh a, ka huatna a zual ngawih ngawih.

"Hriatpui, kan va phei phawt a nge, kan naute hian rawn len kawi a chak tlat sia... thil mawi a ni chiah lo nangin ka rawn hruai ta tho a nih hi" a ti a, ka malchungah a kut phah hlai hlup chu lo nghatin a nui suk bawk.

"A la nau ve em ani... " ka u pawh a nui ve tho.

"Tirawh, Bawihi i u hi kan men chiam chuan a fuh lo ang" ti sup a warning na mitmeng hlahawm ru zet a min melh hrawk chuan ka ip chawi a.

Ka u naupa ngaihti țha lo zawngin ka awm ngai dawn lo tih a chian lutuk vang a lem rawn changkual anihna chuan min tina zual tak zet.

Ka u in veranda thleng min thlah a, Malsawmtluanga zui ka hreh lutuk chu țah chiam mai te ka duh rum rum. Ka u lah Malsawmtluanga'n a bum hnehsawh em vangin ngaihțhat hmel fe in min mangțha a, ka kawngah nghet zet a man tupa chuan naktuk ah Backi kan tur a min hruai a tum thu te a sawi a... ka u in min hmuh phak lohna chin ah ka chungah engthil nge a tih ang tih ka ngaihtuah chuan hlauhna vangin ka țîm uaih uaih.

Gate ah min chhuahpui a! Ka u in min hmu thei tawh lo tih a hrechiang tawh bawk nen nazet hian ka kawng chu a hmer nghal hrawk a nih chu!

Na ka tih em vang chuan tal chhuah ka tum a, rum chhuak nghutin a aia na a ka kawng rawn țham pah chuan a taksa ah min hnuk hnai nghal hrawk bawk!

"Min tina ania" ka aw chu a tham vek! Ka thing thleng a a nat ngut ngut vang chuan mittui tling pam in ka hawi chhuak a, Malsawmtluanga mitmeng rapthlak zet ka hmuh rual erawh in ka thisen chu a vawt hík nghal vek.

"Ching tawh suh ang che" thinrim zet hian min melh chhuk ngur a. "Ka sawi chu i hria em? Ching tawh hauh suh" chhum bung zet a ti leh nghut in na lutuk a ka kawng a hmerna chu a thlah thut, ka thaw chhuak nghak kawk a...

Thinrim insum zet a thaw hrawk hrawk in motor hunna lam ah min kai phei a, țan buai nachang pawh ka hrelo! A mitmeng rapthlak zet leh amah ti mualpho thei zawng a ka u in ka lo va pan hmasa kher a lawm loh luat vang a min tihnat a pawi tilo hmel țíhbaiawm lutuk in ka tiril a țham tlat vang te pawh ani hial ta ve ang!

Ngawi ngul in motor chahbi chu a hmet a, head light a eng pap pap rual a motor chhung a hmeichhe țhu ka va hmu thut chu ka thisen a țek lum nghal pup!

Malsawmtluanga motor chhung ah chuan May-i bawk a lo țhu anih chu!

Henu... henu rawn hruai tel chung hian ka û in thleng min rawn um zui a! Chutah a hmeichhia motor chhung ah inngah tirin kei min hruai chhuak leh bawk!

Rapthlak tih lutuk a thisen sa pup pup chung a Malsawmtluanga ka han melh chhoh chuan ka ral riai riai ni mai hian ka hria!

Motor chhung ah May-i a awm ve chu pawitihna pakhatmah neilo tih hriat zet hian min lo nuih suk a. A NUI HMEL chu a rapawm hluah hluah.

"Lut rawh" ti sup in motor hma ah tlu hlawm tawp lo chauh a ka ding khur dar dar chu min kal san nghal vut bawk. Ka awm chhung a rawn tawt up up a, ka thawk a chham mai dawn in ka hria.. ka â mup...

Motor front light eng pup vang chuan motor chhung a May țhu ve chu a langchiang in a mithmul vuah chawp fake zet chu a khap che fak fak a. Chetsawn ngaihna pawh ka hrelo!

Chutia chechang lo a ka ding khawng reng chu ngaithei lo tih hriat zetin bolero driver side kawngkhar pawt hawng zet tawh tupa chu a rum nghut. Kawngkhar chu na zet a nam phui dawt in kawngpui char ah chuan a rawn pen ri khup khup a.

"Ka thusawi ngai kha min sawi nawn tir tawh suh! Lut rawh" ka beng bulah a rawn ti hrawk, ka ban bulah a rawn man chawt a, min hnuk sawn tur chu țang țakin ka melh chho a.

Tinge he hmeichhia nen zan hun an hmang duh anih pawn hetizawng kher hian ka chungah chet a lak.

"Eng.. eng nge i hriat a?" ka chhungril chu khawsik tur ang maiin a hit er er.

Nui suk hian a rawn kun hniam a.

"A mak viau em ni?" Ti sup in a nui tel suk.

"Malsawmtluang...."

"Oh, sualna neilo ang mai khan lemchangkual duh suh, tunge zanlai ah mipa hmu tur a inchhuahsan hmasa zawk kha!" Zawi si, hlauhawm ru zet a ka beng bulah a rawn tih hrawih chuan ka thlarau in ka taksa a thlawh chhuah chhuah san ni mai hian ka hria!

"Lut rawh.. a bul țanna chauh a la nih hi" ti nghut in a ding mar a, ka hmai tiril te chu a hîk uaih uaih, ka en chhoh chuan min thah mai pawitihna pakhatmah neilo a rum leh rapthlak hian min lo melh a.

_

Khum zau zet ah zawi lutuk a ka mut hnawk meuh chuan ka khur hlawk hlawk! Ka taksa leh kawchhung chu hîk nguk siin ka sahal hut hut a.

Malsawmtluanga leh May kha chu an inphur chhuak leh tawh!

Țap chhuak hawk in ka hmai chu ka kut pahnih in ka hup bet a, ka taksa chhung chu a rawn khur ngawt ngawt!

Jordan be tur a zanlai a ka chhuak kha lo hre ru rengin tunah May min kawpsan nan a hmang hmiah anih chu!

Nizung in ka hmai a rawn chhun na vang chuan ka meng chhuak siar siar a, mutthilh leh mai tum a mit ka chhin leh chuan chiang zetin nizan a thil thleng kha a rawn lang uaih uaih a.

*Vawi khat pawh kal chhuah tum suh ang che! Min lo nghak bawk suh* ti sup in kawngkharpui min hawn sak a. Ani erawh motor chhung a lo nghaktu hmeichhe panin a kal leh nghal anih kha!

An tlan lian lai kha rilru chawmawlh vek in ka thlir liam bawk.

Lu rit bur in khum ah chuan ka țhu chhuak a, ka mut dan ngai ngai in ka lo la mu reng tih hriat zetin ka kawng a na hle bawk. Prof Msa mutna țhin chu ka en a, nizan zankhua in a rawn mu lo tih hriat zetin khum khunna chu a mar at!