3 JUNE part 1&2 BY Abbra Reo Ririni Khiangte

3JUNE (Short Story)
Abbra Reo RiriniKhiangte
Part1
.
.
(HNUAI LAM AH KHUAN A ZAWMNA A AWM :) )
Kawngkhar pui a rawn in pawt hawng nawk a,Ka fanu hma-awrh chung a ka lo muhil chu ka in perh tho nghal zawk,Mahse in chung a ke rawn pen lut mek ka hmuh rual chuan ka thinphu nasa lutuk leh hlau thawng pawh chu an reh suai suai thei.
.
Ka pasal, Harhfim lo tih hriat ngawih ngawih chu a rawn pen lut a,A thawm rawn siam a vanga kan fanu mangang tap chu ngawi reng hian ka awi chhunzawm leh dar dar a.
.
zan dar riat a pel tawh,Ni leng a a kal chhuak chu harh fim mumal lo in a rawn let ve chiah!TV bul a sofa ah chuan a rawn thu thla hnawk a,Min en lo in sofa nghen chhan ah chuan a lu nghat in chung lam a melh reng,Kan fanu lah chuan a pa rim chu a hrethiam ve a maw ni..A tap uar sauh a,A kut in min sual ve bat bat reng bawk,Thlaruk a tlin vaccine vawin khan kan la a,Khawsik nichiah silo in a pang hi a lum veng veng reng.Khum ah mut dawn in a mah in a mu duh bik silo a,Ka pasal kal chhuak kawngkhar lo kalhhnan in ka mut pui ngawt thei der silo.
.
"Bawihtei hi..hau suh u...' tiin kan awi dar dara,Ka pasal sofa chunga thu ngawi ngul chu kan melh leh zawk thin, Kan inneih hma a min hmangaih leh min duat ngawih ngawih tu kha vawi leh khata ah a nun a in thlak thut a,Hmelhriat satliah nen a lakah chuan kan dang lam tawh lo,Kei aiin kum 6 in a upa,Higher school naupang ka nih in kan in ru!Ka chhungte rilru ka tina in ka ti beidawng em em a,Haw let leh tur in min rawn thlem ngat ngat bawk.Mahse..Khatih lai te kha chuan ka pasal hian min duat in kehthei dawm tak te in min dawm a,Kei tleirawl ve mai kha chuan a ni mipa rilru lo fing tawh in thiam tak a min enkawl reng kha chuan ka kal san mai a theih biklo.
.
Khatih hun lai kha chuan ka khawvel a nih ang bawk in a tan pawh..A khawvel ka ni ve thin!Kan hlim a,Kan in ngai ngawih ngawih a,Ka chhungte pawn ka hlimna min tihchiat sak duh loh a vang in kan inruk a tang thla nga hnu ah palai pawh an lo dawng sawng ve duh tawh.Chung hun lai a kan hlim thinzia ka ngaihtuah let a piang in kha mi hunah kir leh kha ka chak thin.
.
"In siam rawh...in in ah ka dah ang che."Ka fanu chu harsa tak in ka awi mu leh tawh.Chu thu a vang chuan ka nghing dawt thei in ka hria!Ka pasal chu ka en a,Min en ve lo,Chung lam a la melh run,A sam chu thursiang a, a hmel landan tirum zual tawk tur in a biang ah hmul a nei sang bawk,Mahse tinge kan in lamah min dah ngawt ang?
.
"Ti nge?" ka ti ringawt.Ka kaiza tha khur dar dar a vang chuan ka tlu hnawp mai ang tih ka hlau.
.
"Insiam la a ni mai, zan in a i thuamhnaw ken sen loh chu nidang ah in rawn la leh mai dawn nia !" Zawi tak hian a rawn ti leh sup! A tawng sual a nih ring in ka melh tlawk tlawk ringawt.
.
"Ding reng lo khan i mamawh tur chu va in khung khawm vat rawh." ding hlut pah hian a rawn ti leh sup,Chhuat lai a a fanu paw chung a ka ding khawng reng chu min rawn kal pel in Tv hunna bula tukverh a tang chuan bathlar ah a chuak zui nghal daih a.
.
Khawvel vir mek hi an chawl thup,Tinge kan chhuat hi rawn chim a,Kan nufa hian min lem bo daih loh? Mi tamtak ka atang,A first love nen an inzui leh tih ka hria,Ka pasal a ni a,Min hmangaih vanga min neih a ni bawk a ka hriat a vang in a rilru lamlet in a sim mai ka ring a,Mahse...A simlo..In a tang min chhuah tir ta hial zawk! Ka hrawk na tung leh mittui vang a mit pheruai te chu ka haw lutuk,Chung zawng zawng ai chuan chem hriam tak a zai nawk nawk ang mai a ka thinchhung na hi ka hua!
.
"A tlai tak tak hma in che vat teh!" A hma zawng aiin a aw a vin,A rawn luhlai ka hrelo,Ka dinna ngai ah chuan ding in ka melh ngawt ngawt,Tunah hian at theih se ka duh ta ber.
.
"A chhan ka hre duh!" a mit ah tak ka melh,Min ngaitheilo tih hriat zet hian a rawn then sak a.
.
"In hnial lo teh ang,Ka hmangaih tawh lo che...chhanna tha a tling em?" A thusawi chuan tuipui thuk tak chhungah min hnim pil vawng vawng maiin ka hria,Kum 3 kan innei ve tawh,Khang kum thum chhung khan min hmangaihna zawng zawng a bo hman bik a nih chu.
.
"Kim..." ka phun sep a,A rawn thawri hrawih.
.
"Sawi belh ka duh tawh lo." thutawp a sawi tih hriat ngawih ngawih hian a hmui a chip leh hmak.Ka hma a kan fanu muhil thawri sek sek chu ka melh a,Ka pasal,Ka hma a ding khawng ul chu melh leh in ka thaw hap.
.
"I fanu vang tal hian..." Ka sawi zawh hma in ka mittui a rawn luang thla pap! "I fanu vang tal hian,He tiang hian awmlul suh!" ka taksa chhung na lutuk a vang hian ka at mai ka duh.
.
"Dinhmun harsaah min din tir lo teh!" bul zet hian a ti hluk a,Min kal pel in kan nupa mut pindan lam chu a pan zui vut,A rawn luhtirh khan zu rim chiah ka lo hria a,Mahse tun ah khan rimdang,A rimtui in kah thin nilo nam dang a awm ve.
.
Pathian hma a tiam tlat e ti a ka lo dinpui ve ngei mai chuan min hmangih tawhloh thu min hrilh ta tawlh mai chu a nisi a,Nie..Ka pasal hian engtin nge min duh theih,A tlangval lai a tang basketball thiam em em a ni a,A sang in a palian bawk,A tawngtam lo,A nuih pawh in hmeichhe hip tawk lek in a nui thin,Kei ve chu ka pian leh nihna ah chhuantur pakhatmah ka nei lo,Marawh chu tihtak zet in higher ka kallai kha chuan min zarbuai ve tlat,Hmeichhe dang ang in mipa ka ngaihsak ve ngailo,Mipa a rilru ka pek hmasak na ber pawh a mah vek hi ani,Ka pasal a nih hnu ngat phei kha chuan damchhunga ka ta nitawh tur a ka ngai hmiah..Mahse kum thum choh a lo daih a nih chu!
.
"He tah hian in thuamhnaw ka khung khawm a,A dang chu i chhungte nen in la rawn la dawn nia.!" He thil hi mangchhia a ni ngei tur a ni,Ka than harh san a nga,engkim a lo tha leh vek mai ang.
.
Phone ri ka hriat rual chuan kan pa chuan a chhang nghal vat a,Loud speaker in dahlo mahse,Thawmdang a awm ve loh a vang in phone a rawn tawngri chu chiang tak in ka hre ve thei.
.
"Eng tin nge ni ta?" hmeichhe aw a ni.Ka tek sawk sawk,Ka thisen luanglai te hi an ding chawt thei in ka hria.
.
"Lungngai suh...Hei kan indah let dawn chiah e.!" kan pa aw zawi leh thum lampang in a tih ri ka hriat rual chuan ka tap chhuak hawk,Tiang em em hi ka na tawh lo ang,Ka fanu rawn tal aih aih a vang chuan aw ka chhuah ngamlo,Ka thinlung chhung hi a rum vawng vawng,Ka khur hlawk hlawk a,Ka fanu ka puakna puan tlang chu ka hmer ngawt ngawt.
.
"Kal ang...Ka sawi lai khan tha deuh in insiam la chuan...!" Lungawilo tih hriat zet a rawn tawng hluk tu chu ka melh a,"Mate..Kan damchhung in kan awm dun reng tawh ang,Fanu duhawm tak min pek a vang pawh hian ka hmangaih thin aia let in ka hmangaih zual che." ka chal fawp chunga sawi tu ngei kha a la nisia...Kha thu a sawi a tang khan thlaruk bak a la liam lo.
.
Car hnung ah kan nufa in kan thu,Ngawi ngul in car chu a khalh mawp mawp a,Ka tan chuan engkim a tawp vek! Kan tlanpel kawng te chu chianglo ruai in ka hmu a,Ka fanu muhil tih harh ka hlauh a vang in thawm ka chhuah ngamlo,Ka tap khur hlawk hlawk,Phatsan ka ni tih ka hriat lai khan tlemte in beiseina ka la nei,'U kima hian min hmangaih...A rawn in lamlet leh em em ang!" tiin ka infuih ru fo a,Mahse,Chu ka beiseina neih ve chhun chu bati al lai chhem hlum ang hmak in a mit ta hmiah!
.
Durtlang chho ah chuan kan tlan zel a,Ka chhungten zawhna min zawh hunah eng chhanna nge ka pek ang?
.
"Kut min thlak reng a,Ka nei peih tawh lo,tiin i chhungte bulah chuan i sawi thei ang.!" a rawn ti sup,Ka na lutuk,Dawt hmang a ka chhungte hmin tur in min la ti cheu!
.
"Kim...In ngaihtuah nawn leh hram la?" ka ti a,ka rilru hi a buai nuai nuai maiin ka hria,Ka fanu ka en a,A lenhunah apa chanchin min zawt ta se engtin nge ka chhan ang,'I pa chuan zan rei tawh a,Nang leh kei hi min duh tawh lo in min dah let!' tiin chhanna ka pe dawn mi.
.
"Rin..A pawi ka ti...a pawi ka ti tak zet,Mahse ka rilru hi ka thlak thei tawh lo.!" Fiah zet hian a rawn ti sup,Car chu kawngsir ah a ti ding a,Ring tak a au chhuah chiam chiam mai ka chak,Ka taksa chhung tawt lutuk leh na lutuk a vang hian ka puak darh mai dawn in ka hria.
.
"Kan fanu...Nilo...i fa nu pawh hi ka rawn chuhpui lo ang che,Mahse a enkawlna tur a i mamawh zawng zawng chu ka rawn tum ang,Nang pawh i la naupang a,Kawppui tur tha tak i hmu leh em em ang!" tunah chuan a aw hriat a nuam ta deuh,Mahse...Ka ta a nih tawh loh zia a lang chiang ngawih ngawih thung.
.
"Kan fanu hian pa a mamawh dawn sin...!"
.
"A tan pa tha tak nih ka tling ngai dawn chuang lo!" Car ngheng chhan ngheng chuan a thaw hlah a'Ka fiam mai mai che!' tia a rawn tawngchhuah ka la beisei fan a nih chu!
.
"Rin...min hriat kha,Rilru pahnih ka pu theilo,I nat tam tak tak hma in kan awm hran hi a tha zawk!" a rawn ti sup a,Ka thawkpik lutuk a vang hian ka a mai dawn in ka hria,Thlipui natak in in ding hlei thei tawhlo duhtawk a a chinglet kual ang mai hian ka kawchhung hi a so bulh bulh.
.
Ka raino tantirh khan in hrang luah a duh rum rum a,A hma chuan a nu leh pa leh a unaupa te nupa nen kan khawsa ho vek,A te ber a nih a vang in a nu leh pa pawh an lawmlo hle,ka tan tak pawh khan a nuam thlawt lo,Mahse a ti lui tlat si,Kan veng thenawm mai ah kan indang ta reng a,Kima nu leh pa ten min huatphah ka hlau viau a chu,Min haw lem lo,Mahse Kima lakah erawh thla dawn an lungawilohna an ti lang thung.
.
'Tinge kan indan kher a?'
.
'nau i pai bawk sia a,Ei theih loh leh thil ngainatloh i ngah,mit mei ven ngai reng a i awm ka phallo.' tiin min chhang,Min ngaihtuah vang a ni tih ka hriat chuan lehlam kawng tak chuan ka lawm ru zek,A chhan chu Kima U nupui hian ka raino che theilo kha thenawm khawveng leh kan dawr a rawn lut chhuak piang hnen ah min lo sawisel reng a,Ka chaw ei theilo te kha 'in tino' chhuah in min chhuah zel bawk si..A ruk tak chuan hrewm ka ti ve reng,Mahse ka sawi chhuak ngailo,Ka sawi chhuah ngailo a ka pasal in min lo hriat sak a vang chuan ka lawm em em a nih kha.
.
Mahse..Kha thil kha a ngaihzawng neih duh chhuanlam mai a lo nizawk,A thiante tawngka a tang hian a bialnu hmasa ber nen an chanchin ka hre ve tawh.
.
Kima hian atchilh in a duh em em a,Hmeichhia pawh khan a duh ve hle,Mahse Kima te shillong a in khel a an kal hlan in Aizawl sumdawng hausa pakhat nen an lo in nei hmak,Kha mi hnu khan Kima hian ngai a awh leh thei dawn lo a maw an tihial a,Amah pawn tum khat chu min hrilh ve tawh.
.
Tumkhat ,Kan school a basketball team bik hi zirtirna a rawn pe a,Kha mi ni a tang khan kan in hre ve tan,A bialnu in pasal dang a neih a tang kum3 hnu ah keinen kan inngaizawng ve leh chiah,A rilru in a duhtawh chu neih ngei ngei a tum thin,Chu thil chu keimah ah hian a chiang hle,Kum 1 kan in zui a,Awlsam tak in keipawn ka hmangaih reng,kum naupang pawh pawisa lo in ka nei ta reng a.
.
Kan indan a tang kar pawh tlinglo ah a bialnu hlui nen an inzui lai ka hmu fuh a,Mahse tihpalh thilthu a in hmufuh an nih thu min hrilh chuan ka ring leh der,A chhan chu khang hun liam ta zawng zawng khan ka natna tur in a awm ngai miau lo!
.
Mahse..A bialnu hlui leh a pasal an in then tih thawm leh tun a kan awmna hi a bialnu hlui te veng a nih thu ka hre leh ta zel a,Zan ah min len chhuahsan reng a,MAHSE dar 8 velah hian a rawn let ziah,Ka rai vang in min ngaihtuah ve deuh pawh a ni mai thei,Ka chhungte hneh ah hian vuina ka thlen ngailo hrim hrim,An rem tilo chung a pasal neilui ka nih vang pawh a ni pakhat.
.
"I pasal hian Cindy te in hi a thleng ngun mah mah a nia.!" tih hi kan nupa min hrechiang tu te ka a tang ka dawng leh nawlh thin. Ka na thin a lawm,Mahse kei hmeichhe tleirawl ve mai kha chu Duat tak a min kuah chung a min hmangaih thu a sawi leh meuh hi chuan ka lungawi leh mai thin! ka mawl lutuk vang leh ka lo hmangaih lutuk a vang in ka mit a del reng a,mit var a, thilawmzia ka hmuh thiam ve dawn a piang in a tawngkam khat vang lek in ka mit a del leh nghal zel thin.
.
Mahse,Thilfe lo awm chu thup bo reng theih a ni thinlo,Nau ka ken a tanga a thlaruk na ah chiang tak in an in ngaizawng leh tih ka hre ve ta chiah,Kha tih hun lai khan eng vang a chhuahsan lo zawk nge ka nih?Eng vang a an pahnih a timualpho lo nge ka nih?
.
A chhan chu keihian ka hmangaih miau a lawm! Hmeichhe hmangaihna hi chu mak deuh mai a sin,Min tina ngawih ngawih tu pawh,A sim leh mai ang,Ka hmangaih tih a hria a,A rawn in lam let leh mai ang! ti a hmangaihna thinlunga beiseina insiam thin kan ni miau a lawm!
.
.
Phone ri vang bawk in ka ngaihtuahna a ta chu ka harh zawk,Kima zawk chuan thaw halh pah in a kekawr ipte a phone chu a la chhuak a,Phone screen a hming rawn lang chu ka hmu chiang viau! ka luak a chhuak ut ut bawk.
.
"Lo awm rawh...ka rawn lam ang che.!" a ti sup a, keimah a na thei zawng zawng chu an na ta vek e! Nilo...Na satliah a nilo,Ser a awm kum khua tawh dawn! Tunah chuan ka kaltir ang,Ka ngen tawh lo a nga,Min duh ang tak in a nun a tang kan nufa hian kan chhuak ang.
.
"Kim...Kan nufa chung a i tih ang hian tu chungah mah rawn ti ve tawh suh aw,Chuan Amanda(Ka fanu hming) enkawlna tur pawh i rawn ngaihtuah a ngai lo ang,Khang hun liamta zawng zawng a,Nang leh Cindy awmdun tur ka lo dipdal reng cheu a vang pawh khan min ngaidam dawn nia,Hlimla,I khawvel tharah chuan kei leh i fanu hi min rawn hre reng tawh lo ang che.!" Buai miah lo in ka sawi chhuak dap,Rilru ah inpuahchah lawkna lo nei sa ang hial ka ni! Ka awmdan a vang chuan hril hai zet hian a rawn leh hawi a,Nie..A hrilh hai ang,Hmeichhe tleirawl ve mai hian tap chunga ka ngen leh a beisei pawh a ni ang,Mahse mahni induh tawkna ka nei ve.
.
"Rin...!" a rawn ti sup a,A hamhai lutuk hmel chu a khawngaih thlak let ling zawk,Tap a,Min kalsan lo tur a ka ngen a rin lutuk vang pawh a ni khawp ang.
.
"I duh ang ngei chuan i nun a tang kan chhuak dawn,I hlim tawh em?" ka ti a,Khawnge ka natna zawng zawng kha an bo tak duak!
.
A rum nghut a,A ngawi vang vang.
.
"Tah hian kan chhuak mai ang chu..Kawi piah chiah saw kan in a ni tawh tho!" ka ti leh ngat,Car kawngkhar ka vuan a,Mahse hmalam atang a lock vek.
.
"Eng tin nge.. i..Nilo..Ka thenche hi i lo ring lawk vek tawh a mi?" mumallo zet hian a rawn ti bul bul,Ka nui sak a,A rilru mangan chhan ka hre tawh! Ka la duh tlat ni a a inngaihna khan ka lak atang a indahsan phah,Ka then tak tak a ngamloh a vang khan a lo indah sang vel mai mai ani.Mahse..ka then ang...Ka then ang.
.
"I ngaihdan dan in i ngai thei ang,Khatiang a thu reng lo khan min chhuah tir la,Nuam chu tawl rawh.!" Vin hauhlo a sawi ka tum viau a chu...A tawp lam ah erawh ka in thunun hman lo thelh.
.
"Nang hi..!" a rawn leh hawi."Ka hriat loh in mi hmuh thin i nei a mi?Min va cho ve a?" Min tih el zet hian a rawn ti hluk,Ka nui hak a,Kan thawm vang a ka fanu rawn harhlo chu ka lawm lutuk.
.
"Nangmah ang a awm ve tur in min ngai hlek suh!" ka ti a,A chapona leh induhtawkna ka tihchhiatsak tih ka hria,A ka hmang in a rawn thaw chhuak hak a. A hma zawng kha chuan ka thiamna ah pawh thiamlo zawk ang in ka awm a,Minute reilote liam hnu lawk pawh khan a khawngaih ka la dil cheu,Khang a ka awm khan a lo in luling phah zawk mai mai!
.
"Kut min thlak ngai lo bawk a,Ka chhungte chuan kan in thenchhan diktak hriat an phu bawk!" ka ti leh a,A chet hlak.
.
"I va nasa reuh ve!" a rawn ti a. Zaklo hi ka ti lutuk.Mahse ka hnial peih tawh lo.
.
"I duhdan ang ang in min ngai rawh,Kan lo chhuk tawh a nge!" ka ti a,Khang kum thum kan lo khawsak dun a tang khan a thinrim chang a awmdan ka hrevek! Tunah pawh a mi beisei dang ang a tap chung a ka ngen ruai loh a vang in a thinrim,Bing tak in hmalam a melh a,A kut chuan steering nghettak in a chelh tlat bawk.
.
"A nghak che a ni lawm ni?" ka ti a,A rum hawk ah chuan kut min rawn thlak mai dawn maw ka ti hman,Mahse driver site lam atang lock chu a rawn hawng ta zawk a,Ka fanu tih harh hlau zet in ka chhuak ,Kan bul a bag lian vaklo chu ka ak a,Kawi piah mai hi kan in a ni tawh,Muang chang in ka pen a,Tun ah hian rilruna lo ka nilo,Mahse,Min duhlo a,Min hnawl tu,Zan pawh sawilo a min vawmbo duhtu lak ah hian ka natna hi tilang dawn lo!
.
Car tlanthawm ka hrelo,Mahse hawi let erawh ka tum lo,Dingtak in thli thaw vuk vuk karah chuan hmalam ka pan a,Kan in chu a lo la eng pap,Ka pa mitmeng a zawhna lo langchhuak tur ka hmu lawk a,Ka nu leh ka nuta in lainat tak a min lo melh reng tur pawh ka hmu lawk vek.
.
"Rin..." ka ding chawt,Min umzui lai reng ka hrelo,Ka hawi let a,Kan in hmuh hmasak ber tum ang chiah khan a thaw deuh hlawp hlawp,kan inhmuh hmasak ber tum pawh khan Basketball a khel zo hi hah tak in ka hma ah a rawn thaw hlawp hlawp a,tui intur min rawn dil a nih kha.
.
"Kal suh..!" a rawn ti a,Ka thaw hak. "Nilo...Hun min pe rawh...engkim ka siam tha ang!" a ti a,Chil a lem khawlh bawk.Tum dang chu nise ka nem leh ngei ang,Nem mai nilo in ka kuah leh thlawp tawh ang.Mahse..
.
"Nilo e kim.. Cindy bulah i hlim zawk em em ang,Ka bul ah hlim tawk la chuan min phatsan ngai miah lo ang,Kei min tina in i pan tawh a,A tawp thleng law law rawh,Ka na lo ka tilo,Mahse ka na nawn duh tawh lo,Tleirawl chaklo tak kha ka ni tawh hlei nem!" ka ti a.Harsa ti zet hian a thaw chhuak hrawk
.
Hun liam tawh ah pawh khan Cindy a hmuh tawh loh tur thu min hrilh fo a lawm,Amanda thla 2 a tlin hma zawng kha chuan zan ah pawh a chhuak ngailo,Mahse hun a rei a, Karlo ah Cindy in a rawn bia a,A pan leh zel tho,Ka mit ti del in ka tuar reng duh tawh lo,Tun a ka nat ai hian nakin ah ka na leh zawk lo ang tih tunge sawi thei.
.
"Vawi khat choh!" Street light eng in a hmel a chhun eng raih a,A hmai chu a sen tawn tawn, "Vawi khat choh.." ka mit ah ngenngawl zet in min en.
.
"Nilo e..Kal tawh zawk rawh,Ka bungrua pawh ka insiam hun min nghak theilo khawp in min khungkhawm sak vek a,Vawi khat choh pawh hun pe leh che mah i la,Zan in hun ang hi kan tawng leh tho ang." ka ti a,Beidawng tih hriat ngawih ngawih hian a rawn thaw chhuak hap.Chiangtak in a hmel ka en a. Min lo hmangaih ve thin ngei tih ka chiang! Min hmangiah tlang in min phatsan lose chuan damchhung in kan awm dun bawk ang.
.
"Mangtha le!" ka ti a,Inher in min phatsan tu nen a kan khawvel kalsan in khawvel thar hmachhawn tawh tur in hmalam pan in ke ka pen zui nghal a.
.
A lang tlat,Zan in thli thaw vuk vuk hian,he tiang zawng hian ka rilru a chhem kual a,Ka ziak lo a nih chuan zan in hian ka mu thei dawn hauh lo tih ka hre bawk.Min chhiarsak a vang in ka lawm e.
.

3JUNE PART 2
Abbra Reo Ririni khiangte

.
Ke pen a sak talh mai! Tunah hian Kima hi ka hmangaih loh vang a kalsan ka nilo,Ka hmangaih lutuk,Ka dam chhung pawn a mah choh hi ka hmangaih tawh mai thei,Mahse,Tlawm ngawih ngawih te, Nat ngawih ngawih te kha ka peih tawh lo.
.
A tawngve lo tan chuan,'mi pawh in sawn an in thlaksan a lawm,Sawn em pawh a la thlak loh hi,a inchhir a nih chuan ngaidam leh mai ta che!' Ti a sawi chhuah a awlsam ngawt ang,Mahse,A tuartu tan chuan a har talh mai a ni!
.
Ka fanu chu ka melh zawk a,Min chuhbuai loh tur thu a sawi tak kha maw,A thusawi a hlen tur ah ngai ang.
.
Kan gate hma ah chuan ka ding reng a,Enge ka chhungte bulah ka sawi ang,'in thu pawh zawmlo a ka neihluih ngei mai khan,hmeichhe dang min kawpsan a,Ka rawn let leh ta mai!' Tiin ka sawi dawn mi?Van lam dak in ka hui deuh hap a,Ka tah a chhuak tawh lo,Mahse,ka taksa chhung hi a na ngut ngut thung,Ka pangkhing leh lam,Damchhung a tan ti a ka dinpui a ngei khan min hnawl in hmeichhe dang min pansan a,Ka tlawm lutuk! Keiin ka taksa peng pakhat a ka ngaih lai khan,a ni chuan min lo duh khawp ngailo.
.
"I ding rei tawh lutuk...lut ang." Chu aw a vang chuan ka zuang dawr lo choh,Thim chin a tang chuan taksa ruang am lianpui a rawn lang a,Thaw dep dep chung hian ka mi hmachhawn tur chu ka lo melh tawp.
.
"OI..Sangzual!" Vin lek lek hian ka ti hlak,a rawn nui suk a,Ka bul ah a rawn ding ve nghal,Ka hmuh lohna chen pawh ka hre tawh lo.
.
"Lut ang." A ti a,Min rawn melh zawk a,Ka hmuh tir ai khan ka tim deuh,Bag nen ka in khai bawr laih a,Chu pawh zan rei tawh lamah leh nghal,Mi a nileng tan lo chuan ka chung a thil thleng chu a hriat theih vek in ka ring.
.
"Khawi..Bag kha ka lo khai ang." A rawn che a, engmah ka sawi ve hma hauh in ka bag chu a rawn la a,A dar ah a bat nghal,Ka ding ngawi reng,Ka nu leh pa ka hmachhawn hreh lutuk!
.
"Naute kha a dam lo a nge!" A rawn ti sup a,A sawi dik,Tunah pawh hian a pang a sa vung vung,Keimah chauh in ngaihtuah in khawvawt hnuaiah ka fanu ka lo dinpui reng a.
.
Sangzuala chu a kal hmasa,A hnung ah ka zui a,Ka thinphu a in thum rawn dup dup!Kan kawngkhar chu an kik karh karh a,Ka thaw miah lo in ka hria,Ka fanu ka puakna puan suih bawk chu ka hmer a,Hmeichhe dinhmun chhiat bik zia ka hre thar kuar kuar,Mipa in a duhloh hunah chuan tlawm leh zah pawh dawn zo lo a,A in lum lamah a let leh ngei ngei a tul mauh mai thin si a.
.
Kawngkhar a rawn in hawng a,Kima'n kan in a min dah let tur thu a sawi lai ai a nasa khan ka chiai zawk,A chhanchu maw, Keimah vang a zahna tamtak hmachhawn tu te hnen ah khan tlawm ngawihn ngawihna nun nen ka kir leh miau si a lawm.
.
"Sangzual..Lo kal rawh..!" Ka nu aw a ni,ka tah chhuah hawm hawm lohnan ka hmui hnuai ka seh,Sangzuala taksa phen a ka ding a rawn hmu a.
.
"Mambawih...!" Zuai raih in a rawn ti,Sangzuala inchhungah a pen lut a,Inchhung eng in chiangtak in ka hmel a chhun thei.
.
"Nu..!" Ka nui lui a,Ka nu hmel ah chuan natna ka hmu!
.
"Enge thil nge ni ngai.!" Ngawi reng a ka nu nen kan in hmachhawn lai chuan ka pa a rawn tawng a,Sawitur ka hrelo,Ka taksa a khur a,Hnuailam ka bih tlat.
.
"Ekhai..Mambawih,Pawn a vawh em kha,rawn lut ta che.!" A rawn ti dam dap,Ka taksa chhung ah hian ka rum ngawih ngawih mai,Ka nu mittui tling pam chu melh in ka thawchhuak ham ham a,Inchhung ka pen luh rual chuan ka nuta neih chhun chuan min lo kuah ringawt! Tuman engmah sawitur kan hrelo,Tah chhuah hlau zet in ka khur ngawt ngawt a,Mama chuan nghet leh zual in la dar a rawn hmer.
.
"Ka hlauh ang ngei a thleng ta!" Ka nu aw a ni..
.
"NU...tun hi thildang sawina hun a ni lo." Mama chuan a ti nghal hrawk."Mate..Amanda hi khum ah mut lumpui rawh aw.!" Damdap hian a rawn ti leh a,Dimte hian min kuahna chu a phelh. "Nang pawn vawt i tiin ka hria." A nui suk a,Ka pindan nithin lamah chuan min kuah lut in khum ah chuan min thut tir,Cabinet a tang puansin tur a la chhuak a,Ka fanu muhil thawri sak sak chu dimte hian khum ah chuan ka mut,a pa ang chiah in a hnarngul a sang vah a,A mit hmul pawh a buk laih,Ka huntawn hreawm tak leh tlawmthlak tak a hriatthiam loh a vang in ka lawm ngawih ngawih.
.
"Hahdam rawh,Tunah engmah sawi a ngai rih lo,Khum bul ah hian in nufa in ka lo veng a cheu." A rawn ti a,Ka bu nghat ringawt.
.
Ka chhungte hian thil eng a maw tak hriat an nei tih ka chiang mai,An hriat pawh a awm viau tho,Keimah ber hian ka hretlai ber,Mi zawng zawng in an hriat hnu ah ka hre ve choh kha a ni a.
.
.
Ni a liam a,mumallo zet in ni te chu ka hmang liam ve lawp lawp,Kima nu leh pa an zak ngang bawk,kan in ah an rawn kal awllo a,Kima nu tak phei chu a tap leh ringawt thin,Mahse let leh phahnan a hman ka tum lo bur.
.
Kar khat hnu ah ka bungrua kan la a,Tun ah chuan nuthlawi ka ni tawh,Ka mipa hmangaih hmasa ber leh ka pasal nibawk nen chuan mi hrang kan ni tawh,Bungrua kan lak ni te khan,Zu rimnam chung in min lo hmachhawn a,A mu tha lo tih hriat zet in a hmel a dul ruih,Chu chu thu hran,Cindy zawk in kan nupa in nithin thenawm a tang kan bungraw la lai chu min lo thlir a nih chu! Rapthlak hi ka ti lutuk,Zak hmel apu lo.A hmalam huna a tluang tawh in ka ring lo bawk,A pasal then hnu ah kan nupa min tibuai chat a,Kima kha a dik in Cindy ka dem ngawt ngawt bik a nilo,Mahse,Phone a rawn be hmasa a,koh chhuak rengthin tu chu Cindy,Kei nau pai lai che tha theilo leh dim ngai reng reng ai thlawt kha chuan mipa tan chuan Nuthlawi zei bawksi chu a it awm zawk ngawt ang,.

.
Ka chhungte hnen a tang fuihna thu tha tak tak ka dawng reng a,A biktak in kan chhungaw thian Sangzuala bulah lawmthu sawi ka ba,Kan veng ah hian doctor in a thu thin,mi thiam a ni bawk a,Ka rilru down lutuk leh mahni indahhniamna nei lian lutuk te kha min hmuh sak vek,Ka rinchhan tur leh hmalam pan a min nawrkal tur in ka kiangah a awm reng a,Mama thianpa ni thin kha,ka thian kawmngaih ber leh hmalam ka panna kawng a min nawr kaltu mi pawimawh ber a lo ni ta der.
.
Ka fanu pawh a hrisel tha in nuih a duh em em reng,thla 10 na a hmang mek,naupang dang ang chu nise tawng zir hunlai a ni ve tawh,mahse,Tawng tum chhinna a la neilo in ka hria,Kal erawh a tum ve nasa tawh,Ka nu leh pa in an atchilh lo choh bawk,Ka pa hi sawrkar department pakhat a director a ni ve ,Mama zawk hi chuan kan chhungkaw dawr,Computer leh a kaihnawih zawhna a enkawl thung.
.
"Tawng lo in kal a hmasak dawn a niang!" Ka nu chuan bawihtei awi dar dar chung chuan a ti a,Keipawn ka ring ve ta deuh, kan thenawm ah hian a rualpui hmeichhia a awm ve,Ani erawh in tawng a zir tan a,Mama,papa, tih te hi awm ang deuh deuh a sawi ve hlut chang a nei,marawh chu bawihtei ang in kal a tum chhin ve lo thung.
.
"Sangzuala kha chaw ei ah ka sawm a nia." Ka nu bawk chuan a ti leh a,Tlangval mahni choh a awm a ni bawk a, kan in a chaw ei tak mai tum a ngah.Kan in hriat tirh te a tang hmeichhia a biak leh kawm vel hi ka hre ngailo, a pa len ang ang in a tawng tamlo bawk.
.
Tlaiah chuan ka pa leh Sangzuala an rawn thleng rual a,Mama pawh a rawn thleng zawm ve mai,Amanda pawh walker ah kan thut tir a,Amah in a lir ve teng teng reuh a,Tawngtum ang in lang lo mahse kan be mawlh mawlh reng,Puitling ang chiah in kan bia a,A chang chuan a kut chumbiang chu beng in a nui ve hawk hawk thin.
.
"Rin..Artui chhumsa kha i nei em?" Bawihtei chaw ei tur ka siam sak lai chuan Sangzuala chuan a rawn ti a,ngaihna hrelo zet hian ka lo melh reng.
.
"I ei duh a mi?" Ka ti a,a nui hawk."bawihtei ta tur ka chhumsak chu a awm." Ka ti a.
.
"Chu tak chu a lawm ka duh." Tiin bel chhung a artui chu a la chhuak,tui ah chiah daiin a tuai hul leh vek,ngaihna hrelo zet in ka en reng a.
.
"Amanda saw amah in kal tir chhin ang,A landan saw chuan a kal thei tawh." A ti,Ka nui hak a,Chu tluk a nu tan a thulawmawm a awm chuang lo ang.Thutkhawmna lamah chuan kan inzui phei a,Amanda leh a KA u an lo in pawn ve bawk.
.
"U,.Sangzuala hian a kal thei a ring a,Kal tir chhin i la." Ka ti a,An lo phur hlawm khawp mai,Ka pa in artui a keng a,Keini ho zawng chu ka pa hlat deuh tak ah kan ding,Sangzuala chuan Amanda chu lei ah a ngaht a,Ka thin a lo phu dep dep mai.
.
"Video in cover reng reng a." Chhuat a thingthi chung chuan min rawn melh,A hmela phurna leh hlim hmel ka hmuh chuan Kima bawk ka hre chuak,A fanu hmasawn ve tawh zia hi a hreve mang silo a.
.
Ka U zawk in a phone in a lo cover a.
.
"Apu artui ken sawi va laksak rawh,Chuan i lo let pui dawn nia!" Sangzuala chuan bawihtei beng bulah chuan a ti a, 10 lek a la ni,letpui tih vel kha a hrethiam in ka la ring lo,Mahse Amanda chu a bu ve nghut tho.Nuih hi an ti za dun thei a nia.
.
"Bawihtei, kal chhet chhet,kal chhet chhet,Artui hlawh hlawh.." 
.
Nghet lo zet hian a pu lam pan in a kal phei khut khut a,Kei lah chu a tluk hlau in ka lo ip chawi chawi thung.Second reilo te mah nise thawklak a harsa lutuk.
.
Ka pa pawn a artui ken chu a lek chhuak a,Amanda chuan a ban pha tep tawh,kan vai mai chuan kan thaw dep dep tiila a dik ang.Artui chu a ban a.Kan au dar dar,mahse Amanda aw lian tha zet in "Papa!" Fiah vaklo a sawi chunga ka pa a melh rual chuan ka rum chhuak hak,Ka awm ah hian min hnawhtu a awm.Ka fanu ka atanga tawngkam chhuak hmasa ber chu'papa' tih a ni,Chu pawh a pu melh chung in!
.
Ka pa chu ka en a,A mit a hnawm chap,Mama leh Sangzuala pawh a thawng in an na ve tih a hriat.
.
"Papa.." a ti leh a,Chutiang in a la fiah lo,Mahse nitin a bula hun hmang tu te tan chuan a sawi awm chu a haider theih lo,Ka pa chuan Amanda chu a pawmkang nawlh a,A darah a kuah nghal vawng vawng.Lehlam a hawipui miau a vang in a hmelawmdan a hmuh theih lo,Mahse a taksa khur dar dar ah chuan ka pa meuh a tap tih ka hria.
.
'Bawihte..Pa i lo mamawh hle a ni maw?Mama hian i tan nu leh pa nih ka tlin ngei theihnan theihtawp ka chhuah ang!'
.
Kha mi ni a tang khan bawihtei pawn thil awm ang deuh deuh a phun pui hi a nei ve,Papa tih erawh a fiah fak fak tawh khawp mai,Mama tih a la lam thiamlo,A bulah thu in Mama tih ka zirtir reng thin a,Nuisen sen in 'papa'tih bawk a rawn sawi leh thin. 
.

"Mate..Sangzuala hian a duh che in i hre ve em?" Ka u chu ka en a,A thusawi awm ang lo lutuk a vang chuan lukham in ka vaw sawk lo choh.
.
"I ti anglo lutuk,Chutiang sawi tawh lo ang che,Sangzuala reu reu in a lo hria a nge!Tlangval in nuthlawi duh ngawt thu a awm lo" Ka ti hlak a,ka ngaihdan a ni reng bawk,Sangzuala chu a fel em em,Mahse nau ang in min en mai bak ah,Keipawh in ka u ang tak tak in ka en ve,Chuta kar a ngaihdan maksak deuh a rawn nei chu ka thinrim ru deuh tun,Amah pawh en lo chuan Bawihtei chu thuamhnaw ka bel pah mawlh mawlh,Amanda pawh hlei rual a ni ve tawh,a kum hnih birthday nizan hmasa khan kan lawm ve a,A pi leh pu(Kima nu leh pa) te pawh an rawn kal,Amanda pawn a ngaina in Kima nu zawk phei chuan a rawn len chang hian a awimu thei tlat thin.
.
" Aw..Vanduai thlak tak maiin kan thusawi lo ngaithla tu an awm." Ka u chuan a ti leh hap a,Min fiamleh a nih ring in ka ngaihsak peih lo,Zeploh chuan Kima kha ka la theinghil lo,ka zep buai peih lo,Hmangaih lo a kalsan ka nilo a, Hmangaih chung chung a kalsan ka ni miau a!.
.
"In hman tawh a mi?" Chu aw ka hriat rual chhuan ka vir nghal zawk in ka hria,Ka room kawngkhar ah chuan Sangzuala a lo ding run,Mama nen a kan tawngkha a rawn hriat loh hram ka beisei.
.
"AW...hman tep..!" Ka ti a,Tullo zet in ka aw a la rawn hnawk zui,Khum tlang a thu chung chuan Mama chu a rawn nui suk a,ka huat dan chu a!
.
Amanda ka siam zawh hnu chuan Sangzuala nen chuan thutkhawmna lamah an inzui chhuak a,Ka sa tawn tawn maiin ka hria.
.
"I biang a sen vek.'" Ka u kal chhuaktur chuan a rawn ti zoh a,Naupawm ve uai tawh ka ni tih theinghil thak khawp in ka um nghek lo choh.
.
Bawihtei chu ka malchungah ka pawm a,Sangzuala'n a Bolero a khalh,Bawihtei nen chuan an tawng reng a,Naupang tawng ang deuh a tawng in an inbe reng zel. Karleh hian Sangzuala hi chawlh hmang in an khua(Champhai)lamah a haw rih dawn a,Chuta a hawn tur vel lamkhawm a duh vang in kan nufa in min hruai chhuak ve,Kima nen kan in then a tang pangai tak a ka kal chhuah hmasak ber tum a ni hial ang,Kan veng ka pel ngai meuh lo,Kima chanchin min hrilh chak zek zek tu an awm reng bawk a,Mi hi kan lo mak ka ti thin,Mi dang natna tur a ni tih hre reng chung a rem leh remlo pawh thlu lo a,Kawppui hluite chanchin kan han in hrilh ta chiam thin te hi a tul hi ka ti thinlo,Hei vang tak hian khawlai chhuah ka hreh ngawih ngawih thin.
.
"Rin..!" Ka in thingharh zawk,Mit ka khap sak sak a,Amanda in ka malchunga thu chung in min lo melh kiau,a pa ang chiah in a mit hmul a buk tha in a mit meng a fiah reuh a.
.
"Enge i lo ngaihtuah a?" Sangzuala chuan a rawn ti sup.
.
"Eng mah...Ih englo..E..Kan thleng tawh a law?" Ka ti a,Amanda chuan fiah lo zet hian MC a kan awm tawh thu a lo sawi ve,Sangzuala erawh a hmel hmuh a nuam ta zan lo.A chhuak a,Kan nufa thutna lam chu a rawn hawng a,Amanda lah chuan rang fahran hian a lo ban a,An in pawm nghal nawl.
.
"Khawngaih in i khawvel hlui a tang khan chhuak rawh." Vin hoh silo a Sangzuala rawn phun sup chu ka melh a,Min melh lo in ka fanu zawk a lo nui leh daih tawh,Bolero a tang ka chhuak a,Kawngkhar chu a rawn nem khar leh a,A lock zui nghal.Min melh miah lo hian ka fanu pawm chung chuan a pen pawk pawk a,Ka dinna ngai a ding in ka thlir zui reng tawp.
.
'Nupa in ti thiamlo te pawh kan ang lek lek in ka hria.' Ka ngaihtuahna tul lo zet a vang chuan ka in sik zauh a,Hmanhmawh zet in an pahnih kalna lamah chuan ka pen zui ve nghal hlawk hlawk.

.
Ka va um phak meuh chuan ka thlan a sa phat mai,An ni pahnih lah chuan ka awm leh awmloh an ngaihtuah ve hmel der siloh, Amanda chuan a kal chakna lam a kawk a,Sangzuala chuan a hruai nghal zel,A pen a hlawk in a pum rua a lian bik si,an hnung ah ka kal hlawk hlawk hi a niber.
.
Sangzuala nu(Nu Puitei) thuamhnaw tur leh Pa Thana thuanhnaw tur kan enkual a,bawihtei leh sangzuala inpawm kual chuan mi mit an la ngang mai,A then in phone a thla lo laksak tawk lah an awm,Chhungkaw leng chhuak a maw mi ti tu lah an awm nawk bawk,Hahthlak zawk lutuk.
.
"Eng tin nge niang?" A rawn ti sup a,Kan thil lei ho chu hnunglam ah a dah lut a,Ka lak a tang bawihtei chu a la leh nghal vat.
.
"Ke a kal a awlsam zawk lo maw?" Ka ti a,Bazar bul ah eng a maw order siam a ngai,Bolero a kan kal a nih chuan traffic vang in kawnglak ah kan tang reng mai ang.
.
"Umm...A dik in ka hria.!" A ti sup a,A hmel tak run kha a kiam deuh tawh,Bawihtei chu a pawm a,An kal zet tawh, a rawn leh hawi a.
.
"I riltam in ka hria!" A rawn ti,Ka lo ner khum nawng ringawt,a rawn nui hawk a,Tunah chuan a pangai tak tak tawh.
.
"Ok..A tamloh chuan kal vat ang u..keichu ka riltam mah mah in ka hria." A ti a,A pen zui leh mai bawk a,An hnung ah chuan ka zui ve dat dat reng,Kawngpui kan kan dawn chuan ka ban rek ah a rawn vuan a,Ka tang nghal tun mai,A kut lehlam in ka fanu chum biang a pawm bawk,Ka kut a vawnna chu ngai pawimawh lo zet in hmalam a melh run a,Ni e..Enge ngawih pawimawh tur awm vak,Kei hi ka ngaihtuahna a dik thei miah lo.
.
Kawng kan kan fel rual chuan ranglutuk in ka kut chu ka pawt let,A thlah ve mai a,A hmel awmdan tak ngial pawh ka en ngam lo.
.
Order a siam zawh chuan thil eitur in ke bawk in kan kal leh a,Amanda lah in khawlai a kal chhuah vel chu nuam a ti ngang mai.A rawl a lian in thil a la sawi thiam em em bawk silo nen,Nuihna tur a tam hle bawk.
.
Bazar mipui zi deuh nuai nuai kar a tang chuan ka ban a rawn man chawt tu an awm,Ka hawi let vat a,Ka beisei lawk loh lutuk mihring ka hmuh a vangchuan ka dang nghal sawp sawp thei in ka ring,Ka ban a vawnna te chu a khur nghal dar dar thei.
.
"Rin...!" A rawn ti a,A ka a tang ka hming a lam ri ka hriat rual chuan kan hun liam tawh ah bawk ka kir leh lo thei lo.
.
"I...Tha em?" Bah niai hian ka tia,A bu nghut,A taksa lian leh hrisel hmeltak thin kha an lang cher dak a,Chu mai nilo in zu a in nasa tih hriat zet in a hnar a sen tawn.
.
"Nang i dam em?" A rawn ti a,Lalnunsanga hla thu 'a dai hlen ta emaw ka lo tih,Hmana ka hmangaihna che,An thamral ta emaw ka ti thin nun hlui ngaihawm zawngte,mahse i sakhmel ka tawn chang in kimten an lo thar leh thin.' Khang zawng zawng kha a tak ngei in ka hma chhawn.Lu ka bu a,Ka kut a vawnna chu ka melh leh zawk,Hre chhuak thut ang mai hian a thlah vat a,A kut chu a kekawr ipte ah a zen lut zui nghal zat,Hei pawh nun hlui a mi bawk,A zam chang a piang in a kut hi a kekawr ipte ah a zen lut thin.
.
Ka pasal hlui chanchin min hrilh loh hlau a phusa kualsek te hnen atang Kima chanchin hi ka hre nual,Duhlo teh mah i la,Ka khawlai kal min koh ding a,Rem lo chung chung pawh a min hrilh tal duh khawp a min duhsak tu te an awm nawk.Haha.
.
Cindy nen an innei a,A hma kan nupa in,Mi ten an zah theihna tur a uluk tak a ka lo enkawl thin in ngei kha pawisa khelhnan leh zu hmun sa hmun ah an siam a,Mi duk dak lo tak tak in fuan khawmnan an hmang tawh a,Kima leh Cindy pawh an harhfim mumal ngailo,Mipa dang leh hmeichhe dang vang in kut an in thlak reng a,Veng chung mi tam tak in an khawsa zia leh in a chungkai thi te awmdan chu an sawisel ta fo a ni awm a.
.
"Kha tah enge i lo tih?" Hmeichhe aw vin hlar ka hriat rual chuan rangtak in ka insiam rem a,Cindy hmeichhe changkang tak leh chhelo thei tak ni thin ngei mai kha a lo ni,Mahse tunah chuan,Amah lo hre thin sa lo tan chuan Cindy kha a ni tih a hriat lo,A sam chu a sen eng far a,Enkawl uluk tawk loh tih hriat zet in a ro bam bawk,A hmai no chek thin te kha a thim bal a,Awiawm loh khawp in a landan a danglam.
.
"Nang maw?" Min thamloh hmel zet hian a rawn ti hlak,Kima chuan tawng a tum zuau a,Mahse a mah aia che rang an rawn awm.
.
"Ka riltam a nia...Hman hmawh deuh ang." Ka kawng a rawn kuah pah in Sangzuala chuan a rawn ti sup a,Amanda kha a koki chhuan bawk,Ka thaw hap a,Kima ka hmuh mai vang in ka fanu ka lo mangnghil der a lawm.
.
Kima chu ka melh a,uluk tak maiin Sangzuala koki chunga thu,A fanu,Mahse min chuhbuai ngai dawn lo ti a a sawi ngei mai chu a melh tlawk tlawk. A hmelah chuan thiltam tak a rawn lang chhuak zut zut a,Amanda lah chuan hmelhriat loh ang in a en kiau thung.
.
"Kan kal mai ang.!" Ka ti a,Ka pangai ve tawh viau a maw ka ti,Mahse,Ka mipa hmangaih hmasa ber hmachhawn tur chuan ka lo la pangai tawk hauh lo.
.
"Amanda.." zawi sup a Kima phun ri chu ka hria,ka chaklo lai a hmuh leh ka hlau a vang in ka hnung chhawn vat a.
.
"Amanda..!" A ti leh sap.
.
"Kan kal tawh ang e.!" Sangzuala chuan ka kawngah a rawn kuah a,Nghet zet hian a lamah min hnung hnai zui nghal,Ka mittui vang in ka thilhhmuh a phe ruai a,Naute lem nunna neilo ang maiin Sangzuala'n min kuah kalna lam lam ah chuan ka kal ve hnelh hnelh.
.
'I va nep ve!' Mi ti em?
.
Min ti duh a nih chuan hmeichhe nep tak chu ka ni mai a niang chu,Mahse maw,Thinlung leh tihtak zet a i mipa hmangaih kha..kum hnih khat chhung lek in i theinghil thei biklo ang,Duat tak a kuah thin tu che khan natna nasa tak pawh pe che mahse, I hmangaihna a ta kha i vawm bo ngawt thei lo.In ngaizawng satliah kan nilo a,Nupa..Fanu hial min pe tu a ni miau a lawm.Nat tak leh tlawmtak a min siamtu a ni ngei a lawm!!Mahse ,A fanu hmel en chung a,A fanu a koh meuh kha chuan ka chaklo na ber hi hnehna ka chan tir hman thelh a nih kha.
.
"Bawihte..Mama tibuai lo hian keiman ka eitir ang che aw?" Sangzuala tawng ri leh ka fanu nui hak hak thawm te chuan pangaiin min siam zo lo,Ka thu ngawi ran a,Mihring nun hi a lo in thlak thawk thei tak zet! Kima khan kan innneih chhung zawng(Cindy nen an in kawp leh hma) khan zu a in ngailo,Zu rim ka hre ngai lo,Chu mai pawh nilo in tun ang hian a nun a tlachhe ngai lo.
.
"I duh chuan tap la?" Zawldawh tak a sangzuala rawn tawng ri chu ka hre zauh,A lam ka hawi a,A motor khal lai ah chiah rilru a pe tih hriat zet in hmalam a melh run,Steering chu hneh sawh zet in a her kual a,Amanda chu Motor hunna lam pana kan let leh lam in Sangzuala dar ah a muhil,Ka malchung ah ka pawm a,A thawri sak sak chu ka ngaithla a,A mi hmachhawn kha a pa a ni tih a hrelo.
.
"I la hmangaih tiraw?" Sangzuala a ni..Ka chhang lo,Kawngsir ah motor chu a ti ding a,Ka tawt up up,Tinge ka nun a tang hian ka vawm bo nal nal theih loh...Tinge? 
.
"Min en teh..?" A rawn ti a,Hma lam ka melh reng,Engmah sawi dun ka peih lo.
.
"Lalrinmawi...Min en rawh ka ti em?" Fiah khel khawl hian a rawn ti,Ka hming pum a min koh vawi khatna a nih mai bak ah,A tawngka chhuak kha a ngainat awm hauh loh. Teu hlar in peih at hian ka melh a,Mahse a mit meng a vang chuan ka zam chhe lo choh.
.
"I hmangaih hmeichhe dang nen i hmuh khan i na tiraw?" A raw ti a,A zawhna a vang chuan ka thinrim nghal tung,Min zawh ngailo in a hre vek,ka na mai nilo in a bul a tang bawk ka beih that leh a ngai dawn tih a hria.
.
"Ka hmeichhe hmangaih in mipa dang a hmangaih tlat tih ka hriat a ka natdan tur i hrethiam tawh em?" A rawn ti.A hmel ah chuan na a tuar tih ka hmu thei,Mahse a ni hian min duh tur a nilo,A nau ka ni,Chu mai bakah..Nuthlawi ka ni...A hrechiang lutuk.
.
"Duh tawk rawh..!" Ka ti hlak a,Hmalam ka melh nghal tlat.
.
"I hrethiam duhlo nge i hrethiam lo der zawk?" A ti leh a.
.
"I ngaihdan dan in i ngai thei ang." Ka ti a,A thaw chhuak hrawih.
.
"A tha e...I lo hriat loh tak in...Keihian ka hmangaih che." A rawn ti a,ka in hum ruh nasa lutuk.
.
Ngawi reng in minute 5 dawn kan awm,Hmalam ka melh tlat a,Sangzuala erawh in min en reng tih ka hria,Mahse a thusawi hi thil thleng ngailo tur a ni.
.
.
KHA mi ni a tang khan ka thei ang ang in Sangzuala pawh ka hlat,hma lam ka panna a tan a mi pawimawh tak a ni tih ka hria,Mahse, min endan leh ka laka a rilru putdan hi ka duhlo,A ni Doctor thiam tak leh tlangval in a,Kei nuthlawi leh fa pawm tawh leh nghal hi min duh tih midang in hre ngat se chuan ka chanchin sawi nuam an ti dawn lutuk..'ka kherh beh tlat anga sawi phet duh tu hlir an ni dawn tih ka hria.' Mahse,Kan in chu dan ngaite in a rawn chuangkai ziah a,Ka be lo a,Min be ngailo bawk,Amanda nen an inkawm a,Ka fanu lah hian a hmuh loh hlek lah in a ngai em em mai bawk si.
.
"Sangzuala kha champhai lam ah an sawn a,Naktuk hian a chho ang!" Ka nu in a rawn ti a,Min thawng lo ka tih chuan ka daw hle ang,Ka sawi kha kan in a rawn chuankai tum pawn ka be ngailo,A awm chhung chuan ka room lamah ka awn tlat thin.
.
"A chhungte an va lawm dawn ve!" Ka ti a,Champhai a doctor in daihloh zia leh an khua a doctor dah belh tur a sawrkar an nawrnasat zia pawh tv lamah kan hmu theuh in ka ring.
.
"Enge in pahnih awm zia hi ni a?" Ka nu chuan a rawn ti phawng.
.
"Eng tin nge kan awm vak a.?" Ka ti a,A thusawi awmzia hrethiam vek mah i la,Ka hrethiam lo lui ve tlat.

.
"Aw...Hei kum chanve dawn in inbe mumal tawh lo,A rawn len lah in room ah i tawmbo san tlat a,Amanda lah hian a ngai teh maisia,A awmbo daih chuan i fanu hi a lainat awm ngawt ang." A ti ta duah,Ka nu sawi hi a dik reng,Amanda hian Sangzuala hi a ngaina mai a nilo,a hmuhlo rei deuh chuan a sawi ve sek a, A rawn len hun a a rawn lan lawk loh te hian phone hial a ngen thin.
.
"Ngai ah a nei vat mai ang."ka ti a,Mahse ka thusawi chu keingei pawh hian ka awilo,Amanda hi Kima ang chiah a rilru lian leh duhzawng pe na zet mai a ni,Mahse ka tum a nga,a hre reng bik lo ang.
.
ZAN a Sangzuala rawn kal hun awm ah chuan room ah ka lut a, khum ah ka mu hnak, kei ngei pawhhian ka ngai reuh ngawt ang, pasal ka neih hma a tang daih tawh a in hria leh innel tawh kan ni a, Hmeichhia hi a ngaihsak lo hrimhrim, zar buai tu leh nu leh pa zawk in a an in lam a lengtur hial a sawm tu lah angah..Mahse tumah a uksak lo, pasal ka neihtirh khan mak a ti ve thlawt a niang, ka u bul ah hian " Matei chu pasal a neih ngam ka lo la ring miah lo...ka tlai hrat a ni maw?"fiamthuti tak deuh hian a lo ti zoh tawh.
.
Ka ngaihtuah a ka awm neuh neuh laichuan door bell a rawn ri a, ka thaw chhuak hap, kan in kawp lo chung pawh hian mi tam tak ti ti titam tu kantling tawk em em a,ka lak ah a rilru putdan hi hre hlawm ngat phei sechuan veng chhungah hian kan chanchin bak an sawi lo tawp ang tih ka chiang.
.
"Mambawih...Kima a rawn kal.." ka nu thu rawn sawi a vangchuan ka thuchhuak zawk! Amanda ka ngaihtuah hmasa ber, an khan thil thalo rawn tih a tum tihna a mi?
.
Rang lutuk in room ka chhuah san a, mahse ka beisei loh zet ka hmuh a vangchuan ka inbeng dai nghal vat a.Kima chu sofa ah a thu a, a ep chiah a Tom & jerry en chung a Amanda thu awn diaichu mit tla lo lek in a melh reng.Ka nu chuan min lo mit mei vat a.
.
" Enge i lo tih dawn?" Ka ti a, a fa nu lak atang a mit la sawn inchiang zet in min rawn en, maktak maiin ka danglam tawh miah lo a nih chu!
.
"A..englo.. Amanda hi ka hmu chak a." A ti sup a, Amanda ve lah chuan a hning kan lam rik chu hrethiam ve ang hrimhian a rawn hawi vat a, mahse athil en lai in a rilru a hneh ngang a niang,Tv lam bawk a melh leh a.
.
" A nih chu..." ka ti, sawitur ka hre mai lo, ka nu lah ka neilo ang hmak in a lo ngawi reng a, Kima rawn kal pawh hi a lawm tehchiamlo tih kahria, tu nu in nge a rilarah fanu natak natna siamsak tu chu lo lawm ngawt thei angni.
.
Kan ngawih thap lai chuan kawngkhar a rawn ri a,Sangzuala a rawn pen lut nghal,Zan dang ang bawk in Amanda ei tur a rawn khai lut a,Amanda lah chuan a tv en kalsan meuh in Sangzuala rawn lut a hmuh rual chuan lam ah a tlan tang tang a,a ri chul bawk.
.
"Enge i lo tih a?" Amanda pawm kang pah chuan Sangzuala chuan a ti a,Amanda lah chuan Tv a kawk va va,Kima chu a hmulo ti dawn i la,Sofa a patling thu run hmuh loh thu a awm lo,Mahse a melh miah lo.
.
Kima chuan a fanu leh sangzuala in chhaih vel chu amelh reng a,A hmela natna leh tawrhna chu ka hmuh sak thei.
.
"I fanu vang tal hian hetiang hian awm lul suh!" Ti a ka ngen ngawih ngawih lai khan min chhuah tir lui lo se chuan a fanu nen hian hlimtak in an in fiam ve thei ni mai tur.
.
"A putea room ah kal ang aw." Sangzuala bawk chuan a ti a,Ka u pindan lamah luh pui nghal daih,ka nu pawh chuan chhuanlam siam in min kal chhuahsan a,Tunah chuan Kima nen chiah kan i tawh.
.
"Cindy a dam maw?" Ka ti a,Nghet lo zet hian a ep sofa ah chuan ka thuthla.A bu nghut a,Tun a nuamlo ka tih chhan hi Kima vang a nilo tih ka hria,Sangzuala ka ngaihtuah vang tih a a mi?
.
"Rin... Dil ngam tur che ka nilo tih ka hria.!" A aw chu a ri chang chang,A tham tuak bawk. "MAHSE..ka bula a lo let leh tur in ka duh che a ni.!" A ti a,Ka hriatsual a nih ring in chiang ren rawn in ka melh,Thutak zet hian min melh ve reng.
.
"A theih lo tih i hria a lawm?" Ka ti a,A hmel a dang lam nghal dawr,Lu a rawn thing zoh a.
.
"Min hmangaih kha... chu vang chuan hun tha min pe leh hram rawh." A ti leh a,Mahni inring tawk tak ang in tawng chhuah a tum tih ka hria,Mahse aw khur chu ka hre chiang viau.
.
"Ka hmangaih thin zawk che a lawm..!" Ka ti sap,Ni e..Ka hmangaih thin..Chu chu ka hunkal tawh a thil thleng a ni...Tunah chuan hmalam ka pan zel tawh zawk dawn.
.
"Hriat pawlh lo la ka duh,ka hmangaih thin che,Chu chu kan hun kal tawh a thil thleng a ni,Tun ah hi chuan ka hmangaih tawh lo che." Ka ti a,Chu thu ka sawi chhuah rual chuan ka veng nghal hawk thei.
.
.
Ka nun ah Kima emaw,Sangzuala emaw an rawn lang tawh lo,Kan nufa in kan in awm chawt a,Amanda pawn sangzuala sawi ngun viau mahse,a rilru lakpen sak dan kawng ka zawng reng a,Wadi ah te kal in hun ka hman pui ve,Kima thung kha chu a che chhe tawlh tawlh,Rui lungpuam in kan in rawn pan a,Ngaihdam mi dil chiam a rawn ching thin,Amanda lakah hian sawi tur hi ka van thin a sin.

.
"MAMa..Hei hi tu nge a?"tiin min zawt ziah a,Chhanna pekdan tur ka hre thilo.
.
.
"Mama..Tinge Nono-i ang sawn pa ka neih ve loh a?" A rawn ti,Khumah kan mu a,Nono-i chu kan thenawm a a rualpui hmeichhe naupang awm ve kha.
.
"Nono-i pa ang saw ka duh ve!" A ti leh sep a,Ka thin chhung hi a na nghal ngut ngut thei,Nupa inthen chu fate hian an tuar ber thin ti a an sawi thin ngei kha ka fanu hian a tawng chho zel dawn chu a nih hmel! Chhan dantur ka hriat loh a vang in ka phone chu pe in games ka khelh tir ta ngawt a,Amah pawh chuan a hre zui lo tih hriat zet in phone a Angela chu a be nghal zat zat,Tun tum chu ka him phawt..Mahse..Min zawh leh hun ah eng chhanna nge ka pek ang,eng thil hmang in nge a rilru ka lakpen sak leh ang.
.
.
Khawpui a ri dur dur a,ka nu leh ka u in dawr an nghak,Ka pa pawh office lamah a la awm,Bawihtei ka bual a,A sam pial than in ka khuih sak,Nimin lamah Nono-i pa kha,Apa a lo ti ve a,Nono-i naupang rilru la a ve tho lah khan I pa a ni ve lo a lo ti khauh pek a,Bawihtei chuan zak tih hriat deuh hian a kut tang a ka chhungah a dah lut a,An piah a tang ka lo hmufuh kher bawk si,Ka fanu,Pa neilo zak tak a ding vang khan a nu zawk hi ka lo tap chhuak lo choh.
.
Tukver in hawng lam chu a pan a,Sofa ah a ding kang,Bar kan vuah vek a vang in tlak a hlauhawm loh.Khaw rawn dur phei khup khup lam chu thlir in a ngawi vung vung a,Tukverh va kharsak ka tum lai chu hnuk ding chawt tu awm ang mai hian ka ding chawt.
.
"Apa...Lo haw thuai thuai,Tlangah ruahpui a sur e,sakhi lam peng rawn zawh la lo haw thuai thuai ang che."Amanda chuan ring leng lawng in a rawn sa nih chu..Wadi ah an zir a,Mahse a sa tha ve duh ngailo.
.
"Bawihte..!" Ka ti a,Ka mal ka tham nghal tawk.
.
"MAMA..Nono-i chuan kha mi hla a sak kha apa a lo haw zel thin a ti a sin." A rawn ti,Ka hmui ka hup a,Ka tawt up up thei.
.
"Ka papa tur hi a lo haw ve tawh dawn em?" A ti leh sep,A tawngkam tin chuan min chhun sawk sawk hi a ni mai.
.
"Bawihte... " sawitur ka hrelo,Ka pan hnai deuh a.Mahse chak zet a min rawn kalpel tu a vang chuan ka ding chawt a,Ka fanu hlim khek ri in a zawm nghal.
.
"Sangzual..!" Ka ti a,Ka fanu chu nghet zet in a kuah,Min melh zawk a,A mit chu a hnawm chap,Kan nufa kha min lo hmu reng zawk tihna a mi?
.
"Mama..Nono-i ang khan hla ka sa a,Apa a lo haw tak tak.!" Amanda in a rawn ti,Ka tah nui nghal hawk,Sangzuala pawh kei ang tho.
.
"Ka hlasak kha i lo hria a mi?" Amanda chuan sangzuala khabe hmul to siar khawihsak pah chuan a ti a,tiang khawp hian a nimaw ka fanu hian pa a lo awh!
.
"Um...Ka hriat vang a lawm ka rawn tlan vang vang." Pakhat lah chuan a lo ti sam et.
.
"Mama..Nono-i ang in pa ka nei tawh tiraw?" A rawn ti leh...Ka hmui ka pet a,Sangzuala chuan ngenngawl zet in min rawn melh.
.
"Khawngaih in!" A rawn phun supa.
.
"Umm...Nono-i ang in pa i nei tawh...I hlim tawh em?"ka ti a.Sangzuala leh Amanda chu an nui dun hak hak.mit tui kar a tang ka nui ve a.Ka fanu hian nu a mamawh ang bawk in pa a mamawh.
.
"Ka lawm e." A ti sup a,An pahnih chuan an rawn ding chhuak,Amanda lah chuan sangzuala nghawng ah chuan a kuah tai a.
.
"Min ring ngam tiraw?" A rawn ti leh sup,He mipa hi ka phulo,Kei nuthlawi mai mai nilo hian hmeichhe dang buaipui zawk tur a ni a sin.
.
"Ka ring che a lawm!" Ka ti a,dimte hian ka chalah a rawn fawp.Bawihtei lah za zet hian a lo nui hawk hawk a.
.
A tawp tawh tak tak.
.
PATHIAN in rem a tih a,Ka mit in hma a sawn zel chuan 'OMEGA session2 ' emaw 'BITE ME' .khawi a maw zawk zawk nen kar leh lamah kan in hmu vek dawn nia u..Mahse ka mit vang hian ka tum ang in ka awm thei lo ang tih erawh ka hlau viau.