☆TE DOY 15K☆page3 By Abbra Reo Ririni Khiangte(Pitartei=Sualfingi)
☆ TE DOY 15K☆
Chapter 27
By
Abbra Reo Ririni Khiangte(Pitartei)
Tuipui fawn ri hlup hlup leh mihring țhahnem zet mai ri nuaih nuaih reng thawm kha a reh zui duk a! Ka lungphu mai nilo ka thluak te thleng hian manganna leh hlauhthawnna vangin an su dup dup bawk!
"Ngopa ațang Goa ah maw?" Ngeiawm lutuka țhen suk pah hian a rawn ti a! "A nawmloh lem loh hi..!" Hawi kual vut pahin Jaydena ball chu a vawrh vir zauh a! Amah ka lo hlauh tawhna sa khan min thunun bet tlat ti ila a dik ang, Chetsawn nachang pawh ka hrelo!
"Him ta viau ah i lo inngai ange?" Ka mit ah tak rawn en chung chuan sehchilh zet hian a rawn ti hrawih a, ka taksa chhung hi a aw ri zawi tak chuan a țham kual nawk nawk mai!
"Kan la inhmu leh dawn nia.." Ti sup pahin Ball chu ţiauvut ah a vawm thla a, a mitmeng thim mup leh a hmel landan ţihbaiawm zet ah chuan ani hian hahdam tak in min awmtir mai mai lo ang tih ka chiang a. "I thlalak ho kha midang hmuh i hlau viau tiraw? I bialpa chhungkaw lam hnenah thleng ta se engtinnge i tih ang?" Chil ka lem zui dâwk a! Ka zam lutuk leh amah ka rap lutuk chu lanchhuah tir loh hram ka duh, kut ka hum ruh salh a.
"An hnen a thlen theih loh dan țha ber lo ngaihtuah ve chhin ang che.." a nui zui suk a.. "Eng thil in nge min dang thei tih chu i hriat kha.."
Kan nufa hnungchhawn a a kal hrang ta chu ka en zui reng a! A thusawi awmzia ka hriatchian lutuk na chuan min țham a, ka taksa chhung hi a chau zui nghulh bawk!
"Mamma?" Ka thawchhuak hawk a! Duhthawh zet in boruak ka hip lut zui leh kawk bawk! Chil ka lem leh dawk rual chuan ka taksa țang țung mai chu ka thlahdul a, tah chuan ka khur nasa lutuk tih ka hrethiam zui ta chiah bawk!
"Jay.." ka aw a hnawk ţiak mai! Ţiaivut ah chuan ka ţhingţhi hniam thla sawk sawk a, Jayden biangah chuan ka kut pahnih in ka vuan a.
"I țha em?" Ka awmdan chu hriatthiam loh hmel zet hian min rawn en ta kiau a! Kei erawh in thunun hram tum in ka thaw leh hawk thung!
"Ball kha chhar la, let tawh ang aw.." ka ti sep a, a bu ve nghat a, Zico kha a lo hmu ve miah lo zawk nge a hlau tawh lo hrim hrim zawk!
Ka din kan rual chuan kan nufa lam pana Zothana rawn kal ve mek chu ka hmu zui zat a, ka țah a chhuak nghal tlat pek anih chu!
" Hetah in lo awm daih a..?" A kekawr hak hmawr lam a thlep let a, ke lawngin ţiauvut ah chuan a rawn pen ve pawk pawk a, tuipui thli in a sam a chhem che dar dar bawk!
"Thil thleng a awm em?" Ka bul a rawn thlen rual chuan a rawn ti nghal sup bawk!
"Ka let duh tawh.." ka duhloh dan ber in ka aw a khur tel tlat! Zothana mit thim ta khap chu en in tawi zet hian ka nui lui a! A hmel landan chang run ţhinah khan min ngaihtuahna bak engmah a lang chhuak lo.
"Nu Lian, kan let hmasa mai dawn sin.. Nangni chu in duh chen chen awm ula, Driver ka rawn lam tir mai ang che u.." Nu Liani te lo ţhutna lam kan thlen rual chuan Zothana chuan a ti vat a! Mami nen an rawn hawi nghal dawrh bawk!
"Thil thleng a awm em?" A rawn ti let vat a.
"Bawihi hi a nuamsam vak lo a.." ti sup pahin Zothana chuan chik lutuk in min melh vang vang a. "Lo va let hmasak kha a sual in ka ring lo.." a ti zui leh sup bawk.
"Ok, Jayden khan a tibuai ang che u, Kan lo awmpui ang.."
"Aih, a theih loh.." rang zet hian ka ti nghal chul a, an vai mai a min en ţhup tak ah chuan thaw ipik ţun si hian ka'n thawchhuak hawk a.
"Englo.. Jayden pawh hi kan rualin let rawh se. " thaw halh pah in ka ti hap a, Zothana zawk a bu ta nghut a, engmah a sawi tawh lo bawk!
"Kan vaiin let ang u.. Naktuk kan haw tawh dawn a, chawlh hahdamna hun ani mai." Nu Liani zawk in a rawn ti zung zung a, kan thil ken vel chu bag ah an khung khawm a, Zothana chuan Jayden chu a pawm a, ka kut ah nghet takin a chelh zui tlat bawk!
Kan thlenna kan luh rual chuan Mami zawkin Jayden chu an room lamah a pawm lut zui nghal vat a.
"A mut duh chuan lo ti mu mai ula.." Nu Liani lut ve tur chu Zothana chuan a ti zui sup a, Ka inthlahrung ru tak zet! Mahse keimah ah hian thil țhalo tak rawn thleng mai tur a hriatna hian chhunglam ațang mi țham er er reng a! Thlalak a sawi kha kei min thawn thei anih chuan thehdarh a hreh hauh lo ang!
Zothana'n a ban hrawl zet ka kawng a a rawlh luh chu ka rinchhan hi a ni ber mai!
"Ok.. Min hrilh tawh dawn em?" Room ah kan pahnih chiah a kan awm hnu chuan a rawn ti sup a, tukverh bulah ka ding a, kan room bik kawngkhar a lock ri khap a, a shirt hak lai a hlip a, a hnuaiah vest var sar a ha a, min pan hnai leh a, ka hnunglam ațang min rawn kuah zui ta hlu hlu bawk, a taksa nghet țha zet chu ka ngheng a, ka hahdam nghal huai thei! Zothana zawkin dimte in ka nghawngah a hmuiin a rawn nawr zui zat bawk.
"Zico ka hmu.." ka ti sep a, Zico hming ka lam rual chuan a taksa chu a rawn țang zui nghal țawlh țawlh bawk!
"Khawi ah?" A rawn ti zui hràwih !
"Beach ah khan.."
"Eng a? Tinge a tir khan i sawi loh.." ti hluk pahin min kuah beh na chu a phelh a, ka vawt nghal vuk maiin ka hria, mahse keimah zawk rang lutuk in ka che a, a kawng ah ka kuah bet ta tlat a! A awmzawn ah ka bek a ka nawr tel tak ah chuan thaw ham ham chung in min kuah nghet ve nghal hmiah bawk!
"Bawihi a tir khan min hrilh ta che.." a rawn ti leh sup a, a aw ah chuan pawi tihna hi a lang chiang hle bawk!
"Ka tihpalh.. mahse ka hlau, ka hlau a, khang thlalak hmang khan min tih buai zawm leh ka hlau a! Ka muhil ka țhanharh rualin nangmah nilo ama bulah zawk ka awm ka hlau bawk.." engthil teh nuaih nge ka sawi tum pawh ka hrelo, mahse kha mihring kha ka hlauin ka rap hluah hluah tih chiah ka hria!
"A thleng ngailo ang! Hahdam rawh le.." ti sup pahin ka chhipah a rawn fawp zui zat a.
"Thlalak kha min rawn thawn leh ta se.. ih englo.. nilo.. kha zan a thil thleng kha ka duh vang anilo tih i hria tiraw?" Chiai zet hian ka ti a, ka che a, keimah in ka awm hrang a; "Ka duh vang a thleng anilo tih i hria tiraw?"
"Ka hria.. chuvang chuan hahdam rih phawt rawh.." a kut pahnih in ka biang a rawn khuap zui zat a! A kawr awm ah ka țham tawm tlat tih ka hre ve chiah! "Bawihi, hahdam rawh, engpawh ti mahse ka hlat phah dawn lo che, a khawsak zia lawilo zet hi ka tihtawp sak vat bawk ang.." ka hniam zawk miau vangin a rawn kun hniam a, "Min ring rawh, ani hian a tibuai rei lo ang che.." a ti leh sup a. Mit ka chhing sawk a, ka kâ aţang ka thawk chhuah rual chuan ka tha a zawi nghal vek bawk! A lungphu ri dawt dawt zawnah min kuah bet a! Ka darah a kut lum vung vung in a rawn tuai zui hauh hauh a! Tinge ka nun hmandan a pangngai ve dawn veleh buaina hian min delh beh leh ţhin le.. ka thil tawn ve reng reng hi nunphung a buaina pangngai ang hi an ni ve ngailo a, khurh hlawk hlawkna tur leh chiai vek na tur an ni zel mai bawk si! Zico.. He mihring nen inzawmna ka neih ni kha nawhreh theih se.. ka nun kawng pawt buai vek tu leh hlauthawng reng reng a min siam tu mihring hi khami ni khan lo hmelhriat lek lo ila ni tur!
Khumah ka mu a, banglam en chuan mit ka khap zui fak fak a, ka ngaihtuahna a buaiin hlauhthawn rukna ka nei tel tlat chuan awm nuam in min siam tak tak thei lo!
Washroom kawngkhar lock a rik rak rual chuan tunge ani tih chiang takin hre mahila ka taksa chhung lam hi a che zawk tho! Mahse che lo in banglam chu ka melh ran a! Khum a rawn hniam zui suih a, ka darah kutphah hit deuh thlerin a rawn khawih a, ka taksa ah a kut a nghah rei takah chuan karloah a pangtilum ka hre tel leh vat a!
"I muhil lo tiraw?" 'Aw' tihnan ka dara a kut chu ka vawn hnan a, a thawchhuak ham ham ri ka hre zawm zat bawk!
"Ngaihtuah buai vak rih suh." Ti sup pahin ka mit bulah a rawn fawp a, ka inlet ve ta nge nge bawk!
Boxer chiah a ha a, a taksa hrawlpui mai khuhtu mumal awm miah lo chu hmuhnawm tham tak a ni ringawt!
"Zanin ah ka nu leh pa te nen zanriah kan kilho dawn nia.." a rawn tih sup rual chuan chiai zet hian ka meng kawk a! Mahse Zothana mitmeng hahdam zet ka hmuh rual deuh thaw in ka taksa a kang deuh nawlh a, a malchung ah min bawh kai tir a, ka kutphah tereuhte chu a rawn humbo zui ta hmiah a!
"Min rinchhan tawp rawh, Mumbai ațang vawiin khan an rawn kal a, keipawh in ka la hmu biklo, Zanin hian ka nei dawn che tih ka hrilh dawn bawk." Nghet zet hian a ti sup a, ka tal dawn a, mahse min man bet nghal hmiah a!
"Kan innei ang... a hun tawh.."
"Buaina bak ka thlen dawn lo che.. Zico khan ka thlalak..."
"Bawihi..?" A rawn vin tâwk a! "Min rinchhan turin ka hrilh zo chiah che.." a ti leh sup bawk! Zawite in thawk ka la a, keichu lo hmingchhe ta pawh ni ila pawi ka ti tawh lo, mahse Zothana leh zelin a tuar tel ve hi ka hlau a, tun dinhmun thleng tur hian a thawkrim in a bei nasa em em a, chung a thawh hah rahchhuah liau liau chu keimah vang mai mai a a chan ka duh lo!
"Țum dang ah kan hmu thei mai lo a mi?"
"Aih! Zanin ah.. !" Hnial zui a duh lo tih hriat zet in a aw a nghet churh!
" I chhungten min duh lo ta se..."
"A thleng lo ang, chu loah an niin an nei dawn lo che, keimah in alawm nei dawn che, thil tamtak ngaihtuah in i rilru kha seng buai vak suh, hahdam la, keimah ah rinna nghat la, i naupanlai ang chiah khan keimah ah i rinna nghat vek rawh.." a rawn ti sup a, he mipa hi ka phu hlawl lo tih ka hre thar kuar kuar mai!
Ka che leh chu a kut a rawn thlah dul a, ka zangthal a, a malchungah lu ka la nghat tel tho! Ka mit ah tak a rawn en ve chiah bawk!
"Vawikhat tal phurrit ang in min ngai chhin tawh em?" Ka ti a, a hmel lang chang nghal țalh chu ka hmulo der ve tlat bawk!
"Phurrit, buaipui ngai reng hmeichhia.. a hun kal tawh in mangchhia ang mai a a umbuai reng ţhin hmeichhia hi vawikhat tal phurrit ang ah min ngai tawh chhin em?" Ka ti a, a mitmeng a thim nghal map a! A tan hian vawikhat tal phurrit ka ni ve tawh reng em?
"Chutiang chuan ka ngai che in i in hria em?" Nelawmna tel hauhlo hian a rawn ti nghut! Ka thaw hak a!
"Aw.."
" Vanduaithlak takin kan ngaihdan a hrang anih chu!" A ti zui hmuk bawk! Mak ti zet hian ka melh ta reng a! Vawikhatte pawh phurrit ang in min la ngai ngailo a maw?
"Ka tihbuai tawh zia che hi i hria em?" Ka ti a. A ner ta nawk a!
"Ka damchhung in ka buaipui che ngai dawn mahse nang leh i fapa hi phurrit ah ka ngai ngai lul lo ang che u.." a ti zui hluk a! Ka țhut chhuah rual chuan rang zet in ka ban pahnih ah a man chawt a, mahse a malchungah amah hmachhawn zawng a ka țhut kai tak ah chuan a mitmeng a buai ru ve nak thung!
"Ka lawm e.." ka ti sep a, a awm bawr tihrawl che awk khawpin a rawn thaw hawk a, a rim fai sar leh a sam la hnawm tel te nen chuan lang pa tak hi ani mai!
"Ka ring che! Chuan.. ka rinna che hi i ti chhe dawnlo tih ka hre bawk." Ka ti sep a. A ban ah vuan tawh lo in ka kawngfek laiah a rawn man a!
"A chang chuan ka nun buai nuaih vang hian min nin ka hlau a, ka nunhluia thil thleng maksak tak tak vang te khan min hmuh hniam ka hlau a...!" Ka sawi zo hman lo, a taksa ka bawh rawk rawk hi ani ber! A chalin ka chal a rawn nawr a, a thaw zui ham ham bawk!
"A tawk tawh.." a rawn ti chhuak hrâwih a. "Khang buaina zawng zawng kha keimah ah nghat tawp rawh.." zawi sup in a ti leh a, ka nui chhuak ta hak bawk!
"Dar 8 ah ka nu leh pa hmu tur chuan kan kal dawn nia.." a ti zawm leh zat a, ka nghawng hnunglam ah hian a rawn vuan a, a chal leh ka chal a la nawr si reng bawk!
"Ka nu zawk hi thlahpawlh a la ni a, a țawngkam ah engemaw danglam deuh a awm palh anih pawhin ngaihdan chintawk i thiam a ngai dawn a, mahse i zahloh erawh ka phal dawn miah lo ania.. " a rawn ti a. Ka ner deuh nang a hmuh rual chuan a țhen sak a!
"Min enkawl tu te an ni a, Pathianin ka lei Pathian atan min pek te an ni bawk, ka nu mizia chu ka sawi tawh ang khan Mizo leh culture dang inpawlh ani tawh a, kei ngei pawn dawnsawn fuh loh chang ka nei ve ţhin, mahse ka nu anih miau vangin ka zah tlat thung! Nangpawh a hriatchian hunah che chuan a ngaina dawn lutuk che, zanin chu a țantirhna ani rih a, harsa i ti deuh anih pawh in tuna ka thusawi hi i ngaihtuah let dawn nia.." a ti a, a țawng chhung zawng khan hriat nuam tak turin a aw ah thum ri deuh a awm tel ve zel a, hman ațang tawh Zothana hian aia upa zah hi a ti nâ a, kei ngei pawh min hrilh tam thei hle ţhin!
"I sawidan chuan a va Mother India hmel ve." Ka ti a. Awihloh hmel zet hian a rawn nui chhuak ta hawk a!
"Ok, Mother India chu a dik ang.. chuan.." a chawl leh rih a, a lukham ah chuan ka lukham a dahthuah a, a ngheng zui zat a, a awmah min kuah bet a, kawr a ha bawk silo, ka țang ru țeuh mai!
"I chunga Lisa chet dan zawng zawng ah pawh khan a aiawh in ngaihdam ka dil bawk e.." a tih zawm sup a! Ka dang a ro nghal halh mai! A awm zawn dinglam pangah kut ka dah tawm chet a! Zothana zawk pawh a ngawi zui ta rûn a!
Thil mak tak zawng chu ani! A chhungkaw thara a farnu nen kan inhmelhriat dan lah khawvel thil thleng a duhawm loh ber dan ani a, ka pasal hlui hmeichhe hmangaih te inah ka lawilut leh dawn chu ani ta mai a, khawvel thil thleng a vâng tak tur ani ngei ang!
"I ngaidam theilo anih pawn ka dem hauh lo che ania..!" Reife hnuah Zothana vekin a rawn ti a, chhanna pek dan tur pawh ka hrelo! Lisa leh Zico vanga ka nun hi chhe ta vek ani a, ka chunga an chetdan ngat phei kha chu khawvel dan pawh a hremna na tak pek tlak hial an ni a, ka hua a, ka nun infiamnan ang lek a hmang leh nau ka chhiat chung chung an lo thup te, Lisa bik ngat phei chu ka fapa a pa in a fa anilo tih a rin theih hial na tura DNA test result lem siam tu ani bawk! Mahse tunah tak hian a hming ka hriat ruala thinrimna leh huatna ka neih ţhin ang kha ka nei tawh lo a, khami hnuah harsatna dang ka paltlang leh nual tawh vang pawh ani mahna! Ka ngaidam nghal mai thei tihna erawh ani lo bawk!
Mit ka men leh chuan ni a tlafel der tawh tih hriat zet in boruak chu ani ruih a, tukverh ațang thli rawn lut chuan parda pan te chu chhunglam ah a rawn chhem che dar dár a! Ka che zui ţalh ţalh a, ka harhfim tak tak rual chuan ka nui zui hak bawk!
Jayden pindan chhungah a rawn luh ve lai takngial pawh ka hrelo, Zothana taksa chanve chungah ka lo la bawk thlap a, chuan a bul mai ah ka fapa tui zet a muhil chu a ban hrawl zet in a lo kuah bet ve tlat bawk!
Anmahni tihharh hlau zet chuan ka inbeng kang a, a taksa ațang chhuah erawh ka tum miah lo, khum bul a alarm clock chu ka en zauh a, tlai lam dar 7 a lo hnai der tawh mai!
Zothana leh Jayden la muhil tui zet chu ka thlir a, ka fapa hian keiang bawk in Zothana ah hian thlamuanna a hmu a, apa tak emaw hial a ti tlat tawh bawk!
Dimte in a khaberuh kuallai chu ka khawihsak a, ka naupanlaia ka pasal nih a duh tlat lai kha ngaihtuah let in ka nui zui sak bawk!
Khang hunlai khan engmah ka hrethiam ve der mai silo, kan tar thleng pawh a ka bulah awm a duh tlat te kha mak ka ti a, keiaia upa zawk fe si kha a rukin a lo titau ve nasa thei ţhin tih tun hnuah hian ka hrethiam ve ta chiah bawk! Pasal dang neih ka sawi te khan a haw em em a, ka bulah a awm tlat dawn tih a sawi tlat țum phei kha chuan pasal ka neih phallo in min lentar tir a tum emaw ka ti a, Miss Terini ang nih ka duhloh thu ka sawi khum vak pek anih kha.!!
Ka thil ngaihtuah vang chuan ka nui chhuak leh hak a! Khang lai ațang daih tawh khan ka pasal nih a lo duh tawh a, ka hrethiam ngai silo te kha atan khan alo hahthlak ţhin ngawt ang! Kan class a mipa pakhat in rose par min pek a rah chih(p) vek te kha a thikthu vang tih tunhnua kan inhmuh leh hian ka hrethiam chiah bawk!
Ka inbeng kang a, dimte in a hmui, hmul ţo in a khuh tel țep ah chuan ka hmuiin ka nawr sak zauh a!
He mipa hian tinge keini nufa hi min thlan tlat mai le! Zico ka hmuh thut vang in mangang em em leh hlauhthawnna in ka khat a, mahse a taksa ah ka hahdam a phal a, a taksa ah min kuahbet tlat hnu reilote ah ka hlauhthawnna zawng zawng an bo duak a! Ka kut amahin a thlah tawp te anih loh chuan keihian0 nghet tak a chelh sauh sauh tur ka ni tih ka inhre thar kuar kuar mai bawk.
Zothana chu a chau ve hle anih ring in ka tho chhuak ta nge nge a! Washroom ah ka lut a, tunah dar sarih a ni tawh a, dar riat ah dinner eitur a kan kal chhuah dawn chuan lo insiam ţan a sual tawh lo.
Tui vawtin ka taksa chu ka phuhtir sar sar a, an harh tawh em tiin an thawm chu ka ngaithla pah reng a, Jayden khan Zothana taksa kha a kuah bet ve țai a, Zothana pawn hneh zet in a ban in a kuah khawm ve vek bawk! Ka mitthla ah anni pahnih muhil lai chu hmu in ka nui chhuak sak a!
Ka dul thep thlep chu ka chul zauh a! Rai ka chak tak zet bawk!
Bathrobe ka inthawlh tawp a, ka sam huh hru pah mawlh mawlh in ka kal chhuak a, Zothana zawk a rawn harh ve chiah tih hriat zet in thophang zet hian a rawn nui suk a!
"A lo luhlai ka hre miah lo.." zawite in ka țawng sep a, Jayden ka sawina ani tih a hriat rual chuan Zothana chu a țhen suk a.
"Mami bulah a muhil a, a harh kha helam a rawn kal a duh aniang, a rawn dah phei a.. " tham țuak in a rawn ti a. Sawta muhil vek tawh Zothana kuah chial chunga a muhil leh thei chu ka hrethiam ve ta lo.
Khum ka kal hual chu thatchhe zet in a ban a rawn phar chhuak a! Mit ka kân zui ak bawk.
"Just come here.." ka ner nawng a, ka panhnai ta tho!
Ka banrekah a rawn vuan a, a taksa hnaih ah min pawt hnai zawm zat a!
"Ka muthilh lai khan kiss ka hlawh in ka hria.." ka hmai bul chet ah a rawn ti sup a, ka biang a rawn sa țan țân mai!
"I mumang anih chu.." ka ti sep a, ngeiawm lek lek hian a hnar ati chuar zauh a,
"Ok.. ka mumang chu a takah chantir chiah la.." min cho zet in ka mit ah tak a en tlat a, ka fawp tih kha a hre ru reng emaw ni zawk!
"Aih.." ka ding mar tur chu min pawt let zui ta nawk a! A awmah ka zu bawk thlawp hi ani ber mai!
"I va mak tak!" Ti hlak pahin ka che ve phat a, mahse a kutphah hrawl zet chuan ka sam huh karah a rawn zen lut a, a hmai bul chetah min hnukhnai zawm hmiah bawk!
"Kiss ka duh.."
"A țullo ve e mai a.." ka ti ta vak a.. A nui suk a chu ka fawh hma min thlah dawn in a lang ta lo!
"Ok, a țha e!" Ka ti hlak a, Sexy zet a a nuih suk rual chuan ka nui ve leh hak a, a hmuiah dimte in ka hmuiin ka nawr a, ani erawh a lo duhthawh ngang thung!
"Phakar lutuk.." ti hlak in ka inla hrang a; a kâ hmangin a rawn thawchhuak ve hak bawk!
"Dar 8 i ti ani lawm ni?"
"Umm.. Bawihi ka phone kha min lo pe lawk mai.." ti sup pahin a phone dahna chu a kawk zauh a! Kei erawh in phone ka la neilo ta zel a. Zico in ațang ka chhuah hnu lawkah Zothana'n min lei sak a, Ngopa ah ka bungrua nen khan ka kalsan ta vek a!
A phone ka pek rual chuan a hmet eng a, a khawih kual nghal thuak thuak a, a hmel landan rawn danglam ta pawh chu ka lo hmuchiang ngang mai!
"Thil thleng a awm em?" Ka ti a, min rawn en zawk a.. A mitmeng thim deuh raih ah chuan a ngaihtuahna a thil awm tur ka hrethiam lo!
"Lisa hi ka be thei lo a..!" A ti sup a. Chhuat lam ka bih nghal daih bawk!
"Nimin ațang khan call a chhang thei tawh lo.." a ti leh sup a. Han sawipui dan vak ka thiam loh vang in tukverh lam ka pan a, ka sam huh chu chhem ro ka tum zet a chu Jayden a la mutui si a, tih harh ka hlau ru ve ting tang bawk si!
" Hey, Lisa ka ngaihtuah chhan hi i hria tiraw?" Hnunglam ațang ka dulah a ban a rawn suih zawm rual chuan ka lo thawchhuak hak a! Khum a rawn thawhsan lai takngial pawh ka lo hrelo.
"Ka farnu ani a, In pahnih inkara thil thleng kha chu engpawh nise ka ngaihsak tel tho a ngai a.." a rawn ti leh sup a, ka darah a khabe a rawn nghat a, a aw rik dan ah chuan a inthlahrun hmel hle bawk!
"A pawilo.."
"Ka hria e.. hetah hian i hak tur a awm ania.." thawchhuak deuh halh pah hian a inla hrang a, a pangti lum vung vung lak ațang han awm hran chiah hian ka ruak vek zel in ka hre ţhin a.
Ka insiam mawlh mawlh laiin Jayden pawh a rawn harh a, Zothana pawh smart tak siin a inthuam a, Jeans kekawr dum hlap a ha a, kamisz dum a ha tel bawk, a ban thlehlet tawm chhoh mawlh mawlh pah chuan Jayden lam chu a hawi vut a, a landan chu a cool hi ani tawp mai!
"Jay, Mamma leh apa kha kan kal chhuah lawk a ngai dawn a, U Mami nen lo awm ru aw.." ka ti lang lang a, a bu ve nghat a.
Kan in siam zawh meuh chuan dar 8 a hnai zui thuak a!
Jayden chu Mami te room lamah kan dah phei pah a, Thusawi a hrethiam ve vat reuh tak hi a fel ve na ani a.
"Apa, lo come back leh vat rawh aw.."
"Apa chiah maw?" Ka ti hlak a! Min rawn en a, lei chhuah zauh pahin a kutțang chu a ka bulah a lek zuau a.
"Mamma i ngailo bik hle mai.." fiam pah in ka ti lui leh kher a, min rawn kuah zui ta thak bawk!
"
Dinner eina tur hmun kan pan lai chuan ka zam ru lutuk hi ka khur leh dar dar ţhin a, Zothana chuan ka kawngah a ban a rawn rawlh lut a, a taksa si chet in min hnuk hnai a.
"Min rinchhan rawh ka tih kha aw.." thawp sup a a rawn țawng rual chuan a biang hmulin ka nghawng a rawn nul deuh thuak a!
" An nelawm loh viau em?"
A ri lo in a nui chhuak suk a, a taksa nghet țha zet leh lum vung vung chuan ka awm a ti nuam ta deuh!
"An danglam hran lo.. Tuna i awmdan ang khan awm tawp rawh.. " ka en chho deuh ha chu mit min lo siai zauh a! Lu thing pahin ka nui ta hak bawk!
"Mr Vincent?" Hnamdang mipa pakhat hian a rawn au zauh a! Zothana chuan chu pa a hmuh rual chuan a țhen zui suk a, kan lam panin chu hnamdang pa pawh chu a rawn kal ve chiah bawk!
"Goa ah teh daih maw?" Ti sup pahin Zothana kut phar chhuah chu a rawn hum a, an inkuah dun thuk a, an hrawl dun bawk si, hmuhnawm tham tak anni.
" This is my girl.." ka lamah Zothana chuan kut a rawn lek vut a. "Dindini." A tih zawm sup bawk.
Hnamdang pa chu ka en a, a rawn nui zui suk a.
"Harish ka nia.." a kut rawn phar chhuah chu ka lo vuan ve vat a, Zothana ang chiah in pangtilum a ngah!
"Bawihi, ani hi Bangalore lam a ka thawhpui a nih hi.. an Hospital nen thawh dunna kan neih bak ah a company leh ka pa te company hi an inzawm tel bawk a.." a rawn ti sup a. Harish chu chutia Zothana'n a chanchin a sawi rual chuan a taksa chhung lam ațang hian a rawn nui chhuak hak !
" Dinner date maw?" A rawn tih zawm zat bawk.
" Umm.. Ka nu leh pa te nen.." Zothana'n mit sia zauh pah a a tih rual chuan Harish chuan a ban a phar hluai a! Lawmpuina an in hlan ta hluai bawk!
"Ka nupui awm ve se ni tur..!" Harish vek chuan a rawn ti a.
"Oh.. ni dawn tak, Bawihi a nupui hi mizo tho a lawm.. a.. Hotel Reo neitute fanu pasal kha a nih hi.." Zothana chuan a rawn ti ve vat a, Harish chu ka en chiang a, Mizo nupui ah hial a neih chuan a hmangaih tawk hle tur ah ka ngai nghet hmak bawk.
"A țha em? Abby chu?"
"Umm.. mahse Doctor chuan i hrethiam tho ang, rai nô tir chu a khirh reuh lutuk a.." nui huk pah hian a rawn ti a. Zothana'n ka kawngah a rawn kuah a, ka melh zeuh rual chuan min lo en ve chiah a, kan ngaihtuahna a awm a in ang in ka ring!
"Kan la tawn ve tur tho anih dawn chu.."
"Oh .. titeh.. tun aţang in zir lawk ang che.. "
An pahnih țawng mawlh mawlh chu ka ngaithla ve ran a, Abby, Harish a nupui chanchin an sawi tel chul bawk a, a landan chuan in hmelhriat satliah mai an ang hauh lo bawk.
Kan ding chu mipa pakhat hian min rawn kalpel thuak a, ka darah a rawn su thawi ta kher pek anih chu!
"Fimkhur ta che.." Zothana'n ka kawng ah kuah lo phei se chuan ka per nawlh ang! Chu pa chuan lukhum hmathlawk a khum a, rawn hawi let miah lo in a lukhum hmathlawk chu a pawt kun a, a kal tlang zui ta daih bawk.
"I țha em?" Zothana chuan a rawn ti zawm vat a. Ka bu nghat a. Min su tu pa chu thip zet hian a en zui ta hram a!
" ok.. Miss Abby in min rawn call tlat.. ka kal mai ang.." Zothana darah a kut a nghat zawk a. " Dindin hun nuam tak in hmang dawn nia.." lu bu zauh in a nui leh suk a.
Kan hlat a a kal hran rual chuan a nupui call chu a chhang zui vat bawk a..
"A nupui mizo maw?"
"Umm, Hotel Reo neitute fanu kha.. Nikum khan an innei a lawm.."
"Oh.." ka ti sep a.
" Ani kha chu hnamdang ah pawh a rilru a tluang a, Kristian ani bawk, Engtik ah maw an chhungkua nen ka la inhmelhriattir ang che u.." a rawn ti vat a.
" A romantic dawn riau in ka hria.." Zothana min melh nghal vut chu nui duh miah lo hian ka lo en ve ran a!
"Eng chu?" A ti zui hluk bawk.
"An nupa kha nia ka tih.." thaw hawk chung in hnai zet ah min rawn en a.
"Nghal zeuh zello teh.." a rawn ti zui hluk rual chuan ka lo ner khum ta vak a! A ding mar a, darthlalang kawngkhar lehlam ațang nupa rawn lut te chu kut a vai khum zui zauh a.
"An rawn thleng tawh e.." ka beng bulah a rawn phun sup a. Ka țang nghal țeuh mai!
A pa zawk chu mizo pa ve tak anih ka ring a; anu erawh thung chu a hnar ngul a sang vah a, a mit val a lian deuh kuau a! A chhelo in a changkang tiin a landan chu sawi ila a fuh ber ang!
"Hahdam rawh ka tih kha aw.." a rawn ti leh sup a, ka chalah a hmuiin a rawn nawr rual chuan ka meng kâwk a, pawiti hmel a pu lo a, hahdam zet hian a lo nui zui suk a!
Beisei loh zet in boruak a pangngai a, Mahse ka hahdam thei tak tak chuang lo, Zothana pa zawkin min be reng a, anu erawh a țawng tam lo hrim hrim nge kan inhmelhriat țan tirh lai bak kha a țawng lo a, ka bula mipa pa zet țhu hian min buaipui hneh in min ngaihsak zia a ti lang zawm reng a, ka hma a glass no chu ka ban a, hei pawh hi anu in min melh deuh apiang in ka ban thla zen ringawt a!
"I farnu i be thei em?" Pangngai tak in Anu zawk a rawn țawng chhuak ve ta hlawl mai!
"Tlai ah ka call a; a chhang thei lo.."
"Ok.. Mizoram ah i let vat a ngai dawn nih chu.." a ti leh a, a kutțang sei sang mai chuan zei zet in fork leh knife a hum a, a thleng a beef grill chu a zai pah a. Rangkachak ţhi sinte a awrh leh an inneih zungbun ni ngei tur lunghlu a bun bak tlereuh dang a inbel miah lo a.
"Naktuk ah kan let dawn ka tih tawh kha... chuan Nu, Pa in rawn chhoh ve vat a ngai dawn nia, inneih na kha a rang lam kan duh bawk si a.." Zothana chuan a ti ve vat a, a aw a nghet țha in a in rintawk hmel tak zet bawk!
A pa a buk nghut laiin anu zawk chuan muangchang in fork chu a dahthla a, a bula puan var thianghlim zet chu rawn hawi chhuak miah lo in a ban a! Ka thaw dep dep tawh!
" Hmanhmawh kha a țul ber a mi?" Ka mit ah tak a rawn melh a, ka ip ru ta chawih mai! Chu tah nà zet in Zothana zawk a melh leh a, ka malchung a ka kut chu kutphah lum vung vung in a rawn hum a! Kan boruak chu ani zui chûrh mai!
"Tun thla a ral hma hian inneih kan duh a, chuan kal tlangpui ngei ka duh dawn bawk!" Hnial luih ngam loh khawp a Zothana aw nghet leh rum lam mah vang chuan nuamlo ka lo ti kher mai!
" A țha e, a neitu tur ber in i duh phawt chuan kan buaipui mai dawn alawm.." Apa zawk in a rawn ti a.. Anu erawh a ngawi zui leh hmiah tawh.
Hmeichhe țawng tam tak anih loh tluk zet in a fing tawk ang tih ka chiang a! Nunhlimi sawi lawk ang chiah! Min lawm hauh lo tih ka hre ta bawk!
"Zico nupui hlui kha ani lawm ni !" Hawi sang vah pah hian min rawn en leh a, min vawthlu tawp tu rawn awm se ka duh hluah hluah!
" Nu, kha chu i hriat tawh chuan sawi chhuah leh a țul ber lo." Zothana aw ri pawh a rum ta kher mai! A nu zawk chu a ner nak a!
"Nuthlawi zuna uai hi ana duh an tih kha.. a dik ngei a nih dawn hi.." a ti ta hlak a, zahna in min rawn tuam hlup hlup a, a thusawi hmasak te kha chu nep te! Tunah kher hi chuan a mitmengah min nuihsawhna a lang tel tawh a, ka sa pup pup thei mai!
" I țawngkam hman kha i duhtui deuh thei em? Mihran anih tawh loh hi.. ka nupui tur ani a, khatiang a sawi zui na kha ka hre tel duh tawh lo bawk ang.." Zothana chuan a ti fiak ta țhat a! Ka en nghal dawrh bawk! A beng zawn a pawng țalh ţalh a.
" Sawi mawina tur dang ka hriat loh vang anih kha.." Anu lah chuan nui zui hak pah hian a rawn ti leh a. " Nuthlawi sawimawina țawngkam a lo awm tawh reng reng ami?" Min rawn melh a!
"Ka sawi dik em?" A rawn ti leh kher bawk!
Zothana țawng leh tur chu rang lutuk in a ban ah ka hmer sak chawt a! A lungawi tawh bik hlawl lo tih ka hria! Mahse keimah vang a an nufa inkar buai ka duh lo, min rawn en vat a! A mitmeng a sen deuh rum a, tawite hian ka nui lui sak a, marawhchu ka thawchhuak tawh pawhin ka hrelo thung, kil tin aţang hian hall chhung a mi zawng zawng hian min rawn en hrek hrek maiin ka hria a, ka zak hluah hluah hi a ni tawp mai!
" Khalam chu duhtawk teh ang u, a innei tur te pahnih in in hmangaih phawt chuan buaina a awm lo.. Dindin ei țeuh rawh aw.." Apa zawk chuan a rawn ti dam thlup a, Chumi ruala Zothana nu lo ner nang mai chu ka hmu zui ta hram a! Kan boruak hi ka zo lo a, chhunglam ațang vawt in min rawn țham zui ta ar ar a, chu tih rual erawh in pawnlam chu thlan a rawn bawl chhuak ţiam ţiam thung!
Boruak țang at leh rit zet hnuaiah chuan kan ngawi ta ţhap hlawm a, Zothana hian tun kha anu a chhanlet ve hmiah hmiahna hmasa ber anih loh vek pawh in tun ang tak a thinrim ri tel a a biakna hmasa ber anih ka ring hial bawk! A chhan chu upa zawk dinhmun hi a zahthiam a; chuan mihring thinchhe tak ani lo bawk! Mahse a thinthawk erawh a na hle thung tih ka hria.
Chutia boruak rit zet hnuai a kan awm tawh sa nak lai chuan thawk la a ka hawi chhuak chu khawvela ka mihring huat ber hi ka va hmu fuh a! Darthlalang kawngkhar chhan ațang chuan keini ho chu min lo en ve reng a! Ka hawi chhuak tih a hriat rual chuan țhen suk pahin a kut a lo vai zauh a! Ka fork ken lai ka thlauh ri nghal bal bawk! Tinge buaina hlirin min umzui tak mai le?
"Bawihi..?"
"Aaa.. ka... ka tihpalh.." ka ti bah nawk a! Ka hawi chhuah leh rual chuan Zico chu a lo awm tawh lo a, ka thaw ta huai thei! Zothana zawk in ka kut ah a rawn hum a! Anu lah chuan ngeiawm tawp in min lo nuih kher thung!
Mahse.. Nilo.. Ni lullo Jayden-a! Zico khan Jayden lo han hmu ta se! Lalpa!
"Zothan, Jayden-a..!" Ka ti sep a.
"Maw?"
" Hetah Zico a awm.. Jayden-a..." ka sawi tum ber sawi chhuak thei silo hian ka ţe chhuak ta țhawt a! Ka mangang lutuk! Kha mihring khan ka fapa a hruaibo anih vaih chuan!
"Engthil.. Tak zet chuan.." Zothana chu a tho chhuak ta vut a, hall chhung a awm ho mit chu kan table ah chuan a fu ţhup bawk! Engmah sawi zui lo in dining hall chhuahsan chuan a tlan zui ta zat a! Ka khur nasa lutuk chu ka chebuai vek bawk!
Ka kut chu ka beksam ah ka zen chho a, mit ka chhing sawk a! Zico lo nui suk kha chiang zet in ka mitthla ah hian a rawn lang záwk a, rang lutuk in ka meng a..
"Ka fapa.." Ka din chhuah ve rual chuan chair ka nawr ri ring lutuk chu midang mit kan la zual sauh a.
"Ka tihpalh.. ka .. ka kal angai.. chuan ka lawm e.." ka thusawi teh nuai mai chu! Mahse a pawi lo.. Ka inher zui vat a! Mahse Zothana nu țawng ri vang chuan ka tawp chawt a!
" Pasal hluiin a tihbuai reng theih hmeichhia leh ka chhungkua in inzawmna kan neih hi ka rem ti ngailo ang.." a ti ram hmarh a! Ka biang a rawn lum thla pap a! Nghet zet in kut ka hum ruh nghal tlat bawk!
" Hmeichhe â nileng i nih loh chuan nangmah a inthiarfihlim nachang hria ang che." Zawi tak si hian a ti leh fak a, zawite in thawk ka la a, Hmeichhe â nileng ka anih loh ang bawk in ani hian engtin pawh awm ila min hmuhsitna hi a lantir zel hreh dawn lo tih ka hria!
"Ka thusawi chu i hrethiam ang chu tiraw?" A rawn tih zawm leh zat a! Hetiang tak a hmuhsitna leh in duhlohna hi ka la tawng ngailo a, tun hi a tawpna ni turin ka duh tel bawk!
Chhanna ka pe dawn em? Tiin ka inngaihtuah a, mahse țul ka ti ta lo, engang pawhin min ngai dawn mahse ka chhanna a mamawh kherin ka hrelo! Thawk la hawk chung in Dining hall aţang chuan ka tlanchhuak ve ta hlawk hlawk a, pool bul vela mihring lo la awm nuai nuai mai te chu ka tlan pel zung zung a, Zico khan ka fapa hmanrua ah hmangin tenawm takin a che leh hreh dawn lo tih lah ka mit hi ka hnar a nilo tih tluk zet in ka chiang tawh a! A hma zawng aiin ka hlauthawng zual sauh mai bawk! Ka thawk a rang in ka tha khur ru tel tlat vang chuan ka kaihza tha hi a inpawt tel țûng, ka taksa hi a kham vek ani tawp mai!
Thaw ham ham pahin lift hmaah chuan ka ding a, button chu ka hmet nawk nawk a, mahse midang hmang mek an awm vang in hun a la duh rei dawn bawk si!
"Khawngaih in... Khawngaih in.." phun mawlh mawlh pah chuan ka hmet nawn mawlh mawlh a, chhawng thumna ah leh chhawng ngana ah an ding tlat anih chu!
"Hunlo lutuk!" Ti hlak pah chuan step lam chu ka pan sawk sawk a, phone ka nei bawk silo, Zothana call mai tur pawh in engmah ka ti thei lo a, step chho zet leh kual zui mai ah chuan thlansa pup pup chungin ka tlan chho zel a, kan room zawn ka thlen rual chuan ka dangro lutuk chu chil ka lem zui khawlh a! Ka thawk lah chu ka awm ațang a rawn inhnawh a, ka kâ ah a leng lo lek lek bawk!
"Zothan..," ka ti țhat a, kan room kawngkhar chu ka sawi dawt dawt a, mahse alo la inkalh anih chu! Thawk ka'n la vak phawt a! Nu Liani te room lam pan chuan ka tlan zui nghal dawr dawr a, an kawngkhar zawn ka thlen rual chuan ka chum zui nghal dawt dawt a, rang zet in Mami'n a rawn hawng a, ka lut zui vut a!
"Khawnge Jayden?" Ka ti chhuak ţhat bawk.
"Aaa.. a muhil."
"Maw?".. ka en kawk a. "Aw Lalpa ka lawm e." Single khum pakhat ah Jayden chu tui zet in a lo muhil sak sak a, ka hlauthawng lutuk chu tih reh tum in thawk ka la a, Zico ka hmuh apiang hian ka taksa hi a la hahdam chhin miah lo a, ka fapa a him tih ka mit ngei a ka hmuh rual chuan ka zawi nghal hnawk mai! Khumah pawh ţhu lo in khum bul chhuatah chuan ka țhu sawp thla hnawk a, ka fapa rilru la thianghlim tak tih hriat zet a thawk la che ve êk êk chu ka ban a!
"Thil thleng a awm em? U Zothana pawh kha a rawn kal a. " Mami chuan a rawn ti vat a , Nu Liani pawh washroom ațang a rawn chhuak ve chiah bawk.
"Engkim a țha.." chau zet in ka ti chhuak sep a.
"U Zothana rawn thlen hma khan kawngkhar hi an rawn kik a, mahse ka han hawn chuan tumah an lo awmlo a, U Zothana a rawn lang zui nghal zat bawk, chuan tunah nangmah i rawn kal leh a. " a ti sep a, a thusawi chuan ka beng a verh ta zar mai!
" kawngkhar an rawn kik a maw?" Ka ti a, ka fapa chu ka en leh zawk a, chutah ka bul mai a Mami rawn ding chu ka chho melh leh vat bawk!
"Aw, mahse ka hawn kha chuan tumah an lo awmlo.."
" Ka hrethiam e.." ka ti halh a.
"Dindin engkim a țha maw?" Nu Liani zawkin dam zet hian a rawn ti a, Jayden-a mutna tlangah chuan a rawn ţhu zui ve zat bawk.
"Zico hetah a awm ve!" Ka ti a, engmah sawi lo mahse an pahnih chuan a țhawng tawk hle tih hriat zet in an thaw dun hawk mai!
"Zico... I hmu a mi?" Nu Liani vekin a rawn ti hliai a.
"Beach ah pawh khan ka hmu tawh.. chuan, tunah... Dining hall a kan awm laiin kan chetdan kha pawnlam aţang min lo en reng a.." ka ti chhuak halh a, ka kâwchhung lampang hi hlauhthawnna in a la țham tel tlat a, Zico lo nui suk leh Beach a a thil sawi zawng zawng te kha ka ngaihtuah tel a, ani khan thil țhalo engemaw tak a tih leh hma chu keihi hahdam takin min awmtir ka ring lo ve tawp!
"Bawihi?" Pawnlam ațang Zothana min koh ri ka hriat rual chuan Mami zawk a che ta vat a, kawngkhar lam pana a kal zui zat chu ka en ve ta reng a, Zothana nu leh pa te nen kan inhmuh hmasakna ber ani a, min lawm tawh loh sa tehreng nen, ani khan engkim a rawn chawk buai leh zo vek!
" I țha em?" Zothana rawn pen lut pawk pawk chu ka hmaah a khup pakhat rawn ţhingţhi hniam in ka chalah a rawn fawp zui vang vang a.
"Kan hmu hman lo a.." a ti leh sup bawk.
Chil ka lem zui dawk a! Khum a Jayden mu chu a melh ve zawk a, chutah chiang zet hian ka mit ah a rawn en leh a.
" Jayden hi kan room ah hruai phei ila i hahdam dawn nia.." zawi sup a a rawn tih leh tak ah chuan ka bu zui nghat a, ka ţhutna ațang chuan min kai tho a, Ka biang tawn tawnah rawn vuan in ka chalah bawk a rawn fawp leh a.
"Hahdam tum phawt rawh.." a ti zui leh sup bawk!
Jayden chu khum ah a mut a, a mu tui thei lutuk hi zanlai țhanharh te hi a nei ve mai mai ngailo, Zothana chuan puan in a khuh țha leh thlap a, Ac a adjust a, a rawn ding chhuak leh vut chu ka lo en ve reng a, a shirt hak kilh a phelh thawl țhen a, a pheikhawk bun chu tlawh phelh leh in ke lawng in a awm a.
"Lo kal teh.." Khum bul Sofa inhung ah a țhu thla a, ka banah rawn man in a malchungah min pawt ţhu ve hmiah bawk!
" Beach ah khan eng thil nge a sawi?" A rawn ti sup a, min chawi kang leh deuh nawlh in amah hmachhawn zawng in a awmah min kuah khawm ta vek a! Hmeichhe chaklo ve tak tan chuan in humhimna a va tling hluah hluah ţhin tak em!
"Him ngawt a inngai lo tur leh.. ih.. i chhungten ka thlalak ho kha hmu ve ta se engtinnge min ngaih ang tih vel..!" Ka ti a, in sehruh țeuh chung in ka chalah a hmuiin a rawn nawr zui vang vang a!
" A țha e.. Thlalak a rawn thawn che kha i la kawl em?" A aw rikdan hniam ruih leh thum lam lek lek chuan ka kawchhung hi a fan kual veng veng thei!
"Ka hal ral tawh.."
"Maw?" A rawn ti sup a. Thawk a lak leh rual chuan ka che zui ve awk a!
"Ka halral tawh.."
" A țha e, mahse.." a ti leh sup a. Sawi zui mai lo chuan a ngawi leh zawk a. " lo halral hman lo la finfiahnan kan hmang thei dawn a, mahse a pawilo, a tawpna tur a thleng vat dawn tho!" Ti leh nghut pah chuan thawk a han la leh hawk a! Ka sawi tawhin ka hria, amah hrim hrim hi a hrawl in a lian a, a thawklak dan pangngai hrim hrim pawh hi a nâ in hriat a awlsam bik ţhin.
"Zingah airport pan hma kan ngaih kha, muthilh tum rawh aw.." min kuah bet reng chung chuan a rawn ti a, a nu leh pa te nen kan inbiakna chungchang sawi chhuahna hun a awm ta miah lo chu ka lawm ru kher mai!
Mahse ani vang a buaina ka neih tur pawh a fel nghal e tihna ani chuang miah lo thung! Zothana kal hnu a anu țawngdan ngat phei kha chu Zothana hian hre ve lo law law se ka duh a, ka thlavang a hauh in ka bulah a ding tlat dawn tih ka chiang tawh a, midang angin țawngka in ti lang ve vak vak ţhin lo mahse ani hi chuan thil engkim hi a chetzia in a lan tir thung! Hei tak hi amah ti zahawm tu leh mipa diktak anih zia tilang chiang zualtu ani!
Chu tih rualin min lawm miah lo tu mô a țan hrehawm dan tur leh buaina tam dan tur ka ngaihtuah thleng tel a, a tak ka hmachhawn hma hauhin ka zam a, achhan chu Zothana nu kha hmeichhe pangngai mai mai nilo in hmeichhe fing leh tawhkhirh zet ani tih ka hriatchian em zawk vang ani!
 deuh chhuih hian khum tlang ah ka țhu a, Zothana inthlak che kual ve chu melh reng mahila eng thil nge a tih takngial pawh ka hre lo! Ka huntawn mek ang tawng ve tu lo tan chuan rilru mangan hrehawm zia te hi a hriatthiam ngawt theih loh a, chhungkaw thar nen inzawmna neih dawn hnaih tawhah ka pasal hluiin min hrairuih zana duhtawk a ka khawsak bawlhhlawh lai thlalak theh darhah min vau zui a! Engkim hi a buaiin a manganthlak ani tawp mai ! Ka sawifiah thiam lo, a tawng ve lo tu tan hriatthiam ngawt ngaihna a awm miau lo!
" Hei ha rawh le.." Ka hmaah a rawn țhut hniam ve vut rual chuan ka phu zui dawrh a!
" aa.. Khawi.."
" Ka lo haktir ang che.." nui lui suk pahin ka hnunglam chu a rawn ban zui vut a, ka dang miah lo bawk! Ka darah a khabe a rawn nghat a, ka hnung lama a zipper awm chu a pawtphelh thla a, nghal zet pahin ka nghawng ah a hmuiin a rawn nawr zui ta kher a!
Ka darah a tuai liam thla vek a, chumi rual chuan Zothana chu a thawchhuak deuh hawk bawk! Ac boruak vawt vuk chu ka taksa chuan hre rang tak ani!
Ka dar hma lam a ka sam uai thla hniang chu a rawn man khawm a, ka hnunglam ah a dah phei zui vek a, amah pawhin vest dum leh boxer chiah a ha ve tawh tho! A mitmeng vawt raih leh thim khap mai ka hmuh takah chuan ka kawchhung lam hi a sa ham ham a! A thawk lakdan rang ta sauh leh hmel buai ru ve nak chu hriatthiam sak lo rual ka ni bik miah lo!
"Reilote.." ro halha a nuih suk pahin ka mit ah tak a rawn en a. Ka hmai a sa nghal țawn țawn bawk! Min awm hnaih sauh a, a kut in khum tlang chu a rawn nem a, dam ruih sileh min mamawh tih hriat ngawih ngawih hian ka hmui ah a rawn fawp a, a lei thuk zet ah a luh tir rual te chuan ka kawchhung lam hi a za uai uai thei! Keipawh chuan a khaberuh kual ah chelh in ka chhang let ve ta tawn tawn a, kan hun tawn nena inrem lo zet a kan pahnih inkar boruak awm ta daih chu a phurawm ta phian bawk!
Min ei zawh vek a tum ta mai emaw tih tur khawp a min fawp ngawng ngawng chung in ka ban ah a rawn chul chho dan dan a; ka naknem ațang ka taksa chunglam ah a rawn chul kual a, ka bra kilhna a hmeh phelh rual chuan ka ruak nghal huai thei! Thaw ham ham chung in ka hmui hnuai a rawn pet a, a kâ ațang boruak lum chuan ka kawchhung hi a luahkhat ve vek bawk! Ka bra chu a pawt kau belh a, a kut in a rawn tâwk a, thawm siam hlau zet in ka thaw ham ham a, hei aia tawpna nuam zawk ka duh tih ka chiang tak zet bawk!
PicsArt_03-03-10.12.45(1).jpg
PicsArt_03-03-10.12.45(1).jpg (17.11 KiB) Viewed 10587 times
Rum chhuak hrâwih chung in a in la hrang a, ka bra hak ka ban ațang a pawh chhuah tâwk rual chuan ka awmzawn ah a rawn thaw lum zui hak bawk!
"Tunah maw?" Ka aw a mumal bik lo, mahse ka fiam chak tlat thung!
"Ka duhdan in min chettir phawt la a dang chu ka inthunun theih dan a zirin.. kan tawp ang.." bah nawk a a rawn tih rual chuan ka nui leh hak a, a rawn nui ve suk tho!
Ka hn*te inkarah a chalin a rawn nawr vang vang a, a samah ka kutțang ka zen lut a; a hmuiin ka taksa nem lai a rawn nul kual thuak tak ah chuan ka taksa chhunglam hi a za uai a! chimawm lutuk in min rawn melh anih chu! A rawn thawk khum ham ham a,ka taksaa a thiltih vanga ka *nute hmur pawrh lah chu a rawn tuai a, Amah zawk chu min ti phur thei ber tur hian a rawn rum ham ham reng bawk! A kutzungpui leh kutzungchal in a rawn hrual a, Ka thisen luang lai te hi an ding ta țhup maiin ka hria a, Ka sa hulh hulh reng bawk, ka naknem ațang ka awmbawrah a kut a rawn sawn a, Hneh lutuk in a rawn hum zui ta hmak a, A rawn ṭham zui nghal tawn tawn a, a kut pakhat chu sawn hniam in ka mal a rawn nawr kau a, chhungril zawk a kutțangin a rawn khawih thlen takah chuan na zet in a darah ka ţham sak ta tawk a! Ka au chhuak teuh kher mai! Ka panty hak pan te chhanah chuan awmze nei lutuk in a kut a rawn chet kual a, nghet lutuk in khum khuhna ka ṭham tawm tawk a! Ka thaw zui nghal kawk kawk thei!
Zothana pawh kei ang tho! Ramsa kawlh zet ang mai hian a che buan buan a, A kawchhung lam aţang a thaw ri huam huam leh che buan buan chuan a ti lang sexy ngawih ngawih bawk!
A taksa lianpui chu a awm hniam rual chuan a khaberuh kual ah ka vuan ve vat a, a pang te chu a sa vur thei! A hmuiin a rawn nawr leh thuak a, a ka chhung sa ham ham in ka hnute a rawn hmuam rual chuan ka kâ ațang ka thawchhuak ta ham ham a! Chintawk awmlo khawp hian a rawn fawp nghal ngawng ngawng a, Kei erawh ka thaw kawk kawk thung, A hmur chu a chang leh a leiin a hrual kual a, ka taksa chhunga boruak hlawm inhnawh khawm nasat lutuk vang chuan ka thaw hlei thei lo hial in ka hria, Ka taksa chhung hi a za chuai chuai thei bawk,A kut chu rem lo zet in ka mal karah a rawn khawih pah zel a, ka kekawr chhanah tho a hmui a chet rual in a kut chu a chet ve zel a..Nawmna nasa lutuk avang in ka taksa chhung lam ațang ka khur leh dar dar ṭhin!
.
"Bawihi?" A aw zet chu! A rawn dak chhuak a, a vun a sen vek a, a hmui hnawm hlap chu a hnuailam a seh sawk a! A taksa chu a khur tel bawk anih chu!
"Min hnial suh, khawngaih in..?" A rawn ti tâwk a, ka nui chhuak hak thung! Ka hnial loh zia a hria ang chu mawle..
Keimah zawk ka che a, khum tlang aţang tho chhuak in a taksa ah ka țhu kai a, ka hnungzang ruak kang ah chuan a kut a chet kual hauh hauh a!
"Ka mamawhna che nasa lutuk hi ka puak darh dawn in ka hria.." ro zet in a nui hak a! A tawnzau dum hak chu ka pawt hlip a, a taksa hrawlzet mai ka kut in ka khawih rual chuan a rawn thawchhuak ham ham a! A va pa chiang tak!
A chal ah ka chal ka nawr sik rual chuan mit chhing chungin chil a lem ri zui nghal khawlh bawk!
"Ka hmangaih che.." ka ti sep a.. A hmel landan a rawn danglam nghal hlawk bawk!
Mit a rawn meng a, a mitmeng de sawt sawt mai chu en in ka nui leh hak a.
"Sawi leh rawh.." a rawn ti sup bawk. Khum bul carpet dup ah chuan a țhu rem a, a malchung ah ka țhu ve tlat bawk. "Min hmangaih thu kha sawi leh rawh.." ka khela vuan pah chuan a taksa hnaih leh zualin min hnuk hnai tawk a! Ka taksa hnuailam hi a za uai thei!
"Bawihi..?"
"Ka hmangaih che.." a hmui ah nawr sak zeuh pah a ka tih leh chuan a rawn nui chhuak hawk hi ka ti mai! A taksa hrawl zet chu a che awk bawk!
"Zanin hi i theihnghilh theih tawh ngailoh turin ka siam ang." Ka awmbawr rawn melh ralh pah chuan a ti sup a, cho zet in a mit ah tak ka melh ran thung!
"Min hmangaih hi ka phut let ngailo a, ka kiangah i awm phawt chuan ka lawm ani mai.. Mahse min hmangaih tih i sawi a, min hmangaihtu in a dawn tur ang chu ka pe ang che.." ti sup pahin ka nghawngah a hmuiin a rawn nawr a." I thawm erawh i dim hle a ngai ang.." ka beng bulah a rawn phun leh sup rual chuan a ban bulah ka țham sak ta tawk a! Jayden a sawina ani tih ka hria a, amah zawk pawh chu ka beng ah a hmui a nawr reng chung in a rawn nui chhuak suk a! Dimte in kan taksa inkarah a kut a rawn zen luh leh takah chuan a nghawngah ka ban ka suih zawm a, ka dul thep thlep ațang ka panty chhungah a rawn zen lut leh a, ka hriatna hi khawvel dang ah a kal tial tial a, ka mitah tak en reng chung in a kut a rawn chet a, ka khabe hnuai ah a rawn fawp a, ka thaw ham ham reng mai! Awmze nei lutuk a duhtawk a kut a chet kual tir hnu ah ka taksa a chawi kang hlek a, a boxer hak a pawt hlip thla nghal nawk nawk a! Chutia a chet vel ruala a thaw leh hawk ţhin chu ka lo nuih leh tawp zel! A chetdan a duhthawh in engkim chu a lutuk mah mah vek!
*Sensor*
Thli thaw heuh heuh in ka taksa chu a rawn chhem dai a! Zothana kamis dum phelh tak kha ka ha a, ka samsei hniang mai chu hnunglam ațang a rawn man khawm vek a; ka hnunglamah a dah thlak vek rual chuan ka taksa chu a ban pahnih in a rawn kuah zui ta hlu hlu a!
Balcony ațang thla eng kulh mai lang thei chu ka hnunglam a taksa hrawlpui mai ngheng pah chuan ka en a! Zothana sawi kha a dik vek! Zanin hi ka theihnghilh tawh ngai lo ang, Jayden bulah nilo 'ka hmangaih che!' tih thu ka vawikhat sawi chhhuahna ani a, Zico bulah khan vawikhat mah ka sawi ngailo, ka duh thu erawh ka sawi ve tawh! Tunah Zothana bulah ka sawi a, chuan ka zam chhin miah lo bawk!
Vawi tam min hmangaih thu a sawi tawh a, sawi mai nilo in chetzia in a lantir a, ka sawi ve ngailo a, chu thil vang chuan vawikhat pawh min nawrlui ngai lo thung.
"I bul mai ah ka ding tih i theihnghilh a nge?" A hmaiin ka nghawng a rawn nawr a, nui chhuak hak pahin hnunglam a ding reng chu a sam ah ka han țham a, a thawk lak zawng a boruak lum rawn chhuak ve te chuan ka vun chhung lam thleng hian lumna min pe ve a! Amah ka thlakhlelhna a zual sauh bawk!
"A mak i ti em?"
"Eng chu?" Ka nghawng ah a hmuiin a rawn nawr leh a, a hnuah ka darah a khabe a rawn nghat ta zawk a, shirt a ha ve tawh lo a, boxer chiah a inbel bawk!
"Kan pahnih hi.."
"Aih.." a rawn ti sup a, ner nawng chung in ka thle let vat a!
"I va sual bik ve.." ka ti zui hlak bawk.
Mahse Zothana chuan nui che dawt pahin min kuahna a rawn ti nghet a, ka awmdan siam rem in full moon eng kulh mai chu ka en leh a!
" Min hmangaih ve lo pawh nila pawi ka tilo ka tih tawh kha, keichuan thil hrethiam rual i nih hma ațang daih tawh khan ka hmangaih tawh che a, hmangaihna hian phut let a nei ngai hleinem, i hlim hmel ka hmuh khan ka duh tawk em em ţhin a, keimahah hahdamna i nei tih ka hriat rual khan ka lawm bawk! Engtikah emaw chuan min hmangaih thu ila sawi chhuah hi ka ring reng tawh ţhin.."
"Ka hmangaih che tih ilo hre tawh maw?" Ka ti leh a. Ka darah khabe nghat reng chung chuan a lu a bu nghut a,
"Engtin?"
" ka sawi fak thei biklo.. Mahse pasal i neih hnu a kan inhmuh leh hmasak ber khan i mitmengah hian ka hmu tawh.." a ti a. Ka taksa chhung hi a nghing dawt in ka hria. " I pasal kha i hmangaih ngailo; i duh a, kei erawh min hmangaih thung.." ring hauh silo nghet zet a a rawn tih leh sup tak ah chuan a lam hawiin ka inher a; A mitmeng ah chuan mahni inrintawkna leh a thusawi kha a dik zia bak a lang chhuak lo! A sawi dik reng bawk!
"Ka hmuh leh che kha chuan ka ngai ringawt che emaw ka inti a. Racheli phone ah i thlalak hi ka hmu tawh, tah chuan Zothana i nih kha ka ring nghet ta tlat a, Rachel kha chuan hming dang min hrilh mahse hmana ka ta chiah ni ţhin, min duat em em tu Zothanmawia kha i ni tih ka taksa chhunga mi hi chuan min hrilh tlat thung!.. ka hmangaih vang che tihna maw?" Ka ti a, Pa zet hian a lo nui suk a! Ka melh rum nangiang mai!
"Engnge?" Nui chung in min kuah bet zual sauh bawk!
"Sawi țha ve mai la..!" Ti hlar pahin ka melh leh nghek a! A bulah hi chuan ka thinrimna a ho in ka hlimna pawh a te tham ţhin.. ka tunhnai dan anilo a, hman ațang daih tawh ka chin ţhin dan ani bawk.
"Ka sawi tawh kha... Ka rawn let leh a kan inhmuh hmasak ber khan min hmangaih tih ka hre tawh, chuvang taka mahni inrintawkna nei a umkual reng ţhin che pawh ka ni bawk.."
" Min umkual ţhin a maw?" Ka ti a, thaw halh pahin ka chalah a rawn fawp a.
"Tehreng mai.. i kalna apiang ah ka umzui ţhin che. Home in tlawhni pawh khan ka rawn kal ve.." a ti a, a thusawi tawp lama a aw sehchilh deuh ran vang chuan ka țang nghal tlat thei!
"Sawi tawh rih lo ang.. Va mu lut tawh rawh le. " a ti leh sup a, Home a kan kalni khan Zico a tel ve a, a aw rum tak sauh chhan pawh kha Zico a thik vang ani mai thei!
"Ka la lut duh lo.." mit a rawn kan ak rual chuan thawk la in amah chu ka hnungchhawn a, nghet zet in ka taksa hmalamah a ban a rawn suih zawm leh hmiah tho!
Thla eng kulh mai chu ka en a, phai ram chu Mizoram ang in boruak a thianghlim tawh lo a, factory aţang boruak bal chhuak velin hmunsang lam hi a ti bal a, arsi eng takngial pawh a hmuh hleih theih ngailoh!
Ka ngaihtuahna a vak thuiin a buai ru tak zet! Zothana hian engang pawhin min hmangaih mahse Zico kha hriatchhuah chang a nei lo thei dawn lo a, tun lawk pawh khan a thinrim chu ka ti ngam lo, a awmdan phung a danglam nghal vek a, in control thei mi tak nilo pheise chuan ka awm nawmlohna tur ngawih ngawih thil a thleng ang. A tan hmeichhe hmasa ber ka nih lai a nuthlawi mai ka ni thung chuan keimah leh keimah min insit thar tir tlat bawk!
"Guess how much i love you..!"
Ka bengah a hmui rawn nawr chunga a phun sup rual chuan ka phu deuh zawk a, ka thle bak a, a hmai bulah a rawn nui suk bawk. A landan zawng zawng leh chetdan cool lutuk leh pa lutuk vang chuan ka nui seih a.
"Guess how much i love you.." Zothana bawk in ka hmui bul chetah a rawn tih leh takah chuan chhanna pekdan tur ka hrelo tih lantirnan ka nur deuh nang a!
"From here . " kan inkarah a kutphah a dah a, a awmzawn ah a nghat tih ka hria.
"From here.." cool zet a van a thla eng kulh mai melh chho pah chuan vei zui vawng vawng na tur khawp a nalh hian a nui leh suk a. " to the moon and back!" Ka mit ah tak rawn en leh pah chuan a phun sup a, rang zet in a nghawng ah ka kut ka suih bet zui nghal chawt bawk!
"From here to the moon and back.." ka bengah a hmui a rawn nawr a, a thaw lum zui ham ham a! A chetdan zawng zawng chuan min hneh ngawih ngawih hi ani tawp mai!
" ka hmangaih che. " zawite in ka ti sep a. A nui che dawt a!
" Khawi hmunah pawh awm mahila ka hmangaih che tih i hriat theihna thil engemaw tak ka rawn ti ţhin ang! Ka kal hmasa a nih pawh in van ațang i lan theihna ah ţhuthmun ka rem a nga, chumi hmun ațang chuan ka hmangaihna che in ka rawn venghim ţhin ang che.." zawi sup tak tak in a phun a, a taksa lianpui nen a inrem zet in a aw hi a thum a, a taksa ah bet ve tlat ka nih vang chuan a min nghawr che dar dar thei a, ka mittui a hnai kuar thei mai bawk!
" i kal hmasa dawn reng reng lo.."
" Ka hria e.." nghet leh zuala ka taksa ah a ban rawn suih zawm pah chuan a ti leh sup a! "Engtiang a rei nge ka lo hmangaih tawh che tih i ngaihtuah buai angai lo a, i nihna ang ang khan min hmangaih tawp rawh, engtia rei nge ka nghah tawh che tih i ngaihtuah buai ka duh loh ang bawk in i thinlung neihchhun kha min pe vek rawh.." zawi ruih a a rawn tih leh tak ah chuan ka ţap chu ka tilo a, ka nui ri hawk a, ka mittui a rawn luang thla zui pap bawk!
"I nei vek tawh.."
"That's my gril.."
Khawvar chian hma in alarm a ri a, Ka taksa kuah bet tu taksa lum vung vung alarm off tura a inlak hran rual chuan ka che ve ţalh ţalh a, zing dar 5:30 vel kan flight anih vang in dar 4 ah alarm kan set a, airport panna hun a duh rei ţhin mai bawk si.
" Good Morning.." Ka hmui si chet chung in a rawn phun sup a, mit ka meng a, a va han pa chiang tak! A lo nuih ve suk rual chuan a mit bulah vun chuar kal phei chu chiang zet in ka rawn lang raih a!
"I tho peih em?" A rawn tih leh kher rual chuan na deuh in a nak ah ka țham sak ta vak a! A nui chhuak nghal hawk bawk! Zingkar thawh hlim a thil thleng a tan chuan a duhawm mah mah!
"Ka taksa hi a na vek in ka hria." Ka fiam a, min dim hluah hluah tih hriat zet in ka bek zawnah a kiu in a rawn inbeng khalh a, a kut in ka biang a rawn chul zauh bawk!
"Sorry! Khatiang a thleng leh anih chuan zing lamah i duh tawk a rei i mu thei tawh ang.." a mitmeng sexy zet de sawt sawt mai chu ka melh ve tlat a! Thu han khuh hi a nei ngai der mai silo.
"Mahse tun țum chu tho phawt ang le.." inbeng kang deuh uai pah hian a rawn ti halh a, Jaydey a la muhil sek sek chu en in a lu ah a tuai leh zauh a.
"Hei pawh nang ang chiah.. Mut duh reuh lutuk.." ti hluk pah in Jayden a beng a tihzat sak zui zat bawk!
"I rit.. chhuk law law teh.."
" lo va intifai hmasa rawh, ka rawn kai tho ang.." a ti sup a, a let thal thuk a, khum dup chhah zet chu a che zui dawt bawk.
Jayden kaihthawh tum a a auh lang lang lai chuan washroom lamah ka lut a, ka sawi kha a dik tak tak a, ka taksa hi a kham ţhum mai!
"Mummy.. Apa in i rei tawh a ti..!" Jayden rawn au lang lang vang chuan ka nui sak a,'apa' he thumal pawh hi a special riau a lawm, Zico kha Papa tih bakin a ko ngai lo a, Zothana hi apa tiin a ko tlat a, ka zirtir anilo a, amah in a duh thu a a koh anih vang in an pahnih inkar bik pawh a inhnaih phah sauh in ka hria.
Lengpui ațang kan tlan let lam chuan Zothana'n bolero a khalh a, driver khan kalna tur a neih vang in a cousin in bike in a lo nghak ve reng alo nia, Kawngtluan in 70's hunlai hla kan play a, Jayden chuan thiam mang hlei lo hian a lo zawm ve lang lang reng bawk, Zothana nuih a lo za țhin sia. Nu Liani leh Mami hnunglam a țhu te pawh chu Jayden avang chuan an rawn nui leh hawk zel a.
A kekawr ipte aţang phone a la chhuak lai chu ka lo melh ve reng a, speed ti hniam pah chuan eng emaw hi a hmet zui mual mual a.
"Min lo pe la.. ka lo ti ang. " ka tih rual chuan min en vut a; Hma lam melh pah chuan steering a herh leh zawk a.
"Aa.. Lisa hian tun thleng in min la rawn call back lo a... " a ti sup a,
"Khawi ka lo call ang.." awlsam zet a ka tih rual chuan thawk la deuh hawk pahin a phone chu min rawn pe a. Lisa number ah chuan ka call zawm ta zat a.
A ring a chu a chhang thei lo.
A chhan loh vang chuan phone screen chu ka en zawk a, Zothana'n nimin piah ațang a call tumna chu call log ah chuan a lo awm tuar a, darkar tin deuh thaw in a call tih ka hre bawk.
Ka call nawn leh a, a chhang thei chuang lo a. Zothana ka han en chuan min rawn en ve chiah a.
"A chhang thei lo.." A kâ ațang a rawn thawchhuak zui hawk a.
"A pawi lo, call tawh rih suh, Jay hi a mut chhuak in ka hria." A tih zawm ta daih bawk, ka malchung a ka fapa lo țhu ngawi ve ran chu ka buaipui zawm ve ta mai bawk a.
"Jay, hetah ka lo pawm dawn che mi?" Mami'n a rawn tih ve chuan Jayden chuan lu a thing ve nghat reuh a, Flight ah khan vawikhat pawh a muhil lo a, Kolkatta airport ah khan a tlan kual chul reng bawk a, a chau ve hle anih ka ring!
"Mamma bulah muhil mai rawh se. " Zothana chuan a sam ah rawn tuai sak zauh pah chuan a ti a. Jayden pawn a ruk te in ka kawrchhungah a kut a zen lut ve rak rak a, a pangchan ve deuh hi chuan hnute khawiha muthilh kher hi a tum ţhin.
Khawpui chhuahsan zawnga motor rawn tlan vuk vuk an awm vang chuan Zothana chuan fimkhur leh zual hian a khalh a, bolero hma lama phone ka dahsak tak chu a khat tawkin a melh leh zawk zel bawk! A ngaihtuahna a buai hmelin a rilru ah vei lian tak a nei tih chu amah hrechiang tu tan chuan a hai theih tawh thlawt loh! A taksa hrawlpui che awk khawp a a thawchhuak chu ka mit sirin ka melh reng a , ka lo hah ve vek thei!
A tawp a tawpah chuan phone chu ka ban leh a, Zothana min rawn melh zawkna chu hrelo derin Lisa chu ka call nawn leh ngat ngat a, Heti taka Zothana awmdan danglam vang tal pawh hian ka hmeichhe huat ber ka call hi a sual in ka hrelo! Chuloah keini nufa min buaipuiin hun a khawhral a, Lisa chungah engemaw thleng palh ta se Zothana hi a inthiam lo dawn lutuk.
Rangvamual kan tlan luh thleng pawh in call a chhang thei lo a, ka call nawn rual apiang chuan Zothana chuan min rawn en ve zel a! A tawpah phei chuan thawk la ri hawk pahin steering chu a chum zui ta deuh pawp a!
Ka phu chiam zui!
"Kan țha em?"
"Bawihi.. Home 2 tia ka save kha call leh rawh." A rawn ti chhuak hrawih! Engvang ber nge ka hrelo, a aw ah khan in control a tum viau tih ka hria a, mahse a veng zo chuang lo.
Home 2 ti a a save chu ka call zawm ta zat a, chhangtu an awm chuang lo!
"Ok.. Inah ka drop che u ang a, Lisa ngaihven turin ka chhuak nghal mai ang.." min en zawk a, min râwn nilo in a thil tum min hrilh zawk ani mah.
"Aw le.." ka ti sep a, Nu Liani leh Mami chu an muthlu a, Zothana thawk lak buai ru em em mai chuan ka awm ati nuam thei hauh lo mai!
Khawchhung kan tlan lut a, traffic a lo indawt zut a, Motor tam zawk lah hi hunna tur nei mumal silo in an khalh chhuak ve sek a, mi dawr kawt ah kawngpui chep tak dal zawng a hung ta hmiah lah an awm nual! Hengho hi kan ram țhanmawhbawk pakhat chu an va ni chiang ve tak!
Gate kan tlan lut a, Mami leh Nu Liani chuan kan bungrua an khai lut a, a tam thamlo a, keini nufa leh Zothana phei chuan kan nei vak lo hrim hrim.
Driver side aţang a chhuk vut chu ka en zui reng a, Jayden a muthilh miau vangin ka chetpui zung zung theilo.
"A chau ve hle anih dawn ni.." kan țhutna lam a rawn pawh hawn rual chuan a ti sup a, kei erawh in a hmel landan dang hlawk leh vei run nei tih hriat zet a thim khap mai chu ka en uluk hle thung!
"Lisa chu..." ka ti sep a, Jayden pawm hran mai a tum chu a tawp chut a.
"I ngaihtuah viau ami?" Ka ti a, engmah thikna leh huatna rilru ka pu tawh lo. Min chhan hma chuan thawk a'n la leh deuh hawk phawt a! Shirt maroon a ha a, cotton kelawr ha leh in Jordan pheikhawk a bun thung!
"Call hi a chhang lo mai mai ngailo a.. ka kalsan dawn țum phei kha chuan a rilru a buai lutuk bawk si.." chal chuar tap chung in lu a thing zui nghut a.
"Jayden hi khumah mu vat rawh se." A theihtawp in a rawn nui lui suk a, Jayden chu a la hrang a, Ka chhuk ve rual cuan inchhunglam a pan pui ta pawk pawk a, Zothana meuh a buai ruk tawh chuan thil thleng engemaw tak a awm hrim hrim ang!
Inchung ka thleng chho ve chiah tih ah a room ațang a rawn chhuak ve hlawl a. Ka hawi â hu thei!
"In nufa thuamhnaw zawng zawng ka roomah hian ka sawn phei tir vek tawh." A ti vut a, "Khumah ka mut a; Nang pawh lo va hahdam rawh, ka rawn let leh vat ang.." a ti leh sup a. Min pan hnaiin ka biangah a kut pahnih in a rawn dawm a. "I landan hi a ţha bik miah lo ania." A ha var nalh zet lang in a nui suk a.
"Ka lo kal ve i duh em?" Ka ti a. Ka hmui ah a rawn fawp zeuh a.
"Jayden lo awmpui zawk rawh.. a harh hunah a zawng palh ang che."
"Ok.. Chanchin rawn sawi vat rawh aw.."ka ti a, bu nghut pahin a in la hrang a.
"I phone tur ka rawn lei haw dawn nia.."
Kailawna a pen thla pawk pawk chu ka dinna ngaia ding reng chung chuan ka en zui ta reng a, Kawt ațang motor tlanchhuak thawm ka hriat hnuah chiah room ah ka lut ve a, Ka nui nghal hak bawk!
Zothana khum zau zet ah Jayden chu a lo muhil ve ngat a, ka room ai daih in a zau a, bang pakhat hlawk chu closet a tan siam ani a, a chhunga thil awm reng reng chu rawng uk khap leh a pindan neitupa nen a inchawih zet in engkim chu a lian tham em em vek!
"Zothana chu a chhuak lehnghal mai elaw?" Ka inthlak zawh hnu vekah inhnuai ah ka chhuk a, Nu Liani chuan coffee tur tui a lo chhuang mek a.
"Umm.. Lisa a ngaihven dawn anih kha.."
"Kan Lisa pawh hian a u hi chu a tibuai hneh ve a nia.. khawi lai party naah emaw chatthla se Zothana vek in a buaipui a.. " a ti zui ta barh barh a.
Stool sang ah ka țhu kai a, Zothana kal chhuah aţang minute 20 dawn a liam tawh a, home phone ah tal a rawn call ka ring a, mahse tun thleng in a la reh hmiah thung!
"Nu Lian, Zothana chhungten he in a sak hi an hria em?" Ka ti sep a, chumi pah chuan inchhung zau nuam zet leh bungrua engpawh changkang si leh hmuh hahdam tak si chu ka enkual pah thuak a! Hetiang in a rukin a sak theih ka ring lo hrim hrim.
"Ka hre miah lo.. Aaa.. An hria ang, Lisa pawh țum hnih thum vel chu a rawn riak ve tawh alawm.." a ti a, ka hma dawhkan ah chuan coffee la khu vat vat hi a rawn hung zawm zat a.
"Zanin tlai chu awlsam deuh in ei kan siam dawn nia. " ti hliai pahin fridge chu a hawng kual sawk sawk a!
Coffee chu ka in hlek a, nizan ka mu țha hman bawk silo a, ka chau ru reuh tak zet!
Minute 10 dang a ral leh hnuah in a phone chu a rawn ri ta thut a, Rang zet in choka ațang chuan ka kal chhuak vat a.
"Hello.."
A reh deuh vang vang a, rawn call tu number digital screen lian vaklo a rawn lang chu ka en zawk a! Zothana number ngei ani! Line chiang lo anih ring in ka nghak deuh ta reng a.
"Hello.."
"Bawihi..?" Midang nen an inbe leh lawk ani mai thei! Thawk a rawn la zui hak a.
"Lisa chu a awm tawh lo.." teh tawp mai a!
Ka hrawk a ro nghal vek a! Min țhawng hi ani tawp mai!
"Engtin..?"
"A ruang postmortem turin hospital ah kan phur phei chiah a.. Aaa.. A la chiang biklo.." a rawn ti hap a, ka hriat sual emaw ka ti hial zawk! A chhan chu kha hmeichhia kha ka hua in tih chhiat vek ka duh ţhin ngei a, mahse thi tur ang chuan ka lo la dah chhin ngailo.
"A va mak ve.."
"Umm.. Chanchin hrilh in ka rawn be leh ang che.." a ti sup a. Engmah sawilo mahse amah pawh chu a shock ve tawk hle tih a aw ri a hnualna ri tel ve ah chuan mi â ber pawhin an hrethiam ang.
Zothana nen kan inbe zo chu couch ah ka ţhu thla hnawk a, ka ngaihtuahna a vak thui ta kher mai! Thah nge anih ang.. Vanduai vang hrim hrim! Postmortem tur a an phur anih chuan thih dan pangngai anilo chiangsa bal a!
Zothana bulah khan an awmna hospital tal lo zawt ila ni tur!
Thah lo nita se tu thil tih nge ni ta ang! Zico! Zico chu engvanga ngaihtuah tel tlat nge ka nih ka hre lo! Lisa chu a hmeichhe hmangaih leh keimah aia a thlan zawk ani a, a that ngawt thei lo hrim hrim ! Chuan amah chu Goa ah a awm ve daih kha..!
"Engnge chanchin.." Nu Liani aw sin leh tliang zet vang chuan ka phu ta chiam ringawt a! Ka hawi chhuah chuan ka bul maiah alo ding reng tawh.
"Ih.. A.. Lisa kha a thi.."
"Maw?" A ti țhat! Couch ah a rawn ţhu thla ve vat a. "Han sawichiang deuh teh."
"Zothana'n a rawn sawi a.. Tunah postmortem turin a ruang an phur phei tawh.."
"Karei! Hmeichhe khawngaihthlak.." a ti halh a. "A va pawi tak em! Kan nunna ah hian kan thu der mai silo a.." a ti chhuak halh a . Sawi ve ber tur pawh ka hre lo
Ka pasal nen min bum in ka nun an ti chhe vek a, ka pum chhunga ka fa ngei a result lem siam vangin ka chan bawk a! A remruatna fing vervek tak vangin kei leh Zico kan intawng a, chuan.. Amah nen inzawmna kan neih tawh loh hnu thleng pawh in ka nunah buaina a la rawn thlen ta ţalh a! Ka nun zawng zawng tichhe vek tu chu keiin hremna ka pek ngailo in tunah khawvel a ta a chhuak ta a, Lawm ngawih ngawih zawk tur ka ni asin! Mahse ka lawm miah lo.
Ni e... Ka nun kha an tan chuan hmanrua lek nimahse thihna meuh in a den hi chu a dan a dang a, a tawp ani tawp mai! Kawng chhuk leh chho zawh kar thlak hnu a, kham birh zet lo awm ta thut ang mai hian a tawp in a hrilhhai thlak a! Lisa pawh thi turin ka lo dah chhin ngai miah lo!
Min beilet turin a huaisen a, tlawm taka min siam tur khan a huaisen tawk em em a, dawt sawi kualin thiamchan a tum ve lo ringawt pawh kha mihring pakhat anih ve na a nia, a thil tihsual kha a pawm thlap a, Zico nen engkim an ruahman lawk ani tih pawh a pha chhin miahlo. Lehlam tak chuan hetiang mi te hi an awh awm a, mahni thil tih ngei pawh pawm ngam leh silo a dawt a phat kual tum a, mihran hran hnena an chan chhiatna lai sawi kuala midang khawngaihna hlawh tum te nun hi a tenawm a, mi dawihzep, mi diklo, mi dik ang a lan tum leh mi chunga an thil va tihsual pawm duhlo, an va beih tena an beihlet ve ruala phatna tur dawt lo sawi kual ţhin te nun ai daihin a nun kha a awhawm a, ani kha chuan ka chunga a thil tihsual a pawm thlap! Tu emaw ang lo tak in! Chuvang tal pawn tun ang a tawp mai tur hi anilo asin.
Room lamah ka tlan lut sawk sawk a, Jayden a la muhil a, ka thuamhnaw hak ka thlak a; cotton kawrdum bantluan ka inbel a, Puan dum hlang tawp ka bih a, flat dum ka inthlawh leh sawk sawk a, ka clutch lian ve angreng tak ah mamawh ka khung khawm a, An hospital pan ka hrelo a chu an inlam ah tal ka lo va awm ve thei ang, Tunah phei chuan Zothana nu leh pa te Mumbai lamah an awm daih a, tukin zing vek khan Goa ațang Mumbai lam pan in an thlawk chhuak ve nghal a, anni lo thlen hma chu Zothana koah engkim a tla vek dawn a, a rilru buai ve zet tur te nen phei chuan a bulah ka din ve ngei ngei angai!
"Mam, Jayden lo harh hun chuan țha deuh in lo hrilhfiah mai rawh aw.."
"Aw le.. " a ti vat a. Roomah a lut tur chu a ban ah ka man leh chawt a!
"Tumah inah hian lo luhtir suh u aw.. kei leh Zothana rawn let chu in hre em em ang, keini kan nih loh chuan kawng lo hawng lo ang che u. " ka ti sep a. A chhan chu hmanni ah pawh Zico hi gate pawnah ka hmu tawh a, tunah hian Goa ah nge a awm pawh ka hrelo, he inah hian a lo kal mai ang tih ka hlau ru tlat!
Mami a buk nghat takah chuan kailawnah ka chhukthla sawk sawk a, Gate pawnah taxi ka chang a; Khua a thim țan tawh vangin taxi a awm mai bawk silo. Ka nghah vang vang hnuah taxi ruak ka hmu fuh ta hlauh a! Ka thaw huai thei!
An in lam ka pan lai te chuan ka thaw leh dep dep ţhin a, a chhan chu ka hmelhriat satliah nilo ka nun tichhe vek tu ani a, ka lan ve ngawt hi a dik em tih te ka ngaihtuah kual leh thûl!
Ka ngaihtuah buai chhung in an in kawt ah kan ding der mai! Vengchhung YMA in an in an lo thian a; an zi nuai nuai hi a ni ber mai, tumah hriat a lawi ka nei bawk silo, a ruang an la rawn phur let lo a, kil khatah ka ding ngawi ta reng a!
Mizo kan vanneihna hi chu YMA leh NGO ang ten kan ding a, Chhiat țhatna ah kan in mal tlat tir ngailo a, kan in ţawiawm liam liam ţhin te hi Mizo nun ti nuam tu ani tak zet bawk.
"Aw.. Dindin..?" Ka hnunglam ațang ka aw hriat țhan zet in min auh tak ah chuan ka thaw huai a.
"U Machhan."
"I rawn kal ve e law.. tinge tah khan i din reng a.." a rawn ti zung zung a, Faith-i a pawm lo a; a pum a puar ve lah tawh bawk.
"Aa.. Zothana te ka nghak mawle.." ka ti a, an inah hian vawikhat pawh ka la kal chhin lo a, tlangnel tak a awm chu thil harsa tak ani!
"Ka hrethiam e.. Thil thleng hi a mak teh thut e.." a ti sep. "A boralna a lo rei tawh ani awm e." A ti leh a.. ka meng nghal kawk mai!
"An sawi dan chuan a khumah mut kawr nen a lo khawng vek tawh, ni 2 emaw chu ani tawh ang.." a ti a.. ka hmul thi a ding nghal sung sung thei mai!
"A va mak.." ro zetin ka ti chhuak thei țawk! "Zothana khan call a tum reng ţhin a.. a mak e.." ka ti leh tawp, ka sawi tur hriat chhun ani miau tlat!
"Brada'n a sawi a.. Zothana inthiam lo hmel lutuk kha hmuh hrehawm a ti ngiang mai! " a ti a.. Ka thawk hi a tawp mai dawnin ka hria.
"Aa.. tinge maw thil ţullo zet ka sawi le.. Brad pawh hospital ah a kal ve a, an rawn let ţep tawh.." a ti zawm ta vat vat a! Mahse ka rilru ah erawh mahni inthiamlohna ka nei lian ta hle thung. Zothana khan Goa ah min zui lo se chuan Lisa hi a venghim thei anga.. Chutiang chiah chuan tunah hian Zothana pawhin a ngaihtuah ve mek mai thei!
An rawn thlen chuan an chhungkhat hnai tak tak ho in ruang chu inchhungah an zawn lut a; Zothana hmel zuai ruih mai chu mipui kar ațang ka va hmu a, Goa ah kan nufa min zawng in a talbuai hrep a, zan a mu mang ngailo bawk, an chhungkaw sumdawnna a enkawl tel vek bawk a! Tunah hetiang thil hi a hmachhawn leh ta si a! A chau hluah hluah ngawt ang!
U Machhani chuan ruang zawn lut tu te chu a zui vat a, keipawh mipui ni deuh nuai nuai karah chuan Zothana lam chu ka pan ve ta vat a, mahse a bula hmeichhe ding ve ka hmuh rual chuan ka pen tawp nghal chawt a!
Nunhlimi chu ţap hrep tawh tih hriat takin a mit a sen ţan a, chu mai pawh nilo in Zothana darah a kuah a, Nunhlimi chuan Zothana dar ah si chuan a hmai a nawr tel tlat bawk a! Ka thin chhung hi ana nghal ngut ngut ringawt! Engtinnge an ni pahnih!
Nilo.. Ngaihtuahna țhalo putna hman pawh anilo! An lam pan leh mai ka tum a, ka thei der lo! An rawn inkuah phei lai chu mi à ang mai hian ka lo en reng a, tun a a landan ah tak saw chuan kei nilo in Nunhlimi saw a bula awm tur diktak pawh ani zawkin ka hria!
Kei chu a farnu hmelma ka ni a, Nunhlimi chu an chhungkaw zinga tlatlum tak! An natna te an inhnem tawn thei dawn a! Ka ngaihtuahna vang chuan ka na zual ta sauh mai!
Ka harh chhuak zawk a! Midang karah chuan ka tawlh lut nghal vat a, min kalpelin in chhunglam ah an inzui lut a, thikna rilru put hun chu ani miah lo! Mahse ka awm chhung hi ana ngawih ngawih thung!
Inchhungah pawh lut ve ta lo chuan pawnah ka țhu ve ta reng a, tlaivar turin țhalai an rawn kal sap sap a, Zothana leh Nunhlimi te ngawt ka ngaihtuah a, ka chunga Lisa thiltih zawng zawng a hre vek a, ka tuar phah zia pawh a hria a, Lisa a sunna chu ka bulah a sawi chhuak ngai dawn lo a; Nunhlimi a mamawhna a zual sauh bawk ang! Chu ka ngaihtuahna vang chuan ka thaw hlei thei dawn lo.. Thihna a thlen laia thikna rilru ka lo pu tlat mai chu țullo ka ti ve tho, mahse ka rilru hi ka thunun thei bik ngawt lo!
Ka bula țhu nu in phone a hmet eng chu ka en ve zawk a. Zinglam dar 2 a ni der tawh! Tumah hriat ka neih ve miau loh vangin intiharh pah a kal chhuahpui mai tur ka nei bawk silo, Zothana lah ruangkil in a awm daih anga! Ka kal ve tih pawh a hre kher lo ang!
Reilo te boruak dang hip turin ka kalsawn ta lawk a; kawtzawl a țhutthleng an remloh lai ah chuan ding in thawk ka la ham ham a, Inchhung lamah erawh an zai thawm a țha hle thung!
Kawngkhar lam ka inher let chiah tih ah Zothana leh Nunhlimi rawn inzui chhuak chu ka hmu leh a, Ka bul velah biruk mai na tur a awm tawh bawk silo. Zothana chuan min rawn hmu nghal tih hriat zet in ka lam a rawn pan zui nghal zat a! Nunhlimi pawhin a rawn zui a! Engtinnge he hmeichhia hi Mizoram a rawn thlen chhoh ve hman ka hrelo!
"Bawihi..?" Ka hma ah a rawn din run rual chuan za lo zet hian ka nui a, "I rawn kal kher duh a..!" Ka nâ nghal ngawih ngawih mai! Kallo tura min duh laiin Nunhlimi chu a kiangah awm turin a duh thung! Ka lo rinlawk ang chiah.. ka bulah Lisa a sunna thu pakhatmah pawh a inbun ruak ve miah lo ang!
"Let leh ka lo tum chiah.." ka ti ve ta ngawt a! Zothana taksa si chet in Nunhlimi a rawn ding ve ta hmiah a, a țap hrep tih a hriat in a mit a sen ram bawk.
" Ka kal tawh mai ang.. va lut leh ru.." pangngai taka lan tumin ka ti hliai a, A nau hmelma chu min mamawh ve tawp lo ang!
" Lisa boralna ah hian dem tur ber chu nang hi i ni tih i hria em?" Nunhlimi zawkin a rawn ti sep a, a aw ri chu a zawi! A mitmeng ling hlar chu ka melh let ve ran a.
"Goa ah khan atthlak zetin rawn kal lo ula chuan Zothana hian a farnu hi a venghim thei ang, mahse nang hian ila hrang a, Buaipui tu neilo in ni 2 chhung ngawt a ruang kha inchhungah hian a awm tawh asin.." a rawn ti leh tan tan a! Ka in sehruh ta țeuh bawk! A bula Zothana ding ngawi ngul mai chu ka melh zawk a! Ka nâ zual ta sauh bawk! A ngawi ngul a, Nunhlimi thusawi zawng zawng kha a pawm ve vek anih ka ring nghet ta hmiah bawk!
"... engvang in nge i rawn kal ngam ve zawk a.." ngeiawm lutuk in a nui hak a, chumi pah chuan chau awmang fahran hian Zothana taksa chu a ngheng zui ta hnawk a! Zothana buaipui let dan ah chuan natna tur bak pakhatmah ka hmulo! Tlan sawn san nal nal ka chak hluah hluah!
Muangchang in ka inher a, he laiah hian an ni pahnih inngaihsak lai hmu tura kal ka ni reng reng lo! Anmahni ka hnungchhawn rual chuan ka mittui a luang thla pap a! Zothana pawn Lisa thih chhan ah mawhphurtu lian ber ah min ngai tih lah a chiang reng! Nunhlimi chu duat tak in a buaipui zawm zat a! Kei chu ka kal ve duh kher ah te anih kha a buai bik !
"Ding rawh.. " Ka thinlung nghawr nghing vek thei aw zawi sup vang chuan ka ding dat a! Ka hawi let lo a, min panhnai lo tih ka taksa hian a hre zawm vat a! A awmzia chu Nunhlimi a la kuah tihna!
"I rawn kal tawh a, awm ve rih rawh, tunah haw na tur taxi remchang a awm miah lo bawk ang.." a rawn ti chhum vut a! Ka lungphu hi a che dawt dawt a, chu thil chu natna in a rawn hmet hit zui ngawt ngawt a! An bulah hian ka awm ve zel ang maw?
☆TE DOY 15K☆
Chapter 29
By
Abbra Reo Ririni Khiangte(Pitartei)
Ka pen lui ta tho a!
Ka taksa chhung na hit ngut ngut avang chuan ka ke pen thleng in a sak vek! Ka awm zawnah thawk harsa khawp in min hnawh bet tlat tu a awm bawk! Ka mittui vangin ka khawhmuh a phe ruai a! Engvang in nge he hmun hi ka pan ve kher kher?
Zothana hmel ka mitthlaah a rawn lang a, Ka mak ti hmel leh na tuar hmel kha chiang tak in a hmu ang, Mahse pawi ti hmel a pu lo.. chu thil chuan min tina zual sauh a! Ka nâ lutuk hi ka â thei mai dawn in ka hria!
Ka hnunglam ah thawm a rawn awm a,Taksa lumna ka hriat rual deuh thawin rang lutuk in ka hawi let nghal vat a, Hnunglam ațang Zothana'n ka taksa khawih tuma a kut rawn lek chhuak ka hmuh rual chuan ka ban pahnih chu ka dar zawnah ka dah chho nghal zat bawk! A tawp chawt a. Mittui kar aţang ka theih ang a rum in ka melh zui ta nghek ringawt! Ka awmdan hi a dikin ka hre biklo, mahse zanin chuan chuang tak in min siam tih chiang takin ka hria!
"Engthil nge diklo a?" A rawn ti zui nghut bawk!
Nunhlimi leh a bula hmeichhe pakhat lo ding ve reng chu ka melh zawk a! Hman ațang saw hmeichhe duhthusam zawng zawng zanin hian a mit hmuh lai ngeiin a tipuitling vek! Sawnu sawn keiaia Zothana'n a ngaihsak hun leh kei min hlamchhiah hun hi a nghak reng zel a, chu thil chu zanin hian a thlen tir ta reng bawk!
"Engthil mah a thleng lo.. Ka kallohna turah ka rawn kal ve mai anih ni." Nui lui sak pahin ka ti a, a hmel zuai ruih rawn lang chang ta ţalh ţalh mai chu en in ka nui leh sak kher a, in aţang ka chhuah chhan a bulah din a, a nu leh pa rawn thlen chhoh ve hma chu lo hnem ve ka duhna rilru zawng zawng kha chu boruakah a tham ral vek tawh!
Ngawi reng in ka inher zui leh ta hmak a, mitthi in a khuang vaw ri tluk tluk leh zai ri te chu an hla tial tial a! Lo kal lo tawp tur kha ka ni asin! Chuan kha thihna a mawhphurtu ber chu keimah maw?! Ha! Takzet hlawm hian.. ka nun duhtawk a infiamnana hmang a ka pumchhung a ka fa ngei ka chanphahna hmeichhe thih chhan hi keimah maw? Tinge a duh duh hian ka chungchang hi hetianga an sawi a na ve theilo ang hial a min mawh chhiat ţhin mai le! Zothana hmelah Nunhlimi khap tumna lang chhuak miah lo te khan min tinâ a! Ka pik hluah hluah hi ani tawp mai!
Zan a rei tawh a, Aizawl pawh khawpui a len tawh ang bawk in veng dang a mitthi awm vangin vengdang a nghawng pha ve tawh lo a; mitthi awmna veng ka kalpel chiah chu boruak a reh duk a, khawvar hnaih tawh a thla engkulh leh thlifim thaw heuh heuh bak thil dang hriat tur a awm lo!
Hmeichhe à tak ang maia in aţang ka kal chhuah dawn a Zothana mal lutuk ka ngaihtuah tel te kha ka tisual lutuk hi ka inkhawngaih letling zawk! Kha hmeichhia kha zanin hian hmu lo phei ila chuan Mizoramah a awm ve tih ka hre ve leh tawp nang!
Engkim hi a țha vek mai e!
Ka tlaivar ve turah Nu Liani te chuan an lo ngai ani mai thei! Gate an lo khalh țhap a, phone ka nei bawk silo, ka tih ngaihna hrelo chu gate thir ngheng chuan ka țhu ta reng ringawt a, midang min rawn hmu tu awm phei se chuan hmeichhe dukdak lo zet zan riahchhuah hrat angah min rawn ngai ngei ang!
"Awi.. Dindin, ngati ngawt nge a?" Chhunglam aţang gate a rawn in hawng ri rak rak a, ka mutthluk lai ka hre miah lo! Chiang lo zet in mut ka'n meng a, khua a lo var uai tawh a, a khat tawk in taxi leh scooty velin min rawn tlanpel phauh phauh a.
"I tlaivar ve emaw ka ti asin.. tinge i rawn let te chuan thir hi i rawn tihrik vak mai loh a..?" A rawn ti zung zung a, ka ţhu tawm reng chu ka darah vuan in min kai tho a, ka ţhu rei tawh bawk a ka kaihza tha a inpawt tel tlat mai!
"Tinge Zothana pawn i rawn let tih phone tal pawh a rawn sawiloh..?" Ti hlak pahin ka puan bih a bal kai chu a rawn beng fai thuak thuak a! Kei erawh ka na thar leh kher mai! Engvangin nge kei kha min ngaihtuah ngawt ang! A farnu thih chhanah anih kha min ngaih tawh!
"Phone i neilo tih a hrereng si.." ti leh sep pahin ka mitah tak a rawn en a, ka ţah a chhuak nghal țeuh bawk!
"Titeh lut ang i hmai a dang vek a nia.." ka insum hman lo chuan ka kuah ta thlawp a, Nu Liani țawng lai pawh a tawp zui chawt bawk! A ringa țah hlawp hlawp ka hlau chu ka hmui ka pet fan fan a, Nizan a Nunhlimi min țawngkhum laia a thusawi pawm ve ang hrim a Zothana lo ngawingul mai ka mitthla let zawng ringawt te chuan ka na ngawih ngawih a, In lamah ka let tih a hria a, min umzui kher lo anih pawn Gate min hawnsak tur tal pawn Nu Liani te a hrilh thei a, mahse chu thil pawh chu a ti chuang lo!
"Lut phawt teh ang ." Nu Liani chuan a tisep a, ka samah dimte in a chul hliau hliau bawk!
Inchhung kan luh hnuin coffee ka duh leh duhloh min zawt a, ka in chakloh thu ka hrilh a; min biak lehna pawh ngaihsak lo in inchung lamah ka chho a, Jayden chu Mami'n a room lamah a mutpui tih min hrilh tawh a, ka hmu chak viau a chu ka awmdan vang hian mahnia awm a rilru fim tak a inngaihtuah ka mamawh in ka hria a, Zothana roomah pawh lut lo in ka room tura a tih ah khan ka lut a, Khumah ka bawk zui nghal tawp a!
Ţah ka duh tawh lo, mittui hian chakna pakhatte mah min pek belh lo!
Ngaihtuahna hman dan ber tur pawh ka hre leh silo a, Mihring hi a thil tawn a zirin rilru te thleng hian a lo chauh tel ngawih ngawih theih a, rilru ber a chauh miau chuan mihring hrisel tak ţhin pawh a âwng rawp nghal rawk rawk ţhin!
"Mamma?" Ka fapa kut tereuhte nem thep si chuan ka biang a rawn beng ve thek thek a! Ka chau ngang aniang ka lo muhil leh ringawt tawh!
"Jay, good morning." Meng lui țawk țawk pah chuan ka phun sep a, min chhang lo in ka bulah a rawn mu thla ve thek a, ka lo kuah bet zui ve vat a.
"Mamma, khawnge apa,"
"Apa chu a buai a, a kal chhuak lawk a.."
"Night time ah pawh Mamma leh apa an awm tawh lo." A ti ve pang pang a, ka sawi fo tawhin ka hria a, a biang hi a puar deuh pep a, a țawng ve pang pang tawh hi chuan a hmui sen no chek hi a che ve niap niap zel!
"Nileng in Mamma bulah i awm dawn nia.." ka ti sep a, a thaw ve halh reuh anih chu!
"Apa chu khawnge a kal a.?" A che sat sat a, a sir zawngin a rawn mu a, ka kawrchhung ah kut a zen lut rak rak a, dan pawh ka tum chuang lo!
"Jay, mitthi awmzia hi i hria em?" Ka ti a, min melh kiau ringawt!
"A pawilo, apa nau kha a thi a, khi tah vanah a kal dawn a, chuvang chuan apa kha a buai lutuk a, Jayden leh mamma kha vawiin ah a rawn hmu thei rih lo ang aw.."
" Naa.. Mamma, apa bulah chuan kan kal ve thei lo ami?"a rawn ti nui nui a, chhang lo in ka taksa ah ka kuah bet zui ta vak a, a rak ve ṭung a, kei anu pawh min lawm loh lai hian ani hruai chung in kal ngat phei ila chuan... ka ngaihtuahna zet chu a!
Chawhma zawng chu kan nufa in roomah kan awm a, Zothana tablet dahna Jayden-a'n a hriat miau vang in a la a, khumah țhu chung in games a khel char char a, ka tho harh peih lo lutuk chu mak ka ti ru kher mai!
"Dindin, engemaw tal ei la..?" Nu Liani room a rawn lut ve chuan a rawn ti lang lang a.
" Nakin deuh ah.." nui lui pahin ka en a, a ner zui nawng a.
"Ruang vuinaah kan kal ve ang chu ka ti a.."
" Jayden nen inah kan lo awm ang.." ka ti vat a! A thawchhuak zui hliai a!
"Jayden, u Mami bulah lo zuk chhuk lawk la.." Nu Liani chuan a rawn tih zawm daih a, Jayden chuan kan pahnih chuan min en dun ve ha a!
"Tablet nen khan chhuak thla mai rawh." A ti leh a, Phur zet in khum ațang a let thla ve thak a, a chappal pawh bun lo in tablet keng chung chuan a tlan chhuak zui ta vat a.
"Nizan ah engthil nge thleng a?" Khumah a rawn ţhu thla a, keipawh ţhu chhuak in khum lu lamah lukham ka dah thuah a, thatchhe zet in ka ngheng zui zat a!
"Ka zawh che chu?"
"Engmah a thleng lo..!"
"Ka awih i ring ami? Hmeichhia ni mahla chhan awmlo in i ţap ngawt lo ang, he ina i rawn luh hnu ngeiah pawh thil tam tak i chungah a thleng leh tawh, mahse vawikhat pawh i țap chhin tawh em? I chhel tawk tih ka hria a, hmeichhe chhel tak hi chhan țha tak vang lo chuan a ţap ngawt lo ang. " a ti ta duah a, a mitah ka en zawk a, chhanna țha ka pek hma chu min zawt char char dawn tih a lang reng!
" Lisa thihchhan hi ka nih i ring ve em?" Ka sawi lai la lâ te chuan ka taksa chhunglam hi a nâ ngawih ngawih!
" Engvang ngawt chuan nge i nih ang.. tunge sawi a..?" Nelawm loh zet hian a ti hlak a! Ka nui tawi halh thung!
"Zothana khan Goa ah min zui ve lo se chuan Lisa hi a venghim thei dawn asin.. chutiang chiah chuan amah pawhin a ngai.." ka mittui rawn luang thla pap chu insut hraih pahin ka kawrban in ka hru tawk a! Zan thim chhah mup hnuaia Zothana hmel landan tak ngul leh Nunhlimi thusawi a pawm ve hmiah tih hriat zet a ngawi ngul lai kha ka hmu let zel a, ka nâ hi ani tawp mai!
"Chutiang in a ngai teuh lo, Zothana a kiangah a awm emaw, awmlo emaw pawh nise thihna kha a chunga thleng tur anih chuan a thleng dawn hrim hrim.." ka rilru natzia hria in hriatnuam zet hian a rawn ti a, ka kut a rawn hum vang vang bawk!
"Tirawh, thil ei la, vuinaah tal kan lang ve dawn nia, Zothana pawn a mamawh ang che.." a ti leh a. ' keihi min mamawh lo lutuk!' Ti a au chhuah nghek mai ka chak tak zet! Nizan te khan 'tinge ka kal ve duh kher?' tih anih kha min zawh!
"Ka rawn kal ve dawn lo.." ka ti hlah a, min mamawh ve lo tu te nunah in tahluh phet ka tum ngailo!
"Chutiang ngawt tur anilo, thil hriatsual palh vang mai mai a a tan a ni pawimawh lutuk leh damchhung a hriatreng tur hunah hian i awm lo anih chuan nakinah i inthiam thei lo zawk ang. " a ti leh a, ka rilru buaizia leh ipik zia hi hmu se chuan min turlui tawp lo ang mawle.
Kawtzawl lamah motor thawm a rawn awm a! Nu Liani chu khum ațang a tho chhuak vat a , ka room hman tukverh aţang hian kawtzawl lam a hmuh theih vek vang in tukverh lam chu a pan a.
"Zothana a rawn let anih khu.. inti harh la a rualin kan kal ve dawn nia. " a rawn ti a, awmze neilo lutuk a au chhuah nghek mai ka chak tak zet!
Nu Liani a kal chhuak a, kailawn ah ke pen thawm a rawn awm a, ka lungphu hi a rang zui nghal dawt dawt bawk! A chhan ka hrelo, ka nat lutuk vang nge ni anga thil dang vang zawk!
Nu Liani nen an inbe kawi leh ani mai thei! A reh zawk a, mahse reilote hnuah ke pen bawk chu a rawn hnai leh a, ka sa ham ham reng a, min rawn hmuh ve hma a tukverh ațanga zuanthlak daih mai te ka duh rum rum tawh! Nizan thil thleng vang khan ka nâ a; ka zak tak zet bawk!
Minute khat dawn chu thawm a reh a, ka thawchhuak tawh pawhin ka hrelo! A farnu thih chhan ka nih zia min hrilh hre tura rawn let leh ani thei a ngem?
Ka mutna room kawngkhar a rawn rik rak rual chuan ka hawi ta dawrh a! A rawn innem zau a . Zothana hmel tak ngul leh mit sen rum mai ka hmuh rual chuan ka in sehruh zui ta nghek a!
A rawn luh hma in duhthawh zet in thawk a la a, a rawn pen lut a; kawngkhar a pawh phui leh rual chuan engkim hi a reh zui duk mai!
"Insiam la, vuinaah tal i rawn kal ve ang chu!." A ti sup a, a aw rikdan a dik biklo, a chau ve hluah hluah tho tih ka hria a, mahse a țawngkam ah khan huat tur ka lo hmu tho! 'Vuinaah tal' nizan khan ka kal ve lo em ni?"
"Min mamawh ve kher ami?" Ka ti sep a. A rum nghut a, a hmel landan chauh hmel lutuk chu ka khawngaih ve tho! Mahse nizan thil thleng vang khan ka lungawi ngawt thei biklo!
"Bawihi, inhnial rih lo teh ang, ka nu leh pa an rawn thleng tawh a, vui hma in nang leh Jayden hruai turin kan rawn kal zawk anih hi.." a ti hlut a, 'kan' tu a sawina nge ni leh ta ang!
"Nizan thil thleng ah kha chuan kan tel ve kha i duh in ka lo ring lo ve ringawt a." Ka ti hlak a, zinglam dar 2 ah keimaha ka haw min ngaihtuahna a nei zui lo hrim hrim te kha ka haw hluau hluah!
"In hnial rihlo ang ka tih kha a chiang viau in ka hria, insiam rawh dar 2 ah vuina hun ani dawn.. " ti vut pah in kawngkhar lam a pan a, ka huat zia mai chu a! Nizan ah ka kal ve kher țul a tilo a, tunah lem thu min pe in a duh ang ang a min rawn kawhkual leh a tum a!
"Nunhlimi nen khan kal ula ti nia.."
"Zodinpui!" A rawn ti tâwk a! A aw lian leh ring lutuk vang chuan ka thawk hi a tawp mai dawn in ka hria!
"I duhtawk thei tawh em? Nawmchenna lam nilo in thihna lam anih hi kan sawi.." ti leh țhawt chungin a ban hrawlpui mai chu a vai vut a, " Ka chau rih ania.. min nek lui zawng in awm tum lo hram rawh.." a ti leh sup bawk! thu dang engmah chhakchhuah a tum tawh lo tih hriat zet in a hmui a chip zui ta hmuk a! Ka kawchhung lam chu a sa bulh bulh thei mai!
A kal chhuak vut chu rum zet hian ka melh zui ta hram a! Ka kal ve kher dawn em tih pawh ka la chiang chuang lo! Diktak chuan nizan thil thleng ațang khan rilru fim tak leh ngil tak ka pu thei thlawt lo a, boruak reng reng hi a hahthlak in a rit ngawih ngawih!
Ka thuamhnaw a roomah a sawn phei tir vek vangin a roomah ka lut lo thei lo, shower a nei mek tih hriat zet in washroom lamah thawm a awm sar sar a! A farnu a chan a , engang a mipa pa leh rilru puitling tan pawh thihna meuh hi chu dawnsawn a harsa ang tih ka hria! Hnem ve te ka duh a, mahse ka lak ațang a inkharkhip tlat a, chau ngawih ngawih a hmuh te kha hrehawm ka ti ve asin.. mahse hmeichhe dang a bulah an din miau vang leh he thihnaa mawhphurtu ang hrim a min puh hrep hnu kha chuan hlat ve mai loh chu ka tan kawngdang a awm miau lo!
Ka thuamhnaw mamawh tur ang ang chu closet ațang ka la chhuak a, Mihring inkarah hian inhriatthiam lohna pakhat lek a awm tawh chuan inngai leh inthlahlel em em te inkar hi a hrang hlawk thei a, tuna Zothana nen kan awmdan hi a ni chiah bawk! Goa ah khan rawn kal ve turin ka phut chhin miah lo asin, aman a duhthu in min zui a, khami hun kha a lak ațang hlatak a kalbo tura ka rilru ka siam lai ani a, Mahse min umzui a, chu tih laiin he chhiatna hi a thleng a, chu thil a an mawhpuh chu keihi ka ni leh daih a, Zothana hi hmangaihlo ka ni reng reng lo, mahse Goa a kal ve tura nawrlui tu pawh ka ni chuang lo! Chung thil chu a hre ve vek a, Nizan khan ka awm nawmna tur talin thu kamkhat lek sawi chhuak nise tunang tak hian ka nâ lo anga, a bulah zel ka awm bawk ang! Mahse chu te lek pawh chu ati reng reng hleinem!
Ka mamawh ang ang keng chung in room lamah bawk ka lut a, inhnuai lam reh deuh ţhiap ah khan Nu Liani pawh insiam turin a room lamah a awm ve anih ka ring ringawt.
Rawng dum hlang vek ka inbel a, room aţang ka kal chhuah rualin Zothana pawh a room ațang a rawn chhuak ve chiah a, a sam a la hnawm hlap a, casual pants dum hlap a ha a, denim shirt mawlmang zet si a ha leh tawp a, min hmuh ve rual chuan a thawchhuak huai a!
Ka kalpel a, kailawn ka rah țan tirh rualin ka hnung maiah a rawn kal ve vut tih a taksa lumna ka feel rualin ka hre thuai a, ka ţang nghal ţung mai.
"Nunhlimi a rawn tel ve ania.." a rawn ti sup a, step ka rap leh tur chu ka tawp zui ta chawt a! Ka awmdan ka tehkhin thiam dan ber chu tui luanglai hneh zet a lo khuap chat hmawk ang mai hian ka taksa a thisen luang lai hi an ding chawt!
Engtin mah ka chhang lo, ka kawchhung lam thleng in na thei zawng zawng chu an na kim vek!
Inhnuai lam kan thlenthlak rualin choka lam ațang Nunhlimi chu hmai bui deuh lakin a rawn kal chhuak a, thip zet hian min rawn melh zui ta nghek bawk!
"Kan kal thei ami?" Zothana a en dan leh min endan chu dang tak ani! A ţap hrep tawh tih midang hriat loh hlau ang hrim in a kut in a biang chu a khawih zui leh ta kher a!
"Nu Liani te kha an rawn kal ve dawn a, i ei puar thei maw?" Zothana chuan dam thlup in a ti zui sup a, ka kawchhung lam rawn ni bulh bulh vang chuan ka luak bawrh thei mai dawn in ka hria, kut hum ruh țeuh chung in Mami room lam ka pan zui ta hlawk hlawk a!
Kawngkhar nem hawng in thawk ka la zui kawk a, Ka taksa hi a sa huam huam bawk!
"Mamma, apa in min hruai ve dawn sin.."
"Ok.. i inpeih tawh chuan kal ang. " ka ti sep a, Mami'n a lo thlak vek tawh vang in ka kut ah a rawn chelh ve vat a, Nu Liani pawh a room aţang rawn chhuak in Jayden a rawn au zui lang lang a, choka lama mihring pahnih te kha ngaihtuah zui pawh ka duh tawh lo!
Kan nufa in kan inzui chhuak a, Sitting room a ka thil hmuh vang chuan ka tawp chawt a, Nunhlimi kha a ţap ani mai thei, Zothana'n a darah a kuah bet a, Nunhlimi'n Zothana kawr hnunglamah a țham bet tlat bawk! Natna ah pawh a kal thei tawh lo, ka â mup a, ka puakdarh thei mai dawnin ka hria!
Nu Liani'n kan inpeih tawh tih a sawi rual chuan Zothana taksa hrawl zet mai chu a che hrut a, Min hnungchhawn miau a, kan thawm an hriat rual a an hmel landan pawh a hmuh theih loh, Nunhlimi in la hrang chu a insut zui hlap hlap a, Lisa nen chuan an lo inpawh viau tak tak anih dawn kher saw!
"Apa.." Jaydena'n zawite in a au sep a, Zothana rawn inher vut chu a hmaiah tak lo ben sak sawk mai ka chak dan chu pui tak ani!
"Jay, kal ang u le.." a rawn ti sup a, Min rawn thlek deuh vang vang a, a taksa phen aţang min rawn en ve reng tu hmeichhe mitmeng ah chuan nuam tih hliah hliahna ka hmu in ka in hre ta tawp bawk!
"Dindin, engmah i ei bawk silo a, ka ngaihtuah che e mai.." Kawngkhar ah Zothana chu ka fapa pawm chung in a kal chhuak tawh, Nu Liani țawngri chu hriain a ding zui ta chut a!
" Salad ka siam sa tal saw ka pack anga car chhungah ei mai ta che.." Nu Liani vek in a rawn ti a, Lu ka thing nghat a, Kawngkhar bula chahbi bawr inkhai chu ka ban a, Zothanmawia rawn hawi let chu melh pawh ka melh peih lo hrim hrim!
" Engmah i ei lo a maw?" A rawn ti sup a, Mami zawkin Jayden chu a ban ta vat a, Nunhlimi tlangnel zet a Zothana Bolero lam pana a kal lah lah chu ka melh tel leh zauh a.
"Nizan a rawn let pawh gate pawnah sawn a lo muhil ringawt tawh.." Nu Liani'n bak hlak in a chhang let a. "Nang reng reng pawh i rawn thlah hmanlo anih pawhin call tal in a rawn let thu kha min hrilh tur i ni asin.. Tlai chaw pawh eilo in a rawn kal chhuak a, amah maiin i rawn let tir leh ringawt bawk a, tawhsual te a tawh i hlau lo ami?" Chahbi min laksak pah chuan a ti ta chiam a; " I hun tawn in a zir lo tih chu ka hria, Mahse hmeichhia zanlai tawhah mahni a khawlai dung thui lutuk a i rawn haw tir thei kha chu mak ka ti ve thlawt a che.." kawngkhar a kalh țha mawlh mawlh a; "Dindin, vui zawh velah kan let anga thil i ei dawn nia.." min biak leh chuan a aw a dam leh diai tawh, min ngaihtuah ber ang mai a min melh run tu chu en pawh en duhlo in ka kal pel a, Nunhlimi tukkhat chawei lo ringawt pawh ngaihsak hle thei tho si!
Bolero bulah kan lo nghak ţhap a, thil ngaihtuah bing hmel zet hian a rawn kal phei a, Nunhlimi chu tumah in kan biaksak lo hrim hrim, a thil duh ber keiaia Zothana ngaihsakna leh duatna pawh inchhungah ngei a dawn tawh bawk kha maw! A hmel landan ah Lisa sun viau angin lang mahse a thinlung chhung tak saw chu a nui ver ver reng ang!
Zothana'n chahbi hmang a lock a rawn hawn rual chuan Nunhlimi zawkin front kawngkhar a pawt hawng tharh a, Ka nâ tawh lo, an duhtawk in han khawsa kual vel tawh teh se!
Hnunglamah ka ţhu lut a, Zothana'n a rawn sawisello bawk a, Nunhlimi a țhu lut a, Jayden lah kan boruak hrethiam ve ang hrim in Zothana a bawhbuai zui ta miah lo a!
Motor chhunga a luh hma chuan darthlalang chhan ațang min rawn en run a, Tunah tak min ngaihsak thar chiam pawh ka ngai lo chiang e mai a!
Motor chhung boruak pawh chu a ni mup ti ila a dik ang, Nunhlimi'n Lisa a uizia a sawi zui sep sep reng a, Fel a tih zia leh a unaunu ang chiah anih zia te.. Aaaa.. a tam mai, a țawng tawp lama ţah insum hmel zet a a'n insut leh hraih ţhin phei chu va ben tak chawrh mai hi ka duh ru hial tawh!
Front darthlalang aţang Zothana chuan ka awmdan reng reng chu min rawn en zel a; tukverh ah ka dak chhuak a, A farnu boral laia rilru mak pui pui ka pu tlat hi dikin ka inhre biklo, mahse keimahah hian thunun theih siloh thil dang a awm ve tlat a, tunah tak phei hi chuan ka awmna hmun hian zir ngat se chuan ka ţap chhuak hlawp hlawp thei ang! Chutiang khawp chuan ka nâ in ka taksa chhung hi a tawt ţun mai!
Bolero a din chut rual chuan ka hawi kual thuak a, tukverh ah dak chhuak reng mahila engthil mah hmu miau hek lo î !
"Engemaw tal i eitur ka rawn la ang!" Zothana phun sup pah a kawngkhar hawnna a vuan ta vut chu ka haw tak zet!. "A ţullo, engmah ka ei chaklo.." ka ti hlak a, Nunhlimi lo ner nawng chu ka va hmu ta hram a!
"Nimin tlai aţang engmah ila eilo ani lawm ni?" A aw a nelawm bik teh chiam loh!
"Ka țha, tlan tlang rawh." Ka ti sep a, Beidawn hmel lutuk mai a a thawchhuak hawk chu ka melh zawk a! Min ngaihtuah tak tak te pawh a ang ve alawm!
Lisa te in kan thlen hma chu tumah kan ţawng tawh lo a, kawtzawl ah motor a hun theih miau loh vangin in ațanga hla angreng takah motor chu a ti ding a, A chhuk thlak hmain front glass aţang min rawn en leh hram bawk!
Kan vui zo a, Lisa nu a khawngaihthlak nangang mai! A ţap rawng rawng a, thlan chhungah kuang an thlâk thlâk dawn phei chuan a khawng ti tih a, Zothana'n a kuah bet tlat a, ka lak a hmeichhe tawhkhirh tak leh lu zo veh vawh ,min chaldelh ngawih ngawih tu kha ani tih pawh a hriat tawh loh! A fanu mal a chan a, a thinlung pawh a kehchhe tel vek ngei ang!
Thlanmual aţanga kan let dawn thleng in a la buai a, Zico hmel hmuh ka inring deuh a, mahse hmuh tur a awm lo, Rachel leh Brad te nupa an ni tawp a, amah ka hmuh chak vang hrim hrim nilo in a hmeichhe hmangaih hun hnuhnungah tal chuan a rawn lan ve ka ring kha ani a, mahse thlan chhilh hnu thleng pawhin a hmel a rawn lang ve ta miah lo!
Zothana'n a nu a buaipui vel chu ka en reng a, Car ah a ţhutluh tir a, seat belt a hren tir thlap a, apa a ţhut luh ve hnuah a nu kut chu laksak in a hmuiin a nawr a, tiang chuan reife a awm a, a hmel landan a thutak in thutiam nei hmel a pu run mai bawk!
Anu te tlan chhuah fel hnuah muangchang in kan lo nghahna lam chu a rawn pan a, Jaydena'n a ban pahnih pharin a lo ban ve vat bawk a.
"Jay inah ka drop tawh ang che u aw.." ti hlut pahin a pawm kang a, Min rawn melh a. "Ka lawm e.." zawi sup in a rawn ti zui sup bawk! Engvanga lawmthu min hrilh ringawt nge ani tih ka hriat loh rualin a aw a chauhna leh in bunruah a mamawh ngawih ngawih tih hriat zet a zuai ruih rawn lang chhuak ve khan keimah a thinrimna leh thawk ipik na zawng zawngte kha a rawn hnawt bo duak thung!
Muang ruih in Bolero chu a khalh a, Nu Liani'n Lisa chanchin a zawt zui mial mial a, Nunhlimi khan engang pawn motor chhungah khan sawi nasa mahse tumah khan kan ngaihthlak sak tak taklo tih Nu Liani rawn zawh danah chuan ka hrethiam ve ta mai bawk! Diktak chuan țawngka ringawt a thil sawi ţhinte hi hriat hran an harsa lo a, Nunhlimi khan a țawngkam ah chuan sun ber ang in a lang nameuh mai ! Mahse keichuan a chetdan ah khan a sun tak tak ka tihsak ve thei miah lo, a sun ve ngei ang mahse lemchanna a tel ka ti tlat a, ka hriatpui ve siloh Zothana nen an inkarah a awmzia kha lantir a tum ber niin ka ngai tel tlat bawk! Hei vang tak pawh hi ani ang, Thu aiin chetzia ah lantir in a fiah zawk an lo tih ţhin!
Jayden pawh mut chhuak tih hriat zet in a zawi ve ta hniang a, tih mut leh ting tang nan in a hla tawh lo a, mahse ka awmah ka kuah bet ta tho a, Nunhlimi kha chu an chhungkaw zinga mite rualin a let ve a, an chhungkua ah chuan a lo tlatlum tak tak ani ngei ang, tupawh in an be țha em em vek a, midang nuna va intahluh dan a thiam in pawimawh ber ang maiin a lang thiam a; Zothana chhungte lamin an biak ţhat hlek rualin a mitmengin kei min zawng ru nghal zel a, engtin nge khatiang khan a awm theih tih pawh ka hrelo! Nâ se min ti hi ani tawp ber mai!
In kan thlen rualin Mami'n tih mut tumin Jayden a hruai hrang a. Zothana chuan motor chahbi chu a dah ţhinna ah dahin thawk a'n la hawk a! Nu Liani pawh inthlak turin room lamah a kal zui ve ta vat a, he inah hian thisen a inzawmna neilo vek kan cheng ho a, mahse chhungkaw dangte an inngaihsak ţhin ang chiah hian kan inngaihsak kim ve vek chuan ka hria!
Room lam a chhoh ve mai ka tum chu Zothana'n ka banah a rawn hmer zui ta chawt a, ka bula alo kal hnaih lai ka hriat loh ang bawk in ka lo inring bawk silo nen ka khek chhuak țhat thei!
"Lo kal rawh, eitur ka siam ang che." Zawi sup in a rawn ti a, Ka thawchhuak ta vak ringawt!
"A ngailo, let leh i ngailo ami?" Ka ti țha ve ta mai a!
" Nakin deuh ah ka let ang, nangmah nen.." a rawn ti sup a, ka banreka vuan reng chung chuan a lamah min pawt hnai a, ka țang bik lo, dimte in a awmah min kuah bet a, a hmaiin ka nghawng a rawn nawr rual chuan a thawchhuak zui ta ham ham a! Tah chiah chuan engtiang taka chau nge anih ka hrethiam ve ta chiah bawk!
A taksa hrawlpui mai chuan min rinchhan ti tih a, a thawchhuak ham ham reng a, a hnunga chul sak ka tum rual chuan Nunhlimi nen an lo inkuah lai kha ka ngaihtuah chhuak zawk a! Ka taksa ngei pawh chu a țang khawng zui nghal lah bawk.
" Eitur chu i duhlo tak tak maw?" Hnawk țuak in a rawn phun sup a, a hmuiin ka nghawng a rawn nawr zui zat bawk!
"Hahdam i mamawh anih kha.. han mu rih rawh. " ka ti sep a, dimte in ka banrek ațang a kut a la sawn a, ka taksa ah a ban a rawn suih bet ta vek a.
"I sawi dikin ka hria; hahdam ka mamawh.." mut chhuak hluah hluah aw ri hi a ang ber!
"Han mu chho rawh." Ka ti vat a, a nui che ta dawt a! A engah khan nge nuihzat tur a lo hmuh hman bik ni!
"Nangmah nen.." a hmuiin ka nghawng a rawn nawr leh kher a! A kawr hnungah chuan ka țham sak ta chawt bawk!
" Umm, reilote kan pahnih in mu lawk ang.." a rawn ti leh sup a; awmdan tur pawh ka hre ta lo! In kan chhuahsan hma lawk kha chuan a lakah hian ka thinrim hluah hluah a; ka puakdarh thei mai ang tih hlauhawm khawp in ka taksa chhung a ipik a, tunah lem! A landan chauh hmel lutuk leh a aw ri a min thlakhlelhna lang tel ve vang ringawt in amah duat chakna ka nei leh a! Ka in hrethiam teh hrep lo e!
Room lamah kan inzui chho a, a room kawngkhar zawn kan thlen chuan ka banrek ah a man bet leh ta tlat a, ka chho melh rual chuan za lo zet hian a nui suk a!
"Ka bulah mu ve rawh ka tih kha.. Chuan saw i room saw ka kalh daih bawk ang.." ti sup pahin a kut chalin ka room hman ţhin lam chu a kawk zauh a, ka melh ta ran a! A ni erawh tilui nimiah lo in a rawn nui chhuak ta hawk a!
" Inpui lamah min mamawh dawn si a, mu vat ang.." ti leh hluai pahin kawngkhar a nem hawng a, khum bula min kaih thlen rual chuan thawk che zet in a rum chhuak ta hawk a, a pheikhawk bun lai a tlawh phelh a, a landan pawr phang ah hi chuan damlo mai tur hmel te a pu hial in ka hria!
Hnunglam aţang ka kawngah a rawn kuah bet ta hlun a, ka darah a khabe a rawn nghat zawm zat bawk, a kut a chet a, ka sam a hui kian rual chuan dimte in a hmui in ka nghawng chu a rawn nul thuak a, Ka taksa a ṭang nghal ṭung thei, Ka danglam tih a hriat pawh ka duhlo.
"Min thlah la, muhil rawh" ka ti sep a, Zothana erawh a thaw ham ham ringawt! Hetiang a nghet tak a min kuah khawm vek chang hian amah ka rinchhan zual sauh ṭhin a, Ka hriat theih chinah Zothana hi nghet taka min kuah ţhintu ka neih awmchhun a ni, a taksa lianpuiah min pawm beh tlat tawh hi chuan thlamuang huai huai hian ka inngai țhin.
"Thil sawi dun ang!" Zawi sup in a rawn phun a. A kut pakhat zawk chu ka beksam karah a zen lut a. Ka nghawng ah bawk a fawp leh, Ka taksa chu a mur sung sung thei,awlsam zet in ka hnute hmur a ṭang nghal vat bawk.
A kutphah pakhat in ka kawr chhungah a rawn zen lut leh a, ka bra hnawl tawm chho a a rawn tuai kual thuak rual chuan ka thawchhuak ta hak a, Zothana chu a nui tih hriat zet in a taksa lianpui chu a rawn che zui dawt bawk, ka tih ngaihna hrelo chuan a ban chu ka kawrchhanah ka hmer sak ta vak a, ka lungphu phu rang dawt dawt pawh chu a hre ngei ang.
"I kut hi la sawn hmasa phawt la?" ka tisep a, ka aw mumal lo lutuk avang chuan ka in sehruh zui ta vak ringawt!
"Aih! Tihian.." a bawp in min rawn khan bet zui nghal hmiah bawk! Thawchhuak lo in ka awm vang vang a, Hetianga a chet reng mai chuan ka thinrim ve na te kha engmah lo ah chang in awlsam zet in ka lungawi ringawt mai dawn sin.
"Sawi rawh.."
" Ummm.. Nizan thil thleng vang khan ka tihpalh.." a rawn ti sup a, zawite in a banrek ka hmer na tha chu ka thlah riai riai a!
" A engah chuan?" Ka ti ta kher bawk!
Thawchhuak hawk pah in a kut a la chhuak a, Ka ruak nghal huai thei! Mahse ka darah a rawn hmer a, min kherh behna bawp a ti thawl zui ta bawk!
"Helam rawn hawi la..?" A ti leh sup a, ka inher a, mi â ber pawn a chau rimtawng tih an hre thei ang! A mithnuai a val phei raih a, a hmui a lang hil deuh rap bawk!
" Tlai ațang i rawn kal tawh tih ka hrelo hrim hrim.." a ti leh sup a, a hrelo reng ang, phone ka neih miau loh vang in ka be zui tawh lo anih kha..
" In ka chhuahsan rual khan hna ah pawh ni 2 a kal tawh lo tih ka hria a, in ka pan ding nghal a, hnathawk ho an chawlh vek lai alo ni kher bawk nen.. aa.. result ah chuan mutna damdawi a ei tam lutuk niin a lang a.. " a ti sup a, a thaw zui nghal ham ham bawk!
Report a a landan chu a ring ve lo tihna em ni ta ang?
"Thil thleng khan min țhawng ve a ni tawp mai ! Ka farnu, ka kalsan tirh che a i kum aia u hret anih aţang ka enkawl tawh kha tûma dawm hlum loh leh hmuh loh in a lo zo der a... Engkim kha rilru fim tak in ka ngaihtuah thei miah lo bawk! Chiai hman ka nilo tih ka inhriat rual khan ka mit hmuh loh a a kal fel der kha ka indem a, indem tak ka ni.. nang pawh rawn biak lawk nachang che ka hre miah lo.. Hmeichhe tleirawl te khum 16 mi lek anih ațang pangchanna tur a neilo a, nang ang chiah khan ka lakah a pangchang a, nu leh pa la nei mahse an ni lak ațang khan ngaihsakna mumal a dawng ngailo a, nang in kei chiah min neih ang bawk khan ka awm ve hnu aţang chuan kei chiah kha a neih ka ni ta mai a, ka duat phah ta reng bawk! Ka farnu duat em em mai tûma dawmhlum loh a a kal ta ngawt ah khan dem tur tumah an awm lo, keimah chiah hi ka ni dem tur chu!.." harsa zet hian a rawn ti chhuak hrawih mai!
" Mahse Nunhlimi'n keimah min puh lai pawh khan engmah i sawi loh kha.." ka ti sep a. A thaw hawk a, chiang zet in ka mitah a en run bawk!
" Keipawn Goa ah ka kal ve kha ka indem alawm.." a ti zui sup a! Ka nâ zual ta kher mai!
"A ţha, engkim kha keimah vang a thleng anih kha.." ka tho chhuak tur chu rang zet in min man bet a, tal chhuah tum in ka che zui ta nawk nawk bawk!
"Duhtawk rawh..." ti țhawt chung in ka darah a man a, min thing zui nawk hi ani ber! Rum zet hian ka melh let ve ta reng a!
" I thiamlohna a awmlo ang bawk in ani thusawi kha ring nghal ngawt zel suh.." a ti hluk a! Ka va haw tak em! Amah pawh in Goa ah a kal ve vang anih thu a sawi zo chiah si!
" Min puh fai vek law law ru.." ka ti zui chiam a! Beidawn hmel zet in a thaw hawk bawk.
" Goa a kan awm hlan ani emaw Mizoram chhunga kan awmlai anih pawh in kha thil kha a thleng dawn tho.. " sehchilh zet in a rawn ti hrawih a, ka melh ta reng a! A hmel landan a hlauhawm in a in sehruh nasa ta kher mai!
"Engnge i sawi tum?"
" Chu lam chu nakinah kan la sawi dawn nia.. Mahse nizan vang khan ka tihpalh.. "
"Oh.. Zanlaiah keimah a min haw tir vang te khan maw?" Ka ti kher a.
"Aw.." hmela mai mai chu!
" Min thlah nghal rawh." Ka ti hlak a, ka dar a țhamna kut chu phelh sak ka tum a, Min hmer na zual ta sauh a! Ka ruh thleng in a na zui ngut ngut thei!
" I thu i duh lutuk vang leh min ngaihthlak ngai bawk siloh thil thleng ah he thil hi a tir chuan ka ngai ve tho! " a rawn ti sup a, ka hit khawng vek! "Ka um buai reng ngaiin i khawsa a, keimah lam reng reng inngaihtuah buai hman lo khawp a mangang in min siam a.. khami ţum pawh khan ka thusawi zawm in let lehnghal ni ila chuan he thil thleng hi ka dang thei ang tiin rilru ka pu hmasa ber!" A thusawi reng reng chuan min deng dawt dawt hi ani tawp mai!
" Chu thil chu nizan i let hma thleng pawh a ka ngaihdan ani bawk!.." chuvang tak chuan Nunhlimi min țawngkhum lai te khan a thusawi pawm zet in a lo ngawi ngul a! Hrep tak hlawm hian a!
"Chutiang zawng zawng i ring vek anih te chuan min kal tir rawh.." ka ti sep a, ka aw zawi tak chu a hre kher angem ka hrelo! Ka nà tawk bawk e!
" Mahse a chhan chu i ni silo a lawm.."
"Ha.. i thusawi zawh chiah kha i hrelo ami?" Nui lui hak pahin ka melh let ve ta ran a!
" Lisa thihchhan i nih loh ang bawk in kha ka rindan pawh kha a diķ chuang lo.. ni e.. ka rilru kha a insual buai nasa ve a.. lo ni ta zawk se tih thleng in ka hrutkual kim dap! Ka hriat tak zawng chu nang hi mawhphurtu i nilo.. Lisa kha remruatna fel tak hmanga thah ani zawk.."
Ka ip zui ta chawih mai! Vawt in min rawn țham zui ta sung sung a! Dam zet in a kut hrawl zet chu ka beksam ah a rawn zen lut a! Ka chawmawlh vek ani ber!
☆TE DOY 15K☆
Chapter 30
By
Abbra Reo Ririni Khiangte(Pitartei)
If you want to be ORIGINAL,
be ready to be COPIED😝
" THAH maw?" Ka aw tham țiak mai chu boruakah an thamral mai mai in ka hria! Thah! A thumal ringawt pawh chuan mi ţih tlat!
"Aw.." a rawn ti sup. Chil ka lem zui dawk mai! Ka thawk a rang in ka thinphu a su dup dup a, tu thil tih nge ni ta ang!
"A va mak ve!" Keimah bawk chuan ka ti sep a, Ka kawchhung lam a ţim uai uai rawn in țhamkual vel vang chuan Zothana banrekah chuan ka'n hmer zui ta vang vang a! Ka ngaihtuah zui thui ngam lo! Thah a lo nih vang anih chiah kha Zothana'n a nu let tur ,a buaipui khan a lakah thutiam ang hrim a a chet chhuah! I hmeichhe lo hmelhriat ve tawh ngei mai chu boralin,a boral dan lah chu thih dan pangngai nilo, thah ani tih hre ve ta thut la i chunga a thlen ve mai hlauhna in i tiril a fan kual ve tho ang! Ka tha chhunglam khur ru dar dar chu rawn hria in Zothana chu khumah a mu ţha a, a taksa chung deuh si ah min chawikang zui ta nawlh a!
" A ţhawng che tiraw?" A rawn ti sup bawk! Min țhawng lutuk tak zet! Ka chhip ah a'n rawn fawp leh vang vang phawt a! A chhungkaw dang te khan an hre ve em tih ka hrelo! Chung zawng zawng aia pawimawh hmasa chu tu thah nge ni ta ang?
"Tu thil tih nge?" Ka tisep a.. A taksa che awk khawpin thawk a la hawk a!
"Ka hre rihlo.." zawi sup in a phun a. "Mahse ka zawng chhuak vat ang.." nghet zet in a tih zawm leh sup a, A taksa ka bawhkaina ngei pawh chu a rawn ţang zui ta țawlh țawlh a!
"I chhungte dangin an hre ve em?"
"Aih.. keimah chiah in.." a awmah ka khabe ka nghat a, ka dak chhuak a, Mahse in sehruh țeuh chung hian mit a lo chhing daih a!
"Muhil rawh, Nangpawh i chauh em kha.." thatchhe aw hnawk ţuka a rawn phun sup rual chuan nghet leh zualin ka taksa ah a ban a rawn suih zawm a! Thawk a la zui ta suai suai a!
A chau tawngkhawng bawk ani ngei ang, karlohah a thawk lakdan a dang a, a taksa pawh a hahdam țan tih hriat zet in a tha pawh a zawi ve tual tual a, Kei erawh ka meng kar thung!
Mutna damdawi a ei tam lutuk niin a sawi a, mahse tunah chuan thah anih thu a sawi leh daih a, engtinnge ani hmeichhe pangngai ve mai kha thah anih theih ang? Ka ngaihtuahna a vak thui kher mai!
Mahse tunlai kan Zoram khawvel ah hian thleng theilo a awm tawh lo a, Inthahna rapthlak tak tak a khat tawkin a thelng zul ta zut a, chumai pawh nilo in naupang pawngsual ani tih thawm lah hriat tur a awm leh nawk ţhin! Tu nun mah hi a him tawh tak tak lo ti ila dik ber ang!
Tlemte in ka inbengkang a, Zothana awm pharh hlai hlup ah chuan khabe ka nghat a, a biang ah hmul a ţo chhah deuh luk a, ziah na hun a neih loh lutuk vang ani pakhat! A sawi ang tak tak khan a um kual ngai rengin ka khawsa a, an company vangin buaina in a rawn delh belh leh a, kan nufa min buaipui chungin an company lam khai chhuak leh turin rim takin hna a thawk a, tunah thihna in a deng zui leh ta bawk a! A chau rimtawng dawn lutuk tak zet!
Dimte in a biangah ka kut in ka tawk de de a, kei leh zel hi chuan buaina thlen tawh loh hram hram ka tumna a lian thar ta sauh a, tun hun hi keimah ah hahdamna a mamawh ve hun lai tur ani a, keiin lungawilohna tur ka lo zawng ve zel anih ngat chuan ani chau rim tawk lutuk si nen kan inbatsual palh mai ang!
Dimte in a hmui lang hil deuh rap ah chuan ka hmuiin ka nawr a, Nunhlimi nen kan inhmachhawn leh anih pawh in a thusawi engpawh nat phahnan ka hmang tawh tur anilo tiin ka inhrilh mawlh mawlh a, Goa ah pawh Zothana ngei pawh hian min hrilh tawh tak kha maw! Tunah min hrilh tel leh tawh bawk a, Zothana hnaih a duh vang tih ka chiang tawh a, Zothana ah keihian awmzia ka nei tam zawk tih ka hmuh tir ve zel tawh zawk tur ani!
Thawk la hawk pahin a awmah bawk ka bei leh thlep a, thil engpawh hi sawi chu a awlsam a, zawm erawh a harsa ţalh thung! Kha hmeichhe fing verther zet khan engtiang in nge chet a lak leh dawn tih ka hre miau lo.
Alarm a rawn ri a, ka bawhbeh mek taksa chu a che țual țual a, Reilote hnuah alarm chu a tawp zui ta zat a, thawchhuak huai huai pahin ka taksa chu nghet zet in a rawn kuah khawm zui leh ta vek a!
"Bawihi..?" A aw ri ka hria a chu ka meng hlei thei bik lo.
"Bawihi ?" Thophang aw ri ka hriat tawh a zawng ah a aw rik dan hi a sexy ber hial ang! A taksa chunglam chu a kang uk a, ka chhipah a hmuiin a rawn nawr a, a hmui nghahna lai chu a lum nghal thar thar mai!
"Bawihi.. Kan tho tawh dawn mi?" Ka taksa ah a hmui a la nawr bet reng, harsa zet in mit ka meng aRoom chhung chu a lo thim map tawh a, Ni dawn tak , an inpui lamah let a ngai tak e!
"I harh tiraw?" Ka chet ve ţalh ţalh rual chuan a rawn ti sup a, a taksa chunga la bawk reng chung chuan ka ham zui bai bai a! Zothana'n min lo nuih nghal suk bawk!
"Ka muthilh ve lai ka hrelo.."
"Khumah i awm tawh reng reng in karloh ah i muhil vat ţhin tih i inhre lo ami?" Min fiam let tih hriat zet in a mitmeng a chimawm kher mai!
" Let a hun tawh.." ka tisep a, ka inchhaih thinrim tir dawn lo reng reng lo, a awmah bawk thatchhe zet in ka bei leh a,
"Insiam ila..?" A ham zui hawk a, keipawh hi ka zawi em em tawp ani mai!
Zothana taksa aţang ka let thla thak a, Jayden ka ngaihtuahna ah a rawn awm zui nghal zat bawk, A harh ve tawh a nga, Nu Liani'n helamah rawn chho lo turin a hrilh ani mai thei!
"Zothan?" Amah ka en leh chuan mitchhing chung in a chalah a kut pakhat a nghat a!
"Thah ani tih i chiang ami?" Zawh âwm ani em pawh ka hrelo, mahse Result ah pawh mutna damdawi a ei tam vang a ti thlap si!
"Ka zawng chhuak dawn lawm." A ti nghut a, muangchang in mit a rawn meng a, tumruhna chiah a mit thim raih maiah chuan a rawn lang chhuak a. "A titu ka hmuh chhuah hma chu ka hahdam thei lo ang." Zawi sup in a rawn ti leh a, Zico bawk ka ngaihtuahna ah a rawn lang leh ringawt tawh!
"Police inrawlhna chi anilo ami?"
"A țullo, an ni an tel chuan buaina dang a tam mai mai, ka chhuichhuah hma chu ka nu leh pa te pawhin postmortem result kha la ring rih se ka duh, police an inrawlh chuan pawikhawihtu tan lo inven a awlsam mai mai dawn a, he thu hi nang leh kei chiahin kan hria a, pawikhawihtu chu kan kiang hnai lawk a mi pawh an ni thei a, aaa.. sawi chhuah a thiang lo tihna anih chu! Kan chetdan ah result kha kan ring nghet hmak tih an hmuh a ngai bawk a ni.." a rawn tih zawm leh sup a, ka chhanna pawh ngaihven lo in mit a chhing zui leh a, a taksa hrawlpui mai chhunga rilru ipikna awm zawng zawng rawn thawk chhuah vek a tum ta emaw tih tur khawp in a rawn thawchhuak hawlh a! Ka lainat tak zet! A koa thil tla reng reng hi a rit thamin a awlsam ngailo a, a farnu nunna la tu a chhuichhuah a la ngai tel cheu bawk.
Dimte in a lu zawn ah ka inbeng khalh a, ka samsei hniang in a hmai a hawlh rual chuan zuai ruihin mit a rawn meng leh a.
"In sawithawl i duh phawt chuan ka bulah i inbunruak thei reng ania.." a chalah ka hmuiin ka nawr sak zauh a. "Lisa chungchang bikah pawh.."
"I haw tawh lo ami?" a rawn ti a, a zawhna chu a mawlmang viau a chu chhanlet a harsa ţalh mai! Ka la haw reng em? Ka hawlo ti a sawi tawp thei ka ni biklo, thil thleng leh ka chung a an thiltih zawng zawng kha a rapthlak lutuk tlat! Mahse tunah chuan ka huat pawhin awmzia a neih theih tawhlohna khawp a hmun hla ah a kal tawh a, chupawh a thlarau chiah ani tawh! Ka chunga a thil tih zawng zawng hremna a hmuh tur khan a thlarau nunin nasa takin a tuar tir dawn a, chu a thlarau rethei zet mai lo la huat ve reng ai chuan ngaidam tu nih a hlawk zawk daihin ka ring bawk!
" I hriat chhuah chang apiang in ka bulah a chanchin i sawi thei a lawm, ka hriat ve chinah khan a chanchin ţha lai pakhatmah hriat zeuh ka nei lo a.. nangin i hrechiang thung a, min hrilh a nga, amah ka lo rin dan tlem te tal a thlak danglam theih phei chuan ka tan pawh a țha dawn lutuk asin.." ka ti sep a, a mitmeng ah chuan hahdam ta huai ang mai hian engemaw hi a rawn lang a, a kut a chet vut chu ka hmu vuat hman, ka tukhum samah a rawn zen lut a, a hmui leh ka hmui a insik rual in duhthawh lutuk in min fawp zui nghal ngawng ngawng a, kei pawn ka chhang let rang kher mai!
A taksa chungah min pawt kai leh a, kan inthlah fel meuh chuan kan thaw dun ham ham a, a chal ah ka chal ka nghah theihnan ka tukhum ah a chelh bet tlat a,
" Huatna thinlung put reng ai chuan ngaihdamna thinlung i put rual khan tun ai zawng hian i hahdam zawk ang.." a rawn ti sup a, a sawi dik chiah bawk in ka ring!
Zothana'n shower a nei leh thuak a, vawiin khan a vir buaiin nisa hnuai ah a nu ţap chau a buaipui zawm chiam bawk a, a inthlakna tur khumah ka dah chhuahsak vek a, keipawh ka thuamhnaw hak ka thlak zui nghal ta daih a, puan dum tho ka bih a, ka sam chu dul deuh hlek in ka bawk tawm a, cotton kawr uk ka ha a, khum bul dawhkan chunga Zothana phone rawn ri ve chiah lam chu ka pan zui ta zat a!
Screen a hming rawn lang va mai ka hmuh rual chuan ka ţang nghal ţeuh mai!
"Hello."
Lehlama hmeichhe thawk la hawk ri chu ka ngaithla zui ran a! He nu hian thil tum engemaw tak a neih ka ring nghet tlat bawk, engtak nge tih erawh ka hrelo, Zothana nunah in tahluh zual a tum tih erawh chiang takin ka hria.
"Khawnge Zothana?" Ram hmarh hian a rawn ti a.
"A inbual.."
" Kha lama lo chelhbeh tlat na hun pawh anih loh kha.." a rawn ti hlar a. An family member ah a inngai ve tawh tak tak hial in ania ka hriat ni!
"A inbual zo anga kan rawn kal ang.." ka ti let a.
"An in ila rawn rap ngam ve ang maw?" Uar zet hian a rawn ti ta chiam a! Kut ka humruh nasa ta kher mai!
"Zothana zawh veleh kan rawn kal ang.." ka ti a, phone chu ka hmet tawp zui ta daih a! Ani laka lo insawifiah chiam kha a ţul ber tlat lo!
Washroom kawngkhar a rawn ri rak a, ka inher ve vat a, Towel var chiah veng chung a Zothana rawn pen chhuak mek chu rei en duh lo in ka hawisawn lehnghal vat a! A taksa nalh lutuk hi khuhtu awmlo a en phei chuan mit laksawn lawk a harsa ţhin.
"Nunhlimi'n a rawn call a." Ka ti a. Ka melh leh zawk a; a hmel landan a pangngai reng.
"Eng thil nge a rawn sawi.." a ti sup bawk, khum chung a shirt hak tur ka dah chhuahsak chu a ban a.
"Aa.."
"A pawilo, phone kha a low em?" A rawn tih zawm ta daih a . Rang zet in phone chu ka hmet eng leh a, 40% chiah a lo awm.
"Aw.. A low anih hi.. kan connect ang. " ka ti vat a, thuk bul plug ah ka vuah lut a, body spray rim pa zet mai a taksa ah chuan a spray kual thuak a.
"Jayden ka lo zuk ngaihven lawk ang aw.." kekawr ha mawlh mawlh pah a couch a a țhu chu ka en zawk a! A sam buk lam mah la hnawm hlap mai chuan a ti lang fai sar mai!
"Min nghak rawh kan chhuk rual dawn nia.. Hetah thil ei phawt ila zanrei deuh thleng awm turin kan kal law law dawn nia." A rawn ti ve vut a, kan lo mu rei phian a , tunah hian tlailam dar 6 a ni der tawh.
Adidas Yeezy dum nalh zet a bun leh a, a rawn dinchhuah vut rual chuan a bana sana chu a melh zawk a.
" I rilțam tawh ngawt ang." Min ngaihtuah hmel fe hian a rawn ti leh sup bawk.
Inhnuai ah kan in zui thla a, sitting room a bean bag in hung chung a Jayden lo zuang leu leu chu ka hmu hmasa ber a, min rawn hmuh ve rual chuan a rawn țum thla ve therh a, a rawn tlan zui tarh tarh a, kei nilo in Zothana zawk a ban leh chat tawh.
"Thil i ei tawh em?" Zothana zawkin pawm kan nawlh pah chuan a ti hlut a,
"A u Mami nen kan ei tawh. Mamma i go out leh dawn mi?" Zothana darah a kut pakhatin a kuah ve ţai a; ka inchei dan aţang ka kal chhuak dawn tih a lo hre ve thlap reuh anih dawn hi.
"Umm.. Apa nen kan chhuak leh lawk dawn a, u Mami bulah lo awm leh rawh aw.." ka ti a, hreh hmel zet hian lu a bu ve nghat a, kan thil sawi hi a hnial mai mai ngai bik miah lo.
"Kan hruai ve mai dawn mi?" Zothana zawkin a rawn ti vut a, a va hahthlak thei tak! Jayden-a lunghnur hmel a hmuh hi chuan a lo nem nghal vek zel!
"Khawhar ina naupang kal chu a chi vak loh asin.. Țhalai an tam dawn a.."
"Ok.. Jay, zanin chiah Mamma hi a kal chhuak tawh ang aw.." a ti vat a, choka lamah an inpawm phei chu ka zui ve vat a.
An in kan thlen rual chuan veng chhung nu leh pa țhahnem tham zet hi an lo awm țhup tawh a. Tihian khawhar in chu ani ve reng tawh mai si a, mihring hian kan chunga thil thleng tur kan hriat lawk lohzia a lang tel bawk.
Ka beisei loh zet in Kc-a kha ka hmu hlawl a, Zothana nen kan inzui lut chu min rawn pan ve ta vut bawk a, an chhungkhat ho ka hmu a, a tu tak tak mah ka hrechiang ve bawk silo a.
"Bawiha... I nu a buai deuh a." Zothana beng bulah a rawn phun sup a, Zothana taksa chu a in sehruh nghal țeuh tih ka hria, Min thlek zawk a! A hmel landan a ngainatawm tehchiam loh.
"Bawihi, Inchung lamah chho lawk ila.." a rawn ti sup a, ka chhan letna pawh ngaihven lo in kailawn ah chuan a pen chho nghal pawk pawk bawk, Kc-a zawk in min buaipui a, tun hi Zothana ngaihsakna lo dawn ţalh tum hun pawh anilo.
Kailawn kan chhuak chho hlawl a, an in chu a ropui lutuk tiin sawi ila a dik ber ang!.
"Helamah hian aw.." Kc-a'n ban a lek vut na lamah chuan kan inzui phei ve vat a, kawngkhar hnum hlarh mai chu a nem hawng a. Pindan chhung chu a reh duk mai bakah mitlem te chiah an lo awm a, keini pahnih in zui lut chu kawngkhar inhawn tirha min lo en zawk bak tumah in min ngaihven zui lo!
Zothana'n a nu chu a check kual mek a, drip an lo khai bawk a, khum bulah chuan Lisa pa chu ngui bam in a ţhu ve run bawk!
"A țha mai ang, a hun tawn hian a ţhawng lutuk a, a taksa a chau deuh mai anih hi.." Zothana chuan a rawn ti chhuak sup a, pindan chhung a awm ho zawng chu țawng chhuak lo mahse an thaw huai hlawm mai!
"Zankhua in drip hi kan khai a nga, a tho harh leh vat mai ang.. Pa, nang pawh room dangah emaw lo va mu hahdam la.." damthlup in ti leh a, Midang awm ve ho chuan Zothana chu an thlamuanpui hluah hluah tih a lang reng bawk.
"Aaa.. i nu bulah hian ka'n awm a nge, inleng te kha lo zuk buaipui rawh u. " a rawn ti ve churh a! Fanu te meuh chan chuan patling meuh pawh pachang takin a awm theih meuh loh! Kan inhmuh hmasakna ber leh tawpna ber zan kha chuan pa chak țha tak kha ani a, tuna a landan ah hi chuan thlipui in a nuai hrep ang maiin a hmel a lang zuai ruih a, a hmel pawh a thim khap mai!
"Keini ho pawh lo zuk chhuk thla ang u, ka u chu eng em a ti lo ang chu maw.." Patling pakhat chuan a ti sup a, a ţhutna ațang a ding kang zui ta hluai a! An chhung kual hrim hrim hi han bet tlawk tlawk an awmlo tih hriat zet in an langsar vuah hlawm a, an neinung thawkhat hle ang tih an hawi vah danah hian a chiang reng bawk!
"Tinge in rawn thlen har em em a? Call ah khan ka nu țhat loh thu pawh ka rawn sawi mawlh mawlh kha.." Nunhlimi min rawn melh rawm paha a țawng hlak hlak chu phawk zet hian ka melh a!
" ka rawn call rual che khan engmah i sawi lo ami?" Min rawn ti leh zek bawk anih chu! Pindan chhunga awm ve ho zawng chuan min rawn en ta țhup a, He hmeichhe dawheh lutuk hian engthil nge maw a sawi tehhrep le!
"Duhtawk tawh teh.. ka nu pawh a țhat tawh hi.." Zothana zawk in a rawn ti vut a, Midang min en ţhup tu te chuan mit an la sawn ve thei ta chiah bawk!
"In rawn thleng har lutuk a, kan lo mangang hman alawm.." nikhawhrelo a khum a mu Zothana nu chalah chuan a khawihsak a, min rawn call lai khan damlohna chungchang pakhat pawh a rawn sawi silo! Awm ve ho ngaihah chuan Zothana hnenah a nu damlohna zep tu angah ka lang der dawn anih hi!
Kc-a nen kan inzui chhuak leh a, Ka thaw deuh huai mai! Zothana pawn a nu a check leh hnuah min rawn zawm tur thu a sawi a; Nunhlimi in la fanu chanchang ta vel lutuk kha hmuh nuam ka tilo .. Midang hriat laia dawt a sawi kher ta bawk a!
"Țhalai rawn kal hmain pawnlam ah kan inti thawveng dawn mi?" Kc-a'n a rawn ti vut a; "inhnung lamah sawn hawi thawvenna tur hmun nuam deuh a awm ania.." a tih zawm leh zat a! Ka bu nghat a. Ani nen pawh hi Hotel a kan inhmuh bak kha kan la inhmu lo a, mahse mipa fel tak erawh anih ka ring nghet hmiah thung!
"Bawiha kha pawnlam ah kan awm tih kan hrilh lawk ange aw." A kekawr ipte ațang phone la chhuak pah chuan a ti sup a, cement a bang inhung zuina chu ka ngheng a!
" a rawn chhuak ve mai ang.." reilote hnuah ka bulah a rawn ding ve vut a; Zothana aiin a landan a hrawl lo zawk tih loh ah chuan amah pawh hi palian ve tak chu ani!
"Jayden a țha maw?" A rawn ti a, ka melh zawk a.
" umm, a țha a ni mai, i nupui te an lo kal ve em?" Ka ti sep a, za zet hian a rawn nui chhuak zui ta hawk a! Ka thusawi engah khan nge maw nuih tur a lo hmuh bik ni!
"Bawiha khan a hrilh lo che a mi?" A rawn ti hluai a. "OK.. a hrilh lo che anih dawn hi.. Nupui ka la nei lo. " a thusawi tawp lamah a nui leh hawk a, kei erawh țawngsual in ti zet in ka ner ta nawng thung!
"I nei tawh turah ka ngai ve ringawt asin.."
" Val senior !" A mit a rawn siai zauh a, ka nui chhuak ve ta hak bawk!
" Senior tlangpui tur ka nei dawn maw ka ti a, mahse i rawn lang chiah chu a senior pui pawh min thlauhthla rawk rawk mai alawm.." a rawn ti leh a,
Ka hmai a sa nghal țawn țawn mai! Hetilam zawng a infiam kher kher hi chu ka tawngkhat bawk a, dawnsawn dan tur ka thiam lo..
"Tu nge?" Kc-a chuan a ti ta țhawt a; ka hawi nghal dawrh bawk!
"Engnge a?" Ka ti sep a.
"Khai aw.. tu teh hrep nge?" Ka zawhna pawh min chhang lo in a che zawm ta vut a; engmah ka hmu ve bawk silo, eng in a chhun en phakloh chin a theihai kung lianpui dinglam pana a tlan ta vut chu ka enzui ta reng a, thawkleh khat ah theihai kung phen aţang chuan hlimthla a rawn chhuak ta thut a, Kc-a zawk in man hman tumin a bawh phei rawk rawk a, Mahse chu mihring chu cement bang inhung ah chuan a zuang liam a, Kc-a'n a au khum zui țhawt bawk!
"Eng thil nge a?" Ka ti vak a! Thil thlendan hi a mak lutuk!
"Ka'n man hman loh chu le.." ti hluk pah in cement bang a lawn liam ve a tumna thuamhnaw bal chu a beng fai thuak thuak a; a lampan chuan ka tlanzui ve ta vat a!
"Theihai kung phenah hian a lo ding reng alawm.. Tunge maw ni teh hrep le..?" A ti zui hluk a! Chil ka lem zui dawk mai!
Lisa ruang thlak zanah tu tih hriat loh an inbul ah hmuh ani a! Chupawh inhung lam reh takah lehnghal! Tualthattu chu ani thei ani angem?
Ka ngaihtuahna vang chuan ka hmulthi a ding sung sung a, ka kawchhung lam hi hit in a rawn țham er er reng bawk!
"I hmu hmanlo ami?"
"Hman lo.. Thim chinah a ni sia, chuloah lukhum a khum tlat hrim hrim a.." a ti sup a. Lukhum khum! Zico.. Zico ani thei mai angem? Ka kut in ka hmui ka hup zui chawt a! Ka thawk a sa nghal phat bawk!
If you want to be ORIGINAL,
be ready to be COPIED😝
"Lut teh ang. Tlangval awm țha duhlo thil ruk tur zawng vel ani mai thei.. " a ti leh nghut a, kan rindan inanglo lutuk chu țah khum vak mai ka chak zawk! Mahse Zothana khan Lisa hi thah ani tih a bulah a sawi ve miau loh chuan tuna a thil rawn sawi bak kha han puh tur dang a awm der mai bawk silo! Kan kalsan tawh lam chu ka hawi let leh hram a, Theihai kung hrim hrim saw a len vang leh a zar a buk țhat tawh vangin a bul vel chu a thim mup a, boruak dang ta zar leh hit er er in min ţham tel tlat tawh! In sehruh țeuhin ka hawi let a! Ka hnunglam hi a za zui uai uai reng bawk!
Inchhung kan luh hma in Zothana a rawn chhuak ve ta hlawl a! Ka tha a khur ru tih Zothana hmel pa zet ka hmuh rual chuan ka hrethiam ve ta chiah bawk! Min pan ding nghal vut a, ka ngaihtuahna ah thil ţihbaiawm zet zet a rawn lut zut zut a, tualthattu diktak chuan he in hi a la rawn thlithlai ru reng tihna ani thei mai angem?
"Bawihi..?" Ka hmaah tak a rawn ding chut a, a rawn kun hniam a, "Khai aw! Engthil nge thleng a..!" Ti hluai pahin a awmah min kuah bet ta vek a,a taksa lum vung vung ah min kuah bet vek tak ah chuan ka taksa hnunglam za uai uai kha a reh fel ve thei chiah!
A lungphu ri dat dat chu ka ngaithla ran a, ka hriat loh karin ka kut ka lo hum ruh hman hle bawk!
"Engthil nge thleng a?" A ti hluk a, kei nilo in Kc-a zawk a bia tih ka hria.
"Theihai kung hnuaiah sawn mipa pakhat a lo awm reng a,.. Man ka tum a, mahse a zuang chhuak hman.."
"Ka hrethiam e.." Zothana zawk in a ti sup a, nghet leh zual in min kuah a, ka chalah dimte in a hmui a rawn nawr leh a! Engvanga hlauhna in ka thau hi man tlat nge anih ka hrelo! Ka khur ru leh dar dar ṭhin vang chuan chil ka ha'n lem dawk a! Ka thawk erawh a sa phat thung!
"Inchhunglam ah lut ang aw.." a rawn ti zui sup a, a taksa chu a che deuh a, reilote hnuah Kc-a ke pen sawn thawm ka hre zawm zat a, ka kâ ațang boruak sa ka thawchhuak ham ham a! Mahse ka taksa chhunglam erawh vawt in a hmet kual er er thung!
"Bawihi... Hahdam hmasa rawh.." a rawn ti leh sup a. "Tinge maw khang thil kha ka hrilh che le.. Lisa chunga kut lek tu hian i chungah kut a lek dawn lo tih ring la, hlauthawng suh aw.." a hmuiin ka beng a rawn nawr a zawi sup tak takin a phun a.
"Ka hria alawm.." ka ti sep bawk.
"Umm.. hahdam rawh le, I thil hmuh nen khan ngaihbel duh suh, rukruk tum pakhat in kan chhiat tawh lai hi remchang ah rawn lak a tum ve mai anih kha.." a ti zui sup a, amah ang a taksa nghet țha neih a, kan thil hmachhawn apiang huaisen tak a tawntlang ve zo khawp a chakna leh rilru huaisen neih ve ka chak tak zet!
Reife hnuah min kuah khawmna ban chu a phelh thawl a, amah zawk pawh a thaw deuh huai mai!
"Lut ve tawh ang le. "
Ka biang ah a kut pahnih in a rawn khuap leh vang vang a! "I duh chuan inah ka drop thei tho che ania." A ti leh sup a, lu ka thing zui ve ta nghat thung!
"Ka țha tawh, thil thleng khan min țhawng deuh mai chauh alawm.. lut ang. " ka theihtawpin ka nui lui sak a! Mahse a mitmeng thim raih ah erawh ka taksa chhunglam a ţang ru țung hi a rawn hmu thiam vek thei maiin ka hria.
Inhnung lam aţang luhna kawngkhar bul kan thleng tawh a, mahse ka ngaihtuahna ah thil pakhat a rawn lang zui ta zawk a!
"Zothan.." ka darah kuah in min melh chhuk nghal run mai!
"Ih.. Nunhlimi'n a rawn call khan i nu chanchin a sawi miah lo. " ka ti sep a!
"Umm. Ka ring alawm, ani kha chu engahmah ngai duh suh.." ka dar a tuai zauh pah chuan a rawn ti sup a! Ka bu ve ta nghat a!
Kha zan a thil thleng bak kha engmah thil danglam thleng a awm tawh lo a, Zothana pawn engmah a sawi chhuak tawh lo, chu tih rualin phone a hmang tamin a lehkha chhiarna roomah inkhung deuh tlut tlut a ching a, An In lamah kan kal awllo a, Jayden school ah kan drop a, an inah kan tlang leh nghal mai ţhin! Sawi chhuak miah lo mahse Lisa thihna hi a tuar ve tho tih a lang a, mipa ani a, Keini hmeichhia in kan thil vei kan sawi zung zung ţhin ang hian mipa te hi chuan an thil vei leh rilru a an ngaihtuah te hi an sawi chhuak ve mai mai ngailo a, chu tih rual erawh in a nau thihnaa mawhphurtu erawh zawn chhuah a tum nghet bur tih a chet lak dan ațang a chiang em em lawi thung! Zico hming vawikhat pawh a lam chhuak ngailo a, keihian Lisa thihdan ka ngaihtuah chhuah chang in rang zet in Zico hming ka ngaihtuah tel ve ziah zel! Engvangin nge a hmeichhe hmangaih thattu ah chuan ka ngaih ngawt ti a ka inzawh let apiang in tunang khawvelah chuan mahni nupui te ngei pawh an that hreh tawh lo a ! Ka chung ah rawng taka a che thei anih chuan a thinthawk insum hmanlo in engemaw tak a ti hreh miah lo ang tih hi ka ngaihtuah tel ngei ngei ţhin!
Lisa thih aţang vawiin hi a karkhat tlinna chiah ani a, Anu in a tuarin a taksa in a chhiat phah nasa em em a, Zothana'n an in lamah min hruai ve ţhin a, Jayden pawh class a kal leh tawh a, kei erawh in ka thawh zawm ta lo! Nunhlimi a phusa kual in midang mit la a, Lisa sun ber ang a awm a thiam a, chutiang bawk in Zico a reh zui ta hmak thung!
"U Machhan.." phone a chhan rual chuan ka ti vat a,
"I țha em? Kan va in be khat ve?"
"Ka țha, Faith a țha maw?" Ka tih zawm zat a, Zothana te inlamah kan leng phei leh a, Lisa nu leh Nunhlimi roomah an inkhung tlat a, inleng an awm mang tawh bawk silo, Zothana leh apa lah engemaw thil pawimawh sawiin an inbia a, inhnung lamah pangpar huan awmah khan ka kal chhuak a, uluk taka enkawl tih hriat zet in engkim mai chu a vul chuk hi ani ber, pangpar bulah thir țhutthleng an dah a, boruak thar dawn pahin ka ţhu chhuak ta daih bawk!
"Hei âwmna a kai a, Tunah khawnge i awm?" A rawn ti lang lang a.
"Lisa te in lamah.." ka ti sep a, chumi rual chuan Theihai kung lian zet lam kha ka melh pah zawk a!
"Awi! Kei pawh ka leng leh hman tawh lo, Faith-i hi a pik reuh lutuk a! " a rawn ti halh a,
"A zialo reuh e, lo dam thuai thuai rawh se, Englo a nia.." ka ti sep a, ka tîm leh deuh si avang in ka tawp dat a! "Zico chanchin hriat i nei em?" Ka ti chhuak halh a, a chhan chu a bo hneh lutuk hian ka ngaih a ti țha thei lo! Ka him zuiah ka ngaih phah theih bawk silo a, kil khat aţang rawn lang thutin min beih ka hlau zual tîng bawk!
"Zico maw? A chanchin ka hriatlohna a rei tawh lutuk.. tinge?" A rawn ti halh a, tun thihna chungchangah a hmel a rawn lan miah lo te hi ngaihțhatlohna an nei ve lo hial zawk em maw ni?
"Ka zawt mai mai che.. Tun boruakah hian a rawn lan ve ka ring a.." ka ti sep a..
"Nia, a reh hmak a, Brad ka lo zawt ang, chuloah Lisa nen an inkar te chu a tawp daih tawh a lawm.." a rawn ti a.
"Maw?" Ka ti nghal haw mai!
"Umm, Lisa nen an inkawp tawh lo alawm, Lisa hian a inah a luhchilh a, mahse kar 2 vel a liamta in ka hria, Zico-a'n a chhuah tir daih tawh alawm." A rawn ti a; ka beisei loh lam daih ka dawn vang nge sawi tur pawh ka hrelo.
"Ok.. ka lawm e.." ka ti sep a, engvanga lawmthu sawi ngawt nge ka nih pawh ka hrelo!
Inchhung ka luh ve rual chuan kailawn aţang Nunhlimi leh Lisa nu an rawn inzui thla ve chiah a, Min hmuh rual chuan Lisa nu zawk chu a ke pen a tawp zui chat bawk! A țah hrep tawhna hnu mit bui lak ah chuan min huat hluah hluahna meipui a alh hluah hluah hi ani thaw thang mai.
"Chhuak rawh.." a rawn ti țhat a! Meipui in a hliau puat hi ka in tehkhin ber!
"Ka sawi chu i hria em? He inah hian vawikhat pawh rawn pen lut ve tawh suh, ka fanu kha nang hi awmlo la chuan a la dam ang.." kailawn aţang a rawn pen thla hlawk hlawk a, a hleitlingin tun a huntawn vanga sam pawr phang leh hmel hil deuh bâm te nen chuan a lan dan chu a rapawm hluah hluah hi ani tawp, ka ban bulah a rawn hmer chawt a! Hnai chet chawtah min rawn melh a, a chhan ka hrelo! A mitmeng sen ram leh rapawm zet vang chuan ka ţîm sawk thei!
"Chhuak rawh.." ti leh fak chung in kawngkhar lamah min hnuk phei ta dawr dawr a, engthil nge a chungah thleng a vawi leh khata min huat tak chiam chhan hi ka hrelo, khang ni liam ta zawng zawng ah khan he inah hian kan kal a, min be ngailo a chu vawikhat pawh tunang hian a awm ngailo! Kawngkhar aţang a nem in min nem chhuak zui ta dawrh a!
" Vincent-a in ațang thehchhuah tel kher i duh te anih loh chuan ani pawh hi lo hnaih tawh suh ang che.. Nangmah vangin ka fanu ka chan tawh a, ani nen inzawmna in neih ka phal ngai dawn lo.. kan chhungkaw hmuh theihah i rawn inlan leh anih chuan nang leh i fapa chungah khan engthil mah tih hreh ka nei dawn lo ani.. chuan.. Vincent-a in ațang chhuak bawk ang che.." a aw a ring tawh lo, mahse a thinrim lutuk vang in a khur a. " Nunhlimi leh Vincent hi ka inneih tir dawn a.." a thusawi vang chuan ka nghing dawt! " I dinhmun in hrechiang la, kalbo ang che.. Chuan tun boruak aţang hian Vincent-a'n tunge a bula awm tura a mamawh zawk tih i hriatthiam ngei ka beisei.." rapawm zet a nui sak pah in a kut min khawihna hnu chu ten hmel zet in a beng thuak thuak a!
" Aman a bansan hmasak kher che i nghak duh anih chuan i thu thu! Hmeichhe â nileng nilo la chuan nang aia Nunhlimi a mamawh zia leh a thlakhlelh zawk zia hi i hrethiam ang.. Kal tawh rawh.." sehchilh zet a ti leh sep pahin inchhungah a pen lut a; kawngkhar a pawt khar zui ta hmak a!
At hmel zet hian kawngkhar hmaah chuan ka ding reng a! A thusawi zawng zawng khan min țhawng in min hmet nâ vek!
Vawi lehkhat ah kawngkhar chu a rawn in nem hawng pawp a, bang ah kawngkhar chu a inhlap ri chawrh a, Thinrim insum zet a Zothana rawn pen chhuak pawk pawk mai chu anu in a rawn umzui ta dawr dawr a! Ngaihtuahna mumal tak pawh ka pu hlei thei lo! Inleng an awm tawh lo chu tuna thil thlengah kher kher hi chuan a lawmawm hluah hluah!
"I ţha em?" A rawn ti chhuak hrawih a!
"Vincent?" Anu in a rawn ti ve chul bawk!
Zothana chuan ka banrekah a hmer chawt a! Ka lakah a thinrim miah lo tih hremah ila a landan hi a ngainatawm chuang miah loh!
" Ka thusawi kha i hrethiam lo ami.. He hmeichhia i buaipuina lamah ka fanu ka chan tawh, nang leh zel hi chu a la hrang thei tawh lo che.. i farnu thlarau tal kha zah la ka thusawi hi zawm hram rawh.." ţap ti tih hian a rawn ţawng chhuak nawk nawk a! Ani pawh hian Lisa thih chhanah khan min puhfel der tawh!
"Nu, Lisa thihna ah khan Bawihi hian inhnamhnawihna a neilo tih hi vawi engzah nge ka sawi ngai dawn.. !" Zothana chu a ti tâwk a! Anu hmel landan a rapawm zual ta sauh bawk!
"A bum mai mai che anih hi..." Zothana rilru hneh tum in a rawn ti ta chul a! Ka nâ ve zak mai!
"Va lut tawh rawh, Bawihi hi i lawm loh chhung chu keipawn ka rawn ngaihsak reng thei biklo ang che.." a ti tawl a! Ka en nghal dawrh bawk!
"Tunah khan engthil maw i sawi kha?"
"Bawihi hi i lawmlo a, tun anga a lakah i che zui reng dawn anih chuan ka rawn ngaihsak zawm thei tawh lo ang che ka ti anih chu.." a ti chhum hmuk a, kawtzawl a Bolero a hunna lam pan chuan min kai zui nghal dawr dawr a! A thusawi kha a tih tak tak loh hram ka beisei!
.
Hneh takin min pawt dawr dawr a, ka hawi let a, a dinna ațang chesawn miah lo in anu chuan min lo en zui reng a, Zothana khan min chhan tih chu ka hria a, Mahse tuna a țawng chhuahdan khan anu saw na takin a siam thung!
"Lut rawh.." kawngkhar pawh hawn nawk pah chuan a ti sup a, chiang zet hian ka melh ta reng ringawt!
"Bawihi?" A rawn tih leh sup rual chuan beidawng zet hian thawk ka la a! Ka ţhu lut a, Zothana chuan kawngkhar a rawn nem phui leh dawt a! Motor kal hual a a pen pawk pawk chu ka melh zawk a! An inchhung aţang Nunhlimi kha a rawn chhuak ve a, Zothana nu chu a rawn kuah a! Keini pahnih chu min rawn thlir zui ve ta reng a!
Zothana rawn ţhu lut ve tur pawh chu a hawi let zawk a! Keimah vangin a nu kha khatiang in a țawngkhum tur anilo asin!
☆TE DOY 15K☆
Chapter 31
By
Abbra Reo Ririni Khiangte(Pitartei)
.
"Zothan?" Ka tisep a, Gate aţang kan tlanchhuak tawh a, min rawn en vut a, hmalam a melh leh nghal daih bawk! Trouser kekawr dum nalh zat a ha a, Denim blue shirt a ha leh bawk a, a hmel landan a rum in biak a huphurhawm tak zet! Mahse ka biak ngei a ngai tho.
"I nu bulah khang thil kha i sawi tur anilo asin.." min chhanlet pawh ka ring lem lo!
"Ngaihtuah buai duh suh, ka sawiah khan diklo pakhatmah a awm lo, a khawsak dan engpawh kan enliam ţhinna hian tu chungah pawh thuneitu emaw a in ti tawh a, ka pa lahin a thusawi engkim a 'aw' 'e' vek zel a, kei talin engkim hi a thuhnuaia awm anilo tih ka hriat thar tir a ngai a lawm!" Bul zet hian a rawn ti hluk a, ka en dawr bawk!
"Mahse ..."
"Bawihi.. a pawilo, ka tan tunge i nih tih vawi tam ka hrilh tawh a, a hrethiam duhlo anih chuan a hriatthiam theih tura ka khawsak ve a ngai a lawm.. " nui suk chung in ka lamah a rawn thle bak a. "Ka nu ani a, ka chhungkua an ni bawk, an chungah thil thleng a awm phawt phawt chuan an tan ka awm reng dawn, mahse a mize kawi lutuk leh chapo âr reng ţhin hnuhhniam nan na taka ka ţawngkhum kha a mamawh a lawm.. Engkim hi a thunun theih anilo a, i lakah chhe takin rilru a pu tur anilo tawp bawk.." a sawi tawp lam a aw ri hluk vang chuan thawk ka la halh a, "Ka tan i pawimawh ber, tikhan a hrethiam ve mai ang.." min en tawh lo in hmalam a melh run a, steering chu Jayden te school peng lamah a herh kual pawp a, mahse kha a thusawi khan anu rilru kha a hel tir zual sauh thei tih a hre miah lo em mawni?
"Lo chhuak la. " ka ţhutna lam darthlalang chanve hniam thla aţang a rawn dak lut a, nichin lawk a thil thleng kha a vei zui ve tawh miahlo nge a hrereng tawh lo pawh ka hrelo.
"I țawng dan kha anâ mah mah tih i hre miah lo ami?" Motor chhung a la ţhu reng chung chuan ka ti halh a, a rawn thawchhuak ve hawk bawk! A kut pahnih in tukverh darthlalang chu a rawn vuan a! Tlem hian a taksa in motor body chu a rawn hnaih leh zual a, Pawnlam aţang chuan chiang zet in min melh zui ta ngur bawk!
"A nâ mai thei! Mahse i chungah a chet dan kha a dik bik hlei nem.." a ding leh vut a, "Lo chhuak rawh, an rawn chhuak dawn chiah.." zawi sup a a phun leh rual chuan Jayden te school lam chu ka en ve vat a, bell a ri ral ral a, Zothana bawk chu ka en leh zawk a! Anu in an in aţang min pawt chhuak dawr dawr kha a rawn hmu ve hman em chu ka hrelo a, khatiang tak mai a thinthawknâ tur erawh chuan ka chunga a nu chetdan kha a rawn hmu ve hman tih a chiang reng bawk!
Engmaw a sawi kha.. Nunhlimi leh Zothana a inneih tir dawn..
Ka ţhutna lam kawngkhar a rawn inpawh hawn rual chuan zawite in thawk ka la a, Zothana hmel tak ngul leh tunhnai a thawhrim lutuk vanga hmel landan chang em em reng mai chu ka chho melh leh zawk a!
"Ngaihtuah buai lutuk suh ka tih tawh kha. " zawi sup tak takin a rawn phun sup a, ka malchunga ka kut chu a rawn hum a, ka chhuk thlak ve rual chuan school kawt zawlah Jayden rawn kal chhuak ve terh terh chu ka hmu hmasa ber mai! A uniform kekawr khup chen vel lek chuan a landan a ti duhawm leh zual mai bakah a chawn chum ve biang mai a lang a, a cute hluah hluah hi a ani tawp.
"A bula hmeichhe naupang a en dan saw a ţul hauh lo ania. " Zothana zawk in a rawn ti hluk a, ka nui chhuak ve hak bawk!
A rualpui tur hmeichhe naupang nen kutphar chhuak meuh in thil an sawi dun ve a, engtak nge maw an sawi ve ang ni! Gate pawnah kan lo ding reng tih a rawn hmuh rual chuan a kut a rawn vai lap lap a, a bula hmeichhe naupang sam țawn kak leuh bulah chuan engemaw hi a sawi ve a, a kalsan a, hawi let in kut a vai ve thlap reuh bawk!
"Lutuk hian a!" Zothana zawk in nui chhuak hawk pah hian a phun leh hluk a!
"Mamma."
"Class a nuam em?" Ka lo ti vat a, a bag ka laksak a, Zothana a ban leh nghal chat tawh!
"Today ah stickers ka dawng lo. " a ban lek kual ve vut pah chuan a rawn ti nui nui a!
"A pawilo, Naktukah i dawng mai ang.."
"Apa French-fries kan ei dawn em?" Zothana hmai bul chet ah meng kiau pah chuan a ti leh daih a!
"Ok.. Kal ang u aw. " Zothana'n a rawn tih ve tak hluai ah chuan Jayden zawk a ri ve hlut a, A bulah a thil sawi apiang mai hnial miah loa a tihpuitlin sak nghal vek zel hi a lawmawm rualin nakinah Jayden atan bawk a țha hauh dawn lo tih ka hria a, ka khap ve lah hian ka sawi lai chiah in a zawm a, fa enkawl ah kher kher hi chuan keiai fe in a rilru hi a nem zawk dawn tih lah a chiang reng bawk!
In kan thlen rualin kei leh Jayden kan chhuk a, Zothana erawh clinic ah reilote tal kal a duh vang in a tlan chhuak lehnghal a, Jayden inchhung lam pana tlanlut terh terh mai chu a bag khai chung in ka zui a, inchhung a luh hma hauh ațang Nu Liani a au ve lang lang a!
"Inlo thleng tawh maw?" Jayden-a stool a lawn kang ve that that chu juice a rawn pe a, KFC ah kan chawlhpui a, engmah tak tak a ei veleh chuang der lo.
"Api, today chu stickers ka dawng miah lo." A ban chum ve biang Nu Liani enkual tir pah chuan a ti ve leh nui nui mai! Ka nuih hak a.
"Jay, nitinin stickers a dawn theih hleihnem.."
"Mahse Mamma today khan Nuteii'n a dawng asin." A rawn ti a..
"Anih chuan tinge Jayden-a'n a dawn ve loh a?" A mit ah tak ka en ran a. Ngaihtuah chik hmel zet hian a meng nur ve nang a! A va han cute chiang tak.
"Kan teacher in 'Jayden sit down' a ti a maw, mahse Ess-i nen toys kan khawih leh a." A ti a, Nu Liani zawk a rawn nui chhuak hak a! A ninhlei vang anih chiah chu Stickers a dawn loh!
"Chuan i dawn ve loh chhan i hre tawh em?" Ka ti a; awlsam zet in lu a thing mat a.
"Teacher thusawi i zawm lo a lawm..".
"Mahse Mamma, ka bengchheng lo a lawm." A rawn ti ve tlat thung!
Ka țawng leh tur chu Nu Liani zawkin min rawn khap vat a, Jayden samah a rawn chul nghal zat bawk.
"Jay, bengchhen loh ringawt kha anilo a, teacher in sit down a tih chuan țhut zel tur a lawm, naktuk ah chuan teacher thusawi zawm tawh tur aw.." a rawn ti a, Jayden chuan a ngaithla ve kiau a, "Tunah chuan Mamma nen han inthlak ula, cake kan bake dawn nia." Nu Liani vek in a rawn ti a, "Dindin zanin tlai chu cake kan bake mai mai dawn mi?" A rawn ti leh zat bawk.
"Zothana hian banana cake in lama siam hi ei ve zauh duh chang a nei a, ka siamsak lohna a rei tawh bawk a, zanin tlai chu in nufa te nen kan siam dawn nia." A ti a, ka bu nghat a.
Inchunglam ah Jayden a tlanchho that that chu ka umzui a, a duh hi chuan ninhlei ve tawh tak hi ani mai!
"Mamma, khawnge apa kha a kal dawn a?" Ka bual zo towel in ka hru hul mawlh mawlh a. A kut tereuhte chuan ka sam a lo khawih ve chhen bawk.
"Clinic ah.. tinge?"
"A bulah ka kal ve duh a.." a ti leh mai a.
"Mamma.. Papa bulah kan awm tawh dawn lo tiraw?" A rawn ti leh a, ka chawl dat mai!
"Tinge chu chu min zawh a?" Ka ti sep a, Tun hi Zico chungchang a sawi vawikhatna ani a, ka ngaih a țha chiah lo bawk. Min chhang lo in a ngawi ta daih a. Ka ngaihtuahna a thil rawn lut chu ka duh lo kher mai!
"Jay, Papa in school ah a rawn hmu che em?" Ka ti a. A ngawi ta ngal a!
"Jayden, Mamma in ka bia che. " Chhan hriat siloh a ka hlauthawng ringawt chu ka duh biklo, mahse Zico-a'n an school ah a lo hmu ţhin anih vaih chuan!
"Jayden?" Ka ti leh hlak a. A dar ah ka vuan a, a hma zawnah ka ţhingţhi ran bawk.
"Papa i hmu ami?" Ka ti leh a.
"Aih, apu a lo kal a." A ti sep a. Engvangin nge Zico pa pawh chuan an school ah a ruk ang hrim a alo va hmuh le.. An ni hian Jayden hi ka lak ațang lakhran an tum anih ngat chuan an tisual hle ang!
"Jay, apu a lo kal leh chuan min hrilh vat rawh aw.. Engtik nge a lo kal a..!"
"Apa nen in kal hnu khan.." zawi te in a rawn ti ve sep bawk.
"Engnge a sawi."
"Nanau bulah lo haw tawh la ati a.. mahse aih ka ti a.."
"Jay, Nanau te, apu te ani te pawh i ngai reng reng em?"
"Aih.." ka mit ah a rawn en zawk a. "Papa in Mamma leh Jayden kha min hau leh dawn sin.." zawite in a rawn ti a, ka khawngaih reuh kher mai!
Zico in kan chhuahsan aţang khan Jayden bulah hian Zico chanchin hi a chhe zawngin emaw a țha zawngin emaw vawikhat pawh ka sawi chhuak ngailo a, Amah hian a lo la hre ve reng anih ka ring!
Țhenkhat Nupa inţhen a fa chang zawk te hian an fate hnenah anu emaw apa emaw chanchin chhe lai leh a sual zia thu te sawi an hrat a, keichuan kha thil kha țha ka ti ve lo thung! Naupang bulah kan sual tih zawng te, kan mi ngainat loh zawng te hi sawi khum chiam chiam tur an nilo a, anmahni ngeiin rawn țhanglianin a duhthlanna hmangin chumi chu rawn judge ve mai zawk se keichuan ka duh zawk! Chuvang taka Zico chanchin pawh sawi chhuak duh ngailo ka ni a, a chhe lam zawng ngat phei chuan Jayden bulah hian sawi ka duh lo hrim hrim, a thisen zawmpui a pa ngei a la ni a, Ka chunga a chetdan tam tak kha ka fapa hi hrilh ta ngawt ila apa kha a haw bur dawn a, chuthil chu ka duh lem loh ang bawk in țul ka tilo, a len hunah amah ngeiin engkim a la rawn hriatfiah hun a awm dawn a, chutah chuan apa chungchang bik pawh amah ngeiin ngaihdan la siam zawk se a suallo zawk ang! Tunah hlau tur a lo fuih te, ka chunga rawng tak taka a chet ţhin vanga Jayden thluak a huatna lo tuhluh sak kher ka duh lo.
Nu Liani te nen cake kan siam mawlh mawlh a, Home phone a rawn ri ral ral a, ka kut a flour kai chu kitchen towel pawtthla in ka hrufai thuak thuak a. Sitting room lam chu ka pan zui zat bawk.
"Hello.." couch a ţhut thlak pah chuan ka ti vat a. Lehlam aţang rawn țawng an awm mai loh vang chuan ka nghak deuh vang vang a.
"Hello?"
Digital screen chu ka bih a, Number a lang miah lo! Mak ti zet in phone chu ka dah let leh ta ngawt a! Private number ho hi an va call a ten an number an neih sa loh chuan an phone ah khan number a lang chhuak ve ngailo tih ka hria a, mahse chutiang mi rawn call ngawt tur an awm in ka hre der silo.
Zothana nu nen kan inkarah thil thleng a awm aţang khan ni 2 a liam leh tawh a, Zothana'n an in a kal tumna a nei tawh lo a, chutiang bawk in phone hmang pawh in a be zui tawh ngailo, sawipui ka tum apiang in min hnial ziah a, engmah tak tak a sawipui theih ngailoh! Lehkha chhiarna room ah zanrei tak thleng inkhung in mi a be kual ţhin a, Lisa thihna chungchang kha sawi lang tawh lo mahse a la chhui zui char char tih ka hria a, hman zana huan hnung lama mipa pakhat kan hmuh hlawl bak kha thil danglam thleng a awm tawh lo a, keiphei chuan a chhuizuina kawng hi a thim lutuk dawn in ka lo hre ve ringawt a, a chhan chu thil liantham dang thleng pakhatmah a awm tawh lo a, Boruak a muanawm in tumah han rinhlelh tur ka lo hrethiam ve thlawt bawk silo! Zico ka ring pawh kha U Machhani'n an inkar a tawp tawh tih a sawi hnu kha chuan Lisa thah ngawtna chhan tur a neiin ka hre ve tawh bawk silo!
A rilru damlo lutuk hian rinhlelhna a insiam mai mai emaw te ka tih rum rum chang a awm hial tawh!
Zothana chu hnathawk mawlh mawlh pahin khumah a țhu run a, Mu turin ka insiam mawlh mawlh a, parda ka zar thuah a, Jayden erawh Mami bula riah min dil ve tlat vangin ka rem ti a, a tet deuh lai aţang tawh kan mu tlang ngailo a, Zan lamah hian min thlahlel ngawih ngawih ngailo bawk.
"I buai viau em?" Ka ti sep a, laptop hmangin hna a khawih a, ka ţawng ri chu hriain a rawn hawi chhuak vut a.
"Sawi la.."
"Aih.. I buai loh hunah.. " khumah ka lawn kai a, khum mawng lama puansin chu ka pawt rem nghal sawk sawk bawk!
"Nghak lawk rawh aw.." Pangngai zet in a rawn ti ve mai a! Dim light chiah ka 'on' tawh vangin pindan chhung chu a thim raih a; khum bul dawhkan a Alarm clock chek ri keuh keuh thawm leh Zothana'n laptop-a thil a type ri leh zawk thawm bak chu a reh raih mai!
Inneih a duh a!
Ni e, anu leh pa te nen hetiang kan inkar ani chung hian inneihna kal tlangpui tho a la duh a, ani tluk a mipa ţha leh min hmangaihtu hi ka tawng tawh dawn lo tih ka inhria a, mahse Lisa thihna vangin a chhungte rilru a la nâ ngawih ngawih a, Chuta karah keinin inneihna kan lo la kal tlangpui anih ngat chuan an inkar a chhe kumkhua tawh mai ang tih ka hlau tel tlat bawk!
" Sawi tawh rawh le.." Ka dul zawnah a ban rit nulh a rawn nghat a, a hna khawih zawhlai ka hre miah lo! Ka nghawng ah a hmai a rawn phum leh a, thawk a la zui nghal suai suai a!
"Tunhnai hi i thawk lrim leh lutuk a, ka ngaihtuah che." Ka ti sep a, a hmai chuan ka nghawng nem lai a rawn nawr leh tâwk a.
"Ka țha ka tih tawh kha... i thil sawi duh chu sawi la." Thatchhe aw zet hian a rawn ti sup bawk.
"I zo tawh ami?" Ka ti leh a, a bu nghut a, a taksa lum vung vung chuan min ur ve ham ham a.
"I zawh lai ka hre miah lo.." ka tisep! A nui che dawt a!
"I ngaihtuahna kawm in hmun dangah i awm daih a lawm.." nuih zui suk paha a rawn phun sup tak ah chuan ka che a, amah zawk pawh a rawn in siamrem ve vat a, ka taksa chung deuh si ah thatchhe zet in a rawn bawk kai a, amah a hrawl bawk si, a ban hrawl zet pawh ka awm chungah a khamphei zawng in a nghat tlat a!
"Inneihna hi.." Ka sawi zawh hmain a rawn rum nghut a!
"Ka nu te lam bawk i vengthawng leh dawn anih chuan a țul miah lo ania." A rawn ti zui hluk bawk.
"Chutiang ringawt anilo, Lisa thihna vangin an nâ tawk tawh a, tunah nang lehzel in an rilrunà damfel hma a i hliam belh leh chuan an natna neih te hian kumkhua a daih mai ang!" Ka ti let vat a, A che zui hrut chu a darah ka vuan a, ka lu zawnah a ban lehlamin a rawn inbeng khalh zui nghal run bawk!
"I sawi chu a dikna chen a awm a lawm, mahse kan innei tawp te anih loh chuan ka nu hian a remti ngai dawn lo.." ka chalah a hmuiin a rawn nawr vang vang a, "Muhil tawh rawh, ngaihtuahna i hman lutuk chuan i taksa a chau mai mai ang!" Zawi sup a a rawn phun leh takah chuan a awm zawnah thawk ka la a, ka chalah hmui a la nghat reng bawk! A chil lem zawngin a hrawkbawk nalh zet chu a che ralh a, ka ngaihtuahna a thil rawn awm vang chuan ka nui leh sak bawk!
"Engnge?" Ka lu zawnah a inbeng khalh reng, chiang zet in min rawn en run a!
"Engmah, mu ang.."
"Sawi vat rawh." A ti zui ta hluk a, achangin a mizia hi a naupangchhia tlat zel ka tih tawh kha!
"I hrawkbawk ka ngen ve tlat zel kha ka ngaihtuah let a. " lukhamah ka lu nghat țha pah chuan ka kutţangin a hrawkbawk chu ka khawihsak zeuh a, thil hlui a hrechhuak ve tih hriat zetin a rawn ţhen ve suk bawk!
"Ka pe phallo ah che khan i ngai tlat zel a." Nui huk pahin min rawn en a, a hmel landan hahdam zet leh pa hluah hluah chu hnuailam aţang ka chho melh ve ran a, ani nen hian chanchin sawi chhuah sên loh kan nei a, kan hmalam hun zelah pawh chu kan hunhman tawh hlimawm tak tak te chu sawi chhuak a, khum khat ațang zing thawh rual zel ka duh dawn a, nausen mai ka nih lai pawh a ka kianga awm reng ţhin mipa hi ka kum upat a, ka vun a chuar hun thleng pawh a ka bula awm reng turin ka dil zel bawk ang!
"Ka tihtauh khum pâng pâng hunlai che khan min ning ţhin em?" Dimte in a biang tawn tawnah ka kutin ka dawm a, nui suk chung in lu a thing nghut ringawt!
"Ka hmangaih che." Lu ka kan zeuh a, A hmuiah ka nawr a, lukhamah lu ka nghahthlak leh thleng chuan chiang zetin ka chetdan chu min en reng a, tunhnai boruak vanga a hmel lang zuai ruih leh tawhkhirh hmel zet ţhin kha a awm tawh lo a, a mitmengah pawh kei min duat hluah hluahna bak a langchhuak chuang lo!
"Ka sawi ve kher i phut em?" A biang a ka kut chu thle bak pahin a rawn fawp zauh a, kan inkar boruak chu a hahdam ani tawp mai!
"I duh chuan i sawi lo thei ang.." ka kut ka chet leh chiah chu in ringlo tih hriat lutuk in a rawn thawchhuak zui ta hawk a!
"Heti zawng hian maw i chet dawn a?" Nui lui hawk chung in kan puan sinlai chu a pawt hlim nghal tawk mai!
"Oh.. kha zawng kha a lawm tih ka tum.." min rawn bawh bet nghal run chu tal chhuah tum in ka che zui nawk nawk a, a khup in ka taksa sir ve ve ah a rawn inbeng khalh nghal run tawh!
"Chhuk rawh, mu ang, naktuk Jayden school kal a ngaih kha.."
"I kut tereuhte i chet hma khan chuthil chu ngaihtuah chhuak hmasa ta che.." chimawm lutuk in a rawn ti hluk a, kei erawh ka nui ta thung! Nui deuh suk chung in ka hmui ah a hmui a rawn nawr a, a kut in ka kawr tlang a thleng der bawk! "Kha i kut tereuhte in thil a tih theih zia kha ka entir ang che." Ka hmuiah a hmui la nawr reng chung chuan a rawn phun leh sup a! A lang sexy hluah hluah hi ani tawp mai.
Ka kawr chhungah a rawn zen lut tur chu a banrekah ka lo vuan vat a,a mitmeng lang thim raih chu a buai ru nghal nak bawk, mahse ka hmui hnuai pet sawi zeuh chungin ka taksa sir lamah ka dah sak a, ka chetdan chu min en reng tawp! Dimte in a kawrchhung ah ka zen lut a, a dul tihrawl aţang a awmbawr ah ka zut chho a! A rawn thawchhuak nghal hrawih a!
A awm tihrawl ṭha zetah ka kut ka vah kual tir a, A taksa sa lum ham ham leh a rim pa hrak te hian min hneh ngawih ngawih. A taksa hrawlpui mai a a hnute tereuhte chu ka khawih sak a, Zothana chu atthlak tih hmel zet hian a rawn nui chhuak halh a! A va han pa chiang tak! Lu ka beng kang a, a kawrhak ka pawt tawm a, ka hmuiin a taksa ka deh rual chuan a taksa chhunglam ațang a rawn rum chhuak leh hrawih a!
A rawn che zui ta thut bawk! Hneh lutukin khumah chuan min nawr ber ta chawt a! A thawk lakna a nâ zual sauh bawk!
"Insum theilo a min siam i tum a mawni reuh le!" a ti hluk, ka mal te ah a rawn țham zui tawk a,a pawt kau zui nghal hmiah bawk! A inkarah chuan a rawn inzep lut a ka mal karah hneh zet maia a taksa rihna in min nawr takah chuan ka rum chhuak hak a! A samah ṭham in ka lamah ka pawt hnai zui ve sauh bawk! Ramsa kawlh tak ang mai hian a rawn rum chhuak ham ham a. A kawr ka hlimchho a,a taksa nalh leh sexy zet ah chuan ka hmui bawk ka nawr leh a, nuam tih hmel lutuk hian a rawn thawchhuak ham ham a! Kei erawh ka nui chhuak hak thung!
"I nui maw?" Min cho zet hian a rawn phun hluk a ka kut a man khawm zui ta vek bawk,"Nuih tur i lo hmu bik a?" Ngeiawm lek lek hian a phun leh hluk a! ka kut chu lukham ah a rawn nem bet ta hmiah bawk, a hmel landan kha inhmu ve ngat se chuan a nui ve tho ang, "Lo che hlek suh ang che!" Phun sup pahin a kut pakhat a la sawn a, dimte in ka dul atang a zut chho dan dan a, ka vun leh a kut lum thur thur a insik rual chuan ka mur nghal uaih uaih thei mai! Zothana vek chuan ngaitheilo tih hriat lutukin ka kawr chu a pawt hlip chho vek a ka mit rawn țawn hliah nan a hmang zui nghal ta zat bawk!
"Eng thil nge i tih dawn?" ka nui hak a, mahse a phurawm viau lawi!
"Ka hrelo!" Ka hmuiah a rawn fawp thawi thuak a, sexy zetin ka beng zawnah a rawn nui lum hak bawk! A chetdan zawng zawng chuan min hneh lutuk hi a ni tawp! Ka bra kilh awlsam zet in a hmet phelh nawk a! Boruak vawt in min rawn ţham a! A hmel ka hmu thei tawh miau lo! Mahse ka taksa chu chiang lutukin a en tih ka tiril khur ru dar darah chuan ka hrethei a! A mit awmna zawn chu a sa ham ham zel!
"I nalh tak zet!'' A aw khur ru ve hluk vang chuan chil ka lem dawk a! Ka inrin hmain ka hnute hmur a rawn nul thuak a! Ka ip zui ta chawih bawk! Ka thinphu ri zui dawt dawt chu ka bengah hian a rawn ring sauh a! Ka hnute a rawn hmuam takah chuan ka thawchhuak ham ham a! A rawn che zawm buan buan hi a ni ber! Duhthawh lutuk a a chet rual apiang in ka kawchhung lam hi a za a, nawmna nasa lutukin ka hriatna thazam hi a rawn fan a, Ka dangte hi a ro vek thei! Duhtawk a fawp reng chung in a kut in ka taksa hnuai lam a khawih ţan a, a samah thei leh theilo in ka ţham sak ve a, amah zawk rawn rum chhuak veleh hawk ţhin te chuan min tiphur zual sauh zel!
Ka khel aṭang ka taksa chhung a zen lut a! Ka thawm a zawi lo khawp ang! Ka khel bawr ka kân iak iak reng a, Dimte in ka panty chhungah a zen lut a ka thawchhuak nghal hawk bawk! A kut in zei zet a min rawn khawih takah chuan ka lo kar zau ve zel a! A kut awmna chen a hriatin ka taksa in a lo dawnsawn dan lah a rapthlak lek lek zawk!
"A **awm vek tawh!" ka beng bulah a rawn phun sup a, a hmuiin ka beng a rawn nawr zui tàwk bawk, a rawn thaw lum ham ham a, chumi pah chuan a kut zungpuiin keimaha a nawm na lai tak a tuai zui nawk nawk a ka taksa hmun tin mai hi a za kual a, a sa huam huam reng bawk! Dimlo lutuk a a rawn chet leh tak ah phei chuan ka thaw ri hak a, ka mal chu ka chip zui ta chawih chawih a! Ka à thei takngial dawn in ka hria, nawmna nasa lutuk avang in ka eu ngawng ngawng a,Zothana chuan a rawn ti rang leh sauh a, Ka taksa hi an su dulh dulh thei.. ka khur zui dar dar a, A rum hrawih a! Ka taksa pum hi a sa chhuak vek.Ka awmah a hmai lum vung vung mai chu a rawn nawr tàwk a, a kut a chawlh rual chuan thawk ka la zui nghal kawk kawk bawk!
A in la hrang a, hnuai lamah a tawlh thla a hneh zet a ka mal a pawh kau leh rual chuan ka mal inkar chu a hmaiin a rawn nawr zui ta tâwk a! Țe țhawt pahin a sam ah ka man a! Ka panty chu a pawt kau a, a lei lum ham ham mai chuan a rawn nawr kual a! A kut in ka awm bawr a rawn ban a, a fawh zawng chuan ka *nute chu a rawn țham zui tawn tawn a. Ka taksa chhung lam hi puak darh tur ang maiin a rawn za kual mup mup a, rum chhuak hawk chung in a chhip samah ka ţham zui ta vak mai!
Thawk la ri huam huam pah chuan ka panty a pawt thla a, ka mal inkar bawk chu dim vak lo hian a rawn khawih leh a, mahse a reilo! A mip*tna in ka taksa a rawn sik rual chuan amah chu ka ban ve vat a, ka banrekah rawn vuanin a nghawng ah ka kut min suih bet tir a! Ka mal chu chunglamah a rawn nawr tawm chho leh a, ka taksa chhungah zawimuang a a rawn luh takah chuan a rum ri hrawih a! Ka mit a țawn behna chu dimte in a rawn nawr hawng a! Ka hmu phe vek!
" Nuihna tur i la hmu em?" Ka chalah a chal a rawn nghah rual chuan a rawn phun sup a! Na zet in a chhip samah ka ţham sak vak thung! Chimawm leh lutuk!
A nui ri hawk a! Ka hmuiah rawn fawp in duhthawh lutuk in a che zawm nghal zat a!
Ka chunglamah a bawk run a, ka awm ah a hmai rawn nawr reng chung chuan ka bek samah kut a rawn rawlh lut a.
"Ka hmangaih che!" A aw rikdan ah a la pangngai biklo tih ka hria! A khur ru dur dur a, A rawn dak chhuak a!A taksa sen ţalh ţalh leh thlan huh dap mai khuhtu awm bawk silo chu nalh tak ani! keipawn hei hi ka chiang ka thi te anih ngawt loh chuan ani hi ka hmangaih reng ang! Khawvel piahlam thleng pawhin!
☆ZOTHANA'S POV☆
Hmun thim leh țawp zet tih hriat takah ka awm leh hlawl tawh! Tun țum erawh he hmun a ka awm chhan ka chiang tawh a, Ka chhehvel boruak dang ta zar leh hit sung sung mai chuan keimahah danglamna a thlen pha tawh lo!
Ka mi hmuh duh tak zawng turin boruak vawt vur leh mihring damlai tan thlen mai mai theih lohna hmunah chuan ka vak kual ruai a! Thlarau rethei tak ka zawng anih ber chu!
Thawk leh khatah ka hnunglam hi a rawn hit zawk a! Ka tukhum thleng in hit chuan a rawn țham tel mup bawk! Ka hawi let vat a! Thil hmuh nuam tak chu ani hauh lo!
Thingkung buk zet hnuaiah hmeichhe kawrfual far ha,hmai dang bei mai leh hlauh nei tih hriat taka mitmeng buai ru nuai mai chu ka panhnai a! Amah ka hnaih rual apiang in boruak chu a hit ve tual tual a! Thim vek karah chuan chu hmeichhia bik awmna chiah chu vur tlang var vuk ang mai hian a langsar em em thung!
Nunna nei tawh lo tih hriat tak.. mahse mi nung ang chiah a vawt ti leh thlabar tak ang chiah hian a taksa chu a ban in a kuah khawm ve chat chat a, ka kal chak viau in ka inhria a, mahse zan dang ang bawkin ka hnaih hlei thei lo! Chak leh zualin ka pen hlawk hlawk a! Chu hmeichhia chu a rawn dak chhuak a! Ka hmuh hmasak ber zan chuan a hmel landan mihring lo lutuk chuan min ţih ve tho! Mahse tunah chuan zantin ka hmu tawh a.. Ngaiah ka nei tawh.. Chutih rual erawh in ka bula a thil sawi tur sawi hman lo a thim zingah a thamral daih ţhin vang chuan tun hunah pawh hian hun ka nei tam tawh lo tih ka hria..
"Mam..." a țawng rualin boruak chu a hmazawng aiin a vawt zual a! A aw ri a natna chuan ka thling a hmet tel tlat bawk.
"Mama.."
"Nilo.. Lisa kalsawn tawh suh.." zan dang ang bawk in ka be hman dawn lo! Ka hmuh reng lai chuan lungdam lo tih hriat lutuk in a nui lui sak a! Ka hmuh reng lai chuan mei khu ang chiah hian a thamral ta riai riai a!
Thawklehkhatah ka awm mekna boruak pawh a rawn inthlak zui nghal hlawk a!
Zan dang ang bawkin ka harh chhuak hlawl a, ka ngaihtuahna chu pawi tihna leh phuba lak chakna in a rawn luhchilh leh nghal ngut ngut tawh! Ka kawchhung sahâl huam huam tih reh tum chuan ka thawchhauk ta hawk a.
Nghet lutukin kut ka hum ruh a! Ka taksa chhung hi kha thlarau thlabar tak puitu mamawh ngawih ngawih hmel landan vang khan a na tak zet bawk!
"Nghak rawh.. a rei tawh lo ang.." Keima aw ri ngei a natna lang tel hrawih chu ka hrechiang kher mai!
Ka taksa chunga thawk lâ a muhil sek sek mai chu tihharh hlau zet in khumah ka nghat thla a, Light eng dim raih in a vun senno chek chu a chhun thim raih thung! A sam hnawk in a hmai a hliah chu ka hui sawn a, hmangaihna ka chen zawhpui hlimhlawl ani a, ka mitah chuan ani tluk a hmeichhe hmelțha leh duhawm hi an awm lo ang! A pawimawh ber chu ka kawppui tur atana ka hmeichhe hmangaih awmchhun ani bawk! Thuamhnaw inbel ka phalloh vangin a taksa chu ala ruak kang a, puan in ka khuh a, a mut vêk vêk hi chuan mu tui thei tak hi ani ringawt! A hmui senno chek ah chuan ka fawp leh zauh a, zan dang ang bawk in ka thawhsan a! Ka ngaihtuahna buai nuai leh thil tamtak ngaihtuah zui ngai bawk si vang hian zan tam ka mu țha tawh lo a, zanlaiah harh in ka rilru tawt zet tih thawl tum in pindan thimah ka inkhung bet tlat ţhin.
Lehkha chhiarnaah ka luh rual chuan whiskey ka dahna lam chu ka pan vat a, he thil pawh hi tun hnai hian ka in tam ta mah mah bawk!
Glass no khat dawnin ka thli chhuak a, engmah telh belh lo in ka lem pap a! Ka kawchhung a lum thla nghal ham ham bawk!
Chair lam ka pan a, tawt lutuk in ka thawchhuak zui leh ta hawk a!
Chair nghenchhan chu ngheng in mit ka'n chhing vang vang a! Chiang zet in khum a Lisa ruang lo mu khawng reng kha ka hmu zawm zat a! Ka rum chhuak zui hrawih bawk!
A ruang ka hmuh tirh phei kha chuan ka rilru chawmawlh lutuk vang khan khum bulah ka ding reng ringawt a! Ţanpui a ngaih laia a kianga ka awm thei lo chuan min tina in inchhirna reh thei tawh lo tur min pe hial bawk!
A taksa khawng vek tawh ka buaipui lai khan a kut inhum tawm tlat ațang kawrkilh a rawn tla nawlh a, ani kha chuan night gown pante lek a inbel thung! Result ah mutna damdawi a ei hnem lutuk tih a ni a, ka nu leh pa rilru damnan chu thil chu ka pawm mai rih ta chauh a! Mahse Lisa hian vawikhat pawh mutna damdawi a hmang ngailo tih ka chiang a, chutiang bawk in inchhungah khan mutna damdawi dang hmuh tur a awm lo.
Tunah hian enthlak bik ka nei a, Fiahna felfai tak ka neih loh vang a nghak rih mai ka ni a, fiahna chu a rawn lang chhuak har tawh hauh lo bawk ang! Chutiang bawk in a pawikhawih thupbo pui tum tu pawh tunge anih ka hre tawh a! Țul ta ber chu a ruk tak a chet ka lak zel ani rih a, postmortem result kha kan chhungkua in kan pawm thlap angin ngai se la, zalen leh man chhuah ngailo tur angin in ngai bawk sela, chumi hunah chuan ka che chhuak thung ang!
Tun boruak atan bik a ka phone hman ţhin chu pawhdawh aţang ka la chhuak a, Enthlatu ka dah a, ani hnen aţang report ka dawng reng ţhin a! Mi dawihzep ber ang maiin a biru hmiah rih tih pawh ka hrereng tawh! Ka țham thawh nawlh hun a thleng vat dawn bawk!
Phone in ring chu ka ngaithla vang vang a!
".. Harish..?"
"I rawn call hun hi a fuh lutuk, ka nau nen kan lo inbe zo chiah a, zanin khan a birukna hmunah khan tlawhtu a nei a, chuan i thlalak rawn thawn a mi ngei kha ani bawk.." a rawn tih zawm zat a! Kut ka hum ruh zui nghek.
"Boss.. i la awm em?" Harish chu a rawn au lauh lauh a, Tunah hian Bangalore lamah a biru a, Harish a puihna hmangin darkar 24 chhung enthlak hna ka thawk thei a, ka beidawng rum rum a, ka ring sual der emaw ka tih tawh hnuah amah vang chiah hian ka mihring rin kha alo sualloh zia ka hriat theih phah bawk.
"Engtik nge a rawn thlen?" Ka ti sup a, ka zawhna awmzia a hria tih ka hre bawk!
" Zan dar 10 rik hma deuh khan.." a rawn ti hap a! Ka farnu nunna latute chu phihsawm vek a an taksa them hal ral chakna in ka khat a, chuvang tak reng a Police pawh pun buai duhlo ka ni bawk!
"A țha e.. Enzui reng turin thu i pek nawn leh hram ka beisei.." ka ti bul vut a, ka thisen rawn lum lutuk vang chuan duhthawh lutuk in ka kâ aţang ka'n thawchhuak leh hawk a! Reilote hnuah ka kut ngei hian ka lungdam hma ka khawih thei ang!
"Lo lungngai suh, i mamawh ang ang min rawn hrilh zel dawn nia.." a rawn ti let vat a!
"Zingah ka rawn be leh ang che.."
Kan inbiakna kan tih tawp hnu chuan no a whiskey la awm zawng chu ka lem zui pawp a, ka kawchhung a sa thla nghal ham ham bawk!
Engtinnge mihring nunna hlu lutuk timna awm miah lo in a laksak theih? Chuthil chu vawi tam ka inzawt a, Khang hunlai khan Lisa bulah lo awm ni ila chu ka chhan hman ngei ang tiin vawi tam ka ngaihtuah let a! A mangan lai berin pui turin ka awm hnailo a, a nunna tawp dawn hun te khan tunge a ngaihtuah ang? Rilru mangang zet in amah chhan theitu tur awm ang a ngaihtuah kual ve ruai a nga, kei min ngaihtuah chhuah ruala kan awmna a inhlat lutuk tih hre chhuak chunga a beiseina neih ve chhun ral ria ria tur te chenin ka ngaihtuah kual a.. A hneh ngai loh turin a beih lai te khan ţanpuitu mamawh ngawih ngawihin a awm dawn a, ka hming hial lam chhuak in mangang tak in thihna kha a sual let ve mai thei! Tah khan.. vawikhat tal ka kut lek hman in a nunna tawp mai thei dinhmuna a din lai khan țanpui turin ka ban lek chhuak hman tal ila chuan tunang teh thlawt hian ka nâ in mahni indemna ka nei lo ang!
Mangang tak a min au ri hria in ka zan mutui lai ka harhchhuak hlawl ţhin a! Ka mumangah a rawn in lan chang pawh in hlauh nei leh dang belin ka hmu ziah a! Chutak mai chuan min ti na em em bawk! A thlarau takngial pawh a hahdam lo a, ka manglam ah leh zel pawh hlauh nei hmel a ka hmu tlat mai khan rilru nuam min puttir thei ngailo! A thihdan diktak chiang takin chhui chhuak se min duh anih ka ring a, Anih loh chuan a thlarau rethei tak mai kha a hahdam thei ngai lo ang!
Bawihi nen kan pindan chhungah ka luh leh rual chuan khum lam chu ka en hmasa ber a, tui zet mai a a muhil ka hmuh rual chuan ka nui zui ta suk bawk!
'MUT DUH-I' anih hi!
Khumah ka inthawlh rual chuan a rawn che va țalh ţalh a, a kut in khum a rawn dap dan dan takah chuan a kut tereuhte chu ka man sak vat a!
Zawitein a taksa chu ka chawi kang a, Ka taksa chungah ka nghah fel rual chuan ka hahdam huai huai thei! Hmeichhe chaklo zawk taksa ah hahdamna ka hmu tlat hi kei ngei pawhin ka inhrethiam ţhin lo.
Ka hun tawn in a zir miau loh vang in ka mizia a bul thar a, ka theihtawp a inthunun ka tum ngial pawhin hlawhchham lek chang ka nei fo ţhin! Bawihi lakah pawh inthiamlo viau ţhin mahila ka inven hmain bul zet a lo biak mawl tawp chang ka nei fo a, Mahse min dawh zel a.. Tunhnai lehlekah phei hi chuan min hnial kalh zawng a awm a tum chhin miah lo a, chuthil ka hmuh rual erawh chuan hrehawm ka ti viau thung!
Mit ka meng zawk a! Bawihi kuah mai tum in ka che a! Mahse a lo awm hauh lo! Ka tho chhuak vut tur chu kut vawt thler in ka biang a rawn si a! Ka harh chiang ve ta chiah bawk!
Sam la hnawm chhap chung a a lo nui hak mai ka hmuh rual chuan ka thawchhuak hawk a! Lukham ah lu ka nghat tla leh rih a. Bathrobe senno a ha a. Khumah rawn lawn ve pah chuan puan sin chu a rawn thlep țha nghal zung zung a,.
" I mutui lutuk a, ka kaitho duh lo che anih kha.." min melh zawk pah in a rawn phun sep a. Ka harh hmasa ziah a, ka taksa chungah a lo la muhil sek sek ţhin.. Tukin zing kha a vawikhatnan keiaiin a harh hmasa a, ka taksa in a taksa a lo si ta silo kha ka mangang nghal der ringawt bawk!
"Khawnge Jayden?"
"School a kal tawh.." a ti sam et!
"Eng a?" Ti hlut pahin ka țhu chhuak hlawl a, dar 9 a pelfel der tawh.
" I mu tam ngailo lutuk a, ka ti harh duh lo che anih kha. Mami a free tho a, Jerry nen an drop anih kha.." zawi sep in a rawn ti leh a, a kut la vawt thler chuan ka pang a rawn dek zui nghal zat bawk!
"Vawiin chu hahdam rawh aw.. i damlo mai ang.."
"Come here." A banrek ah ka man a, ka awm ah ka kuah bet nghal hmiah a! A rawn dah chhuah rual chuan ka hrawkbawk zawnah a rawn nui lum hak a! A taksa ka sik hlek rual te... A thaw lum ham ham ka hriat rual te hian awlsam zet in ka danglam ţhin.
" I țha em?"
"Min kuah let la.." a darah khabe ka nghat a, a nghawng nem laiah ka hmaiin ka nawr vang vang a, a ban ka nghawngah a rawn suih ve thek rual chuan ka nui suk a!
"I damlo tak tak a mawnile?" Bawihi vek chuan a rawn ti leh sep a, ka tukhum lamah a kut nem thep chuan a rawn tuai zui hauh hauh bawk!
"A fel ţep tawh.."
"Oh.."
"Mahse.. Reilote nghah leh ala ngai dawn.." ka ti sup a. Tunge ka rinhlelh te hi a bulah hian ka sawi chhuak thei lo! Lisa thah anih thu ka sawi ţum ringawt pawh khan a chiai a, thil danglam deuh a thlen in a hmehbel tel tlat a, Chutiang anih lai karin ka mi rinhlelh te chungchang chu a bulah hian ka sawi chhuak thei lo hrim hrim!
"I hre chhuak tawh a mi?"
"Ka thur chhuak thei ţep tawh.."
"Ok.. Puih theihna ka neih che chuan min hrilh ve dawn nia.." ka beng bulah zawite in a rawn phun sep a.. ka inveng hman lo chu ka nui chhuak hawk bawk!
"Engnge?" Ti hlak chungin a tal aih a! Ka man bet nghet sauh thung!
"I va sual tak. Ka thusawi a eng khan nge i nuih tiza," a ti hlar a, hmeichhe zaidam tak a ni hlawl lo.. mahse ka atchilh viau lawi!
" Nilengin kan pindan chhungah hian awm ila min pui ani mai!" Ka ti a, na zet in ka sam a rawn țham chawt a! A huat belhchhah tur tak in ka rum chhuak hawk a!
"I va chimawm e aw.. Tho la thil zuk ei ang.." a ti nang nang a, Ka pawmbehna ka thlah thawl rual chuan a tal hrang hlek a.
"Engmah ila ei lo a maw?"
"Umm.. ka nghak che.. Zuk ei ang.."
"Ok.. Bawihi. Ka phone kha min rawn pe lawk la.." khum aţang a chhuk a, a mal te thleng a thil hak chuan a khuh a, a rilțam laia hmangaihna chenpui mai lo turin ka rilru chu ka hrilh ru nghal mawlh mawlh bawk! Ka zep lo.. Engtik lai pawhin ka mamawh ti ila ka sawi suallo ang.. hun kan hman dun reng rengin chintawk tih ka nei ngailo a.. Ka duh belh zel ani ber!
"A low anih hi... hmang zo la i connect nghal dawn nia.." a ti sep a. Ka hmai zawnah phone a rawn lek va rual chuan thawk la hawk chung in ka lo ban a!
"Zingkar ațang i thil ngaihtuah chu leh.." Ka hawi dawrh mai! A mit in ka taksa hnuailam a melh rual chuan ka rum hawk a!
"I hlauhawm pah tlat, ka lo zuk chhuk ang.." chimawm lutuk a meng kual ralh chung in a kal chhuak ta nal nal a! Kawngkhar a rawn nemphui rual chuan mit ka chhing sawk thung!
"Bawiha. A hunlo lutuk tih i hria em?"
Phone ring chu ka ngaithla ran a!
"Hello.. Min va rawn be khat ve.." a rawn ti nghal zung zung a..
"Khawnge i awm?" Thil dang sawi kual vak ka chak lem lo.
"Oh. Hetah in pui ah.." rang zetin a rawn ti a.. mahse screen a thil rawn lang va ka hmuh rual chuan ka ner nawk thung!
"A țha e.."
"Lawk.. Zothan, i nu leh pa hi rawn buaipui i tum miah lo ami a.. ?"
"Ka buai rih.." phone ka hmet tawp zui nghal hmak a.
☆ ☆ ☆ ☆ ☆ ☆ ☆ ☆ ☆ ☆ ☆ Zodinpuii's pov..
Ka kawchhung rawn inlet but vang chuan ka uak țhawt a! Khum aţang ka tho chhuak hmanlo teuh kher mai! Washroom chhungah chuan nasa lutuk in ka uak tuar tuar a! Ka kawchhunga thil awm zawng zawng hi an rawn chhuak vek mai dawnin ka hria.
Zothana chu rang zetin a rawn lut a, Chhuatah țhusawp hnawk chungin bang ka ngheng hle hle mai!
"I țha em?" Dimte in ka sam a rawn chul a, mit ka chhing a, Luak leh mai tur ang hian ka pum chu a rawn in let kual bulh bulh a.
"Ih.. Zothan.. Ka.. ka rai ani mai thei.."
"Maw?" A rawn ti hluai a! Chau zet in ka thusawi vanga a hmel landan dang hlawk chu ka melh a.
"Ka raiin ka hria.."
"Pathian..!" A nui chhuak hawk a! "I chiang em?" A hamhaih hmel lutuk bawk si chuan mipa naupang a ti ang zual vek!
"Pregnancy test kit ka thuamhnaw bawmah sawn ka dah.." ka ti leh sep a. Ka țhutna aţang min kai tho a, "Va la la..!"
"Ok.." Chiang lutuk in min en leh phawt a, Tunah hian Zothanmawia hi a zam ru ve anih chu!
Test kit nen a rawn let leh rual chuan ka lo ban vat a, Doctor meuh ani a, hamhaih lutuk tur anilo asin le..
"Lo va chhuak la.." ka ti sep a, thawk la hawk chung in ka kawngah a kut pahnih in a rawn chelh a. A hmuiin ka chal a rawn nawr leh vang vang hnuah chuan min chhuahsan a.
Ka nghak deuh vang vang a! A tawp a tawpah chuan line sen pahnih hi a rawn lang ta va a! Ka mittui a rawn hnam nghal sawk thei!
"Zothan.." kawngkhar ka hawn rual rual chuan min rawn pan vat a, ka kuah thlawp a, "Ih.. Ih ka rai.."
"Lalpa kan lawm e.." Zawi sup tak takin a rawn phun a, ka nghawng ah a hmaiin a rawn nawr leh a.. A lungphu ri dawt dawt mai chuan min nghawr che ve dat dat a!
"Hetah hian ka fa ngei chu a insiam țan mek a maw?" Ka kawr a rawn nawr tawm chho tawk a, ka dulah a fawp leh a, ka dul a khabe nghat reng chung chuan min rawn en a! He zawhna hi darkar khat chhung in vawi za chuang min zawt nawn hman hial in ka hria!
" Mumang a ang lutuk!" Nui suk chungin ka dul bawk chu a rawn fawp leh a! A chetdan naupangchhia ru zet chu ka en ngawih ngawih tawp! Kum 40 a hnaih ve tawh a, a fa hmasa ber tur ka paisak ve chiah a! A tan a hlimawm dan tur chu ka hriatthiampui seng lo.
" Engtinnge i awm?" A rawn ti sup a.
"I hmuhnawm ka ti.." a nui huk a, mahse a awmdan ngai bawk in a awm zawm leh zat thung! Ka tehkhin tak ber chu mipa naupang a thil duh ngawih ngawih nei ta in, kalsan phallo a a ţhutchilh reng hi ang ka ti ta ber!
Tukhnih ngawt chu luak chhuak lutuk in ka tho ta der mai! Hmeichhe zaidam tak ka nihloh sa tehreng nen, ka thinchhe zual em em a, Jayden ka pai lai ai khan tiang tak hian ka la na lo hrim hrim! Tun ţum chu a dan a dang ani tawp mai!
Ka luakchhuak hlek in Zothana a lo talbuai ve vek a, Ka chalah dawm in a reh hma chu ka hnungah a chul hauh hauh zel, ka pum chhungah thisen hlawm tereuhte ang lekin a la awm a, mahse ka kawrhak hlim in a be reng a, Jayden nen an kawm hi ni tawp, khumah ka mu a, an ni pahnih in ka dul hmuhnawm thlir tak te in an thlir a, a chang leh hmeichhe naupang ang hrim in an bia a.. Kei a thinin a lo tuar leh tawh silo hi ka kawr pawt thla in ka kal tauhsan nghawng nghawng zel! Ka mei ang chiah in min umzui zel a. Nu Liani leh Mami'n keini pathum in chhaih thinrim kual ţhin chu min lo hlimpui phian hlauh a!
Zan rei tawh lamah thil thlum ka ei chak leh tlat a! Zothana chu khum lu lamah lukham dahthuah in hna pawimawh a la khawih mawlh mawlh a, A buai lutuk hi mutnan hun a nei mang ţhin lo.
Tunah nau ka pai leh ta bawk si.. ka intihpalh leh tluksual palh a hlau em em reng a.. che hlek ila min enzui nghal zel bawk!
"Zothan..!" Tim daiin ka au a, a laptop chu a khup vat a.
"I muhil theilo ami?" Rang zet hian a rawn ti vut bawk.
"Engemaw ka ei chak.." ka ti a, a nui suk a, chumi pah chuan a mutna lama bowl ruak chu a melh zawk a.. Darkar khat pawh a liam hma khan saw mi bowl khat grapes saw ka ei zo vek tawh bawk.
" Engnge i ei duh sawi la.."
"Thil thlum deuh ani mai.." ka ti halh a, Zanlaiah ka tibuai reng hi hrehawm ka ti ve tak zet tho!
"Ka zuk la ang.. chumi i eizawh hnu chuan mut i tum tawh dawn nia.. dar 2 a ri der tawh.." ti sup pahin alarm chu a kawk zauh a. Ka bu ve nghat a hmuh rual chuan a nui leh suk a! Ei thei min ti pawh nise tihvak ngaihna a awm lo.. Ka pum chhunga mi hian ka kawchhung a thlen thlak rualin a lo ei zo nghal vek hi ani ber mai!
"Naute.. apa i ti hah lutuk aw.." ka ti sep a.. ka ngaihtuahna ah eng eitur ber nge a rawn ken luh ang tih chu a rawn ri tluk tluk mai hian ka hria.. Choka a eitur awm ho ka ngaihtuah kual ruai a! Ka chak huam huam vek hi ani tawp mai!
☆ ☆ ☆ ☆ ☆
Zothana hna bang rawn haw chu a hma zawng aiin a phur sarh mai hian ka hria a, Ka naupai pawh kar 2 a tling ve chiah bawk!
Kailawnah ka chhuk thla a, Mahse Zothana taksa hrawlpui phen a ka mihring hmuh te vang chuan ka tawp chawt a!
"Bawihi.." a laptop bag chu couch ah a dah tawp a, kailawnah chuan a rawn pen chho pawk pawk a, Nunhlimi leh Zothana nu chuan mit lasawn hlek lo hian min rawn en ve reng a.
"I țha em?" Ka bul a rawn thlen rual chuan a rawn ti sup a.. ka bu nghat a! An ni pahnih khuan eng thil nge an duh?
"Ka nu khuan hmuh che a duh a..." ka chalah a rawn fawp vang vang a! "Nau i pai tih ka hrilh a.. " a rawn ti leh sup bawk.
"Nau i pai tak ah chuan inneihna chu kan kaltlangpui mai angai ang.." Zothana nu in a rawn tih rual chuan kut ka hum ruh nghek a! A mitmeng lian kel kawl ah chuan ka melh a, inneihna chu a sawi ve mai mai hian ka hria!
"Mahse kar 2 chhung thang in Mumbai ah kan kal a ngai dawn a, chhungkaw thil leh lehkha pawimawh chinfel tur a awm nual dawn a, ka rawn let hunah inneihna chu kan sawi ţha leh dawn nia.."
"Kar hnih hnuah nilo in kar thar ah hian inneihna chu kan kal tlangpui dawn.. chu chu a hma aţang inbulah pawh ka sawi dan a ni bawk.'' Zothana chuan a rawn ti ve ta nghut a! Anu lakah hian tawlh let chhin a tum bau lo tih ka hrechiang tawh a! Lo khap in awmzia a neilo tih ka hriat ang bawk in ka tum buai peih lo! Zothana talin ka thlavang a hauh zel loh chuan he hmeichhia hian min kawk kual in thu min pek reng a tum mai ang!
"Kar khat a hnung tawlh pawh chu a sual viau a mi?" Nui lui hakin Zothana chu a melh a, Nunhlimi erawh vawikhat pawh a țawng ve lo thung!
"Kan inneihna i ngaipawimawh tak tak anih chuan karleh a ni kan ruat diktak ah khan kan inhmu dawn nia.." nghet zet hian a ri sup a.Chumi pah chuan ka kut a rawn hum hmiah bawk.
"A țha mai e.. Chuan he in ațang hian i chhuak..."
"Ka nu.." Zothana rawn au deuh țhawt vang chuan anu chu a ner nawk a!
"He in hi Bawihi in a ni tawh.. keimah zawk hi a inchhungah ka cheng ve mai zawk..."
"Oh.. Takzet hian....!" Ner nawk chung in min rawn melh a! A hma ang bawk khan min lawmna pakhatmah ka hmu lo!
" Engtinnge ka fapa rilru hi i dawi at bik chu ka hrelo.." Zothana țawng leh tur chu a banrek ah ka vuan salh a. " Tunah hian a atchilh viau che pawh ani thei, mahse tiang hian a mizia hi a ni reng lo thei ania.." a ti hlak a, inneih a pawm thu sawi tura rawn kal nge maw anih a, Zothana nen kan inkar tihchhiat tum rilru ran a rawn thawk chhuak anih pawh ka hrethiam teh nuaih lo e. Tiang tak a midang a chaldelh ran mai hi Mizo diktak anih loh vang ani pakhat mai thei bawk.
"Mumbai ah i pa nen kan chamchhung in Nunhlimi hi in inah hian lo cheng ve rih mai se.. kan rawn let hunah erawh kan in ah a khawsa tawh thung ang.." ka mit ah tak rawn en kher pah chuan a ti leh sak a!
Nunhlimi a rawn insuan lut a, Zothana nu leh pa pawh a sawi ang in Mumbai lamah an let thla leh rih a, A nu chapo lah mai landan ah kha chuan Lisa thih dan diktak a hre velo tih a lang reng bawk!
Khu lam ațang hna khawih tur ang ang Nunhlimi kut ah a nu zawkin a rawn thawn a, direct in Zothana kut ah a thawn nghal theih reng tih ka hre ve reng a, Nunhlimi kut ațang Zothana a hlanchhawn tir kher zel chu ka lawm tehchiam lo.. Mahse hna lam ani a, lo sawisel vak lah ka tan a țha ber lo bawk!
Jayden a muhil tawh a, Zothana lah hna pawimawh khawihin a buai em em reng a, ka zan rilțam leh chu inhnuai lamah ka chhuk thla a, tun țum ka rai hi thei lam chak lo in thil thlum lam hlir ka chak a! Eitur pawh a thlum lam vek ka store ţun mai!
Jelebi fridge chhunga ka dah luh chu ka la chhuak a, a vaiin ka ei sen dawn loh vangin bowl ah țhen hrang in ka chawi chho a, Zothana lehkha chhiarna room ka kalpel tir chu ka tawi hrat a, a zawh tawh leh tawh loh tal ka check lawk thei a lawm.
Kawngka kik keuh pah chuan awlsam zet in ka nem hawng zui mai a! A chhunga mite pahnih chu an rawn hawi nghal dawrh bawk!
Nunhlimi a chhungah a awm ve tih pawh ka hrelo!
Harsa zet in chil ka lem dawk a, Zothana chu a chairah a țhu a, Nunhlimi erawh a bul maiah a ding thung!
"Aa.. I zo dawn tawh em?" Ka aw ro halh mai chu thunun tumin chil ka lem dawk a! Chhan hriat siloh in ka kawchhung lam a rawn ni nghulh a. Ka bowl ken lai chu ka hum nghet ta vak bawk.
"Ka zo țep, i rilţam leh tawh elaw..?" Nui suk chung in Zothana chuan min rawn chhang a, za lo zet in ka nui lui ve ta hram bawk!
"Bawihi, hei ka nu in khawihfel tur pawimawh a rawn thawn hnuhnawh a, lo va mu la, ka rawn mu ve vat ang .. ka zo ţep tak tak aw.." amahah danglamna pakhatmah a awm lo, a mit ah tak ka en lui ve tlat a!
"Ka rei tawh lo ang.." a mit a rawn siai zauh a, Zico ang mai mai khan a khawsa ve ngai dawn lo tiin ka inhrilh mawlh mawlh a, room chhung ka luh hnu chuan ka thil ei chakna zawng zawng a lo bo duak tawh!
Zothana nu thil sawi kha ţullo zet in ka ngaihtuah chhuak zawk a! Nunhlimi leh Zothana ka inneih tir dawn tih kha min sawi khum a, tunah hna vel zan rei tak takah a rawn thawn chhan hi Zothana leh Nunhlimi awmdun tam se a tih vang ani thei angem?
Thawk ka la hawk a!
Tuna ka rai no țan tirh vang hian kei lah dimdawi ka ngaih hun lai tak ani a.. Chu thil chu anu leh Nunhlimi hian hmanrua ah hman an tum ru ran zawk anih te ka ring rum rum a. Ngaihtuahna buai zet in khumah ka mu kai a, ka muhil zui lawk thei bawk silo chu ka let tawn sek a!
"I eitur lak i ei leh bawk silo a.." ka hriat țhan zet pangtilum in a taksa ah min pawm beh lai chu ka mang hriat ruai ruai a. A tih fo danin ka chhipah a hmuiin a rawn nawr a, thawk ala zui ham ham a!
Ni a liam leh tawh a, Nunhlimi pawh pangngai takin kan zingah a khawsa ve tawp a, Chhun lamah erawh a kal chhuak a, eng nge a tih ka hriatpui lem lo a, Zothana leh Jayden-a'n hunawl an neih phawt chuan ka pum chhung a naute bia in khumah kan awm chawt reng a! Zothana hian kan fa lo piang tur hi a atchilh dawn lutuk tih ka hriatna chuan naute chu rawn piang thuai thuai se ka tihna a lian a, Jayden pawh hian nau a awt em em a, nau han nei vaih se zawng a rilru pawh a kang awk in ka ring!
Jayden chu school ah kan drop a, in lamah Zothana'n min dah let leh thlap a, Ka pum a puar hma hauh aţang fimkhur turin min chah uluk em em a, Ka rai tih kan hriat ni la la khan hmeichhe doctor min panpui nghal ruai bawk! Khami țum phei kha chuan Doctor in Zothana zawk kha a lo nuih nghek a! Doctor ve tho ani mahse mihring anih ve zia khami ni khan ka hriatthar phah a, a hlim hmel mawlh mai kha ka damchhung in ka theihnghilh thei tawh lo ang.
Chawhnu lamah ka phone a rawn ri ral ral a. Nunhlimi hi chhun lamah a kal chhuak daih zel a, kei leh Nu Liani kan ni leh deuh tawp tawh a, Mami pawh thil zirin Jayden school rawn ban hma hi chu a kal chhuak ve ţhin.
"Hello.."
"Dindin, i buai em?" Ka doctor in a rawn ti lang lang a.
"Aih, Damdawi chu a rawn thleng tawh ami?" Ka ti vat a, ka damdawi ei tur min chahsak a, chu thil chu a rawn thleng tawh anih ka ring!
"Aw.. Zothana ka call mai dawn nge.. Ka rawn hrilh hmasa che a.."
"A.. keiman ka rawn lam mai ang.. " ka ti vat a.
Kan inbiak zawh hnu chuan Nu Liani bulah ka kalna tur leh damdawi lam tur ka nih thu ka hrilh a, taxi chang pahin Zothana ka call zui nghal zat a, ka kal chhuak tur tih a tir ațang a hrelo anih chuan nakinah a rawn buai leh ruai mai ka hlau ru tlat!
Call a chhang mai thei silo a, Damlo en lai a nei anih ring in ka doctor in damdawi min chahsak a rawn thlen thu te chu ka hrilh ka tum ania, Taxi rawn tlan lai chu ka lo phar ding vat a.
Taxi chhungah chuan vawikhat dang ka call leh a, mahse a chhang thei chuang lo. Message talin ka hrilh tho ang tiin ka inhnem zui ta mawlh mawlh a!
Ka doctor cabin bik lam pan chuan ka kal zui nghal vat a, a cabin ațang kal chhuak a, corridor lehlam a kal mek te ka hmuh rual chuan ka ke pen ka tawp chawt a! Hetah Zothana leh Nunhlimi maw?
Muangchang in clinic chhungah chuan ka pen lut a, Ka doctor chu a lo awm mai lo a, washroom lamah thawm a awm sar sar tak ah chuan a damlote țhut ţhinn a chair lam chu ka pan ve vat a, Zothana leh Nunhlimi te khan he laiah eng thil nge an tih ang? Dawhkan chunga lehkha a thil inziak chuan ka mit a la nghal chat mai!
Washroom lam chu ka melh leh zawk a, a rawn chhuah mai ka rin loh vang chuan lehkha phek chu la kang tawp lo in ka kutțang in ka chhiar theihna turin ka her rem a!
Nunhlimi .. Thlakhat. Ka meng kawk a, Nunhlimi pawh a rai ve a maw? Mahse engmah a sawi lang silo a.
Naute pa hming a, hming inziak phei ka hmuh rual chuan ka taksa chhung hi a nghing dawt thei!
Zothanmawia tih a inziak phei a.. Ka thawchhuak hawk a! Ka hrawk ațang engemaw hi a rawn ri zui hawk bawk!
Nunhlimi fapaina pa chu Zothana hi maw?
Lehkha phek chu a awmdan ngaiin ka dah țha sawk sawk a, ka taksa chhung chu natna in a rawn țham kual nawk nawk a, ka thawchhuak hlei thei dawn lo in ka inhre hial mai!
A fapai tu ani tih a lo hriatreng vang a mi inah a nuin awm tir tur a tih lai khan a hnial chhin miah loh! Hah! Hrep tak chuan! Tun mai pawn a in check up a hruai thlap bawk a!
Ka biang rawn lum thla pap chu rang zet in ka tuai hul sawk sawk a!
Dimte in ka dul la thep thlep chu ka khawih a! Kei leh ka naute hi bum kan ni!
☆TE DOY 15k☆
Chapter 32
By
Abbra Reo Ririni Khiangte(Pitartei)
Ka awmdan ber ka hrelo,Ka kehsawm vek tiin ka awmdan chu a sawifiah ber ang! Mumang ang ruaiin ka chhehvel a thil awm ho chu ka hmu a, ngaihtuah ber tur ka hrelo, Mit chhingin thawk ka la vang vang a, chiang zet in lehkha phek a Zothana hming inziak tel ve chu ka hmu zui zel a, ka kawchhung hi a rum vawng vawng thei mai! Awih a va har tehreng em! Ka tan a hlutzia a in hre vek a, chutichung chuan min phatsan a, Khawvela ka neihchhun tak meuh meuh in min phatsan anih chu!
"Min bum thei lo.." ka ti sep a, Mit ka meng a; ka taksa chhung na ngut ngut vang bawk chuan ka mittui bawk a rawn luang leh a! Ka hmu sual anih te inring in ka inhnem zui leh mawlh mawlh a, Lehkha phek bawk chu kut tha khur ru dar dar chung in ka ban nawn leh ngat! Ka rilru dam phahna tur pakhatmah a awm lo. Ka chawmawlh vek tawh!
Khawvela i neih awmchhun leh i mipa hmangaih hmasak berin a bum ve tawh che em! Bum satliah nilo in hmeichhe dangin a fa thlakhat a upa a pai mek! A nat dan leh min țhawndan chu khawvel țawngah hian a sawifiahna a awmlo ang!
Ka theih anga rangin Doctor room ațang chuan ka chhuak nal nal a, Zothana leh hmeichhe dang an in check up zo hlim chiah a, form ah lah Zothana hming chiang zet in a inziak vek bawk a, kei a fapai tu tho min hmuh leh ruala min hmuhsit dan tur ka ngaihtuah tel a, chhuah nal nal kha a fuh daih zawk!
Ka rilru chu na mai pawh nilo in a mangang tel tlat a, Nunhlimi nau pai kha a upa zawk a, a awmzia chu Mumbai a zuk kal țum a thil thleng kha ani mai.
Ka taksa chhung na ngut ngut leh thawkchhuah harsa khawp a ka awm a rawn hnawh tlat tu vang chuan ka thawk lak a buai zui der mai! Motor lo inhung ţhup phenah chuan ka tawlh lut a; ka țah chhuah hlawp hlawp mai lohnan ka kut pahnih in ka kâ ka hup bet tlat a, ka mittui erawh ka dang thei ngang lo! Ka banah an rawn luang thla a, Khawvelah hian tinge reilote chhung pawh hlim takin ka awm ve theih loh? Tinge bum ka nih bik zel? Engkim hi a fair hlawl lo! Ka pum bawk chu ka khawih leh a, Karkhat pawh a la pum ve lo a; mahse anu mittui tla leh thinlung kehchhe mek a rawn ţawmpui der tawh.
Muangchang in khawlai dungah chuan ka kal a, pan lam tur pawh ka hrelo, ka ngaihtuah thlen theih chin zawng chu keihi bum ka ni a, Nunhlimi'n ka naute pa fa a pai ve tho, chu pawh thlakhat a upa lehnghal!
In lam pan chakna ka neilo a! Engmah hrelo in ngaihțha tak in ka lo awm a, an ni pahnih khan bum nuam min lo ti ţhin dawn lutuk a, zanah rei tak tak hna an khawih dun a, Mi â ang maiin hna tak tak emaw an khawih ka ti a, mahse an ni pahnih tan chuan khang hun zawng zawngte kha hunthawl leh nawmchenna hun nuam tak vek a lo ni reng dawn a!
Ka phone rawn ri zawm char char pawh chu ngaihsak lo in kawngpui sirah ka ding ta reng a, rawn call tu lah chuan beidawng loin a rawn call zui char char a! Ka bag ațang ka lak chhuah rual chuan ka kawchhung lam hi a na zual sauh bawk!
Screen a Zothana hming rawn lang chu mittui nen phe ruaiin ka en reng a, ani hian engtia rei nge min bum a tum! Anu in Nunhlimi kan hnenah cheng ve tura a rawn sawi pawh khan an remruat kual vek bak a lo ni dawn lo tawp anih hi!
Ka silent hmak a, bag ah ka thun leh a, ka theih anga tam boruak chu hip lutin thawk ka la zui kawk kawk a! Ka lo nep thlawt e! Hmeichhe nep tak ka ni!
Thim hnuah in lam ka pan ta chiah a, taxi pawh hmang lo in zawimuang in ka kal chhet chhet a, ka taksa chhunglam rum vawng vawng mai chu kei leh ka pumchhunga naute chiah hian kan hria a! Midang min rawn hriatpui kher pawh kan mamawh lo! Hre ve tu dang rawn awm phei se chuan min hmusit zui ngawt ta ve ang!
Gate a ka pen luh rual in kawngkhar inhawng huau sa aţang rilru buai tih hriat lutuk mai a Zothana a rawn pen chhuak pawk pawk a! Kei erawh ka ding dat thung!
"Khawnge i kal?" Khauh zet hian a rawn ti nghal hrawih bawk! Chhang lo in ka kalpel a, ani thinin a lo tuar leh tawh bik silo, na zet in ka banrekah a rawn hmer a; min phih let zui nghal nawk bawk!
"A na a nia.." ti hlar pahin ka kut a hmerna chu ka melh a! Thawk a la zui nghal hawk bawk! Ka lakah thinrimna tur a la zawng ngam zawk ania. Zahna tlachham leh lutuk mai!
"Khawnge i kal?" A aia zawi zawk in a rawn phun sup a, mahse nawkluih ngam ani tawh hauhlo tih hriat zet in a chang khel khawl viau.
"I kalna ka zawh biklo che kha.." nui lui sak pahin ka kut ka thing zui ta sawk a! A hmel lang rum ul leh thawk zîn hmel zet vanga dur khup mai chu hlau ang a lan ka tum reng reng lo! Inchhung lam panin ka kal zui ta nal nal a, inchhung ka luh ruala Nunhlimi leh Zothana nu phone a lo inbe thawm, țawng ri lawng lawng ka hriat rual chuan ka kawchhung lam a rawn inlet bulh a; ka uak zui tuar tuar bawk.
"I țha em?" Zothana aw zawi sup mai chuan a hmazawng aiin ka luak chhuak a ti zual vek ! Inchung lamah tlan chho lo in choka lama washroom chu ka pan zui rawk rawk a; chau hnawk khawp a ka uak hnuah chhuatah ka țhu sawp hnawk a! Tlawm ka inti ngawih ngawih bawk!
"Bawihi..?" Zothana rawn lut ve chu ka theih ang a rum in ka lo melh nghek a! Engmah hrethiam lo hmel a pu te chu ka haw hluah hluah hi ani tawp mai! Thinrim lutuk in kut ka hum ruh a, ka taksa chhung hi a tawt kual mup mup bawk.
"Khawnge i kal chhuah reng reng a?" A aw ri a dam thlup tawh a, ka tha zawi lutuk bawk si chu chhuatah ka la țhusawp reng bawk, a rawn țhuthniam ve rual chuan ka theih anga rang in ka ding chhuak zawk a! Zothana phun hluk ri ka hriat rual deuh thaw in ka darah a rawn man a, a awmah ka nem zui dawt bawk!
"Min khawih suh!" Ka ti tuar a! A meng zui kawk bawk!.
"Ka sawi chu i hria em? Min khawih tawh reng reng suh!" A hriat loh hlau lutuk in ka theih ang a ring in ka au khum tawn tawn a! A mitmeng sexy zet talbuai kual lutuk te chu ka haw hlur tawh!
"Tenawn lutuk!" Ti leh țhawt pahin ka dara a kut chu ka phih thla nawk a! Washroom aţang ka chhuak chiah chu Nu Liani hi a lo hawi phawk hra a! A hnung lam a Nunhlimi lo ding ngawi ve reng te chu a sam a kek a va phih thluk nawk mai hi ka duh a! Mahse Zothanmawia washroom aţang a rawn chhuak thawm ka hriat rual chuan kailawn lam panin ka kal zui ta hlawk hlawk a!
Zothana roomah pawh lutlo in ka room hman ṭhinah khan ka lut a, ka bag ah lai chu khumah ka theh kai tawp a, washroom chhungah ka tlan lut a, kawngkhar chhunglam aţang inkalh hnan in kawngkhar ngheng chuan ka țhu thla zui ta hnawk a! Ka chakna neih zawng zawng an bo vek tawh! Ka mipa hmangaih ber in min bum a, kan inneih dawn tawh țepah a fa paitu hmeichhia inah a hruai lut bawk.
Hah! Hringnun duang tu hian ka hringnun ah hian eng fiamthu nge maw a thawh bik le!
"Bawihi; rawn hawng teh.." kawngkhar chu pawnlam ațang a rawn ri zui ta dawt dawt mai! Ka hawng dawn reng reng lo!
"Zodinpui?" A rawn au țhawt a! Mangang ber leh min ngaihtuah ber ang mai a a rawn che chhuak ngam te chu ka rap hluah hluah!
"Rawn hawng rawh ka tih chu.. kawngkhar hi ka rawn tihchhiat kher i duh ami?" A hmazawng aiin a aw a rum in pawisak a neih loh hmel tak zet! A rawn tichhe tawp te anihloh chuan ka hawnsak ngai lo ang!
"Engthil nge thleng a?" Nu Liani aw ri ka hre zawm zat a! Zothanmawia thawk la ri hawk in a zui bawk!
"Ka hrethiam lo.. Engthil tehhrep nge maw a hriat le?" Ti hluk chungin kawngkhar chu a rawn chum ri leh dawp a! Bumtu! Phatsan tu leh ka hmangaihna engahmah ngailo tu mihring anih hi!
"Tinge a Dindini chu?" Nunhlimi chuan a rawn ti ve a, he hmeichhia in min lo hmuhsit dan tur te thleng in ka ngaihtuah kual a, atan chuan Zothana ka laka a chetkual dan vel kha thil hmuhnawm ber ani hial ta ve ang!
Mit ka chhing vang vang a, pawnlam a min bumtu te pahnih hmel chu chiang zet in ka thluakah hian a rawn awm nghal zat a! Zothana ber kher in ka chungah hetiang thil a ti thei hi mak ka ti thlawt!
"Zothan, Dinner ei tura kal chhuah kan ngaih kha..." Nunhlimi țawng ri te chuan ka taksa chhung hi a chhun na vek! A naupai lawmna hun an nei dawn ani ta ve ang.
"Bawihi.. rawn hawng vat teh!" Zothana chuan Nunhlimi chu chhang lo in kawngkhar bawk a rawn chum ri leh dawt dawt a!
"Zanin a mi kha a pawimawh ania, kan let leh hunah ani kha chu buaipui mai rawh."
"Khawngaihin i lo ngawi thei tawh em!" Vin zet in Zothana a au țhawt a! Tenawm lutuk, ka awm tak vanga min ngaihtuah ber ang a lan pawh a țul hrep lo!
Reilote hnuah ka nghen mek kawngkhar chu thil ri chur chur in a rawn nghawr a, kawngkhar vawnchhan chu chhuatah a rawn tla ri bawl a, A rawn innem hawng a, mit ka chhing zui hmiah thung!
" I damlo mai anga sin..." kut lum ka hriatțhan zet in ka biang huh niai chu a rawn tuai hul thuak a, ka țah chhuah hlawp hlawp mai lohnan ka insehruh tlat thung!
Ka chalah rawn fawh a tum rual chuan na lutuk in a darah ka lo nem leh chawrh a! Ka țe chhuak țhawt bawk!
"Engthil nge tih i tum a, min khawih tawh suh ka tih kha. A la chiang lo ami? Nang hian vawikhat pawh i kut khan min khawih tawh suh!" Hrilhhai hmel lutuk a min en reng tu chu ka au khum tawn tawn a, ka kawchhung hi a tawt vek bawk! "LEMCHAN a ngai tawh lo a tawk tawh!" Ka ti leh tuar a, ka țah chhuak bawk si, ka taksa chhung tawt bawk si chu ka insut ri hlawp hlawp mai!
"Ka haw lutuk che.." ka vin chiam thei tawh lo! Beidawng lutuk in ka kut pahnih in ka hmai ka hup a, min ngaihtuah ber ang a lemchan kual a țul tawh reng reng lo!
Vawi lehkhatah ka taksa chu a rawn kang zui nawlh a, keipawh ka che ve phat bawk, ka ban pahnih lek in a sambuk laiah ka țham sak ta nghek a! Zothana rum ri hrawih chu a hmaiah ham zui tawk tum in ka che leh a mahse a lo thlesawn hman hlauh!
"I eng hi nge maw diklo le.." ti hluk chung in a aia kangin min pawm leh nawlh a, a awmah min kuah bet zui nghal tlat bawk!
"I â ţhin e mai.." Beidawn hmel zet hian a rawn phun sup a, Ni e, hmeichhe â tak ka nih hi.. Min bumna pawh hrethiam lo khawp a hmeichhe â.
Khumah min mut a, Nu Liani leh Nunhlimi ka hmu ve tawh lo a, ka pang a rawn khawih leh tur chu na zet in a ban ka lo beng per zui leh ta nawlh a, rum ri hrawih pahin a ding chhuak ve hluai bawk!
"I awmdan hi ka duh lo.. ka lakah lungawi lohna i neih chuan țha takin sawi rawh?" A rawn ti bul nghal vut!
Ka chho melh a, a lungawi hlawl tawh biklo tih hriat zet in a hmel a lang thim mup a, a ding khawng run bawk!
" Chhuak rawh.."
Zalo zet hian a rawn nui huk a! Ka bula lukham chu la in ka vawm zui nghal dawt bawk!
"A mak e aw! Tinge naupang huaibâk ang mai hian i khawsak ziah le.." lukham chu khumah a rawn theh kai leh vut a, na taka sawisak ka chak dan mai chu ah!
Kawngkhar a rawn inhawng a, eitur chawi chungin Nu Liani a rawn lut a, A mitmengin Zothana chu zawhna a rawn zawt a, Zothanmawia hrep lah chuan lu thing nghut chung in a nui suk a! Nu Liani zawk a thaw huai bawk!
"Dindin, thil hi ei rawh, i rawn haw thei silo a, kan lo mangang a lawm.." a rawn ti zung zung a, khum bul dawhkan te ah chuan a eitur rawn chawi ho chu a rawn dah sawk sawk a, kei lah thinrim țhunin ka țhu ngawi ngal mai bawk si!
"Tlem tal ei rawh, kan call lah i chhang thei bawk silo.." dam zet in a rawn ti leh a! A eitur rawn ken ho chu eichakna pakhatmah ka neilo.
"Ka ei chaklo.."
"Het.. chutiang ngawt tur anilo.. a daih hma hian rawn ei rawh le.." dawhkan te rawn pawh hnaih pah chuan a rawn ti leh zung zung a, Khum bul lawk a Zothanmawia lo ding ve run chu rum zet hian ka han melh a, inchung lam hawi chho in a taksa hrawlpui mai che awk khawpin thawk a la a!
"Ka lo va chhuak ang.." a ti zui sup bawk!
Kawngkhar lam panin a kal zui nul nul a!
"Insiam la, kal ang.." Nunhlimi aw ka hriat ve leh rual chuan ka ner zui nawk mai!
Engtinnge Zothana chuan a chhan dawn tih ka ngaichang ru reng a, Nu Liani'n eitur min rawn pek chu ka ban a, ka ngaihsak lo lui der ve hmiah bawk!
"Inhnuai lamah min lo nghak rawh.." a ti sup a, "Bawihi, kal chhuah ka ngai a, hna pawimawh lutuk ania.." min en reng tih pawh ka hria, ka ngaihven duh chuang der lo, ka hma a eitur chu ka hawp lui tawn tawn a, khawi a hna pawimawh mah ani nek lo ange! Hna chhuanlamin zanrei tak tak thleng an inkhung bo a, chuta rahchhuah chu tunah hian an lawm dawn ani ngei ang!
"Ka sawi chu i hria em?" Engtik laiin nge khum lamah a rawn let leh hman ka hrelo, ka banrekah a rawn vuan chawt a, hnai zet ah min rawn bih ngur bawk!
"Kal teh.. ka thil ei i ti tuilo ania.." ka ti hlak a; ner sawk pah in a thle zui bak bawk!
" Tinge thinrimna tur ngawt i zawn le ! Hna pawimawh vangin kal chhuah ka ngai a; i eitur zawng zawng hi lo eizo la, lo mu hahdam ang che. Ka rawn let leh hunah erawh insawifiahna țha tak ka duh thung ang.. " ti nghut chungin ka kut a vawn chu a thlah a, ka fian ken lai hian ka chhu zui fawk dawn maw ni zawk!
An kal chhuak thawm chu khum a mu reng chung in ka ngaithla kar a, gate ațang an tlanchhuah hnu chuan duhthawh zet in thawk ka la a, Ka taksa chhung a na zui vawng vawng mai! Engtia rei nge min bum an tum le? Vawiin khan kal chhuakin engkim lo va hmu lo phei ila chuan an pahnih inkar tenawm tak hi ka hrechhuak lawk lo anga, he inchhungah ka cheng ve reng chung hian nuam tawlin min bum reng thei bawk ang!
Ka dul zawnah ka ban ka dah a, engtinnge ka tih ang! Keiin a fa karkhat pawh la pum lo ka pai reng laiin a fa thlakhat a upa paitu a hruai chhuak a; ka bulah chuan hna pawimawh tiin chhuanlam a siam a! Kei leh ka fa hi engtinnge min tih ve dawn? Min ngaihtuahna pakhat tê pawh a neih loh zia chu tun mai a a khawsak dan ah khan a lang reng bawk!
Kawchhung tawt lutukin ka thawchhuak hawk a!
An duhtawk in nuam chu tawl rawh se!
☆
Ka mutui lai chu ka harh hlawl a, ka rilțam in a rawn zawm nghal zat bawk! Pindan chhung thim raih ah chuan ka hawikual thuak a! Keimah chiahin ka lo la awm! Hah! Engthil nge maw ka beisei reng reng zawk le! Hmeichhe dang a kal chhuahpui thei anih chuan a rawn let leh mai mai hauh lo ang!
Khum bula switch chu ka hmet khep a, pindan chhung rawn eng ta uar mai chuan ka mit a ti var rum rum thei mai! Ka tho chhuak a, Jayden pawh in ka thlen hmain Mami'n a lo ti mu tawh a, ka bul lamah ka hruai chho duh ta lo law law bawk!
Room chhung ațang ka chhuah rual chuan inchhung chu alo la reh raih a! Kailawn panin muangchang in ka kal phei a, Ka beisei loh lutukin Zothana lehkha chhiarna pindan kawngkhar hnuai lam ațang chuan eng a rawn chhuak raih a! Ka ngaihtuahna a thil rawn lut vang chuan ka inhum ruh nghal nghek bawk!
Ka pan hnai a, kawngkhar bul ka thleng zet tawh inher in kailawn ah chuan ka chhukthla nghal sawk sawk a! An thawm kha ngaithla mahila nat belhna tur engthil dang mah ka hriat belh in ka ring lo.
Choka ka thlen rualin light ka hmet eng pup a, eitur ka store na bik chu ka pawt hawng a, Mahse ka thil leikhawl sa chu ei chakna pakhat témah ka neilo, fridge lianpui mai kawngkhar chu ka pawt hawng leh a, a chhung a yoghurt lo awm chu ka la chhuak sawk sawk a, fian la in ka pawt hawng a, stool sangah ka țhu kai nawlh a, ka pum chhunglam ațang chuan min rawn pawt ngawng ngawng hi ka ti ber! Thawk pawh thaw țha hman lo in ka hawp nghal zung zung a, ka ei lai ngei pawh chuan ka ei chak huam huam reng tho!
"Oh.. i mu thei na nge?" Ka hawi chhuak nghal dawr thei! Choka luhna kawngkhar ah chuan Nunhlimi chu night gown dum pan té ha chungin a lo ding ran a! Min nuihsawh tih hriat zet in a țhen sak bawk!
Chhang lo in ka thil ei lai bawk chu ka ei zawm a, thawveng zet hian a rawn pen lut ve a, a thuamhnaw inbel dahlaû lutuk chuan ka luak a pawt tlat mai! Ka kâ chhung a awm zawng chu harsa zet in ka lem a . Fridge chu a rawn pawt hawng zawm ve nghal zat a!
"Zanin khan khawnge kan kal tih i ngaihven miah lo ami?" A rawn ti a, bawlhhlawh bawmah ka thil eina ruak chu ka vawm lut a, chhang lo in fian chu ka sil zui mawlh mawlh a! Ka ei ang chiah chu la chhuak in fian a ban a, ka bul lawkah a rawn ding ve a!
"Nuam tak ani.. Racheli party ah kan kal a?" Ka lamah rawn thle hnai kher chung hian a rawn ti halh a, " Zothana hian ngaihsak che in neih tum tak tak che chu nise zanin ang te khan a bulah ding turin a hruai zawk ang che.. Mahse nang nilo in kei min hruai ta zawk sia.." nui lui hak chung hian a rawn ti a, ka thin zawn a rawn na zawk bawk!
"Party na a kal tam zawk kha chuan kei nen emaw innei dawn an ti fur vek!"
"I rak tam peih mange.." ka ti sep a.
"Engthil maw i sawi kha?"
"I rak tam peih mange ka ti anih chu.." nui lui sawng chung in kitchen towel ka pawtthla a, ka kut huh chu ka hru mawlh mawlh a, a hmaiah tak hian ka vawm zui pawp dawn maw ni zawk le!
"Ka thilsawi awmzia kha i hre miah lo ami? Zothana nupui tur chu keimah emaw an ti vek tawh.. chuthil chu Zothana zawk pawhin pawi a tilo.." na ngei se min ti tih hriat zet hian a thle zauh a. "Tinge nangmah a hruai miah lo che.. a chhan chu ani hian neih tak tak che a tum ngailo.." a sawi zawh hma in a hmaiah tak ri chawrh khawp in ka beng ta sawk a! A țe chhuak țhawt bawk!
"Zodinpui kut min thlak ngam ve khanglang elaw?" A thil ken lai chhuatah a paih thla a, min rawn keh tum a kut a rawn phar rual chuan na luà awmlo in a awmah ka lo nam zui ta chawrh a, țe tuar pahin fridge bangah a tauh zui ta chawrh a!
"Zodinpui?"
Ka phu dawr thei! Nunhlimi lei a ţhu thla hnawk chu Zothana'n a pan hnai zui rawk rawk a! Nunhlimi insut zui hlawp hlawp darah vawnsak chung chuan a rawn hawi chhuak a! A mitmeng a sen rum bawk!
"Engthil nge i tih hi? Ngaihdam dil nghal rawh?" Vin lutukin a rawn au țhawt a! Kut ka hum ruh nghek thung!
"Zothan, ka pum a na.. ka naute.." țap țiau chung in Zothana banah a vawn sak a, Zothana'n ngaisak lutuk maia a buaipui zui chu ka haw haw hluah hluah tawp, fridge ah khan a pum a sawh reng reng lo, a tukhum erawh a intauh ri dawt! Lemchanthiam hlîrh hlérh reuh lutuk!
"Damdawiin ah kal ang.." na ber ang chiah hian a rum a! Ka hmu peih nek lo..
Choka ațang ka kal chhuak zui nal nal a, Mahse Zothana'n a buaipui hlum lo chauh erawh kha chuan min ti na ve thlawt! Ka biang a mittui rawn luang thla pap mai chu ka tuai hul tawk a! Kailawn ah ka chho hlawk hlawk a, an duh leh damdawiin ah chuan va inhruai rawh se! Tenawm dun lutuk.. ani na der ringawt kha tu Doctor thiam tâwp pawhin a natna an lo hmuh sak hlei lo ange!
Khum tlangah ka țhu ngawi reng a! Vawiin ka boruak tawn tehnuai vang hian ât mai ka duh rum rum bawk!
Ka mipa hmangaih ber fa hmeichhe dang in a lo pai reng a; chu hmeichhia chu mi tam zawkin a nupui tur ang in an hre vek tawh bawk!
A țha vek e! An duh phawt chuan innei rawh se!
Damdawiin ah chuan an inhruai ta em tih pawh ka ngaihven zui duh tawh lo! Khumah ka mu thla hnawk a! An duh ang ang a an bum kual theih hmeichhia kha ka ni tawh ngai dawn lo bawk.
Ka harh leh meuh chuan ni a lo sang hle tawh! Khumah ka țhu chhuak a! Alarm clock ka en rual chuan ka meng nghal kawk thei! Zinglam dar 8 a lo pel der tawh.
Jayden ka ngaihtuah chhuak zawk a! School kal a ngai dawn a sin.
Ka mutna khum pawh siamfel hmasa lo in inhnuai lamah chuan ka tlanthla zui hlawk hlawk a.
"Fimkhur rawh i tlusual ange?" Nu Liani chuan alo ti vat a.
"Khawnge Jayden?"
"A kal tawh, Zothana'n a drop anih kha.." a ti a.. ka thaw huai mai!
"Hahdam teh.. Eitur ka siam peih vek tawh ania, va ei rawh le.." ka darah rawn tuai zauh pah chuan a rawn ti leh a.
Inchhung reh ruih ah chuan ka hawikual thuak a! Nunhlimi kha engtinnge a awm zui zel ang. Nu Liani zawh ka tum zet a chu țul ka tih leh loh vang in table lam ka pan a, Pancake siam thar hlim hlawl tih hriat zet in a lo inkhuh țha a, ka hawng a, khawizu a bula lo in chhawp sa chu ka leih kual nghal thuak thuak a! Ka sawi tawh in ka hria, tunțum ka naupai hian theithur lam ka chak miah lo! Eitur ka ngaihtuah reng reng in thil thlum tak lam hlir ka ngaihtuah ngut ngut zel!
"Hmanhmawh lutuk suh.." ka ei bawrh bawrh min rawn fiam pah chuan Nu Liani chuan a rawn ti a.
"Bawnghnute ka rawn lak ang che.."
"Ka lawm e.." ka ti sep a. Chumi rual chuan Nunhlimi chu choka ah a rawn pen lut ve a, ngeiawm zet hian min rawn nuih kher bawk!
"Nu Lian coffee ka duh aw.." awlsam fe hian a rawn ti a, ka ep chiah stool ah chuan a rawn țhu a;
"Hei in rawh le.. " ka bulah bawnghnute glass rawn dah pah chuan a rawn ti a, Nunhlimi chu a be lo hrim hrim!
"Nizan khan Zothana ka bulah a riak tih i hria em?" Nu Liani kal chhuah hnu chuan a rawn ti sep a! Min shock lo ka ti anih chuan dawt chiang tak ka sawi ani ang!
"I duhtawk in ka lakah chuan i che zawm zel thei ang.. mahse Zothana'n min hnaih phah sauh zel dawn tih i hre tel ve dawn nia." Elhsen zet hian a rawn ti a, bawnghnute hian a hmai ah tak ka theh zui țhawt lo chauh!
"In ațang hian chhuak ang che.." ka ti a, a beisei loh lutuk ka sawi tih hriat zet hian a meng phar nghal kawk a! Ka nuih let sak thung!
" Zothana nu in hetah awm turin min ti tih kha i theihnghilh a mi?" Tlanchhe aw dai hian a rawn ti a.
"Mahse ka in ani tawh a lawm.." hawi kual thuak pahin ka hma a plate chu ka nawr sawn a.
"Mize țha tak nei nila chuan he in a i lo cheng ve mai mai te chu ka pawisa lo lutuk! Mahse hmeichhe nikhua lo zet hi ka inchhungah a chenve reng ka rem ti lo.. I coffee kha in zo la chhuak nghal ang che.." ka ti hlak a, thinrim lutuk hian min melh ngawt ngawt a, kut thawh han tum leh vaih teh se.. nizan ang mai mai khan ka tawp miah lo ang.. Nizan kha chuan lemchanna tham lek in a na a, tun țum ah hi chuan lemchan chakna bo țhak khawp in ka siam ang.. chuthil chu ka ti hreh reng reng lo.
Ka thil eina pawh dahfel lo in choka ațang chuan ka kal chhuak a! Zothana bolero gate chhung a rawn tlan lut ve chiah chu kawngkharpui ațang chuan ka hmu a! A bulah sawi tur ka neih miau loh vangin inchung lamah bawk ka chho zui leh nghal daih a! Nunhlimi kha a duhtawk in a bulah zualko rawh se.. thil chhe ber thleng turin ka rilru hi ka siam peih diam tawh!
Khum a puan sin chu ka thlep țha malh malh a, tunah rih hi chuan ka natna ai mahin ka thinrimna leh sual let ka chakna in min hneh tawh zawk a! Chaklo tak a ka mut beh reng lohna chhan pawh hi ka thinrimna vang ani tih ka hria!
Kan mipa hmangaih ngawih ngawih leh inneihpui tawh mai tur, a fa hial ka pai tawh bawk fa hmeichhe dang in a lo pai ve a! A nat dan chu sawifiahna țawngkam a awmlo a ni tawp! Khumah mut bet puiin țap tlawk tlawk pawh ni ila tumah in min dem ngawt thei lo ang.. chu chu thil nihdan tur diktak pawh ani reng bawk! Mahse kei chu chutiang a awm ka tum lo, na lo ka nilo a , ka natna neih te hi inhneh tir ka tum lo mai zawk ani!
Pindan kawngkhar a rawn in nem hawng a! Ka țang zui nghal țeuh bawk! Mahse ka thiltih lai chu ka khawih zawm mawlh mawlh a, Nunhlimi zualko na thu rawn au chhuahpui turin a rawn kal tih ka hria a, rilru fim tak pu turin ka in hrilh zui mawlh mawlh a!
Kawngkhar a in khar rik khap rual chuan zawite in thawk ka la a!
"Inbe teh ang.." bul vut a rawn tih pah chuan khum tlang ah a rawn ţhu thla chawrh a!
"Sawi la.?"
"Nimin khan khawiah nge i kal?"
Ka thiltih lai chu chawlin a mit ah tak ka melh ve ta ran a!
"Ka doctor hmu turin ka kal.."
"Dawt min hrilh suh.." zawi sehchilh zet in a rawn ti tâwk a! Ka nui chhuak hak thung!
"Vanduaithlak tak in dawt ka sawi lo.. Ka thil va hmuh chhuah i hre tel duh em?" Ngeiawm tâwp in ka nui a! Zothana hmel lang chang run mai chu ka en lui ve tlat bawk!
"Nimin khan i doctor hmu turin i kal reng reng lo.. in lam panna chang hre bawk silo, khatiang kha i ching nawn leh anih chuan tun ang mai hian ka en liam hauh dawn lo che ania.."
"Oh.. Engtinnge min tih dawn a.. Keimah ah buai lo in i inchhung pindan pakhat a i hmeichhe khung hran hi buaipui la i hlawk zawk fe in ka ring!.. "
"Zodinpui..?" A rawn ding vut a, a awrawl ring lutuk bawk si vang chuan ka chiai ru der mai! Mahse nghet takin kut ka hum ruh a!
"I duh duh hi sawi chhuak ngawt zel suh, Chuan nizan Nunhlimi lak a i chetdan kha a mawi lo hle bawk.. Zuk chhuk la ngaihdam dil ang che.." chhum hmuk a rawn au țhawt pah in tukverh lam a pan zui vut a! Ani kha kei hian ngaihdam ka dil lul lo ange a!
"Ka sawi chu i hria em?"
"Ka hria in ka hria... mahse ngaihdam dil tumna ka neilo.." chal chuar tap chung in min melh run a!
"In ațang chhuak turin ka hrilh tawh a, chhuak rawh se.."
Ngeiawm lutukin a rawn nui chhuak hawk a! Kei erawh ka lo nâ zawk thung!
"Engmaw i sawi kha?"
"Nunhlmi khu in ațang chhuak turin ka hrilh.. hrelo der kual vel suh.. i bulah engkim a sawi tih ka hria.. a ni a chhuah dawn loh chuan kei hi ka chhuak thung ang.." ka ti ve ta hmak a! Zothana hmel dang ta hlawk chu ngaihpawimawh loh hmel fe in ban ka phar hliai a!
"Amah nge keimah chhuak zawk dawn.." ka ti leh kher bawk!
"In sawifiah i ngai tak zet tih i inhria em?" A kut lehlam a kekawr hak ipte ah zen luh pah chuan a ri hluk a! Ka nui chhuak ta hak thung.
"Zothanmawi kei nilo in nangmah zawk kha insawifiah ngai i inti lo ami? Oh.. țul i ti leh tawp nang.. nang te chu midik ber a lawm tiraw i nih..?" Ka ti zui hlak a, a insehruh nasat zia chu hrilh nawn ka ngai tawh lo!
"Engtia rei nge i fa, hmeichhe dang in a pai thu hi zep i tum a?" Ka ti a, ka thusawi tawp lamah erawh ka natzia ka thup hman lo, ka aw a khur ti tih a, Zothana rawn hmuh loh turin ka kut chu ka hnung lamah ka hum bet zui ta tlat bawk!
"Engthu lawilo nge maw i sawi le.." ti hluk chung in thawk a la hawk a!.
"Zep hlen theih i inring tiraw? "
"I sawi awmzia ka hrelo.."
"A țha e. Nunhlimi'n i fa a pai thu hi engtia rei nge zep i tum a?" Ka ti a, a hawi zui dawr a! Tenawm leh lutuk! Ka hrechhuak ngai dawn lo emaw tiin thlamuang takin min lo bum a, tunah chuan engkim ka hrechhuak vek tawh!
" I thikthuchhe lutuk hian i duh duh sawi ringawt suh.."
"Zothanmawi he thil hi thikthu chhiat vang anilo! I chetdan tenawm tak ka hriat chhuah chungchang anih hi kan sawi, tunah hian i duhthlang rawh.. Nunhlimi khu nge chhuak dawn a keimah?" Ka ti let nghek a!
"A tumah in chhuak dawn lo.. chuan i duh duh sawi ngawt tawh suh.."
"A țha.. chhuak turin min hrilh ang ah ka ngai a nge.." nui sak chung in lu ka chet zauh a!
A ding ngawi ngul chu enga tan mah ngailo in ka kal chhuak a! Kawngkhar bul maiah Nunhlimi a lo ding reng anih chu!
"Engthil nge ti a i inhriat a!" Ka ti hlak a, Zothanmawia zawk in chhunglam ațang rawn chhuak in min kai hrang nghal dawr dawr a! Ka tha neih zawng zawng in ka țang ve a chu a ni tha chak lutuk chu ka hneh lo lulai lutuk!
Ama mutna pindan chhungah min kai lut a; kawngkhar a nem phui bur rual chuan a lock zui nghal zat a; khum lamah min kai phei dawr dawr a, khum tlangah min nawr țhu a, ka sual let ve tur chu hneh zet in ka darah a rawn țham zui hmiah a!
" I thusawi kha sawifiah rawh.." ka hmaah a rawn țhuthniam ve rual chuan a rawn ti zui tâwk!
Ka ner zui ta nawk!
"I kâ tereuhte ațang i duh duh sawi chhuak in i thinrim a nga. Kei hian ka en liam mai mai ang che maw? I puitling thei thlawt lo anih chuan kawngdang pawh in ka enkawl thei tho che ania.."
"Nang a enkawl hi ka ngai lul lo aw. I duh leh i fa paitu saw va enkawl rawh.."ka ti hlak a, ka darah a țham beh hneh lutuk vangin ka la au khum ring lo mah mah!
"Eng chungchang nge maw i sawi reuh le.."
"Dawhheh pa! Hrelo der suh.. Nimin khan engkim ka rawn hmu vek tih hre rawh.." ka ti țhat a, ka dar a hmerna tha chu a thlah dul ruai ruai a! Tenawm leh lutuk!
"Kha hmeichhia in check up pui tur a i hruai te.. cabin ațang i hruai chhuak lai te kha ka rawn hmu vek che u.. Hah! Damlo pangngai pawh nilo in i fa thlakhat a upa a lo pai reng a! Engtia rei maw thup i tum a?" Nui lui kher pah hian ka ti zui hlak a! Zothana ner nawk chu a biangah tak ka beng zui chawrh lo chauh!
" I fa a pai tawh a. Enkawl zui zawk rawh.. keichuan min bum tih ka hriat rual khan ka rilru ka siamfel tawh.. kan pahnih inkar hi a tawp tawh.. chuan i fapai mek tu anih ang bawk in he inah hian cheng zui zel zawk rawh se. Kei ka chhuak ang.. "
"In ațang hian i chhuak dawn lo.."
"Min dang lui thei lo.. chuan ka pum chhung a naute hi i fa anilo.."
"Zodinpui.." sehchilh zet hian a rawn ti tâwk a! Ka lo nuih let sak thung.
Thuamhnaw bawm ka hawng a, ka thinrim lutuk bawk si chu ka thawchhuak leh hawk hawk zel a, bag ah ka thuamhnaw ka khung khawm a! Ka thinrimna chanve kha bo tawh in natna in min rawn chenchilh a, mahse nakin zel a nat reng ai chuan tunah hian kan inkar hi tawp vek law law se ka duh zawk a! Ka na reng bik te hi ka thiam loh pawh ani ve thei tho! Chuvang chuan kal hrang ila.. keima ke ngeiin ding ila.. rinchhan ka neih chuan chu ka mi rinchhan in min tihnat ruala tuar ber tu ka ni zawk zel a. Chuvang chuan tumah rinchhan lo a keima ke ngeia dinchhuah ve tawh a țul ta pawh ani mahna!
"He i thuthlukna ah hian i inchhir miah lo ang maw?" Zothana aw zawi sup vang chuan ka chawl dat a!
"Inchhirna tur ka nei ami?" Ka ti kher bawk.
Thawk a la zui ham ham a!
"A țha e.. kan awm hran rih hi a țha zawk ani mai thei.. mahse in ațang hian i chhuak dawn lo.. i in ani tawh a, hunthawl i mamawh rih anih hi.." ro zet hian a rawn ti halh a, hawi let a a hmel landan enlo turin ka in hum ruh țeuh a!
" I hriatreng tur chu, keihian ka bum ngailo che.. chuan.. ka hmangaih bawk che, tunah hian engpawh sawi mahila min ring dawn chuang lo bawk. Kan awmhran rih țhatna chhan tur pawh ani mai thei.." a ti sup. Che lo in ka ding ngawi reng a! Ke pen a rawn hnai a, ka hnunglam ațang pangtilum in min rawn uap a, "In enkawl țha ang che. " ka beng zawnah a rawn thawchhuak leh hak bawk.
Ka beisei loh lutuk in a ban hrawlpui chu hnunglam ațang ka dul zawnah a rawn suih a, ka bengah a hmuiin a rawn nawr leh vang vang a! "Rilru fim put vat tum ang che.. " ka bengah a hmui a nawr reng chung chuan a rawn ti leh sup a.. A kut suih zawm chu a phelh a, ka kawrhak chhanah dimte in ka dul chu a rawn chul a! Ka insehruh nasa kher mai!
A ke pen a hla tual tual a, pawnlam ațang kawngkhar a rawn in khar ri khap a! Ka ruak nghal vek bawk!
Mahse a pawi lo.. Bum nih reng ai chuan natna neih a, chu ka natna sual chhuak chunga nun hman ka duh tawh zawk!
*UNKNOWN'S POV*
Rang tak in bathlar lamah ka kal chhuak vat a, ka phone ah chuan number ka dial zui nghal zat a!
Takzet chuan! Tinge he mihring hi a laktlak lo em em zel mai le..
Ka call nawn leh ngat a! Tunah hian a che chhe thiang tawh lo reng reng! A che chhe leh anih chuan kei ngei pawh hi min man chhuak ani mai!
"Hello.." a rawn ti sup a! Thinrim insum zetin ka thawchhuak hak thung!
"Tinge call i chhan theih ngailoh a ?"
"Tunah ka chhan tawh hi.." a rawn ti hluk a; ka ner nawk mai! Mamawh viau lo ila chuan he mihring hi ka hnaih ngai lo ang!
"Engkim a kal tluang vek a, kan remruatna ang in engkim a thleng a, tunah chuan i hna i thawh ve a hun tawh.." ka ti a.. Hahdam hmel fe hian a rawn thaw ham ham a!
"I che chhuak thei tawh ang, mahse eng thilah mah ka hming a lan ve ka duh lo tih i hriat tawh kha.."
"Ka hrethiam e.."
Phone ka hmeh tawp rual chuan ka nui sak a! Tu mihring nge a remruatna awlsam tak mai a a hlawhtlin a lawm lo awm ang le.. Mahse kan mihring tlaw zet a hi Goa kal țum ang chiah a a chetchhiat leh chuan engkim a buai vek thei thung!
Nghet zet in ka kut a phone chu ka hum a! Ka hming a lam chhuak lo turah ngai ang! A lam chhuak anih pawhin tumah in a thusawi an rinlohna tur atan ka lo inven lawk ve a ngai dawn a.. Engkim tluang tak mai a a kal zel anih chuan ka naupantet ațang ka mipa atchilh tawh hi ka ta chiah ani tawh bawk ang!!
☆TE DOY 15K☆
Chapter 33
By
Abbra Reo Ririni Khiangte(Pitartei)
If you want to be ORIGINAL,
be ready to be COPIED😝
Khumah ka ţhu thla hnawk a! Ka taksa chhung hi a tawt tup tup bawk! Pindan kawngkhar pawn maiah Nunhlimi a lo awm leh tawh tih hriat zet in Zothana chu a lo be zui ta sawk sawk a, Min hmangaih ber anga a lan lai khan hmeichhe dang a lo nei reng a! A ta chauh ka nih thu leh ka ta chauh a nih thu a sawi lai khan, a ni chuan hmeichhe dang a lo nei! room chhungah chuan ka kham khawp boruak ka hmu zo lo. Engkim mai hian min hmusit ni mai in ka hria a! Ka hawi kualna lam apiang ah Nunhlimi hnehtu chan chang in ti hmel leh min ngaihnepna mitmeng ka hmu tel zel a, Ni e..Min lo ngainep ngawt ang! Ka mipa hmangaih berin a mit hmuh laiin a duh duh in min bum kual thei miau a lawm!
.
Nunhlimi nen in an chhuahsan tih hriat zet in kailawn ah thawm a awm thla a, ka lungphu hi manganna leh natna vangin an phu zui dawt dawt a, kha hmeichhe hruai chung khan a kal chhuak thei anih chu! An thawm chu ka ngaithla reng a, ka bulah insawifiah tumna pakhatmah a neilo te chuan min tina zual ngawih ngawih!
Gate aţang motor tlanchhuak thawm a awm rual chuan Nu Liani zawk mangan hmel zet hian a rawn tlan lut a, chhuat a ka bag let reng leh kei khuma lo ţhu zawi reng min rawn hmuh rual chuan meng kawk chungin min rawn pan nghal rawk rawk a! A fa thlakhat a upa paitu zawk thlang in a kal chhuak tih hriat tluk a natna dang a awm tawh lo ang.
"Engthil nge thleng a?" Khum tlangah a rawn ţhu thla ve a, ka kut a rawn chelh bet nghal tlat a, tahchiah chuan ka nat lutuk vangin ka tha a khur tih ka hrethiam chiah!
"Dindin?"
"Ka ta a ni tawh lo.." ka țawng tawp rual chuan ka hrawk a na nghal ţung mai!
"Engnge i sawi awmzia, khawnge Zothana leh Nunhlimi kha an kal dawn?" A rawn ti leh a. Ka hriat bik loh zia hria se min khawngaih zawk hial ang!
'Nunhlimi khan a fa a pai a, min bumna zawng zawng ka hriat chhuah rualin an kal chhuak ta anih kha!' ti a au khum nghek mai hi ka duh a, mahse ka thei lo, ka kawchhung lama natna hi ka țawngchhuah rualin a rawn puakdarh a nga! Ka kehchhe vek ani mai!
"Dindin.."
"Keimah a awm ka duh.." Ka aw zawi lutuk chu boruakah an thamral nghal vek! Mit ka chhing a, Nunhlimi lemchang Zothana'n a buaipui hlum lo chauh kha chiang zet in a rawn lang a, min bum loh thu leh min hmangaih thu a sawi vel maw? Nizan zankhua in a bulah a riak thei chung khan min hmangaih a la inti cheu a maw? Ha! A ropui ve reng reng e!
"Engthil nge thleng a?" Nu Liani bawk chuan a rawn ti leh halh a. Min ngaihtuah em em tih ka hria a, a bulah hian thil thleng pawh sawi vek tur ka niin ka inhria a, Mahse ţawng tur pawn tha ka nei tawh lo, ka taksa chauh vang nilo in ka rilru a nat em vang in ka kà te hi a chilh tlat, 'Min mamawh hun apiang ah i bulah ka awm ang!' Tiin min hrilh ţhin a, hah! hei hi ka chiang, a ni phatsantu kha vawikhatmah ka mamawh tawh lo ang!
Zothana leh Nunhlimi an kal hran aţang ni hnih a liam tawh a, Zothana ka ngailo tih ka sawi anih chuan dawt chiang takin ka sawi ani ngei ang! Zanah ka muhil thei ngai bawk silo, ka muthilh ve chhunah pawh ka țhanharh rualin a pangtilum ka zawng nghal zel a, mahse bum ka nihna in min rawn chenchilh rualin rilru na tak in ka inhnit chhuak hlawp hlawl zel!
Zan mut țhatloh na na nâ chuan ka taksa a chaklo zui vat a, thil ka ei hleithei bawk silo, ka pum chhung a naute k ngaihtuah vang in tlem ka ei lui a, mahse ka luak chhuak lehnghal zel a! Chau zet in khumah bawk ka mu hlawm leh tawp zel. Vanneihthlak zetin Jayden a fel a, min bawhbuai ngailo a, Zothana awmna min zawh chang in chhandan tur ka hre ţhin lo erawh hrehawm ka ti ve ţhin tho!
Zanlaiah ka muhil ka harh leh hlawl a, zandang chu nise thil eng emaw ei chakin ka rilțam leh ngawih ngawih ang, mahse tunah chuan rilțam lam a lang tawh lo, keimah a natna awm tel tlat fight let tumin ka insehruh vat a ngai ţhin a, Zan hunah hian ka natna kha a rawn zual sauh emaw tih theih tur hian ka țhanharh rual hian ka lungphu a rawn rang dawt dawt ţhin! Thawk la ham ham in khum aţang ka tho chhuak a, Tunah te hian engnge a tih ang! Hneh tak maia a taksa a min kuah khawm vek ţhin ang chiah khan zanin hian Nunhlimi zawk a kuah a nga! Ka chanchin sawiin min nuihsawh zet in an awm hial mai thei!
Ka ngaihtuahna vang chuan ka tawt zual sauh mai! Thawk la vak pahin ka tho chhuak a, tukverh lam chu ka pan a,ka nem hawng a; thlifim a rawn thaw lut heuh heuh mai, Pawna street light eng dul ruih chhun phak chin chu a reh ngawih ngawih bawk.Van lam ka thlir a,Ruahsur zawhna la reilo mahse van chu a thiang kuk a,Thla eng kulh bulah chuan chhum dum an awm chek bawk.
Khawpui reh tlawk tlawk ah chuan thawm dang hriattur pakhatmah a awm lo, reife van lam en chuan ka ding tawh a, mihring nunah hian thiltam tak a thleng ţhin a, ka chunga thil thleng tam tak te pawh hi dawnsawn thiam a har ţhin em em a, mahse tlusawp a, ka chunga thil rawn thleng te leh natna ka neih ţhinte avanga ka tlu hlen anih ngai chuan khawvela hmeichhe chaklo ber ka ni mai ang tiin ka infuihfo ţhin a, harsa mahse ka fapa tan leh ka fa lo piang tur tan hian nu ţha tak ka ni thei em em ang!
Jayden school ah ka drop zawh hnuah ka doctor hmu turin ka kal tlang nghal a, ka thil ei țha lo lutuk vang in min hau dawn tih ka hrereng a, ka huphurh ru tak zet! Nakinah chuan ka dul hi a la rawn puar a nga, chet zung zung te ka harsat a nga tih vel ngaihtuah in ka nui sak a, Jayden-a'n ka pum rawn ţhanglian chho a hmuh ruala a awmdan tur leh zawhna angah dan tur suangtuah chung in keimah chuan ka nui ver ver reng mai!
"Doctor a awm em?" Lo duty hnenah chuan ka ti vat a; a ban a sana chu a melh zawk a, "A awm e. I lut thei nghal ang!" Nui sang chungin a rawn ti vat a, damlo dang nghaktu an awm lo bawk a, kawngkhar lam chu ka pan zui nghal vat a, ka doctor hi a thiam in hmeichhia bikah chuan a lar a, a damlote dinhmun a hrethiam in tlem a harsa zawk te pawh ţanpui a hreh ngailoh ang bawkin in entirna man te hi a lo tihhniam sak ţhin, doctor thiam tak tak induh lurh mai te ai thlawt chuan ngainat a hlawh daih zawk bawk!
Kawngkhar chu ka kutţangin ka kik ri keuh a! Duty in a hmuh theih nghal a tih vang khan a chhungah midang an awm ka ring lo ve tawp, kawngkhar chu ka nem hawng a! Doctor chuan min rawn nuih nghal sang a, mahse a hma a mihring ţhu te pahnih vang chuan ka khur chhe lo chauh!
"Aaa. Duty khan i lut nghal thei min ti a!" Bahzet hian ka ti a! Zothanmawia rawn inher vut chu ka melh zawk a! A bul a ţhu nu rawn hawi let ve hmel ka hmuh rual chuan ka tlawm nawn ngawih ngawih! Check-up turin a hruai thlap bik a nia!
"A pawilo, rawn lut rawh.." Doctor zawk in a rawn ti a, chetsawn mai ngaihna pawh ka hrelo, Zothana chuan chik lutuk in ka taksa chu a rawn en ngur a, Nunhlimi erawh in ' I lak ațang ka la hrang ta!' ti ang hrim hian min rawn nuih thung!
"Pawn lamah ka lo nghak mai ang che u.." ka ti sep a, nghet zet in kut ka hum ruh tlat bawk! Kawngkhar aţang ka chhuah rual rual chuan duhthawh lutukin boruak ka hip lut nghal kawk a! A lakah khan engnge ka la beisei ve cheu a? In check-up tura min hruai ve kher ka la phut hial zawk em mawni?
Țhutthleng ruak lo awm lam chu ka pan a! Ka nâ thlawt tih erawh ka inhria!
Ka ep chiah bang chu ka melh reng a,
Tih mai tur hrelo in ka ṭhu reng bawk! Ka melh ngai melh in ka khap fak fak a, Engkim hi a taka thil thleng a nih ka la ring theilo fo a nih chu! A fa pai ve tudang in check up a a hruai thlap laia kei leh ka fa ngaihsak lo ka nibik lutuk chu ka tha a na tak zet bawk! vawi leh khatah ka khup a rawn sai leh hlawl hlawk zel a, nghet zetin ka țham bet a, na tur ka nilo tiin ka infuih zui mawlh mawlh a! Ani kha thlang zawk lo se chuan ka bulah insawifiahna țha tak anei a nga, ka hriatfiah loh te min hrilh bawk ang, mahse chung thil chu tilo in hmeichhia nen min chhuahsan! Ka chan tlawmthlakzia leh zahthlak zia chu tumah hian an ngaihtuah thiam lo zawk ang!
Kawngkhar rawn inhawng thawm ka hriat rual chuan thawchhuak lo in ka thawklak chu ka chelh ta reng a! An pahnih laka ka tlawm lutuk chu ka zak hluah hluah a, ka taksa te hi an sa hulh hulh thei mai
"Engnge i an zel a?" Nunhlimi aw ri zang vah mai ka hriat rual deuh thaw in ka hmaah tak a rawn ding zui ta ran a! A bul lawkah Zothana a rawn ding zui ve hmiah bawk!
Muangchang in ka hawi chhuak a, Nunhlimi chuan kawrfual hring a khup khuh a ha a, a ban a bul bawk! Ka mit ah tak min en let ranin a nui leh sak a!
"Ka țha.."
"Ka ring.."a dar chhin zauh chung in a bula Zothana ding ngawi ngul chu a melh zawk a. "Ka sawi tawh kha, a inenkawl thei lutuk.." a tih zawm leh zat bawk!
"Min lo hrethiam ula, ka luh a hun ve tawhin ka hria." Ka malchunga ka bag hmer beh tlat chu ka ak țha a, Zothana ding ngawi ngul chu melh ve zawk pahin ka ding chhuak a, nui sang chung a Nunhlimi tawlhsawn leh chu ka kal pel a, Doctor cabin lam pan chuan ka kal zui nghal ta hlawk hlawk a, Ka taksa khur ru dar dar te, Kawchhung lam rum vawng vawng te chu haider tum pawh ni ila ka thei lo, Mahse vawikhat pawh a ni khan ka chaklohna lai hi min hmu tur a nilo!
.
Ban tha chak lutuk in ka banrek a rawn chelhbeh rual chuan ka ding chawt a, ka hnunglam ațang a rawn thawk lum hak rual chuan tunge anih ka chiang ngang mai! ka insehruh ta nghek a!
" Kan pahnih in hmu ang.." zawi zet hian a rawn ti sup , Ka nâ lutuk chu sawi ngaihna pawh ka hrelo! A fa pai mek tu hmeichhe dang a buaipui zawh hnuah ka rualin a rawn lut ve leh ang maw? Hah! Mihring pawh ani hrep lo e!
Muangchang in ka inher a, ka banrek a vawnna chu ka melh a, chumi hnu chuan a mitah tak ka melh zui leh nghal siah bawk!
"Engnge i rawn tih ve ang?" Mit kan khum ak chung in ka ti kher a! A ner zui nawk bawk!
"Ka thusawi awmzia kha i hria tih ka hria a lawm.." ring hauh silo hian a rawn ti hluk a, na zet in ka kut ka phih let nghal sawk thung!
"Ka hrelo, chuan ka fa țhat leh țhatloh hre turin ka kal a, mihran in min buaipui a țulna ka hrelo, nang chuan i fa pai mek tu chiah kha ngaihsak rawh.." ka țawng ring biklo, mahse a hriat tur atan chuan a fiah tawk tih ka hria! Thip zetin ka melh leh phawt a! Zahna tlachham leh lutuk! Nikhatah a indawta a fa pai mek tute in check-up a luhpui a zak miah lo emawni zawk ni!
Cabin chhung a ka luh hnu thleng in a ding ngawi ngul a, kawngkhar ka kharphui a, chesawn mai lo chuan kawngkhar herhna chu ka hmer zui ta ngawt ngawt a! Tunlo pawh khan an pahnih vang hian natna tur tamtak ka la hmu dawn a! Chakna ka mamawh belh zel dawn bawk!
Ka rin ang ngeiin ka Bp a lo hniam a, ka rihna a tlahniam dawr bawk, chuthil chu doctor in a hriat rual chuan min hau zui ta nghek a, thil ei țha turin mim sermon khum ti ila a dik ber ang! Nichina Zothana leh Nunhlimi te chanchin a sawi ri miah lo chu ka lawm hluah hluah bawk! Damdawi ei tur min ziahthlak sak țeuh a, ka taksa a chakțhat loh chuan ka naupai in a tuar thei tih leh rilru hahdam a, mut tam ka mamawh thu chu ka chhuahsan hmain a sawi zui leh ta hram a!
Kawtzawl ka thleng chiah tih ah ka sir lam aţang ka banrek ah a rawn hmer leh ta chawt a! Ka lo inring bawk silo nen ka tawlh let dawr mai! Thawk la hawk chungin ka hma a mipa ding ngawi ngul chu ka melh a; ka kut a ka in entirna lehkha chu ka banrek a la vuan reng chung chuan a rawn phih thla zui nawk a! A hmaiah tak ben let chawrh mai ka chakzia chu pui tak ani ringawt!
"Min rawn zui rawh.." ti sup chung in damdawi zawrhna lamah min kai zui ta dawr dawr a; chuthil tak chuan min ti thinrim hlur mai! Ka tha tawp in ka țang ve a; mahse min vawnna chu chhete pawhin a thlah thawl chuang lo, midang in hawi let meuh a min en tak ţhup hnuah chuan thinrim țung chung in ka inthlahdul a, ka lehkha pawimawh a keng miau a, damdawi dawr hmaah a ding vut a, dawhkan sang lo awmah lehkha chu a dah zui thlawp bawk.
"Heng ho hi kan mamawh!" Dawr lo nghaktu en run chung chuan a ti hluk a, ka banrek pawh a chelh zui reng bawk!
Ka thinrim bawk si! A duh ang ang a min pawh kual a tum leh damdawi lei țalh a tum te chu ka haw ngawih ngawih tawp!
Min rawn thlek zawk rual chuan rum zet hian ka lo melh nghek a, hnar tum dat chung in a hawisawn zui leh vut bawk.
Damdawi dawr lo nghaktu in plastic bag a damdawi a rawn khung fel vek hnu chuan a wallet a phawrh chhuak a, pawisa a pe a, plastic bag chu a khai vut a, min kai let ve nghal dawr dawr a!
Mipa nih a, a taksa ang a taksa hrawlpui neih ve a, tiatpui hnek thluk tawp mai ka chak zia leh ka suangtuah kual nasat zia mai chu!
"Lut rawh!" Phun hluk pahin bolero kawngkhar chu a pawt hawng pawp a, ka banrek a vawn a thlah rual chuan a kut a plastic bag chu ka phih thla nawk a, lei ah ka paih zui nghal pawp bawk!
"Bawihi?" Ka chetdan chu a lo beisei lawk hauhlo tih hriat lutuk in a ban a phar hluai a! Ka thinrim lutuk chu ka thawk a rang ve vek bawk! Ani hian engangah nge min ngaih! Damdawi leina tur pawh neizo lo leh hmeichhe dang a buaipui zawh hnua a buaipui tur hmeichhia ang lek ah maw min ngaih a! Khanglang chuan!
"I sum tam tak kha hmanna tur i hrelo anih chuan miharsa tak tak hnenah pe mai ta che.. ka mamawh ve nek lo e..'' ka natna vang ni tawh lo in ka thinrim lutuk vang zawkin ka aw a khur a, kawtzawla midang lo awm ve ho chuan min rawn en ţhup bawk!
Zothana chu rum zet a melh leh ngat pahin ka inher zui ta hmiah a, mahse engthil nge thleng leh ta hi! Ka banah na zet in a rawn phih sawk a; ka banruh a dawk emaw ka ti hial zawk tawh! A hmel ka hmuh theih rual chuan midang min en țhup tu te pawh ka zahzo tawh biklo!
"I kut bawlhhlawh zet hian min khawih tawh suh!" Ka au nghal tuar mai! A hmel pa zet chu a thim khup , a rawn rum ri hawk a, a mitmeng pawh a thim ruih, Midang hi awm ve lo se chuan min pawtsawm vek duh in ka ring! keipawh hian a biangah hian na zet in ka beng chak takzet.
"Tharum ka hman ngailo in lut mai rawh!" Chang zet hian a rawn ti chhuak hrawih a, a darah chum pawp tuma ka panhnai chu hneh zet in ka kawngah zawk a rawn chelh a, ka kang zui ta nawlh a, kawngkhar a lo hawn tawh sa ah chuan min hlang lut zui ta nawlh a, ri dawp khawp a kawngkhar a rawn nem phui rual chuan chhung lam ațang hawn ka tum zui ve zat! Darthlalang chhan aṭang min rawn nuih suk anih chu!
"Hmel a.." ka tih ngaihna hrelo chuan darthlalang chu ka beng zui pawp a, a chahbi hmang in a lo lock fel der tawh! Takzet chuan! Ka haw lutuk! Nui suk chung in a ding mar a! Lei a ka damdawi paihdarh ho chu a thlek vut a, chhar khawm lo in motor chu a rawn kal hual ta pawk pawk a, a rawn luh leh ruala vawikhat tal kut ka thlak lo anih chuan ka awm a nuam dawn reng reng lo hi a ni tawp mai!
Driver side kawngkhar a rawn pawt hawng a; kei thinrim lutuk a lo ţhu, thawk la kawk kawk chu pawisa lo zet hian a rawn nui lut leh cheu bawk! Ka tuar thei tawh thlawt lo! Seat ah a țhut fel rual chuan ka bag dum ken lai chu a phe fua a, a awmzawmah a rik dawp rualin Zothana chu a thaw ri nghal hawk bawk!
"I va kawlh e aw.." phun hluk chungin ka bag chu a phih zui pawp a, a khaina lai a ri zui țhawt bawk!
" Hahdan teh, tinge i rik vak ţhin le.." min melh khui chung chuan ka bag chu motor seat hnunglam ah a theh phei ta daih a! Ka pheikhawk bun lai hi phelhin ka vaw zui leh pawp pawp zawk dawn mawni hial le!
"Naute khan a nu khawlh zia hi hria se i duh em?" Zawi si, ngainatawm loh zet in a rawn phun leh hluk a! A samah ţham sak tumin ban ka lek zuau tawh, mahse nghet lutukin ka hmai zawnah ka hum ruh ta nghek a! A chhan chu he a taksa hrawlpui hi kei tha neilo lutuk hian ka sawisa na zo ngai dawn lo! Ka chhaihkawlh mai mai bakah ka tha neih chhun ka seng thlawn mai mai dawn!
"Ka thusawi i hrethiam chu a lawmawm e.." chimawm zet a nui huk pah hian a rawn ti leh kher a! Ka haw hlawm tawp hi a ni tawp mai!
Ka chhang buai peih tawh lo! Seat nghenchhan chu ka ngheng dawt a, mit chhing in thawk ka la zui nghal ham ham bawk! Ka biang rawn lum thla pap mai chu ka tuai nghal tawk a! Natna.. zahna leh thinrimna in ka kawchhung hi a tawt vek!
A thawk lak danah chuan min en reng tih pawh ka hria a, meng kher lo pawhin chuthil chu ka hrethei miau a lawm! A fa pai mek tu leh in ațang a chhuahpui hmeichhia in check up in a hruai zo chiah a, tunah kei engmah neilo ang mai a min chhuah in ka damdawi tur a lei kual vel a! Huh! A nâ in a thinrimthlak hluah hluah hi a ni tawp!
Mit ka chhing reng chung chuan boruak che vel ah chuan feel ka nei a, a suallo reng bawk; a kutphah hrawl leh lum vung vung chu ka lu chungah a rawn nghat a! Ţap chhuak hawk mai lo turin ka hmui hnuai ka seh a! Zanlaiah ka țhangharh changin he pangtilum hi ka zawn ruai ţhin anih kha!
"Tinge nangmah leh nangmah i intih hah duh ţhin a, rilrufim put tum rawh ka tih tawh kha.. !" Zawi sup tak tak in a rawn phun a. "I taksa kuah thei lo in zan hnih ngawt min siam tawh lehnghal .." a thusawi tawp lamah chuan ro zet hian a nui ri hawk bawk!
"Ngawi tawh rawh.." ka ti nghal hlar ringawt! Ka lu chungah a kut nghah reng chu phih thlak sak nawk tum hian ka che a, a banrekah ka vawn rualin a rawn che vut a, ka nghawng hnunglam ah a rawn zen lut a, a taksa hrawlpuiin min rawn hnaih vut rual chuan a hmui lum in ka hmui a rawn si zawm nghal hmiah! Ka khawng vek thei mai!
Ka chuap hnathawh hi a tawp ta mai emaw ka ti a!
Ka hmui hnuai a rawn pet kau a, a thaw lum ham ham in ka kâ chhung chu a rawn luah khat nghal vek bawk! A lei a rawn luh tir rual chuan ka harhchhuak ta zawk a, ka taksa danglam chu a lo man reng kher lehnghal, na leh zualin a nghawng a vawnna chu a ti nghet a, duhthawh lutuk in min fawp zui ta ngawng ngawng a! Ngenngawl lutuk a ka kâ chhungah a lei a chetkual tir ruai rual te chuan ka kawchhung lam thleng in a za uai uai a, chhang let ve miah lo turin ka inthunun țang țang bawk!
"Luhlul nu!" Min fawhna a thlah rual chuan ka chal a rawn nawr si zawm zat a, a thaw zui nghal ham ham bawk!
"Min hrem reng hian nuam i ti a mi?" A aw khur ru hluk chu ka hriat sual anih ring in ka thawchhuak hak a! "Rilrufim i put theihnan hunthawl ka pe che a, a landan hi chuan i ngaihtuahna atthlak zet kha i kawm nasa zual sauh tih a lang reng!" Sehchilh zet hian a rawn phun leh sup a! A aw a la khur ru tho bawk!
"Awm sawn vat teh.." ka ti ta hlak a, zep thu awmlo! A hma ang chiah khan min fawhna khan keimahah nghawng a la nei a! A thawk lak ruala boruak lum rawn chhuak ve ham ham te pawn ka thinrim lutuk kha an la bengdai thei vek! Mahse chuthil chu a hriat ve ka duh loh ang zet in ka inhuatphah ta hlur bawk!
"Doctor chuan engthil nge a lo sawi a..?" Pangngai zet in a rawn țawng chhuak a, chuan ka lak aṭang a awmsawn miah lo!
"I lo buai ve na tur a awm lo.." ka ti hmak!
Ka hmaizawnah a rawn nui lum hak a! Ka huattawk a tling em em thung!
"A pa hi ka buai lo ang maw?" Ngeiawm lek lek hian a rawn ti hluk a, a awmah ka kut pahnih in ka nem nghal chawrh!
"A pa i nilo.."
"Oh.. Bawihi kei hi a pa ka ni.."
"I nilo, keima fa chiah nih hi.."
" I fa chiah anih theih loh zia chu i hria a lawm, ka thiltih vanga i pumchhung a rawn awm thei anih kha.!" A ti hluk a, a awm hrang hlek a, ka mit ah chiang zet mai a a rawn en rual chuan ka kâ ka ang zuau tawh! Mahse chhan let dan tur ka hriat leh siloh vang chuan ka ngawi leh ta daih a! Zothana rawn nui ri hawk chuan min va han rûn ngawih ngawih tak aw!
"Ka sawi dik, ka thiltih vanga kan fa anih kha.. chuvang chuan a pa ka ni a, nangmah ringawt in i rai theilo tih inhria la ka fa anih tawh loh thu sawi tawh bik suh." A thusawi tawp lama nuihzatna ri tel ve vang chuan a hmel landan ka en lo thei lo! Ka melh zawk a! A nuihza hmel insum landan sexy zet chu rei pawh en duh lo in ka hawisawn lehnghal vat a! Thinrim se, min vin ve tawn tawn se hmachhawn nuam ka ti zawk! Tuna a landan ang hi chuan amah ka huatna neih zawng zawng te hi a reh vek thei mai ang!
"I sawi duh i sawi zawh tawh chuan ka kal thei tawh em?" Ka ti ta sep a! Ka nghawng hnunglam a vawn reng chu a thlah a, a țhutdan a siamrem zui nghal zat bawk!
"Ka rawn haw tawh dawn!" Teh tawp a!
"I duh hun hunah i rawn let thei a lawm, mahse kan nufa in kan chhuak thung ang!"
"Zodinpui..!"
"Oh.. Sawisual ka nei ami? Ka sawi tawh kha.. nangnen inzawm na kan nei tawh lo, i duh chuan rawn let rawh, kan nufa in kan chhuak ve thung ang!" A mitah tak en ran chungin ka nui lui sak a! A hmel a beidawnna rawn langchhuak chu engvang nge anih ka hrelo, mahse kei hi a bum kual mai mai theih hmeichhia kha ka ni tawh lo a, a duh phawt chuan rawn let rawh se! Keini nufain in kan chhuahsan thung ang!
Engmah sawi tawh lo in a thawchhuak hawk a! Amah a hrawl bawk si! Thawk zin hmel zet a thawk a lak ve tawh hi chuan boruak hi a ti uap nghal vek zel!
"Engtinnge maw ka tih dawn reuh che ni?" Phun hluk chung in engine a start a, engtin mah a tih ka ngai reng reng lo!
Clinic kawt aţang a tlanchhuah rual chuan Jayden ka ngaihtuah chhuak nghal zawk a! Dar eng zat nge ni tawh? An ban ruala min hmuh loh chuan a lo mangang vek mai ang!
Ka phone!
Ni dawn tak!
Zothanmawia pui hian seat hnungah ka bag a vawm phei daih a lawm le! Seat hnunglam ka ban tur chu rang zet hian ka darah a rawn țham zui chawt a! Vin hrep inpeih at hian ka en nghal ram bawk!
"Eng thil nge i tih dawn a? Motor tlan lai chuan fimkhur rawh.." damthlup maia a rawn țawng chhuak chu hamhaih zet hian ka en ta reng a!
" Insawh sual palh a awm thei ka tihna nih chu.." min melh zawk a, hmalam a en lehnghal daih a! A thusawi tum ka hriat tak ah chuan tim dai hian ka țhu țha a, "Dar engzat nge ni tawh?" Pangngai tak in ka ti ve mai bawk!
"11:50 a.m. a ni tawh.."
"Oh.. Jayden.."
"Kan lam dawn nia.." min en zawk a, kan inhnial thinrim hrep kha a hre ve tawh miah lo zawk emaw le?
"Doctor chuan engmaw a rawn sawi?" Jayden te school lamah motor chu a turn pawp a, ka va han sawi âwm lo chiang tak em!
Ngawi ngalin hmalam ka en lui ta tlat a, Zothana zawk pawh a beidawn hmel tawh tak zet! Thawchhuak ham ham chung in a kekawr ipte a zen a, Doctor a zawt dawn te pawh ani mahna!
Ka ring dik!
A call a; loudspeaker ah dahin phone chu motor hmalam ah a dah vut a, chumi pah chuan min rawn melh kher bawk!
"Hello."
"Bawihi report ka hre duh!" Ti hmuk chungin kei zawk min en leh kher a! Engkhaw sawi set set lo in ka pheikhawk hian a tukhum ah ka hlap pawp chak tak zet!
"Oh.. A case kha a buaithlak reuh a ni, a rihna a tlahniam a, chuan a Bp kha ka duh aiin a hniam bawk! Thil a ei țha lo ami?" Ka Doctor in a rawn tih lang lang rual chuan tûr zet hian Zothana chuan min rawn melh a!
"A dang leh..?" A zawhna pawh chhang lo in a ti leh hluk bawk!
"A dang vak a awm lo, damdawi ka chawh ho kha ei țha se, mut tam a mamawh a, chu mai nilo in thil ei țhat a mamawh bawk, tun ațanga in inenkawl uluk loh chuan naute insiam hlim khan a tuar phah thei a nia.. ka damdawi pekah khan chawei tuina lam a tel tho a, Dindini pawh khan a ei luih ve a ngai dawn bawk.." cabin chhunga min hrilh ang chiah kha a rawn sawi leh ta vek a! Ka ngawi ran a, min dem hmel zet zet a Zothana min melh khui khui zelna chu ka hrelo der tlat bawk!
"Ka lawm e.. thil dang vang pawn ka la rawn tibuai reng mai thei che a nia.." phun sup pahin phone chu a hmet tawp a! Min hauh hun ka nghak tawp ! Maw! Lawk! Ani hian min hau ngawt thei lo hrim hrim, min bum a; hmeichhe dang in a fa a pai bawk! A ngam chuan min hau ve ná teh se! Ka tihletlehna lampang tur a tuar zawh dawn phawt a thu ani mai!
Insehruh țeuh chungin ka țhu ngawi reng a, Zothana pawh a ngawi zui ta hmiah bawk! Min hau ngam tur anih loh zia a inhria pawh ani ve mahna!
Jayden te school bul motor hunna ah chuan a ding ta dawt a. En pawh en tawh lo in seat hnung a ka bag chu ka ban sawk sawk a, nichin khan a khaina a pawt chhe tak tak anih hi!!!!!
Ka thinrim bawk si! Ka bag hrui chu nghet zet hian ka hum a! Vawikhat tal amah vuak nan ka hmang leh zawk dawn mawni chu le...
Tunah chuan duhtawk phawt ang! Ka fapa in min lo zawng reng tawh mai thei!
Thawk ka la hawk a! Kawngkhar a lock tlat chu a rawn unlock-a, ka hawng zui nghal rawk rawk a, pawn boruak dai zet ka dawn rual chuan ka thaw zui leh hawk bawk!
School lam pan chuan kawngpui ka kan a, ka theih ang a chakin ka kal zui ta hlawk hlawk a, Gate ah ka luh rual in Jayden te class bik pawh an rawn chhuak sang sang a, dan ngai te in an bengchheng ve nak nak hlawm hle!
Ka fapa rawn chhuak chuan min rawn hmu thuai a, phur lutuk in a rawn tlan terh terh a, a bag ah lai a puar ve lah bawk si a, a nui var ver bawk si nen chuan a cute hi ani tawp mai! Mahse ka bul a rawn thlen rual chuan a kang zui ta nawlh a, a khek chul leh Zothana nui ri hawk in a zawm nghal zat a! Ka hawi â hu thung!
"Apa i buai tawh lo ami?" Keimah reng reng min ngaihsak tawh lo, Zothana darah a kuah bet ţai a, a kutphah tereuhte chuan a biang a hmul ṭo chu a khawihsak a, Amah ngai ber ang mai a Zothana'n a lo dawngsawng chu ka rún tak zet!
"Buai tawh lo e.. KFC ah mi?" A ti zui nghal zat a! Jayden a buk nghat rual chuan min rawn en ve ta vut a!
"Kal ila.." Nui zui suk chung in ka fapa chu a kalsawnpui ta daih a!
"Mamma.. faster in lo kal rawh, apa a buai tawh lo.. " kut vai lauh lauh pah in Jayden chuan min rawn au a! Ka fapa hmanruaah a hmang ziah leh ka fapa in kei ai daih a ngaina te hi ka duhlo!
An bul ka va thlen ve rual chuan Zothana bawk chuan ka taksa chu chik zet hian a lo en a.
"Jayden haw tlang zawk ang.."
"Aih, Mamma; a pa in KFC ah french-fries min lei dawn lawm.." rang zet hian a rawn ti ve vat a!
"Lut la; thil harsa pawh ani hleinem." Zothana zawkin a rawn ti vut a, ka melh zawk a, a chhiat loh ngaiin a la chhelo reng, a hrawkbawk langsar zet pawh a lan sexy pui leh hle tawh! Mahse hmeichhe dang thlang tawh tu ani a, keihian ka ngaidam mai mai dawn hauh lo.
Ka ţhu lut a, Jayden-a bag chiah min rawn pe a, Jayden pawm chung a motor khalh leh a tum ani mai thei! Khap ka tum zet a chu Jayden phur lutuk ka hmuh rual chuan ka ngawi leh ta zawk a!
KFC kan thlen rualin Zothana'n order vel a siam a; Jayden lah in awl lo in a ko reng a, ka fapa in hetiang khawpa a ngainat chhan hi ka hre thei thlawt lo, Zothana hian ti huam huam a, toys leh thil dang hmang a vur ţhin a ni bawk silo a!
Phone a rawn vibrate chur chur a, ka bag ka zen zet tawh a, mahse Jayden-a bag bula Zothana phone lo let reng zawk ani tih ka hriat rual chuan ka thawchhuak zui halh a!
Ka ban a!
Screen a hming rawn lang ka hmuh rual chuan ka insehruh nasa ta kher mai!
Nunhlimi leh bawk!
Chhansak loh ka tum zet a chu engnge maw ka hriat tehreng ni!
"Hello!"
"Khawnge Zothana?" A rawn ti nghal tuar a! Ka nui chhuak sak thung!
"Ka bul a hi.. i be duh ami?" Ka ti let ta kher a! A rawn khek tuar ri ka hriat chuan nuam ka ti zual sauh thung.
"Hmeli eng angah nge i lo inngaih a, damdawi leina tur i neih loh a rin vanga buaipui mai mai che kha ilo la thutak leh tawh a mi? " a rawn ti tawn tawn a, a hmel hmu thei ngat ila chuan a sen vek in ka ring.
"Chutiang chuan lo ngai ta pawh ni ila a pawi viau ami?"
"Ka that khawp ang che. " a rawn ti tuar a! Na lua awmlo a nem thluk leh chawrh mai ka chak tak zet!
"Hotel ah kan riak dun ţhin tih a hrilh che em?" Ka kawchhung a che dawt mai!
"A hrilh lo che tiraw? Nang nuthlawi mai mai in a fa i pai ai thlawt khan kei nula pangngai zawkin a fa ka pai hi a la thutak fe zawk! Chuvang chuan harh chhuak la, inthiarfihlim rang rawh.." a rawn ti ram hmarh a! Ka nâ lo ka tih chuan ka daw hle ani ang! Nuthlawi! Hah!
"In aţang kan chhuah zan a thil thleng te kha i hre duh em? " a rawn nui zui hak a. "I lak aţang a tal hrang thei kha kan lawm a sin.. chu pawh khumah...!" Ka mit zui sulh maiin ka hria!
"Tunge a?" Ka bul mai aţang aw thum lam mah rawn ri thut vang chuan ka phu dawr a! Zothana hmel landan buai nawk mai chu ngawi rengin a phone chu ka pe a! Screen a en rual chuan țawngkamchhia phuh chhuakin a off zui ta hmiah a!
"Jay, ei rawh le.." dawhkanah a eitur order ho a rawn dah chu melh pawh ka melh peih lo!
Jayden-a'n a ngai hman tak zet tih erawh ka haider sak thei lo.. a țawng dawn apiang in 'apa' tih thumal hi a lam ri ngei ngei a! Chutih rual erawh in ka lo khawngaih ngawih ngawih thung! Zothana rilru tak tak a kan nufa min ninzia a hrethiam lo lutuk leh a ngai lutuk chuan min ti na ngawih ngawih!
In a min drop a tum pawh chu ka hnial lo a, ka țawng tawh lo hrim hrim ti ila a dik ang! Kei nuthlawi mai mai in a fa ka pai ai chuan nula pangngaiin a fa a pai chu a la thutak zawk fe! Chu thu chuan min ti na ngawih ngawih!
Gate a kan tlanluh rual in Inchhung lam ațang Nu Liani a rawn tlanchhuak nghal vat a! Zothana kan ruala a let chu a lawm ngawih ngawih tih hriat zet hian a hmel ah phurna a langchhuang chiang hle bawk!
"Jayden, apa a lo haw tawh elaw?" A rawn ti chul a! Jayden lah in a chhang phur nangiang mai!
Zothana'n zo zet in a pawm chhuak a, Jaydena bag chu Nu Liani zawkin a rawn khai nghal vat a, ka fapa pawm chung a inchhung lam pana a pen pawk pawk chu a hnunglam aţang ka en zui ta reng a!
Tun anga a awm hi rin harsa ka la ti a! Min bum thei hi mak ka la ti bawk!
Mipa, ka laka vawikhat té pawh dawtsawi ngailo tu leh keimah ka inrin aia nasa a ka rin leh ka hmangaih hian min bum thei a! Chu pawh ka hmeichhe ngainat loh ber lakah lehnghal! A mizia en phei chuan a manganthlak zawk hi a ni tawp mai!
Inchhung ka luh ve rual chuan Jayden nen ke lawng in Sitting room lamah an lo inpawm kual a, Jayden-a'n Bean bag lam a kawk va vâ a; chumi lam pan chuan a hruai zui vut a, Zothana kut vawn sak chung a ka fapa țum leu leu chu en in ka nui zui sak a! Bum kan nih leh thlahthlam kan nih zia a hrethiam ve lo tak saw a vanneihthlak ngawih ngawih!
Ngawi reng in inchung lamah ka chho a, tikhan a let a nga! Nunhlimi nen khumah awmin ka tello a nun hman thawventhlak zia an sawi leh a nga! Tinge maw min ngaihsak tak anga a rawn chetchhuah leh reng reng le!
Pindan kawngkhar zawn ka thleng fel chiah tih ah ke pen thawm ka hria a, rang lutukin ka hawi let dawr a! Zothana chu inzo zet in kailawnah a rawn chhuak chho fel der mai! Uluk lutuk a min melh ngur chungin a rawn pen zui ta pawk pawk a, chetsawnna chang pawh ka hrelo, ka hma ah tak a rawn din khawngluah rual chuan kawngkhar chu ka ngheng zui dawt a! Ani erawh chimawm lutukin a nui zui suk thung!
.
A ban hrawlpui a rawn lek chhuah vut rual chuan min khawih dawn emaw ka ti a, ka ip chawih a, Mahse min khawih lo, A hmel ka en a! a lo nui suk ! A nui hmel pa lutuk chuan ka țah a ti chhuak hlur mai!
"Inbe lawk teh ang.." a khaberuh kual tuai zauh paha a rawn phun sup takah chuan ka inthing harh ve ta vat a! He inchhung changkang zet leh a inthuamdan simple zet si chu a hma ang bawk khan a inrem leh thlup tawh!
"Kan inbiak vek tawh kha.." ka ti hlak a, a rawn rum chhuak nghut a, chumi rual chuan ka kawngkhar nghen lai mek chu a che a, chhung lamah a taksa in min nawr lut zui nghal rawk rawk a!
Ka en reng lai chuan kawngkhar chu a pawt phui a, a lock rik khap hnuah pawh duhtawk lo in kawngkhar ngheng chuan a ding zui ta hmiah a!
"Engnge ti a i inhriat a?" Ka ti nghal chiam ringawt! A țhen suk a, A palian in a hrawl ropui si, Kawngkhar chu duhdah deuh in a ngheng a, polo shirt dum a ha a, a ban tawp lamah a varin a țial phei a, jeans kekawr pawltak ha in Adidas yeezy pheikhawk dum nalh zet a bun bawk!
"Inbia ang ka tih kha !" Zawi sup hian a rawn ti leh a, A mit ah tak en in ka melh nghek ringawt.
"Sawi rawh.." ti hlak pahin thawk ka la a, a duh ang ang sawi vat vat sela a hmeichhe ngaihpawimawh zawk-i hnenah let leh vat zawk teh se!
"I rilru a fim tawh em?" Nui deuh suk chungin a rawn ti a, A kut chu a kuangkuah a, A sam thur deuh siang chuan a landan a ti naupang zual sauh bawk!
Zalo zet hian ka nui chhuak hak a! Zaklo hi ka ti ngawih ngawih! Ka chungah khang thil zawng zawng a tih tawh hnu khan eng tin nge chu zawhna chu min la zawh ngam zawk!
"Mi â ka nilo!" Ka ti let a, Thlesawn in ṭawngkamchhia hi a phuh chhuak hluk thung!
"Bawihi, riru kawi pu zel lo teh. .. ka chau tawh ania.." beidawng tih hriat hluah hluah hian kut a rawn phar chhuak a!
Min hnaih a a rawn pen hnaih hrut rual chuan ka tawlhhnung ve vat a, mahse a rawn che vut hi ani ber mai! A kut pahnih chu ka darah a rawn nghat a. "Ka mitah hian en rawh!" Zawi ruih hian a rawn ti leh sup bawk! Hnuailam ka melh tlat avang chuan ka khabe ah a rawn vuan a. "Ka mit ah hian en la...!" Ngenngawl zet hian a rawn ti tâwk a, Engvanga a aw ri ah hian na a tuar tlata hriatna nei nge maw ka nih hrep le!
Tim zet hian a mit ah chuan ka en ta nge nge a,A bianga hmul ṭo chhah mai chuan a landan ati upa zual , A mitmeng fiah tak țhin kha ka hriatthiam siloh hian a thim ruih a. "Ka ngai che!" Zawi sup tak takin a rawn phun sup, Ka kawchhung thleng hian a sâwi danglam vek thei!
" Dawt " Ka ṭawng leh tur chu ka hmuiah a rawn nawr a, Ka taksa in a lo dawnsawn dan lah chu rapthlak tak a ni ringawt! Mahse hetiang thil hi ka thlentir tur a nilo, A ni hi chu min bumtu, phatsantu leh natna min pe tu chauh a ni! Ka kut in a awmah ka nam a,a chesawn eihlo.
A awma ka kut chu rawn vawn hnan in na lehzual in a rawn chelh a,A in la hrang ta hram! Chhang letlo tur a ka inthunun nasat zia chuh!
.
"Zothanmawi i duh hun hun a i hmeichhe khawih theih ah min ngai a mi?" Ka ti hlar a!
"Chu lam engmah ka sawi loh kha." Bul hmuk hian a rawn ti nghal hluk bawk.
.
"Tenawm lutuk!" ka tih khum nghek, A nui suk a, A awmdan chuan ka tiril thleng hian a fan vek thei!
"Tenawm..A chhiat lem loh chu" min tih el zet hian a rawn phun hluk a, chumi rual chuan min hnaih chilh nghal hi ni ber!Ka kawngah hneh zetin a rawn man bet a,a taksa si chet in min hnuk hnai nghal hmiah bawk, Ka tukhum samah a rawn zen lut a,Ka tal ve nghek chu min kuai dak deuh salh in ka hmuiah a rawn fawp lehnghal tawn tawn a, Ka taksa a man beh tlat avang in ka sual let hlei thei bawk silo,Ka lu chu chet in ka thlesawn nawk nawk a, Nghet leh zual a ka tukhum ah vuan in a chetdan a rawn thlak a, ngenngawl zet hian min fawp ta zawk a, A chetdan dam ruih chuan zawi zawi in ka taksa țang țung mai chu a rawn thunun a, Amah pawn ka taksa hahdam ta chu a hrethiam a ni ngei ang,A lei hmang in ka hmui a nawr kau a ,Awlsam zet in ka kâ chhungah a rawn lut nghal bawk! Ngaihtuahna dang ka hman leh hma hauh in a lei a ti che a,Ngawrh lutuk hian min fawp ngawng ngawng! Chhang let lo tur in ka in thunun ṭang ṭang thung. A rum rik nghut rual chuan ka che ta phat mai, A awmah ka nem a, Min fawhna thlah miah lo hian a ka kawr chhungah a rawn zen lut a; ka phu chiang lutuk! A kutphah hrawl zetin ka dul chu a rawn chul kual pah reng a! Ka thawk a rang nghal sauh mai! Min fawhna a thlah rual chuan ka kawngah a ban a rawlhlut a; dam raih in ka dul chu chul kual a, A hmelah engmah a lang chhuak lo, Mahse keimah zawk hi ka khur dar dar thung! Ka taksa vawi tam tak a lo tawh tawhna hnu a kut lumin a dehleh rual chuan nasa tak in ka danglam! Ka zep lo. Ka danglam nghal vek tak tak!
Rawn kun hniam in a chal in ka chal a rawn nawr dat a, a thaw lum nghal ham ham bawk!
"Ka ngai tawh che ka tih kha.." a ring lo! Mahse a aw ri a natna leh khawhar rukna chu ka hrechiang nangiang thung!
"Keihi hrem reng tur ka ni em?" Nâ tuar ang hrim hian a rawn tileh țuak a, ka insehruh nghal țeuh bawk!
"Tumahin an hrem lo che." Ka tisep a, a nui ro hak thung!
"Min thlah tawh rawh.." min tihnat hlau ang hrim a ka dul a chul hauh hauhna chuan ka awmdan phung min hlauh tir takngial dawn!
"Nunhlimi'n a nghah che kha.." ka ti ta hlak a! A rum nghut a! Ka taksa chu a kang zui nghal ta nawlh bawk!
"Engthil nge i hriat a?"
"Tlak i duh loh chuan min kuah rawh.." Nuihza insum zet a a rawn ti hluk rual chuan khum lamah min pen pui nghal pawk pawk a, khumah a vâng zawng a min nghah rual chuan a taksa hrawlpui mai chuan min bawhbet zui nghal hmiah bawk!
"Zothanmawi!" Ka ti ţhat a! Ka kut pahnih in a darah ka nem zui țawlh bawk!
"Ka thusawi tur hi ngaithla rawh!"
"A țulna a awm lo, kalbo rawh.. i tan engmah ka nilo ani lawm ni.. ka hnen ațanga i kal hran ruala hmeichhia nena zalenna khum chunga lawmna nei thei tu thusawi hi ngaihthlak ka tum reng re...!" Ka sawi zo hman lo! Ka bek zawn khum chu a rawn ri zui dawp a! Ka lu a nghawng dawt thei! Ka chung lama mipa hrawlpui chu ka melh! Chil ka lem zui nghal dawk a! A mitmeng a thim khup a, ruahpui vanâwn sur tur ang maiin a hmel landan a dur thim khup bawk!
"He i kâ tereuhte ațang a thumal chhuak tur hi vengțha ţhin rawh!" Sehchilh ran hian a rawn phun sup a, a thinrim ve ngang ani khawp ang! A thawk lak a rang in ka awmzawn chu a lungphu in a rawn nghawr dawt dawt thei! Mahse a nihna diktak ani miau a lawm le!
" Tinge mak tak tak hian min rin reng a?" Bul zet hian a rawn ti hluk a! Min bawh bet hneh bawk si leh a thawklak dan nâ lutuk vang chuan ka thawk a chham vek!
"Ka rindan mak vang che nilo in i khawsak dan diktak zawk a lawm.." ngeiawm zet in ka nui lui hak a! Tur zet in min melh ngur mai!
Ka hlau tho a chu hlau ang a lan ka tum reng reng lo!
"Khang i thusawi zawng zawng kha fiahna i nei em ni?"
"Pathian leh! Engfiahna dang nge i la mamawh a, Nunhlimi ngeiin a fiahna chu a neih khawp kha.. i fa thlakhat a upa a pai chung khan fiahna dang i la duh a maw?" Ka ti tawn tawn a, rapawm zawk lutuk!
"Pathian hmingin a pumchhung a mi kha ka fa ani lullo!" A rawn ti tâwk a! Ka țawng leh dawn a sawi tur ka hrelo, Zothana hmel rum zet mai chu tim dai hian ka melh a, a mit thim khup chuan na zet hian min lo melh ve ngur bawk!
"Mahse..!"
"Enge mahse chu?" Chhum zet hian a rawn ti tâwk a, ka lo ip zui chawih chu min rawn hmuh rual in thawk la zui ham ham a! A thinrim in control a tum pawh ani mahna!
"I fa a pai a ti.. chuan Doctor report ah pawh a pa hming ah a hmang che." Ka tum loh zet in ka thusawi tawp lamah chuan ka au leh țhawt a! Ner nawk chungin lu a thing zui nghut a! Rum lutukin ka melh zui ta ngawt ngawt bawk!
"Ka hriat miah lo in hmeichhe dangin ka fa a lo pai reng anih chu!" Nui hawk chungin min melh leh a, ka meh rum nangiang thung!
"Phat tum duh suh, Report ka hmuh ni pawhin a in check up i hruai chhuak lai ka mit ngeiin ka rawn hmu vek! Chutiang bawkin vawiin lamah pawh.." ngeiawm zet hian ka ner zui nawng a! Zothana erawh a thaw huai tawh thung!
" Chu a khum i țawmpui thei hmeichhia chu pan leh vat zawk la a fuhin ka ring.."
"I duhtawk thei tawh em?" Ti sup chungin a let thla a, chu thil chu remchangah la in tawlhsawn ka tum a, mahse ka kawngah a rawn man leh hmiah thung!
"Kan la inbe zo lo.." a taksa si chetin min hnuk hnai hmiah a, A awmzawn ah kut ka tawm chat bawk! Ka chhipah a hmuiin a rawn nawr a, a thawchhuak ham ham a! A lungphu ri dawt dawt pawh ka hrechiang ngang mai!
" Min rawn hmuh ni khan i damdawi tur lamin a lawm ka kal.." a rawn ti sup a, "i damdawi rawn thlen ni ani a, hospital ah ka duty zo in ka lam kawi nghal a, chuan Nunhlimi kha clinic chhung ah khan alo awm ve reng a, engvanga awm nge tih ka hrelo hrim hrim... ka let leh tur kha ka rualin a let ani ve mai.. Doctor report tih vel engmah ka hre ve lo.." a tih leh sup a, a țawng zawng in a taksa chhunglam ațang min nghawr che dar dar a!
"Hmanzana i nem thluk khan a rai tih chu ka hre ve chiah. " a rawn ti leh sup a, ka ngawi kar a, a thusawi hi ka awih em tih pawh ka hrelo!
"I ngaihdan hian i che chhuak vak zel a, tlai i rawn haw te kha biak theih loh leh engmah sawițhatpui theih loh in i khawsa a, ka tan hian a buaithlak tih lam i ngaihtuah tel ve ngai tawh bawk silo.." min bia nilo in a ngaihtuahna a thilawm a rawn sawi chhuak ni ber in ka hria! thaw hawk chung in nghet leh zualin min kuah bet a.
"In ațang i chhuahpui a, ti chung khan i fa a pailo tih sawi tum reng reng suh!" Ka tal tur chu hneh zet in min pawm khawm tlat hi ani ber! A awmzawnah chuan ka thawchhuak ve țawk țawk a!
"Nangmah in in chhuahsan i tum miau si a lawm.."
"Mahse Nunhlimi nen anih kha in kal chhuah, Hotel ah riak dun in khami zan pawh khan in awm dun.." min kuah khawm hneh lutuk vang chuan a awmzawnah ka au chhuak tan tan a! A nui ri hawk ka hriat rual chuan ka insehruh nghal țeuh ringawt!
" Tinge maw thu atthlak tak tak hi i sawi vak ţhin le..?"
"Nunhlimi ngeiin a sawi vek.." ka ti hlar a! Min kuahna a phelh thawl rual chuan ka taksa chu a rawn hnuk chho deuh a, " Ani thusawi mai mai chu i awih a?" Ka țawng ve hmain a rawn țawng leh a. " Ani kha chuan i tan a ngaihthlak hrehawm tur chiah a sawi dawn tih hrethiam tur i ni a sin.. In ațang khan hruai chhuak ve ta lo ila nang hian engtinnge i tih ang? Nau a pai tih i hrereng chung pawn kut i thlak hreh lo a. " a țawng dan chuan min khei zak mai!
"Kal bo rawh.." ka ti țhawt! Lu a thing nghut a! A țan lutuk te chuan min ti na hluah hluah!
"Ka thusawi tur ngaithla hmasa ţhin rawh.. A ni kha chhuahpui ta lo ila nang hian a chungah engemaw tak i ti dawn a sin.. khatih lai khan i thinrimna vang khan khua i hmu lo a, kei te thleng in min hua a, kha vang tak khan a lawm rilrufim pu a inngaihtuah thawl a hun hmang tura ka kalsan che.. mahse rilrufim a ngaihtuahna hman a hnek in thil mak pui pui ilo ngaihtuah kual a. " a ti sup, ka la haw tho tho!
" i sawi duh i sawi zawh tawh chuan chhuak tawh rawh, kan inbe rei ta bawk e." Ka ti hlak a! Ka nui lui ta kher bawk!
Zothana zawk a che zui vut a, ka kawr hak a rawn țham a, a tlang ka pawt bet tur chu hneh zet hian ka banrekah a rawn hmer a;a rawn nawr tawm chho tawk a! Ka dul khuhtu awm lo chu a hmuiin a rawn nawr zui nghal zat a! Ka taksa chhung thleng a zat uai vang chuan a chhip samah ka țham sak ta chawt ringawt.
"He lalfanu hi ka kalsan tawh dawn reng reng lo.." a hmui a ka dul nawt reng chung chuan a rawn phun sup a, a mitmeng thim raih mai ah chuan ngenna ka hmu bawk!
"Ngaihsak lo a chhuahsan i nih tawh kha.."
"Anu thinrim lutuk ka hlauh vang a chhuak zawk a lawm ka nih.." nui huk chung in min rawn melh a, min fiam tih hre lreng mahila ka haw hlur tho!
"Ka thusawi zawng zawng kha ngaihtuah chiang rawh, i ngaihdan ang in kal tawh suh, chuan Nunhlimi fapaina pa ka nih loh ang bawk in ka hriatsak lo! Keichuan a ni leh Jayden ka nei tawh a, fa dang ka mamawh tawh lo!" ti nghut pahin ka dul ah chuan a rawn bei a, thawk a la zui nghal huai huai a! Zaidam hmel fahran hian ka ngawi ve ta kar mai!
"I ngaih a țhat thei ngang loh chuan a hotel thlenna ah pawh i kal thei ang, zan khat pawh kan riak dun lo, clinic ah ka riak mai a, țul i tih phawt chuan a thlenna lam i be dawn nia.." thatchhe awm zet hian a rawn ti vut a, a taksa a hrawl bawk si, a lu mai ka dulah nghat nimahse a rit tham nulh tho!
"Min ngaihna chhete tal i neih ring in min rawn biak hun ka nghak ve a! Lungtum chesawn thei lo chung nghah nen a in ang reng!"
"I țawng leh chuan ka theh chhuak ang che.." ka ti hlar a! A nui che dawt a, keipawh ka nui ve ta tho! A hmuiin ka dul bawk chu a rawn nawr leh a, "I Mamma kawlhzet hi chu rawn chhun reng reng suh ang che.." a la ti țalh bawk!
A muhil ngawt em mawni?
Dimte in a bekah ka zuk khawih zauh a, a thawri sek sek a, ka kawr a hnawl tawm chho vek bawk si! A thawk lak rual a boruak lum rawn chhuak chuan ka dul zawn chu a rawn ti lum ve ham ham zel a! A muhil nghet a nih ka ring ta deuh!
Lukham ka la thla a, ka kham a, khum lah a vâng zawng in ka mu a, a ni a dung zawngin a rawn bawk a, ka dul zawnah a muhil zui hmiah a! Dawtsawi hmel a pu lo a; chuan mak tak maiin ka rilru a dam hmiah tawh bawk!A aia sawifiahna țha ka la mamawh cheu em tih ka ngaihtuah a! Ka chhanna chu 'aih' tih ani..
A chhan chu thudik a sawi miau a lawm!
Dawt hi chu dawt a ni miau a, sawifiah a ngai nasa ţhin.. Thudik chu awmsa ani a, sawibelh vak tur a awm loh ang bawk in dawt ang in thudik ah chantir tum a sawi kual chiam a ngai tlat lo!
Zothana a muhil nghet tih hriat zet a a thawk la chu ka ngaithla reng a! Ka ngaihtuahna a vak thui ta kher mai! Khami ni khan țha takin Zothana sawipui ila chuan tun ang tehhrep khan ka na lo ang, a sawi pakhat dik leh em em bawk chu Nunhlimi kha hruai chhuak ve lo se kei thinrim lutuk leh nâ lutuk bawk si khan engtin maw tak ka ti zui leh duh ngei ang! Ka nem thlu ringawt kha chu ka la inthiam țalh tho! Min țawngkhum dan zawng zawng te vang khan a phu bawk a, lem a chanzui danah khan a na tawk hlawl lo tih a lang reng bawk! A pum sawh thei tur ang in ka nem reng reng lo! A tukhum erawh a sawh tih ka hria! Khami zana a thilsawi ho pawh kha Zothana zawh ka tum a chu țul ka ti leh ta lo anih kha! A chhan chu ani khan dawt bak a sawi dawn lo tih ka chiang tawh lutuk!
Jayden nui ri leh hek hek ţhin chuan min ti harh a, chiang lo zet in ka meng a, Khum mawng lamah Zothana nen an lo țhu a, ka dul bawk an lo buaipui leh tawh anih chu!
Rang lutukin ka kawr a pawt hlim a!
''Mamma..!" Jayden-a'n min au nghal ṭúng mai!
"Engnge in hriat a.." ka ti hlak a, Zothana hmel hmuh nuam ta lutuk chu mi â ber pawhin an rawn hmu thiam ang!
"Apa in Mamma pum chhungah Baby Girl a awm a ti a lawm, mahse Mamma chu Jayden leh Apa play lai min disturb zel a.." men deuh puai chung in Zothana zawk a melh a.
Ka dul/pum hi infiamna tur pawh ani lo!
"Ka baby girl tur kha apa nen kan lo talking pui a lawm.." lunghnur zet hian a rawn ti leh nuah nuah a! Zothana chu ka melh zawk a!
"Mammaaaa.."
"Ok.. a țha e.." thawk ka la hawk a! Jayden lah chuan phur zet in ka kawr hak a rawn hnawltawm chho leh vek a, ka sir lehlam ah Zothana a bawk a, lehlamah Jayden! An pahnih in ka dul chu an khawih a, mihring ang chiah hian an bia a, Zothana lah chuan Jayden 'on' phur dan a thiam ngang bawk si!
" Apa Baby girl ani dawn tiraw?"
"Dawn chiang e.. Jayden khan school ah a hruai ve duh a ngem?" Phur hmel fahran hian a ti let vut a, ka lo nui tawp!
"Aw, apa mahse Jayden teacher khan ka baby girl kha hruai a phal dawn mi?" A kut tereuhte chum biang chu ka dulah a awm reng, Zothana chu a melh ve kiau a! A va han duhawm hluah hluah tak!
Jayden-a'n ka pum chhunga a nau a biak mawlh mawlh lai chuan Zothana chu a rawn inbeng kang vut a, zawite in a hmuiin ka hmui a rawn nawr a,.
"Nangmah ang a hmelţha nise, mahse nangmah ang a thinchhia chu nilo hram rawh se." Ka beng a hmui a rawn nawr pah chuan a rawn phun sup a, ka va han ngei tak! Rum zet hian ka melh nghek a! A chalin ka khabe a rawn nawr a, thatchhe zet hian min rawn rinchhan a, Jayden-a'n a nau tur a be mawlh mawlh chu nui zui suk chung hian a en ve dauh dauh a!
Jayden a muhil tawh a, eitur keng bawr țun chungin inchung lamah ka chho a, a lehkha chhiarna room ah thawm a awm vang chuan room ah lut tlang lo in kawngkhar ka nem hawng a, mut inpeih vek tawh ka nih vangin mut kawrfual zangkhai zet ka ha tawh a, Ka lut min hmuh rual chuan Zothana chu a lo nui nghal suk a! A laptop chu khup in min lo ban zui nghal zat a!
"I la zo lo ami?"
A bu nghut a, ka banrekah a vuan a , ka thil pawm bawr țeuh mai chu min chhuhsak in a thlek vut a, a taksa chhunglam ațang a rawn nui zui suk bawk!
Ka zep lo, kan inkar a țhat leh ațang nunphung pangngai ka zawh ţan a, ka thil ei a tui mai bak ah ka taksa in ngai a awh leh tawh a. Zothana nu leh Nunhlimi thawm ri va hriattur a awm zui tawh lo a, kan inkar chu a țha tih piahlam ani!
A malchungah min pawt țhu a, dimte in ka hmui ah a rawn fawp zauh a!
"Hmasawnna i nei em?" A nghawngah ka ban lehlam in ka kuah bet ve vat a, ka kut lehlam chu la kangin a hmui lumin a rawn nawr vang vang a! Zanlaiah a muhil lai a hah hlawl ţhin a, nizan khan a mumangah Lisa a hmu ţhin tih ka hre ve chiah bawk! Zothana'n thah a anih a ring tlat kha a dikin ka ring ve tawh a, a chhan chu Zothana mumangah a rawn in lan hian a thlarau hahdam loh hmel zet leh hlauh nei hmel pu a tim dai hian a hmu ţhin tih a sawi a! Lisa ka huatna zawng zawng te kha engtiklaiin nge an lo kian tawh ka hriat loh ang bawkin a boral dawn a a mangan dan tur ka ngaihtuah let hian ka lainat thar tak zet!
"Ka hlatah awm miah lo ang che u aw.." a rawn ti sup a, a hmai zawnah tak ka kun hniam a, a hmel landan tak ngul ah chuan a ngaihtuahna a thilawm tur ang ka hrethiam lo!
"Tinge?"
"Bawihi, a chhan min zawt rih suh.." zawi sup in a rawn ti leh a, ka bu zui nghat bawk.
"Mu tawh ila.. a tlai tawh asin.."
"Ok.. zanlai rilțam hun a ei khawp i rawn la chho maw?" Min fiam a, ka ner zui nawng chu min nuih leh suk a!
"Tho rawh.. ka mut a chhuak.." a darah ka ben sak thek a, a taksa aţang ka inla hrang tur chu ka kawngah a rawn man bet zui ta tlat a. A malchungah bawk ka țhu thla leh nghal chawt bawk. Hnunglam ațang ka zakhnuai ah ve ve a rawn zen lut a, ka hnute a rawn țham zui nghal zat bawk!
"Zothan.."
"Reilote.." ka night gown dar bah sinte chu ka darah a khabe in a nawr liam thla a, a hmuiin ka dar a rawn nawr zawm zat bawk!
"Nakinah chuan he i dul tereuhte hi a rawn țhanglian anga, in thunun ka ngai reng mai dawn sin.." ka night gown chhanah ka dul chu a rawn chul a, a taksa nghet țha zet ngheng chung chuan ka nui chhuak hak a!
"A dik em?"
"Kher a che.." ka ti hlak! A nui che leh dawt a!
Ka nghawng ah a hmuiin a rawn nawr a, a thawchhuak zui ham ham a!
A malchung ațang min nawr sawn a; ka din chhuah rualin a rawn che zui vut a, amah hmachhawn turin min kuai her a, duhthawh lutuk hian min fawp zui ngawng ngawng a, Dawhkanah chuan ka taksa hnuailam a nawr bet tlat , ka dul zawnah a mipatna ruh țul in min do nghal run bawk!
Min fawhna a thlah rual chuan ka chalah a chal rawn nawr in a thaw zui ham ham a! A hmui huh phang leh a mitmeng tisa chakna vanga thim raih mai chu ka en a! Ka kan zui nawlh rual chuan a taksa ah ka kherhbet zui nghal zat a! Bangah min nawr bet a, ka mal inkarah a mipatna in min do nghal run bawk!
"Ka tan i inpeih em?" Sexy zet a nui hak pahin ka panty chhungah a rawn zen lut a, a nghawng ah ka kut pahnih ka suih zawm nghal tlat! A kut a rawn chet kual a, nuam ti lutuk hian ka lo thawchhuak hak a! A kutzungpui chuan ka kap a, a nawmna lai tak chu a'n nuai kual a, ka rum chhuak hak a. A inla hrang hlek a; a kekawr bul hak lai chu a pawt hniam thla a, ka mitah tak chiang zet a rawn en in ka mal inkar chu a mip*tna khawng țha zet chuan a nawr kual a, ka tha chhunglam a khur ru nghal dar dar mai! Awmze nei lutuk in a nawr kual ruai a, ka feel dan hre duh ang hrim in ka mitah tak a en lui tlat bawk a! Ka m*awn zawnah chuan a rawn nawrna zual sauh zel a! Ka thluak hnathawh dan a buai zo vek!
"Zothan.. Khawngaih in.." ka aw ri tham chel vang chuan a nui suk a! Ka hmuiah rawn fawp leh zauh pah chuan ka chal ah a rawn nawr vang vang a, kan pahnih taksa inkarah chuan a kut a chet a; ka panty hak chu pawt thla lo in sir lamah a nawr phei a! A mipatna sa vung vung maiin ngialngan tak a ka taksa a rawn sik rual chuan ka rum chhuak dar dar mai! Rawn thunlut mai lo chuan a kut hmangin a rawn nawr kual leh phawt a! Keimah zawk insum thei lo a min siam a tum ta hial emaw ka ti hman tawh! A khaberuh kual che ralh chu ka melh ve ran a; amah pawn insum harsa ati tawh takzet! Muangchanga a rawn nawr luh takah chuan thawchhuak ham ham chungin bang chu ka tukhum in ka nawr a! Ka awmbawr ah a hmai lum vung vung chuan a rawn nawr zui ta tâwk a, chumi rual chuan a rawn thun lut ta vek a, a ban bulah ka țham zui tawk bawk!
Zawimuang si in a taksa chu a rawn chet kual a; ka kawchhungah a chetkual vel dan te chu ka hre vek! Ka hmuiah a rawn fawh leh rual chuan duhthawh lutuk hian a che zawm ta buan buan a, ka khelah a rawn chelh a, a taksa ah chuan ka kherhbet nghet ve sauh sauh a! Nuam ti lutuk a a rawn rum chhuak leh hawk hawk ţhin te chuan min tiphur ve sauh a! A nghawng ah hmai ka phum a, thaw ri hawk pah hian a rawn che na zual sauh sauh a! Ka kawchhung lam a lum pup rual chuan Zothana taksa pawh chhunglam ațang a rawn khur chhuak hlawk hlawk a, a aia na in bangah chuan min nawr bet a, a tawp thei tawh dawn lo emaw tih tur khawp hian a rawn *ep zui ta zawt zawt a! Na zeta a rawn nawr luh leh sawk rual chuan ka țe chhuak nghal țhawt a!
Bangah min nawr bet reng chung chuan ka nghawng ah a hmaiin a rawn nawr a! A taksa chu thlanin a bual huh vek! Keipawh amah ang tho! A thaw hawm hawm reng a! A *ipatna hrawlpui mai chu ka taksa chhungah a la awm reng!
" Ka hmangaih che.." a hmuiin ka chalah a rawn nawr a, chau zet hian ka nui sak a! Sawi ve kher lo mahila ka hmangaih tih a inhre chiang lutuk!
Washroom a kan intihfai lai pawhin a kut hlei lutuk leh insum theih loh lutuk vangin a tawp kan thleng leh ringawt tawh! Bathtub chhungah a țhu a, a awm ah chau zet in ka bei thlawp a, ka taksa ruak kang mai chu min tihnat belh hlau zet hian a chul kual hauh hauh a! A bulah hi chuan duhtawk chin tih a awm thei ngai dawnlo!
"Bawihi.." ka darah a rawn fawp zauh a.
"Muthilh i tum ngawt elaw?" A nui zui tih hriat zet in a taksa ka bawhbeh mek chu a che dawt!
"Intiharh rawh, intleuh ila kan mu lut dawn nia.."
"Nangmah vang vek.." ka ti sep a, a nui ri leh hawk a, Zo zet in min thawhpui a, shower in kan taksa chu a phuh tir nghal thuak thuak a, towel lian zet in ka taksa chu a rawn khuh a, ani erawh a inngaihven zui ve tawh lo hrim hrim! Min pawm kang nawlh a, khum a min nghah hnu thleng
pawh chuan ka meng hlei thei tawh lo!
"Thuamhnaw inbel hmasa rawh aw.." a rawn ti sup a, a che duhthawh lutuk kha ka chauh phah ani ber! Ka mu zawi reng chu min nui suk a, ani pawh thuamhnaw pakhatmah a la inbel biklo, a taksa nalh zet mai chu a zahpui lem lo tih hriat zet in ka thuamhnaw bawm a pawt hawng a, mahse ka țawng hriatthiam loh a a phun hluk rual chuan a kharphui a, a thuamhnaw bawm zawk a pawt hawng a, engemaw ber nen a rawn let leh vut bawk!
"Hei ha rawh.."
"Nangman.." pangchang zet a ka tih rual chuan a hmui hnuai a seh zauh a! A va han sexy chiang tak!
Thuamhnaw a inbel ve vek hnu ah khumah a rawn lawn kai ve a, ka ril rawn ţam raih raih chu haider hram hram ka duh a, mahse ka rilru ah eitur a rawn luh rual chuan ka ei chak tak ka ei theih hma chu ka muhil thei dawn ngang in ka hrelo!
"Zothan..?"
"Umm." A rawn ti vut a; puan sin a min rawn khuh dawn rual chuan ka ţhu chhuak ta hlawl bawk.
"I nuamlo ami?"
"Aih.. ka rilțam!" A beisei loh lutuk ka sawi vang nge a nui ri hawk a!
"Ok.. Lo awm rawh ka zuk la ang.."
"I lehkha chhiarna room ah khan ka ei duh chu a awm.." ka ti a, a nui leh suk a, kan thil tih zawh chiah kha a ngaihtuah chhuak ani mai thei!
"Ka rawn la ang.." ti sup pahin khum ațang a tho chhuak a! Kawngkhar lam pana a kal vut chu ka en zui reng a! Ka rilțam hma thei lutuk hi hrehawm ka ti ve ţhin tho! Mahse rai tirh a thil ei chak nat zia chu tehkhin ngaihna a awm lo, kan thil ei chak zawng kan ei theih vat loh phei chuan thin hi a rim nghal hlur ţhin!
☆ ☆ ☆ ☆ ☆ ☆ ☆ ☆ ☆ ☆
Holiday anih vang in Jayden chu Falkland ah hruai kan tum a, a phur in a ri chul reng a, mahse Zothana hna vang in kan chhuak hma thei lo a, Falkland lamah dinner ei tum nghalin kan thawk chhuak ta ngawt a!
Motor chhungah Jayden a țawng lang lang reng a, infiam nan hun a nei tam vak tawh lo a, mahse a hming a hruai chhuah hrim hrim hian nuam a ti ve ţhin a. Reilote chhung pawh in 'Apa' tilo in a awm thei lo ti ila a dik ber ang!
Motor hma lam a Zothana phone dah rawn eng zauh zauh chu ka ban vat a! Message a lo awm a, ka hawng a!
Harish hnen aţang in!
*He's back at Mizoram!* tih zawng hi!
Tu a rawn sawina nge ni ta ang!
Zothana ka melh zawk rual chuan motor chu a ding ri zui nghal tuar a! Hlauthawng lutuk hian ka hawi chhuak a! Motor hmaah chuan mipa pakhat thisen in a bual huh nuai leh hmeichhe tleirawl pakhat țap hlawp hlawp mai hi an lo awm reng a!
Zothana chu a chhuk thla vut a, Jayden chuan a la hrethiam pha chiah lo ani mai thei! Zothana chhuak vut chu a en zui ve reng a!
Mipa taksa ațang thisen a chhuak nual a, Hmeichhia chuan thiam leh thiam lo hian a buaipui a!
An la naupan hmel takzet!
"Jay, motor chhungah hian lo awm tlat rawh aw.." nui lui chung in a samah ka chul zauh a!
Ka chhuk thlak ve rual chuan Zothana zawk a rawn ding mar vut a! Chutiang a thisen baw nuai mai chuan ka tiril hi a țham a, Zico min sawisak țum bawk ka ngaihtuah let lo thei lo.
"Bawihi,kan letpui an ngaih hmel.. Ka ţhianpa Rinzuala nau te an nih hi.. Motor chungah lo va lut la , ka rawn buaipui ang.." chiai hauh lo hian a rawn ti dam thlup a; rang zet in ka ţhu lut leh a, Jayden-a Zothana seat a țhu chu ka malchungah ka pawt kai zui nghal zat bawk a.
Zothana chuan mipa taksa lian tham zet chu damlo bawihsawm dan ang hian a rawn pawm phei a, hmeichhe tleirawl te chu a hmel landan a hlauhthawn hmel in a ţap hrep tawh tih a hriat a.
"Zonun, a chhungah khan ţhu lut rawh le. " Zothana chuan a rawn ti dam dap! Hmeichhe tleirawl te hlauhthawnna vanga chiai ru ve zet mai chuan kawngkhar a rawn pawt hawng a, a ţhut luh fel rualin Zothana chuan dimte in mipa taksa chu seat ah chuan a rawn mut a, hmeichhe malchungah a lu an nghat a, ka rinsual loh chuan inngaizawng ani ang!
"Lawmzual.. i harh ti raw?" Zonuni zawk chuan a ti sep sep reng a, mipa chuan thisen a hlauh nasa ngang aniang a taksa chu a dang var vek tawh.
"Jay, sorry aw.. hei a u te hi kan buaipui lawk an ngai a, hospital ah let leh ang u aw. " Zothana chuan motor ah a rawn țhut luh ve rual chuan a rawn ti sup a, Jayden chu a ngawi kar a!
"Zonun , engtia inhliam nge?" Kan tlan let tawh a.
"Ih.. mipa pathum in min rawn tibuai a. Bike intlansiak an duh a, Lawmzuala hian a lo hnial a, an zinga pakhat khan chem in a rawn vit ringawt!" A aw khur hlak hlak ah chuan a thil tawn hian a țhawng hle tih a hriat mai!
"A țha e.. Hahdam tum rawh, ka ţhianpa nau ania...Tunah hian ka hospital thawhna ah ka hruai che u anga. Keimah ngeiin operation ka nei dawn nia.." Zothana chuan a ti sup a, midang țawng thlamuan dan a thiam in a aw ri chuan engkim a țha leh vek mai ang tih a lanchian tir hle bawk!
Hospital kan thlen hma in Zothana'n hnathawktu te a be fel vek tawh a, kawta kan din rual in damlo mutna khum leh Doctor leh nurse min lo dawngsawng nghal sawk sawk a!
Kan innawr lut a; Lawmzuala dul ah an vit tih ka hmu ve ta chiah!
"Bawihi.. a ţhiannu saw lo buaipui lawk mai ru aw.. a chhungte ka be vek tawh a, an rawn thleng har lo ang. Operation kan neih vat loh chuan thil pawi zawk a thleng thei a.." a ti sup a.. Ka meng zui kawk chu ka kutah a rawn hum vang vang a, Zonuni ţhutthleng a țhu ngawi ran leh rilru țawngțaina a nei tih hriat zeta a phun sep sep reng chu a thlek leh vut a!
" A bulah sawn lo va awm tlat rawh aw.." ti sup pahin min kalsan a ,Jayden pawh Zonuni bul țhutna awlah fel than in a țhu a, Zothana chu room pakhat aţang inzai thuamhnaw inbel chung in a rawn chhuak leh vat a, nurse pahnih leh Doctor pakhat in an lo buaipui nghal sawk sawk a .
Operation neihna tur roomah an luh bo tak hnu chuan zawimuang in Zonuni te țhutna lamah chuan ka pen let ve a.
"Ih.. I pasal khan engnge a sawi.. Lawmzuala chu a ţha leh ang tiraw?" A mit ah mittui a tling pam a, a hnar leh biang a țahna vangin a sen tek tawh bawk.
"Umm.. a țha leh dawn a lawm.."
"Khawiah mah a kal theilo.." a ti sep a, a biang ah mittui a rawn luang thla leh pap a, Zothana thil sawi kha hrilh ngam chi a nih loh zia ka hre zual sauh bawk!
"Hahdam tum rawh.." a kut ah ka vawn sak a, hmeichhe nunnem tak ani ngei ang! Ka kut chu a theih ang a nghet in a lo hmer ve ngawt ngawt a!
"Khawiah mah a kal thei lo.." chu thu bawk chu ri che che in a sawi zawm mawlh mawlh bawk!
Darkar chanve dawn hnuah Lawmzuala chhungte ni ngei tur an rawn thleng a.
"G?" Zonuni chu a tho kang vat a, amah aia upa deuh hlek tur mipa rawn tlan lut rawk rawk chuan a rawn kuah bet ta chawt a! Ka thaw huai thei! Tunah chuan a hmelhriat leh a inbunruah ngamna a ţhianțha a rawn thleng tawh a..a rilru pawh a hahdam thei ta deuh ang!
Minute 20 dang a ral leh tawh a, G-a chuan Zonuni chu a hnem ve mawlh mawlh a, Zonuni sawi dan ațang leh G-a a tih pa nen an inbiak dan aţang chuan Lawmzuala leh Zonuni leng chhuak tlangval hawklawk zualin an lo tibuai a, Bike intlansiakpui ah an lo sawm a, Lawmzuala'n a hnial tak rual khan an zinga pakhat in engmah sawi lo in chem in a dul ah a vit zui tawp ani awm e!
Motor tlan rem lai ani a, an ni ho lah chuan an tlan chhiatsan mai hlawm a, keini kha thil thlen hnua motor lo va tlan hmasa ber kan lo ni awm e.
"Mamma..?" Jayden chu ka en vat a, țhut ngawt ngawt chu a ning ve tawh a ni ngei ang. A lo nur nanga .
"I rilțam tawh em?" Ka ti vat a. A bu ve nghat a!
Zothana rawn zawh hun tur ka hre miau bawk silo, Hospital kawt ah an eitur zawrh engemaw tak leisak mai ka rilruk a.
"Ok.. Apa nghah pahin thil lo zuk lei ang aw.." ka tia ; phur zet hian a țhutna aţang a țum thla tharh a!
Zonuni te chu eitur an duh ve leh veloh ka zawt a; coffee tal laksak ka tum thu ka hrilh hnu chuan an lo pawm ve mai a, Jayden nen chuan inkai dat dat chungin kan kal chhuak a! Pawnlam chu a lo thim chhah vek tawh!
Hospital kawt zawl reh raih ah chuan ka fapa kai chung chuan dawr awmna ni a ka rin lam chu ka panpui ve mai a! Jayden chu a țawng lang lang a, tlem a hmun reh lai kan thlen rual chuan boruak chu a rawn dang huk a!
Ka fapa ka kaih lai reng chu a rawn kang zui ta nawlh a;
"Mamma?" Min ko chul a; Thim zingah kan bul a Zico lo ding ve reng ka hmuh rual chuan ka mit sulh thei! Chuan a kutah ka fapa a awm bawk!
( Ka tlai.. kan awmna ah phei chuan zing dar 3:41a.m ani tawh.. )
Zanthim chhahmup mai leh ka hma a mihring pawisak neilo zet mai landan ti rapawm hluah hluah tur in ruah mal a rawn tla zui phauh phuah a, thli a thaw zui vuk vuk bawk a!
"Zico?" Ka tisep a; Jayden hmel ah thlabarna rawn lang ka hmuh rual chuan ka intih chak hram hram angai tih ka hria a, ka hawi kual thuak a, ruah rawn tlak avang in mihring awm ve ho chu an kalsawn darh vek tawh! Ral lehlam aṭang khaw rawn dur phei tup tup chuan ka mangan a tizual sauh mai bawk!
"Babe, thawm siam loh finthlak zia i hria ang chu tiraw?" Jayden chu khi suk chungin a lekkang zuau a! Ka thawk lâk a sak nghal vek! "Ka thusawi zawm ang che!" Ka hmai bul chetah rawn kun hniam pah chuan a rawn phun sup a! A kâ ațang a rawn thaw lum nghal ham ham a! A chet dan rapawm tak tak te kha ka ngaihtuahna ah hian an rawn lang zut zut a, Ka thluak te hi a chawmawlh nghal vek!
"Min zui rawh!" Sehchilh zet hian a rawn ti leh hrawih a, ka thau ah a țham zawk bawk! A chhan chu Ngopa a kan awm lai ang chiah khan a kut ah Jayden a awm leh tawh a, ani hian tihnat a hreh loh zia ka hrechiang tawh lutuk!
Ka hawi kual thuak a, ka au chhuah ngailo a buaina kan tawh zia rawn hmù a min ṭanpui thei mai an awm ka ring a!
"Ka sawi chu i hria em? Kan fapa hi ila kuah duh anih chuan ngawireng in min zui rawh. " dawhtheihna tlachham hmel zet hian a rawn ti leh hmuk a, a din ngil leh hma chuan ka taksa chu chik zet in a thlek kual leh hmasa phawt a! Chil ka lem zui dawk bawk.
Ka kaihza tha a khur dar dar a, ka fapa pawm chung chuan car hunna lampan chuan ka bân bulah hmer chawt pahin min hnuk phei nghal dawr dawr a, Jayden chu vawikhat pawh a țawng chhuak ngam lo hrim hrim, hlauh nei tih hriat zet in hnuailam a bih tlat a, a taksa tereuhté saw hlauhna vangin a khur leh dawn tih pawh ka hria!
Damdawiin building lianpui mai chu a reh ṭhuap a, ruah lah a rawn tam zual sauh a, keini min rawn ngaihven tur tumah an rawn chhuak tawh lo tih hi a hriat hluah hluah mai!
"Lut rawh. " ti hluk pahin car kawngkhar a pawt hawng zui nawk!
"Jayden kha min pe rawh.."
"Babe; mi â nileng ka nih loh hi, a hma ang bawk khan tlanchhiat i tum leh lo ang tih tunge sawi thei!" Țhensuk pah hian a rawn ti a, mahse a thusawi tawplam a sehchilh ran mai ka hriat tel ve rual chuan ka ţim sawk thei!
"Lut rawh.." a rawn ti leh táwk a! Jayden chu ka melh zawk a, min lo en ve kiau bawk!
Car ah ka țhutluh rual chuan kawngkhar chu a rawn kharphui zui nghal dawt a! Jayden pawm chung chuan car chu a rawn kal hual a, hun rei tak ka hmu tawh lo a; a rawn lan rual erawh in mangang leh thlabar reng reng in min rawn siam lehnghal der! Car hunna lamah chuan mihring hmuh mai inring hian ka hawi kual thuak a, mahse ruah mal tla in car chung a far rik churh churh leh thil thaw vuk vuk in electric hrui a chhem rik thawm bâk thil dang phe zeuh hmuh tur a awmlo!
Zico chu Car ah a rawn țhu lut a, Jayden-a zawkin tim daiin min rawn en a, Ka lo ban tur chu Zico zawk a rum zui nghut bawk!
" Țul ka tih hunah ka pe ang che." Ti hluk chungin thîp zet hian min rawn melh nghek a! A chet țhin dan rawng tak leh pawisak neih loh zia ka hre tawh a, a thinthawk in kut min thlak zui chawrh lohnan ka țawngțai ru nghal mawlh mawlh bawk!
Engine start in a tlanchhuak a, Kan nufa chuan kan ngawi ran a, khawnge min hruai dawn a, kan chungah engthil nge tih a tum tih takngial pawh ngaihdan ka siam thiam lo! Ka rilru chiai tak in a suangtuah thlen theih chinah erawh he mihring hian thil engemaw tak tum a nei tih ka ring nghet tlat a! A kutah Jayden hi am tlat lo se chuan engemaw tak ka ti a nga, amah hlat thei ang ber pawn ka tlan zui leh dawr dawr ang, mahse a kutah ka fapa a awm miau a, atthlak zet a ka che anih chuan ani naupang pawisawilo lakah hian a ṭuan hreh hauh dâwn lo tih lah ka hrechiang hle bawk si!
"Khawnge min hruai dawn?" Ka ti sep a, ruah a rawn baw hawk hawk tawh a, car hma darthlalang ah chuan tui a rawn luang thla nguai nguai bawk a! Pawnlam ah tui hawk a nu but but a, car ke in a chil per sung sung a, ka thawk lâk a ti zing vek thung! Zothana khan operation zo tawh in kan nufa hi min rawn ngaihven zui a ngem le?
"Kan pathum a him taka kan awm theihna hmunah!" Ka lam rawn hawiin ngeiawm lutuk hian a rawn țhen sak a.
"I ti thei lo..."
"Babe.. Ka ti thei.. A chhan chu chhungkua kan ni miau alawm.." a hma a ka fapa țhu chu a melh zawk a. "Chuvang chuan kan cheng ho leh ang.." ka kawchhung lam hi a che dawt! Rap zet hian a thusawi chu ka hriatsual anih ring in ka melh ngar a!
"Rampawnah kan kal dawn?"
"Nilo Zico i ti thei lo.." ka ti tuar a, ka inrin hma in car chu a ding ri nghal tuar bawk a, ka lo inring bawk silo nen car hmalam ka hlawm phei bawrh a, ka chal na zawk leh luhai zui chawlh in a zawm zat! Jayden-a'n min ko nghal chul bawk!
"Min hnial tawh suh.. Thah che hi ka hreh i ring a nge." Zawi zet si hian a rawn ti hluk a. '' I pum chhungah mipa dang fa awm reng chung hian ka thah hreh che i lo inring reng reng a nge.." dawhtheihna tlachham zet hian a rawn ti leh tâwk a, ka kawchhung hi a hit zui sung sung a ka khur ru nghal dár dár bawk ! Ani hian Zothana fa ka pai tih thlengin a rawn hre vek a maw! Ka pum chhunga a fa ngei pawh a thinthawk vanga a sawisa hlum hrehlo anih chuan Zothana fa ka pum a insiam mek hi min tihhlum sak a hreh hauh dawn lo tih ka chian lutuk na chuan min ti mangang zual vek!
Țah chhuakin min rawn tuam hlup hlup a, Ama fa ngei ka pum ah a awm lai pawha dimlo lutuk a kut min thlak lai te kha ka mitthla ah a rawn lang zut zut a! Ka thawk a ipik nghal vek!
Ruahsur buan buan hnuaiah chuan kan tlan zel a, ka ngaihtuahna bing chuk chuk leh Zico -a'n ka fa tihlum tura a chet chhuah mai ka hlauhna vang chuan ka thaw khur leh dar dar ţhin.. Engtin nge hetiang mi nunrawng lutuk hi ka hmaah a rawn inlan leh ţhin le?
Ka ngaihtuahna beidawng lutuk leh mangang lutuk chuan Zothana a ko ruai reng a, min rawn hmu vatlo anih chuan he ramsa kawlh zet ang mai a rapthlak leh nunrawng hian kan pahnih fa hi a tihlum ang! Kan nufa in kan awm lo tih a hre tawh reng reng a ngem? Lalpa.. Engemaw tak rawn ti rawh!
Zico hma lama Jayden ṭhu ngawi ran chu ka melh zawk a! A kut tereuhte chu a vuan khawm ve ṭai a! Zico zawk ka melh leh zawk a! Pawisak pakhatmah a nei lo tih hriat lutuk hian a hmalam a melh ngur a, amah ka en tih a rawn hriat rual chuan a rawn thle bâk a, ka dul la thep thlep si chu ri chhuak loa nuih suk pah hian a rawn melh a, ka tiril a khur zui nghal zawih zawih mai! Ani hian ka pumchhung a ka naute hi a that hreh dâwn lo lutuk!
Ka khup rawn sai leh dar dar ṭhin chu ka theih anga nâ in ka hmer a, engnge tih theih ka neih! Tukverh aṭang hian ka zuang chhuak tawp mai dâwn mi? Ka ngaihtuahna mangang leh rilru chiai lutuk vang chuan thlanfîm in min rawn bawh bawrh bawrh a! Ka thawk lâk a rang vek tawh bawk!
Vawi leh khatah Car a din chawt rual chuan ka hawi chhuak nghal dawrh a! Kan awmna hmun ka hriat rual chuan ka hlauhthawnna neih a zual nghal sauh! Ama in kawtah kan awm der tawh! Hlauthawng ru tak chung hian ka va en a, ka mangang lutuk leh taksa khur hlawk hlawk chu nuam a ti zawk zaw mah emaw tih theih tur hian min rawn melh a, ngaihtuahna hman dan tur pawh ka hre tawh lo! Nui suk chung in garage lamah a tlan lut leh a! He in a ka awm ve laia ka chunga a chetdan rawng tak tak te leh rapawm tak tak te kha ka ngaihtuahna ah an rawn lang zut zut a, pawngsual ka ni a, pindan ah kalhhnan ka ni a, hmeichhe dang nen khumpui ngeiah sex an hmang lai ka hmu a, ka pumchhunga ka naute thih phah hial khawp in min sawisa bawk!
" Kan lo lawm a che u.." min tihelna aw ri vawt raih vang chuan ka inhumruh nasa kher mai!
" Jayden i chau em?" Ka fapa be pah chuan a ti sup a, Jayden chuan chhanglo in a ngawi kar a!
"Rawn chhuak rawh.. He in leh i pasal hian i rawn let leh hun tur kan nghak rei tawh lutuk! " a aw ah chuan tihelna hlir bak a lang chhuak lo! Car aţang a chhuah rual chuan thawk ka la ham ham a! Ka thil ngaihtuah chhuah zawk vang chuan ka bag chu ka zen nghak rawk rawk a!
Zothana ka biak ngei ngei a ngai!
Thli thaw huk ang chiah hian kawngkhar chu a rawn in phih hawng pawp a!
"Zodinpui min nawrlui anih chuan he garage thim zet chhungah hian tuma hlawm loh in i ruang hi ka dah ţha duh mai ang.." Pawisak neilo tih hriat hluah hluah hian a rawn vin chhuak ṭhawt a kut a rawn phet vut rual chuan ka bag chu a rawn phih chhuak nawk a! A chhunga thil awm ho chu an tla darh nghal chuai bawk!
"Rawn chhuak rawh.." car chhung lamah rawn kun lutin a rawn au leh ṭhawt a! ka banah a rawn phih zui sawk bawk; A rawn chet thut dan leh a țawngkam hman khan min țhawng ani tawp mai!
Inchhungah min pawt lut dawr dawr a, Hnathawktu tu emaw tal an awm beiseiin ka hawi kual a, mahse luahlum țhan loh tih hriat zetin engkim mai chu a chul rup a, mihring hmel hmuh tur a awm lo hrim hrim!
Kailawn ah min pawt chho dawr dawr a! Kan nupa room ni ţhin kawngkhar a tlawh hawn bur rual chuan ka ip ru chawih a! Pindan chhunglam ah min theh lut nawk a, a rawn pen lut a; Jaydena ban mai ka tum chu a ban a vai vut a! Rilru mumal pakhatmah ka pu thei lo! Khum lam pan in a kal vut a; Jaydena vin hrep hlau ngawi ve ran mai chu khumah chuan a nghat zui dawt a! A rawn din chhuah leh vut rual chuan mangan na in min tuam nghal vek!
" Thlà engzat a upa maw ni tawh a?" nui suk chung in min pan hnai a, a nuih vang ngawt hian a hlauhawmna a nep phah lo a, chet dan tur rawva zet a hriat belh tihna ani zawk!
"Zico.."
"Sawi rawh.." a rawn au ṭhawt a, ka phu zui dawrh bawk!
"Thlà eng zat nge?" a chhum bung in a rum ṭha ngiang mai!
"Kar 3."
A nui chhuak hawk a! A hmel ka hmuh tawh loh na a reiin a lan dan a bawrchhawr em em a, a biang a hmul ṭo khat luk mai te chuan a landan rapawm zet chu a belhchhah sauh bawk.
"Thisen hlawm mai mai a la nih chu!" tihelna a khat awri hawk chung chuan a rawn ti a. Khum chung a Jayden ṭhu ngawi ran mai chu ka va melh a, min lo en ve kiau bawk!
"Kan nufa hian min kal tir thei em?" min vin hrep mai ka hlauh vang in zawite in ka ngen a, lu a thing nghut ka hmuh rual chuan kut ka humruh zui nghek a!
"Kar thum a upa maw?" chet hluk chung chuan a jacket hak a pawt hlip a, a kekawr kawngah chem a pai tel ve tih ka hmuh rual chuan mangang lutuk in ka tawlhhnung zui dawt dawt a, Chhuatah a jacket chu a paih hlawm tawp a, a chempai ka hmù ngei ani tih a hriat rual chuan savun chempai aṭang chuan chemte hriam hmel zet mai chu a pawt chhuak a! Ka kawchhung lam hi a rawn in let but but a, chem hriam hmel lutuk chu lek kang in a kut chal leh kutzungpui in a hmet kawp a, a chho zawngin chem hriam lam chu a zut chho dalh dalh a, ka kaihza tha khur dar dar mai leh thlan rawn chhuak bawrh bawrh vang chuan ka ding ngil hlei thei tawh lo! Ka pum chhunga naute hi engtin nge min tihsak a tum?
"He chem hi khasi putar hnenah a bîk liau liau a ka siam tir anih hi... Tu emaw taksa ah vih luh a, a thawk lâk tih tawp ka chak ṭhin zia i ngaihtuah thiam mai em? Kha i taksa nalh zet kha a duhtawk in a chul kual a nga.. Nuam tawl a in khawsak laiin kei hian ka lo en liam mai mai ang che u maw? "Chemte hriam lam tuai hauh hauh chung chuan min pan hnai a, ka tawlhhnung ve zel thung!
"I pum chhungah a fa a awm ringawt pawh hi thah ve na tur che chhan ṭha tâk a tling a sin..." Ka hmai zawnah chem a rawn lek phet vuat rual chuan ka au ṭhawt a! Zico erawh nuam tih hmel lutuk in a nui hawk thung!
"Nilo e Babe, thi tlak i ni ka ti ringawt a lawm, ka that mai dâwn hauh lo che tih hrethiam tur ber i ni a sin.. He i taksa nalh tak hi ka ta tur ani a, midang nen in ṭawm ka duh lo, ka thusawi i zawm ṭhat dawn phawt chuan i thi mai lo ang.." chem hriam hmel zet leh vawt tler mai chuan ka biang a rawn hrut chho zai zai a, hlauhna vangin ka ṭim uai uai mai!
" Ka thin tirim ber tu chu maw? He i taksa nalh zet chhung a mipa dang fa awm tlat hi ani.. Chimit vat se ka thinurna hi an kiang a nga, rilru nuam taka i awm theihnan chet ka la vat thei bawk ang.." Ka mit zawn ah chem chu a tawp a, nui suk chungin a la sawn a, ka khabe hnuai aṭang ka awm bawr lamah chem hmawr zum ka taksa lama thawi tir reng chung chuan a tawlh thla zel a, ka hlau lutuk chu ka taksa hi chhung lam aṭang a rawn khur hlawk hlawk thei mai! Ka dul zawnah tak chem hmawr zum chu a tawp a! Mit ka chhing zui nghal sawk thung!
"Kar thum." phun sup chung in ka kawr chhanah chuan chem hmawr zum chu a rawn nawr nâ zual a!
"Zico.." Ka ṭap chhuak hawk! Ner nawk chung in lu a thing ngut a!
"Lo che suh.. Karthum lek a upa anih chuan awlsam zet in thisen ah chang in ka dahbo thei reng alawm.."
"Nilo.. Zico engtin mah tisuh.. Khawngaih tak in.."
"Babe kan pahnih fa nilo i pai ka rem tih i ring reng reng em ni?" min tih el na a khat awri hian a rawn ti hluk a! "Jayden kan nei tawh.. A tawk tawh rih.. I pum chhunga in siam mêk hi chu kan mamawh lo.. Ngaihtuah ve chhin teh.. Ka nupui in mipa dang fa a pai a nia.. Chu thil ah chuan ka läwm i ring em?" a thusawi tawp lamah a au ṭhawt rual deuh thawin ka tukhum sâm ah a rawn ṭham zui ta chawt a! Jayden a rawn khek chhuak chul a!
" Ka thusawi chu i hrethiam em? He i pum chhunga thisen hlawm hi ka mamawh lo.." na lutuk a min kuai dak chung chuan ka pum zawn chu a chem ken hmawr zum lam chuan a rawn rin thlà riak riak a, ka thawchhuak tawh pawhin ka hrelo ka taksa khur hlawk hlawk chu hmuh nuam a ti sauh emaw tih tur hian a nui zui suk a, ka dul hnuai ah chem hmawr zum chu a tawp tir a.. A hmai hmul ṭo khahlukna chuan dimlo zet in ka nghawng a rawn nawr zui ta tawk bawk.
"Zico.." Ka khur nasa lutuk chu ka thawk a inhip let hlawp hlawp a..
"Khawngaih takin min kal tir rawh.."
"Kei hian ka kal tir ang che maw?" nui huk chung chuan a kut ah ka sam a vet nghet sauh a, ka kawr tlâng lam aṭang chem zum chuan ka taksa a rawn nawr si nghal ran bawk. Chem hmawr zum vawt tler maiin ka taksa a sik rual rual chuan ka ṭim uai uai a!
"Awlsam tâk a damdawi ei a tih tlak nge i duh... He chem hmawr zum hmang a i thisen a luan chhuan tir?" Ka hmui bul chet tak tak ah a rawn phun sup a.. Chem hmawr zum chuan ka taksa chu a vit na zual sauh bawk.
"Khawngaih in..?"
"Babe min hnial luih ṭhin hian ka läwm lo tih i hrechiang viau a ni läwm ni?" thaw ri hrawih chung in a in la hrang hlek a.. Ka sam erawh a kut ah a vet bet tlat thung!
"Damdawi hi ei la.. Zanin la la hian kan buaina hi a fel ani mai.." Ka sam a thlah rual chuan thawk ka la zui nghal kawk kawk a, chem hmawr zum lam a min tin va pah chuan a tawlhhnung zel a.. Ka khur nasa lutuk chu chet pawh ka chesawn hlei thei lo.
Min melh run chungin khum bul a cabinet hniam te awm chu a pawt hawng a.. Damdawi strip hlai tham zet hi a rawn phawrh chhuak a!
"He thil hi ei zo vek ang che.." Chemte cabinet chung ah dah pah chuan a rawn ti sup a.. Awmdan tur ka hlawl ka hrelo... saw damdawi saw ka ei anih vaih chuan Zothana nena kan fa hi ka chan dâwn a.. Ei loa luhlul ka chhuah a nih pawhin engtin maw tak min sawisa in ka pumchhung a naute hi min tihlum sak dan tur a ngaihtuah zui ngei bawk ang..
"Zico!" mangang lutuk in glass no a tui awm chung a a rawn let chu ka lo ko chul a.. Khum tlâng a Jayden ṭhu tawm tlat chu ka melh leh a, heng thil zawng zawng a fapa mit hmuh lai ngei a a ti thei hi a mâk zawk ani..
"Zico ti suh."
"Babe thisen chhuah kher che ka duh lo.. Mahse mipa dang fa i pum chhungah a ṭhanglian mêk tih hrereng chung in engmah ti lo in ka awm mai mai ang maw?" nui lui hawk chung chuan ka hma ah tak a rawn ding zui run a. A kut ah damdawi mum kheh sâ a keng ṭeuh a..
" Bar zo vek ang che.. "sehchilh nawk chung chuan a rawn ti leh hrawih a.
" Ka ei dâwn lo.."
"Zodinpui min nawr lui suh.. Lisa ang chiah a mutna damdawi ei tam vang emaw ti a i ruang hlawm tura ka siam hma hian he thil hi ei la.. Kan buaina neih hi i chingfel thei reng.."
A thusawi vang chuan ka nghilh dup a! Zico erawh rapawm lutuk in a rawn nui ta suk thung.. Ani hian Lisa kha a that a maw? Ka awih thei lo.. A hmeichhe hmangaih a that anih chu!
" Ani pawh khan maw.. Min nawr lui a.. Huh.. A unaupa phiangsen bulah khan thingtlang lamah in tlanbo tih a lo sawi a.. Kan chhungkua chiah a cheng ho thei tawh tur kha a ṭawngtam lutuk vangin kan awmhran leh phah a.. Chu thil ah chuan ka läwm i ring em? A teuh lo.. Ka tán a hnawksak apiang chu dahbo ka hreh lo.. Ka hmangaih ṭhin na vangin zahngaihna ka lantir a.. Hahdam takin ka kal tir ta anih kha.. A chung a thil thleng ang kha i chungah hian tihpalh thil thu in a thleng thei reng a nia.. " ner nawk chung in lu a thing zui ngut a.
"Hei ei rawh.." dawhkan te chung ah glass no chu a dah a. Ka darah rawn man bet in damdawi a humna kut chu ka kâ zawnah a rawn lek kang a.. Mangang lutuk in ka lo sual let ve nghal nawk nawk bawk. Ka tukhum samah rawn ṭham leh in na lua awmlo in min kuai dak sawk a..ka lu lei a na zui ṭhawt bawk.
Damdawi chu ka kâ chhung ah rawn dah luh tum in a rawn nawr zui ta nawk nawk a.. Jayden a ṭap chhuak chul a. Zico mit ah tak ka en a.. A sen vek.. Jayden-a mangang ṭap thawm te chu hrelo ang hmak hian damdawi mum ho chu ka kâ chhungah a rawn hnawh lut tawn tawn a. Ka ka chung ah a khah vek thleng in a kut phah hrawl zet chuan a rawn nawr chilh lui char char bawk.
Ka thawk hi a chham mai dâwnin ka hria a.. Ka kâ chhung ah damdawi a khat vek.. Ka khuh chhuak dâwn a.. Mahse a kut phah hrawl pui mai a ka kâ a hup beh nghal hmiah vang chuan ka taksa hi a rawn sa ṭawn ṭawn a.. Ka thi ngei dâwnin ka ka hre tawh hial mai.
"Awlsam lutuk.. Tui nen hian lem vek ang che.." Ka thawk a chham vangin ka che thei tawhlo tih a hriat rual chuan nui suk chung in glass no chu a ban a. Tui chu ka kâ chhungah a rawn tulh lut zui nghal bawrh bawrh a.
Ka hrawk ah damdawi mum a tang khat vek a.. Mahse ka lem anih chuan ka naute hi ka chan dâwn.
Ka lem duh lo chu ka tal zui ta nawk nawk a.. Zico thin in a lo tuar leh tawh bawk silo.. Ka tukhum samah a rawn ṭham zui sawk a. Min kuai dak a, tui chu min tulh lui ngawng ngawng a. Jayden lah Zico nen kan innawr buai thut thut takah chuan mangang lutuk hian a rawn ṭe chhuak ve nghal chul mai bawk si. Mittui kar aṭang Zico chu ka melh ṭawk ṭawk a, a thiltih ah hian tim chhinna zeuh a neilo tih hriat hluah hluah hian min lo melh ngur bak ah a mitmu a sen vek.
"Zodinpui." vin tuar chungin ka sam a ťhamna chu a thlah a! Chhuatah ka ṭhu sawp thlà zui nghal hnawk mai.Ka ka chhung a damdawi ho chu ka khuhchhuak zui ta bawrh bawrh a. Tui nen ka ka chhungah ah a in chiahpiah nûaih tawh vang chuan ka khuh luak zui ta bawrh bawrh a. Ka thawk te hi a chham thei mai dawn in ka hria a.
"Jayden saw nge i duh tun a i kawchhung a awm hi.?" rapawm zet a nuih hawk pah chuan glass no chu ka bul chhuatah chuan a rawn vawm keh nghal chuaih a. Jayden awmna lampan chuan a pen zui pawk pawk a. Thei leh theilo in ka inbeng kang a. Ka khup tha te chu a sai hlawk hlawk bawk. Ka ka chhung kha fuk leh taksa zawi bawk si chu thawk ka la hawk a. Dawhkan te chung a a chemte dah chu melh zawk in ka kâ a damdawi kha fuk la chambang chu ka chhakchhuak zui ṭhawt a!
Jayden lah chuan Zico chu a hlau lutuk tih hriat ngawih ngawih hian khumkil lamah a tawlh chho ve rawk rawk a. Ka theih ang a rangin chemte awmna lam chu ka pan a.
"Mamma?" Jayden chuan min ko chul mai. Chemte ka lak kan rual chuan ka banbul hi a rawn thip zawk a!
Zico rawn inher vut leh a nui zui suk ka hmuh rual chuan ka ban tha chu a rawn zawi nghal hnawk bawk! Ka lung a thisenzam hnathawh chu a tawp ta mai emaw tihtur hian ka taksa chu a nghilh dup a. Ka inher a. Syringe hrawlzet keng chunga Nunhlimi lo nui sak chu ner lui nang chung in ka pan chhet a.. Mahse ka tha chu thawk leh khatah a rawn bo nghal vek.
"I chan tawk anih kha.." Nunhlimi nui sak chu ka thil hmuh tawp ber a ni nghal bawk. Chhuatah ka sawp thla hnawk leh ka fapa in thlabar lutuk a min ko ri chu ka hre vuai vuai a. Ka lungphu ri zawi tial tial chuan khawvel hlat zawng in min nawr liam zel a.
" Mamma? "
Phe ruaiin khum aṭang Jayden rawn chhuk thla chu ka en reng a. Hlauhna vangin a taksa chu a sen vek.
"Ka jection na khan zawi zawiin a hriatna a tihreh thei a. Darkar tinin a taksa ah kan thunlut anih chuan a hriatna hi a bo vat mai ang.. Chuan nangin i duh i hmu a nga.. Keipawh in ka mipa duh ka nei thei bawk ang.."
"A harhchhuak leh ang tih i chiang a maw?"
"Lungngai suh nangang lo tak in ka damdawi pek ah khan ka chiang.." Nunhlimi nui ri hak chuan ka hriatna thazam a rawn ṭham tel zawk. "Zanin ah darkar tin a taksa ah kan thunlut a nga, Naktukah rampawn i panpui nghal ang. Vawikhat pawh Mizoramah leh Zothana nen kan hmuh theih ah rawn in lan tir tawh lo ang che.." Nunhlimi vek chuan a ti ram hmarh a. Ka lungphu in a tawp san riai riai ka taksa zawi vek tawh chu a kang zui ta nawlh a.
" Jayden hi engtinnge i tih dawn? "
" Ani kha ka mamawh ve tawh lo.."Zico aw ri chhum zet chuan min ṭhawng kher mai! Nunhlimi chu a nui ri zui hak a. Harhchhuah a an ni pahnih ka kut ngei a thah ka chak dan chu pui tak ani.
" Ka mamawh biklo.. Lisa chung a i tih ang khan na hre hauh lo in i siam thei a lawm."
Ramsa engemaw ang lek a kan nufa chungchang an sawi te chu chiang manglo in ka hre ruai ruai reng a. Rantalh tur pakhat lek ang mai a ka fapa chanchin an sawi te chuan ka kawchhung lam thleng in a ṭham kual nawk nawk bawk. Tihtheih neih a an ni pahnih hi na lutuk awmlo a sawisak a, phihsawm vek mai ka chak hluah hluah ani tawp mai, Jayden thaw ri ve hlawk hlawk te chuan ka hriatna thazam chau tawk tak chu a rawn thleng pha tlat mai si a, Zicoa'n rawng tak a ka chung ah a chet lai a țum thum hmuhna ani tawh a, a hlauhdan tur ka hrethiam ve vek! A sahimna tur zawng in khawiah emaw hlauhlawp in a țhu tawm ve chet a nga.. a hmui tereuhte khan ri mang lo in ka hming lam in a phun leh sep sep bawk a nga.. Ka taksa a kuah beh theih ka chak a. Mahse chu thil titur pawh chuan ka mit ngei pawh ka meng thei tawh bawk si lo.
Ka taksa in khum a deh rual chuan ka banbul a rawn nâ thip leh zawk a.
"Hahdam rawh.. He thil hi chu ka biang a min benna man anih hi.. Zanin ah i taksa ah he damdawi ka thun luh leh tur zawng zawng erawh Zothana fa i pai vang leh i lo hmangaih ve vang a ka phuba lakna tur anih hi.." ka beng bulah Nunhlimi chu a rawn phun sar sar a.
" I fapa chu a pa ngei pawhin a duh bawk silo a. Ka lainat viau a chu Zothana hnenah ka hruai let anih chuan ka tan thang ka kam a ni ngawt dawn bawk si.." nui ri hak chung in hriau zum ka taksa a mi chu a phawichhuak a. "Lisa ang khan na hre hauh lo in ka hahdam tir mai ang.. I harh chhuak leh anih chuan hriatna nei lo hmeichhe khawngaihthlak tak chauh i ni tawh dawn a.. Nang ngei pawn i fapa a ni tih i hriat loh chuan a khawngaihthlak mai mai ang.. Hahdam zawk rawh se aw.. " chek tlat tlat chung chuan ka sam a rawn chul a. Ka thawklak zawi viau mahse ka thinrim na leh beihlet ka chak lutuk chu ka taksa a hahdam ve thei lo. Zico thawm hriat tur a awm tawh loh ang bawk in Jayden-a thawm hriat tur a awm tawh lo, chu thil chuan mangang lutuk in min siam a. Ka tha neih zawng zawng sàwmkhawm in ka mit men luih ka tum a. Mahse charbeh tlat ang mai hian a sak vek.
"I khawvel thar chu nuam ti tak in chen ang che.. Zodinpui.." min tih el naa khat aw ri hian a rawn ti a. "Ka chak zawk i hria em? Hremhmun ah nawr luh che a. I thawk tih tawp hi!Mahse i pasal nen inremsiamna kan neih tawh na ang in ila dam ang. Mahse i hriatna zawng zawng erawh i hlauh hlen thung ang.."
Hmun maksak leh thim lutuk ah ka harhchhuak hlawl a. Inchung ah light pakhat a inkhai a. Chu light uai then nulh nulh chuan ka awmna hmun thim zet chu a en kual che che thei chauh.
"Awm in awm em?" Ka au chhuak tuar a. Chumi rual deuh thaw chuan nausen țap thawm ka hre zui nghal zat bawk.
Nilo..ka naute.. ka naute! Ka pum chu ka khawih nghal rawk rawk a. Pindan chhungah chuan ka hawi kual thuak a.Ka hmuh theih chinah chuan eng thil mah a awm lo. Mahse nausen ţap thawm chuan pindan chhung leh ka beng chu a luahkhat vek a, a bengchheng in a khawk zui rum rum a. Ka lu rawn na lutuk leh nausen țap thawm in ka benga kiu ri ruai ruai a siam vang chuan ka taksa hi a puakdarh thei mai dawnin ka hria.
"Duhtawk rawh.." ka au chhuak nghal tuar tuar!
"A harh in ka hria.. jection lehnghal rawh.."
"Zanin a tan chuan a tawk rih lo maw,"
"Eng a? Hriatna hlauh lo ting tang a a awma a rawn harhchhuah chuan keini pahnih hian kan tuar thei tih i hriat kha." Nunhlimi sehchilh zet a a ťawng nawk nawk ri ka hriat rual chuan ka rilru a fim ve tial tial a. Ka la thi lo. Mahse Jayden kha engtinnge a awm? Ka naute.. ka pum chhung a ka naute pawh kha engtinnge a awm?
Zothana'n min zawng tawh a ngem? Engtia rei nge harhchhuak lo a ka awm tawh.. Ka ngaihtuahna ah zawhna tam tak a rawn lut zut zut a. Ka fapa kha engtinnge an tih ang. Ka kawchung tawt leh ipik lutuk chu țah chhuahpui hlawp hlawp mai ka duh a. Mahse țap chhuak tur pawhin tha ka nei lo.
Ka banbul a na leh zawk a! Mipa leh hmeichhia zawi tak a phun sur sur reng thawm in a zui a.
"...... Thingtlang hmun pakhat ah kum engemaw zah chhung chu i birukpui a ngai ang.. chuan naktuk a chhuak turin insiam peih vek rawh.." Nunhlimi bawk ani.. naktuk. A awmzia chu zan a la ni.. Lalpa khawngaih takin Zothana rawn tir hram rawh.
"Jayden chu engtinnge?" Ka bana hriau in phawichhuah zawng chuan a thip leh zawk a . Keipawn chu zawhna chu hriat ka duh..khawnge Jayden?
☆ ☆ ☆ ☆ ☆ ☆ ☆ ☆ ☆ ☆
ZOTHANA'S pov
Inzaina room uap zet ațang ka chhuah rual chuan thawk ka la zui hawk a. Ruah baw hawk hawk thawm ka hre zui zat bawk. Khawi hmunah emaw chuan rial tla in nasa fe in a thawk mai thei.
"Boss..?" Ka lam pana Rinzuala rawn kal chu ka lo nuih suk a. A hmel hmuh a nuam tehchiam lo.
"A țha mai ang.. operation pawh hlawhtling takin ka zo e.!" A darah hmer in ka nuih suk a. Thaw huai chung in ka kut chu a rawn hmer hnan a.
"Ka lawm lutuk.."
"Lawmthu sawi a ngai lo.." nui suk chung in ka hawikual thuak a. Bawihi te nufa hmel ka hmu ta mai lo chuan min ti hamhaih viau mai!
"Boss.. ka cabin ah min rawn zui lawk ta che ." Ka ti zui vut a. Bawihi te nufa awmna tur ang melh kual pah chuan ka hawi kual nghal thuak a. Ka bana sana chu en in ka thawchhuak zui hawk bawk. Dar 6 leh minute 15 ah operation kan țan a. Tun ah hi chuan dar 7 leh a chanve a pel fel der tawh. An nufa khan engmah an ei bawk silo.
"Khawnge Bawihi te kha ?" Lawmzuala țhiannu ka zawt chawt a. A hawi dawrh a chu engemaw hrechhuak thut ang mai hian thawk a la a..
"Nichin khan eitur lei turin an chhuak a.."
"Chuan?' Rang zet hian ka lo ti nghal vut a.
"An la rawn let lo.."
Ka insehruh nghek mai.
"Ka hrethiam e.." ka ti sup a. An ni damlo inzai lai rilru chiai zeta nghak reng tu te lakah hian thinrim ngawt tur ka ni lo bawk.
Lawmzuala chu cabin pangngaiah an sawn hma in ICU ah darkar 12 chhung a awm a ngai dawn a. A pum an vihna khan chhunglam ah pawi thuk zawk a khawih vang a reitak buaipui ka ni reng bawk. Rilru bet lo zet in Cabin ah chuan Rinzuala chu Lawmzuala hliam neih dan vel ka hrilhfiah zung zung a. A nunna kan chan hman țhelh tih erawh ka hrilh tel ta lo. A țul ber lo bawk. Pum a invih hi enkawlna dawn vat loh chuan thihpui awlsam ber a ni a. Mahse a rang thei ang ber a kawchhung a hliam awmdan hriat a operation neih nghal chuan inchan a harsa lo thung.
Rinzuala chhuah hnu chuan hmanhmawh zet in pawnlam ah ka tlan chhuak zui nghal var a. Dar 8 rik dawn ah pawh an la rawn let lo nih chuan an chungah engemaw tak thil thleng a awm ani ngei ang.
"Doctor .?" Hospital bathlar ah ka ding a.
Lawmzuala țhianpa ni ngei tur chuan min rawn pan zui vat a. Ruahsur nasa lutuk vang chuan pawnlam ah chuan mihring hmel hmuhtur pakhatmah a awm lo .
"Ka țhianpa nunna min chhansak avangin ka lawm e.."
"Ka tihtur a lawm.." ka ti let vat a. Kan damlo nu emaw pa emaw pawh hmuh tur an la rawn awm lo. A bialnu leh a țhian mipa rual an ni deuh tawp mai pawnlam a lo nghak tu pawh.. oh .. Țhianpa Rinzuala pawh a tel tak kha maw.
"Chuan," ka mit ah tak a rawn en rual chuan a hawi kual thuak a.
"Ka kalsan rih ang che.. i ţhianpa pawh naktuk zing lamah a rawn harhchhuak mai ang.." ka tih țhin dan bawk in a darah ka beng thak a. Ruahsur buan buan hnuaiah chuan motor hunna lam pan chuan ka pen zui ta pawk pawk a. Hospital bula caffee leh dawr awm ho pawh a inkharphui vek tawh.
Bolero a ka luh rual chuan ka thuamhnaw chu huh zawr tawh tak ani.
Car hma lamah ka phone hmuh mai inring in ka en vat a. A awm lo.
Hawi kual thuak pah chuan chhuat lam ka bih a.
Bawihi seat hma a ka phone lo let ngat ka hmuh rual chuan thaw hawk chung in ka ban a. Nghah chi ka nilo tih hria in in lamah an let leh tawh anih ka ring rum rum bawk.
Bawihi number ah ka call a.. switch off!
Tak zet chuan!
Nu Liani ka call a. Phone in ring chhung chuan motor hma eng in a chhun theih tawk a hla chu ka en kual pah reng a.
"Hello.. ruah a sur ta chiam sia. In țha maw?" Nu Liani chuan phone a chhan rual chuan a rawn ti nghal zung zung a . A awmzia chu Bawihi te nufa an la haw lo! Ka ngaihtuahna a thil rawn lut vang chuan nghet zet in steering ka hum ta chawt a.
"Hello.. Zothan?"
"Ka rawn be leh ang che.." ti sup chung in phone chu ka ti tawp a. Ka thawk a sa nghal phat mai.
Bawihi number ah bawk call leh ka tum rual chuan screen chung lam a message rawn lang va chu ka pull down vat a.
*Mizoram ah a rawn let tawh* Harish-a number ațang in..
Hreptak chuan!
In veng hman lo in steering ka chum zui ta pawp a. Ka thaw chhuak zui nghal ham ham bawk.
Bawihi location ka check dawn a.. a phone a in off miau vang in a theih bawk siloh..
Mahse ka ngaihtuahna a thil rawn lut zawk chu nui lui suk chung in ka chhunzawm nghal zat a.
Ani hian Bawihi te nufa awmna chu a hre dawn chiang lutuk..
Engine ka tih nun rual deuh thaw in ka dawk chhuak zui nghal zawk bawk.
Ruah a sur nasat lutuk vang in motor dang vei vak a tam lo a. Ka phone a thil rawn lang zeuh zeuh chu insehruh țeuh chung chuan ka melh leh zawk zel a.. An nufa chungah khan engpawh an ti anih chuan an nuamsa lo khawp ang.
Thir Gate lo inkalh țhap chu dimna tel hauhin ka su hawng zui sawk a. Alarm an dah a ri zui nghal ruai ruai a. Tupawh hmachhawn ngai dawn mahse ka pawisa lo.. ka thah ngai dawn pawh nise chu thil chu ka ti hreh hauh lo ang.
Kawtzawlah Motor chu ka ti ding dawt a. Inchhung thim ţhup mai en chuan thawk ka la zui hawk bawk.
Ka chhuk a. Motor seat hnuaia emergency atana invennan a ka dah reng chu ka phawrh chhuak zui nghal zat. Ka kawngah ka pai țha a. Ni e.. silai hi Mumbai ațang tawh khan mahni invennan ka kawl tawh. A chhan pawh ka chetdan hlek min en zui reng tu leh khawilo ka kal chang pawh a min zui ru reng tu an awm vang ani.. mahse a chet chhuahdan atthlak zet vang in ani kha chu nizan hmasa ah jail chhungah ka khung tawh. Luhlul zetin a inpuang duh lo a. Zanin ah erawh a inpuan ngei ngei a țul tawh thung ang.
In lam pan a ka pen pawk pawk chu thim chin a ka thil hmuh vang chuan ka tawp chawt a!
Ka silai pai ruk reng chu phawrhchhuak lo in țul thut a phawrh nghal theih mai inring lawk sa in ka vuan rem sauh bawk. Jayden-a'n apple kung a phunna lam chu ka pan zui ta zel a. Bawlhhlawhbawm lianpui thir hmang a siam inchhin phui tlat chuan chhan ka hriat siloh hian ka mit a la zui ta chat bawk.
Ka silai ken phawrh a ngai dawn lo tih ka hriatchian rual chuan bawlhhlawhbawm chhin phui thlap chu ka hawng a. A chhunga mi ka hmuh chian rual chuan ka hawi ve dawrh mai!
Thinrimna in min rawn tuam mup mup a.
A chhunga Jaydena taksa dang bel mai leh huh hnuang chu ka pawmchhuak zui ta nawlh a. Ka taksa chhung hi thinrimna vangin a sa pup pup thei mai.
Ka dar ah ka bei tir a ! Ka nghawng zawnah chuan na lo te te hian a rawn thawchhuak a! Ani naupang pawisawilo lutuk hi engvanga mitthi ruang ang mai a paih nge anih?
A chhanna min pek rualin an taksa peng tin chuan thih mai chakna in a rum chhuak ang!
Jaydena taksa zawi hniang mai chu motor lamah ka letpui zui nghal vat a. Amah venghim tu tur hi a mamawh hun ah tak ka thawk chhuak hmanlo chu ka inhaw hlawm tawp bawk!
Motor kawngkhar ka pawh hawn dawrh rual chuan thawm ka hria a. Mahse chhunglam ațang nilo kawngpui lam ațang ani!
Jaydena taksa tereuh te chu seat hnung ah ka muttir a. Bawihi chungah pawh thil țhalo tak a thleng ngei ang.. chu ka ngaihtuahna vang chuan ka thinrim zual sauh mai bawk.
"Bawiha?" Ka thaw zui nghal hrawi mai.
Kca chu huh phung in a rawn lang hlawl a!
"Motor hi khalh let rawh.'' Ka dawhtheihna zawng zawng a tawp vek tawh.
"Eng thil nge thleng a..?" A rawn ti hluai a.
Engmah hrilhfiahna hun ka nei tawh lo.
"Jaydena hi let pui la..hospital ah hruai ang che. Nu Liani kha call la hospital ah kal turin hrilh la.."
"Eng thil nge thleng a,"
"Zawhna min zawt tawh suh.. ka sawi ang chuan ti rawh.. Jayden hi tun_ah_hospital_ah let pui nghal rawh..Doctor ko la..a lo buaipui nghal vek ang che.. a taksa a zawi hneh tawh lutuk.." Kca pawh ngaihven tawh lo in motor chhung a Jaydena taksa zawi hniang mai chu ka pawm kang nawlh a.
"Driver side ah lut rawh.." Kca chu ka vin zui ta hluk a. A luhfel vek hnuah Jaydena taksa chu a hma lamah ka dah a. Thil awmzia a hrethiam ta in ka hria. Seat belt ti thawl in a hreng bet zung zung a.
"A hun tak ah thlenpui ang che.."
Inchhung lam pan in ka pen zui pawk pawk a. Kca te tlanchhuah fel rual chuan kawngkhar zawn ka thleng der tawh.
Hawn tum in ka sawi dawt dawt a. A inkalh nghet țha khawp mai..
A pawi tawp lo!
In hnunglam luhna darthlalang chhah zet chu pistol chuan ka chhu keh zui sawk a. A harsa lo kher mai!
Inchhung ka pen luh rual chuan muang hauhlo in kailawn lam ah ka chho zui pawk pawk a. Engang pawhin min lo beilet rawh se. An him rei dawn chuang lo.
Pindan kawngkhar pakhat ka chhir hawn pawp rual chuan ka hmai zawnah thil tle a rawn phe fua a inches khat lek pawn lo pen hma ila chuan ka che chhe der ang.
"Kan inhmachhawn leh ta maw?" Nui suk chung in Zico chu ka melh nghal run a . A kut ah chem a keng a. A taksa phen sia khum chunga Bawihi mu zawi reng chu melh zawk in ka insehruh zui ta nghek a.
"I tlai.." thle bak in Bawihi mutna khum lam en chuan a țhen sak a. Silai mu hi a chaldar ah tak kah luhsawk mai ka duh a. Mahse natna pakhat te mah tuarlo a a kal ngawt anih chuan a nawmdan tur ang in a nuam famkim dawn lo tlat.
"Rawn harhchhuak leh pawh nise a hre tawh ngai dawn lo che.." nui huk chung chuan a ban a lek zuau a.
Ka silai ken a puak zui ngal dawp a. Chhuatah a tlu sawp nghal nawk bawk.
"Kha thil kha Lisa chung ah rawng tak a i chet vang anih kha. " ka nuih sak a. Ka rilru erawh in a chal darah tak hian silaimu thunlut tawh mai turin min tur ngut ngut tawh thung.
"Phiangsen.." rum hawk chung a a rawn dah chhuah leh rual chuan timna tel hauh lo in a dar zawnah ka kap lui leh siah a. A kã chhung ațang thisen a rawn chhuak nghal zuai bawk. Ka la duhtawk dawn reng reng lo.. thi siloa dam hrehawm zia ka hriattir dawn!
Pindan kil lam a a bur hun chu ka pan zui zat a. Ani erawh a thaw ri hrawih hrawih thung.. thah ka tum lo.. mahse thih mai chak khawpin ka siam ang.
Acid bur chu la kang in a chhin ka hawng zui rawk rawk a. Keihi che chhe zawk ni ila chuan he thil hi ka taksa tih chhiatnan hman a tum tih lah ka chiang lutuk! A mize tenawm tak leh mipa rilru pu pha silo a verther zet a a chet ţhin vang hian kutthlak ka duh ngai lo.. ka mipatpui te chiah kut ka thlak ţhin ka tih tawh kha.. marawhchu tun hi chu ka farnu thlarau hahdam nan a ti ka ni.. ka tan nilo in.. Bawihi te nufa chung ah a rawng taka a chet ţhin vang pawh a thi silo damsilo a siam chak ka ni bawk.
"Vincent ti suh.." ka kah tawhna vanga a hliam chuan a awm a ti khur hluk hluk a. Hmeichhe chaklo zawk lakah kut a lek hma khan hmeichhia te venghim thei tu mipa chetchhuah dan tur hi ngaihtuah thleng pha nise chuan...
"Ti suh..!" A ban chu khur hluk hluk in a rawn phar chhuak a. Ka nuih ta suk thung.
"Lisa khan vawikhat tal khawngaih a dil che em?" Acid chu chhuatah ka leih bua a. Zico meng phar nasa lutuk leh mangang hmel ka hmuh rual chuan nuam ka ti sauh thung! A chhan chu ka farnu nunna la tu ani miau a lawm.
"Ka chungah zahngai hram rawh.."
"Lisa khan i chungah zahngai turin a ngen lo bik che em ni?" Nui lui suk chung in a ke ka kah hliam tawh ah chuan acid tui chu ka leih a. A țe chhuak nghal rawng rawng mai.. a vial kual ngawt ngawt a.
"Ka hmeichhe hmangaih sawn i khawngaih a dil em?" Vin zet in ka au țhawt a. Acid tui chu a ngai ah bawk ka leih hnan leh hmiah.
Na ti lutuk a a vial khur ngawt ngawt mai en chuan ka țhen sak a. He thil ah hian police an inrawlh ka phalloh chhan pawh an ni chuan himpial in an man a nga.. jail ah reilote tang in sum engemaw zah seng in a chhuak leh mai thei dawn tih ka hria. Thamna pek theih mi thiltithei hmelhriat an neih phei chuan thla pawh tling loh ah a chhuak lehnghal mai dawn! Chu thil chu ka duh hauh lo.
"Vincent zahngai rawh.." a na ti lutuk țap pur tawh hmai ah acid chu theh țhawt lo tur a ka insum nasat zia mai chu!
"Lisa thlarau hahdam hma chu ka nghaisa ang che. " ka ti hrawk a, a dar ka kah hliam tawh ah chuan ren lo zet in acid chu ka leih leh hmiah. Na ti lutukin a au rawng rawng a. Ka farnu thlarau hahdam lo zet hmel hmuh hrehawm ka tih zia leh ka indem zia kha ngaihtuah let in acid bur a awm zawng chu a dar hliam ah ka leih lut leh vek a. A ril a tla emaw tih theih tur khawp a ring in a țe rawng rawng bawk.
A taksa kang huam tawh chu ka pheikhawk hnuaiin ka rahsak a. Inchhirna ka nei em tih min zawt duh em?
Ka nei lo.. inchhirna pakhat te mah ka nei lo.. He mihring nep lutuk in ka hmeichhe hmangaih te pahnih chunga a thiltih zawng zawng en hi chuan that ve tur ka ni a. Mahse ka that em lo ang.. thih chak ngawih ngawih a siam a. Ngaihtuahna fim pawh pu thei lo a ka siam hian ani mi dawihzep lutuk tan hi chuan thih tluk zet in a hrehawm dawn.
"I fapa ngei hraihlum tuma i chet vang anih phiangsen hi. " a dar kang pilh huam mai chu ka rap a.. ka pheikhawk chuan nawr na zual in ka chet lui sawk bawk.
Amah that mai tur a min ngen chul rual chuan ka țhen sak a. Thih chak ngawih ngawih thi thei siloa siam kha ka duh ber ani.
"Min that law law mai rawh.."
"Nimai lo e..'' na lua awm lo in a bekah ka pet zui sawk a. Bang ah thisen a per berh nghal sawk bawk.
Bawihi lam chu ka pan zui nghal zat a. A taksa zawi lutuk chuan ka ngaih a ti țha miah lo.. Jayden lah khati teh tawp kha ni tawh bawk si.
"Bawihi.." a biangah ka'n vuan vang vang a. Zawi te tak taka a rawn thawchhuak ka hriat rual chuan thaw huai chungin a chalah ka hmui ka nawr zui vang vang a. Ani hi ka chan thei ngai lo ang!
Pindan chhungah chuan ka hawi kual thuak a. Eng damdawi nge an hman tih hriat tum in kil tin chu ka melh a. Mahse pindan kil khat a damdawi mum tla darh nuaih mai bak hmuh tur a awm lo. Zico na tuar rum țuah țuah reng chu police call a rawn saseng tur a hrilh tumna ka neilo.
Bawihi ka pawmkang zui nawlh a. Ka phone a rawn ri ve chiah bawk.
"Hello.." Kc-a anih vang chuan ka lungphu a pangngai lo kher mai.
"A.. Jayden chu... a .. a harhchhuak thei lo a."
"Maw," ka ti nghal țhawt. Thawk ka la zui hawk a. Bawihi taksa zawi hniang chu en in mit ka chhing zui sawk bawk.
"A harhchhuak theilo.. i theih ang a rang in rawn let rawh.."
"Ka hria e.." ti sup pahin phone chu ka ti tawp a. Ka silai ken lai chuan Zico tukhum ah tak ka tin zawn vang vang! Thah mai ka chak hluah hluah hi ani tawp mai.
"Zothan..?" Kailawn a hmeichhe rawn tlan chho chu țhen suk chung in ka melh vat a. Ani hi ani, he lai hmun min hruaithleng tu chu.
"Engthil nge thleng a.." mangan hmel zet hian a rawn ti ruai a. A kâ ațang ngei thil thlendan hi a sawifiah vek angai vat ang.
Chhang lo in kailawnah Bawihi chu ka pawm thla zui nawlh a. Nunhlimi chuan thilthlen dan hriatthiam loh hmel zet hian min rawn zui ve dawr dawr a! Kca car lo inhung ah chuan dimte in Bawihi chu ka nghat lut a. A taksa zawi lutuk chu buaina tur a nilo tih ka hriat rualin an damdawi hman erawh ka hriat chhuah vat a ngai thung.
"Lut rawh.." in lam hawi let zak zak chunga Nunhlimi ding chu ka melh run a. Ka mit ah en in a hawi kual leh hra hra! Zanin hian hmeichhia ani hi lawm hluah hluah tur ani!
Hospital lam panin ngawi reng in ka inkhalh let a. Traffic a awm lo bawk a. Jaydena awmdan chiah min rawn hrilh bawk silo chuan ka ngaihtuahna a tibuai ru tak zet! Thil țhalo tak a thlen mai hlauhna in ka khat a. Bawlhhawlhbawm ațang zawi hniang a ka lakchhuah lai kha mitthla let in thawk ka la zui hawka. Front seat a Bawihi zawi zet a țhu chu en leh in a kut zawi hniang mai chu ka hum beh sak chawt bawk. An nufa chungah hian engmah a thleng tur anilo.. a tu emaw zawk zawk chung ah pawh hian a thleng tur ani lo tawp mai!
Ka theih ang a chakin speed chu ka san a. Front glass ațang Nunhlimi hawikual zak zak reng chu a khattawk in ka en leh zauh zel a.
"Engtinnge kha hmun ah khan i rawn awm theih?' Ka țawngri a hriat rual chuan a meng phar zui dawrh a!
"A.. ka.. ka umzui che a alawm..'" dawhheh lutuk mai.
Chhang lemlo in ka bu nghut a.
Hospital kan thlen rualin Doctor dang in min lo buaipui sawk sawk a. Bawihi thisen test nghal tur leh result ka mamawh nghal thu ka sawi rual chuan Bawihi chu cabin ah an nawr lut a. Doctor thiam tak tak in an buaipui zui vat bawk. Kei erawh Jaydena awmna lam ah ka tlan zui vat a. Nu Liani leh Doctor lo bawihsawm mek tuin min hmuh rual chuan thlamuang ta huai hmei hi an rawn pu a..
"Bawiha hei a result chu.." Kca lehkha min pek chu ka bih thuak thuak a. A thisen ah damdawi chaktak mai hmuh ani a. A thawk lak a dikloh bak ah mihring pangngai let dawn in a thinphu a rang bawk.
Rilru chiai hman ka nih loh ang bawk in ka ngaihtuahna a buai ru kher mai.
"Operation nei turin room lo va buatsaih rawh." Doctor rawn hawi phawk haw chu thaw hawk chung in ka melh a.
"Damdawi a chiu khalh ngawt in a taksa chhunga mi hi kan hneh dawn lo.. a kawchhung zai hawn a.. a kawchhunga tui tling te nen lam kan chhuah tir vek a ngai.." ka ti halh a..
Operation nei tur a room a buatsaih lai vel chuan result chu ennawn in ka thawchhuak ham ham reng a. Bawihi a la harhchhuak bawk silo. Ka ngaihtuahna chu a kal kual ruai reng mai.
Kha Nunhlimi teh hrep kha zanin la la hian police hnenah a inpuang ngei bawk ang.
☆ ☆ ☆ ☆ ☆ ☆ ☆ ☆ ☆
ZODINPUII'S pov
Chiang lo ruaiin ka bul vel a thil thleng chu ka hre theia. Ka taksa chet ka tum a. Ka hlawhchham chiang kher mai!
Mit men tum a ka beihna pawh ka hlawhchham hneh lutuk!
Ka pum chhung a naute kha engtinnge a awm ang.. chuan Jaydena pawh.
Thim zing a tang tlat ang mai hian harhchhuah tum a ka beihna chu a manganthlak lutuk tak zet!
Engemaw hi a ri rak. Khawnge ka awm ka hrelo. Zico khan ramdang ah min hruai tawh tihna em ni.
"Zodinpui.. !" Nunhlimi aw zawi sep ka hriat rual chuan ka taksa chu a țang nghal țeuh a.
"Oh.. i muhil lo maw.. mahse i muhil hlen tawh thung ang." Min rawn hnaih tih hriat zet in feel ka nei a.
"I pasal laktlak loh zet vanga ka tuar phah ve dawn ai chuan thi ang che.." a nui ri hak a. Chet theih a he hmeichhia sawisak hi ka chak hluah hluah.
Engemaw hi a ti ri rak rak a. Jection leh min tum tih ka hriat rual chuan ka mangang zual sauh a. Ka thawk sak țawlh țawlh leh theihtawp a au chhuah ka tumna chu a hlawhchham chiang hle mai.
"Hahdam rawh.." zawite in ka beng bulah a rawn phun sep a.
"A na dawn lo.."
Mangang lutuk in chet ka tum lui a. Mahse ka taksa hi inches khat lek pawhin ka chetsawn thei lo.
Hriau hmawr in ka taksa a rawn sik rual chiah chuan engemaw hi a rawn ri bur a.
"Man nghal rawh u.." Zothana aw vin țhawt ka hriat rual chuan ka hahdam nghal huai huai thei mai!
"Nilo.. Zothan engthil mah tihsual ka nei lo.." Nunhlimi chuan a ti nghal chula. Chet theih a, Jaydena nen kan chunga a chetdan zawng zawng vanga thungrulh ka chak zia chu puitak ani tawp mai.
''Lisa thah a nihna ah khan remruattu i ni tih ka hriat loh ring suh.. chuan damdawi hmanga mahni mihringpui te jection pe lui a. Rukbo tur a ruahmanna siamtu i ni bawk."
"Finfiahna tello in min puh ngawt thei lo." Zak hauh lo hian a ti zui tuar a.
" umm.. chu thil chu Zico nen Jail chhungah in sawi dun dawn nia.." Zothana chuan bul zet hian a ti hluk a.. "E.. chuan Bawihi lehkha tur zawng zawng lo thukru țhin tu kha i ni tih ka hre bawk." A aw ri chu a zawi.. mahse a rum in pawisak a neih loh hmel hluah hluah!
"Min puh ngawt thei lo..."
" Pha buai duh suh. Mumbai a i in luah ațang ngei engkim ka haichhuak vek tawh.." a ti chang hrawk a!
"Maw?" Hlauthawng lutuk hian Nunhlimi chu a țe țhawt a.
"Engkim Bawihi hnen a thleng tur zawng zawng lo dang chat a lo kawl ru zel tu kha i nih tih ka hre tawh tih ka sawi anih chu.." a sawi tawp lam chu dawhtheihna tlakchham hmel hluah hluah hian a rawn au chhuak țhawt a!
"Hruai bo ru.." Zothana vek chuan a ti leh hrawk a. Ka chhehvel a thil thleng chu mit ngei a hmuh ve ka chak a. Nunhlimi hi maw lo ni lehzel a Zothana lehkha min thawn zawng zawng lo la bo zel tu chu?
Ka khum chu a rawn hniam suih a. Țe chul chunga Nunhlimi tu ten emaw an hruaichhuak thawm a reh fel hnu chuan mipa thawk la ham ham thawm ka hre zawm zat a. A kut lum vung vung in ka kut a rawn hum a. Engtia rei nge harhchhuak lo a ka awm tawh pawh ka hrelo. Ka naute leh Jaydena an țha em tih zawh ka duh a, mahse engmah ka sawi chhuak thei bawk silo.
"Bawihi, harh tawh la..." a aw zawi ruih chuan ka kawchhung thleng in a fan a. Thawchhuak ham ham chung in a hmuiin ka kut chu a rawn nawr si a.
"A rei tawh lutuk.. I pumchhunga naute khan a mamawh tawh che.. chuan Jayden leh..." a ngawi dat a. " Kei hian kan mamawh tawh che. Engtia rei nge kan tello a mut reng i tum a," zawi sup tak tak in a phun a. A aw ri a natna leh beidawnna ri tel ve chuan min tina a! A thusawi engkim ka hriat vek tawh thu hrilh theih ka chak tak zet!
"Nizan ah Jaydena țawngvaiin a lam leh che a.!" Thawchhuak hawk pah hian a rawn phun sup a. Engtia rei nge harhchhuak lo a ka awm tawh ang le.
A taksa hrawlpui mai che chu boruak ațang ka feel a. Min rawn awm hnaih sauh a. Tunah chuan a taksa ațang lum rawn chhuak pawh ka hre thei tawh. A hmui lum in ka chal a rawn nawr a!
"He mipa tan hian a engkim leh a nunna i ni tih in hria la.. rawn harhchhuak tawh rawh.. chenna tur in ka mamawh tih i hriat kha, ka in leh ka chenna ber hetiang a i awm tlat chuan ka chau ve mai ang.." a hmui khur ru dar dar chuan na leh zualin ka chal ah a rawn nawr a. Ka biang lum thla pap mai vang chuan ka kawchhung hi a țek sawk thei!
Zothana mittui a tla!
"Ka ngai che tih i hria em? Thla li chhung i aw ri hrelo in ka awm tawh.. chu thil chu inhremnan a tawk em em tawh lo ami?" Chil a lem ri dawk dawk a! A ka ațang a rawn thawchhuak zui ham ham bawk.
" I chen mekna hmun ațang khan ka thusawi hi i hre thei tih ka hria.. keipawn ka sawi tawh kha. Ka awmna khawihmun ațang paw n ka hmangaih che tih hi ka hrilh fo ang che ka tih kha.. " zawi sup in a rawn phun a.. kuah vawng vawng mai ka chak a. Thla li chhung tehmeuh maw ka harhchhuah tawh loh a.
A hmui lumin ka beng a rawn nawr a. Kan awmdun hnuhnun ber țum ang chiah khan ka taksa hian a lo hre nghal vat bawk.
"Guess how much i love you?" Ka beng ah a hmuiin a nawr reng! A aw ril ruih leh min thlakhlelhna lang tel ve vang chuan ka awm mekna hmun ațang harhchhuah ka chak zual sauh mai! Ka kut chu la in a awmah a vuan bet hmiah a. A thawchhuak zui ham ham bawk.
"Ka chhanna che i hria tiraw? I ka ngei ațang i sawi chhuah hun ka nghak a nia.." ti sup pahin ka hmui ah a hmui a rawn nawr a! Ka va han lainat ngawih ngawih tak em! Min thlakhlelh hmel lutuk hian thawk a la. Ka â thei takngial dawn in ka hria.
"Jaydena school ațang hruai a hun leh tawh dawn a; a lian tawh teh mai ania. Ka va lam a nga. Ka rawn hruai ang.." nui lui hak chung in ka chalah a hmui a rawn nawr leh vang vang a. Ka fapa hmel chu ngaihtuah let in ka nui ve sak a, ani erawh in ka nui tih a rawn hre kher lo ang! A kal chhuak thawm chu ka ngaithla reng a.
Engvanga che thei lo leh mitmeng thei lo nge ka nih.
Thla li ngawt maw ka harhchhuah tawh loh? Chuan ka pum pawh a țhanglian tawh ngei bawk ang.. ka rilru chuan ka nui hak a. Ka kut chet a ka pum khawih mai ka tum rual erawh in ka thinrim hlur mai!
Zothana khatiang tak a tlawm a, min ngaih vanga a mit ațang mittui a rawn chhuah hial kha ka ring pha ngailo. Ka ngai tawh che tih a sawi ri kha ka bengah hian a ri nawn tluk tluk a. Harhchhuah a, a hmel pa zet kha hmuh leh a ka kut ngei a a taksa khawih leh theih tawh ka chak lutuk!
Lalpa min țanpui hram rawh.
Ni a ral nge darkar a liam zawk tih pawh thliar hrang thiam lo in ka la awm fo a. Zothana ka lakah a beidawn duhloh zia ka hriatna te chuan min tichak thar zel a. Doctor thiam tak tak be kualin ka test tharna result a piang a thawn kual a. Tunge ka rilru muhil tlat leh taksa zawi reng enkawl dam thei tih hriat tum in a zan hun chu a hmang zo ani tawp zel.
Ka beng zawnah lungphu ri dawt dawt ka hria a. A awm chunga ka kutphah tereuhte tawm chet mai chu chet in ka che țalh ţalh a.
"Jesus!" Zothana phun ri hluk ka hriat rual deuh thaw in ka bawhbeh mek a taksa hrawlpui mai chu a che vut a.
"Bawihi?" Lawmna.. mak tihna leh awihlohna a aw ri ah chuan a ri tel nawk vek!
"I harh tawh.. nilo.. i che thei.." nui chhuak hawk chung chuan a rawn ti leh a. Ka meng zui nghal kawk bawk!
A sawi dik.. ka che thei.. chuan..
"Ka naute.." A malchungah amah hmachhawn in ka țhu a, ka hriat miah loh laia ka pum lo puar ve lah tawh chu tim dai hian ka khawih a. Ka taksa chakloh vang nge ka kut tha chu a la khur dar dar mai!
"Zothan.. kan naute.. kan naute.." Zothana hmel landan dam ruih mai chu en in ka nui chhuak hawk a! A kutphah hlai hlup mai chuan min tihnat hlau zet in ka biang a rawn khuap lum zui ve vut a! A hmai ah chuan hmul a țo khat lak a; ka harhchhuah leh theih nan a buai em em reng tih ka hria. Karlo ah a mithnuai val kual raih chu ka hmuh zawm leh zat bawk.
"Ka lawm e..!" Ka ti sep a. A hmuihnuai a pet sawi zauh thung.
Zinglam dar khat a ni tawh a.. ka harh hnu reilote khan test ka nei a. Ka taksa pawh țhatlohna a awm tawh lo..ka la chaklo tih mai loh chu..
Zothana taksa lum vung vung ah chuan ka bawk a. Ka dul in min dip ve tawh vang in ka taksa pum erawh ka bawk kai thei tawh lo thung. A khat tawk in duhthawh lutuk in ka hmui ah a fawp leh ngawng ngawng zel a. Ka dang hman ngai bawk silo chu ka nui leh tawp zel.
"Engmah hrelo a ka awm chhung in ka fapa min lo enkawl sak char char a ka lawm e aw..'' a awm veilam ah khabe ka nghat a; a biang chu ka kutțangin ka khawih riak riak reng bawk. Ka thusawi zawh rual chuan ka kut chu a man bet chawt a.
"I fapa bik a nilo.." a ti sup. "I awihlo ami.. i kutțang kha enchiang rawh.." pa zet a nui suk chung chuan ka kut chu a melh zawk a.
Phawk lutukin ka meng nghal kawk mai.
Rangkachak țha mi tih hriat lutuk hi ka kutzungte u ah chuan a lo awm reng a.
"Ka nupui i ni tawh.. Jayden pawh i fa bik anilo.." a ti sup.
Ka thawchhuak hak a. Sawi tur pawh ka hrelo.
"I chungah engpawh thleng se ka ta i ni tawh.. keipawh i ta ka ni tawh a.. Jayden pawh kan pahnih fa ani.. i nun ah engthil pawh thlengse nangmahin i tuar tawh ngai dawn lo.. i bulah ka awm zel tawh dawn." A awmah bawk min kuah bet leh a.
"Kan nun a thil thleng engpawh hi kut in vuana kan hmachhawn zel chuan kan hneh zel dawn tih ka hria a, kan kut invawn hi enganga kawng harsa ah pawh kan thlah tur anilo.. a tawp thleng in kan kut hi kan invawnsak tlat bawk tur ani.." ka chalah a hmuiin a rawn nawr vang vang a.
"Nang leh Jayden.." a kut chet in ka dul a rawn chul hauh hauh a. "Kan princess tereuhte tur te nen hian.. ka bulah in awm chhung chuan he khawvel hnehtu hi ka ni thei ang.." a ti leh supa.. ka nui chhuak hak chu nui chung in ka chalah bawk a hmuiin a rawn nawr a.
''Muhil rawh le.." zawi sup tak tak a a rawn phun rual chuan a awmah ka bei țha sat sat a! Ka naupantet ațang min hmangaihtu leh ka ta liau liau bik a ka ngaih mipa hi ka ta ani kumkhua tawh dawn a. Ka duhthusam engkim tipuitling vek thei khawp in a nunah min dah pawimawh a, ka thil sawi te ngaipawimawh ţhintu mipa hi kawng tam tak a ngaihtuah chuan kei nuthlawi ve mai k
hian ka phu hlawl ţhin lo.
....Mahse maw min hmangaihna hi hmangaihna diktak ani tih ka hriat avang hian a bulah hian 'phulo' tih țawngkam hi ka hmang ngam ngailo a. A chhan chu min hmangaihna hi a zahawm a, kan inkarah 'phulo' tih mai mai tlakzeh tir thei tur tawk lek a derdep ani lo bawk.
Zico leh Nunhlimi pawh court in an chungah rorelna diktak a lantir a. Nunhlimi kum 10 chhung a tan dawn laiin Zico erawh damchhung a tang dawn thung. Lisa a thah vang leh kan nufa chung a a chetdan zawng zawng vang khan dan in a ngaidam thei lo a. A damchhung hun lungin ah a hman a ngai tawh dawn a. Jayden-a pawn a len hunah thil thlendan diktak a la rawn hrethiam chho zel ang a.. chumi hma chu Zico chanchin chhelam hrilh ka la duhlo fo tho!
Zothana nu pawh ka lakah a țha huam lo a. Mahse min be chhe tawh ngailo bawk. Nunhlimi rilru țha leh fel takah alo ngai in a fanu neihchhun liau liau thihna ah a lo inhnamhnawih ve reng khan a rilru a sawi nghing ve deuh pawh ani mahna!
Zothana erawh in a ngaihsak bang lo a. An ni lam pawn an mamawh tawh phawt chuan rawn tihbuai an hreh ngai biklo.
☆ ☆ ☆ ☆
Ka fanu hnute hne a muhil sek sek mai chu ka thlir reng a. Jayden leh apa in an atchilh em em a, hnute ka pe zawk tih loh hi chu ka chang ve hman ngang ngailo.
Thla hnih ala pum lo hret a. A sam dum hlap leh bu chhah zet ah chuan Zothana chiah chiah hi a ni mai. A hnarngul sang vah pawh Zothana, Jayden nen an mitmeng dum fiah kak erawh a inang thung.
"Mamma.. tinge nanau hian te te lehlam kha a hum tel zel a.." Jayden chuan a nau hnai zet a rawn bih pah chuan a rawn ti a. Khum a țhu chunga Zothana hnathawk chu a rawn nui chhuak hawk bawk!
"Mawh Mamma?" Jayden bawk.
"Apa kha zawt rawh." Ka ti a. Zothana nui ri leh suk chu ka hre zui tho. Ni e.. Amanda hi Zothana ang chiah! Chhun fuh tak ani tawp mai! A pianhlim a hnute ka hnektir vawikhatna ațang a kut in hnute lehlam a zawng nghal zat! Khami zan a Zothana nui chhuak hawk kha ka damchhung hian ka theihnghilh thei tawh lo ang.
Zanlaiah Amanda a țe țhat țhat a. Ka che a. Mahse taksa lum in min kuah mu lehnghal hmiah a. Ka chal ah a hmuiin a rawn nawr a. Ka lo nuih seih thung.
"Lo muhil rawh.. ka va en ang.." ti sup pahin a tho a. Chiang lo riaiin Amanda mutna lam pana a kal chu ka hmu a.. ka chau ngang aniang khum ah a rawn let leh lai pawh ka hre lo.
Zan ah Amanda harh hlek se keiai aiin Zothana hian a hre hmasa a.. ka thawh khalh ve hman ngailo reng reng.
.
"Bawihi.. naktuk kha aw..?" Hna kal turin a insiam mawlh mawlh a.
Amanda pawh thla 6 a tling ve tawh a .... Jaydena school uniform ha fel thlap tawh chuan a chhaih nui ve hawk hawk reng a.
"Ni dawn tak..'' a laptop bag ah laptop ka thun lut a, motor chabi chu ban in a kekawr ipte ah ka thun lut a. Rang zet in ka hmui ah a rawn fawp zui nghal zauh thung.
Naktuk hian Kc-a leh hman ațang a lehkha zirpui ţhin Ramthari an innei dawn a. Lengrei ve ve tawh an ni a, Zothana leh țhian dangte hmalakna a zarah inkawp rem tur tak an insawirem thei ta hlauh a. Kca nu leh pa te an lawm ngang mai bawk.
"My Little Princess.." Amanda a mutna bik ațang pawm kan nawlh pah chuan a ti hluai a. Keiin a laptop bag ka khai thung.
Kailawn ah kan inzui thla dam dam a. Heihi kan zingtin dan ani a. Jayden leh Zothana kal chhuak tur hi gate thleng Amanda nen kan thlah a. An rawn haw leh pawh kan lo hmuak thlap zel.
"Apa, today chu keiman ka drive thei em?" Jayden chuan Zothana dak chho meuh a melh haw pah hian a ti lang lang a.
Zothana kut ațang Amanda chu ka la vat a.
"Mamma kha dil la..?" Zothana zawk in min nuih suk chung in a rawn ti ve vat bawk. FabIndia shirt navyblue a ha a. A kilhna a thinzawn thleng a awm thla a, jeans kekawr a bawp hrawl zet nen a inrem thlup a ha leh tawp bawk!Hetianga a tih tawh hi chuan Jaydena thusawi a pawm hmin der tawh tihna ani bawk.
"Fimkhur ula." Ka ti halh a. Jaydena a khek chul a. Zothana ţhu lut chuan a seat adjust a, Jaydena lawn that that chu Amanda chuan a melh ve kiau a.
"Princess, Mamma thu lo awih la.. Apa leh a u hi kan lo haw leh vat ang aw.." Jayden chuan a thiam ang tawkin a nau chu a rawn be ve mawlh mawlh a. Amanda lah chuan hrethiam ve ang hrim hian a kut a vai ve lap lap a. Zothana zawk in a bula kal hnai turin min mitmei zauh a.
" Mamma thu lo awih tur aw.." a fanu biang ah a fawp zauh a. A kutțang hrawlpui chu Amanda chuan a man bet ve țai a.
Zothana chuan a fanu in a hum beh mek a kut chu nui suk a en chung in min rawn thlek a, a mitmeng sexy zet nungsar mai chu en in mit ka kan zui ak a.
"Fanu hmelțha lutuk nangmah ang chiah min pek a vangin ka lawm e.." a rawn ti sup a. Jayden leh Amanda an lo inchhaih tawh thung.
"Ka kut a hum ve țai chang hian ka kutțang vuan chung a khawvel kalphung i zir țantirh lai kha ka hriatchhuah phah ţhin a... Amanda ah hian i naupan lai hun zawng zawng kha ka hmu ve bawk.." a fanu kut chum biang a kutțang hum ve țai tu chu nui suk chung hian a melh leh a. Mi tam tak chuan an naupanlai chanchin hi an chhungte, an nu leh pa te emaw an zawt ţhin a.
Mahse kei erawh chu ka naupanlai hun zawng zawng min hrilh a.. min hlutsaktu mipa țha leh fel, ka hmangaih aia nasa a min hmangaihtu pasal țha ber leh sexy ber ka nei a. Khawvela ka duhthusam neih ve ang ang a hriat tawh phawt min tih hlawhtlin sakloh a nei ngai lo a.. ka tan chuan ani tluk a mipa țha leh thlan tur dang hi an awm lo ang..
☆
Dimte in ka night gown chhungah a rawn zen lut a, a khaberuh kuala ka nghawng a rawn nawr tel takah chuan ka hnunglam a awmreng chu ka han ban a. A rawn thaw lum ham ham chuan ka taksa a ti mur sung sung thei mai! Ka naknem ah tawp in a chul kual hauh hauh a! Hei hi kan zingtin dan nimahse ngaia neih a, Hne tih ka nei ngailo.
"Tunah maw?" Ka fiam a. A nui che dawt chu ka ngheng țha sauh sauh bawk.
"Amanda..?"
"Thawm i dim a ngai ani mai.." a aw tham țuk tawp lama khur ru hluk vang chuan ka nui lo thei lo!
Ka kawr chhunga a kut chu rawn chet leh in a kut hlang in ka hnute a rawn ţham nghal tawn tawn a, ka hawi let a, duhthawh lutukin a hmuiah ka fawp ngawng ngawng a, ka duhthawh lutuk chu min nuih hak in a chetdan a rawn siamrem a.
Ka mal a nawr kau a,a inkarah rawn inzep lut in ka lu zawnah a ban a rawn nem khalh hmiah, A hmai tisa chakna vanga sen ţalh ţalh mai chu nui hak chung in ka ban a, Na deuh hlek hian ka mal inkar chu a rawn nawr zui zat bawk! Chiang lutuk in a mipatna chu ka feel thei a! Ka mal chu zau leh zuala nawr pah hian ka kap zawnah chuan min tiphur thei ber turin a kekawr chhan vek ah chuan a rawn nawr kual a, ka taksa danglam nghal vek chu kei ang bawkin a hria a. Ka thaw ham ham reng a, ka night gown hak a rawn nawr tawm chho vek a! Ka panty chhanah chuan na leh zual in a rawn d*p a! Ka rum chhuah mai lohnan ka hmuihnuai ka seh a, chu thil chu Zothana'n a rawn hmuh rual chuan sexy zet hian a rawn nui sak a!Ka che ve phat bawk, ka inbengkang a a cotton shirt hak lai chu ka hlip nghal nawk nawk a,kan sirah ka thehthla hlawm zui tawp, Khum ka deh leh rual chuan ka panty hak a rawn pawthlip thla tawk a! Ka khelah ve ve vuan in ka mal inkarah a rawn bawk hniam a! A rawn thawk khum ham ham rual te chuan ka taksa hi a za kual uaih uaih a! A sam ah ka zen lut a, a hmui lum in a rawn nawr takah chuan ka thawchhuak zui ham ham a! Zei lutukin a rawn che zawm a, a lei a rawn hman tel leh phei chuan keimah zawk in ka taksa ka chet kual hial thei mai! Duhthawh lutuk in a hmuiin a nawr kual a. Ka kawchhungah hian nawmna nasa lutuk a rawn in let kual a, ka țe chhuah mai lohnan ka khela a kut chu ka vuan bet țawng țawng a.. Zothana lah a duhthawh telh telh emaw tihtur hian a rawn che uar sauh a. Ka taksa nawmna nasa lutuk in a rawn tuam kual lai chuan ka eu zui ngawng ngawng mai!
Thaw hlawp hlawp chung in ka taksa che in ka nawr let a.. Ka mal kar ațang a rawn hawichhuah rual chuan a rawn nui suk a. Kei erawh ka ã vek thei maiin ka hria.
A boxer hak a pawt tawm thla a. Ka mal lehlam a nawr tawm cho a, a mipatna khawng ul tawh ka taksa chhungah a rawn luh takah chuan ka thaw nghal hawk bawk!
Zothana zawk zei lutuk in a che zawm a. Keipawn ka thiam ang tawkin ka lo pui ve zel bawk! A rawn rumchhuah hawk hawk takah chuan a kawngah ka kherhbet nghet ve sauh a. Ka kawchhung lam a lum pup rual chuan ka taksa chungah a rawn bawk thla hnawk a! Ka nghawng ah hmai rawn nawr in a thaw zui nghal ham ham a! Keipawh ka bang biklo.
A dar ah chuan dimte te in ka chul hauh hauh a. A taksa nalh zet chu thlanin a bual huh dap a! A lungphu ri dawt dawt chuan min nghawng ve zel bawk.
.
Zing ka harh rualin an pafa in roomah an lo awm tawh lo a.. ka inphih fai a.. room ka chhuahsan ruala Jaydena room lam ațang thawm rawn chhuak vang chuan ka nui hak a.
Ka pan hnai a. Jayden a khumah an pafa in an lo awm a. Zothana chu bang ngheng in thatchhe zet in a țhu awn duai a,a taksa chungah Amanda a bawk thlep bawk. Jaydena lehkhazir an lo vil ve ngei anih hmel.
An pathum chuan va pawh ve ta mai lo chuan ka en ta reng hlawm a.
Nunhlimi'n ka lehkha tur a lo lak pen zawng zawng kha ka chhiar vek a.. chung a ka hmuhchhuah tak chu Zothana hian a nunna ai pawh in min hmangaih tih leh.. engkim kha ka tan vek a ti anih zia ka hriat thar phah a. A lehkhathawn tinah khan min hmangaihna thu a inphum ru tel vek bawk.
"Bawihi?" Ka hawi dawrh mai.
Zothana lo nui suk ka hmuh rual chuan ka pen lut ve a. A fanu lah chu a pa taksa ah a ngaih a ngamtawk tih hriat hluah hluah hian a lo meng ve kiau a.
"In thawh lai ka hrelo a.."
"Kan ti harh duh lo che anih kha.." a ti sup a. A mitmeng de sawt sawt chu melh let in ka ner lui nawng a.
"Mamma, Apa in Play na ah kal a phal.."
"Ok.. lehkha kha zir zo la kan kal dawn nia.." ka ti vat a.
"I chau em?" Ka beng ah a hmuiin a rawn nawr a.. a phun zui sup a. Nizan chungchang a sawi tih ka hria.
"Aih.." ka ti hlak.
A nui che dawt a.
"That's my girl." Amanda kuah nghet pah a a awm hrang chu rum zet hian ka melh nghek a. Zothana erawh sexy zet hian a lo nui suk thung!
THE END
(Nuthlawi ni tur hian hun tam a ngailo a, darkar 1 lek chhung pawhin i hmuhsit em em nuthlawi dinhmun ah khan i ding thei tih inhria la, apawng atakin nuthlawi te hi hmusit thlarawk zel suh.
An duhthlanna ah nuthlawi nih hi a tel ngailo a, pasal fanau te nen hlim taka awm theih hi an duhthusam ani fo a, an nupa inkar chhiat chhan diktak hre hleiloa hmeichhia zawk dem em em ilo ching ve tawh anih chuan sim hram ang che.. a chhan chu a dinhmun ah darkar 1 lek chhung in i ding ve thei a. Sawisel ngawt chi anih loh zia leh a chhungkua lo venhim a tum nasat zia i hriatchhuah hnuah i hnar i hmuh len lawrh lawrh lohnan te nupa ințhen an awm hian ngawih chuh i ngam tlang dial dial ang u. 😊)
Babie Z August chungah hian lawmthu sawisen loh ka ba a, ani hi awmlo se chuan he story hi ka puitlin thei lo ang. Ka mit vanga harsatna te hria in ka ziah zawh hnu hian min ennawn sak vek zel a. Keichu rei deuh ka type hian thumal dik leh diklo ka hmu thiam tawh ngailo, ka mitkham lutuk vang hian a diklo lai zawn pawh ka peih tawh lo a. Ani hian ka harsatna hria in min ennawn sak vel zel. Amah vanga story chhiar nuap nuap ngailo a chhiar tur nei kan ni a.. #TEAM_TE_DOY hi i chungah kan lawm lutuk aw .
Ads click tu leh comment min pe țhin tu te zawng zawng inchung ah ka lawm a. Ka mit vang hian ka chawl rih dawn a.. lo inenkawl țha ula.. ka lo lan leh hunah pawh min lo la hrereng ang che u..
Ka hmangaih vek bawk che u..😘
Ngaihthlak nawm ltk ka kham lo changtu pa khi k hmu chak hle bok😂😂
ReplyDeleteHe thawnthu hian thildang min ngaihtuah tir theilo..a ngaihnawm tih aia uara sawina hi awm.se ka van ti tak em...Zothana ka 🌟 hluah2 tawp...
ReplyDeleteZothana hi ka duh bur
ReplyDeleteTunah ka chhiar ve chiah a😅 ngaihnawm tih piah lam ani🤭🤭
ReplyDeleteKa chhiar zo ve chiah 😅 Ava ngaihnawm em em mai ve lee 🥰 Zothanmawia hi ka hmangaih leh bur ❤️
ReplyDelete(Tetaktei min chhunzawm sak turin ka lo ngen che 😃🤭)