TETAKTEI PAGE 1 🔥
TETAKTEI 🔥
#LOVE_TRIANGLE✨ #AGE_GAP🔥
#COLLEGE_STUDEN_AND_PROFESSOR_LOVE_STORY 🌡️
#BAD_BOY #BEST_FRIEND_LOVE🦄
.....te a chhungthu ah hian anih deuh nawk dawn vangin Love triangle ngaina lo tu tan chuan chhiar loh tawp pawh a fin thlak zawk.
He thawnthu hi ka kutchhuak, suangtuahna leh tha leh zung seng a ka ziah chhuah anih ang ngeiin link tello chuan copy chhawn ka rem tilo!
MATUR3 CONT3NT 🔞 a awm dawn vangin chutiang lam ngaina lo tu tan pawh chhiar a fuh chiah lo ang! I chhiar lui ta țal anih leh sawisel bawk lo la! A chhan chu warning ka pe lawk tawh tlat che.
Ok, Ka story ziah tawh te min ngaihhlut sak a, min chhiar sak țhintu te leh, ka story chhiar ve tho. Mahse, chhiar ang a lang hreh em em te 🤫😂 Inzavaiin TETAKTEI STORY ah hian ka lo lawm che u a. Inchhiar chhung zawng a suangtuahna ram nuam tak ah cheng turin duhsakna ka hlan a che u. 🌟🌸
UTOPIA Girl
TETAKTEI Chapter 1
- December 19, 2019
TETAKTEI 🐰
Hlimi, a țhiante'n Lola ti a an koh chu hmeichhe pharvar ve tak leh inchhung aia khawlai nuam ti zawk a ni a, țhian a kawm nasa in chhungkaw harsa lo tak ațang seilian țhiau an ni bawk nen sum ah buaina an nei lo tlang hlawm khawp mai.
Zan khat chu Lola leh a țhianpa Jordan chu chesual ta hlauh mai! Jordan-a chu Lola aia upa hret leh hmeichhe mi ve tak, ngaihzawng mumal nei thei lo khawp a kawp lawr ani! Chutiang khawp a hmeichhia te infiamnan a hmang thei mipa chu Lola-i best friend a ni mauh!
Lola chuan a beisei hauh lovin best friend fa chu pai ta hlauh! An pahnih nun dan chu a ho in pawn lam an ngaina dun bawk si! Chutia Lola-i'n a fa apai tih a hriatchhuah tak ah chuan mak tak maiin Jordan chuan Lola hnen ah chuan neih a duh thu a hrilh ta hmiah!
●
●
'U, thil pakhat min tiam rawh' harsa zet a thawk la hrawih hrawih chungin Jordan chuan a u chu a melh țawk țawk.
'Sawi rawh'
' Lola hi i nei ang tih min tiam rawh' a ti ri hrawih! Jordan thusawi vang chuan Jordan u Msa chu a ner sawk mai!
'U, Lola hian ka fa a pai.. i neih a ngai, an chhungkaw boruak leh naupawm bawk chu a tan phur rit tak ani.. a retheih pui dawn lutuk'
'Nupui hual ka nei tih i theihnghil a ni a nge' ti hmuk in Msa chu a tho vut a.
A sawi dik! Nupui hual hmelțha lutuk leh thiamna sang bawk si Doctor Rinchhani a nei tawh. Chu a nupui hual chu hnawl in a nau fa pai tu Lola chu a nei zawk ang maw? Atthlak lutuk mai!
▪
"Thla leh hian kan innei ang" nelawmna pakhatmah tel hauh lova ti sup tu chu ka melh mawl tawp! A hmel lang thim khup leh rum ul ah chuan min huatna a thup țhen hauh bawk lo!
Nie, min haw ngawt ang! Kei min nei anih chuan kum eng emaw zah chhung a lo kawp tawh, a nupui hual Doctor Rinchhani nen an innei thei ngai dawn tlat lo!
"Kan innei ang; mahse, mite hmuh ah chiah nupa angin kan awm ang! Ka nun ah i inrawlh tur a nilo a, tunge ka hmuh a, tu nen nge hun kan hman tih ah i lo buai tur a ni bawk lo! I tihtur zawng chu ka chhungte leh midang hmuh a nupui țha tak ang a lemchhan a ni mai" aw ki hniam chhek chhawk leh thum dut a ti chhuak leh sup in a kut a whiskey no chu a melh vung vung a! Kei erawh a aw thum ruih leh vawt ruih vang chuan ka kawchhung a hit uaih uaih!
A bialnu Doctor Rinchhani nen an inkawp zui zel dawn tih min hriattirna ah ka ngai nghet hmak bawk.
"I mimal nun leh i hun hmanpui tih vel ah chuan min vengthawng duh suh, midangin an man chhuah loh nan che inveng uluk deuh la ani mai" ka ti ve sak!
Ban a lek vut a; kan awmna inhlat viau mahse ka thazam erawh a phu zawk thung! Whiskey no a whiskey awm zawng chu a thawk khat pawp a. A ban hrawl tham zet chu lek chhuak leh vutin glass chu dawhkan chungah a nghat ri deuh dawt.
Min tham lo tih hriat fe chuan a taksa hrawlpui chu a han siam rem a!
A țhutna sofa lianpui nghenchhan chu hahdam hmel zetin a ngheng ur ur, he pindan chhung ka luh aţang a vawi khat nan a mitmeng uk thim ruih leh melhna zet chuan min melh ta ngur bawk!
A mitmeng nelawm lo zet leh thim khup vang chuan ka ip ru deuh chawih a, ka ngaihtuahna leh kawchhung a thil awm zawng zawng a hmu tlang vek thei emaw tih tur khawp hial a múk in min melh ngur, nghet deuh in kut ka hum ruh a! A mitmeng uk tak zet leh thim ruih ah chuan THUNEIHNA nasa tak ka hmu thei hial in ka hre bawk!
🙋ENG NGE A AN HMEL? I ngaihnawm tih tur chi anih chuan chhiar zawm rawh le...📱💻 Vawi khat leh..🌸Ka thuziak ngaihnawm hranpa lemloh tak min chhiar sak duh avangin ka lawm mawlh mawlh e. 🌞🌸✨[/b][/i]
[attachment=0]PicsArt_01-02-09.12.49.jpg[/attachment]
TETAKTEI 🐰
Chapter 1
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
Mi tupawh hian dawt a inpuh kan duh in ka ring lo! Dawt muhlum a min puh tu an awm chuan kal chilh a; kan dik tih fiahna te nen chhuah chhal sak sak kan duh țheuh vek ang!
Rukru a inpuh leh lek phei chu a thinrim thlak bakah kan nat pui ngawih ngawih țheuh ang! Mahse, kei erawh chuan heng thil pahnih DAWT a inpuh leh THILRU a inpuhna hi ka nu hrawn leh a fa bik Beck-lu-buki vangin nitin zantin deuh thaw ka tuar ziah thung!
"I uirena nu fa bik dawt sawi chu ring hmak in kut min thlak ang maw?" Pawisak pakhat mah neilo zet chuan thinrim lutuk bawk si hian ka au khek tuar!
"Lalhlimpui, ngawi hmak rawh" ka hma a mipa ding chuan țeng zet hian a rawn ti fiak ve fur! Kei erawh thinrim lutuk vang leh huatna te nen kha lutuk in ka nui sak sak a! Kut min thlak chak lutuk vangin ka hma a patling țhankin tawh ding mek chu a khur ru dur dur! Kei phei chuan THI SE ka ti!
Yeahhh... Ka hma a mipa ding hi thi se ka duh! Ka duh tak zet! Ka nu that tu a nih hi!
"Sawi dik loh ka nei em?" khi sak a nuih rah rah pah chuan ngaihnep hmel zet in dar ka ti chhing ak a.
Chu ka chet phung pawisak nei lo zet vang chuan ka hma a ding mitmeng chu a sen dûr nghal khûi bawk, kut min thlak lo tur in a insum nasat lutuk na lam ah ahmai leh nghawng vel pawh a sen awp awp, chu a mitmeng sen dur khui ah chuan thi daih mahse pawi ka tih loh zia thup map lova verther leh thip zet in ka melh let ve ngar bawk!
"I nu rangkachak țhi i ruk chu tun ah hian min pe let nghal rawh" ti hluk pah chuan hmai a tuai pawk a!
Ka awm chhung chu a na hit zawk! Mahse, a reilo!
Hetiang thil te chu kum liam ta chhung zawng pawh khan ka lo tuar tawh! Ka nu hrawn leh a fa bik kei aia u hret Beck-buki ka ti mai.. an pahnih hian an duh hun hun ah tlereuh leh pawisa ru ah min puh sak sak zel! Ka hma a ding mek, khawvel mihring zing a ka huat ber leh ka ten ber mai lah hian an nufa dawt sawi engkim chu ring nghal vek in ka nu hrawn leh a fa bik te hma ah tihian tlereuh bo ni a an sawi leh pawisa bo nia an sawi chu min dil let khur khur țhin!
"Pa, dil dil mahla i dil chhuak tawh teuh lo. Ngawih san daih rawh" Beck-lu-buki chuan fel fai zet hian a rawn ti dam thlap. Ka eilo lutuk chu ka lo ner sak mai!
"Kan ngawih san a, kan en liam a, tun hi kan thleng ta anih hi, kan en liam zel a, rukruk hi ngaiah neiin inchhung a thil hlu awm apiang ruk chhuah a tum ta mai, lalhlimpui, khaw nge i nu rangkachak țhi chu i dah" ti chhum hmuk hmuk pah chuan a kekawr ipte a dap nghal ruk ruk bawk.
"I nu i pe kir lo a nih chuan lockup ah ka dah ang che" ti chhum hmuk in phone chu a phawrh chhuak zui zat, tur zet in min melh nghal khui khui bawk. Ka pa hnung a nufa dingte nui ru sak chu ka hmu thei vek bawk! Ka hmu tih an inhriat rual chuan Beck-lu-buki chuan mit min rawn siai sak kher a!
"Pek kir a, pek kir loh tur pawn i nupui rangkachak țhi chu vawi te khat pawh ka la hmuh ve miah siloh"
"Lalhlimpui, zawt zawt che chuan" ti hrawih pah a min pan hnaih rual deuh thaw chuan a nupui in a hnung lam ațang a lo chelh vat a.
"Zahpuiawm lutuk, nungchang mawi hre bawk silo, rukruk ching bawk, dawt sawi ching bawk, central jail lam ah kum hnih khat awm rih la ațha ang" a ti khur khur a, ka ten ngawih ngawih, thu dik zawn chhuah a tum ngai miah lo pawh hi ka huatna belh chhah tir tu ani bawk!
"Pa-a, police em em inrawlh nan chuan a ho tham lutuk, chhungkua kan mualpho phah mai mai ang" a ti a, ka pa ban bulah kuah nghal zat in ka pa awm ah a kut pakhat chu a han nghat leh vel a! Police koh chiah se a rangkachak țhi bo loh zia bak a lang chhuak dawn lo tih Muaneki hian hre miau hek!
"Hlimi i țhi lak kha tlereuh ka neih zing a ka roh ber a ni a, dil let leh che ka tum lo. Mahse, i hralhna sum erawh ruih nan hmang lo hram ang che" ka nu hrawn in dam reih rawih leh rilru țhat hmel fahran a thulai a rawn rem meuh tak ah chuan ka pa pawh rum nghut nghut chungin sofa ah a țhu thla ta chawrh!
"Beckte i pa tui in tur hi lo lak sak ta che" ka pa bul ah țhut pah chuan ka nu hrawn chuan a ti nem hlei. "Hlimi, nang pawh kal chhuak suh, tunlai boruak a chhe bawk nen ngaihtuah i na duh țhin"
Uakthui!
Ner sak pah a ka inher hmak chu ka pa aw zawi sup vang chuan ka taksa pum pui chu a țek chhuak zawrh a! Man din chawt ang maiin ka tawp chawt bawk!
"Lo piang hlek lo la ni tur" a ti rum nghut!
"A khaih.. pa-a" remna duh hmel zet a ka nu hrawn in ka pa a khap ri chu ka hre thei tawh lo, muangchang in ka inher let a.
Ka lungphu inthum rawn dup dup kar ah chuan *lo piang hlek lo la ni tur* tih chu ka lu chhung ah hian a ri nawn tluk tluk a. Kum 15 ka nih ațang khan ka pa nen hian kan inkar ațha tawh lo. Mahse, kan inkar a chhiat ber lai pawn hetiang teh thlawt a an chhia hi min chhak chhuah khum ngailo!
Ka thin chhung rawn na ngut ngut chu ka duh lo! Kut ka hum ruh a, huatna leh thinrimna nasa lutuk in ka thin chhung na chu a rawn thlak thleng thuai bawk, ka taksa pum pui hi a za kual zawk zawk ani ber!
"Khati te khan i pa hi mi melh reng reng suh Lalhlimpui" thu run chung chuan thip lutuk in min melh khuih a.
Ngainep lutuk in ka nui ta hak thung, za zet a nui hawk hawk chungin sofa lam ah chuan ka pen hnai hrat bawk.
"Pa fing tak i nih kha; i uirena nu leh a fanu in hetia kan pafa inhnial thinrim reng mai min hmuh fo chuan min zah lo telh telh mai ang tih te i ngaihtuah ve ngai lo em ni? Uire-pa" ka ti salh, patling rum nghut ri ka hriat rual deuh thaw in ka thle sawk a, ka biang a na chhah nghal mup bawk.
Ka nu hrawn leh a fanu țe tuar chu engahmah ngai lo zet in ka sam hnawk niai kar ațang chuan ka hawi chhuak leh vah a, ka pa chu a țhutna ațang a lo ding chhuak tawh a, kut min thlak leh mai a hreh hauh lo tih hriat takin min inhrosak khum hrawih hrawih bawk.
▪
"Hlimi chhuak lui suh" ka nu hrawn in min rawn au zui chul a, a thinlung chhung erawh a nui uar uar ang tih ka chiang!
"Kal rawh se... rawn let tawh bawk suh se, khatiang rukruk ching leh nghal ka chawm reng peih lo" ka pa in a ti tun tun ri chu a hla tulh tulh a. Kan inchhung zau zet ațang ka chhuah hma chuan kawngkhar bul dawhsan a ka helmet chu ka ban nghal zat.
Kawngkharpui lian zet ațang ka chhuah rual chuan thli vawt zet lo thaw vuk vuk chuan ka hmai sa hut hut chu a rawn chhem dai sawng sawng mai.
Gate bul a ka scooty ding chu pan ding hmiah hmiah in helmet ka khum pah a, tawm hulna tur ka zawng vat te anih loh chuan fur ruahtui tam zet rawn tla mai tur hian min nan zawr vek mai ang.
Scooty chu ka ti nung a, gate ațang ka tlan chhuah hma chuan in lian pui lam chu ka hawi let hram; kawngka-pui lo inkharfel hman vek vang chuan vanvadak meuh in ka nui chhuak hak mai!
Nui hak hak pah chuan van chu ka thlir dauh dauh a, Muaneki te nufa hlim lutuk tur ka ngaihtuah thlen rual chuan inchhung a zuk luh leh ngat ka duh deuh tut tut! Mahse, ka ti ta em lo!
"Nu, i bul ah khan ka lo kal thei tawh em?" Ka ti chhuak halh!
Ruahthimpui sur tur ințham kual mup mup vang in van pawh chu a dum mup a, arsi leh thla pawh chhum dum in zial tup tup chuan a hliah bo rang kher bawk.
"Kha mihring tenawm zet khan maw Muaneki leh Becklubuki te thusawi zawng zawng ring fai leh vekin i fanu hi rukru ah min puh leh tawh anih chu" ti sap in lu ka thing nghat .
"A tih loh dan pawh a ni hlei nem" ti leh nui nui pah chuan ka jeans kekawr tight zet ipte ka dap rak rak a. Phone ka hmeh en rual chuan ka ner nghal sak bawk.
Ka ken reng lai chuan phone chu a rawn eng leh pap pap a.
"Police station" ti hlak in helmet bek zawn ah phone chu ka nawr lut hmiah.
"Chhe pawng, nangmah chiah kan nghak tawh che"
"Chhekeh, ka rawn thleng har lo ang. Mahse, zan in chu broke tak ka ni"
"Lungngai suh, rawn thleng vat phawt rawh" a rawn ti a, phur zet in gate ațang chuan ka tlan chhuak nghal zat bawk.
Kei hi Lalhlimpuii ka ni a, Hlimi/Hlimpui tia puitling lam in min koh mai laiin ka țhiante erawh chuan Lola tiin min koh thung. Ka naupan lai chuan ka hlim thei in naupang thuawi ve thei tak ka ni a, Lehkha ka thiam thei in ka nu leh pa kiang a awm chhun ka ni bawk nen ka pangchang thei hle.
Ka nu dam lai a ka nungchang leh tun hnu a ka nungchang chu LEI LEH VAN tiin sawi ila a dik ber bawk ang.
Tun ah hi chuan zan lam ka ngaina a, ruih chi lah ka ti thei deuh vek. Inchhung aiin khawlai nuam ka ti a, in ah ka awm ve tawh chuan ka nu hrawn te nufa in rukru a min puh loh leh dawt sawi a, an mahni bum tum a pawisa chhuh sak tum ah min puh thul!
Kum 6, kum 7 liam ta ah kha chuan he in lian zet chhung ah hian hlim takin ka nu te nen kan cheng ho a. Ka pa hi sawrkar department pakhat a director niin kan unau hi pathum kan ni. Ka upa ber hi mipa a ni a, nupui fanau nei tawh in kan veng țhenawm a nupui te veng lam ah in leh lo neiin an in beng bel tawh. An kiang ah awm turin u Melo-i'n min sawm fo a, mahse, ka u awm loh a min en dan leh ka u awm lai a min en dan a hrang lutuk a, an bul ah ka awm duh!
U Hriatpuia nen kan inkar ah hian hmeichhia a awm a, vanduai thlak takin ka pian ve hma in khawsikpui vang in a boral tawh thung.
U Hriatpuia chhang chiah boral vang chuan ka nu leh pa pawh fa neih belh lo in an awm deuh reng a. U Hriatpuia nen hian kum 10 dawn in kan inthlau ta bawk.
Kum16 ka nih in ka nu a boral a, doctor te chuan lungphu-chawl a thi ani an ti a! Mahse, chu chu dawt ani thung! Ka pa phiangsen khawsak dan vang in ka nu rilru a tliak a, kan nufa a ka pa leh tuna a nupui Muani te lo mu dun kan hmuh ațang a thih ni thleng in ka nu khan nui hmel a pu leh tawh ngailo.
Kum 15 ka la lum lo deuh a; kan exam zo in chawlh kan nei rei dawn phian avang in ka pa chuan kan nufa a Delhi lam ah u Hriatpuia zuk tlawh turin min hrilh a, phur zet maiin ka nu hnen ah Delhi kalna tur ticket buaipui turin ka nawr nghal chuk chuk bawk.
Ka pa chuan hna ngah a in tih vang in tun țum kan zin chhuak chu min telpui theih loh tur thu a sawi a, ka phur lutuk a lei ah 'hna khawih tur a ngah tak tak nge thil dang vang zawk' tih takngial pawh ngaihtuah tir hleithei loin ka nu kha ka nawr chuk chuk a.
Exam kan zawh tuk lawk ah Kan nufa chuan Delhi pan turin in ațang kan chhuak a, Lengpui Airport kan zuk thlenthlak hnu ah khaw dur nasat em vang in flight an cancel leh ta vek si a. Lunghnur zet in u Hriatpuia ka call a, ka nu'n ka pa biak a tum ve thung.
Ka u nen kan inbiak zawh hnu chuan khualzin tur dangte ang bawk in departure pindan ațang chuan kan bungrua te nen kan innawr chhuak a. Ka nu in ka pa leh driver a call tlang theih loh thu a sawi vang in taxi kan la ta ngawt kha a nia.
Khami chawhnu a ka nu chet phung mawlh kha ka mitthla ațang hian ka nawt reh thei tawh lo.
Taxi seat hnung ah kan țhu dun a, a khat tawkin a awm zawn dawm in thawk a la halh halh a, thil eng emaw tak lo thleng tur a hre-lawk emaw tih theih tur hian a hawi kual leh ruai ruai țhin bawk!
Kan kawm chhak ah taxi a ding a, kawt ah ka pa car lo inhung reng chu hmu vat in kei chu pangchang zet in ka phun zui nai nai a. In ah a awm reng chuan tinge kan call a chhan duh lo tih kha ka vui pui tawk ve em em mai.
Chuan man te inpe fel hnuah gate chhung kan luh tak ah chuan ka nu in nghet takin ka kut a rawn hum chawt a.
"Bawihte, i ni te in ah kan peng phawt dawn em niang, i u te thil tur min ken tir thlai hnah țhenkhat hi hetia bag chhung ah kan khung reng chuan a chhe hman palh ang" a ti a. Khatih lai khan ka lo chik tawk lo a, ka ngaihtuah let chang erawh in ka nu kha a khur nasa in țanpuitu aamamawh hmel ngawih ngawih! Ka ni te'n an fate chawhmeh tur min thawn ho chu thlaihnah hring an ni hlawm a, ka nu in a chhiat hman a hlau pawh chu a awm viau, Mahse, a hmel lan dan kha khatih hun lai khan hrethiam fai vek lo mahila damlo ang mai hian a dang pap a, a kut chu a hitin a lungphu phu rang lutuk chuan a jacket hma a zipp phui loh chu a nghawt che dat dat hial thei!
Khami ni khan a thusawi kha lo zawm in ka ni te in ah ka nu kha lo kaltlang pui ta ila chuan tun ang hrim hrim hian ka pa hi ka haw lo a nga, ka nu pawh a la thi bawk lo ang.
A lan dan dam loh hmel tak vang chuan inchhung ah lut phawt ang ka ti țûi a, zalo te a min nuih in ka kut chu nghet tak in min hmer sak a. Țawngka a min chhang lovin lu a bu nghat anih kha!
Inchhung reh duk ah kan nufa a kan inzui luh chuan ka nu thinphu rang lutuk leh ring lutuk ri kha ka hriat sak thei a! Tun thleng hian hlauhthawnna leh natna te vang a ka nu lungphu inthum arwn dawt dawt ri kha ka ebngah hian a ri nawn fo!
"Apa chu hna ngah inti hle si, chawhnu ah pawh in ah a car a la inhung reng a, phakar reuh lutuk" ti hlak hlak chung in ka luggage chu ka hnuk hnak hnak a. Kailawn ah khaih chhoh tum a luggage vawn fung ka nawr tlum chiah rual chuan inchung lam ațang hmeichhe au thawm ka hre thut mai!
Phawk lutuk a ka hawi dawrh rual laiin ka nu chuan zawite in thil a sawi a, a thusawi kha ka hre phah lo! Reilote ah hmeichhe aw bawk chu a rawn chhuak leh ta mai! Kan hnathawk inchhung ti fai hi a chesual palh anih ring in ka theih ang a rangin kailawn ah chuan ka tlan chho nghal țak țak a.
"Bawihte, kal suh" ti chungin hnung ah ka nu'n min rawn um bawk. Mahse, hmeichhe au thawm a lo chhuah zel vang chuan aw lo chhuahna ka nu leh pa mut pindan chu ka pan ding mawp mawp a.
"Bawihte..." ka nu in min man hma chuan an nupa mut pindan kawngkhar hma ah ka ding der!
"Nu Thiangte i tlu sual a mi? " ti leh pindan kawngkhar chu nam hawn ka rual zui zat!
Mahse! Eng thil nge ka hmuh tak hi!
"Karei maw!" Ţap hawk chung a ka nu au râwih ri chuan hlauthawng lutuk in min siam a, khum chung a ka pa leh hmeichhe pakhat mu lai in perh tho zawt a, puan an ban nghal rawk rawk te chu thin phu ri dawt dawt a rilru nghilh dup chung in ka en mawl tawp! Kum 15 ka pum hma in an nupa khum chung ah ngei ka pa leh hmeichhe dang lo mu dun lai ka phawk tih chu tumah hrilh ngai lovin ka hrethiam uar uar a! Ka nat lutuk vang nge ka kawchhung a tawt up up a! Min țhawng bawk si leh hamhaih lutuk bawk si nen chet sawn nachang hre miah lovin ka pa leh hmeichhia chu ka melh tlawk tlawk!
Ka nu rilruna țah chhuah hlau lutuk a insut hraih hraih ri chuan ka kawchhung fan hit rawih rawih in ka mittui a koh chhuak țîam țîam a! I pa leh hmeichhe dang inchhungkaw khum-pui ah ngei saruak vek a an lo mu dun lai phawk ve ta la engtin nge i awm i rin!?? Kum naupangte la nimahila khami ni khan chiang takin ka thinlung a keh chhe vek!
Zahna nei hauh lovin khum ațang saruak a rawn tho chhuak hmeichhia chu a mit ah tak ka melh ngar ngar a, ka taksa khur dat dat chu ka hma a hmeichhe saruak a ding leh ka pa sawisak ka chak lutuk vang a nih ka ring!
Hmeichhia chuan kei leh ka nu chu min nuih sak a, kha mi ni kha ka nu-hrawn Muani, ka tan chuan Muaneki nen kan inhmuh hmasak ber na ani!
Zak miah loin kan nufa chu Delhi ah kan zin dawn emaw a tih thu te, ka nu mit hmuh ah ngei hetiang thil hi thlen tir a duh bik loh thu sawi zuah zuah in a inha țha a!
ka pa erawh ngawi rengin a țhu kun lup thung.
Khum ah a lo mutpui nu chu a chuak a, kan chhungkua ah chuan thihna in thla a zar ta emaw tih tur khawp in kan nguai a, kan reh tlawk tlawk, ka nu chu a thin zawn țham tâwk tâwk chungin reife hnu ah a riin a rawn țap ta thlawk tlawk bawk! Kei thung chu ka dinna ngai ah khur zawih zawih in ka ding khawng reng!
ka pa pawn ka nu chu ngaihdam a dil a, a thleng nawn tawh lo ang, tih te a sawi! Ngaihdam a dil nasat em vang leh ka nu a duat thar tak em vangin ka nu pawh a chuak ta lo a. Hun eng emaw ti chhung chu ka pa mizia pawh a pangngai a. Ka nu nen pawh an nui dun leh thei tawh. U Hriatpuia hnen ah engmah sawi lo turin ka nu in min hrilh țhin a, a zirna in a tuar phah a hlau vang a ni pakhat.
Thla li nga hnu ah Muaneki bawk chu a rawn inlar leh țan ta a, ka pa pawn a lo hnar zawh tawh miau loh avang in rei a hnar thei ta biklo! Muani nen chuan an inkawp ngawrh in a office kal hi karkhat tal tap te in ah a rawn haw ngailo. Muani nen hotel ah an riak țhin tih te, ka pa chuan zu a in nasat bak ah a chang phei chuan Muani te in lam ah an inriah chilh țhin tih te chu ka pa thawhpui te hnen ațang kan hre chho zel a. Ka nu rilru na leh hah țhin lutuk khan chaw a ei ngai lo a, a muhil ngai pawn ka hrelo.
In ah ka pa a lo haw ve chang pawn a rui chhur a, a duh chuan ka nu chu a chhuak thei tih te a sawi khum chhur chhur zel! Mahse, kei min hruai tel a phal miau loh avang in ka nu khan min kal san a hreh ve si a. Rui reng leh hmeichhe kawp lai nei bawk kutah min dah tawp a, a nun nawmna tur a chhuah bo daih kha tum mahse ka dem hauh lo. Mahse, min hmangaih em avang leh nu tel lo a ka khawsa tur min khawngaih em vang in ka pa chet phung ngap lutuk chu a hmu lo der a.
Muaneki'n ka pa office bang a rawn zui haw chang te hian ka lo thinrim țhin lutuk a, lo vuak hrep te kha ka chak țhin. A zak lo in ka nu kha hnathawk tu ang chiah a rawn tirh kual te a ching a, ka pa lah chu nep zel zul si! Muani thusawi engmah a hnial ngai lo!
Kan in lam ah pawh Muani chu a rawn riak ta zeuh zeuh a, a lo riah zan chuan ka nu leh pa te mut pindan ah ka pa nen an awm dun a, ka nu chu ka bulah a mut na a rei tawh. Pindan kawngka an khar duh ngai lo a, kan nufa min run luih nan Muani thil tih vek ani țhin in ka hria. Thawm an siam vak vak zel.
Ka nu chu che miah lovin bang lam hawiin a mu saisir reng țhin, a țap ka hmu tawh ngai lo a. Mahse, nausen chakna nei lo ang chiah in a zawi em em a, a derthawng in luhai a tluk chang a nei ta fo a. U Hriatpuia engkim hriattir ka tum lahin min khap zel bawk si. Rawn zir chhuak law law se. A ti tlat zel a. Ka pa leh a bialnu in duhtawk a kan nufa min talkhum ațang thla 10 na ah zan a ka nu nen kan mu chu ka luchung ah kut nghat in a țawngțai a, a țawngțai zawh ah kan nufa in U Hriatpuia kan bia a, kan pathum chuan kan hlim in kan nui nasa em em bawk, ka u pawn exam a pek zawh chiah thu leh lehkha pawimawh tihfel ngai a ti fel zo a nga, karthar ah Mizoram ah a rawn haw thei ang tih te a rawn sawi a, chutia ka u lo haw hun tur nghakhlel tak a thlir chung a kan mu chu a tuk zing ah ka nu chu ka kaitho zo ta lo a!
A ban khawng vek tawh in ka kawng ah nghet tak a min lo kuahna ka phelh sak rual a koh eitur nu ka neih tawh loh rual khan Lalhlimpui hlimna zawng zawng chu a tawp ve nghal vek!
TETAKTEI
Comments
Mawitey Khuptawng19 December 2019 at 09:43
Ngaihnawm lutuk
REPLY
Zotei19 December 2019 at 10:05
ngaihnawm e
REPLY
Unknown19 December 2019 at 11:02
A tir aṭangin a ngaihnawm nghal
REPLY
Arsitei19 December 2019 at 12:02
Ngaihnawm ltk
REPLY
Sangteyy97@19 December 2019 at 16:12
VA ngaihnawm Leh dawn emmmm
REPLY
Unknown19 December 2019 at 17:34
Ngaihnawm leh dawn e...Lolai ka ṭan
REPLY
Unknown19 December 2019 at 18:54
a ngaihnawm lutuk chapter hmasa ber atangin min hneh nghal
REPLY
Unknown19 December 2019 at 20:04
Ngaihnawm leh pek eee
REPLY
Unknown19 December 2019 at 20:16
Awi le pitartei va man hla thin em
REPLY
Unknown19 December 2019 at 20:51
Tahpui nghal rengawt nun ang khaa😪
REPLY
Unknown19 December 2019 at 21:41
Ka chhiar zawm chaktawh ka mittui a tla lawm😂😂
REPLY
Unknown19 December 2019 at 21:50
Ngaihnawm dawn eee...Lola ka ṭan bon...
REPLY
Unknown19 December 2019 at 22:22
Van gaihnom thin tak emm
REPLY
Unknown19 December 2019 at 22:44
Ngaihnawm lutuk e
REPLY
Unknown19 December 2019 at 23:10
Ngaihnawm lutuk,,,chu an APA hi katen over,,,ain chhirhun tur kanghakhlel
REPLY
Unknown20 December 2019 at 00:04
Ngaihnawm dawn e, ,Mahse regular thei deuh se k ti ve mai2😊
REPLY
Unknown20 December 2019 at 02:52
khawngaih in changtunu hi ti rethei/ khawngaih thlak lutuk suh aw.. a nih loh pawn mipa thap tawk tawn tir rawh aw hmingsangzuala ang te...
ngaihnawm leh pek dawn e..
REPLY
Unknown20 December 2019 at 05:59
a ngaihnawm leh dawn e
😀
REPLY
Unknown20 December 2019 at 06:31
Ngaihnawm dawn hle mai...
REPLY
Unknown20 December 2019 at 07:23
Awi ka chhiar zawm chak tawh lutuk
REPLY
Unknown20 December 2019 at 07:49
I va han tha suah suah tak😂😂
REPLY
Unknown20 December 2019 at 08:20
Nuam leh daqn e
REPLY
Unknown20 December 2019 at 08:51
ngaihnawm dawn e
REPLY
Unknown20 December 2019 at 08:58
Angaihnawm lehpek dawn mange
REPLY
Unknown20 December 2019 at 09:15
Chhunzawmna nghahhlelhawm tawh mange
REPLY
Unknown20 December 2019 at 09:16
Nghakhlel tawh turu taraa
REPLY
Unknown20 December 2019 at 09:58
Ka duh chi...ngaihnawm lutuk
REPLY
Unknown20 December 2019 at 10:02
ngaihnawm leh dwn lutuk pitarte ithiam ber mai
REPLY
Unknown20 December 2019 at 10:03
Ngaih awm ve
REPLY
Unknown20 December 2019 at 10:11
Christmas ah pawh khawhar ltk lo in ka awm ve thei dawn ta.. Lo ziak char2 rawh aw💖💖💖
REPLY
Unknown20 December 2019 at 11:30
Ngaihnawm dawn ltkk...
REPLY
Unknown20 December 2019 at 21:21
Ngaih nawm turuburu,ka chhiar nawn ngun leh tawh viau.
REPLY
Unknown21 December 2019 at 00:28
Ngaihnawm lutuk ka chhiar zo ve chiah
REPLY
Mami jogund21 December 2019 at 04:03
Hmu ve chiah
REPLY
Unknown21 December 2019 at 04:47
Chhiar ve chiah, next nghahhleh awm
REPLY
Unknown21 December 2019 at 08:14
Ngaihnawm leh nghal ngawih ngawih. I va thiam tak emmm
REPLY
Unknown21 December 2019 at 09:21
Lola ka tan nghal,a tir phat tangin fuh dawn e,next nghakhlel nghal
REPLY
Unknown21 December 2019 at 09:36
Ngaihnawm khawp mai
REPLY
Unknown21 December 2019 at 09:46
gaihnawm lehpek don hle
REPLY
Unknown21 December 2019 at 11:31
Ngaihnawm lutuk top
REPLY
Unknown21 December 2019 at 11:52
Mittui luang char2 kan chhiar nghal chu le😭
REPLY
Unknown21 December 2019 at 11:53
ngaihnawm leh dawn ltk
REPLY
Unknown21 December 2019 at 21:55
A ngaihnawm leh dawn ltk...
REPLY
Unknown21 December 2019 at 22:40
Awii, ngaihnawm khat tlat, ka mittui atlak leh zawih zawih chu.... 😥😥❤️❤️❤️
REPLY
Unknown22 December 2019 at 07:56
❤️❤️❤️❤️❤️
REPLY
Unknown22 December 2019 at 20:21
Thinrim lutuk in ka chhiar ka chunga thleng nise ka en liam mai mai hauh lo ang
REPLY
Unknown24 December 2019 at 09:54
Ngaihnawm dawn lehpek. Nuam eeeee....
REPLY
Unknown24 December 2019 at 18:58
Yess.. Ngaih nawm leh dawn e
REPLY
Unknown25 December 2019 at 08:30
Ngaihnawm leh pek dawn e
TETAKTEI Chapter 2
- December 21, 2019
TETAKTEI
Chapter 2
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
Țap hlawp hlawp chungin ka nu chu ka au tuar tuar a! A thawk tawp dawn thleng a min lo kuah beh tlat avang in a taksa chu saisir zawngin a khawng vek bawk! A hmai dang bel leh tisa mumal pawh neilo hmai ki zum rat mai te chu ka mittui in a far kauh kauh a, vawi khat lek pawh 'nu' tia ka auhna ri min chhang let lova awm ngailo khan khami zingkar kha chuan min ngawih san vung vung si!
Chutia ka mangang țap thawm ah chuan khawvel a ka mipa huat ber leh ka nu hringnun hremhmuna chantir tu chu zu țhing rim nam rum rum in ka pindan chhung ah chuan a rawn lut ve hlawl!
Pindan chhung a rawn luh rualin thil thleng engkim chu a hrethiam nghal vek ani mahna! Phelh phung in khum lam a rawn pan khut khut a, thil awmzia buh nuaih a min zawh lai chuan ka ti ang tih pawh ka rin ngailoh dan lutuk in ka che chhuak ta phut!
Khum bul dawhkan te chung a alarm clock chuh in ka nu hringnun rethei lutuk a siamsak tu pa lu ah chuan ka lo chhu bur, a pai chhawlh a, a rawn din mar leh rual chuan ka nu hi amah vang a thi ani tia au khum tawn tawn ka tum a! Mahse, ka hrawk chhung na lutuk vang leh ka pumpui na kual bulh bulh vang in ka țawng chhuak thei lo! Ring deuh a au chhuah vak ka tum ngail pawn țawngthei lo ang maiin ka hrawk chhung ațang engthumal mah a rawn chhuak thei lo! Ka thinrim lutuk leh rilru na lutuk bawk si khan sana nen Mitenawmpa bawk chu ka bei nawn leh a! Hmeichhe tleirawl te la nimah ila khatih lai hun kher kher kha chuan hlauh ka nei lo! Zan tam tak ka nu țah tirtu, thla eng emaw zah chhung kanu thinlung leh rilru rum tlawk tlawk a siamtu mihring kha thah tum in ka sual nghek nghek!
A tawp ah chuan ka insut hlawp hlawp reng avang in ka tha a bo zo a, ka mittui vang a ka kawr hak awm huh hluam chungin ka țhu khur ta hlawk hlawk, ka pa pawn engmah a sawi lo, a che chang lova kawngkhar bul thleng ka beihna vang in a tawlh hnung hman.
Hmai tuai pawk pawk chung in thawk a la ri hulh hulh a, ka thakhur nasa bawk si leh rilruna lutuk vang a taksa chau tawh bawk si chuan a rilru buai mangang talkual chu ka melh ngawt ngawt!
Ka nu ruang a rawn pan hnai leh a, ka țawng chhuak thei miah lo nangin mihring tenawm lutuk in ka nu taksa kha a khawih ve ka phal miau loh avang in ka hrawk chhung ațang ri mak deuh deuh chhuak khawp hial in mihring tenawma kha ka sual fan fan a! Khatih hunlai khan puitling lo tawh ta ila, khatih hun lai ai khan tha lo ngah zawk ta ila ang ila kha mihring tenawm lutuk kha ka that ve nghal hial ang!
Ka u a rawn thlawk haw nghal a, kei erawh thil thlengin min țhawn lutuk vang leh rilru nat luat vang pawh ani mahna, ka țawng thei lo a, ngawi reng in ka nu ruang ka kil a, ka taksa khawi lai pawh a khur zawih zawih reng, ka pa in ka nu ruang a kil ve te kha huat takte in ka haw ngawih ngawih; ka nu ruang kil tur hian chanvo a nei ve tawh lo ti a mi zawng zawng hmaah mualpho tak a siam ka chak hluah hluah.
Ka nu chung ah a chet dan hi a nunrawng thlak a sin! Ka nu hi MA zirzo nula to ve tak țhin kha a ni a, ka pa nen an inneih hma hian sawrkar hna țha tak thawkin Aizawl nula to ber ber te zingah a hming hi a ri ve fo, a chhiat loh bakah apian a nalh leh zel bawk nen heltu a ngah ve țhin hle.
Ka pa nen hian hna ațang inchhar in an inkawp chho țan a, an inneih hnu thleng in ka nu pawn a hna chu a ban san lo. Mahse, kan upa ber Hriatpuia pian hnu ah chuan ka pa in ka nu chu hna thawk ve tawh lo turin leh aman chhungkua a chawm vek tur thu a hrilh a, ka nu tih tur zawng chu inchhung ah fa lo enkawl a, hahdam tak a lo awm tawp anih thu hrilh in hna aţang ka nu chu a chawlh tir ta a.
Chhungkua vang a hna țha tak a chelh pawh bansan hreh lo tu ka nu chu kum a lo rei hnu ah bum kual in a hnathawhna lam a office dawr ve țhin Muaneki a nep zo lo te, amah leh afate enkawl a, tuktin tlai tin eitur tui tak tak hlui a, hlim taka a hnathawk bang lo hmuak țhin tu hmeichhe hmangaihna ngah lutuk chu phatsan in hmeichhia a rawn hruai haw thul! Muaneki nen ka nu an zahlo lutuk te; ka nu rilru nat dan tur hrethiam duh lo lek a office bang an rawn inzui haw kher țhin te kha ka dam a, ka thawk țek țek chhung chuan ka theihnghilh theih tawh ka ring lo.
Ka nu kha miang lo leh ngaihtuahna neilo pawh a nilo, chuti chung a khatiang khawp mai a an zah lo dun lutuk mai kha chu rapthlak ka ti ngawih ngawih!
Doctor te'n a mutthilh laia Lungphu chawl an tih miau avang in tupawn ka nu chu Lungphu chawl a boral angin an ngai a; u Hriatpuia'n keipawh min enkawl tawp a tih theih ang, țawng chhuah a, ka rilru damnan tal ka pa chhal ka tum ngial pawn ka țawng chhuak thei miah bawk silo, ka mittui a tla reng a, chaw ka ei ngailoh bakah zan ka mu mumal ngailo. U Hriatpuia'n naute ang maiin min vil ta chawt a, chutiang chuan ka nu boral kum, kum tluan chuan ka nung mawl ve tawp. Zirna ka chawlh san rih a, ka pa pawn khawtlang hmuh ah mawi a zawng te pawh ani ang; Muaneki a rawn hruaihaw tawh ngailo a, u Mama chuan engmah a hriat ve miau loh avang in ka pa chu ka nu sun a, lungleng ve tur ah a ngai miau, duat lah a duat..
Hun a kal zel a, keipawn ngai ka awh chho ve leh zel a, kum16 ka pum hma hauh in rilru natna nasa lutuk vangin ka țawng chhuak thei tawh lo tihna anih chu! Kha hun hreawm lutuk kha paltlang zo ta lo pawh niila tuman min dem ka ring lo!
Mahse; thil pakhat chiah tum ka neih vangin natna te kha in bawh chauh tir ka duh lova, chu ka thil tum chu tunah hian ka puitlin mek zel bawk.
Ka pa leh Muaneki te hian nun nuam tak leh hlim tak an neih ka phal reng reng lo! Zirna chhunzawm turin vawi tam phai ah min dah an tum țhin a, ka hnial hmak hmak zel! In khat ah chen ho a, a tam thei ang ber UIRE ching a ni tih hriatnawn tir a, chawh thinur leh ngeiawm tak tak a runluih ngar ngar ka tum! Ka ti zel reng bawk.
Ka nu nun rethei tak a siamtu te pahnih hi ka awmbo san veng veng zawngin an rilru a hahdam mah mah a nga, an hlim lutuk palh hlauh ang! Uire, chu an uirena sual vang chuan pawisawi lo hmeichhe pakhat in nunna a chan tih hi ni khat te pawh an theih nghilh ka rem tilo bur!
Tuiin ka hnar a rawn far keuh vang chuan hun kal tawh ipik thlak zet ațang chuan har chhuak zawk ang mai hian ka phu zawk a. Keimah leh keimah chu ka innuih sak bawk.
Mahse, ka nui reilo kher a sin.
"Het! " ti țhat pah chuan ka hawi kual thuak a. A hun lo tak zet!
Ruah mal lian pui pui a rawn tla ta fup fup mai! Ka țhian te'n min nghahna hmu lah ka la hlat ropui bawk si, thinrim țun in helmet chu ka siam țha a, Zan dar 8 a pel țawk ang; mahse, fur lai ani a, mihring veivak leh motor tlan a vang pharh.
Chak zet in mualpui zero point chu ka tlan tlang fua, falkland peng ka tlan luh rual chuan ruah chu a rawn baw hawk hawk tawh!
'Engmah hi a kal fuh thei reng reng lo mai' ka ti nui nui, ruah chu sur hun lo ti zet in ka rum hak bawk.
Ruah lah chu a tam in a mal chu a lian pher phuar bawk si, thli a tel vuk vuk bawk nen mitmen thleng in a harsa vek, kawng lakah chawl mai na tur remchang a awm der bawk silo.
"Tinge ka vanduaina hi a kal tluan em em țhin a" ti hlar pah chuan speed ka ti sang sauh.
Thli thaw vuk vuk vang chuan thawk pawh a thaw țha hlei thei lo, thli in ruah chu ka hmai khawh zawngin a rawn beng tel cheu bawk nen thaw chham tur ang maiin ka thawk a buai phah vek!
"Nge, heng lai lai ah te min nghah a, hei ai a hmun nuam leh hnai a tam teh reng nen" ka ti nui nui a, thawk lak a harsat em vang chuan ka țah a chhuak deuh hlur tawh.
Restaurant awmna kawng peng lo lang eng raih ka hmuh tak ah chuan ka hmai huh chu tuai pak in ka thaw huai thei mai.
Ka u scooty min lei sak, ka hawl chhuah ve sek mai chu kawngpui pangngai ațang her kawi in kawngpeng lian ang reng tak ah chuan ka tlan chho ta dat dat. Ka phone rawn ri ve chiah pawh chhan en ah ka en tawh lo!
"Saw a lo thleng a lawm" Restaurant kawtzawl hulhliap a ka țhiante lo ding bawr țai chuan min lo au nghal lang lang bawk.
Min lo nghahna a hla ti a an bul ka thlen hma a ka lungawi loh rukna zawng zawng kha chu tui hawk in tui hawk luan kawr a hnawm hnawk awm a len bo duak ang maiin a bo nghal duak a, nui var var chungin inte kawtah chuan ka ding chik tuar!
"Kan Lola zet chu" mipa aw ri hluk tawp hmuk leh scooty ka tih tawp a rual chiah.
[attachment=0]20200101_203006(1).jpg[/attachment]
Scooty ațang ka chhuk thlak hma chuan kan țhian ho zing a ka ngainat ber leh ka thuruk tawp khawk pawh ka share ngam, hmeichhe tam takin an atchilh rawn leh a chhiat lohna leh hmeichhe lakah a tlak nat zia inhre chiang em em Jordan-a chu midang kar ațang chuan a rawn pen chhuak nghal vut.
Huh phung chung chuan ka kut chu lek chhuak in 'hi' ka ti hram pek a! Kan țhian dangte an nuih hawk hawk laiin Jordan-a hmel erawh a dur thim nghal khup mai!
Lalpa leh! Inla upa tawk in min zilh leh khur khur dawn ta ti rilru mawlh mawlh pah chuan helmet hnuai ațang chuan ka lo melh let kiau a. Ruah sur leh thli thaw vuk vuk nen a inchawih zet in leather jacket dum a ha hlun bawk nen min hauh khur khur pawn ka ngawi tlat ang tih te thleng in second reilote chhung chuan zu han ngaihtuah kual hma a mawle!
"Hruai i ngaih te chuan tu maw ber min rawn call ta che" an ti tluar tluar hlawm a. Jordan-a erawh a ngawi ngul, in-te ațang chuan a rawn pen chhuak vut, a
timberland dum rah nat hmel zetin ruah tui a rah per chhawk rual deuh thaw chuan a leather jacket chu a hlip nghal hmuk hmuk bawk.
"Tinge min call mai loh" min dinchilh nghal hmiah pah chuan a rawn ti hmuk. Lei ka chhuah zeuh a, ruah in ka lei a rawn far chu tep chap a ka lem rual chuan Joradan-a chu lungawi loh hmel zetin a lo rum nghut.
"Ruah kha lem belh tawh suh" a ti sup a, a Jacket lian zet chuan min khuh nghal thuk bawk.
"In la thu si" hnuai lam bih chung chuan zawite in ka ti a, mahse, ka sawu zawg rual rual chuan ka hahchhiau nghal țhat anih chu!
Thaw chhuak ham ham chungin a jacket min khuh na chu a rawn siam țha mual muala. Kan mizia a inpersan em vang hian min hrawk peih in ka chet fel lohna lai a hmu fuh thei em em a, chung ka chet fel lohna chu keichuan thil ho te angin ka hmu.. entirnan tun ang te, ruah sur hnuai a scooty khalh.. mahse, Jordan-a tan erawh hetiang thil te tham ringawt pawh a serious in naupang chhe treat in min treat a, inla upa zetin min hau khur khur zel.
Ngawi ngul a Jacket a min khuh țhat lai chuan ka kut phah in ruah chu ka lo tawh a, Joradan hmel tak ngul leh thim mup chu nuih tet tet in a hmai ah ka theh ta thut!
A awn hnung hrut a, kei erawh tifuh inti zet in ka nui nghal hawk hawk.
"Â leh lutuk" a aw chhum zet ka hriat rual deuh thaw chuan a jacket ka hak lai nghawng chu a rawn pawt chip hrawk a, ka hmai bul chet ah a rawn kun hniam vut bawk.
"Arte tuitla ang mai in i pial then leh nghal" a khi suk a. Arte tuitla a! Suala chu le!
"Zo ar note tuihawk a tla lut ang maiin i pial then" ti sup pah chuan chimawm lutuk hian a khi tel suk.
"Hmela" ka ti tûi, ka ter nghal at tur chu hrelawk ang hrim in a jacket nghawng chu a rawn pawt chip leh vak a! Ka khuh ta țhawt țhawt! Jordan-a lo kiai suk suk chu rum tawk in ka melh ta vak vak ringawt.
"Rawn lut ru, a chhung ah sawn kan lut thei lo, Jordana u professor Ms-a leh a bialnu an awm ve a" Nuni'n a rawn ti a!
Jordan-a chu ka melh chho nghal zeuh bawk, kei ai daih in a sang zawk a, a rawn kun hniam deuh rún bawk nen ruah lak ațang min khuap bo ti tih der, dawr kawtzawl a an eng chhit hliah zawng tak in a rawn din thim rup avang chuan a hmel ka hmu chiang thei lo! Mahse, ruah in a nan avang chuan a chhip sam buk laih țhin chu a chalah a bet thlap a, a hnar ngul sang vuh ah chuan ruah tui a dir thla kauh kauh tih erawh ka hmu thei.
"I u a awm ve a nih chu" ka ti sep.
"Chuan?"
"Aaa..."
"Nge i la țhut reng a" ti hluk in ka ban rekah a rawn man thut a. A va phakar tak!
"Hritlang i kai hma in lut ang'' Jordan vek chuan a ti leh sup, a sawi dik, kei apawh chu eng vang a ruah sur hnuai ah scooty a la țhu reng nge maw ka nih le? Ka scooty chahbi chu a pawt phawi vut a, jeans kekawr ipte ah thun ruk ruk pah chuan midang te lo din hulna inte ah chuan min kai lut a, ka țhat leh țhat loh min lo zawt tliar tliar hlawm mai, mite min hmuh danah chuan nungchang mawi lo tak fuan khawm ni mahila an kiang ah hian ka hahdam a, mize thup țhen ngai miah lo in ka nihna dik tak in ka lang chhuak ngam bawk! Ruih tur duhin zan thim lawm viau mahila manganna ka tawh chang a thlamuanna min pe tu ka neih chhun an ni thung!
"Ruah a tam bakah thli a na bawk si, Lola engtin nge i rawn inkhalh thlen theih reuh le" Madina chuan a lo ti lung lung, ka nui ringawt a, thaw chham lek lek in an bul hi ka inkhalh thleng tih a hrethiam hauh lovang.
Jordan-a chuan țhutthleng ah min nawr țhu a. Ka helmet chy phelh ka tum a, mahse, rangzet in Jordan chuan ka ban rekah a rawn man leh chawt tawh.
"Nge?"
"Tikhan khum hle hle rawh, i inhmeh it et reuh a" a ti a, a nui suk chu rum deuh in ka melh ta rawn ringawt.
Min be zui tawh lem loin a chick hruai țhutna pan chuan a hmeichhe hipna tactic hmang ngei chuan cool ruih in a phei a. In te inchung ațang eng țha lutuk lo chuan Jordan-a a hnung lam huh ve dap tho chu a kap eng deuh raih.
Vawt a ti em tih ka zawt zauh a.
"Nope" min en map loin ban a phar uk bawk, ka ner lo ner leh nang tawh, ani rawn inher let vut in ka lo ner nawng chu min rawn hmuh rual chuan chet hluk in mit mun siai suk. Luak tur ang deuh in ka lo uak der thuai a. Tûr deuh a min melh tak khui ah chuan ka meng țî nghal daih.
"Anih i jacket min hak tir a vang in ka lawm e"
"Lawm hle rawh, i at a zarah naktuk lam ah chuan i hnap a tawlh pur ang" a ti ta duah. Midang chu an nui dur dur a, rum deuh in Jordan-a chu ka melh ta rawm ringawt.
Ka melh rum na chu hlau lo zetin a chick bulah țhu pah chuan min nui tak ang suk suk zui a!
"Zanin chu khawnge kan kal dawn?" High school ațang ka kawm tawh Nuni chuan a ti a. "Ruah lah a sur tam si" tih leh hlar pah chuan ka bul ah a rawn țhu thla nghal zat, bag a zen nghal rak rak bawk.
"Kan in ah kal ang u, ka nu leh pa an awm lo, sawtah lah sawn kan professor-a te nupa an awm run bawk si" ti nghat in Sammy chu restaurant eng ut lam ah chuan a thle buk. Midang chu an ri ta hlut.
Pawisak leh zahpah nei lem lo tak; ka țhiante meuh in a bul hnai a awm an chak hauh loh khawp a pelh hram hram an duh leh an zum ngam miah lo Jordana u Msa chu a takah ka la hmu ve lo! College chhuah san a, MZU zawm tawh mipa țhenkhat hian an hrawn mek tih chu an sawi chhuah zauh zauh dan ațang ka hre thei a, college ka zawh hun ah keipawn an nel theih miah loh professor Msa chu ka la hrawn ve ngei ang!
Msa chu Jordan-a te unau zing a upa ber a ni a, Jordana nen nu hran an ni bawk. An pa (Jordana pa) hi ex MLA ani a, a nupui hmasa nen fa pathum neiin Msa hi an fa upa ber chu a ni, chuan hmeichhe pahnih an awm bawk, hmeichhe pahnih te chu pasal neiin fa pawh an nei tawh; a nupui hmasa boral hnu ah Jordan-a te nu nen an innei leh a, Jordan-a u Julie leh Jordana hi nei ve leh in tunah hian an panga chuan inpui ah an cheng ho vek.
Msa chu tlangval senior ani tawh, a bialnu Doctor erawh ka hre ve, Beck-lu-buki cousin doctor Rinchhani. Ka hriat dan pawh Becki leh Rinchhani hian an sawi nasa țhin lutuk, kum 5 ngawt an inzui tawh bawk.
Jordan-a leh Msa chu inpawh tak ti a sawi tur an ni lem lo; Jordan-a pawn au chanchin a sawi mai mai ngailo, mahse, apa thuchhuak aiin au Msa thuchhuak a zawm țha zawk tih erawh kan țhian ho hian kan hre vek.
A unaupa hi thunun tum in khak chamchi țhin lo mahse, țawngkam khat lek a Jordan-a a khap tawh chuan party kan neih zan pawh nise Jordan-a hi in ațang a chhuak ngam ngailo. A na zawngin a u thuneih hmel zeta chuan a zilh ngai lem lo mai pawh a!
"I chhungte an awm lo tih te chu a hma khan sawi ta che" midang chuan an lo ti nghal bul bul, Sammy lah chuan mahni in chu a boring em a lawm a ti mai.
"Kha, i hmai leh sam hmawr huh vel kha inhru hul rawh, i scooty chu parking ah sawn hung ila, nakin ah Joradan emaw a rem chang chang in ruah ban hun ah zuk la mai rawh se" Nuni chuan ti zung zung in tissue pack min pe a, midang pawn an pawm tlang ani mahna Sammy te in ah let a, in tur lam ngai zat an rel thlu leh der tawh!
Ka pa nen kan inkar a thil thleng vang khan ka mood a zang khai em em lo! An rawtna siam apiang chu ka pawm thlap vek! Zanin hian an kiang ah lo awmna tur ka nei chuang bawk lo!
"Car pathum ah inhnawh len vek tum mai ang u"
"Jordan-a car ah Lola, Nuni leh Remremi kha chuang tel ru, midang pawh Madina car ah leh ka Car ah inhnawh leng vek ila" Zira chuan a ti zung zung a. Tlem a ruah hah deuh lai chu chuh in motor hunna lam ah chuan kan tlan phei ta duah duah, Jordan-a thung chu a dan ngaite in ngawi ngul chung in ka scooty chu parking ah a nawr phei a, a țawng tam hran lo, sailo hnam ngeng ve ngel ngul tak kha ani miau, mahse, ngawi rengin min ngaihsakna a lan chhuah tir mai țhin.
Parking kan thlen phei chuan bathlar a țhu ho chu kan thawm siam vang in an rawn hawi huang huang mai; kan mipa te thawm hi a ring țhin in ruih nei miah lo chung pawn boruak hi an ngam em em zel! Kan țhian ho awmna tawh phawt chu kan Lalram, kan rorelna hmun ah kan siam hmiah hmiah țhin.
"Hlim, a vawt em? I thuamhnaw a huh vek bawk sia. Jordan kan in ah peng lawk ila, Lola hi inthlak se" Remremi chuan tissue a ka sam huh min hruk sak pah in a ti a. Jordana chu a bu nghut a, kan hnung a rawn tlan te chu signal pe in Remremi te veng ah keini chu kan tlan tlang nghal a. A hmeichhe lo hruai chu tu vak in biak kan tum lem lo, a rei ber ah kar khat bak an inzui leh dawn chuang lo a, a hmeichhe hruai apiang kan lo biak țhat zel chuan kar tiin in hmeichhe hming thar kan hriat belh zel dawn tihna ani a, ngai ah kan nei tawh tiila a dik ber ang chu!
"I huh ve tho sia.. i inthlak.."
"Sammy thuamhnaw ka hak sak thei a lawm" ka sawi zawh hma hma chuan rawn ti hluk in front darthlalang ațang chuan min melh run a. Ngawi hmak in lu ka bu ta nghat ringawt.
▪
Beer can li ngawt ka inzo tawh! Ka rui lem chuang hlei lo va! Hetia ruihhlo hmang a thluak ka chawlh hahdam tir chuan ka hriatrengna ațang ka nu nen a kan hun paltlang hreawm zet te kha an bo duak ka ring țhin! Kha hriatrengna khan min delh rit in ka hahpui ngawih ngawih. Ka pa leh Muani mu dun lai ka phawk hlawl țum te, ka nu na hmel, a rilru nat em vang a a taksa tla dawk dawk mai te! Țhenrual ngaina tak nițhin khawlai chhuak ngam lo khawp a in ah a tap ta chawt mai te.. engkim, engkim khan kum 7 chhung chu min delh rit hluah hluah! Chung min delh bet tlat tu hriatrengna thawk ipik thlak lutuk te chu an reh theih ringin ka ban phak a ruih theih awm apiang chu ka ti ta zel a! Mahse, ka thluak chawlh tir tum a ruihhlo ka tih hnem poh leh engkim kha a fiah tulh tulh țhin!
Sofa ah kê ka hlang chho va, ka khup ah ka ban chu nghat in beer can chu ka ti che kual ralh ralh mai. Sitting room a ka țhiante thawm țha zet chu ka hre chiang lo tual tual a.
Maimitchhing diar diar chungin thawk ka la a, ka mitthla ah chuan ka nu hmel chiang zet in a rawn lang zui zat bawk.
Dawmhlum tu nei lova a hringnun zinkawng chauh thlak zet a zawh tawp kha pawi ka ti! A thawk lak tawp dawn thleng pawh a min humhim tum a min lo kuah bet țawk țawk mai te khan min delh rit zual in a chang phei chuan ka thawk a chham lek lek fo! Kha zan ah khan lo harh ila; zung turin ka nu kha kaitho leh in min zun pui turin sawm tlat ila chuan.... God!
Thawk ipik lutuk vang a ka kã ațang thaw chhuak kawk chungin ka meng chhuak nghal hlawl!
Ka țhiante thawm ring zet chu ka hre zawm zat a. Lu ka thing nak rual a ka biang rawn lum thla pap chu duh loin ka tuai hul nghal tawk bawk.
Midang chu ka va zawm ve a, a țhenin video games an lo khel a, controller inchuh in an lo inbuan let hual hual leh nghal.
Jordan-a leh a hmeichhe lo hruai erawh hmuh tur an awm tawh lo, Sammy room ah emaw, room ruak dang ah emaw zawng ila chuan hmuh tur an awm ang!
"Awi! Madina ringawt saw, tunge a rawn hruai leh tak ngawt" nuihzat hmel zet a Remremi enna lam chu en ve zawk in ka kiai ve seih tho.
Madina leh nula kum lamah pawh naupangchhia tawh lo tih hriat zet mai rawn inzui lut chu midang ho pawn an lo phul pui hlut a, beer can hum ve ve in Sammy te inchung lam ah an chho hrang ta nalh reng bawk!
Madina leh Jordan-a zet zawng! Higher zirlai ațang nula senior lam thleng in duh duh an thlang thei a; mahse, karkhat ai a rei hmeichhe ngai an kawp ngailo! Hmeichhia te pawn chu an mizia leh hmeichhia ngai an kawp rei peih loh zia hrereng chungin an hnar phal chuang der bawk silo!
Jordan leh Madina tih loh chu ngaihzawng neih ngaihsak em em lo, a huho a awm a, rik hulh hulh nuam ti tawk em em vek kan ni.
Ngaihzawng ka nei ngai lova; mipa leh hmeichhe inzawmna ang hi tem ve chhin lah ka duh bawk hek lo!
"Dawr ah Prof Ms-a te lo awm reng kha apawi tawh lo tawp mai" ti lung luang chuang chuan Zira chu Remremi nen kan awmna lam ah a rawn let phei a.
"Ngawt a che, Hlimi Scooty lam tur in tu maw ber in let a nga " Remremi'n a ti hlak.
"Ni dawn tak, Madina bike pawh kan hnutchhiah daih" a tukhum tuai vut vut chungin a ti a. Remremi nen kan lo nui hawk hawk mai.
"Jordan-a hi ni dawn ta ila ka peih miah lo ang" Remremi chuan a ti hlak a, ka en ha chu beer min han tlak khum pap phawt a.
"A u hmel kha a hlauhawm em a lawm, khatiang Palian leh rorum hmel lutuk nen khan inkhat ah cheng ho in zingtin leh tlai tin dawhkan khat kil ho a ngai ziah tur kha ka peih lo.. Sahuan a Sakeibaknei leh ramsa dang khung ho kan ang awm e mai" a ti a, za lutuk a ka nui hak hak chu lu min thin khum nak nak pahin Jordan-a u, Prof Msa hmel nelawm loh zia leh a țawng kam khauh zia a sawi zawm ta chiam bawk!
Thlalak ah bak ka la hmu ve lo! A bialnu Doctor Rinchhani'n a hauh na tiktek viau bawk a, ig lamah an pahnih thlalak hmuh tur a tam khawp mai!
Ka tan ațangkai lem lo bawk nen ka țhiante meuh pawn an palzan ngam loh Msa chu engang hmelpu nge anih tih takngial pawh ka chhinchhiah der lo! A hleitling thawkhat hle tih erawh ka hreve.
"Ka duh aiin ka inhnem a, ka lu a na bur mai" ka țhutna sofa ah rawn mut tap pah chuan Nuni chuan ka malchung ah lu a rawn nghat nghal zat.
"Inbelh tawh suh, in inah lo riah ka duh bawk si, nang ber i ruih viau chuan i chhungte ka hlau nasa dawn e mai" ka thusawi vang chuan za zet hian a nui ta nghek.
"Lalhlimpui hian *hlau* tih țawngkam a hmang ve a nih chu" ti chiam pah chuan a nui kiah kiah a. A chal ah ka kuk ta fawk ringawt.
"Nge, a mak em a lawm, kum hei leh chen kan inkawm tawh a, a vawi khatna atan i kâ ațang hlau tih thumal a rawn chhuak ve teh mial a nia"
"I rui tawh anih kha, mu hle hle rawh"
"Khawnge kan Jordan kawp lawra te pawh an awm a, min thlah vat loh chuan ka chatthla ani tawh mai" a tih zawm nui nui a.
Ka phone hmet eng a darzah ka hmuh meuh chuan keipawh ka thaw ve ta hap mai.
Zinglam dar 1 a pel fel der tawh.
Midang pawh sofa leh a remchang lai lai ah chuan bawk thlawp in an hnar zui bawrh bawrh a, Jordan-a chu a hun hman tihbuai hreh viau mahila ka call ta tho.
Rei a ring hma in min rawn chhang a; car a khal emaw leh nghal ni?
"Khawnge i awm a?" Ka ti hlar.
"Ka duattei ka drop a lawm" ner sak in ka meng kual nghal ralh.
"Rawn let vat rawh, Nuni chahthlak fel hma hian an in ah min dah a ngai"
"Ok ok ok pumkin head" a rawn ti a, a aw ri deuh hak ah chuan a nui tel tih hria in thinrim țún a rum hak in phone chu ka off nghal hmak!
▪
"A hmel enaiin a va rit ve mawle" a ti hluk, car hnung seat ah Nuni chu a mut hnawk a, kawngkhar a nam phui nghal dawp bawk.
"I rawn thleng har lutuk a, a chatthla hman tih i hria em? An in ah riah ka tum bawk si...." thinrim ru țun a ka au khum tan tan chu ngawi ngul in Jordan chuan min pan ta hmawk hmawk mai!
"Ani a chatthla daih sia engtin nge a chhungte bulah ka sawi a nga" ti leh ţal in ka tawlh hnung hrat hrat a, car bang ka nghen dawt rual chuan ka hma ah tak rawn ding khupin ban a rawn lek chhuak nghal vut, ka kimki zui chawi a, car chung chu a rawn chum ri dawt bawk.
"Jordan?"
"Tuin nge kut thlak leh tawh che, i pa nge i nuhrawn?" a ti hrawih. Nghet deuh in ka kut pahnih chu ka hum vak a.
"Sawi rawh" a hma aia dam deuh zawk in a ti ta sup. A awm zawn melh ngar hian chil ka lem dak.
"I hmai ah hian kutthlakna hnuhma ka hmuh hmaih ring hauh suh Lalhlimpui, tu in nge kut thlak che" vin ang a lang hauh silo hian a ti rum nghut.
"I sawi duh loh chuan a țha alawm, Nuni nen hian kan in lam ah ka hruai haw mai ang che u" a ti hluk, dak haw a ka en chho hauh chu thle buk chungin a rawn kun hniam ta khun a.
"I duh em?"
"Aih" ka ti vat. Ka hmai bul chet ah rawn kun hniam khun pah chuan a nui suk a.
"I duh loh chuan.." a ti zawi sup, a kutpakhat chuan ka khabe a rawn dawm a, min kuai dak belh salh in ka hmai chu a thlek kual nghal dun dun "tu in nge i hmelțha zet ah hian beng che" a țawngkam hman vang chuan ka nui hak a, Jordan pawh zalo zetin a țhen ve suk tho.
"Lola, tunge?" ti zawi ruih pah in a kutphah hnung lam in ka pa min benna lai a rawn nul tak thuak ah chuan ka hnuk a ulh ta tlat a.
"Min hrilh lo ang maw?" Jordan chuan a ti zawi leh ruih, a aw zawi leh thuk nguk ah chuan min ngaihsakna leh min duatna ka hrechiang tak zet, a kut che chu tawp miah lovin ka biang sa hat hat chu a nul hauh hauh a.
"Zep ruk neih chingte hi ka hua, Lalhlimpui, ka lakah thil te tham zet ang a lang pawh i zep anih chuan ka lungawi ngai hauh lo tih i hriatchian kha" a țawkam hman chu chang khelkhawlh viau țhin mahse, a aw erawh a rum ul siin a dam ruih, chu tak chuan min ti zuau zual a, midang tan chuan tlangval ler tak leh mipat hmeichhiatna a tlan nasa tak, pawisak neilo, mi hausa fapa duat sual ni mahse, Lalhlimpui tan chuan 'duattu leh ngaihsaktu a neih awm chhun, Lalhlimpuii thinlung sak zet ti nem a, a mittui koh chhuah sak hial thei khawp a mipa zawldawh tak' ani thung.
"Beck-lu-buki'n a nu rangkachak țhin ru ah min puh a!" Ka ti zawi țîak!
Jordan-a chu a rum nghut a. Mahse, ka biang a nulna erawh a dam viau thung.
" a nu țhi dahna ațang ka ru chhuak lai amit ngei a min hmuh thu in Kha mihring tenawm zet-a hnen ah khan min hek a.. chuan..." a bek ruh pawng țawlh ţawlh khawp a a insehruh chu melh zeuh in a hrawk bawk zawn ka melh leh nghal daih bawk.
"Țhi chu min dil let a, ka la bawk silo leh thudik zawn chhuah tum hmasa miah lova rukru a min ngai nghal ngawt khan ka thin a tirim ve lutuk a.. Uirepa tiin ka koh" ka ti a, zalo te in ka nui tel hak bawk. "Chuan min beng a..."
"I pa ani tih ka hre tho a..." a ti hrawih, na deuh a thawk chhuah hawk pah chuan a inpet ruh ngawt ngawt a. "Ka hnek chak tak zet" thazat hmel zet a a rawn tih chhuah hrawk takah chuan ka lo nui ta hak hak. Jordan erawh a nuiza ve hauh lo!
"Tinge thil thlen dan hriatchian tum hmasa hauh lova kut a thlak ngawt zel che, ipa nilo ngat se zawng damdawi in a lum luh ngai hial turin ka khawih tawh ang" a ti chhum hmuk.
A ti duh tak tak dawn tih ka hria! Mahse, khawvel dan ah ka pa ani miau si a, min venthawn vang a kut la thlak lo mai mai ani tih hrechiang bertu ka ni bawk.
"Thiangte, kha lo en uluk viau rawh, thilbo a awm leh palh a nge" inchhung ka luh rual a Beck-lu-buki lo țawng ri chu hrelo der hmak in choka ah ka lut tlang a. A cousin Rinchhani leh an sawi ve sek Msa an lo leng in ka hria. Min hnung chhawn zawng in mipa zawk a țhut miau vangin a hmel ka hmu lo. Doctor Rinchhani erawh a cousin in deusawh zet a min lo lawm lai khan a lo nui rah rah thung.
"I țha em? Ni thum ngawt i lo haw tawh lo" choka ah min zui lut in nu Thiangtei chuan zawhna min zawt leh chuk chuk tawh.
"I u Hriatpuia te nupa pawh an mangang hman a lawm, phone i chhang duh bawk silo"
"Ka ril a ţam tawh lutuk" ka ti nui nui a, ka ban bulah min ben thlawp pah chuan ka hma ah tak a rawn ding nghal hmiah.
"Khang ni3 chhung khan khawi ah nge i awm? I pa thinrim hi i hlau miah lo em ni??"
"Naaaa, chu lam chu sawi tawh rih lo ang, ka ril a țam lutuk" ka ti ve tlat a. Tih ngaihna min hriat loh hmel fe chuan min melh ta ram mai.
A ban bul ah ka kuah that that a, nuih tlawn ti tih pah chuan eng chawhmeh nge a siam tih ka zawt ta daih.
"Doctor Rinchhani leh abialpa sawn chaw an rawn ei dawn a, hei lo ei rih rawh, i nu leh pa lo haw se chaw sei ka siam nghal dawn nia" alu kan plate ah min suah chhuah sak pah chuan a ti zung zung.
Nge Doctor Rinchhani te pawh chuan kan in a chaw ei an tum leh tak ngawt le.
"Min lo pek belh, an rual in chaw ka ei ve peih lo" thaw halh hian min han melh tlawk tlawk phawt a.
"Nge.... ka hriatthiam ve phak lo eizawnna chung chang sawiin muk deuh in an țawng leh sup sup a nga, ka peih ve hleinem"
Nu Thiangtei chu a chet ta tlat tlat! Alu kan plate khat hnur chawi chung chuan choka ațang ka chhuak a.
"Ka room ah lut miah suh ang che" țhutkhawmna area ka kal pelh lai in Becki chuan a lo ti leh kher; Rinchhani nen chuan mei nei zet a in melh kher in an han ner dun tak ang nawng a, Min hnung chhawn a mipa hrawl pui țhu run thung chuan a phone chu a bih ngur, Becki'n min deusawhna ri vel chu hria ang pawn a lang ve lo.
"Nutei chuan a rangkachak țhi bo kha a ui thu a sawi tak a sin" Rinchhani'n a ti zawm zat. Kailawn ah ka pen chho hmawk hmawk a, kawngkapui a Muaneki te nupa rawn lut thawm pawh ka hre tel vuat.
Ka room chhung ka luh rual chuan kawngkhar ka nam phui a, chung lam ah lock leh thlap in alu kan hawp hawng hawng pah chuan khum lam ka pan a. Plate khat vek alu kan ka ei zawh meuh chuan ka puar awlh thei.
"Anite, Anite" washroom ațang ka pen chhuak fel țawk. Ka room kawngkhar chu pawn lam ațang a rawn inchum ri dat dat a.
"Anite" ka vahpa aw ri vang chuan ka khek nghal tuar mai!
" matthew" au tûng chungin kawngka lam ah ka tlan phei a, ka u fapa matthew-a chu kawngkhar pawn ah a lo ding reng anih chu!
"Bawihpui i lo leng maw? Awi! Ka ngai tawh lutuk che" a der ni hauh lovin ka nui chhuak hawk hawk mai.
A ban pahnih rawn phar kak țai in matthew chuan min ban nghal zat. Ka pawm kang nalh a, Puma jogger pants a ha ve țap reuh bawk sia, cute ti lutuk in a biang ah ka piai nghal nawk nawk mai.
"Matt, in lo leng dawn tih ka hre miah lo, Bawihpui anitei kha min ngai em?"
"Aw, Apa bulah pawh anitei ka ngai ka ti zel a lawm, anite i phone ah games ka khel thei em?" a tih zawm zat a. Duhawm ti zet in ka hmai in a awm ka nawr sak chuk chuk, Matt-a za ti lah a nui khek ve rai rai bawk nen ka hlim ve tak zet.
"Nithum chhung ngawt kha khawnge i awm bo a" Bawihpuia nen chuan kan nui tawp nghal hmak. Kailawn chhuah chhohna ah ka u a lo ding run tawh a. Muangchangin Bawihpuia chu chhuat ah ka nghat thla a, thawveng zetin ka room ah a tlan lut nghal daih bawk.
"Khawnge i awm?"
"Ka țhiannu te in ah"
"Tu i țhian nu?" Bul zet a ti hluk in ka room pan chuan a rawn che chhuak nghal zat.
"Nuni"
"Tak zet "
"U.. a mak thei, dawt ka hrilh tawh che em" ka ti hap, ka nun a heheu a, in haw loh chang ka neih pawn chhuanlam siam kual loin thudik ka sawi mai zel. Min hauh hlauh vang a dawt sawi te, tute emaw mit hmuh ah lan fel duh luat vang a nihna lo pui a mipuitling leh rilru țha ang a lan ka tum ngailo. Ka tih chu ka ti! Ka tih loh chu tih loh ani tawp.
"Thudik chiah zel min hrilh niin ka ngai țhin, thudik lo deuh min lo hrilh fo thei tho" nui lui suk hian a ti a, ka kawchhung chu natna in a fan kual rawih rawih thei!
"Țhi i ru chhuak em ni?" ti zawi sup in kut a kuangkuah nghal hlun. Na tawh lo tur ka nih vei nen, mahse, ka thisen zawmpui te zawk pawn rukru a min puhtu an awm rual a min ringhlel nghal zel tawh țhin hi nat ti miah lova tawrh tawp chu harsa ka ti ve țhin.
"Police koh ula, a țhi bo ta chu a lan dan kimchang takin hrilh se.. nidawn tak, Police koh te chu a ngam teuh nang, a chhan chu a eng țhi mah a bo miah hleinem" ti hlak in room ah ka lut nghal daih. Ka pa in police call a tum pawn țhi bo sawi tur a nei lo tih a inhriat chian em vangin a khap ta chul kha a nia!
Khum ah avang zawng a bawk diai chungin Matt chuan ka phone charge lai ah games a lo khel a, rum țîah țîah pahin a bulah chuan ka bawk ve nghal thlawp.
"Bawihpui" ka ti a, rang zet a min en heu pah chuan a nui nghal sen sen bawk.
"I ha hmai a bal elaw?"
"Umm, a nghing thei a maw, apa in khawlla in a țawn a, a pawt chhuak a" a kutțang a phone screen thai niap niap pah chuan a ti ve reuh.
"Na i ti em?"
"No, thisen tam deuh a lo chhuah pawn ka ţap lo reng reng"
"I va huai tawh reuh tak, i rilţam tawh em?"
"Aih, anite games hi ka khel char char ang aw" ti pah chuan a mitmeng sualna neilo zet chuan min en kiau a, a sam kir bap chu chul sak zeuh in lu ka bu a.
Bawihpuia games khel chu a tui reuh nangiang mai, tih dan vel chu a thiam ang tawk a uar in min hrilh ve tûng a, Bawihpuia a lo len hi chuan hahdam deuh in ka awm ve țhin.
"Bawihpui, zanin chu ani bul ah riak daih la, naktuk sunday ani tho a, i pu inkhawm i zui a nga"
"Aih, Anu in ani bul ah chuan riah loh tur a ti" min en lem hlei lo chuan a ti puat, sam chhem rona ka on tur chiah chu tawp chawt in khum chung a Matta games khel chu ka melh tlawk tlawk mai
"Anu in a sawi maw?" Ka hrawk a ro halh.
"Aw, anitei khan HIV a kai mai thei a, chuvang chuan anitei bulah awm nasat loh tur...." hair dryer chu ka thlauh tawp! Ka thu hriat chuan min shock lutuk mah mah!
"Hiv" ka ti chhuak sep a, u Melo-i'n chutiang thu maksak lutuk hmang a Bawihpuia a fuih chu mak ka ti!
Ka hmai chu tuai pawk in thawk ka la vak a, ka lungphu chu a rang kher mai!
Chaw an ei dawn ah u Melo-i chu ka room ah a rawn lut a, Bawihpuia thusawi kha ka ngaihbelh lutuk vang nge Bawihpuia nen inhlat deuh tak a kan lo awm a rawn hmuh chuan a thaw huai hian ka hria!
"Bawihpuia chu anitei bulah i lo awm daih a, api leh apu in an hmu chak tawh che a sin" ka lak a a rilru put diktak lan chhuah tir hauh lo in a rawn ri nghal lawng lawng.
"Chaw ei a hun tawh a, inhnuai ah chhuk tawh ang ule" ti pah in rang deuh tak hian khum ațang chuan Bawihpuia chu a pawm thla a. "Hlim, chaw zuk ei ila" min nuih var var bawk.
"Lo zuk ei ru; nichin khan alu kan ka lo ei țeuh tawh a" ka ti let a, nuih luih ngial ka tum teh nangin ka hlawhchham chiang hle.
Min sawm nawn tawh lova, min sawm nawn pawh nise an ni mifel rual zing ah chaw hlui kil ka peih teuh lo. Rangtak in Bawihpuia chu a kai chhuak sawk sawk a.
"I kut min pe rawh" ka room kawngkhar a rawn nam phui rual deuh thaw a a thusawi chuan min vilh ngut ngut.
"Kan kal chhuah hma in ka hrilh chian che kha, tinge thu i awi miah lo" tih ri leh hand sanitizer inhmet chhin khap ri ka hre tel leh hram a.
Kailawn a an chhuk thla țak țak thawm a zawih telh telh rual chuan ka hmai hup thak in ka thaw nghal ham ham thei!
*anitei khan HIV a kai mai thei a, chuvang chuan anitei bulah awm nasat loh tur*
nui hak hak pah in ka tho chhuak a, chu ka nuihza chu reilo te hnu ah ruak intihna leh khawharna in a rawn thlak thleng a, khum ah chuan mu zangthal thla hnawk in ka nu boral tuk a ka mut dan ang chuan ka mu a, ka kiang ah ka nu mu ve ang a ka suangtuah rual chuan tlem in ka nun ruak lutuk chu a reh ve deuh! Tlem te tak tak in!
▪
Ni a liam a, kan chhungkaw pawh mite chuan 'an fanu naupang zawk sawn eng ruihthei pawh a khawih vek thei a, rukruk a ching tel zel bawk nen a nuhrawn tlereuh leh pawisa kawl țhat ang ang a ru chhuak zel țhin an ti; a nuhrawn lahin a fa hrin ang chiah a duatin tisawn a dawn țang țang zel a, nuhrawn hrawn rau rau ah a hrawn nuamsa bik lutuk a, awm ngaihna a hrelo niber in a lang' tiin kutchal an kawhrawn ka ni a, min kawk tu an tam zawh poh leh ka nuhrawn dawhtheih zia sawi lang tu an pung thur thur zel!
"Hlimi, safe- a ka pawisa dah hi i lo khawih em ni?" au vin tuar chungin becki chu a room ațang a rawn chhuak hlawk hlawk. Helmet kuah țat chung a kailawn ka zawh thla tur chiah chu ka ding dat a!
"Maw? Kan țhianho chaw eikhawmna tur a kan sum thawh khawm cheng singhnih leh sangnga safe ah ka dah, i lo khawih leh tawh em ni?" A ti leh tuar.
Kan minepa te nupa pawh an nupa room ațang rawn chhuak ve hlawl.
"Eng nge ni a?" Muaneki chuan a ti a.
"Kan țhianho pawisa thawh khawm ka kawl a, tlai ah kha chuan safe ah a la awm vek, zanin hian ken chhuah ka tum a, a lo awm tawh lo anih hi" beidawn hmel zet a ti hal pah chuan ka pa amelh kher bawk.
"I dahna i hai anilo maw? Va in hai nawn leh teh" ugggg, eng lemchanna tak chhuah leh dawn chu maw?
"Ka dahna ka theinghilh lo, ka room chhung pawh ka ching let vek tawh"
"Hlimi, i u pawisa sawi chu i lo hmu mial em?" Muaneki'n a rawn tih nem hlei tak ah chuan thawk la hak pahin Becki chu ka melh ngar a.
"Chaw ei hma a i kal chhuah khan bag puar deuh i ah chhuah kha, i bank ac ah i thun tawh zawk te a nilo maw?" Ka ti hmak, Becki meng phar kawk leh Anu Muaneki'n dawi daia ka pa a melh zeuhna chu hrelo der hmak in ngawi rengin kailawn ah chuan ka chhuk thla nghal daih.
An nufa mizia diktak hi hrelo ka nilo! Pawisa bo an tih ziah leh ru a min puh ziah hi ka la ngai map lo, ka pa hlawh hi bank ah a dah lut veng ngai lo a. Hman chawp tur cheng sing hnih khat vel hi a sum faiin an nupa room ah an kawl.
A chang chuan Cheng singkhat a bo te an ti leh tawp zel a. Ka pa in awi nghal vek in keimah min talawh tir fo mahse sum an tih chet kual dan dik tak hi ka sawi lang ngailo! Muaneki leh Becklubuki te hian bank ac hran an nei; cheng sing khat ru ah min puh chuan a tu maw zawk zawk ac ah cheng singkhat chu a lut țhin.
Kan mihring tenawma hi eikawt vek mahse pawi ka tih miau loh a vang in a uirena hmeichhe fing phakar zet hian bum kual se, a sum ru țhenin chhep rel țun țun se, a ei dawn (g) vek hnu ah mipa dang umsan daih mahse pawi tihna ka neih miau loh vang in engmah sawi chhuah en ah ka en peih lo!
"Jeffry hian a rawn bia che a" ti thum bul tu chu ka țhen khum sak ringawt. A ngaihdan nilo hmel rum ul chu nuihza ru deuh in ka melh ngar a.
"Be tawh suh, hetiang mipa ler lutuk lak ațang hian i hmin rei dawn hauh lo" ti hmuk in ka phone chu a hmet thim a.
"Jeff-a lakah ka him chuan.. i lak ah phei chuan ka him lo zual ngawt ang" amah en duh miah lovin dawhkan a ka phone chu ka ban da da a. Ri bur khawp a dawhkan a beng tak bur vang chuan ka tek nawlh hial in ka hre mai!
"Jordan?" dawr a chawl dang ho in kan tabel lam an rawn en nghal țhup chu melh kual thuak in Jordan chu ka melh leh a. Tum bur hian darthlalang tukverh ațang pawn lam a lo en daih.
"Thinchhe leh lutuk" ti hlak in ka phone chu ka la let a. Jeffry hian higher ka kal lai ațang min be ve tawh țhin, tun ah hian MZU ah Jordan-a te nen an lut tlang a. Ngaihzawng lam ka ngaihven ngai miau loh avang in beidawn rum rum chang neifo mahse thlahnih khat hnu ah min rawn be leh hlawl țhin.
Hausa lutuk ti a sawi tur an nilo, mahse, an harsa hran lo, sports lam a tui em em a, pa ve hrekhrawk tak niin a mitmeng thip khai hian hmeichhia a hip a, hmeichhe zawk in bulțan a, chet la hmasa zawk lah an tam.
"Be tawh suh, khapa kha i biak reng ka duh lo"
"Ka hria e, aw lalber" ka ti a, rum deuh a min leh khui tak ah chuan beng pahnih pawt zeuh in ka nui lui ta sawng ringawt.
"A msg nazawng ka chhan let ngai der loh hi" ti țha leh pah chuan ka phone screen chu a lam ah ka dah hmai leh a. Melh pawh a lo melh peih tawh lo.
Kan eitur chah kan ei zawh hnu ah bill a pe a. Vawiin hian presentation tih tur ka nei nangin Joradan-a'n class a kal dawn lo tih țhian ho group ah a lo sawi a, class chhung ah awm aia a bulah awm a nawm zawk miau vang in ka kal lo ve hmak.
"Hey.. khawnge min hruai dawn?" Mc ah kan kal dawn maw ka ti a, mahse, min tlan tlang pui daih.
"Kan in ah"
"Maw.. aih, in inah ka kal duh reng reng" ti chul in a hnung zangah ka chum nghal țawlh.
Na tih hmel deuh in a thaw ri hak a, a helmet tukhum chu rum deuh in ka melh ta er bawk.
"Tlak i duh loh chuan min lo kuah thuai rawh" darthlalang ațang min nuih suk pah chuan bike chu a herkawi thut a, ka kuah mai pawh nilo in a hnungzang lum vung vung ah chuan a bei in ka bei thlawp.
A nuih dawt rual in ka bek chu a rawn nghawr nghing dawt bawk.
"Chimawn ngawt mai"
"Kha.. a aia nghet in min kuah rawh" ti pah chuan a herkawi leh zawk a, traffic police in ring deuh a a rawn ham na chu bengkhawn hauh loin min tlantlang pui nghal fur bawk.
"Mama... class i kal lo ngawt em ni?" Kawtzawl zau zet ah Bike a hunfel lai in anu chu a rawn tlan chhuak a.
"Kal lo mi?" Jordana chuan a ti let khut.
"I sual mai mai, i u in i kal lo tih a hriat chuan a pawi dawn a nia. Ehe, Hlimi i rawn leng ani maw?" Jordana hmeichhe hruaihaw keimah ka ni tih a hriat rual chuan min be nghal chul mai.
Anu hi hmeichhe zaidam leh rilru țha zet mai ani a, mirethei leh harsa zawk tan a luang chhuak nasa hle bawk.
"Nu, Lola hian tlai chaw kan in ah a ei dawn nia" a helmet lawk zet ka lu ah min khum tir thawih pah chuan a ti a, ka darah a rawn kuah leh thuk lai chuan a awm zawn ațang a helmet chelh bet țai chungin ka han melh chho vak ringawt.
"A țhat hlauh chu, hei eirawngbawl a hun ţep tawh a. Hlimi ei chak zawng i nei em?" A ti a. An in a chaw ei te chu a zahthlak dawn si.
"Ka ei lo.."
"Alu kan, bal leh sihneh bekang rep nen a thak tawk a bai a awm chuan a dik vek ani mai.. ka sawi dik em?" Thawveng zet a tih pah hian a rawn kun hniam a. "Balbai hehnu"
"Hmela" ti hrak in min kuahna chu ka thing thla nghal nak.
Anu chuan kan pahnih chuan inchhung ah lut turin min hrilh a, ka ban rekah nghet deuh a lo chelh in an inchhung pui mup ah chuan min kai lut nghal dawr dawt. A room ah min chhoh tlang pui nghal daih bawk.
Anu te pawn hei chu ngai ah an nei tawh in ka hria. An in hi ka vawi5 kalna vel chiah a la ni nangin ka kal tirh ber țum khan anu hian ka hming min zawt a, ka kal nawn leh țum in ka hming in min koh nghal chat thei.
"Lo țhu rawh ; ka intleuh thuak dawn" tih leh a tshirh hak hlih a rual hmiah. Khum ah a kawr chu a theh hlawm tawp a. "Tukverh kha hawng rawh, a uap lutuk"
"I va intithu tak"
"Mi hnial suh, ka pawm lut ve mai ang che"
"Ve lutuk a che" ti hlak pah chuan tukverh lianpui lam chu ka pan a, jordan-a inphelh sawt sawt chu a chin fo dan anih vang in ngaiah ka nei thawkhat tawh.
Tukverh chu ka nam hawng a, bathlar zau țha helhhawlh ah chuan ka chhuak nghal a.
"I duh leh tv kha lo en la" washroom kawngkhar a kharphui hma in min la rawn au hram
"Okey" ka ti tak nangin ka en peih lo.
Bathlar ațang hian Jordan-a room dawt chiah room a kal pawh theih, Jordan-a room chin chu pel phei in room pakhat tukverh darthlalang fai zet chu ka melh hrek hrek a.
Parda a inzar phui loh vang in pindan chhung chu a lang chiang thaw khat viau. Mipa mut pindan tih hriat zet in a chhung a bungraw awm ho chu rawng thim lam leh hrawl tak tak vek ani mai hian ka hria!
Pindan zau pui chu KING size bed in a lai tak ah a tan tlang a, chu khum zaupui chu pencil rawng thim dak hlup in a inkhuh fel thlup bawk.
Kawngkhar ațang luh chiah bang rinchhan chuan drawer uk tle hlap, chhawng li a sang a awm a, a chung ah chuan frame pahnih a inhung bawk.
Khum ațang tv a en țhin ani mahna bang ah chuan Tv hlai zet a bet thlup a, couch lian pahnih inhung leh run in center table fai hlerh hlawrh a inhung bawk.
A thuamhnaw bawm hrawl lutuk leh chhuat ațang celling tawng rawt thlenga sang thuamhnaw bawm awm dan ah chuan Prof Msa room anih ka ring nghal ngawt.
Lehkhabu chhah pui pui inrem țhup chu chhiar peihawm loh ti zet in ka ner pui nang nang a. Chutia room chhung uluk tak a darthlalang ațang pindan chhung ka bih dak dak lai chuan kawngkhar pakhat chu rawn inpawt hawng thut in a chhung ațang chuan mipa lian lutuk mai a rawn chhuak a! Min țhawng lutuk bawk si chu chil ka hak țhawt hial a nih chu!
Towel var lianpui a veng a, a kawng a chin chung lam chu a huh dap; a ban bul hrawl zet a ti hrawl che kual vel chu en kual dan dan in pindan chhuat a carpet dup inphah ah chuan ke lawng a kal in a lu huh chu towel pakhat in a hru mek tih ka hre zawm zat bawk.
Kal sawn nachang pawh ka hrelo! A lu hrukna towel var chu couch ah a theh kai vut a, a sir zawng a awm anih vangin a hmel chu chiang takin hmu thei lo mahila a khabe ruhkual hrawl zet chu a invuah ngheh hmel tak zet! Hmul-in a khabe ruh kual ațang a bek thlengin a bawh dap a, hrawk bawk lang sar zet a nei tih thleng in ka hmu kim hman vek! A sam hnawm chhak chu a kuta tuai thuak thuak in tui a per chhak chhak a! A thuamhnaw bawm pan in carpet dup ah chuan a pen leh thauh thauh, a pumrua hrawl lutuk leh tihrawl inphiar sek țalh vek mai chu mak ka ti! Hetiang khawp hian mizo mipa taksa a lo nalh ve tawh ani maw ka ri rilru hial mai!
A thuamhnaw bawm hawng tur a ban a lek chhuah vut rual chuan vawi leh khat ah tukverh lam chu a rawn thlek ta thut mai! Ka vir nawk chu khawiah emaw ka intauh chawrh a! Ka chal a na nghal ut ut!
Joradan-a rum hawk ri vang chuan hawi chhuak thuai in ka chal ka dawm nghal vang vang mai! A awm dawmin Jordan chu a lo kun hniam khûn a.
"Ka tihpalh.. ka.. a na em?" Ka ti tûng; Lu a thing nghut nangin pindan chhung a mipa pian nalh lutuk in min hmuh hman hlau a inher thut ka ni a; force a na dawn lutuk tlat!
"Buaina a awm em?" Rawn ti sup ri ka hriat rual deuh thaw chuan ka la hriat ngai hauh loh awm dan mak lutuk vang in ka lungphu chu a ri nghal dawt dawt anih chu! A aw chu a thum in a thuk ruih!
"Ka țha, ka țhianu hian bathlar ațang khawpui a lo enkual lawk anih hi" ti sup in Jordan-a chuan a awm ah min kuah bet nghal hmiah; tal chhuah tumna pawh ka neilo. Min rawn be tu hnungchhawn zawng a ding ka nih miau vang in ka hmel a hmu thei lo ang. Mahse, a aw thum thuk ruih khan ka kawchhung a țham pha tlat!
"Class i kal lo a?" Ka hnung a mi chuan a ti leh nghut, a aw ri mawlh chu.. cool ka ti; thum satliah tawp loin a thum thuk ruih.
"Last ka off a lawm" ro zet a nuih hak pah in Jordan chuan a ti leta, ka hnung a mi chu chesawn loin a dinna ngai ah a ding reng tih ka hrethei chu mak ka ti!
"Kan lut tawh dawn.. Hlim lut ang le" a ti leh sup. Ka darah kuahin a room tukverh inhawng huau lam ah chuan min kuah phei a.
Chhan awm lo a ka lungphu rawn rang vak chu a hre thei a ngem le?
"Nge ka u room lam ah i lo va kal daih a" ka beng bulah rawn kun hniam in a phun sup. Chutih lai pawh chuan ka hnung lam hi a za uai uai a, kha pa hrawl deuh khan min la en zui reng anih ka ring. Chutih rual chuan a ni en-zuina vang a danglamna ka nei ngawt chu mak ka ti viau!
"I u room ani tih ka hre hleinem?" melh chho zeuh in ka ti sawi sep. A khi suk a.
"Ka u inbual zo thuamhnaw ibel lo lai en thlatur a thawk chhuak i ang deuh tlat"
"Hmela" ti vak pah a ka tin uaih lai chuan kan hnung lam ah chuan tukverh a inkhar phui dawt a. Jordan-a nen chuan kan hawi let nghal dawrh.
"Tak tak, i bihthla nasa mai sia, a lungawi miah lo ang" a ti sup a. Ka tum reng vang a bihthla ka ni der silo.
"Nu, keichu Rinchhani nen zanriah kan ei chhuak dawn, zan pawh ka rawn haw tlai deuh ang, event pakhat ah kal dun kan ngai a" Jordan-a room pawn a mipa aw thum ruih vang chuan kawngkhar hawn tuma a vawn chhan ka vuan tawh chu ka nghal thlah zal zal! Amah ka hmu miah lo chung pawn a huhang danglam bik hlup chuan min tidanglam teih tho!
"Awle, Rinchhani pawh rawn leng leh se, tunlai hi a buai deuh em ni, min tlawh khat in ka hria" Jordan-a nu in a ti a.
"Umm, a buai ve țhin lutuk a, ka lo hrilh dawn nia" a bialnu chu a duat hmel in a chhuang tawk hle tih a hriat ngawih ngawih!
Ke pen thawm ka hriat hnu reilote ah kawngkhar chu ka nam hawng țham țham a, Jordan chuan games a khel, kawngkhar pawn lam ah chuan khapa rim ni ngei tur thil rimtui deuh, mipa rim hrekhrwka bawk si chu a lo la cham bang a. Kailawn lam chu pan in kawngkhar inhawng huau a mipa hleitling zet leh inchei smart thlup pen chhuak chiah chu hmu vuat in ka awm zawnah kut ka nghat a!
A aw zawi thum ruih ka hriat tirh ang tho khan a lo phu rang leh tho anih chu!
Comments
Unknown21 December 2019 at 09:53
Mi bawn.. next a nghahhlelhawm nghal em em zel mai chu ni sia aw..
REPLY
Unknown21 December 2019 at 10:15
a ngaihnawm em2 e
REPLY
Unknown21 December 2019 at 10:17
Mi ropui tak hi chu iva han ni tak em...ka tawn ah hian
REPLY
Unknown21 December 2019 at 10:20
Nexttrttttt
REPLY
Unknown21 December 2019 at 10:31
Ngaihnawm hle mai
REPLY
Unknown21 December 2019 at 10:42
Anuam leh ta veng veng mai lola ti hreawm rei lutuk lo la aw
REPLY
mawimawii21 December 2019 at 10:44
ka kham lo țhin
REPLY
Unknown21 December 2019 at 11:08
Ngaihnawm lutuk.. . .next nghahlel awm.. .. Vei leh bur dawn nih hi
REPLY
tlantlani21 December 2019 at 11:16
Ngaihnawm lutuk❤❤..jordana te unau lak ah hian ka luangliam nghal der tawh..Msa hi a lanna scene la tlem mahse a veiawm nghal der tawh a nia..next a nghahhlelh awm ee...
REPLY
Unknown21 December 2019 at 11:40
Ka vei nghal Jordana hi
REPLY
Unknown21 December 2019 at 12:47
Ngaihnawm 👍👍👍
REPLY
Unknown21 December 2019 at 15:13
ngaihnawm lutuk..
REPLY
Arsitei21 December 2019 at 16:58
Ngaihnawm chiang e
REPLY
Unknown21 December 2019 at 17:33
Ngaihnawm leh dawn mang e..a kalphung tur pawh a dangdai hmel khawp mai
REPLY
Unknown21 December 2019 at 17:57
Ngaihnawm turu ve
REPLY
Unknown21 December 2019 at 21:15
Ka vei leh ngur2 dawn nih hi
Kei chu Jordana Ka duh ee😍😍
REPLY
Unknown21 December 2019 at 21:56
Khamawm loh thin
REPLY
Unknown21 December 2019 at 21:57
Achangtunu hi ka khawngaih leh dawn tlat mai,a mood ah hian a lo va chen theih emmm...
REPLY
Unknown21 December 2019 at 22:06
Ngaihnawm nghal em em ee..keichukei luangliam leh nghal em em tawh mai
REPLY
Unknown21 December 2019 at 22:34
Next tur suangtuah leh nghal char char🤭
REPLY
Unknown21 December 2019 at 22:54
I story dang ang tho in mittui nen ka lo in ring lawk diam e...
REPLY
Unknown21 December 2019 at 22:54
Ngaihnawm full ṭhaks
REPLY
Unknown22 December 2019 at 00:31
Ngaihnawm lehpek dawn e vei leh tlur tlur mai ang awww
REPLY
Unknown22 December 2019 at 01:10
Jordan hi a thi dawn anih hmel sia, rilru hah lawk
REPLY
Unknown22 December 2019 at 03:48
Lola hi ka khawngaih ngawih2, a nun hi a hreawm tur zia hi ka hriatthiampui, ngaihnawm tan dawn e, rawn tang zel teh
REPLY
Unknown22 December 2019 at 06:13
Ngaihnawm leh pek
REPLY
Unknown22 December 2019 at 07:17
Ka duh em em eee...mak thei lutuk ..
REPLY
Unknown22 December 2019 at 07:50
Ka kham lo e, ngaihnawm leh lutuk emaii ah😘😘💕💕💕
REPLY
mapuii22 December 2019 at 08:20
Huizzz
REPLY
Unknown22 December 2019 at 08:59
Ngaihnawm turu buru,ka la khamlo zel....
REPLY
Unknown22 December 2019 at 11:10
ka duhnu😘😘😘
REPLY
Unknown22 December 2019 at 16:28
Chhiar nawn leh tawhh,adang nghahhlelhawm ṭhin mange
REPLY
Unknown23 December 2019 at 00:35
Chhiar a manhla thin lutuk e
REPLY
Unknown23 December 2019 at 01:26
Next ka chhiar chak tawh eeee
REPLY
Unknown23 December 2019 at 07:02
Msa hi ka duh bur e😘😘😘
REPLY
Unknown23 December 2019 at 10:54
Jordan hi ka duhh mahse changtupa nih hmel si lohh aa ka uiii😥😥
REPLY
Unknown25 December 2019 at 06:22
mittui tla meuha kan chhiar chu le🤭😢
REPLY
Unknown30 December 2019 at 08:21
Khamlo
TETAKTEI CHAPTER 3
- December 24, 2019
TETAKTEI
Chapter 3
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
🎄⛄Euphoria, Christmas chibai vek u aw. ⛄🎄🎅🎅🎅🎅
"Khaw nge i kal dawn?" hnung lam ațang aw rawn chhuak thut vang chuan nasa lutuk a phu nghek chungin ka vir let nghal zawk, kawngkhar biang ngheng a Jordan-a lo ding chuan min lo nuih suk a, kei erawh min tih phut nasat lutuk vang chuan ka meng rang nasa kher mai! Ka thin zawnah kut nghat pah chuan ka han thaw chhuak hak a. Khapa kal chhuak ka hmuh thawi thuak vang a ka lungphu lo danglam ve ringawt lai tak a min rawn au thut bawk si nen ka thlarau a thlawk chhuak daih hial lo chauh!
"Thil ti sual lai man chhuah ang mai"
"I hmelchhe lutuk; min ti phu a lawm" ka ti vak, hnuai lam bih hian a kiai leh suk a. Thinrim hlur hian ka hawi sawn nghal hmak thung.
"Khawi ah chuan maw i kal dawn?"
"Ka duh duhna ah" khabe kang vah a melh er chungin ka ti leh hlar, a chet hluk chu rum deuh a melh leh rawm pah chuan țhian ho karah niloin an in ah kan awm tih hmang chuan inbeng daih ka tum a.
" hetah chaw ka ei dawn chuan.. aaa, i nu ka pui ang chu ka ti" ka ti zawi fak, awm lo tih hmel tak a min nuih ruh ruh chu ka theih ang a rum in ka melh let khai khai a. A tawp a tawp ah chuan 'ka tlawm e' tih awm ang ziazang chuan a kut pahnih in beng a pawt ta zauh.
"Ka nu chu a phur khawp ang, hruai i ngai em?" ding mar vut in a i siam țha a vut, ner nangin lu ka thing nghat a.
"What" a ti hû.
"I games khelh lai kha va khelh zawm hle hle rawh" ti hlak in ka inher nghal hmak, a nui ri hawk pawh chu ngaihven zui duh loin
Muangchangin kailawn ah chuan ka chhuk thla a, Jordan te inchhung chu a pui mup tih bak sawi vak ngaihna ka hrelo, kailawn ringawt pawh an enkawl uluk tih hriat fe hian thing phel chu a uk hnum hlurh, inchhung cheina pangpar te lah chu a ropui in he inchhung lan dan a ti zahawm zual em em a, engkim chu pui mup siin mi a hip em em.
An pi leh pu te thlalak hlui tawh tak tak chu hlai takk a frame in bang ah a in tar thluah, sofa set ringawt pawh Mizoram mi hausa in nazawng ah hmuh tur a awm lo, a pui khup vek ani tawp.
Kailawn chhuah thlak hlawl bang hrul ah chuan inchhung cheina thingphel hnum hlurh a siam tho a inhung a, tah chuan thlalak frame te deuh an hung bawk, chung thlalak chu pan hnai in ka en chiang a, chhungkaw thlalak neuh neuh leh an tute nen a thla an lak te, khawi lai dil kam ah emaw țhu a Joradan-a pa in nghakuai a chiah lai te hmuh tur a awm thluah, London leh khawthlang ram khawi khawi ah emaw an kalna thlalak hmuh tur a awm nual bawk, thlalak zing a lian ber chu ka pan hnai leh a, ka thil hmuh vang chhuan ka awm chhung a ri leh dawt dawt tawh; thawk hip let kawk in ka chelh zui ta tlat!
Thlalak a lang zing a lang sar bik lurh ngei mai hi ani tun lawka ka hmuh pa kha!
Chhungkaw thlalak a ni nangin Jordan nen an nu leh pa hnung ah an ding dun a, Jordan hi sang țha tak leh taksa inphut mawi ve tak ani tehlul nen a u Ms-a lakah chuan a lang te viau, business suit gray rawng thim khup mai a ha, a vun chuan ngo lam aiin uk sen khur rawng a pawl zawk, a mitko chu a thuk deuh dak a, a mitmeng zim sûn chu chiang tak a en chuan a uk thim khuih! Thlalak mai mai nimahse a melh chu a na in a tak ngul mai! Nichin sir zawng a a awm lai ka hmuh ang tho khan a khabe ruh kual hrawl zet chu hmul in bawh dap a. A lan dan engkim mai chu a khunkhan in a muk ruih, chuan, keimah hian dik lo eng emaw tak a awm anih ka ring rum rum tawh! Ka awm chhung a lungphu chu a mah in a rang leh dawt dawt tawh.
Camera melh a tak ngul a a ding ngawi ngul mai mai pawn hetiang khawp a ka lungphu a ti rang vak thei hi mak ka ti!
"Hei vang chiah hi ani dawn hi ka țhiante pawn an nel theih miah lo" ka ti rilru a, prof dangte ang a zuam ngawt ngam chi ziazang a ni miau hlei nem.
"Hlimi mamawh i nei em?" Hmeichhe aw hian a rawn ti a. Ka dinna dan chu siam remin ka hawi let nghal vat, mitmeng nung sar hian Jordan nu chuan min lo nuih var var a, a nui hmel hi a ngainatawm hliah hliah bawk.
"Inchhung chei dan hi a pui lutuk a" ka ti a, a hmel nung sar ah chuan nui hmel a rawn lang a.
"I va tilawmawm ve, inchhung chei bawl hi nuam ka ti vei lutuk a.."
"I pangpar khawi ho hi Mizoram a mi a nilo ang tiraw, ka tihawmzia chu a pui hlawm lutuk, sofa pawh saw" bah deuh nuaih a ka ti niah niah chu min pan hnai pahin min nuih hak hak reuh a.
"Ummm, Pangpar ho hi Thailand lam a mi anih hi, Mapuia leh Rinchhani te chawlh hmang a an zin țûm in min lo hawn a, hmeichhia nen a bazar kual an ni bawk a, an rawn hawn nalh tiraw?" ka bu nghat a, Doctor Rinchhani nen an inpawh zia lah hrilh nawn ka ngai tawh der lo.
"I rilțam tawh em?"
"Aih, ih.." sawi țan dantur ka hriat loh lutuk vangin ka ngawi leh dat a, hmeichhe fel tak ka niloh zia chu a hrechiang ve hle ang, eirawng ka lo bawlpui ve ang che ti ta tawp ila min nuih za viau a ngem le?
Ka sawi tur a ngaichang tih hriat zetin nui var var hian min en a, kawrdum puan deh nawm hmel zet hain pawnfen fual man tam hmel tak a feng bawk, a lan dan zahawm zet kar a amitmeng ngilneihna hian mi tam tak ngainat a hlawh tir reng ani.
"Ih.. eirawng.. eirawngbawl pui in ngai a ngem?" zam ru tak chuan ka ti a, nu Hmingi hmel nung sar chu a rawn eng belh kuar in ka hria.
Nui var var hian min pan hnai a. A taksa ah thau chhia pakhatmah a neih loh dan ațang chuan ei leh in thlengin a in control nasa anih ka ring, a la nalh e mai.
"I va fel ve" a ti hliai, awmang lo ti lutuk in ka lo nui ro halh thung.
"I peih phawt chuan lo kal rawh helam ah" ti hliai in ka ban ah a rawn kai a, a kut lum thep leh nem dap a min khawih rual chuan ka mur ar ar a, ka nu min tawh velna nen a kut dam dan a thuhmun in ka hre hial.
"I țhianpa pui khan games a khelh san che em ni" ti pahin min en a. "A pawi tawp hleinem tiraw, keinen kan inkawm thei dawn a" ti leh hliai in a nui zui hawk hawk bawk. Keipawh lai ru zet in ka nui ve a, pindan zau helh hawlh ah chuan min luh pui a, chawhmeh rim lo nam ram ram chu a rimtui in ka pum a fan rawih rawih. Bawngsa chhum a anthur hnah an thlak rim rawn nam tel chek chek chuan ka ril a ti ţam tak zet.
"Vuli, in lo buai em?" a ti lut nghal chul a, a aw kâ chhuak zangkhai vak leh ngaihthlak nuam em em mai chu mi hausa nu nazawng in an nei ve lo tih lah ka chuang.
Nula pahnih eirawngbawl a lo che mawlh mawlh te chuan keini pahnih inzui lut chu min lo en thuai in Joradan nu hnen ah chuan an chawhmeh siam mek chu an hrilh zung zung a. An pi chu zah tak siin an nelh hle tih lah a bula an țawng zangkhai vak dan ațang chuan ka lo chhut kual ve reuh reuh mai!
"A tui ngawt ang, bal bai pawh kha off a hun tawh anih kha" nuHmingi chuan a ti a.
Choka chu a zau nuam in eirawngbawl a chet vel pawh a nuam hle in ka ring. Kawngkhar pakhat inhawng huau ațang chuan an kawmchar zawl dap leh pangpar chi hrang hrang inkhawi vul chukna chu a lang raih, theihai kung leh kawl-sinhlu kung a ding phauh phauh bawk.
"Hei Bawihia țhiannu Hlimi anih hi, zanin tlai chu kan pahnih hian kan lo puive ang che u" Joradan-a nu chuan ati a.
"Hlimi a zualpui chu i u te pahnih hian an siam zo duak tawh nangin chawțani kan siam dawn em ni?"
"Tehreng mai" ka ti lo vat. Mawi zet a min nuih hnu chuan fridge lian pui kawngkhar pakhat chu a pawt hawng a. Tomato pum lian deuh pathum leh dahnia tih vel chu la chhuak in dawhkan chung ah a rawn dah a, Purunsen leh cutting board ban leh nghal thuai in tomato rawh rawt a ngainat thu chu min hrilh siam siam a, mak tak maiin nu Hmingi bulah ka awm hian ka hah run lova, hetia a titi siam siam hian ka nu nen a hun kan hman dun țum ang chiah khan hahdam takin a thusawi ka ngaithla thei!
Eirawngbawl tur zualpui an zawh tawh vangin an nula pahnih chu inbual an duh chuan inbual tur in a hrilh a, eirawngbawl vel hi ka ti ngai hran lo nangin Jordan khan an in ah chaw ka ei tur thu a sawi thawr ringawt a, engmah tihpui lova pindan a tawm ngawt ngawt ai chuan chetna tur lo zawnpui ve kha a inthlahrunawm loh zawk daih.
"Hlimi, nang eisiam hi nuam i ti em?" Jordan-a nu chuan a ti a. Gas thukah tomato a rawh khu vut vut bawk.
"A.. ka hrelo, ka ti vak ngailo a" dik takin ka chhang, kan in ah phei chuan engmah ka ti ngailo, NuHmingi chu a nui hak hak mai, purun sen chu ka theih ang a uluk in ka chan ve ngei bawk.
"Chemte i chelek dan kha fimkhur rawh aw, i inzai palh a nge" a ti a, tomato pakhat chu rawh leh in a thai let sar sar a.
"Dhania hi ka chan sin nghal dawn em?"
"Aw, bahkhawr pawh kha chan nghal daih rawh" ti pah chuan a tomato rawh zawh tawh chu a kheh pah a.
"Mahse, fimkhur rawh aw, i inzai palh a nge" amah chu va en in ka nui hak ringawt.
"Eisiam hi nuam ka ti țhin lutuk a, baking pawh ka zir ve țhin, Jordan te naupan deuh lai zawng zawng pawn ka cake bake kher an ei duh țhin. Mahse, kum 5 kalta aţang khan ka hnungzang ruh hi a fel thei tlat lo mai a, din rei deuh emaw, chet zawng a engtin emaw ban han pharh chhuah fuh loh deuh hian ka ding mar thei ta hauh lo mai a, eisiam pawh midang kut ah ka dah a țul phah ta a nih hi"
"Awi! Anih chuan tomato kha ka lo rawh ang, ih, i hnung zang i ti na palh ang" ka purun chan chu tawp in ka ding chhuak hlawl, tul thir a tomato vih pah chuan min lo nuih hawk hawk a.
"Ding chung a hetiang tih te chu ka thei lutuk a lawm, chulo ah eirawngbawl a chet vel hi nuam ka ti hrim hrim a, purun kha i chanzo tawh em? Hei rawt-thleng ah hian dah lah hmarcha te sen nen rawt pawlh ta che"
"Aw le" ka ti a, rawt thleng awmna min kawh hmuh zeu lam chu panin rawtthleng chu ka ban vat a, tomato kawr kheh pah chuan ei siam tui dan te, a secret recipe te min hrilh in min titi pui char char a, ka nu ei siam pui a, ka chawhmeh tui tih zawng hrilh pah a alu ka vel pui țhin lai ka mitthla let uar uar bawk.
"Nang hmarcha thak i ngaina em?"
"Umm, a thak poh leh a hang tui mai hian ka hria" ka ti a, min pawmpui tih entir nan bu nghat pah chuan kut a hmet ri khep.
"Mapuia zanriah ei in a kal chhuak daih sia, chuvang chuan thak deuh tak in kan rawt dawn nia" a ti a. Prof Msa a sawina ani tih ka hriat rual chuan ka thil rawt chu ka tawp nghal chawt!
"Ih.. khapa, aaa, Jordan-a u khan hmarcha thak a ei ngam lo tihna mi?" rawt fawng hum țai pah a ka en haw chu kut beng thak pah hian min nuih leh hawk hawk tawh. A palian si, hmarcha thak ei ngam lo tur a tan chuan a hmel a rorum em a sin!
"Ei ngam e!" Nu Hmingi chuan a tia, ka nui ta hak. " Mahse, taksa a enkawl lutuk em a, taksa in a mamawh loh eitur chu tawh pawh a tawk duh ngailo. A insawizawi nasa si a, hmarcha ei nasat chuan thin thip leh taksa sahal neih a awlsam hi, ani taksa sawizawi atchilh tan chuan taksa sahal leh thin thip neih te chu buaipui awm deuh tur a sin"
"A va thei tak, rawt thak tawk te, bai thawk tek tawk te a tui vei nen"
"A tum a ruh pakhat bawk em a ni" a ti a. Nie, a tumruh vang anih bakah a atthlak ka ti, reilote khawvel ah kan awm chhung ei leh in ah i sum deuh țûng chu a atthlak e mai a.
"Kei hian hmarcha ka ei nasa si a, hmarchate um te hi hmet keh in chaw ah ka chawm tel țhin a, Mapuia hian min hau hluk hluk zel, a hrisel loh thu min sermon khum dut dut tawh chuan hmarcha ei tawh miah lo tur in rilru ka siam hman rum rum zel a lawm" a fahrawn nen an inpawh hmel lutuk chu mak ka ti a, ka awt ru vawng vawng bawk.
"I duat hmel ka ti"
"Engtin maw?" a ti a, ka en nghal dawrh zet a, mahse, ka ngaihtuahna kha ka sawi chhuak tih ka hre chiah!
"Aaaa, ih, Jordan-a u kha nia ka tih" ti nawi nakin tap ka herh haw a, zahzel ah kut ka sil ta ringawt.
"Ee, Mapuia maw? Tupawn ani ang fapa țha lutuk nei se an duat vek ang chu, a puitlin bakah a tum ruh em em a, a rilru pawh a tluangtlam purh mai, apa nen kan inneih dawn khan a farnu pahnih chu a nutei te lam in an lo fuih khawlo deuh nge, min hal em em mai a, ka rilru kha a buai ve țhin a sin; mahse, Msa hian a nutei te chet lak dan leh a nau-te pahnih an lo fuih țhin dan chu hria in a nau te chu a hrawk ta hrep a, hrawk tih a.. aaa, a nutei te khan ka chungchang diklo takin Ms-a nau te hnen ah an lo sawi țhin a, chu an ngaih dan chu Msa hian thlak sak vek in tihian chhungkaw pangngai takin kan awm thei ta mai mai a lawm. Mapuia rilru puitlin zar kan zo tlang anih hi, Dawt hi a duh lo bur a, mahni thu duh ve tawk tak leh ngeng ngul nimahse a thinlung a țha a, nu ang a min pawm hmasak vang liau liau a tun dinhmun thleng thei hi kan ni alawm" nui hmel pu tel sang hian an chhungkaw boruak țhenkhat chu min hrilh ve sep sep a. Prof Ms-a hi a hrin nilo mahse nu Hmingi pawh hian a thinlung tak a ngaina in hmangaih tak zet tih ka hmu tel zel a. Ka awt ru tak zet! Hetiang khawp a nu rilru țha leh fel hi ka nuhrawn nive ngatse chuan.... Ka mitthla ah Zomuanchhebawki a rawn lan rual chuan ner nakin lu ka thing nawk!
Kan khum pui ah ngei ka pa mutpui ngam ngat khawp a hmeichhe nasa, ka nu rilruna kun tlawk tlawk mai deu zet a țawng khum zar zar thei khawp a thinlung lumna neilo mihring ka nuhrawn ani bik kher hi ka vanduaina ti zual tu ani ka tilo thei lo!
" Hlimi, pawi i tih loh chuan zawhna ka lo zawt che a nga, Bawiha nen hian engtik ațang nge in inkawm țan?" Dinning chair pawt chhuak in ka bulah a rawn țhu ve a.
"St Paul's ah kan lut ho a, ta ţang chuan kan inkawm chho ta zel" ka ti a, high school kan kal lai ațang Jordan nen kan inhre tawh, kan senior an ni țhin. College erawh a first year kha phai ah an dah a. Khulam ah ruihhlo a hluar zawk fe vang leh zu pawh dawr tin deuh thaw ah awlsam tak a lei theih a an zawrh nasat vangin Jordan-a'n a in nasa zual a, an hruai haw ta rum rum kha a nia, kha mi kum tih loh chu kan inzui chawt.
"Bawiha țhiante hi tumah ka la hmu chiang mumal lo che u a, nang erawh kan inchhung ah i hming a ri ngun viau thung" a ti a, mak ti a ka meng phar deuh kawk chu ngainatawm tak a min nuib pah hian "i țhianpa hi 'Lola' tih nikhat ah vawi 10 vel tal sawi lovin a awm thei reng reng hleinem" dramtic deuh a hmel siam pah chuan a aw kî a ti sang pah a, ka nui ta hak bawk.
"A țhian dangte pawh a rawn luhpui zawk a, biak hman hma in an chhuak bo leh nghal daih zel a. Mahse, nang chu Bawiha țhian tam tak aiin i danglam bik tih i inhria em?" a ti a.
Jordan nun dan engkim leh a khawlai nun zawng zawng a hrechiang em em a, a fapa khawlai mi ve tak nen kei a kara hmeichhia leh nghal kan inzui tlat hi mak a ti lutuk ah ka ngai.
"Aaa..."
"Nilo e" ti thuai in dawhkan chung a ka kut dah chu a rawn hum nghal chat, ka melh nghal kawk bawk, ngainatawm tak a min nuih in ka kut chu a lamah a pawt hnai a. Ka tîm dai ruallin min khawihna dam raih zel hi dawn nuam ka ti viau lawi!
"I lakah hian eng ngaihtuahna țha lo mah ka pu lo a nia, Bawiha leh a țhian țhenkhat te aiin i danglam bik ka tih awmzia dik tak zawk chu maw, Bawiha ngei pawh i hrechiang ang, tun a a awm dan engkim hi nuam a tih vang leh a duhthlanna ngei a hetiang kawng hi zawh a ni a. Mahse, nang thung chu...." tawp datin a kutphah nem thep chuan ka kutphah chung chu a rawn chul a.
"I kawng zawh mek hi i ngaina lo! A dik em? Eng emaw... eng emaw tlan chhiat san i tum vangin he kawng hi zawh mai chiah i ni tiraw??" a ti dam raih, ngilneihna a khat a mitmeng dam raih chuan min thlek veng veng a, thuruk ka pai bo zozai chu a rawn hmu tlang vek mai in ka hria a! Chhang let lovin chil ka lem khalh a.
" eng harsatna nge i tawh a, i lo hmachhawn tawh tih hrevek lo mahila i duh phawt chuan ka kiangah i inbun ruak thei a nia, eng chu nge tlan chhiat san i duh tih lah ka hriatpui lo che! Mahse, tuna i awm dan hian i chhungril khawharna a hnawh khah sak zo lo che tih erawh ka hmu chiang viau thung, i duh loh chung nawr luih che a, i chung ah thil thleng te sawi chhuah tir che ka tum hauh lo. Ka fapa ngei pawh nun kawng dik a hruai lut thei lo nu ka ni! Mahse, i chhungril khawharna te, natna tam tak i pai bo tlat te hi paih chhuah thawl i duh phawt chuan i tan ka awm reng tih i hre dawn nia, nang hian khawlai ah hlimna zawngin i țhiante tih ang apiang tive țhin mahla hlimna i hmu zo lo tih i mitmeng thuk zawk ah hmu in ka inhre tlat a... aaa.. a lo diklo thei tho bawk, engpawh nise Hlimi, I ȚHIANPA NU hi i tan ka awm tih hrereng rawh aw" dam raih in a ti a!
Ka rilru rawn no nghal țíau chu ka duhlo viau nangin ka mitah erawh mittui a tling khat vek tawh thung. Hmangaihna aw kâ ka dawn lohna a rei tawh vang te pawh ani mahna, ka tan nu Hmingi'n a awm reng tih thu a sawi chuan min fan rawih rawih.
Ka nu boral hlim chhawn ah khan tun ang a hmangaihtu dik tak leh ka hma ngaitu mu țha tak hi lo tawng ni ila chuan... lu thing ka thing nak a, ka mittui rawn luang chhuak mai tur chu dan kir tumin ka vanva dak a. Nu Hmingi pawn min hrethiam zetin ka dar ah a rawn beng dat dat mai.
Khawlai ah hlimna ka zawng a, ka thluak chawmawlh vek khawp a ruih tumin ka ban phak a ruihhlo awm apiang ka ti zel. Mahse, ka taksa ah ruihhlo tur ka thun luh hnem zoh poh leh ka fîm tual tual a, ka tleirawl chhuah a thil thleng tam tak te khan min rawn zîm in thawk ipik leh tawt ngawih ngawih in min delh rit ţhin.
Ka nu boral hnu ah khan ka pa khawsak dan tenawm lutuk leh inchhung ah ngei hmeichhia rawn haw pui a, ka nu nen an nupa mut pindan ah ngei a khawsak pui thu te, kei leh ka nu in kum khat dawn pindan khat kan ințawm laia an nupa mut pindan ni țhin erawh uirena pukah a chantir tih te kha u Hriatpuia kiang ah sawi ka chak a, mualpho tawp a ka pa kha siam ka chak ngawih ngawih țhin!
Mahse, ka thil hmuh leh hriat in min tihnat mai bakah ka nu thihna in min țhawn em vang khan țawng chhuak thei lo in thla eng emaw zah ka awm ta lawi!
'Khua rei in mitthi ngaih lunglen a hnem ngai e' an tih ang deuh in ka u pawn hna te a han hmu a, hna ah a buai zui ta char char a, ka nu ka sunna in min kal san țhen meuh chuan an tan chuan engkim a lo pangngai hman a. Lehkha zir a a awmbo hlan a ka pa khawsak dan dik tak te pawh sawi chhuah a rem hlawl tawh lo!
Thil thleng engkim chu keimah in ka paibo ta vek a, nun pangngai a ka let rual a ka thil tum hmasak ber chu ka pa mualpho theih na tur zawng hlir a khawsak tum ani nghet bur! Rilru hahdam lo leh thinrim reng reng a siam tumna in ka khat zo ta a! Tun ang nun kawng hi zawh ka ni ta reng bawk....
"Dik lo a awm em?" ti sup ri vang chuan nu Hmingi nen chuan kan hawi nghal dawrh! Choka kawngkhar Jordan a lo ding rûn a, mitko ti hnim khûi in min melh nghal ngur bawk.
"I lo chhuk ve maw, kal bo tawh suh aw, i pa lo haw se, chaw kan ei dawn nia" anu chuan a ti a, anu țawng lai reng chuan Jordan-a chu choka ah a rawn pen lut nghal vut, min melh ngur chungin a rawn pen phei pawk pawk a. Ka hma dawhkan chung chu a ban pahnih in a rawn nam nghal run.
"Nu, a tan a hriat nuam lo tur thil sawi i nei em?" rum deuh tak hian a ti sup, anu abiak lai reng pawh chuan ka lak ațang mit a la sawn lo.
"Ngawt a che a" ti hlak in a awm ah ka nam dawt a. "Hmarcha ka khawihna kut in ka mit ka khawih palh a nih hi" ka ti a. Chumi rual a Jordan-a thaw huai chu anu in a lo nuih hak hak.
"Fimkhur țhin rawh ka tih kha, kawi maw, ding teh" ti hluk in chair aţang chuan min pawt tho zui nawlh, țanna hman awm hauh lovin 'tap' awmna ah min nawr phei dat dat a.
"A ngailo, a reh tawh a lawm" thleng sil na tlang ah chuan ka in nam khalh țang țang a, nu Hmingi chuan kan pahnih chu min nuih hawk hawk in Joradan pa a call dawn thu leh kan inchinfel zawh ah Avocado pum thum vel lo zai turin min hrilh a.
"Kun țha hle hle rawh, mit a hmarcha lut chu a na rei a sin" ti hluk in ka ban rek ah a rawn man chawt. Ka tukhum ah min nam kun lawp tak ah chuan a rawn kun hniam ve chu rum fahran in ka melh ta rawm a.
Min melh khûi chungin tui a herhaw a, ka kut a tui dawh ka tum rual chuan a chet leh hluk tawh.
"I kut hmarcha kai na sa in hmai i phih chuan i hmai pum kha a hmarcha hri dawn sin"
"Intithu si" ka ti hmak, a kutphah hlai hlup chuan tui a dawh a, a kutphah tiat lek ka hmai chu a rawn tuai nghal pawk bawk. Ka tukhum ah a vuan tel țûng bawk nen naupang hmai phih duh lo, apa in tihluihna hmang a aphih sak hi ka inchan deuh ta tlat a.
"Khawi teh, keimah in ka ti dawn"
"Che lo khan kun țha hle hle rawh" ti chhum hluk in a hma aia kun in min nam lawp anih chu.
"Hmelchhe pa"
"Pumkin head"
"Khati khan min koh ziah suh Jor-tumbur"
"Hlimlubuk" a rawn ti leh rual chuan che thut in ka ding mar a, nuihza insum zet a min melh ruh ruh rual chuan tui chu ka kut ah dawh in a hmai ah ka theh ta țhawt!
"Het! Khati khan maw min tih dawn a" ti hluk pah chuan a kut pahnih zawm kawp in tui chu a dawh ta mai!
"Ka tlawm! Min theh suh, ka huh vek chuan thuamhnaw hak tur ka nei dawn lo!" ti chul in ka tlan chhia a, Joradan ber bur chuan min rawn um a nih chu!
"Min theh huh hma khan ka rulh let dan tur che ngaihtuah hmasa ta che" nui huk pah chuan dawhkan ka tlan hual chu ka tlanna lam ah min hel khalh thut a, ka hmai ah tak a kutphah hlaipui a a tui dawh chu a rawn theh ta țhawt!
"Hmela! Ka that dawn che" khek tuar pahin hmai ka tui nghal pak!
"Engthil nge in tih a?" Ka hnung lawk ațang aw thum ril ruih hian a rawn ti dut a! Ka kut pahnih chu nghet deuh a hum tawmin ka ding khawng zui at!
Ka hma a ding Jordan chuan muangchang in min pan hnai a, ka tukhum za lum uaih uaih aţang chuan ka țhiante ngaihnat loh rawn prof Msa kha a dinna ngai ah a la ding reng tih ka hre thei a. Kan inhmachhawn miah lo chung pawha a huhang uapna zet in min tibuai vek thei hi mak ka ti nawn awn awn dawn anih ber hi!
"Kan lo infiam anih hi" Jordan chuan a ti sup, table chung a tissue box a mi tissue chu a pawt chhuak deuh țeuh a, min pek vut pah chuan nuih zat hmel zetin min chhuk en ngur a. Ka chesawn ngam miah lo chu mak ka inti ngawih ngawih!
"Choka chhung ah infiam loh tur, eitur buatsaihna anih hi" ka hnung a ding chuan a ti chhum hmuk. Ka maimitchhing sak a! A aw bul thum ruih vang chuan ka thisen zam a țek lum hial anih chu! Thu a neih hmel hluah hluah tih bak ka sawi thiam lo.
"Ehe, Mapui, i chhuak sia, tinge ni?" Nu Hmingi țawng ri ka hriat rual chuan thaw huai in Jordan-a tissue min pek chu ka ban a.. lawks! Ka thawk ka lo chelh leh tlat tawh tih pawh tun ah khan ka hre chiah!
"Umm, lehkha ka rawn lam leh lawk dawn, ka office dawr duh kha an lo la inhawng sia, ka rawn let leh anih hi" a ti thum ruih.
"Anih chu, min lo phone la, i nau te țhian dun hi ka rawn pek tir mai tur che a nia"
"A pawi lo, room ah ka dah a, ka han la ange, ka chhuak leh nghal ang"
A kalsawn thawm a hla tual tual a, ka awm chhung ri dawt dawt chu a sa telh bulh bulh a, thawk leh khat a ka awm dan phung leh lungphut dan zawng zawng ti danglam vek khawp a mipa huhang na lutuk mihring kha ka ngaina thei ngaiin ka ring lo! Kan la inhmachhawn hauh lo chung pawn a uap a na ren run si!
"Ipa pawh a rawn haw mek a, i u Vuli te ka va au a nge" tiin nu Hmingi chu a kalsawn leh nghal a.
Khapa aw kha a chhum bungin a rum deuh ul a, tichung khan a thum zawih ruih vang in a ril in a cool em em thung a, khatiang aw thum cool ruih ri kha ka la hrengai lo reng reng.
"Nang hi" ka phu zawk chu Jordan chuan min din hnaih nghal sauh.
"Eng nge" ti bah nak pahin ka melh chho nghal haw.
"Nichin ka u room bathlar ah i lo awm daih khan engthil chiah nge i va tih?" min melh chhuk run chungin a rawn pen hma zel a. Ka mitthla a thil rawn lang uai uai vang chuan Jordan-a min en ngurna aţang mit la sawn in thil tisual lai man chhuah ang mai hian ka tawlh hnung hrat hrat a.
"Engmah ka tilo"
"Dawt" a ti hmuk.
"Engmah ka ti lo tak tak, nangpawn min hmuh reng kha" uar zet a ti tan tan pah chuan ka dinna ngai ah ka ding ta tlat, engmah ka tilo sual lo tak tak. Pindan chhung ka en lai in washroom aţang a lo chhuak thut a, ka en tirh kha amah kha hmu ila chuan ka en reng teuh lo! Ka ngaihtuahna vang chuan huaisenna nei thar sauh in dak hâ in Jordan mit ah tak chuan ka melh let ta ngar.
"Ka hmu che maw?" ngeiawm zet hian a thle buk a. "Ka rawn hmu lai che chuan ka u room chhung uluk takin i bih.."
"Ka bih lo chiang lutuk" vanvadak haw a ti hlar pah chuan rum deuh in ka melh vak a."room chhung kha a lo lang thei a ka en kual ringawt a lawm" a hrawk bawk zawn melh in ka ti chuai raih.
"Room chhung chiah maw i enkual a" a va han sual thiam tak aw!
"Aw.. i lawm tawh em?"
"Ka rawn hmuh ve nen a va inper san ve, ka u khan towel chiah a ven mai bak ah a inbual zawhna a la reilo.. nang hian" rawn che thutin ka dar ah nghet takin a rawn man ta mai.
"Hey, eng nge i hria a?"
"Ka u inbual lai i bih thla em ni?" What! Ka nui chhuak hak a, ka awi thei lo zawk! Eng vang chaiin nge a u inbual lai chu ka bih thlak ve rik ngawt ang.
"I â em ni?" ti hlar in a ban rek ah ka vuan a, pawh thlak sak ka tum nghal țang țang.
"I bihthla lo maw?"
"Eng vang teh ngawt in nge i u inbual lai chu ka bih thlak ngawt a nga" ti vak in nin hmel fe chuan ka thaw hak a.
"A hmel hmuh i duh loh dan aţang khan... uggh"
"... ka bih thla ah i ngai tih na maw? Jesus! Jor-tuibur le" thaw halh in a kut chu ka phih thlak sak nawk a. "Tukverh pawh a inhawn reng reng lo kha" ka ti leh hram.
Ka hma ah ngawi ngul a ding in min melh chhuk ngur ngur a, kha prof inbual lai kha bihthla miah lo mahila ka țhianpa min melh dan vang hian ka awm a nuam thei lo.
"I chhuak leh nghal ang maw?" choka pawn a nu Hmingi țawng thawm chu hria in rang lutuk in Jordan-a lam ah ka tlan phei a. A hnung ah inphen nghal daih in ka ding ngawi ta kar.
"Umm, Rinchhani'n min nghak reng a" a ti sup.
"Anih chu, keini pawh i pa a lo haw a nga, zanriah kan ei zui nghal mai ang, nuam deuh in hun inhmang dawn nia" nu Hmingi țawng ri chu kawngkharpui lam ah a ri phei zel a. Thawm dang awm ta lo na nâ nâ chu kawtzawl a motor engin start rum vung vung ri chu ngaithla zui rengin 'tinge hmachhawn ka hreh em em le?' tih chu ka inzawt rilru nauh nauh a. Thil tihsual ka nei miah silo, mahse, thil sual titu in police tlan chhiat san a tum ang maiin a thawm ri va ka hriat rual hlek in ka che buai nghal vek zel a. Mi hlauhawm tak anih ka ring nghet hmak tawh!
Jordan-a pa lo haw hnu chuan zanriah kan kil hau a, an nupa chu an felin min biak tlangnel an tum em em a. Vawiin an hman dan an nupa a an sawi dun lai chuan ka lo inngaihtuah a, Jordan hi a vanneih tehlul nen engvanga hetiang a awm tlat a, ho tak a nung tlat nge maw a nih le? Nu leh pa țha tak leh fel tak a neih mai bak ah hmangaihna an ngaih in hriatthiamna an ngah si, ka hmuh chin ah chiah pawh hian anu leh pa hi fate ngaihsak tak an ni tih ka hrethei a, an mahni ang hi ka nu leh pa te nive ngat se chuan...
Thawk la hak in bawngsa tui hang ka hawp nghal khawlh!
Zanriah te kan ei zawh fel hnu chuan party-na a kal Jordan-a'n a rawt a. Party han tiila kan țhiante emaw, țhian țha ni chiah lo te pawh house party an buatsaih hian kan tel ve ngei ngei țhin.
"Bawiha, i chhuak leh dawn mi?" kailawn a kan inzui thla chu Jordan-a nu chuan Jordan chu a lo be thuai a.
"Aw, Lola thlah pahin ka țhiante in ah ka kal kawi ang" a ti sup. Anu chuan apa chu inthlahrun hmel deuh hian a melh zeuh a. Apa erawh thingpui hang no dawm in a ngawi vung vung.
"Reilo la aw" a ti ban chalh.
"Nu Hming, zanriah tui tak min ei tir a vang in ka lawm e aw" an chhungkaw inkar boruak chu thlak sak tum in ka lo ti vat. Nui var var in min pan hnai a. Ka kut pakhat chu lakang in a hum deuh vang vang phawt a.
"Kan in ah hian engtiklai pawn kan lawm che tih hria la, rawn kal fo rawh aw, zanriah kher lochhun lam ah pawh in ah ka awm reng țhin a, ei chak zawng i neih chuan min hrilh la, ka lo siam sak țhin ang che" a ti a. A aw fiah fel thlap a min ngainatna tak tak ka hriat tel vang chuan nui chungin lu ka bu rang kher mai.
"Kal ila" Jordan chuan a rawn ti sup, a duhtawk a pa a a chei danglam a helmet lawk zet chu a zak zeh hlun bawk.
Nu Hmingi chuan kawtzawl thleng min thlah a, an in hmun hma hi a rem in a zawl dap a, gate bul ah thingkung upat hmel zet buk deuh deuh pathum ngawt a ding khup bawk.
Kan kawt ah bike a ti thi duk a! Kan in eng pup chu bike hnung ah la țhureng chungin ka thlek vang vang a. Jordan-a te inchhung a ka hahdam ang khan kan in chhung ah ngei hian ka hahdam ve ngailo.
"I laizawnnu fel leh rilru țha ber-i dak zat zat ri chu in ngaithla leh dawn an hmiang" a ti nghut, a thusawi vang chuan ka nui ve hak a, a helmet lawk zet chu la thla vut in bike hma ah dah pah chuan thawk a la nghal suai suai mai.
"I huphurh deuh em ni?"
"Nope, a hek dan tur che ka ngaihtuah a, a pui leh piap piap viau ang" chet hlak in a dar ah ka beng ta thlawp, a nui che dawt a.
Jordan-a mai nilo ka țhian mipa dangte hian Muanbal-i fa bik mizia chu an hrechiang lutuk. Keini ang hian a mize dik tak a pho chhuak ve ngai lem lo nangin a room chhung ah a sen chi a stock ru dul, nu Thiangtei in tifai in a room bawlhhlawhbawm ah condom hman hnu țum thum ngawt a hmu tawh bawk! A mipa kawp te pawh mite hmuh ah chuan puitling leh fel tak vek an ni a! Mahse, Jordan-a te vek hian an lo hrechiang țhin bawk nen an zu lakna ah an lo hmu ve fo tawh te hi a lo kawp ve thei ziah. Mahse, keini angin an mize dik tak an pho lang ngam ve lo ka tih tawh kha! Zu in duh viau siin lem changin puan zar an inzar hliah a, an chep viau ta ve ang! Lemchang reng reng a nun hman ngawt mai chu!
A nu ang maiin țawngkam a thiam in veng chhung ah langsar tak a invawrh dan a thiam a. Higher kan kal lai chuan tun ang tak hian kan la in hal lo! Anu leh ka pa an inneih miau avang in goverment school ațang st paul's ah a rawn insawn nghal a, a tir chuan țhian kawm tur a nei mumal ngailo! Mahse, ka țhian țhenkhat te nen ka inhmelhriat tir a, țha takin kan inkawm ho tur ah ka ngaih laiin Beck-i chuan ka țhian țhenkhat te chu school ah mai nilo, phone ațang a lo be kual ta thluah a, a lo rei hnu chuan ka țhian țhenkhat te chuan min mil thei ta reng reng lo, Becki'n engtin chiah nge ka inhmelhriat tir hnu ah khan ka hriat loh in a biak zui tih lah ka htiatpui sise lo nen, a kherh hran theih awm tawk te te te chu kherh hrangin kan țhian ho lak ațang an tal hrang ta daih a. Midang lah chuan pawi an lo ti der bawk si lo! Nangmah vang a țhian nei thei mai mai in a rilru milpui tawk fuih kual thei a nei kha lawmpui zawk rawh min ti ta hleuh.
Kawngkharpui lian zet chu ka pawt hawng a, Jordan-a nen kan inzui lut thawm vang in nui dar dar ri chu a reh zui nghal hmiah.
Țhutkhawmna ah kan inzui lut a, an lo awm kim țhap a, Becki bialpa a lo leng bawk.
"Khawng nileng in i awm bo a?" kan țhut ve hma hau in Tenawm-a chuan a lo ti nghauh.
"Aw, pa-a class a kal ve bawk ang chu, class ban hnu ah lenkawi te chu mifate chin loh dan pawh ani bik hlei nem" Muaneki'n a lo ti nghal zat chu eilo fe in ka men kual khum ralh.
"Class a kal bawk lova, an prof nen kan inhmu a, min hrilh vek" Becki chuan a lo ti hlak, muanbali'n ka hma ngai ang zet a țawng a lo neih nghal thuai chhan kha ka hre ta chiah. Ka ngawi leh reng dawn tih an hriat vangin ka lam țang ang zet a lo țawng in Muanbali khan min talawh tir a lo tum leh reng tawh anih kha!
"Engtik lai khan nge class ka kal thu ka sawi a" ti hmak pah chuan thawven hmel fahran in Jordan-a chu ka melh a. Kan lemchan thiami te nufa in melh ralh chu a lo hmu ve chiah ani ka ring.
"Lo țhu rawh, intleuh thuak ka duh sia, ka rei deuh mai thei aw" ka ti a. Bu nghut in single sofa ah chuan a țhu nghal vut.
"Khawi ah kal chhuah leh nge in tum a?"
"Kan țhiante in ah.. e, chuan, vawiin khan class ka kal lo tih chu i hre dik" ti liam puat in Becki chu ka melh kher. "Jordan-a te in ah ka kal, zanriah ka ei nghal bawk" ka ti a. An ngawi ta dak hlawm.
Kailawn tawn tirh ka rah chiah lai taka ka BEST FRIEND thusawi vang chuan hawi let miah loin ka nui seih mai.
"Zira, i stock hnem fu lo maw, zan in a mi tur lak kan tum a, a neitu nu in in țhian ho in in lak zawh vek thu a lo sawi a" Jordan chu a ti hmiah!
"Engmaw i sawi?" Becki'n a ti deuh tuar.
"Zira hi nia ka biak" ti sup in Jordan chu a ngawi zui hmuk.
"I hai a niang, Zira'n zu a in ngai love" deisawh rawngkai fe in Becki chuan a ti let hlak a. "Zira a tih vang ngawt in amah hi a ni kher lo" ti leh erin a nui hak bawk. Ka rilru chuan 'midangte hian an hrechiang dun mai si che u a, ngawi hle hle la i ti fuh zawk ang' ka ti rauh rauh a.
"Ka hai anih dawn chu, kan zu lakna nu khan Zira, Soil and department pu Thanhlira fapa te țhian ho in an la vek tawh a ti a, pa hming pawh a lo in ang palh mai mai anih dawn chu" nuihza insum zet chuan a ti hulh. Becki chu a ngawi ta hmiah a. Zira pawn nuam lo tih hmel zetin hrawk a thian khurh khurh!
Kei erawh pen chho that that in ka nui var var mai. Ka tan engkim tih huam țhian pa ka nei miau a, Zira chuan a hnar a hmu lian lawrh lawrh viau ang, a bialnu in ka pa bul ah a report țhat thih vei nen, zu lak na ten an țhian ho in an lak zawh vek thu Jordan khan a sawi ta hmiah sia!
Ka room ah chuan ka lut a, ka thuamhnaw chu hlip nghal sat sat in suktur bawm ah ka vawm lut nghal vek, bathrobe leh towel lianpui pakhat nen washroom ah ka lut tlang a, tui lum pep in ka taksa a rawn phuh huh sar sar lai chuan țullo tawp in towel var chiah veng rún a Prof Ms-a taksa hrawl leh uk khurh mai lang hnawn dap kha ka mitthla let a, ka hmai leh hrawk chhung a rawn sa hat hat a. Chu ka mitthla chu duh lo zet in lu ka thing zui nak bawk.
Ka sam leh makeup vel chu hmanhmawh takin ka ti sawk sawk, kawrfual dum chhing teih tawih chu ka la chhuak a. Mahse, ka scooty LalKimkima'n vawiin khan min khalh sak a, zanin party na ah a lo ken chuan ka khalh haw angai dawn.
Thawk la hak in jeans leh tshirt var ka la chhuak ta zawk a. Bathroob chu phelh in bra leh pantie chiah inbel chuan darthlalang hma ah chuan ka ding a. Nu lian tak ka ni lo, ka cher hran lova, ka thau lem lo bawk. Mahse, ka taksa erawh ka chhuang ru ve viau zel, ka awm bawr kawh lah leh ka mawngbawr vawng ve tal te, ka kawngfek lang chiang em em si leh ka dul thep zaih mai hi inchei nuam ka tih chhan ani fo zel.
Inhnuai lam ah ka chhuk thlak ve meuh chuan Becki bialpa kha hmuh tur a awm tawh der lo. Ka mitmeng a Jordan-a ka zawh ruk chuan vei nuih suk in mit min siai suk a!
Becki meng rum rang raw raw chu hmu lo der hmiah in kan țhian dun chuan kan inzui chhuak nghal daih bawk.
"A bialpa i hnawh haw sak daih sia.." ka fiam a.
"Ka hnawt haw a nih loh kha, thudik ka sawi a, midik te chuan thudik an haw ngai hleinem" a ban hrawl zet chu a vai thuak a. "A chhuah dawn khan min melh rum teh a sin, min lo chang hial mai thei" ngeiawm tak a kiai suk pah chuan a ti leh sup.
Ka ner nang chu a kutchal in ka hnar a rawn nul thuak bawk.
"I awi lo em ni? An veng kha mi sualrawn hrat veng an nih kha"
"Min lo chang anih leh an sual rawn hrep che nga"
Min melh hrawk chungin a rum ta nghut.
Party na kan thlen rual chuan hman zana kan zing a a lo hruai tawh hmeichhe pakhat kha alo awm ve a. Jordan-a nen kan lut chu beisei nei zetin a lo meng no nghal sawr sawr mai.
"Saw le.. zan in chu bus ah i chuang leh dawn anih hmel" a dar zawn ah ka han phun sar sar, a rawn kun hniam vut a, a mitmeng dur thim nghal khup chu hlau duh miah lo hian ka nuih rah rah a.
"Bye, Kimkima'n ka scooty a lo keng dawn a, thlah ka ngai lo a nia" thawveng fahran a nuih sawng pahin ka kut phah ka vai zauh.
Hmeichhia in min rawn hnaih chilh tawh em vang a ka țhianpa hi chimawm khum ngam mai mai chiah ka ni bawk!
Nuni leh Remremi lo țhutna lam ah chuan kut vai zauh in dawhkan chung a beer can chu ka la kang nghal zat a. An lam pan a ka tlan phei tur chiah chu ka thlawk in ka hria!
Tha chak lutuk in hneh zet a min pawh let hrawk rual chuan ka rak țhat, boruak ah ka thlawk let dawrh chu khawi emaw sakhat ah ka intauh chawrh a. Remremi leh Nuni chu an lo nui hak hak a. Ka beng hnuai a rawn nui ri suk leh a nuih rual a a kâ ațang boruak lum rawn chhuak hak a vang chuan ka tal zui phat mai.
"Jor-tuibur min thlah rawh" ka ti hlar, music chu ring viau mahse ka beng hnuai a thawk khum rual a a thas ri ham ham chu ka hre thei.
"Jeffry-a a awm ve, hnaih lo ang che" ti hmuk pah chuan ka hnunglam a ka ban a herh chu a thalh thawl a. Ka che nghal at chu min hnuk let leh hrawk mai.
"A mak"
"Ka thusawi kha min chhang let hauh lo" ka bengbul ah lo kun hniam in a phun leh sup. Thinrim țûnin ka rum hak a.
"Lo awm pawh nise a pawi em ni?" Ka kut min hnung khirh sak miau avang in ka hawi let thei der lo.
"A awm mai mai chu thil pawi tak nilo e Lola. Mahse, i hnaih anih chuan" a ti chhuak hrawih.. chawl dat in ka ban chu a hmer nghet salh a. "Hnaih hauh suh ang che, saw mipa saw i tan a țha lo" ti hmuk in ka ban chu a thlah a, hma lam ah min nam kal dawrh a, rum tawk a melh chung a ka hawi let chu hmeichhe pakhat khal nalh zet chu "hey, Baby" tih hluai in a kuah nghal hmiah.
Chu hmeichhe hleitling leh khal zet mawng ah chuan chul kual in mit min siai suk a! Luak chhuah hmel zet in ka uak der khum ta ringawt.
"Ti em em nge, i lo kal dawn lo emaw kan lo ti hman a lawm"
"Ka lo thlen tawh hi" ti hliai in an bul ah chuan ka țhu a, Jordan-a te lam chu ka va melh zeuh a, lo melh lo law law ila ka ti tak zet!
Kha hmeichhia kha bang inpindanna ngheng in a ding a, chunu lu bul chu nam run in chunu dar phen ațang chuan ka țhianpa ler zet a chuan min lo melh run. Ka va en tih a inhriat tak ah chuan hmeichhia chu hnaih ruai ruai in a biang ah a fawp thawi thuak a.
"Tenawm ber" ti hlak in ka hawi sawn hmak.
"Tu maw?"
"Jor-Tuibura saw mawle, khawnge Sammy leh Madina te"
"Drinks an lak belh dawn anih kha" Nuni chuan a lo ti a. Beer chu ka hawng a, an dah vawh vang nge ka lem rual in ka kawchhung a hit thla nghal raih raih a. Can khat chu kar lo ah ka tlak fel der.
"Vawiin class i kal lo ngawt a, Prof a meng dur teh a sin" Remremi chuan a ti a. Ka ner nang thung.
"Saw, Madina te an lo thleng" tih leh Nuni chu a tho chhuak nghal zat, midang zi hut hut kar ah chuan a inzep lut bo daih a. Ka hawi kual ngial pawn Madina te hmel ka hmu ve hauh lo.
"Vodka a chah a" Remremi'n a ti a, mit ka siai zeuh rual chuan phur zet in Nunin kalna lam ah chuan kan inzui phei a. Jeffry an ka ban rek ah a lo vuan chawt mai.
"Lola"
"Jeff" ti pahin ka nui ringawt. Remremi pek chuan min nghak tangnge a ti der bawk silo.
"Intur i duh em?" a ti a, beer can a hum ve tho.
"Can khat ka fai der tawh" tih pah chuan ka ban rek chu ka melh zeuh.
"Oh" a ti hlui, min thlah a. Mahse, ka kal san hma chuan "ka msg i chhang ngailo a" a ti ta sap. Ka nui tawi tak a.
"Kan.. kan inbe lawk thei a ngem" inthlahrun hmel tak chuan a ti sap. Nuni te ka zawng ru deuh a, mahse, mi chi hran hran an zik huai huai avang leh inchhung zau pui chu a thim deuh ruih avang in ka hmu mai thei lo.
"A pawi hleinem" ka ti a. Jeff hmel chu a veng deuh huai mai. Beer can pakhat chu a la a, min pek chuan ka lo ban ve mai a; ka ban rek ah a lo kaih leh chuan ka phu deuh zawk. Phelh sakna hun awm loin kailawn ah min kai chho nghal a. Kailawn ah phei chu țhenkhat an lo infawp ngawng ngawng a. Kawilawn chhuah chho hlawl ah chuan hmun awl zau deuh hlek a awm a. Sofa inhung ah chuan mipa pakhat hi hmeichhe chung ah a lo bawk run a, an rui tawh hle a niang, tumah an zah pah tawh lo, mipa chuan hmeichhe kawrfual chu a nawr tawm chho sak nawk nawk a. Nuam tih hmel zet a hmeichhe rum thawm in a zawm nghal zat.
Chumite inbawhbehna hnung ah chuan tukverh lianpui a awm a, chu lam pan a Jeff-a'n min kaih chuan ka țang deuh țang a.
"Hmu lo der tawp rawh" a ti sup, inchhung a eng țha lo hrim hrim a, saruak in an awm lem lo bawk nen kal pel in tukverh ah chuan min kai chhuak a.
Khawthlirna hmun thengthaw nuam zet a lo awm reng chu niin!
"Wow" ka ti halh, Jeff chuan ka can chu min lak sak a, a kheuh hawn hnu ah min pe leh mai bawk.
"Ka msg chu engvang in maw min chhan loh a" a ti a, a nui tel sak bawk.
"Uggh.."
"Ka zawt lo mai ang che" a ti a, thaw chhuak hawk in a sam chu a tuai chho thuak a.
"Lola bul țan dan tur ka hre chiah biklo.. mahse, ka duh che" vanvadak deuh hlek in a maimitchhing a. "Ka duh che" ti nawn sup chung hian muangchang in a rawn meng ruai ruai bawk.
"Khawngaih in chance min pe rawh" zawi sap a ti pah chuan ka mit-ah tak min melh nghal siah.
"Ngaihzawng tih vel hi ka buaipui ve lo tih i hriat kha" ka ti a. Rilru nat hmel zet a min en vung vung chu nuam ti chiah loin beer chu ka lem khalh a.
"Ih.. induhna tih vel hi ka ring ve lo; a awm tak tak ka ring miah lo.. min hrethiam dawn nia" ka ti sep a.
"Lola" zawi te in ka hming chu a lam, a hmel lan dan chu ka sawifiah thiam chiah lo, a beidawn bak ah natna ka hmu tel bawk.
"Remremi te khan min lo zawng tawh ang, ka chhuk thla hmasa ang aw" ka ti a, tih hlim nan a nuih luih ngial ka tum nangin ka nui chiah kha ka at hmel ngawt hian ka inring; ka hnung tawlh hrat a, a dinna ngai ah ding in Jeff chuan min melh tlawk tlawk.
Ka kutphah vai zeuh in ka inher a. Tukverh ah ka pen luh hma si chuan hnung lam ațang ka kawngah min rawn kuah thut a, a awm ah min hnuk bet nghal thlawt bawk.
"Jeffry!"
"Khawngaih in Lola, chance.. vawi khat chiah chance min pe rawh" a ti a, ka tal nawk nawk a, a in ve tawh tho avang in a kai deuh tawh ah ka ngai, min manna chu a lo ti nghet ve tulh tulh a.
"Min thlah phawt teh" ka ti hlar tawh. A chhan chu Jordan-a bak in min kuah ngailo.. midang in min kuah hi ka duh miah lo bawk.
"Jeffry ka sawi chu i hrelo mi?" ti vin hlar in ke leng meuh in ka tal nawk nawk a!
"Thlah nghal rawh" chu aw hriam hreih hrawih lo chhuahna lam chu ka zawng nghal ruai a, tukverh piah ber ațang chuan tu emaw a rawn chhuak hlawl a! Jeffry pawn min man beh tlat na chu a thlah thawl a.
"Tu phiang sen nge i nih a?" ti let hluk in ka ban rek ah a man hmiah. Thim zing a kan lam pan a rawn pen phei chhak chhak chu a aw ațang khan Jordan-a ani tih chiang takin ka hre thei.
"Hmeichhe duh lo chung pawh luih kha mipa tih tur a niin i hria em?" ti hrawih in Jeffry hmachhawn tur tak chuan a rawn ding nghal hmiah.
Ka ban rek a man beh miau vang in tal engang mahila min man nghet tulh tulh.
"Huh? Nangmaw? Khawnge tun lawk sex i hman zawh pui chiah hmeichhia kha a awm a... ani chu kal sanin kan buaina ah hian rawn intah luh i tum a maw?" Jeffry pawh chu zam loh hmel kher mai.
"Thlah rawh" a ti chang leh fak.
"Duh ta lo ila" awm ti pauh in Jeff chu a ding hma siah a, second a ral hman pawn ka hrelo, Jordan-a chuan ban a vai fu a, Jeffry chu a pai nghal chhawlh bawk. Inchhung a awm ho in kan thawm an hriat rual chuan tukverh ah an rawn dak ta sup sup a.
"Lut rawh" Jordan-a aw bul zet vang chuan ka en nghal kawk a. 'Ninchin khan hnaih lo turin ka hrilh che ani lawm ni' ti ang hrim a rum leh dur khui a min lo melh khui vang chuan î hê lovin tukverh lam ah chuan ka tlan phei a. Inchhung ka luh hma in Jeffy a au deuh țhawt leh inhnek ri siah ri ka hre zawm leh zat.
"Awi, hetah i lo awm daih a, Jordan-a'n a zawng kual vak vak che lawm" mipui kar ațang min pawt dawrh in Remremi chuan a ti hlawih hlawih.
"Min zawng maw?"
"Aw, kan bulah i awm silo a, keini kha kut min thlak dawn maw ka ti hman tawh.. awi! Tutenge insual saw?" A tih zui tûng a, inchhung eng țha mang lo ațang eng zam chhuak bulah Jeff a rawn hlawm țawk chu Remremi chuan a kawk a.
"Jeffry.. a sawisa tu saw Jordan ani em.. Lalpa leh, khawnge Sammy leh Madina kha, an țhelh loh chuan Jordan sawn a that duh mai ang" ti ruai pah chuan a tlan nghal daih a.
Insual leh intihbuai vel hi Jordan-a tan leh kan țhian tan chuan thil thar ani der silo, chutia Remremi phili chiam chu hrethiam lo takin Sammy leh Madina kai dawr dawr a a rawn tlan let chu ka lo en mawl tawp.
"Va țhelh ru, a that duh mai ang" tih leh mipui karah Sammy te chu a nam lut nawk nawk a. Ka bul ah chuan rawn let leh in ka ban bulah ka beng ta chawrh..
"Eng nge?"
"Mawli, Jeffry hi Jordan-a'n a thik tih i hre miah lo nge i hre lo der zawk?" a ti a. Sammy leh Madina'n Jordana chu man bet in bang ah an nawr bet rawk rawk, Remremi chu phawk deuh hian ka melh a.
"Jordan-a hian a duh che tih hi i hmuthiam miah lo em ni Lalhlimpui?" a ti leh tuar!
"Nang hi..." ti a ka nui hak chu ã min tih tih hriat lutuk in na zet in min melh nghek mai.
"Engthil nge i sawi le.." ka ti nui nui a. Jordan-a'n kei hi min duh ang maw? Atthlak lutuk mai.
"â leh lutuk mai" ti vak in min beng tak ang nawk nawk a. "Nangmah vang in min hnek ve ţep a sin, Jeffry nen inchung ah in inzui chho tih ka sawi rual a athinrim hmel kha vawi khatmah ka la hmu lo, mipa in a mipat pui hmu tawh lo tur leh be lo tur in a hrilh chhen che a nih chuan a thik tihna ani țhin tih te hi hrethiam ve tawh em em rawh Lalhlimpui" a sawi tam bawk a, min bek tel zawt zawt bawk nen a sawi zawh meuh chuan a thaw nghal kawk kawka!
Madina te'n Jordan-a chu a rawn luh pui a, a kut ah chuan thisen a kai hnuang, jeffry țhiante pawh an tlan chhuak sap sap a. Remremi nen kan dinna rawn pan tute zing a a lai a kal mitah chuan thinurna mei pui a alh hluah hluah ni ber! A jacket hma zipper inhawng huah ațang chuan a kawrawm ah thisen a val kulh tih a hmuh theih a, thawk a lak zawngin a taksa chu a la che hraek hrawk!
Kan dinna an rawn thlen rual chuan Jordan-a chuan rum ul a min melh khûi hian a ner zui suk, Remremi chuan a engamah hma in min pawt hnung nghal thuai a. A thisen lum inthunun thei loin min vai thluk tawp a lo hlau te pawh ani ang!
Thawk a la ri hrawk hrawk a, engmah sawi silo hian ka hma ah ding run in min chhuk melh ngur ngur, Madina chuan a dar ah a ben sak dawt pahin "Haw mai ang u" a ti sap bawk.
"Bawiha?" Jordan-a darah chuan hmer salh in a tihrawl chu a hmeh sak hrawk hrawk a. Ka lak ațang mit la sawn hauh lovin Jordan-a chu a rawn ding hma leh hrut a.
"Jordan?" Remremi'n a lo ti tung.
"Ka thusawi kha zawm harsa a ni em? Lalhlimpui?" a tir lam chu a aw a zawi khur ru hluk, ka hmingpum a lam meuh chuan a aw chu a fiak țhawk a. A kut thisen kai hnuang chu a vai thuak bawk.
"Zanin khan thil pakhat chiah titur in ka hrilh che! Huh? Kha thil kha zawm a har viau em ni?" A hmai aia rawlvin leh fiak zawk chuan a rawn ti leh hrawk. A thisen a la lum bawk nen a hrawk hrui chu inphiar țawlh țawlh in a hmai chu a sen vek a. "Sawi rawh?" ti țhawt a min melh chhuk ngur rual chuan a insehruh nghal țawlh țawlh bawk!
Thinrim zet a chhan let ka tum chu Madina'n min lo khap thuai a, nge Jeffry ka zui vang in a lo thinrim ve em em tih zawh ka duh a... amah pawn hmeichhia kan duhpui hleih loh te pawh a kawp kual a; a chungah tuman kan lungawi lohna kan tilang ngai hlei nem!!!
Jordana thinrim lungawi zo lo lah chuan a ban vai thuak in sofa chu a chhir nghal bur bur! A rum hrawk hrawk in a inhrosa buan buan bawk nen hmeichhe dang chu hlau lutukin an țe tuar tuar a!
Enter your comment tih ah hian a comment theih aw. Chuan, Fb post comment na ah pawh lo comment zel tho ula.😍🙊
Storyfb ah tinge i post loh? He zawhna hi next chapter ah ka chhang ang auh.
1. Dingi Chhawnchhek
2. Mapani Kawlni
3. Remi Hauhhnar
4. Dingpuii Laldingpuii
5.Chhami Tochhawng
Utopia: 1996 s2 khawikhawmna min neih sak tu te zing ah panga thlang chhuak in topup ka thun sak ang ka ti a. Hei, storyfb leh ka mimal group comment lam a in hming ziak chhuak in pawhfuh angin ka siam a. 😍 Hming panga ka lo tar lan tak te hi ka pawtfuh keuh che u.
Comment ah emaw +65 82784252 ah hian whatsapp ah min lo biak ula. In sim card hman hming min lo hrilh bawk ula aw. 😍 Ngopa a Sim card hman ang hmang chu invannei dawn 😆 a rawn lut nghal thei a nga. Ngopa a awm loh chu ngopa a Xmas hmang a haw te Aizawl ah an let vel ah an lo thun thlap tho ang. 😘😘
Comments
Unknown24 December 2019 at 11:21
Avan ngaihnawm tak ...
Becklubuki ang mizia hi tunlai mize tam tak nei ani
REPLY
Unknown24 December 2019 at 11:45
Xmas gift tha tak ani..a ngaihnawm em em e..Xmas chibai le pitarte
REPLY
Unknown24 December 2019 at 11:54
A ngaihnawm thei lutuk,Jordan hi ka duh lutuk a ka tap tawp dawn in ka hria
REPLY
mawimawii24 December 2019 at 12:06
ka kham lo țhin😂
REPLY
Unknown24 December 2019 at 12:42
A van tawp hma ve,tawi deuh i tih hian i inhmeh ve lo
REPLY
Unknown24 December 2019 at 14:33
Ngaihnawm lutuk, Next nghahhlelhawm tawp,
Duh aiin atawi ṭhin ..
REPLY
Unknown24 December 2019 at 19:53
Jordan-a ngawr ngawr ka vei leh bur dawn😍
REPLY
Unknown25 December 2019 at 02:23
Ngaihnawm ve,ka kham lo hle
REPLY
Unknown25 December 2019 at 05:27
Awiii, ngaihnawm khat tlat..........Christmas chibai 🤝🏻🤝🏻
REPLY
Unknown25 December 2019 at 08:38
Ka van kham lo si thin em!😊
REPLY
Unknown25 December 2019 at 10:13
Ka duh em em țhin lutuk emai a😘😘
REPLY
Unknown25 December 2019 at 10:13
Ngaihnawm turu buru
REPLY
Unknown26 December 2019 at 22:46
Ngaihnawm lutuk
TETAKTEI
Chapter 4
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
#Euphoria Naktuk ah ruai min lo țheh kep ve ru aw. 🙊🙊
Inhrosa a Jordan vei kual thuak thuak chuan hmeichhe ho chu a tiral țî in mipa te pawn an en țhup ringawt; midang an rawn pungkhawm hluah hluah bawk a, inchung lam chu zui rui insual en chak in kan khat ta hung!
Jordan inhrosa ri buan buan chu khap ngam an awm pawn ka hrelo! Tha na zet hian sofa chu vawi khat a tlawh leh chawrh, a inhunna aţang che dawrh in bang a deng thla dawp anih chu! Rapthlak ti zetin ka en tlawk tlawk!
"Bawiha?" Sammy chuan a ti țhawt; Jordan jacket hnung ah chuan țhamin a pawt let a, Jordan-a lo inring bik si lo nen chuan an pahnih chuan chhuat ah an tlu lo choh! Jordan chuan Sammy țhamna chu phih thlak sak hrawkin sofa chu vawi khat dang a chhir leh pawp a! Sammy chuan a ban bulah man in a pawt her leh nawk.
"A tawk tawh ka tih kha" a ti leh țhak, khatia thawm a siam tak chiam ah chuan light pawh tuemaw ber hian a lo on tawh , inchhung thim deuh ruih eng țha takin a thlak tak kung ah chuan Jordan kamsir chu a pem tih leh a kut thi hnuang mai kha a kutchang ațang thisen rawn chhuah vang tih ka hrethiam nghal zung zung a. A thawk lak zawngin a taksa chu a che hrawk hrawk a, a mitmeng ling vam phut mai vang chuan ka va pan hnaih ngam lo!
Sammy chu engkaw sawi set set lovin a vai thlu ve nghal tawp duh ang tih tur khawp in a kawih her sawk rual chuan cho zet hian a din chilh zui hmiah bawk si! A mitmeng chu a thil invang leh a thinrim lutuk vangin a sen khui mai bawk nen ka dinna ngaiah ding rengin Remremi nen chuan kut kan lo inhmer ngawt ngawt. Hetiang khawp a Jeff ka zui vang a a thinrim ta mai hian min ti hamhaih tak zet!
Insual a zawh tawh miau vangin inchung a rawn chho tuau tuau te pawh chu kal darhin inhnuai lam ah an chhuak thla ta sung sung a. Sammy chuan tukverh pawn a Jeff te țhian ho inbuiapui chu a bih thuak a. Jordan chuan Jeff chuan a țhiante'n an lo kai tho tawh tih a hmuh rual chuan pan a tum leh ta mai!
"Bawiha in bengdai hmasa phawt rawh ka tih kha" Madina chuan vuan bet chawt in a ti nghal vat.
"Inbeng dai la, chhuak teh ang u" Sammy chuan a ti sup.
"Vawi khat pawh Lola hi lo hnaih tawh suh ang che, a kiang hnai ah ka hmu leh che anih chuan tun ang mai mai hian ka chhuah tawh hauh lovang che" thaza aw khur dur dur a ti hrawk in a kâ chhung a thisen chu a rawn chhak chhuak țhawt a! Madina leh Sammy chelh bet tlat lo pheise chuan a chhuak leh daih tawh zawk ang.
"Min thlah r'u" ti hlukin a țhiante pahnih chelhna chu a thing thla pawp. Thawk a la hawk a, a mitmeng sen khûi chuan ka dinna lam chu a rawn melh leh ngur tawh!
"A duh che ka tih tawh kha" Jordan melh kar chungin zawite tak tak in Remremi chuan a ti sap a. Chutiang thu lo sawina hun pawh anilo tih rilru in rum deuh in ka melh nghal nghek!
"Hmu lo tur a ka hrilh chung che pawn a rukin kha mihring kha i lo hmu ru țal ani lawm ni, eng nge hetah hian i la tih ve reng a; kal la kha mihring phiangsena hnen ah khan va awm rawh" Jordan chu rawl lian lutukin a rawn au țhawt a, keimah min bia tih ka hre nghal vat, ka chhang let ang tih hlau zet hian Remremi chuan min hmer ngawt ngawt mai!
"Va pan ta che" A kut thi phung chu vai chhuak thuak in min au khum leh țhawt! A hrawkhrui inphiar țawlh țawlh leh a thusawi ka zawm loh vang a thinur lutuk bawk si chuan a ner zui sawk a! Remremi sawi kha a dik! Hetiang tak a Jordan thinrim leh lungawi lo hmel hi ka la hmu ngailo, awm dan tur ka hrelo a, Jeff ka hmuh vang a hetiang tak a thinurna nasa lutuk a nei thei hi mak ka ti ngawih ngawih.
"Ngawi tawh rawh ; chhuak phawt teh ang u" Sammy chuan dam dap hian a ti a, Madina chu mit mei zauh in an pahnih chuan Jordan chu kuah mai an han tum a, Jordan-a thisen lum leh thaza laklawh tawh bawk si chuan ațhiante pahnih kuah tumna chu lo vai sawn thuak in rum em em a min melh run pah chuan a chak lutuk in a kal sawn ta vut a!
Madina'n a um zui thuai bawk, Remremi chuan tha khur dar dar chungin ka kut a hum beh ngawt ngawt chu a thlah thawl riai riai a. Sammy chu kan bulah muangchang in a rawn let phei a.
"Eng nge thil thlen dan ni reng reng a?" ti sap in kei leh Remremi chu min din chilh nghal hmiah. Remremi chuan thawk la hak pahin min melh zeuh a.
"Jeff.. Jordan khan Jeffrey kha a thik a.. ughh, inhnuai ah kan awm laiin Lola hi a rawn zawng a, Jeff nen inchung lam ah an chhoh thu ka sawi rual khan keimah ngei pawh kut min thlak chak hmel a pu nghal vek a sin! chuan, a han chho a.. in rawn hmuh ang kha ani tawh mai" ti sap pah chuan a sam chu tuai puat in a thaw ham ham.
Sammy chuan eng emaw ka hnen aţang hriat duh a nei tih hriat tak hian min melh run run a; keipawn khatiang tak khan a rawn thinrim a nga, kut a rawn thawh nghal bawrh ang tih ka hre lawk bik reng reng lo!
Hrelawk ni ila chuan Jeff-a'n min biak a duh tih a sawi pawh khan ka zui miah lo ang! Mahse, țum dang ah pawh hmeichhe dang a kawp țhin miau vangin party na kan thlen rualin an kal hrang nghal daih a, Nuni leh Remremi nen kan inzui chawt loh pawn Jeff-a a lo awm ve chuan kan bulah a lo awm a, chung kan awm dun chu a hmeichhe hruai nen an tihtur an zawh hnuah an lo let hian min rawn hmu fo, a hma zawng a thinur nan a hmang ngai silo khan tun a takah a rawn rik pui ta chiam mai kha min țhawng ve tak zet!
Jeff chu a țhiante'n bathlar aţang an rawn kuah lut a, a thisen chu a chhuak nasa in a mit ko chu a duk ruih.
Sammy chuan 'kal sawn ang u' tih nan Remremi nen kan darah a rawn beng dat a.
Tunah tak hian khawiah emaw a thinurna hrikthlak dan ngaihtuahin insual pui tur kan Jordan khan zawng hial mai thei!
Chu ka ngaihtuahna vang chuan ka harh kawk kawk a!
KCa țhiante pawh ngaihven tawh lo chuan chak tawk in kailawn ah chuan ka tlan thla nghal zawt zawt, ka țhiante pahnih pawh ka hnung ah a rawn tlan hlawk hlawk a.
Insual ah midang a cho kual a nga, zanin hian lock up ah hun hman ngai hial khawp in na takin a che zawm ang tih mawlh chu ka hlau tak zet. Inhnuai chu lo kal belh an awm zel bawk nen a chep in midang ho chu ka su phei nawk nawk a, kawngkapui ah chuan tlan chhuak hlawl in kawtzawl a bike leh car lo inhung deuh țhup chu ka en kual nghal thuak thuak a, Jordan bike ka hmu bawk silo, beidawng zet a inchhung ah luh leh mai ka tum zet tawh chuan in piah hla deuh tak a sintex lian pui ngheng a thatchhe zet a Jordan lo ding reng ka va hmuh rual chuan ka vanvadak a, hahdam huai in ka thaw nghal hak bawk!
Vawi thum vel chil lem khalh khalh a thawk ka lak hak hak hnu chuan inchhung thim ruih a thil thleng vang a ka thisen lum te pawh a zia suai suai a.
Madina ka hmu ve lo; sintex ngheng a leiah a țhut thlak lai te chuan a lam ka pan phei mek chu min hmu miah lo! A kamsir chu a kutphah hnung lam chuan a nul thuak a, ventilation aţang eng rawn zam chhuak vang chuan a kutphah hnung lam thi phung pawh ka hmu thei!
Remremi'n 'Jordan-a'n min duh' a tih kha chu a hriatsual ah ka puh! A chhan chu țhian kan ni a, ani phei chuan min hriatchian bakah hmeichhia ang in min chhawm chhaih ngailo hrim hrim. Mahse, tun ah chuan keimah vang in a thinrim zia ka hria, țha deuh a biak a, inbeng dai tur a hrilh ka mamawh!
Inchhung lam ri hulh hulh thawm vang chuan ka pen ri pawh a hriat theih lo! Mahse, mak tak maiin ka awm hnai tih hrethei emaw tih mai tur hian Jordan chu a rawn hawi chhuak vut a! A kamsir thi sar sar vang chuan ka țîm uaih ringawt.
"I țha em?" ka ti lawi rat. Min rawn melh chho va, a mitmeng sen rûm min melhna chu tawrhhar khawp in a thim sen khup!
"Ka țhat leh țhat loh hriat chu i tan țangkaina a awm em? Hmuh loh hlau va a ruka i lo hmuh pa kha va ngaihven zawk rawh" a ti hmuk! Meng kual ralh in a bulah chuan ka țhu thla ve a. Min nin hmel fe hian a sam chu a tuai chho nghal pawk bawk.
"Ih.. i kamsir leh i kut kha a thi a" ka ti dek dek a, thaw chhuak hawk in Jordan chu a ding chhuak nghal vut anih chu!
Ka dawhtheihna in a lo tlin tawh bik lo nen ka ding ve nghal phat a.
"Eng nge i hriat a Jordan?" thinrim zet chuan ka ti nghal tuar. Min chhang lo in min kal pel thuak a, ka ngei lutuk bawk si nen ankhum hrep tum in a hnung ah chuan ka um dat dat a. Inchhung ațang Sammy leh Remremi pawh an rawn chhuak hlawl a, Jordan-a bike khalh in Madina a rawn tlan let chiah bawk.
"Ka zawhna che kha min chhang rawh Jordan, tinge zanin ah tak ka lak a thinrimna tur i zawn reng a?" Ka ti tawn tawn a, ngawi ngul in a kal hmawk hmawk bawk nen thinrim țun in ka tlan phei a.
A jacket hnung ah ka va pawt ta nghek. Rum nghut chung hian a ding ve ta hram, kan țhian dangte pawn min rawn hnaih ve zel a.
"Ka zawhna che kha min chhang loin tlan chhiat tum ringawt suh, nang pawh i duh tawk in hmeichhe hran hran i zui kual a, tuman kan sawisel ngailo che! I duh tawk a hmeichhia nen a nawm inchen hnu ah min rawn pawh a, chutah buaina i rawn chawk chhuak ringawt bawk"
"Huh?" ti hluk hian a rawn inher let nghal vut. A țha e, a țawng ve ta hram a lawm.
"Kei hian buaina ka rawn chawk chhuak maw?" a thinrimna kha a lo la reh hauh lo mai! A au ring lutuk bawk si chu ka ip ru chawi!
"Kha mihring tenawm zet khan i duh lo chung a pawt luih che... chuthil ka rawn dang chu ka thiam loh zawk maw ni a? LOLA!" a ti hul hak, natna niawm tak a aw ah chuan ka hre bawk.
"Ka.. ka sawi ..."
"A țha! Buaina rawn chawk chhuak tu chu ka ni mai a niang chu... țanpui i ngai ni a ka lo hmu kha ka lo tisual chhiava anih hi!"
"Jordan"
"Va kal rawh, mipa in an pawt kual che anih pawn engmah tilo in kil khat aţang ka lo thlir tawp ang che!!!! Khatiang a mipa nen a inpawh buai kual kha nuam i ti hle tih ka lo hriat loh a vang in min ngaidam dawn nia!!" ngeiawm lutuk a min nuih suk chungin ban a phar kang vut a, na zet a min melhna mitmeng ah erawh natna thuk tak ka hmu thung.
Min țawngkhum dan ngeiawm lutuk vang thung chuan ka tawt up up a, ben (g) chawrh ka chak tak zet!
"A țha... ka kal ang, keipawn chhan awm lova min thinrim khum rengtu bul a awm hi ka duh bik reng reng lo, Jeff.. nilo, mipa tupawn min pawt buai leh anih pawn rawn inrawlh ve tawh suh ang che" dak chho va ah melh ngar pah chuan ka au khum tuar tuar a! A mitmeng chu a danglam nghal dawrh! Remremi rawn tlan phei tur chu Sammy a ban ah a man chawt a! Madina pawn bike chung ah țhu run chungin Jordan leh kei a inhnial thinrim chu min en tawp!
"Eng nge? Nangmah ngeiin kal turin min hrilh anilawm ni?" khabe kang vah a en chho pah chuan ka ti leh tawn tawn a.
Thil eng emaw sawi tum niawm tak hian a ang zuau a! Mahse, thaw chhuak hawk in a sam chu a tuai thuak.
Ngawi ngal in Jordan chu ka kal pel nghal hmak a, Remremi'n a thinrim lai a ka hnial zel chu min ngei hmel takin min lo melh rum ve em em bawk nen zanin Jordan-a zui a he party a ka kal hi ka inchhir tak zet! Mipa nen a inpawh buai nuam ti chhuah in min chhuah leh nghal ta lang bawk nen ka....
"Hrep che hian Lola" hachang țhial rawp rawp in a ti chhuak hrawih, kei chu boruak ah ka thlawk leh dawrh tawh, Jordan-a taksa ah ka va intauh chawrh rual chuan thaw chhuak hrawih in ka biang ah a rawn khuap a, ka che ve hman lo! Dimlo lutuk a min kawih dak salh rual in a rawn kunhniam ve chiah a, ka meng kawk chu a chal in ka chal a rawn nawr si a! Ka hmui ah rawn fawh tum niawm tak hian a hmui lum huam chuan a rawn nul thuak bawk!
Mahse, chutiang em a thleng ta lo!
Rum hawk chungin na lutuk in a chal chuan ka chal a rawn nawr ta ngawt ngawt, a pang chu a sa vur, chu bakah a chal a thisen zam phu zawih zawih chen in ka hre vek thei!
"Khawngaih in Lola, khapa kha hnaih tawh suh" a ti zawi sup, a hmai chuan min awm hnaih leh deuh a, kan hmui a insilo chauh tawh!
"Please" a awm chhung ațang zawi lutuk a a rawn tih nawn leh chuan mak ti lutuk in ka meng deuh kawk a!
"Eng.. engvang in?" Ka ti sep. Kan țhian zing a ka ngainat ber leh taksa pawh ka sik tam ber ni mahse hetiang tak a hnai ah kan inawm hnaih ngai lova, a thaw lum ham ham a whiskey rim rawn nam chek chek bawk si chuan ka thluak chhung a zem chuk chuk in ka hria.
"A chhan min zawt suh!"
"Aih, Jordan a chhan hriat ka ma.... "
"A chhan min zawt lovin ka thusawi kha zawm ve mai rawh" vawi leh khat ah inla hrang thut pah chuan a au leh țhawt tawh! Mahse, ka biang chu a kutphah pahnih in a la khuap reng a.
"Kan ințhian țhatna hi chhia se i duh em?" a ti tawk! Ka melh chho ngar a, eng emaw sawi duh nei, mahse, sawi chhuak thei bawk silo nâ ti hmel pu chungin a chal chu a chuar nung bawk.
"Duhlo"
"Anih chuan Jeff saw hnaih tawh suh, a chhan min zawt tawh bawk suh" ti chhum hmuk in min awm hnaih leh sauh, lu ka bu nghat a, hnaih tak ațang Jordan chuan min melh ngur ngur a, kan in țhian țhatna hi engthil vang mahin a chhiat ka duh hauh lo! Ka chhungte ai pawh a min ngaihsaktu, ka lungngaih chang apiang a ka kiangah awm a, min chhan nan a midang huat nih pawh pawisa lo tu hi engthil vang mah a chan ka duh lo!
Jordan chu a rawn kun hniam leh ruai ruai a, a mit ațang a hnar ngul sang vah ka melh thla a, a rawn hniam tual tual a, a kamsir thi nang bula a hmui chhah deuh tap chu tlem in a kau deuh a, ka rin loh dan lutuk hian ka hnar ah a rawn fawp a! Ka biang a khuapna kutphah hnung lam ka han dawm beh chawt rual chuan zawite a nui sukin ka chal ah a rawn fawp leh a. Mak ka ti bawk si chu ka ni deuh muai muai hian ka inhria a! A hmui lum thap a ka chal chu rawn nawr vang vangin thawk a la ham ham a. Ka khabe zawna a lungphu chu a ri dawt dawt a, a thawk lak dan pawh a ritin a sa huam huam.
"Eng nge i tih a?" Ka ti a, a rawn nui ri suk a.
"Ka thil tih hi i hrelo maw?"
"Yeahh... ka..."
"I hnar ngul tetakte sang vah ah leh i chal ah ka fawp" ka chal ah a hmui lum nghat reng chung chuan a ti a. Ka nui hak chu zawi lutuk a min nuih let sukin ka biang a khuapna kutzungpui chuan ka beng hnuai a rawn chul tel leh a. Vawt tih vang ni hauh lovin ka mur sung sung mai!
"Jordan" ka ti hak.
Harh chhuak thut ang mai hian ka biang a khuapna chu a thlah vut a. A sam tuai chho thuak chungin min hnungchhawn leh nghal vut bawk.
"Dude, let tawh ang u" Madina chuan rawn tiin Sammy leh Remremi pawn min rawn pan ta chiah a.
Jordan erawh thawk la hawk hawk in a ngawi tlat!
"A kiss che mi?" Ka darah rawn kuah pahin ka beng bulah Remremi chu a rawn phun sar sar a. Ngei zet a ka melh tak rawm ah chuan lei chhuah tet in "in kiss in ang em a lawm" zawite in a ti leh hram!
A tukzing ka harh chuan ni a lo chhuak ut tawh a, nizan khan Lalkimkima a lo thlen tlai em avang in party neihna in ah khan lut leh in kan lo nghak char char a! Jordan lah dawhtheihna tlachham ve tak a lo ni kher bawk nen zan dar 11 pelh a Kimkima a rawn thlen meuh chuan tur deuh a melh khui khui chungin a lo vin khur khur a. Kimkima chu tuai deuh zezaw hi ani, chutia Jordan-a'n a lo vin khur khur chu mawng sawi țal țal a kal hual in a vin let zek mai a! Jordan lah pek chuan 'tuai a nia' ti ta nge ti bik silo in a hnial let zel a, a tawp a tawp ah Kimkima'n a biang a kiss sak ah a vau meuh chuan a ngawi ta hmuk.
Ka scooty ka khalh let a, Jordan chu ka hnung ah zel a lo tlan a, kan garage ah ka inhun fel hnu vek ah min let san leh chiah bawk.
Nizan ah ka inhnem deuh bawk nen lu rit bur in ka tho chhuak a; washroom ah lut tlang in ka inbual a, sam ka suk vang chuan ka sam leh makeup buaipui in reingial darthlalang hma ah ka țhu leh a.
College kal a, lehkha va zir hi nuam ti viau lo mahila in ațang ka awm bo theih na hun remchang a nih vangin college kal chu phur thei tak ka ni.
Ka sam uk khar chu ka thlah hniang a, robe ha chung chuan vawiin a ka thuamhnaw hak tur ka thlang kual dan dan bawk.
Corset dum leh jeans dum ka la chhuak a, hmeichhe dang angin ka pumrua lian viau lo mahse inchei thiam ti a sawi ka hlawh ve fo zel, ka inchei dan chu college a hmeichhe țhenkhat in an copy nasa ve thei hle. Ka insiam peih vek hnu chuan darthlalang hma ah ka sam chu rei ngial ka han siam țha leh a, volume a tam deuh hian ka inhmeh ka ti țhin. 😉
Ka room ațang chuan kal chhuak in ka bag pack ak țha țaih țaih pah chuan kailawn ah ka tlan thla zat zat a.
"A tlai leh ta" nu Thiangi'n a lo ti hlak. Nuih tlawn pahin choka ah ka lut tlang a. Glass ah Bawnghnute ka inthilt chhuah lai chuan kailawn ah ka pa hna kal tur thawm a rawn awm a, a nupui in zanriah ei chhuah na tur an neih thu a rawn hrilh thla lah malh malh bawk.
"Hlimi, Chaw pangngai hi ei țhin rawh" min ngaihtuah hmel tak hian nu Thiangi chuan a lo ti vat.
Bawnghnute chu ka in khawlh khawlh a. No ruak dawhkan ah nghah dat pahin ka hmui a kai chu ka liak fai nghal hlap bawk.
"Thawh vel a chaw ei nghal chu a tui duh lo em a lawm" ka ti a, ka glass hman ka sil lai chuan ka pa nupui chu choka ah a rawn lut ve a.
"Hlimi, class i kal tawh dawn maw?" A fel hmel țhin a nia.
"Anih hi" ka ti nghat, glass ka hru hul a, a dahna ngai ah ka dah let leh a, ka pa pawh choka kawngkhar ah chuan a lo ding ve reng.
"I pa thawhpui te'n kan chhungkua in zanriah eitur in min sawm a, zanin tlai chu lo haw hma deuh rawh aw" a ti dam leh thliam, a aw dam zet chhung ril a min ngaihtheih lohna inphumru tlat erawh țum dang ang bawk in ka hrechiang viau mai.
"A va pawi" ka ti hliai, pawi tih hmel zet in ka hmel ka siam danglam ngei bawk, nui var var chungin Muaneki chuan min en a, ka pa erawh a la ngawi ngul.
"Tih tur i nei em ni?"
"Aw, naktuk hi ka nu thihcham ani a, tlai ah ka u te in ah ka phei a nga, unau talin chawhlui kan kil ho ve a niang chu, naktuk nileng in thlan tih fai leh chei țhat ka tum bawk" ka ti zung zung a. Ka pa ding ngawi reng chu melh kher in ka nui deuh sak bawk.
"A nih chu, thlan cheina tur chuan sum i mamawh em?" Muaneki chuan a ti a, a la nui var var tho, ka pa awm lai a, a lung ka tihawi loh chang hian inthup takin nui var var zel!
Ngeiawm zet in ka thaw hliai a. "Sawi lo la chuan ka theinghilh chiang ngawt ang" ka ti a, dawhkan a thei bawm ațang green apple chu ban that in ka pa ngawi ngul a a lo dinna lam ah chuan ka phei a.
"Ka nu thlan cheina leina tur pawisa chu min pe la" apple keih ri hmar in a mitah tak ka melh ngar.
A hmel ah chu a dawi deuh dui ka ti mai! Ka nu kha amah vang a boral ani tih a hriatnawn leh vang te pawh a ni hial ang.
"Engzat nge i mamawh?" a ti sup. Min vin bik lo.
"Pa-a hman chawp tur ka kawl zing a mi khi ka pe thei a lawm" Muanbali lo țawng chu amah pawh melh lem lovin lu ka thinkhum nak a.
"Amah hian min pe thei reng a lawm.. nilawm ni?" ti puat in apple bawk ka keih ri leh hmarh.
Ka mamawh zat min zawt tawh lova, a walet ațang chuan sum țhahne fe a phawrh chhuak a.
"Keng chhuak lo la, i tibo palh ang" a ti vei sup. Pawisa min pe tur a a rawn lek chhuah rual chuan nu Thiangtei lam ka hawi daih a.
"Nia, nu Thiangte college ah ka ken chuan ka tibo palh ang, min lo kalsak la, tlai ah ka rawn lam kawi leh dawn nia" ka ti a. Muaneki kutah ka nu thlan cheibawlna tur a mamawh hrim hrim dah ka tum hauh lo.
"Aa... aw.. aw le, ka lo kawl țha dawn nia" nuam tih chiah lo hian nu Thiangtei chuan ati bah nak.
Lawmthu hrilh pahin ka nuih sei a. A kut ațang pawisa chu la lem hlei loin choka chu ka chhuah san nghal nal nal bawk.
*good morning pumkin head* scooty hunna ka pan lai in msg ka check a, Jordan-a msg lo awm va chu ner nang in ka reply a.
*Jor-tuibur* helmet ka khum a, scooty ah chuan lawn in ka hung rem a. Msg a lo lut ve leh chiah bawk.
"Hruai i ngai em" voice message a lo ni a.
"Nope, min lo hruai chuan tlanbo i rawt leh phet awm sia" ka ti kher. A ngaihthlak pah a lungawi lo zet a aner sawk tur chu mitthla in ner nang nang a. A message chu lo thleng leh nghal mahse ka en tawh lem lo.
Traffic ah rei ngial ka tan hnu chuan gollege gate ka inkhalh thleng thei hram, scooty ka hung țha a.
"Oi, Lalmâaatee i chhelo lutuk!" Lalkimkima'n a rawn ti nem nghal duaih.
"Lalmate i chhe lo fe zawk" ka ti let a, ka helmet chu ka phelh a, darthlalang ah chuan in en in ka sam chu ka siam țha leh rih, Kimkima chuan no zet in a kutțang chuan min zut sak ve ngial bawk.
"Awi, Lalmate kei aiin i thleng hmasa ve khanglang maw, ka'rawh coffee la ang" a țawng dan ang deuh chiah a aw ti danglam deuh in ka ban chu min kuah theih nan ka siam rem thuai, ka ban ah chuan ban a rawn rawlh lut a, a kawngkal reng reng hi kei ai daih pawh a kal no țhin.
"Nizan lalJordan-a ka ngei zia kha, a ruih vangin min vin chiam chiam a, ka țap hman țep ani"
"A tawp ah kha chuan a hlauh khawp che kha" ka ti a. Kan han 'uuiii' thler leh duai phawt a!?
Coffee cup kan chawi khu vat vat a. Zirlai țhenkhat chu an zi leh hut hut tawh! Mipa ho in LalKimkima an lo chhaih chiah hian pawr hlar in ka chhang let erh zel. Kan sual thiam ve țhin sia, vawi khat ka tih let er tawh chuan an ngawi mai zel! Ka țawngkam hi a na in kan țhian ho ngat phei chuan zahpah kan nei vak bawk silo nen kan ngei nih chu mipa ațang hmeichhe lam thlengin an hlau vek!
"Wow! Kan Lola chu a nalh leh pek bawk e" Nuni chuan a ti hliai a, a aw ah chuan a ti tak tak tih pawh ka hria. Lalkimkima chuan hawi sang vah in coffee ka ken lohna kut chu min lek kan sak pah in a kal awt awt a.
"First period ka nei silo a, mut rei ka tum tehreng nen Remremi hian min rawn nghak tlat a" Nuni bawk chuan a ti bai bai.
"Nizan khan khawnge i awm daih a, kan haw dawn pawh khan ka hmu ve tawh miah lo che" ka ti a. Remremi nen chuan an in melh a, an nuih rah rah dan ațang chuan nizan a awmdan tur chu ka ring thiam mai.
"Tu nen nge?" ka ti a, Kimkima pawn hriat chak hmel zet in Nuni chu a țhut hnaih leh hle tawh.
"Awi, in hre dawn chiang lutuk, a zei khat tlat ani mai" nui vak pah chuan a ti a.
"Hmelchhenu sawi thuai thuai te, min ti vir" Kimkima'n a ti hlur tawh.
"Tu hnen ah mah sawi su aw" a ti a. College pakhat a prof la naupang tak nen nizan party ah an inchhar dan leh a hnu lam a thil thleng zel dan chu min hrilh ta mial mial a.
"A hot sia..'' a tih chiam lai chuan chiang tak maiin Prof Ms-a ka mitthla ah a rawn lang kuar anih chu! "Chutiang in kan kal thui lo, mahse, a caring ropui bawk sia, chhuah ka tum miah lo.."
"Studen i ni tih a hrelo mi?" Kimkima'n a ti thuai.
"Studen nimah ila a ho e, a zei rapthlak dan lah kha ka *eat* chi.." a ti a. An in kiss a sawi thlen phei chuan Kimkima chu a kut thing nawk nawk in a lo *wow* duai duai a. Midang hian ka feeling hi sawi chhuak ta ila an awi kher ka ring lo.
Mipa leh hmeichhia induh tawnna hi ka hrethiam lo! Inngaizawngte hian eng nge an inngaihzawn chhan lah ka hrethiam bawk hek lo! Tu emaw an hmuh rual a an vei ngawih ngawih te, hmuh nawn leh chak a an phi sek țhin te hi ka la tawn ve loh vang nge ho hi ka lo ti țhin mai mai khawp a!
"Mawh? Sawive vat teh?" Kimkima'n min nghawk sawkna vang chuan ka harh chhuak zawk mai!
"Maw?" Ka ti hu a.
"Nizan ah Jordan-a nen engtin nge in awm? Remi hian an inkiss in ka hria a ti che u" Nuni'n chuan a ti a.
"Naaaaa" ti vak pah in Remremi chu ka melh rum vak ringawt.
"In in kiss hrim hrim ang, Jordan zawk in a duh si che, rei deuh in kiss position in indin dun char char kha aw"
"Lalmate Jordan nen in in kiss maw?" Kimkima chuan ring tak hian a rawn ti a.
Midang ho chu an lo hawi țhup bawk.
"I țawng ring thei lutuk!" A dar ah ka beng țawlh. "Kan in kiss bawk lo"
"Nun, i lo chik ve ngai em? Jordan hian Lola hi a duh hmel deuh in a en ngawih ngawih zel tih te, mipa dang a hnaih leh hnaih loh min zawh chik dan em em te leh mipa dangin lola an bia tih a hriat rual a a mood chhe nghal vek țhin te hi i lo chik ve em?" Remremi chuan kei min en lo in Nuni chu a en ta daih a.
"I sawi tak ah chuan.... " nuni chuan min rawn en thut pah chuan"Remi sawi kha a dik chiah. Lola, Jordan hian a duh chiang lutuk che" a rawn ti ve ta tûng a!
Engatinge mawni nizan ațang khan Jordan hian kei hi min duh ang a an ngaihtuah tak tlat mai le!
"In â e mai" ka ti a, ka tho nghal tharh chu min zui ipeih at in an ding ve nghal suau
"Sawi tur engmah ka nei tawh lo" chimawm zet in ka nuih nghal sawng bawk.
"Anite chips ei ang" Matt chuan ka malpui ah a rawn beng tarh tarh a, zanriah kan ei na arei ve leh tawh deuh vangin a rilțam leh anih ka ring.
"Bawihpui, Bawnghnute in la mu tawh zawk la"
"Ka duh lo, green chips ei ang" ti ve tlat in ka ban ah min pawt ve țang țang a.
An in ka thlen hnu ah ka tan a nuam lo thei zawng in u Melo-i a awm lo a. Bawihpuia nen kan infiam pah a kan inbuan thluak tawp tawp pawn hman ni kan inah an lo kal țum ang khan min thinhrik hmel a pu lo.. uggg, ka hmuh loh lam a țang Bawipuia nen kan infiam lai khan a lo tîm ru viau thei tho.
U hriatpuia chuan sitting room piah deuh ah a hnakhawihna țhin ah computer in hna a thawk mawlh mawlh, Bawihpuia chu ka pawm a, choka ah ka luhpui a. Keimahni min hnung chhawn a u Melo-i lo ding chu kan thawm hria in a rawn hawi let nghal dawrh.
A hawi buai deuh nak a, mahse, insiam țha leh thuai in phone ami hnen ah chuan naktuk lam ah a call tur thu hrilh in a ti tawp nghal a.
"Ama, anitei nen chips kan ei dawn a"
"Ok.. mahse, i mut hma in ha nawh tur aw" a ti zang vah.
"Hlim, eitur dahna chu i hria tiraw?" a ti leh a, min nuih sang in Bawihpui biang ah a rawn piai zauh bawk.
"Ani nen chips lo ei ula, Daddy bul ah ka va kal ang aw"
Anu chhuah hnu chuan Bawihpuia pawn chips awmna cubboard lam chu a kawk ve vu vu a.
A high chiar ah ka țhut tir a, Chips chu a seh ri ve rep rep reuh bawk nen a khat tawkin video ka laksak deuh reng mai.
A chang chuan tihian ka ngaihtuah neuh neuh țhin!
Chhungkua huikhawm tur hian pa te aiin nu te an lo pawimawh zawk tih hi! Ka nu damlai kha chuan hmun dang daih ah ka u hi awm mahse ka nu in nitin deuh thaw a bia a, kei nen pawh kan inbiak tam phah in kan inngai em em a, duat lah min duat. Kan inchhung lah a nuam in school ațang in a haw thuai thuai kha ka chak em em zel!
Mahse, ka nu a boral ta chiah a, ka u pawh hmun hran ah awm tawh lovin in khat ah ngei kan cheng ho a, marawh chu kan unau min lo suihzawm ber țhintu ka nu ber awm tak loh ah chuan ka u nen kan inkar a hla tulh tulh a, kan in chhung thleng in a ruak hung mai a. Chhungkaw pa ber in min dampui reng mahse ka nu dam laia unau kan inpawh angte, chhungkua kan inpawh ang te khan kan inpawh thei tawh ngailo.
Zan dar 9 pelh ah Bawihpuia a muhil a, ka tih mut a duh tlat vang in ka u te nupa mut pindan ah ka ti mu a, khum ah ka mut fel hnu kal chhuak leh in ka u hnakhawih tur ngah lutuk chu U Melo-i'n a men pui tur thu a lo sawi a.
An in ka riah chang apiang a ka hman bik room ah ka lut bo nghal daih.
Jordan-a nen call in kan inbia a, zanin chu amah ang lo takin a leng chhuak lo ve teh mial bawk nen ka va nuih vak vak a. A ngawih tak hmuh dan ah a tum leh bur tawh tih hria in ka nuih a za telh telh mai a. A hnu ah chuan "eng nge i nuih chiam chiam a" ti dut dutin a rawn nui ve suk suk a.
"Jeffrey nen in inbe leh tawh em?" a ti deuh hmuk.
"Aih, biak i phal tawh loh kha" ka ti a, khum ah bawk khup in chung lam ah kê ka ti che zauh zauh bawk.
"Good girl, next week ah ka rual in kal rawh aw" a ti a.
"Khawi ah maw?" Ka ti hû?
"Kan chhungkua in kan huan ah kan kal dawn a, ka nu in a phut che" a ti a, ka awi chiah lo nangin ka tum tur thu ka hrilh ta tho.
"Nichin pawn a awm reng kha, tuin nge lo la hman a nga?"
Ka mutthil hma washroom hmang zawk tur a ka tho leh chu ka u te nupa room ațang țawng thawm lo chhuak vang chuan ka ding deuh dat a.
"Zawng nawn leh teh, pel he thei a ni miah lo a nia" u Hriatpuia'n a ti bul vut.
"Ka zawng nawn vek tawh ka tih chu mawle, la an awm ani mai!" U Melo chuan a ti hlak hlak a.
"Tu chuan nge maw kan nupa room a kan thil dah chu rawn la ngawt ang, in leng kan nei lo hrim hrim" ka u in a ti ve bur. Ka zun a chhuah tawh em vang chuan chak deuh in choka bathroom ka pan chawn chawn a.
Dar 11 a hnai kuar tawh tih ka chhuah hma a phone ka en khan ka hria a, tun ang zan tlai tawh ah eng tak chu zawng ang maw?
"Hlimi?" Ka phu nasa lutuk chu washroom chhung ah ka tawlh lut let rawk mai. Ka hawi chhuak leh a, ka u hmel lan dan rum deuh ul ka hmuh rual chuan eng emaw hian min țham a, buaina nasa tak ka tawk dawn tih ka chhung lam ațang chuan min hrilh tu rawn awm ang mai hian ka thinphu a rang nghal zawih zawih!
U Hriatpuia chu washroom kawngkhar hma ah kutkuang kuah in a lo ding run a, a hmel chu a thim khup bawk. U Melo pawh dinning chair pawt chhuak in a lo țhu fel ran a.
"Eng nge?"
"Nichin bawihpuia i tih mutthilh lai khan pindan chhung a thil lak chhuak i nei em?" ka u chuan vin hauh silo, mahse, rum tak si chuan a rawn ti a.
"Aih" engmah ka la lo tak tak.
"I la miah lo maw?" min ti nawn leh kher a, eng nge bo pawh chu ka hre ve bawk si lo nen chutia ka lak ang hrim a min zawt ngut ngut chu ka la na kher mai!
"Room ațang ka lo chhuah pawn in nupa in min hmuh reng kha" ka ti sap, thilru a inpuh hi tuar ngun tawh viau mahila ngai ah ka nei hleithei lo!
"Thil lian tham anilo a, thuamhnaw kar ah a thuhruk daih theih a lawm" ka u chuan a ti leh țal! U melo thung chu a ngawi ngar a. Phone a khawih daih bawk.
"In thil eng chu nge bo a?" rilru na zet chuan ka ti a.
"Vawiin lam a ka pawisa hawn cheng singthum leh tih a bo daih anih hi" ti pah a hmai a tuai pawk chu mittui tling pam in ka melh reng mai.
"Ka lak anih in ring tihna maw?" Ka ti țîau, ka u lak ah ka pangchan țhin en vang in tunah pawh ka zuau awlsam in ka hrai.
Ka u chu a thaw ham ham a, min chhang let lawk lo chuan hmai a tui thuak bawk.
"Ka nu thlan cheina leina tur cheng singkhat tling lo deuh chu ka rawn keng lut, chu chiah chu pawisa kawl ka nei..."
"Ka hria e, va mu tawh rawh" dam deuh zawk a ti sup in ka dar ah a rawn beng dat a. Min kal san in choka ațang chuan rum chhuak hawk hian a kal chhuak nghal daih a. U Melo pawh ngawi reng in a tho a, biak pawh min be lo in ka u hnung ah chuan a kal hmak hmak a.
"Ka la lo a tih vang ngawt khan a la lo tihna a nilo, in in lamah pawh pawisa leh tlereuh a ruk chhuah ziah vang in i pa in police kut ah hial dah a tum tih i hriat ve reng kha" hrilhru deuh si in u Melo chuan ka u bulah min hek ka ti mai!
Ka hamhaih lutuk bawk si leh rilru na lutuk bawk si chu ka dinna ngai ah ka ding reng a, chetsawn nachang pawh ka hrelo.
"Ngawi tawh teh, Bawihpuia kha lo va mut pui rawh" ka u chuan a ti hluk a, u meloi pindan kawngka khar tau deuh sawk ri chuan min ti phu dawrh ringawt.
Muangchang in ka let phei a; tinge an in ah ka riah zan ber kher ah an pawisa pawh chu a lo bo ve kher le; u Melo-i'n min thinhrik ruk tawh teh lul nen tunah phei chuan an pawisa bo sawi kha ka lak ni miah lo mahse ka lak ah a ring nghet bur tawh dawn tih lah a chiang em em!
Ka u hna khawihna ka kal pelh dawn chuan a chair ah țhu chungin min lo melh run a. Reilote ka en ve zeuh a, room ah lut tlang nghal daih in kawngkhar chu ka nam phui a. Kawngkhar ngheng a thawk ka lak hak rual chuan ka mittui a rawn luang thla ringawt bawk.
Ka nu kha ka ngai tak zet! Ani kha chu la dam se chuan kan unau inkar pawh hi hei ai hian a țha zawk a nga, a thil ka lo khawih nia a hriat pawn țha tak leh zaidam takin ka naupan lai ang khan ka u hian min zawt ngei ngei ang.
Ka mittui chu ka tuai hul tawk a, khum chung a ka phone chu la kang in ka hmet eng a, zanlai a hnai tawh, chuan a low lek lek bawk. Ka pajama hak tawh chu hlip leh in jeans kekawr ka inthawlh sawt sawt a. Kimkima ka call bawk.
"Khaw nge i kal dawn?" Ka helmet nen room ațang ka chhuak a.
Chhang let loin kawngkapui ka pan nal nal
"Mate?" Ka ban bulah a rawn man chawt pah chuan min chelh ding dawt!
"Mate..." ti ve sep in ja nui lui a, "u, hetiang a min koh tu ka neih awm chhun i ni, Mate ti a min koh hian ka nu dam lai ang mai khan kan la inpawh in ka hre bawk țhin! Mate min tih hian maw, pangchanna tur u ka la nei ve tih ka hre thar a, mahse, Mate tih hian min koh khat tawh tiraw?" Ka nui ro hak bawk
"Chuan.. i nau hian vawi khat mah dawt ka la hrilh lo che, ka nun dan vang hian intan chuan thil eng emaw hlek ah rinhlelh ka awlsam ang tih pawh ka hriatthiam pui tho che u... Mahse, ka u.. ka nu damlai a ka hriatțhian ka û kha chuan maw.. tinge tun ang a ka nun tak tih hriattum hian min kawm nel a nga, ka nun chhiat vek chhan hriattum in theih tawp a chhuah bawk ang, midang thusawi vangin vawi khatmah min ringhlel ve ngawt lo a nga, amah in a fiah a; engkim a hriatchian hma chuan a nau hi rukru ang in a ngai ve ngailo ang! mahse, hman a ka u kha i ni tawh tlat lo a tiraw?!" Ka ti a, ka nui che dat bawk.
Chak deuh in Folkland pan chuan ka tlan par par a, Kimkima te veng anih tho vang in sawm chhuah a, khawi emaw hmuh reh deuh a au vak vak ka duh. Jordan-a zawk ka be thei reng nangin a len chhuah loh vangin a nu leh pa an hlim ve dawn em em a, chu an hlimna chu zanrei tawh lam ah va tih chhiat sak ka duh bik lo.
Kimkima chuan an kawt ah min lo nghak reng tawh a, hmun reh deuh a sawi na lam kan pan hma chuan drinks la tur in an zawrhna lam ah kan inkhalh let chho leh rih a.
Professor Malsawmtluanga's Pov
Kawngkawi ka tlan chhuak fel chiah tih ah ka țhiante chu light pawh off lem lovin an lo ding țhup a! Tlan chho ve leh deuh in kawngsir rem laiah ka bike chu hung remin ka țhiante lo din țhup chhan chu ka hmu chawp chilh nghal der.
Hmeichhe pakhat leh mipa pakhat chu an scooty nen an tlu ani mahna, mipa chuan hmeichhia chu a nat leh nat loh a zawt mawlh mawlh a, scooty tlu erawh țhianpa Jacob-a'n kaihthawh sakin țhianpa Rs-a pawn thupha chhawi pah chuan hmeichhe berh phang chu a din chilh ve run bawk.
Kei erawh thil thleng zel tur ngaichang pah chuan Royal Enfield hma thatchhe zet a bawh run in scooty neitu te chu ka en ngur, hmeichhia tetakte phun hlak hlak reng chuan țhianpa Rs-a thupha chawina chu a ngaihven hmel loh hle bawk.
"Bullet bike nei ho lah hi kumpuan light in vuah eng pup zel a!" a țawngkam vang chuan ka ner nghal nghal suk. Ka țhiante erawh an nui huk thung, țhenkhat chu an bike ațang chhuk ve in hmeichhe tleirawlté tawngkam vang a nui suk suk pah chuan a scooty chu an en kual sak dun dun a.
"Kawng a in mi tawh tur te ngaihsakna pakhat mah in nei ngailo! Mizoram kawngpui hi in ta chei a, keimahni tawk zawngin lirthei khalh an awm ve dawn tih ngaihtuah lo lekin engvang in nge in bike ah hian YMA kumpuan light in vuah kher zel a? In mi tawh tur te a en khalh tih te inhrethian ve lo em ni?" vin tak mai a ti tan tan in kan țhianpa Rs-a awm chen lek ațang chuan țhianpa Rs-a chu a lim ar ar nia mawle!
"Mami, kan tihpalh ani, i inhliam na em?" nuihza insum zet chungin Rs-a chuan a ti sup, scooty sen lar hlar mai chu a thlek kual pah thuak bawk, a hma a hmeichhe te taktê thinrim hmel hlar bawk si chuan midang ho chu rum fahran in min rawn melh kual ang ram ram a, amah aia let hlawk a lian mipa rual chu min hlauh a hneh in kan tiatpui ningatse kut min thlak duh hial ang tih tur khawp in a mitmeng chu zu han thip hlar reuh a!
"Na!" a ti bak hlar!
Rum nghut in bike ațang chuan ka chhuk ve ta vut!
Pawisa pe ila; kan inchingfel ani mai! Thupha chawi vel hi ka ti duah ngai lo! Chulo ah ani te reuh lakah hian engang pawn thupa chawi mahila awmzia a nei dawn lo tih a mitmeng alh ve hlar ah hian a chiang reng.
"I khawi lai nge na? I scooty ah hian hmelhem lai a awm em? Cheng engzat nge i mamawh?" ti thum dut pah chuan țhianpa Rs-a bulah chuan ka ding ve vut. Kan awm chen pha ve țawk tleirawltê chu ka chhuk melh nghal ngur a min ner khum sak pahin a rawn dak chhuak ang hêhâw a! Ka hmel a hmuh chiang chiah chu a meng zauh deuh kawk a! Mahse, kan țhian ho lakah hian a thinrim ani tih chu mahni leh mahni inhrilhnawn ang hrim hian a kutpahnih chu a hum tawm nghal țai!
"Bullet bike khalh ho hi chu inchapo nghal em em ringawt!" a rawn ti tuar! A țawng pah chuan a taksa nen zawng zawng a țang vek ani ber, Rsa leh midang an nuih huk laiin kei erawh ka meng dur viau! A țhianpa chuan tleirawl țawngkam hlawk zet-i chu a ban ah a rawn pawt dat a. Mahse, ar-la insual peih at ang chiah in a țhianpa kut chu a thing thla hmak!
"Nangmah ni vang in kan tlu a, hliam kan tuar bawk, țha tak a thupha chawi a ngaihdam min dil aiin pawisa engzat nge ka mamawh tih min zawt a maw? Pheikhawk siai hmang a leather jacket in khuih tlet hlur ang chiah in in chhaw chhah hle ani hi!" rum em em a min melh chung chuan a rawn ti leh erh!
Hmui hup in Rs-a chu a nui dir chur chur. Kei erawh chuan a chhip ah hian chum bur ka chak viau!
"Eng maw i sawi kha?" kut kuangkuah vut pahin kut ka thlak chak zia thup hram hram tum chuan ka nui lui suk bawk. Ka leather jacket hi pheikhawk siai hmang a khuih tlet ani lul lo bawk!
"Ka thusawi kha i hre reng! Nangni leh in bike hi mipui tan inhnawk sak hle tih hrethiam map loin zan rei tak tak hnu ah in tlan ri dut dut zel a. In bike ri thum det dut hi in intihtheih pui leh ta nghal a mawni! Mahse, hre ru, Mizoram mipui hian in bike ri thum det dut lutuk hi kan ning ngawih ngawih! A ri hi inngaina a, inngaihlu viau nih leh a ri rawn chhuahna ah hian earphone vuah ula nangmani chiah in ngaithla rawh u!" ka mitah tak thip zet a min en chungin min au khum tawn tawn a! A sawi tam bawk nen a sawi zawh meuh chuan a hmai a sen vek!
Țawngthei ka ti lutuk chuan ka hma a hmeichhe hmaisen vek chu kun hniam meuh in ka en mawl tawp! Midang chu an nui huk huk a! Kei erawh in second tlemte chhung a a kâ ațang thumal a chhuah hnem hman zia ngaihtuah in a taksa te takte chu ka thlek kual a! A țawngthei lulai lutuk!
"A sound hi earphone nen a ngaihthlak chi a nilo...."
"Oh!" Vanvadak a nui hak chung in a thaw ve hliai a! Chuta ner sak pah hian ka mitah tak min rawn en leh siah! Che hrat in min din hnaih ve khai khai reuh a!
"Mahni chiah a ngaihthlak a tan chu a ri hi țhing in ti leh deuh si em ni? In bullet bike thawm ri ninawmzia hi mizoram mipui ti ti a tliang tih te in hria em? Mahni chiah a ngaithla leh duh der silo tinge hetiang khawp a ri bengchheng leh thawm lian hi inkhalh dut dut zel a! Mitam zawk hian sawisel che u chak viau mahse in pa len em a vang leh i chak hmel em vangin an sawisel lo mai mai che u..." a tih leh zet chuan Rsa meuh pawh a insum thei tawh bau lo! Inher vut in a nui chhuak ta huk huk! Kei ni leh kan bullet chu min va han sawisa hnehsawh deuh ve!
Midang pawn a țawngkam huatthlalaawm tak chu huat a hneh in nuihzat ah an lo zo vek tawh. Kei ber hian ka haw țún!
"I sawi dik, kan zavai hian a mimal ang zawng pawn i let a lian leh hrawl vek ka ni! Chuti chung chuan arla kawlh zet ang maiin i kak zawt zawt ngam a maw?"
"Hlauh tur in awm lo ve e!" min tih khum chiam pah chuan ner sak in a inkuangkuah tharh a!
Hrep chuan!
A chal a ka vawi khat pen pawh na ti viau tur si hian min hlauh loh thu a sawi ngam reuh anih chu!
"Mipa rual pasirh hian tu hriat hauh lovin he i taksa te tak hi kan dah bo hneh viau ang tih i hrethiam em?" ti thum sup in a taksa te takte chu ka melh kul dun dun. Becky-G nen an pumrua chu a intiat viau ang! Têkim thlap, thau chuang nei hauh silova mahni tawk a khal ve tat reuh si! 5 feet boruak hip pha ve țawk tihna anih chu!
"Lola.." ka țawng chhuah dan chu a țhianpa chuan a lo hlau tepawh a ni mahna! Ka awm chen lek ațang min lim hrep inpeih at hmeichhia chu a kai hnung dat dat a. A ni rawh a tê a tê in a la țêu hmel viau, thip zet a min melh khai khai in a țhianpa bul ah chuan a ding tum ta bar! Keipawh ka kawchhung tawt hulh ti thawl tur in ka thaw chhuak hawk!
"Mama, i englai nge hliam?" Rs-a'n a rawn ti thuai. Hmeichhe kawlzet-i erawh a la meng kual ram ram mai.
"Keichu ka hliam lo, Lola ke rek hi a na deuh a niang " nem hlei a rawn tiin a țhiannu chu a melh zeuh. Tunlai tuai chhuak thar ani tih ka hrethiam chiah bawk.
"Mami, i ke rek chu a na viau em? Scooty hi i khalh theih i ring em?" Rs-a vek chuan ti thuai in an scooty bawk chu a thlek kual sak a. Zawldawh zawk ah a țang peih lutuk chu țul ka ti lo tawp!
"Na, na, na.. na pawh nise eng nge tih theih in neih chuan.. nangni te chuan kumpuan light tih eng kung a zan rei tak tak hnu ah bullet khalh rik dut dut bak thiam in nei hlei nen.. i bike ri det dut vang a lungphu țha lo ten an tawrh nasat zia pawh in hre tawp nang!" Hram chuan le! A țhianpa chuan țawng tawh lo tur a hrilh tum niawm tak in a nghawk sawk a, ani lah chu a la hawi nget nget zui!
Henu tereuh hian keini ho vang a tlu a, thiam loh min chantir a tum ni ber ah ka ngai nghet bur bawk.
"Ms." Rsa chuan min signal vut in eng emaw sawi tur in min duh tih hriat fe in hmeichhe te takte-i bawk chu a en leh a. Ka din ngawih ngul vang chuan rawn tawlh hnung leh hrut pah chuan ka beng bul ah a rawn phun sap.
'Ngaihdam dil vat ila, chinfel dan ngaihtuah ang u, a kawlh reuh si, social media lam ah kan darh leh chiam mai ang' midang hriat loh tur tawk vel a ring chuan a rawn ti sup sup. Ka dar ah hmer salh in hmeichhe te takte te lam bawk chu a hawi leh a.
"Mami, scooty i khalh thei rih lo anih chuan kan phur haw che u a nga, in scooty pawh kan chhawm chho dawn nia." Zawl dawh takin Rs-a chuan a ti dam thlup.
"A tu kha nge ka scooty khalh dawn che u a? in lian hlawm si, a kê in țhut puak ang!" a rawn tih leh meuh chuan Sailo mipa dawhtheihna in a tlin tawh bau lo!
Rum nghut chhuak nghut chung la jeans kekawr ipte ka dap ruk ruk chu Rs-a chuan min khap tum viau mahse hriat ngai hleihloh tleirawl kawlh zet nen a inhnial buai nan hun ka nei tawh lo! A ni hnial rual pawh kan nilo, aia upa zahna nei bawk si lo dak zet zet hi ka mil țhai lo bawk!
"Hei hian i scooty hmelhem lai chu siam țhat tir ang che. A bang zawng chu i ke rek hliam enkawl nan hmang ang che." nelawm loh zet a ti thum bul in walet a note awm ho chu ka phawrh chhuak vek! Amah pawh pe lo in scooty seat ah chuan dah hmiah in tûr khui in amah chu ka chhuk melh leh rih a! Kan te ber pawh a rual phak kher lovang! Țawng theih ah erawh kapu pu leh te pawn an tluk map thung lovang!
"Buaipui zui tawh su" Ka țhian te ho chu en kual vut pahin ka ti leh hluk! Buaipui a phu hlawl lo!
Ka bike hunna pan a ka let vut chu ke pen thawm ka hre tlat tlat nangin ka ngaihven tawh lem lo! Zawldawh takin Rs-a'n thupha a chawi tawh, buaina a cho hrim hrim ni hmiang Rsa thupha chawina a piang a kheng thla hmak hmak! An duh dan dan in helai rampalaileng ah hian inbuaipui tawh teh se!
"Heng i pawisa hi ka mamawh hrep lo!" ti hlar ri ka hriat rual deuh thaw chuan ka ban rek veilam ah min phih dawrh, che thut a kut ka pawh let hrawk rualin ani inveng leh hman silo chuan min bawh rawk rawk a! Tlem a tlem ah kawngpui a hmai nawr in a tlu chawrh lo chauh!
A kawr hnung ah țham hrawk in ka pawt ding zawk! A hlau viau ang chu tih nak laiin min hmachhawn rual chuan pawisa chu a hmai zawn ah lek thar pahin na zet in ka bike seat ah a ben chilh zui thlawp!
"Kumpuan light ti eng kung tawh lova bullet bike khalh dan zir tawh ang che u." ti ram hmar in a inher leh ngawt a, a kawr hnung a ka țhamna thlah ka tum bik aw zawng lo! A pen chiah chu che thut in ka bike ngheng dawt in ka hnuk let hrawk! Ban pahnih phar meuh in a khek tuar a, ka pawt phar hneh lutuk chu keipawh ka nuih a za ve tho!
Țhen suk pah chuan a kawng ah ka man tel a. A tal at nangin a chimawm zawt zawt bawk a, ka man bet tlat rih dawn.
"Ka phur haw ang che" a mit ah tak melh chhuk ngur in ka ti chhuak sup.
A mitmeng fiah kekawk chu a dang lam zawk a. Mahse a reilo.
"Ka duh bawk lo"
"I kê ah hliam i tuar a, i inkhalh thei tawh lo"
"Chupawh nise min tinatu te kher kher chu ka zui dawn lo che u" ti tuar chungin tha tawp chuan din mar tum in a bei zui țalh țalh a. Ka țhiante chuan nui chur churin keini taksa intiat loh lutuk pahnih in chai dun chu min lo en țhup.
"Lola , i scooty chu kan in ah dah mai la, chuan, ih, an mahni hi zui haw mai rawh, i ke a na bawk sia" a țhianpa tuai chuan a ti nem hlawi.
Tetaktei tal chhen pawh a tawp ta chawt a.
"Lalkimkim'" a ti tuar.
"I tan khalh a buai thlak dawn sin, tikhan in inthleng in thlah tir rawh, i scooty chu kan in ah ka nawr thla mai ang" a ti leh a.
"I sawi dik, țhianpa scooty chu nawr haw sak mai rawh, i țhiannu chu kan tih palh te ani si a, damdawi in ah hruai hrim hrim kha kan tih tur ani" Rs-a'n a ti a.
"Ka phurh nge i duh.. midang" ka ti sup, rum em em a min melh erh in a scooty nawr mek tu a țhianpa chu a va melh leh hrep a. A țhianpa lah chuan a lo en duh tawh hauh silo nen Tetaktei chuan rum hakin kawngpui char ah kê a pet ta nghek.
Ka hnung a hmeichhe tetakte țhu ngawi ngal chu side mirror ațang ka melh leh zauh țhin, ka taksa sik hreh hmel zet in hnung lam vuan in a țhu mar at reuh bawk.
Ka țhiante chuan min tlanpel thluah thluah a, ka signal pek chhuah kha an hrethiam vek miau a.
"Kan in ah kawi ila; ka nu'n i hliam kha en vel chhin se, a țul dan a zirin Damdawi in chu kan pan dawn nia" ti chhuak sup in ka thle deuh buk.
Darthlalang bawk chu ka melh a, a meng bial kawk.
"In inah ka kal duh ringawt hlei nem" a ti a. Kan kawtzawl ah ka tlan lut fel der.
"Duh lo viau mahla lo chhuk ve tho mai rawh" ka ti nghut, a meng rang kual ralh chu khik khum suk in bike ațang a chhuk thla tur chu ka pui a, ka kutphah lek chhuah vut chu a lo chelh ve mai reuh bawk.
"Ih..."
"Damdawi in kal kher i duh anih pawn harsatna a awm lo" ka lo ti sup. "Ka nu kan hruai tel anga, kei nen chauh va kal ai chuan nuam i ti zawk ang" kal bai salh salh pah chuan min melh zeuh a.
Kawngkharpui ka pawt hawng a, inchhung a pen luh hma chuan thawk a la hmasa phawt a.
"Nu?" Zanrei lam ni tawh mahse in kan haw kim hma chu a mu ngailo.
"Mapui, i lo haw tawh maw, Thingpui hang ka lo in a" choka ațang a rawn chhuak a.
"Hlimi, i țha em?" vawi leh khat ah a ri ta tûng mai! Tetaktei chu ka melh nghal vut, ka nu chu tawite hian a nuih a! Ve ngei chuan! Nichin lawk ah an dak theih per per vei nen
"Mapui engtin nge Hlimi nen in rawn haw teh hlawl a, Hlimi hliam i nei em ni?" kan dinna hmun a rawn thleng ve der. An inhriat țhat hmel fu bawk nen ka nu in a rawn kuah ta daih a.
Choka ah ka lut a, kut ka sil hnu ah tui ka leh khawlh khawlh a.
Ka chhuah leh meuh chuan Jordan pawn tetaktei khan a lo țhut hnaih kher mai.
"Damdawiin kal chu ngai i ti em?" Ka ti nghut, an vai chuan min en vek a.
"Aa.. a ngailo ang"
"I hmelhriat em ni?" Jordan chu ka melh ngur.
"Chu aia thuk zawk chu" a ti a, hmui ka pet sawi zauh.
"In inbuaipui theih tho chuan ka chhoh san dawn che u" ka ti a. Ka room pan in ka chho tlang nghal daih bawk.
Leather Jacket ka hlih rual chuan khanu țawngkam maksak zet kha ngaihtuah chhuak in lu ka thing nghut! Pheikhawk siai hmang a khuih tlet tih țawngkam kha khawi ațang a hriatte nge ni reng reng!
Ka thuamhnaw chu ka hlip mual mual a, boxer chiah inbel in khum ah ka bawk kai nghal vut. Nileng a tlan kual kan ni bawk nen ka mit a kham ve țhum thei.
*Rs-a bike thawm ka hria, engmah i lo sawi silo a* Rinchhani message chu ka chhiar a. Kum a upat tawh vang nge message type mual mual hi ka peih der lo. Ka call a, a chhang rang viau bawk.
"In ka lut fel chiah, ka chau deuh a, ka mu nghal ang" ka ti thawr.
"Aw, mu tawh rawh, Rsa bike thawm ka hre sia, engmah i lo sawi lo nen ka ngaihtuah deuh che a" a ti țha ve mai a. Rsa te nen țhenawm hlun an ni a. A haw thawm kha a lo hria anih dawn chu.
"Mangțha aw, ka hmangaih che"
"Muttui le" ti let sup in phone chu ka hmet hlum a. A chhungte lam innneih tawh turin min nawr nasa em em a, kan lo inzui rei ve tawh bawk nen an dem awm hran loh! Kum thar lam ah chuan kan ti huk ve thei tawh mahna!
Lalhlimpuii
Jordan-a a room min kian a, Nichin Kimkima haw thla khan kan buaina tawh thu phone ah a lo hrilh tawh anih hmel. Nu Hmingi'n ka kerek chu min tuam sak a.
Nichin khan Prof Msa a tel v tih ka hrelo reng reng. Vawi leh khatah a rawn lang thut a, a hma ang bawk khan ka hmuh rual rual in ka lungphu a rang dawt dawt a, tlan chhiat daih ka duh ut ut nangin a hma lawk a ka hun tawn vang leh a țhianpa bike light eng lutuk vang kan tlu te, ka scooty rang deuh nuaih tur te ngaihtuah luiin thinphu rang lo ang tawkin ka an khum tawn tawn kha a nia.
Rum nghat in lu ka thing nawk nawk.
Ka thuamhnaw a berh phung sia. Jordan-a tshirt ka hak sak a, ka tan a len em avang in kawrfual ang maiin ka ha duai, kekawr hak țul ka tih tawh lem loh vang in tshirt lianpui ha duai duai in Jordan room ah chuan ka kal bai saih saih a.
Tukverh chu ka nam hawng a, bathlar ah chuan kal chhuak in hnang tah chair lianpui ah chuan ka țhu thla a. Ka kê chu thei leh thei loin chair ah chuan ka hlangkang a, ka khup ah khabe nghat leh in zan boruak dai raih chu ka hip lut ham ham a.
Zanin a thil thleng kha chu hriatreng pawh ka duh tawh lo!
Ka muhil a ni mai thei, ka mumang ah chuan tu tih hriat loh hian ka awm dan engkim chu min en zui reng a, amah chu ka hmu thei lova, mahse, ka feel thei.
Chutiang mang teh nuaih chu ka harh chhuah san hlawl a!
Ka mit chu chianglo takin ka meng a, mit ka men rual a ka thil hmuh vang chuan ka awm chhung a sa nghal pup a, mahse, a mitmeng thim khup a min lo mlhe vung vung aangv chuan ka nui seih, kei hi mumang ram ah ka la cheng reng anih ka ring. Kha Prof aw cool thum ruihpa khan a pindan tukverh biang ngheng meuh va kut kuangkuah hlun chungih min lo thlir vung vung a! Ka nui seih chu rawn hmu in cool ruihin a nui ve suk bawk!
Mit ka khap fak fak a, a lo la awm tho! Kawr a ha lova; a taksa uk sen khup chu a lum hmelin tawh vel a achakawm hluah hluah. A dar tihrawl hrawl pui mel reng chung in thawk ka la siai siai a, a din dan ngai in a ding run, a khat tawkin ka nuih seih a, amah pawn atthlak tih hmel zet a min lo nuih let suk suk zel in lu a thing leh nghut țhin, chutiang a rei ang reng fe ka awm hnu chuan ka țhu mar nghal awt!
Engthil nge ka chung ah thleng zo chiah kha! Ka mumang ani reng reng lo!
Ka hawi kual ruai ruai a! Ka țhut dan ngain ka lo la țhu! Khua chu a thim mup a, khawfing chat tur thim zual lai tak anih ka ring rum rum bawk, chutia khawpui thim țhuap ngawt en a ka hawi veng veng lai chuan thil hriat chhuah ka nei thut a!
Ringhlel ru deuh tak a ka hawi da da chu ka thil hmuh vang chuan ka lungphu a che nghing nghal dawt! Prof Ms-a chuan min lo la en vung vung anih chu!!!
Akut phah hrawl zet in a khabe ruh kual invuah ngheh hmel zet chu a tuai hauh hauh bawk.
A awmzia chu.. nichin a ka nui khan ani sawn min lo nuih let ve suk suk zel tihna! Chuan... engtia rei nge sawtiang a ding chung sawn min lo thlir tawh ang le?
Ka ngaihtuahna vang chuan rang lutuk in ka mapui chu ka dap rawk rawk a. Jordan tshirt ka hak kha a lo tawm chho vek tawh chu niin!
Prof Msa chu rum lutuk a va melh nghal nghek pah chuan ka kawr hak tawm vek chu ka siam țha zui sawk sawk! Ani erawh hmui hnuai pet chungin a lo khi suk thung!
"Tenawmpa" ka ti tuar!
Aw rawl lian lutuk hian a nui thum huk anih chu!
Comments
Unknown25 December 2019 at 10:30
ngaihnawm em em e😍
REPLY
Unknown25 December 2019 at 10:37
Ngaihnawm khat
tlat
REPLY
Unknown25 December 2019 at 10:37
Ngaihnawm khat
tlat
REPLY
Unknown25 December 2019 at 10:41
jordan hi ka khawngaih țan tlat kei chu😢mahse ngaihnawm lutuk
REPLY
Unknown25 December 2019 at 10:53
A kham awm loh thin eee ngaihnawm lutuk, next ka nghakhlel nghal e
REPLY
Unknown25 December 2019 at 10:57
A van ngaihnawm tak em mahse a tawi lutuk
REPLY
Unknown25 December 2019 at 11:03
Mut ava tui dawn em... 😘😘
REPLY
Unknown25 December 2019 at 19:51
Ngainawm ve,MSA hi ka duh tawp
REPLY
Unknown25 December 2019 at 20:31
Ka tahpui nasa
REPLY
Unknown25 December 2019 at 20:46
ka khamlo 🤣🤣🤣
REPLY
Unknown25 December 2019 at 21:24
Ngaihnawm lutuk. Khamawm loh thin lutuk
REPLY
Unknown25 December 2019 at 22:05
Va ngaihnawm chiang tak em...
REPLY
Unknown25 December 2019 at 23:50
Van ngaihnawm tak em
REPLY
Unknown26 December 2019 at 01:24
ka tap ka khawngaih Jordan khi la dah bo hrih suh ka vei bur tawh nia. I thiam ber 👍
REPLY
Sangsang~lrs26 December 2019 at 01:32
😍😍😍😍
REPLY
Unknown26 December 2019 at 04:48
Ngaihnom ltk
REPLY
Unknown26 December 2019 at 07:26
mittui kan seng hnem leh malh malh dawn e...
REPLY
Unknown26 December 2019 at 07:28
Jordan khian a thiannu khi ngaizawng lo hram teh se,a u nei turin a ti a,aman aruk a lo ngaihzawn leh vel ang kha chu a tuiawm loh ka ti.
REPLY
Unknown26 December 2019 at 08:33
Ngaihnawm singkhawww
REPLY
Unknown26 December 2019 at 19:04
Chhiar hman ve chiah a, ngaihnawm zia mai chu, ka kham lo nasa ❤️❤️😊😊
REPLY
mapuii27 December 2019 at 09:22
Ka pack a zo dawnnnnnn...
REPLY
Unknown27 December 2019 at 11:42
ngaihnawm ve
- December 27, 2019
Chapter 5
Zingdar 3: 30
Moving too fast
Moon is lighting up her skin
She's falling, doesn't even know it yet
Having no regrets is all that she really wants
A rawl lian lutuk leh thum dut bawk si chu a taksa hrawlpui nen chuan a inrem hluah hluah, a awm hrawl zet chhung ațang chuan a rawn ri thum huah huah maiin ka hria! A khabe ruh kual tuai thuak hian a hmui chu a liak hnawm zauh a. A eng khan nge maw a nuih tiza em em le? Atthlak tih hmel lutuk hian khi sukin lu a thing leh nghut bawk.
A pindan chhung ațang eng rawn zam chhuak chuan a nuihza insum hmel chu a chhun ruih a, uluk leh smar tak a a khuih pial chhoh țhin a chhip sam buk lai chu khum ațang thawh pui tih hriat tak in a thur siang bawk, chu chu thli thaw in a chhem phe dar dar reng a!
"Tenawm" ti chhuak sup in min melh ngur chungin țhen suk. Khatia ka koh vang khan maw a nuih a zat em em a.
Eiloh hmel deuh a melh ram ramin chair ah chuan ka țhu-tung at a, Tshirt ah chuan ka khup pawh ka thun lut vek!
Mahse, Prof Ms-a veh vuah chuan mit la sawn hlek lovin a mitmeng mûk thim ruih chuan min la melh ngur tho!
Ka insum thei thlawt lo!
"Hey!! Eng nge i en reng a?" ti leh vak pah chuan ka melh rum nghal rawm rawm a, ka țhutna țang chuan ka tho chhuak nghal tharh. Mahse, chhuat ka rah rualin ka kê rek chu a rawn na hit nghal zawk, țhen sak hian Jordan t-shirt chu ka khup thlengin mar pung khawp in ka pawt thla nghal țang țang a. Lalkimkima damdawi mum thum vel ka ei sak vang khan ka lu lah chu a hai deuh chhulh leh nghal!
Lu thing nak in Prof Msa lam chu ka va melh leh hram, a awm mai mai lan dan ringawt pawh saw a nelawm loh hmek hmuk si!
"Zan anih tawh hi, mu ta che, hetah te eng nge i tih reng reng a?" ka ti leh hram pek a! Nichin khan ka kawr hak ve chhun hi a lo tawm chho vek bawk nen ka taksa a hmu tam lutuk chu ka ngei bawk si, ka thinrim deuh hlur bawk nen ka mit sir in rum tak hian ka melh rawm rawm reng a.
Thatchhe zet a tukverh biang ngheng in min nui suk duh lek choh! Engtin nge hetiang khawp a palian hian a room ațang lo chhuak a, thawm nei miah lo a min lo thlir reng theih le?
"I kê rek chu eng nge a an?" a ban hrawl zet kuangkuah vut chuan a ti zawi sup. Rang deuh in hnuai lam chu ka bih a. Jordan-a nu khan min tuam sak. Ka thil hriat chhuah thut avang chuan ka thaw deuh hak a! Ka kê nat chhan pawh hi an țhian ho bike head light eng zet in ka mitah a chhun khalh vang tih te chu ka hre let uai uai a!
"A la na" ka ti chhum hmak. A kut kuangkuah phelh vut pahin a lo chet hluk a.
"Damdawi in pan i duh em?" a ti leh sup. Ka kê rek intuam chhah lak chu ka thleng vang vang a. Damdawi in ah kal mahila a dam phah nghal dawn pawh nilo. Chintawk hrelo khawp a light dah eng pum a bike an khal vang vek.
Chhang let tur a ka hawi chhuah leh chuan ka kê rek intuam var lak chu mit tizim sun in a lo melh run, a engamah hma chuan ka kê chheh ka ti hnung nghal hrat! He mihring uap na lutuk leh huhangna lutuk kiang ah hian ka chet phung a buai vek zel!
Chimawm lutuk a khi suk chungin ka kê rek ațang a mit chu sawn chho ruai ruai a, ka kawr hakin a khuh tawpna chin ah chuan a mitmeng melhna zet chu ti zim sûn in a tawp nghal hmiah anih chu!
Min runluih tih hriat deuh a a kiai suk suk reng chuan ka thin a tirim hlur a, ka alh pup hial in ka hria!
"Hura!" vin tak in ka ti ta chiam! Ka mitah tak chuan min melh dur nghal khûi a! Ve lutuk a! A haw leh vel a nih saw, kheikhui mai!
Ka bul ah hian lungtum awmse chuan chhar in ka vawm chawrh duh hial ang.
"Hur leh lutuk" a lam hawi meuh in khabe ti kang vah chuan vin zawi zetin ka ti leh hlak, a hmel dur thim nghal khup chu engahmah ka ngailo tih a hriatthiam theih nan nuihsawh hmel tak chuan ka khik khum sak kher bawk!
Amah ang mipate hi ka hua! Hmeichhia in thumhnaw bul deuh hlek an hak vang a tisa chakna sual nen a tlir nghal vung vung chinh mipa hur lutuk te hi ka haw ngawih ngawih!
.
Melh rawm rawm pah chuan Jordan room tukverh lock ka hawn sa lam pan chuan ka bai let saih saih a. Min la melh ngur reng tih chu ka taksa kawr in a khuh loh chin sa hut hut ațang chuan ka hre thei bawk!
Tukverh nam tawlhna ka vawn lai tak chuan Ptof Ms-a taksa hrawlpui che chhuak vut chu ka va hmu ta mai!
"Eng.. eng nge i tih dawn?" ka lam pan a a lo pen phei pawk pawk chuan ka lo ti chul! Ka zawhna engahmah ngai lo zet chuan a hmel dur thim khup nen chuan min hnaih chilh der tawh!
"Eng nge i duh?" A awm zawn ațang hawi chhuak haw in ka ti sap a. Ruah sur tur chhum thim khup zing kual tup tup ang chiah in a hmel chang hrek hrawk chu a dur khûi tak tak bawk nen ka tawlh hnung hret a. A rawn pen hma ve leh hruat avang chuan tukverh darthlalang chu ka ngheng dat a. A kê chhe avti che leh hrut a, a taksa hrawl zet chuan darthlalang ah mi nawr bet nghal hrawk anih chu!
A rawn chet dan teh thut in min țhawn lutuk avang chuan chet ngaihna pawh ka hrelo! A awm zawn chu melh ngar in ka ding at ringawt bawk!
"Tunah ah khan engtin maw mi koh a?" a rawn ti zawi sup, khuh tu awm lo a awm tihrawlbhrawl zet chhung lam ațang min nghawr che dur dur a! Pangtilum a ngah bik bawk si, ka lungphu pawh a rang ve nghal vek bawk.
"Ka.. i.. i hrereng!" ka ti sap, min awm hnaih lutuk vangin thawk a lak pah chuan darthlalang chu ka si na zual sauh zel, ka taksa lang lai a melh ngur vang a *hura* tia koh ka ni tih a inhre ve awm reng si! Hetiang a thinrim leh tur si te chuan min melh lo ve mai tur a nia!
"Ka hur leh hur loh chu kan fiah dawn em ni?" ti chhuak hrawih in a ban pakhat chu a chet vut, a thusawi vang a ka meng nghal kawk chu hnehsawh lutuk hian ka khabe ah a rawn vuan a nih chu!
"Fiah ka chak khawp mai" zawi tak si hian a ti leh hrawih! A lawmlo aw rum zet chu a chhum hrawk a ni tawp!
Ka lungphu che nghing dawt dawt chu amah ka hlauh lutuk vang ani in ka hre tawh! Min kuai dak salh a, a thusawi in min țhawng lutuk bawk si leh kulh bang ang mai a min khuap bo vek chung a min dip run na te vang chuan meng bial kawk chungin ka thaw chhuak vak!
"Min thlah rawh"
Eng hnungchhawn zawng taka a ding run avang in a hmel chu ka hmu chiang thei tawh lo! Mahse, ka mangang hawi buai nak chu min khik khum suk tih a mit bul vun chet dan ațang chuan ka hre thei!
"Ka sawi chu i hria em? Min thlah rawh ka tih chu!" ka khabe a dawmna ban rek ah chuan vuan in ka phih nghal sawk. A thlah lo chiang lutuk chu a awm ah ka nam ta ngawt a! Rum chhuak nghut in a kut pakhat zawkin ka ban rek a rawn man leh chawt bawk.
"Ka zawhna che kha engtin nge min chhan dawn?" ti chhuak sup in min melh chhuk nghal ngur!
Jordan chu ring deuh a koh vak vak ka duh rum rum tawh.
"I zawhna kha chhan ka mamawh lo ve... i awm sawn nghal loh chuan Jordan ka koh dawn.. " a lo rum nghut vang chuan ka țawng tawp leh chawt! A rawn kun hniam khún a! Chutia kan hmai insilo chauh va kan awm tak ah chuan a mitmeng zîm sun ah chuan min nuihzatna ka hmu!
"Jordan" ti sup in a thle buk. Jordan a hlau lo lutuk tih leh a khakna țawngkam khat lek vang in Jordan zawk a zal nghal rawih rawih zel tih chu min hriattir a tum ni ber ah ka ngai!
"Aw.. " a lo khi leh suk a. "Ih.. midang ... midang pawh"
"Inhnuai lam ah ka nu leh pa te mut pindan chu a awm, i țhianpa lah chuan a room kian che in inhuai lam a room ruak a hmang daih bawk"
"Maw?" Ka ti nghal tuar!
"Yeap" ti sup in a awm hrang ta vut a! Ka hma lam chu a vawt nghal vuk. Mahse, rang lutuk a che nghal rawk rawk in tukverh nawr tawlh theih chu a hawnna ka dap nghal nawk nawk a, a thim bawk nen Prof Msa lah chuan ka che buai nuaih chu hmuhnawm a ti zawk mah emaw tih tur khawp hian min lo thlir vung vung bawk si!
"He tukverh teh hrep hawnna hi kawi ah nge a awm hman a?" a rawn chet leh thut ang tih ka hlau bawk nen ka sam hui chho sawk pah chuan ka dap leh ngial a.
"I thil ruih vang khan helai thil tereuhte pawh hi i hmu fuh hleithei lo anih hmel" ngeiawm tak chuan a rawn ti chhuak sup! Ka hawi dawrh a!
Ruih ka nei tih a hrethei maw?
A ban chu lek chhuak vutin tukverh lock inbah tanna chu awlsam tak in a hmet hawng tih hriat zet hian a ri nghal khap. A nawr tawlh a.
"Ka țhian te leh ka nu ngei pawn rim dang engmah i nam miau loh vangin ruih i nei tih an hre kher lo vang; mahse, kei erawh chu min bum thei ngai lo ang" a ti rûm ûl!
"Ka..." a ban hrawl zet chu vai thuak in min ti tawp hmiah!
"Kha accident kha kan țhian ho vang a tawk in nilo, nang hian ruih i lo neih tawh sa vang a accident in ni zawk... ka țhiante chu i bum thei a ni mahna, kei erawh kha thil thleng vang a eng emaw tih i tum zui anih chuan ka tawhkhirh viau ang" chang hrek hrawk in a ti chhum hmuk. A mit tih zîm sun thung chuan ka hmui chiah a melh vung vung.
Damdawi mum thum ka ei tih chu ka pha lo, chutiang bawk in ka damdawi ei vang a accident kan nilo tih lah ka hrechiang lutuk tlat! A țhiante khan eng uchuak lutuk in an bullet light an modify kual a, kawngkawi ah tak kan intawk thut a, chuta karah ka mit ah tak an head light in min chhun khal miau vang in ka tan hma lam pan a an mahni va sut bur ai chuan cut kawi nawk bak kha thlan tur a awm lo!
"Min vau tih na em ni?" ka ti let a, a melh ngurna zawn ka hmui bul vel a tî chu a za uai uai in ka hria.
"Ka vau hauh lo che" a ti nghut.
Ngeiawm deuh in ka nui a. He mihring hi ka hrethiam ngai lovang.
Ngawi ngul a min en vung vung lai chu remchang ah la in pindan chhung ah chuan luh daih ka tum a.
"Khawi a tlan chhiat nge a tum a?" Ka kê pakhat ka pen lut chiah! Thawk pawh ka la hman em lo tihah a aw zawi thum ruih rawn ri leh phut vang chuan ka țe chhuak țhawt teuh kher mai!
A ban hrawl zet a rawn lek chhuah vut chuan ka kawngah nghet tak in a rawn mah hmiah, ka meng kawk a, a ban tha chak tak chuan a lam ah min hnuk chhuak leh hrawk anih chu! Khu tu awm lo a awm chu ka va nawr rawk rawk mai.
"Fiah tur ka nei! Nilawm ni?" a aw chu hniam thum ruih!
"Engmah.. engmah fiah tur kan neilo" ka ti nghal ruai ringawt! Ngeiawm lek lek, mahse, tawrhhlehawm lutuk in nui thum ruih!
"Țum hnih ngawt min kohna kha kan fiah dun ang chu" a ti sup, ka kawng a manna rawn ti nghet leh hrawk in min pawt hnai hrawih a! Thaw lum ham ham chungin a rawn kun hniam ruai ruai a! Kawr a ha bawk silo, ka kawngah a ban tha chak lutuk a min man beh tlat avang in a taksa eng emaw lai chuan ka malpui ah min do run bawk.
"Hman ni pawn nangtereuh hian room chhung a ka chetla kha min lo thlir reng tawh!" zawi lutuk in a phun sup pah chuan a chalin ka chal a rawn nawr a. "Zanin pawn chutiang thil hmuh leh inbeisei chuan nilawm ni bathlar ah hian i rawn kal chhuah" a awm hrawl zet chhung ațang a lo phun chhuah leh sup rual in a hmui che in ka hmui a rawn tawk thuak a! Ka taksa pum chu a sa țek nghal puat!
"Min bum thei ngai lo ang ka tih kha" zawi sup a a tih zawh rual deuh thaw chuan min fawp anih chu!
Ka khawng awt a, ka kut chu ka hum bet chawih! Min man nghet zual sauh in kohham lutuk in min fawp leh ngawng ngawng a! Min fawhna dimlo zet leh a huhangna tak vang chuan ka bing chuk chuk! Ril țam hmel tak a min fawp ngawr ngawr pah chuan a kutphah pakhat in ka biang a rawn nul tel hauh hauh bawk! Ka ham haih a! Mahse, min fawhna chuan min zem chawmawlh vek! Fawh let te chu sawi loh kei hian tu mipa mah ka la fawp ngai reng reng lo!
"Ka lo rindan ang chiah ani" a ti sup, ka kâ chhungah a kâ ațang boruak lum rawn chhuak a rawn luh lum huam rual deuh thaw in a lei hrawl zet pawh a rawn nawr lut nghal a! Ka taksa a la thleng ngailo eng emaw mak lutuk vangin ka awm chhung a rawn sa pup pup.
A lei hrawl leh lum huam chu ka kâ chhung ah zei lutuk chet kual tir ngawng ngawng in a taksa lam ah min pawt hnai hrawk hrawk a, chutia min fawp reng chung chuan Prof Msa chu a rum chhuak hrawih, chu a rum ri thum lian zet chuan ka thisen zam a zawh țek chhawk thei!
Eng emaw ka siak dawt rual deuh thaw chuan a taksa lum huam leh rit nulh chuan min bawh bet nghal hmiah a, min fawhna thlah chuang hauh lo rum chhuak dur dur in ka malpui a pawt kau va, ka mal inkar ah a rawn tlak zeh rual chuan thawk pawh ka thaw chhuak hleithei tawh lo! Sapui kohham lutuk ang chiah in a lei hrawl leh sa huam chuan ka kâ chhung ah zei tak maiin chet a la ngawng ngawng reng a, ka taksa pum chu ka thinphu vang a che dup dup in a sa pup pup!
"Tawp turin min duh em?" a ti hrawih! Thawk ka la nghal kawk a! Ka chung aţang hnaih lutuk a min chhuk melh ngur tu chu a hmel ka hmu chiang thei lo, ka malpui rawn za uiah vang chuan ka tîm chawi a! Ka chung a mi chu a rawn nui lum hawk bawk!
"Nang hi tu chiah nge i nih" ka ke rek ah man in a nawr tawm chho deuh a, ka malpui hnung lam rawn chul chho dun dun pah chuan a awm tihrawl hlai hlup chuan min nawr bet chawi bawk!
"Hei ai a thui kal i duh loh chuan tawp turin min hrilh rawh" a ti rum hawk, ka kawr hak tawm vek tawh in a khuh thawh lo ka malpui tawn tirh vel chu a chul kual thuak thuak reng a! Ka thluak te thleng in a chawmawlh a, ka tiril a za nasat zawh poh leh ka thluak a harhfim lo tulh tulh!
"Min mutthilh san ang maw?" nuihzatna a khat aw ri sexy sawi sup chu ka hre vuat!
"Atthlak lutuk!" ri hrawk in a ti leh hrawih! Min bawh bet tu taksa rit zet chu vawi leh khat ah bo vut a. Chiang lo zet a ka meng chuan khum sir a pumraw hrawl zet chu ka hmu pe ruai, a sam tuai chhuak thuak thuak in a thaw chhuak hawk hawk a!
"Thil thleng zo chiah kha engthil teh hrep nge ni ngai" ti hrawk in a phe vuat! Eng emaw inkhar ri dawp reh fel rual chuan engkim a thim zui mup a. Ka lungphu rang dawt dawt zawi tial tial chu ka hriat hnuhnun ber ani ta bawk!
"Lola" ka bengbulah Jordan chuan a rawn ti sup.
"Mut duh reuh lutuk, nizan ah i mu țha lo em ni?" tih pah in ka biang a rawn beng thek thek.
Peih lo zet in ka meng chhuak a, ka hma ah Jordan chu lo awm in chiang lo zet a meng chu min lo nuih nghal suk mai.
"Good Morning"
"Morning Jordan" ti tham chhal in ka maimitchhing leh a, a nui chet nghal hlak.
"I muhil leh ang maw?" ka harh hma khan ka bulah a lo mu ve ani mai thei, ka men leh chuan kan lo inhma tawn a, nuihza hmel mitmeng de sawr sawr in min lo melh run run.
"Reilote chiah" ka meng thei thlawt lo.
"Ok, mu leh ta poh che" a ti hluk, a nuih a za tel viau tih erawh a aw ri deuh hak ațang chuan ka hrethei, puan lum in min khuh țha sauh sauh a.
"I bulah hian ka mu ve dawn nia"
"Ok" ka tiin ka hria.
"Lawmawm reuh lutuk, tui deuh in muhil la, i nu thlan chei turin chawhnu lam ah kan chhuak dawn nia" zawi ruih a ti chungin ka biang ka delh loh lam chu a kutphah hnung lam in a rawn nul hauh hauh mai.
Ka kiai sak a.
"Ka țhianu tereuhte hian a kê ah hliam a tuar a, ka duat viau lo anih chuan a vui leh nasa dawn tih ka hria a lawm" hepa hi chuan min hrechiang lutuk a, alak ah tihtauhna hun pawh min siam hman ngai meuh lo.
Mit ka men hleitheih miau loh avang in thawk ka la leh siai siai a, Jordan min khawih na chu a khat tawk in ka hre leh ruai ruai zel!
"Bawiha?" NuHmingi aw ka hre tel vuat.
"Shiiitt, a chau deuh a niang, mut a la mamawh" Jordan chuan a ti sup.
"Kawhsik a neilo maw?"
"Umm, khawsik chu a neilo; nu eitur kha chu chawi let leh rawh, tihian muhil rih rawh se"
"Umm, a harh hunah inhnuai ah lo chhuk thlakpui mai rawh aw" a ti dam thlap.
NuHmingi kal chhuak in kawngka a kharphui rik rak thawm vang chuan ka thazam a phu zawk a, ka meng leh hlawl.
"Lola?"
Ham hak in ka mu zangthla a, tho chhuak tur a zik mar ka tum ngial pawn ka mut a chhuak em em mai a!
"Ka harh thei thlawt lo..."
"Ka tih reng kha. Muhil leh rawh" nui hak pah chuan alo ti thuai. Naupang tih mut tum ang maiin ka chal ah chuan a rawn beng thek thek a, meng hlei lo a ka nuih chhuah hak chuan rum nghut in "muhil hle hle rawh" a lo ti hlur!
▪
Ka harh leh meuh chuan ni zung țang ut tawh chu pindan chhung ah a rawn lut ut tawh! Ka hawi kual thuak a, Jordan hmuh tur a awm lo a, khum bul dawhkan a alarm clock inhung chek ri karh karh thawm bak engmah thawn dang a awm lo!
Ham hak pahin tukverh lam hawi chuan ka saisir thak; chhuat a nizung țang ut chu melh in ka khap fak fak bawk.
Ka taksa chu a kham in a rawl țhem țhum leh nghal a. Nizan a khum ka thlen dan ngaihtuah neuh neuh in puan sin chu ka kuttin ka hiat hraih hraih a.
Batthlar ah ka mutthilh lai chiah kha ka hrechiang, ka harh a, prof Msa'n ka muhil lai kha min lo thlir vung vung bawk!
Prof Ms-a'n muk zet a min lo en vung vung lai ka ngaihtuah chhuah rual chuan thaw kawk pahin ka țhu chhuak nghal hlawl!
Nizan kha... nizan khan damdawi ka rui tih te a hre vek a! Chuan Hura ka tih vang khan.. Aw Lalpa! Ka kut pahnih a hmui hup chawt in tukverh lam chu ka melh ngawt ngawt a!
Prof Ms-a khan min fawp a, dan nachang pawh hrelo in min tih ang ang a ka awm tawp hnuah khum ah min bawh bet a, ka taksa a chul kual rual a ka kawchhung za uai uai mai te kha ngaihtuah let zut zut in tihngaihna hrelo fe chuan ka sam chu ka ke ta nghek!
Engtin nge nizan khan min tih zui zel le?
Puan sin chu ka theh hlip sawk, ka tshirt lian pui hak lo tawm chho vek chuan Prof Msa bawk kha min mitthla let tir kuar kuar a! Ka hmai leh hrawk vel a rawn sa nghal hut hut!
Mahse, ka.. thil thleng kha engvang a thlen tir nge anih? Ka rui tih hrereng chung a min fawp te, ka taksa a khawih kual te kha ka en liam mai mai tur ah a ngai anih chuan a tisual chiang ngawt ang!
Khum ațang thawh chhuah mai ka tum chu ka kê rek na hit zawk vangin ka țhu let zui dawt!
"I va na hun lo ve mawle" ti hlar in rum deuh hian ka kê rek intuam chhah bur chu ka melh er a. Ka ding țha leh ngat tho.
Sana chu ka melh zeuh a, zing dar 8: 30 a la rilo. Jordan room ațang chuan thinrim țun in ka kal chhuak a, inchung lam chu a lo reh tlawk tlawk! Tu hmel mah hmuh tur awm lo mahse Prof Ms-a room pan chuan ka pai phei salh salh tho!
A kawngkhar zawn ah chuan thawk la hak in ka ding dat! A inkhar phui loh vang chuan a kal chhuak lo tih hria in kik pawh kik lo chuan ka nam hawng nghal pawp!
"Biak che ka duh" ti leh pindan a pen luh ka rual nghal zat! Hmeichhe nasa ve tak ka ni! A bik takin hmeichhiate zuam ching mipa te hi ka haw em em a! No, tlem a pianphung danglam bik, tuai leh patil chhaihnawmnah chingte pawh huat takte in ka hua! College vel ah pawh nawmnah tak a hmeichhia chaih ching ang awm hian zak ram ram ka siam hma chu ka țawngkhum hrep zel!
Prof Ms-a chu darthlalang lianpui hma ah a lo ding rún a, a pindan a ka lut pawp chu min lo melh ngur bawk. A pindan chhung chu pawn lam ațang a lan ang ngawt aiin a zahawm zual a, a nei tupa ang chiah in apindan chhung hian huhang hran hlawk, uap na zet leh rit mup a keng tel!
Hna kal turin a insiam mek anih mahna a kamisz matte blue hak hma kil chu a la inphelh vek, a six pack lang ruih chu a chhuang hle anih ka ring han khuh bo pawh a tum lo! A lai hnuai a hmul dum kal thla raih ka hmuh tel rual chuan mit ka la sawn a, a sam dum hlap chu uluk zet a kutthlak tih hriat takin sir lam ah a inkhuih pial thlup, a bek zawn erawh a innawr kawlh a! Chutak chu a hmel ti lang chang zual tu leh ti lang hriam hawih zual tu ani bawk!
"Engthil ah?" ti vut in a kamisz chu a kilh mual mual. Ka ner sak a.
"Sawi rawh; hun ka ngah lo a nia" ti chhum vutin a rawn inher nghal hmuk! A kamisk kil chu a la kilh zo lova, smart pants dum dak thlup a hak kawng a savun kawnghren dum hlap inthil phei pawh a la kilh pum lo.
"Nizan khan ka chung ah engthil nge i tih?" ka ti a; amah chu uluk takin ka melh nghal kar bawk!
"Nizan" ti sup a min melh vut vang chuan insehruh țeuh in ka thaw chhuak hak. Ani erawh hahdam hmel zet a che dam thlup in a kutphah hrawl pui pui chuan en pawh en lovin a kamisz kilh chu a kilh pum a.
"Ka hrelo ti a min chhan tum miah suh, nizan ah.. bathlar.. bathlar ah khan engtin nge min tih?" Ka tih zawh rual chuan hriatthiam loh hmel zet a thle bukin batthlar lam chu a melh nghal vut anih chu!
"Khatin hrelo ang a awm tum miah suh aw" ti chiam pah chuan nghet deuh in ka kut ka hum ruh a, muang chang a rawn hawi let ruai ruai pah chuan a mithmul buk dum hlap chu a ti kang uk!
"Hmela" tisap in ka bu nghat nghat a! Hetiang a a hriat loh der vang mai mai hian..
"Nizan chuan engthil nge ka tih a? Bathlarah leh nghal" ti sup in a kamisz ban chu a thlep tawm chho va, a ban puam hrawl zet hmul in a bawh dap ka melh rual chuan ka kawngah man hrawk a alam ah min hnuh chhuah dawr lai kha ka mitthla ah a lo lang uai uai bawk.
"Hun ka ngah lo ka tih tawh kha, i sawi duh chu sawi thuai rawh" ti sup in a ban vei lam a sana dum lawk zet chu a bih thuak, in her leh hmuk in darthlalang lam a hawi leh run tawh, a kawrban lehlam chu a thlep tawm leh mual mual a!
Kei a rui zawk pawn ka hre ruai ruai thei a, engmah thleng miah lo ang a harhfim zawk a awm lui ngul chu a huatawm hluah hluah ani tawp mai.
"Minute 5 ka pindan chhung a awm theih nan hun i la nei" ti sup in a rawn inher leh leh vut, a kamisz hak chu a kekawr kawng ah bilh lut pahin min melh ngur bawk! Savun kawnghren dum hlap che thuak thuak melh pah in chil ka lem dawk a.
"Nizan a thil thleng kha hrelo ang a lemchan kual tum reng reng suh, batthlar ah ka lo mutthluk lai khan i rawn chhuak ve a, ka taksa lang lai lo i en reng a vang in ka harh hnu ah khan.. aaaa, khatiang tih chingte țawng kam dawn tur dik tak ka hman khum che; chuang i lungawi lo va.. Jordan room a ka lut tur kha min man bet in...." mit tizim sun a min melh ngur chung a a lo kiai suk vang chuan ka țawng tawp chawt a.
"Eng nge i nuih a?" Ka ti nghal vak bawk. A kutphah hrawl zet pahnih chu hmer kawp thuk in muangchang in ka dinna pan chuan a rawn pen phei khup khup. Tawlhsawn emaw pawh ka tum reng reng lo.
Nuihza hmel pu deuh ngur chung a tlangval senior zet tawh min en run pah a min hnaih zel tu mit ah chuan lo melh let khai khai a, nupui neiin fa pahnih thum nei tawh mahse a awmlo hauh lo tih theih khawpin a kum a naupangchhia tawh lova, kan pumrua chu inhrawl hleih viau mahse ka lo inlahlauhawm lui țang țang!
"I thil sawi chu ka hriatpui ve hauh lo che" nui suk a ti sup in ka hma ah tak a rawn ding nghal hmuk! A pa len em avang in a mit ah en kher ka dun anih chuan ka dah chhoh haw a ngai a! A hrawk bawk langsar zet mai ti langchiang zual tur tak hian kamisz kil a kilh phui bawk silo. A awmzawn aţang dak chhuak vah in ka melh chho ngar.
"I kê rek hliam enkawlna tur min dil i duh anih chuan" ti sup in a kutphah hrawl tham tak chuan a khabe ruhkual hmul bawh dup chu a tuai hauh hauh va. Chutiang thil chu ka mamawh reng reng lo! Mamawh niila chuan nizan a min pek ho pawh kha ka pe let miah lovang!
"I sum kha ka mamawh chhete beleuh lo! Nizan kha chuan sum ka dil che hlau ang hrim in min vau khur khur zawk anih kha... anyway forget about money" ngeiawm zet a nui sang in a tih ang chiahin ka ban cher ve tak chu ka vai vat a. Ngeiawm zet a min khawsak khumtu te rulhlet dan chu ka hreve chiang e!
"Pawisa ka dil dawn lo che, mahse, ka chung a thil thleng hrereng si a min khawih thei zawk kha i lak a ka thinrim chhan leh...." ngeiawm lutuk hian Prof Msa chu a lo khi suk a! Rum zet ka melh rual chuan a hmel tak ngul chu rawn in thlak tual tual in rawl lian thum lutuk in a rawn nui chhuak huah huah anih chu!
Ka thinrim lutuk bawk si chuan rum deuh a chho melh zek in ka nui ve sak sak tho. Hetiang tak a mahni thil sual tih pawh pawm duh hauh lo tu mihring ngengngul te hi chuan midang an thamlo em em zel! A pindan chhung zau zet ah hi a nui ri lian thum ruih in a luah khat vek bawk.
"Acciden i tawh khan i kê rek ah chiah hliam i tuar lo tawp anih dawn hi! I lu kha khawi ah emaw i sawh tel em?" thum dut a ti hmuk a mit ti zim sun a min melh chhuk ngur tu thusawi vang chuan ka meng nghal kawk!
Thluak buai chhuah a min chhuah in tunah hian min nuihzat maw? Hmela mai mai chu le?
"Nangpa hi" ka kut lek chhuak meuh in ka ti hrak. Min tham loh hmel tak hian ban a vai thuak a, min kal pel vutin single sofa lian tham zet chu a pan a, a bawp sei thlup leh a chet phung inla vei lutuk chu a inrem hluah hluah! A pa len em vang hian mi chungah leng ah a inngai hial in ka hria!
"Kan țhian ho vangin in țhian dun khan accident chu i tawk ngei a lawm, ka hruai haw che a; ka nu leh ka nau nen in lo inhre leh zel bawk.. No, Jordan tan phei chuan ȚHIAN AIA THUK a thinlungah hmun i chang bawk, zing a inbiakna nei leh turin ka pindan lam ka pan san ta che u anih kha" ti thum dup dup hian single sofa uk khup ah chuan a țhu thla vut. Min melh ngur pah chuan hahdam hmel takin nghenchhan a ngheng nghal ur ur a. Khanglai vel te chu a sawi nawn ngailo in ka hreve reng!
"Khami hnu lama thil thleng..."
"Ka hriat ah chuan engthil mah a thleng zui tawh lo" dawhtheihna tlakchham hmel takin a lo ti chhum hmuk!
"Dawheh"
"Anih i sawi ang chu thil thlen dan lo nipawh nise ka khawih che i ti a, sex kan hmang i tihna ani em?" ti churh in mitmeng uk thim khup chuan min melh ngur! A țawngkam phawkphawhraw zet chuan min țham uaih!
Sex a? A hmel tak ngul chu rum tak a melh let rawm rawm in thawk ka la hak a! Khatiang teh phawng a thil a sawi chhuak hmuk chu mak ka ti a! Biak zui latk ani pawn ka reh hmek hmuk lo!
Inher hmak in kawngkhar lam ka pan nal nal chu a rilo in min nuih suk a!
Hepa tluk a mi suaksual leh uggh, sawi dan tur pawh ka hre hrep lo!
"I mumang lam ah min hmu zuiin mangpui i mang zui zawk anilo maw?" Kha fak chuan a rawn ti zui hrawih! What! A va inngai ropui deuh ve mawle??
Ka pen bai salh salh chu ka ding nghal chawt ! Sofa ațang a tho chhuak vut thawm leh patling zet a a rum hawk chu ner pui nakin ka inher let leh a.
Amah a indah chungnung lutuk leh zahna a tlachham lutuk bawk si chu a hmaiah tak ben harh chawrh a chakawm ut ut!
A bana sana chu bih ngurin a hun ka khawhral sak hnem tak zet tih ka hriat ngei theih nan dawhtheih loh hmel tak in aner sawk a.
"I thil tih ah ngei mawhphurhna i la ngam leh silo anih chuan nizan khan remchang zawngin min khawih.." ka ngawi leh dat a, a chhan chu "khawih lui" tih hi pawngsual sawina anih vang in min pawngsual miau lo, mahse, min fawp a.. a thil dang.. pawh..
"Remchang zawng a i chet dan engkim kha a thleng lo ni mai rawh se aw Prof Ms" ti sak in mit ka siai zeuh.
Min melh ngur a, mahni thil tih a mawhphurna la ngam lo ang a ka chuah chu a huat hmel in a lungawi lo hmel chu dur țha khup khup tak ani mai!
Deu zet a nuih sak in ka inher san hmak, a pindan chhung uap run ațang chhuah thuai thuai nghakhlel tak chuan ka bai saih saih a, mahse, chhuat a pheikhawk pen khup khup ri ka hriat rual chuan ka hnungzang ruh a țek chhawk a, nizan ang a min man leh hrawk ka hlau lutuk chu tlan puat puat chak lutuk hian ka che phelh nawk nawk! Ka hmanhmawh lutuk a lam ah ka kê rek na lam chu rap sual nawk in ka pai lawp!
"Hrep chuan!" ti ti hrawk in hnehsawh lutuk in ka kawngah a ban hrawl zet chuan a rawn man hmiah anih chu! A taksa lum huam ah min hnuh beh hrawk lai chuan ka tlu thlawrh tawh dawm emaw intih vangin ka lungphu a ri dawt dawt a! A awm ah hnehsawh tak a min kuah bet hlu hlu in Prof Msa chu na zetin a thaw chhuak ve ham ham tho. A awm lum vung vung chhung a mi chu a che dup dup a, ka chhip zawn lum hawk hawk khawp a thawk la a min kuah hlu hlu na chuan mak tak maiin min thlamuan huai huai! Chil ka lem dâk a, a rimpa hrekhrawk hiplut pah chuan thawk ka han la a. Mahse.......
Prof Msa chu vawi leh khatah a rum chhuak nghut!
"Kha ai khan i fimkhur thiam deuh lo em ni?" ti rum hawk in ka dar ah a rawn hmer tâwk, min nawr hla dawrh bawk. Mahse, ka hlauthawng hmel a hmuh tak chuan a hmel chang bul leh dur thim khup chu kiam nghal duak in ka dar a hmerna tha pawh a thlah dul thuai a!
"I țha em? Fimkhur tur che lawm, i tluk sual phah țep kha" dam deuh zawk chuan a ti ta sup. Tlu bawk khup thlawp in chhuat ah hmai ka sawh chawrh tawh dawn maw ka ti rum rum.
"Ka... ka fimkhur tawh dawn lawm" ka ti bah nak. Ka dar a vawnna chu muangchang in ka pawh phelh sak a, mahse, amah zawk in dam thlup in ka ban bulah a rawn man leh hmiah! Ka en chho haw chu inthiamlo hmel pu chungin min lo melh chhuk run a.
"Nangmah chuan i kal hleithei lo a nih kha, kan chhuak rual dawn nia" a ti sup. Ka hnial tur chu ban a vai thuak a.
"Lo awm rawh" ti sup in a inher leh vut! Second tam liam hma kha chuan indeusawh zet in kan ințawng khum a, tunah lem!!!! A rawn inher leh vut chuan laptop bag dum a khai tel a. Pindan chhung chu a en kual chhuah thuak hnu ah ka ban bulah bawk a rawn man leh hmiah. Min tawhna chu a dam ruih tawh!
Ngawi rengin ka lo nghak ve ngar tho kha mak ka inti hnuhnawh tak zet bawk!
Pindan kawngka ațang kan chhuah hma chuan phone a ri a. Phun hluk a ding tur a min hrilh sup in a kekawr ipte a dap nghal ruk ruk. A kutphah hrawl tham tak chuan tawt hmel takin phone chu a la chhuak hrawih a!
Phone screen eng pup ah chuan *Honey* tih ka hmu phe vuat.
"Umm" a ti rum nghut! Teh hmuk a ka lo ti rilru a.
Dr Rinchhani hmel ka imtthla a, ka ner zui sak, Becklubuki'n pawisa a relruk apiangin henu zekzawk nen a inthurual hian ngeiawm deuh deuh in ka ruk ang maiin min țawngkhum ţhin! Mahse, thudik an hre ve ve a! Dawt a min puh ţal chung hian an inla puitling dun ve em em zel!
"Yeap, ka rawn chhuak dawn chiah" a ti rum leh nghut.
"Rsa'n maw?" min melh chhuk ngur chungin a ti a, a mitmeng uk thim ruih melh na zet zun ah hian engtin nge Doctor Rinchhani kha a uai theih zawk tih ka ngaihtuah rauh rauh a. A nelawm loh hmek hmuk si!
"Buaina tur a awm lo, ka nau țhiannu a lo ni a" a ti let sup. Ka chungchang an sawi anih hmel!
"Ka hria, kan inhmuh hun ah" a ti vut. "Ka rawn thleng har lo vang" a sawi zawh rual in phone chu a ti tawp vut a. Ka ban bul a rawn chelh leh hma chuan a hrawkbawk langsar tak che ral in chil a lem ve khawlh.
A room ațang chuan min kai chhuak a, nizan khan ka ruih vang in ka mumang kha atak angin ka ngai anih te ka ring ta rum rum! Hetiang khawp a mipa invawng tlup leh smart thlup bawk si hian damdawi ka rui tih min sawi khum hnuah khatiang khan a che zawm lul lovang! Bialnu doctor anei leh nghal!
"Lola?" ti hulh ri vang chuan ka hawi chhuak dawrh, kailawn ah Jordan a rawn chhuak chho hlawl! Prof Msa chuan min thlah thuai a.
"I țhiannu hian damdawi in pan a duh chuan hruai la, senso chu ka nu hnen a mi lo hmang phawt mai ula" Jordan en ngur pah chuan a ti a, Jordan erawh chuan min en run, a u nen a room ațang kan chhuak hlawl kha min rawn hmu miau sia!
Chhiar zo lo lo setana pawl😈😆
Fakna ngawr ngawr ka beisei lo. Fakna hi a țhat rual in Hmangaih-zilhhauhna in mihring siam țhat țum angah zawk tih inhriat kha,🍒 Lo sawisel bawrh bawrh ula. Mahse, sawiselna dawnsawn nuam tur zawng in aw. 💜💜💜💜💜💜💜💜😈
Comments
Unknown27 December 2019 at 12:02
Sawisel na tur lai che ka hre reng reng lo,engkim hi dik thlap vek
REPLY
Sangsang~lrs27 December 2019 at 12:10
ngaihnawm em em 😍😍😍
REPLY
Unknown27 December 2019 at 12:37
soisel tur avag ani it et nu..jordan pov k chhiar chktoh
REPLY
mawimawii27 December 2019 at 12:46
sawi sel na tur che a awm lo ,i tha vel vek
REPLY
Unknown27 December 2019 at 13:37
I story dangte nen a in anglo i story dangte aiin atawithei bik e kalo ti mai2 nge mahse zanin mi hi atawibik nge 😁
REPLY
Unknown27 December 2019 at 17:07
huiham ka duh aiin a tawi
REPLY
Unknown27 December 2019 at 17:24
i story hi a tawi ngai hran lo mahse a ngaihnawm em vangin kan kham lo thei lutuk a
REPLY
Unknown27 December 2019 at 17:24
A ngaihnawm lutuk
REPLY
Unknown27 December 2019 at 17:39
Ngaihnawm viau... Lola hi ka khawngaih lawk😁
REPLY
Unknown27 December 2019 at 17:43
Sawiselna tur che hi ka hrelo reng reng.i thawnthu ziah tihloh hi chu ka chhiar ngailo.... Ngaihnawm uchuak hi ni tawp ma ni... 😃 😃 😃
REPLY
Unknown27 December 2019 at 17:54
Ngaihnawm turu
REPLY
Unknown27 December 2019 at 18:15
Thui tawk2 lo ti zel teh aw...
REPLY
Olivia Ralte27 December 2019 at 18:58
Khamawmloh thin...a thui thin viau na chu
REPLY
Unknown27 December 2019 at 19:59
Ngaihnawm tawp, ka khamlo
REPLY
Unknown27 December 2019 at 20:09
Ngaihnawm lutuk ...zing thawh ti phurawm thin khawp Mai ...ka vei leh run tawh
REPLY
Unknown27 December 2019 at 20:12
Jordan hi khaengaithlak lo deuh in omse ka ti, ka khawngaih lawk sa😭
REPLY
Unknown27 December 2019 at 21:09
i story hi chu atak ang mai hian a feel theih a... akal leh zel dan tur hi rin thiam ahar bawk sia... tum loh deuh na lama min hruai kawi daih zel te hi chhiar ti nuam tu😍💜💜
REPLY
Unknown27 December 2019 at 22:29
I story hi a van ngaihnawm thei tak i awmlo ang tih hi ka hlau eee chuan atak a ang thei tawp bawk
REPLY
Unknown27 December 2019 at 22:45
Ngaihnawm leh pek ve
REPLY
Unknown27 December 2019 at 22:58
Ngaihnawm lutuk
REPLY
Unknown28 December 2019 at 00:51
I special ve thlawt ngaihnawm lutuk😙😙
REPLY
Unknown28 December 2019 at 01:53
Ngaihnawm turuuuu buruu leh taaaa....next nghahhlelhawm thin
REPLY
Unknown28 December 2019 at 07:07
Ngaihnawm lutuk ...zing thawh ti phurawm thin khawp Mai ...ka vei leh run tawh
REPLY
Unknown28 December 2019 at 07:23
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin
REPLY
Unknown28 December 2019 at 07:23
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin
REPLY
Unknown28 December 2019 at 07:24
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin
REPLY
Unknown28 December 2019 at 07:24
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin
REPLY
Unknown28 December 2019 at 07:24
Kham omloh thin ve... ngaihom ltk
REPLY
Sangsang~lrs28 December 2019 at 07:39
Chapter 6 awm hma ka chhiar nawn leh ka kham hlawl lo a ngaihnawm em em lutuk a 😍😍😍😍😍😍😍😍😍😍😍😍😍😍😍😍😍😍😍😍😍😍😍
REPLY
Unknown28 December 2019 at 07:52
Ngaihnawm thei e...
Jordana hi ka duh
REPLY
Unknown28 December 2019 at 08:15
Ngaihnawm thin eee
REPLY
Unknown28 December 2019 at 08:38
Ka kham lo ka naute
REPLY
Unknown28 December 2019 at 10:10
ngaihnawm thlawt
REPLY
Unknown28 December 2019 at 14:36
Ngaihnawm thei tawp ka hngah hlel thei lutuk
REPLY
Unknown28 December 2019 at 22:57
Pitartei story nen chuan nun hi lo nuam ber nih hi
REPLY
Unknown30 December 2019 at 11:42
ngaihnawm thin eeee mai
REPLY
Unknown1 January 2020 at 08:48
Ngaihnawm thei tawp..
REPLY
Post a Comment
December 28, 2019
TETAKTEI
Chapter 6
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
*Jordana thlalak hi ka nei tawh lo a, hepa duh ho khan maw, a thlalak in neih zing a a lan pa na deuh ni a inhriat kha comment ah lo drop ta che u..🤭 Inphal em? *
Jordan chuan a u biakna chu chhan pawh chhang let lo chuan min pan a; Prof Ms-a chu a ding ngawi run, an pahnih inkar ah chuan inhmuh thiam lohna a thleng emaw tih tur khawp in an mitmeng chu a nem fahran lo bawk nen, an mahni en tawn zak zak pah chuan ka ding mawl tawp! Prof Msa pawh chuan a mitmeng melhna zet leh thim khup chuan a nau leh kei chu min melh deuh vung vung a, engmah sawi lova ka ban bulah Jordan-a'n a rawn vawn rual chuan a hawi sawn nghal vut bawk.
"Ka nu in eitur a siam sak che a, chhuk ila, i ei dawn nia" a aw chu a no lo hle, rang lutukin ka bu nghat a, ka sir ah chuan rawn dingin a ban pakhat a ka dar ah rawn kuah hlunin a kutphah pakhat chu ka vawn theih turin ka hma lam ah a lek chhuak bawk.
Eng nge ka hriat teh kher pawh ka hrelo!
Jordan kut ah ka kut ka nghah hma chuan tak ngul a Prof Msa ding khawng luah chuan ka melh zeuh a, mit ti zim sunin kan kut a lo melh ngur ngur tih ka hmuh chuan ka awm chhung ami chu a ri leh dawt dawt tawh, a huhang tawrhlehawm zet a min uap na vang tih chu ka puh lui a, Jordan kut ah ka kut chu ka nghat nghal zat, nghet deuh hian a lo hum bo nghal vek.
Engmah sawi tawh lovin Prof Msa chuan min kal pel thuak, matte blue kamisz a hak chuan a ti lang mipa zual in laptop bag dum a khai tel run bawk, a mal sei thlup leh hrawl tham tak chuan kailawn chu a zawh thla khup khup a, a thawm reh tual tual leh inhnuai a thlen thlak ruala Nu Hmingi'n a lo be thawm te chu ka duh vang ni hauh lovin ka ngaiven ru viau lawi!
"Ka u room ațang maw?" Jordan aw zawi sup vang chuan amah chu ka melh chho nghal hâw.
Chik ngur a min lo melh chhuk run vang chuan ro tak in tawite hian ka nui a. Chhan let tum a ka ang ziau tawh chu sawi tur pakhatmah ka nei lo tih inhrechhuak thutin ka thaw ta hliai! Eng nge ka sawi ang, nizan khan mumang nge a tak pawh tih hriat loh thil maksak deuh.. ka first kiss lost tih vel ka hmu mai pawh nilo in ka feel a, chu ka first kiss ka hlohnapa chu i u kha ani a ka hriat vang in thawh phan awm hlek lovin a room ah hau turin ka va kal! tih vel chu sawi chhuah chi ani pawn ka hrelo!
"Damdawi in a kal chu i duh em?" ti sup pah chuan kailawn lamah a thle nghal buk.
"Aih, ih.. chumi chung chang chu a nia kan sawi" ka ti ruai! Min en vut chu nuih lui var var pah hian "ih, damdawi in kal ka ngaih leh ngaihloh min zawt a, chuan ka kê hi a la na em tih te.." ka ti bah deuh nak, a u nen min hmuh dun chung chang a ka chhanna ani tih a hriatthiam beisei ru tak chuan ka melh a.
"Ka hrethiam e, kal chu i duh em?" a ti nawn sap.
"Aih" rang deuh a ka chhang lai chuan a lo vei nuih suk. "Ka tihawmzia chu Damdawi in kal chu ka duh lo, tihian ka dam leh mai dawn lawm" ka ti a. A buk tak nghat ah chuan ka hamdam nghal huai thei. Prof Msa chanchin kha a sawi chhuah tawh loh hram beisei tak chuan ka thaw ru huai huai a.
"Kha hmun ah khan engti tur a inkhalh chhuak nge in nih reng reng a?" pangngai tak chuan a ti a.
"Kimkima nen beer kan la a"
"Kha nilo, Zanrei tawh ah lehnghal Kimkima te veng i zuk thlen chhan zawk kha" ti sup in kailawn chhuk thlakna tawn tirh ah chuan min din pui dat bawk.
"Ih.. "
"I u te in ah i riak dawn tih i sawi vangin ngaihțha takin ka awm a" a ti sup. A hmel ni deuh khui chu a lungawi loh vang ani em tih ka hre thei lo!
Min kuahna chu a thlah vut a, step ah a pen thla a, a țhut hniam nghal vut tak ah chuan ka nui chhuak ve ta hak bawk.
"Ka lo paw thla ang che"
"Ka rit ngawt ang" ka ti a, awi loh hmel lutuk a ner nawk chungin min melh chho run.
"Nanghi i rit ang maw?" ti sup in te min tih hmel fe hian chimawm lutukin ka taksa chu a melh kual dun dun a.
"Ok ok" lei chhuah zeuh pah chuan a hnung ah ka lawn nghal tharh, min din chhuah pui meuh chuan kei aia a san bik zia ka hrefiah nghal kuar kuar bawk.
"Sawi rawh le" a ti sup, min dawm kang deuh nawlh a, a tukhum in ka chal a rawn nawr a. "Zan rei tawh ah leh nghal kimkima te veng i kal chhan leh.. engmah ka hriat ve loh chhan kha sawi rawh" a ti nawn sup.
A nghawng ah ka ban pahnih chu ka suih bet țai a. A hnungzang lum ham ham chhung ațang ka awm a rawn nghawr che dur dur a. Zan ah kal chhuahna tur ka neih chuan Jordan hi ka hrilhhre hmasa ber țhin reng a tin ni!
"Ka u te in ah riah chu ka tum a lawm, kan inbiak zawh hnu khan maw, bathroom hmang turin ka chhuak leh a, ka hmang zo kha an nupa in kawngkhar bulah an lo ding reng a, ka u in hna lam ațang pawisa a hawn, cheng singthum țha mah chu ka lak leh lak loh min zawt a" ka ti sep sep, engmah sawi lovin Jordan chu a rum nghut!
"Ka la miah lo, ih.. an nupa room ah Bawihpuia ka ti muhil ngei tih chu ka pha lo! mahse, pindan chhung a engthil mah ka khawih bawk silo a. Tikhan ka lak ring in min zawt ta sia" ka ti chuai raih, ngawi ngul chungin kailawn ah chuan min chhuk thlak pui pawk pawk a.
A lungphu chu a phu rang dawt dawt tih erawh ka hre thei!
"I u chuan hrechiang tur che ani a sin" ti chang fakin kailawn chhuah thlak na ah chuan a ding deuh dat bawk.
"Kan inkar a hla tawh em a lawm" ka ti zawi raih! Ka hriat țhin ka u kha chuan thil hrechiang hmasa lovin eng zawhna mah min zawt ngailo, a chhan chu midang sawi vang leh kan ngaih dan eng emaw vang a tu emaw zawhna kan zawh phawng hian a lo dawngtu tan engtiang chiah a thu thin țhawng leh dawnsawn nuam lo nge anih ang tih te hi a ngaihtuah tel hmasa vek zel! Ka nu in kan u nau min chah fo ani bawk.
Mahse, ka nu awm loh ațang kum a vei hnem tawh em a, kan khawsa dun lo bawk nen kei aia pawimawh zawk anupui leh an fapa an lo awm ve leh zel tawh a, ka mizia te pawh a theinghilh zo tawh ah ka ngai nghet hmak tawh!
"In inkar a hlat vang ngawt in rukru tur khawp in a ring chhe tur che a nilo!" a ti leh hmuk, tawite in ka nui a, ani ang a min chhan tlat tu leh min hrechiang em em tu țhian țha ka nei hi ka lawm tak zet.
Nizan thil thlen dan ațang kha chuan u Melo khan min ringhlel nghet bur tih a langchiang em em a! A zan la la khan ka chhungte lam a hrilh hre nghal mai thei! In ka haw hun ah ka pa in engmah hrechiang hauh lovin min lo dawp kual leh khur khur a nga! Nem hlihlei in Muaneki'n min lo chhan der leh bawk a nga! Becklubuki'n a țhian te zawng zawng engkim hrilh darh vek in kan inah ațhiante an rawn len chang apiang in tun a thil thleng hi a sawi chhuak sek bawk ang!
Chung ka ngaihtuahna te vang chuan ka thaw chhuak halh a!
"Ka chanchin an hriat dan a fuh lo ve bawk a.. kan inchhung ah thil thleng a awm apiang in Muaneki te nufain u Melo emaw, ka u emaw an hriattir nghal zel a..." ka darah khabe nghat in ka phun niah niah, a bekin ka biang rawn nawr tawk chungin Jordan chu a thaw chhuak hrawih bawk!
"Hemite nufa hi engtin emaw tak tih an la ngai dawn a nih hi" a ti ta hluk! A nghawng ah chuan inpawt khalh in hma lam ah ka awm chhuak haw a, rawn thle nghut pah chuan ngeiawm zet hian a khi sak bawk.
"Muaneki te nufa maw?"
"Yeap, dawtin an puh reng che a, an khamawm zo zai lutuk"
"Mahse..."
"Thil ei rawh, i rilțam tawh ang" a ti daih a, thawven hmel zet a ri hlutin a nu chu a au lung lung, choka pan in min la paw zel a, nu Hmingi pawh kawmchar aţang a rawn lut ve hlawl bawk!
"Hlimi i kê chu a la na em?" a rawn ti lut zung zung a, Jordan hnung ah ka lo bet ţai tih chu rawn hmu thuai in kan pahnih chuan min han nuih leh rih a.
Ka tal nghal aih a, Jordan pawn dim takin chhuat ah min nghat thla ve mai bawk, dinning chair pawh aman min pawh chhuah sak thlap a, nu Hmingi chuan Jordan nen kan chezia chu hmuhnawm tih hmel deuh in min lo thlir reng a, ka țhut fel rual chuan ka sam min tuai thur sak thuak pahin min kal pel thuak in ka piah chair chu a pawt chhuak ve nghal a.
"Thil ei rawh u aw, in ei kham ah Hlimi hliam tuamna khan kan thlak dawn nia" nu Hmingi chuan a ti a, amah ngei in Jordan nen kan eitur chu phur hmel zet hian a buaipui nghal zung zung a.
Eitur min chhawp lai te chuan Jordan chu anu chu a lo chhaih buai phet leh nghal, nu Hmingi'n ka hma a eitur a rawn hun apiang chu thinrim hmel deuh in a lam ah a hnuk phei hmuk hmuk zel a, nu Hmingi chuan 'i va â mai mai țhin e aw' ti pah in a pawh sawn sak nghal thuai a. "Hlimi, hei ka siam a nia, ei țeuh rawh" tih pahin ka hma ah bawk a rawn chhawp a, kan pahnih a min ei loh hmel zet in Jordan chu a lo ner ru nawk zel.
Ka rin aiin ka ei tui phian a; a chhungte rual a tukțhuan eiloin Jordan chuan min lo nghak tlat bawk nen ka tuk țhuan ei tawh ah chuan a special ber pawl ala ni hial ang. Ka che hlei thei silo a, an nula ten thleng vel an seng fel lai chuan nu Hmingi chuan apple cut sa leh grapes a rawn chhawp leh a.
Apple zai lep ka ban tharh laiin Jordan erawh chuan ei a tum lo tih hriat takin melh pawh a lo melh duh lo!
"Bawiha, ei ve rawh, thlaihring leh thei lam i ei țha duh lo lutuk a, i u i chhun lo e mai"
"A tuilo bawk em a tin ni" ti hluk in dinning table chu a thawh san vut a. Nu hmingi chuan min melh ralh in hahthlak tih hmel zet chuan a thaw ta hak.
Jordan chu kawmchar lam ah a chhuak vut a. Reilote hnu ah kawngka ah chuan a rawn dak lut leh vut bawk.
"Lola, pipu a awm a sin, i rawn chhuak duh em?"
"Thil la ei rih hi, eizawh tir phawt rawh" nu Hmingi'n min lo chhan khalh a.
"Ok Fine" ti hmuk in a kalsawn nghal hmak.
"A â mai mai țhin a sin, Hlimi i ei zawh theih chuan ei zo vek rawh aw"
"I ei ve dawn lo maw?"
"Keichuan ka ei tawh a lawm, i awm a, Bawiha khan a ei ve phah ang chu ka ti deuh kha nia, thlai leh thei a ngaina lo lutuk hi chu a ei tir luih theih thlawt lo" ti barh barh pah chuan ka bulah a rawn țhu thla a.
A hmelțhat ang bawk in a vun a thianghlim em em bawk a, a sam nung sar chu tlem in a senduk khak a, a dar thleng a zuah in hraw deuh deuh in a herh kir bawk.
"A u a chhun lo țhin a nia, au Mapuia thung chuan taksa tan a hrisel chu engpawh a ei thei vek, apple leh dhai te hi a ei pawlh a, a taksa pawh nalh lah a nalh, Jordan erawh sa lam chiah a ei duh mauh a" ka bulah a titi nasa thei reuh lutuk hi nuam ka ti tak zet zel!
"A luhlul ve em a lawm" ka ti let a.
"Dik chiah, a luhlul dan hi a țha lam ni phei se chuan" a nui tel hak hak bawk.
"E, Bawiha khan a sawi thuak a, i nu thlan chei intum em ni?" a ti leh a.
"Aw.. vawiin hi a thihcham a nia" mak tih hmel zet in min en nghal dawrh mai! Mahse, a insiam țha leh thuai a.
"Aw, anih chu puih in ngai dawn em?" A ti a, ka nu tihcham ah pawh mahni in lam ah awm lova an in ah ka awm daih chu a chhan tur awm a ngaihtuah rauh rauh ngei ang!
"Ngailo ang, tihfai a.. tlem a cheimawi deuh kha ani mai dawn a" ka ti sep, apple lep khat chu a rawn ban ve a.
"Ka pa in nupui dang a nei tawh a; ka nu thihcham chu chhungkua dang angin țhutkhawm emaw, aaa, chhungkaw chaw ei ho emaw kan nei ngailo" nui lui chungin ka ti sap.
Min khawngaih hmel deuh hian min melh veng veng a. Hmeichhe fel leh chhuan tlak tak nilem lo mahila ka nu thih cham erawh keimah ah a pawimawh in ka nun ah hian a bet tel tlat tawh a! A tan kum tin ka tih sak theih awm chhun chu a birthday ah leh a thihcham a a thlan cheimawi sak zawng ani tawh, ka dam anih phawt chuan tih sak zel ka tum bawk!
"Kimkima a lo kal" kawmchar chhuahna kawngkhar ah Jordan chu a rawn dak lut a, a beng ah phone a la ngaithla ngur.
"Ka țhianpa a nia, ka scooty a lo dah dawn niang" NuHmingi hawi buai deuh nak chu nuih pahin ka ti a.
"Aw, rawn tlan lut tawp rawh" Jordan chuan ti sup in phone chu a ti tawp zui nghal zat.
Choka ah chuan a rawn lut a.
"Kawt ah a awm tawh" min melh vut pah chuan phone chu a jogger pants ipte ah a thun lut vut bawk, ka ding tur chu min pui turin a rawn che chhuak thuai a.
"Traffic in a man lo chu a vannei hle mai" ka ti nang nang. Zan lam ah ka scooty hi khalh chhuah zeuh zeuh țum a nei a, licence a neih ve miau loh vang in khaw en lai chuan ka khalh tir ngailo.
"Mapuia te țhian ho vangin hliam i tuar bawk, i scooty chu a hmel hem viau em?" nu Hmingi'n lo ti ve thuai in an inchhung pui mup aţang chuan kan inzui chhuak a.
"Ka hrelo" ka ti sep.
"Hmelhem a awm chuan workshop ah kan luhpui dawn nia, Mapuia khan lo buaipui zui tur che u in min hrilh hrim hrim a lawm" a ti a. Ka ngaihbel mai mai nge pawh ka hrelo, anu in Prof Msa'n min buaipui zui tur a a lo chah thu a sawi lai chuan Jordan hmel chu a rum nghal sauh.
Nizan khan khem leh khuar a awm em tih vel en na hun pawh awm lovin Prof te țhian ho kha ka an khum hrep ringawt a! Ka an khum hrep hnuah Kimkima'n Prof Msa a tel ve tih a hriat rual khan a hlau nghal ringawt a, a chhan pawh kan graduate ve te anih chuan nakum lawk a kan professor hrawn tur ani tih a hre kur a, mahni professor tur te nen a inhmelhriat dan țha lo lutuk neih kha a duh dan anih loh vangin ka scooty nawr haw rawt in Prof Msa te ţhian ho kut ah min kal san daih kha a nia!
"Awi, lalmate i ke ber bur chu a va nat hmel em em ve" kawtzawl ațang Kimkima chuan a lo ti nghal chul! Nu Hmingi pawh chuan Kimkima nungchang tur awm ang chu a man thiam nghal tih hriat tak hian a nui var var a.
" na vak lo, buaina tawk miah lovin i rawn inkhalh thleng maw?"
"Dawn lawm ni, traffic pakhat in min ham din a lo tum a, ka hre lo der hmak a sin leh" nui duai pah chuan a ti a, Jordan zawk a lo phun leh hluk tawh.
Helmet chu phelh in no tak mai in seat ah an dah țha phawt a, a kutțang che kual vel hi kei ai daih in a no țhin.
"A rawn umzui em lo che maw?" Nu Hmingi chuan a lo ti a.
"Ka rawn ving phei chak lutuk a, ka mawng phe pawh a hmu hman tawp nang" kan lam pan in a rawn kal phei zaw zaw, nu Hmingi nen chuan kan lo nuihpui hak hak a.
"Awi, Lalmate, i kê chu a nat hmel rapthlak lutuk, damdawi in ah chuan in kal ta em?"
"Aih, hei, Nu Hmingi hian min tuam sak a" ka ti a, ka kê rek chu kun hniam in a thlek thawt thawt a, na tih hmel deuh in a ner nang nang reng bawk.
"I țhian nu scooty chu a hmel hem nasa em?" Nu Hmingi'n a ti a.
"Nasa lo, kan tlukna lai kha a hnim pik hlauh a.. Lalmate i vannei lutuk, i scooty ah sawn rang pawh a awm lo reng reng"
"A tihzia hlauh anih chu.." ka ti a.
"Class i kal dawn lo em ni?" Ka bul a lo ding ngawi reng tupa chuan a rawn ti ta hmuk. Kimkima chuan ei loh hmel fahran hian a han melh deuh zek phawt a.
"Class kal tur niila tunah te hian in inkawt ah min hmu dawn mi?" a ti hmak. Na zet hian Jordan chuan a melh ta khûi ringawt.
"Vawiin te chu Lola nu thihcham a nia, nileng in a bul ah ka awm dawn lawm tiraw Bawihte" kei chu min en in a kutpahah pahnih chuan ka biang a rawn khuap a.
"I nu thlan ah kan kal dawn nia, Jordan i lo kal ve duh em? Remremi leh Nuni te kha chu ka hrilh duh ta lo mai anih kha" a ti nghal pur pur a.
"Kan bulah i lo kal ve duh anih chuan i kâ kha chip reng ang che" Jordan chuan ti hmuk in inchhung lam pan in a in her nghal hmuk.
"Intithu thei ropui si" Kimkima zawkin a au zui hram a. Nu Hmingi pawh chuan kan khawm a kan nunphung tur chu a hrethiam te pawh ani mahna nui hawk hawk chung in inchhung ah lut turin min hrilh a.
Jordan te in hi a vawi khat kalna ni mahse Kimkima chu a tlangnel nghal em em mai a! Inchhung kan luh rual chuan a țe chel chul mai! Nu Hmingi lawm ah a tla a, in hre hrep tawh ang maiin inchhung chei dan an sawi dun ta bawrh bawrh a. Kimkima chuan kal kual vawt vawt pahin ram dang ațang an lakluh inchhung cheina pui tham pui pui ho chu a thiam ang uar in an fak tak tak pek a!
Nu Hmingi'n Jordan u Julie thuamhnaw min hak tir a, mamawh leina tur ka pa min pek pawisa kha ka u te in ah ka kal san daih avang in chumi lam tur chuan ka u te in lam kan pan leh phawt a.
Jordan'n car a khalh a, passenger seat ah ka țhu a, Kimkima chu seat hnung ah, fiamthu thawh pah a kan rik chul reng avang in Jordan chu nin hmel takin a thaw leh hawk zel! Kimkima lah chuan runluih nuam a ti sauh bawk nen hma lam darthlalang ațang rum tak tak in Kimkima chu a han melh khui khui țhin a.
"Next week kha ka birthday anih kha, țhian ho in min dineout pui loh chuan ka vui viau ang, e, lalJordan Partei nen khan in la inkawp a mi, tukin pawn i chanchin min la rawn zawt" a thawk a chham em em lo maw ni! A sawi tam hman lutuk chu seat nghenchhan ngheng in ka lo nuih hak a.
"Tu Partei maw?" Jordan chuan a ti chang fak.
"Humm, ka eat thlawt lo che, hrelo der vel suh.. Chaltlang a mi kha"
"Chutiang ka hrelo" ti hmuk in ka u te lane ah a tlan lut a. Ka țang ru nghal phat mai.
Nizan an boruak tawn teh nuaih vang khan ka țhiante nen a an in luh chu ka hreh ru tak zet! Kawmchhak ah Jordan chuan car engine chu a ti thi duk a. Kimkima hnen ah ka u in a thil thleng kha ka sawi miau loh vang in thaw veng tawk a khaw lum uap zia sawi duai duai chungin a chhuak nghal a.
"khatiang hmel kha pu suh, engmah tih sual i nei lo" Jordan chuan a ti nghut.
"Anite" Kimkima'n min kuah a, Jordan erawh kan hnung ah a ding thung.
Bawihpuia'n min hmuh rual chuan a rawn tlan tarh tarh a.
"Matt chu i lo va lian tawh ve" a ze ngai bawk chhuah in Kimkima chuan a lo ti leh tung tawh!
Ka kê intuam var lak chu hmu in bawihpuia chu ding dat chawt reuh a. Ka u te nupa ka hmu mai lo!
"Anite, Na na maw?"
"Umm, ka scooty in khan min delh a, khawnge Mamma leh Daddy?"
"Mamma chu room ah, daddy chu office ah kal a" a ti a, chumi rual deuh thaw chuan ka u te nupa pindan kawngkhar chu chhung lam ațang a rawn inhawng a, u Melo-i rawn chhuak chuan nem fahran lo hian kan țhian thum chu min rawn melh nghal khai bawk.
"Mamma anitei ke kha scooty in a delh a" intifel deuh in Bawihpuia chuan anu chu ka kê na lai a kawhhmuh va va mai.
"Chaw i ei tawh em?" U Melo-i'n a ti a. Ka țhiante awm vang chiah a min be țawk hi a ang ber.
"Umm, ka thil kan rawn lam kawi lawk dawn a" ka ti ve mai, Kimkima pawn boruak chu a hrethiam ve ta ani mahna ngawi rengin ka room hman țhin lam pan chuan min kuah kal a. Bawihpuia'n min zui ve dat dat bawk.
Khum a ka purse lo la awm ngat chu a la kang a.
"Matt-a nu kha a meng rum tawp"
"A nawm loh vang a niang" bawihpuia a awm ve tih mitmei zeuh pahin ka ti sap. Ka kun hniam nghal a.
"Bawihpui, api thlan kha kan zuk tifai dawn a maw, in ah thuawi deuh in lo awm rawh aw"
"Nite, ka lo kal ve thei em?" a ti a, ka nui chhuak nghal hak bawk. Ka chhungte dangin min ngainat loh tehreng nen Bawihpuia reuh hi chuan min ngai ve em em mai ni.
"Ruah a sur thut thei a, in ah lo awm mai rawh, Daddy lo haw hunah daddy te nen inkal zawk dawn nia" ka ti a. Hmui ti pawrh tarh in mit ko a ti hnim ve nui nui mai.
Ka u te in aţang kan chhuah dawn chuan ţap meuh in Bawihpuia'n min ngen tung, thlem lungawi pawh tum lovin u Melo-i'n room ah Bawihpuia ţap rawng rawng kha a pawm lut nghal daih bawk.
Jordan leh Kimkima chuan ka rilru nawm loh hlau in ruahmanna an siam zung zung a. A rei deuh hnuah phei chuan Kimkima fiamthu thawh vangin ka nui leh bawk bawk tawh.
Kan pathum chuan ka nu thlan chu ka thiam ang tawk in kan chei a, Kimkima pek chuan a duh dan a sawi par par a, a sawi loh ang deuh a kan chei hlek chuan min vin ta zek zel mai a. Jordan-a ning lutuk phei chu phun hluk in a tho vut a, ka nu thlan chhak a thlan lung ngheng chuan a han țhu tum ta bur ringawt.
Fb comment ah ka sawi lawk tho a.🙊 Nizan khan dar3 pelh ah ka mu, ka mut a chhuak bawk si, ka type lai te hian minute 5 bawt vel te ka lo muhil a, ka harh leh a, ka type chut chut a, ka hriat loh karin ka lo muhil leh zel a.🤣🤣 A ngaihnawm loh ngawt ang, Naktuk zan aţang chuan ngaihnawm deuh a ziah kan tum dawn nia. A chhungthu hi keipawn ka hrechiang biklo, ka mumang te a tel mai thei. 😆
Comments
Unknown28 December 2019 at 08:41
Ngaihbawm thin..ka kham lo...a lehpek ka hre chak takzet
REPLY
Unknown28 December 2019 at 08:41
i story dang aiin atawi
REPLY
Unknown28 December 2019 at 08:46
Haha, i story chhiar tur awm hrim2 hi a nuam.. a sei emaw a tawi emaw jan kham ngau chuang lo..Msa POV ka chhiar chak tawh ee
REPLY
Unknown28 December 2019 at 09:09
Pitartei thluak tha bik ltk hi aww😘😘
REPLY
Unknown28 December 2019 at 09:12
Ka duh ai hian alo tawi leh thin
REPLY
Unknown28 December 2019 at 09:24
ngaihnawm eee
REPLY
Unknown28 December 2019 at 09:34
Jordan mawlh hi a zun ah keichu ka uai,khawngaihthlak deuhin siam lo hram rawh
REPLY
Mimz28 December 2019 at 09:34
Msa pov ka hre chak zek zek tawh....
REPLY
Unknown28 December 2019 at 10:02
Kei chu Lola hian prof. Msa laka a feelings hi nei lo se, engah mah ngai lo se ka ti... Chuan Msa hian vei bur se, anau vang hian ti lang duhlo se... Jordan hi a thih hmel bawk sia, ka khawngaih lawk emai 🤦🏻♀
REPLY
Unknown28 December 2019 at 10:32
Chhiar tur atama a lungawithlak ka ti tho mai zanin chu😘😘
REPLY
mawimawii28 December 2019 at 11:20
ka kham lo burrrr
REPLY
Unknown28 December 2019 at 12:00
gaihnawm thin e..herro ft hmuh tel phei chu anuam
REPLY
Unknown28 December 2019 at 16:52
A ngaihnawm lutuk tlat
REPLY
Unknown28 December 2019 at 17:04
Kham awm loh theih ve aw....
REPLY
Unknown28 December 2019 at 17:47
Ngaihnawm lutuk
REPLY
Unknown28 December 2019 at 18:29
🤣 🤣 Akhaih khaih, ka duh ber bur e, Jordan khi.. 😝😝Ka kham thlawtlo
REPLY
Unknown28 December 2019 at 20:25
Ngaihnawm thei eee
REPLY
Sangsang~lrs28 December 2019 at 21:58
Jordan pov ka hre chak zek zek tawh Msa khi chu ka la khek thei hram ang Msa hian Lola khi atchilh bur mai se o😍😍😍😍😍😍😍😍😍😍😍😍
REPLY
Unknown28 December 2019 at 21:59
Jordan hi thih tir lola, ka duh emai ah
REPLY
Sangsang~lrs28 December 2019 at 22:05
Chhiar liam mai lovin story chhung ah min hruai lut delh delh zel kan feel veng veng theih tur hian engtin i tih bik pawh ka hre lo mahse i story chauh ka chhiar hi ka va in chhir lo tak em i thiam ber mai e😚😚😚
REPLY
Pc Lalzuatpuii28 December 2019 at 23:21
Ka duh deuh tlawrh che animai..angaihnawm lutuk vang nge ka chhiar tawi vekkk..ka nghakhlel leh ber tawg e
REPLY
Unknown28 December 2019 at 23:30
ngaihnawm lutuk ebs
REPLY
Unknown29 December 2019 at 06:46
Ngaihnwm tawp mahse duh aiin a tawi thin a zawm chhiar a chak awm tawh lutuk
REPLY
Unknown29 December 2019 at 09:24
Mumang pawh kan duh vek😀😀
REPLY
Unknown29 December 2019 at 22:31
Ka vawi2 leh tawh
- December 30, 2019
TETAKTEI
Chapter 7
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
"Ka ril a ţam tawh rapthlak lutuk, lalmate thil eiturin kal ang u" Kimkima chuan a ti ruai tawh! Thlan lung ngheng a Jordan țhu ngawi ngul chu a lo ner nghal suk bawk.
"Ka pum pawh a ri rawih rawih tawh" ti bawrh bawrh pahin thlan cheina kan hman bang ho chu plastic bag lian puiah a khung fel nghal zung zung bawk. A rilțam zia thu ngawt a sawi duai duai lai chuan ka nghawk deuh sawk, min en haw chungin ka sam a thlan cheina tle kai vel chu min then fai sak leh rih a.
Jordan țhut tum ka melh zeuh takah chuan a thaw hak.
"A mood uih zia hi" ti hlakin Jordan lam chu a han hawi chho va, pakhat lah chu thlan lung ngheng a țhu ngawi ngul in keimah ni chu min lo en duh țhak lo!
"Jordan, kan ril a țam tawh a nia" Kimkima chuan a ti a. Chawhnu dar2 a pel daih tawh, Jordan a rawn hawi vut chu kan lo nuih tlawn a. A meng dur țha ropui bawk si.
"Ka pumpui a ni hlei nem" a ti hmuk, hma lam en leh nghal ngurin a țhu ngawi leh hmuk bawk.
Kimkima chuan ngeiawm zet in a chhang let leh ang tih ka hlauh vangin a țawng tur chu a ban bulah ka kuah bet nghal chawt a, Min en pah chuan a thaw deuh hak a.
"Titau peih ber bur si, vawiin hian engmah pawh i tive lo, Lola nen a kan chei vek a nih hi" ti hram in kan hman sen loh ho chu a khung zung zung a. Kimkima dar ah in nam khalh chungin harsa ti deuh in ka ding chhuak a.
Dur deuh khui a hmalam en ngur-tu chuan a mit sirin ka che vel chu min melh tih ka hre tu khiau!
Tukin ațang tawh a mood a fuh hlei thei der bawk silo, hetiang a tum bur reng chuan Kimkima nen hian an inhnial reng mai ang.
Ka nu thlan lung ah in nam khalh in Jordan țhutna thlan ah chuan khawngkhawbai chung a zuan chhoh ka tum a, ka rilru a number chhiar ru ran ran a ka zuan dawn chiah chuan phun hluk chungin kan Jordan chu a ding chhuak ta vut. Ka phu nghek leh nghal.
"Khawi a kal nge i duh a?" ti hmuk in a thaw chhuak hawk.
"I bul ah khan" ka nui pah var var a, chutia ka nui te chuan a thinur a belhchhah ta mai emaw tih tur hian min han chhuk melh ngur ngur phawt a. Tuk țhuan ei kham a ta tawh a ruala kawmchar ah ka chhuah ve loh vang mai ațang khan a mood a chhe em em mai a! Kimkima'n thlan cheina ah min zui ve dawn tih a sawi leh ngat phei kha chuan insualpui tur lo awm fuh se chuan a insualpui nghal ang tih theih tur khawp in a thinchhe zual em em a. Hetiang a mood chhe deuh a a awm reng chuan zan lam ah rui chungin insualpui tur a zawng zui nghal zat dawn tih ka chian em vangin tih lungawi thuai thuai ka duh!
Mit kan khum ak pain a lamah ka ban ka phar chhuak a, ka chhak thlan a ding vung chung a min melh ngur ngur tu chu hnuai lam bih in a thaw chhuak ta hawk.
"Kimkim, khang ho kha rawn khai chho vek ang che" ti hmuk pah chuan ka nu thlan bulah a rawn țum thla zui țawk!
"A tam tham em hi, in ken sem ang....." Kimkima țawng chu chhete pawn a ngaihsak tawh lo, min din hnaih hrut a, kei a lo tawlh hnung ve hrat chu min nuih suk a.. lawks, tukin ata tawh a vawi khat nan tunah khan a nui anih chu!
"Che sawn leh vaih te, ka pen lawlh ang che" ti sup pah chuan min hnaih leh hrut a, "tihian kan thleng chho awlsam zawk ang" a sawi zo chiah, ka kang nghal nawlh anih chu! Mahse, rang lutuk in a kawngah ka kherh bet a, a nghawng ah ban pahnih ka suih beh nghal țai lai chuan vei nuih sukin mit min siai zeuh a.
"Min puak i duh zawk lo mi?" ka ti há, a hma zawng in min pawm pah chuan lu thing nghutin min kalsawn pui nghal nul nul.
"Hey,, i va phakar ve, min nghak rawh u.. Jordan.. Lola" Kimkima chuan a rawn ti chelchul mai! Jordan lah chuan hrelo ang hmak in step chho ruah chu min pan pui nul nul a. Kimkima inkhung zo bawk silo chu a rawn țe tuar taur a.
"Kimkim; lo tlan rawh, Thlanmual hi a hrang țhin a nia aw" Jordan dar ah awm liam in ka va au a! Kimkima chu a hma aia nasa in a rak ta tak tak mai a! Jordan erawh ka beng bul ah a lo nui suk.
"Nghal reuh lutuk" a ti nghut. Ka awm dan chu ka siam rem a, ka nu thlan awmnna mual ațang inkhai bawr țun chunga chak lutuk a Kimkima rawn tlan phei puat puat chu za lutuk in ka nuih hak hak a! A jacket hma a inphelh duai bawk si! Sarang var lian pui a khai chu a rawn vai phei buan buan bawk nen pumna phungin ka nui hak hak a!
Jordan pawh chuan a thlek ve vut, sarang lian tawk khai chungin a ban pahnih a phar kak a, ka hming leh Jordan hming a rawn au țe chul chung chuan a rawn tlan phei buan buan, Joran pawh chu Kimkima rawn tlan pur purna lam chu hawi meuh in a nui chhuak nghal hawk hawk a. A nghawng ah ka ban pakhat a kuah țai in Kimkima chu kut ka vai lauh lauh bawk.
"Hmelchhe dun lutuk, vawi khatmah ka zui tawh ngai dawn lo che u" a aw a thum deuh bawk sia, mahse, a pherh deuh daui tho bawk nen ka nuih a za telh telh leh nghal!
Thlan lung țhenkhat chu a rawn zuan khum deuh zak a, lei a rap chiah a pal khut khutin a rawn ri phei buan buan, ruah sur tur ang maiin khua a dur khui bawk nen a hlau tak tak anih te ka ring rum rum!
"Hey.. kan nghak dawn lo mi?" ti haw in Jordan chu a hmai bul chet ah chuan ka en nghal heu. Step chho ah chuan min pen chhoh pui nawlh nawlh a, mangang ru zetin Kimkima lam chu ka va en leh a. Ka khawngaih rualin a nuihzatthlak tel tho bawk si!
"Jordan"
"What" ti sup in min melh ngur, a ke pen erawh a tawp hauh lo!min pen pui zel.
"Kan nghak dawn lo tak tak maw"
"Yeap, a bengchheng thei e mai" a ti hmuk anih chu! Ka mitah tak min en ngur pah chuan step ah chuan min choh pui nawlh nawlh a.
"Mahse... a hlau bawk sia"
"I tih țhaih hmasak a lawm" a khabe hnuai ațang hlauthawng ru zet a ken chho chu ha chu chimawm zetin min melh a.
"I va sual tak, heta lo nghah lawk kha a harsa lo"
"In pahnih a inawm dun chhung khan chhete pawn min ngaihsak ve lo" hma lam en ngur chungin a ti ta hmuk. Phawk zet hian ka en chho heu va, a hmel chu a lo chang leh ngul tawh! Thip ram in kawng chu a melh lui ngur bawk.
"Ka..."
"Lola, Jordan hmelchhe pa min lo nghak ve ta che u mawle" Kimkima rawn au ri vang chuan rang tawkin ka inbeng kang a, Step a rawn chhuak thleng ve tawh a, a thaw hluam hluam bawk.
"Tikhuan a rawn thleng chho ve em em ang" pakhat lah chuan a ti nghut mai bawk si.
Kimkima chu thaw hluam hluam chungin kan lam a rawn hawi chho a, dang ro hmel deuh in ang hlawi hlawi bawk!
"Tah hian lo chawl ila" ka kê then lui vak in ka ti vak.
"Nope"
"I va sual tak.." ka ti hlak, "Kimkim lo kal zel rawh, hepa ber bur hian min din pui duh lo tlat a" ka zuk ti a, Kimkima chu a men pur tawh.
Thawk la vak pahin a khabe hnuai ațang chuan ka melh chho kar a, a hnar ngul sang vah hi apa ațang an chhawm ani tih ka hre tawh, Prof Msa pawh kha a hnar ngul a sang ve tho. Chutia ka en lai reng chuan rawn kun hniam khun in a chalin ka chal a rawn tauh fawk a, ka na ti chuan ner nang nangin ka chal chu ka tuai nghal that that bawk.
"Khatia min en reng lo khan kawng en țha rawh" ka ti hlak, a khi suk chu awm kang thut in a chal ah ka tauh nghal fawk a, a phun hluk mai.
"Lu chang ve bir ber nu"
"Min tauh leh vaih chuan kha aina khan ka tauh leh che a ni mai" ka ti let pang pang a, nuihzat hmelh takin a hmui hnuai a pet a.
"Jordan"
"Yeap Lola" ka hming a lam tel kher vang chuan ka nui hak bawk.
"Ka ril a țam tak tak a nia aw" ka ti sep. Jordan chuan min chhuk melh nghal vut. Ka hmel a rawn hmuh rual chuan nuihzat hmel deuh hian a kiai leh suk a. Ka eng hian nge maw anuih tiza em em mai ni!
"Eng nge i ei chak" ti sup in nuihza insum tih hriat zet hian min melh run a. Ka rilţam hmel hi a nuihzat thlak pawh ka ti ve lo.
"KFC ah kal ang, chicken bucket kan order a nga, french fries leh nuggets pawh, chicken burger ka ei chak bawk. E, chuan ice cream leh drinks pawh ka duh tel, tukin khan nangmah ai daih pawn chaw kha ka ei tam sia, ka ril a țam ngawih ngawih tho" rilţam lutuk vanga uar tawk a ka ei chak zawng ka sawi mawlh mawlh chu min melh chhuk run a.
"Chung thil zawng zawng chu i pumpui tereuhte ah hian an leng vek dawn mi?" Kiai suk in a ti sup, "i te ve ropui sia" ti pah chuan mitmeng chimawm lutuk in kan inkar chu a melh zauh a. Ka ner nghal nawng bawk.
"KFC ah kal ila, ka rilţam tawh zia chu ka hmuh tir ang che" uar zet hian ka ti vak, "ka sawi zawng zawng kha ka ei zo vek thei" ti leh hram in ka melh vak ringawt. Jordan chu a lo nui rum hawk a. Tun a ka rilțam zia ngaihtuah phei chuan keimah chiah in ar pum khat pawh ka ei zo thei hial ang chu mawle!
Step chho ulh zet min chhuah chhoh pui hlawl takah chuan rang zetin ka inbeng kang leh a, Kimkima lam ka zuk en rual chuan tîm chawi in Jordan phen ah ka awm thla nghal zal zal a.
"What?" Jordan chuan a lo ti sup. A awm zawn a nuan lo tih hmel taka ka ngawi kar chu min nuih sukin a inher zui vut.
Kimkima hmel chu a dur țha in step chu rah chim tum ang hrim hian na tawk tawk in a rawn rap chho tlut tlut a, a thil khai lai pawh na deuh deuh in a vai vir sawk sawk bawk.
"A rawn thlen chhoh ve țep tawh khu" Jordan chuan a ti awlsam then, car hunna min pan phei pui nghal daih bawk.
"A rawn vin rem rem ang chu aw" ka ti sap a. Enghelh loh hmel zet chuan a thaw hawk.
"I hah lo mi?"
"Engvang chuan?" a ti a, min chhuk melh thuak bawk. Khua a dur khui khui reng vangin boruak chu a uap deuh chur a, Jordan nghawng vel chu a thlan huh dap bawk.
"Min pawm chungin step zahnih chuang i zawh chho vek a"
"Chuan?" Vei loh hmel zet a ti sup in a vanvadak a, thawven hmel fê in thli thaw vuk vuk in a sam a chhem chet dar dar chu a kut pakhat in a hui chho nghal thuak bawk. Tlak hlau lutuk in a awm ah chuan ka bet ngal țai a, min nuih leh hawk tawh.
"A ruk chuan rit min ti ve tho ang" ka ti hlak, ka sam rawn chul thuak in ka mawngah a rawn dawm kang nghal nawlh a, amah aia sang ah ka awm rual chuan ka khek zui túng bawk.
"Nang tereuh hi rit ka ti ang che maw?" ti pah chuan a hma aia sang in min dawm a, chak intih hmel tak hian a hawi kual vel a!!?
"Zep lo mai teh! Kha i thlan vek a lawm" chimawm zetin mit ko ka ti kang ak ak a, ka melh chhuk ngar ngar bawk. Mak tih hmel tawkin a awm chu a bik vel a, keiin ka lo ei leh tawh pek silo a chhip sam buk bik laiah chuan ka țham sak ta nghek!
A nui rum deuh hawk a, ka khawih ve na hi nâ tiawm in a lang duh ngailo reng reng.
Car hma ah min nghah thlak dawn chuan inla patling zetin a rum chhuak hawk a, car hma lam ah ka țhu fel der. Ka țhutna bul a rawn innam khalh nghal rûn pah chuan hnai deuh ah min melh nghal siah bawk!
"Eng nge?" Ka ti a, ka hmui zawn melh ngur chungin a hmui chu a liak huh zauh.
"Kal lam ang a inpahnih chiah a in inbiak leh char char chuan kawng lak ah ka chhuk tir nghal ang" a ti hmuk. Ka hmui hnuai ti pawrh vak a ka melh vak na chu 'ka ti tak tak hreh hauh lova nia' ti ang hrim in min melh let run run a. A tawp ah chuan ka tlawm tih nan ban ka phar ta vak! Mahse...
"Kan biak ve reng che kha" ka sawi tur hrelo lutuk bawk si chuan ka ti ta vak.
Min melh khui chungin eng emaw sawi a tum lai tak chuan Kimkima rawn chhuak chho hlawl chuan Jordan chu a rawn au țuar a!
"Hmelchhe pa, over zek zuk lutuk, nge min kal san daih a" rawn ti phei hlawih hlawih chungin Jordan ding mar vut chu a thil kaiin a rawn hlap nghal pawp pawp a!
Nui deuh suk suk chungin Jordan chu a lo in dang ringawt. Kei erawh tun lawka a awm dan vang khan ka la hamhaih deuh heu! Kimkima leh zel pawh a.. ka tihawmzia chu, Kimkima nen amah ngaihsak lo deuh a kan inbiak mai mai pawn a thinrim țui zel tawh dawn tihna em ni?
Tunlai a mizia hi ka hrethiam lo tak zet!
Ka hma a Jordan chu ka en ngawt ngawt a, Kimkima'n a hlap na chu a lo indang pahin a nui suk suk reng, thinchhia in luhlul viau țhin mahse ka lakah a sual chhin ngai miah lo, Remremi thu sawi kha a dik tihna ani mai a ngem....
.
"Hmun hnawk zawng zawng ka rut fai vek a, chupawh min ngah nachang hrelo in min haw san in tum vel maw?" kimkima tilpawraw pherh deuh duai ri vang chuan ka inthing harh deuh nawk a!
.
"Kimkim, lo nghak ang ka ti char char amaw, mahse, amah khan min kalpui lui zel a nih kha, pet hrep rawh" ka ti a, Jordan chuan min melh deuh hrawk pah in 'he tah hian i țhianpa hi ka hnutchhiah mai a nge aw' a rawn ti nghut. Kimkima huat tawk a lo tling leh tawh bawk si, no deuh deuh a kê khai kangin Jordan ngal ah te chuan a pet țawlh țawlh a.
"Lut tawh rawh, KFC ka treat ang che" nui ruh ruh pahin kimkima thinrim lutuk darah chuan a vawn sak nghal vut.
"Ei pawh ka ei peih lo, hei pawh hi nang man keng rawh" nem deuh, vin hlur si a ti tuar in a thil khai chu Jordan awmah a nam bet chawrh. Pakhat pawh chuan atthlak tih hmel zet a khi suk in a lo la ve mai bawk.
"Humm" ti hman in Jordan chu a inherh tauh san nghawng nghawng a. Ka lo nui țîah țíah pawh chu min kal pel nghawng ngawng in car hnung lam kawngkhar chu a pawt hawng nghal pawp!
"In pahnih hian ka zui tawh ngai dawn lo che u" a ti hlawih hlawih a, a țhut luh zawng te chuan car chu a nghing lawih lawih mai!
"A kutthlak a na reuh zek leh nghal" Kimkima sarang pek suih phui pah chuan a nui vur vur.
Min kal pel in car hnung lam ah kan hmanraw hman bang chu a va dah lut leh phawt, a lo let leh lam chuan kan piah mual dur khui khui chu a thlek deuh vung vung a.
"A sur dawn chuan sur thuai thuai mai tur ania, khaw lum a ti zual vek" ti hluk in kei chu min chawi kang nghal nawlh, dimte in lei ah min nghat thla a.
"Damdawi in kal chu i duh lo tak tak maw?"
"Duh lo, tihian a dam vat dawn lawm"
"Tun ah hian kan kual nghal thei tho a nia" ti sup in car kawngkhar chu a kut pakhat in a pawt hawng zui pawp.
"Ka duh chuang lo"
"I thuber e, tereuhte" ka melh rawm chu chimawm zetin mit min lo siai suk a. Kimkima ang maiin ka țhu lut tau nghawng nghawng.
Kawngtluan in Kimkima chu a titau bur bur a, a hawi tau nghawng ngawng zel bawk nen Jordan lah chuan chimawm a chhuah tlat pek a! Kal lam a kei nen a ri teng tung kha haw lam chuan Jordan a vin haw kawngtluan ta țhak!
Madina te'n Jordan chu an lo call a, kan pathum a kan awm tlan thu a hrilh hnu chuan kan țhian dangte ngaih pawh a țha ta chiah ani mahna, an mahni zawk in phone chu an ti tawp hmasa a.
"Hmuifang kal an rawt ni kha vawiin hi a lo ni reng a" car hma ah a phone theh kai pah chuan a ti sup.
"Ni dawn tak, an kal dawn tho em?"
"Kal ang.. " a ti sup a, a phone rawn ri leh chiah chu phun hluk in a ban nghal vut. Screen ah chuan number hlang tawp ka hmu a, a hmeichhe kawp zing a tuemaw ber anih ka ring! An number a save ngailo!
Ngawi rengin a hmet tawp hmak a, dah let tum a ban a lek vut tawh chuan la let leh rih in phone chu a switch off zui hmiah anih chu!
KFC lam ah kan tlan tlang a, dawr kan hnaih takah chuan Kimkima pawn uar fahran in a rilțam thu a sawi leh bawrh bawrh thei tawh!
"A lum e mai! Ka jacket hi ka phelh daih dawn" Kimkima chuan a ti a. Car pawn ah ding in no fahran hian a jacket chu a hlip a. Ka lo nui ru sak thung.
"I theinghilh a nge aw"
"Hmelchhepa, ka theinghilh ani pawm Lola hian naktuk ah min lo ken sak mai dawn lawm" a ti hmak.
Jordan dang chiang lutuk chu a ri a nuih chhuah hlauin ka nuih ker ker! Rum nghut chungin driver side a nam hawng ve ta nghut.
Car chu rawn kal hual in ka țhutna kawngkhar hawn tum a Kimkima ban lek chhuak chiah chu naupang chhia zetin Jordan chuan a nam sawn hmak anih chu! Lalkimkima run tawk a lo tling em em bawk nen hmui ti sawi hmawn hmawn in a melh rawm rawm a.
"Ka pawm leh dawn che mi niang?" rawn kun hniam khun chungin a ti a.
"Aih.." ka ti chul! A chi lo lutuk, mi zawng zawngin mak tiin min en huang huang mai dawn sin!
Dawr chhung ah kan inzui lut a, Jordan chuan Kimkima nen țhutna lam ah tlang nghal turin min hrilh vut, Kimkima chuan min kuah kal in eitur rim chuan a rilțam a tizual vek tih te chu a sawi tak ang lawng lawng a, dawr a awm ho chu an lo nui tet tet hlawm a. Kimkima zawk a zah hmel vak loh vang chuan ka țawng khum ta er hlawm lo!
"Lalmate Remremi sawi kha a dik tak tak ang" ka beng bulah a rawn phun sar sar.
"Eng chu?" ka ti hû. Chet tlat in ka ban bulah min beng tawih a.
"Jordan hian a duh che" a ti a, na deuh in ka melh nghal rawm ringawt!
Ka ban bulah rawn kuah pah chuan order siam a Jordan dinna lam chu a melh zeuh a. "En ve mahrawh, reilote kar pawn nangmah en zui lo in a awm thei thlawt lo, a ngaihsak dan em em che lah hi.." ti pah chuan min han nek tal tal a. Order siamna lam ka ve melh ve rual chuan Jordan chuan min lo nuih suk a. Tawite in ka nuih let ve ringawt bawk.
"I hrethiam em? A hmeichhe kawp te pawh nangmah ang hian tumah a ngaihsak ngailo.. nang hi chu.. aaaa, i sawi ang ang hian a awm tawp a, a hauh na bawk si che.."
"A țhian ka ni miau a lawm" ka ti vat. Â min tih hmel fahran chuan min ner khum nak!
"I hahthlak e mai! A reng reng thu ah college student i nih ve tawh hi ngaihzawng lam hi ngaihven tawh rawh" min ti ta hrep a. Tawlh sawn hmak in phone a khawih ta daih.
Ngaihzawng neih mai pawh nilo pasal neih ka tum lo tih te hi sawi chhuah chiam ka tum lem lo! Hmel duh zawng neih pawh ka duh bawk hek lo! Ka nu ang a phatsan nih ve kha ka hlau!
Reilote hnu ah tray lianpui chawiin Jordan chu a lo let a, KFC dawr chhung a tleirawl chawl ve ho chuan an en duh tak zet, chicken bucket a lo la tel tak tak bawk, hnathawk pakhat chuan drinks chawi in a rawn zui bawk.
"In lawm tawh em?" Kimkima melh kher pah chuan a rawn ti hlut! Nichin lawk a a hmel dur khai khai te kha chu hmuh tur pakhatmah a awm tawh lo. Jordan fel a tih zia thu sawi chul in eitur chu kan dawhkan ah a siam rem nghal zung zung a.
"I kham loh chuan min hrilh la; ka lam belh leh nghal ang" ka bengbul ah rawn awm hnai in a rawn phun sup, ka melh let hrak a, chimawm zetin a nui tak ang suk leh nghal.
Burger chu ka keih hawng hawng a, kan ei zawh hian haw a duh nghal thu Kimkima'n a sawi lai chuan Jordan chu thawveng huai ang maiin a nui hawk anih chu! Ka va nghawk sawk a, a burger kheh mual mual chungin a la kiai suk suk tho.
"Lalmate i haw daih in, kan in ah lo leng kawi la"
"Awi, ka peih tawh teuh lo, lalJordan hian min nin hmel tawh e mai" ti duai in Burger chu a keih hawng hawng a. Thinrim a sawi a nih loh vangin ka nui ta ringawt.
Kan pathum chuan ei mawlh mawlh in ka țawng bawrh bawrh a, Kimkima nen kan țawng ani mah zawk! A bulah hi chuan tupawh awmse a țawngpui bawrh bawrh thei ang tih theih khawp in sawi tur a hria a, nuihna tur a hre thei in abul ah hi chuan tum loh pui pui in ka nui leh chiam țhin!
Thawk leh khata dawr chhung a mite reh deuh nghal duk vang chuan ka thil ei lai chawl meuh in ka hawi kual a, kawngkhar lam hawi in tleirawl țhenkhat an inhrilhruk sar sar avang chuan kawngkhar lam chu ka hawi ve thuai bawk.
"An inhmeh e, an innei har tawh ka ti" kan piah lawk a tleirawl țhu thusawi ka hriat rual chiah chuan prof Msa hmel tak run leh a bulah a ban bul kuah chial a Doctor Rinchhani nui var var chu ka va hmu thut a!
Engtin maw hian ka taksa pumpui chu a rawn sa chhuak bulh in ka hria! Ka thin a phu ri nghal dawt dawt a!
Țhutna tur hmun ruak en kual ni awm takin Prof Msa chu ngawi run in a hawi kual thuak, Doctor Rinchhani erawh chuan 'ka ta anih hi' ti ang hrimin a awm ngheng chial chungin a ban bulah a man tlat a! Ka lungphu ri dawt dawt chu tihreh tum in vur telna coke chu ka in khalh a. Mahse, ka thinphu chu a rang tulh tulh!
Kimkima pawh prof Msa a hmuh chuan a meng zau deuh kawk a. Hlauhthawn hmel deuh in ka lam a rawn hawi nghal hau bawk.
"Nizan khan i vin nasa si" a ti a, Jordan chuan kei leh Kimkima chu min en dun thuak in kan enna lam chu a en ve nghal vut a u te chu a hmu anih ka ring, engahmah ngaih loh hmel zet in eitur chu a ei zawm leh mai!
Ka hawi sawn hma a ka va melh leh hram chu kan țhutna lam a lo hawi lai tak ani bawk nen professor Msa nen kan mit chu intawng nghal siah! A mitmeng rum ul leh thim ruih bawk si vang chuan ka lo tîm leh chawi tawh!
A mitmeng muk ruih chuan khaw dang hawi hlek lova min en run chungin a kekawr ipte ah a kutphah hrawl zet pakhat chu zen lut ruai ruai a.
A huhangna leh uap chur ka feel rual a ka awm țhin dan chiah in ka thawk te chu a rawn rang vek, min hmuh chian tum ang hrim a mit ko ti hnim khui a min melh ngur lai chuan rang lutuk in ka hawi sawn a, ka thil ei tur chiah ngaihtuah ang in eitur chu ka ei zawm mawlh mawlh. Mahse, ka biang te chu amah in a rawn sa hat hat a, ka hrawk a thisenzam te hi a phu zawih zawih!
"Nizan khan i u te țhian ho nen sawn kan intawk thut a, Lola ke hi a nat phah a lawm" Kimkima chuan Jordan beng bulah a ti sa sa.
Chicken bucket melh lui tlat in burger chu ka keih tawn tawn a, kan țhutna lam an rawn pan tih chu dawhkan zawn phei a a pheikhawk dum tle hlup rawn pen phei khup khup aţang chuan ka hrethei! Ka rilru chu a phili buai nghal vek tawh; thawh thut a, dawr chhung ațang kal chhuah nal nal ka chak tut tut a, chutih rual chuan ka tan a engmah nilo mihring vang a chutia tlan chhiat hial te ka ngaihtuah ruai mai chu mak ka inti tak zet bawk.
"Nangni maw?" a aw thum rilruih vang chuan ka thil ei lai ka hak țhawt teuh kher mai! Kimkima chu a ngawi kar a, harsa ti zet in burger chu ka lem a, Jordan chu muang ruih a hawi chhuak in a hnung a a u te pahnih lo ding chu a khik khum sak mai.
"Wow! Hello sister in law" a ti hlut, Professor Msa hmel a thim khup laiin Doctor Rinchhani erawh nuam tih hmel deuh in a nui a!
"Jordan kan inhmu khat hle mai"
"Rawn leng duh hek lo che"
"Ka buai ve thei lutuk a, i nu pawh ka ngai tawh lutuk" a ti a, Kimkima nen chuan thinphu dup dup chungin kan ngawi kar, kan thin phut chhan erawh a hrang viau ang! Ka bul lawk a mipa ding khawng luah chuan min chhuk melh run tih pawh ka hria a. Mahse, ka melh nawn ngam tawh lo! Eng vang a hmel hmuh nawn chu ngam tawh lo ve ringawt nge ka nih lah ka hre der bawk silo!
Hui ha! A taksa hrawl zet ațang lumna rawn chhuak ham ham te chuan eng emaw meipui alh hluah hluah ang chiah hian min hliau pup pup ani ber!
"Dawmdawi in ah chuan in kal em?" a ti thum ruih. Ka thil in lai chu ka hak ta țhawt a, Jordan chuan rang lutuk in tissue min pe a, ka hnung rawn beng dat dat pah chuan a u zawhna chu a chhang bul vut.
"Kal lo"
"Ih.. nanghi" rawn kun hniam deuh in doctor Rinchhani chuan min rawn en chiang a, keimah ka ni tih a hriat chuan ngeiawm lutuk a nui hak hian a ding mar leh a.
"Tunah khan henu hi i bia maw?" atthlak tih hmel zetin Professor Msa chu a melh chho dawrh. Jordan'n dawhkan ah tissue a paih nghal pawp! Min deusawhna aw ri kha a hriat hmaih bik lo ani mahna!
Nichin lawk a Doctor Rinchhani a ngainatna hmel kha chu hmuh tur a awm tawh lo reng reng!
"Ka u in Lola a bia chu eng nge a pawi na?" chang fak a tiin a ding chhuak ta mai! A kutphah sir lam ah chuan ka tawk de de a, nghet zet in ka kut chu a lo hum nghal hmiah bawk!
"Jordan ih, thil hriatthiam loh i nei ani lo maw?" Doctor Rinchhani chuan a ti phawk hra! Professor Msa erawh a ngawi run.
"Khatiangin ka țhiannu chungchang sawi tawh suh ang che" ha sehchilh runin a ti leh fak.
Hamhaih zet a Dr Rinchhani hawi buai nak chuan Prof Msa chu a melh zak zak a.
"Jordan, midang hian min en țhup ania, kal teh ang u" Kimkima chu rilru fim ber ah țangin inthiarfihlim a rawt nghal zung zung. Ka kut a hum beh tlat chu keipawn ka pawt zeuh a, thaw chhuak hawk in Jordan pawh a rawn țhu thla nghal dawt.
Professor Msa awm ah bei titih pah in Doctor Rinchhani chuan kei leh Jordan chu min melh tawn zak zak a, a lo hmuhsit țhin ve tak vang a a bialpa nau in a khak let ta mai kha a ngaithiam hlawl lo tih a hmel țha takah chuan a lang reng!
Jordan chuan min pawm tho nawlh a; vawi khat pawh a u te chu melh tawh map lovin min pelh pui a, Professor Msa chu ka mit sir in ka melh hram, a bialnu kawng ah nghet takin a kuah run a, a mitmeng thim khup zim deuh sun chuan min lo en zui reng bawk! Rang deuh in Jordan awm ah ka bei nghal daih a. Hepa ka hmuh chang a ka talbuai nghal vek zel hi tih reh dan ka hriat thuai a fuh ber ang!
▪
"I hriat zawng a mi?" a ti chhum hmuk, Kimkima kan drop tawh a, kan tlan let leh chu hmun reh thengthaw nuam zet ah car a ti ding a.
"Tu chu?" Ner sawk in na zet in min melh nghal nghek.
"Ih.. becki cousin a lawm" ka ti a. Thil tenawm zet sawi ri ngaithla ang maiin a ner nghal suk bawk.
"Tinge khati khan i rik thut a, in inngainat hmel si.." steering hum run in min en vut, "I u bialnu ani leh nghal" ka ti tel hram.
"I nu hrawn nen inzawmna an nei tih ka hre ve hleinem" a ti nghut. Ka nui chhuak hak a.
"I va â mai mai tak, ka nu hrawn nen inzawmna an neih vang ngawt in hua ang maw?"
"I chungchang a sawi dan kha ka duh lo, hmuhsit tak a țawngkhum tur che in eng ani bik lo tih a hrelo anih chuan ka hriat nawn tir hreh hauh lo" ti bul hmuk in driver kawngkhar a nam hawng pawp a. A kal chhuak vut chu ka seat belt hren phelh rak rakin ka en zui reng a. Mahse, ka țhutna kawngkhar min hawn sak tum miah lovin car hma ah thatchhe zetin a va țhu daih anih chu!
"Hmela mai mai chu" ka ti nui nui; a sam tuai chho thuak in a thaw chhuak ham ham a. Min chhan tih chu ka hria a. Mahse, min chhan vang ngawtin a u bialnu nen leh zel an inkar a chhiat ka duh hauh lo.
Thli thaw vuk vuk chuan a tshirt leh a sam hnim lai a chhem che hlawp hlawp a, a hmel tlang hriam hraih chu a tak ngul baw, kan piah mual dur khui chu a melh vung vung a; steering chu han ban da da in thawk lehkhat ah horn ka hmet thut a! Jordan chu a phut nghek ka rin teh teng nen nui suk chungin a rawn hawi let vut.
"Ka lo chhuak ve duh" ka ti ta vak a. Horn ka hmet thut tur kha a lo hrethei a ni ngei ngei ang.
"I lo chhuak ve duh maw?" car hma ah ding run in a ban pahnih chu a phar kang vut. Ka lo ner nang nang a.
"Ruah a sur dawn sin"
"Nangpawh pawn ah i awm ve reng kha.."
"Okkk" ti hluai in ka țhutna lam chu a rawn pan a; kawngkhar ah chuan rawn kun hniam vutin min pawm chuak a, car hma ah min nghat kang nawlh a.
"Saw lai paw chuk saw i hmu em" a kawhna lam chu ka en vang vang a, thli thaw nasa lutuk chuan ka sam a chhem leng dar dar reng.
"Eng nge a?"
"Ruah a nih saw" a ti ta mai!
"Maw?.. tisawn tisawn a rawn hnai tulh tulh a nga, kan awmna ah pawh hian a lo sur ve dawn mi?" Ka ti bah nawk nawk, ral lehlam ațang chuan thil var paw luk luk chu a rawn thlawk phei ka ti mai! A rawn hnai tulh tulh a, reilote hnu ah ruah mal lian pui pui a rawh ta zui fuap fuap a.
"Lut ang"
"Aih, ruah sur hi do ang" ka lo ti țûi, Atthlak tih hmel lutuk in Jordan chu a nui chhuak nghal hawk bawk!
Jordan pov
"Aih, ruah sur hi do ang" luhlul zet a ti ve țai tu chu atthlak ti lutuk in ka nuih hawk, a thil duh tawh lah hi a taksa tetakte nen a țang kawp vekin a sawi ve pang pang zel reuh bawk si.
"I dam lo dawn sin" ti chhuak sup in ka hlan kanna car hma ah chuan ka ban pahnih in ka nam khalh nghal run.
"Ruah sur vawi khat do vang ringawt in a dam loh theih bawk loh" a ti ve pang pang a.
Ruah chu a rawn tla tam tulh tulh a. Lola sam buang theng leh sei hnap chu kar loh ah a nan huh vek, ka chhip sam buk lai pawh ruah nan na vangin ka chal lamah an rawn tlu a, ka sam ațang tui rawn far thla fap fap chu Lola chuan a kutphah tetak te in a lo dawh nghal tharh!
"Ruahtui hi lem miah suh, anih loh chuan i pum a na dawn nia" ka sam ațang ruah far dawh țai pah chuan thil intihrethei zet in ti lang lang, naupan laia puitling te'n min sawi țhaih dan ber kher a rawn sawi chhuak reuh chu ka nuihpui leh hawk tawh!
A ruah dawh khawl chuan ka hmai a rawn theh zeuh a, ka melb nghal khûi chu min nuih hak hak bawk nen thawk la suai suai chungin a nui hmel duhawm lutuk chu mit lak sawnna chang hrelo lek in ka melh ta vung vung.
He hmeichhe tereuhte hian a zun ah ka uai tih a hrethiam pha hauh lo! Engtik ațang a ințan nge tih lah ka hre bik der lo! Hmeichhe mi tak leh kawp lawr tak ka ni, chu chu ka pha hauh lo bawk. Mahse, engtik aţang khan nge he ka țhiannu lakah hian ka lo luanliam a, a zun ah ka lo uai tak bur hriat theih hauh silovin party-na ah emaw țhian ho inthihhlimna kan neih pawn hmeichhe dang in min hip nghet thei der tawh lo!
Hmeichhe chhelo leh pian nalh tak tak ten min tihlawm tum a, ka hma ah ngei thuamhnaw inbel miah lova min lem kual vel pawn an mahni ah Lola ka zawng zel a, a tir chuan atthlak ka tih tluk zetin keimah leh keimah ka inhaw em em bawk!
A best friend hial a min ngaitu hmeichhe lakah nulat tlangval rilru ka pu ta tlat khan min tibuai em em reng a, chuvang tak chuan hmeichhe chi hran hran kawp kual lui in Lola laka ka rilru put dan zawng zawng tih bo vek ka tum a!
Amah ngei pawh hian kawp lawr hrat leh hmeichhe chhelo deuh hlah ngailo khawp hial in min ngai ang! A hriat ve hauh loh erawh nikum ațang khan ka hmeichhe kawp te hi ahmuh lai a ka kuah a, ka fawh bak fianrial ah ka khawih zui tawh ngailo!
"Jordan, Mizoram ah hian vur sur ve țhin se tiraw?" a kut phah tetakte pahnih in ruah a dawh pahin min melh kiau!
A ngaihtuahna naupang chhia zet vang chuan ka khi suk a, a hun tawn hreawm zet theinghilh a a rak vek tung chang hian a rukin ka lo zang ve huai huai țhin.
"Vur tla se vawt i ti viau ang" ka ti sup, hmui ti pawrh tar in min melh ve khai a, tetakte si hian min hi a melh dur ve khai khai ziah! Ruah nan huh a sam chu ka hui kian sak deuh bawk.
"Rial tal tle se" a ti leh sep.
"I lu ah a tlak fawk che nga.." ka ti hluk, a nui ta hak hak a; a te nangin ama tawk ah a khal ve tal reuh va, te viau siin a kim ve biai tiila a lan dan chu ka sawi fiah ber ang. Hmeichhe chhelo leh hleitling tak tak te aia ka rilru luah khat tlat tu, Jordan Zohmangaiha thinlung neih sak tu anih it et reuh hi!
Ka ngaihtuahna vang chuan lu thing nghut nghut in ka nui suk. Ka thinlung hahdamna ber lah hian engmah a hrethiam der silo!
"Lola, ruah sur do hi a atthlak tak zet" ti sup in a kê rek in tuam var lak chu ka hum bet a, ani tereuh lah chuan a vei hmel loh em em leh nghal.
"Kan huh vek tawh tho hi" ban pahnih phar kakin a vanvadak a, ruah in a hmai a far vang chuan thawk lak harsa ti deuh hlek in a khat tawk in a hmai chu a tui ve leh pak țhin. Car hma ah innam khalh run chuan a chetzia engkim chu chik takin ka en ngur, chil lem khalh chungin muangchang in a rawn meng a, ka lo melh run tih a hmuh chuan ka hmai zawn ah kutțang a rawn hmet ri khep.
"Hello" mit ti kang ak ak in min thlek hah hah a, a chet dan hi a naupangchhia in a duhawm viau zel!
"Ok, kan hun vek tawh" ka ti ve nghut. "Haw chu i la duh lo maw?" ti hlut in a hmai bul chet ah ațang ka melh ngur. Helai a ruah sur do pui reng hi hlawkna a awm miau lo!
"Yeap.. haw pawh niila.." sawi zawm lovin an inchhung boruak ngaihtuah let niawm tak chuan a thaw chhuak ta hak.
Ka che chhuak nghal vut. Reilote chhung pawh an inchhung hreawm zet vang a a hlimna a chhiat ka rem ti hauh lo!
"Jordan" a ti tung, ka nui chhuak nghal hawk hawk, ka tshirt pawt kauin Lola chu ka thun daih, tal nak nak chungin tshirt nghawng chu a rawn hawi hawng a, ka hrawk zawn ah a rawn dak chhuak heu bawk.
"I va sual tak"
"Ngawi hle hle rawh, tihian ka tshirt chhung ah ka thukru daih che tihna nih hi" ti hluk in ka pawm kang zui nawlh. Ka zak hnuai ah a ban pahnih chuan min kuah bet țai a, ka kawngah a kherh beh theih nan a ke ka siam rem sak a. A tê ka tih tawh kha! Ka tishirt chhung ah hian kan pahnih in kan leng tih erawh tun hi ka vawi khat hriat na!
"Eng nge kan tih leh dawn, ka la haw duh lo tak tak a nia Jordan, haw i tih leh chuan Kimkima te in ah keimah in ke in kal tho tho ang" haw a hreh țhin țîței lutuk hi lawm min ti hreawm ber zel tu.
"Kan haw dawn lo" ka ti sup.
[attachment=0]20191231_011131(3).jpg[/attachment]
Ka tshirt nghawng chu na deuh hlek in ka pawt a, a var ta deuh, Lola rawn hawi chhuak nghal heu chuan fiah kiau in min melh nghal ngar. Mahni in ngei a haw hreh ngawih ngawih mihring hi an tam hauh lovang, Lola erawh hmeichhe chak lo zawk ni chung siin in a haw a huphurh ngawih ngawih țhin.
"Ka hruai haw dawn rih lo che, mahse, car chhung ah țhu lut ang" ka ti sup, a bu ve ta nghat a.
Ka awm ah bei kak chungin a khat tawkin fiamthu a thawh a, ka kawr chhung ațang chhuah a tum lahin ka phal bik der silo, a kut lawng a ka taksa a khawihna chu min ti danglam nameuh mai! Mahse, ka taksa ațang a tal hran erawh ka rem ti lo bur.
Music ring vak lova ka play hnu chuan Lola titi mial mial pawh a zawiawi tial tial a, a chhip ah ka hmui a ka nawr sak lai chuan ka awm zawn ah a lo nui lum hak a, a hmui ah fawh a, ka mamawh zia lantir chak viau țhin mahila ka thinlung neitu hi hmeichhe dang ang ani ve hauh bawk silo!
A tan chuan; mipa leh hmeichhia induna te hi movie leh lehkhabu a thleng tur bak an ni ve lo, a nu leh pa inkar a thil thleng vangin tumipa mah hnaih ngailo turin thuthlukna a siam bur a! Apa ang a bumtu tawn a hlau ber! Anu ang a hmangaihna vang a nat a, a nun in a chhiatpui vek a hlauh miau avang in hmeichhia anihna angin tu mipa mah a hnaih ngailo!
Ka thinlung nei tlat tu ka hnaih theih dan kawng awm chhun chu a țhian nihna dinhmun chelh ani mai! Chu dinhmun chu ka theih tawp in humhim ka tum a, ka bei bawk!
"Jordan?"
"Sawi rawh Lola" ti sup pahin ka kuah nghet zual sauh.
"I awm lo ang tih ka hlau... ka țhian ni reng rawh aw Jordan! nangmah chiah hi tunah chuan ka nei tawh che, engtikah emaw.. ih, i thil hlu deuh a bo palh pawn nang chuan ka ruk ang ah i ngai ve ngawt ngailo ang tiraw? Nang pawn rukruk chingah min ngaih ve zel chuan tuman min kawm duh tawh miah lo ang, in ah ka haw duh loh chang pawn nang chuan hun min hmanpui zel a, ka tan i hlu lutuk, fiahna i nei a, ka dik lo ngei ani tih i mit a min hmuh ve hma chuan min ringhlel ve ngai suh aw" a kutphah nem thep ka awm ah nghat pah chuan a ti sep sep a. A aw zawi tak leh thuk raih a natna inphum ru chuan amah tina tute rulhlet chakna in min tur tut tut!
"Nizan kha maw.." a ti leh sep, a thusawi ka ngaithla tih entir nan a chhip ah bawk ka hmuin ka nawr leh tawk. Thawk ipik hmel tak in a thaw lum hak a!
"Intihhlum ka tum a sin"
"Lola" ka ti chhuak hrawk! Ka tshirt pawh kau ka tum rual chuan "aih" ti tungin a lo pawt bet ve ţang ţang a, ka awm ah tui lum pap a rawn far leh phei chuan seat nghenchhan ngheng chawrh in ka rum chhuak nghal hawk.
"Ka ţap a.. mahse, min hmuh ka duh lo" nui lui hak chungin a rawn ti leh a. A taksa chu ka kuah bet ta ngawt ngawt ringawt! Kan inhriat tirh tê ațang anu boral țum a a țap bak kha a ţap lai ka la hmu lo! Pawn lam ațang pawn hmeichhe nem tak leh tihnat awlsam tak anih zia a hai theih lo! Chutichung chuan nâtna hrelo ang maiin a nung mawl tawp a, hmeichhe in la no chawp te ai thlawt chuan a awm mawl tawp pawh hi a no in dindawi a chakawm zawk! An inchhungkhur boruak hreawm tak chanchin min hrilh chang pawn a țah mai ka ring fo țhin a, mahse, a mittui far khat pawh far hlek lovin a huntawn hreawm tak te chu min hrilh țhin!
"Kimkima kha kham sang deuh awmna ah ka inhruai tir a nga, ka hrai ruih hun ah kham ah chuan ka zuang thla daih ang ka ti a! Ka ngaihtuahna chu a atthlak tiraw?"
"Lalhlimpui, vawi khatte mah i nuna lak tumin rilru hmang tawh lovang che" seh chilh run in ka ti hrawih! Zalote hian a lo nui hak a.
"Anu ka ngai lutuk a, a bulah kal ve daih ka chak tawh; a awm loh chuan a hreawm e mai.." ti țîak in a ri a țha chhuah hlau tih hriat takin kut a hum tawm țang țang a.
"Ngaihtuah tawh ngai suh, i tello chuan engtin nge ka awm a nga" ti hmuk ka thaw chhuak ham ham.
"Dik chiah.. ka awm loh chuan vin deuh deuh a 'Lola' tih hluk hluk tur i nei tawh dawn silo a" nui lui chungin a rawn ti ta nui nui.
Reilote hnu ah Lola chu a muhil zui ta mai! Uirena sual tuar tu zing ah a tel ve hi a fair lo tak zet!
Muangchangin ka tshirt chu ka pawt hawng a, thlamuang tih hriat zet in ka awm ah tawm kak in a thaw siai siai, a țahna vanh a mit hnuai sen tek leh hnar sen tek chu ka kutphah hnung in ka nul sak thuak bawk.
"Kan dinhmun hi thlak thleng thei ila tur tiraw Lola" ka ti chhuak sup.
A hnar sen tek chu ka hnar in ka nul thuak, a hmui lum that that chu ka kutzungpui in ka chul sak leh a, kan dinhmun hi inthlak thleng thei ngat ila chuan î hê lovin ka dinhmun hi ka pe nghal ang! Nu hmangaihna dawn chak ngawih ngawih a Lola a awm laia nu leh pa kar a ka awm bik te hi a chang chuan ka thinur phah hlur țhin. Ka nu leh pa ka hmangaih lo tihna nilovin khing bai taka a awm laia a mamawh ang engkim keiin ka lo nei bik hi fair ka tilo!
"Hmeichhe baihvai tak ah an siam hnu ah che pawh dawt in an puh kual char char țhin che a tiraw? Khawngaihna neih miah lo nufa te hian i chung a an thil tih man chu an la tel khawp ang" Lola hmel khawngaih thla la zet melh vung vung pah chuan ka phun sup sup.
Ka kawr chhung ah bawk ka thun leh a, kha mite nufa khan anu an laksak tawh a; chupawh duh tawk lovin apa inchhung ah ngei pawh dawt a puh kual char char in Lola an phiar ru țhul! Nuam ti tak a an awm reng ka rem ti dawn hauh lo!
Lola pov
Motor horn ri tuar tuar thawm vang chuan ka harh riria a.
"Zawhte note muhil chu a lo harh tawh maw?" Jordan aw zawi sup vang chuan ka meng siar siar a, a hrawkbawk langsar tak ka hmuh rual deuh thaw chuan ka che nghal thut!
"Ughh, Lola" ti hluk leh a khuh deuh țhawt thawm ka hre zawm zat bawk.
Ka.. Pathian leh!
"I kawr chhung ah min khung bet reng chung hian motor i khalh maw?" Ka ti nghal tûng, a pangtilum sa huam chuan min ur ham ham a. Jordan nui chet hluk chu tihngaihna hrelo zet in ka melh vak bawk.
A tishirt chhung hmalam in min khuh hlun a, a malchung ah min pawm chungin car a khalh.
"Min vin hrep hma in kan thleng ta e" a ti ta sup, a kawrnghawng ah chuan tlem te in ka dak chhuak ve a, kan inkawt ah a lo tlan lut fel chiah, khua a thim vek tawh bawk nen kan in eng ut chu a a chhung a chette mizia hrechiang lo te tan chuan nalh ti a thlir tham a tling ve reng.
Jordan chuan car a ti ding dawt a, a car hunna bulah car pahnih dang lo inhungve chu thlek thuak in ka țawng hriatthiam loin a phun hluk a!
"In leng in nei anih hi" ti sup in a tshirt chu a rawn pawt hawng a. Seering ngheng dawt pah chuan ka thaw ta huai.
"Inthlak la, i duh chuan thil eiturin kan chhuak leh dawn nia" a ti sup, kan in ka ngainat loh zia a hrechiang bawk nen ka hnial buai peih vel lo.
Ka thuamhnaw huh hnup a hnawm deuh ringawt tawh a, car ațang pawn ka chhuah rual erawh in a vawt ve reng.
"Lo lut ve rawh" Jordan lo chhuak ve vut chu ka pan nghal tharh, kan in ah chuan chaw ei an awm anih ka ring.
"Ka thuamhnaw zing a lian ber i ha ve dawn nia" ka dar ah inkuah hlan chungin Jordan chu ka melh a, a lo khi suk ringawt
Kawngkapui inhawng huau ah chuan kan inzui lut a, doctor Rinchhani leh Becki bialpa te chu wine glass dawm in choka ațang an rawn chhuak ve chiah. Muaneki te nupa erawh țhutkhawmna ah an țhu a, ngawi rengin Jordan nen chuan min lo melh ran bawk.
" i lo haw tawh maw?" Doctor Rinchhani te hnung a Becki rawn chhuak ve chuan a rawn ti a, min nuih tel sawng bawk!
Min biakna chu hrelo der hmakin Jordan chu ka kai a.
"Ka u te in ah i riah țum khan an pawisa i ruk sak ani maw?" Sitting room kan kalpel tur chiah chu Becki thusawi vangin ka ding chawt! Jordan-a kut hum ruh nghal tlat chu melh zeuh in Becki te lam chu ka va hawi phei a! Mahse, ka mihring va hmuh ve vang chuan nghet lutuk in Jordan kut chu ka hmer nghal chawt!
Kan choka ațang Prof Msa chu a rawn chhuak ve hlawl anih chu!
"Cheng singthum chuang lai i ruk sak anih hmel a, an nupa pawh an inhnial phah hrep anih kha" Becki bawk chuan a ti zar zar! A hnung lawk a mipa hmel tak ngulin min en runna te nen chuan ka lungphu chu a ri dawt dawt a!
"Duhtawk rawh" Jordan chuan a ti chang fak! Becki chuan ner nak pahin țhutkhawmna lam a pan a. Prof Msa awm ve reng laia rukru ang hrim a ka chungchang a sawi chu nuam lo ka ti hluah hluah.
"Hei chu kan chhungkaw thil a nih hi, nizan pawisa i ruk chhuah hnu lawk ah an in ațang kal chhuak in i riak bo nghal bawk tih u Meloi'n a rawn sawi.." min deusawh nuam ti zet chuan a ti leh zar zar a. Rang lutuk in thim ruih a min melh run tu lak ațang chuan mit ka la sawn nghal hmak.
" ka pa in thlan cheina tur chu a pek reng che kha, tinge ka u te nupa pawisa chu i lo va ruk leh a" min ti kher pah chuan ngawi reng min en tu ka pa chu a melh pah ralh a!
"Lolai'n cheng khatmah a ruh lo" Jordan chuan min chhan zet hian a lo ti chang hrawk.
"Rukru silo tinge nizan zankhua leh vawiin inleng in a bo char char a?" Becki bawk chuan min deu fe hian a ti leh a!
"Ngawi hmak rawh" a kut ka hmer beh thing thla pawp in Jordan chuan a ti leh hrawk! Becki saw hmeichhia mah nise kut a thlak hreh hauh dawn lo tih a mitmeng sen rum leh tha khur ru dur dur ațang chuan ka hre thei a. Sir khat ațang Doctor Rinchhani'n min lo nuih tet tet pawh chu ka hmu vai ruai!
"I țhiannu chu i chhan ve hle mai maw? Mahse, thil hrechiang loin chhan lutuk duh suh, kan inchhung a pawisa mai nilo ka nu rangkachak țhi leh tlereuh dang ru chhuak in ruih nan a hmang ral mai mai zel, tun țum erawh a limit a pel hret, ka u te nupa in an inhauh phah hrep a..." ka pa in kut min thlak ngei se ti zet a min hek zat zat tu bekah tak vai thlu nghal tawp tu chet chhuah lai ka hre hman lo chuan min shock ani tawp mai!
Becki chu țe tuar chungin marble chhuat ah a vir sawp nawk! Muaneki leh Rinchhani pawh mangan hmel lutukin an țe teng tung a! Becki vai thlu tawp tu chu tu dang nilo in Jordan!
"Lola hi innufa in dawt a in puh kual reng tur ani lo!" A ti chhum hmuk.
"Hmeichhia kut i thlak maw?" ti tuar in Becki Bialpa chuan Jordan chu hnek ve chawrh, Jordan thle sawk rawn hawi chhuak leh chuan pawisak a neih tawh loh hmel kher mai! Tharum thawh chak hmel lutuk hian a khi suk; Becki bialpa hnekna lai chu a kut phah hnung a nul thuak in ngaihnep hmel zet in a nuih suk bawk!
"Bialnu dawheh zet chhan chu i pe na ve hle mai maw?" tih leh Becki bialpa bek ah tak a vai ri nghal chawrh! Muaneki chu vawk chhul lak tur ang maiin a rak rei ruai a!
Police a call tih pawh ka hria, doctor Rinchhani leh ka pa in Becki tlu zawi reng chu an buaipui a, a țawng theih zawt zawt bawk a, dawt a sawi tam man a tel ah ka ngai nghet hmak
Kan inchhung chu a ri rum rum ani ber! Jordan lah chuan a thaza hrik thlakna tur a hmuh chu dimna pakhatmah tel hauh lovin a hnek chawrh chawrh mai si! Becki bialpa chu a thi sung tawh!
"Duhtawk rawh" prof Msa chuan a nau dar ah pawt hrawk in a au fiak țhawk!
"Jordan" hnek leh chawrh tum a Jordan ban lek kang uaih tawh chu a phih dawrh a, sofa ah Jordan a tluk rawk rawk rual chuan amah chu ka pan nghal rawk rawk. Muanekin țap pur chungin "Beckte i țha em? Harh teh" a ti teng tung!
Center table a keh rum a, tu emaw ber wine bua chu becki bialpa thisen nen a inchaih piah nuaih bawk!
Jordan awm ah chuan ka va kuah chawt a, a tha za lutuk chu a tihrawl a phu zawih zawih! Hmeichhia em kut thlak duh hial khawp in vawi khat te mah a la thinrim ngailo!
Prof Msa chuan thisen in abual huh hnuang Becki bialpa chu a bawisawm a, ka pa phen ațang Muanbali chuan kei leh Jordan chu min thah chak hmel lutuk in min rawn melh ngawt ngawt!
"Sawnu pawh saw..." ti phut a Jordan che leh thut chu kuah rawk rawk in a taksa ah chuan a uai in ka uai ani ber!
"A tawk tawh" Ka ti țiak! Rum chhuak nghutin sofa ah chuan a țhu thla leh chawrh. A che leh thut mai ang tih hlau in a kutphah chu ka hum bet tlat, a kutchang chu thi phung, Becki pawh rawn harh chhuak in a bek ațang thisen a chhuah bakah a ţap hlawp hlawp!
Kawt ah police motor a rawn ding ri ruai ruai a, mangang zet a Jordan ka melh kawk lai in chimawm lutuk in min lo nuih let suk anih chu! A hlauh loh hmel in ka mangang hawi phawk hra mai chu min la nuihzat let zawk amawni leh nghal!
Inchhung ah chuan Police uniform ha pathum an rawn lut hlawl, Muaneki chuan nem hlihlei in "kan fanu leh a țhianpa hi an harhfim lo a, inchhung ah rikrap zawng a chet an thawh vang in zanin chiah lock up ah awm rih se kan ti a" a lo ti zung zung!
Rapthlak ti lutuk a ka melh chu midang hmuh thiam siloh tur hian min nuih let sak a. Lock up ah kei leh Jordan hi min dah luh a tum anih chu!
Jordan chu a ding chhuak vut a.
"Khu nu dawheh lutuk khuan dawt bak sawi tur a hrelo" tichang fakin ngeiawm fe in Muaneki lam hawi chuan a țhen suk.
"Kan ruilo a, an nufa in ka țhian nu dawt a an puh reng ka ngaih theih loh a vang in a fanu kut ka thlak, chuan, a bialpa in a lo chhan ve khang lang vang in ka sawisa bawk, min man rawh u, Lola erawh khawih tum hlek suh ang che u" ti chang fakin a kut pahnih chu a dah kawp a, Police te hma ah chuan a lek chhuak hmiah!
Police pathum te chu inrawn pah hian an inenkual thuak a. Muaneki leh Becklubuki te chuan an lo țawng leh zawt zawt chuan ka țhianpa hian an nihna zawng zawng a phawrh chhuah sak hreh hauh dawn lo tih an hrethiam ani hial ta ve ang! Engmah an sawi buai ngam tawh lovin an ngawi dâwk!
Jordan chu police te chuan an hruai chhuak a. Prof Msa'n a zui chhuak ve nghal vut bawk.
Rang lutuk in ka room lam ah ka tlan cho rawk rawk a, ka kerek na chu ka care sise hman lo, min tur ngut ngut nagin khawmuan phah nan a hman ka tum chhe te lo! Min chhan a tum vang a khatiang a Jordan kha che chhuak kha ani a! Keimah vang in jail ah a tan ka rem tilo reng reng.
Ka pindan chhuang ah chuan tlan lut rawk rawk in ka nu tlereuh min pek ka dah thuhrukna chu ka hai nghal rawk rawk , rangkachak țhi pahnih chu la chhuak in Muaneki te nufa ka room ah an luh chang pawh a an hmuh mai mai lohna tur ah tlereuh bawm chu ka dah lut leh nghal sawk sawk.
Țhi hum țai chung chuan chak zet in ka tlan chhuak a, Muaneki te nufa lo phun sar sar chu tlan pel thuak in kawtzawl ah ka tlan chhuak hlawl. Kan kawt ațang police motor lo tlan chhuak chiah chu ka va hmu hman a!
Ka pa leh Doctor Rinchhani te pawh pawn ah chuan ka hmu, bolero dum inhungrun lam pan a prof Msa pen pawk pawk chu ka um nghal hlawk hlawk ringawt!
"Station ah i kal dawn mi?" Ka ti a. A rawn inher vut rual chuan ka ip ru chawi! A mitmeng rum leh thim khup chuan ka mitah tak min melh chhuk ngur a! Min pawtsawm vek dawn ta se hun a hmang reilo ngawt ang!
"Ih.. ka zui ve dawn che" ka ti tîm leh dai! Min vai thluk tawp chak hmel pu run tu hi tu pa fa in nge nel tak a be ngam reng reng ang ni!
Rum nghut chung a bolero kawngkhar a pawh hawn vut tak ah chuan station a pan dawn ah ka ngai hmak! Engkhaw sawi set set lovin paseenger side lam ah ka tlan phei a, kawngkhar ka va pawt hawng ve tharh chu min lo melh leh khui tawh!
Mahse, 'Jordan tan vek a ti ka ni' tih inhrilh ru mawlh mawlh chung chuan ka țhu lut zal zal a! Kawngkhar ka pawh phui hma hauh in engin ati nung vut vut.
Doctor Rinchhani rawn pen phei hlawk hlawk chuan Prof Msa țhutna darthlalang chu a rawn kik ri a. Glass a down leh chhungte chuan rei ti zet in ka lo che sek tawh.
"Ka lo kal ve ang" dr Rinchhani chuan a rawn ti a.
"A țullo" ti zawngin prof Msa chuan a chhang bul hmuk! Glass chu a up leh hmuk a, Dr Rinchhani hawihai hmel chu melh pawh melh chhin map lovin kawtzawl ațang chuan a dawk chhuak nghal zawk a!
Ngawi ngul in a kutphah hrawl zet chuan steering a her kual mawp mawp!
"Ih.." ka ti dek dek a. A mitmeng dur leh thim khup chuan min melh nghal vut!
"Ka.. keimah ka bail ang, ka tihawmzia chu hei hi.. hemi hi la la, a pahnih hian cheng singnga chuang in i hralh thei ang..." ka tih bah nawk nawk lai chuan a mit chu ka kut a rangkachak țhi pahnih ah chuan a fu nghal ngur a!
"I rukkhawl sa hmangin ka nau i tlan chhuak ang maw?" Mit la sawn vun a ner suk chuan a ti hmuk!
Silai a kah tlang zawk ang maiin ka thin hnun chu a rawn na hit nghal zawk! Mahse, nghet deuh in rangkachak țhi pahnih chu ka hum bet a! Becklubuki leh Muaneki te dawt a min puhna pawh na ti lo in ka pal zam mai mai țhin! Chuta karah hepa.. hman ni lawk ațang ka hriat ve mai mai in rukru ang hrim a min țawng khumna hi na ka ti tur ani reng reng lo!
"Ruih in nei reng reng em?" Police station pan chhohna ah steering her kual pawp pah chuan a rawn ti hmuk!
Chhang duh miah lovin ka ngawi ngal a! Min melh thuak in a rum nghut tih pawh ka hria!
"Ka zawhna che kha chhang rawh, anih loh chuan i țhianpa kha lock up ah a tang reng dawn nia" nelawmna pakhatmah tello hian a rawn ti chhum leh hmuk!
"Inchhung ah khan ka ruilo a ti vek tawh nilawm ni? A ruih loh thu a sawi lai khan eng nge i lo ngaihthlak bik a. I beng a ngawng te anih loh chuan i nau thusawi kha i hre ve reng ang chu" ti let chiam pahin ka thaw chhuak nghal hak! Chal chuar tup in min melh tur nghal khui anih chu!
Chutah ngeiawm lutuk a lo nuih leh hakin motor hmalam ah chuan kut ka lek tharh. "Kawng en țha rawh, accident i duh loh chu" ka ti ve hmak.
Lungawi loh hmel zet hian hma lam a melh ta ngur, station kawt ah motor chu a ti ding dawt a; amah pawh nghak lo in kawngkhar ka nam hawng rawk rawk, ka chhuk thla tur chu ka ban rek ah rawn man chawt in min hnuk let hrawk anih chu!
"Eng nge ni leh tawh?" ti țeu hlar in a awm ah ka intauh chawrh rual deuh thaw chuan ka hawi chhuak nghal vah !
"A thil tih vang khan zanin chu lockup ah a riak dawn"
"Eng nga?"
"Au ring lutuk duh suh, ka thusawi kha i hrethei tih ka hria" ti sup in hnaih set sawt ah min melh ngur, ngeiawm lutuk in a țhen suk bawk!
"A riak dawn lo! Eng nge ka tih theih ka en tir ang che" ka ngei lutuk bawk si chuan insum zo lovin ka au khum vak vak a; ka ban rek a humna chu a rawn hmer nghet sauh, ka theih tawp a na in ka kut chu ka phih let nghal sawk, a thlah lo lutuk bawk si chuan rum mangkhen in ka melh ta rawm rawm ringawt a! Min thlah pah chuan nui sukin mit min siai suk a! Rapthlak ti lutuk in ka melh vak vak ringawt! A nau jail chhung ah a awm laiin helai ah chimawm a lo la chhuah khawtlai thei chu a tukhum ah tak vuak thluk chawrh ka chak ut ut.
"Hethil ah hian lo inrawlh hauh suh" station chhung ka luh hma chuan min man ding leh chawt tawh! Min man tawh lah hian ka tal chhuak mai mai thei tawh bawk silo.
"Chuan, min nawr lui anih chuan i duh aia rei i țhianpa hi jail chhung ah a tang ang" ka hnung ațang ka bengbul ah rawn kun hniam in a phun sup. Thle há a ka han en chuan a lo țhen suk a. Min thlah vut in min kal pel nghal thuak bawk.
Tukin a inthuam dan ngai chiah khan a la inthuam tih ka hrethei te chu țul tilo deuh in a hnung ah chuan ka um dat dat a. Police dawhkan hma ah chuan reilote a ding a, a bul ka thlen phei fel rual deuh thaw in a che leh vut a. Ka zui ve leh nghal dat dat bawk.
Cabin pakhat kawngkhar chu a kik ri dawt a, a chhung ațang mipa aw thum dut in lut tur a a lo tih sup hnu chuan Prof Msa chuan kawngkhar chu a nam hawng a.
Ka pen lut ve tharh chu a mitmeng dur țhat zet a min melh khuin warning min pe ni ber hian ka hria. Police officer hnen ah zanin ah Jordan jail ah riah tir a duh thu a sawi vaih chuan ka lo inrawlh tho tho ang! Ti rilru rauh rauh in Police officer hmel rorum zet lo țhu run hma a chair pakhat ah chuan ka țhu thla ve țhem țhem a. Dawhkan lianpui hnum tle hlur chung ah chuan file a in tiang țen țun a, glass nalh zet ah chuan *Carlos Zohmingliana* tih a inchhu kai kulh bawk!
Phone khawih nasa vangin ka mit a na lutuk a🤣 Naktuk zan pawh ka lo dah thei a ngem ka chiang ngam lo aw. In comment țhat loh phei chuan ziah hi a phurawm loh ve lutuk a. Tarmit vuah lo a phone khawih ka ching thar a. A result chu mitmu ah a thawk tlat mai a. 🤣🤣🤣
Comments
Unknown30 December 2019 at 09:50
Awiii...a va ngaihnawm leh pek tak achang leh ka mittui atla a achang leh ka nui ver2a achang leh trang em2in ka awma ka chhiar zo chiah chu ka chau hnawk thei🤣🤣🤣
.pi tarte ka duh che dam reng rawh
REPLY
Unknown30 December 2019 at 09:55
Ka kham lo😭😭😭
REPLY
Unknown30 December 2019 at 09:56
i va ziak thiam tak em. ngaihnawm lutuk ringawt
REPLY
Unknown30 December 2019 at 09:58
aw a ngaihnawm over tawp hi ni mai ka khamlo lutuk Carlosa alo lang dawn e chuan Jordana hi ka duh lutuk msa hi ka ngei chuan min ti trap leh tawh
REPLY
Spz -9530 December 2019 at 10:08
Lo chhunzawm hram rawh,pilzin.......he story hian min ti aaa vek, i thluak hi a tha ka ti thlot...advertisement a awm emo ti in click tur ka lo zawng chiam a😃 awm ngat phei se nitin chapter ngaiah pawh k click peih ang..i story hi ka hmaih ngai miah lo.
REPLY
Unknown30 December 2019 at 10:19
Ngaihnawm lutuk,ithiam thlawt
REPLY
Unknown30 December 2019 at 10:22
Chapter tin hi a ngaihnawm tulh²... Jordan-a ka khawngaih lâwk a, mahse Ms-a hian story a ti pui khup bawk si. Zankhat chân pawh a hreawm leh vawng² viau dawn. Lengkhawm ban nghahhlelh chhan awm lova New Year Eve hman chu a va huphurhawm dawn ve😢Eve present hlu ber ah ka ngai asin le. Naktuk zan chu lo dah thei hram la aw??? Prof. Ms-a leh Tetakte-i tello chuan New Year tuk thawh a nuam lo dawn em mai😣
REPLY
Unknown30 December 2019 at 10:24
😥😥😥 zanlai lai ah ka ṭah chu ah ngaihnawm êm êm lutuk. ❤️❤️❤️
REPLY
Sangsang~lrs30 December 2019 at 10:25
Lo zawm hram rawh o kumhlui thlah zan hi Lola ❤Jordan
Carlos Boihpuia te nen min hman tir hram la. Ka trap vak ania ka rilru an ti na lutuk Lola leh Jordan dinhmun that hun ah kan misuali te nufa chu an chak lovang mawle o thiam lutuk lo dam la naktuk zan ah in hmu leh ang😍😍
REPLY
Unknown30 December 2019 at 10:27
Ka naute a ngaihnawm lutuk mittui kan seng leh teuh tawn e😘😘
REPLY
Unknown30 December 2019 at 10:33
Lo dah chhunzawm hram la, ngaihnawn lutuk, zun aneiathin, i story hi chuan.... Kan uai veng veng zelz..
REPLY
Sangsang~lrs30 December 2019 at 10:34
Chapter 1 atanga zanin ami nen i ngaihtuahna thar leh i idea that zia te leh i suangtuahna ram ah min pil pui vek zel chutah chuan an ni ho nen hian kan nui a kan trap bawk. 2019 hi thlah liam in 2020 kan hmuak ho ang tiro. Buai viau mahla lo lang hram rawh it et nu
REPLY
Julez Hnamte30 December 2019 at 10:35
Ngaihnawm thei eeeee💖💖💖
REPLY
Unknown30 December 2019 at 10:41
Ropui rapthlak hi niringawt ka kham mawlhlo i thiam bermai... Pitarteee 😘😘
REPLY
Unknown30 December 2019 at 10:48
carlosa zogmingliana hyn ka lung mn len
REPLY
Unknown30 December 2019 at 10:54
Ka tap nasa lutuk😭😭jordan hi ka duh emai keichu a hrehawm zawk,Lawmzuala ka duh ber a dawttu chu jordan hi niang,ka chhiar laklawh lai hian ka tap nasa lutuk,Lola a duh na hi a thianghlim lutuk a,ka khawngaih eeeee hrehawm😭💔...carlos zohmingliana tih ka hmuh chiah phei chuan mittui a luang zawih2 thei mai
REPLY
Unknown30 December 2019 at 10:54
Kan nghakhlel em em reng a ni tih kha lo hrereng la, chuan kan kham.lo ngawih2 zel bawk aw
REPLY
Unknown30 December 2019 at 10:58
Naktuk zan chu lo lang hram rawh aw Jordan tel lo chuan kumthar ni hman ka zuam lo😣😣💜💜
REPLY
Unknown30 December 2019 at 11:00
A van kham awm loh ṭhin ve le, a ngaihnawm lutuk tlat
REPLY
Unknown30 December 2019 at 11:23
Carlos pawh alo lang leh e. Awi msa hi ka vei zawk dswn tlat
REPLY
Unknown30 December 2019 at 11:59
Jordan Chet Dan zawng* hi ka duh vel vek.. Lawmzuala ka hre chhuak ziah lehnghal Lola nen hian an inhmeh ka ti msa chu sual emai a bialnu neih chhun ah khan lungawi hle* roh se
REPLY
mawimawii30 December 2019 at 12:11
carlos a lo lang,ka lung a ty leng lutuk hi ka lo țap tawp
REPLY
Unknown30 December 2019 at 12:20
ni chiah
Unknown30 December 2019 at 12:19
a va han ngaihnawm chiang tak em ka tang lutuka ka chau hnap😂PITARTE lo chhutzawm hram rawh nihloh chuan kan mu thei dawnlo naktuk chu tleivar zan ani bawka sei deuhin😹
REPLY
Unknown30 December 2019 at 12:45
Ngaihnawm lutuk
REPLY
Unknown30 December 2019 at 13:01
Story kalphung hi ka duh lutuk..ka chhiar chak ka sawithiam loh min lo chhawpchhuah sak hi ka van lawm Tak..
REPLY
Unknown30 December 2019 at 14:26
Rapthlak khawp in a ngaihnawm,pitarte midang lam bik hi chu i va ni chiang takin
REPLY
Unknown30 December 2019 at 16:55
Ngaihnawm khep khep hle mai
REPLY
Unknown30 December 2019 at 17:52
A va han ngaihthlk nawm riap riap tak em....kham awm loh bok si..
REPLY
Unknown30 December 2019 at 18:57
A tawpna tak khi... Ka phu zawk ... Chang leh mittui tla thul... Ngaihnawm thraksss
REPLY
Cyndy❤️lawmzuala30 December 2019 at 19:03
Lung hlui. ava leng deuh ve��
REPLY
Unknown30 December 2019 at 19:11
Ngaihnawm lutuk
REPLY
Unknown30 December 2019 at 20:00
Ngaihnawm khep khep hle mai
REPLY
Unknown30 December 2019 at 22:40
Carlos Zohmingliana lo lang e!! Nuam ṭan lutukkkk
REPLY
Sangsang~lrs30 December 2019 at 23:22
Zohminglian tinge i rawn lan ve ringawt a ka lo beisei lo lutuk ka lawm em em bawk si hi Chapter 7 hi ka chhiar nawn tluk tluk i idea hi chu o a tha thawt alawm tinge i thluak tereuh te kha adanglam a athat bik em em mai le zanin hian Chapter 8 New year present sial em em dawn ka in ring nget bur ania 😍😍😍😍
REPLY
Unknown31 December 2019 at 06:37
A van ngaihnawm thin em.
REPLY
Hmingfaki notey pachuau31 December 2019 at 08:14
Ka luangliam leh nghal char² ....chapter tin hi a ngaihnawm lutukkk...khawngaih takin chapter dang lo dah leh hram2 rawh....
REPLY
Unknown31 December 2019 at 09:16
Carlos zohmingliana tih alo lan ciahhian ka thinphu a rang ...
ka chhiar zawm cak twh lutuk
REPLY
Unknown31 December 2019 at 11:23
awm dawn l ame
REPLY
Unknown1 January 2020 at 05:31
Ngaihnawm bawn tawp
REPLY
Unknown1 January 2020 at 21:49
ngaihnawm lutuk
January 01, 2020
TETAKTEI
Chapter 8
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
Kumthar chibai vek u aw, Euphoria..💜💜✨🎆🎇
"Ms, nangni maw?" Police officer palian zet chuan a ti hluk! A aw ri hluk leh thum thaw fua vang chuan inhmelmakna an nei hial em tih thlengin ka lo ngaihtuah thleng hman nia mawle!
Za vak lo hian prof Msa chu a țhen suk, Police officer chuan chair a ka țhu ngawi dak chu min lo melh run, a hmel lan dan rum deuh ul a vang chuan amah en let kar chungin ka țhu țang ran bawk.
"Tun lawk khan i nau te'n ka nau a rawn la a" Prof Msa chuan a ti sup. Police officer pa hrawl zet chuan dawhkan chung a file pan ber chu a ban vut a, a chair sen duk hrawlpui nghenchhan ngheng ur ur pah chuan file chu a keu hawng vut; a kut lehlam a khabe ruh kual a tuai huah hauh chung hian a mitmeng thim khup chuan file chu a bih nghal ngur bawk.
"Jordan Zohmangaiha" zawh bik pawh neilo tih hriat zetin kan țhutna lam chu a rawn melh thuak; rang lutuk a lu ka lu buk chuan prof Msa chu a lo rum chhuak nghal nghut! Station chhung kan luh hma khan warning min pek ve ngail tak kha mawle!
"Nu pakhat in 'an fanu leh a țhianpa in rui chungin inchhung ah buaina an siam bakah mipa rui chuan an fanu u zawk kut a thlak a, chumi țhelh tum a lo dangtu tlangval Zara a sawisa zui nghal bawk' tia a rawn report hi em ni?" Muaneki report siam dan chu chhiar chhuak thuak in file chu a khup leh hmuk a, dawhkan ah a dah thlak ruai ruai lai chuan Prof Msa chu a melh leh run bawk.
Prof Msa chu a bu nghut a, hepa hi a hmelhriat anih chuan a tan a nuam lo duh ve ngawt ang!
"I nau-a chu a la black sheep reng ani maw?" ti sup in officer-pa chu a țhen suk. Ka bul a țhu leh ka hma a țhu palian lutuk te pahnih chu ka lo melh tawn ralh ralh reng a, an pahnih lakah hi chuan ka te vawn vawn.
"Keini zawng kan la heti tlat" ti chhuak supin zalo zetin prof Msa pawh a kiai ve suk.
"Chuan, bail chhuah i duh nghal tihna em ni?" officer pa vek chuan a ti sup, chair lian zet nghenchhan chu a ngheng ngur a. Prof Msa chu ka mit sir zeuh a, 'aw' a ti nghal mai lo chu ka lo ngei hman em em tawh.
"Rui chungin mi inchhung ah leh nghal buaina a siam bawk nen...."
"Aih, Jordan kha a rui lo.." rang lutuk hian ka ti a! Ka hma chair sen duk hrawl pui a police officer țhu run chuan min rawn melh nghal run! A hmel lan dan leh pian phung hrawl tham lutuk chu Prof Msa nen danglamna an nei tlem khawp mai! A țhu ngawi run mai mai hmel pawh a muk in a tak ngul bawk nen, min vin let hrep ring rilru deuh te hian ka melh tîm dai a.
"Rui lo hai lovin hmeichhia kut a thlak i tihna maw?" a rawn ti khauh anih chu!
Ka chan loh khan a min lo țawngkhalh thut a vang chuan hawi dawrhin Prof Msa chu ka va melh nghal ruai a, ani ngel ngul lah chuan dawhkan hnum tle hlurh chu a lo en runin a ngawi ngul a! Inrawlh lo tur a min warning vek tawh hnu ah ani hian min puih ka ring reng reng emaw mawni! Thinrim insum zet a prof Msa bek zawn melh thip ram chung chuan ka thaw chhuak ta hak!
"A ruilo a." ti fiah fak in police officer chu ka melh nghal ngar. Sawi zawm rawh tih ang hrimin a kutphah hrawl zet pakhat chu lek kang uk in min lo melh let run bawk.
"Chiang takin Jordan kha a ruilo tih ka sawi duh, i awi loh chuan nangmah ngei pawn i fiah thei ang! Chuan, a duh vang a kutthlak anilo!" mahni inrintawk hmel tak hian police officer pa mitmeng uk fiah zet ah chuan ka melh let ta kâl bawk. Ka thusawi vang chuan a nuih a za nge, hmui ti sawi hmukin a rilo hian a nui suk a!
"Ka ti tak tak, a ruilo!"
"A rui lo va, a duh vang nilo in hmeichhia kut a thlak bawk tih i sawi tumna ani em?" a mihmul dum hlup ti kang uk in a rawn ti chhum deuh vut! A hmel a nuihzatna lang chhuak hmu tello phei ila chuan a aw chhum bul vut vang khan ka lakah a thinur emaw ka ti rum rum hial ang!
Ka țhianpa chhannan dawt ka sawi emaw a ti a nga, ka dawt sawi chu min man chhuak emaw intiin min nuihzat te pawh a nih ka ring. A hmel tak ngul chu nuihza insumna vangin a kiai lek lek bawk.
"A ruilo a... chuan, Becki kha kut a thlak chhan chu... aaaa, engvang pawh nise ka țhianpa kha ka hrechiang tawk! Tun hma in vawi khatmah hmeichhia kut a la thlak ngailo, nichin a thil thleng kha chu tihpalh.. aaa.. " sawi belh tur hrelo zet in thawk ka la zui hak!
Police officer chuan 'i insawi fel leh thei nasi nge' ti ang hrim hian nuihza insum zet in min lo la melh run a. Zawhna min zawh let dan kha chhan a khirhkhan ropui bawk si! A hnek nu khan hnek a phu ve hrim hrim tih chhuah phawng a, heng mipa pahnih hrawl dun lutuk leh nelawmna pakhatmah nei bawk silo te awmna cabin chhung ațang hian tlan chhuah daih ka duh tut tut tawh!
"A bail chhuah theih em?" ka ti ta thut! Rum nghut chung a dur khuia Prof Msa'n min melh nghal hrawk laiin police officer chu a lo khi suk thung!
"Ka.. ih, thil thleng kha.. ka tihawmzia chu hmeichhia kut a thlak chhan kha keimah vang a ni a... " ka ti sep, ka hma a țhupa chuan 'a point ah kan lut dawn ta e' ti ang hrim in a rawn che chhuak vut a, a kutphah pahnih chu chelh kawp ruin dawhkan chungah a rawn nghat a! Prof Msa hmel dur khui erawh ka mit sir tak ngial pawn ka melh duh tawh lo hrim hrim.
"Kut a thlaknu kha.. ih.. ka.. ka u ani a, kan.. kan unau hnih in kan inhnial buai deuh hlek a, Jordan khan min chhan a lo tina ve bawk nen.. ka û tawng hlawk deuh hlek khan a insum theihna a tih chhiat sak a nih ber chu..." ka ti a, ka u tia ka nu nun tihchhiat sak vek tu fanu ka sawi ngai erawh ka chhung lam hian na a ti rawih rawih!
"Zohmangaia kutthlak nu kha i u anih chuan station rawn call tu kha i nu a ni ang chu maw?" A zawhna min zawh chhan let ka hreh zia chu pui tak ani tawp! Becklubuki ka unaunu ang a ka sawi mah kha thih hreh in ka hreh tawh a nia!
"I nu a nih chuan nang pawh hi lock up ah khung tel tur in report a rawn theh luh tak kha!" ka ngawi dak lai chuan rawn ti chhuak hmukin dawhkan chung a file chu a keu hawng leh thuk a.
Fine!
Muaneki ka nu ti a sawi ai chuan keimah pawh ka tang ve daih a nga ni mai lawm!
"I duh leh min man ve mai rawh" ti sep in amah chu ka melh let ran a; ka thusawi chhuan a țhawn lutuk vang nge file a melhna ţang mit la sawn vut a min en pah chuan a nui chhuak huk anih chu!
"Lo va chhuak rawh" rum ul a rawn ti thum dup tu chu ka va melh nghal dawrh mai!
Prof Msa pawn min lo melh ve chiah bawk!
"Cabin pawn ah min lo va nghak rawh" ti bul leh hmuk in kawngkhar lam ah a thle buk a. Police officer pa chu ka va en leh hram, ani erawh nuihza insum tih hriat zet in a chair nghenchhan ngheng run hian a lo kiai suk suk!
"Tunah" Prof Msa bawk, thaw chhuak hak pah chuan ka melh nghek a, tlangval senior a nih tawh vang mai a kan kal chhan dik tak a sawi tlang nghal lo te chu ka haw ngawih ngawih! Jordan bail chhuah a duh tih sawi nghal kha a harsat loh teh lul nen! Senior hri, khirna leh inlak thupui funna in a man tawh mai vang a thu a pehhel tlat hian min ti-thinrim hlur tawh!
"I bail chhuah duh loh pawn ka bail chhuak dawn tho ka tih kha hrereng ang che" ti hmak in chair ațang chuan ka tho nghal tharh, lungawi loh hmel zetin a rum nghut a, cabin kawngkhar lam chu pan nghal nal nal in pawn ka chhuah rual rual chuan kawngkhar ka nam phui a! Mahse, kawngkhar chu ngheng nghal tharin an țawng ri hriat tum chuan ka ngai thla zui hmiah!
Eng nge an sawi tih hriat tum a kawngkhar ah beng ka dawh ngial pawn aw thum zawi ruih a an phun thum sup sup bak ka hrethei bawk silo! Thinrim ru țûn in ka ding mar a!
Cabin pawn ah chuan vei tawn sek chungin Prof Msa'n Jordan tan tlang tir a lo tum anih chuan lak chhuah dan kawng ka dap a ngai ti rilru nauh nauh in ka rangkachak țhi ken chu ka hum nghet sauh sauh bawk!
Madina emaw, Sammy emaw call tawp ila, station ah hian lo kal ve se, tih dan tur an hre hrim hrim ang, pawisa an neih chuan lo keng se, ka rangkachak țhi hi ka pe a nga, an hralh leh thei tho ang tih ngaihtuahna nen ka kekawr ipte chu ka dap nghal thuak thuak a!
Hrep hian!
Ka phone te chu Jordan te in ah a awm daih a lawm!
Thinrim ru țun in police officer pa cabin leh station inkar ah chuan ka tlan phei sawk sawk a, ka police hmuh hmasak ber hnen ah chuan a phone hman sak ka dil nghal chawt bawk!
●
Professor Msa's POV
"Ani kha tunge?" Tetaktei thinrim zet a chhuak tau ve bar bar en zui run in Carlos-a chuan a rawn ti sup. A te a te in kawngkhar lah chu a rawn nam khar ve bur! A bante ve tak tha hmang khan police station kawngkhar nghet țha lutuk hi tih chhiat theih a inring ve reuh amaw leh nghal!
"Ka nau țhianu anih ngit nget reuh kha" ti hluk in ka thaw chhuak hawk. Nuih deuh suk sukin file chu a keu leh a.
"Lak chhuah nghal chu i duh em ni?" a ti leh sup. "I lak chhuah lo pawn ani tereuh khan a tum ruh ve hmel țang țang tho sia" nuihza insum tih hriat zet a a tih leh rual chuan ka rum chhuak nghut ringawt!
A kal chhuah dawn khan min melh ve khai khai chungin kei Malsawmtluanga hi min vau ve ngei bawk anih kha! A mitmeng tur ve khai leh min vau zam tum ang hrim a akut tereuhte pahnih a hum ruh ve țai chu ngaihtuah let in ka kiai ta suk.
"Nangin harsatna min siam sak loh chuan ka la chhuak ang" ka ti sup. Carlos-a chu a phun hluk a.
"Ruih lo hailo a hmeichhia kut a thlak ngawt erawh a dik lo khawp mai!"
"Ka hria" ti hluai pah chuan ban ka phar vut. Kan chhungkaw mualpho theihna tur zawng hlir in nun a hmang a! Mahse, tun ang teh thlawt hian a che ngai lo! A ruih chhiat lai ber pawn hmeichhia kut a thlak ngailo ka tihna anih chu! Ka ban chu dawhkan chung ah nghat vut in ka thaw chhuak ham ham bawk.
A sulhnu chhui tu ber ka ni! Zahawmna hi ka ngaipawimawh a, khawvel ah pawh mahni zahawm humhim zo lo chuan thihhnu piah lamah pawh tuzahmah a kai phak ka ring lo bur!
Jordan tal ngap țhin lutuk pawh a sulhnu ka thian fai char char țhin! Mizoram chhung ah ngat phei chuan kan chhungkaw hian kan pi leh pu te a țang zah kan lo kai tawh a, ka pa pawn mualphona leh eirukna a sawi buangbar hlawh hauh lovin MLA anih na hun a hmang ral ve țhak! Nu thuhmun nilo mahila Julie leh Jordan hi ka en hrang ngailo, chutih rual erawh in inpawh tak tia sawi tur ka ni chuang lo bawk! Kan kum a inthlau a, Jordan nen ngat phei chuan kum 17 zet zawtin kan kum a inthlau, țawng duah chi ka nih loh bakah ka farnu te lam pawn ka țawng kâ chhuak a bulh mah mah țhin avang hian min nel teh huam lo!
Manganna a tawh erawh chuan pan hmasak ber ah min nei zel tho!
"Nih chuan ka ziak fel nghal mai dawn sin"
"Yeap, a lawmawm khawp ang" ti sup in ka țhen suk, Carlos-a chuan lehkha phek eng eng emaw a keu kual nghal zat a.
Mipa te nen insual in kawlai ah buaina a siam vang nise chuan zanin hian lak chhuah nghal ka tum teuh lo! Inchhung a Rinchhani cousin țawngkam kha a hlawk hlawih hlawih em a! Pawn lam mi kan awm tih hrereng chung a chhungkaw awm lai chiah a sawi chhuah chi a a nau rawn lut a țawngkhum nghal hlawih hlawih kha kei ngei pawn zahpuiawm ka ti viau! Ka nau in kut a thlak ta chawrh erawh a dik ka ti bik lo! Mahse, a țhiannu tetakte kha a venhim theihna emaw a ti miau tlat a!
Chu ngaihtuahna vang bawk chuan ka rum chhuak leh hulh tawh!
Tetaktei chhan nan chuan engkim tih a huam zia lah zanin thil thlen vel dan ațang khan a lang chiang khawp mai! Ruilo hailo leh nghal in hmeichhia kut a thlak phah hial mai a nia! Amah ah engtiang chiah in nge Tetaktei khan hmun a chan thuk tih leh, humhim tum in engthil atthlak tak dang nge a tih belh zel dawn tih lah amah Jordan chiah in a hria! Chutih rual erawh in Tetaktei khan anilo zawng a a thunun erawh chuan ka nau-a hi a ngaihtuah awm viau ang! A thunun hneh zia pawh zanin vek khan ka hmu bawk!
Zawite tak takin *a tawk tawh!* tih a sawi sep a, Jordan tha za lutuk che chhuak leh phut tur pawh a beng dai hawk hawk thei, Tetaktei'n a fuih dan a zir zel in ka nau a hian chet a la tawp zel dawn! Hetiang thil a thlen fo tawh loh nan hian an inkawm tam loh a fuh ber ang!
"Done, i nau pawh chu hmu ve reng reng ila" ti hlut chungin lehkha phek a rawn lek chhuak vut. Ka ban thuai a. Dawhkan ah pen theh thla kauh in dawhkan chung a phone chu a ban nghal vut.
Ka kekawr ipte ka zen nghal vut a, walet phawrh chhuak in ka nau tlan chhuahna ngai zat pawisa chu ka la chhuak a.
"I nupui fanau te an dam maw?" ti sup in pawisa note chu lehkha phek chung ah chuan ka dah nghal vut.
"David khan hritlang a kai a, a u in a kai ve a hlauhawm sia, Bawihi nen room ah an inkhung deuh chawt mai" a ti a.
"A va zialo țhin ve aw"
"Tunlai khaw cheng nasa lutuk vang hi lawm" ti deuh hluk pah chuan phone chu a bih vung vung. An fa pahnihna Daniel kum khat a tlin hma hauh in a chhang tur an pai leh nghal a, malsawmna a dawng lutuk ti ila kan sawi sual lovang, mipa phir an neih belh leh a, kum khat an la tling lo deuh. An fanu Doris pawh cute deuh in a in la upa ve tawh nangiang mai!
Nui suk chungin a phone volume chu a up a. *Daddy, Mamma in i lo haw pah in dawr a mi David leh Dawson diaper tur lo la kawi nghal rawh a ti* hmeichhe naupang aw cute zet hian a rawn ti lang lang. A fanu aw a hriat ruala police officer hmel a famkim intihna chu mi â ber pawn an hmu thiam ang.
*ok, My love.. ka lo haw dawn chiah* tih sup in a nui pah suk.
"Min nawr chhuah rawk rawk hma a ka chhuah vat a țul anih hi" ti vut in ka țhutna ațang chuan ka tho nghal vut!
Țhianpa chu a rawn nui thum hawk hawk a.
"Ni e, chhuak vat teh, a pawt tu lam an na bawk nen kut ka thawh duh mai ang" a ti ve hluk. A hnaah a rinawm em avang leh sawrkar lam in an tham lungawi thei mai mai loh vang hian țhalai lam te'n an ngaisang zual a!
Police kan hmuh dan diklo țhin lutuk pawh Mizoram ah a rawn țhut hnu hian a thlak dang lam ta vek! Dik tak chuan kan police țhenkhat te hi sawrkar ui pui ti te pawn kan sawi tawl tawl țhin, ani ni miau lah tak a!
Chung a mi te tih lungawi loh hlau reng reng in an khup zul zul a, minister te hi an pathian emaw tiin an hlauh rawn tum hrang zel bawk, mipui tan a hnathawk an nihna hrelo lek in sawrkar ui cho ah an mahni leh an mahni an inpe a tih theih hial ang!
Officer Zohminga thung chuan a chung a mite thupek pawh nise mipui tan a țha lo leh thil diklo felhlel nia ahriat chuan a palzam hmiah hmiah zel! Mipui tan a hnathawk ka ni a, mipui himna tur zel bakin hma ka la dawn lo! A tih ngheh bur avang tak hian țhalai te pawn an ngaisang zual a, kan ram politics sukthleng ang ang a țan lam sawn ve ngailo Police officer kan ram in kan neih meuh takah chuan *Police lu-bawk* mai mai tia Police te deu na ri pawh hriattur a vang ta pharh!
Ding chhuak vutin a lukhum a ban vut, school kan kal ho țhin; kan line a hran tak hnu ah school khat chhuak dangte ang bawk in inbe pawh tawh lem lovin mahni kawng ve ve kan zawh a, Mizoram a rawn let hnu hian thil tihpuina leh event vel ah kan inhmu leh ta nawlh nawlh a, school khat chhuak ta na nâ nâ chu kan titiphung a lo rual khaiin kan inpawh zui ta viau bawk.
"Daniel pawh a len (lian) tawh reuh kha" ka ti sup, kawngkhar lam ah ban ka phar vut bawk.
"A u lehkhazir a bawh buai ve thei tawh khawp a, a rawl a lian bawk nen a khek ve rui rui zel" a fate chungchang sawi pui hi nuam a ti viau zel. Social media ah an chhungkaw thalak a pho chhuah tawh chuan mi sing tel tel in an like țhup țhup a, kan Zoram țhalai te mit fukna ber an ni a tih theih hial ang!
"Dude, engtik nge tih huk lam hi" ka nui chhuak hawk chu min rum khum nghut in cabin kawngkhar chu a pawt hawng vut. Cabin pawn a ka thil hmuh vang chuan ka ding chawl deuh dat bawk!
Tetaktei kiang a Madina leh Sammy lo ding ve ran chu melh nghal ngurin cabin aţang chuan ka pen chhuak vut.
"Engtin nge Jordan chu?" Min hmuh rual a rang lutuk a tiin Tetaktei chu a rawn tlan phei nghal that that!
Carlos-a chu melh zawk in ka bu nghut a, nui ruh ruh chungin a cabin kawngkhar chu a pawt khar khup; muk hmel zet in kut a kuangkuah zui hlun bawk. Ka hma a hmeichhe kawlhrawng ve tak rawn ding nghal zat chu ngawi ngul chungin ka melh chhuk ngur a. A mitmeng dum lian fiah kiau chuan ka ngaihtuahna hriattum awm ve ang ziazangin ka mitah a rawn melh nghal kiau bawk.
"Aaa.. a chhuak dawn em?"
"Nope" ka ti hmuk. A meng zau nghal kawk bawk!
"Eng nga?" A ti ta chiam! "Ka.. ka tihawmzia chu i bail dawn lo a mi? A ruilo a, thil thleng kha chu a tihpalh ani ka tih vek tawh kha, a ruih leh ruih loh pawh hrechiang hmasa lovin jail ah i nau kha riah tir i tum ringawt a maw?" ka khabe hnuai chen lek ațang min lim hrep tum ang mai hian a rawn ti vin tan tan.
"Lola" Madina'n a ban rekah rawn man in a pawt hnung dat, ani leh Sammy hi chu ka zirlai naupang an ni a, henu tereuh in min au khum tan tan ang hi chuan min be ngam ngai hauh lovang!
"Hapa hian bail duh lo mahse keiman ka țhianpa chu ka bail thei tiraw?" Min en kan hmakin kut kuangkuah a Carlos-a ding ngawi run chu a melh ta vah! A tum ve nasa reuh lutuk chu a nuihzathlak letling phian bawk.
"A u hian lock up ah awm rih se a ti deuh a"
"Maw?" Keimah bawk chu rum fahran a min melh nghal khai in thawk la ta hak.
"Chutiang chuan i ti tak tak a mi?" ti er in min din hnaih sauh anih chu!
"I hriat ang kha ani mai" ti hmuk in ka ban chu ka lek vut, sana chu ka bih vung vung.
"A tlai tawh, nangni pawh haw darh tawh rawh u, ințhianpa chu a chhuak mai mai rih dawn lo" ka ti chhum vut, Tereuhtei chu melh chhuk vut in amah chen lek tur chuan ka kun hniam deuh vut a.
"Ka thusawi kha i hria ang chu tiraw? Haw tawh rawh" thinrim inbengdaih tum ve ang hrim a thawk a lak halh halh lai chuan a beng bul ah ka phun sup.
Ding mar leh vutin Carlos chu mit ka siai ru suk! A kalsawn vut rual chuan mangan ruk hmel zetin Tetaktei chuan a en zui ta ruai bawk. Hmeichhe kawlhsen zet ațang chawp chilh lutuk a hmeichhe chiai hma lutuk a a inthlak thut chu uluk zet in ka lo en ngur ngur.
"A haw ringawt dawn mi?" a ti țîal rat. Ka bu nghut a. Carlos a kal phei nul nul na lam chu en zui rengin Jordan hming a lam chhuak sap bawk.
Ka kekawr ipte ah ka kut zen lut hlun a ka kal pel vut chu rang lutuk in ka kawnghren ah a rawn pawt nghal țai anih chu! Ka lo beisei lo bawk nen ka ding ve chawt.
"Eng nge ni leh tawh, helai hmun ah hian hunkhawlh ral mai mai hman ka ni lo a nia" ka ti chhuak hluk.
"Jordan khan tihsual a neilo ka ti chung pawn i tan tir dawn tho maw?" ka hnung a rawn phun sep tu chu hawi let vutin ka melh chhuk nghal run.
"Ka sawi tawh ang kha ani mai, nangni pawh haw darh rawh u" ti leh sup in ka kawnghren a vawn chu ka phelh sak vut.
Inkawp tam tawh lose ka duh! Ka nau-a hi a fel bik hauh lo. Amah thununna nipah fawm in zanin ațang khauh hrekhrawk in kaihruai a mamawh bawk.
"Jordan chu la chhuak la, keimah ka tang mai ang, keimah min chhan nan khatiang a che chhuak kha a nia, ka.. mawhphurna la tur chu keimah zawk hi a lawm" ka kal sawn tak tak dawn nia a hriat rual chuan rang lutuk in ka hnung lam ațang ka kawngah a rawn kuah bet nghal țai anih chu!
"Lola" Sammy zawk chuan a ti deuh fawk! Tetaktei lah chuan min kuahna a ti nghet sauh a kei erawh a chet dan naupang chhiat thlak zet vang chuan ka nui chhuak teuh kher mai!
"In țhiannu hi haw pui rawh u" ti hmuk in Sammy leh Madina chu ka melh vut, a tha neih zawng zawng a min kuah bet ve țai tu ban erawh pawh phelh sak mai harsa ka ti ru ve ţalh tho!
Madina chuan rawn pawh sawn mai a tum a, "Professor" ti țûi a min kuah tlat chungin Tetaktei chu naupang ang maiin a tal nghek, ka inrin hma hauin ka nui rum ta hawk bawk.
"I țhianpa tan ai pawh tan i inhuam maw?" ka ti thum sup, min kuahna chu a thlah thawl nghal riai riai a.
"Aw.." ka inher rual chuan fiah zet in a lo ti hmiah!
Amah ah hian engtiang tak a thukin nge Jordan hian hmun a chan ve ang! An inngaizawn ka hre lo va, țhian satliah an ni tih ngawt lahin an inkar hi chu ai daih chuan a thuk thung.
"Zankhua a lock up rimchhe zet chhung a awm chu i hreh lo maw?" a hmui hnuai a liak huh zeuh a, ka mit chu a hmui ah chiah chuan a bur nghal ngur bawk! He a hmui fawh cho zet vang hian nizan khan atthlak lutuk in ka chet phah bawk anih kha!
"Aw.. Jordan chu la chhuak la, i hawpui dawn nia" ti sep in a rawn nui tel seih bawk. A hmui hnuai chhah tap leh ka hmui in a sik rual a lum ve ham ham che mual vel chu melh run in ka khi ta suk.
"Saw lam ah saw..." Carlos aw ri sup chu ka hre thei, ka hma a hmeichhe ding erawh in ka hliah bo hneh em avangin ka hnung lam a thil thleng chu a hmu ve thei hauh lo vang!
"Lola" chu aw ri a hriat rual deuh thaw chuan ka beisei loh lutuk in hmeichhe kawlhrawng lutuk-i mittui a luang thla nghal pap anih chu!
"Jordan...." a ti tuar a, a hmel eng nghal hawk leh mitmeng de nghal sawr sawr chuan heta ka awm chhung a mi hi a ti che zui dawt dawt!
"Jordan!" Hmeichhe naupang bo mangang zetin a hmel hriat a hmuh thut rual a hlimna leh beiseina a nei let leh ngal uai uai hi ka tehkhin ta ber!
Kei chu ka awm ve tih hrechang tawh lo lek in a tlan rawk rawk a, muangchang in a tlanna lam en zui chuan ka inher ruai ruai bawk.
"Mawla!" ti țiau chungin Jordan ban phar kak duai chu a bawh rawk rawk ani ber!
"Min lo ngai hman em ni?" Jordan chuan a ti let a. Nghet tak a Tetaktei a kuah hlu hlu rual chuan ka tawt nghal țulh!
"A teuh lo, hetah hian riak daih la ka ti" a ti nui nui.
"Anih chuan lock up chhung ah ka va lut leh daih a nge" tih pah a Jordan'n a kuahna phelh sak a tum rual chuan "aih" a ti let tûng reuh.
"Riak se min ti ani lawm ni?"
"Aih, ka phal bawk lo" a ti vak a, Madina leh Sammy chu an lo nui hawk hawk, nuihpui tur pakhatmah ka hmu ve hauh lo!
"I phal lo maw?" ti sup in Tetaktei sam ah chuan duat zetin Jordan chuan a chul a.
"Umm"
"Ok, anih chuan ka lut leh lo mai ang" ti sup in Tetaktei chhip ah a fawp zui vang vang mai! An lam pan chuan an țhiante pahnih pawh an let phei a, kei erawh ka dinna ngai ah ka ding khawng luah.
"Nangni pawh maw?" Jordan chuan a ti hluk, an taksa a insi tam tawk tawh tih hriat takin Tetaktei chu a pawm kang nawlh a, Tetaktei'n a kawngah kherh bet chial a Jordan darah a bei tlat lai te chuan kut ka lo hum ruh țeuh ringawt!
"Kan Lola hian min rawn vau nasa em a lawm" nui hawk hawkin Sammy chuan a ti a, Jordan dara thlamuan hmel zet a bei kak hmeichhe sam chu tuai thur sak thuak in a țhianpa dar lehlam ah chuan kut a nghat thak bawk.
"Ani tereuh hian a rawn hrilh che u maw?"
"Min rawn vau dan kha kan sawi duh a ngem Madin"
"Hey, insual in țawng leh chuan in pahnih hian police te hi ka man tir daih ang che u" Tetaktei chuan a ti let ta pang pang a, an țhian za ho chu an nui tlang ta hawk hawk.
▪
"Hrep che hian Lola, i thumhnaw huh pawh i la thlak miah na nge?"
"Nangmah pawh i la hnawm ve vek tho hi"
"Keite chu mipa alawm ka ni.." thaw hak in Tetaktei chu a melh run a"tinge i inthlak hmasak phawt loh a, i damlo mai dawn sin" ti leh nghutin Tetaktei chu a tshirt chhung ah a thun bo hmiah!
Steering control mawp mawp chungin darthlalang ațang chuan seat hnung a inpawm bet tlat te pahnih chu en run in ka ner leh sawk țhin a, zawi tak a an inbiakna te chuan engtik laiin nge ka thin a tihur hman ni, na zet in steering ka chum nghal pawp!
Jordan chuan min rawn en vut a, rang fahran a tetaktei'n a kawr haihawn a tum chu kuah bet sauh in "che suh" a ti sup bawk. Ani lah chu ka lakah kawlsen em em siin Jordan awm ah chuan a bei leh hmiah!
"Zanin i chet dan khan min ti lungawi lo khawp mai" ti hrawih in chung lam ka ban vut, light a en rual chuan Tetaktei tîm deuh chawi chu darthlalang aţang bawk ka hmu thawi fua! Nie, ka awm dan tawt țun reng hi Jordan saw hmeichhia a khawih vang nilo in zanin tlai a chet dan in min tih thinur vang zawk ani ngei tur ani!
"Hmeichhe dawheh zet kut ka thlak vang khan maw?" Jordan chuan a rawn ti chang fak! Rum chhuak nghutin kan inpeng ah steering chu ka her kual hrawih.
"Mi inchhung a buaina siam kha ching tawh suh ang che"
"Lola chung a țhat an chhuah dan a zir ani mai"
"Jordan" fiak țhawt a ti hrawkin brake ka rap nghal chawt!
"Jordan chhang tawh suh" a kawr chhung amiin zawi sep a a lo tih rual chuan Jordan țawng tur pawh a tawp leh chawt!
Ngawi rengin kawngkhar a nam hawng pawp a, Tetaktei pawm chung chuan a chhuak nghal vut bawk.
"Malsawmtluang i â tawh em ni a?" nui ro hawk in steering ka chum ri nghal bur! Ka mitthla ah Tetaktei'n Jordan chhuah theih loh chuan amah pawh tan ve a duh thu a sawi lai leh Jordan aw ri a hriat rual a hmel danglam nghal ve te chu a rawn lang zut zut a! Ka kawchhung a rawn so bulh bulh a, ka hrawk hrui phu zawih zawih bawk!
"I â tawh tak zet a nih dawn hi" zawi thum sup a ti hrawih in hmai ka tuai nghal pawk.
Inchhung ah ka luh ve chuan Rinchhani'n min lo pan thuai a, Tetaktei leh Jordan hmuh tur an awm lo tih ka notic rang mah mah lutuk bawk!
"Ih, station ah ka rawn tlanh ve ta duh lo a nih kha" dam raih a tiin ka ban bul ah a rawn vuan a.
"Ka chhungte kiang ah engkim i lo va sawi hman tho anih hmel" nelawm loh zet in ka ti hmuk.
"Mess.." hrilhhai hmel zet a min en rual chuan ka thaw chhuak ta hawk ringawt!
"Haw tawh rawh, ka chau, hahdam ka duh"
"Aaa, ka haw dawn lawm, Jordan pawh a rawn let tawh tho a..."
"Ka thlah hman lovang che" ka ti leh hmuk, hlauhthawn hmel tak amin en zak zak in a nui lui a.
"Ka.. ka hria e, ka pa driver ka call mai ang. Nileng in thesis tur buaipui in i buai tawh bawk sia, tlai lamah la..." min kuahna ban ka la sawn hmuk a, a țawng tawp chawt pawh chu ka ngaihsak tawh lo, Choka ka pan vut chu min umzui tih hre mahila ka ding chhin lo bawk.
Fridge lian pui ami tui bottle chu la chhuak in ka lem nghal khawlh khawlh a.
"Nutei.. nutei in police a call vang khan i thinrim ami?"
"C'mon khalam kha sawi tawh rih suh, a tlai hma in i pa driver chu call rawh"
"Ms..."
"Nu, Lola hi thlah pahin ka car lak ka ngai a, a tlai tak tak hma in kan chhuak leh nghal dawn" țhutkhawmna lam a Jordan țawng ri chuan ka beng a verh leh zar tawh!
"Va fimkhur tawh ula; i â țhin e mai, ngahnge mi in chhung ah leh nghal an fanu kut i thlak mai mai ni, tlem a tlem ah thubuai rit zawi i awrh lo hi lawm hle rawh"
"Nu, sermon chu naktuk zing a tan khek zawk teh" ka nu tlawn deuh chung in Jordan chu a ti fiam hluk.
"Jordan, chhuah a țul tawh lo!" Ti hmuk in choka kawngkhar ah ka ding run, Tetaktei pawn nizan acciden a tawh țum a a thuamhaw hak kha alo ha tawh a, Tîm dai in ka nu leh Jordan inkar ah a ding ran.
"Lola hi ka thlah dawn"
"I room ah chho rawh.." ka ti nghut! Jordan mitmeng thip nghal kham leh luhlul ngul a a țhen suk chu ka nu'n a ban ah a chelh thuai.
"Nie, bawiha, i u sawi ang chuan i room ah chho rawh, Lola chu i u in thlah rawh se, tiraw Lola" ka mizia a hrechiang bawk nen ka nu chuan thulai a lo rem zung zung a.
"I tan an in va kal lehna chi ani tawh lo hrim hrim; Hlimi chhungte'n an lo hmuh dun leh che u chuan Hlimi tan pawh a nuam lo vang"
"Rawn kal rawh" ti sup in Tetaktei ding tim daih chu ka melh thuak, inher vutin kawngkharpui ka pan nghal nul nul a. Rinchhani hamhaih hmel lutuk khan tîmna min siam chuang der lo!
"Kei min thlah tur a i hah thu chhuanlamah i hman laiin ani thlah tum a i nau kal tur dangin i thlah tur thu i sawi thei a maw?" ka chhungte'n a țawng ri an hriat hlau zet in ka hnung a min um hlawk hlawk tu chu a ti seh chilh nawk nawk.
Bolero chahbi chu ka hmet khap a, lock a inhawng ri nghal khup.
"Ms" ka ban bulah a rawn man chawt.
"Lut rawh.." ti hmuk in ka thle buk. Thinrim insum tak chungin a thaw chhuak hak a!
"Ka nutei in police a call vang khan i lungawi lo anih chuan kan sawi fel thei.."
"Khathil teh hrep kha sawi tawh suh" ka ti chhuak hrawk. A tawlh dawrh chu din hnaih vutin a bengbul ah ka kun hniam nghal ngur bawk.
"Sawi tawh suh, i tihtur zawng chu i causin khan a țawngkam vang fimkhur tawh rawh se, midang awm lai a sawi awm loh pui pui hmang a a unaunu a țawng khum hrat viau chuan khatiang thil kha athleng reng zawk ang" hriam hreih hrawih takin ka ti sup. Ka ding mar leh vut a! Rinchhani meng phawk hra chu melh chhuk runin ka țhen suk bawk.
"Eng nge i hriat a?" A ti bah nak!
Ka ban pahnih phar kak hluai in ka nui chhuak hawk ringawt! A sawi dik! Zanin hian engthil nge ka hriat tehhrep ni! Nizan lawk ah pawh damdawi rui chung a kan țhian ho min an khum hrep tu leh a chhungte'n rangkachak țhi leh pawisa ru țhin ti a an sawi, tun lawk ah pawh rangkachang țhi man tam hmel tak rawn hum chhuak tu ka țan vang khan kum 10 dawn ka lo zui tawh hmeichhe lakah lungawi loh tur ka zawng reng bawk!
Hrep hian!
"Lut rawh" ti leh hmuk in Rinchhani hmel buai nuaih chu ka inher san vut!
"I u Mapuia te hian an thlah mai ang che, i thlen hun ah Jordan emaw, keimah emaw min rawn call rawh aw" seat hnung a Tetaktei țhu ngawi dak chu ka nu'n a be mawlh mawlh. Nui sen sen hian lu a bu a, Jordan bawk zawng ang hrim a kan in lam a melh zeuh te chu lo hmu fuh em em in ka insehruh țun ringawt!
Kan tlan chhung zawngin a tu amah kan țawng lo, Rinchhani te in kawt ah bolero ka ti ding dawt a, hamhaih ru zet in min melh hawk bawk. Ka drop hmasa a beisei lo zia lah a hmel ah a lang reng.
"In ka thlen hun ah ka rawn hrilh ang che" ka ti thum sup.
"Aaa. Ok, fimkhur la aw" a bag siam țha pah in ka biang ah a rawn fawp a, a tih loh dan ani lo, țhen sak in kut min vai leh in a chhuak a, gate chhung a luh hma hauh in ka tlan chhuak leh nghal zat bawk!
"I kê kha a la na em?" a phu zawk a! Darthlalang ațang pawn lam a thlir dauh dauh, ka zawhna vang chuan kawngkhar hrul ațang min melh zeuh tih darthlalang a țang ka hmu bawk. Chimbuai tu awm hauh lova ani nen chiah hun hman thlahlel ang hrim a ka thawl ta huai chu atthlak ti lutuk in ka nuih chhuah pui suk bawk.
"Ih.. a na tawh lo a niang" a ti a, min chhan dan chu awmang lo a ti leh deuh nge lei chhuah tet in a nui ve hak. Naupang chhia reuh lutuk.
Kan ngawi dun leh ta reng a, Jordan tshirt chhung ah luh ve a, a awm a bei kak kha atih fo dan ani em tih ka hre chak ut ut bawk!
An inchhung kan lut tur chu hmeichhe naupang haw hreh deuh hi ka chan ber!
"Professor Ms" Pi Muani'n a lo ti nghal vat a. Min nuih tlawn ti tih bawk. Tetaktei erawh ngawi ngal in inchung kailawn ah a lawn chho daih
"Aaa.. thil thleng kha...a, i nau ani tih ka hrelo hrim hrim a, a zialo khawp mai" a ti a, a pasal erawh a țhu ngawi run. Ka nau a ni tih a hriat tak avangin a fanu kut a thlak kha pawi a ti leh lo si nge maw ni, ka țhut chhung zawng chu thupa a chawi a ni ri hawt!
Tetaktei a rawn chhuak thla tawh lova, he in ah hian țum thum chu min sawmna vangin Rinchhani nen zanriah kan ei tawh. Vawi te khatmah Tetaktei hi ka lo hmu ve ngailo! Nizan khan khawvel ka awm chhung a a vawi khatna a tan ka hmuh hmasak ber na ani a. Chumi rual chuan hman ni lawk a Jordan rawn hruai haw hmeichhia, a room tukverh a țang min lo en rengtu, a hmel ka hmuh chian theih hauh loh kha ani tih hrechhuak zawm zatin zanin hi kan thleng leh mai! An fanu ani ve lo tingawt dawn ila, he inchhung pa ber nen an hmai tlang a in ang fu thung!
Ka khum ah ngei ka tluk zal meuh chuan zan dar 11 a pel viau tawh! Rinchhani min call na a lo awm țeuh hman a, call let loin in ka thleng tih message in ka hrilh tawp bawk.
Minhringtu ka nu in min boral san hma vangin ka ko ah thil tam tak a tla a, kum 13 mi ka nih in ka nu a boral, ka farnu te pahnih an la naupangin ka thiam ang tawk in ka enkawl chho ve a, ka pa leh tun a ka nu te an inneih hnu ah erawh ka nu hi a fel a, enhranna tel hauh lovin kan unau pawh a fa ang tak takin min enkawl chho ta zel a.
Rinawm tak leh dik tak a hna thawk tur a ka pa khalh ngil tu ber pawh ka nu hi ani bawk! Pathian a țih in a ring em em, a hun tawp lam thleng a eirukna a hming hliau lova ka pa awm theih chhan pawh ka nuin tuktin țawngțaina nen a hna kal tur a thlah liam țhin vang ani ka tilo thei lo!
College leh University ka kal lai ata tawh taksa zawi zawi ka uar a, Mister ah pawh gold ka la ziah țhin. Hmeichhe lam ah ka tlak nat ang hu in hmeichhia ka lawm der lo!
Rinchhani te family leh kan family hi hman ațang lo inhre tawh, kan pa te pawh țhian țha tak ani a, naupan lai ațang inkawm chho a, puitlin hnu ah chhungte leh țhian țha te'n inkawp tur a min beisei tlat na chu pawm chho in ti hian Rinchhani nen pawh kan inzui ta chawt a!
High school kan kal lai ațang ani hi chuan min atchilh hle tawh!
Hman deuh a sawrkar hna lian tham chelh te zing ah eiru nasa zual an phawrh mualpho zing ah khan Rinchhani pa hi a tel ve a, eiruk bakah chhungkhat laina hnai zual midang chan pual hna ah lo thun a lo ngah nang bawk!
Court ah te a in lan zak zak hnu chuan an eizawnna te a lo tlachhia a, sumdawnna an bun tam tak pawh eirukna hmang a bulțan vek anih vang in a a tla chhe zui rawp rawp, leiba hlir in a delh rih lai karah Rinchhani te unau Doctor leh engineer zir laklawh lai a lo ni ve leh zel a!
Rinchhani zir chhuah hma chu a senso engkim ka tum sak ta tawp, theih ang angin engineer a u leh doctor zir ve tho a nau pawh loan puk chawp te'n ka pui ve lawp lawp a. Tunah chuan Pathian kaihhruaina zarah inzir chhuak puitling țhiau in an chhungkaw dinhmun pawh an sawh nghet leh tawh a, kan inneih hun chiah kan chhungte lam ve ve chuan an nghak tawh.
Kan inzuina a rei thawkhat tawh bawk a, innei silo in sex pawh kan palzam dun viau. Chu erawh midang hreve an awm lo!
"Engtin nge a awm zui reuh ang le" ka muhil lek lek tawh, khum ah țhu chhuak leh hlawk pah chuan phone ka ban nghal vut. Ka hmet eng a. Zinglam dar 2.
Ka haw san hnu khan a chhungte'n an hau zui ang nge... engtin nge Tetaktei kha a awm zui ang tih ngawt chuan ka thluak a luh ngut ngut a! Thaw chhuak hawk in khum ah ka let thla leh dawp!
"Malsawmtluang, i nau hmeichhia anih kha! Ngaihtuah zui tawh suh" ti chhuak sup in inchung a eng zam ruih chu ka melh ngur!
Midang awm te veng thawng lo lek a Jordan a kuah rawk rawk lai a ka awm dan kha eng nge anih tih lah ka hre der lo! Rinchhani'n mipa dang a kuah pawn ka tawt tup tup ngailo, mipa dangin a kuah thuak thuak țum lahin..
Ka kutphah lum thup ka awm ruak kung ah nghat chungin ka thaw chhuak hawk a! Ummm, he mi chhung ami hi vawi khat te mah a phu rang ngailo! Taksa sawi zawi a ka hah changin zanin ang chiah khan a phu dawt dawt țhin.. chu zawng chu!
Lola Pov
"Lo kal ru, lo kal rawh u" nem lutuk tak mai a Muani țawng duai duai chu ner khum sak in ka helmet ka la a. Kohhran nu țhenkhat te chuan min lo be ve luam nangin Muani ho in min rel zui leh hrep dawn tih ka hre kar.
Ka scooty chu ka ti nung dat dat a. Remremi leh Nuni'n min lo call sek tawh vang chuan chak tawk in ka tlan chhuak nghal zat.
Hman zan a prof Msa haw thawm kha ka hrereng a, a haw hnu reilote ah ka pa te pawh mu turin an rawn chho a. Ka room pawn a an thawm pawh ka hre vek.
"Pa-a, Becktei kha a muhil thei em lo va en ta che, Hlimi hi kan kawm lawk ange" ti nem hlei chungin Muani'n ka room kawngkhar a rawn kik a.
Hawn sak loh ka tum zet nangin ka hawn sak ta hram a, a rawn luh dawn chuan nui sang mahse kawngkhar a kharphui rual chuan min thah chak hmel lutuk a min melh chungin min pan hnai a!
"Nangnu vang hian ka fanu duat lai in kut a tuar tih i hria em?" ti khur ru hlawk hlawk chungin ka hmai ah tak min beng chawrh!
Mahse, eng nge ka tih inrin?
Awlsam lutuk!
A hmai dinglam ah tak ka beng let ve chawrh! Kut ka thlak let ve chu a beisei lo tih hriat lutuk in a meng bial kawk a. Nui sak chungin a hmai ah chil ka chhak țhawt!
Thawm a siam ring ngam dawn lo tih ka hriat miau vangin khami zan na nâ nâ kha chuan min tih ai let zel tih let tumna in ka khat a! Ka ti reng bawk!
"Kut min thlak ngam maw? Ka that mai dawn che sin" nui sak chungin rapawm lutuk in min melh ngawt ngawt!
"Ka hlau hlei nem! Thah che ka chak ve tho tih hre tel mai mai la" ka ti let ve sak!
"Zahpuiawm nu.." min ban leh a, a kut lo man sakin ka phih deuh sawk, ka hnung lam ah a va pal khut khut a. Ka pa in kan thawm a hriat hlau in thawm a chhuah ring ngam silo inhrosa ri chu a rapthlak teh a sin!
"Mi pasal uire tu mah in kawvel ah hian zahna i hmuh loh chhung chuan zahtur ka hre bik lo!" Ti leh salh in ka khum tlang ah ka țhu ngal. Min khawih chak bawk si, kut za inhum sawi kual vel kha mihlim in ti lam rui țhenkhat te nen a posi a inang hle bawk!
"Ka thusawi tur hi uluk deuh in ngaithla rawh, i fanu duat lai, veng chhung leh kohhran hmuh a lan mawi loh hlau, a ruk a a tui fim in kerh kerh thei tho nu kha hrilh chawng bawk la, a ruk a ka pa sum in chhep rel ruk hi hrelo ka nilo, ka pa in ac a siam sak bak che u ac dang in neih ruk ve ve pawh ka hre vek! In nufa pawisa ruk sa chu in ac ah dah lut a, keimah zawk rukru ah min puh leh chuan ac in hawnna branch hming nen lam ka pa ka hrilh ang, kut beng a kan inchhuahsan in duh lo anih chuan indinhmun dik tak inhria ula, in kutkem kha thunun țhen rawh u" hmusit zet a nuih sawng chung in ka tih khum phiar phiar. Nufa a kutkem nei leh nghal hi hlauh ka tum chhin lo reng reng!
Tun ang a kut ka thlak leh anih chuan min thah ahreh loh tur thu sawi in ka room ațang a chhuak a! Kartawp a lo ni a, Pathian chawimawina nei teh ang u, Becktei thla hualna ni pahfawm in tiin kohhran nu hlim sang zual a hui khawm a, tikhan kan in ah mi chhungkua rel khawm zut zut chung in a khat tawk a Halleluia Amen duai duai in Pathian chawimawina neih an tum anih kha!
Scooty dang lo in hun țhapna ah scooty ka hung a, Lalkimkima rawn lang vat țhin ka hmu mai lo chu ka hawilai lek lek.
Ka din deuh vang vang hnu ah pawh a lo la lang silo a. Coffee zawrhna lam pan in ka kal tlang ta daih. Kimkima ta tur ka tel sak hram. A chhan chu kan tuktin dan ani miau a, a lo tlai palh te anih ka ring.
[attachment=0]after-langford-hero-first-pic-look.jpg[/attachment]
"Min zawng em?" coffee dawr ațang ka kal chhuah chiah! Ka hnung lam ațang ka kawngah nghet zet a min rawn kuah in a hmui lum chuan ka beng a rawn nawr tawk!
"Jordan?" Ka ti țhat! Nui rum hawk pah hian ka darah khabe a rawn nghat dawt! Ka kawng a kuahna chu ti nghet zual sauh in thawk a la ham ham a.
"Coffee a ka theh țhawt lo che kha i vannei tak zet!" ti leh hlak in a ka bek in ka tauh ti deuh dat. A nui che dawt a, min kuah beh run miau vang in kei pawh ka che ve dat mai.
"Class ka kal dawn i ti ve sia" ka ti leh a. Coffee no pakhat chu min kuah lohna ban chuan a rawn ban vut a, ner nangin ka lo pe ve mai, ka dar ah a khabe lum vung vung nghat reng in a dawt khawlh a. A phun zui hluk!
"Hetiang! A thlum per pur lutuk!" ti hluk in dispo cup chu bawlhhlawhbawm ah a vawm lut nawlh, Leather jacket dum a ha tih a ban lek chhuah vut vang kha ka hmu thei a.
"Kimkima ta tur a ka tih sugar ka telh belh zawk i in anih kha"
"A tir khan sawi ta che" a ti hluk anih chu! Ka ner nang a, ka hnung lam ațang ka kawng ah min kuah run rengin min nawr kal nghal dat dat bawk.
"I class dawn lo mi?"
"Vawiin chu in class ka rawn chhim dawn" a ti sup, ner nawng chung hian ka thlek let haw a, a lo nui suk.
"Class kal hle hle rawh, vawiin chiah anih tawh hi"
"Min va ngailo ve mawle" ti hluk in crop top khuh lohna chin ka kawngfel chu a rawn chul thuak a, ka kawchhung za tlang uaih vang chuan che thut in ka inher nghal zawk! Jordan lah chu vanvadak meuh in a lo nui chhuak hawk hawk a.
"Hmela"
"Pumpkin head" ti sup in a kut pahnih a ka kawngfek ah man chawtin a taksa ah intauh chawrh khawp in min hnuk hnaih leh hrawk a! Ka vir let zawk khan ka coffee a baw zo vek tawh bawk.
"Eng nge i hriat a? Min min rawn hmu a nge?" ti sap in a awm ah ka nam dat. Chumi rual chuan natna a mit ah ka hmu zawk bawk!
"Min zahpui maw?" a insehruh țawlh țawlh!
"Aih.. ih, chulam anilo, ka.."
"Lalhlimpui" a rawn ti fawl! Melh rawm chungin a awm ah ka beng chawrh a, innam khalh in awm sawn ka tum ve țang țang nangin ka kawngah man hmuk in a lam ah min hnuk hnai ve zel a. A chak bik lutuk a ka hneh thlawt lo.
"Jail ah ka tan san leh daih mai ang che" ka ben na vang chuan mipa naupang ang mai in a rawn ti hmuk anih chu!
Ka nuihza lutuk chu hmui hup in ka nui ta hak hak a, ka kawng ah a kut pahnih a min chelh ngur in min chhuk melh ngur. Jail tan a min vau anih chu! Naupang chhia lutuk mai!
"Nui suk" ti hmuk in ka hmui hupna chu a rawn phih sawn hmiah; a rawn kun hniam thut a! A chal in ka chal a rawn nawr rual chuan a maimitchhing daih bawk.
"Mipa hmuh laiin khatiang khan nui miah suh ang che" a ti sup, thaw deuh hawk pahin a khabe in ka hnar a rawn nul tel thuak bawk.
"Lola..?" a aw chu a zawi lutuk.
"Umm?" Maimit chhing chung a ka chal ah min nawr tlat vang in a hmel ka hmu chiang theilo! Mahse, hmui a liak hnawm zoh tih erawh ka hmu..
"Min nei duh a ngem?" zawi lutuk hian a rawn ti chhuak sup! Jordan thusawi vang chuan vawi leh khatah ka lungphu hi a tawp dûk in ka hria!
"Mawh? Lola, min.. Min nei duh a ngem?" ril ruih hian a ti nawn leh sup, muang ruih in a awm hla ruai ruai a, ka hmai zawn ah tak awm thei tur in a rawn kun hniam leh a, hnai set sawt țang ka mit ah chiang lutuk in a mitmeng dum fiah kak chuan min rawn melh nghal siah bawk!
Nilengin ka awm a nuam thei lo! Jordan a hmel leh aw thu tak ruih te kha ka beng ah a ri nawn tluk tluk a. Kan țhian te'n min rawn pawh tak a vang in thim ruih a min melh vung vung chung khan min kuahna ala sawn a. INNEIH... OH! Neih ka duh em tih min zawt? Anih kha!
Kha thu kha tinge min zawh ve ringawt tih lah ka hrethiam der bawk silo!
Kimkima leh Remremi te an rawn rik tak chul ah chuan midang hriat loin 'tlai lam ah amah nghak tur a min hrilh' sup hnu ah a bike hunna lam ah min let san a.
Tinge neih ka duh leh duh loh kha min zawh ringawt le?
Chawhnu lam ah chuan ka awm a nuam lo tak zet tawh! Kimkima'n class a neih loh laiin Beer lei turin ka tir a, a lo let leh chuan damdawi a rawn let tel pui a. Beer rual in damdawi mum 4 ngawt ka lem tel! A chhan pawh Jordan zawhna mak sak deuh kha theinghilh daih ka duh!
"Class ah ka awm peih tawh lo"
"A mak thei.." Nuni'n a lo ti hlak.
"Library ah ka awm rih dawn"
"An siam țha a; an khar rih kha mawle"
"Ka luh lenna tur chu kua a awm em em ang" ti hlak in ka bag ka ak țha a, class ațang ka chhuak tur te chu ka lu a hai lek lek.
Library lam pan chuan ka kal hnak hnak a, chei țhat hna thawh mek ani a, vawiin hian harsatna eng emaw a awm vangin an chawl a, an kalh bur lo, lehkhabu pawh lehkha zir peih fal zual te'n an hawh chhuak tho. Mahse, a chhung ah erawh zirlai naupang an awm ngailo thung.
Library area reh deuh raih mai ka thlen tak ah chuan thawk la hak in ka lu chu ka kuk pah lawlh lawlh!
"Jordan thusawi kha ka hresual ani ngei ngei ang" ka ti nuah nuah a.
"Mahse, tukin khan ka la rui miah lo..aaaa, tinge khatiang khan Jordan kha a lo awm thut a??" cement chhuat ah chuan per tan tan in ka sam chu ka tuai vak vak ringawt! Khathil a sawi vang khan ka hmu hreh vek tawh dawn sin!
Inneih te chu inngaizawngte leh inhmangaih te inkarah chiah tleng tur a lawm! Â leh lutuk! A ruih vang a sawi mai mai a niang!
Ka beisei ang ngei in Library kawngkharpui chu a lo in lock ringawt!
Lock chu ka nawr hawng a, ka luh hma chu Prof Ms-a aw ri ang deuh khan min koh than in ka hria a. Mahse, chu pawh chu ka hriat sual bak ani dawn lo tih hria in ka um e peih ta lo!
"Tah hian Jordan chu ka biruk san daih ang, naktuk khawvar hun ah chuan vawiin ang khan mak sak deuh deuh in a che tawh miah lo ang" ti nui nui in ka pen lut a, kawngkhar upa tawh tak leh lianpui pawh chu nam khar leh in thawk ka la ham ham.
Library chhung chu a lo hnawk khawp mai! Lehkhabu awmna chhuar lian pui pui te chu inrem fel lo in a lo inhung sawi rem rum a, hmanrua mai bak ah dawhkan țhenkhat chu dawh zawmin a chung lam ah chair a lo inkhaikhup fur hlawm bawk.
Chair pakhat ah țhut thlak hnawk pah chuan bag chu dawhkan awl ah ka dah chawrh. Damdawi ka ei tel chang hian ka rui over in ka hre ngailo! Mahse, ka harhvang vak thei ve tlat lo!
Kê pen khup khup ri chuan min hnaih tulh tulh a, dawhkan bawh reng chungin ka hawi chhuak a, lehkhabu chhuar inhung kawisawi rem rum karah chuan ka lam panin Prof Msa a rawn pen phei pawk pawk anih chu!
Țum dang ang bawk in a hmel chu a tak ngul, tshirt dum simple zet a ha tawp, jeans kekawr pawl duk kuk leh adidas sneakers dum man tam hmel zet a inbel leh tawp! A rawn hnai tulh tulh a. Ka lo nui ta hak thung!
"Ha.. ka ruih chang a sawpa hmel ka hmuh saw chuan ka mumang a ni leh dawn chiang sa! Sawtiang hmel dur thim khup reng ka mumangah a rawn lang ringawt zel hi duh pawh ka duh lo, aw thum det dut si! Meng dur thei ropui si" ti nui nui ka țhut dan siam țha sat sat pah hian ka maimitchhing leh nghal daih.
"I mumang ah min hmu chu i lawm vak nange?" Ka hul lawk a aw thum dut leh thuk ruih bawk si vang chuan lu ka thing mat mat mai!
Chair inpawt chhuak thawm ka hre zawm leh zat! Harh deuh kawk in ka țhu ngil nghal awt rual chuan Prof Msa chu ka hma chiah a lo țhu runin uluk zetin min lo en ngur anih chu.
"Kal bo vat teh" ka ti hlak, a kutțang a ahnar nul thuak in a lo kiai suk.
"Hman zan kha.. i la hria em? Ka mumangah ka hmuh zan che khan.." ti bah nak in mit ti zim sat sat chung chuan ka en ha ha a.
"Lola" aw thuk ruih hian nuihzat hmel lutuk in a rawn ti chhuak hluk!
"I hre tawh lo mi? Ka mumang ah ka hmuh hmasak ber zan che khan eng thil țha mah a thleng lo..." uar zet chuan ka ti leh tan tan a, țhu ngawi ngul chuan Prof Msa chu a kiai suk suk.
"Thil țha lo tak ka man zawm leh hma in ka mumang ațang hian thlawk bo rawh..." nui rum hawk in ka chair vawn chhan ve ve chu a kutphah hrawl zet pahnih chuan a rawn vuan nghal hmiah anih chu!
"I mumang ah chuan eng thil nge thleng min hrilh ve la?" ti chhuak sup in vawi leh khat ah ka chair chu a pawt hrawk a, a kap karah ka chair nen chuan min pawt lut dawrh anih chu!
"I mumang ah min hmuh țum chuan engthil maw thleng a?" ti sup in ka khabe ah a rawn dawm nghal vut. Mit ti zim sún chung hian hnaih zet ah min melh vung vung bawk.
"Hetiang hian i ti..." ka ti a. Prof Msa chu pa zet hian a lo kiai leh suk.
"Tihian maw?" a mitmeng lum huam a min melh run chungin min kuai dak salh a. Aw tih nan mit ka khap chu rawn hmu in a rawn kun hniam nghal vut, a chal in ka chal a rawn nawr si a! Ka awm chhung sa nghal bulh bulh leh thinphu rang dawt dawt chu ka mumang hmasa ami ang chiah chiah kha!
"Anih chuan tihian kan awm em?" ka hmai zawn ah thum zawi ruih in a rawn phun sup, ka kawchhung chu a lum hut hut a.
"Aw" ka ti sep. Zawi lutuk hian a rawn rum hawk mai.
"A dawt ah eng thil nge ka tih leh?" ka hmai bul chet ah thaw lum ham ham pah chuan a rawn ti zawi sup! Ka mumang hmasa kha a rawn in repeat dawn anih ka ring rum rum!
"Min hrilh rawh Lola?" ngenngawl zet a ti zawi ruih in a hmui lum in ka biang a rawn nul thuak, ka hmai ti hi a țek kual chhawk mai in ka hria!
"Min... min fawp a, ka.." ka sawi zawh hma chuan a hmui lumin ka hmui a rawn nul thuak anih chu!
"Chuthil chu tunah hian ti turin min duh em?" a awm chhung aţang ri che che hian a rawn ti thum ruih! Kan hmui chu a insi che che! A hmui lum in ka hmui fawp silo va a rawn tawh thawi thuak ringawt pawh chuan ka tiril hi a za uai uai a, ka lungphu ri dup dup phei chu sawi tello zawk ang!
"Lola?" khauh deuh tak! Mahse, ngenna ri tel tho si hian a rawn ti sup. Ka khabe dawm reng si chuan a kutzungpuiin ka beng hnuai a rawn nul a. Hman zan ang khan a taksa lumna ngah zet a min khuap bet run chung a a theih ang tih pawh ka hriat ngai loh khawp a zei leh duhthawh a min fawp ngawng ngawng tur khan ka duh tak zet em! Mumang bak ani leh dawn chuang lo ti rilru in chil ka lem dak a, chutih lai chuan dawhtheihna tlak chham hmel zetin Prof Msa chuan ka hmui chu a rawn nul leh thuak tawh.
"Aw..." ka ti sap. Ka aw tham țîak a hriat rual deuh thaw chuan Prof Msa chu ka kawchhung țham za chuai khawp a thuk leh thum hian a rum chhuak hawk!
"I inchhiar lo vang tiraw?" A ti sup, a nui suk a chu a mitmeng thim ruih ah erawh nuihzatna alang vak lo! A kut lum thup a ka khabe dawm chung chuan a rawn awm hnai ruai ruai a, ka hmui hnuai lam chiah hi a rawn pet a, min fawh ngawng ngawng ang khan min fawp se ti zet in ka taksa khawi lai pawh chu a hmasa ami ang feel chak khan tui hal!
"He hmui fawh nuam zet fawp tur hian min duh tak zet em, Lola" zawi hniam chhek chhawk hian a rawn ti rum hrawih!
"Aw..."
Sawi nawn leh a ngai tawh lo reng reng!
A hmui lum huam leh nem zet chuan ka hmui a rawn khar nghal hmiah! Zei lutuk hian ka kâ chhungah a lei hrawl leh thap hrak chu a rawn nawr lut nghal zat bawk, ngawl lutuk a ka kâ chhung a hawl kual ngawng ngawng rual chuan a kutphah pahnih in ka biang a rawn khuap a, min fawh dan ril lutuk leh ngenngawl ngûk bawk si chuan ka awm chhung leh tai bawr a ti za uai uai!
"Little one, min chhang let rawh" ti hrawih in ka hmui hnuai a pet ri chawk! A lei sa huam chu a ngai ang bawk in a rawn nawr leh nghal zat, min fawp ngawr ngawr chung a arum ri leh hawk thum pa lutuk chuan ka thluak a ti chawlh vek tawh, ka bing mup mup a, infawh chu a zeiin a lei tih chet vel dan ril lutuk chu a hlauhawm pha lek lek!
Tim daia lei ka tih chet ve zeuh rual chuan Prof Msa chu a phur sauh emaw tih tur in ka kawng ah rawn man chawt in a malchung ah min pawm kai nghal nawlh! Ka mal chu a pawt kau deuh hrawk in a malchung ah chuan min nghat leh a, ka malinkar chu a kekawr chhung ațang eng emaw hian a rawn do let nghal run bawk!
Min fawhna thlah hauh loin a kutphah lum thup chuan min chul kual ruai bawk nen, awm dan tur hrelo zet in a nghawng ah ban ka suih bet a!
"Fuck! Hetiang a Jordan nghawng i kuah lai khan rawn phih hran hlawk che ka chak a sin" ti chhuak hrawk in a malchung a ka țhu reng tawh sa chu awm lum vung vung si chawt chawt in min kuah țawk tawk!
"Nangte reuh hian ka tluak i sawp chau vek tawh" ti leh hrawih ka kawng chu nghet takin a rawn man a, chumi lai chuan ka mal inkar a min do let tu chu a rawn ruh zual tulh tulh a.
"Lola" a aw thum pa lutuk a ka hming lam chhuak hrawih in min din kan pui nawlh.
A taksa hrawl leh khauh țang chu min kher beh ngheh tir sauhin a rum nghut, ka nghawng ah a hmai sa huam in a lo nawr tawk a, ka za uai a, ka nui chhuak hak bawk!
Dawhkan chung a thil awm chu dawhtheih loh hmel zet hian Prof Msa chuan a nawr sawn buan buan a, dawhkan ah chuan min nghat in min bawh bet nghal hmiah bawk! A pumrua chu hrawl in rit viau mahse nam sawn nachang pawh ka hrelo! Ka mal inkar ah tak a taksa rit nulh a min delh run tak ah chuan ka taksa hian eng emaw mammawh nasa lutuk a nei ni mai hian ka hria!
Rum chhuak nghutin ka hnung lamah a kutphah lum thup leh hrawl zet chu a zen lut thuak! Awl sam lutuk hian ka kawrhnuai kilh a hmet phelh hmuah! Ka ruak nghal hawk bawk! Ka hmai zawn ah inbeng kang hlek in pa lutuk hian a rawn nui suk a! Ka han ban ringawt! Ka kut chu lo man in a biang hmul chuan a rawn nul thuak bawk! Tuna a lan dan pa lutuk leh rum nghut nghut ri te hi a tak ramah kha chuan ka hre ngailo! A tak ram ah chuan dur tak a min melh khui khui in țawng kam bul leh khauh fur in min be bul vut vut țhin a, ka mumang ah hi chuan a mizia a hrang hlawk, a nui hmel pa lutuk hian ka thawk lak a ti rang a, a mit bul vun chuar lang ruih a a nuih suk rualin ka taksa a lo lum hut hut thei bawk, ka mumang ah hi chuan a taksa lumna ngah lutuk hian a tilang sexy zual tak zet bawk.
Ka nghawngah a rawn fawp chawk a! A hmui lum huamin ka taksa a deh rual chuan ka taksa chhungah hian min rawn hnawh tup tup tu a awm! Hnung lam ațang a kut a rawn sawn hmain ka bar hak chu a nawr tawm chho hrawk, a kut lawng in ka hnute a rawn țham nghal tawn tawn bawk!
A kutphah a len lutuk vang nge a tha chak vang hrim hrim ka hrelo! Na ka ti deuh a.. mahse, ka hmui ah rawn fawp tel ngawng ngawng pahin ka mal inkar zawn ah a taksa a rawn tih chet tel hnu chuan a na kha za uai uai in a rawn thlak nghal vek!
Ka tum vang ni miah lo in ka rum chhuak hak a!
Prof Msa sam karah chuan ka kutţang rawlh lut in ka thaw chhuak nghal hraih bawk!
Ka hmai chung a min melh run chhungin a kuţang in ka hnute hmur a rawn hrual kual a, Current chak tak in ka taksa chu a man ta mai a maw ka ti, ka tal dawn a, a taksa min kherh bet tir chung a min bawh run vang chuan ka tal hlei thei lo! Duhtawk a ka hnute hmur a khalh kualna in ka taksa a tih danglam nasat zia chu uluk zet in min thlir vung vung bawk nen... ka kut chuan a ban rek ah ka hum deuh chawt a! Chu ka thil tih chuan a chawk phur sauh!
A kut pahnih in ka hnute chu rawn hum chawt in a rawn țham nghal bawrh bawrh, ka eu tan tan a, ka tai bawr vel kan a ka tal nak nak lai te chuan a rawn hrawm na tulh tulh, rawn kun hniam vut a ka dul a rawn fawh chawk lai chuan thaw ri hak in Prof Msa hming chu ka lam chhuak sap!
Lungawi hmel zet in a nui lum hawk, a kâ chhung ațang boruak lum rawn chhuak chuan ka a kawchhung a țham za tlang uai! A lei thawp hrak a ka dul thep thlep rawn liak pah chuan a vun chu a rawn hne tel dek dek a, chawl miah in ka hnute a țham tel salh salh bawk nen ka khaw hmuh a phe ruai tawh!
"Ka tawp san phal hauh lo a nia Little one" a rawn ti rum nghut! Ka kawr hak lai chu a rawn nawr tawm hrawk in a thaw nghal hawlh mai!
Bra chawp in ka nghawng lamah a nawr tawm chho vek tawh miau a vangin kawr ha lo ang maiin a taksa hrawlpui hnuai ah chhuan ka lang vek!
"I taksa phu loin i hnute hi a lian reuh anih hi" ti sup in pa zet hian a kiai suk! A mit bul ah sexy tawkin vun chuar a kal phei ruih bawk, ka hnute a țham hrep tawh vang a mar at chu a rawn tuai kual thuak thuak chungim a mitmeng uk thim ruih chuan it hmel tak in melh run bawk nen tun ang tak a taksa danglam hian vawi khatmah ka la awm ngailo!
"i hnute bial nalh zet hi i hmui ka fawh ang chiah a duhthawh a fawh sak tur che khan min duh em?" Ka beng bulah sexy lutuk in a rawn phun sup sup, a kutphah hrawl lum thup erawh chuan ka hnute bial kawh lah chu a tuai hauh hauh thung....
"Lola.."
"Ka hrelo.... ka.. zeploh chuan hetiang.. hetiang hi ka ti ngailo.. ka.." ka hnute a khawih kual reng vangin ka țawng bah nawk nawk.. "ka mumang ah i lo lan khan min fawp a.. kha kha, a takah leh ka mumangah mi ka fawhna hmasa ber anih kha.."
"Really?" cool lutuk in a nui suk, a mitmeng thim khup erawh ka hmu de sawr sawr!
"Anih chuan hethil ti hmasa ber tu ka ni leh dawn nih chu.." ti chhuak supin a kâ chhung sa huam chuan ka hnute chu a rawn hmuam zui nghal zat! Feeling mak lutuk in min rawn tuam hlup a vang chuan sawi thiam lo khawp a mak in ka tha a khur a! Ka țang vek!
Duhthawh zet in a fawp ngawng ngawng a, a kutphah hrawl leh lum thup lehlam zawk in a rawn țham țawn țawn bawk! Ka awm chhung za uaih uaih vangte, a taksa rit nul leh lum huam in min delh run chung a ka mal inkar ah chet a rawn lak dan te vang chuan ka â mai dawn in ka hria!
Ka taksa khawi lai mai pawh hi a za chhuak vek! A ka chhung a sa tha in a zei em em mai bawk si! Ka hnute fawp reng chung in kut pakhat a chet a,Ka mal a țham thla, pawt kau deuh hrawk in ka kekawr hak chhan ah chuan ka mal inkar chu a rawn zut a! Chu kher kher chu dawnsawn dan tur ka hre thlawt lo!
"God, Bawihte i thawm dim rawh" nuihza insum zet a ti chhuak supin a kutphah hrawl zet pakhat zawkin ka kâ a rawn hup nghal hmiah; ka hnar aţang ka thaw chhuak ham ham a, Prof Msa chuan ka hmai chung aţang a mitmeng sexy leh pa zet a min melh chhuk runin pa lutuk hian a rawn kiai suk, a hmui bul vel a hnawm hluam tih ka hmu thei bawk!
"Ruih i nei em?" Vawi lehkhat ah a mitmeng lum huam leh thin chu inthlak thutin a dur nghal khup! Hnaih set sawt aţang chuan min melh vung vung a.
"Lola?"
"Ka... ka ruih vang reng in a lawm ka mumang ah ka hmuh che.." phun hluk hian sam a tuai nghal thuak!
"Ruih i neih chuan min hrilh ta che" ti hmuk in a hmai sa huam in ka nghawng a rawn nawr leh tawk, ka mal inkar chu na deuh in a rawn nawr tel vak bawk nen ip chawi chungin a taksa hrawl leh lum vung vung chu ka lo kherh bet vak a!
" tawp kan ngai" zawi lutuk a rum chhuak nghutin a inbeng kang thut! Vawtin min rawn țham sung sung a, hnute lang vek a dawhkan a ka mu zawi reng chu in control tum a thawk la hulh hulh pah chuan min thlek vung vung tho, a hmai vun sen uk țawlh țawlh leh a chal a thisen zam lang val kulh te chuan inthunun harsa a tih zia a ti lang chiangin kham loh hmel lutukin ka hnute pahnih chu a rawn țham leh nawk nawk phawt! Min khawihna apiang chu dan tum lova nuam ti tak a ka dawngsawng thei chu mak ka ti... aaa... mumang mai mai anih vang te pawh a nih ka ring!
Ka hriatthiam lova engthil emaw phuh chhuak hluk in ka bra chuan ka hnute a khuh nghal hrawk! Ka kawr a pawh thlak lai te chuan thinphu rang dawt dawt chungin ka lo en reng ringawt!
"nangtereuh hi chuan engkim i theinghilh leh vek a nga!" ti hrawih pah chuan zo tak hian min pawm tho nawlh!
Chair ah a țhu thla dawt a, amal chung ah min nghat in ka kawr chhung ah bawk a rawn zen lut leh vut, a kutphah hrawl leh lum thup a ka hnungzang lo chul kual thuak thuak in ka bra kil chu a siam țha a!
A kut chu muangchang a la chhuak leh in kei, amal chung a țhu zawi reng khabe ah chuan a rawn dawm leh a, a hmel tak ngul leh sen uk khup ah chuan eng emaw ka thinlung thleng a fan rawih rawih theih khawp a ril inphum ru ka hmu ni mai hian ka hria!
Mûk ruih a min melh vung vung pah chuan a mitmeng uk thim khup chuan ka hmai tlang chu uluk zetin a chhui kual a, ka hmui ah a mit thim khup a tawp rual chuan a taksa hrawl pui che awk khawp in boruak a hip lut nghal hawm hawm!
"Lola, ka thluak i ti buai tak zet!" a rum ri hawk ani ber mai! Ka khabe a dawmna chu thlah vutin a awm ah nghet deuh in min kuah bet hrawk! A awm hrawl leh lum vung vung chhung a alungphu chu a ri ve dawt dawt tho! Chu chuan min nghawr dawt dawt a, min tihnat hlauh hmel zet a ka sam a chul laite chuan ka lo hahdam ve em em ringawt!
"Ka hmuh theih ah rawn in lan tawh suh; anih loh chuan ka inthunun thei lo mai ang" a ti zawi thum ruih! A țawng chhung zawng chuan a awm hrawl leh lum vung vung chhung ațang min nghawr dur dur a. A ban hrawl leh tha chak zet inkar a awm a, a uap lum vung vungna boruak dawn chu nuam ka ti! A hahdam thlak tluk zet in ka zang vawk a, ka thlamuang em em bawk!
▪
"Lola?"
"library ah ka awm dawn a ti a lawm.."
Jordan leh Kimkima a aw ka hre vuat vuat!
"Lola!" Jordan aw ri chu a tawp chwt a!
"Hetah eng nge i tih ve?" Jordan aw chang bul ri vang chuan ka meng chhuak riai riai! Leather Jacket dum kha ala ha, nghet zet in kut a hum ngawt ngawt bawk!
Muang chang a min rawn hnaih chhet chhet chu ka nuih
lo var var a!
Zing dar 5: 10 😱 Ka mu hman dawn lo. Ka mit a fiah lo sia, ka type chak thei thlawt lo!
Comments
Unknown1 January 2020 at 14:14
oiiiii avan ngaihnawm takkk
REPLY
Mutty1 January 2020 at 14:47
Ava ngaihnawm tak
REPLY
Unknown1 January 2020 at 14:58
Uiii....kei zawng an unau in ka ngaizawng tawp dawn
REPLY
Unknown1 January 2020 at 15:08
awi aww....Pitarte min ti aaa dawn😥😢😂van ngaihnawm tak em......
REPLY
Unknown1 January 2020 at 15:24
A lehpek a nghahhlelhawm mange
REPLY
Unknown1 January 2020 at 16:20
va nuam leh pek ve le
REPLY
Pc Lalzuatpuii1 January 2020 at 18:09
Awiii...anuam e ahrehawm ang kha,jordana hi ka khawngaih lawk..angaihnawm ani tawp
REPLY
Unknown1 January 2020 at 18:23
A ngaihnawm em em lutuk..ka vei bur tawh..
REPLY
Unknown1 January 2020 at 19:10
kei chu jordana hi ka khawngaih tlat
REPLY
Unknown1 January 2020 at 19:13
An unau hian ka duh ka nihpui ve2 dawn
REPLY
Unknown1 January 2020 at 19:29
Van ngaihnawm chiang em,MSA ka vei bur tawh,ithiam thlawte
REPLY
Hmingfaki notey pachuau1 January 2020 at 19:32
Jordan hi thi suh se....ka ngai nghal char2...
REPLY
25black1 January 2020 at 19:41
kham tih reng ka nei theilo hriatbelh chakna nun ang kha😁😁🤣ngaihnawm eeee Jordan hi ka khawngaih e....
REPLY
Unknown1 January 2020 at 20:07
Ngaihnawm tan tak tak e
REPLY
Unknown1 January 2020 at 20:50
A ngaihnawm lutuk tlat
REPLY
Unknown1 January 2020 at 21:27
Nuam ee
REPLY
Sangsang~lrs1 January 2020 at 21:29
ngaihnawm em em ani ringawt mai 😍😍😍
REPLY
Unknown1 January 2020 at 21:59
A ngaihnawm lutuk , at mai pawh a hlauhaem zawk 😂
Unknown1 January 2020 at 22:15
Awi, hreawm, next nghahhlelhawm nghal em em zel bawk si, van ngaihnawm turu buru thin si em
REPLY
Unknown1 January 2020 at 22:17
Oii....lairil hi a fan chuai chuai zel ivstory hi chuan ngaihnawm chiang kuang e
REPLY
Unknown1 January 2020 at 22:19
Carlosa te chanchin tlem i rawn zep tel a ngaihnawm zual chuan tunah tak hi chuan msa ka ngei hrih jordana khawngaihthlakk te ka tia
REPLY
Unknown1 January 2020 at 22:20
Ngaihnawm bawk.. Ka khamlo hle mai
REPLY
Kimi1 January 2020 at 23:52
va ngaihnawm tak
REPLY
Unknown1 January 2020 at 23:56
Lak lawh ve le
REPLY
Abbra Reo Pitartei1 January 2020 at 23:56
��������
REPLY
Unknown2 January 2020 at 00:00
Van ngaihnawm thei bian2 tak emn
REPLY
Mutty2 January 2020 at 00:05
Block comment dan zir ang aw
REPLY
Unknown2 January 2020 at 00:19
Zir ve chhin
REPLY
Unknown2 January 2020 at 00:21
Zir ve chhin
REPLY
Unknown2 January 2020 at 00:41
Ka la chhiar ui.. Zana chhiar tan Khek ang... Pasal fanau te Mut hun atan le😀😀
REPLY
Duhi Bawihtlung2 January 2020 at 00:55
A ngaihnawm em2 dan lutuk hi
REPLY
Unknown2 January 2020 at 00:58
A ngaihnawm loh chu ka ti lo,mahse unau a hmeichhe inchuh tih vel hi chu ka chhiar peih lo.I story ka chhiar loh tum nimai teh se
REPLY
Unknown2 January 2020 at 01:25
Ngaihmawm lutuk Prof Msa ka duh bur❤🥰
REPLY
Tetei fanai2 January 2020 at 02:34
Ngaihnawm khattlat
REPLY
Unknown2 January 2020 at 02:47
Ngaihnawm lutuk
REPLY
Unknown2 January 2020 at 02:49
Ngaihnawm lutuk
REPLY
Unknown2 January 2020 at 03:07
Jordana hi k khogaih eee
REPLY
Unknown2 January 2020 at 03:41
Ngaihnawm lutuk
REPLY
Unknown2 January 2020 at 04:44
A va ngaihnawm tak em.
REPLY
TETAKTEI
Chapter 9
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
Library hnawk rem rum chhung ah chuan Lola zawngin ka kal kual thuak thuak, a țhiante ber in he tah hian a kal an tih mauh bawk nen, chhuar lian pui pui hall chhung zau tham tak a inhung phelhsawlh khup phen te chu enkual in a khat tawkin Lola chu ka au thul!
"A kal dawn tih a sawi reng a lawm" Kimkima lah chuan pherh hlihlei in a lo ti ve chhen bawk.
"Ka hmuh loh zawngin i mawngah ka pet hrep dawn nia" ka ti hluk, men hmawn hmawn chung a min melh let rawmna chu ka nuih let suk suk bawk.
"library ah ka awm dawn a ti a lawm.." thle nghawng pah chuan a hawi sawn hmak, khi suk in lehkhabu chhuar lian zet chu ka kal hual nghal vut!
"Lola.." chhuar phen a ka mihring hmuh te vang chuan ka thisen a lum bulh a, ka awm chhung ami chu a che nghing lawih bawk!
"Hetah eng nge i tih ve?" thinrim insum zet in ka ti chang hrawk! Muangchang in ka u Ms-a chu a rawn hawi chhuak ruai ruai a! A hmel thim khup leh tak ngul ah chuan engmah a lang chhuak lo! Ka thazam rawn za kual nghal zawr zawr leh thisen lum so nghal phul chuan ka thawk lak a ti rang hrawk hrawk bawk.
"Jordan" a ti sup.
Thip zet in ka melh let ngur! Ka u chu engmah sawi zawm lovin a thaw chhuak hawk a. Keirawh ka dinna ngai ah ngawi ngur a dingin tha khur ngawt ngawt khawpin ka kuttum ka hum ruh fun fun thung! Ka kê chheh hi ka sawn hma anih chuan.... ka Lola lo tawktu mipa saw ka tan tunge anih tih hrechang lo lekin kut ka thlak zui dawn!
Ka thawm siam vangin ka u awm a bei kak Lola chu a lo meng diar diar a, ka u malchung a țhu reng chungin kei chu min lo nuih nghal sen sen bawk! Tha na lutuk a hawi sawn hmak in ka ner zui sawk!
An ni pahnih hi engtin tehhrep nge an awm dun theih? Lo awm dun satliah pawh nilo in.... thip rámin an pahnih chuan ka melh leh hrawk! Ka u malchung ah Lola chu țhuin ka u awm ah a bei kak, chu thil chuan engtin chiah in nge min tihnat hrethiam lo lek in ani lah chu a țhu mar a, a ban tereuhte pahnih phar chhuak pah chuan a zimar țalh ţalh bawk!
Tun ah tak hi chuan HERO ang a ka lo en țhin, ka u ngei mai hi sawisak a, tha daih duhna hial in min hnawh tawt tup tup! Ka Lola a lo khawih ve teh hrep avang leh Lola lahin a nghawng ah kuah chial chung a min lo nuih var varna te vang chuan ka lung zawn rawn na thip ngut ngut bawk!
"Jordan... nang pawh maw?" a kut pahnih a mit nuai in Lola chuan a rawn ti tham chhal a! Ka thin chhung tawt ipik zia hrelo lekin a mitmeng dava riai chuan min melh ha ha bawk.
"Ehe! Lola, Prof Msa nen khatah khan eng nge in lo tih a?" Kimkima rawn lang hlawl chuan mak tih hmel lutuk hian a rawn ti nghal tûng! A kut pahnih in a kã a hup a, a hawi kual ruai ruai bawk.
"LalMate nangpawh maw?" Mak tih hmel lutuk hian Lola chuan a rawn ti let a! Kei te, Kimkima te leh ka u te chu mak tih hmel zet a min en tawn sek in a tawp ah chuan za lutuk hian a nui chhuak ta hak hak! Ha seh chilh rûn in ro tak hian ka lo țhen ve suk bawk!
"Ka rui tak zet anih dawn hi.. Jordan, Kimkima leh Prof Msa te a rualin ka mumangah in lo lut vek a nia" ngaihtuah muk hmel fahran in chal a ti chuar ve deuh nang a, tun a kan awm dan hi a mumang ah a ngai tihna maw?
Huh! Lalhlimpui!
Ner sawk in hmai ka tuai nghal puat! Lola rui hi ka u hian remchang ah a lo la tihna ni thei mai em?
Chu ka ngaihtuahna vang tehhrep chuan ka kawchhung a sa leh hut hut tawh! Ka û țhu ngawi run chu va phih thawh nawk a, hnek zui chawrh chawrh mai lo turin mit ka chhing zui sawk bawk!
"Lola, lo kal rawh" ti deuh ruai chungin Kimkima chuan a pan phei nghal rawk rawk!
" i va â tak, lo kal teh" vin hlukin Lola ban ah chuan a va pawt lawp, Lola harh fimlo hawi buai rui nak chu ka u malchung ațang chuan pawh thawh a va tum nghal chung chung a.
"Hey.. Lalkimkim, mumang ah leh zel chuan min pawt vak vak suh.... ka luak khum vak dawn che nia" Kimkima kut lo vai nak nak pahin Lola chuan a ti nai nai. Kimkima mak ti bawk si leh ka û nen ber kher an lo awm dun in a țhawng ve tho bawk si chuan Lola hnungzang ah tak a ben sak ta pawp.
"Harh vat teh!" rum takin Lola țang țai chu a melh ta hrep.
"Lalmate.. i ninawm" ti țeu hlar chungin Lola lah chu ka û awm ah a bei leh thek anih chu!
Hlauhthawn hmel zetin Kimkima chuan min rawn en dawrh a, eng nge ka tih theih chuan.. kan ințhian țhatna a chhiat rual a min kalsan ka hlauh vangin he hmeichhe kiang ah hian ka duh thu tak ngial pawh ka hrilh ngamlo ani kha maw! Za lo fahran a khi suk pahin
muangchang in an lam pan chuan ka pen chhuak ruai ruai bawk!
Ka u awm ah bei hle hle chungin thawk a la siai siai a, mipa dang kiang ah a nuih ringawt pawn ka thik em em țhin tih hrethiam nise chuan tun ang hian a awm hauh lovang!
'Jordan, i thinlung neitu, i hauh ngheh bur nu hian a laka i rilru put hmang a hrethiam miau lo' tih chu keimah leh keimah inhrilh ru mawlh mawlh in ka thinlung na lutuk leh tha na ngut ngut chu beng daih ka tum a! A sawt mawh kher leh nghal!
An bul ka thlen phei lai chuan Lola tlak palh hlau va a ban in ka u'n a venna te chu va phih nghal sawk ka chak ut ut!
"Lola" ka theih ang a zaidam chuan ka ti chhuak sup, si sap a mit a rawn men leh chuan kun hniam vutin ka nuih lui suk bawk.
"Hruai tur che in ka rawn kal a" ka ti leh sup, zawi tih hriat takin a mitmeng nalh lutuk chu a khap fan raih a, mipa dangin an biak a, a tawh tak ngial pawh hmuh ka duh hauh loh lai kara ka unaupa mal chung ah ngei țhu chung a ka hmeichhe hmangaih ngawih ngawih in min melh tlatna te chu pa ve tak inti tak tan pawn chhung lam tawt tup tup a na thip tuk chu thawk lakpui a harsa ve țalh tho.
"Lo kal rawh le" ka natna leh thinurna zawng zawng thup hram hram in a sam ah ka chul thuak. A rawn nui sen sen a, he a nui hmel duhawm lutuk leh zun ngah lutuk vang hian keimah leh keimah ka inhloh zel tih lah a hrethiam ve pha hauh lo!
A ban rek ah ka hum a, tha nei lo tih hriat zetin amah zawk chuan ka kutțangkar ah a kutțang lo rawlh lut riai riai in a hma ang bawk chuan min nui leh sen sen.
Nui lui ve sukin ka pawt deuh a, țang miah loin Lola chu a rawn ding ve ta mai bawk.
Ka u țhu ngawi run leh Lola melh tawn zak zak pahin dawhkan a Lola bag chu Kimkima chuan a ban nghal rawk rawk bawk.
"Lalmate, i va rui awm em ..." a țawng sual tih inhrechhuak thut in ka u tukhum melh dawrh pah chuan a chip leh nghal hmak.
Lola taksa zawi hniang chu ka kuah bet hmiah a, a sam kar ah ka hmai a ka nawr lai chuan na lutuk in a kawngah ka kuah hrawk! A rimtui zet leh nu chek chek arah ka u rimtui hman rim ka hip lut tel ve tlat miau a tin ni! Ka thinlung chuan phatsan runthlak zet ka tuar tih min hrih a! Ka rilru erawh in chu chu atthlak a ti! He hmeichhia hian a țhian ang bak in min en miau tlat lo!
A sam kar ațang chuan hawi chhuak vutin a kawngfek lai chu ka hmer ngawt ngawt! Ka thinphu a rang dawt dawt laiin ani lah chuan a mumang ah kan pathum a min hmu ringawt chu mak a tih zia thu a phun pui nui nui reng a, a mumang a thil thleng ang in a ngai anih chuan A MUMANGAH VEK KA CHAN TIR ANG!
"Lo va chhuah pui rawh" ti sup in Kimkima chu ka melh nghal run, a meng phawk deuh kawk a! Mahse, insiam țha leh thuai in chair a ka u țhu ngawi ngul tukhum chu a melh zak zak bawk. Ka hmel en in kan unau a kalsan ngawt chu a him dawn loin a hriat vang nge hlauthawn hmel zet a min en pah chuan thawk a la a.
"Jordan, nangman lo kuah chhuak rawh.. a rit awm si"
"Ka sawi ang chuan ti vat rawh" rum zet a melh pah in ka ti chang fak.
"Aa.. aw, Lalmate ka lo kuah ang che" a ti nghal zung zung! Lola rui zawi ngiai chu rawn kuah in kawngka lam pan chuan a kal sawn pui hnak hnak a.
"Pawn ah khan min lo nghak ang che u" ka ti hmuk. College campus ah sawtiang a an inkuah chhuak anih chuan studen zawng zawng in Lola ruih thu an sawi zui luai luai mai ang.
Kawngkhar ah an chhuah fel rual chuan ka insum theihna neih zawng zawng a puak darh vek!
Che nghal vutin chair a ka û țhu ngawi run shirt awm ah ka țham sak nghal hrawk! Ka ban rekah a rawn hmer chawt rual chuan insehruh ţawlh ţawlh chungin hnaih chet chawt ah bih nghal run. A nau leh nghal in ka țham hmasa chu a lungawi lo hle te pawh ani ang, a mitmeng chu a thim nghal khup! Ka Hero ani țhin! Nun vawng uluk tak leh kan chhungkaw zahawmna humhim tur khawp a mipa chak, mi tumruh leh zahawmna ngaipawimawh mi a ni! Nu hran hrin nimahila amah hringtunu ang maiin a ka nu a hmangaih let nachang a hriat vang ngawt pawn ka zah ngawih ngawih țhin, chung thil tam tak te vang chuan kei hian sang tak ah ka dah bawk! Tun țum zet erawh chung thil zawng zawng chu hmuh kan vekin ka hmelma ang chiah in ani hi ka hmu!
"Lola lakah khan remchang i lo zawng maw?" ti chang hrawih pah chuan thaza lutuk in ka khi suk! Ka mit ah tak min en let ngur a! Inthiam lohna pakhatmah a mitah ka hmuh lo hlei hlei te chuan ka tha a ti za zek zek!
"I ngaih ang hmeichhia kha anilo" ka ti leh hrawk!
"Ka ngaih ang hmeichhia a nilo" rawn ti hmuk in a nui suk, ka thinsa zak vang chuan ka lam ah ka pawt nghal hrawk, thaw khur ngawt nhawt pah chuan a chal silo chauh in ka bih zui ngur bawk.
"A ruih vangin i lo zuam anih chuan i tisual chiang khawp ang!" thip ram a melh runin a kawr-awm ka țhamna chu ka thlah nawk! Ka thinrim chu engahmah ngaih loh hmel zetin a kawr chu a pawt mar vut, kei a thaza lutuk inhum ruh ngawt ngawt chu min melh chho run pah chuan a ding chhuak ruai ruai a!
"A lakah eng rilru nge ka put tih hre hmasa hauh lovin remchang zawng ah min puh ang maw?" țhen suk in min palzam zet chuan a laptop bag a ban pah vut.
"Min ngaih ang ai khan ka rilru put hmang a lo danglam viau thei a nia" a ti chhuak leh sup bawk, za lo fahran a a țhen leh suk chu hnek chawrh ka tum ut ut tawh!
"Hahdam teh! I țhiannu ani lawm ni, khatin hauh pe na lutuk duh suh, Țhian in nih kha" ka darah kut rawn nghat thuk pah chuan a ti zawi sup, Lola tan țhian mai ka ni tih min hriatnawn tir piah lamah.. FUCK!
Ka kuttum hum ruh tlat chu vai chhuak fua in a khabe ruh kual ah tak ka hnek zui chawrh! A thle sawk a, nui ro hawk chung a rawn hawi chhuak in a kutphah hnung lam a a khabe ruh kual nul thuak pah chuan min nuih nghal suk bawk.
"Jordan" a aw thum zet ah chuan thinurna lam aiin eng emaw.. ka hriatthiam silo nuihzatna alang chhuak zawkin ka hre tlat bawk!
"Ka nau leh! Kut i thawh maw?" ti leh hluk in a thle buk buk a, Ka û kut ka thlak zo chiah! Chutih rual erawh chuan ka kawchhung tawt phui mup erawh a thawl deuh hawk!
"I țhiannu leh mipa dang i hmuh dun chang apiang in atthlak takin i che chhuak zel mai dawn em ni Jordan? Lola tan chuan țhian chiah i ni! A țhian chiah!" ring vak lo in a ti chang rap, tham loh hmel zet a mi nuih leh suk in a khabe ruhkual ka hnekna chu a tuai hauh hauh a. A thusawi mal tin chuan kei leh Lola inkarah ințhian țhatna bak a awm loh zia a tifiah in Lola hi ka hmeichhia; ka ta bik anih lo tih min hriatnawn tir a tum ani ber!
"Wow! Chutiang thil chu kan professor zahawm lutuk tan sawi chi ani em?" tihel zet a ti hluk pah chuan ban ka phar hluai! Tun ang hian kan unau kan inhmachhawn ngailo! Hawi sang vuh chungin min melh nghal run bawk.
"Hmeichhe kawp lai nei reng chung in ka țhian nu i lo hnaih ang maw? Huh.. chutiang thil atthlak zet chu nang ang professor fing leh zahawm tak tan chuan thil tih chi ani dawn em ni?" ti leh kher in ka lo dahsan țhin na zawng zawng kha a bo zo vek tawh tih a hmuh thiam ngei theih nan ka nuih khum suk bawk!
Chet tlat tlat pah chuan ngawi ngul a ka u kut hum ruh ngawt ngawt chu lu ka thin khum nghut nghut! Hetiang tak a zahlo leh mawi lo hian ka pian a hnu lam ah ka û hi ka la țawngkhum ngai hrep bawk lo! Hmangaihna leh indona ah chuan thiang lo a awm lo tih chu tun a thil thleng mek ah hian a chiang viau bawk! Ka û anihna ang in ka zah thei tlat lo!
"Mi te ngaihsan rawn, mizahawm tak i nih kha professor, ka țhian nu bul hnai ah ka hmuh nawn tawh loh hram che ka beisei" ti nghut in ka jacket chu ka siam țha vut.
Library hall chhung hnawk rum ațang chuan ka pen chhuak pawk pawk a, thinurna vang a ka hmai sa hiam huam chu pawn ka chhuah rual in ruah sur thli thaw in a rawn chhem vuk vuk!
Bathlar kil deuh a Kimkima'n Lola a lo kuah ding țawk țawk chu melh in ka han thaw chhuak hawk hawk phawt a! He hall chhung zau zet ka luh hma khan engthil teh hrep nge an pahnih inkar ah thleng ang!
Fuck!
Ka sam tuai chho thuak pah chuan boruak ka him lup hawm hawm mai!
"Hetiang tak a rui tur hian eng thil teh hrep nge in in a?" an bul ka thlen phei rual chuan ka ti chang rawp! Kimkima dar ațang Lola chu pawt hrang lawp in ka pawm kang zui nawlh bawk! Beer rim a nam hiam a. Mahse, Lola hi ka hrechiang ve tawk! Beer a inhnem poh leh a thluak a fim țhin, hetiang khawp a rui chethei lo tur hian beer can 100 chuang a in ral a ngai ang!
Chhanna min pek hun nghakin Kimkima chu ka melh nghal run, Lola bag ak țha pah chuan nuam lo tih hmel zet in Lola tan beer a laksak thu leh damdawi nen beer a in thu a sawi lawi rat a. Ka mitah pawh min en țha ngam loin chhuat bih in a ding ngawi ta hmiah bawk!
Damdawi a ei tel leh tih ka hriat rual chuan rum chhuak nghutin ka bawm beh mek Lola taksa zawi ngiai chu ka chhuk melh tlawk tlawk ringawt! A hmelțha zet leh duhawm lutuk ațang chuan nun beidawng lutuk talbuai ani tih a hriat hauh lo! A chhung ril erawh khawharna leh beidawnna te'n an ei ral sak miau lawi!
"Ngahnge damdawi bawk ilo ei leh a?" ka zawi ruih; dawm kang deuh nawlh in a biang hit thler chu ka biang in ka nawr zui tawk bawk. A thawk la ri sek sek chu ngaithla runin ipik țun chung chuan ka thaw chhuak ham ham a! A nun beidawnna leh ruak lutuk te hi hnawh khah sak theih ka chak tak zet, ka kiangah a awm ringawt pawh a ka famkim hluah hluah țhin ang chiah in alakah chutiang a thuk chu hmun chan chak ve teh mahila a țhian țha tak ve mai ka nih miau avangin a nun ruak tak pawh ka hnawh khah sak zo ve lo!
A mamawh ang hmangaihna a dawn ve miau loh vangin ruihhlo a khawih nasat phah a, hengthil te hian min tina lo a nilo! A thawven theih ve na ber anih miau avang in a rukna na ti em em chung in ka en liam leh mai țhin!
"I hma ah ka awm reng chung pawn min hmu thiam der reuh silova tiraw?" nui lui suk in a biang mam hen chu ka hmuiin ka nawr vang vang bawk.
"Ka thiam ang tawk in ka hmangaihna che leh duhna che lan chhuah tir țhin mahila i thinlung a thleng pha ve hauh bawk silo! Lalhlimpui, ka nun i tih famkim ang chiah hian nangmah ngahnge awmzia ka neih ve theih ngailo!? Eng thil nge ti leh turin min duh! Ka la hmangaih tawk lo che i ti em ni, i thinlung thleng pha tur in engthil nge ka tih la ngai dawn?" Ka hmui a a biang nawr reng chung chuan zawi takin ka be mawlh mawlh. He hmeichhe tetakte thinlung thleng phak zo khawp a ka hmangaihna a chak tawk zo lo hian min ti rethei hluah hluah!
Nulat tlangval kawng a inzawmna a tluk luh hlauh ngawih ngawih tu lakah hian țhian aia thuk in ka hmangaih ani tih hi engtiang teh hrep a lan chhuah tir tur nge ka hre tawh hauh bawk lo!
Khawpui ri dur dur kar ah muangchang a ka hawi chhuah chuan uluk takin Kimkima'n min lo en reng a! Min khawngaih tih hriat zet hian a lo nui lui ta ringawt!
Thawk la hawk in Lola chal ah chuan ka fawp ta tawk! Kan țhian țha te leh kan bul a hun hmang nasa te chuan Lola laka ka rilru put hmang hi ka sawi chhuah kher ngailoin an hmu thiam vek!
Hmu lo in rei ka awm thei ngailo! MZU ah kal tawh mahila ka off lai talin amah hmu turin khawpui chhung ah ka tlan let vang vang țhin! An chhungkaw boruak rit tak vang a pawn chhuah a peih loh chang lahin ka tal buai a! Hmuh theih dan kawng ka dap nghal ruai zel!
"Vawiin thil thleng hi i sawi chhuak tur a nilo" ti nghutin Kimkima chu ka melh nghal ngur.
Hriatthiam loh hmel lutuk min en dawrh bawk.
" Library chhung ah khan engthil mah i hmu lo! Thil thleng engkim kha Lola mumang vek ani, Library ah a lo chatthla a, kan hruai let, chu bak engmah a thleng lo" ka ti chhum leh vut. Engkim kha a mumang ah a ngai anih chuan a mumang vek an ni mai tur ani! Ka u nen library ruak ah a harhfim loh laiin an lo awm dun tih a hriat nawn teh hrep pawh ka duh lo!
"Ka thusawi chu i hrethiam em? Engkim kha a mumang vek ani" ka ti leh nghut.
"Aaa.. aw.. " a ti bah nawk a, Library chhung lam chu melh zeuh in kei chu min rawn en leh a,rum tak a melh hrawk in Lola pawm chung chuan ka pen nghal pawk pawk. Kimkima chu kan hnung ah a rawn tlan hlawk hlawk a! Zirlai naupang tam zawk an haw tawh miau avang in college building pawh a reh duk, ruah lah chu a sur tam in khawpui a ri dur dur reng a! Parking kal tlang ngawt dawn lahin nihliap kan nei der silo!
"Kawngkhar kha hawng rawh" ka ti sup. Class room pakhat kawngkhar chu Kimkima chuan rang zet in a nam hawng a.
"Ruah han deuh hma chu tah hian nghak rih ang" chair ah Lola țhuthlak pui dawt pah chuan ka ti hluk. Kimkima pawh chu tlar hnung lam ah a țhu chho nghal a. Ka thil hmuh leh thil thleng vang tehhrep khan ka kawchhung sahal hulh hulh lah a reh mai thei der lo! Ka u nen an inkar ah eng nge thleng ang, engvang ngawt in nge kha hmunah khan ka u a lo awm ve tih te! Lola rui zawi reng a malchung ah pawm bet a, a lo kuah ngawt theih dan te chu hriat ka chak tluk zetin an lo awm dun tih ka hmuh rual ka awm chhung natna ai a let a natna belhna tur thil hriat belh ka hlau tel tlat bawk!
Ka u hi ka hriat theih tirh te aţang mihring fair leh mi fîr tak ani! Rawlthar chhuak ka nih ve hma a ta tawh u Rinchhani nen an inkawp ngar ngar, mipa dang ang lo takin zan hnih khat lek pawh u Rinchhani phatsan zawng in a khawsa ngailo!
Thil pakhat a buaipui tawh chuan chu thil ah chiah chuan rilru a pe țhin bawk! Thil diklo, dawt leh bum hmang te hi a huat em avang in ka ruih chhiar ber lai pawn dawt ka hrilh ngam ngailo! Dawt ka lo hrilh palh emaw, ka lo bum palh anih chuan a hriat chhuah ni la la chu ka chungah hremna/ thununna a lekkawh hun ani mai!
A thutsawi pakhat lek pawh theinghilh ve tawh ngailo leh bawhchhe ngailo khawp a mahni thil tih a chiang țhin a nih vang takin kan mizia inpersan viau mahse ka ngaisang ru em em zel! A mize ngeng ngul phen ah chhungkua a ngaihsakna te, independent tak sia kum eng emaw zah chuang a lo kawp tawh hmeichhia a pelhe san ngai miah thung lo te hi amah ka dahsan phah na a ni țhin!
Chutiang mihring, kal sual ve chhin ngailo khawp hial a ka lo ngaih mihring in Lola a kuah hlu hlu lai ka hmuh rual khan ka thik a, ka hmeichhe hmangaih mipa dangin an lo kuah vang pawn ka chhung lam thlengin a na rawih rawih hial! Ka hlauthawng bawk!
Ner ru sawk in ka vanvadak a, ka hrawk bawk che khawlh in chil ka lem dawk bawk!
Mahni thil tih a chiang em em țhin ka û hi mihring satliah ani tlat lo! Lola nen an lo awm dun anih chuan.... lu thing nghut nghut in kawngkhar inkhar phui lo ațang ruah sur buan buan lang var chuk chu ka melh run run. A thil tih ah a chian tluk zetin a duhzawng nei turin hun a seng ral tam ngailo! Lola a hnaih anih chuan Rinchhani a kal san ang! Lola a hnaih rual a a nghawng tur zawng zawng ngaihtuah lawk sa vekin Lola hi a hnaih chauh bawk ang!
Chuthil chu ani min ti hlauthawng tu! Lola ah rilru a pe anih chuan chu kawng chiah chu ding takin a zawh tawh dawn! Tu in nge tuar dawn tih lam in a rilru kal khat vut hi a ti buai phah tawh dawn hauh lo!
-
/
-
Motor in min rawn tlan pel zut zut a, ka lo awm dan chu tawi khawmuanga min rawn en tu awm ngatse chuan engmah sawi set set lovin in ka lo sawisa nghal chawr ang tih theih tur khawp hian ka tha za in min kiam san bo lo bawk!
Kê a kalna tur an siam ah chuan raling ngheng a țhu ruin beer ka lem kawlh khawlh reng a,
Ka thinlung thuruk zawng zawng a hnen ah puang chhuak ta ila, min hmuh duh tawh lo si se ka tlan buai dawn lutuk! Jordan Zohmangaih a hian țhian ang ngawt nilo in ka ngaizawng a, ka vei ngut ngut ani tih ka hrilh loh lahin ka hauh bur theih ka hmeichhia ani ngawt thei hauh bawk silo!
Ka beer can tawp ber chu tlak zo pawp in can chu ka hmet khawr rawp! Hotel ah room ka book a, Lola chu a țhian dangte'n an awm pui! Zanin hi Kimkima birthday a nih vang in a hming tal a party neih an rawt hlawm tlat si a! Lola awmna hotel chung ah party chu kan nei ang!
"Bawiha?" Madina aw ri vang chuan thawk ka la hawk. Chet tlat tlat a lu min thin khum nghut pah chuan a rawn țhu thla ve a! Inbiak ka chak hauh lo!
"Hetiang hian awm lo teh, midang rilru a nuam thei lo a nia" ka dara rawn beng thawk pah hian a rawn ti sup!
"Keimah vangin an hlimna a chia i tihna em ni?" ka kai deuh tawh bawk nen ngeiawm zet chuan ka khi tel suk!
"Ka sawi tum a nilo, ughh a hma ang khan awm leh tum hram rawh, Lola i duh hma ang kha.."
"Ngawi hmak rawh!" ti hrawk in ka melh nghal ngur, lu a thinng nghat nghat a. Van lam hawiin ka thaw chhuak ta hawk!
"Hmuh i hreawm em a lawm, kan Lola lah hian hriatthiam chu sawi loh, i duh in i vei ngawih ngawih ani tih hi a ngaihtuah thleng pha der bawk silo! I nat phah mai mai" ka tukhum a railing nawr run chungin ka melh zawk, a thu tak hmel hle bawk.
"Ka tum lo in i ring em ni?" Ka ti hluk! Ka tum ve nasa a sin! Kum 2 liam ta ațang khan kan țhian zing a mi lakah thikthu ka nei ta tlat kha zahpuiawm intiin tih tawp tum khan eng thil atthlak tak tak nge ka tih lah chhiar sen anilo! Hmeichhe chi hran hran ka kawp kual a! Lola hmuh ah kher awm puiin ani kha ka duh zawng hmeichhia a nilo tih fiah ka tum fo! Chutiang a ka feeling nawhreh ka tum nasat zawh poh leh ka vei zual ngut ngut țhin!
"Ka hrilh dawn" ti sup in ka sam ka tuai chho thuak!
"Eng chu... Fuck!" Madina chu a ding chhuak vut a. "Ni lul lo Dude, kan țhian ho kan keh darh vek mai dawn si" ti tawk in â min tih hmel zetin min nuih hawk bawk!
"Anih chuan ka hmangaih ani tih hi ka up bo reng ang maw?" ti țhawk in ka ding chhuak ve phut!
"Min han hrilh teh, ka hmeichhe hmangaih ngawih ngawih lakah inthup reng reng a hun hmangin mipa dang in inzawmna siampui ah an sawm chang apiang in chhan awm loin a lak ah ka thinrim reng dawn i tihna em ni? Hrep che hian" thinrim lutuk a ti vin hrawk pah chuan beer can let darh rum chu ka pet thlawk nawlh nawlh!
"Inbengdai phawt teh! Lola mizia chu kei aiin i hriat chian kha... engkim i hrilh hun ah kan țhian ho hlat a a kal hran chuan i talbuai ber dawn...."
"Hetiang a ni chung pawn ka at phah lo chauh tawh a nih hi" ka bek tawn tawn hmeh chilh nghek pah chuan ka ti chhuak țhawt!
"Nang hi chuan i hrethiam ngai lo ang! I duh, i hmangaih leh vei ngawih ngawih kha mipa dangin hel reng se, vir reng bawk se nang lah chu in ințhian țhatna a chhiat hlauh vang ngawt in inthup tlat bawk si la... damn it! Tu emaw in a thinlung hi hneh in min laksak ang tih hlau reng reng in kum 2 chhung hun ka hmang tawh a sin! Tuin emaw.... a.. a nun chhung ril ruak zawng zawng a hnawh khah sak a nga.. Fuck... ka chan dawn hauh lo! Lalhlimpui hi mipa vangin a hlim dawn anih chuan chu mipa chu keimah chiah ka ni ang! Ka hmeichhe hmangaih hi mipa dang in an tih hlim ka rem ti reng reng lo!" hrawk hrui phiar țawlh țawlh khawp a ringin ka au nghek!
Madina chuan beidawn hmel zetin ban a phar vut a! Na lutuk in beer can lo la awm chu ka chhuih thlawk nghal vawn vawn!
Footpath ațang chuan țum thla thurh in motor tlan zut zut chu ngaihven map lovin kawngpui tan tlang chuan ka pen nghal hmawk hmawl!
Horn an rawn hmet ri ruai ruai a! Țawngkam chhe zet a min rawn au zui tu car var lam chu melh nghal vutin khi suk hian ka pan ding nghal hmaih! Tha za inhrikthlak nan ka hmang a nga ni mai lawm!
"Jordan" hnung lam ațang ka awm ah min rawn kuah chawt pah chuan Madina chuan min nawr sawn rawk rawk!
Kawngpui chhak thleng min nawr rawk rawk a!
"Harh chhuak rawh, jail ah i tang leh mai dawn sin" ti hluk in min tlah ta chiah.
"I hahthlak e mai! Ka dang lo ang che, i Lola tetakte leh mahni thu duh ve ngil ngel-i lak ah chuan i thinlung thuruk kha puang chhuak tawh rawh! A lo duh thei ta ngang lo che nih leh kan kidnap dawn nia" ka tum lo lutuk in ka nui chhuak ta hawk!
Madina pawh lo nui ve vur vur in ka dar ah kut a rawn nghat thuk a!
"Mipa ho kan țang tlang a nga, a te tho e mai, kan thukru bo hneh dawn lutuk" lu thing nghutin a dul ah ka hnek awk! Rum hawk pah chuan a kun ngawih ngawih a.
"Min rawn zui rawh" ti sup in ka țhen suk.
_Lola's POV_
Lu na deuh bur in hotel pindan ah ka harh chhuak hlawl, khua a lo thim lek lek tawh bawk. LalKimkima leh Remremi te ho an lo awm nuaih nuaih bawk nen hotel pindan ka thlen dan pawh hre lem hleilo chuan ka ri ve nghal tung.
"I harh thei maw? Vawi khatmah damdawi ei tel tawh miah suh" Nuni'n a lo ti nghal thawr. Ka bu nghauh ringawt.
Lalkimkima'n Library ah ka lo chatthla a, Jordan nen min hruai chhuak tih a sawi a, chu chu fiah lo ruai a ka hriat theih vangin hotel pindan chhung ka awm chhan ah chuan ka ngai ta ngawt!
Jordan leh mipa dang ho hmuh tur an awm rih lo a, Kimkima birthday party turin hotel rooftop ah booking an lo ti fel vek tawh tih ka harh chhuah rual in ka hre zui zat nen phur zet in khum ațang chuan ka tho chhuak a.
Hotel ah party kan neih dawn hi chuan double room book in tah chuan haw thei lo kai zual te kan riak khawm mai zel.
Zing a ka ken chhuah tawh Kimkima birthday present tur chu ka bag pack ațang ka la chhuak a.
"Lalmate Happy Birthday" ti lang lang a present box ka pek chuan a au teng tung a.
"Awi.. ka lawm lutuk, ka hawng nghal dawn" tih phawr phawr in ka thil pek chu a hawng nghal sawt sawt.
"Awi! Ka thi.. ka thi, Lola ka lawm lutuk" NAVIFORCE sana dum lawk nalh zet a hmuh rual chuan a țum tawr tawr mai! Nui hak hak chungin lu ka lo bu a.
Sana chu thlek kual in a zuang leh nawk nawk țhin, "engtin nge he sana hi ka duh tih i hriat theih a, a to dawn si! Hman ni an discount lai pawh khan cheng singkhat a kai thuak a nia" ti pah chuan min kuah chuk chuk a. Remremi leh Nuni te pawn an lo en pui a, an lo *on* pah zauh bawk nen Lalkimkima chuan ha hip in min fak zawm ta char char.
"I rilțam chuan dinner order rawh, Jordan te pawn an lo let țep ang"
"In ah haw a, inbual harh phawt ka duh" ka ti a, an vai chuan 'a ho mai mai' a ti deuh tlat nangin ka chatthla rei ang reng bawk nen inbual fai lova party tlang tawp chuan ka țawp hmel dawn e mai!
"Nuni'n inthlakna tur a lo keng țeuh, washroom ah sawm va in tleuh thuak rawh" Remremi'n a lo ti a.
"Nope, in a haw hrim hrim ka duh a" ti sap in ka bag chu ka zen leh rak rak a, ka phone chu hmet engin ka check kual thuak thuak a. U Hriatpuia missed call a lo awm nual bawk nen in lam a haw phawt chu ka ti tlu lui ta tho.
"I scooty chahbi kha i hmu em"
"Yeap.." ka bag peng ațang phawrh chhuak pah chuan ka vai vir a.
"Lalmate min khalh sak peih em?" ti pah chuan khum ah țhingțhi in khum mawng lam ah ka khul chuan ka kal thla zat zat a.
"Let har lo ila aw" birthday girl(?!) Oh, boy ber tur ani a, kal chhuah a hreh ru țuk pawh chu a awm viau tho ve.
"Umm, ka inbual thuak a nga, kan let leh dawn nia"
"Khawi ah kal maw in tum a?" Hotel pindan kawngkhar inhawng ah chuan Madina a rawn lang hlawl, kan țawng a lo hre pha anih hmel.
Madina hnung ah chuan Jordan a rawn lang ve leh hlawl bawk, a mitmeng sen deuh khui ka hmuh rual chuan lo ner khum nangin ka hnar chuan ui te ang maiin boruak chu ka hnim that that a.
Khi suk pahin ka sam a rawn tuai thur nghal thuak!
"I va in hnem awm em em ve" khum ah ka țhingțhi ran, ka hma ah tak rawn ding nghal run in min melh chhuk vung vung a.
"Madina'n min tih buak a lawm" a ti sup anih chu! Awi loh zet in mitmu ka lo ti che kual ralh a.
"Inah haw zuai ka duh a"
"Ok, ka hruai ang che" ti sup in khum bul cabinet chung a ka bag chu a ban nghal vut anih chu! Khum bul a Kimkima ding chu a melh deuh run run a. Kimkima chuan lu a thing nghat ringawt. Chutah Jordan chuan min melh leh vutin amah zui tur chuan min hrilh sup a. Hotel kawngkhar pan in akal nghal nul nul bawk!
Lift a kan chuan thlak lai chuan a jacket a hlip vut a, ngawi ngulin min hak tir a, a hma rawn pawt phui hrawk pah chuan nui suk bawk. Ner deuh nangin ka melh chho vak a.
"Hruai duhna che ka nei" a ti zawi sup. Lift a inhawn vangin a ban chu lek chhuak vutin a thle buk bawk.
Parking thim deuh ruih ah chuan a hnung ah ka kal dat dat a. Ka scooty ah chuan a lawn a, chabi chu vuah lut in scooty a țhu reng chung chuan ka ban rek ah hmer in min hnuk hnai hrawk anih chu! A awm ah ka in tauh dawt lai chuan Jordan erawh a lo nui rum hawk thung!
"I in tam tawh hmel si, min tluk pui veih" ti hlak in a awm nam pah chuan ka ding mar deuh a, ka kawngah min kuah run vang erawh chuan ka awm hla thei lutuk lem lo.
"Lalhlimpui" zawi lutuk a ti chhuak sup in ka chal ah a rawn tauh dat.
Ka rum hak a, ka hmingpum a min koh lawl hian ka thinrim țhin tih a hrereng sia.
"Eng nge Zohmangaih" ka ti hlak. Zawi ruih a nui rum hawk in ka chal chu a rawn nawr na zual vak, a thaw nghal ham ham bawk, beer rim chu engtin maw tak hian a inhmeh phian bawk.
"I ruih hmel si, Madina zawk ka inhruai tir daih dawn" ka ti a.
Rum chhuak nghutin a inla hrang hlek, dur khui a min melh run pah chuan "lawn rawh" a ti ta hmuk.
Ka helmet chu a khum duh lo ve rapthlak, min khum tir daih a, parking uap chur ațang kan tlan chhuah chuan boruak chu a lo vawt vur!
Jordan kawngah chuan nghet deuh in ka kuah țai, a hnung lum vung vuang ah chuan beiin mit ka chhing nghal riai riai bawk!
"I muhil ngawt a nge aw" rawn ti sup in a tukhum chuan min rawn tauh dat a. Maimitchhing reng chungin ka nui hak mai.
Kan kawt zawl ah a tlan lut a, kawt ah ka u car lo inhung reng ka hmuh rual chuan ka thinphu a rang dawt dawt ringawt a!
Scooty ațang chuan ka chhuk a, Jordan chu lut turin ka sawm nangin 'ka thil in rim vang hian nangmah zawk an hau leh hrep ang che' ti sup in pawn a min lo nghah tur thu a sawi sup. Mi hi chu a ngaihtuah țhin a sin!
Inchhung ah luh rual chuan Bawihpuia nui ri ka hre nghal zat.
Sofa ațang lo țum thlak tharh phah chuan min au ve tung mai.
"Anite.."
"Bawihpui, i lo leng tih ka hrelo a, chaw i ei tawh em?" Ka ti vat a.
Pawm ka tum zet nangin ka lu a la hai deuh hlek vangin ka pawm ta em lo.
"Umm, Chaw ei zawh vel ah Daddy nen khan kan lo kal a lawm" min melh chho ha in a ti ve sap. Țhutkhawmna ah chuan Muaneki te nupa in tv an lo en a, ka u hmel ka hmu lo.
"Khawnge Daddy chu?"
"Inchung ah phone ahmang" a tih tak ah chuan sofa ah bawk a tlan lawn a, apu phone ah games a khelh vang nih chiah hi.
Kailawn ah chuan ka kal chho zawt zawt a, ka u chu ka melh pah deuh a, țhutkhawmna area zau lo te awm ah pawh ka hmuh mai loh vang in ka room ka pan ding ta ngawt.
"Awi!.. hetah i awm tih ka hrelo" pindan kawngkhar ka hawn rual chuan ka phu deuh zawk! Tukverh bul ah min hnungchhawn zawng a ka u lo ding ngawi run chu a rawn inher ruai ruai a.
A hmel ka hmuh rual chuan thil eng emaw țha lo tak a thleng tih ka hrethiam nghal vek.
"U, i țha em?" ti sep in ka pen lut nghal zat, kawchhung ipik hmel lutuk hian a lo thaw chhuak ham ham a.
"I lo call lai khan ka lo muhil daih a, uhhh.. engkim a țha ang chu tiraw?" Amah en deuh kar pah chuan bag chu khum ah ka dah thla pah riai riai.
"Bawihpuia nu hian ngaihzawng a nei in ka hria!" beidawn hmel zet a ti chhuak hulh in hmai a tuai zui pawk! Kei erawh ka thin hnun a na hit zawk a! Ka kaihza tha a thlep hnawk bawk!
Ka thinphu ri nghal dawt dawt leh thawk rang nghal vek vang chuan hah zet in boruak ka thaw chhuak vak a! Ka û rilru na hmel thim bul chu en in ka insehruh ngat ngat bawk! Kum eng emaw zah liam tawh hun rapthlak zet ah khan ka hriatrengna te chu an kir kuar kuar a! Ka pa leh Muaneki lo mu dun ka phawk țum ang chiah khan ka khur chhuak ta vak ringawt!
"A awm dan hi ka en thlakna a rei tawh, ka man fak thei lo nangin zan rei ka mut hnu ah phone a hmang a, a chang leh washroom ah phone keng lut in darkar hnih thum a awm thul! Zanin tlai pawn hna laklawh chhuan lam in a rawn haw tlai dawn tih a rawn sawi a, ka ring hlel tawh sa bawk nen zanriah ei hma deuh khan hrilh lawk loin an office ah ka kal a. Mahse, an ban vek tawh thu security in a lo sawi sia" a țawng chhung zawng chuan ka nu rilru na hmel ngawt kha hmu uai uai in ka tawt up up a! A sawi chhuah duh ngailo sawi chhuak ang maiin a thaw hawlh hawlh bawk!
Nau awm tu la in u Meloi hna a zawm leh tawh tih chu ka hre ve. Ka u rilru na hmel leh beidawng hmel hnim ruih chu ka melh tlawk tlawk a! Ka nu rilru na chiai lutuk hlimthla kha ka hmu tel zuai zuai bawk nen ka kawchhung rawn na kual ngut ngut vang chuan ka... ka tal buai leh vek mai dawn hian ka hria a! Ka kawr tlang chu hum in ka pawt vak vak bawk!
"A duh leh mamawh ang tihhlawhtlin sak loh ka nei lo a sin mawle" ti chhuak hulh in tukverh lam bawk a hawi vut. Ka nu pawn ka u thusawi ang chiah hi sawi in a awm țham ngawt ngawt chungin min țah khum anih kha!
Tinge... khatiang thil bawk kha kan chhungkua ah a rawn let leh tak!
"U, u Meloi nen pawn țha deuh insawi tlang hmasa ula" ti sap in ka aw ri ai a ring mah chuan thawk ka la ri kawk! Uirena.. phatsanna he thumal pahnih hi ka haw ngawih ngawih!
Lu thing nghut nghut in hmai a tuai thuak thuak reng a. Ka khum tlang ah chuan țhu thla dawt pahin mit ka chhing nghal vak bawk! Ka u in min hriatpui ve lo, ka nu nen chiah a kan tawrh tlawk tlawk natna ka kalsan tawh emaw ka tih te chuan min rawn luh chilh leh tum in min rawn zim tuau tuau reng a! Ka thawk a chham zo mai dawn in ka hria!
Ka phone rawn ri thut chuan min ti phu chiang kher mai!
Ka hmai huh dap chu rang lutuk in ka tuai hul sawk sawk a! Ka mittui a tlak lai reng ka lo hrelo. Ka bag zen rawk rawk pah chuan ka u chu ka melh pah zeuh bawk! Pawn thim mup chu tlir vung vung in a khat tawkin a hui pap pap a! Uirena sual vangin ka nu ka chan tawh a! A vawi hnihna atan ka u te chhungkua pawn an keh darh pui dawn tih chu fiah lutuk in ka hmu lawk vek!
"Hello" ka aw a la khur hlak hlak.
"Lola, pawn ah ka nghak che i thei nghilh em ni?" Jordan rui chuan lungrun deuh hian a rawn ti tawk!
"Aaa.. Jordan..."
"Umm, keimah Jordan, i lo chhuak har tawh" mipa naupang a ang!
Ka u hnung lam melh zeuh pah chuan thawk ka la leh hak a.
"Jordan, min let san leh mai rawh" ka ti sep.
"Lola?" A rawn ri nghal hlut bawk!
"Hruai duhna che ka nei ka tih tawh kha, i chhungten an hau che mi?"
"No... chutiang lam anilo, Jordan, ka.. ka u te an lo leng a..."
"Chuan" a rawn ti deuh hmuk. A lungawi loh hmel tak zet bawk.
"Jordan, ka.. ka u nen inbiak kan ngai a.."
"I bul ah sawi duh ka nei ve a sin Lola" a aw zawi lutuk chu a thuk ruih!
"Jordan" min hrethiam hram se ti zet chuan ka ti tawk, hetiang dinhmun ah ka u a awm lai hian ka kal san theilo. A rilru ipik lutuk in ka pa hnen ah inbun ruak lova ka room ah min lo nghak ngawt ngawt vang ringawt pawh hian min mamawh hle ah ka ngai.
"Fine... " a ti hmuk.
"Jor..."
"Ka hria Lola, keimah leh tu emaw inkar ah duh thlang tur nila i thlan chhuah hnuhnung zawk ah ka țang ziah țhin alawm" ti nghut in phone a off zui hmak anih chu!
Ka call nawn nghal zat chung pawn Jordan phone chu switch off a inti zui hmiah a! Lehlam ah ka u rilru buai zet in ka room ah a awm ve bawk si! Jordan rui tawh sa lah in a leikuai zawng in ka thil sawi a lo la ve bawk!
A tawp a tawp ah chuan call duh tawh bik loin phone chu khum ah ka dah a. Ka u dinna lam ah chuan muangchang a phei in a hnung lam ațang chuan ka va kuah a! A taksa chu a țang ut, ka nu pawh khan rinchhan tur a mamawh em em reng a, a mittui a tla miah lo chung pawn a kawppui in a khawsak khum dan vang khan a chhung lam erawh a rum tlawk tlawk țhin.
"U, u Melo nen chuan inbe phawt ula" ti sep in a hnung ah chuan ka bei a, a dul zawn a ka ban suih beh chu nghet deuh in a lo hum ngawt ngawt bawk!
A hunlai khan lo ngaihtuah chiang nise, ka nu lak ațang peng hrang in uirena khur ah ka pa kha tlulut lo se chuan tun ang hi ka u te nupa chung ah a thlen ka ring lo!
Nu emaw pa emaw uire chingte chet kawloh rah chhuah hi thlah te lam thleng in a nghawng zui țhin a! Tunah chuan nawm chen a duh luat vang a anupui a phatsana khan ka u zawk a rawn deng let ta daih a! Ka nu kehchhia kha khawngaihna nei miah lovin a en liam thei pawh ani ang! A rilarah afapa thinlung keh chhia erawh in a inchhir tir rawih rawih ka beisei!
Ka u nen ka room ah kan awm ta reng a, a khat tawkin a phone ațang leh ka phone in u Melo chu kan call a, vawi khat ka u phone a ka call na a rawn chhang zawk a. Ka u in a lo va fiah vek tawh tih hre hauh lovin Office ah a la awm thu leh an buai thu a rawn sawi kher bawk nen Ka u ngaihdan a ni tawh bur lo!
"Ka inchhung a rawn rap tawh tur anilo" a ti chhum hmuk tawh!
U melo lah in ka call leh ngail pawn min chhang duh tawh bawk silo. Bawihpuia mut chhuak ka room ah a rawn lut ve a, a hmel ka hmuh rual chuan ka țah a chhuak em em ringawt!
Ka malchung ah a bawk muhil ngat a, zan dar10 vel ah pawh u Melo'n call a chhang duh mang silo a. Ka u chuan an in lam ah haw phawt a rawt a. Tun hi zan dar 10 hnu lam ah pawh biak pawh theih miah lova a awm zan thumna a lo ni tawh leh zel bawk nen 'a rawn haw leh anih pawn a bungrua te nen ka lo nawr chhuak nghal ang' ti chhum hmuk in ka u chuan Bawihpuia muhil chu a pawm tho a. Hnem vak dan ka thiam bawk silo.
An nupa inkar a thil thleng a sawi a, ka pa khawsak dan nen a inzulzui a awm palh hlel lahin ka lo talbuai em em zel a. An haw tur pawh ka dang ta lo. Riak phei turin min duh em tih ka zawt a. Țul a tih loh thu leh min mamawh anih chuan naktuk zing lam ah min lo biak tur thu a sawi ta a.
Ka pa bulah engmah a sawi miah lo chu mak ka ti! Kawtzawl thleng ka thlah a, an tlan chhuah hnu chuan Jordan hunna ngaia ka scooty lo la inhung ran lam chu ka pan phei a.
Seat chu beng dat in Jordan hming ka lam chhuak sap ringawt!
*Lalmate, engtin nge Jordan hi i lo tih leh tawh a?* Kimkima rui kamnam tawk si chuan a rawn ti bak hlur. Jordan ka call ngail pawn a in switch off tlat sia. Midang lah in call ang chhang thei bawk silo! Kimkima chiah in phone a chhang thei.
"Engtin mah ka ti bawk lo..."
" i tello in a rawn let a, zu a inbelh vak hnu ah party a lo kal țhenkhat kha insualpui ah a cho a..."
"Maw? Jordan te an insual maw?" ka ti deuh tuar!
"Umm, jail ah ka tang dawn a ti a, Jeff țhianpa a hnek hrep" chet tlat tlat chungin puan sin ka hmer vak ringawt!
"Police in an man a mi?"
Ka ti a, chutih lai tak chuan call dang ka dawng ve chiah bawk! Screen chu ka melh zeuh a, private number tih ngawt a lo lang kulh.
"Lalkimkim, ka zawhna che kha min la chhang lo.." ti pah a volum ka up chiam hnu pawn party a music ri bengchheng zet bak hriattur a awm tawh lo.
Rum hakin ka puan sin chu ka theh hlip sawk sawk a. Private number ațang bawk call a rawn lut leh chiah!
"Hello" ti vin deuh hlar in kawngkhar lam ka pan a, party na hotel ah khan kal a thil awmzia va hriat ka duh!
"Keimah" lehlam a miin a rawn tih thum sup rual chuan ka nghing dawt ani ber! Ding chawt in thawk la vak a. Ka lungphu ri dawt dawt chuan tunge anih a hrechiang lutuk!
"Tu maw?" Ka ti let daih. A chhan chu thumal khat lek a sawi ri ka hriat pawn ka hrehrang nghal chat theih tih inhre turin ka duh lo!
"Keimah.. Msa" rawn ti leh sup in a thaw ham ham a! Phone ațang ringawt pawn a huhang na zet chuan min uap leh mup tawh.
"Uhh. Prof Msa maw?" Ka ti leh hram.
"Lola" ti hniam ruih in a ngawi zui vung vung! Ngei ru zet in ka meng kalh ralh a! Ka hria tih a inhrethei te chu ka duh miah lo!
"Pawn ah ka awm, rawn chhuak lawk rawh" rawn ti thum leh dup in a ti tawp zui nghal daih bawk!
"Hmela mai mai chu!" phone melh hrep pah chuan ka kut lehlam in ka tin zuau bawk! Pawn ah chhuah a, hotel pan tum tawh lo nisa mahila khatia thupe deuh va pawn chhuak tur a min rawn hrilh kher a vang khan ka room ațang pawh chhuak lova tawp tlat te ka duh tut tut!
Mut thuamhnaw pajama kawng suihna awm leh tshirt var ka taksa phuar deuh hlek ha tawp in Jordan jacket chu ka hak thuah hlun!
Ka chhungte pawh an mu reh vek tawh a! Pawn ka chhuah rual chuan ruah sur zawhna la reilo tih hrait takin boruak chu a lo hit vur! Thli a la thaw deuh vuk vuk a. Jordan jacket ban chu a sei em vang in ka kutțang hmawr te pawh a khuh thei vek. Kawngka-pui nam phui a gate lam ka han thlek dak dak chuan bolero dum lianpui lo ding thim hmuk chu ka han hmu thuai a.
Kawt a tui hawk lo tling te chu inrahper hlau zet in ding dihlip ak ak in ka kal chho zel a, gate ka hnaih tulh tulh a! Ka lak ațang min la sawn hlek lova min lo thlir vung vung tu an awm tih hriat takin ka biang leh beng te chu a rawn sa nghal hat hat a.
[attachment=0]InShot_20200105_033842885.jpg[/attachment]
Gate ațang ka chhuah hma in bolero kawngkhar chu a rawn innam hawng pawp a, Jogger pants leh hoodie dum tawp inbel a prof Msa rawn chhuak vut chuan thim khup in min melh nghal run. A sam thur hiang chu thli thaw vuk vuk chuan a chhem che vat vat a! Hoodie a inhmeh lutuk chu a awiawm loh rum rum! A hmel dur khup nen a inrem fahran in khua a dur khup leh nghal!
"Eng.. eng chung chang nge?" Ka ti a, Jordan chungchang zawh ka duh vang a chhuak kha ka ni tel pakhat! Hlat ang reng deuh tak ah chuan ding in Jordan jacket ipte ah chuan kut ka zen lut hlan a. Țawng chhuak mai lova min melh chhuk run avang chuan nuam tilo zet in ka che chhen ringawt!
"Nangtereuh hian ka nau chuang ah eng thil țha lo nge i lo tih leh tawh ?" thim khup a min melh ngur chungin nelawmna pakhatmah tel lo hian a rawn ti chang bul anih chu!
Ner nang hian ka en chho haw a.
"Engmah ka tilo" ka ti rang kher mai!
"Tak zet" ti chhuak hmuk in a ban hrawl zet pahnih chu a kuangkuah zui hmuk.
"Engtin mah ka tilo tak tak" ka ti sap. Keihian Engtin vak nge Jordan chu ka tih reng reng ang! Kei aia pa lian daih leh nghal kha ka hnek te a ring zawk amawnle!
" tu emaw thi chhawng a a sawisak hnu ah police kut ah a inpe a, lock up chhung ah pawh i hming ringawt lam in buaina a chhawk chhuak cheu bawk" rum ul a ti chhum vut in a ner zui sawk! Phawk lutuk in ka melh chho kawk a! A hmel dur khup leh mitmeng thuk ruih ah chuan min demna nasa lutuk ka hmu bawk! Chuan... Lalkimkima sawi kha a dik tak tak tihna maw?
"Jordan mai mai chu!" ti sap in gate chhung ah tlan luh ka rual a, mahse, ka jacket hnung ah tha chak lutuk in min rawn țham rual chuan thlawk let dawrh in a awm tihrawl khauh zet ka su zui chawrh! Ka tal phat a, ka dul zawn ah rawn man leh hmiah in a taksa ah min hnuk si leh hrawk bawk.
"Nangpa hi..."
"Jordan-a hi nei rawh" ka beng bulah rawn kun hniam in a rawn phun sup anih chu! Ka tal chu tawp chawt in thle dawrh a, Prof msa chu ka hmai silo chauh va rawn kun hniam leh khun in a thaw chhuak ham ham bawk.
"I â deuh em ni?" Ti hlak in ka dul a aban hrawl zet min man behna chu ka beng thlawp bawk!
#Ads click #Comment lamah kan inhmuh ngei beisei bawk ang! 😊😚
#Darkar 24 chhung in ads vawi khat click a, second sawm (10) nghah rih tur aw. 😍😘
TETAKTEI
Chapter 10
Abbra Reo Ririni Khiangte (PitarteiSualfingi)
♡Love me for who I am and NOT who YOU want me to be. That's how you will get the BEST of Me.♡
🌟
A ban ka ben thlawpna ngaipawimawh lo zet a thum chhek chhawk a a thu rawn sawi vang chuan ka thlarau in ka taksa a thlawh chhuah san dawrh ani ber!
Na zet a min kuai her dawrh in ka hmai bul chet ah a rawn kun hniam nghal vut!
"Anih leh kei" a mitmeng thim khup a hnaih set sawt ah min en ngur chuang in Prof Msa chuan a rawn thum dup anih chu! Hneh zet a reh beh nawk ang chiah hian ka hrawk a tawt nghal vek a! Ka thaw chhuak tawh pawn ka hrelo!
Thin phu ri dawt dawt a ka ding khawng reng chu mit ti zim sûn a min melh chhuk ngur chung chuan ka taksa khawng mar at chu a lam ah min hnuk hnai leh hrawk a! Kan hmai insik lohna chu a tlemin a taksa a lian in a hrawl bawk si! Chung lam ațang min chhuk en ngur paha rawn kun hniam khun ani bawk nen a taksa hrawl lutuk chuan min hual phui mup ani ber! Țul lo tawpin a pangtilum vung vung chuan a awm zawn ațang min ur sa huam huam bawk!
"Jordan i neih duh bawk siloh chuan... kei hi" a hmui phun hmu lo phei ila chuan a aw zawi thum hniam ruih ri chu ka hre kiam hauh lovang!
A thusawi in min țhawng lutuk bawk si chu thawk lak nachang pawh ka hrelo, mak ti lutuk in ka chhoh melh ve reng a, khaw dur kual tup tup leh thli thaw vuk vuk karah chuan ka lungphu ri dawt dawt leh sa pup pup chu ka hrechiang kher mai!
"I â tak tak tawh anih dawn hi!" ka țawng chhuah theih rual chuan ka ti tham țîak! Prof Msa hmel thim khup a nuihzatna rawn lang chhuakte chu ka hmu phe riai mai in ka hria!
Eng emaw sawi leh ka tum a. Mahse, cool ruih a a lo kiai leh suk avang chuan chil lem dakin ka maimitchhing a, a taksa lumna ngah lutuk chuan min ur lum ham ham, mit la sawn hlek lovin min en leh run tawh tih lah ka chal za mar mar ațang chuan hrilh nawn ka ngai țhak lo bawk! Ka rilru tihfim tumin thawk ka la ham ham a, a huhang uapna zet leh a rim pa hrekhrawk te chuan ka thluak a ti buai tulh tulh in ka hre leh nghal!
Ka men (g) chhuah phawng rual chuan a hmel tak ngul leh mitmeng muk thim ruih nen kan inmelh leh siah a! 'Duhthlanna i siam fel tawh em?' ti ang hrim a mithmul min kan khum uk rual chuan ka harh chhuak ta zawk!
A taksa hrawl zet leh pangtilum ngah lutuk ah min kuah bet run tih chu hre chhuak thutin ka tal aih a! Mahse, ka kawng ah a ban tha ngah zet chuan min man bet tlat anih chu!
"Min thlah rawh" chang fak a tiin ka melh chho khai a, rawn kun hniam khun chung a min melh chhuk ngurin engmah ti lo ang hmak hian min manna chu a rawn ti nghet tulh tulh bawk!
"Zanlai ah lehnghal i fiamthu thawh nuihzatthlak loh lutuk ngaithla tur ringawt in maw pawn chhuak tur a min hrilh a" ti vak a thawk la hak pah chuan a awm ah ka nam țawlh a, nui rum hawk chungin prof Msa chuan min thlah ta vut! A awm lumna ngah lutuk ațang ka kat hran hlawk rual erawh in ka taksa chu a vawt nghal vuk a! Chu thil ka hrerang lutuk chu duh lo lutuk in rang fahran hian kut ka kuang kuah leh tharh bawk!
Khatiang fiamthu nuihzatthlakna pakhatmah awm lo leh a hmel tak ngul hi a inhmeh tawk chiah! Min chhuk en ngur chung a a kiai suk suk chu mawl ti lutuk in ka melh ngar ngar a!
A mitmeng thim khup ațang chuan a ngaihtuahna ah eng nge awm tih ka hre thei bawk silo! Ner nang chung a ka melh rum khai khai chu lu min thin khum nghut nghut in thawk a la ta hawlh!
"Lut rawh" rawn ti chhuak sup in a kutphah hrawl zet chuan hmai a tuai pawk bawk.
Chal chuar nangin ka melh let hrak!
"Lut rawh, I Jordan la chhuak turin kan thawk chhuak leh ang chu" ti chhuak hrawk pah chuan bolero dum ding thim run lamah a thle buk bawk.
A țawngkam hman duh dan chu ka run tawk a lo tling em em bawk! 'I Jordan' han tih kher! Chuan, ka zui dawn chhete beleuh lo! Jordan ka ngaihtuah lo a nilo! Kimkima ka biak rual khan chanchin kim chang hriat tum a hotel pan tum nghal rum rum ka ni reng bawk! Mahse, amah kher hi chu ka zui duh lo! A mizia hi hriatthiam a harsa si! Thu mak pui pui sawiin a țawngkam khat lek vangin ka thinphu a rang vak vak zel a. Zan rei ah tawh leh nghal motor pakhat a chuan dun chu ka duh teuh lo!
"Ka zui dawn lo che" ti hmak in Jordan jacket ka hak chu ka pawt phui a, melh ram ram paha ka inher tur chiah chu rawn che chhuak vutin ka ban rek ah a rawn man leh chawt tawh! Nasa lutuk in tal nawk nawk mahila vawi khatmah min manna ațang ka duh thu in ka tal chhuak zo ngailo!
"Eng ni leh tawh professor" ka ti vin hlar! Phun hluk chungin min kuai her leh dawrh a, ngei lutuk a ka melh nghekna pawisa lo zet chuan bolero lam ah bawk a thle nghut!
"Ka thusawi kha i hrelo a mi? Ka zui dawn lo che!" ti tuar in kahbe kang vah in ka vin ta nghek!
Min melh tûr țha ngen ngen viau!
"What! Zui nachhan tur che pakhatmah ka nei bawk lo!" Engmah sawi lo mahse ka thinrim em vang chuan ka au khum leh tuar a, lungawi loh hmel zetin a rum chhuak nghut!
"Kan hria ang chu!" a țawngkam chhum bung lutuk rik thum fua rual deuh thaw chuan hmui chip leh hmuk in min kai nghal dawr dawr anih chu!
"Hey.. nangpa hi.. ka duh lo, ka zui duh lo che ka mawlh mawlh kha mawle..."
Ka țang țang țang a, țhu hniam deuh țai chung a ka uai tlat chung pawh min hnuk kal dawt dawt tho!
"Eng nge i hria a? Ka zui duh lo che ka tih chuan min chhuah ve mai rawh" bolero kawngkhar a pawh hawng pawp, min chhuk en vutin a khi suk a. Hetiang dinhmun ah pawh a la nui thei cheu te chu ka hua!
"Chhuah" a ti thum sup.
"Aw, hetia min man bet a i motor chhung ah min khung beh tum lo hian min chhuah rawh" ding mar phat in ka ti vin tuar! Hmela mai mai chu! Au ring min tih hmel zet hian chimawm lutuk in a kut leh lam in a beng a hup vut anih chu!
Kei lah vawi khat min man beh rual a ka tal chhuak thei tawh bawk silo leh a duh ang ang a min pawh kual a tum thinrim pui hlur ka thawk lak a rang vek tawh bawk!
"Naupanchhiat thlak lutuk" a ti hluk, a kut la sawn vut pah chuan min nuih suk a!
"Khatiangin zan rei ah au nghek nghek tawh suh! Naupang nuar nghal lo" a ti leh hluk.
Uggh, ka ngei lutuk leh thinrim lutuk bawk si chu ka țang hah vek!
"Lut rawh!"
"Ka duh bawk lo, ka kal duh chuan ka scooty in ka kal ve thei reng, he i motor lian zet ah hian ka chuang duh reng reng lo!" ti vin hlar in a bolero ke hma lam chu ka tlawh sak ta pawp pawp! A neitu pa lah tha ah ka hneh der bawk silo! A motor ke tal hian tuar ve rawh se. Duh tawk a ka tlawh sak hrep hnu chuan thaw chhuak hak hak in ka sam hnawk niai chu ka kut a hum ngur lohna lam chuan ka hui sawn a!
"Rui chung a lirthei khalh chi i nilo" zawi ang reng tak hian a rawn ti sup! Phawk lutuk in ka melh chho nghal dawrh! Prof Msa pawh chuan tak ngul in min lo melh let run bawk!
Ka awi thei lo zawk! He mihring mahni thu duh ngel ngul lutuk leh nelawmna pakhatmah nei bawk silo hian min ti thinrim tawh tak zet!
"Rui!" ti chhuak vak in ka nui ta hak hak!
"I harhfim mitmeng fiah kak leh i ruih nei mitmeng dava riai lan dan a dang lam lutuk tih i hriat ve tho ka ring!" ring hauh silo a ti chang rap in min melh khui bawk.
Kan inhriatna a reilo teh lul nen min hrechiang hman teh hrep lutuk chu ka thinrim pui tulh tulh!
"Lut rawh" a tih leh sup tak ah chuan ka kut chu ka phih nawk. A thlah bawk silo chu rum hak in ka vanvadak a, ka sam hui chho puat in ka thaw chhuak ham ham mai.
"Lola, a sual ber bur e mai, lut phawt mai rawh, Jordan hmuh tur a kal chhuah i tum sa hrim hrim kha' ka rilru chuan inbengdaih tum pah fawm in ka inbe mawlh mawlh a!
"Jordan hmu i duh anih pawn tinge kan in lamah i rawn kal hmasak kher a" ka lungdam zo lo lutuk bawk si chuan ka au khum leh nghek phawt a, prof Msa a lah chu a ding ngawi ngul tawh mai bawk si!
"Ok . FINE!" ti vak chungin bolero kawngkhar a pawh hawn huah sa chu ka hnaih ta hrat, ka kut a man beh tlat chu thlah in ka tlan chhia ang tih hlau awm ang ziazang chuan kawngkhar ah chuan a rawn ding nghal hmuk anih chu!
"I ninawm" ka ti hlar, ka țawngkam hriatthiam loh a phuh chhuak hluk bawk.
Ner nang in ka țhu lut chawrh a, atthlak lutuk in thaw veng hawk ang mai hian a thaw chhuak hawk in ka hria! Thinrim ru țeuh va ka han en haw chuan kawngkhar rawn nam phui dawt in a rawn kunhniam khûn a, darthlalang chhan ațang chhung lam rawn melh run in min rawn nuih suk bawk.
"Fiamthu thawh nuihzatthlak loh ropui si!" Seat belt pawt rem sawk sawk chung in ka ang hlak hlak, Bolero chu hma lam ațang a rawn kal hual vut a, thli thaw vuk vuk in asam dum hlap a chhem phet dar dar chu tuai thuak in driver side a rawn pawt hawng zui zat bawk.
A rawn țhut luh rual a bolero body hniam suih te chu ka lo eilo em em tawh! Ka tan seat a len em em laiin a tan erawh a chep hmel viau, in la senior fahran a rum chhuak nghutin engine chu a ti nung zui vut vut! 'Tlangval senior mahnithu duh' ka rilru chuan ka lo ti hram pek a! Belt hreng țha paha nui ruh ruh chung a min rawn en rual te chuan ka belt hren hi phelh a, zuan tlak daih te ka ngaihtuah hman vek.
Eng ti tih a zan lai tawh ah leh nghal min rawn hruai ve ringawt nge anih tih chu hriat chak viau mahila min hrilh dawn lo lutuk tih ka hriat vang chuan zawh tin ah pawh ka tin tawh lo!
A kutphah hrawl zet in Steering chu hnehsawh lutuk in a her kual pawp, thli chu a thaw vuk vuk a, ruah a rawn tla nawn leh mai ang tih hlauhawm khawp in van zaupui ah chuan khawpui a kal ri ruah ruah bawk! Kan veng kawn thim țhiap leh reh duk kan tlan pelh lai te chuan Jordan-a'n hliam a tuar ve a ngem tih ngaihtuah neuh neuh chuang hian ka țhu ngawi kar a, Kimkima khan zu a inbelh țeuh hnu ah Jeff-a țhianpa a sawisa hrep a ti ringawt a, Jeff te țhian ho an awm ve phei chuan an țhianpa chhan in Jordan an sual rawn mai thei! Thawk la hak in seat nghenchhan chu ka tukhum in ka nawr vang vang a! Ka mit sir chuan hnehsawh zet a steering a control mawp mawp chu ka melh pah zeuh bawk.
Eng ti tih a Jordan tan vang mai a min hruai tur in zanlai ah tawh leh nghal kan in rawn pan vut nge anih tih te chu ka ngaihtuah reuh reuh a. Dik tak chuan amak a sin! Kan inhrețha a zeng pawh ani der silo! Hman zan a ka zui tur lah min vai tluk pawp chak hmel zet a min melh tûr khuina ka ngaihpawimawh loh lui vang mai mai in a motor chhung ah ka chuang thei a!
Khami zan lah khan warning hraw zet min pe in min vau khur khur bawk! Tunah lem... fiamthu nuihzathlak loh pui pui rawn thawh hmasa in min ti thinrim te te a, min chhaih thinrim hrep hnu ah ka tello a Jordan la chhuak thei lo ang mai min hruai lui ringawt bawk!
"Khawi ațang nge ka number i neih a?" min rawn call ringawt tih ka hriatchhuah thut rual chuan ka ti nghal thawr! Bing zet a hma lam bih ngur chungin a țhu ngawi hmuk anih chu!
"Sual thiam ngawt mai" va melh rawm pah chuan ka ti hram.
"Hman zan te kha chuan station ah ka zui ve che duh lo ber ang maiin min melh tûr khui khui a, tun a min rawn hruai ringawt si hi atthlak i ti ve em?" ngeiawm lutuk a nui sak pah chuan ka ti kher, tih thinrim ve ka chak et et!
Ngungchang mawi nei tur a zirtirna dawng ngailo hmeichhia ka ni, ka rilru a lang ang ang in ka che chhuak mai zel! Tu emaw zah tak a biak leh thinrim chung chung a hawihawm chhuah tih vel te chu ka chin lohna a rei tawh!
Ka thusawi hre miah lo ang mai hian a ngawi ngul a, motor lah chu a khalh muang em em lehnghal!
"I khalh chak deuh thei em" ka ban lek kang hliai pah chuan ka'n ti leh kher a! Aw! Min melh ve ta hram e.
Mitko ti hnim khui chungin min melh ngur, min tih thinrim ang em em khan chawk thinur thei lo mahila ka țawngkam ngeiawm zet in a thin a khei ve hlak tih hriat chu a zia hrim hrim e!
"Engvang a damdawi rui țhin nge i nih?" a ti thum sup. Ka melh zawk a, min lo en ve chiah a vang chuan rang lutuk in hma lam ka en leh nghal daih! A rilova a nui suk chu ka mitsit in ka hmu hram bawk.
"I hriat ve a țullo!" Ka ti hmak.
Engtin nge ka rui tih i hriat? tih zawh let ka tum zet nangin ka maimitchhing ta daih a! Prof Msa a thaw chhuak ham ham ri chuan min ti țang țeuh bawk!
Kan veng aţang kan tlan chhuah fel hma hauh in ruah mal lian pui pui a rawn tla ta phuar phuar a, bolero chung a rawn tih rik țuk țuk te chu hrelo ang hmakin ka țhut ngai a țhu ngawi tlat in ka maimitchhing tlat.
Motor hma lam darthlalang weaper in a hrut ring dup dup ri chuan min nghawr chiah chiah in kar lo ah mut chhuak lutuk in min rawn zem a.
"Khawi sation ah nge?" Meng chiang thei hlei lo chuan ka ti chhuak sap.
"A ngai ah khan, i duh chuan muhil rih rawh" ka beisei lo zetin a aw chu a dap thlup, kan inhriat tirh aţang min biakna aw ka dam ber țum ani hial ang. A hmel lan dan hmuh chak viau mahila melh zawk tur pawn mit ka meng chhuak peih tawh lo!
"Kan thlen hun ah min kai tho ang che" ka ti sep; ruah sur ri buan buan karah chuan ka thusawi chu a hrethei kher a ngem ka hrelo!
"Ngit nget reuh mai" ti sup ri chu ka hre vuat, eng emaw lum thup in ka bek zawn thla chu a rawn nul thuak bawk.
Ka kang nawlh a, reilote hnu ah pangtilum nuam lutuk chuan hneh lutuk in min kuap bet hlu hlu a, a lungphu ri dup dup ka hriat rual chuan a aia lum zawk duh belh in ka nawr sat sat bawk, chu thil lum nuam zet chu a che nghing dawt bawk.
"Tetakte" a ti thum sup.
Thawk la suai suai ri te, chu thawk la ri rual a ka beng zawn lum leh hawk țhin te chu a khat tawkin ka hre reng a, ka kutphah hneh zet a a rawn hum bo leh rual chuan ka thil hriatna te chu an mang zui dûk bawk!
Motor horn ri ruai ruai thawm leh țawng lung lung ri te vang chuan ka harh a, chiang lo zet a mit ka men chuan ni a lo chhuak uar tawh tih ka hre zawm zat! Mak ti lutuk in ka țhu ngil nghal awt a, mangang ru zet a ka hawi kual ruai tak ah chuan Poilice station kawt ah ka awm tih ka hre zawm zat bawk!
Thawk la in thil thleng te ka ngaihtuah let zung zung a! Ni dawn tak! Nizan ah Jordan hmu turin Prof Msa nen kan chhuak! Mahse.... driver side ka va en chuan a lo ruak huai anih chu! Motor darthlalang lah a lo inkharphui vek bawk nen a ngaihna hrelo zet chuan ka hawi kual leh ruai!
Police station bathlar a mipa hrawl zet inhmachhawn a lo indin chilh run te ka hmuh rual deuh thaw chuan rum hak in kawngka ka nam hawng nghal pawp!
Motor body lian zet ațang chuan țum thla tharh in ka nam phui leh dawt; chumi rual deuh thaw chuan Jordan jacket kha ka lo ha tawh reng reng lo tih ka hmu a! Ngaihna hrelo zet in ka jacket hak chu ka thlek ka thlek ringawt!
Engtin nge... ka thil hak chu Jordan tan ai daih khan a lian, chuan.. thaw chhuak hakin police station bathlar a thsirt dum ngawt ha a lo ding vuah pa hnung lam chu rum zet in ka melh ta er! A hoodie ka hak ngawt chhan te, nizan a Jordan la chhuak tur a min hruai chhuak si, zing ni chhuah uar thleng a police station kawt a ka la awm tlat chhan te hi min hrilhfiah ngei chu angai ang.
A hoodie lianpui ha hnuk chungin station lam pan chuan ka pen phei hlak hlak a! Police uniform dak thlup inbel a lo ding run pa chuan min rawn hmu hmasa in amah hmachhawn a Prof Msa ading run bul ah chuan eng emaw a sawi sup.
Prof Msa rawn inher vut chu rum tak maiin ka lo melh nghal ram bawk. A din dan siam rem vut in min hmachhawn tur chuan a inher hmuk, a hoodie ka hak chu ka tan a lian hlep hlup lutuk tih a hriat vang nge nuihza insuam tih hriat tak hian a khabe ruhkual tuai hauh hauh chungin vin hrep inpeih at a ka pan phei hlak hlak chu min lo melh ngur.
"Tinge hetah kan la awm a?" police office pa chu ka zah buai peih lo! Nuihza insum zet a min melh run tu mitmeng lang lum deuh huam chu melh let ngar in step ah ka lawn chho a, kan inhmachhawn ta ran bawk.
"Nizan khan ka chhungte pawh ka kalna tur ka hrilh lo, ka mutthilh hma khan min kaitho rawh ka tih mawlh mawlh kha, tinge zing ni chhuah uar tawh hnu ah pawh he lai station kawt ah hian kan la awm reng a" ka au khum tan tan a, inkuangkuah hlun chungin Officer Carlos-a chu a lo nui chur chur. Prof Msa erawh a hmel tak ngul țhin kha nuihza insum vangin a sen deuh țawlh țawlh!
"I ril a țam em?" a rawn ti sup, en chho haw chungin lu ka thing vak bawk.
"Khawnge Jordan "
"Station chhung ah" a ti țha ve mai. Thaw hak in step pakhat ah chuan ka pen chho leh tharh a, nuih suk suk in police pa chu station chhung ah a lut ta daih a.
"Tinge min kaih thawh lo a?" vin lutuk in hepa hi chu be mahila a mizia a mak si! Awmzia a nei ngai pawn ka hrelo.
"I mu tui lutuk a, ka kaitho duh lo che anih kha" uluk zet a min melh ngur in a ti sup. Chu vang mai mai a a motor chhung a min riah tir thei chu ka haw tak zet!
"Jordan chu a hmuh theih em?" Ka ti ta daih. A bu nghut a.
A mize inthlak thut țhin hi ka hrethiam pha țhai lo bawk! Station chhung lam ah ban a lek vut tak ah chuan a diin ah chuan han pen chho ve in ka melh deuh hrek hrek a, Jordan jacket kha khawnge a dah tih zawh a, tinge a hoodie hi ka hak daih tih te chu zawt sateh mahila țul a tih loh chin chu min hrilh leh dawn chuang la ka hriat vang chuan ngawi rengin station kawngkhar inhawng huau lam chu ka pan ta hna hna!
A kawr ban sei lutuk chu pawt tawm chho vakin kawngkhar ah chuan ka dak lut dek dek a, police lo phu mur mur te chuan min rawn en deuh țhup mai hian ka hria.
"Helam ah" chu aw thum dut ka hriat rual chuan ka ban rek ah rawn vuan chawt in station chhung ah chuan min kai lut hmiah.
Officer Carlos-a rawn chhuah phei mekna lam ah chuan min kalpui zel a. Cell eng emaw zah kan kal pelh hnu chuan cell tawp ber zawn ah chuan ka ding chawt a!
Jordan chu abang ngheng run in chhuat ah a lo țhu ngawi ngul! A mit ko duk sen țal mai chuan ka ti a țim sawk thei! A khup chung a a ban nghah chu ka melh kual dan dan a, a kutchang hnung lam sen duk thluah ațang chuan a kut tuar tu hmel chu a him dam lo viau ang tih ka hre zawm zat bawk!
"Jordan" ka ti sep a, mak leh zel chu a nizan lawk ah pawh ka la hak a jacket kha cell chhung ah chuan ka va hmu hlawl anih chu!
Ka auhna ri hria chuan Jordan chu a rawn hawi chhuak ruai ruai a! Tawite a ka nuih sei chu zalo lutuk a min nuih let ve suk in a tukhum chuan bang a tauh dawt.
"Ih..." eng emaw sawi leh mai ka tum nangin han sawi mai tur ka hre thlawt lo, a tukhum a bang nawr run chung chuan thir kawngkhar phen a ka ding chu min rawn en ngur ngur a. Nizan khan ka u in an nupa buaina chungchang sawipui turin min mamawh lo nise chuan min hruai duhna hmun ah khan ka zui ngei ngei ang!
Ka zui let loh vang in 'ka second choice' ang ah lek ka ngaiin a hriat phah bawk!
"A... a chhuak thei em?" Ka bul a Prof Msa ding ngawi run melh chho zeuh in ka ti sep, a bu nghut a. Station lam ațang Police pakhat rawn kal phei in chahbi bawr tam deuh a rawn thliar phei mual mual chu hmuh zawm zatin ka thaw chhuak ta hawk bawk!
Police pa chuan a tih țhan fo ang mai hian 'tang nawn ngai tawh loh tur a awm tur aw' rawn ti lung lung in chahbi pakhat chu a hum hrang ta nalh.
Ka dip ang tih hlau a ka tawlh sawn tur Prof Msa'n ka darah rawn vuan a min hnuh hnun hlek rual chuan cell chhung a Jordan țhu ngawi ngul chu chinghne pa tuai thaza zet ang mai hian a rawn thawk chhuak nghal phut!
[attachment=0]20200101_203039.jpg[/attachment]
"Khawih suh" ti chang hrawk in chhung lam ațang thir kawngkhar chu a rawn nam nghek anih chu! Ka lo inring lo lutuk bawk si nen thir a rawn nam rik bur a vang chuan ka khek nghek!
Tim dai hian ka hawi chhuak a, Jordan hmel landan rapthlak lutuk vang chuan ka tîm ta kher mai!
Thaw khur dur dur chungin a mitmeng tur khai mai chuan a u chu a melh ngur. Thisen chhuah a chak hmel in thaza tih hriat lutuk in a ner sawk sawk bawk si! Hrethiam lo lutuk in ka dar ah vuan run tupa chu ka han melh chho dek dek a. A hmel ațang a thinur em tih hriat theih hauh lovin a nau chu a lo melh let ve run bawk.
"Jordan..." ka ti dek dek rual chuan thir mum chu a hnek ri nghal bawl!
"I thaza a la reh loh chuan i chhuak dawn hlek lo a nia" police pa chuan a ti vin hluk.
Chupa thusawi vang chuan Jordan chu a thinrim zual tulh tulh emaw tih tur khawp hian a u melh khui chung chuan kawngkhar thir chu a hnek țawlh țawlh mai! A chhuih ri bur bur bawk nen cell dang a tang ve te chu rawn dak chhuak sup sup in an *haw haw* ta dur dur a. Police pa chuan a tiang pai chuan cell kawngkhar thir chu a vaw ri ta țhawk țhawk! Tang dang ho chu reh nghal duak mahse Jordan erawh chuan a u chu kutthlak chak hmel lutuk in a rawn melh thim rum tho!
"Kawngkhar kha hawn sak rawh" vin hauh lovin Prof Msa chuan a ti hniam chhak, ka dar a vawnna chu rawn hmer nghet salhin muang changin a kut chu a la sawn ruai ruai a. Police in thir kawngkhar a hawn rual deuh thaw chuan Jordan chu a rawn lim chhuak phat ka tilo thei lo.
Ka ban rek ah rawn man nghal hmiah ina u bul ațang pawh hran dawrh pah chuan thinrimna vang a a mitmeng sen khui in a u chu a melh hrawk a! An boruak hrethiam lo lutuk a ka hawi hai ding mawl tawp chu min kai sawn dawr dawr bawk!
Țan nachang pawh ka hrelo! Cell ațang station inkalpawhna ah min kal liam pui hma chuan Prof Msa lam chu ka va hawi leh hram a, police pa in Jordan jacket kalsan tawp a lo pek mek chu keini min lo en reng chungin a lo ban a.
Ka hmu zui thei tawh lo!
Police ho chuan Jordan chu an lo be tak nangin tumah biakna chu chhang hlek lovin station chhung ațang chuan min hnuk chhuak dawr dawr a. Kawt zawl reh lai ah chuan ding thut in a rawn inher let nghal vut bawk!
"I kawr hak phelh rawh" a ti chhum vut.
"Maw?" ka ti haw, ka ban rek a hum chu thalh vutin amah chuan a u hoodie ka hak lai chu min hlih sak a rawn tum ta mai!
"Jordan..."
"C'mon Lola, he kawr teh hrep hi hlip la paihbo nghal rawh" ring lutuk a min au khum țhawt pah chuan a sam a tuai chho nghal puat!
"Phelh rawh... tun ah" ti chang leh rap pah chuan insehruh tlat chungin min na zet in min melh nghal run bawk!
A mood mak sak lutuk vang chuan hnial let pawh ka tum lo. Rang deuh in prof Msa hoodie chu ka hlip sawk sawk a, ka ban ațang ka pawh chhuah hma hauh chuan Jordan chuan rawn pawt hlip pawp in a hlawm khawm nawk nawk a! Station kawt a tuihawk tling-pum ah chuan a vawn lut nghal daih bawk!
"Ti khan a tawk!" vin hluk a ti pah chuan ka ban rek ah bawk a rawn man leh hmiah. Min kai kal dawr dawr a, a u kha kan nghak dawn lo em ni tih tak ngial pawh ka zawt ngam tawh țhak lo.
Ngaihnawm lutuk
ReplyDeletengaihnawm e
ReplyDeleteA tir aṭangin a ngaihnawm nghal
ReplyDeleteNgaihnawm ltk
ReplyDeleteVA ngaihnawm Leh dawn emmmm
ReplyDeleteNgaihnawm leh dawn e...Lolai ka ṭan
ReplyDeletea ngaihnawm lutuk chapter hmasa ber atangin min hneh nghal
ReplyDeleteNgaihnawm leh pek eee
ReplyDeleteAwi le pitartei va man hla thin em
ReplyDeleteTahpui nghal rengawt nun ang khaa😪
ReplyDeleteKa chhiar zawm chaktawh ka mittui a tla lawm😂😂
ReplyDeleteNgaihnawm dawn eee...Lola ka ṭan bon...
ReplyDeleteVan gaihnom thin tak emm
ReplyDeleteNgaihnawm lutuk e
ReplyDeleteNgaihnawm lutuk,,,chu an APA hi katen over,,,ain chhirhun tur kanghakhlel
ReplyDeleteNgaihnawm dawn e, ,Mahse regular thei deuh se k ti ve mai2😊
ReplyDeletekhawngaih in changtunu hi ti rethei/ khawngaih thlak lutuk suh aw.. a nih loh pawn mipa thap tawk tawn tir rawh aw hmingsangzuala ang te...
ReplyDeletengaihnawm leh pek dawn e..
a ngaihnawm leh dawn e
ReplyDelete😀
Ngaihnawm dawn hle mai...
ReplyDeleteAwi ka chhiar zawm chak tawh lutuk
ReplyDeleteNuam leh daqn e
ReplyDeletengaihnawm dawn e
ReplyDeleteAngaihnawm lehpek dawn mange
ReplyDeleteChhunzawmna nghahhlelhawm tawh mange
ReplyDeleteNghakhlel tawh turu taraa
ReplyDeleteKa duh chi...ngaihnawm lutuk
ReplyDeletengaihnawm leh dwn lutuk pitarte ithiam ber mai
ReplyDeleteNgaih awm ve
ReplyDeleteChristmas ah pawh khawhar ltk lo in ka awm ve thei dawn ta.. Lo ziak char2 rawh aw💖💖💖
ReplyDeleteNgaihnawm dawn ltkk...
ReplyDeleteNgaih nawm turuburu,ka chhiar nawn ngun leh tawh viau.
ReplyDeleteNgaihnawm lutuk ka chhiar zo ve chiah
ReplyDeleteHmu ve chiah
ReplyDeleteChhiar ve chiah, next nghahhleh awm
ReplyDeleteNgaihnawm leh nghal ngawih ngawih. I va thiam tak emmm
ReplyDeleteLola ka tan nghal,a tir phat tangin fuh dawn e,next nghakhlel nghal
ReplyDeleteNgaihnawm khawp mai
ReplyDeletegaihnawm lehpek don hle
ReplyDeleteNgaihnawm lutuk top
ReplyDeleteMittui luang char2 kan chhiar nghal chu le😭
ReplyDeletengaihnawm leh dawn ltk
ReplyDeleteA ngaihnawm leh dawn ltk...
ReplyDeleteAwii, ngaihnawm khat tlat, ka mittui atlak leh zawih zawih chu.... 😥😥❤️❤️❤️
ReplyDelete❤️❤️❤️❤️❤️
ReplyDeleteThinrim lutuk in ka chhiar ka chunga thleng nise ka en liam mai mai hauh lo ang
ReplyDeleteNgaihnawm dawn lehpek. Nuam eeeee....
ReplyDeleteYess.. Ngaih nawm leh dawn e
ReplyDeleteNgaihnawm leh pek dawn e
ReplyDeleteKa chhiar tan ve chiah,
ReplyDeleteNgaihnawm dawn e
ReplyDeleteChhiartan ve chiah
ReplyDeleteChhiar ve tan i la
ReplyDeleteHlimpuii leh a nu hi lainat awm mah mah ani 😢
ReplyDeleteA ngaihnawm leh dawn nasa mai sia,kan chhiar tak2 ange.
ReplyDeleteNgaihnawm reuh tlat
ReplyDeleteNaihnawm leh dwn chiangkuang
ReplyDeleteNgaihnawm ��
ReplyDeleteKa chan turah ka dah a....Muaneki hi ka vawhlum tawh ang😡😡😡
ReplyDeleteGaihnom khep"
ReplyDeleteGaihnom khep"
ReplyDeleteA ngaihnawm dawn e
ReplyDeletejordana hi ka duh lutuk prof msa poh .....lolai poh ka duh vel vek mai
ReplyDeleteI story ziah hi chu a ngaihnawm vek zel mai anih hi.....
ReplyDeleteEngtik ah nge i lo dah leh dawn 😫
ReplyDelete